Tibetan
རྣལ་འབྱོར་གྱི་དབང་ཕྱུག་ལཱུ་ཨི་པའི་ལུགས་ཀྱི་བཅོམ་ལྡན་འདས་འཁོར་ལོ་སྡོམ་པའི་སྒྲུབ་པའི་ཐབས་བདེ་ཆེན་གསལ་བ། རྣལ་འབྱོར་གྱི་དབང་ཕྱུག་ལཱུ་ཨི་པའི་ལུགས་ཀྱི་བཅོམ་ལྡན་འདས་འཁོར་ལོ་སྡོམ་པའི་སྒྲུབ་པའི་ཐབས་བདེ་ཆེན་གསལ་བ། རྣལ་འབྱོར་གྱི་དབང་ཕྱུག་ལཱུ་ཨི་པའི་ལུགས་ཀྱི་བཅོམ་ལྡན་འདས་འཁོར་ལོ་སྡོམ་པའི་སྒྲུབ་པའི་ཐབས་བདེ་ཆེན་གསལ་བ་ཞེས་བྱ་བ་ཞུགས་སོ། ། རྣལ་འབྱོར་གྱི་དབང་ཕྱུག་ལཱུ་ཨི་པའི་ལུགས་ཀྱི་བཅོམ་ལྡན་འདས་འཁོར་ལོ་སྡོམ་པའི་སྒྲུབ་པའི་ཐབས་བདེ་ཆེན་གསལ་བ་ཞེས་བྱ་བ། བླ་མ་དང་རྗེ་བཙུན་འཇམ་པའི་དབྱངས་ཀྱི་ཞབས་ལ་གུས་པས་ཕྱག་འཚལ་ལོ། །དམ་ཚིག་རྡོ་རྗེ་གསུམ་དང་ཡེ་ཤེས་ཀྱི། །རིགས་མཆོག་ལྔ་ཡི་འཁོར་ལོའི་དཀྱིལ་འཁོར་པ། །བདེ་ཆེན་ལྷན་སྐྱེས་གཅིག་པུར་སྡོམ་མཛད་པ། །ཧེ་རུ་ཀ་དཔལ་ཡབ་ཡུམ་ལ་ཕྱག་འཚལ། །ལམ་འདིར་བདེ་བ་མཆོག་གིས་བགྲོད་དགོས་ཕྱིར། །རབ་མཛེས་ཨིནྡྲ་ནཱི་ལའི་རི་བོ་ལ། །ཡིད་འཛིན་མཚམས་སྤྲིན་གཞོན་ནུས་འཁྱུད་པ་བཞིན། །གཉིས་མེད་སྦྱར་བའི་དགའ་བས་རྣལ་རོལ་བ། །དཔལ་ལྡན་བླ་མ་བདེ་མཆོག་ལ་བཏུད་ནས། །གྲུབ་པའི་དབང་ཕྱུག་ལཱུ་ཨི་པ་ཡི་ལུགས། །ལྭ་པའི་ན་བཟའ་ ཅན་གྱིས་བཀྲལ་བ་བཞིན། །མ་ནོར་མ་འདྲེས་གསལ་བར་བཤད་པར་བྱ། །འདིར་རྣལ་འབྱོར་གྱི་དབང་ཕྱུག་ལཱུ་ཨི་པའི་ལུགས་ཀྱི་འཁོར་ལོ་བདེ་མཆོག་གི་སྒྲུབ་ཐབས་སྒོམ་པ་ལ་གཉིས། ལམ་སྒོམ་པའི་རིམ་པ་དངོས་དང༌། དེ་ལྟར་བསྒོམས་པའི་ཕན་ཡོན་ནོ། །དང་པོ་ལ་གསུམ། གང་གིས་སྒོམ་པའི་རྟེན། གང་དུ་སྒོམ་པའི་གནས། ཇི་ལྟར་དུ་སྒོམ་པའི་ཚུལ་ལོ། །དང་པོ་ནི། སྔགས་དང་ཕར་ཕྱིན་གྱི་ཐེག་པ་གཉིས་ཐུན་མོང་བའི་ལམ་གྱི་རིམ་པས་རྒྱུད་སྦྱངས་ཤིང༌། འདིའི་དཀྱིལ་འཁོར་དུ་དབང་བསྐུར་བ་ལེགས་པར་ཐོབ་ལ། དེའི་དུས་སུ་ཁས་བླངས་པའི་དམ་ཚིག་དང་སྡོམ་པ་ཚུལ་བཞིན་དུ་བསྲུང་བ་ལ་བརྩོན་པའི་མཚན་ཉིད་དང་ལྡན་པས་བསྒོམ་པར་བྱའོ། །གཉིས་པ་ནི། རང་གི་ཁྱིམ་མམ་རི་སུལ་ལ་སོགས་པའི་གནས་ ཡིད་དུ་འོང་བ། རྣལ་འབྱོར་དང་རྗེས་སུ་མཐུན་པའི་གནས་ཀྱི་སྒྲུབ་ཁང་བདུད་རྩི་ལྔས་བྱུགས་ཤིང༌། མེ་ཏོག་གཅལ་དུ་བཀྲམ་པར་བཅོམ་ལྡན་འདས་ཀྱི་བྲིས་སྐུ་དཀྲམ་པ་དང༌། རྡོར་དྲིལ་ལ་སོགས་པ་ཚོགས་པའི་གནས་སུ་བསྒོམ་མོ། །གསུམ་པ་ལ་གཉིས། ཐུན་གྱི་ངོ་བོ་ལ་ཇི་ལྟར་བྱ་བ་དང༌། ཐུན་སྔ་ཕྱིའི་བར་དང་ཐུན་གཞན་ཇི་ལྟར་བྱ་བའོ། །དང་པོ་ལ་གསུམ། ཐུན་གྱི་འགོར་ཇི་ལྟར་བྱ་བ་དང༌། ཐུན་གྱི་དངོས
Chinese
瑜伽自在者鲁伊巴派系的薄伽梵胜乐轮的修法，名为《大乐光明》。
English
A method of accomplishment of the Bhagavan Chakrasamvara according to the system of the Yogin Luipa, called 'The Clear Light of Great Bliss'.