Tibetan
སྤྲིན་ནག་པོས་མ་བསྒྲིབ་ན དོན་ཉམས་ལེན་ངང་པའི་གྲོང་ཁྱེར་ལ། བདེ་དྲོད་ཆེན་པད་ཚལ་སླར་ཡང་རྒྱས ཁྱོད་གདུལ་བྱ་དུས་ལ་བབ་དུས་འདིར མ་མཁའ་འགྲོ་དགྱེས་པའི་གད་མོ་ཐོན མི་འགའ་ཞིག་རྒྱལ་བའི་རྒྱལ་སར་སླེབམི་འགའ་རེས་རྒྱལ་སྲས་ཐུ་བོ་བྱེད མི་འགའ་རེས་འཁོར་བ་མཐའ་ཅན་བྱེད། མི་ལ་ལས་དམ་སྡོམ་ཁྲིམས་བཤིག་ཀྱང་༈ མནར་མེད་པའི་གྲོང་ཁྱེར་ཚོང་དུས་འགྲིམ། མཐར་བཀོད་པ་ལྷུན་གྲུབ་གནས་སུ་སླེབ། གནས་ཉེར་བཞི་ཡུལ་ཆེན་སོ་གཉིས་ཀྱི། ལྷ་དཔའ་བོ་མཁའ་འགྲོ་འདིར་འདུས་པའི བསྒྲུབ་བྱས་ཚད་ཚེ་འདིར་ཐར་ལམ་ཐོབ ཤར་གངས་རིའི་བཞིན་མདངས་རྒྱས་པ་དེ ལྷོའི་སྒྲ་བརྒྱས་གད་མོ་བཞད་པས་འདར། སྟེང་ལྷ་ལམ་རྟ་བདུན་རླབས་ཤུགས་ཀྱིས་ཆུ་ཆེན་པོ་ཕྱོགས་བཞིར་འབབས་པ་ཡི༈ སྐོམ་གྱིས་གདུང་ཕྱོགས་ཀྱི་མགྲོན་པོས་བཏུང་༈ ལྷ་གཙུག་ན་ཟླ་བའི་བེར་མདངས་ཀྱིས། མི་འདོད་ལྡན་བདེ་བའི་རོ་ལ་མྱང་༈ཡང་གནོད་སྦྱིན་དམར་པོའི་དྲག་ཤུལ་གྱིསགདོན་གསུམ་གྱི་དཔལ་རྩལ་བསྐུང་ལ་ལྟོས༈ གནམ་དབང་བྱེད་ཉི་ཟླའི་ཁ་ཟས་ཅན། ཁས་དུག་མདའ་ཞིང་བཅུའི་ཡུལ་ལ་འཕེན། དེ་མགོ་འཕང་གནོན་ཡང་ལྟད་མོ་ཡོད མ་དབྱིངས་ཀྱི་རྗེ་མོའི་རྩེད་མོ་ཡིས༈ ཡུལ་བྱིས་པའི་གྲོང་ཁྱེར་ནར་སོན་བྱེད དཔལ་རྡོ་རྗེ་སེམས་དཔའི་བསྒྲུབ་མཆོད་ཀྱིས མི་ཉམས་པ་ཅན་གྱི་དྲི་མ་འཁྲུད དེའི་རླབས་ཀྱིས་རྗེ་ཁམས་འགའ་ཞིག་གི༈ འབྱོར་རྒུད་པ་གསོ་ལ་ལྟད་མོ་ཡོད ལྷ་རྡོ་རྗེ་ཕུར་པའི་གར་ཉམས་ཀྱིས། ཨོཾཿ བདུད་དམ་སྲིའི་གློ་སྙིང་ཚལ་པར་གཏོང་༈ བརྡ་གོའམ་སྐལ་བཟང་སྐྱེས་བུ་རྣམས༈ དེ་གོ་ན་མཁོ་བའི་ཡོ་བྱད་ཡིན༈དེ་གོ་མཁན་དབང་པོ་ཟུམ་པ་ནཊ ད བ ཡུལ་ཡངས་པ་ཅན་དུ་ཨ་ཐང་ཆད ཅེས་ཟེར་ཡལ། བདུད་འཇོམས་པས་སོ། །། ལུང་387གཉིས་སོ།བྱང་T11614 - 391 T11614 - 392 ཨོཾ༔ བླ་མའི་བཀའ་ཕྱིར་རྟེན་འབྲེལ་བརྟགས་པའི་མོད༈ མཁའ་འགྲོ་སེར་མོ་དོན་གྲུབ་མས། ཤར་མེ་འོད་བརྒྱ་པ་མུན་དགུང་དུས། ཁྱིམ་མདའ་ཡི་གྲངས རྫོགས་ལྷོ་ནུབ་ཏུ་ངེད་དྷུ་མ་ཐ་ལའི་མ་སྲིང་ནས། ཟས་ག་ཎའི་བདེ་ཆེན་ཚོགས་སུ་སྟོབ། ཁྱིམ་རོ་ལ་ཟ་བའི་ནམ་མཁའ་ལྡིང་༈ ནུབ་ཆུ་བདག་རྒྱལ་པོའི་སྒོ་འགྲམ་དུ། སླེབ་ཙམ་ནས་འཇའ་སྤྲིན་རི་བཀྲ་ཡལ ཨེ་ཨེ་མ ཀློང་ཆེན་ཨ་མའི་མཁའ་གནས་ན་ཟིམ་པའི་བུ་ཆུང་ལྔ རྣམ་པར་རྟོག་པའི་འཁྲུལ་འཁོར་གཟུང་འཛིན་དུ་ཨི་གོ༈ ཉམས་དང་རྨི་ལམ་ཡུལ་གནས་སྔར་འདྲིས་ཀྱི་གཟུགས་ཅན༈ཐམས་ཅད་སྔ་ནུབ་ཕྱི་འབྱུང་སེམས་ཀྱི་ཆོ་འཕྲུལ་དུ་ཨི་གོ༈ བཤེས་གཉེན་གྲོགས་ཀྱིས་བོར་བའི་རྒྱུས་མེད་ཀྱི་ཐང་དུ༔རབ་འཇིགས་གཟུགས་སྒྲ་མཐོང་ན་གཟུང་འཛིན་རང་གྲོལ་དུ་ཨི་གདའ། གཞི་དབྱིངས་ཁྱབ་བརྡལ་འཁོར་འདས་ཡོངས་རྫོགས་སུ་ཡེ་ཡིན༈ ཕྱི་ནང་བར་གསུམ་འདྲེས་ནས་ཀ་དག་ཀློང་ཡངས་སུ་སངས་ན། བསྒྲོད་ཚོལ་མེད་པའི་སྟོན་འཁོར་ཕུན་སུམ་ཚོགས་པ་དེ་ཨི་གོ༈ གཟུང་འཛིན་བདེན་གྲུབ་སྐུ་དང་ཞིང་ཁམས་འདི་ཀ་ནི་མཚང་བླུན། རང་རིག་རང་སོར་སད་ནས་རང་སར་འཕོས་པ་དེ་ཨི་ གོ ངེད་ཅག་ཡེ་ཤེས་མཁའ་འགྲོའི་སྙིང་ཁྲག་རྒྱང་གླུ་རུ་གྱེར་བ། དད་དམ་ལྡན་པ་བུ་ཆུང་ལ་མཆོག་གི་དངོས་གྲུབ་ནུ་ཞོ་བསྣུན་ཡོད། ཅེས་ཟེར་ཞིང་མི་སྣང་བར་ཡལ་ལོ༈ བདུད་འཇོམས་ཟབ་གཏེར་390 TI1614 - 394 ཨོཾཿ མཁའ་འགྲོ་ཡེ་ཤེས་ཉི་མའི་ཞལ་ནས༔ སྒོ་གསུམ་དགེ་བར་བཅོས་ལ་སོ་ཐར་འདུ༔ མ་དག་ཉེས་སྤྱོད་སྡོམ་ལ་འདུལ་ཁྲིམས་འདུ༔ གཞན་ཕན་གཞི་བཅས བསྒྲུབ་ལ་བྱང་སེམས་འདུ༔ གནོད་པ་གཞི་བཅས་སྤང་ལ་བྱང་སྡོམ་འདུ༔ བླ་མ་མིག་བཞིན་བསྙེན་ལ་གསང་སྔགས་འདུ༔ ཚེ་གཅིག་སྙིང་པོར་གཞོལ་ལ་དམ་ཚིག་འདུ༔ སྒོ་གསུམ་རྡོ་རྗེར་ཤེས་ན་མ་ཧཱ་འདུ༔ རྒྱུ་གསུམ་འབྲས་བུར་སྦྱོར་ལ་ཨ་ནུ་འདུ༔ གནས་ལུགས་རང་ཞལ་མཇལ་ལ་ཨ་ཏི་འདུ༔ རང་ངོ་ཀ་ནས་དག་པ་གཞི་ཡི་ཆོས༔ ཤེས་རབ་རང་བྱུང་གསལ་བ་ལམ་གྱི་ཆོས༔ འཁོར་འདས་དག་མཉམ་རོལ་པ་འབྲས་བུའི་ཆོས༔ རང་རིག་རང་ཞལ་མཇལ་བ་ལྟ་བའི་ཀློང་༔ ངང་ལས་མི་འདའ་རང་གསལ་བསྒོམ་པའི་ཀློང་༔ འབད་རྩོལ་བྱ་བཏང་ཀློང་སྦྱོར་སྤྱོད་པའི་ཀློང་༔ ཆོས་ཀུན་མདོར་བསྡུས་མཁའ་འགྲོའི་སྙིང་ཁྲག་དངོས༔ གཅེས་པའི་བུ་ལ་རླངས་པ་ཐ་ལེར་སྦྱིན༔ ཅེས་ཟེར་ནས་ཡལ༔ བདུད་འཇོམས་རྡོ་རྗེ་ཁྲོ་ལོད་རྩལ་གྱིས་བགྱིས་པའོ། T11614 - 396 ༄༅། །ཉམས་སྣང་ལ་གྲུབ་ཆེན་ནམ་མཁའི་སྙིང་པོས་ཞལ་གཟིགས་ཏེ་ཞལ་གདམས་འགའ་ཞིག་གསུངས་ནས་མཐར་མཐིང་གི་མེ་ལོང་ཞིག་ཏུ་གྱུར་ཏེ། མཐིང་གི་མེ་ལོང་བཀྲ་བ་ང་། །ཀུན་བཟང་དགོངས་པའི་ཀློང་མཛོད་ཡིན །ནམ་མཁའ་སྒོ་འབྱེད་ཀྱི་ལྡེ་མིག་འདི། །སྐལ་མེད་རྣམས་ལ་སྐལ་བ་མེད། །སྐལ་བཟང་སྐྱེས་བུའི་སྤྱོད་ཡུལ་ཡིན། འོད་གསལ་ཆེན་པོའི་ཀློང་སྒྲོམ་འདི། །གང་སྤྱོད་རྒྱལ་ཀུན་སྲས་གཅིག་ཡིན། །མི་ཁྱོད་ལས་གཞན་ལ་མི་ཐོབ་མོད །ཆོས་ཉིད་མངོན་སུམ་གྱི་སྣང་བ་འདི །ལྐུགས་པ་ཆང་གིས་མྱོས་པ་བཞིན། །སྨྲ་བསམ་ཀྱང་བརྗོད་དུ་མེད་པ་ཡིན །བུམ་དབང་གིས་ལུས་འདི་སྨིན་པ་ཡིན། །ལུས་འགུལ་བསྐྱོད་གང་ཡང་མི་མོས་པ། །ལུས་རྩ་ཁམས་གནས་སུ་དག་པ་ཐོབ། །གསང་དབང་གི་ནུས་པ་ངག་ལ་ཞུགས། །ངག་སྨྲ་བརྗོད་གང་ཡང་མི་བརྩོན་པ། །རླུང་ཁམས་གནས་སུ་དག་པ་ཐོབ། །ཤེར་དབང་གི་ནུས་པ་སེམས་ལ་ཞུགས། །སེམས་རིག་པ་རང་ངོར་སངས ནས་འདུག །ནམ་མཁའ་གནས་སུ་དག་པ་ཐོབ། །ཡིད་དཔྱོད་མུན་པ་མགོ་སྐོར་འདི །བྱད་ལོང་ནམ་མཁའི་མཐའ་ཚོལ་དང་། །མུན་སྒོམ་གོལ་སྒྲིབ་ཀྱི་བཞི་མདོ་གཉིས །ལམ་འདི་ཡི TI1614 - 397 ཕྱོགས་ཙམ་མཐོང་བ་མིན། །ལམ་འདི་ལ་དང་པོ་འབྲེལ་འཇོག་གི །མཉམ་བཞག་དང་པོ་བྱེད་ཙམ་ནས། །སངས་རྒྱས་གཅིག་ཅར་དུ་འགྲུབ་པ་ཡིན །བླུན་པོ་མགོ་ཟླུམ་བསམ་གཏན གྱིས། །སངས་རྒྱས་ཐོབ་པ་རུས་སྦལ་སྤུ །མུན་སྒོམ་ལྐོག་གྱུར་མ་ཡིན་གྱིས །སངས་རྒྱས་ལག་འཆང་གི་གདམས་ངག་ཡིན། །ལོ་གསུམ་གཞན་དུ་མ་ཡེངས་པར། །འོད་གསལ་ལ་བརྟེན་རྣལ་འབྱོར་པ། །མ་རུང་གདོལ་པ་ཡིན་ཀྱང་རུང་། །དབང་པོ་རྣོ་རྟུལ་གང་ཡིན་ཀྱང་། །ཆོས་ཟད་བློ་འདས་ཆེན་པོ་རུ། །གཞོན་ནུ་བུམ་སྐུར་མངོན་སངས་རྒྱས །ཧོ་ཁྱེའུ་ཆུང་བསམ་དུ་མེད་པ །ཁྱེད་གཡོ་མེད་མོས་གུས་དྲག་པོས། །ཟླ་བ་དྲུག་ཏུ་བསྒོམ་ན། །ཉམས་ཀྱི་འཕེལ་ཆ་ཟད་ནས། །ཆོས་ཟད་བློ་འདས་ཆེན་པོར། །མི་རིང་གཅིག་ཆར་གྲོལ་འོང་། སྐྱེ་བ་དུ་མར་སྦྱངས་པའི། །འབྲས་བུ་མངོན་དུ་གྱུར་ཏེ། །འཇའ་ལུས་འཕོ་ཆེན་ཐོབ་འོང་། །ཉམས་འདིའི་འཕེལ་འགྲིབ་ཐམས་ཅད། །རང་བྱུང་ངང་འགྲིབ་བསྐྱལ་ན། །འདི་ནས་ལོ་གསུམ་འདིའི་མཚམས། །གཟུགས་སྐུ་ཆོས་དབྱིངས་ཀློང་བསྡུ །ལི་ཡུལ་གདུལ་བྱ་དུས་བབ། །ཛྙཱ་ནའི་མིང་གི་མུ་ཏྲ། །པོ་ཊ་ལ་རུ་སླེབ་ནས། །ལི་ཡུལ་ཆུ་ཤོད་ཚལ་དུ། །ཆོས་ཀྱི་TI1614 - 398 ༄༅། །བདག་པོར་སྤྲུལ་འོངས། །ཨ་ཨ་རིག་པའི་ཡེ་ཤེས། །གང་ལ་རྩོལ་བསྒྲུབ་མི་དགོས །རང་ལ་ཡོད་པའི་སངས་རྒྱས། །སངས་རྒྱས་གཞན་དུ་མ་ཚོལ། དཀའ་སྤྱད་སྙིང་རུས་མི་དགོས །རང་སར་ཞོག་དང་དེ་ཡིན །ཁྱེའུ་ཆུང་བསམ་མེད་བྱ་བ། །འཁོར་བའི་སྐྱོན་གྱིས་མ་གོས །ཇི་ལྟར་མེ་ཏོག་པདྨ། །འདམ་གྱི་ཁྲོད་དུ་སྐྱེས་ཀྱང་། འདམ་གྱི་སྐྱོན་གྱིས་མ་གོས །ཁྱེའུ་ཆུང་བསམ་མེད་ཁྱོད་ཀྱང་། །ཉོན་མོངས་ཁྲོད་དུ་སྨིན་ཡང་། །འཁོར་བའི་སྐྱོན་གྱིས་མ་གོས། །ཇི་ལྟར་དབྱིངས་ཀྱི་ནམ་མཁའ། །འབྱུང་ལྔ་ལྷན་གཅིག་བསྡུས་ཀྱང་། །འབྱུང་ལྔའི་སྐྱོན་གྱིས་མ་གོས། །དེ་བཞིན་ཁྱེའུ་ཆུང་ཁྱོད་ཀྱང་། །དུག་ལྔའི་ཁྲོད་དུ་སྨིན་ཡང་། །དུག་ལྔའི་སྐྱོན་གྱིས་མ་གོས། །ཁྱེའུ་ཆུང་བསམ་མེད་ཁྱོད་ཀྱིས།། ངོ་བོ་རང་བཞིན་བཅས་པ། །མཐིང་གི་མེ་ལོང་ངའོ། །ཨཱཿ དཀར་ནང་གསལ་ཆེན་པོ། །ཐུགས་རྗེའི་ཟེར་དང་ལྡན་པའི། །བརྩེ་ཆེན་ཟེར་གྱི་མདའ་མོ། །གདུལ་བྱའི་སྙིང་ལ་བབ་པས།། ཁྱོད་འཁོར་ཞལ་གྱིས་ཟིན་ཚད། །ཁྱོད་དང་གཉིས་མེད་གྲོལ་བ། །ཁུ་རླངས་རླུང་སྤྲིན་གསུམ་པོ། །ནམ་མཁའི་ངང་དུ་ཐིམ་བཞིན། །དེ་བཞིན་གཉིས་མེད་ཀློང་གྲོལ། །མེ་ལོང་ཨཱཿཡིག T11614 - 399 ཁྱེའུ་ཆུང་། །གཉིས་མེད་རོ་གཅིག་གྱུར་ནས། །ཆོས་སྐུའི་དགོངས་པར་རྒྱ་ཡན། །ཞེས་གསུངས་སོ། །བདུད་འཇོམས་པས་སོ།། བདུད་འཇོམས་ཟབ་གཏེར་396 T11614 - 400 T11614 - 400 ༄༅། །བྱི་བའི་ལོ་གསར་ཟླ་བའི་ཚེས་གཅིག་ནུབ་མོ་རྨི་ལམ་སྒྱུ་མའི་སྣང་ཆ་ལ། མཁར་ཤིན་ཏུ་མཐོ་བ་བ་གམ་གནམ་དུ་སྙེགས་པ་ཞིག་གི་གཡོན་ངོས་ན་ཁང་བཟང་དམར་པོ་ཟླ་གམ་ཞིག་འབྲེལ་བ་ལ། ཡང་ཁང་པ་སྔོན་པོ་ཟླུམ་པོ་དང་གསུམ་ཀ་གཅིག་ལ་གཅིག་བརྟེན་དུ་འབྲེལ་བར་སྣང་སྟེ། སྣང་མ་ཐག་ཏུ་མཁར་སྐྱ་བོའི་ནང་དུ་སོང་བས་དེའི་ནང་དུ་བདག་གིས་བུ་ཆུང་བསྙལ་ནས་བདག་ཕྱིར་སྒོར་འབུད་སྙམ་ནས། ཁང་པ་གསུམ་ལ་སྒོ་གཅིག་ལས་མེད་སྙམ་ནས་སྒོ་ཚོལ་བའི་ཚེ་སྒོ་རྣམས་རུབ་ནས་མ་རྙེད་པར་ཚོལ་བའི་སྐབས་ཞིག་ཏུ། བུད་མེད་རྒན་མོ་ཞིག་གིས་ཁང་པ་འདི་སྒོ་གཅིག་ཡིན་པར་བསམ་ནས་ཚོལ་ན་སྒོ་མི་རྙེད། སྒོ་ཐ་དད་པ་ཡིན་བསམ་ན་སྒོ་མཐོང་སྲིད་ཟེར། དེ་ནས་སྒོ་སོ་སོ་ཡིན་པར་སེམས་ནས་མར་ལ་བལྟས་པས་ཁང་སྒོ་ཧར་གྱིས་ཕྱེ་བ་མཐོང་བའི་མོད་ལ། དེ་ནས་ཕྱིར་བུད་ནས་ཅུང་ཟད་སོང་སྟེ་དེར་འདུག་པའི་ཚེ བུད་མེད་རྒན་མོ་ན་རེ་ཡ་གི་མཁར་གསུམ་འབྲེལ་བ་འདི་ཕོ་གདོན་རྒྱལ་པོ་དང་། མོ་གདོན་འདྲེ་མོ་དང་། ཀླུ་གདོན་ས་བདག་གསུམ་གྱི་གནས་ཡིན་པ་ཨི་གོ་ཟེར་བའི་མོད་ལ། བདག་གི་བསམ་པ་ལ་ངའི་བུ་ཆུང་དེ་རྒྱལ་པོའི་ཁང་པ་རུ་བསྙལ་ཡོད་པས་དེ་ལ་ སྲུང་དམིགས་ཞིག་འཛིན་དགོས་བསམ་པ་སྐྱེས་ནས་དམིགས་པ་འདི་ལྟར་བྱས། བདག་གི་མིག་ནས་ལྕགས་ཀྱི་སྡིག་པ་མེ་འབར་བ་དགུ་ཁང་པའི་ནང་དུ་སོང་བར་བསྒོམ་ནས་སྡང་མིག་བྱས་པའི་མོད་ལ། མི་སྲུན་པའི་སྐྱེས་བུ་ལྕགས་ཀྱི་སེན་མོ་མཐོ་གང་བ་ཅན་ཞིག་གིས་ངའི་ལག་པ་ནས་བཟུང་ལག་པའི་སྟོད་སྨད་ཐམས་ཅད་ཐལ་མར་ཕུག་ནས་ཚ་ཟིང་ངེ་སོང་བའི་མོད་ལ། ངས་འཁོར་འདས་སྟོང་ཉིད་ཟང་ཐལ་གྱི་རོལ་པར་དྲན་ཏེ་བདེ་སྟོང་གི་ཉམས་ཞིག་ཤར་ནས་བདག་གིས་དམིགས་པ་འདི་ལྟར་བྱས། བདག་གི་སེན་མོ་ལྕགས་ཐུར་མེ་འབར་བ་འདོམ་གང་བར བསྒོམ་སྟེ་ཁོའི་ཕྲག་པ་གཉིས་ནས་བཏབ་པས་བརླ་གཉིས་ཀྱི་འོག་ཏུ་སྔོ་ཤར་གྱིས་ཐོན་པ་མངོན་སུམ་དུ་མཐོང་ཚེ། འདྲེ་ལྕགས་སེན་རིང་བ་གྲངས་མེད་པས་བདག་གི་ལུས་ཐམས་ཅད་ལ་བྲད་ཅིང་འདེབས་པའི་ཚེ། བདག་གིས་མི་ཤིགས་ནམ་མཁའི་རྡོ་རྗེ་ཞེས་བྱ་བའི་ལྟ་གདིང་ལྡན་པའི་ངང་ནས་མཚར་བཞིན་དུ། རྨི་ལམ་འཁྲུལ་པ་འདི་བདེན་བདེན་དུ་འདྲ་བར་སྣང་བ་འདི་བདེན་བདེན་འདྲ་བ་ཅི་ཡིན་བསམ་ནས་དགོད་ཤོར་བཞིན་འདི་སྨྲས་སོ། །ངའི་སྒྱུ་མའི་ངར་འཛིན་བག་ཆགས་པའི། །འཕྲུལ་པའི་སྣང་ཆ་སྟོང་པའི་ལུས །སྐྱེ་འཆི་མེད་པའི་དོན་ཞིག་རྟོགས།། ༄༅། །འདི་གསོད་མཁན་འཇིག་རྟེན་ཁམས་ན་མེད། །ཁྱེད་སྣང་ཞིང་སྲིད་པའི་ལྷ་འདྲེ་རྣམས། །ངའི་གཉིས་འཛིན་འཁྲུལ་པའི་ཆོ་འཕྲུལ་ལགས །ང་བསད་ན་ཁྱེད་ཅག་མཉམ་དུ་འཆི། །ཁྱོད་རང་སྲོག་རང་གིས་གཅོད་པ་ན །ངས་རིག་པ་ཡེ་ཤེས་རྒྱ་ཡིས་འདེབས། །ཁྱེད་རྨི་ལམ་སྣང་ཆའི་འདྲེ་ཚོགས་རྣམས །དོན་ཅིའི་ཕྱིར་རང་སྲོག་གཅོད་ལ ཆས། །ངས་འཁོར་འདས་རང་སྣང་ཉིད་དུ་རྟོགས །གདངས་རིག་སྟོང་ཆོས་སྐུའི་རྒྱལ་ས་ཟིན། །དོན་མི་འགྱུར་རྡོ་རྗེའི་གོ་ཁྲབ་ཡོད། །ཁྱོད་ཅི་དགའ་གང་དགར་སྤྱོད་དང་ཆོག །ཅེས་པའི་ལན་དུ་འདྲེ་དཔོན་གྱིས། །ངེད་ལྷ་འདྲེ་མ་རུངས་སྲིད་པའི་འདྲེ །མི་ཁྱོད་ཀྱི་སྣང་ཆ་ག་ལ་ཡིན །ངེད་སྲ་མཁྲེགས་བརྟན་པའི་མཁར་གསུམ་ནས །འཁོར་མི་བརྒྱ་མི་སྟོང་ཁྱོད་ཀྱིས་འཕྲོགས། །དེ་མ་བཟོད་ར་མདར་ཆས་པ་ཡིན། །མི་ཕལ་ཆེར་སྟོང་པའི་ཡུལ་ལ་ཤོར། །མི་ལ་ལ་སྲིད་པའི་རྩེ་རུ་འཕང་། །མི་ཕལ་ཆེར་ནམ་མཁའི་དབྱིངས་ལ་ནུབ །མི་ལ་ལས་བཙན་པའི་མཁར་རྫོང་བཟུང་། །འདི་ཉེས་པ་ཆེན་པོའི་བྱ་བ་ཡིན། །དུས་ད་དུང་ཁྱོད་ཉིད་མ་བསད་ན། །ངེད་སྣང་སྲིད་ལྷ་འདྲེ་འཇིག་ལ་རེ། །དོན་དེ་ཕྱིར་བདུད་ཕོ་བཀྲག་མེད་ཀྱིས། །ངེད་ལྷ་ འདྲེ་དམག་གིས་དཔུང་དུ་བསྡུས །མི་ཁྱོད་ལ་རྒོལ་བའི་ཕོ་ཉ་ཡིན། །ཁྱོད་འཐབ་ཡ་ཡོད་ན་ངེད་དང་འཐོབ། །ཞེས་ཟེར་བའི་ཚེ་ངས་འདི་སྐད་སྨྲས། ཀྱེ། སྟོང་གཟུགས་ཀྱི་ལྷ་འདྲེ་ཚུར ལ་ཤོག །ངའི་སྟོང་གཟུགས་ཀྱི་ཡན་ལག་ཉིང་ལག་དང་། །མགོ་བོ་དང་དོན་སྙིང་ཁྱེར་ལ་སོང་། །ངས་སྟོང་ཉིད་རྟོགས་པས་ཡ་ང་མེད། །འཐབ་དང་འཐབ་ཡུལ་ཤན་མི་འབྱེད། ང་མི་འཐབ་ཁྱེད་ཀྱིས་ཅི་དགའ་གྱིས །ཞེས་སྨྲས་ཏེ་ཡན་ལག་བརྐྱང་ནས་སོད་སོད་ཁྱེར་ཁྱེར་སྨྲས་ནས་འདྲེ་རྣམས་ཀྱི་ཚལ་དུ་རྒྱུག་པའི་ཚེ། འདྲེ་ཐམས་ཅད་ར་ལུག་སེར་བས་དེད་པ་ལྟར་བྲོས་ཏེ་ཁང་པ་གསུམ་གྱི་ནང་དུ་བྲོས་ནས་སྒོ་བསྡམ་པའི་སྒོ་འགྲམ་དུ་སོང་ནས་ངས་གླུ་འདི་བླངས་སོ། །ཨེ་མ་སྟོང་པ་ཉིད་ཀྱི་དཔའ་ལ་ལྟོས། །སྣང་སྲིད་ལྷ་འདྲེ་ཉམ་རེ་ཐག །ང་རྣལ་འབྱོར་གྱི་ཐོག་བརྫིས་དཔའ་གདིང་གིས། །བདུད་ནག་པོའི་དཔུང་གི་དཔའ་བསྐོང་ཐལ །ཁྱེད་དཔའ་བོ་ཡོད་ན་སྒོ་ལ་བུད། །ཁྱོད་རྩལ་ལྡན་ཡོད་ན་སྒོ་ལ་བུད། །ཁྱོད་འཕྲུལ་ལྡན་ཡོད་ན་སྒོ་ལ་བུད། །ཁྱོད་དཔའ་བོ་རྣམས་ལ་སྲོག་འདི་སྦྱིན །ཁྱོད་ཟས་རྔམས་ཅན་ལ་ཤ་ཁྲག་སྦྱིན །ཁྱོད་ཞེ་སྡང་ཅན་ལ་ལུས་སྲོག་སྦྱིན། །ད་མ་བྲོས་མ་སྐྲག་ཚུར་ལ་ཤོག །ངའི་ལུས་སྲོག་འདི་ ༄༅། །རུ་ལྷགས་ནས་ཡོད། །དུས་དེ་རིང་ཁྱེར་ས་ཡོད་ན་ཁྱེར། །དུས་དེ་རིང་གསོད་བདག་ཡོད་ན་སོད། །ཅེས་པའི་གླུ་ལན་དུ། མཁར་སྐྱ་བོའི་ནང་ནས་གླུ་འདི་ལེན གྱིས། ངེད་ཞེ་སྡང་གི་མཁར་རྫོང་འཛིན་པའི་འདྲེ། །དཔའ་ཡང་དཔའ་སྟེ་བཙན་ཡང་བཙན། །སྟོང་ཉིད་ལ་ཡ་ལན་མ་བྱུང་བས །དུས་ད་ལྟ་སྟོང་པར་འཇིགས་ལ་སྐྲག །རང་གི་མཁར་རྫོང་འཛིན་པ་ལས །སྟོང་ཉིད་ཀྱི་དབྱིངས་ལ་འགྲོ་བ་མིན །ཁྱོད་དཔག་ཚད་མང་པོའི་རྒྱང་ལ་སོང་། །ཤ་མཁོན་ཐད་ཀར་བྱང་བ་ཡིན། །ཁྱོད་དང་ང་གཉིས་སོ་སོར་སོང་། །ཞེས་ཟེར། ཡང་མཁར་དམར་པོ་ཟླ་གམ་གྱི་ནང་ནས་གླུ་འདི་ལེན། ངེད་ལྷ་འདྲེ་མི་སྲུན་གདུག་པ་ཅན །དཔའ་ཡང་དཔའ་སྟེ་རྩལ་ཡང་ཆེ །བཙན་ཡང་བཙན་སྟེ་རྔམས་ཡང་རྔམས། །འདོད་ཆགས་ཁྲག་མཚོའི་མཁར་རྫོང་ཡོད། །སྟོང་ཉིད་ཀྱི་མཁར་ལ་འགྲོ་མི་ནུས། །སྟོང་ཉིད་ཀྱི་ལྟ་བ་འདི་ལ་འཇིགས །ང་དང་ཁྱོད་གཉིས་མི་མཐུན་པས། །ད་མཁོན་འཁྲུགས་ཤུགས་ཀྱིས་དེངས་པ་ཡིན། །ཁྱོད་དཔག་ཚད་མང་པོའི་ཕ་མཐར་སོང་། །ངེད་འདོད་ཆགས་བཙན་པའི་མཁར་ལ་འདུག །ཅེས་ཟེར་བའི་མཐར། སླར་ཡང་མཁར་སྔོ་ནག་གི་ནང་ནས་གླུ་འདི་ལེན་གྱིས ཨེ་ཨེ། ལན་ཚྭ་ཅིས་འཇིག་ཆུ་ཡིས་འཇིག །ག་བུར་ཅིས་འཇིག་རླུང་གིས་འཇིག །འཁོར་བ་ཅིས་འཇིག་སྟོང་པས་འཇིག །ལྷ་འདྲེ་ཐོག་བརྫིས་རྟོགས་པས་འཇིག །ལྷ་འདྲེ་དཔའ་ལ རྩལ་སྟོབས་ཆེ། །གཉིས་འཛིན་གྱི་ཡུལ་ལ་ཐོགས་རྡུགས་མེད །ངེད་ལྷ་འདྲེ་ཤ་དང་ཁྲག་ལ་དགའ། །གཅེས་འཛིན་གྱི་ཡུལ་ལ་ཐོགས་རྡུགས་མེད། །ངེད་ལྷ་འདྲེ་སྲོག་དང་དབུགས་ལ དགའ། །རེ་དོགས་ཅན་ལ་ཐོགས་རྡུགས་མེད །མེ་དབལ་ཚ་བ་ཆུ་ཡིས་འཇིག །ཤིང་སྡོང་བཙན་པ་མེ་ཡིས་འཇིག །བསྐལ་པ་བཙན་པ་རླུང་གིས་འཇིག །རིན་ཆེན་སྲ་བ་རྡོ་རྗེས་འབིགས། །ཉི་ཟླ་གསལ་མྱུར་གཟའ་ཡིས་བསྒྲིབ །ཆོས་མིན་ཐམས་ཅད་ཆོས་ཀྱིས་ཆོམ །སངས་རྒྱས་རྣམས་ཀྱིས་བདུད་ཕམ་བྱེད །དེ་བཞིན་འདྲེ་རྣམས་སྟོང་པས་ཕམ། །བདག་རྟོག་བདག་མེད་རྟོགས་པས་འཇིགས། །ཁྱོད་སྟོང་ཉིད་དྲན་པའི་མཚོན་ཆ་ཡིས །ངེད་ལྷ་འདྲེའི་སྒྱུ་ལུས་ཐལ་མར་ཕུག །ད་ཁྱོད་ལ་མི་འཐབ་ཁ་མཆུ་འདུམ། །ད་ཁྱོད་དང་རྩོད་པ་ངང་གིས་ཞི། །ཁྱོད་ངེད་དང་ལྟ་སྤྱོད་མི་མཐུན་པས། །ཡུལ་རིང་བའི་ས་ཕྱོགས་གཞན་དུ་སོངས། T11614 - 406 ཨོཾཿ དག་སྣང་ཡེ་ཤེས་དྲྭ་བ་ལས༔ སྔོན་འགྲོའི་ངག་འདོན་དབང་གི་བུམ་པ་བཞུགས་སོ༔ །ཤཤ༔ སྨིན་གྲོལ་དབང་གི་བུམ་པ་འདི༔ ཚིག་ཉུང་དོན་འདུས་ཉམས་ལེན་སླ༔ བྱིན་རླབས་མྱུར་ཞིང་དངོས་གྲུབ་ཉེ༔ ལྷ་དང་དཀྱིལ་འཁོར་འབུམ་བསྒྲུབ་ལས༔ དྲིན་ཆེན་བླ་མ་སྒོམ་པ་མཆོག༔ མོས་གུས་བསྒོམ་བཟླས་གནད་དུ་ཆེ༔ ས་མ་ཡ༔ ཀྱེེ༔ རིགས་བརྒྱའི་ཁྱབ་བདག་བླ་མར་གསོལ་བ་འདེབས༔ དལ་འབྱོར་མི ལུས་རྙེད་དཀའ་ཡིད་བཞིན་ནོར༔ ཚེ་འདིའི་སྣང་བ་མི་རྟག་འཆི་བས་འཇིག༔ རྒྱུ་འབྲས་དཀར་ནག་མི་བསླུ་བདེ་སྡུག་བྱེད༔ ཁམས་གསུམ་འཁོར་བ་སྡུག་བསྔལ་ཁྲི་མུན་གནས༔ དྲན་ནས་བདག་བློ་ཆོས་ལམ་གཟུད་པར་མཛོད༔ བླ་མ་དཀོན་མཆོག་གསུམ་ལ་སྐྱབས་སུ་མཆི༔ འགྲོ་རྣམས་བྱང་ཆུབ་ཆེན་པོར་བདག་གིས་བསྒྲལ༔ ལུས་དང་ལོངས་སྤྱོད་བསྡུས་ཏེ མཎྜལ་འབུལ༔ ཚོགས་རྫོགས་སྒྲིབ་དག་དོན་གཉིས་འགྲུབ་གྱུར་ཅིག༔ སྤྱི་བོར་བླ་མ་རྡོར་སེམས་དབྱེར་མེད་པའི༔ སྐུ་ལས་བདུད་རྩིའི་རྒྱུན་བབས་སྒྲིབ་བྱང་གྱུར༔ ཨོཾ་བཛྲ་སཏྭ་ས་མ་ཡ༔ སོགས་ཡི་གེ་བརྒྱ་པའམ་དྲུག་པ་ཅི་ནུས་བཟླས༔ འོད་ཞུ་བདག་སྣང་དང་འདྲེས་རོ་གཅིག་གྱུར༔ རང་ཉིད་རྣལ་འབྱོར་དམར་མོའི་མདུན་མཁའ་རུ༔ པད་ཉིའི་གདན་སྟེང་རྩ་བའི་བླ་མ་ནི༔ མཚོ་སྐྱེས་རྡོ་རྗེའི་རྣམ་རོལ་རྡོར་དྲིལ་བསྣོལ༔ ལོངས་སྤྱོད་རྒྱན་རྫོགས་མཐིང་ནག་སྐྱིལ་ཀྲུང་བཞུགས༔ མཁའ་མཉམ་འགྲོ་བ་འདྲེན་པའི་དཔལ་དུ་རོལ༔ ཧཱུྃ༔ ཨོ་རྒྱན་ཡུལ་གྱི་ནུབ་བྱང་མཚམས༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་མང་པོས་བསྐོར༔ ཁྱེད་ཀྱི་རྗེས་སུ་བདག བསྒྲུབ་ཀྱིས༔ སྨིན་གྲོལ་མཛད་ཕྱིར་གཤེགས་སུ་གསོལ༔ གུ་རུ་པདྨ་སིདྡྷི་ཧཱུྃ༔ རྗེ་བཙུན་བླ་མ་རིན་པོ་ཆེ༔ སངས་རྒྱས་ཐམས་ཅད་འདུས་པའི་ཞལ༔ མཐོང་བས་སྡུག་བསྔལ་ཆེ་ལས སྒྲོལ༔ ཐོས་པས་མ་རིག་གཉིད་ལས་དཀྲོགས༔ དྲན་པས་བྱང་ཆུབ་ལམ་ལ་སྦྱོར༔ རེག་པས་སྨིན་གྲོལ་དངོས་གྲུབ་སྟེར༔ སྒོ་གསུམ་གུས་པ་ཆེན་པོ་ཡིས༔ གསོལ་བ་འདེབས་སོ་བྱིན་གྱིས་རློབས༔ ཕྱག་འཚལ་སྒྲིབ་ཚོགས་སྦྱང་དུ་གསོལ༔ སྐྱབས་སུ་མཆིའོ་རྗེས་སུ་ཟུངས༔ འདི་ནས་ཚེ་རབས་ཐམས་ཅད་དུ༔ ལས་ངན་དབང་དུ་མི་བཏང་བར༔ ཐུགས་རྗེའི་ལྕགས་ཀྱུས་བཟུང་དུ་གསོལ༔ ཁམས་གསུམ་ཆོས་ཀྱི་རྒྱལ་པོ་རུ༔ དབུགས་ཆེན་འབྱིན་པར་མཛད་དུ་གསོལ༔ ཨོ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ བླ་མ་རྡོ་རྗེ་འཛིན་པ་ཡི༔ གནས་ ཨོཾཿ གསུམ་ལས་ནི་འོད་ཀྱི་སྤྲིན༔ དཀར་དམར་མཐིང་ཀ་སེར་ལྗང་འཕྲོས༔ ཚེ་རབས་ལས་ཉོན་བག་ཆགས་སྦྱངས༔ བུམ་གསང་ཤེར་དབང་བཞི་པའི་དབང་༔ ཡོངས་ཐོབ་སྐུ་བཞིའི་ས་བོན་ཐེབས༔ ཡེ་ཤེས་