Tibetan
རྟག་ཏུ་སྨོན་ལམ་ཟབ་མོ་ཐོབ༔ ལྷ་དབང་པོ་བྲན་དུ་བསྟེན་མཛོད་དང་༔ བདུད་ནག་པོའི་དབང་དུ་མི་འགྲོ་ངེས༔ གནད་དེ་ཚོ་སྲོག་གི་གཏའ་རུ་ཟུངས༔ དཔལ་རྡོ་རྗེ་ཕུར་པ་དབང་ཕྱུག་ལྷ༔ རྗེ་དང་ནི་འབངས་ཀྱི་ཚུལ་དུ་ཟུངས༔ མ་མཁའ་འགྲོ་དགྱེས་པའི་ཁ་ཆེམས་འདི༔ བུ་ཁྱོད་ལ་ཤིན་ཏུ་བརྩེ་བས་གདམས༔ བརྡ་ཡིན་ནོ་ཡིན་ནོ་གོ་འམ་བརྡ༔ ཤར་གསལ་བའི་འོད་བརྒྱ་རབ་འབར་བ༔ ནུབ་ཆུ་འཛིན་ནག་པོར་ཉེ་ལ་ལྟོས༔ བརྡ་གོ་འམ་ཟེར་ཞིང་དབྱིངས་སུ་ཡལ༔ དགེའོ། བདུད་འཇོམས་ཟབ་གཏེར་TI1614 - 368 TI1614 - 368 ༄༅ མཁའ་འགྲོ་བདེ་ཆེན་དབང་རྒྱལ་མས༔ མི་ཡུལ་དར་མོད་སྡིག་པའི་གྲོང་ཁྱེར་ན༔ མི་རུང་སྨོན་ལམ་ལོག་པའི་བདུད་འབངས་ཀྱིས༔ མི་དགེ་དུ་རུ་ཀ་ཡི་འཕྲུལ་འགྱེད་ལ༔ དབང་ཕྱུག་མིན་པ་སུ་ཡིས་སྟོབས་འགྲན་བྱེད༔ ཕུར་པ་མིན་པ་སུ་ཡིས་ཟིལ་གནོན་བྱེད༔ སྨད་ནས་འུག་པ་མཁུན་པའི་སྒྲ་ཐོས་ཚེ༔ སྟོད་ཀྱི་བྱ་རོག་གཟན་ལ་ཆས་པ་དེས༔ བར་གྱི་བྱེའུ་མང་པོའི་སྲོག་ལ་རྒོལ༔ དེ་ཡང་སྨོན་ལམ་མཐུ་ལས་སྐྱེས་པ་ཡི༔ ནུབ་ཏུ་སྟག་གཅིག་སླེབ་པ་དེས༔ ཕྱོགས་བཞིའི་གཅན་གཟན་བྲན་དུ་བཀོལ༔ སྡང་མིག་ནམ མཁར་བསྒྲད་པ་ཡིས༔ སྟེང་གི་ལྷ་ཡང་འདར་ཤོམ་བྱེད༔ སྡེར་བཞི་ས་ལ་བཙུགས་པ་ཡིས༔ འོག་གི་ཀླུ་བརྒྱད་མགོ་བོ་འགེམས༔ སྟོད་ནས་སེང་ཆེན་རལ་བསིགས་ཀྱང་༔ རྒྱ་སྟག་ངར་མའི་དཔའ་གདིང་ལ༔ ཞུམ་པ་མང་པོ་ངས་མ་མཐོང་༔ སྨད་ནས་དྲེད་མོང་རལ་བསིགས་ཀྱང་༔ སྟག་ལ་ཅི་བྱེད་ཉམ་རེ་ཐག༔ ད་ནི་ནད་ཀྱི་དུ་རུ་ཀ༔ བཟློག་བྱེད་ཁམས་གསུམ་རྣམ་རྒྱལ་དང་༔༷ དྲག་མོ་སྣང་སྲིད་དབང་བྱེད་མ༔ མཉམ་པར་སྦྱོར་བའི་བྱང་ཆུབ་སེམས༔ འཚོ་བྱེད་སྨན་གྱི་རྒྱལ་པོ་མཆོག༔ བཟློག་བྱེད་སྤུ་གྲིའི་འཁོར་ལོ་སྟེ༔ བསྲེགས་བྱེད་T1614 - 369 བསྐལ་པ་འཇིག་པའི་མེ༔ གང་གིས་འགྲན་ཟླ་བྲལ་བའི་མཚོན༔ དཀར་པོ་གཅིག་ཐུབ་སྔགས་ལ་བརྩོན༔ མགོ་དགུ་མིག་སྟོང་ཞེ་སྡང་གཟུགས༔ འདོད་ཆགས་མཁའ་ལྡིང་མི་ཡི་ལུས༔ ཕོ་ཉ་དུར་མོ་མགོ་དགུ་མ༔ གཉན་རིམས་ཀུན་གྱི་གཉེན་པོར་བསྔགས༔ དེ་ལས་གཞན་དུ་ངས་མ་མཐོང་༔ ཅེས་ཟེར་ཡལ༔ T1614 - 370 ༄༅༔ གཉིད་འོད་གསལ་འདྲེས་པའི་སྣང་ཆ་ལ༔ ཤར་རྡོ་རྗེ་མཁའ་འགྲོ་ཡིན་སྐད་པའི༔ མ་མཁའ་འགྲོ་དཀར་མོ་གཟུགས་བཟང་མས༔ གླུ་འདི་སྐད་ལེན་པ་བདག་གིས་ཐོས༔ བུ་ཉོན་ལ་ཡིད་ཀྱིས་མ་བརྗེད་ཟུངས༔ སྔོན་འདས་པའི་བསྐལ་པ་ཡུན་གཅིག་ན༔ བདུད་ས་འཛིན་ནག་པོས་སྨོན་ལམ་བཏབ༔ བསྟན་འགྲོ་བའི་བདེ་སྐྱིད་དཔལ་ལ་བཟའ༔ གནས་རི་རབ་ཟོམ་གྱི་སྟོབས་ཆེན་པས༔ སྨོན་ལོག་འབྲས་མཐའ་ཡི་གླིང་བཞི་རུ༔ ཤར་རྡོ་གཟུགས་ཁ་ནས་ལོག་ཆོས་གྲགས༔ ལྷོ་མི་མོས་རྫུ་འཕྲུལ་ངོམས་པ་དང་༔ ལོག་ལམ་གྱི་ཆོ་ག་མང་ཞིག་འཆད༔ ནུབ་གནམ་ལྷ་ཡིན་ཟེར་མིའུ་ཐུང་གིས༔ འཕྲུལ་སྣ་ཚོགས་འགྱེད་ཅིང་དེས་སྔགས་བསྔགས༔ ཡུལ་གཞན་ལ་འཆད་ཅིང་ཁ་ལོ་བསྒྱུར༔ བྱང་སྟོན་པ་ཧར་ཏི་ནག པོ་ལ༔ ལྷའི་དབང་པོ་སྒྲུབ་པའི་རྫས་སྔགས་ཉན༔ དེ་བསྒྲུབ་ཅིང་གྲུབ་པའི་ཁ་ལྟ་བ༔ གནས་རི་རབ་ཟོམ་དུ་ཕྱིན་པ་ཡིས༔ འབྱུང་གདོན་གྱི་དབང་པོ་དང་འཕྲད་ནས༔ ཡུལ་འཛམ་གླིང ཕུང་བའི་རྫས་སྔགས་དང་༔ རང་དབང་དང་ལྡན་ཞིང་བསྟན་འགྲོ་ཡོངས༔ ལོག་ལམ་དུ་བསྒྱུར་བའི་ཐབས་མང་བླངས༔ དེ་ཕྱོགས་བཞི་མཐའ་མི་ཀུན་གྱིས་ཐོས༔ དེར་གདམས་ངག ལེན་ལ་ཆས་ནས་བླངས༔ མཐར་མཐའ་མི་ཀུན་གྱིས་ཉམས་སུ་བླངས༔ རྫས་སྣ་ཚོགས་བསྒྲུབ་ནས་བརྡེབ་པ་ཡིས༔ ཕྱིའི་འབྱུང་བ་ས་དང་ས་ལས་སྐྱེས༔ ཀུན་འདོད་པའི་ལོངས་སྤྱོད ལ་བསྒྱུར་ནས༔ མི་ཀུན་ཡིད་འཕྲོག་ཅིང་དབང་དུ་བསྡུས༔ དེ་མང་ཚོགས་མཐའ་ནས་དབུས་སུ་ཕྱུར༔ ལར་ལོ་བརྒྱའི་དུས་སུ་གདའ་ན་ཡང་༔ རྐྱེན་སྣ་འདྲེན་མྱུར་བས་བརྒྱད་ཅུར་ཉེ༔ དེ་ནང་མིས་འདྲེན་ཅིང་སུམ་ཅུར་ཉེ༔ ལྷ་ཀུན་གྱི་དབང་པོ་ཁས་དྲེག་པས༔ མཐའི་ཀླ་ཀློའི་མགོ་འཕང་དགུང་ལ་སྙེག༔ དེར་ལྷ་གཞན་བསྒྲུབ་ཀྱང་བཟློག་ཐབས་མེད༔ དཔལ་རྡོ་རྗེ་ཕུར་པ་གོང་ནོན་བསྒྲུབ༔ ལྷ་དབང་ཕྱུག་ཆེན་པོ་ནན་ཆེར་བསྒྲུབ༔ དེ་རྒྱལ་པོ་བློན་པོའི་ཚུལ་བསྒྲུབ་ནས༔ ལས་མཐའ་རྣམས་བསྐྱར་ནས་བསྐྱལ་བ་ལ༔ ཡུལ་ཀུན་གྱིས་རྟག་ཏུ་འབད་གྱུར་ན༔ ལོ་སུམ་ཅུ་ཐམ་པར་བཟློག་པར་ངེས༔ ཡུལ་སོ་སོས་ཉམས་ལེན་མ་བྱས་ན༔ མི་གཉིས་དང་གསུམ་བཞི་བརྒྱ་ཕྲག་གིས༔ མཐའ་འཁོར་ཞིང་འཛམ་གླིང་ཆ་བཞིའི་གསུམ༔ དབང་བསྒྱུར་བའི་མི་ལ་ཅི་ཞིག་བྱ༔ བཟློག་འདོད་པའི་མི་ཕོ་སྙིང་ཁམས་མཐོ༔ མ་མཁའ་འགྲོའི་གད་མོ་དེ་ལ་མཐོང་༔ དེར་རང་གཤེད་རང་ལ་མ་ཕབ་ན༔ ཁམས་གསུམ་གྱི་དབང་པོ་སུ་TI1614 - 372 ༄༅ཉྩ ཡིས་བཟློག༔ ལྷའི་གྲུབ་རྟགས་མངོན་དུ་མ་གྱུར་ན༔ བསྒྲུབ་ལད་མོ་བྱས་པའི་ཚུལ་དེ་དག༔ མཚོན་ཤིང་དང་འདག་པས་བཟོས་དང་མཚུངས༔ ལས་གྲུབ་པ་ཤིན་ཏུ་དཀོན་ལ་ལྟོས༔ དགྲ་མི་གཅིག་མཐུ་ཡིས་མི་སྒྲོལ་ན༔ ཡུལ་གླིང་ཆེན་ཐུབ་སེམས་སྐྱེ་དོན་མེད༔ དེའི་ཕྱིར་ན་གཅིག་མིན་ཆོས་སྡེ་དང་༔ ཡུལ་ཀུན་ནས་ཕུར་པ་སྲི་མནན་དང་༔ ལྷ་ཆེན་པོའི་སྒྲུབ་པ་ལས་མཐའ་སྐྱོངས༔ ཉིན་རེ་བཞིན་བཟའ་མི་ཐམས་ཅད་ཀྱིས༔ ཚིག་བདུན་དང་སིདྡྷི་འུར་འདོན་འབོད༔ རྒྱུད་བདུད་ཀྱིས་མི་བརླམ་ཐབས་སུ་མཆོག༔ ཡུལ་ཀུན་གྱིས་མདོ་སྡེ་བསྐལ་བཟང་དང་༔ སྔགས་ཡིག་དྲུག་སིདྡྷི་ཕུར་བསྙེན་ཚོགས༔ རྡོར་བརྐོས་ཏེ་བདུད་འདུལ་མཆོད་རྟེན་བརྩིག༔ བུམ་ནང་དུ་སངས་རྒྱས་རིགས་ལྔ་དང་༔ ཕྱག་རྡོར་དང་པད་འབྱུང་སྣང་བརྙན་ཞོག༔ གནད་དེ་བཞིན་ལོ་བཞིན་མ་ཐེང་ན༔ དུས་མི་འགྱང་མྱུར་དུ་འབྱུང་དམག་ཕྱུར༔ གནད་ཐེང་ན་བཟློག་འགྱུར་གདོན་མི་ཟ༔ ཕྱོགས་ཀུན་ནས་བཟློག་ཐབས མི་བརྩོན་ན༔ ཡུལ་ཕུང་ཉེས་འབྱུང་ཚད་བརྗོད་མི་ལང་༔ ཚུལ་ཟུར་ཙམ་སྨྲས་ཤིང་དབྱིངས་ལ་ཆ༔ ཨེ༔ དགེའོ།། 370 T11614 - 374 ཨོཾཿ གཉིད་འོད་གསལ་འདྲེས་པའི་དག་སྣང་ངོར༔ ཡུལ་ཡངས་པ་ཆེན་པོ་སྐྱིད་མོའི་ཐང་༔ ཁོད་སྙོམས་ཤིང་ཉམས་དགའི་ཆུ་སྐྱེས་བཞད༔ མཁའ་སྤྲིན་བྲལ་ཉི གཞོན་གསལ་བ་ཡི༔ ལྷོའི་ནམ་མཁར་སྐར་ཆེན་མཇུག་རིང་ཤར༔ མེ་འབར་བས་ནམ་མཁའ་མེ་རིས་ཁྱབ༔ མཇུག་བརྐྱང་བའི་ངོས་ནས་དུད་པ་འཐུལ༔ འོག་བར་སྣང་ས་གཞི་ཁྱབ་པ རྨིས༔ བདག་སེམས་ལ་དམག་ངོ་ཨི་ཡིན་བསམ༔ སྐབས་དེ་རུ་ཡེ་ཤེས་མཁའ་འགྲོ་མ༔ མ་བདེ་ཆེན་དབང་གི་རྒྱལ་མོ་ཡིས༔ ངག་སྙན་པས་གླུ་འདི་ལོན་པ་ཐོས༔ ཨ་ཨ༔ ཨོཾ༔ ཀློང་ཕྱོགས་མཐའ་ཡས་པ་ཀ་དག་གཞི༔ གཞི་སྐྱོན་བྲལ་ཡོན་ཏན་རྫོགས་པ་ཆེར༔ ཆེར་གོམས་འབྲས་སྔོན་སྦྱངས་ལས་འཕྲོ་སད༔ སད་ཙམ་ལས་གདིང་ཐོབ་ཨ་མའི་བུ༔ བུ་མ་ཡེངས་ཉོན་དང་ངས་གླུ་ལེན༔ གཞི་ཀ་དག་ཆོས་དབྱིངས་སྐྱེ་མེད་ཀློང་༔ མདངས་འགགས་མེད་ལྷུན་གྲུབ་སྒོ་མཆེད་པས༔ གདངས་མ་ངེས་འཁོར་འདས་གཉིས་སུ་ཤར༔ ཐད་ཁོད་སྙོམས་ཡངས་པ་ཐབས་ཀྱི་ཆ༔ ཉམས་དགའ་བའི་ཆུ་སྐྱེས་སྣང་བའི་རྒྱན༔ སྟེང་ནམ་མཁའ་སྤྲིན་བྲལ་ཤེས་རབ་ཆ༔ འོད་གསལ་གྱི་ཉི་མ་ཡེ་ཤེས་རྒྱན༔ ཡུལ་གཞན་དབང་ རང་སྣང་ཡེ་ཤེས་ཀློང་༔ དོན་ངོ་བོ་ཉིད་དུ་དག་མཉམ་ཐལ༔ བརྡ་གོའམ་སྐྱེས་མཆོག་ཀློང་གྲོལ་པ༔ གཟའ་མཇུག་རིང་ལྷོ་ཡི་ནམ་མཁར་ཤར༔ མེ་འབར་བས་སྟེང་གི་མཁའ་དབྱིངས ཁྱབ༔ མཇུག་དུ་བ་སྔོ་ནག་ས་གཞི་འགེངས༔ དྲི་མནམ་པས་ཉམ་ཆུང་བརྒྱལ་བ་རྣམས༔ ཁྱོད་བསྟན་པ་གཟའ་ཡིས་བསྲུང་བ་དང་༔ ཉམས་རྟོགས་པའི་བར་ཆད་བསྲེགས་པ་དང་༔ ཡུལ་འདོད་ཁམས་དབང་དུ་བསྒྱུར་བ་དང་༔ དགྲ་དམ་ཉམས་མ་རུངས་བཏུལ་བའི་བརྡ༔ དུང་མདོག་གི་ཟླ་བ་ཤར་ནས་ཚེས༔ ཟླ་འོད་ཀྱིས་སྣང་སྲིད་ཁྱབ་པ་དང་༔ རབ་བསིལ་གྱི་ཟིལ་པ་འདེབས་པ་རྣམས༔ ལྷ་ཚོགས་བདག་ཡབ་ཡུམ་བསྟན་ལ་གདུང་༔ ཆོས་སྙིང་ཐིག་བསྟན་མདངས་ཕྱུང་བ་དང་༔ བརྒྱུད་འཛིན་ལ་དངོས་གྲུབ་སྩོལ་བའི་ལྟས༔ ནུབ་པདྨ་རཱ་གའི་རི་བོ ལ༔ འོད་དམར་པོས་ས་སྟེང་གཡོགས་ནས་སུ༔ སྤང་མེ་ཏོག་རྣམས་ཀྱི་གདངས་གསལ་བྱེད༔ ལྷ་གནོད་སྦྱིན་དམར་ནག་བསྟན་ལ་བརྩེ༔ བོད་ཁམས་ཀྱི་སྐྱེ་འགྲོའི་བློ་དབང་བསྒྱུར༔ བརྒྱུད་འཛིན་གྱིས་ས་སྟེང་ཁྱབ་པའི་ལྟས༔ བྱང་གནམ་ལྕགས་འབར་བའི་རི་བོ་ལ༔ ལོ་ཐོག་དང་འབྲས་དྲུག་སྨིན་རྒྱས་ཤིང་༔ ཆུ་ཆེན་པོ་ཕྱོགས་མཚམས་བརྒྱད་དུ་འབབ༔ འདི་བསྟན་ ༦ ཨོཾཿ པའི་སྲོག་ཤིང་རི་བོ་ལ༔ དངོས་གྲུབ་ཀྱི་ལོ་ཐོག་རྒྱས་པ་དང་༔ ཡུལ་ཆེན་པོ་བརྒྱད་དུ་དར་རྒྱས་རྟགས༔ དེ་ཁྱོད་ཀྱི་བསྟན་པའི་སྔ་ལྟས་ལགས༔ ད་མཐའ་དབུས་འཁྲུགས་རྩོད་ཆེར་མོད་ཀྱང་༔ གནས་མི་བདེའི་འཚུབས་མ་ལང་རྐྱེན་ནི༔ ཡུལ་མཐའ་ཡི་དམ་སྲི་དབུས་སུ་ཤོར༔ བདུད་མི་སྲུན་སྐྱེ་བུས་བློ་སྙིང་དཀྲུགས༔ ལས་མཚོན་འཁྲུགས་གཡུལ་འགྱེད་ཁྲག་ཏུ་རོལ༔ ཡུལ་གཅིག་མགོ་གཅིག་གི་མི་ལོན་ཀྱང་༔ ད་ཕན་ཚུན་མཐུན་པ་རེ་དཀོན་ཙམ༔ དུས་སྙིགས་མ་བདུད་ཀྱི་བསྟན་པ་འདིར༔ ལས་སྨོན་ལམ་ལོག པའི་དམ་སྲི་དགུས༔ འཕྲུལ་ཀླ་ཀློར་དགའ་བའི་བི་ན་ཡིས༔ བློ་ཆོས་ལ་དགའ་བའི་བན་བཙུན་བསླུ༔ ཚོང་ཁེ་དང་དམེ་འཁྲུགས་ཀུན་ཇག་སྤྱོད༔ ལས་སྡིག་སྤྱོད་སྤྱང་ཀུའི་རྒྱུད་དུ་འགྱུར༔ དེ་བཟློག་ཐབས་ལས་ལ་བརྩོན་འདོད་ན༔ གནས་བསྟན་གཞི་དགོན་གནས་ཐམས་ཅད་དང་༔ དོན་ཚུལ་བཞིན་བསྟན་ལ་འཇུག་པ་ཡི༔ འཁོར་བཀོལ་དང་སློབ་འབངས་དཔོན་སློབ་ཀུན༔ ལྷ་ཡི་དམ་སྲུང་མའི་བསྙེན་སྒྲུབ་འབད༔ ལོ་རེ་བཞིན་ཚོགས་བསྐང་ཁྲི་རེ་དང་༔ དུས་རྒྱུན་དུ་སྨོན་ལམ་རྣམ་དག་གདབ༔ ལས་དེ་ལྟར་བྱས་པའི་གནས་གང་དག༔ དཔལ་པདྨ་འོད་ལྟར་བཀྲ་ཤིས་འགྱུར༔ ཞེས་ཟེར་ནས་ཆོས་ཉིད་མཁའ་ལ་ཡལ༔ སྤྲང་མ་ནུས་བདུད་འཇོམས་རྡོ་རྗེས་སྨྲས༔ དགེའོ།། བདུད་འཇོམས་ཟབ་གཏེར་374 T11614 - 378 བདུད་འཇོམས་ཟབ་གཏེར་T11614 - 378 ཨོཾ མཁའ་འགྲོ་ཡེ་ཤེས་མཚོ་རྒྱལ་མས༔ བསྐལ་པ་དཔག་ཏུ་མེད་པའི་སྔོན་རོལ་ནས༔ བསོད་ནམས་རྒྱ་ཆེར་བསགས་པའི་སྐྱེས་བུ་ཁྱོད༔ དམ་ཚིག་སྡོམ་པའི དཔལ་གྱིས་ཕྱུག་པ་ལ༔ གདམས་པའི་བཅུད་རོལ་ཉམས་ལེན་གནད་ལྡན་ན༔ མ་དང་མཁའ་འགྲོ་དགྱེས་པའི་གད་མོ་སྒྲ༔ འཁོར་འདས་འུབ་ཆུབ་རོལ་པའི་རྫོགས་པ་ཆེ༔ ཤེས་རབ མིག་གིས་མངོན་སུམ་གཟིགས་པ་ལས༔ སྣང་སྲིད་འདོད་ཡོན་འོད་གསལ་ཆེན་པོར་འཕོས༔ སྣ་ཚོགས་བདེ་སྡུག་གར་གྱི་རྣམ་རོལ་མཐོང་༔ ཚེ་རབས་མང་པོའི་ལས་ངན་སྡུག་བསྔལ་རྣམས༔ ཉམས་ཀྱི་སྣང་བ་འདིར་འདུམ་འདི་ཡིས་འབྱང་༔ ད་ནི་འཁོར་བ་ངན་སོང་འཁྲུལ་རྒྱུན་ཆད༔ ད་ནི་ལས་ངན་བག་ཆགས་འཁྲུལ་རྒྱུན་ཆད༔ ད་ནི་འཁོར་བའི་བུ་ལོན་ངང་གིས་སོད༔ ད་ནི་ཡུལ་ངན་དག་གི་ལན་ཆགས་སོད༔ ད་ནི་འཁྲུལ་འཁོར་ཐབས་ཀྱི་ཤ་མཁོན་དྭངས༔ ངར་འཛིན་དམ་པོའི་འཆིང་རྒྱ་ཞིག་པ་ཡིས༔ འདོད་པ་ཁམས་ཀྱི་དབང་པོར་མངའ་གསོལ་ཐང་༔ སྣང་བའི་མངོན་ཞེན་ཡེ་ཤེས་ཆེན་པོར་ཞིག༔ གཟུགས་ཁམས་ལྷ་ཡི་དབང་པོར་མངའ་གསོལ་ཐང་༔ ཆོས་ཅན་ཆོས་ཉིད་ཆེན་པོར་མཐོང་བ་ལས༔ གཟུགས་མེད་ ཁམས་ཀྱི་དབང་པོར་མངའ་གསོལ་ཐང་༔ འཁོར་བ་ཀུན་བཟང་རོལ་པར་མངོན་གྱུར་པའི༔ ད་ནི་འཁོར་འདས་དབང་པོར་མངའ་གསོལ་ལོ༔ ལུས་ངག་དགེ་བ་བསོད་ནམས་བསགས་པ་རྣམས༔ འཁོར་བའི་གནས་སུ་བདེ་བ་མཐོང་ཆེད་ལས༔ རྣམ་པར་གྲོལ་བའི་འབྲས་བུ་ཡོད་མ་ཡིན༔ ད་ནི་ལུས་ངག་ཡིད་དང་གསུམ་གྱི་སྒོས༔ བཟང་ངན་བར་གསུམ་བྱ་བ་དགུ་སྤྲུགས་ཐོངས༔ བྱར་མེད་འོད་གསལ་ཆེན་པོར་ཆམ་གྱིས་ཞོག༔ བར་མེད་མི་ལོ་གསུམ་དུ་མཉམ་བཞག་ན༔ རིག་པ་ཚད་ལ་ཕེབས་པ་མཁའ་འགྲོའི་ལུང་༔ དེ་ནས་བར་མེད་ལོ་གསུམ་ཉམས་ལེན་ན༔ ཆོས་ཉིད་ཟད་སར་འཁྱོལ་བ་མཁའ་འགྲོའི་ལུང་༔ དེ་ནས་མི་ལོ་གསུམ་ལས་མི་འགྱང་བར༔ ཀུན་བཟང་ཆོས་སྐུར་མངོན་སངས་རྒྱས་འགྱུར་བ༔ མཁའ་འགྲོ་འབུམ་གྱི་ཞལ་བསྡུར་ལུང་བསྟན་ཡིན༔ རིག་པ་ཚད་ལ་ཕེབས་པའི་རྟགས་བྱུང་ཚེ༔ གནས་འདིའམ་ནི་གནས་བཟང་གཞན་ཞིག་ཏུ༔ ཕྱིན་ནས་སྡོད་པ་གནད་དུ་ཟུངས་ཤིག་བུ༔ དེ་ལྟར་གནད་དང་ལྡན་པར་མ་གྱུར་ཀྱང་༔ མི་ཁྱོད་ཚེ་ལོ་བདུན་ཅུ་རྩ་གཉིས་ནས༔ ནུབ་ཕྱོགས་བདེ་བ་ཅན་དུ་ངེས་པར་འཕོ༔ ལོག་ལྟའི་ཡུལ་ངན་མུན་པའི་གྲོང་ཁྱེར་ནས༔ ཚད་ཕེབས་དུས་སུ་ལོག T1614 - 380 ད༔ སྐུར་དགྲ་ལས་འབྲོས༔ མཁའ་འགྲོའི་ལུང་བསྟན་འདི་རྣམས་སྙིང་ལ་ཞོག༔ མི་ལོ་བཅུ་ནས་མངོན་སུམ་མཇལ་ཞིང་འཕྲད༔ སྐུ་གསུམ་དབྱིངས་ལ་དགའ་ཅ བའི་རྩེ་འཇོ་རོལ༔ ཆོས་ཉིད་མཁའ་ལ་དགའ་བདེའི་རོ་མྱང་བྱེད༔ མོ་ང་རེ་ཞིག་ཡུལ་མེད་ཆེན་པོར་འགྲོ༔ སླར་ཡང་ཁྱོད་ཀྱི་མཛའ་རུ་ལྷགས་པར་བྱེད༔ ཨེ་ཨེ་ནམ་མཁའ་རྣམ་དག༔ མ་མའི་ཡུལ་ས་ཡིན་པས༔ ཧོ་ཧོ་སྐྱེས་བུ་འདིར་ཤོག༔ ཡེ་ཤེས་ཀ་དག་ཡེ་གཞི༔ ཨ་ཨ་སངས་རྒྱ་འདི་ཀ༔ ཞེས་ཟེར་ཞིང་ཡུལ་མེད་དུ་ཡལ་ལོ༔ ཞེས་བསོད་དཔལ་ལ་མཁའ་འགྲོའི་སྤྲིང་ཡིག་གོ༔ མི་རྒན་བདུད་འཇོམས་རྡོ་རྗེའི་འཁྲུལ་ཉམས་སོ༔ 377 T11614 - 381 TI1614 - 382 པབདུད་འཇོམས་རྡོ་རྗེས་མ་འོངས་འབྱུང་འགྱུར་ལུང་བསྟན་པ་ལས༔ ལྔ་བརྒྱ་དུས་ཀྱི་ཐ་མ་ལ༔ འབྱུང་པོ་མུ་ཏོས་སྨོན་ལོག་མཐུས༔ མི་སྲུན་སྐྱེ་བོའི་བློ བསླུས་ཏེ༔ བསྟན་དང་འགྲོ་བའི་བདེ་སྐྱིད་འཕྲོག༔ ཐུབ་བསྟན་ཟླ་ཞལ་སྤྲིན་གྱིས་སྒྲིབ༔ སྔགས་ཀྱི་ཉི་གཞོན་འབར་བའི་འོད༔ སྒྲ་གཅན་ཁ་རུ་ཚུད་ཉེ་ཚེ༔ དེ་ཚེ་དུས་གསུམ་རྒྱལ་བ་ཡི༔ ཕྲིན་ལས་མངའ་བདག་པདྨ་འབྱུང་༔ བསྙེན་སྒྲུབ་གནད་ལ་ཆེར་བརྩོན་ན༔ བདུད་དང་ལོག་ལྟའི་གཡུལ་ལས་རྒྱལ༔ ཕག་དཀར་པོས་འཛམ་གླིང་ཞོན་པའི་དུས༔ ཐང་ཆེན་པོ་རྟ་ཡི་ལྟོ་བ་རུ༔ བདུད་ལས་རྒྱལ་གཞུ་འདོམས་བཅུ་གསུམ་པ༔ འབྱུང་འགྱུར་ན་རྒྱལ་ཁམས་རེ་ཞིག་རྒྱལ༔ ས་སྤྲིན་གྱི་མེ་ལོང་ཧུས་བཏབ་བྱེད༔ ཧེ་རུ་ཀའི་ཕྲིན་ལས་རྣམ་བཞིས་འདུལ༔ ཁམས་ཡུལ་གྱི་ཙཱ་རིའི་ཉེ་འདབས་སུ༔ སྣ་ནམ་པས་སྔགས་ཀྱི་བསྟན་པ་སྐྱོང་༔ གྲུབ་མཐའ་ཡི་མེ་རོ་སློང་བྱེད་ན༔ སྔ་འགྱུར་གྱི་བསྟན་པ་ཆེས་ཆེར་རྒྱས༔ གསེར་ཡུལ་དུ་ནད་མུག་འབྱུང་བའི་ཚེ༔ སེ་ཕུང་གི་ཁ་གནོན་བདེ་གཤེགས་སྙིང་༔ བསྙེན་སྒྲུབ་ལ་ལོ་བཞིན་འབད་གྱུར་ན༔ ནད་མུག་དང་མཚོན་གྱི་གཡུལ་ལས་རྒྱལ༔ བཀྲ་ཤིས་དང་དགེ་ལེགས་དཔལ་གྱིས་ ཕྱུག༔ རྒྱ་ཁེས་ཕུན་ཙུ་ཞེས་བྱ་བ་ཡིས༔ སྨོན་ལོག་དང་བསྒོམ་སྟོབས་རིག་འཕྲུལ་ལས༔ མེ་མདའི་རིགས་འདྲ་མིན་བཅོ་བརྒྱད་ནི༔ འབྱུང་འགྱུར་ཚེ་རྒྱལ་ཁམས་ཧ་ལའི་ཚལ༔ གློ་བུར་དུ་སྐྱེ་འགྲོ་ཧུར་ཐུམ་འགུམས༔ དེ་སུས་སྤྱོད་འབྲས་བུ་སྡུག་རེ་བསྔལ༔ དེའི་ཁ་གནོན་གྱི་ཟབ་ཆོས་དུས་བབ་ནི༔ མགོན་པད་འབྱུང་གི་སྨོན་ལམ་སྟོབས་བཙན་པས༔ གང་དེའི་གཉེན་པོ་སྟོབས་ཀྱི་ལྷ༔ རྗེ་ཀུན་བཟང་ཁྲོས་པའི་ཧེ་རུ་ཀ༔ དཔལ་ཆེ་མཆོག་སྒྲུབ་སྡེ་བརྒྱད་ཀྱི་ལྷ༔ གཅིག་དྲིལ་བའི་གསང་བ་འདུས་པ་ཉིད༔ དགོན་སྡེ་དང་ཡུལ་ཤོག་ལ་སོགས་པས༔ དེར་རིམ་གྲོར་གང་གི་ལོ་བཞིན་བརྩོན༔ ལོ་བཅུ་ཕྲག་བཅུ་ལ་སྐྱོབ་པར་འགྱུར༔ དེའི་ཡང་སྙིང་འཕྲུལ་གྱི་ཡི་གེ་རྣམས༔ སྙིང་འདྲ་བའི་རིགས་ལས་གཞན་དུ་མིན༔ ཚུལ་བཞིན་དུ་འཆང་བའི་སྐྱེ་འགྲོ་རྣམས༔ ཅིས་ཀྱང་ཡང་མི་ཤིགས་རྡོ་རྗེའི་གུར༔ ལོ་གྲངས་བཞི་བཅུ་རྩ་གཅིག་པའི་ལོར་མཁའ་ལ་སྟག་ཞིག་བྱུང་བ་དེའི་ཁ་ནས་བུད་མེད་ཞིག་བྱུང་དེ་ལ་བུ་གཅིག་བཙས་པ་བུ་དེས་མ་ལ་སྲིད་པ་ཆགས་པ་དང་མ་འོངས་འབྱུང་གྱུར་གྱི་ཚུལ་དྲིས་པས་མ་དེས་བུ་ལ་བཤད་པ་ལས་ཁོལ་བྱུང་དུ་བྲིས་སོ༔ ཨོཾ༔ མཁའ་འགྲོ་ཀུན་གཟིགས་མས། སྦྲུལ་ནག་མགོ་དགུས་རྒྱ་མཚོ་དཀྲུགས ནུབ་ནས་གཡུ་འབྲུག་སྐད་ཆེར་ལྡིར བར་དུ་སྦལ་ནག་ཁྲག་མིག་མཁུན། བྱང་ཤར་མཚམས་ནས་རི་ཁྱི་ངུ་༈ ནམ་མཁའི་སྐར་ཚོགས་གཟའ་རུ་ཆས། ཕྱོགས་ནས་གཟའ་བརྒྱད་ལྟད་མོར་འདུས། ཤུགས་དང་དགྲ་མང་དུས་འཛོམ་པའི དུག་གི་མེ་ཏོག་ཚོམ་བུ་མངོནརྒྱ་མཚོའི་ཁ་རླངས་གནམ་དུ་ཕྱུར།ཐོག་དང་སེར་བའི་ཡོ་ལངས་འཚུབས་དབྱར་རྔའི་རང་སྐད་འབྱིན་ནས་སོང་༈ ལྟོ་འགྲོས་མཆེ་དབལ་ཟ་མ་ཟིང་༈ ཅང་ཤེས་བྲོ་བརྡུང་དྲག་ཏུ་འབསགཡང་དཀར་ལུས་ལ་མཚལ་ཆེན་བྱུགཊསྤྲེལ་དཀར་མི་མགོའི་ཕྲེང་བས་བརྒྱན མཁའ་ལྡིང་གཤོག་སྡེབ་རྡུལ་ཡང་བྱེད། ཀུ་ཀུའི་མི་ཆུང་རྗེ་སར་བཀོད། དེ་འདྲའི་འུར་མ་རྒྱ་ཆེ་ལཊ དབང་ཕྱུག་ཆེན་པོའི་མེ་ལྕེ་སྦར ཚོགས་བདག་འདོད་རྒྱལ་རླུང་ཆེན་དཀྲུག༈ རྡོ་རྗེའི་ཕུར་པའི་གོ་ཆ་བགོས། དེ་ལས་དེ་བཟློག་རི་བོང་རྭ ཞེས་ཟེར་ཆོས་ཉིད་སྒྱུ་མར་ཡལ༈ རྒད་པོ་བདུད་འཇོམས་འཁྲུལ་ཉམས་སོཊ དགེའོ།། །། T1614 - 386 ཨོཾཿ མཁའ་འགྲོ་ཆོས་ཀྱི་སྤྱན་ལྡན་མས དུས་བསྐལ་པའི་སྙིགས་མར་ཐུག་པ་ལས། ཡུལ་འཛམ་གླིང་ཀླ་ཀློས་ཁྱབ་པ་ལས། ཆོས་མདོ་སྔགས་ཉི་མ་ནུབ་ཏུ ཕྱོགས༈ དེར་ཕང་བའི་བློ་ཡིས་མ་བཟོད་དེ ཡུལ་སྦས་གནས་ས་སྤྱོད་འོག་མིན་མཁའཊརྗེ་རྒྱལ་བ་རྣམས་ཀྱི་ཐུགས་རྗེས་བཀོད དེ་འབྱེད་པ་གཏེར་སྟོན་ཤཱཀྱ་འོད མི་ཁྱོད་དེ་མི་རིང་འགྲོ་དགོས་ཏེ ལོ་བཞི་བཅུ་རྩ་བརྒྱད་འདས་པའི་འོག༈ བྱང་ཤམ་བྷ་ལ་ཡི་ཤར་གླིང་གི རྗེ་རྡོ་རྗེ་རྣོན་པོ་ཞེས་བྱ་བ འཁོར་ཉུང་དཀར་བྲེ་གཉིས་གྲངས་ཀྱིས་བསྐོར། རྗེ་དེ་ཉིད་ཁྱོད་དེ་རྟ་ཡི་ལོརདཔལ་ཨོ་རྒྱན་མཁའ་འགྲོའི་གནས་སུ་གཤེགསཞེས་ཟེར་བའི་ལན་དུ་བདག་གིས་ཀྱང་དེ་ལོ་བཅུར་བཤོལ་ཐབས་བསྟན་དུ་གསོལ ཞེས་སྨྲས་ཚེ་མཁའ་འགྲོ་མཁའ་སྤྱོད་མས་ལོ་རེ་བཞིན་ཚེ་གཟུངས་འབུམ་ཕྲག་དང་༈ མདོ་དཔང་སྐོང་ཕྱག་རྒྱ་རྡོ་ལ་བརྐོས། ཚེའི་སྒྲུབ་པ་བདུན་ཞག་རེ་ལ་བཟུང་༈ དཔལ་རྡོར་སེམས་བསྒྲུབ ཅིང་བཤགས་སྦྱང་བྱ ལྷ་དབང་པོས་རྐྱེན་སྣང་བར་ཆད་བཟློག༈ ཡང་རྨ་རུ་ཙེ་ཡིས་དཔལ་སྟེར་ཞིང་གཟའ་ཁྱབ་འཇུག་ཆེན་པོས་དགྲ་བླ་བསྐྱེད དུས་ཚེས་བཅུ་ཉེར་ལྔ་བསྐང་ ཚོགས་བརྒྱ བདུད་འདུལ་བའི་མཆོད་རྟེན་བཅུད་ལྡན་བཞེངས༈ ཡང་འདུ་སྒོ་ཆེན་པོ་ཚུགས་པའི་དུས༈ཚེའི་གཟུངས་དང་བསྙེན་པ་ཅི་མང་འདོན། བདུད་འཇོམས་ཟབ་གཏེར་384 T11614 - 388 T11614 - 388 ཨོཾཿ མཁའ་འགྲོ་ཡེ་ཤེས་དཔལ་འབར་མས། སྔགས་རྡོ་རྗེའི་ཐེག་པའི་སྙིང་བྱུང་བའི།རྐྱེན་བྱས་པས་ལྷ་ལ་ཕོག་ཐུག་བྱུང་༈ མི་དམ་ཉམས་ཚོགས་པའི་གྲལ་དུ་བྱུང་༈ དེས་ཉམས་གྲིབ་འགོ་བའི་ལྷ་བསྲུང་མནོལ༈ དེར་ན་རཀ་དོང་སྤྲུགས་ཡང་སྙིང་མཆོག༈ གྲངས་འབུམ་བཅུ་བསྒྲང་ཞིང་གྲིབ་སེལ་བྱ ལྷ་སྒྲུབ་པའི་དམ་རྒྱ་ཟླ་གཅིག་བཟུང་། གནད་དེ་ཡིས་གནས་སྐབས་གྲིབ་སྐྱོན་སེལ། སླར་ཡང་གསང་བླ་མེད་གདམས་པའི་མཆོག༈ ཡུལ་གཞན་ལ་སྟོན་པའི་གལ་བྱུང་ཚེ། སྔགས་ཡི་གེ་བརྒྱ་པ་མང་པོ་དང་མ་མཁའ་འགྲོའི་འཁྲུག་བསྐང་ཅི་མང་དང་༈ ལྷ་དབང་ཕྱུག་ཆེན་པོའི་བསྐང་གསོལ་འབདགནས་རབ་དབེན་གཙང་མ་དག་ལ་བྱཊ དེང་ལྔ་བརྒྱ་སྙིགས་མའི་བསྟན་འགྲོ་ལ། ཕན་ཐོགས་པའི་གདམས་པ་འོད་བརྒྱའི་མདངས༔བདུད་ཆར་