Tibetan
ཙཱ་བ། །གྲུབ་ཐོབ་མཁར་ནག་ཧེ་པ ཆོས་འབྱུང་གནས། །ཁྲག་འཐུང་བདུད་འདུལ་དཔལ་གྱི་རྡོ་རྗེ་ཟུང་། །བདུད་འཇོམས་གླིང་པ་རྡོ་རྗེ་ཁྲོ་ལོད་རྩལ། །གཞན་ཡང་འཛམ་གླིང་བྱེ་བ་ཕྲག་བརྒྱ་རུ། །གདུལ་བྱ་འདུལ་མཛད་སྤྲུལ པ་བསམ་མི་ཁྱབ། །འགྲོ་བའི་དཔལ་མགོན་དམ་པར་གསོལ་བ་འདེབས། །འདི་ཕྱི་བར་དོ་གསུམ་དུ་ཐུགས་རྗེས་ཟུང་། །དུས་གསུམ་རྒྱུན་ཆད་མེད་པར་བྱིན་གྱིས་རློབས། །གཞི་དབྱིངས་བླ་མའི་དགོངས་ཀློང་ཡངས་པ་རུ། །འཕོ་ཆེན་གཞོན་ནུ་བུམ་སྐུར་སངས་རྒྱས་ཤོག །ཅེས་པའང་ཁྲག་འཐུང་བདུད་འཇོམས་རྡོ་རྗེས་བྲིས་པའོ། T11614 - 455 T11614 - 456 ༄༅། །དཀོན་མཆོག་རིན་ཆེན་གསུམ་གྱི་བདེན་མཐུ་དང་། །ཆོས་ཉིད་རྣམ་དག་རྟེན་འབྲེལ་བསླུ་མེད་མཐུས །པདྨ་མཁའ་འགྲོའི་ཐུགས་རྗེའི་ཡེ་ཤེས་འོད། རབ་ག གསལ་མི་ཤེས་མུན་པ་དྲུང་འབྱིན་ནས། །སྐུ་གསུམ་དབྱེར་མེད་མངོན་གྱུར་ཆེན་པོའི་བར། །གསང་གསུམ་རྡོ་རྗེའི་ངོ་བོར་འཚོ་བཞེས་ཏེ། །མཛད་པ་ཕྲིན་ལས་མི་ཟད་འཕེལ་རྒྱས་ཤོག ཅེས་པདྨ་བདེ་ཆེན་གྱི་ངོར་བདུད་འཇོམས་པས་སོ།། །། འཇམ་པའི་དབྱངས་ཉིད་སྒྲིབ་གཉིས་དྲི་མ་བྲལ །ཞུམ་མེད་ཐུགས་རྗེའི་འོད་ཟེར་ཆུ་ཟླའི་གར །བདག་སོགས་གདུལ་བྱའི་སྣང་ངོར་ལེགས་ཤར་བ། །མི་ནུབ་རྒྱལ་མཚན་ལྟ་བུར་ཞབས་བརྟན་ཤོག །གང་འདུལ་ཐབས་དང་ཕྲིན་ལས་སྣ་ཚོགས་ཀྱིས །ཁམས་གསུམ་འཁོར་བ་དོང་ནས་སྤྲུགས་གྱུར་ཅིག །ཅེས་པདྨ་བདེ་ཆེན་གྱི་ངོར་བདུད་འཇོམས་པས་སོ།། ། 453 TI1614 - 457 TI1614 - 458 ༄༅། །སྭསྟི༔ གདོད་ནས་ཡེ་སངས་རྒྱས་པ་ཆོས་ཀྱི་སྐུ༔ ལྷུན་གྲུབ་ལོངས་སྤྱོད་རྫོགས་སྐུ་ལམ་གྱི་མཆོག༔ གང་འདུལ་སྤྲུལ་པའི་རོལ་གར་ཚོགས་ཀྱི་མཆོག༔ མཆོག་གསུམ་ངོ་བོ་བླ་མའི་ཞབས་བརྟན་ཤོག༔ བརྒྱུད་གསུམ་བླ་མའི་ཆུ་བོ་འདུས་པའི་མཚོ༔ ཡི་དམ་རྒྱུད་སྡེ་དཀྱིལ་འཁོར་ཐུགས་ལ་རྫོགས༔ འཁོར་འདས་སྟོང་ཆེན་མཁའ་འགྲོ་ཡུམ་གྱི་ཀློང་༔ རྩ་གསུམ་ངོ་བོ་བླ་མའི་ཞབས་བརྟན་ཅིང་༔ མཛད་པ་ཕྲིན་ལས་ཕྱོགས་མཐར་དར་རྒྱས་ནས༔ སྲིད་མཚོར་དུབ་པའི་སྐྱེ་འགྲོ་དབུགས་དབྱུང་སྟེ༔ མཐར་ཐུག་སྟོན་འཁོར་དབྱེར་མེད་རོལ་པ་རུ༔ ཀུན་ཏུ་འོད་ཀྱི་ས་ལ་ཕྱིན་པར་ཤོག༔ ཅེས་བསོད་ནམས་མཆོག་གྲུབ་དང་ཨོ་རྒྱན་བསྲུང་གཉིས་ཀྱི་ངོར་བདུད་འཇོམས་པས་སོ།། ། ༄༅ ཨོཾ་སྭསྟི༔ བསླུ་མེད་མཆོག་གསུམ་བདེན་པའི་བྱིན་རླབས་དང་༔ རྟེན་འབྲེལ་བསླུ་བ་མེད་པའི་བདེན་སྟོབས་ཀྱིས༔ རིག་འཛིན་འཇིགས་མེད་མི་བསྐྱོད་རྡོ་རྗེ་ཡི༔ ཞབས་པད་རྡོ་རྗེའི་ཁྲི་ལ་རྟག་བརྟན་ནས༔ མཛད་པ་ཕྲིན་ལས་ནུབ་མེད་འཕེལ་རྒྱས་ཤོག༔ མཐར་ཐུག་སྟོན་འཁོར་དབྱེར་མེད་རོལ་པ་རུ༔ འཇའ་ལུས་འཕོ་བ་ཆེན་པོར་སངས་རྒྱས་ཤོག༔ ཅེས་འཇིགས་མེད་ཡེ་ཤེས་དར་རྒྱས་ཀྱི་ངོར་རིག་འཛིན་ཆེན་པོ་བདུད་འཇོམས་རྡོ་རྗེས་བྲིས་པ་དགེའོ། །མངྒ་ལཾ།། །། T1614 - 460 སྱཾ༔ མིང་གི་རྒྱན་ཅན་མུ་ཏིག་ཕྲེང་མཛེས་བཞུགས༔ ན་མོ༔ མཁྱེན་བརྩེའི་གཏེར་ཆེན་ཀུན་མཁྱེན་ཡེ་ཤེས་མཛོད༔ འཇིགས་མེད་འོད་མི་འགྱུར་བའི་མགོན་པོ་ཡི༔ ཐུགས་རྗེའི་འོད་ཟེར་ཕྲིན་ལས་མཐའ་ཡས་པ༔ ཀུན་འདུས་རྡོ་རྗེའི་ངོ་བོ་འཛམ་གླིང་རྒྱན༔ མི་འགྱུར་མི་ཤིགས་གཡུང་དྲུང་ལྟ་བུ་རུ༔ མཆོག་གསུམ་རྩ་གསུམ་བདེན་པས་ཞབས་བརྟན་ཤོག༔ ཅེས་པ་འདི་ས་མོ་སྦྲུལ་གྱི་ལོ་ཆོ་འཕྲུལ་ཆེན་པོའི་ཟླ་བའི་ཚེས་བཅུའི་ནུབ་མཁའ་འགྲོ་མ་དཀར་མོ་དར་དང་རཏྣའི་རྒྱན་གྱིས་བརྒྱན་པ་མཚན་དང་དཔེ་བྱད་ཀྱིས་སྤྲས་པ་ཞིག་གིས་སྤྲིན་དང་འཇའ་འོད་འདྲེས་པའི་ཀློང་ནས་སྐུ་གར་སྟབས་མཛད་ཅིང་༔ ཀྱི༔ བདུད་འཇོམས་རྡོ་རྗེ་ཁྲོ་ལོད་རྩལ༔ མཁའ་འགྲོའི་གསང་མཛོད་བདག་པོ་ཁྱོད༔ ཟབ་ཆོས་ཡི་གེར་མྱུར་དུ་ཕོབ༔ ང་ཡི་སྙིང་ཐིག་བདག་པོ་ནི༔ ས་མོ་སྦྲུལ་གྱི་ལོ་པ་འབྱུང་༔ བོད་ཁམས་མུན་པའི་སྨག་རུམ་སེལ༔ དེ་ཕྱིར་མིང་གི་རྒྱན་མཛེས་འདི༔ ཨོ་རྒྱན་ཆེན་པོའི་ཞལ་ཐིག་ཡིན༔ པདྨ་འོད་ཀྱི་གཞལ་ཡས་ནས༔ ཕོ་ཉར་མངགས་པ་ལྷ་ལྕམ་དང་༔ ཁྱེད་ཅག་རྗེ་འབངས་ཤ་སྟག་འདུག༔ བདག་ཀྱང་སྤྲོ་བའི་གླུ་གར་འགྱེད༔ ད་དུང་སྐད་ཅིག་དབྱེར་མེད་འགྲོགས༔ རྡོ་རྗེ་ཐེག་པའི་ཡང་བཅུད་རོལ༔ དཔོན་སློབ་ཚེ་སྒྲུབ་དེས་མཐར་སྐྱོལ༔ ལྕགས་རྟའི་ལོ་ལ་ལྷོ་གནས་བདེ༔ ཞེས་གསུངས་ཤིང་༔ སྒྱུ་མ་ལྟ་བུའི་ཀློང་དུ་ཐིམ་པ་རྨིས༔ བདུད་འཇོམས་རྡོ་རྗེས་སོ།། 458 T11614 - 462 ༔ གསོལ་འདེབས་བུམ་བཟང་དངོས་གྲུབ་རྒྱ་མཚོ་བཞུགས་སོ༔ ཨེ་མ་ཧོཿ རང་སྣང་སྐུ་གསུམ་ཡོངས་གྲུབ་ཆེན་པོའི་ཀློང་༔ རང་རིག་ཀ་དག་ཆོས་སྐུའི་རོལ་པ་ལས༔ རང་མདངས་སྒྱུ་མའི་རྣལ་འབྱོར་སྦས་ཚུལ་ཅན༔ རང་གྲོལ་གདམས་པའི་མཛོད་འཛིན་བདུད་འཇོམས་གླིང་༔ རང་རྒྱུད་ཟོལ་མེད་གདུང་བས་གསོལ་འདེབས་ཀྱིས༔ རང་རིག་རང་ངོར་སངས་པར་བྱིན་གྱིས་རློབས༔ སྐལ་མཆོག་འདྲེན་སྟོན་རྒྱ་མཚོའི་གཙུག་རྒྱན་མཆོག༔ སྐལ་ལྡན་བློ་ཡི་པདྨོ་བཞད་པའི་ཚལ༔ སྐལ་ལྡན་སྙན་བརྒྱུད་ཟབ་མོའི་བདུད་རྩི་འབེབས༔ སྐལ་དམན་བདག་གི་གསོལ་འདེབས་རྒྱུད་བྱིན་རློབས༔ ཆོས་ཉིད་སྒྱུ་མར་རོལ་པའི་དུར་ཁྲོད་ནས༔ ཆོས་བདག་དཔའ་བོ་མཁའ་འགྲོའི་ཚོགས་ཀྱི་བདག༔ ཆོས་མིན་ལོག་རྟོག་འཇོམས་པའི་ཧེ་རུ་ཀ༔ ཆོས་ཉིད་ཀློང་མཛོད་ཆེན་པོར་གསོལ་བ་འདེབས༔ ཆོས་ཀུན་ཁོང་དུ་ཆུད་པར་བྱིན་གྱིས་རློབས༔ སྐུ་གསུམ་ལྷུན་གྲུབ་པདྨ་འབྱུང་གནས་དང་༔ སྐུ་བཞིའི་བདག་ཉིད་བླ་མ་རིན་པོ་ཆེ༔ སྐུ་དང་ཡེ་ཤེས་རོལ་པར་གསོལ་འདེབས་ཀྱི༔ སྐུ་གཉིས་མངོན་དུ་འགྱུར་བར་བྱིན་གྱིས་རློབས༔ རྫོགས་པའི་སངས་རྒྱས་ཡེ་རིག་ཀུན་ཏུ་བཟང་༔ རྫོགས་སྐུ་མཚན་མ ཚིག་བྲལ་ཟང་ཐལ་སྐུ༔ རྫོགས་ཆེན་རྣལ་འབྱོར་ཆེན་པོར་བྱིན་རླབས་ནས༔ རྫོགས་པ་ཆེན་པོའི་ཀློང་དུ་རོ་གཅིག་ཤོག༔ ཅེས་པ་འདི་བུ་གཅིག་ཆོས་ཀྱི་རྡོ་རྗེས་ནན་དུ་བསྐུལ་བའི་ངོར་སྤྲང་སྨྱོན་བདུད་འཇོམས་རྡོ་རྗེ་ཞེས་བྱ་བ་ཀུན་གྱི་ཐ་ཤལ་མ་ནུས་ཟོབ་རྫུན་མཁན་གཤེ་སྐུར་གླེང་མོའི་གནས་སུ་གྱུར་པ་དེས་མཁའ་འགྲོའི་བརྡའ་ལ་བརྟེན་ནས་སྨྲས་པ་ཡོངས་སུ་དགེ་བར་གྱུར་ཅིག །དགེའོ།། 2༄ T1614 - 464 ཨོཾ༔ བྱིན་རླབས་མྱུར་མགྱོགས་མ་བཞུགས་སོ༔ དུས་གསུམ་སངས་རྒྱས་མ་ལུས་འདུས་པའི་སྐུ༔ ཕྱོགས་བཅུའི་སངས་རྒྱས་རྣམས་ལ་ཕྱག་འཚལ་ལོ༔ སྐྱབས་གནས་ཀུན་འདུས་དྲིན་ཆེན་བླ་མ་ལ༔ སྐྱབས་འགྲོ་རྒྱུན་ཆད་མེད་པར་བྱིན་གྱིས་རློབས༔ ལྷ་དང་བླ་མ་ཡི་དམ་མཁའ་འགྲོ་ལ༔ གསོལ་འདེབས་རྒྱུན་ཆད་མེད་པར་བྱིན་གྱིས་རློབས༔ ཕ་མའི་གཙོར་བྱས་འགྲོ་དྲུག་སེམས་ཅན་ལ༔ སྙིང་རྗེ་རྒྱུན་ཆད་མེད་པར་བྱིན་གྱིས་རློབས༔ གཉན་ས་རི་ཁྲོད་ནམ་ཡང་འགྲིམ་ཙ་ན༔ ལུས་ལ་ཆགས་འཛིན་མེད་པར་བྱིན་གྱིས་རློབས༔ ནང་ན་ཉོན་མོངས་དུག་ལྔ་རྒྱས་ཙ་ན༔ མ་སྤངས་རང་སར་གྲོལ་བར་བྱིན་གྱིས་རློབས༔ ལུས་ལ་འཆི་རྐྱེན་ནམ་ཡང་བྱུང་ཙ་ན༔ རྐྱེན་ངན་གྲོགས་སུ་འཆར་བར་བྱིན་གྱིས་རློབས༔ བར་དོའི་འཕྲང་ལ་ནམ་ཡང་འགྲིམ་ཙ་ན༔ འོད་གསལ་རྒྱུན་ཆད་མེད་པར་བྱིན་གྱིས་རློབས༔ བདུད་འཇོསས་པས་སོ།། །། ༈ འོད་གསལ་ལྷུན་གྲུབ་ཆོས་ཉིད་འདུས མ་བྱས༔ རང་བྱུང་འཕོ་འགྱུར་བྲལ་བ་གདོད་མའི་ངང་༔ ཇི་ལྟ་ཇི་སྙེད་མཁྱེན་བརྩེའི་རོལ་པ་ཅན༔ བདུད་འཇོམས་ཁྲོ་ལོད་རྩལ་ལ་གསོལ་བ་འདེབས༔ མཛད་པ་རྨད་བྱུང་ཕྲིན་ལས་ ཤིང་རྟ་རུ༔ སྐལ་བཟང་གདུལ་བྱའི་ལམ་བརྟེན་བྱེད་པར་ཤོག༔ སྤྲང་འཆོལ་བས་ཚིག་འདི་ཤར༔ ཞལ་འདོན་བྱས་ན་བྱིན་རླབས་ཡོད༔ བདུད་འཇོམས་པས་སོ།། །། བདུད་འཇོམས་ཟབ་གཏེར་T11614 - 466 T11614 - 466 ༄༅། །ཨོཾ་སྭསྟི། སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་གསང་བའི་ཆོས་སྡེ་ལས། དགོངས་གཏེར་ནམ་མཁའི་ཀློང་མཛོད་སྐོར་གྱི་སྨད་ཆ་དང་དག་སྣང་ཡེ་ཤེས་དྲྭ་བའི་སྟོད་ཆའི་སྐོར་གྱི་གླེགས་བམ ༼ཕ༽ པ་འདིར། དབུ་ཤོག་ལྡེབ་གཅིག་གིས་ཐོག་དྲངས་ཏེ། སྐོར་ཚོ་གཉིས་ལས། དང་པོ་ཆོས་ཉིད་ནམ་མཁའི་ཀློང་མཛོད སྐོར་ལའང་བཞི་ལས། དང་པོ་གསོལ་འདེབས་སྣ་ཚོགས་སྐོར་ལ། གསོལ་འདེབས་བར་ཆད་ལམ་སེལ་ལྡེབ་༡ ཚེས་བཅུའི་མཛད་དྲན་གསོལ་འདེབས་མཐོང་བ་རང་གྲོལ་ལྡེབ་༢ བླ་མའི་གསོལ་འདེབས་བྱིན་རླབས་ཆར་འབེབས་ལྡེབ་༡ བླ་མའི་རྣལ་འབྱོར་བྱིན་རླབས་ཆར་འབེབས་ལྡེབ་༈ འཕོ་བའི་གདམས་པ་རང་གྲོལ་གསང་ལམ་ལྡེབ་༢ ངག་སྦྱང་ནུས་པ་སྟོབས་འབྱིན་ལྡེབ ༡ སྐྲ་དང་བ་སྤུའི་དག་སྦྱོར་རྡོ་རྗེའི་གྲོང་འཕོ་ལྡེབ་༈ རྨི་ལམ་འོད་གསལ་དུ་འཆར་བའི་གསོལ་འདེབས་བྱིན་རླབས་ཆར་འབེབས་ལྡེབ་༈ གཤིན་པོ་རྗེས་འཛིན་རུས་པ་སྦྱོང་བའི་ཆོ་ག་འབྲེལ་ཚད་རྣམ་གྲོལ་ལྡེབ ༣ བཅས། ༈ གཉིས་པ་སྒྲུབ་ཁོག་སོགས་ཀྱི་སྐོར་ལ། སྒྲུབ་པའི་ཁོག་དབུབ་རིན་ཆེན་གཏེར་ གྱི་བུམ་བཟང་ལྡེབ་༢༡ དམ་སྲི་ཉུལ་ལེ་མནན་བསྐྲད་ཆོ་ག་ལྡེབ ༦ ཐོ་བཞི་རྒྱལ་ཐོ་འཛུགས་པའི་ལས་རིམ་བསྡུས་པ་ལྡེབ ༡ རིག་འཛིན་བླ་མའི་སྨན་མཆོད་ཟག་མེད་བདུད་རྩི ལྡེབ་༈ མདུན་བསྐྱེད་འདོད་འབྱུང་ནོར་བུ་ལྡེབ་༡ མཆོད་ཕྲེང་བསོད་ནམས་ཚོགས་ཆེན་ལྡེབ ༥ རྣམ་རྒྱལ་བུམ་པའི་བསྐྱེད་ཆོག་ལྡེབ་༈ དག་སྣང་སྒྲུབ་པའི་དམ་རྒྱ་སྒོ་དྲུག སྲུང་བའི་ཆོ་ག་ལྡེབ ༡༣ དག་སྣང་སྒྲུབ་པའི་ཆ་ལག་བྱིན་འབེབས་དཔག་བསམ་རྒྱས་པ་ལྡེབ་༤ སྒྲུབ་པའི་ལྷན་ཐབས་འདོད་རྒུའི་དཔལ་ཕྲེང་ལྡེབ ༡༦ ལྷན་ཐབས་བསྡུས་པ་ཡིད་བཞིན་དཔལ་སྟེར་ལྡེབ ༤ བྱུར་སྲི་དམ་སྲི་མནན་པའི་ཆོ་ག་སྲ་བརྟན་རྡོ་རྗེའི་ལྷུན་པོ་ལྡེབ ༡༣ སྒྲུབ་པའི་ཆ་ལག་ནང་སྒོ་དབྱེ་བ་རྡོ་རྗེ་གསང་བའི་སྒོ་འབྱེད་ལྡེབ་༡ ཕྱི་སྒོ་དབྱེ་བ་རྡོ་རྗེའི་བཀའ་ཉན་ལྡེབ་༡ རྟ་ཕྱག་ཁྱུང་གསུམ་ལ་བརྟེན་ནས་ཁ་ཆར་གཅོད་པའི་མན་ངག་སྣང་སྲིད་མེ་འཁྱིལ་འཁོར་ལོ་ལྡེབ་༤ ཁ་བ་གཅོད་པའི་འཁོར་ལོ་བསྐོར་བ་མེ་འབར་ལྡེབ་༢ རླུང་དཀྲུག་མེ་དར་དམར་པོ་དང་ཐོག་སྔགས་འབྲུ་བཅུ་གཅིག་པ་བཅས་ལྡེབ་༡ རྟེན་འབྲེལ་སྙིང་པོ་ལ་བརྟེན་ནས་ཁ་ཆར་གཅོད་པའི་གདམས་པ་ལྡེབ ༣ བཅས། ༄༅། །༈ གསུམ་པ་སྨོན་ལམ་སྐོར་ལ། སྨོན་ལམ་རྣམ་དག་ཐར་པའི་ལམ་བཟང་ལྡེབ་༣ བདེན་བརྗོད་སྨོན་ཚིག་འདོད་འཇོའི་དཔལ་ཡོན་ལྡེབ་༣ སྨོན་ལམ་རྣམ་དག་བདུད་རྩིའི་ཐིག་པ་ལྡེབ་༡ སྦས་ཡུལ་པདྨ་བཀོད་དུ་བསྒྲོད་པའི་གསོལ་འདེབས་སྨོན་ལམ་ལྡེབ ༡ བཅས། ༈ བཞི་པ་ཞར་བྱུང་ཉེར་མཁོ་ཁ་སྐོང་སྤྲུལ་སྐུ་དྲི་མེད་ཀྱིས་ཕབ་པའི་སྐོར་ལ། རྩ་གསུམ་དྲིལ་སྒྲུབ་ཀྱི་བསྐང་བ་ཀུན་བཟང་མཆོད་སྤྲིན་ལྡེབ་༡ དང་། ཐུགས་ཆེན་སྲེག་བླུགས་ཡེ་ཤེས་མེ་ལྕེ་ལྡེབ་༤ བཅས། ཚེ་སྒྲུབ་མདོས་འཕྱོང་དཔལ་གྱི་བེའུ་བར་ཆད་ཀུན་སེལ་ལྡེབ་༡༥ ཕྱག་རྡོར་སྒོ་ནས་ཀླུ་བཙན་གཟའ་གསུམ་གྱི་དུག་དབྱུང་དག་བྱེད་བུམ་པའི་ཆུ་རྒྱུན་དྲི་མེད་གསུང་ལྡེབ་༡༣ བཅས་སོ།། ༈ གཉིས་པ་དག་སྣང་ཡེ་ཤེས་དྲྭ་བའི་སྐོར་གྱི་སྟོད་ཆ་འདིར་གསུམ་ལས། དང་པོ་ལུང་བྱང་སྣ་ཚོགས་སྐོར་ལ། རིག་འཛིན་ཧཱུྃ་ཆེན་ཀཱ་རའི་ཞལ་ལུང་པདྨའི་དོ་ཤལ་ལྡེབ་༡༣ ལུང་བྱང་གཉིད་འོད གསལ་འདྲེས་པའི་དག་སྣང་ངོར་སོགས་དང་། ལུང་བྱང་ཨེ་མ་ཧོཿ གདོད་ནས་མ་བཅོས་སྤྲོས་བྲལ་སོགས་ལ་བཅས་ལ་ལྡེབ ༧ ལུང་བྱང་དབྱར་རྔའི་རྒྱལ་པོ་ཁྲིར་ཕེབས་ནས་སོགས དང་། མགོན་འཇམ་དཔལ་སྨྲ་སེང་ཞལ་ན་རེ་སོགས་བཅས་ལ་ལྡེབ ༥ ལུང་བྱང་མཁའ་འགྲོ་བདེ་ཆེན་དབང་རྒྱལ་མས་སོགས་ལྡེབ ༡ ལུང་བྱང་གཉིད་འོད་གསལ་འདྲེས་པའི་སྣང་ཆ་ལ་སོགས་ལྡེབ་༈ ལུང་བྱང་གཉིད་འོད་གསལ་འདྲེས་པའི་དག་སྣང་ངོར་སོགས་ལྡེབ་༈ ལུང་བྱང་མཁའ་འགྲོ་ཡེ་ཤེས་མཚོ་རྒྱལ་མས་བསྐལ་པ་དཔག་ཏུ་མེད་པའི་སོགས་ལྡེབ་༈ བདུད་འཇོམས་རྡོ་རྗེས་མ་འོངས་འབྱུང་འགྱུར་ལུང་བསྟན་པ་ལྡེབ་༡ ལུང་བྱང་མཁའ་འགྲོ་ཀུན་གཟིགས་མས་སོགས་ལྡེབ ༡ ལུང་བྱང་མཁའ་འགྲོ་ཆོས་ཀྱི་སྤྱན་ལྡན་མས་སོགས་ལྡེབ་༡ མཁའ་འགྲོ་ཡེ་ཤེས་དཔལ་འབར་མས་སོགས་ལྡེབ ༈ བླ་མའི་བཀའ་ཕྱིར་རྟེན་འབྲེལ་བརྟགས་པའི་མོད་སོགས་ལྡེབ་༡ མཁའ་འགྲོ་མ་ཡེ་ཤེས་ཉི་མའི་ཞལ་ནས་སོགས་ལྡེབ་༡ ཉམས་སྣང་ལ་སྒྲུབ་ཆེན་ནམ་མཁའི་སྙིང་པོས་སོགས་ལྡེབ་༈ བྱི་བའི་ལོ་གསར་ཟླ་བའི་ཚེས་གཅིག་སོགས་ལྡེབ་༣ བཅས། ༈ གཉིས་པ་སྔོན་འགྲོའི་ངག་འདོན་སྐོར་ལ། སྔོན་འགྲོའི་ངག་དོན་དབང་གི་བུམ་པ་ལྡེབ ༢ སྔོན་འགྲོའི་ངག་འདོན་ཤིན་ཏུ་བསྡུས་པ་ལྡེབ ༡ བཅས། ༈ གསུམ་པ་གསོལ་འདེབས་དང་ཞབས་བརྟན་ ༄༅། །སྨོན་ཚིག་སྣ་ཚོགས་སྐོར་ལ། བླ་མའི་གསོལ་འདེབས་ཐུགས་རྗེའི་སྤྲིན་ཕུང་ལྡེབ་༡ བླ་མའི་གསོལ་འདེབས་དབང་གི་སྤྲིན་ཕུང་ལྡེབ ༤ བླ་མའི་གསོལ་འདེབས་བྱིན་རླབས་གཏེར་མཛོད་ལྡེབ ༈ གསོལ་འདེབས་མུ་ཏིག་ཕྲེང་མཛེས་ལྡེབ ༡ བླ་བརྒྱུད་གསོལ་འདེབས་དངོས་གྲུབ་བང་མཛོད་ལྡེབ་༡ རྩ་གསུམ་གསོལ་འདེབས་བར་ཆད་ཀུན་སེལ་ལྡེབ ༡ གསོལ་འདེབས་ཐར་པའི་སྒོ་འབྱེད་ལྡེབ་༡ གསོལ་འདེབས་ཡིད་བཞིན་ནོར་བུ་ཕ་རོལ་དཔུང་འཇོམས་ལྡེབ་༈ ཨོ་རྒྱན་མཚོ་སྐྱེས་རྡོ་རྗེའི་གསོལ་འདེབས དངོས་གྲུབ་རྒྱ་མཚོ་དང་། བདུད་འཇོམས་གསོལ་འདེབས་སྔོན་ཚེ་རྣལ་འབྱོར་སོགས། ཀ་དག་ཕྱོགས་ལས་སོགས་བཅས་ལ་ལྡེབ ༡ བརྒྱུད་འདེབས་སྨོན་ལམ་དང་འབྲེལ་བ་ཨོ་རྒྱན ཆེན་པོའི་གསུང་ཆོས་སྐུའི་སྟོན་པ་སོགས་ལྡེབ ༡ བརྒྱུད་གསུམ་གཅིག་འདྲེས་གསོལ་འདེབས་ཁྱབ་བདག་འཁོར་ལོའི་སོགས་ལྡེབ་༡ ཁྱབ་བདག་གདོད་མའི་སོགས་རྐང་པ་བདུན་པ ཅན་དང་། གཞི་དབྱིངས་གྲྭ་ཟུར། རིགས་བརྒྱའི་ཁྱབ་བདག་སོགས་བཅས་ལ་ལྡེབ ༡ འཇམ་དབྱངས་གསོལ་འདེབས་རྒྱལ་དང་རྒྱལ་སྲས་སོགས་ལྡེབ ༡ གསོལ་འདེབས་བདུད་ རྩིའི་བུམ་བཟང་དངོས་གྲུབ་རྒྱ་མཚོ་ལྡེབ་༡ བདུད་འཇོམས་གསོལ་འདེབས་ཨོ་རྒྱན་རྒྱལ་ཚབ་སོགས་དང་། གུ་རུའི་གསོལ་འདེབས་རྩ་གསུམ་དམ་ཅན་སོགས། དུས་གསུམ་སངས་རྒྱས་སོགས་སྣེ་གསུམ་ལ་ལྡེབ་༡ བདུད་འཇོམས་གསོལ་འདེབས་མཁའ་འགྲོ་རལ་གྲི་འབར་མ་སོགས་དང་། མཁན་སློབ་ཆོས་གསུམ་གསོལ་འདེབས་གདོད་ནས་ཡང་དག་སོགས ལྡེབ་༡ ཀ་དག་གདོད་མའི་སོགས་སྐྱེས་ཕྲེང་གསོལ་འདེབས་ལྡེབ ༡ དཀོན་མཆོག་རིན་ཆེན་སོགས་དང་། འཇམ་པའི་དབྱངས་ཉིད་སོགས་ཞབས་བརྟན་ཁག་གཉིས་ཅན་ལ་ལྡེབ་༡ ཞབས་བརྟན་གསོལ་འདེབས་གདོད་ནས་ཡེ་སངས་རྒྱས་པ་སོགས་དང་། བསླུ་མེད་མཆོག་གསུམ་སོགས་བཅས་ལ་ལྡེབ་༡ ཞབས་བརྟན་མིང་གི་རྒྱན་ཅན་མུ་ཏིག་ཕྲེང་མཛེས་ལྡེབ་༡ མིང་གི་རྒྱན་ཅན་གསོལ་འདེབས་མཁྱེན་གཉིས་ཡེ་ཤེས་སོགས། འདི་དཔེར་མི་སྣང་། གསོལ་འདེབས་བུམ་བཟང་དངོས་གྲུབ་རྒྱ་མཚོ་ལྡེབ་༡ གསོལ་འདེབས་བྱིན་རླབས་མྱུར་མགྱོགས་མ་དང་། བདུད་འཇོམས་གསོལ་འདེབས་འོད་གསལ་ལྷུན་གྲུབ་སོགས་ལྡེབ་༡ བཅས། པོད་འདིར་ཆོས་ཚན་བདུན་ཅུ་དོན་བཞི་ལ་ལྡེབ་༢༣༢ དང་། ༄༅། །གླེགས་བམ་གྱི་དཀར་ཆག་རང་ཉིད་ལྡེབ ༤ བཅས་བསྡོམས་ལྡེབ་གྲངས་༢༣༦ བཞུགས། ༈ གྲུབ་པའི་འཁོར་བསྒྱུར་བདུད་འཇོམས་གླིང་པ་ཡི། 27 ཟབ་གཏེར་གསང་བའི་ཆོས་མཛོད་ཡིད་བཞིན་ནོར། །ཀུན་བཟང་མིང་གིས་སྤར་དུ་བཏབ་སྤེལ་དགེས། །ཟབ་ཆོས་ཕྲིན་ལས་མི་ནུབ་རྟག་ཁྱབ་ཤོག ། ༈ པདྨའི་རིང་ལུགས་སྔ་འགྱུར་རྫོགས་པ་ཆེ། །ངེས་དོན་སྙིང་པོའི་ཤིང་རྟ་བདུད་འཇོམས་གླིང་། །གང་གི་ཟབ་གཏེར་བསྟན་པ་སྲིད་མཐའི་བར། །མི་ནུབ་བཤད་དང་སྒྲུབ་པས་འཛིན་གྱུར་ཅིག །དགེའོ།། །། ༢ 469 469 Tl1614 - 473