Tibetan
འདེབས༔ བདག་རྒྱུད་སྨིན་གྲོལ་ནུས་པར་བྱིན་གྱིས་རློབས༔ འཇའ་ལུས་འཕོ་བ་ཆེན་པོར་དབུགས་དབྱུང་མཛོད༔ རྒྱལ་བའི་དབང་པོ་ཐང་སྟོང་རྒྱལ་པོ་དང་༔ དྲི་མེད་འོད་ཟེར་མཁྱེན་བརྩེའི་འོད་ཟེར་དང་༔ རིགས་ཀུན་འཁོར་ལོའི་ཁྱབ་བདག་བླ་མ་རྗེ༔ བཟོད་མེད་གདུང་ཤུགས༴ བདག་རྒྱུད་སྨིན་གྲོལ༴ འཇའ་ལུས་འཕོ་བ༴ འཆི་མེད་ཚེ་ཡི་དངོས་གྲུབ་མྱུར་སྩོལ་ཅིག༔ གཞན་ཡང་གྲུབ་པའི་རིག་འཛིན་རྣམ་པ་བརྒྱད༔ གྲུབ་ཆེན་བརྒྱད་ཅུ་རྗེ་འབངས་ཉེར་ལྔ་དང་༔ གཏེར་ཆེན་བརྒྱ་རྩ་སྟོན་འཁོར་བཅས་པ་ལ༔ བཟོད་མེད་གདུང་ཤུགས༴ བདག་རྒྱུད་སྨིན་གྲོལ༔ འཇའ་ལུས་འཕོ་བ༴ འཆི་མེད་ཚེ་ཡི་དངོས་གྲུབ་མྱུར་སྩོལ་ཅིག༔ ལུས་ལ་རྡོ་རྗེའི་སྐུ་ཡི་བྱིན་ཆེན་ཕོབ༔ ངག་ལ་རྡོ་རྗེའི་གསུང་གི༴ ཡིད་ལ་རྡོ་རྗེའི་ཐུགས་ཀྱི༴ ཡེ་ཤེས་ཡོན་ཏན་ནུས་པའི༴ མཆོག་དང་ཐུན་མོང་དངོས་གྲུབ་མྱུར་སྩོལ་ཅིག༔ ཕྱི་རྐྱེན་དགྲ་བགེགས་འབྱུང་པོའི་འཚེ་བ་བཟློག༔ ནང་རྐྱེན་འདུ་བ་རྣམ་བཞིའི་ནད རྣམས་སོལ༔ གསང་རྐྱེན་ཉོན་མོངས་བརྒྱད་ཁྲིའི་གཡོ་འཁྲུགས་ཀུན༔ ཡེ་ཤེས་རོལ་པ་ཆེན་པོར་བྱིན་གྱིས་རློབས༔ སྐད་ཅིག་ད་ལྟ་ཉིད་དུ་བྱིན་གྱིས་རློབས༔ མི་འགྱང་མྱུར་བ་ཉིད་དུཿ འདུག་ས་སྟན་ཐོག་འདི་རུཿ ཟས་གོས་ཞེན་པ་བྲལ་བར༔ ཆོས་བརྒྱད་དགྲ་རུ་ཤེས་པརཿ རྐྱེན་ངན་གྲོགས་སུ་འཆར་བརཿ ན་ཚ་ལམ་དུ་སློང་བར མི་འདོད་ཉེར་འཚེ་མི་བདེའི་སྡུག་བསྔལ་ཀུན འོད་གསལ་ཆེན་པོར་འཆར་བར་བྱིན་གྱིས་རློབས༔ སྒྲིབ་གཉིས་བག་ཆགས་དྲི་མ་ཀུན་དག་ནས༔ ཀ་དག་གཞོན་ནུ་བུམ་སྐུའི་ས་རུ་སྐྱོལ༔ འཁོར་བ་དོང་སྤྲུགས་ནུས་པའི་དཔལ་ཐོབ་ཤོག༔ ཉེར་གཅིག་བཅུ་དྲུག་བདུན་སོགས་བརྗོད༔ མོས་གུས་དྲག་པོའི་གནད་ལྡན་ན༔ བྱིན་རླབས་འཇུག་པར་གདོན་མི་ཟ༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཡང་ཚེ་དབང་རིག་འཛིན་གྱིས་བསྐུལ་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ།། །། ཨོཾ༔ དག་སྣང་ཡེ་ཤེས་དྲྭ་བ་ལས༔ རྩ་གསུམ་གསོལ་འདེབས་བར་ཆད་ཀུན་སེལ་བཞུགས་སོ༔ ཨེ་མ་ཧོཿ ནུབ་ཕྱོགས་བདེ་བ་ཅན་གྱི་ཞིང་ཁམས་སུ༔ མགོན་པོ་འོད་དཔག་མེད་ལ་གསོལ་བ་འདེབས༔ གནས་མཆོག་རི་བོ་ཏ་ལའི་རྩེ་མོ་ན༔ རྒྱལ་སྲས་སྤྱན་རས་གཟིགས་ལ༴ རྔ་ཡབ་པདྨ་འོད་ཀྱི་གཞལ་ཡས་ན༔ ཨོ་རྒྱན་རིན་པོ་ཆེ་ལཿ རྣམ་དག་གཡུ་ལོ་བཀོད་པའི་ཞིང་ཁམས་ན༔ འཕགས་མ་སྒྲོལ་མའི་ཞབས་ལ༴ ཕོ་བྲང་མེ་འབར་གླིང་དགུའི་གཞལ་ཡས་ན༔ སྒྲུབ་པ་བཀའ་བརྒྱད་ལྷ་ལཿ དག་པ་མཁའ་སྤྱོད་གཞལ་ཡས་དམ་པ་ན༔ མ་མོ་མཁའ་འགྲོའི་ཚོགས་ལ༴ མངོན་སྤྱོད་དྲག་པོའི་ལས་ལ་བསྔགས་པ་ཡི༔ བཀའ་སྲུང་དམ་ཅན་རྣམས་ལ༴ དུས་གསུམ་རྒྱུན་ཆད་མེད་པར་བྱིན་གྱིས་རློབས༔ སྔོན་ལས་འཕྲལ་རྐྱེན་ངན་པས་བསྡུས་པ་ཡི༔ དགྲ་འདྲེ་ནད་མུག་མཚོན་གྱི་བསྐལ་ངན་སོགས༔ མི་འདོད་ཉེ་བར་འཚེ་བ་ཐམས་ཅད་བཟློག༔ ཚེ་རབས་ཀུན་ཏུ་རྗེས་སུ་བཟུང་གྱུར་ནས༔ བཀྲ་ཤིས་བདེ་སྐྱིད་དཔལ་གྱིས་འཚོ་བར་མཛོད༔ ནམ་ཞིག་ཚེ་ཡི་འདུ་བྱེད་བསྟུང་བའི་ཚེ༔ བར་དོར་ཡེ་ཤེས་སྒྱུ་མའི་སྐུ་མཆོག་གིས༔ དབང་བསྐུར་བྱིན་རླབས་ལུང་བསྟན་དབུགས་དབྱུང་ནས༔ ནུབ་ཕྱོགས་བདེ་བ་ཅན་དུ་ལམ་སྣ་དྲོངས༔ དུས་གསུམ་ལས་ཀྱིས་འབྲེལ་བའི་སྐྱེ་འགྲོ་ཀུན༔ དག་པའི་ཞིང་མཆོག་དེ་རུ་འདྲེན་པར་ཤོག༔ དུས་གསུམ་ཀུན་ཏུ་མོས་གུས་དྲག་པོ་ཡིས༔ གསོལ་བ་བཏབ་པས་འཕྲལ་ཕུག་དགེ་ལེགས་འཕེལ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཁྲག་འཐུང་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་ཏེ་སྦྱིན་བདག་བསོད་ནམས་རྩེ་མོའི་ངོར་གཏན་ལ་ཕབ་པའོ། །དགེའོ།། །། བདུད་འཇོམས་ཟབ་གཏེར་428 བདུད་འཇོམས་ཟབ་གཏེར་TI1614 - 432 ༄༅། །གསོལ་འདེབས་ཐར་པའི་སྒོ་འབྱེད་ཅེས་བྱ་བ་བཞུགས་སོ༔ ན་མོ་གུ་རུ་ཝེ༔ ཨེ་མ་ཧོཿ དག་པ་བདེ་བ་ཆེན་པོའི་ཞིང་ཁམས་སུ༔ ཆོས་སྐུ་སྣང་བ་མཐའ་ཡས་འོད་དཔག་མེད༔ རྣམ་གསུམ་དད་པའི་སྒོ་ནས་གསོལ་བ་འདེབས༔ བདེ་ཆེན་པདྨ་འོད་དུ་ལམ་སྣ་དྲོངས༔ པོ་ཊ་ལ་རུ་འཕགས་མཆོག་ཐུགས་རྗེ་ཅན༔ རྔ་ཡབ་གླིང་དུ་ཨུ་རྒྱན་པདྨ་འབྱུང་༔ མཁའ་སྤྱོད་ཞིང་དུ་རིག་འཛིན་མཁའ་འགྲོའི་ཚོགས༔ སྒོ་གསུམ་གུས་པས་ཕྱག་འཚལ་སྐྱབས་སུ་མཆི༔ བདེ་ཆེན་པདྨ་འོད་དུ་ལམ་སྣ་དྲོངས༔ ཀུན་བཟང་རྡོ་རྗེ་འཆང་ཆེན་ནས་བཟུང་སྟེ༔ དྲིན་ཅན་རྩ་བའི་བླ་མ་ཡན་ཆད་ཀྱི༔ རྩ་བརྒྱུད་བླ་མ་རིག་འཛིན་མཁའ་འགྲོ་ལ༔ སྒོ་གསུམ་གུས་པས་ཕྱག་འཚལ་སྐྱབས་སུ་མཆི༔ བདེ་ཆེན་པདྨ་འོད་དུ་ལམ་སྣ་དྲོངས༔ གཞན་ཡང་ཕྱོགས་བཅུ་དུས་བཞིའི་སངས་རྒྱས་དང་༔ བྱང་སེམས་འཕགས་པའི་དགེ་འདུན་ཐམས་ཅད་ལ༔ གུས་པས་ཕྱག་འཚལ་སྐྱབས་མཆི་གསོལ་བ་འདེབས༔ ནམ་ཞིག་ཚེ་འདིའི་སྣང་བ་ནུབ་མ་ཐག༔ ནུབ་ཕྱོགས་བདེ་བ་ཅན་དུ་སྐྱེ་བར་ཤོག༔ སྐྱེས་ནས་འགྲོ་དོན་རླབས་ཆེན་འགྲུབ་པར་ཤོག༔ དཀོན་མཆོག་གསུམ་ལ་ཕྱག་འཚལ་ལོ༔ ཏདྱ་ཐཱ༔ པཉྩ་གྲི་ཡ་ཨ་ཝ་བོ་དྷ་ན་ཡེ་སྭཱ་ཧཱ༔ ཞེས་དགེ་མ་བདེ་མོའི་ངོར།མི་རྒན་བདུད་འཇོམས་རྡོ་རྗེས་བྲིས་པའོ།། ། T11614 - 434 ༄༅། གསོལ་འདེབས་ཡིད་བཞིན་ནོར་བུ་ཕ་རོལ་དཔུང་འཇོམས་བཞུགས་སོ༔ ཨེ་མ་ཧོཿ རང་སྣང་རྣམ་དག་དོན་གྱི་འོག་མིན་ནས༔ གཞི་ཡི་ཆོས་སྐུ་ཀུན་ཏུ་བཟང་པོ་དང་༔ དབྱེར་མེད་ངོ་བོ་དྲིན་ཆེན་བླ་མ་ལ༔ གསོལ་བ་འདེབས་སོ་གནས་ལུགས་རང་ཞལ་སྤྲོད༔ གཞི་སྣང་ལྷུན་གྲུབ་ཡོན་ཏན་རྒྱ་མཚོའི་གཏེར༔ རྣམ་པར་སྣང་མཛད་རིགས་ལྔ་གངས་ཆེན་མཚོ༔ དབྱེར་མེད་ངོ་བོ་དྲིན་ཆེན་བླ་མ་ལ༔ གསོལ་བ་འདེབས་སོ་ཡེ་ཤེས་རང་ཞལ་སྤྲོད༔ གཞི་རྩལ་མ་འགགས་ཆོས་ཉིད་ནམ་མཁའ་མཛོད༔ སྐུ་དང་ཞིང་ཁམས་བཀོད་པ་མཐའ་ཡས་དཔལ༔ ཡོངས་རྫོགས་ངོ་བོ་དྲིན་ཆེན་བླ་མ་ལ༔ གསོལ་བ་འདེབས་སོ་ཤེས་རབ་རང་ཞལ་སྤྲོད༔ བརྡལ་ཁྱབ་སྤྲོས་པ་བྲལ་བའི་ཀློང་ཡངས་སུ༔ སངས་རྒྱས་ཀུན་འདུས་པདྨ་འབྱུང་གནས་དང་༔ དབྱེར་མེད་ངོ་བོ་དྲིན་ཆེན་བླ་མ་ལ༔ གསོལ་བ་འདེབས་སོ་བསམ་དོན་ལྷུན་གྲུབ་མཛོད༔ གསལ་ཁྱབ་སྒྲིབ་གཡོགས་བྲལ་བའི་གཞལ་ཡས་སུ༔ ཨོ་རྒྱན་མི་ཤིགས རྡོ་རྗེ་ལྷུན་པོ་དང་༔ དབྱེར་མེད་ངོ་བོ་དྲིན་ཆེན་བླ་མ་ལ༔ གསོལ་བ་འདེབས་སོ་སྡུག་བསྔལ་ཀུན་ཞི་མཛོད༔ ལྷུན་འཐུག་ཡོན་ཏན་བཀོད་པའི་ཞིང་ཁམས་སུ༔ ཨོ་རྒྱན་གཏེར་བདག་རིན་ ཆེན་རྒྱལ་པོ་དང་༔ དབྱེར་མེད་ངོ་བོ་དྲིན་ཆེན་བླ་མ་ལ༔ གསོལ་བ་འདེབས་སོ་མཆོག་ཐུན་དངོས་གྲུབ་སྩོལ༔ ཆགས་བྲལ་པདྨ་འོད་ཀྱི་གཞལ་ཡས་ན༔ ཨོ་རྒྱན་དབང་དྲག་བདེ་ཆེན་རྒྱལ་པོ་དང་༔ དབྱེར་མེད་ངོ་བོ་དྲིན་ཆེན་བླ་མ་ལ༔ གསོལ་བ་འདེབས་སོ་སྣང་སྲིད་དབང་དུ་བསྡུས༔ ཕྲིན་ལས་རབ་འབྱམས་ཡོངས་གྲུབ་གཞལ་ཡས་སུ༔ ཨོ་རྒྱན་མངོན་སྤྱོད་གྲུབ པའི་རྒྱལ་པོ་དང་༔ དབྱེར་མེད་ངོ་བོ་དྲིན་ཆེན་བླ་མ་ལ༔ གསོལ་བ་འདེབས་སོ་མི་སྲུན་དགྲ་བགེགས་སྒྲོལ༔ སྣང་སྲིད་གཞིར་བཞེངས་རང་བྱུང་གཞལ་ཡས་ན༔ འགྲོ་བའི་སྐྱབས མགོན་ཨོ་རྒྱན་རིན་པོ་ཆེ༔ དབྱེར་མེད་ངོ་བོ་དྲིན་ཆེན་བླ་མ་ལ༔ གསོལ་བ་འདེབས་སོ་དུས་ཀྱི་གཡོ་འཁྲུགས་བཟློག༔ སྟོང་གསུམ་མི་མཇེད་བཀོད་པ་མཐའ་ཡས་ན༔ གདུལ་དཀའ་འདུལ་མཛད་པདྨ་ཐོད་ཕྲེང་རྩལ༔ དབྱེར་མེད་ངོ་བོ་དྲིན་ཆེན་བླ་མ་ལ༔ གསོལ་བ་འདེབས་སོ་མཐའ་དམག་དུས་འཁྲུགས་བཟློག༔ ཡིད་བཞིན་རིན་ཆེན་གཏེར་གྱི་གཞལ་ཡས་ནས༔ ཨོ་རྒྱན་ནོར་བདག་རིན་ཆེན་རྒྱལ་པོ་དང་༔ དབྱེར་མེད་ངོ་བོ་དྲིན་ཆེན་བླ་མ་ལ༔ གསོལ་བ་འདེབས་སོ་དབུལ་ཕོངས་འབྱོར་རྒུད་སྐྱོབས༔ ལྷན་སྐྱེས་ཡེ་ཤེས་གཉུག་མའི་གཞལ་ཡས་ན༔ ༄༅། །རིག་སྟོང་ཨོ་རྒྱན་མཁའ་སྤྱོད་དབང་པོ་དང་༔ དབྱེར་མེད་ངོ་བོ་དྲིན་ཆེན་བླ་མ་ལ༔ གསོལ་བ་འདེབས་སོ་བསམ་དོན་ལྷུན་གྲུབ་མཛོད༔ ནམ་མཁའ་རྣམ་པར་ྋ དག་པའི་གཞལ་ཡས་ན༔ གཞི་ཡི་ཆོས་སྐུ་བདེ་གཤེགས་སྙིང་པོ་དང་༔ དབྱེར་མེད་ངོ་བོ་དྲིན་ཆེན་བླ་མ་ལ༔ གསོལ་བ་འདེབས་སོ་རྣམ་གྲོལ་ཞིང་དུ་དྲོངས༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔ བཛྲ་གུ་རུ་པདྨ་སིདྡྷི་ཧཱུྃ༔ ལན་གསུམ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་རང་སློབ་དམ་པ་བློ་འཕེལ་གྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ།། །། T11614 - 437 T1614 - 438 ཨོཾཿ དག་སྣང་ལས༔ ཨོ་རྒྱན་མཚོ་སྐྱེས་རྡོ་རྗེའི་གསོལ་འདེབས་དངོས་གྲུབ་རྒྱ་མཚོ་བཞུགས་སོ༔ ཨེ་མ་ཧོཿ རིགས་དང་དཀྱིལ་འཁོར་ཀུན་གྱི་བདག་ཉིད་དཔལ༔ མཚོ་སྐྱེས་རྡོ་རྗེའི་ཞབས་ལ་གསོལ་བ་འདེབས༔ བདག་རྒྱུད་བྱིན་གྱིས་རློབས་ལ་བར་ཆད་སེལ༔ མཆོག་དང་ཐུན་མོང་དངོས་གྲུབ་སྩལ་དུ་གསོལ༔ ཅེས་པ་འདི་ཡང་ཡར་ངོའི་ཚེས་བཅུའི་ནུབ་སྤྲང་བདུད་འཇོམས་རྡོ་རྗེ་ལ་དཔལ་ཨོ་རྒྱན་ཆོས་ཀྱི་རྒྱལ་པོས་གདམས་པའོ།། །། ཨེ་མ་ཧོཿ སྔོན་ཚེ་རྣལ་འབྱོར་དབང་ཕྱུག་ནུས་ལྡན་པ༔ བར་དུ་པདྨའི་རྒྱལ་ཚབ་བདུད་འདུལ་གླིང་༔ མ་འོངས་སངས་རྒྱས་མོས་པ་མཐའ་ཡས་ཞབས༔ ད་ལྟ་པད་འབྱུང་དངོས་སྣང་བདུད་འཇོམས་གླིང་༔ ཟོལ་མེད་གདུང་ཤུགས་དྲག་པོས་གསོལ་བ་འདེབས༔ དུས་གསུམ་འདུ་འབྲལ་མེད་པར་བྱིན་གྱིས་རློབས༔ མ་རིག་འཁོར་བའི་རྩ་བ་དྲུང་འབྱིན་ནས༔ སྐུ་གསུམ་འབྲས་བུའི་རང་ས་ཟིན་པར་ཤོག༔ མངྒ་ལཾ།། ཨེ་མ་ཧོཿ ཀ་དག་ཕྱོགས་ཡན་ཆེན་པོའི་ཀློང་ཡངས་སུ༔ སྐུ་དང་ཡེ་ཤེས་རང་བྱུང་ལྷུན་གྲུབ་ངང་༔ ཆོས་ཀུན་སྒྱུ་མར་རོལ་པའི་བརྟུལ་ཞུགས་ཀྱིས༔ འཁོར་འདས་དག་མཉམ་ངང་དུ་འབྱམས་ཀླས་པའི༔ གདིང་ཐོབ་རྣལ་འབྱོར་རྡོ་རྗེ་ཁྲོ་ལོད་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ ཚེ་རབས་སྐྱེ་བའི་ཕྲེང་བ་ཐམས་ཅད་དུ༔ འཁོར་བ་དོང་ནས་སྤྲུགས་པའི་དབུགས་དབྱུང་མཛོད༔ དད་ལྡན་དགེ་བཙུན་བསྟན་བཟང་ཞེས་བྱའི་ངོར། །སྒྱུ་མའི་རྣལ་འབྱོར་བདུད་འཇོམས་རྡོ་རྗེས་བྲིས། །། T11614 - 440 ༄༅། །ཨེ་མ་ཧོཿ ཆོས་སྐུའི་སྟོན་པ་ཀུན་བཟང་རྡོ་རྗེ་འཆང་༔ ལོངས་སྐུའི་སྟོན་པ་རིགས་གསུམ་འགྲོ་བའི་མགོན༔ སྤྲུལ་སྐུའི་སྟོན་པ་དགའ་རབ་ཤྲཱི་སེང་༔ རིག་འཛིན་ཆེན་པོ་བརྒྱད་དང་པདྨ་འབྱུང་༔ རྗེ་འབངས་ཉེར་ལྔ་གཏེར་ཆེན་བརྒྱ་རྩ་དང་༔ བཀའ་བབ་གསུམ་ལྡན་རྩ་བའི་བླ་མ་ལ༔ གསོལ་བ་འདེབས་སོ་ཕྱི་ནང་བར་ཆད་སོལ༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔ འདི་ཕྱི་བར་གསུམ་རྗེས་སུ་བཟུང་ནས་ཀྱང་༔ ཁམས་གསུམ་ཆོས་ཀྱི་རྒྱལ་པོར་དབུགས་དབྱུང་གསོལ༔ ཚེ་རབས་སྐྱེ་བའི་ཕྲེང་བ་ཐམས་ཅད་དུ༔ ལས་རྐྱེན་ངན་པའི་དབང་དུ་མི་འགྲོ་ཞིང་༔ སྒོ་གསུམ་དམ་པའི་ཆོས་སུ་འགྱུར་བར་ཤོག༔ ཅེས་བརྒྱུད་པའི་གསོལ་འདེབས་སྨོན་ལམ་དང་འབྲེལ་བ་ཨོ་རྒྱན་རྡོ་རྗེ་འཆང་གི་བཀའ་བཞིན་དུ་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་སློབ་བུ་ཀློང་ཆེན་ཡངས་པས་བསྐུལ་ངོར་བྲིས་སོ། །དགེའོ།། ། TI1614 - 441 T1614 - 442 ཨོཾཿ ཨེ་མ་ཧོཿ ཁྱབ་བདག་འཁོར་ལོའི་མགོན་པོ་ཀུན་ཏུ་བཟང་༔ ལྷུན་གྲུབ་རོལ་པ་རིགས་ལྔ་གངས་ཆེན་མཚོ༔ གདུལ་བྱ་འདུལ་མཛད་སྤྲུལ་སྐུ་རིགས་གསུམ མགོན༔ འགྲོ་བའི་དཔལ་མགོན་ཨོ་རྒྱན་རིན་པོ་ཆེ༔ བརྒྱུད་གསུམ་ཆུ་བོ་གཅིག་འདྲེས་བླ་མ་རྗེ༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ འདི་ཕྱི་བར་གསུམ་རྗེས་སུ་བཟུང་ནས་ཀྱང་༔༷ ཁམས་གསུམ་ཆོས་ཀྱི་རྒྱལ་པོར་དབུགས་དབྱུང་སྟེ༔ བསམ་དོན་ཆོས་བཞིན་འགྲུབ་པར་བྱིན་གྱིས་རློབས༔ དེ་ལྟར་གསོལ་བ་བཏབ་པའི་བྱིན་རླབས་ཀྱིས༔ ཚེ་རབས་སྐྱེ་བའི་ཕྲེང་བ་ཐམས་ཅད་དུ༔ ལས་རྐྱེན་ངན་པའི་དབང་དུ་མི་འགྲོ་ཞིང་༔ འཁོར་བ་དོང་སྤྲུགས་ནུས་པའི་དཔལ་ཐོབ་ཤོག༔ ཅེས་སྡེ་བུར་ཕྱོགས་ཀྱི་བཙུན་པ་ཆོས་འཕེལ་ཞེས་བྱ་བས་ནན་དུ་བསྐུལ་ངོར། བདུད་འཇོམས་རྡོ་རྗེས་སྨྲས་པ་དུས་གསུམ་ཀུན་ཏུ་དགེ་བར་གྱུར་ཅིག །དགེའོ།། །། T11614 - 443 T11614 - 444 ༔ ཨེ་མ་ཧོཿ ཁྱབ་བདག་གདོད་མའི་མགོན་པོ་ཀུན་ཏུ་བཟང་༔ བདེ་ཆེན་ལོངས་སྤྱོད་རྫོགས་སྐུ་སྣང་མཐའ་ཡས༔ ཐུགས་རྗེས་འགྲོ་འདུལ་དཔལ་ལྡན་པདྨ སྐྱེས༔ ནམ་མཁའི་རྣལ་འབྱོར་བདུད་འཇོམས་དྲག་པོ་རྩལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ སྲིད་ལས་རྣམ་རྒྱལ་འབྲེལ་ཚད་དོན་ལྡན་ཞིང་༔ འཁོར་བ་དོང་སྤྲུགས་ནུས་པའི་དཔལ་ཐོབ་ཤོག༔ ཅེས་གསོལ་འདེབས་སྨོན་ལམ་འབྲེལ་བའི་རྐང་པ་བདུན། །སྐྱེས་མཆོག་ཚུལ་ཁྲིམས་རྒྱ་མཚོས་བསྐུལ་བའི་ངོར། །མི་རྒན་བདུད་འཇོམས་རྡོ་རྗེས་འཕྲལ་དུ་བྲིས།། །། ཨེ་མ་ཧོཿ གཞི་དབྱིངས་གྲྭ་ཟུར་ལས་འདས་ཐིག་ལེའི་མཁར༔ གཞི་སྣང་ལོངས་སྤྱོད་རྫོགས་པའི་དཔལ་མངའ་བའི༔ གཞི་རྩལ་ཡེ་ཤེས་སྒྱུ་མའི་འཕྲུལ་སྣང་བ༔ གཞིར་གནས་དོན་གྱི་བླ་མར་གསོལ་བ་འདེབས༔ གཞི་ལས་མི་གཞན་ལམ་སྟོར་དམུས་ལོང་འགྲོ༔ གཞི་དབྱིངས་ཁྱབ་བདག་རྒྱལ་པོར་བྱང་ཆུབ་ཤོག༔ ཅེས་པ་འདི་ཡང་སྡོང་གི་སྐྱེས་བུ་ཡོངས་གྲུབ་ཀྱི་ངོར། རྒན་པོ་བདུད་འཇོམས་རྡོ་རྗེས་སོ།། །། ན་མོ༔ རིགས་བརྒྱའི་ཁྱབ་བདག་ཨོ་རྒྱན་མཚོ་སྐྱེས་རྗེ༔ སྣང་སྲིད་དབང་སྡུད་རྡོ་རྗེ་ཐོད་ཕྲེང་རྩལ༔ ཆོས་ཉིད་སྒྱུ་མར་རོལ་པའི་རིག་འཛིན་ལ༔ གསོལ་བ་འདེབས་སོ་བདག་རྒྱུད་བྱིན T1614 - 445 གྱིས་རློབས༔ ཕྱི་ནང་གསང་བའི་བར་ཆད་དབྱིངས་སུ་སོལ༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔ བདུད་འཇོམས་རྡོ་རྗེས་སྨྲས་སོ།། །། གྲི བདུད་འཇོམས་ཟབ་གཏེར་T11614 - 446 T11614 - 446 ༄༅། །སྭསྟི༔ རྒྱལ་དང་རྒྱལ་སྲས་མ་ལུས་འདུས་པའི་ཞལ༔ མཁྱེན་གཉིས་ཡོན་ཏན་དུ་མའི་གཏེར་ཆེན་པོ༔ མགོན་པོ་འཇམ་པའི་དབྱངས་ལ་གསོལ་བ་འདེབས༔ མ་རིག་བག་ཆགས་སྒོང་རྒྱར་དུབ་པ་ཡི༔ གཟུང་འཛིན་ལམ་དུ་འཕྱན་པའི་སྐྱེས་བུ་བདག༔ མཁྱེན་གཟིགས་ཡེ་ཤེས་ཆེན་པོའི་ངང་དུ་རློབས༔ སྟོང་པ་ཡེ་ཤེས་མི་གཡོ་ཆོས་ཀྱི་སྐུ༔ གསལ་བ་འགགས་མེད་ཡེ་ཤེས་ལོངས་སྤྱོད་རྫོགས༔ ཀུན་ཁྱབ་ཡེ་ཤེས་ཕྱོགས་མེད་སྤྲུལ་པའི་སྐུ༔ མཉམ་ཉིད་ངང་གནས་ཡེ་ཤེས་ངོ་བོ་ཉིད༔ སྐུ་བཞིའི་བདག་ཉིད་མགོན་པོ་འཇམ་པའི་དབྱངས༔ གསོལ་བ་འདེབས་སོ་མཁྱེན་བརྩེ་ནུས་པས་དགོངས༔ སྣང་འགྱུར་སྲིད་པར་རང་རྒྱུད་འཐས་པ་ཡི༔ མི་གཞན་རང་ལ་ཡུལ་དང་བདག་རྒྱུད་གོལ༔ གནས་འགྱུར་སྲིད་པ་རླུང་གི་འཁོར་ལོར་བཅུག༔ འཁྲུལ་སྣང་འདི་ལས་དཔའ་བོས་བསྒྲལ་དུ་གསོལ༔ མ་རིག་མལ་ནས་ཐུགས་རྗེས་བསླང་དུ་གསོལ༔ གཉིད་འཐུག་འདི་ལས་བླ་མས་དཀྲོག་པར་མཛོད༔ སྡུག་བསྔལ་འདི་ལས་མགོན་པོས་བསྐྱབ་ཏུ་གསོལ༔ སྐུ་གསུམ་ལྷུན་གྲུབ་ཆེན་པོའི་དགོངས་ཀློང་དུ༔ སྒོ་གསུམ་དག་མཉམ་རྡོ་རྗེའི་གདིང་ཐོབ་ནས༔ བཅུ་གསུམ་རྡོ་རྗེ་འཛིན་པའི་ས་ཐོབ་ཤོག༔ ཨོཾ་ཨ་ར་པ་ཙ་ན་དྷཱིཿ ཅེས་པ་འདི་ནི་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་སོ།། །། TI1614 - 447 T1614 - 448 ཨོཾ༔ གསོལ་འདེབས་བདུད་རྩིའི་བུམ་བཟང་དངོས་གྲུབ་རྒྱ་མཚོ་བཞུགས་སོ༔ ཨེ་མ་ཧོཿ རང་སྣང་སྐུ་གསུམ་ཡོངས་གྲུབ་ཆེན་པོའི་ཀློང་༔ རང་རིག་ཀ་དག་ཆོས་སྐུའི་རོལ་པ་ལས༔ རང་མདངས་སྒྱུ་མའི་རྣལ་འབྱོར་སྦས་ཚུལ་ཅན༔ རང་གྲོལ་གདམས་པའི་མཛོད་འཛིན་བདུད་འཇོམས་གླིང་༔ རང་རྒྱུད་ཟོལ་མེད་གདུང་བས་གསོལ་འདེབས་ཀྱི༔ རང་རིག་རང་ངོར་སངས་པར་བྱིན་གྱིས་རློབས༔ སྐལ་མཆོག་འདྲེན་སྟོན་རྒྱ་མཚོའི་གཙུག་རྒྱན་མཆོག༔ སྐལ་ལྡན་བློ་ཡི་པདྨོ་བཞད་པའི་ཚལ༔ སྐལ་བཟང་སྙན་རྒྱུད་ཟབ་མོའི་བདུད་རྩི་འབེབས༔ སྐལ་དམན་བདག་གིས་གསོལ་འདེབས་རྒྱུད་བྱིན་རློབས༔ ཆོས་ཉིད་སྒྱུ་མར་རོལ་པའི་དུར་ཁྲོད་ནས༔ ཆོས་བདག་དཔའ་བོ་མཁའ་འགྲོའི་ཚོགས་ཀྱི་བདག༔ ཆོས་མིན་ལོག་རྟོག འཇོམས་པའི་ཧེ་རུ་ཀ༔ ཆོས་ཉིད་ཀློང་མཛོད་ཆེན་པོར་གསོལ་བ་འདེབས༔ ཆོས་ཀུན་ཁོང་དུ་ཆུབ་པར་བྱིན་གྱིས་རློབས༔ སྐུ་གསུམ་ལྷུན་གྲུབ་པདྨ་འབྱུང་གནས་དང་༔ སྐུ་བཞིའི་བདག་ཉིད་བླ་མ་རིན་པོ་ཆེ༔ སྐུ་དང་ཡེ་ཤེས་རོལ་པར་གསོལ་འདེབས་ཀྱི༔ སྐུ་གཉིས་མངོན་དུ་འགྱུར་བར་བྱིན་གྱིས་རློབས༔ རྫོགས་པའི་སངས་རྒྱས་ཡེ་རིག་ཀུན་ཏུ་བཟང་༔ རྫོགས་ སྐུ་མཚན་མ་ཚིག་བྲལ་ཟང་ཐལ་སྐུར༔ རྫོགས་ཆེན་རྣལ་འབྱོར་ཆེན་པོས་བྱིན་བརླབས་ནས༔ རྫོགས་པ་ཆེན་པོའི་ཀློང་དུ་རོ་གཅིག་ཤོག༔ ཅེས་པ་འདི་བུ་གཅིག་ཆོས་ཀྱི་རྡོ་རྗེས་ནན་དུ་བསྐུལ་བའི་ངོར སྤྲང་སྨྱོན་བདུད་འཇོམས་རྡོ་རྗེ་ཞེས་བྱ་བ་ཀུན་གྱི་ཐཤལ་མ་ནུས་ཟོག་རྫུན་མཁན་གཤེ་སྐུར་གླེང་མོའི་གནས་སུ་གྱུར་པ་དེས་མཁའ་འགྲོའི་བརྡའ་ལ་བརྟེན་ནས་སྨྲས་པ་ཡོངས་སུ་དགེ་བར་གྱུར་ཅིག། ། ༅ བདུད་འཇོམས་ཟབ་གཏེར་བདུད་འཇོམས་ཟབ་གཏེར་TI1614 - 450 ༄༅། །ཨོ་རྒྱན་རྒྱལ་ཚབ་འགྲོ་འདུལ་སྤྲུལ་པའི་སྐུ༔ གཞིར་གནས་ཆོས་སྐུ་མངོན་གྱུར་རིག་པའི་མཁར༔ འཁོར་འདས་དག་མཉམ་རོལ་པའི་གདིང་ཆེན་ཐོབ༔ བདུད་འཇོམས་རྡོ་རྗེའི་ཞབས་ལ་གསོལ་བ་འདེབས༔ ཞེས་རང་སློབ་དམ་པ་རྡོ་རྗེ་རྣམ་པར་རྒྱལ་བས་བསྐུལ་ངོར་བདུད་འཇོམས་རྡོ་རྗེས་བསྒྱུར་བ་དགེའོ།། །། སྭསྟི༔ རྩ་གསུམ་དམ་ཅན་རྒྱ་མཚོའི་ཚོགས་རྣམས་ཀྱིས༔ མཁྱེན་བརྩེ་ནུས་པའི་སྟོབས་ཤུགས་བསླུ་མེད་མཐུས༔ པད་འབྱུང་ཕྲིན་ལས་རོལ་གར་དཔལ་འཛིན་པའི༔ ཚེ་བསོད་དཔལ་འབྱོར་མཛད་ཕྲིན་འཕེལ་རྒྱས་ཤོག༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཞེས་པ་འདི་གྲུབ་དབང་སྒམ་བུ་པའི་སྐུ་ཕྲེང་བཞི་པའི་ཞབས་པད་བརྟན་ཕྱིར་ཁྲག་འཐུང་བདུད་འཇོམས་རྡོ་རྗེས་སོ། །དགེའོ། །དགེའོ། །དགེའོ།། །། ༈ དུས་གསུམ་སངས་རྒྱས་ཀུན་གྱི་ངོ་བོ་ཉིད༔ ཁྱབ་བདག་སྤྱི་དཔལ་པདྨ་འབྱུང་གནས་མཁྱེན༔ ཚེ་རབས་སྐྱེ་བའི་ཕྲེང་བ་ཐམས་ཅད་དུ༔ མགོན་པོ་ཁྱེད་ཀྱིས་རྗེས་སུ་འཛིན་གྱུར་ཅིག༔ བཛྲ་གུ་རུ་པདྨ་སིདྡྷི་ཧཱུྃ༔ གཏེར་སྟོན་པས་སོ།། ། T1614 - 452 ཨོཾ༔ མཁའ་འགྲོ་རལ་གྲི་འབར་མ་ཡིས༔ ཨེ་མ་ཧོཿ ཆོས་ཉིད་མངོན་སྣང་ཞིང་གི་མཆོག༔ ཉམས་སྣང་གོང་འཕེལ་གཞལ་ཡས་སུ༔ ཚད་ཕེབས་ལོངས་སྐུའི་བཀོད་པ་ངོམས༔ ཆོས་ཟད་བློ་འདས་བདུད་འཇོམས་གླིང་༔ གཉིས་མེད་རིག་པས་གསོལ་བ་འདེབས༔ གཞོན་ནུ་བུམ་སྐུའི་ས་རུ་དྲོངས༔ ཞེས་དད་ལྡན་དེ་ཡི་ངོར་བདུད་འཇོམས་པས་སོ།། ། ༈ གདོད་ནས་ཡང་དག་རྫོགས་པའི་སངས་རྒྱས་ཀྱི༔ སྒྱུ་འཕྲུལ་སྤྲུལ་པའི་ཟློས་གར་བསྒྱུར་བའི་དཔལ༔ བོ་དྷི་སཏྭས་བསྟན་པའི་རྒྱལ་མཚན་བཙུགས༔ མཚོ་སྐྱེས་རྡོ་རྗེས་བདུད་སྡེ་གདུག་པ་འདུལ༔ མངའ་བདག་རྒྱལ་པོས་གཞན་སྣང་དབང་དུ་བསྒྱུར༔ བཀའ་དྲིན་བསམ་འདས་གསུམ་ལ་གསོལ་བ་འདེབས༔ བདག་སོགས་འཁོར་བཅས་ཚེ་རབས་ཐམས་ཅད་དུ༔ སྐྱབས་མཆོག་ཁྱེད་ཀྱི་རྗེས་སུ་འཛིན་གྱུར་ཅིག༔ བདུད་འཇོམས་རྡོ་རྗེས་སོ། T11614 - 454 ༄༅། །ཀ་དག་གདོད་མའི་དབྱིངས་སུ་ཀུན་ཏུ་བཟང་། །རྣལ་འབྱོར་ནུས་ལྡན་འཕགས་པ་ཤཱ་རིའི་བུ །ཧཱུྃ་ཆེན་ཀཱ་ར་ཁྱེའུ་ཆུང་ལོ་