Tibetan
མཁའི་ཀློང་མཛོད་ལས༔ སྨོན་ལམ་རྣམ་དག་བདུད་རྩིའི་ཐིག་པ་བཞུགས༔ ན་མོ་གུ་རུ་པདྨ་ཀ་ར་ཡེ༔ ཐ་མརྦ་ག༥༔ ན་མོ༔ དཀོན་མཆོག་གསུམ དང་རྩ་གསུམ་ཆོས་སྐྱོང་སྲུང་མའི་བདེན་པ་དང་༔ དོན་དམ་ཆོས་ཉིད་ངོ་བོ་གདོད་ནས་དག་པའི་བདེན་པ་དང་༔ ཀུན་རྫོབ་བསླུ་བ་མེད་པ་རྒྱུ་འབྲས་ཟབ་མོའི་བདེན་པའི་མཐུས༔ ཕྱོགས བཅུ་དུས་གསུམ་གྱི་བླ་མ་བདེ་གཤེགས་རྒྱལ་བ་སྲས་དང་བཅས་པ་མ་ལུས་ཤིང་ལུས་པ་མེད་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་བདག་གི་རྒྱུད་ལ་ད་ལྟ་ཉིད་དུ་འཕོ་བར་གྱུར་ཅིག༔ བདག་གི་རྒྱུད་སྨིན་ཅིང་གྲོལ་ནས་ཐར་པ་དང་རྣམ་མཁྱེན་གྱི་ལམ་དུ་ཚུད་པར་གྱུར་ཅིག༔ བསྐྱེད་པ་མ་ཧཱ་ཡོ་གའི་གདམས་པ་ཉམས་སུ་བླངས་པ་ཙམ་གྱིས་སྒོ་གསུམ་རྡོ་རྗེ་གསུམ་གྱི་རོལ་པ་རུ་འཕོས་ཤིང་སྨིན་ཏེ་གྲོལ་བར་གྱུར་ཅིག༔ ལུང་ཨ་ནུ་ཡོ་གའི་སྒོར་ཞུགས་ཏེ་ཉམས་སུ་བླངས་པ་ཙམ་གྱིས་རྩ་ཐིག་རླུང་གསུམ་ཐམས་ཅད་སྐུ་གསུམ་ཡེ་ཤེས་ཀྱི་དབྱིངས་སུ་དག་ཅིང་སྨིན་ཏེ་གྲོལ་བར་གྱུར་ཅིག༔ གཞི་ཁྲེགས་ཆོད་ཀྱི་སྒོར་ཞུགས་ཏེ་ཉམས་སུ་བླངས་པ་ཙམ་གྱིས་ཆོས་ཉིད་དེ་བཞིན་ཉིད་ཀྱི་གནས་ལུགས་དང་ བདེན་པ་མངོན་སུམ་དུ་མཐོང་ཞིང་རྟོགས་པར་གྱུར་ཅིག༔ རྟོགས་ནས་གདེང་ཐོག་ཏུ་གྲོལ་བ་ཐོབ་པར་གྱུར་ཅིག༔ མྱུར་ལམ་འཕོ་བ་ཆེན་པོའི་སྒོར་ཞུགས་ཏེ་ལམ་ཉམས་སུ་བླངས་པ་ཙམ གྱིས་ཐོད་རྒལ་སྣང་བ་བཞིའི་ཉམས་རྟོགས་དང་ལམ་རྟགས་ཡོན་ཏན་ཐམས་ཅད་ཚངས་ལ་མ་ནོར་ཞིང་ཕྱིན་ཅི་མ་ལོག་པ་རིང་པོར་མི་ཐོགས་པར་མྱུར་བ་ཉིད་དུ་བདག་གི་རྒྱུད་ལ་སྐྱེས་ཤིང་སྨིན་པར་གྱུར་ཅིག༔ དེར་ཡང་གོལ་ཤོར་ནོར་གསུམ་གྱི་དབང་དུ་མི་འགྱུར་ཞིང་ས་ལམ་མཐར་ཕྱིན་ཏེ་ཚེ་ལུས་འདི་ཉིད་དུ་ཆོས་ཅན་གྱི་སྣང་བ་ཆོས་ཉིད་ཀྱི་དབྱིངས་སུ་ཟད་ནས་གཞོན་ནུ་བུམ་པའི་སྐུ་རུ་གྲོལ་ཏེ་འཇའ་ལུས་འཕོ་བ་ཆེན་པོར་སངས་མངོན་སུམ་དུ་རྒྱ་བར་གྱུར་ཅིག༔ ཁམས་གསུམ་འཁོར་བ་དོང་ནས་སྤྲུགས་ཏེ་སྐུ་གསུམ་ལྷུན་གྲུབ་ཀྱི་ས་ལ་སྒྲོལ་བར་གྱུར་ཅིག༔ དེ་ལྟར་སྨོན་ལམ་རྣམ་དག་བཏབ་པའི་ཚེ༔ མི་ཚིག་གཞན་གྱིས་ལྷད་མི་འཇུག་པ་གནད༔ བདེན་པའི་སྟོབས་དང་འགྲུབ་སྔགས་ཅི་མང་བརྗོད༔ གནད་དེས་རིམ་བཞིན་རྣམ་མཁྱེན་ས་རུ་འཕེན༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཉིད་རིག་གྲོལ་གྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། སྦས་བསྒྲོད་ཐབྷཱ ཆོས་ཉིད་ནམ་མཁའི་ཀློང་མཛོད་ལས༔ སྦས་ཡུལ་ས་སྤྱོད་ཀྱི་གནས་འོག་མིན་པདྨ་བཀོད་དུ་བགྲོད་པའི་གསོལ་འདེབས་སྨོན་ལམ་དང་བཅས་པ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤདྱརྡཧཱསྔ༔ ཨེ་མ་ཧོཿ ཆོས་སྐུ་སྣང་བ་མཐའ་ཡས་འོད་དཔག་མེད༔ ལོངས་སྐུ་འཇམ་དཔལ་སྤྱན་གཟིགས་མཐུ་ཆེན་ཐོབ༔ སྤྲུལ་སྐུ་པདྨ་འབྱུང་གནས་སྟོན་འཁོར་བཅས༔ རྩ་གསུམ་དཔའ་བོ་མཁའ་འགྲོ་ཆོས་སྐྱོང་ལ༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ ཚེ་འདིའི་སྣང་བ་མ་ནུབ་སྔ་ཐོག་ཏུ༔ སྦས་ཡུལ་པདྨ་བཀོད་དུ་ལམ་སྣ་དྲོངས༔ ད་ནས་བཟུང་སྟེ་གནས་དེར་མ་སླེབ་བར༔ ཚེ་དང་སྲོག་ལ་བར་ཆད་མི་འབྱུང་ཞིང་༔ རྫོགས་ལྡན་དུས་ཀྱི་བསྐལ་པ་ཇི་བཞིན་དུ༔ གནས་དེར་ཟག་མེད་བདེ་ཆེན་སྤྱོད་གྱུར་ཅིག༔ དཀོན་མཆོག་རྩ་གསུམ་བདེན་པས་དེ་འགྲུབ་ཤོག༔ རྟེན་འབྲེལ་སྙིང་པོ་བརྗོད་ན་ངེས་པར་འགྲུབ༔ ས་མ་ཡ༔ བདུད་འཇོམས་པས་སོ། །དགེའོ།། །། T1614 - 252 འཿ ཆོས་ཉིད་ནམ་མཁའི་ཀློང་མཛོད་ལས༔ རྩ་གསུམ་དྲིལ་སྒྲུབ་ཀྱི་བསྐང་བ་ཀུན་བཟང་མཆོད་སྤྲིན་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གཞབྷ་སྐ་རྒྱ།༔ བདེ་སྟོང་མཆོད་པའི་རྫས་རྣམས་ཀུན༔ རྣམ་ཀུན་མཆོག་ལྡན་ཆོས་སྐུའི་གཤིས༔ འཛད་མེད་ལོངས་སྤྱོད་གཏེར་དུ་བསྒྱུར ནམ་མཁའ་མཛོད་སྔགས་ལན་བདུན་བརྗོད༔ ཨོཾ་ཨཱཿ ཧཱུྃ༔ ཧྲཱིཿ གཟུང་འཛིན་རྣམ་དག་ཆོས་ཉིད་མཆོད་པའི་སྤྲིན༔ གཞི་སྣང་ལྷུན་གྲུབ་བསྐང་བའི་རྫས་རྣམས་ཀྱིས༔ གདོད་མའི་མགོན་པོ་དཔལ་ལྡན་བླ་མ་དང་༔ རྡོ་རྗེ་གཞོན་ནུ་ཡི་དམ་རྒྱུད་སྡེའི་ལྷ༔ ཡེ་ཤེས་མཚོ་རྒྱལ་འབུམ་ཕྲག་མཁའ་འགྲོའི་ཚོགས༔ བསྟན་སྲུང་དམ་ཅན་རྒྱ་མཚོའི་ཚོགས་རྣམས་ཀྱི༔ ཐུགས་དམ་བསྐང་ངོ་ཉམས་ཆག་འགལ་འཁྲུལ་བཤགས༔ མཆོག་དང་ཐུན་མོང་དངོས་གྲུབ་ཆར་ལྟར་ཕོབ༔ སྒྲུབ་པའི་རྐྱེན་སྣང་འགལ་འཁྲུལ་བར་ཆད་སོལ༔ ཕྲིན་ལས་རབ་འབྱམས་ཐོགས་མེད་མྱུར་འགྲུབ་ཤོག༔ དེ་ལྟར་དམིགས་པའི་གནད་ལྡན་པས༔ ཉམས་ཆག་བྱང་ཞིང་ཚོགས་རྫོགས་འགྱུར༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨྠི༔ ཞེས་པ་འདི་ཉིད་སྒྲུབ་བརྩོན་དམ་པ་བླ་མ་འཇམ་དཔལ་གྱིས་བསྐུལ་ངོར་གཏེར་ཆེན་བླ་མའི་དགོངས་རྒྱུད་བཙལ་བྱུང་བ་བཞིན་ཀློང་ཆེན་རབ་འབྱམས་དགྱེས་པའི་རྡོ་རྗེས་བྲིས། དགེའོ།། །། T1614 - 254 བྷ ཆོས་ཉིད་ནམ་མཁའི་ཀློང་མཛོད་ལས༔ འཕགས་མཆོག་ཐུགས་རྗེ་ཆེན་པོའི་སྲེག་བླུགས་ཡེ་ཤེས་མེ་ལྕེ་བཞུགས་སོ༔ སྲེག་གཅིག་TI1614 - 255 བདུད་འཇོམས་ཐུགས་ཆེན་བྷཟླ ན་མོ་གུ་རུ་པདྨ་ཀ་ར་ཡེ༔ ཤགྷཐཱ།ག།།༔ རྒྱལ་དབང་པདྨ་ཐོད་ཕྲེང་ངས༔ གདུལ་བྱ་ལས་ཅན་དོན་ཆེད་དུ༔ ནད་གདོན་བར་ཆད་ཞི་བ་དང་༔ ཚེ་བསོད་རྒྱས་ཤིང་དབང་གི་ལས༔ དྲག་པོའི་ཕྲིན་ལས་ལྷུན་གྲུབ་ཕྱིར༔ སྲེག་བླུགས་ཡེ་ཤེས་མེ་ལྕེ་བསྟན༔ མེ་ཐབ་ལས་བཞི་རང་རང་གི༔ ལས་མཐུན་ཧོམ་ཡང་དེ་བཞིན་བརྩིགས༔ འོག་ཏུ་མཁོ་བའི་རྫས་རྣམས་བསགས༔ དང་པོ་བྱིན་གྱིས་བརླབས་པ་ནི༔ རཾ་ཡཾ་ཁཾ༔ འབྲུ་གསུམ་འོད་དུ་ཞུ་བ་ལས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་ལས་བྱུང་བའི་བདེ་སྟོང་ཡེ་ཤེས་ཀྱི་བདུད་རྩི་འཁོར་འདས་ཡོངས་ལ་ཁྱབ་ཅིང་སྤེལ་བར་གྱུར༔ ནམ་མཁའ་མཛོད་སྔགས་T11614 - 256 ༣བྷཾ ལན་བདུན་དང་༔ རྟེན་འབྲེལ་སྙིང་པོ་ལན་གསུམ་གྱིས༔ དེ་ནས་མེ་སྤར་བ་ནི༔ ཧཱུྃ༔ རང་བྱུང་ཡེ་ཤེས་འབར་བའི་མེ༔ གོས་དཀར་ལྷ་མོའི་མཁར་སྦྱར་བས༔ ལྷ་ཚོགས་དགྱེས་པ་སྐྱེད་བྱེད་པའི༔ ཤེས་རབ་ཡེ་ཤེས་མེར་བྱིན་བརླབས༔ ཨགྣེ་ཛྭ་ལ་རཾ༔ དེ་ནས་མེ་ལྷ་བསྐྱེད་པ་ནི༔ ཧཱུཾ༔༷ འཁོར་འདས་ཆོས་རྣམས་སྟོང་པར་གྱུར༔ སྟོང་པའི་རང་མདངས་མ་འགགས་པ༔ ཡེ་ཤེས་ཆེན་པོ་འབར་བའི་ཀློང་༔ པདྨ་ཉི་མ་ར་སྐྱེས་སྟེང་༔ ཨགྣེ་དྲང་སྲོང་ཆེན་པོ་ནི༔ དཀར་གསལ་ཚངས་སྐུད་སེ་རལ་སྤྲས༔ དར་དང་རིན་ཆེན་རྒྱན་གྱིས་བརྒྱན༔ ཕྱག་གཉིས་རིལ་པ T11614 - 257 སྤྱི་བླུགས་དང་༔ བསྒྲང་ཕྲེང་འཛིན་ཅིང་རིག་སྔགས་གསུངས༔ ཕྱེད་སྐྱིལ་གདན་ལ་མཛེས་པར་བཞུགས༔ གནས་གསུམ་འབྲུ་གསུམ་སྙིང་པོ་ལས༔ འོད་འཕྲོས་ཡེ་ཤེས་མེ་ལྷ་ཆེ༔ ཤར་ལྷོའི་མཚམས་ནས་སྤྱན་དྲངས་བསྟིམ༔ དེ་ནས་མེ་དར་གྱིས་གཡབ་ཅིང་འདི་སྐད་དོ༔ ཧཱུྃ༔ དད་པ་དང་ནི་དམ་ཚིག་གིས༔ དྲང་སྲོང་མེ་ལྷ་འཁོར་དང་བཅས༔ སྲེག་བླུགས་ཞལ་ཟས་བཞེས སླད་དུ༔ གནས་འདིར་སྤྱན་འདྲེན་གཤེགས་སུ་གསོལ༔ འབར་བ་མེ་ཡི་གདན་ལ་བཞུགས༔ སྒོ་གསུམ་གུས་པས་ཕྱག་འཚལ་ལོ༔ ཨགྣེ་རཱ་ཛ་བཛྲ་ས་མ་ཡ་ཛ་ཛ༔ ཏིཥྛ་ལྷན༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ དེ་ནས་མཆོད་པ་འབུལ་བ་ནི༔ ཧཱུྃ༔ མཆོད་ཡོན་ཞབས་བསིལ་མེ་ཏོག་དང་༔ བདུག་སྤོས་མར་མེ་དྲི་ཆབ་དང་༔ ཞལ་ཟས་རོལ་མོ་ལ་སོགས་པའི༔ ཉེར་སྤྱོད བདུན་གྱི་མཆོད་པ་འབུལ༔ གཟུགས་སྒྲ་དྲི་རོ་རེག་བྱ་ཆོས༔ སྨན་གཏོར་རཀྟ་བྱང་སེམས་བཅུད༔ ཡེ་ཤེས་བདུད་རྩི་འབྱུང་བའི་གནས༔ རྨད་བྱུང་མཆོད་པའི་སྤྲིན་ཆེན་པོ༔ ཨགྣེ་རཱ་ཛའི་ཞལ་དུ་འབུལ༔ གསང་བ་མཆོག་གི་དངོས་གྲུབ་སྩོལ༔ ཨོཾ་བཛྲ་ཨརྒྷཾ་པཱདྱཾ་སོགས ཤཔྡ་པྲ་ཏཱིཙྪ་ཡེ་སྭཱ་ཧཱ༔ ཨོཾ་རཱུ་པ་ཤཔྡ་སོགས་ངྷརྨ་པྲ་ཏཱིཙྪ་ཡེ་སྭཱ་ཧཱ༔ མ་ཧཱ་སརྦ་པཉྩ་ཨ་མྲྀ་ཏ TI1614 - 258 བྡཾ རཀྟ་བ་ལིཾ་ཏ་ལ་ཁཱ་ཧི༔ དེ་ནས་བསྟོད་པ་ནི༔ ཧཱུྃ༔ མེ་སྟེ་བསྲེག་ཅིང་ཟ་བའི་ལྷ༔ ཨགྣེ་རཱ་ཛ་གདོན་གྱི་བདག༔ ཤར་ལྷོ་མེ་ལྷའི་ཚོགས་བཅས་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ དེ་ནས་བྱོན་སྐྱེམས་འབུལ་བ་ནི༔ ཨོཾ་ཨགྣེ་ཨ་དཱི་བྱ༔ པ་ཏི་བྱ༔ ཨ་བེ་ཤ་ཡ་མ་ཧཱ་ཤྲཱི་ཡེ་ཧ་བྱ་ཀ་བྱ་བཱ་ཧ་ནྱ་སརྦ་པཉྩ་ཨ་མྲྀ་ཏ་ལ་ཁཱ་ཧི༔ ལན་ཉེར་གཅིག་གིས་ཕུལ༔ དེ་ནས་མར་ཁུ་འབུལ་བ་ནི༔ ཨོཾ་ཨགྣ་ཡེ་པཉྩ་ཨ་མྲྀ་ཏ་ལ་ཁཱ་ཧི༔ ནད་གདོན་འཇིགས་བརྒྱད་སྒྲིབ་གཉིས་བག་ཆགས་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ ཡམ་ཤིང་ལ༔ ཨོཾ་ཨགྣ་ཡེ་བོ་དྷི་བྷྲྀཀྵ་ཡེ་སྭ ཧཱ༔ ཤམ་བཅས༔ ཏིལ་ལ༔ ཨོཾ་ཨགྣ་ཡེ་སརྦ་པཱ་པཾ་ད་ཧ་ན་བཛྲ་ཡེ་སྭཱ་ཧཱ༔ ཤམ་བཅས༔ ཡུངས་ཀར་ལ༔ ཨོཾ་ཨགྣ་ཡེ་སརྦ་ཨརྠ་སིདྡྷ་ཡེ་སྭཱ་ཧཱ༔ ཤམ་བཅས༔ ཞོ་ཟན་ལ༔ ཨོཾ་ཨགྣ་ཡེ་སརྦ་སམྦ དེ་སྭཱ་ཧཱ༔ ཤམ་བཅས༔ འབྲས་ལ༔ ཨོཾ་ཨགྣ་ཡེ་བཛྲ་པུཥྛ་ཡེ་སྭཱ་ཧཱ༔ ཤམ་བཅས༔ སོ་བ་ལ༔ ཨོཾ་ཨགྣ་ཡེ་བཛྲ་བི་ཛ་ཡེ་སྭཱ་ཧཱ༔ ཤམ་བཅས༔ ནས་ལ༔ ཨོཾ་ཨགྣ་ཡེ་མ་ཧཱ་བེ་གཱ་ཡེ་སྭཱ་ཧཱ༔ ཤམ་བཅས༔ སྲན་མ་ལ༔ ཨོཾ་ཨགྣ་ཡེ་མ་ཧཱ་བ་ལ་ཡེ་སྭཱ་ཧཱ༔ ཤམ་བཅས༔ གྲོ་ལ༔ ཨོཾ་ཨགྣ་ཡེ་བཛྲ་གྷསྨ་རི་སྭཱ་ཧཱ༔ ཤམ་བཅས༔ དཱུརྦ་ལ༔ ཨོཾ་ཨགྣ་ཡེ་བཛྲ་ཨ་ཡུ་ཥེ་སྭཱ་ཧཱ༔ ཤམ་བཅས༔ ཀུ་ཤ་ལ༔ ཨོཾ་ཨགྣ་ཡེ་ཨ་པྲ་ཏི་ཧ་ཏ་བཛྲ་ཡེ་སྭཱ་ཧཱ༔ ཤམ་བཅས༔ ཤིང་ཏོག་ལ༔ ཨོཾ་ཨགྣ་ཡེ་ག་གྷ་ནི་ག་གྷ་ནི་བེེ་ལོ་ཀི་ཏི་སྭ་ཧཱ༔ ཤམ་བཅས་ཕུལ༔ དེ་ནས་མེ་ལྷ་འབར་བའི་རྣམ་པར་གྱུར་པར་བསམ་པའི་ཀློང དུ༔ བསྲེག་ལྷ་བསྐྱེད་པ་གཞུང་གི་ལྷ་བསྐྱེད་ལྟར༔ ཕྱག་འཚལ་ཡན་སོང་མཐར༔ བྱོན་སྐྱེམས་འབུལ་བ་ནི༔ ཧཱུྃ༔ ཡེ་ཤེས་བདུད་རྩི་བླ་ན་མེད༔ འདོད་རྒུ་རང་བྱུང་བདུད་རྩི་ཆེ༔ དཀྱིལ་འཁོར་དགྱེས་པ་བསྐྱེད་པའི་ཕྱིར༔ གུས་པས་འབུལ་ལོ་དགྱེས་པར་རོལ༔ རྩ་སྔགས་མཐར༔ པཉྩ་ཨ་མྲྀ་ཏ་ལ་ཁཱ་ཧི༔ ལན་ཉེར་གཅིག་གིས་ཕུལ་མཐར༔ གཞུང་གི་མཆོད་པ་སྔགས་ཚིག་དང་སྦྲགས་ཏེ་ཕུལ༔ དེ་ནས་ཡམ་ཤིང་ནས་བཟུང་སྟེ་རྫས་ཆེན་རྣམས་རྩ་སྔགས་དང་ཤམ་བཅས་ཕུལ༔ བར་སྐབས་སུ་འདོད་གསོལ་བྱ་བ་ནི༔ ཧོཿ རྒྱལ་ཀུན་ཐུགས་རྗེའི་རང་གཟུགས་འཕགས་མཆོག་ནམ་མཁའི་རྒྱལ་པོའི་ཞལ་དུ༔ ཧོ༔ མེ་ལྷ་ཨགྣེ་རཱ་ཛ་ཁྱོད་ལ་བདུད་རྩི་སོགས་ཁ་བསྒྱུར་བྱ༔ བདུད་རྩི་སྲེག་བླུགས་ཀྱི་མཆོད་པ་དམ་པ་འདི་བཞེས་ལ་རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ནད་གདོན་བར་ཆད་རྐྱེན་ངན་མི་མཐུན་པའི་ཕྱོགས་ངན་པ་ཐམས་ཅད་དབྱིངས་སུ་ཞི་བའི་ཕྲིན་ལས་དམ་པ་མཛད་དུ་གསོལ༔ དེ་ནས་གཞུང་གི་བསྟོད་པའི་མཇུག་ཏུ་གཏང་རག་གི་མཆོད་པ་ནི༔ ཧོཿ དངོས་སུ་འབྱོར་དང་ཡིད་ ཥྟཾ ཀྱིས་རྣམ་འཕྲུལ་པའི༔ ཕྱི་ནང་གསང་གསུམ་འདོད་ཡོན་མཆོད་པའི་སྤྲིན༔ ཡི་དམ་ལྷ་ཚོགས་དགྱེས་པ་བསྐང་ཕྱིར་འབུལ༔ བདག་ཅག་བསོད་ནམས་ཡེ་ཤེས་ཚོགས་རྫོགས་ཤོག༔ ཨོ་བཛྲ་ཨརྒྷཾ་སོགས་ཕྱི་ནང་གསང་མཆོད་སྔགས་ཚིག་ལྟར་ཕུལ༔ དེ་ནས་གཤེགས་སྐྱེམས་རྩ་སྔགས་ལན་བདུན་གྱིས་ཕུལ༔ རྫས་གཞན་མ་རྣམས་ཀྱང་ཤམ་བུ་མེད་པས་སྔར་ལྟར་ཕུལ་མཐར༔ བསྟོད་པ་བྱ་བ་ནི༔ ཧཱུྃ༔ གཞི་དབྱིངས་ཀ་ནས་དག་པ་ཆོས་ཀྱི་སྐུ༔ ལྷུན་གྲུབ་སྐུ་དང་ཡེ་ཤེས་ཡོན་ཏན་རྫོགས༔ ཐུགས་རྗེ་གང་འདུལ་འགྲོ་བའི་དཔལ་དུ་ཤར༔ མགོན་པོ་སྤྱན་རས་གཟིགས་ལ་ཕྱག འཚལ་བསྟོད༔ དེ་ནས་གཞུང་གི་དངོས་གྲུབ་དང་༔ མ་འབྱོར་པ་དང་སོགས་ཀྱིས་བཤགས་པ་བརྗོད༔ ཡིག་བརྒྱ་བཟླ་བཞིན་ཐབ་ཏུ་ཡུངས་ཀར་འཐོར༔ ཨོཾ༔ ཁྱེད་ཀྱིས་སེམས་ཅན་སོགས༔ བཛྲ་མུཿ ཡེ་ཤེས་པ་དབྱིངས་སུ་གཤེགས༔ དམ་ཚིག་པ་བདག་ལ་ཐིམ་པར་དམིགས༔ དེ་ནས་མེ་ཁ་གསོས་ལ་མེ་ལྷ་གསལ་བཏབ་ནས༔ མཆོད་འབུལ་ཚིག་དང་སྔགས་མཆོད་སྐབས་ཕྱི་ནང་གསང་མཆོད་འབུལ༔ རང་སྔགས་ཁོ་ནས་གཤེགས་སྐྱེམས་ལན་གསུམ་གྱིས་ཕུལ་མཐར༔ ཡམ་ཤིང་ནས་བཟུང་སྔར་བཞིན་རྫས་རྣམས་རྫོགས་རྗེས༔ བསྟོད་པ་བྱ་བ་དང་༔ བཤགས་ཚིག་ཡིག་བརྒྱ་བཅས་གྲུབ་འཕྲལ༔ ཨོཾ༔ ཁྱེད་ཀྱིས་སེམས་ཅན་སོགས༔ བཛྲ་མུཿ T11614 - 261 ཡེ་ཤེས་ཀྱི་མེ་ལྷ་ཤར་ལྷོར་གཤེགས༔ དམ་ཚིག་པ་འབར་བའི་རྣམ་པར་གྱུར་ཏེ་སྦྱིན་སྲེག་ཟ་བའི་བགེགས་རྣམས་གཞོམ་པར་གྱུར༔ དེ་ནས་བསྔོ་བ་སྨོན་ལམ་ནི༔ ཧོཿ དུས་གསུམ་ནས བསགས་དགེ་ཚོགས་ཀུན༔ མ་གྱུར་སེམས་ཅན་ཡོངས་ལ་བསྔོ༔ ཀུན་ཀྱང་གདོད་མའི་གཞི་དབྱིངས་སུ༔ མངོན་རྫོགས་སངས་རྒྱས་ཐོབ་གྱུར་ཅིག༔ ལན་གསུམ་མཐར༔ བཀྲ་ཤིས་བསྔོ་སྨོན གྱིས་མཐའ་བརྒྱན་པར་བྱའོ༔ དེ་ལྟར་འཕགས་མཆོག་ཐུགས་རྗེ་ཆེན་པོ་ཡི༔ སྲེག་བླུགས་ཟབ་མོས་ཚོགས་གཉིས་རྫོགས་པ་དང་༔ གནས་སྐབས་རྐྱེན་སྣང་བར་ཆད་དབྱིངས་སུ་བྱང་༔ ཐེ་ཚོམ་མེད་དོ་རྡོ་རྗེའི་ཚིག་ཡིན་ནོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཉིད་བློ་གྲོས་བཟང་པོས་བསྐུལ་ངོར་ལས་འབྲེལ་རྩལ་གྱིས་སོ། །དགེའོ།། ། སྤྲི༔ T11614 - 262 ཇྃ ཆོས་ཉིད་ནམ་མཁའི་ཀློང་མཛོད་ལས༔ འཆི་མེད་ཚེ་ཡི་སྒྲུབ་པའི་མདོས་འཕྱོང་དཔལ་གྱི་བེའུ་བར་ཆད་ཀུན་སེལ་བཞུགས་སོ༔ ། མདོས་གཅིག་TI1614 - 263 བྲོ།ཟླ ན་མོ་གུ་རུ་པདྨ་ཀ་ར་ཡེ༔ ནྡཐརྒཧྭ༔ བདག་ཉིད་ཆེན་པོ་པད་འབྱུང་ངས༔ མ་འོངས་གདུལ་བྱ་སྐྱོབ་པའི་ཕྱིར༔ མདོས་འཕྱོང་དཔལ་གྱི་བེའུ་བསྟན༔ ཉམས་ལེན་ཚགས་སུ་ཚུད་པར་མཛོད༔ གཞུང་དུ་མཁོ་བའི་རྫས་ཀུན་བསགས༔ ལྷ་ཡི་ང་རྒྱལ་ལྡན་པའི་ངང་༔ སྙན་པའི་གདངས་དང་རོལ་མོའི་སྒྲས༔ དང་པོ་མདོས་བྱུང་འདི་སྐད་གྱེར༔ ཧཱུྃ༔ སྔོན་ཚེ་བསྐལ་པ་དང་པོ་ལ༔ མ་རིག་རྒྱུ་རྐྱེན་རྟེན་འབྲེལ་མཐུས༔ ཁམས་གསུམ་སྣོད་བཅུད་རིམ་བཞིན་ཆགས༔ འཛིན་པ་ལས་རླུང་གྱིས་འཕྲུལ་བའི༔ ཉེར་ལེན་བདེ་སྡུག་སོ་སོར་སྣང་༔ ཡེ་ཤེས་མདངས་ལ་ཀུན་བཏགས་གྲིབ༔ ཕོག་པས་ཉོན་TI1614 - 264 མདོས་གཉིས་ཛ། མོངས་དུག་ལྔ་བྱུང་༔ ཉོན་མོངས་རྒྱུ་རྐྱེན་ཡང་འཐས་པ༔ ཞེ་སྡང་ཕོ་གདོན་རྒྱལ་པོར་བྱུང་༔ འདོད་ཆགས་མོ་གདོན་འདྲེ་མོར་འཕྲུལ༔ ཀུན་གཞི་ཀླུ་གདོན་ས་བདག་དང་༔ ང་རྒྱལ་ཕུང་སྲི་གྲི་བོའི་སྡེ༔ ཕྲག་དོག་བྱིས་པའི་གདོན་ཆེན་དང་༔ ཀུན་ལ་འཇུག་པ་གདོན་ཕལ་པ༔ བརྒྱད་ཁྲི་བཞི་སྟོང་རྟོག་ཚོགས་དང་༔ འབྲེལ་བའི་གདོན་བགེགས་བསམ་མི་ཁྱབ༔ ཀུན་ཀྱང་བདག་འཛིན་ཆོ་འཕྲུལ་ཏེ༔ དེ་བཟློག་ཤེས་རབ་འོད་པོ་ཆེ༔ དཔལ་ཆེན་ཆེ་མཆོག་ཧེ་རུ་ཀ༔ འཁོར་འདས་སྤྱི་དཔལ་ཆེན་པོར་འབྱུང་༔ ཀུན་བཏགས་གཞན་དབང་རྒྱུ་T11614 - 265 རྐྱེན་གྱིས༔ བསྐྱེད་པའི་ནད་གདོན་བར་ཆད་རྐྱེན༔ བཟློག་ཕྱིར་སྔགས་ཀྱི་ཆོ་ག་བསྟན༔ ཡས་དང་གླུད་ཀྱིས་གདོན་བགེགས་ཚིམས༔ ཀུན་ཀྱང་ཕམ་རྒྱལ་མེད་པར་བསྔོ༔ བར་དུ་འབྱུང་བའི་རྒྱུ་རྐྱེན་འཁྲུགས༔ མ་རིག་རྒྱ་ལ་ཀུན་བཏགས་གདོན༔ ལྷན་སྐྱེས་བག་ཆགས་མཐུ་བརྟས་ཏེ༔ འགྲོ་བ་ནད་དང་གདོན་གྱིས་འཚེ༔ གསང་བདག་ཕྱག་ན་རྡོ་རྗེ་ཡིས༔ མ་དག་འཁྲུལ་པའི་གདོན་བགེགས་རྣམས༔ ཏིང་འཛིན་སྔགས་ཀྱིས་བྱིན་བརླབས་པའི༔ རྟེན་འབྲེལ་རྫས་ཀྱིས་ཚིམས་པར་བྱས༔ བྲག་དམར་དཔལ་གྱི་བསམ་ཡས་སུ༔ ཆོས་རྒྱལ་ཁྲི་སྲོང་ལྡེའུ་བཙན་ལ༔ རྒྱ་བོད་ལྷ་འདྲེས་གནོད་སྦྱོར་བརྩམ༔ མི་འདོད་ནད་ཀྱི་ལ་ཡོག་ལྡང་༔ སྐུ་དང་སྲོག་ལ་བསྡོ་བའི་ཚེ༔ སློབ་དཔོན་པདྨ་ཐོད་ཕྲེང་གིས༔ རྒྱ་བོད་ལྷ་འདྲེ་མ་རུངས རྣམས༔ སྔགས་དང་ཏིང་འཛིན་སྟོབས་ཀྱིས་བཀུག༔ བདེན་པའི་ཚིག་གིས་ཆོས་བཤད་དེ༔ སྣང་སྲིད་འདོད་ཡོན་ཕྱག་རྒྱར་འབུལ༔ སྲིད་པ་གཞིར་བཞེངས་མདོས་ཆེན་བརྫངས༔ མདོས་ཀྱི་རྒྱུ་ནི་ཡེ་ཤེས་ལྔ༔ མདོས་སྙིང་ཆོས་དབྱིངས་ཡེ་ཤེས་ལ༔ འགྱུར་མེད་ཁ་དོག་ནག་པོར་བྱས༔ མདོས་རུས་མེ་ལོང་ཡེ་ཤེས་ལ༔ ཀུན་གསལ་སྒྲིབ་མེད་ཁ་དོག་དཀར༔ བྡཾ མདོས་ཁྲག་སོར་རྟོག་ཡེ་ཤེས་ལ༔ མ་ཆགས་དབང་གི་ཁ་དོག་མཛེས༔ མདོས་ལྤགས་མཉམ་ཉིད་ཡེ་ཤེས་ལ༔ ཡོན་ཏན་ལྷུན་རྫོགས་སེར་འོད་འབར༔ ཁ་འཁྱུད་བྱ་གྲུབ་ཡེ་ཤེས་ལ༔ ཕྲིན་ལས་ལྷུན་གྲུབ་ལྗང་འོད་འབར༔ ཁ་དོག་བཀྲ་བའི་ནམ་མཁའ་དང་༔ ཉི་མ་ཟླ་བའི་ཏོག་གིས་མཛེས༔ རི་དྭགས་གཡུང་དྭགས་ཆུ་གནས་སོགས༔ སྣ་ཚོགས་འབྱོར་པས་རབ་བརྒྱན་པའི༔ ལྕགས་རིས་འཁོར་མོ་ཡུག་ཏུ་བསྐོར༔ ལྷ་འདྲེ་གཟུགས་སུ་མ་གྲུབ་པའི༔ ཡིད་ལུས་ཐོགས་མེད་ཀུན་ཏུ་རྒྱུ༔ རང་རང་མོས་པ་དང་མཐུན་པའི༔ སྣ་ཚོགས་བཀྲ་བའི་རེག་བྱ་དང་༔ སྟག་གཟིག་གཅན་གཟན་ལྤགས་པ་སོགས༔ ཡོ་བྱད་ཆ་མ་ཆོ་དགུས་བརྒྱན༔ ངར་མི་སྨྲ་མཁས་འགྲོ་ཤེས་པ༔ སྣ་ཚོགས་དར་དང་རིན་ཆེན་བརྒྱན༔ གཅིག་ལས་དུ་མར་འཆར་བ་ཡི༔ སྐྱེ་འགྲོ་ཕོ་མོ་བསམ་མི་ཁྱབ༔ ཀུན་ཀྱང་ཡེ་ཤེས་ཆོ་འཕྲུལ་ཏེ༔ ཏིང་འཛིན་སྔགས་ཀྱིས་བརླབ་ཅིང་བསྔོས༔ སྣང་སྲིད་ལྷ་འདྲེ་ཚིམས་པར་བྱས༔ རྒྱལ་པོ་འཁོར་བཅས་ནད་ལས་གྲོལ༔ དེ་རྗེས་རྗེ་འབངས་རིག་འཛིན་ཚོགས༔ སྔགས་ཀྱི་རྣལ་འབྱོར་ཕོ་མོ་ཡིས༔ སྣང་སྲིད་གཞིར་བཞེངས་མདོས་ཆེན་བཤམས༔ གདོན་བགེགས་ལྷ་ འདྲེ་ཚིམས་པར་བྱས༔ སྦྱིན་བདག་ཕོ་མོ་ནད་ལས་གྲོལ༔ ད་ལྟ་སྔགས་འཆང་བདག་ཅག་གིས༔ ལྷུན་གྲུབ་གསང་ཆེན་དཀྱིལ་འཁོར་འདིར༔ རྟེན་འབྲེལ་རྒྱུ་རྐྱེན་ལེགས་ཚང་བའི༔ སྣ་ཚོགས་མདོས་ཀྱི་ཆོ་ག་བྱས༔ ཏིང་ངེ་འཛིན་གྱིས་མང་པོར་སྤྲལ༔ སྔགས་ཀྱིས་ཕམ་རྒྱལ་མེད་པར་བྱས༔ ཁྱེད་སྣང་སྲིད་ལྷ་འདྲེའི་དགྱེས་པ་བསྐང་༔ སྔགས་འཆང་བདག་གི་བཀའ་ལ་ཉོན༔ དམ་ལ་རྟག་ཏུ་གནས་པར་གྱིས༔ རྡོ་རྗེ་འཆང་དབང་པད་འབྱུང་སོགས༔ རིག་འཛིན་བརྒྱུད་པའི་བཀའ་དམ་བཞིན༔ གྲུབ་མཛོད་བཛྲ་ས་མ་ཡ༔ དེ་ནས་ཁྲམ་ཁ་བྱུང་བ་ནི༔ ཀྱེེ༔ དཀར་པོ་ལྷ་ཡི་སྡེ་དཔོན་ཚོགས༔ གཡག་དཀར་ཞོན་ནས་སྟོང་གསུམ་ཉུལ༔ ཁམས་གསུམ་སེམས་ཅན་རྩིས་ལ་འདེབས༔ འགྲོ་བ་ཕོ་མོའི་སྲོག་དབུགས་སྡུད༔ སྣང་སྲིད་ཁམས་ལ་མཐུ་དབང་ཆེ༔ རྒྱུ་སྦྱོར་མི་ནོར་འཁོར་དང་བཅས༔ ཁྲམ་ལ་བཏབ་པ་ཁྲམ་ལས་ཞོར༔ གཏད་དུ་མནན་པ་གཏད་ལས་ཁྲོལ༔ ཤྭ་ལ་བབས་པ་ཤྭ་རྡེལ་སྤྲུགས༔ རྩིས་སུ་ཐེབས་པ་རྩིས་ལས་བྱུང་༔ བཟུང་བ་ཐོངས་ལ་བཅིངས་པ་ཁྲོལ༔ ཟོས་པ་སྐྱུགས་ལ་མནན་པ་ཁྱོག༔ བྱད་ཐག་ཚོན་གྱི་གྲུ་གུ་ཆོད༔ གདོན་བགེགས་ལོག་འདྲེན་སྟེང་དུ་བསྒྱུར༔ ཛོཾ རྒྱལ་དུ་འདོད་ཡོན་གཏོར་མ་བཞེས༔ ལས་ཀྱི་འབྲས་བུ་མཆིས་པར་མཛོད༔ ཨོཾ་མ་ཧཱ་དཱེ་ཝ་སརྦ་ས་མ་ཡ་ཧཱུྃ༔ བྱད་དང་གཏད་དུ་བཅུག་པ་ཕྱེས་ཕྱེས་ཁྲོལ ཁྲོལ༔ ཨེ་ས་མ་ཡ་སྡང་དགྲ་གནོད་བྱེད་ཀྱི་སྟེང་དུ་བསྒྱུར་ཅིག༔ བཟློག་ཅིག༔ སརྦ་ཤ་ཏྲུཾ་མཱ་ར་ཡ་ཕཊ༔ ཀྱེེ༔ འཆི་བདག་གཤིན་རྗེའི་སྡེ་དཔོན་ཚོགས༔ མ་ཧེ་ཞོན་ནས་སྟོང་གསུམ་ཉུལ༔ ཁམས་གསུམ་སེམས་ཅན་སོགས་འགྲེས་མཛོད༔ ཨོཾ་ཡ་མ་རཱ་ཛ་སརྦ་ས་མ་ཡ་ཧཱུྃ༔ བྱད་དང་གཏད་དུ་སོགས་ཕཊ༔ ཀྱེེ༔ སྲིད་པ་མ་མོའི་སྡེ་དཔོན་ཚོགས༔ འབྲུག་ལ་ཞོན་ནས་སྟོང་གསུམ་ཉུལ༔ ཁམས་གསུམ་སེམས་ཅན་སོགས་མཛོད༔ ཨོཾ་མ་མོ་རོ་རུ་ཕུ་རུ་ནག་མོ་རེ་མ་ཏཱི་སརྦ་ས་མ་ཡ་ཧཱུྃ༔ བྱད་དང་གཏད་དུ་སོགས་ཕཊ༔ ཀྱེེ༔ ནག་པོ་བདུད་ཀྱི་སྡེ་དཔོན་ཚོགས༔ ཆུ་རྟ་ཆིབས་ཤིང་སྟོང་གསུམ་ཉུལ༔ ཁམས་