Tibetan
TI1614 - 230 ཨོཾཿ ཆོས་ཉིད་ནམ་མཁའི་ཀློང་མཛོད་ལས༔ རྟེན་འབྲེལ་སྙིང་པོ་ལ་བརྟེན་ནས་ཁ་ཆར་གཅོད་པའི་གདམས་པ་བཞུགས་སོ༔ ཨོཾ་སྭ་བྷཱ་ཝ་སོགས༔ སྟོང་པའི་ངང་ལས་ནམ་མཁའ་ལ་འཇའ་ཚོན འཕྲལ་དུ་ཤར་བ་བཞིན་དུ་ཧྲཱིཿཡིག་ཡོངས་སུ་གྱུར་པ་ལས་སེངྒེ་བརྒྱད་ཀྱིས་བཏེགས་པའི་རིན་པོ་ཆེའི་ཁྲི་རྒྱ་ཆེ་ལ་དཔངས་མཐོ་བའི་སྟེང་དུ་པདྨ་དང་ཟླ་བའི་གདན་ལ་ཨཱཿཡིག་སེར་པོ་ཡོངས སུ་གྱུར་པ་ལས་རང་ཉིད་བཅོམ་ལྡན་འདས་རྒྱལ་བ་ཤཱཀྱ་ཐུབ་པ་སྐུ་མདོག་གསེར་གྱི་རི་བོ་ལ་ཉིན་བྱེད་འབུམ་གྱིས་འཁྱུད་པ་ལྟར་གཟི་བརྗིད་དང་འོད་ཕུང་རབ་ཏུ་འབར་བ་ཞི་ཞིང་འཛུམ་པ་ཕྱག་གཡས་ས་གནོན་དང་གཡོན་མཉམ་བཞག་གི་ཕྱག་རྒྱ་མཛད་པ་ཞབས་རྡོ་རྗེ་སྐྱིལ་མོ་ཀྲུང་གི་བཞུགས་པ་སྐུ་མཚན་དང་དཔེ་བྱད་ཀྱིས་བརྒྱན་པ་འོད་དང་འཇའ་གུར་གྱི་ཀློང་དུ་བཞུགས་པའི་ཐུགས་ཀར་པད་ཟླའི་གདན་ལ་ཨཱ་ཡིག་དཀར་པོའི་མཐར་སྔགས་ཀྱི་ཕྲེང་བས་བསྐོར་བའི་འོད་ཟེར་གྱིས་དུས་གསུམ་གྱི་རྒྱལ་བ་སྲས་དང་བཅས་པ་གཅིག་ཀྱང་མ་ལུས་པ་མདུན་གྱི་ནམ་མཁར་སྤྱན་དྲངས་ནས་བདག་གི་འདོད་པའི་དོན་བསྒྲུབ་པ་ལ་དགོངས་པར་བསམ༔ ཏདྱ་ཐཱ༔ ཨོཾ་མུ་ནེ་མུ་ནེ་མ་ཧཱ་མུ་ནེ་ཡེ་སྭཱ་ཧཱ༔ ཞེས་སྟོང་ཕྲག་གཅིག་བཟླས་མཐར༔ ན་མོ་རཏྣ་ཏྲ་ཡཱ་ཡ༔ ཡེ་ངྷརྨ་ སོགས༔ བརྒྱ་རྩ་བརྗོད་མཐར་སྦལ་གཟུགས་ལ་བསྐྱེད་ཅིང་བསྟིམ་པ་ནི༔ བདག་མདུན་རྣམས་ཀྱི་ཐུགས་ཀ་ནས་ཨེ་ནག་པོ་ཡོངས་སུ་གྱུར་པ་ལས་གནམ་ལྕགས་ལས་གྲུབ་པའི་བྲུབ་དོང་ནག་པོ་མེ་འབར་བ སྒོ་དང་སྲུབ་མེད་པ་ནག་ལ་གཏིང་ཟབ་ཅིང་རྒྱ་ཆེ་བའི་ནང་དུ༔ ཞི་བ་གསལ་དག་གི་རྒྱ་མཚོ་ཀླུ་དང་བཅས་པ་ཁཾ་ཡིག་ལ་འདུས་པ་སྦལ་གཟུགས་ཀྱི་ལྟོ་བར་སོང་བས་ཡང་ཞི་བ་གསལ་དག་གི་རྒྱ་མཚོ་སྔོ་ལྟེམ་མེར་གནས་པར་གྱུར་པ་དང་༔ དེ་ཡི་སྟེང་དུ་མ་དྲོས་པའི་རྒྱ་མཚོ་བཾཿ ཡིག་གི་རྣམ་པར་འདུས་པ་ལ་མ་དྲོས་པའི་རྒྱ་མཚོ་ཀླུ་དང་བཅས་པ་ཐམས་ཅད་ཡང་ཡང་བསྟིམ་པ་དང་༔༷ དེའི་སྟེང་དུ་བ་ཚྭ་ཅན་གྱི་རྒྱ་མཚོ་ཀླུ་དང་བཅས་པ་ཁཾཿ ཡིག་གི་རྣམ་པར་བསྡུས་ཏེ་མཚོ་གཉིས་ཀྱི་སྟེང་དུ་བབ་ལ་མཚོ་གསུམ་གཅིག་གཅིག་ལ་མ་འདྲེས་པར་སྟེང་འོག་རིམ་པར་གནས་པ་ལ་སྣང་སྲིད་ཀྱི་ཁམས་ཐམས་ཅད་ན་གནས་པའི་ཁ་ཆར་གྱི་བདག་པོ་ཀླུ་མཚོ་ན་བུན་སྤྲིན་རླན་ཙམ་ཡང་མ་ལུས་པར་སྦལ་པའི་ཁོང་གི་རྒྱ་མཚོ་གསུམ་ལ་འདུས་ཤིང་ཐིམ་པས་གཉིས་སུ་མེད་པར་གྱུར༔ སྦལ་པའི་བ་ནི་སྦལ་སྦྲུལ་དཀར་སེར་དམར་ལྗང་དུ་བཀྲ་བ་རྣམ་པར་ཤེས་པ་བརྒྱད་ཀྱི་ཚུལ་དུ་ཀླུ་ཆེན་པོ་བརྒྱད་གནས་པ༔ སྟོང་གསུམ་སྦལ་གྱི་གཟུགས་སུ་ཡོད་པ་ཇེ་ ༢། ཨོཾཿ ཆུང་དུ་འདུས་ཏེ་བྲུབ་ཁུང་ནང་དུ་ཚུད་པར་བསམ༔ སྣང་སྲིད་ཀྱི་ཁ་ཆར་སྤྲིན་གྱི་བདག་པོ་སྤྲིན་ན་བུན་རླན་ཙམ་མ་ལུས་པར་སྦལ་གཟུགས་ལ་ཐིམ་པར་ཡང་ཡང་བསམ་ལ༔ ན་མོ༔ དཀོན་མཆོག་གསུམ་དང་རྩ་གསུམ་རྒྱལ་བ་རྒྱ་མཚོའི་བདེན་པས་གནོད་བྱེད་ཁ་བ་ཁང་སྤྲིན་ཁ་ཆར་གྱི་བདག་པོ་རྒྱ་མཚོ་ཀླུ་དང་བཅས་པ་སྦལ་གཟུགས་འདི་ལ་ཁུག་ཅིག་ཛ་ཛཿ འགུགས་པ་སྟོང་ལས་མི་ཉུང་བར་བརྗོད༔ གཞན་ཡང་འགུགས་གཞུག་སྣ་ཚོགས་བརྗོད་མཐར༔ ལྕགས་སྲེགས་ཀྱི་བྲུབ་ཁུང་གི་ཁ་འུབ་ཀྱིས་རུབ་སྟེ་སྒོ་ཐག་གིས་བཅད་ནས༔ ཆུ་བདག་ཀླུ་ཁ་ཆར་གྱི་བདག་པོ་རྣམས་བདེ་བས་མྱོས་ནས་དྲན་མེད་དུ་བརྒྱལ་བའི་ཞག་དུས་ཀྱི་ཚད་དེ་མ་རྫོགས་བར་དུ་འཕར་ལྡང་གཡོ་འགུལ་མེད་པར་ཡང་ཡང་བསམ་ལ༔ ཨོཾ་ཨཱཿ ཧཱུྃ་གུ་རུ་དྷེ་ཝ་ཌཱ་ཀི་ནཱི་སརྦ་ས་མ་ཡ་ཁ་ཆར་གྱི་བདག་པོ་སྤྲིན་ན་བུན་ཁ་རླངས་ཐམས་ཅད་མཱ་ར་ཡ་ནན་ནན་ཆིང་ཆིང་སྭ་ཧཱ༔ ཞེས་བརྒྱ་རྩ་བརྗོད་དེ་མཆོད་རྟེན་མང་པོའི་ས་སྣས་སྦྲུས་པའི་ས་ཚྭ་ནག་པོ་དང་རྡོ་རྗེ་རྒྱ་གྲམ་བྲིས་ཤིང་ཁ་བཅད༔ དེ་སྟེང་གཡུང་དྲུང་གི་རིས་སུ་བྲིས་པའི་རྡོ་ཡིས་མནན༔ དེའི་སྟེང་རི་རབ་བང་རིམ་གསུམ་བྲིས་པས་མནན༔ དེའི་སྟེང་དུ་གཡམ་པ་ལ་ཀླུ་བརྒྱད་ནན་ནན༔ ཞེས་བྲིས་པས་མནན་ཏེ་མེ་དྲོད་དང་མི་འབྲལ་བར་བྱས༔ ཆུ་དང་རླན་མི་ཕོག་པ་གནད་ཡིན་ནོ༔ དེ་ནས༔ རང་ཉིད་སྟོན་པ་ཤཱཀྱ་ཐུབ་པའི་སྐུ་ལས་སྤྲུལ་པའི་བྱ་ཁྱུང་ དཔག་ཏུ་མེད་པ་འཕྲོས་པས་སྤྲིན་རྣམས་ཧུབ་ཀྱིས་བཏབ་ཁ་ཆར་བཏང་བའི་ཆུ་བདག་ཀླུ་ཐམས་ཅད་ཧབ་ཧབ་ཟ་བར་བསམ༔ དང་པོ་ལས་སྦྱོར་ལ་མ་ཐུག་གོང་དུ་གོང་བསྙེན་འབུམ་ཕྲག་བཞི་སྔོན་དུ་བཏང་ན་ཕྱིས་ལས་མི་འགྲུབ་མི་སྲིད་དོ༔ བར་སྐབས་སུ་འདི་ལན་གསུམ་རེ་བརྗོད༔ ན་མོ༔ དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་བདེན་པས་བདག་གི་ཕྲིན་ལས་རབ་འབྱམས་ཐོགས་མེད་དུ་འགྲུབ་པར་གྱུར་ཅིག༔ ཅེས་མཇུག་རེའི་མཐར༔ ན་མོ་རཏྣ་ཏྲ་ཡ་ཡ༔ ཨོཾ་ཡེ་ངྷརྨ་སོགས་སྭཱ་ཧཱ༔འི་བར་བརྒྱའམ་སྟོང་རེའི་མཚམས་སུ་སྨོན་ཚིག་གསུམ་རེ་གདགས༔ གསུམ་བཞི་ཚད་འཁྱོལ་བ་ཐ་མ་ཡིན༔ འབྲུ་འབུམ་ཚད་དུ་བསྐྱལ་བ་ནི་རབ་ཡིན་ནོ༔ དེ་ནས་ལས་ལ་སྦྱོར་བའི་དུས་སུ༔ རང་གི་ཐུགས་ཀ་ནས་འོད་ཟེར་དང་རྒྱལ་བ་སྲས་དང་བཅས་པའི་བྱིན་རླབས་ཀྱི་མེ་དཔུང་ཆེན་པོ་ནམ་མཁའི་གར་ཁྱབ་ཐམས་ཅད་ཁྱབ་སྟེ་ས་གཞི་ཐམས་ཅད་ལྕགས་སྲེག་མེ་འབར་བ་སྒོ་དང་སྲུབ་མེད་དུ་ནམ་མཁའི་མཐའ་ཐམས་ཅད་མེ་ལྕེ་འོར་འོར་དམར་སྒ་ར་ར་འབར་བས་སྤྲིན་ཐམས་ཅད་མེ་དཔུང་དུ་བསྒྱུར་ཏེ་སྣང་སྲིད་མེ་དཔུང་འབར་བའི་རོལ་པར་ཡང་ཡང་བསྒོམ་ལ༔ ན་མོ༔ དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་བདེན་པས་ཁ་བ་ཆོད་ཅིག༔ སྤྲིན་གཏོར་ཅིག༔ སྤྲིན་མེད་པར་གྱུར་ཅིག༔ ཨོཾ༔ ཡལ་བར་གྱུར་ཅིག༔ མི་འབྱུང་བར་གྱུར་ཅིག༔ ན་མོ་རཏྣ་ཏྲ་ཡཱ་ཡ༔ ཡེ་ངྷརྨ་སོགས་མི་ཚིག་གིས་བར་མ་ཆད་སྔགས་ཀྱི་གཟེར་ལ་འབད༔ ཤེས་པ་གཞན་དུ་མ་ཡེངས་པར་བསྐྱེད པས་གཟིར་ལ་བསྲེ༔ བློ་ཡི་ཞེན་པ་བཅད་དེ་དམིགས་པའི་གཟེར་ཁ་བསྒྱུར༔ གནད་གསུམ་ལག་ལེན་ལ་ཐེབས་ན་རྒྱ་མཚོ་ཡང་སྐམ་ནུས་པ་ཡིན༔ རླུང་དཀྲུགས་པའི་སྔགས་འདི་བར་བར་སྒྲུབ༔ ཛ་ཛ་ཤ་བ་རི་ཡཾ་ཡཾ་སྤྲིན་གཏོར་ཅིག་ཤིག ཤིག་རཾ་རཾ་ས་མ་ཡ་ཛཿ ཧཱུྃ་བཾ་ཧོ ཞེས་འཁོར་ལོ་བསྐོར་བས་ཆོག༔ བསྐལ་པ་ཐ་མ་དུས་མ་ཡིན་པའི་ཆར༔ དགུན་དུས་སྐྱེ་འགྲོའི་མི་འདོད་ཁ་བ་རྣམས༔ གཅོད་པར་འདོད་པའི་སྐལ་བཟང་སྐྱེས་བུ་ཡིས༔ དང་པོ་གོང་བསྙེན་ཚད་དུ་མ་སོང་བའི༔ ཐོ་ཅོའི་སྤྱོད་པ་བྱེད་པའི་ཆོས༔ གདམས་ངག་རྫུན་དུ་མ་གྱེར་ཤིག༔ པདྨའི་དགོངས་པས་རྒྱས་བཏབ་ཅིང་༔ མཁའ་འགྲོའི་བྱིན་རླབས་སྲོག་གིས་བརླབས༔ བཀའ་འདི་བྱ་ཁྱུང་ཉེར་ལྔས་སྲུངས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་བླ་མ་པདྨ་རྒྱལ་མཚན་གྱིས་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ།། །། 231 T11614 - 235 T11614 - 236 ཝྃ།༔ ཆོས་ཉིད་ནམ་མཁའི་ཀློང་མཛོད་ལས༔ སྨོན་ལམ་རྣམ་དག་ཐར་པའི་ལམ་བཟང་བཞུགས༔ འདི་དང་འཕྲད་པའི་སྐྱེས་བུ་ཡིས༔ མདུན་གྱི་ནམ་མཁར་པད་ཟླའི་སྟེང་༔ བཅོམ་ལྡན་ཤཱཀྱ་ཐུབ་པ་ལ༔ རྣམ་འདྲེན་སངས་རྒྱས་སྟོང་རྩ་དང་༔ བྱང་སེམས་འཕགས་པའི་དགེ་འདུན་གྱིས༔ བསྐོར་ཏེ་ཐུགས་བརྩེ་ཐུགས་རྗེ་ཡིས༔ སྨོན་ལམ་འགྲུབ་པའི་དཔང་པོ་རུ༔ འཇའ་ལུས་སྒྱུ་མའི་ཕུང་པོར་གསལ༔ ན་མོ༔ ཕྱོགས་བཅུའི་དུས་གསུམ་གྱི་བདེ བར་གཤེགས་པ་རྒྱལ་བ་སྲས་དང་བཅས་པ་ཐམས་ཅད་ཀྱི་བདག་ལ་ཞལ་གྱིས་ཕྱོགས༔ སྤྱན་གྱིས་གཟིགས༔ ཐུགས་བརྩེ་བའི་སྙིང་རྗེ་ཆེན་པོའི་སྒོ་ནས་བདག་གི་སྨོན་ལམ་འགྲུབ་པའི་དཔང་པོ་རུ་བཞུགས་པར་འཚལ་ལོ༔ ན་མོ༔ སྐྱབས་གནས་དམ་པ་དཀོན་མཆོག་རིན་པོ་ཆེ་རྣམ་པ་གསུམ་དང་སྐུ་གསུམ་རྩ་གསུམ་རྒྱལ་བ་སྲས་དང་བཅས་པ་ཐམས་ཅད་ཀྱི་བདེན་པ་ཆེན་པོའི་མཐུ་དང་བྱིན་རླབས་ཀྱིས༔ ཕྱོགས་བཅུ་དུས་བཞིའི་སྐྱབས་ཡུལ་དམ་པར་གྱུར་པ་སངས་རྒྱས་ཆོས་དང་དགེ་འདུན༔ ཆོས་སྐུ་ལོངས་སྐུ་སྤྲུལ་སྐུ༔ བླ་མ་ཡི་དམ་དཔའ་བོ་མཁའ་འགྲོ་རྒྱ་མཚོའི་ཚོགས་མ་ལུས་ཤིང་ལུས་པ་མེད་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་བདག་གི་རྒྱུད་ལ་ད་ལྟ་སྐད་ཅིག་ཉིད་དུ་འཕོ་བར་གྱུར་ ཅིག༔ རྒྱ་གར་གྱི་རིག་འཛིན་ཆེན་པོ་བརྒྱད་དང་གྲུབ་ཆེན་བརྒྱད་ཅུ༔ བོད་ཀྱི་རྗེ་འབངས་ཉེར་ལྔ༔ གཏེར་སྟོན་བརྒྱ་དང་རྩ་བརྒྱད༔ བདེ་གཤེགས་སྒྲུབ་པ་བཀའ་བརྒྱད༔ ཡི་དམ་རྒྱུད་སྡེ་བཞི་དྲུག་གི་ལྷ་ཚོགས་རྟེན་དང་བརྟེན་པ་ཐམས་ཅད་དང་༔ ཤེས་རབ་རྒྱ་ཆེ་བ་འཕགས་པ་འཇམ་དཔལ་དབྱངས་དང་༔ ཐུགས་རྗེ་རྒྱ་ཆེ་བ་འཕགས་མཆོག་སྤྱན་རས་གཟིགས་དབང་ཕྱུག དང་༔༷ མཐུ་སྟོབས་རྒྱ་ཆེ་བ་དཔལ་གསང་བདག་ཕྱག་ན་རྡོ་རྗེ་དང་༔ མཁྱེན་བརྩེ་མཛད་ཕྲིན་བསམ་གྱིས་མི་ཁྱབ་པའི་བདག་ཉིད་ཨོ་རྒྱན་པདྨ་འབྱུང་གནས་དེ་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་མ་ལུས་ཤིང་ལུས་པ་མེད་པ་ཐམས་ཅད་བདག་གི་རྒྱུད་ལ་ད་ལྟ་ཉིད་དུ་ཐིམ་པར་གྱུར་ཅིག༔ འཕོ་བར་གྱུར་ཅིག༔ ཡོངས་སུ་རྫོགས་ཏེ་རབ་ཏུ་གནས་ཤིང་རྒྱུད་ལ་བརྟན་པར་གྱུར་ཅིག༔ ནད་གདོན་སྡིག་སྒྲིབ་ལས་ཉོན་བག་ཆགས་ཐམས་ཅད་རྗེས་ཤུལ་ལྷག་མ་ཙམ་ཡང་མ་ལུས་པར་བྱང་ཞིང་དག་པར་གྱུར་ཅིག༔ བློ་ལྡོག་རྣམ་པ་བཞིའི་དོན་དང་ངང་ཚུལ་རྒྱུད་ལ་ངམ་ངམ་ཤུགས་ཀྱིས་སྐྱེས་ཏེ་བློ་སྣ་དམ་པའི་ཆོས་ལ་འགྱུར་བར་ཤོག་ཅིག༔ ཆོས་མ་ཡིན་པའི་སྡིག་སེམས་སྐད་ཅིག་མ་ཙམ་ཡང་རྒྱུད་ལ་མི ༡ཝྃ།༔ སྐྱེ་བར་གྱུར་ཅིག༔ བསྐྱེད་པ་མ་ཧཱ་ཡོ་གའི་སྒོར་ཞུགས་ཏེ་ཉམས་སུ་བླངས་པ་ཙམ་གྱིས་སྒོ་གསུམ་རྡོ་རྗེ་གསུམ་གྱི་རོལ་པར་འཕོས་ཤིང་སྨིན་ཏེ་གྲོལ་བར་གྱུར་ཅིག༔ ལུང་ཨ་ནུ་ཡོ་གའི་སྒོར་ཞུགས་ཏེ་ཉམས་སུ་བླངས་པ་ཙམ་གྱིས་རྩ་རླུང་ཐིག་ལེ་སྐུ་གསུམ་གྱི་རོལ་པར་འཕོས་ཏེ་སྨིན་ཅིང་གྲོལ་བར་གྱུར་ཅིག༔ གཞི་ཁྲེགས་ཆོད་ཀྱི་གདམས་པ ཉམས་སུ་བླངས་པ་ཙམ་གྱིས་འཁོར་འདས་སྟོང་ཉིད་ཆེན་པོ་ཆོས་ཉིད་དེ་བཞིན་ཉིད་ཀྱི་གནས་ལུགས་ཇི་ལྟ་བ་བཞིན་དུ་མཐོང་ཞིང་མངོན་དུ་གྱུར་ཏེ་ཀ་དག་རྫོགས་པ་ཆེན་པོའི་དབྱིངས་སུ་སད་ནས་སངས་རྒྱས་པར་གྱུར་ཅིག༔ ངོ་ཤེས་ཏེ་གདིང་ཐོབ་པར་གྱུར་ཅིག༔ གཞི་ཁྲེགས་ཆོད་ཀྱི་ལྟ་སྒོམ་སྤྱོད་པ་ཕྱིན་ཅི་མ་ལོག་ཅིང་ཚང་ལ་མ་ནོར་བའི་ལམ་ལ་གཞི་བྱས་ཏེ༔ ལམ་ཐོད་རྒལ་གྱི་གདམས་པའི་སྒོར་འཇུག་པའི་བློ་སྟོབས་དབང་ཐམས་ཅད་དང་ལྡན་པར་གྱུར་ཅིག༔ ཐེག་པ་དེའི་སྒོར་ཞུགས་ཏེ་ཉམས་སུ་བླངས་པ་ཙམ་གྱིས་སྣང་བ་བཞིའི་ཉམས་རྟོགས་རྟགས་དང་ཡོན་ཏན་ཚང་ལ་མ་ནོར་བ་རིམ་པ་བཞིན་བདག་གི་རྒྱུད་ལ་སྐྱེས་ཏེ་སྨིན་ཅིང་གྲོལ་བ་ཐོབ་ནས་མཐར་ཆོས་ཅན་གྱི་སྣང་བ་ཆོས་ཉིད་ཀྱི་དབྱིངས་སུ་ཟད་དེ་གཞོན་ནུ་བུམ་སྐུ་རུ་སངས་རྒྱས་པ་རིག་འཛིན་ དགྱེས་པ་རྡོ་རྗེ་དང་ཤྲཱི་སེང་ཧ་ལྟ་བུར་འགྱུར་བར་ཤོག་ཅིག༔ ༈ དེ་ལྟར་གྲོལ་བའི་ལས་སྐལ་ཞན་ན་ཡང་༔ ཡེ་ཤེས་མཚོ་རྒྱལ་ཡོན་ཏན་མགོན་པོ་བཞིན༔ ཁྱབ་བདག་འཁོར་ལོའི མགོན་པོ་པད་འབྱུང་གིས༔ མངོན་སུམ་ལག་པའི་སོར་མོ་ནས་བཟུང་སྟེ༔ དཔལ་རི་པདྨ་འོད་དུ་དྲོངས་པར་ཤོག༔ གང་གིས་བདག་ལས་ལེགས་བཤད་ཐོས་པ་དང་༔ མཐོང་ཐོས་དྲན་རེག་གཏམ་གྱིས་འབྲེལ་བ་ཚུན༔ སྒྲིབ་པ་ཀུན་བྱང་འཁོར་བའི་སྒོ་ཁེགས་ཏེ༔ བདེ་ཆེན་པདྨ་བཀོད་དུ་སངས་རྒྱས་ཤོག༔ དེ་ནས་སྨོན་ལམ་འགྲུབ་པའི་བདེན་ཚིག་འདི་དག་བརྗོད༔ དཀོན་མཆོག་གསུམ་གྱི་བདེན་པ་དང་༔ འཇམ་པའི་དབྱངས་ཀྱི་ཤེས་རབ་དང་༔ སྤྱན་རས་གཟིགས་ཀྱི་ཐུགས་རྗེ་དང་༔ ཕྱག་ན་རྡོ་རྗེའི་མཐུ་སྟོབས་དང་༔ སངས་རྒྱས་སྟོང་གི་ཐུགས་བསྐྱེད་ཀྱིས༔ སྨོན་ལམ་བཏབ་པ་དེ་རྣམས་འགྲུབ་གྱུར་ཅིག༔ ལན་བདུན༔ བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་འོད་ཀྱི་རྒྱལ་པོ་ལ་ཕྱག་འཚལ་ལོ༔ བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་ཕྱག་འཚལ་ལོ༔ ཏདྱ་ཐཱ༔ པཉྩ་གྲི་ཡ་ཨ་ཝ་བོ་དྷ་ན་ཡེ་སྭཱ་ཧཱ༔ ལན་བདུན༔ ཕྱོགས་བཅུ་ན་བཞུགས་ ཐོ།༔ པའི་སངས་རྒྱས་དང་བྱང་ཆུབ་སེམས་དཔའ་བླ་མ་ཡི་དམ་དཔའ་བོ་མཁའ་འགྲོ་ཆོས་སྐྱོང་སྲུང་མ་ལྷ་དང་དྲང་སྲོང་རིག་པ་འཛིན་པ་སྨོན་ལམ་ལ་མངའ་བརྙེས་ཤིང་བདེན་ཚིག་གྲུབ་པ་རྣམས་ཀྱི་བདེན་པས་བདག་གིས་སྨོན་ལམ་བཏབ་པ་དེ་དག་སྐད་ཅིག་ད་ལྟ་ཉིད་དུ་འགྲུབ་པར་ཤོག་ཅིག༔ ཡེ་ངྷརྨ་སོགས༔ ལན་བདུན༔ དཀོན་མཆོག་གསུམ་གྱི་བདེན པ་དང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་ཤིང་ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་ཀྱིས་དེ་དེ་བཞིན་དུ་འགྲུབ་པར་གྱུར་ཅིག༔ དེ་ལྟར་ཚང་བར་མ་རྫོགས་བར༔ མི་ཚིག་གཞན་གྱིས་བར་མི་གཅོད༔ ཉིན་བཞིན་ཆགས་མེད་ཁ་འདོན་ན༔ སྐྱེ་བ་གསུམ་ལས་མི་འགྱང་བར༔ འཚང་རྒྱ་བ་ལ་ཐེ་ཚོམ་མེད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཉིད་ཨ་སྤོ་གདོང་གི་རྣལ་འབྱོར་རིག་ལྡན་གྱིས་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ །དགེའོ། །སརྦ་མངྒ་ལཾ།། །། T11614 - 241 T11614 - 242 ༔ ཆོས་ཉིད་ནམ་མཁའི་ཀློང་མཛོད་ལས༔ བདེན་བརྗོད་སྨོན་ཚིག་འདོད་འཇོའི་དཔལ་ཡོན་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ སངས་རྒྱས་བྱང་སེམས་གསལ་བའི་དྲུང་༔ བདེན་བརྗོད་སྨོན་ལམ་རྣམ་དག་གདབ༔ ཆུད་མི་ཟ་ཕྱིར་འགྲུབ་ཚིག་བརྗོད༔ དེས་ན་ངེས་པར་འགྲུབ་འགྱུར་རོ༔ ན་མོ༔ མཆོག་གསུམ་རིག་འཛིན་གྲུབ་ཐོབ་རྒྱ་མཚོ་བརྒྱུད་པ་དགུ་ལྡན་གྱི་དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་བདེན་པ་དང་༔ བཀའ་གཏེར་ཐེག་པ་རིམ་དགུ་རྒྱུད་སྡེ་ཆེན་པོ་བཞི་དྲུག་གི་ཚིག་དོན་སྙིང་པོ་རྣམ་པར་དག་པའི་བདེན་པ་དང་༔༷ དོན་དམ་ཆོས་ཉིད་ངོ་བོ་གདོད་ནས་དག་ཅིང་ཀུན་རྫོབ་བསླུ་བ་མེད་པ་རྒྱུ་འབྲས་ཟབ་མོའི་བདེན་པ་ཆེན་པོའི་མཐུ་སྟོབས་ནུས་རྩལ་གྱིས༔ མི་བདག་གི་ཚེ་བསོད་དཔལ་འབྱོར་མངའ་ཐང་སྲོག་ལུས་དབང་ཐང་རླུང་རྟ་བླ་གཟའ་སྙན་གྲགས་ཆོས་སྲིད་འདོད་ཡོན་ཐམས་ཅད་ཟླ་བ་ཡར་གྱི་ངོ་བཞིན་དུ་གོང་ནས་གོང་འཕེལ་དུ་ད་ལྟ་ཉིད་དུ་རྒྱས་པར་གྱུར་ཅིག༔ ནུབ་མེད་དུ་བརྟན་ཅིང་གནས་པར་གྱུར་ཅིག༔ སྔོན་ལས་འཕྲལ་རྐྱེན་ངན་པ་ཐམས་ཅད་རྗེས་ཤུལ་ལྷག་མ་ཙམ་ཡང་མ་ལུས་པར་བྱང་ཞིང་དག་པར་གྱུར་ཅིག༔ བདག་གི་ལུས་ལ་ན་ཚ་སེམས་ལ་སྡུག་བསྔལ ཚེ་དང་ཆོས་ལ་བར་དུ་གཅོད་པའི་རྒྱུ་རྐྱེན་ངན་པ་ནམ་ཡང་རྟག་ཏུ་མི་འབྱུང་བར་ཤོག་ཅིག༔ ཡེ་ཤེས་དང་འཇིག་རྟེན་གྱི་བཀའ་སྲུང་དམ་ཅན་རྒྱ་མཚོ་ཐམས་ཅད་བསྙེན་ཅིང་བསྒྲུབ་པ་ཙམ་གྱིས བདག་གི་དབང་དུ་འདུ་བར་ཤོག་ཅིག༔ བྲན་དུ་ཁོལ་བར་གྱུར་ཅིག༔ གྲོགས་སུ་འགྱུར་བར་ཤོག་ཅིག༔ འབངས་སུ་འཁོར་བར་ཤོག་ཅིག༔ མངའ་འོག་ཏུ་འདུ་ཞིང་ལས་ལ་འཁོར་བར་གྱུར་ཅིག༔ སྒྲུབ་དང་དཀྱིལ་འཁོར་ལྷ་སྔགས་ཏིང་ངེ་འཛིན་ཐམས་ཅད་བདག་གི་ཡིད་ལ་དྲན་པ་དང་གསལ་བསྒྲུབ་བཟླས་པ་ཙམ་གྱིས་ཐོགས་པ་མེད་པར་མངོན་སུམ་དུ་འགྲུབ་པར་ཤོག་ཅིག༔ ཁམས་གསུམ་སྲིད་གསུམ་སྐྱེ་འགྲོ་ཕོ་མོ་གང་ཟག་བཟང་རྒུ་ཆེ་བཙན་མཁས་བཙུན་བུ་སློབ་ལྷ་འདྲེ་མི་གསུམ་འགྲོ་བ་ཕོ་མོ་ཐམས་ཅད་བདག་གི་དབང་དུ་ད་ལྟ་ཉིད་དུ་འདུ་བར་གྱུར་ཅིག༔ བྲན་དུ་ཁོལ་ནས་གྲོགས་སུ་གྱུར་བར་ཤོག་ཅིག༔ འབངས་སུ་ཁོལ་ཞིང་མངའ་འོག་ཏུ་འདུ་བར་གྱུར་ཅིག༔ ལས་ལ་ཁོལ་ནས་ཐར་པ་དང་རྣམ་མཁྱེན་གྱི་ས་ལམ་དུ་སྒྲོལ་ནུས་པར་ཤོག་ཅིག༔ བདག་གི་སྒོ་གསུམ་རྡོ་རྗེ་གསུམ་གྱི་ངང་དུ་གྲོལ་ནས་སྤྱན་དང་མངོན་ཤེས་གྲུབ་རྟགས་དང་རྫུ་འཕྲུལ་ཐམས་ཅད་ལ་ཐོགས་པ་མེད་པར་དབང་འབྱོར་བར་ཤོག་ཅིག༔ ཕྱིའི་འབྱུང་ ༔ ལྔ་ནང་རླུང་སེམས་གསང་བ་འཕོ་གྲོལ་ཐམས་ཅད་ལ་རང་དབང་ད་ལྟ་ཉིད་དུ་ཐོབ་པར་གྱུར་ཅིག༔ ཁམས་གསུམ་སྲིད་གསུམ་འཁོར་འདས་ཐམས་ཅད་བདག གི་དབང་དུ་འདུས་ནས་བྲན་དུ་ཁོལ་བར་ཤོག་ཅིག༔ བདག་གི་ཡིད་དང་བྱ་བྱེད་ཐམས་ཅད་དམ་པའི་ཆོས་ཀྱི་ལམ་དུ་འགྱུར་བར་ཤོག་ཅིག༔ ཀུན་ཏུ་བཟང་པོ་རྡོ་རྗེ་སེམས་དཔའ་དགའ་རབ རྡོ་རྗེ་ཤྲཱི་སེང་ཧ་པདྨ་ཀ་ར་ལ་སོགས་རིག་འཛིན་བརྒྱུད་པའི་བླ་མ༔ རྒྱ་གར་གྱི་རིག་འཛིན་བརྒྱད་དང་གྲུབ་ཆེན་བརྒྱད་ཅུ་བོད་ཀྱི་རྗེ་འབངས་ཉེར་ལྔ་ལ་སོགས་པའི་རིག་འཛིན་པཎ་གྲུབ་ཕྱོགས་བཅུའི་རྒྱལ་བ་རྒྱ་མཚོའི་ཚོགས་མ་ལུས་ཤིང་ལུས་པ་མེད་པ་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་བདག་གི་རྒྱུད་ལ་ད་ལྟ་ཉིད་དུ་ཐིམ་པར་གྱུར་ཅིག༔ འཕོ་བར་གྱུར་ཅིག༔ གཉིས་སུ་མེད་པར་ཡོངས་སུ་རྫོགས་པར་གྱུར་ཅིག༔ འགྱུར་བ་མེད་པར་རབ་ཏུ་གནས་ཤིང་བརྟན་པར་གྱུར་ཅིག༔ ཕྱི་ཡུལ་སྣང་༔ ནང་བདག་སྣང་༔ གསང་བ་དངོས་ཞེན་གཉིས་འཛིན་ལ་སོགས་སེམས་དང་སེམས་བྱུང་གི་འཁྲུལ་རྟོག་ཐམས་ཅད་ཀ་དག་གདོད་མའི་གཞི་དབྱིངས་སྤྲོས་བྲལ་རྣམ་ཐར་གསུམ་ལྡན་གྱི་ཀློང་དུ་སྐད་ཅིག་ཉིད་ལ་ ཞིག་པར་གྱུར་ཅིག༔ ཀློང་ཆེན་འཁོར་འདས་འུབ་ཆུབ་རྫོགས་པ་ཆེན་པོའི་ཀློང་དུ་མི་འགྱུར་མི་ཤིགས་གཞོན་ནུ་བུམ་སྐུར་འཇའ་ལུས་ཟང་ཐལ་ཆེན་པོར་གྲོལ་བར་གྱུར་ཅིག༔ སྨིན་པར་གྱུར་ཅིག༔ འཕོ་བར་གྱུར་ཅིག༔ གཏན་སྲིད་ཟིན་པར་གྱུར་ཅིག༔ ཁམས་གསུམ་འཁོར་བ་མ་སྟོང་གི་བར་དུ་གང་ལ་གང་འདུལ་གྱི་ཐབས་སྣ་ཚོགས་པའི་སྒོ་ནས་ཁམས་གསུམ་འཁོར་བ་དོང་ནས་སྤྲུགས་ནུས་པར་ཤོག་ཅིག༔ སྐྱེ་བ་ཚེ་རབས་ཐམས་ཅད་དུ་བདག་མཐོང་ཐོས་དྲན་རེག་གི་སེམས་ཅན་ཐམས་ཅད་འཁྲུལ་མེད་ཀུན་ཏུ་བཟང་པོའི་གཞི་ཐོག་ཏུ་གྲོལ་བར་ཤོག་ཅིག༔ བདག་དུས་འདི་ནས་བཟུང་སྟེ་སངས་མ་རྒྱས་བྱང་མ་ཆུབ་ཀྱི་བར་དུ་ཡུལ་རྐྱེན་ངན་པའི་དབང་དུ་སྐད་ཅིག་ཙམ་ཡང་མི་འགྱུར་བར་ཤོག་ཅིག༔ ས་སྟེང་འགྲན་ཟླ་དང་བྲལ་བ་དང་ལྡན་འགྲོ་བ འདྲེན་པ་ལྔ་བརྒྱའི་བསྐལ་ངན་བཟློག་ནུས་པ་མངོན་ཤེས་རྫུ་འཕྲུལ་ཐོགས་པ་མེད་པ་དུས་གསུམ་རྒྱལ་བ་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཡོངས་སུ་འདུས་ཤིང་ཡོངས་སུ་རྫོགས་པའི་བདག་ཉིད་ཆེན་པོ་རུ་འགྱུར་བར་ཤོག་ཅིག༔ བདེན་བརྗོད་ལ༔ དཀོན་མཆོག་གསུམ་གྱི་བདེན་པ་དང་༔ འཇམ་པའི་དབྱངས་ཀྱི་ཤེས་རབ་དང་༔ སྤྱན་རས་ ༔ གཟིགས་ཀྱི་ཐུགས་རྗེ་དང་༔ ཕྱག་ན་རྡོ་རྗེའི་མཐུ་སྟོབས་དང་༔ སངས་རྒྱས་སྟོང་གི་ཐུགས་བསྐྱེད་ཀྱིས༔ སྨོན་ལམ་བཏབ་པ་དེ་བཞིན་འགྲུབ་གྱུར་ཅིག༔ ༅ ལན་བདུན་བརྗོད༔ ། 2། སྨོན་243གསུམ་མོ། TI1614 - 247 T11614 - 248 ༡ བློཾ༔ ཆོས་ཉིད་ནམ་