Tibetan
གོ༔ ས་མ་ཡ༔ ལེའུ་སྟེ་བདུན་པའོ༔ དེ་དག་ནི་ མ་དག་པ་འཁོར་བའི་བག་ཆགས་དག་པ་ཡེ་ཤེས་སུ་སྦྱོང་བའི་གནད་དོ༔ དབྱིངས་དང་ཐིག་ལེ་དེ་དག་གི་ཁ་དོག་ནི་དཀར་པོ་ཆོས་དབྱིངས་མཐིང་ནག་མེ་ལོང་སེར་པོ་མཉམ་ཉིད་དམར་པོ་སོར་རྟོག་ལྗང་གུ་བྱ་བ་གྲུབ་པའི་ཡེ་ཤེས་ཏེ་ཡེ་ཤེས་ལྔའོ༔ སྐུ་ལྔ་ལྷུན་གྱིས་གྲུབ་པ་ནི་དཀར་པོ་རྣམ་སྣང་མཐིང་ག་མི་བསྐྱོད་པ་སེར་པོ་རིན་འབྱུང་དམར་པོ་སྣང་མཐའ་ལྗང་གུ་དོན་གྲུབ་སྟེ་སྐུ་ལྔའོ༔ མཁའ་འགྲོ་ལྔ་ནི་དཀར་པོ་སངས་རྒྱས་མཁའ་འགྲོ་མཐིང་ག་རྡོ་རྗེ་མཁའ་འགྲོ་སེར་པོ་རིན་ཆེན་མཁའ་འགྲོ་དམར་པོ་པདྨ་མཁའ་འགྲོ་ལྗང་གུ་ལས་ཀྱི་མཁའ་འགྲོ་སྟེ་ལྔ་རྫོགས་པའོ༔ འབྱུང་བ་ལྔ་ནི་ནམ་མཁའི་དྭངས་མ་མཐིང་ནག་ཆུའི་དྭངས་མ་དཀར་པོ་ས་ཡི་དྭངས་མ་སེར་པོ་མེ་ཡི་དྭངས་མ་དམར་པོ་རླུང་གི་དྭངས་མ་ལྗང་གུ་སྟེ་ལྔ་ཚན་བཞི་པོ་རིག་པ་རང་གི་ཆོས་ཉིད་དེ་རང་གིས་གསལ་བའོ༔ འབྱུང་བ་ལྔ་རིགས་ལྔར་སྦྱོང་བྱེད་ངོ་བོ་སྟོང་པ་ཡུམ་ལྔའི་མཁར་རྟོགས་ཤིང་བཤིག་པས་གྲོལ་ཏེ་གཞན་གྱིས་ནི་གྲོལ་བར་མ་འགྱུར་བའི་ཕྱིར་ཡུམ་ཆེན་ལྔ་ཡི་ཡང་གསང་གི་སྒྲུབ་པ་འདི་བསྟན་པའོ༔ ཁ་བསྐང་ཟླ་བ་གཅིག་ལ་ཡང་ཤེས་པ་མིག་ལ་གཏད་མིག་ཕྱེད་བཙུམ་གྱིས་ནམ་མཁའ་ལ་གཏད་པས་དབྱིངས་རྣམ་པར་དག་པའི་སྒྲོན་མའི་གདངས་རྡོ་ ༈༔ རྗེ་ལུ་གུ་རྒྱུད་མུ་ཏིག་བསྟར་ལ་བརྒྱུས་པའམ་དར་ཀྱི་སྐུད་པ་འགྲིལ་བ་ལྟ་བུ་འཆར་རོ༔ དེ་དག་ནི་ཙིཏྟ་ཤ་ཡི་སྒྲོན་མ་ནས་དཀར་འཇམ་རྩའི་སྒྲོན་མ་ཀ་ཏི་ཤེལ་གྱི་སྦུ་གུ་ཅན་བ་མེན་གྱི་རྭ་ལྟ་བུར་རྒྱང་ཞགས་ཆུ་ཡི་སྒྲོན་མའི་སྒོ་ལ་ཨ་འབྲས་ན་ཁ་ཕྱེས་པའོ༔ དེ་ལྟར་དྲུག་པོ་གཉིས་སུ་མ་ཡིན་ཐ་མི་དད་དོ༔ རིག་པ་ཡེ་ཤེས་རང་བྱུང་ཤེས་རབ་ཀྱི་སྒྲོན་མ་དེ་དང་དེའོ༔ དེ་དོན་བདག་ལ་རིག་འཛིན་དགའ་རབ་རྡོ་རྗེས་འདི་གདམས་པའོ༔ ཡེ་ནས་རང་བྱུང་ཤར་བ་དེ༔ ཙིཏྟ་རིན་ཆེན་གཞལ་ཡས་ན༔ གསང་བ་རྩ་ཡི་སྒྲོན་དཀར་ལས༔ རྒྱང་ཞགས་སྒྲོན་མའི་སྒོ་རུ་ངོམ༔ རྣམ་དག་དབྱིངས་ཀྱི་སྒྲོན་མ་དང་༔ ཐིག་ལེ་སྟོང་པའི་སྒྲོན་མ་གཉིས༔ ཤེས་རབ་རིག་པའི་ཆོས་ཉིད་གདངས༔ ཕྱི་རུ་མ་ཡིན་ནང་དུའོ༔ པདྨ་རྒྱལ་པོའི་ཆོས་ཉིད་དོ༔ ཅེས་གསུངས་པས་ཀྱང་རྣམ་པར་གྲོལ་བ་ཐོབ་པ་ཡིན་ཏེ་བརྒྱུད་འཛིན་རྣམས་ཀྱིས་ཀྱང་དེ་ལྟར་གྱིས་ཤིག༔ ས་མ་ཡ༔ ལེའུ་སྟེ་བརྒྱད་པའོ༔ སྒྲོན་མའི་སྣང་བ་བརྟན་ཐོབ་ནས༔ རྩོལ་མེད་སྣང་བའི་ཡོན་ཏན་ཤར༔ རིག་གདངས་ལུ་གུ་རྒྱུད་དུ་སྣང་༔ ལུས་བརྟན་ངག་ཀྱང་སྨྲ་བརྗོད་ཉུང་༔ སེམས་ནི་མི་གཡོ་རང་བབས་གནས༔ འདི་ནི་ཆོས་ཉིད T11611 - 299 མངོན་སུམ་མོ༔ ཡིད་དཔྱོད་མུན་རྡོ་ལྐོག་གྱུར་མིན༔ མངོན་སུམ་དབང་པོའི་སྒོ་རུ་མཐོང་༔ དེ་ཕྱིར་དེ་ཡི་མིང་ཡང་དེ༔ སྣང་བ་དང་པོ་དེ་ཤར་བའི༔ ཁམས་གསུམ་འཁོར་བའི་འབྲེལ་ཐག་ཆད༔ ཐ་མལ་ཤེས་པ་ཡེ་ཤེས་སུ༔ སྨོན་པའི་རིག་འཛིན་དང་པོའི་ས༔ དེ་ནས་བརྟན་དང་འཕེལ་རྒྱས་ཤིང་༔ སྣང་བ་ཐམས་ཅད་འོད་དུ་གསལ༔ ལུས་ལ་སྒེག་ཆོས་ངོ་ཚ་མེད༔ སྨྱོན་པ་བཞིན་དུ་སྡོད་མེད་རྒྱུ༔ ངག་ཀྱང་དེ་བཞིན་རང་ཚིག་རྡོལ༔ སེམས་ཀྱང་གཏད་མེད་ངང་རྒྱ་ཡན༔ འཆི་མེད་རྡོ་རྗེའི་བཙན་ས་ཟིན༔ བར་དོ་མེད་པར་འཁོར་བ་འདས༔ རིག་འཛིན་གཉིས་པའི་ས་ཡང་ཐོབ༔ འཕེལ་ནས་ལྷ་དང་སྐུ་རུ་སྨིན༔ ཚོམ་བུའི་དཀྱིལ་འཁོར་ཐབས་ཤེས་འབྲེལ༔ ལུས་ནི་ཐོགས་བཅས་ཐོགས་མེད་ཐལ༔ ངག་སྙན་གཞན་སྣང་དགེ་རུ་བསྒྱུར༔ སེམས་ནི་རང་སར་རང་གྲོལ་དབང་༔ སྡིག་ཅན་རྣམས་ཀྱང་གྲོལ་བའི་སྟོབས༔ སྤྱན་དང་མངོན་ཤེས་ཀུན་ཀྱང་འཐོབ༔ འདི་དུས་གཞན་གང་ལ་མི་ལྟོས༔ རང་དབང་ཐོབ་པའི་རང་ཚད་དོ༔ དགེ་དང་སྡིག་པས་ཕན་གནོད་མེད༔ རིག་འཛིན་གསུམ་པའི་ས་ཐོབ་དབང་༔ ཚད་དུ་ཕེབས་ནས་ཟད་པའི་དབྱིངས༔ ཟླ་བའི་ཆ་བཞིན་འཕེལ་གང་ནས༔ ཆ་རེ་ བཞིན་དུ་མར་འགྲིབ་ལྟར༔ ཕྱི་ཡི་སྣང་བ་རིམ་གྱིས་ཟད༔ ནང་གི་རྟོགས་པ་ཡང་དེ་བཞིན༔ མཐར་ནི་ཕྱི་ཡི་གཟུང་ཡུལ་ཟད༔ ནང་དུ་འཛིན་པའི་རྣམ་རྟོག ཟད༔ རེ་དང་དོགས་པའི་དགག་སྒྲུབ་ཟད༔ ཆོས་དང་དབང་པོ་ཡུལ་ཀུན་ཟད༔ རྒྱུ་ཟད་རྐྱེན་ཟད་གཉིས་སྦྱོར་ཟད༔ ལུས་ནི་མི་རོ་ཅི་བཞིན་དུ༔ གཞན་གྱི་རྗེས་སུ་སྨྲ་བར་བྱེད༔ སེམས་ནི་ན་བུན་ཡལ་བ་བཞིན༔ དུས་གསུམ་རྟོག་པ་དབྱིངས་སུ་ནུབ༔ རང་ངོར་ལུས་ངག་ཡིད་མེད་དེ༔ ཆོས་སྐུ་གཏིང་གསལ་དགོངས་པར་ཀླས༔ གཞན་ངོར་དེ་ལྟར་མི་རིག་སྟེ༔ རང་རང་དབང་པོ་ཅི་བཞིན་སྣང་༔ ཐ་མས་སངས་རྒྱས་སེམས་ཅན་མཐོང་༔ ལམ་ཞུགས་དག་གིས་སྤྲུལ་སྐུར་བལྟ༔ ཐེག་ཐོབ་དག་གིས་ལོངས་སྐུར་མཐོང་༔ སྐུ་ཐོབ་དག་གིས་ཆོས་སྐུར་མཐོང་༔ དེ་བཞིན་མཐོང་ཡུལ་གཞན་གྱིས་མིན༔ རང་སྣང་ཡུལ་ཟད་སྐྱེ་མཆོག་ལ༔ རང་གི་སྤྱོད་ཡུལ་ཟད་པའི་ཕྱིར༔ སྒོ་གསུམ་ཡེ་ཤེས་འོད་དུ་ཡལ༔ རིག་འཛིན་བཞི་པའི་ས་མཆོག་ཐོབ༔ སྐྱེ་མེད་ཆོས་དབྱིངས་ཀློང་ཆེན་རྡོལ༔ སྐུ་དང་ཡེ་ཤེས་ནང་དུ་གསལ༔ གཞན་དོན་ཕྲིན་ལས་སྒྲུབ་བརྩོན་མེད༔ ནང་མདངས་རང་གསལ་ཆེན་པོ་ལས༔ གཞན་ངོར་༦༦༠༡༠ སྤྲུལ་སྐུའི་སྟོན་པ་ཤར༔ ནམ་མཁར་ཟླ་བ་ཤར་བའི་ཚེ༔ ཆུ་སྣོད་དག་ཏུ་ཟླ་བ་ཤར༔ ཟླ་བས་ཟླ་གཟུགས་འགྱེད་དུ་མེད༔ དེ་བཞིན་ཆོས་ཀྱི་དབྱིངས་ཉིད་ལས༔ གཡོ་དང་སྤྲུལ་བསྒྱུར བྱེད་དུ་མེད༔ སྣོད་ལྡན་སྣང་ངོར་སྟོན་པ་ནི༔ ཆོས་དབྱིངས་མདངས་ལས་གདངས་དེ་ཉིད༔ རང་བྱུང་རང་ཤར་རྫོགས་པའོ༔ འདི་ལྟར་ཆོས་ཟད་སྐྱེས་མཆོག་དེ༔ སྒོ་གསུམ་ཡེ་ཤེས འོད་དུ་དེངས༔ ཡང་དག་རྫོགས་པའི་སངས་རྒྱས་སར༔ མཁའ་ལ་འཇའ་ཚོན་ཡལ་བཞིན་ཐིམ༔ མཁའ་ནི་ངོ་བོ་ཆོས་སྐུ་ལ༔ འཇའ་ཚོན་རང་བཞིན་གཟུགས་ཀྱི་སྐུ༔ འཇའ་ལུས་གསུམ་གྱི་དང་པའོ༔ ཐིམ་པ་གཉིས་མེད་རོལ་པའི་དོན༔ ཡང་ན་མངོན་རྫོགས་སངས་རྒྱས་ནི༔ སྒྲ་གསུམ་འུར་ཞིང་ས་གཡོ་དྲུག༔ གསལ་སྒྲོན་སྟོང་ནུབ་ཆར་གསུམ་འབེབས༔ གདུང་དང་རིང་བསྲེལ་འཇའ་འོད་འདྲེས༔ དེ་ནི་མངོན་རྫོགས་སངས་རྒྱས་སོ༔ སྔ་མ་འོད་གསལ་ཆེན་པོའི་སྟོབས༔ ཕྱི་མ་རང་བཞིན་རྣམ་དག་སྟོབས༔ འཕོ་འགྱུར་མེད་པའི་སྐྱེས་བུ་ལ༔ ཆོས་སྐུ་གདོད་མའི་མགོན་པོའི་ས༔ སུས་ཀྱང་མ་སྟེར་རང་གི་ཐོབ༔ ང་དང་སྐལ་པ་མཉམ་པར་ངེས༔ ས་མ་ཡ༔ ལེའུ་སྟེ་དགུ་པའོ༔ དེ་ལྟར་བསྒྲུབ་པའི་བཞུགས་T11611 - 302 སྟངས་དྲུག༔ སེང་གེ་དང་ནི་གན་རྐྱལ་དང་༔ གླང་ཆེན་ཕྱེད་སྐྱིལ་དྲང་སྲོང་ཚུལ༔ བྱ་བ་གྲུབ་པ་ངལ་བསོའི་ཚུལ༔ འདི་དག་ལས་ནི་མི་འདའ་བར༔ རྣལ་འབྱོར་ལྡན་པའི་སྡོད་ཚད་བཟུང་༔ ལྟ་སྟངས་ལྷོད་ཆགས་རང་བབས་གནད༔ རླུང་དང་རིག་པའི་གནད་ལྡན་བྱ༔ ཕྱི་ནང་ཉམས་ཀྱི་རྟགས་མཉམ་གཅེས༔ ཕྱི་རུ་གསལ་ཡང་ནང་དུ་མིན༔ ནང་ཉམས་འདྲ་ཡང་ཕྱི་མི་གསལ༔ འདི་ལ་གཞན་གྱུར་མཚང་ཅིག་མཆི༔ ཡང་ན་དབང་རབ་ས་ལམ་བརྒལ༔ དེ་ལ་རིམ་གྱིས་ཁྲིགས་མི་གཅོད༔ ས་མ་ཡ༔ འདི་ལྟར་ཉམས་སུ་ལེན་པ་ཡི༔ དད་བརྩོན་སྙིང་སྟོབས་དམ་ཚིག་ཆེ༔ ངེས་པར་གཏན་བདེ་ལྷུར་ལེན་པའི༔ སྐལ་པར་ལྡན་པ་ལས་ཅན་གྱིས༔ རྣམ་གཡེང་འདུ་འཛི་རྣམས་སྤངས་ནས༔ བར་མེད་ཟླ་བདུན་ཞག་བདུན་གྱིས༔ རྣམ་པར་སྨིན་པའི་རིག་འཛིན་ཐོབ༔ སྔ་མ་རྣམ་དྲུག་མཁའ་འགྲོ་དྲུག༔ ཕྱི་མ་གཅིག་ནི་བླ་མའོ༔ ཁམས་གསུམ་འཁོར་བའི་རྒྱུན་ཐག་ཆད༔ ཕྱིར་མི་ལྡོག་པར་བརྟན་ཐོབ་འགྱུར༔ ལས་དང་དབང་པོ་ཡང་མི་ལྟོས༔ ན་ཚོད་རྒས་གཞོན་ལ་མི་སྡུག༔ བསྒྲུབ་ནས་ཆུད་མི་ཟ་བའི་ཆོས༔ སྤྱན་དང་མངོན་ཤེས་གྲུབ་བརྒྱད་ཐོབ༔ ༦༠༠༠ Tll611 - 303 མཐར་ཐུག་གཏན་བདེའི་ཕུག་ཀྱང་ཡོད༔ འདི་ལྟར་ལོ་གསུམ་ཟླ་གསུམ་དུ༔ ཚུལ་བཞིན་ཉམས་སུ་ལེན་པའི་མི༔ ཚེ་འདིར་སངས་རྒྱས་མ་ཐོབ་ན༔ པདྨས་བསླུས་སོ་ཕྱི་རབས་རྣམས༔ ས་མ་ཡ༔ ལེའུ་སྟེ་བཅུ་པའོ༔ ང་ཡི་བརྒྱུད་འཛིན་སྐྱེས་མཆོག་རྣམས༔ འོད་གསལ་ཆེན་པོ་ཉམས་སུ་ལོངས༔ ཚེ་དང་སྒྲུབ་པ་མཉམ་པར་གྱིས༔ རང་ཚོད་རང་གིས་ཟིན་པ ལས༔ སུ་ཡི་ཁ་ལ་མི་ཉན་པ༔ སྐྱེས་མཆོག་དམ་པ་དག་གི་ཚུལ༔ མ་འོངས་དུས་ཀྱི་ཐ་མ་ལ༔ གཏིང་མི་དཔོག་པའི་སློབ་དཔོན་འགས༔ ཚེ་འདིར་དབེན་པའི་རི་ཁྲོད་དུ༔ བར་མཚམས་མེད་པར་བསྒྲུབ་བྱེད་ལས༔ གཞན་གྱིས་ཉམས་ལེན་བྱས་དོན་མེད༔ ཅེས་ཟེར་དེ་དག་བདེན་ངེས་ན༔ བསྐྱེད་དང་རྫོགས་པ་ཀུན་ཡང་དེ༔ སྔོན་བྱོན་རིག་པ་འཛིན་དག་གིས༔ རིམ་གཉིས་གང་ཡང་དེ་ལྟར་བསྒོམ༔ ཤཱཀྱའི་ངུར་སྨྲིག་འཛིན་དག་ཀྱང་༔ ཁྱིམ་ནས་ཁྱིམ་མེད་དེ་ལྟར་ལེགས༔ དུས་མཐར་དེ་ལྟར་ཚུལ་བཞིན་དུ༔ སྤྱོད་ལྡན་གང་ཟག་དཀོན་པའི་ཕྱིར༔ ཉམས་ལེན་ཀུན་གྱི་དོན་དུ་བསྟན༔ ས་མ་ཡ༔ འོད་གསལ་སྣང་བ་ཆེན་པོ་ནི༔ ཆོས་དབྱིངས་ཡེ་ཤེས་སངས་རྒྱས་རིགས༔ རྫོགས་པའི་ཁ་དོག་དཀར་པོ་དང་༔ མེ་ལོང་ཡེ་ཤེས་རྡོ་ ༈༔ རྗེའི་རིགས༔ རྫོགས་པའི་མཚོན་བྱེད་ཁ་དོག་མཐིང་༔ མཉམ་ཉིད་ཡེ་ཤེས་རིན་ཆེན་རིགས༔ རྫོགས་ཕྱིར་སེར་པོའི་ཁ་དོག་ལྡན༔ སོར་རྟོག་ཡེ་ཤེས་པདྨའི་རིགས༔ རྫོགས་ཕྱིར་དམར་པོར་སྣང་བ་དང་༔ བྱ་གྲུབ་ཡེ་ཤེས་ལས་ཀྱི་རིགས༔ རྫོགས་ཕྱིར་ལྗང་གུའི་རྣམ་པའོ༔ དེ་ལྟར་རྫོགས་པའི་ཡེ་ཤེས་ལྔ༔ རིག་པའི་ཆོས་ཉིད་དེ་ཀའོ༔ སོ་སོ་མ་ཡིན་ཐ་མི་དད༔ འདི་ཉིད་མཐོང་ཞིང་རྣལ་དབབ་པའི༔ སྐལ་ལྡན་སྐྱེས་མཆོག་དམ་པ་དེ༔ སངས་རྒྱས་ཀུན་གྱི་སྲས་སུ་འགྱུར༔ དུས་གསུམ་སངས་རྒྱས་སྤྱི་ཞལ་མཐོང་༔ དབང་དང་དངོས་གྲུབ་གཅིག་ཆར་ཐོབ༔ སྒྲུབ་དང་དཀྱིལ་འཁོར་ཀུན་བཅུད་ལོན༔ བར་དོའི་སྣང་བ་རང་ཆོད་ནས༔ ཁམས་གསུམ་དུ་ནི་ཡང་མི་ལྡོག༔ ས་མ་ཡ༔ རྒྱ་རྒྱ་རྒྱ༔ བཀའ་སྲུང་གཟའ་མཆོག་རྒྱལ་པོས་སྲུངས༔ དམ་ལྡན་བུ་ལ་གཏད་དོ་རྒྱ༔ དམ་ཉམས་རྣམས་ལ་གསང་སྦས་རྒྱ༔ སྐལ་ལྡན་རྣམས་ཀྱི་ལམ་གྲོགས་མཛོད༔ སྐལ་མེད་རྣམས་ཀྱི་དབང་པོ་སྣུབས༔ བཀའ་དང་ཐ་ཚིག་གཉན་པོའི་རྒྱ༔ འདས་དང་མ་འོངས་ད་ལྟར་གྱི༔ སངས་རྒྱས་རྣམས་ཀྱི་གསང་གསུམ་རྒྱ༔ མཁའ་འགྲོ་འབུམ་གྱི་སྙིང་ཁྲག་བཅུད༔ རྒྱལ་དང་རྒྱལ་ སྲས་ཡོངས་ཀྱི་སྲོག༔ རྫོགས་ཆེན་བཀའ་ཡི་སྲུང་མར་གཉེར༔ ཐུབ་པར་སྲུངས་ཤིག་ས་མ་ཡ༔ པདྨ་འོད་དུ་ཨ་ཐམ་རྒྱ༔ བརྡ་ཐིམ་བཛྲ་ས་མ་ཡ༔ ཞེས་པ་འདི་ཡང་འོད་གསལ རྫོགས་པ་ཆེན་པོའི་རྣལ་འབྱོར་པ་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་ཆོས་ཉིད་ནམ་མཁའི་ཀློང་མཛོད་ལས་དག་པར་ཕབ་པའི་ཡི་གེའི་རིས་བྱེད་པདྨ་བཀྲ་ཤིས་སོ། །དགེའོ། དགེའོ །དགེའོ།། །། ྋ T11611 - 306 ཨོཾ༔ དག་སྣང་ལས༔ གསང་བ་ཐབས་ཀྱི་གནད་ཐིག་བཞུགས་སོ༔ རང་གི་སྤྱི་བོར་པད་ཟླའི་སྟེང་༔ རྡོ་རྗེ་བླ་མ་པདྨ་འབྱུང་༔ དཀར་དམར་མདངས་ལྡན་མཚན་དཔེས་སྤྲས༔ བཅུ་དྲུག་གཞོན་ནུ་ཞི་མ་ཁྲོ༔ པད་ཞྭ་བེར་ཕྱམ་ཆོས་གོས་གསོལ༔ ཕྱག་གཡས་རྡོ་རྗེ་གཡོན་བྷནྡྷ༔ ཞབས་གཉིས་རྒྱལ་པོ་རོལ་སྟབས་བཞུགས༔ འོད་དང་འཇའ་ཚོན་ཀློང་དུ་གསལ༔ མེ་ལོང་ནང་གི་གཟུགས་བརྙན་བཞིན༔ དྭངས་གསལ་སྐུ་ཡི་ཆ་རྣམས་ལ༔ བརྒྱུད་གསུམ་རིག་འཛིན་བླ་མ་རྫོགས༔ ཧཱུྃ་ཧྲཱིཿ སྐྱབས་གནས་ཀུན་འདུས་ངོ་བོ་ཨོ་རྒྱན་རྗེ༔ མཁྱེན་བརྩེ་ནུས་པའི་བདག་ཉིད་རིན་པོ་ཆེ༔ ལྔ་བརྒྱ་སྙིགས་མའི་འགྲོ་ལ་ཐུགས་རྗེས་གཟིགས༔ ལས་དང་ཉོན་མོངས་དྲག་པོས་གདུང་བ་ཡི༔ བདག་སོགས་ཁྱེད་ཀྱི་རྗེས་འཇུག་བརྒྱུད་འཛིན རྣམས༔ ཐུགས་རྗེས་ཡལ་བར་དོར་ན་སུ་ལ་རེ༔ ཀྱེ་མ་ཀྱེ་ཧུད་སྐྱབས་མགོན་ཐུགས་རྗེ་ཅན༔ ཚེ་ལུས་འདི་ལ་རྗེས་སུ་མ་བཟུང་ན༔ སྐྱེ་གནས་གཞན་དུ་འཕོས་ཚེ་ཅི་ཞིག་བྱ༔ བདག་སོགས་བརྒྱུད་འཛིན་ཐུགས་རྗེས་དོར་བ་ན༔ རྫོགས་སངས་རྒྱས་པའི་དགོས་པ་ཅི་ཞིག་མཆིས༔ བདག་ཉིད་དད་གུས་མོས་པའི་གདུང་ཤུགས་ཀྱིས༔ གསོལ་འདེབས་འོ་དོད་འབོད་དོ་པདྨ་Tl1611 - 307 འབྱུང་༔ སྒོ་གསུམ་མི་ཕྱེད་དད་པས་ཁྱེད་ལ་འདུད༔ ཐུགས་རྗེས་ཟུངས་ཤིག་ཨོ་རྒྱན་རིན་པོ་ཆེ༔ བྱིན་གྱིས་རློབས་ཤིག་བླ་མ་སྤྲུལ་པའི་སྐུ༔ ལུས་ལ་བདེ་བ་སྤོར་ཅིག་མཁའ་འགྲོའི ཚོགས༔ ངག་ལ་ནུས་པ་སྐྱེད་ཅིག་ཡི་དམ་ལྷ༔ སེམས་ལ་རྟོགས་པ་སྤོར་ཅིག་གུ་རུ་རྗེ༔ སྒྲུབ་པའི་རྣལ་འབྱོར་བདག་ལ་བྱིན་ཆེན་ཕོབ༔ ལུས་ལ་འགྱུར་མེད་སྐུ་ཡི་བྱིན་ཕོབ་ཅིག༔ ངག་ལ་ཚངས་དབྱངས་གསུང་གི་བྱིན་ཕོབ་ཅིག༔ སེམས་ལ་འཁྲུལ་མེད་ཐུགས་ཀྱི་བྱིན་ཕོབ་ཅིག༔ ཡོན་ཏན་འགྲན་ཟླ་བྲལ་བའི་བྱིན་ཕོབ་ཅིག༔ ཕྲིན་ལས་འགྲོ་འདུལ་རྣམ་བཞིའི་བྱིན་ཕོབ་ཅིག༔ མཆོག་དང་ཐུན་མོང་དངོས་གྲུབ་བྱིན་ཕོབ་ཅིག༔ ཡེ་ཤེས་སྒྱུ་མའི་སྐུ་རུ་བྱིན་གྱིས་རློབས༔ འཇའ་ལུས་འཕོ་བ་ཆེན་པོའི་ས་རུ་དྲོངས༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་ཛཿ ཀཱ་ཡ་ཛྙཱ་ན་མ་ཧཱ་ས་མ་ཏི་ཨ་ཝེ་ཤ་ཡ་ཨ་ཨ༔ དེ་དག་རྣམས་ཀྱི་དབང་བྱིན་རླབས༔ འཇའ་ཡི་སྤྲིན་ཕུང་འཐིབ་བཞིན་བྱུང་༔ རང་ལུས་ཕུང་ཁམས་སྐྱེ་མཆེད་དང་༔ སྣོད་བཅུད་སྣང་བ་ཐམས་ཅད་ཀུན༔ ཆོས་ཉིད་སྟོང་པའི་མཁའ་རུ་ཞིག༔ ༈ སྟོང་ཉིད་ངང་ལས་སྐད་ཅིག་གིས༔ མཁའ་ལ་འཇའ་ཚོན་ཤར་བ་བཞིན༔ སྣང་བ་ཐམས་ཅད་མཁའ་སྤྱོད ཨོཾ༔ ཞིང་༔ སྲིད་པ་དག་མཉམ་འོད་དུ་སྣང་༔ དེ་དབུས་སྣ་ཚོགས་པདྨ་དང་༔ ཉི་ཟླའི་གདན་སྟེང་འཇའ་འོད་ཀློང་༔ རང་ཉིད་ཡེ་ཤེས་མཁའ་འགྲོ་མ༔ ཁྲོས་མ་མཐིང་ནག་གྲི་ཐོད་ཅན༔ གཞོན་ཚུལ་མཚན་དཔེ་ལང་ཚོ་འབར༔ སྤྱན་གསུམ་ནམ་མཁའི་མཐོང་ལ་གཟིགས༔ སྐུ་དང་ཡེ་ཤེས་མངོན་དུ་བྱེད༔ ཞི་མ་ཁྲོ་འཛུམ་འོད་ཕུང་འབར༔ ནུ་མ་འབུར་ཞིང་པདྨོ་རྒྱས༔ ཁ་ཊྭཱྃ་དཀུར་བརྟེན་གར་སྟབས་བཞུགས༔ གཅེར་བུ་རུས་པའི་རྒྱན་གྱིས་སྤྲས༔ དབུ་སྐྲ་ལྗང་སྔོན་ལན་ཚར་ཅན༔ སྐུ་ཀློང་དྭངས་གསལ་ཆེན་པོའི་དབྱིངས༔ དུས་གསུམ་སངས་རྒྱས་ཡོངས་སུ་རྫོགས༔ སྐུ་ཡི་འོད་དང་འོད་ཟེར་གྱིས༔ ཁམས་གསུམ་འཁོར་བའི་སྣོད་བཅུད་ཀུན༔ སྐུ་དང་ཡེ་ཤེས་རོལ་པ་ཆེར༔ ཡེ་བབ་མངོན་བྱས་རྫོགས་སངས་རྒྱས༔ ཞེས་བརྗོད་པའི་ཚེ་བདག་དང་སྣང་བ་ཐམས་ཅད་འོད་གསལ་ཆོས་ཉིད་ཀྱི་རོལ་པར་ཞིག་ནས་སྐུ་དང་ཡེ་ཤེས་ཆེན་པོར་འབྱམས་ཀླས་པར་བཞག་སྟེ་དབྱིངས་རིག་མི་འགྱུར་བའི་ངང་དུ་ཆམ་བརྡལ་ཡན༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་རང་སློབ་དམ་པ་མི་བསྐྱོད་རྡོ་རྗེས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ།། TI1611 - 310 ཨོཾ༔ དག་སྣང་ལས༔ གནད་ཐིག་ཟུར་འདེབས་ནི༔ ན་མོ་གུ་རུ་པདྨ་ཀ་ར་ཡེ༔ དྷ།ཤ།དྷཱ༔ དུས་གསུམ་སངས་རྒྱས་བླ་མ་ལ༔ བསྟེན་ན་དབང་བྱིན་དངོས་གྲུབ་ཐོབ༔ སྒྲིབ་བྱང་རྫོགས་པའི་སངས་རྒྱས་འགྱུར༔ མོས་གུས་ཐལ་མོ་སྦྱར་བྱས་ཏེ༔ སྐྱེ་མེད་ཨ་སྒྲས་གཟུང་འཛིན་གཞིག༔ རང་གི་སྤྱི་བོར་སོགས རིག་འཛིན་བླ་མ་རྫོགས༔ དེ་ནས་གསོལ་བ་འདེབས་པ་ནི༔ ཧཱུྃ་ཧྲཱིཿ སྐྱབས་གནས་ཀུན་འདུས་སོགས་ནས་ཨ་ཨཿ གསུམ་མམ་བདུན༔ སྐབས་སུ་དབང་བཞི་ལེན་པ་ནི༔ བླ་མ་རྡོ་རྗེ་འཆང་ཆེན་པོའི༔ གནས་གསུམ་ཡིག་འབྲུས་མཚན་པ་ལས༔ དེ་དག་རྣམས་ཀྱི་དབང་བྱིན་རླབས༔ འཇའ་ཡི་སྤྲིན་དཔུང་འཐིབ་བཞིན་བྱུང་༔ རང་ཐིམ་སྒྲིབ་དག་དབང་གིས་སྨིན༔ དགའ་དང་སྟོང་པའི་འོད་གསལ་འབར༔ གནས་ལུགས་རིག་པ་རྗེན་ལ་བུད༔ འོད་གསལ་མ་བུ་ལྷུམས་སུ ཞུགས༔ སླར་ནི་བླ་མ་འོད་དུ་ཞུ༔ རང་སེམས་དྲི་བྲལ་དབྱེར་མེད་འདྲེས༔ རང་ལུས་ཕུང་ཁམས་སོགས རྫོགས་སངས་རྒྱས༔ སྤྲོས་བྲལ་ཀློང་དུ་མཉམ་པར་བཞག་གོ༔ ཟླ་ཞག་ལྡེ་ཁ་བསྒྱུར་བ་ལ༔ སྣང་བ་ཐམས་ཅད་མངོན་དགའི་ཞིང་༔ སོགས༔ རང་ཉིད་རྡོ་རྗེ་མཁའ་འགྲོ་མ༔ དཀར་མོ་ཕྱག་གཉིས་གྲི་ཐོད་ཅན༔ སོགས༔ སྣང་བ་དཔལ་དང་ལྡན་པའི་ཞིང་༔ སོགས༔ རང་ཉིད་གནད་ཐིག་ རིན་ཆེན་མཁའ་འགྲོ་མ༔ སེར་མོ་ཕྱག་གཉིས་གྲི་ཐོད་ཅན༔ སོགས༔ སྣང་བ་ཐམས་ཅད་བདེ་ཆེན་ཞིང་༔ སོགས༔ རང་ཉིད་པདྨ་མཁའ་འགྲོ་མ༔ དམར་མོ་ཕྱག་གཉིས་གྲི་ཐོད་ཅན༔ སོགས༔ སྣང་བ་ལས་རབ་རྫོགས་པའི་ཞིང་༔ སོགས༔ རང་ཉིད་ཀརྨ་མཁའ་འགྲོ་མ༔ ལྗང་མོ་ཕྱག་གཉིས་གྲི་ཐོད་ཅན༔ སོགས༔ སྣང་བ་སྟུག་པོ་བཀོད་པའི་ཞིང་༔ སོགས༔ རང་ཉིད་སངས་རྒྱས་མཁའ་འགྲོ་མ༔ མཐིང་གསལ་ཕྱག་གཉིས་གྲི་ཐོད་ཅན༔ སོགས་སྦྱར་བར་བྱའོ༔ ས་མ་ཡ༔ ཞེས་པ་འདི་ཡང་དབོན་པོ་བཛྲ་མིང་གིས་བསྐུལ་ངོར་བདུད་འཇོམས་རྡོ་རྗེས་ལག་ལེན་དུ་བྲིས་པ་དགེ །སརྦ་མངྒ་ལཾ། །། 308 TI1611 - 312 ཨོཾ གནས་ཨོ་རྒྱན་རང་བྱུང་གི་དུར་ཁྲོད་མཁའ་འགྲོ་འདུ་བའི་ཚོགས་གླུ། ༼ ཁུ༽ གནས་ངྷུ་མ་ཐ་ལའི་མཁའ་ལྡིང་དལ་འགྲོས ༼དམར༽ གནས་ཛ་ལན་ངྷ་རའི་ཐང་དཀར་གཤོག་འགྲོས། ༼ དཀར༽ ཀ་ལིང་ཀའི་ཌཱ་ཀིའི་འགྱིང་གླུ་རིང་མོ། ༼ ཁྲ༽ དྲི་ཤ་ཀུ་ནའི་ཤ་ཟའི་ངུ་འབོད་རིང་མོ། ༼དམར༽ བསིལ་བ་ཚལ་གྱི་ཕག་ནག མཆན་རྡེབ། འབྲིང་༽ བདེ་ཆེན་བརྡལ་བའི་དུར་ཁྲོད་མ་མོའི་མཁུན་པ ༼ལྷག༽ སུ་ཝརྞ་ཏའི་བྱིའུ་ཆུང་འཕུར་ལྷེབ། ནག པདྨ་བརྩེགས་པའི་གླུ་དཔའ་བོ་མཁའ་འགྲོ་དགྱེས་པའི་གད་མོ། བསྐང་ཨུ་ཙཱ་ལ་ཡི་སེང་གདོང་ཁྲོས་པའི་གད་རྒྱངས། བསྐུལ་ཨོོ་ཌི་ཡ་ནའི་དཔག་ཆེན་མདའི་འགྲོས་ལྡིང་། ༼འཕོ་༽ དྷུ་མ་ཐ་ལའི་དཀར་ཆེན་གིང་འགྲོས། ༼དུར༽ སིདྡྷིའི་གྲོང་ཁྱེར་གྱི་དཔའ་བོ་མཁའ་འགྲོ་བསྡུ་བའི་གླུ་གར། བསྐང་འབྲིང་། དེ་ལ་སོགས་པའི་གནས་དང་ཡུལ་གྱི་མཁའ་འགྲོ་རྣམས་ཀྱི་གླུ་དབྱངས་ལྟར་བྱེད་ན བྱིན་རླབས་ཤིན་ཏུ་ཆེའོ། །བདུད་འཇོམས་པས་སོ།། TI1611 - 314 ་T1611 - 315 བདུད་འཇོམས་ཁྲོས་མ་ཕ༔ ཐོག་མར་བླ་མ་ལ་གསོལ་བ་གདབ་པ་ནི༔ ཀྱེེ༔ རྒྱལ་དང་རྒྱལ་སྲས་མ་ལུས་འདུས་པའི་ཞལ༔ སྐལ་ལྡན་གདུལ་བྱའི་ཤེས རྒྱུད་སྨིན་མཛད་ཅིང་༔ འཁོར་བ་མྱང་འདས་ཀློང་སྒྲོལ་མཐུ་མངའ་བའི༔ རིགས་ཀུན་ཁྱབ་བདག་བླ་མ་དེ་མཁྱེན་ནོ༔ དལ་འབྱོར་རྙེད་དཀའ་བསམ་པ་ནི༔ དལ་འབྱོར་ལྡན་པའི་མི་ལུས་རིན་ཆེན་ཐོབ༔ ཚོགས་སྨོན་ལས་འབྲེལ་བཟང་པོས་རྒྱུ་འབྲས་བསྐྱེད༔ ཡང་ཡང་རྙེད་དཀའ་ཨུ་དུམ་ཝ་ར་འདྲ༔ ཐམས་ཅད་མཁྱེན་པའི་གོ་འཕང་མྱུར་འགྲུབ་ཤོག༔ ཚེ་མི་རྟག་པ་བསམ་པ་ནི༔ ཕྱི་སྣོད་འཇིག་རྟེན་མི་རྟག་འཇིག་ཆགས་གནས༔ ནང་བཅུད་TI1611 - 316 ༡ཕ༔ སེམས་ཅན་སྐྱེ་འཆིའི་ཚོང་དུས་འགྲིམ༔ ལོ་ཟླ་ཞག་དུས་གར་གྱི་རྣམ་འགྱུར་བཞིན༔ མི་རྟག་འཆི་བ་དྲན་པར་བླ་མ མཁྱེན༔ འཁོར་བའི་སྡུག་བསྔལ་བསམ་པ་ནི༔ བཟོད་མེད་སྡུག་བསྔལ་དྲག་པོའི་ཁྲི་མུན་དུ༔ ཐང་ཅིག་བདེ་བའི་སྐབས་མེད་ཉམ་ཐག་ཅིང་༔ མཐའ་མེད་ལས་ཀྱི་འཕེལ་ཁར་སྣོན་སྤེལ་བའི༔ འཁོར་བའི་མཚོ་ལས་སྒྲོལ་ཞིག་བླ་མ་མཁྱེན༔ ལས་རྒྱུ་འབྲས་བསམ་པ་ནི༔ དཀར་ནག་ལས་ཀྱི་རྣམ་སྨིན་མི་བསླུ་བར༔ བག་ཆགས་བདེ་སྡུག་ཉེ་བར་ལེན་པའི་སེམས༔ རྒྱུ་དང་འབྲས་བུར་སྤྱོད་པའི་མཁན་པོར་གྲུབ༔ བསླུ་མེད་གཏན་གྱི་མགོན་པོ་བླ་T11611 - 317 མ་མཁྱེན༔ སྐྱབས་སུ་འགྲོ་བ་ནི༔ ཕཊ༔ ཡེ་གཞི་ཀ་