Tibetan
THE COLLECTED TREASURE -TEXT OF BDUD - JOMS - GLING -PA VOLUME - 11 2017 T11611 - 002 ༄༅། །སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་གསང་བའི་ཆོས་སྡེའི་གླེགས་བམ་བཅུ་གཅིག་པ་བཞུགས་སོ།། T11611 - 003 TI1611 - 004 ཨོཾཿ རང་ཉིད་ཡེ་ཤེས་ཀྱི་མཁའ་འགྲོ་མའི་ཐུགས་ཀའི་སྔགས་ཕྲེང་རང་སྒྲ་དང་བཅས་ཏེ་མགལ་མེ་ལྟར་འཁོར་བ་ལས་འོད་ཟེར་མུ་མཐའ་མེད་པར་འཕྲོས་པས༔ དུས་གསུམ་གྱི་རྒྱལ་བ་སྲས་དང་བཅས་པ་མ་ལུས་ཤིང་ལུས་པ་མེད་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་དབང་བྱིན་མཐུ་ནུས་ཐམས་ཅད་འཇའ་ཡི་སྤྲིན་དཔུང་ལྟ་བུའི་འོད་ཕུང་གི་རྣམ་པར་བསྡུས་ཏེ་བདག་དང་སྒྲུབ་པའི་རྫས་ལ་ཐིམ་པར་ཡང་ཡང་བསྒོམ༔ སླར་ཡང་བདག་མདུན་གྱི་ཐུགས་ཀའི་སྔགས་ཕྲེང་ལས་འོད་ཟེར་དཔག་ཏུ་མེད་པ་འཕྲོས་པས་སྣང་སྲིད་དག་པ་རབ་འབྱམས་ཀྱི་རོལ་པར་གྱུར་ནས་སྔགས་སྒྲས་སྟོང་གསུམ་གང་བར་བསྒོམ༔ ཡང་སྐབས་སུ་རང་ཁྲོས་མའི་ཐུགས་ཀའི་སྔགས་ཕྲེང་དང་སྐུའི་འོད་ཟེར་གྱིས་མཆོག་གསུམ་སྐུ་གསུམ་རྩ་གསུམ་ཆོས་སྐྱོང་དམ་ཅན་རྒྱ་མཚོ་རྣམས་ཀྱི་མཁྱེན་བརྩེ་ནུས་པའི་དཔལ་ཡོན་དབང་བྱིན་དངོས་གྲུབ་ཐམས་ཅད་དང་ཁམས་གསུམ་སྣོད་བཅུད་ཀྱི་ཚེ་བསོད་ནམས་དཔལ་ཡོན་དྭངས་བཅུད་ནུས་པ་ཐམས་ཅད་འོད་ཕུང་ཁ་དོག་སྣ་ལྔའི་རྣམ་པ་ཅན་དུ་གྱུར་ནས་བདག་ལ་ཐིམ་པས་གཟི་བརྗིད་འོད་ཕུང་ཡེ་ཤེས་ཡོན་ཏན་མཐུ་ནུས་ཐམས་ཅད་ལྡན་པར་བསྒོམ༔ སྔ་དྲོ་བདག་ཉིད་ ཁྲོས་མའི་ཐུགས་ཀའི་འོད་ཕུང་དཀར་པོ་འཕྲོས་པས་ཁམས་གསུམ་སེམས་ཅན་ཐམས་ཅད་ཀྱི་ལས་ཉོན་བག་ཆགས་ནད་གདོན་སྡུག་བསྔལ་ཐམས་ཅད་སངས་ཀྱིས་དག་པར་བྱས་ཏེ་ཞི་བའི་ཕྲིན་ལས་ཡོངས་སུ་གྲུབ་པར་བསྒོམ༔ ཉིན་གུང་བདག་ཉིད་ཁྲོས་མའི་ཐུགས་ཀ་ནས་འོད་ཕུང་སེར་པོ་རབ་ཏུ་འཕྲོས་ཏེ་འཁོར་འདས་ཡོངས་ཀྱི་ཚེ་བསོད་ནམས་དཔལ་ཡོན་དྭངས་བཅུད་ཡེ་ཤེས་ཡོན་ཏན་དབང་བྱིན་དངོས་གྲུབ་ཐམས་ཅད་འོད་ཕུང་སེར་པོའི་རྣམ་པར་འདུས་ཏེ་རང་ལ་ཐིམ་པས་ཚེ་བསོད་དཔལ་ཡོན་ནུས་སྟོབས་ཤེས་རབ་ཡེ་ཤེས་ཐམས་ཅད་རབ་ཏུ་འབར་བར་བསྒོམ༔ དགོང་མོ་ཡང་རང་ཉིད་ཁྲོས་མའི་ཐུགས་ཀ་ནས་འོད་ཕུང་དམར་པོ་ལྕགས་ཀྱུའི་དབྱིབས་ཅན་དཔག་ཏུ་མེད་པ་འཕྲོས་པས་ཁམས་གསུམ་སྲིད་གསུམ་གྱི་སྐྱེ་འགྲོ་ཕོ་མོ་ལྷ་འདྲེ་སྡེ་བརྒྱད་ཐམས་ཅད་ཤ་རུལ་ལ་སྦྲང་མ་འདུ་བ་ལྟར་རང་དབང་མེད་པར་དབང་དུ་བསྡུས་ཏེ་ཟིལ་གྱིས་མནན་པར་བསྒོམ༔ སྲོད་ལ་རང་ཉིད་ཁྲོས་མ་ནག་མོའི་དཀྱིལ་འཁོར་དང་སྐུ ཡི་གནས་ལྔ་ཐམས་ཅད་ནས་སྤྲུལ་པའི་ཁྲོ་ཆུང་དང་ལྕགས་སྡིག་བྱ་ཁྱུང་ཐུན་མཚོན་མེ་རླུང་དྲག་པོ་སེར་རླུང་ལྟར་དུ་འཕྲོས་པས་གཟུགས་ཅན་དང་གཟུགས་མེད་ཀྱི་དགྲ་གདོན་གནོད་བྱེད་ལོག་ ལས་བཞིའི་ཨོཾཿ འདྲེན་ཐམས་ཅད་བརླག་གཏུབ་བསྲེགས་ཤིང་གཏོར་ནས་རྔམས་ཟས་བྱས་ཏེ་འཁྲུལ་མི་ཤེས་པའི་དབྱིངས་སུ་སད་པར་བསྒོམ༔ ཤེས་པ་གཞན་དུ་མ་ཡེངས་པར ལྷའི་གསལ་སྣང་དང་ང་རྒྱལ་བརྟན་པར་བྱ་བ་དང་༔ མི་ཚིག་གིས་བར་མི་ཆོད་ཅིང་སྔགས་སྒྲ་རྒྱུན་མི་ཆད་པར་བཟླ་བ་དང་༔ བར་བར་དུ་འཕྲོ་འདུའི་དམིགས་གནད་ལ་བརྩོན་པ་གནད་དོ༔ ས་མ་ཡ༔ ཞེས་པ་འདི་ཡེ་ཤེས་མཁའ་འགྲོ་མཚོ་རྒྱལ་གྱིས་གསུངས་པ་ལ་བརྟེན་ནས་བདུད་འཇོམས་རྡོ་རྗེས་རྣལ་འབྱོར་དབང་ཕྱུག་སྨོན་ལམ་གྱི་ངོར་ཡི་གེར་ཕབ་པའོ། །དགེའོ།། དགེའོ། །དགེའོ །སརྦ་མངྒ་ལཾ། T11611 - 008 ༔ ཆོས་ཉིད་ནམ་མཁའི་ཀློང་མཛོད་ལས༔ མཁའ་འགྲོ་ཁྲོས་མ་ནག་མོ་ལ་བརྟེན་ནས་བླ་ཚེ་འགུགས་པ་ཐུགས་རྗེའི་ལྕགས་ཀྱུ་བཞུགས་སོ༔ ན་མོ་གུ་རུ་ཝེ༔ ཐཐགཤཊ྄ ལྔ་བརྒྱ་དུས་ཀྱི་ཐ་མ་ལ༔ སྐྱེ་འགྲོའི་བླ་ཚེ་བགེགས་ཀྱིས་འཕྲོག༔ ཚེ་ཐུང་ནད་མང་ལོངས་སྤྱོད་དབུལ༔ དེ་ཚེ་མ་མོ་མཁའ་འགྲོ་ཡི༔ སྒྲུབ་པ་ལ་བརྟེན་བླ་ཚེ་འགུགས༔ ལྟ་བའི་གདིང་ལྡན་རྣལ་འབྱོར་པས༔ བསྐྱེད་རྫོགས་གདིང་བསྐྱེད་གནད་ཀྱིས་འདི༔ ཧཱུྃ༔ ཆོས་སྐུ་ཡུམ་ཆེན་ཀུན་བཟང་མོ༔ ལོངས་སྐུ་རྡོ་རྗེ་རྣལ་འབྱོར་མ༔ སྤྲུལ་སྐུ་ཁྲོས་མ་ནག་མོ་སོགས༔ སྐུ་གསུམ་ཡེ་ཤེས་མཁའ་འགྲོའི་ཚོགས༔ གསོལ་བ་འདེབས་སོ་ཐུགས་རྒྱུད་བསྐུལ༔ ཐུགས་རྗེས་དགོངས་ཤིག་དབྱིངས་ནས་བཞེངས༔ ཚེ་བསོད་ཡེ་ཤེས་དངོས་གྲུབ་སྩོལ༔ བླ་ཚེ་ཉམས་པ་བླ་ཚེ་ཁུག༔ སྲོག་ཚེ་ཉམས་པ་སྲོག་ཚེ་ཁུག༔ དབུགས་ཚེ་ཉམས་པ་དབུགས་ཚེ་ཁུག༔ བ༔ དབུས་ཕྱོགས་སངས་རྒྱས་མཁའ་འགྲོ་མ༔ འབུམ་ཕྲག་མཁའ་འགྲོའི་ཚོགས་བཅས་ལ༔ གསོལ་བ་འདེབས་སོ་ཐུགས་རྒྱུད་བསྐུལ༔ ཐུགས་རྗེས་དགོངས་ཤིག་དབྱིངས་ནས་བཞེངས༔ ཚེ་བསོད་ཡེ་ཤེས་དངོས་གྲུབ་སྩོལ༔ བླ་ཚེ་ཉམས་པ་བླ་ཚེ་ཁུག༔ སྲོག་ཚེ་ཉམས་པ་སྲོག་ཚེ་ཁུག༔ དབུགས་ཚེ་ཉམས་པ་དབུགས་ཚེ་ཁུག༔ ཧ༔ ཤར་ཕྱོགས་རྡོ་རྗེ་མཁའ་འགྲོ་མ༔ འབུམ་ཕྲག་མཁའ་འགྲོའི་ཚོགས་བཅས་ལ༔ གསོལ་བ་འདེབས་སོ་ཐུགས་རྒྱུད་བསྐུལ༔ ཐུགས་རྗེས་དགོངས་ཤིག་དབྱིངས་ནས་བཞེངས༔ ཚེ་བསོད་ཡེ་ཤེས་དངོས་གྲུབ་སྩོལ༔ བླ་ཚེ་ཉམས་པ་བླ་ཚེ་ཁུག༔ སྲོག་ཚེ་ཉམས་པ་སྲོག་ཚེ་ཁུག༔ དབུགས་ཚེ་ཉམས་པ་དབུགས་ཚེ་ཁུག༔ རི༔ ལྷོ་ཕྱོགས་རིན་ཆེན་མཁའ་འགྲོ་མ༔ འབུམ་ཕྲག་མཁའ་འགྲོའི་ཚོགས་བཅས་ལ༔ གསོལ་བ་འདེབས་སོ་ཐུགས་རྒྱུད་བསྐུལ༔ ཐུགས་རྗེས་དགོངས་ཤིག་དབྱིངས་ནས་བཞེངས༔ ཚེ་བསོད་ཡེ་ཤེས་དངོས་གྲུབ་སྩོལ༔ བླ་ཚེ་ཉམས་པ་བླ་ཚེ་ཁུག༔ སྲོག་ཚེ་ཉམས་པ་སྲོག་ཚེ་ཁུག༔ དབུགས་ཚེ་ཉམས་པ་དབུགས་ཚེ་ཁུག༔ ནི༔ པདྨ་རིགས་ཀྱི་མཁའ་འགྲོ་མ༔ འབུམ་ཕྲག་མཁའ་འགྲོའི་ཚོགས་བཅས་ལ༔ གསོལ་བ་འདེབས་སོ་ཐུགས་རྒྱུད་བསྐུལ༔ ཐུགས་རྗེས་དགོངས་ཤིག་དབྱིངས་ནས་བཞེངས༔ ཚེ་བསོད་ཡེ་ཤེས་དངོས་གྲུབ་སྩོལ༔ བླ་ཚེ་ཉམས་པ་བླ་ཚེ་ཁུག༔ སྲོག་ཚེ་ཉམས་པ་སྲོག་ཚེ་ཁུག༔ དབུགས་ཚེ་ཉམས་པ་དབུགས་ཚེ་ཁུག༔ ས༔ ལས་ཀྱི་རིགས་ཀྱི་མཁའ་འགྲོ་མ༔ འབུམ་ཕྲག་མཁའ་འགྲོའི་ཚོགས་བཅས་ལ༔ གསོལ་བ་འདེབས་སོ་ཐུགས་རྒྱུད 8། ཕ༔ བསྐུལ༔ ཐུགས་རྗེས་དགོངས་ཤིག་དབྱིངས་ནས་བཞེངས༔ ཚེ་བསོད་ཡེ་ཤེས་དངོས་གྲུབ་སྩོལ༔ བླ་ཚེ་ཉམས་པ་བླ་ཚེ་ཁུག༔ སྲོག་ཚེ་ཉམས་པ་སྲོག་ཚེ ཁུག༔ དབུགས་ཚེ་ཉམས་པ་དབུགས་ཚེ་ཁུག༔ མ༔ ཡེ་ཤེས་མཁའ་འགྲོ་སྡེ་ལྔ་ཡི༔ སྐུ་ཡི་དབང་བྱིན་དངོས་གྲུབ་དང་༔ འབྱུང་བ་ནམ་མཁའི་དྭངས་བཅུད་བཅས༔ ཨོཾ་དཀར འོད་ཀྱི་རྣམ་པར་བསྡུས༔ སྤྱི་བོ་བདེ་ཆེན་འཁོར་ལོར་ཐིམ༔ མི་ཤིགས་རྡོ་རྗེའི་རྒྱ་ཡིས་ཐོབ༔ གསུང་གི་དབང་བྱིན་དངོས་གྲུབ་དང་༔ འབྱུང་བ་མེ་ཡི་དྭངས་བཅུད་བཅས༔ ཨཱཿ དམར་འོད་ཀྱི་རྣམ་པར་བསྡུས༔ མགྲིན་པ་ལོངས་སྤྱོད་འཁོར་ལོར་ཐིམ༔ མི་ཤིགས་རྡོ་རྗེའི་རྒྱ་ཡིས་ཐོབ༔ ཐུགས་ཀྱི་དབང་བྱིན་དངོས་གྲུབ་དང་༔ འབྱུང་བ་ཆུ་ཡི་དྭངས་བཅུད་བཅས༔ ཧཱུྃ་མཐིང་འོད་ཀྱི་རྣམ་པར་བསྡུས༔ སྙིང་ག་ཆོས་ཀྱི་འཁོར་ལོར་ཐིམ༔ མི་ཤིགས་རྡོ་རྗེའི་རྒྱ་ཡིས་ཐོབ༔ ཡོན་ཏན་དབང་བྱིན་དངོས་གྲུབ་དང་༔ འབྱུང་བ་ས་ཡི་དྭངས་བཅུད་བཅས༔ སྭཱཿ སེར་འོད་ཀྱི་རྣམ་པར་བསྡུས༔ ལྟེ་བ་སྤྲུལ་པའི་འཁོར་ལོར་ཐིམ༔ བླ་ཚེ་བསོད་ནམས་ནུས་པ་བསྐྱེད༔ ཕྲིན་ལས་དབང་བྱིན་དངོས་གྲུབ་དང་༔ འབྱུང་བ་རླུང་གི་དྭངས བཅུད་བཅས༔ ཧཱུཿ ལྗང་འོད་ཀྱི་རྣམ་པར་བསྡུས༔ གསང་གནས་བདེ་སྐྱོང་འཁོར་ལོར་ཐིམ༔ ཚེ་བསོད་དཔལ་ཡོན་དབང་དངོས་གྲུབ༔ ནམ་མཁའ་མཛོད་དུ་འཕེལ་རྒྱས་ཤོག༔ ཨོཾ་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་ཀཱ་ཡ་ཝཱཀ་ཙི་ཏྟ་སརྦ་སི_UNK་ཕ་ལ་ཧཱུྃ་ཨཱཿ བཛྲ་ཨ་ཡུཿ ཛྙཱ་ན་མ་ཧཱ་པུཎྱེ་སིདྡྷི་ཕ་ལ་ཧཱུྃ་ཨཱཿ ཀཱ་ཡ་སིདྡྷི་ཨོཾ༔ ཝཱཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ དེ་ལྟར་དམིགས་པའི་གནད་ལྡན་པས༔ བླ་ཚེ་བསོད་ནམས་གོང་འཕེལ་བྱེད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་རང་སློབ་དམ་པ་པདྨ་བསོད་ནམས་ཀྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་བཀོད་པའོ། ། དགེའོ། །དགེའོ། །དགེའོ།། T1611 - 012 ༔ ཆོས་ཉིད་ནམ་མཁའི་ཀློང་མཛོད་ལས༔ ཐོད་སྒྲུབ་ཡིད་བཞིན་གཏེར་མཛོད་བཞུགས་སོ༔ དྃ༔ ན་མོ་གུ་རུ་པདྨ་ཀ་ར་ཡེ༔ བདག་ཉིད་པདྨ་འབྱུང་གནས་ཀྱིས༔ བརྒྱུད་འཛིན་སྐལ་ལྡན་བུ་སློབ་ཀྱི༔ དབུལ་ཕོངས་འབྱོར་རྒུད་སེལ་བའི་ཕྱིར༔ ཐོད་སྒྲུབ་ཡིད་བཞིན་གཏེར་མཛོད་བསྟན༔ མཚན་ལྡན་ཐོད་པ་ཆེ་ཟབ་ཏུ༔ བྲེགས་ཏེ་རིན་ཆེན་ཕྱེ་མ་དང་༔ བདུད་རྩི་ཆོས་སྨན་གྱིས་བྱུགས་ཤིང་༔ ཧ་རི་ནི་སའི་ཡི་གེ་ནི༔ གསེར་རམ་མཚལ་གྱིས་ལེགས་པར་བྲིས༔ དེ་ནང་གནས་ཆེན་བྱིན་ལྡན་གྱི༔ ས་སྣ་ཤིང་སྣ་སྣ་ཚོགས་དང་༔ གཞན་ཡང་བཙན་ཕྱུག་འཕན་གསུམ་གྱི༔ ཞིང་ས་དང་ནི་ཐབ་ཁའི་དྲེག༔ ཕྱུག་པོ་མང་པོའི་རྟ་ལུག་དང་༔ གནག་ཕྱུགས་ཚོགས་ཀྱི་སྤུ་སྣ་དང་༔ གཅན་གཟན་ཆེན་པོའི་ལྤགས་རས་ཚོགས༔ བུ་བདུན་ཕ་མའི་གོས་རས་དང་༔ ཚོང་འདུས་ཆེན་པོའི་ས་སྣ་རྣམས༔ ཟ་འོག་ཁུག་མར་བསྩལ་ཏེ་བཞག༔ འབྲུ་སྣ་རྣམ་པ་སྣ་ཚོགས་དང་༔ རིན་ཆེན་རིགས་དང་སྨན་སྣ་དང་༔ སྙིང་པོ་ལྔ་དང་དྲི་ལྔ་དང་༔ སྒྲུབ་རྫས་རིལ་བུ་བྱིན་ལྡན་སོགས༔ དར་ཚོན་སྣ་ལྔའི་ཐུམ་པོར་བླུག༔ དར་མཐིང་ངོས་ལ་འདི་ལྟར་བྲིས༔ ཨོཾ་ཨཱཿ ཧཱུྃ་བྃ་ཌཱ་ཀི་ནཱི་ཤུ་མ་ཧེ་མ་ཧ་རི་ནི་ས་སརྦ་རཏྣ་བ་སུ་ཁ་ངྷེ་འདུས་འདུས་སརྦ་པཱ་ཤཾ་ཀུ་རུ་ཡེ་སྭཱ་ཧཱ༔ སརྦ་སིདྡྷི་ཕ་ལ་ཧཱུྃ་ཨཱཿ ཁམས་གསུམ་གྱི་སྐྱེ་འགྲོ་ཕོ་མོ་གང་ཟག་བཟང་རྒུ་ཆེ་བཙན་མཁས་བཙུན་ཟས་ནོར་ལོངས་སྤྱོད་འདོད་རྒུའི་ཡིད་བཞིན་གྱི་བྱེ་བྲག་ཐམས་ཅད་འཆང་བ་པོའི་དབང་དུ་ འདུ་བར་གྱུར་ཅིག༔ མངའ་འོག་ཏུ་འདུས་ཤིང་མངའ་དབང་འབྱོར་བར་ཤོག་ཅིག༔ ནུབ་པ་མེད་པར་རབ་ཏུ་རྒྱས་ཤིང་བརྟན་པར་གྱུར་ཅིག༔ ཨ་ཡུ་པུཆྱེ་པུཥྚིཾ་ཀུ་རུ་ཡེ་སྭཱ་ཧཱ༔ ཞེས་བྲིས་ཏེ་སྦ་དཀར་ལ་དྲིལ་ནས་ཐོད་པའི་དབུས་སུ་གཞུག༔ ཡང་དར་དཀར་ལ༔ ཧ་བཛྲ་ཌཱ་ཀི་ནཱི་བཛྲ་ཨཾ་ཀུ་ཤ་ཛཿ ས་མ་ཡ་ཛ་ཛ་སྟྭཾ༔ ཤར་ཕྱོགས་སྲིད་པའི་སྐྱེ་འགྲོ་ཟས་ནོར་ལོངས་སྤྱོད་འདོད་རྒ་ཡིད་བཞིན་གྱི་བྱེ་བྲག་ཐམས་ཅད་འཆང་བ་པོའི་དབང་དུ་འདུ་བར་གྱུར་ཅིག༔ ཨ་ནྲྀ་ན་ཏྲི་ཨ་ཀཪྴ་ཡ་ཛ་ཛཿ སརྦ་བ་སུ་རཏྣ་ཁ་དྷེ་འདུས་འདུས་པཱ་ཤཾ་ཀུ་རུ་ཡེ་སྭ་ཧཱ༔ ཞེས་ཞི་བའི་ཤིང་ལ་དྲིལ་ཏེ་དཔྲལ་བའི་ཕྱོགས་སུ་གཞུག དར་སེར་པོ་ལ༔ རི་རཏྣ་ཌཱ་ཀི་ནཱི་བཛྲ་པཱ་ཤ་ཧཱུྃ༔ ས་མ་ཡ་ཛ་ཛ་སྟྭཾ༔ ལྷོ་ཕྱོགས་སྲིད་སོགས་ནས་སྭ་ཧཱའི་བར་གོང་ལྟར་བྲིས་ལ་རྒྱས་པའི་ཤིང་ལ་དྲིལ་ཏེ་གཡས་སུ་གཞུག༔ དར་དམར་པོ་ལ༔ ནི་པདྨ་ཌཱ ཀི་ནཱི་པདྨ་སྥོ་ཊ་བཾ༔ ས་མ་ཡ་ཛ་ཛ་སྟྭཾ༔ ནུབ་ཕྱོགས་སྲིད་སོགས སྭཱ་ཧཱ༔ ཞེས་དབང་གི་ཤིང་ལ་དྲིལ་ཏེ་ལྟག་པར་གཞུག༔ དར་ལྗང་གུ་ལ༔ སཿཀརྨ་ཌཱ་ཀི་ནཱི་ཀརྨ་གྷཎྜེ་ཧོཿ ས་མ་ཡ་ཛ་ཛ་སྟྭཾ༔ བྱང་ཕྱོགས་སོགས་སྭཱ་ཧཱ༔ ཞེས་དྲག་ཤིང་ཚེར་མ་ཅན་ལ་དྲིལ་ཏེ་གཡོན་ཕྱོགས་སུ་གཞུག༔ བྱ་དེ་མོའི་ཁྲག་གིས་དེ་ཕོའི་སྙིང་ཤུན་ལ༔ བྃ་ཧ་རི་ནི་ས་ཧྲཱི་ཧྲཱི་ཛ་ཛཿ ཞེས་བྲིས་ཏེ་མཚམས་བཞིར་བཞག༔ རྨ་བྱའི་སྒྲོ་ཆེ་ཆུང་གིས་ དྃ༔ ཁ་ཁེབས་པར་བྱས་ཏེ་དར་རམ་རས་ཁ་དོག་སྣ་ལྔས་དམ་དུ་དཀྲིས་ཤིང་ནང་གི་ཡི་གེ་རྣམས་གཡོ་འགུལ་མི་འགྲོ་བར་བྱ་བ་གནད་དོ༔ རྩ་བ་བཞི་དང་དབང་ལག་བག་ཕྱེ་རྣམས་བསྲེས་ཏེ་ཁ་ཁེབ་ལ་ནན་དུ་བྱུག་ནས་ཤིང་ལྟར་སྲ་བར་བྱའོ༔ དེ་ལ་ཁྲུས་གསོལ་ནན་དུ་བྱ་ཞིང་བསང་སྦྱངས་བགེགས་བསྐྲད་བསེ་རག་བཀར༔ མ་མོ་མཁའ་འགྲོའི་ཚོགས་བསྐང་མང་དུ་བཏང་ཞིང་དཀྱིལ་འཁོར་གྱི་དབུས་སུ་གཞུག་སྟེ་བསྐྱེད་རིམ་གནད་དང་ལྡན་པས་རང་གཞུང་བསྲང་ནས་ཛཔྲ་སྔགས་བཟླ་བ་ལ༔ བྃ་བཛྲ་ཤུ་མ་ཧོ་མ་ཧ་རི་ནི་ས་ས་མ་ཡ་ཨ་ནྲྀ་ཏྲི་ཨ་ཀཪྴ་ཡ་ཛ་ཛཿ སརྦ་རཏྣ་བ་སུ་ཁ་ངྷེ་སིདྡྷི་སྡུས་སྡུས་ཝཱ་ཤཾ་ཀུ་རུ་ཡེ་སྭཱ་ཧཱ༔ ཞེས་མི་ཚིག་གིས་བར་མ་ཆོད་པར་སྔགས་བཟླ་བ་དང་༔ སྟན་གྱི་དྲོད་མི་ཡལ་བ་དང་གནས་མི་སྤོ་ཞིང་ཤེས་པ་གཞན་དུ་མི་གཡེང་བར་ལྷའི་གསལ་སྣང་དང་མི་འབྲལ་བར་བྱས་ཏེ་རྩེ་གཅིག་ཏུ་བརྩོན་ནུས་ན་དངོས་གྲུབ་ཆར་ལྟར་འབེབ་པར་འགྱུར་རོ༔ དང་པོ་མཁའ་འགྲོའི་སྒྲུབ་པ་ལ་ཞུགས་ནས་འགྲུབ་པའི་ལྟས་མཚན་ལེགས་པར་བྱུང་མཐར༔ གནས་ཤིན་ཏུ་དབེན་ཅིང་ཉམས་དགའ་ཡིད་དུ་འོང་བའི་ས་རུ་ཕྱིན་ཏེ་ནོར་སྒྲུབ་འདི་བཞིན་བྱ༔ བུད་མེད་མང་པོའི་ཚོགས་འདུ་བ་དང་༔ རང་ལ་བཀུར་སྟི་བྱེད་ཅིང་ལོངས་སྤྱོད་འབུལ་བ༔ ཉམས་དགའ་ཞིང་ཡིད་སྤྲོ་བ་སོགས་བྱུང་ཚེ་ཚོགས་ཀྱི་འཁོར་ལོ་རྒྱ་ཆེན་པོ་བཏང་༔ གཞན་ཡང་མཆོད་པ་ཅི་མང་གིས་ཚོགས་བསགས་ཅི་ནུས་ལ་འབད༔ བྱ་དང་བྱིའུ་སོགས་ལ་སྦྱིན་པ་ཕྱོགས་མེད་དུ་བཏང་བས་རྣམ་ཐོས་ཀྱི་བུ་ལྟར་ཕྱུག་ཅིང་དགེ་བར་འགྱུར་རོ༔ ལོ་བཞིན་བསྒྲུབ་ཁ་ གསོ་བ་གནད་དུ་ཤེས༔ ཟླ་བ་རེ་བཞིན་མཁའ་འགྲོའི་ཚོགས་འཁོར་བསྐོར༔ གནད་དེས་རྐྱེན་བཟློག་ལོངས་སྤྱོད་འབྱོར་པ་རྒྱས༔ བཀའ་སྲུང་ཁྱབ་འཇུག་ཆེན་པོ་ཁྱོད་ལ་གཉེར༔ ཐུབ་པར་སྲུངས་ཤིག་བཛྲ་ས་མ་ཡ༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་ཡང་བླ་མ་ཆོས་གསལ་གྱིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ།། TI1611 - 016 T11611 - 017 བདུད་འཇོམས་ཁྲོས་མ་ཕ༔ ན་མོ་གུ་རུ་པདྨ་ཀ་ར་ཡེ༔ ཐགྷཾགྷ༔ བསང་མཆོད་འདོད་ཡོན་སྤྲིན་ཕུང་ལ༔ མེ་ཐབ་རྒྱ་ཆེ་དཔངས་མཐོའི་ནང་༔ བཟང་ཤིང་ཕྱེ་མར་འབྲུ་སྣ་བསྲེག༔ གཙང་མའི་ཆབ་ཀྱིས་རབ་བྲན་ནས༔ དང་པོ་སྐྱབས་འགྲོ་སེམས་བསྐྱེད་ནི༔ ན་མོ༔ བསླུ་མེད་དཀོན་མཆོག་རྣམ་གསུམ་ལ༔ བྱང་ཆུབ་བར་དུ་སྐྱབས་སུ་མཆི༔ འགྲོ་ཀུན་རྣམ་མཁྱེན་སངས་རྒྱས་ཕྱིར༔ སྨོན་འཇུག་དོན་དམ་བྱང་སེམས་བསྐྱེད༔ ལན་གསུམ་མཐར༔ རང་ཉིད་སྐད་ཅིག་ལྷར་གསལ་ལ༔ ཨ༔ ཆོས་དབྱིངས་བརྡལ་ཁྱབ་ལྷུན་འབྱམས་མཁར༔ དོན་གྱི་འོག་མིན་ཆེན་པོའི་ཞིང་༔ རང་རིག་བཅོམ་ལྡན་ཤཱཀྱ་ཐུབ༔ T1l611 - 018 ཕ༔ གསེར་མདོག་མཚན་དཔེ་རབ་རྫོགས་ཤིང་༔ ས་གནོན་མཉམ་བཞག་སྐྱིལ་ཀྲུང་བཞུགས༔ ཡེ་ཤེས་འོད་ཕུང་གཟི་མདངས་འབར༔༷ དབྱིངས་དང་ཡེ་ཤེས་དབྱེར་མེད་ངང་༔ འཁོར་བ་ཡོངས་སྒྲོལ་དཔལ་དུ་རོལ༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཨོཾ་སྭ་བྷཱ་ཝ་སོགས༔ སྔགས་དྲུག་ཕྱག་རྒྱས་བྱིན་གྱིས་བརླབས༔ སྟོང་པའི་ངང་ལས་བྷྲཾ་ཡིག་འོད་དུ་ཞུ་བ་ལས་བྱུང་བའི་མེ་ཐབ་དཔངས་མཐོ་ཞིང་རྒྱ་ཁྱོན་ཆོས་ཀྱི་དབྱིངས་དང་མཉམ་པའི་ནང་དུ་བསང་རྫས་རྣམས་ཡི་གེ་ཨོཾ་ཨཱཿ ཧཱུྃ་གསུམ་དུ་གྱུར་པ་ལས་སྣང་སྲིད་ཐམས་ཅད་འོད་དུ་ཞུ་ནས་ཐིམ༔ T11611 - 019 དེ་ཡོངས་སུ་གྱུར་པ་ལས་ཟག་མེད་ཡེ་ཤེས་ཀྱི་བདུད་རྩི་དཀར་དམར་མཐིང་གའི་ཁ་དོག་འཆར་ཞིང་འདོད་ཡོན་ཟད་མི་ཤེས་པ་ལོངས་སྤྱོད་རྒྱན་གྱི་འཁོར་ལོ་འཁོར་འདས་ཡོངས་ལ་སྤེལ་ཞིང་རྒྱུན་མི་ཆད་པར་འཕྲོ་བའི་མེ་ལྕེ་དང་དུད་སྤྲིན་འཁྲིགས་པའི་ཀློང་ནས་འདོད་ཡོན་ལྔ་དང་ཉེར་སྤྱོད་བདུན་བཀྲ་ཤིས་རྫས་རྟགས་གཞན་ཡང་མཆོད་རྫས་དང་བརྟེན་རྫས༔ བསྐང་རྫས་དང་སྒྲུབ་རྫས༔ ཀ་ཆ་དང་དཀོར་ཆ༔ ཡུལ་མཁར་དང་གྲོགས་འཁོར༔ སྐྱབས་གནས་དང་གོས་རྒྱན༔ འཚོ་སྨན་དང་འཆི་བསླུ༔ བཟའ་བ་དང་བཅའ་བ༔ བཏུང་བ་དང་ལྡག་གཞིབ༔ དྲི་ཞིམ་དང་སྣང་མཛེས་ལ་སོགས་ཅི་ལ་ཅི་དགྱེས་པའི་ལོངས་སྤྱོད༔ གང་ལ་གང་མཁོ་བའི་ཡོ་བྱད་ཕུན་སུམ་ཚོགས་པ་མཐོང་ངམ་ཐོས་སམ་དྲན་ནམ་རེག་པ་ཙམ་གྱིས་བདེ་སྟོང་འཕོ་འགྱུར་མེད་པའི་རོས་ཚིམ་ནས་གཏན་སྲིད་ཐོབ་པའི་བདག་ཉིད་ཅན་དུ་གྱུར༔ ན་མཿ སརྦ་ཏ་ཐཱ་ག་ཏ་ཧྲཱི་ད་ཡ་ཨ་ནུ་ག་ཏེ་ཨོ་ཀུ་རུ་གི་ནི་སྭཱ་ཧཱ༔ ལན་བདུན་མཐར༔ ཨོཾ་ཨ་ཀཱ་རོ་སོགས མདུན་གྱི་ནམ་མཁར་པདྨ་འདབ་མ་སྟོང་ལྡན་དང་ཟླ་བའི་དཀྱིལ་འཁོར་ཉ་རྒྱས་པའི་སྟེང་དུ་ཆོས་སྐུ་ཀུན་ཏུ་བཟང་མོ་སྐུ་མདོག་མཐིང་ནག་ཞི་འཛུམ་རྡོ་རྗེ་སྐྱིལ་མོ་ཀྲུང་གིས་བཞུགས་ཤིང་སྟོང་ཉིད་མཉམ་སྦྱོར་ ཕ༔ གྱི་ཕྱག་རྒྱ་ཐུགས་ཀར་གཏད་པ་ཡེ་ཤེས་འོད་ཀྱི་ཕུང་པོར་གསལ་བའི་སྐུའི་སྟོད་ཀྱི་ཆ་ལ་རྩ་བརྒྱུད་རིག་འཛིན་གྱི་བླ་མ༔ སྐེད་པ་བར་གྱི་ཆ་ལ་ཡི་དམ་རྒྱལ་བའི་དཀྱིལ་འཁོར༔ སྐུ་སྨད་ཀྱི་ཆ་ལ་མ་རྒྱུད་མཁའ་འགྲོའི་དཀྱིལ་འཁོར༔ ཟླ་གདན་གྱི་མཐའ་ལ་ཡེ་ཤེས་དབྱིངས་ཀྱི་དམ་ཅན༔ པདྨའི་འདབ་འཁོར་གྱི་ནང་གི་ཁོར་ཡུག་ལ་སྡེ་བརྒྱད་གཞི་བདག་ལྷ་འདྲེ༔ དེའི་ཕྱི་རིམ་དུ་ཁམས་གསུམ་སེམས་ཅན་ཐམས་ཅད་ཀྱིས་བསྐོར་བར་བསྒོམ༔ དེ་ལྟར་གསལ་བའི་མགྲོན་རྣམས་རང་རང་གི་གནས་གསུམ་ལས་འོད་ཟེར་རབ་ཏུ་འཕྲོས་པས་འཁོར་འདས་གཉིས་ཀྱི་མགྲོན་རྣམས་མ་ལུས་ཤིང་ལུས་པ་མེད་པ་སྐད་ཅིག་གིས་སྤྱན་དྲངས་ལ་བསྟིམ་མོ༔ རོལ་མོ་སྣ་ཚོགས་ཀྱི་སྒྲ་དང་སྙན་པའི་ངག་གིས་སྤྱན་འདྲེན་པ་ནི༔ ཧཱུྃ༔ དབྱིངས་དང་ཡེ་ཤེས་མཉམ་སྦྱོར་བུམ་པའི་སྐུ༔ དཀོན་མཆོག་སྲི་ཞུའི་མགྲོན་རྣམས་གཤེགས་སུ་གསོལ༔ གང་འདུལ་ཐབས་ཀྱིས་བསྟན་དང་འགྲོ་རྣམས་སྐྱོང་༔ མགོན་པོ་ཡོན་ཏན་མགྲོན་རྣམས་གཤེགས་སུ་གསོལ༔ གཟུང་འཛིན་བདེན་པར་མངོན་ཞེན་འཐས་པ་ཡི༔ རིགས་དྲུག་སྙིང་རྗེའི་མགྲོན་རྣམས་གཤེགས་སུ་གསོལ༔ འཁྲུལ་པའི་དབང་གིས་ཡིད་ལུས་མངོན་ཞེན་ཅན༔ བགེགས་ རིགས་ལན་ཆགས་མགྲོན་རྣམས་གཤེགས་སུ་གསོལ༔ རང་རང་དགྱེས་པའི་གདན་ལ་བཞུགས་སུ་གསོལ༔ དད་པའི་ཞིང་གྱུར་ཡོངས་ལ་གུས་ཕྱག་འཚལ༔ བཛྲ་ས་མ་ཡ་ཛ་ཛཿ སྟ་ན་མོ་པུ་རུ་ཤ་ཡ་ཧོཿ དེ་ནས་མཉེས་བྱེད་བསང་མཆོད་འབུལ་བ་ནི༔ ཨོཾ་ཨཱཿ ༔ སངས་རྒྱས་ཆོས་དང་དགེ་འདུན་རྒྱ་མཚོ་དང་༔ བླ་མ་ཡི་དམ་དཔའ་བོ་མཁའ་འགྲོ་དང་༔ ཆོས་སྐུ་ལོངས་སྐུ་སྤྲུལ་སྐུ་ལ་སོགས་པའི༔ དཀོན་མཆོག་སྲི་ཞུའི་མགྲོན་དུ་གྱུར་པ་ལ༔ འདོད་ཡོན་བདུད་རྩི་བསང་གི་མཉེས་མཆོད་འབུལ༔ ཚོགས་གཉིས་མྱུར་རྫོགས་སྒྲིབ་གཉིས་ཡོངས་བྱང་ནས༔ དམ་པ་སྐུ་གཉིས་མངོན་དུ་འགྱུར་བར་ཤོག༔ ཨེ་ཀ་ཙ་ཏི་དབྱིངས་ཀྱི་མ་ལྔ་དང་༔ རེ་ཏཱི་མཆེད་བཞི་དུས་བཞིའི་དབང་མོ་ཆེ༔ དཀོར་སྲུང་མཆེ་གཙིགས་མིང་སྲིང་འཁོར་བཅས་དང་༔ སྲིད་པ་མ་མོའི་དཀྱིལ་འཁོར་ཐམས་ཅད་ལ༔ འདོད་འཇོའི་བདུད་རྩི་བསང་གི་མཆོད་པ་འབུལ༔ བདེ་སྟོང་ཡེ་ཤེས་ཆེན་པོ་དངོས་གྲུབ་སྩོལ༔ ཚེ་སྒྲུབ་མཐར་ཕྱིན་འཇའ་ལུས་འགྲུབ་པར་ཤོག༔ ལེགས་ལྡན་ཚོགས་བདག་གུར་མགོན་ཞལ་བཞི་དང་༔ ཕྱག་བཞི་ཕྱག་དྲུག་མ་ནིང་བེར་ནག་ཅན༔ ཏྲག་ཤད་ནག་པོ་ཀུན་དགའ་གཞོན་ནུ་དང་༔ གནོད་སྦྱིན་དམར་ནག་རྣམ་སྲས ཕ༔ གཟའ་བདུད་དང་༔ ལྷ་གཤིན་མ་བདུད་སྲིན་བཙན་གནོད་སྦྱིན་ཀླུ༔ ཆོས་སྐྱོང་ཕོ་རྒྱུད་མོ་རྒྱུད་ཐམས་ཅད་ལ༔ འདོད་འཇོའི་བདུད་རྩི༴ ཕྱི་ནང་གསང་བའི་བར་ཆད་ཀུན་ཞི་ནས༔ དགེ་ལེགས་ཡར་ངོའི་ཟླ་ལྟར་འཕེལ་གྱུར་ཅིག༔ ལྷ་བརྒྱད་ཀླུ་བརྒྱད་གཟའ་བརྒྱད་ཕྱོགས་སྐྱོང་བཅུ༔ རྒྱལ་ཆེན་རིགས་བཞི་འཇིགས་བྱེད་ཆེན་པོ་དགུ༔ རྒྱུ་སྐར་ཉི་ཤུ་རྩ་བརྒྱད་ལ་སོགས་པའི༔ མགོན་པོ་ཡོན་ཏན་མགྲོན་གྱུར་ཐམས་ཅད་ལ༔ འདོད་འཇོའི་བདུད་རྩིཿ ས་དང་ལམ་གྱི་བར་