Tibetan
དང་ལྡན་པའི་ངང་༔ མ་དག་པའི་བག་ཆགས་དྲི་མ་དང་འབག་རྩོག་ཐམས་ཅད་དག་ནས་ཆོས་ཉིད་ཆགས་བྲལ་ཀ་དག་ཆེན་པོའི་དབྱིངས་སུ་འབྱམས་ཀླས་པར་གྱུར༔ ཨོཾ་སྭ་བྷཱ་ཝ༔ ཨོཾ་ཨཱཿ ཧཱུྃ༔༷ སྣང་བའི་དབྱིངས་དང་མཉམ་པའི་མེ་ཐབ་ཆེན་པོའི་ནང་དུ་སྣང་སྲིད་ཀྱི་རྩི་བཅུད་འབྲུ་སྨན་ཐམས་ཅད་ཨོཾ་ཨཱཿ ཧཱུྃ་གསུམ་ཞུ་བ་ལས་ངོ་བོ་ཟག་མེད་ཡེ་ཤེས་ཀྱི་བདུད་རྩི་ལ་རྣམ་པ་དུད་སྤྲིན་མཐིང་ནག་རྒྱ་ཆེ་ལ་ལྷུན T11611 - 044 ཧཕ༔ འཐུག་པའི་ཀློང་ལས་འདོད་ཡོན་མི་ཟད་པ་ལོངས་སྤྱོད་རྒྱན་གྱི་འཁོར་ལོ་འཁོར་འདས་ཀུན་ཏུ་རྒྱུན་མི་འཆད་པར་སྤྲོ་ཞིང་ཡོངས་སུ་ཁེངས་པར་གྱུར༔ ཨོཾ་ཨཱཿཧཱུྃ༔ ལན་གསུམ༔ ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་སོགས་བདུན་བརྗོད་མཐར༔ ཨོཾ་ཨཱཿ ཧཱུྃ༔ ཆོས་སྐུ་ཀུན་ཏུ་བཟང་པོ༔ ལོངས་སྐུ་རིགས་ལྔ་གངས་ཆེན༔ སྤྲུལ་སྐུ་སྟོན་པ་རྒྱ་མཚོ༔ བརྒྱུད་གསུམ་རིག་འཛིན་བླ་མ༔ ཡི་དམ་ཞི་ཁྲོའི་དཀྱིལ་འཁོར༔ མ་སྲིང་མཁའ་འགྲོ་རྒྱ་མཚོ༔ སྟོན་པ་རྫོགས་པའི་སངས་རྒྱས༔ སྐྱོབ་པ་ལམ་མཆོག་དམ་ཆོས༔ འདྲེན་པ་འཕགས་པའི་དགེ་འདུན༔ བསྟན་Tl1611 - 045 སྲུང་དམ་ཅན་རྒྱ་མཚོ་ལ་སོགས་པའི་དཀོན་མཆོག་སྲི་ཞུའི་མགྲོན་དུ་གྱུར་པ་ཐམས་ཅད་ལ་འབུལ་ལོ༔ བདག་སོགས་སེམས་ཅན་ཐམས་ཅད་ཀྱི་ཚོགས་གཉིས་ཡོངས་སུ་རྫོགས་ཤིང་སྒྲིབ་གཉིས་བག་ཆགས་ཐམས་ཅད་བྱང་ནས་ཚེ་འདི་ཉིད་ལ་འོད་གསལ་རྫོགས་པ་ཆེན་པོའི་དགོངས་ཀློང་དུ་གྲོལ་བར་གྱུར་ཅིག༔ ཨོཾ་བཛྲ་རཱུ་པ་ཤཔྡ་གནྡྷེ་རཱ་ས་སྤཪྴ་པྲ་ཏཱིཙྪ་ཨཱཿ སཱཿ ལན་གསུམ༔ ལྷ་བརྒྱད་ཀླུ་བརྒྱད་གཟའ་བརྒྱད་ཕྱོགས་སྐྱོང་བཅུ་རྒྱལ་ཆེན་སྡེ་བཞི་འཇིགས་བྱེད་ཆེན་པོ་དགུ་རྒྱུ་སྐར་ཉི་ཤུ་རྩ་བརྒྱད་ལ་སོགས་མགོན་པོ་ཡོན་ཏན་གྱི་མགྲོན་གྱུར་འཁོར་དང་བཅས་པ་ཐམས་ཅད་ལ་འབུལ་ལོ༔ ཕྱི་ནང་གསང་བའི་བར་ཆད་ཐམས་ཅད་ཞི་ནས་ས་ལམ་གྱི་ཡོན་ཏན་ཐམས་ཅད་གོང་ནས་གོང་དུ་འཕེལ་ཞིང་རྒྱས་པར་གྱུར་ཅིག༔ ཨོཾ་ཨཱཿ ཧཱུྃ་སརྦ་པཉྩ་ཨ་མྲྀ་ཏ་ག་ན་པཱུ་ཛ་ཁཱ་ཧི༔ ཨོཾ་ཨཱཿ ཧཱུྃ༔ ལན་གསུམ༔ གཞན་ཡང་དྲི་ཟའི་རྒྱལ་པོ་ཆེན་པོ་རབ་དགའ་མཆོག་དགའ་དང་ལྗོན་པ་རྟ་མགོ་ཅན་དང་ཟུར་ཕུད་ལྔ་པ་ལ་སོགས་པའི་དྲི་ཟའི་རིགས་སུ་གྱུར་པ་ཐམས་ཅད་ལ་འབུལ་ལོ༔ འདོད་པ་ཚིམས་ཤིང་སྡུག་བསྔལ་གྱིས་གདུང་བ་ཐམས་ཅད་དང་བྲལ་ཏེ་གཞན་སྐྱོབས་ཀྱི་ནུས་པ་དང་ལྡན་ནས་འགྲོ་བ་ཐམས་ཅད་གཏན་དུ་བདེ་བའི་ལམ་ལ་སྦྱོར་ནུས་པར་ ཕ༔ ཤོག་ཅིག༔ ཨོཾ་ཨཱཿ ཧཱུྃ༔ ཏདྱ་ཐཱ༔ ཨོཾ་ཨ་ལི་ཨུ་ལི་ཏ་ལི་ཏ་བྷ་ཏ་ཡ་ཡ་སྭཱ་ཧཱ༔ ཨོཾ་ཨཱཿཧཱུྃ༔ ལན་གསུམ༔ འགྲོ་བ་རིགས་དྲུག་ལམ་རྒྱུད་ལྔ་ལ་སོགས པའི་ཁམས་གསུམ་སེམས་ཅན་ཐམས་ཅད་ལ་འབུལ་ལོ༔ སོ་སོའི་སྡུག་བསྔལ་ཐམས་ཅད་དང་བྲལ་ནས་རང་སྣང་དོན་གྱི་འོག་མིན་ཆེན་པོའི་དབྱིངས་སུ་འཚང་རྒྱ་བར་གྱུར་ཅིག༔ ན་མཿསརྦ་ཏ་ཐཱ་ག་ཏ་ཨ་ཝ་སོགས་ལན་གསུམ༔ ཨོཾ་ཨཱཿ ཧཱུྃ༔ ལན་གསུམ༔ བཀའི་ལྷ་སྲིན་སྡེ་བརྒྱད་བགེགས་རྒྱལ་བི་ན་ཡ་ག་འཕྲོག་མ་མ་བུ་ལྔ་བརྒྱ་བྱིས་པའི་གདོན་ཆེན་བཅོ་ལྔ་བགེགས་རིགས་སྟོང་ཕྲག་བརྒྱད་ཅུ་ལ་སོགས་སྣང་ཞིང་སྲིད་པའི་ལྷ་འདྲེ་སྤྱི་དང་བྱེ་བྲག་ཏུ་ལན་ཆགས་བུ་ལོན་ཤ་མཁོན་གྱི་བདག་པོ་བདག་མོ་ཐམས་ཅད་ལ་འབུལ་ལོ༔ བསྔོའོ༔ སྦྱིན་ནོ༔ མཉེས་ཤིང་ཚིམས་ནས་གཞན་ལ་གནོད་པའི་བསམ་སྦྱོར་ནུས་སྟོབས་ཐམས་ཅད་དང་བྲལ་ཏེ་བྱང་ཆུབ་ཀྱི་སེམས་རིན་པོ་ཆེ་དང་ལྡན་པར་གྱུར་ཅིག༔ དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ༔ གཟུགས་མཛེས་དམ་པ་ལ༔ སྐུ་འབྱམས་ཀླས་ལ༴ འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ༔ སམྦྷ་ར་ལན་གསུམ་མཐར༔ ཨོཾ་ཨཱཿ ཧཱུྃ་ཧ་ཧོ་ཧྲཱིཿ T11611 - 047 ལན་གསུམ༔ སྲིད་པ་བར་མ་དོར་འཇིགས་སྐྲག་དང་སྡུག་བསྔལ་སྣ་ཚོགས་ཀྱིས་གདུང་ཞིང་མནར་བ༔ ཡ་ང་བ༔ ཡི་མུག་པ༔ མགོན་སྐྱབས་དཔུང་གཉེན་ཐམས་ཅད་དང་བྲལ་ནས རང་དབང་མེད་པར་ལས་རླུང་གིས་བསྐྱོད་པའི་ཚེ་འདས་ཆེ་གེ་མོའི་ཐོག་དྲངས་བར་མ་དོ་ལ་གནས་པའི་སེམས་ཅན་ཐམས་ཅད་ཀྱི་མིག་གི་ཡུལ་དུ་གཟུགས་མཛེས་པ་ཕུན་སུམ་ཚོགས་པ༔ རྣ་བའི་ཡུལ་དུ་སྒྲ་སྙན་པ་ཕུན༴ སྣའི་ཡུལ་དུ་དྲི་ཞིམ་པ་ཕུན༴ ལྕེའི་ཡུལ་དུ་རོ་བརྒྱ་ནུས་པ་སྟོང་དང་ལྡན་པའི་བཟའ་བཏུང་ཕུན་ལུས་ཀྱི་ཡུལ་དུ་རེག་བྱ་འཇམ་པ་ཕུནཿ ཡིད་ཀྱི་ཡུལ་དུ་འདོད་ཡོན་ལོངས་སྤྱོད་བདེ་སྐྱིད་ཕུན་སུམ་ཚོགས་པ་ཟད་མི་ཤེས་པའི་གཏེར་ཆེན་པོ་རྣམས་ཐོབ་པར་གྱུར་ཅིག༔ ཚིམས་པར་གྱུར་ཅིག༔ སྡུག་བསྔལ་ཐམས་ཅད་དང་བྲལ་ནས་བདེ་བ་མཆོག་དང་ལྡན་པར་གྱུར་ཅིག༔ བར་དོ་ལ་བར་དོ་ཡིན་པར་ངོ་ཤེས་འཁྲུལ་པའི་སྣང་བ་སྒྱུ་མ་དང་རྨི་ལམ་མིག་ཡོར་ལྟ་བུར་ཤེས་ནས་སྐད་ཅིག་དེ་ཉིད་ལ་ཡེ་གཞི་གདོད་མའི་མགོན་པོའི་ལྷུམས་སུ་ཞུགས་ཏེ་མི་འཇིགས་པའི་གདིང་ཆེན་པོ་ཐོབ་པར་གྱུར་ཅིག༔ རང་སྣང་རྣམ་དག་ལྷུན་གྲུབ་རིན་པོ་ཆེ་སྐུ་དང་ཡེ་ཤེས་འདུ་འབྲལ་མེད་པའི་དབྱིངས་ཆེན་པོར་རང་སད་ནས་བཙན་ས་ ཕ༔ ཟིན་པར་གྱུར་ཅིག༔ ངོ་ཤེས་པར་གྱུར་ཅིག༔ རྩལ་རྫོགས་པར་གྱུར་ཅིག༔ བརྟན་པ་ཐོབ་པར་གྱུར་ཅིག༔ ཨོཾ་མ་ཎི་པདྨེ་ཧཱུྃ་ཧྲཱིཿ བརྒྱ་རྩ་བརྗོད༔ བསོད་ནམས་འདི་དང་དགེ་རྩ་ཐམས་ཅད་གཅིག་ཏུ་བསྡུས་ཏེ་སེམས་ཅན་ཐམས་ཅད་ལ་བསྔོའོ༔ འབུལ་ལོ༔ སྦྱིན་ནོ༔ དེའི་མཐུས་ཁམས་གསུམ་གྱི་སེམས་ཅན་ཐམས་ཅད་འཁོར་བ་དང་ངན་སོང་གི་སྡུག་བསྔལ་གྱི་ཁྲི་མུན་ལས་ཐར་ནས་དུས་མཉམ་དུ་རྣམ་མཁྱེན་བླ་ན་མེད་པའི་བྱང་ཆུབ་ཆེན་པོར་འཚང་རྒྱ་བར་གྱུར་ཅིག༔ བདག་གི་སྐྱེ་བ་ཚེ་རབས་ཐམས་ཅད་དུ་ལོག་ལམ་བདུད་ཀྱི་མུན་པ་བཅོམ་ནས་འགྲོ་བློ་ཁ་ལོ་བསྒྱུར་ཞིང་ཐམས་ཅད་མཁྱེན་པའི་ས་ལམ་ལ་སྒྲོལ་ནུས་པ་ཁམས་གསུམ་ཆོས་ཀྱི་རྒྱལ་པོ་རུ་འགྱུར་བར་ཤོག༔ བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་འོད་ཀྱི་རྒྱལ་པོ་ལ་ཕྱག་འཚལ་ལོ༔ བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་ཕྱག་འཚལ་ལོ༔ ཏདྱ་ཐཱ༔ པཉྩ་གྲི་ཡ་ཨ་ཝ་བོ་དྷི་ན་ཡེ་སྭཱ་ཧཱ༔ ལན་བདུན་བརྗོད༔ འདི་ལྟར་རྒྱུན་དུ་ཉམས་ལེན་ན༔ ཚོགས་རྫོགས་སྒྲིབ་པ་ཀུན་དག་ནས༔ ཕྱི་ནང་གསང་བའི་བར་ཆད་སེལ༔ ཚེ་རིང་ནད་མེད་ལོངས་སྤྱོད་འཕེལ༔ བཀྲ་ཤིས་དགེ་ ལེགས་དཔལ་ཐོབ་འགྱུར༔ དྲང་སྲོང་ཁྱབ་འཇུག་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་རང་སློབ་དམ་པ་ཚོགས་མཆོག་གིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་ཀློང་མཛོད་ལས་ཞལ་བཤུས་ཏེ་གཏན་ལ་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །དགེའོ། །དགེའོ།། ས T11611 - 050 ཕ༔ ཆོས་ཉིད་ནམ་མཁའི་ཀློང་མཛོད་ལས༔ གསུར་མཆོད་འདོད་ཡོན་ཀུན་ཁྱབ་བཞུགས་སོ༔ སྐྱབས་སེམས་སྔོན་དུ་བཏང་ལ༔ རཾ་ཡཾ་ཁཾ་གིས་མི་གཙང་དྲི་མ་སྦྱངས༔ ཨོཾ་ཨཱཿ ཧཱུྃ་གིས་ཡེ་ཤེས་བདུད་རྩིར་བསྒྱུར༔ ཧ་ཧོ་ཧྲཱིཿཡིས་འདོད་རྒུའི་དཔལ་ཡོན་སྤེལ༔ རཾ་ཡཾ་ཁཾ༔ ཨོཾ་ཨཱཿ ཧཱུྃ༔ ཧ་ཧོ་ཧྲཱིཿ ཨོཾ་ཨཱཿ ཧཱུྃ༔ གསུར་མཆོད་ཡེ་ཤེས་ཀྱི་བདུད་རྩི་འདོད་རྒའི་དཔལ་ཡོན་ཕུན་སུམ་ཚོགས་པ་འདི་ཉིད་དཀོན་མཆོག་སྲི་ཞུའི་མགྲོན་དང་མགོན་པོ་ཡོན་ཏན་གྱི་མགྲོན་དུ་གྱུར་པ་ཐམས་ཅད་ལ་འབུལ་ལོ༔ ཁམས་གསུམ་འཁོར་བ་མ་སྟོང་གི་བར་དུ་སངས་རྒྱས་ཀྱི་ཞིང་ཐམས་ཅད་ལ་མཆོད་པའི་སྤྲིན་རྒྱ་མཚོ་རྒྱུན་མི་ཆད་པར་སྤྲོ་བའི་བདག་ཉིད་ཅན་དུ་གྱུར་ཅིག༔ ཨོཾ་ཨཱཿ ཧཱུྃ༔ རིགས་དྲུག་སྙིང་རྗེའི་མགྲོན་དང་བགེགས་རིགས་ལན་ཆགས་ཀྱི་མགྲོན་དུ་གྱུར་པ་ཐམས་ཅད་ལ་འབུལ་ལོ༔ ཁྱད་པར་དུ་སྲིད་པ་བར་དོ་ལ་གནས་པའི་སེམས་ཅན་ཐམས་ཅད་ལ་འབུལ་ལོ༔ དེ་དག་ཐམས་ཅད་རྣམ་མཁྱེན་རྫོགས་པའི་སངས་རྒྱས་ཀྱི་གོ་འཕང་མ་ཐོབ་ཀྱི་བར་དུ་མིག་གི་ཡུལ་དུ་གཟུགས་མཛེས་པ་ཕུན་སུམ་ཚོགས་པ༔ རྣ་བའི་ཡུལ་དུ་སྒྲ་སྙན་པ་ཕུན་སུམ་ཚོགས་པ༔ སྣའི་ཡུལ་དུ་དྲི་ཞིམ་པ་ཕུན་སུམ་ཚོགས་པ༔ ལྕེའི་ཡུལ་དུ་རོ་བརྒྱ་ནུས་པ་སྟོང་དང་ལྡན་པའི་ བཟའ་བཏུང་ཕུན་སུམ་ཚོགས་པ༔ ལུས་ཀྱི་ཡུལ་དུ་རེག་བྱ་འཇམ་པ་ཕུན་སུམ་ཚོགས་པ༔ ཡིད་ཀྱི་ཡུལ་དུ་འདོད་རྒུའི་དཔལ་ཡོན་ཕུན་སུམ་ཚོགས་པ་རྒྱུན་མི་འཆད་པ་འབྱུང་ཞིང་རྒྱས་པར་གྱུར་ཅིག༔ འཕགས་པ་དམ་པ་ཀུན་ཏུ་བཟང་པོ་ལ་ཕྱག་འཚལ་ལོ༔ ནམ་མཁའ་མཛོད་སྔགས་དང་མཚན་བཞིའི་སྔགས་མང་དུ་བཟླ༔ དཀོན་མཆོག་མཆོད་པས་དགྱེས་གྱུར་ཅིག༔ དམ་ཅན་ཐུགས་དམ་བསྐང་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ ལན་ཆགས་ཤ་མཁོན་བྱང་གྱུར་ཅིག༔ ཚོགས་གཉིས་ཡོངས་སུ་རྫོགས་གྱུར་ཅིག༔ སྒྲིབ་གཉིས་བག་ཆགས་དག་གྱུར་ཅིག༔ དམ་པ་སྐུ་གཉིས་ཐོབ་གྱུར་ཅིག༔ དེ་ནས་བསྡུ་རིམ་ནི༔ མཆོད་སྦྱིན་དངོས་ཡུལ་ཐམས་ཅད་ཀུན༔ ཆོས་ཉིད་སྤྲོས་མཐའ་བྲལ་བར་ཨ༔ ཞེས་དང་བསྔོ་སྨོན་བྱའོ༔ དམིགས་པའི་གནད་དང་ལྡན་པས་ན༔ ཚོགས་གཉིས་རྫོགས་པར་གདོན་མི་ཟ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་བསོད་ནམས་དཔལ་ལྡན་གྱིས་འདི་ལྟར་ཉུང་བསྡུས་ཞིག་དགོས་ཞེས་བསྐུལ་ངོར་བདུད་འཇོམས་པས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་མི་བསྐྱོད་རྡོ་རྗེའོ། །དགེའོ།། །། གཅོད་གཅིག་ཕ༔ ཆོས་ཉིད་ནམ་མཁའི་ཀློང་མཛོད་ལས༔ གསང་སྔགས་རྡོ་རྗེ་ཐེག་པའི་ཡང་ཞུན༔ དངོས་ཞེན་རེ་དོགས་གཅོད་པའི་གདམས་པ༔ གནས་ལུགས་རང་ཞལ་སྤྲོད་པའི་མན་ངག༔ སྒྲུབ་མཆོག་ས་ར་ཧ་པའི་སྙིང་ཐིག་ཟབ་མོ་བཞུགས་སོ༔ TI1611 - 053 བདུད་འཇོམས་ཁྲོས་མ་ཕ༔ དཔལ་ཨོ་རྒྱན་མཚོ་སྐྱེས་རྡོ་རྗེ་དང་གྲུབ་པའི་མཆོག་བརྙེས་ས་ར་ཧ་པས་ངའི་བུ་སློབ་ཐམས་ཅད་བྱིན་གྱིས་བརླབས་ནས་རྗེས་སུ་བཟུང་སྟེ་ཁམས་གསུམ་ཆོས་ཀྱི་རྒྱལ་པོ་རུ་དབུགས་དབྱུང་བར་མཛད་དུ་གསོལ༔ བདག་དང་ཡུལ་གྱི་འཕྱང་བ་ཆེན་པོ་རང་མལ་དུ་ཞིག པས་བདག་མེད་བདེན་པ་མངོན་མཐོང་རྩོལ་མེད་ཐད་གྲོལ་དུ་བརྡོལ་བའི་གསང་བའི་ནམ་མཁའ་བདེ་ཆེན་ཀུན་ཏུ་བཟང་མོའི་བྷ་ག་ཡངས་པའི་ཀློང་དུ༔༷ ཨེ་ཝཾ་ཟུང་འཇུག་གི་བཀོད་པ་ངོམས་པའི་གནས་རང་སྣང་དོན་གྱི་འོག་མིན་དེར༔ སྟོན་འཁོར་སྒྱུ་འཕྲུལ་རོལ་པའི་རྒྱལ་པོ་ས་ར་ཧ་པའི་རོལ་TI1611 - 054 ཕ༔ རྩལ་འཁོར་དུ་ངོམས་པའི་ཐོག་མ་ཡེ་ཤེས་ཉི་མ་དང་༔ ཤེས་རབ་ཟླ་བའི་དབང་པོ་ལ་བཀའ་བསྒོས་ཏེ༔ ཆོས་ཉིད་ཀློང་གི་ཡང་མཛོད་ཆེན་པོའི་སྒོ་ཕྱེས་ནས་རིན་པོ་ཆེ་མི་ཟད་རྒྱན་འཁོར་ཞེས་བྱ་བའི་གབ་བྱང་ཆེན་པོ་འདི་ཉིད་བདག་ཀློང་གྲོལ་རྡོ་རྗེ་མི་འགྱུར་ལ་གཅེས་ནོར་དུ་གནང་བ་ཡིན༔ དེའི་ཚེ་དེའི་དུས་ན་འོད་གསལ་བརྡལ་ཁྱབ་ཆེན་པོའི་གསལ་སྒྲོན་རང་ཤར་ནས་བྱ་རྩོལ་མེད་པའི་འོད་ཀྱི་མདངས་འདི་ཡང་ཡུལ་ངོས་བཟུང་དང་བྲལ་བ་ཚོགས་སྨོན་ལས་འཕྲོ་འཛོམ་པའི་གདུལ་བྱའི་གང་ཟག་དེའི་ཟ་ཐང་དུ་རང་བྱུང་བའོ༔ ཡུལ་དང་ཡུལ་ཅན་Tl1611 - 055 བདུད་འཇོམས་ཁྲོས་མ་ལག་སྦྲེལ་ཕྲེང་བའི་མུ༔ དཔེ་རྟགས་གཤིས་ལུགས་ཐབས་ཤེས་སྙོམས་ཞུགས་པའི༔ བདེ་སྟོང་ཀློང་རྒྱས་འདེབས་མའི་ལྟོ་བར་སྦྲམ༔ མཐའ་སྡུད་ཀུན་ཆུབ་བུམ་པའི་རྒྱལ་པོར་ཟུངས༔ སྟོང་ཆེན་ནམ་མཁའ་སྟོང་པའི་དཔེར་ཆེ་བས༔ འདམ་བུའི་ཁུང་བུ་སྟོང་པའི་ཧར་མི་སངས༔ ཞེས་བྱུང་བའི་ཁུངས་ནི༔ མྱ།ཐྱཨ༔ ཀྱེ༔ རྒྱལ་དང་རྒྱལ་སྲས་མ་ལུས་འདུས་པའི་ཞལ༔ སྐལ་ལྡན་གདུལ་བྱའི་ཤེས་རྒྱུད་སྨིན་མཛད་ཅིང་༔ འཁོར་བ་མྱང་འདས་ཀློང་སྒྲོལ་མཐུ་མངའ་བའི༔ རིགས་ཀུན་ཁྱབ་བདག་བླ་མ་དེ་མཁྱེན་ནོ༔ དལ་འབྱོར་ལྡན་པའི་མི་ལུས་རིན་TI1611 - 056 ཕ༔ ཆེན་ཐོབ༔ ཚོགས་སྨོན་ལས་འབྲེལ་བཟང་པོའི་རྒྱུ་འབྲས་བསྐྱེད༔ ཡང་ཡང་རྙེད་དཀའ་ཨུ་དུམ་ཝ་ར་འདྲ༔ ཐམས་ཅད་མཁྱེན་པའི་གོ་འཕང་མྱུར་འགྲུབ་ཤོག༔ དེའི་དོན་བསྒོམ་ནས་བློ་སྦྱོང་བ་ལ༔ དལ་འབྱོར་རང་གི་ངོ་བོ་ལ་བསམ་པ་དང་༔ རྙེད་པར་དཀའ་བའི་རྒྱུ་མཚན་བསྒོམ་པ་ལས༔ དང་པོ་ནི༔ སྐྱེ་གནས་ཀྱི་བྱེ་བྲག་ལས་ཕྱི་ནང་གི་མི་ཁོམ་པ་བརྒྱད་དུ་ངས་སྨྲ་བ་ཡིན༔ དམྱལ་བ་པ་དག་ནི་ཚ་གྲང་གི་སྡུག་བསྔལ་དྲག་པོས་ངལ་གསོ་བའི་བར་སྐབས་ཐང་ཅིག་ཙམ་ཡང་མེད་དེ་ཆོས་བྱེད་པའི་དལ་ཁོམ་མེད་པ་སྨོས་ཅི་དགོས༔ ཡི་T11611 - 057 དྭགས་པ་ནི་བཀྲེས་ཤིང་སྐོམ་པའི་གདུང་བ་དྲག་པོས་མནར་ཏེ་ཟས་སྐོམ་ཁོ་ན་ལ་སྲེད་པ་ལས་རྣམ་པར་རྟོག་པ་གཞན་འགགས་པས་དལ་ཁོམ་མེད་པ་དང་༔ དུད་འགྲོ་པ་དག་ནི་གླེན་ལྐུགས བཀོལ་སྤྱོད་ཀྱི་སྡུག་བསྔལ་དྲག་པོས་གདུང་བ་ལས་དགེ་སྡིག་ཤན་འབྱེད་ཀྱི་ཤེས་རིག་གི་མིག་མེད་པས་དལ་བའི་སྐབས་མེད་པ་དང་༔ ལྷ་ཚེ་རིང་པོ་བ་རྣམས་ནི་དགའ་བདེ་ལོངས་སྤྱོད་ཀྱི་རོས་རྟག་ཏུ་མྱོས་ནས་ཆོས་ལ་འཇུག་པའི་འདུ་ཤེས་མི་སྐྱེ་བས་རང་བྲེལ་བ་སྟེ༔ ཕྱིའི་སྐྱེ་གནས་ཀྱི་མི་ཁོམ་པ་བཞིར་མ་སྐྱེས་ཤིང་ནང་མི་ལུས་ཐོབ་པ་ལ་དགའ་བ་བསྒོམ་པར་བྱའོ༔ ནང་མི་ལུས་ཐོབ་ཀྱང་ཆོས་ཀྱི་སྣོད་དུ་མ་གྱུར་པའི་མི་ཁོམ་པ་བཞི་ཡོད་དེ༔ བཞི་པོ་ནི༔ མུ་སྟེགས་དང་ཀླ་ཀློ་པ་དག་ཏུ་སྐྱེས་ན་ལྟ་སྒོམ་ཕྱིན་ཅི་ལོག་པ་ལ་གདིང་འཆའ་བ་དང་༔ ཡུལ་མཐའ་འཁོབ་དང་༔ མུན་བསྐལ་ལ་སྐྱེས་ན་དགེ་སྡིག་ངོ་མི་ཤེས་པས་མི་ཁོམ་པ་དང་༔ ལྐུགས་པ་སོགས་སེམས་ལས་སུ་མི་རུང་བའི་དྲན་པ་ཉམས་པ་དག་ནི་ཆོས་ལ་འཇུག་པའི་བློ་མེད་པ་དང་ཚིག་དོན་གྱི་བརྡ་མི་འཕྲོད་པས་མི་ཁོམ་པ་སྟེ༔ མི་ཁོམ་པ་བརྒྱད་པོ་གང་དུ་སྐྱེས་ཀྱང་ཆོས་བྱེད་མི་ཁོམ་པས༔ དེ་དག་གང་དུའང་མ་སྐྱེས་པ་ནི་ཆོས་སྒྲུབ་པའི་རང་དབང་དང་ལྡན་པས་དལ་T11611 - 058 ཕ༔ བ་ཡིན༔ དེའི་སྟེང་དུ་ཆོས་ཉམས་སུ་ལེན་པ་ལ་འབྱོར་པ་བཅུ་ཡང་ཚང་དགོས་པས་དེའི་རྒྱུ་མཚན་ནི༔ མི་ལུས་མ་ཐོབ་ན་ཆོས་ཟབ་མོ་དང་མི་མཇལ་བ་ལས མིའི་ལུས་རྟེན་གྱི་འབྱོར་པ་ཐོབ༔ མི་ལུས་ཐོབ་ཀྱང་ཡུལ་གྱི་དབུས་སུ་མ་སྐྱེས་ན་ཆོས་མི་དར་བ་ལས་ཡུལ་དབུས་ཁྱད་འཕགས་དུ་སྐྱེས་པས་གནས་ཀྱི་འབྱོར་པ་དང་༔ དབང་པོའི་སྒོ་རྣམས་མ་ཚང་ན་ཆོས་ཀྱི་སྣོད་ལ་བྲི་བས་སྐྱོན་ཡོད་དེ་དེ་ཚང་བས་དབང་པོའི་སྣོད་ཀྱི་འབྱོར་པ་དང་ལྡན༔ ལས་ཀྱི་མཐའ་ལོག་སྟེ་ཆོས་སྒོར་མི་འཇུག་པའི་སྐྱེ་བོ་ཕོ་མོ་བྲན་དང་ཁོལ་པོ་དག་ནི་མི་ལུས་ཐོབ་ཀྱང་ཐོབ་ཙམ་ལས་དོན་མེད་པར་མི་ལུས་སྣང་ཙམ་པ་སྟེ་ཆོས་དང་མི་འཕྲད་པ་ལས༔ ཆོས་སྒྲུབ་པའི་ལས་དང་ལྡན་པའི་འབྱོར་པ༔ དད་མི་རུང་བའི་གནས་ངན་མུ་སྟེགས་སོགས་ལ མི་དད་ཅིང་དད་པའི་གནས་བསྟན་པ་ཁྱད་པར་ཅན་ལ་དད་པ་དད་པའི་ནོར་གྱི་འབྱོར་པ་དང་ལྔ་པོ་ནི་རང་གི་ངོས་ལ་ཚང་བའི་རང་འབྱོར་ལྔ་ཞེས་བྱ་བ་ཡིན༔ སངས་རྒྱས་འཇིག་རྟེན་དུ་བྱོན་པས་སྟོན་པ་ཁྱད་པར་ཅན་གྱི་འབྱོར་པ་དང་༔ དམ་པའི་ཆོས་གསུངས་པ་ལམ་ཟབ་མོའི་འབྱོར་པ་དང་༔ བསྟན་པ་མ་ནུབ་པར་གནས་པ་བསྟན་པ་རིན་པོ་ཆེའི་འབྱོར་པ་དང་༔ དེ་ལ་ཞུགས སུ་ཟིན་པ་རང་གི་སྐལ་པའི་འབྱོར་པ་དང་༔ དགེ་བའི་བཤེས་གཉེན་རྣམས་བཞུགས་པ་བླ་མ་དམ་པའི་འབྱོར་པ་སྟེ༔ ལྔ་པོ་ནི་ཕྱིའི་ཡུལ་དུ་ཚང་བས་གཞན་གྱི་འབྱོར་པ་ཞེས་བྱའོ༔ དེ་ནི་དལ་འབྱོར་རང་གི་རྣམ་གྲངས་ཡིན་ཏེ་འདིའི་དོན་བློ་ལ་བསྒོམ་པ་ནི༔ ད་ལྟ་དལ་འབྱོར་བཅོ་བརྒྱད་ཚང་བའི་མི་ལུས་འདི་སྔོན་གྱི་དགེ་བ་བཟང་པོའི་འབྲས་བུ་ཡིན་ཏེ༔ ད་རེས་འདི་དོན དང་ལྡན་པ་ཞིག་མ་བྱས་ན་སྔོན་གྱི་དགེ་འབྲས་འདི་ཀས་ཟད་ནས་ད་ཕན་ཆད་བདེ་བའི་སྐབས་འཚོལ་བའི་དུས་མི་འོང་སྙམ་ནས་སྒོ་གསུམ་དགེ་བ་ལ་བསྐུལ་བར་བྱའོ༔ འདི་འདྲ་བའི་ཡོན་ཏན ཐམས་ཅད་ཚང་བའི་ལུས་རྟེན་བཟང་པོ་ནི་སྤྱིར་འགྲོ་བ་རིགས་དྲུག་རང་གི་མཐོང་ཚོར་ཐམས་ཅད་ལ་བརྟག་ནས་རྩིས་གྲངས་བཏང་སྟེ་རྒྱུད་ལ་བཀལ་ནས་ཆོས་ལམ་དུ་བློ་འཇུག་པ་ནི་གནད་དམ་པའོ༔ དལ་འབྱོར་མི་ལུས་ཚེ་ཡིས་བཟའ་བ་ལ་གཞིག་ནས་མི་རྟག་པ་བསྒོམ་པ་ནི༔ ཕྱི་སྣོད་འཇིག་རྟེན་མི་རྟག་འཇིག་ཆགས་གནས༔ ནང་བཅུད་སེམས་ཅན་སྐྱེ་འཆིའི་ཚོང་དུས འགྲིམ༔ ལོ་ཟླ་ཞག་དུས་གར་གྱི་རྣམ་འགྱུར་བཞིན༔ མི་རྟག་འཆི་བ་དྲན་པར་བླ་མ་མཁྱེན༔ ཞེས་ངག་ཏུ་བརྗོད་ཅིང་ཡིད་ལ་བསྒོམ་པ་ནི༔ ཕྱི་སྣང་བ་སྣོད་ཀྱི་འཇིག་རྟེན་འདི་ཡང་སྲ ྋཕ༔ མཁྲེག་ཐོགས་རེག་གི་གཟུགས་སུ་འདུག་ཀྱང་མཐར་མེ་ཡིས་ཞེ་དགུ་ཆུ་ཡིས་ལན་བདུན་རླུང་གིས་ལན་གཅིག་ཏུ་འཐོར་ཏེ་ཅང་མེད་ནམ་མཁའ་སྟོང་པར་འགྱུར་བ་དང་༔༷ ཁང་ཁྱིམ་ཡུལ་ཞིང་རྣམས་ཀྱི་ཤུལ་ལ་བརྟག་ན་ཡང་སྔོན་སྐྱེས་པ་ཕོ་མོ་རྣམས་ཀྱིས་བརྩིག་བཞེངས་སོ་ནམ་བཟང་པོས་བདག་འཛིན་གཏན་ནོར་དུ་རློམས་ནས་དཀའ་བ་སྤྱད་པའི་རྨང་ཤུལ་དུ་ལྟོས་ལ་བྱ་བྱེད་གཅེས་ནོར་ཐམས་ཅད་དེར་མཚོན་པའི་ཚུལ་ལ་ལྟོས༔ སྲིད་པ་བཅུད་ཀྱི་སྐྱེ་འགྲོ་ཐམས་ཅད་སྔ་ནུབ་ཕྱི་འབྱུང་ཚོང་དུས་ཀྱི་ཚོགས་པ་བཞིན་དུ་འགྲོ་འོང་གི་རྣམ་པ་དང་༔ མཐོང་ཚོར་གྱི་སྐྱེ་འགྲོ་ཕ་མ་ཐམས་ཅད་ཚེ་ལོ་སྐྱེ་འཆིའི་ཚད་མི་ངེས་པར་རང་ས་ནས་ཤི་བ་ལ་བློས་གཞལ་ནས་ནམ་འཆི་ཆ་མེད་བསྒོམ་པ་དང་༔ སྐྱེ་ནས་ད་ལྟའི་བར་གྱི་ཚེ་ཡི་ཡུན་ལ་བློས་གཞིག་ན་སྐད་ཅིག་ཙམ་ལས་མི་རིང་༔ རྨིར་སྣང་ཙམ་ལས་མི་བདེན་པ་ལ་བསམ་མནོ་བཏང་ནས་དལ་ཁོམ་མེད་པར་དགེ་བ་སྒྲུབ་ཅིང་༔ འཕོ་འགྱུར་མེད་པའི་ངེས་འབྱུང་དང་སྐྱོ་ཤས་བསྒོམ་པ་ནི་གནད་གཉིས་པའོ༔ ཀྱེེ་སྐྱེས་བུ་ཆེན་པོ་ཁྱོད་ཉོན་ཅིག༔ གནད་འདི་མེད་ན་ཆོས་གང་བསྒྲུབ་ཀྱང་དོན་གཉེར་གྱི་བརྩོན་འགྲུས་དང་སྙིང་རུས་ནི་དབྱར་ཁའི་བ་མོ་ལྟ་བུ༔ ལ་ཁའི་ན་བུན་ལྟ་བུ༔ མཚན་མོའི་མེ་འོད་ལྟ་བུ་ལས་ཚུགས་མི་ཐུབ་པ་ཡིན༔ བདག་གྲུབ་བརྒྱའི་མེས་པོ་ཡང་ཤིང་རྟ་ཆེན་པོ་འདི་ལ་ཞོན་ནས་དོན་གཉིས་གྲུབ་པ་ཡིན༔ དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་བརྒལ་བའི་ཤིང་རྟ་ཆེན་པོ་འདི་ལ་ཞོན་ནས་ཐར་པ་ཆེན་པོའི་གྲོང་ཁྱེར་དུ་ཕྱིན་ཏེ་ཕྱིན་པ་ཕྱིན་འགྱུར་དུ་གདོན་མི་ཟ་བས་གདམས་ངག་གི་གཙོ་བོར་ཟུངས་ཤིག༔ བཟོད་མེད་སྡུག་བསྔལ་དྲག་པོའི་ཁྲི་མུན་དུ༔ ཐང་ཅིག་བདེ་བའི་སྐབས་མེད་ཉམ་ཐག་ཅིང་༔ མཐའ་མེད་ལས་ཀྱི་འཕེལ་ཁར་སྣོན་སྤེལ་བའི༔ འཁོར་བའི་མཚོ་ལས་སྒྲོལ་ཞིག་བླ་མ་མཁྱེན༔ དེའི་དོན་ཡིད་ལ་བསྒོམ་པ་ནི༔ དམྱལ་བའི་སྡུག་བསྔལ་ལ་བསམ་ན་ཚ་བའི་དམྱལ་ཁམས་བརྒྱད་པོ་ཐིག་ནག་ནས་མནར་མེད་བར་མས་རིམ་དུ་གནས༔ འཇིག་རྟེན་འདིའི་མེ་ལས་བདུན་འགྱུར་དུ་བསྐལ་པའི་མེས་ཚ་སྟེ༔ དེ་ལས་བདུན་འགྱུར་དུ་དམྱལ་བ་ཡང་སོས་པའི་མེས་ཚ་བ་ཡིན༔ དེ་ལས་ཀྱང་བདུན་འགྱུར་དུ་ཐིག་ནག་པའི་མེས་ཚ་བའི་དཔེས་འོག་མ་རྣམས་མནར་མེད་ཀྱི་བར་དུ་བདུན་འགྱུར་གྱིས་ཚ་བ་དང་སྡུག་བསྔལ་ཡང་དེ་བཞིན་དུ་བརྣག་པར་དཀའ་བ་ཡིན་པས༔ དེ་ལ་བསམ་ན་དེང་སང་གི་ལུས་ལ་མེ་སྟག་གཅིག་ཕོག་པ་ཙམ་ཡང་ ཕ༔ མི་བཟོད་པར་སྐད་ངན་ཤོར་བ་ཙམ་འབྱུང་ན༔ སྡུག་བསྔལ་