Tibetan
བསྒྲེས་རྒུད་ཐམས་ཅད་ལས་འདས་པས་ གཞོན་ནུ༔ ངང་ཉིད་ཡེ་ཤེས་ཀྱི་ཕུང་པོ་ལས་ཕྱི་རྒྱ་མ་རལ་བས་བུམ་པ༔ ཡེ་ཤེས་ཡོན་ཏན་ཐམས་ཅད་ཕུན་སུམ་ཚོགས་པས་སྐུ་ཡང་དག་པའོ༔ དེར་གཉིས་འཛིན་མེད་པས་སངས་རྒྱས དང་སངས་རྒྱས་ཀྱི་ཡུལ་ཐ་དད་པ་ཐམས་ཅད་ཡུལ་མེད་དུ་སྟོང་༔ སེམས་ཅན་དང་སེམས་ཅན་གྱི་གནས་རིགས་ཐ་དད་པ་ཐམས་ཅད་ཀྱང་ཡུལ་མེད་དུ་དེངས་ནས་སྟོང་སྟེ་འཁོར་འདས་དག་མཉམ་ཀྱི་རོལ་པར་ཕྱམ་བརྡལ༔ མ་རིག་པ་གཞི་ལ་སངས་ནས་ཡེ་ཤེས་ཡོན་ཏན་གྱི་ཕུང་པོ་རྒྱས་པའོ༔ འདིའི་དུས་སུ་འགའ་ཞིག་ཚེ་ཚད་ཀྱི་རིམ་པ་ལ་མི་ལྟོས་པར་ཁྱབ་བརྡལ་ནམ་མཁའ་ལྟ་བུར་འབྱམས་ཀླས་པ་དང་༔ འགའ་ཞིག་འཆི་བའི་དུས་ལ་བབས་ཚེ་འཇའ་དང་འོད་ཕུང་གི་རོལ་པར་ལྷག་མ་མེད་པར་ཡལ་བ་སྟེ༔ དེ་ནི་འཕོ་བ་ཆེན་པོ་དང་འཇའ་ལུས་ཆེན་པོ་ཞེས་བྱ་བ ཡིན༔ འགའ་ཞིག་ལུས་སེམས་བྲལ་བའི་རྗེས་སུ་ནམ་མཁར་འོད་དང་འཇའ་ཚོན་གྱི་སྤྲིན་ཕུང་འཁྲིགས་པར་ལུས་ལན་ཚྭ་ཆུར་ཞུ་བ་ལྟར་གདོས་པ་ཇེ་ཆུང་དུ་སོང་ནས་མཐར་ལྷག་མེད་དུ་ཡལ་བ་འཇའ་ལུས་ཆུང་ངུ་ཞེས་བྱའོ༔ འགའ་ཞིག་གི་ལུས་ལ་འོད་ཀྱི་དཀྲིས་ཤིང་གདོས་པ་ཇེ་ཆུང་དུ་སོང་ནས་སྐྲ་སེན་ཙམ་སྙིགས་མར་ལུས་པ་དང་༔ འགའ་ཞིག་ལུས་ཀྱི་གདོས་པ་ཇེ་ ཕ༔ ཆུང་དུ་སོང་ནས་ཕྱེད་ཆ་དང་བཞི་ཆ་དང་བརྒྱད་ཆ་ཙམ་ལས་མེད་པར་ཡལ་བའོ༔ སྔ་མ་ནི་ཆོས་སྐུ་རང་ཐོག་ཏུ་འཕོ་བ་ནམ་མཁའ་ནམ་མཁའ་ལ་ཐིམ་པ་ལྟ་བུར་དག་པ་དང་གྲོལ་བ་དུས་མཉམ་དུ་བྱུང་བ་ཡིན༔ ཕྱི་མ་ནི་མ་དག་པ་འཁོར་བའི་སྒོ་དག་པ་ཡེ་ཤེས་ཀྱི་དབྱིངས་སུ་འཕོ་བ་འོད་ཕུང་འོད་ཕུང་ལ་ཐིམ་ནས་ནམ་མཁར་ཡལ་བ་ལྟ་བུའོ༔ སྔ་མ་ནི་དག་གྲོལ་མཉམ་རྫོགས་ཀྱི་ཆོས་སྐུ་དང་༔ ཕྱི་མ་ཟུང་འཇུག་དབྱིངས་གྲོལ་གྱི་ཆོས་སྐུ་ཡིན་ཏེ༔ གདོད་ནས་འཁྲུལ་མི་ཤེས་པའི་དབྱིངས་སུ་རང་གྲོལ་བས་རང་དོན་ཆོས་སྐུ་དང་༔ ཆོས་ཉིད་ཀྱི་རླབས་ཀྱིས་ཆོས་ཅན་སྣང་བའི་སྣོད་བཅུད་ཐམས་ཅད་སྒྱུ་མའི་འཁྲུལ་འཁོར་དབྱིངས་སུ་ཞིག་པའམ་རྨི་ལམ་དབྱིངས་སུ་སད་པ་ལྟར་དུས་མཉམ་དུ་མ་བསྒྲལ་མཉམ་གྲོལ་གྱི་ཤུགས་ཆེན་པོ་དང་ལྡན་པས་གཞན་དོན་གཟུགས་ཀྱི་སྐུ་མངོན་དུ་གྱུར་པའོ༔ ཕྱི་མ་གཉིས་ནི་ལུས་ཀྱི་འཛིན་ཞེན་བདག་མེད་དུ་གྲོལ་བའི་སྟོབས་ཤུགས་ཀྱིས་ལུས་འཇའ་སྤྲིན་དེངས་པ་བཞིན་དུ་རིམ་གྱིས་ཡལ་བ་ཡིན༔ འདི་ནི་དབང་པོ་རབ་ཏུ་གྱུར་པ་རྣམས་ལ་རིག་པ་ཚད་ཕེབས་ཡན་ཆད་དུ་འབྱུང་བ་ཡིན༔ ལུས་སེམས་དབྱེར་མེད་དུ་གྲོལ་བ་འདི་དག་ནི་སྐུ་ཡང་དག་པར་རྫོགས་པའི་ སངས་རྒྱས་ཞེས་བྱའོ༔ སྐུ་མངོན་པར་རྫོགས་པའི་སངས་རྒྱས་པ་ནི་བརྩོན་འགྲུས་དང་སྙིང་སྟོབས་མཆོག་ཏུ་གྲུབ་པའི་སྐྱེས་བུ་དེ་ཉིད་མྱ་ངན་ལས་འདས་པ་ཆེན་པོའི་དབྱིངས་སུ་གཤེགས་པའི་ཚེ༔ ཕྱིའི་རྟགས་སུ་ས་ཆེན་པོ་འདི་རྣམ་པར་གཡོ་བ་དང་༔ རབ་ཏུ་གཡོ་བ་དང་༔ སྒྲ་ཆེན་པོ་འུར་བ་དང་༔ རབ་ཏུ་འུར་བ་དང་༔ འོད་དང་འཇའ་སྤྲིན་ཆེན་པོ་འཐིབས་པ་དང་༔ ཉི་ཟླ་སྒྲ་གཅན་གྱི་ཁར་འཇུག་པ་རྣམས་འབྱུང་བ་དང་༔ ནང་རྟགས་སུ་གདུང་དང་རིང་བསྲེལ་ལ་སོགས་མི་ཤིགས་པའི་རྟེན་གསུམ་དུ་གྲུབ་པ་གདུལ་བྱའི་ལྷག་མ་རྣམ་པར་སྒྲོལ་བའི་ཆེད་དུ་སྤྲུལ་པའོ༔ འདི་དག་ལ་དུས་གསུམ་གྱི་རྒྱལ་བ་སྲས་དང་སློབ་མར་བཅས་པས་དབྱངས་གཅིག་དང་དགོངས་པ་རོ་གཅིག་གི་ངང་ནས་མངོན་པར་བསྟོད་པ་འདི་བརྗོད་དོ༔ ཨེ་མ་སངས་རྒྱས་ཨེ་སངས་རྒྱས༔ ཨེ་མ་རྫོགས་པའི་སངས་རྒྱས་ལགས༔ གདོད་མའི་དབྱིངས་སུ་དབྱིངས་ཞུགས་པས༔ མཉམ་ཉིད་རོལ་པ་ཆོས་ཀྱི་སྐུ༔ དུས་གསུམ་འཕོ་འགྱུར་བྲལ་བའི་ངང་༔༷ ཁྱབ་བདག་དཔལ་ལ་མངོན་པར་བསྟོད༔ ལྷུན་གྲུབ་གདངས་ལ་གདངས་ཞུགས་པས༔ སྐུ་དང་ཡེ་ཤེས་ཡོན་ཏན་ཆེ༔ ཕུན་སུམ་ཚོགས་པ་རང་བྱུང་བ༔ ལོངས་སྤྱོད་རྫོགས ཕ༔ པའི་དཔལ་ལ་བསྟོད༔ ཤེས་རབ་རྩལ་ལ་རྩལ་ཞུགས་པས༔ ཡེ་ཤེས་ཆེན་པོ་མངོན་དུ་གྱུར༔ རྣམ་པར་གཟིགས་དང་མཁྱེན་པའི་དབྱངས༔ སྤྲུལ་པའི་སྐུ་ལ་མངོན་པར་བསྟོད༔ སྐུ་གསུམ་ལྷུན་གྲུབ་སངས་རྒྱས་ཏེ༔ ངང་ལས་སྦྱང་བགྲོད་ས་ལམ་མེད༔ ཉིད་ལས་ཐོབ་པའི་འབྲས་བུ་མེད༔ གཤིས་ལས་སོ་མའི་ཡེ་ཤེས་མེད༔ སྔར་ལས་འཕྲལ་སངས་རྒྱས་པ་མེད༔ གནས་ལས་གནས་སུ་བགྲོད་པ་མེད༔ དབྱིངས་ལས་དབྱིངས་སུ་གཤེགས་པ་མེད༔ ཡེ་ཡིན་པ་ལས་འཕོ་འཕགས་མེད༔ ཀ་དག་ཡེ་རྫོགས་ཆེན་པོར་བསྟོད༔ བདག་མེད་ཡུལ་ཡང་བྲལ་བ་ལ༔ གཞན་མེད་གདུལ་བྱ་འདུལ་བྱེད་མེད༔ གཡོ་མེད་སྤྲོས་མཐའ་བྲལ་བ་ལ༔ བྱ་བྱེད་སྤྲོས་བསྡུ་ཀུན་ལས་འདས༔ དོན་དམ་མི་འགྱུར་དབྱིངས་ལ་བསྟོད༔ དེར་མ་གྲོལ་བའི་སེམས་ཡིད་བློ༔ བཅོས་པའི་ས་ལམ་འབྲས་ཡུལ་བསྟན༔ དེ་ཡང་དེ་ཡི་རྫུ་འཕྲུལ་གྱིས༔ དེ་ལ་དེར་སྣང་འཕྲུལ་ཡང་དཔག༔ ལམ་ནས་ལམ་དུ་བགྲོད་པ་བསྟན༔ ས་ནས་ས་རུ་འཕགས་པར་བྱས༔ དེ་ཡང་ཆོས་ཉིད་སྒྱུ་མའི་འཕྲུལ༔ ཀུན་རྫོབ་བདེན་པ་དེ་ལ་བསྟོད༔ རྫོགས་སངས་རྒྱས་ནས་འགྲོ་བའི་དོན༔ གཞན་ཕྱིར་བྱ་བ་མི T11611 - 283 བྱེད་ཀྱང་༔ མཛད་པའི་ཚུལ་གྱིས་ཁ་དྲངས་པ༔ རྨོངས་པའི་མུན་ཡུལ་དེས་གསལ་བྱེད༔ དེ་ཡང་བདེན་དང་རྫུན་པ་མེད༔ ཐམས་ཅད་འདུས་ཤིང་ཐམས་ཅད་རྫོགས༔ ཆོས་ཉིད་བདེ་གཤེགས་ཀློང་ལ་བསྟོད༔ ཅེས་མངོན་པར་བསྟོད་ཅིང་བསྔགས་པར་བྱེད་དོ༔ ལྷུན་གྲུབ་གཞོན་ནུ་བུམ་སྐུའི་ཚུལ་བསྟན་པ་དང་དེའི་མཐའ་བརྟེན་མངོན་པར་བསྟོད་པ་དང་བཅས་པའི་ལེའུ་སྟེ་ཉི་ཤུ་པའོ༔ གུ་ཧྱ༔ ལམ་གྱི་ལམ་མཆོག་དམ་པ་འཕྲད་ཚད་རྣམ་པར་གྲོལ་བའི་གདམས་ངག་ཟབ་མོ་འདི་བདེ་གཤེགས་རྒྱལ་བ་རྒྱ་མཚོ་ཡོངས་འདུས་ཀྱི་བདག་ཉིད་ཆེན་པོ༔ རིག་འཛིན་བླ་མ་འདུས་པའི་སྙིང་ཐིག༔ མཁའ་འགྲོ་དམ་ཅན་ཡོངས་ཀྱི་སྲོག་རྩ་ཡིན་ཏེ༔ ཆོས་སྐྱོང་བའི་རྒྱལ་པོ་ལེགས་ལྡན་ནག་པོ༔ དཔལ་ལྡན་སྔགས་ཀྱི་བདག་མོ་ཨེ་ཀ་ཛ་ཊཱི༔ གནོད་སྦྱིན་ཤན་པ་ཆེན་པོ༔ དྲང་སྲོང་གཟའ་བདུད་རྒྱལ་པོ་ལ་སོགས་པའི་རྫོགས་པ་ཆེན་པོའི་སྲུང་མ་དམ་པ་མྱུར་མགྱོགས་མཐུ་རྩལ་གྱི་བདག་པོ་ཡེ་ཤེས་ཀྱི་སྤྱན་དང་ལྡན་པ་རྣམས་ལ་གཏད་དོ༔ གཉེར་རོ༔ བཅོལ་ལོ༔ བཀའ་འདིའི་སྣོད་མཆོག་ཏུ་གྱུར་པའི་སྐྱེས་བུ་དམ་པ་རྣམས་ལ་སྤྲོད་ཅིག༔ ས་ལམ་གྱི་བར་ཆད་ངན་པ་ཐམས་ཅད་བཟློག་ཅིང་ཉམས་དང་རྟོགས་པའི་ཡོན་ཏན་T1611 - 284 ཕ༔ ཐམས་ཅད་གོང་ནས་གོང་དུ་བསྐྱེད་ལ་ཕྲིན་ལས་རབ་འབྱམས་ཐམས་ཅད་སྒྲུབས་ཤིག༔ སྣོད་མ་ཡིན་པ་རྣམས་ཀྱི་ལག་ཏུ་མ་བཏང་ཞིག༔ སྐུའི་རྒྱ༔ གསུང་32མ གི་རྒྱ༔ ཐུགས་ཀྱི་རྒྱ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ བཀའ་གཙིགས་ཀྱི་ཕྱག་རྒྱས་བཏབ་པའི་ལེའུ་སྟེ་ཉེར་གཅིག་པའོ༔ གུ་ཧྱ༔ ཞེས་པ་འདི་ནི་རང་སློབ་དམ་པ་རྟོགས ལྡན་བློ་གྲོས་དབང་པོས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་གཏན་ལ་ཕབ་པའི་ཡི་གེ་པ་ནི་ཡོངས་གྲུབ་རིག་པའི་རྡོ་རྗེའོ། །དགེའོ།། ། རྭ མ རྭ TI1611 - 285 TI1611 - 286 སྐུ་ཆོས་ཉིད་ནམ་མཁའི་ཀློང་མཛོད་ལས༔ འོད་གསལ་ཐིག་ལེའི་སྒྲུབ་པ་མཁའ་འགྲོའི་སྲོག་ཐིག་བཞུགས་སོ༔ T11611 - 287 བདུད་འཇོམས་ཁྲོས་མ་༔ ཧཱ་_UNKཛྙརྣ་བྷབྷབྷ་སྨཏྟྲ༔ ན་མོ་གུ་རུ་པདྨ་ཀ་ར་ཡེ༔ བདག་འདྲ་པདྨ་ཐོད་ཕྲེང་ངས༔ མ་འོངས་ལས་ཅན་རྗེས་བཟུང་ཕྱིར༔ མཁའ་འགྲོ་གསང་བའི་སྒྲུབ་པ་བསྟན༔ གསང་བའི་ཡང་གསང་གནད་ཀྱི་དོན༔ མན་ངག་བདུད་རྩིའི་ཐིག་པ་འདི༔ ཉམས་སུ་ལེན་པའི་དད་བརྩོན་ཅན༔ སྐལ་ལྡན་དེ་ཡི་སྐལ་བར་བསྔགས༔ ཐབས་ཤེས་ལྟོ་སྦྱོར་གདམས་ངག་དེ༔ སྔོན་འགྲོ་གཉན་ཁྲོད་བརྒྱ་རྩའི་རྗེས༔ གནས་ལུགས་རང་གཞིའི་ཞལ་མཐོང་ནས༔ དཀྱིལ་འཁོར་ཆེན་པོ་འདིར་འཇུག་བྱ༔ སྦྱོར་བ་སྔོན་སོང་དངོས་གཞི་ནི༔ བླ་མར་TI1611 - 288 སྐུ་༒༔ གསོལ་འདེབས་དབང་བཞི་བླངས༔ ཐུགས་ཡིད་བསྲེས་ཏེ་མཉམ་བཞག་མཐར༔ ཕྱོགས་བཅུའི་རྒྱལ་བ་སྲས་དང་བཅས་པ་བླ་མ་ཡི་དམ་མཁའ་འགྲོ་རྒྱལ་བ་རྒྱ་མཚོ་མ་ལུས་ཤིང་ལུས་པ་མེད་པའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་རང་གི་སྒོ་གསུམ་ལ་ཐིམ་པར་བསམ༔ རང་རིག་སྐུ་གསུམ་ལྷུན་གྲུབ་རང་བྱུང་ཡེ་ཤེས་ཆེན་པོའི་རང་མདངས་ལས་གདངས་ཡེ་ཤེས་ལྔ་ཡི་འོད་དང་འོད་ཟེར་རབ་ཏུ་འབར་བའི་སྟོབས་ཀྱིས་ནད་གདོན་སྡིག་སྒྲིབ་བག་ཆགས་གདོས་བཅས་ཤ་ཁྲག་གི་ཕུང་པོ་དང་བཅས་པ་ལན་ཚྭ་ཆུར་T11611 - 289 ཞུ་བ་ཅི་བཞིན་དུ་འོད་དང་འཇའ་ཚོན་གྱི་རང་བཞིན་ཆུ་ཟླ་ལྟར་གྱུར་པར་རིག་པ་ནི་ཀུན་གྱི་ཐོག་མར་གཅིག་ཏུ་ངེས་པའོ༔ ས་མ་ཡ༔ ལེའུ་སྟེ་དང་པོའོ༔ མཁའ་འགྲོ་དྲུག་གི་དང་པོ་ལ༔ གཙོ་མོ་ལྷུན་གྲུབ་ཀྱི་མཁའ་འགྲོའི་ཉམས་ལེན་ནི༔ རང་ཉིད་སྐད་ཅིག་གིས་གསང་བ་ཡེ་ཤེས་ཀྱི་མཁའ་འགྲོ་མ་ཁྲོས་མ་ནག་མོ་སྐུ་མདོག་མཐིང་ནག་སྤྱི་བོར་ཕག་ཞལ་ནག་པོ་གྱེན་དུ་ངུར་བ་སྤྱན་གསུམ་ནམ་མཁའི་དབྱིངས་ལ་གཟིགས་ཤིང་ཞལ་གདངས་མཆེ་བ་རབ་ཏུ་གཙིགས་པ་ཁྲོ་བོའི་གཉེར་མ་ཅན་ནུ་འབུར་པདྨོ་རྒྱས་པ་གཡས་གྲི་གུག་དང་གཡོན་ཐོད་ཁྲག་བསྣམས་ནས་ཞབས་གཉིས་གར་སྟབས་ཀྱིས་པད་ཉིའི་གདན་ལ་རོལ་པར་བསྒོམ་པའི་ཙིཏྟ་རིན་པོ་ཆེའི་སྦུབས་སུ་ཡེ་ཤེས་གསང་བའི་རྩ་མཆོག་རྟ་རྔ་བརྒྱད་གཤག་པའི་ཆ་གཅིག་ཙམ་པ་བ་མེན་གྱི་རྭ་ལྟ་བུ་མིག་གི་ཨ་འབྲས་ལ་ཟུག་ཅིང་ཁ་ཕྱེས་པ་ཁ་དོག་དཀར་ལ་གསལ་བ་འོད་དང་ལྡན་པའི་ནང་དུ་དབྱིངས་རྣམ་པར་དག་པའི་སྒྲོན་མ་འཇའ་ཤེལ་ལ་ཉི་མ་ཕོག་པ་ལྟ་བུའི་ཀློང་དུ་ཐིག་ལེ་སྟོང་པའི་སྒྲོན་མ་གོར་མོའི་ཆུ་ལ་རྡོ་བསྐྱུར་བ་ལྟ་བུའི་གོ་མཚམས་སུ་ཤེས་རབ་རང་བྱུང་གི་སྒྲོན་མའི་གདངས་རྡོ་རྗེ་ལུ་གུ་རྒྱུད་ཀྱི་རྣམ་པར་གསལ་ལ༔ ཆོས་སྐུ་ཀུན་ཏུ་བཟང་མོ་ལོངས་སྐུ་རྡོ་རྗེ་ ༈༔ ཕག་མོ་སྤྲུལ་སྐུ་ཁྲོས་མ་ནག་མོ་ལ་སོགས་པའི་སྐུ་གསུམ་རྒྱལ་བའི་དཀྱིལ་འཁོར་ཐམས་ཅད་ཉི་མ་འབུམ་བརྡལ་གྱི་འོད་ཕུང་དཀར་དམར་མཐིང་གསུམ་གྱི་རྣམ་པར་འཐིབ་ཀྱིས་བྱོན་ནས་རང་གི་སྒྲོན་མའི་སྣང་བ་ལ་ཐིམ་པར་བསམ་སྟེ་ཡུན་ཅིག་མཉམ་པར་བཞག༔ སླར་ཆོས་སྐུའི་འདུག་སྟངས་སེང་གེའི་ཙོག་ཚུག་ལྟ་བུའི་ངང་ནས་མིག་གྱེན་དུ་བཟློག་སྟེ་ཕྱེད་བཙུམ་གྱིས་དཀར་ལམ་ལ་གཏད་པས་འོད་ལྔའི་ཁྱིམ་ཟ་འོག་ཁ་ཕྱེས་པ་ལྟ་བུའི་ནང་དུ་ཐིག་ལེ་འོད་ལྔའི་མུ་ཁྱུད་ཅན་ཟླུམ་ལ་འཁྱིལ་བ་ཉ་མིག་དང་སྲན་མ་དང་རྒྱ་ཕོར་དང་བསེ་ཕུབ་ལྟ་བུར་འཆར་རོ༔ དེ་དག་གི་གོ་མཚམས་སུ་རིག་གདངས་རྡོ་རྗེ་ལུ་གུ་རྒྱུད་དཀར་པོ་དར་སྐུད་ལྡིང་བ་ལྟ་བུ་མུ་ཏིག་དཀར་པོ་བསྟར་ལ་བརྒྱུས་པ་ལྟ་བུར་གསལ་ལོ༔ དེ་དག་ནི་ཕྱི་ལྟར་ཤར་བའི་དབང་དུ་བྱས་ན་ནང་དབྱིངས་ཀྱི་གདངས་ཐིག་ལེ་སྟོང་པའི་གདངས་རིག་པས་ཀྱང་ནང་གདངས་ནང་དུ་འོད་ཐིག་རིག་མདངས་གཏིང་གསལ་གྱི་གདངས་རང་ཤར་བ་ཡང་ཕྱི་མདངས་ནི་ངོ་བོའི་ངོས་ན་གསལ་བ་ལ་བྱ༔ གདངས་ནི་མེ་ལོང་གཟུགས་བརྙན་བསྟན་པའི་དཔེས་མཚོན་ན་གཟུགས་ལ་མདངས་གཟུགས་བརྙན་ལ་གདངས་ལྟ་བུར་ཤེས་པར་བྱའོ༔ བར་དུ་དེ་དག་ནི་ཕྱི་ རུ་ཤར་བ་ནི་མ་ཡིན་ནོ༔ ནང་གདངས་རང་གིས་མཐོང་བ་ལས་གཞན་དང་གཞན་ནས་མ་ཡིན་པའི་ཚུལ༔ ངས་སྔོན་དགའ་རབ་རྡོ་རྗེའི་དྲུང་དུ་རང་སྣང་ཡེ་ཤེས་ཀྱི་དཀྱིལ་འཁོར་ལ་ལོངས་སྤྱོད་པའི་ཚེ་བླ་མ་མཆོག་དེའི་ཞལ་ནས༔ ཁྱོད་ལ་དེ་ལྟར་ཤར་ནས་གདའ༔ རང་སྣང་རང་གི་སྤྱོད་ཡུལ་ལས༔ སུ་ཡིས་གང་ལ་སྤྱོད་དུ་མེད༔ ནང་སྒྲོན་ཕྱི་རུ་མ་ཡིན་ཏེ༔ གཞན་གྱི་དེ་ལྟར་མཐོང་དུ་མེད༔ འོད་སྣང་ནང་གི་དཔེ་དེ་མཐོང་༔ འོད་དེ་རགས་འཐས་འཁོར་བར་འཕྱན༔ འོད་དེ་འོད་དུ་བལྟས་སྤྱོད་ན༔ འབྱུང་བ་འོད་དུ་འདུ་འོད་འཕེལ༔ ཚད་དུ་ཕེབས་ནས འོད་འབྱུང་ཟད༔ སྐྱེ་མེད་ངང་དུ་བུམ་སྐུར་ཆུབ༔ ཅེས་གསུངས་པ་ལ་བརྟེན་ནས་གཟུང་འཛིན་གཉིས་ཀྱི་མདུད་རྒྱ་གྲོལ་ཏེ་གོལ་སྒྲིབ་ཀྱི་ཤུབ་ནས་ཐོན་ཏེ་འཁོར་བའི་འབྲེལ་ཐག་ཆད་པ་ཡིན་ཏེ༔ ཁྱོད་བརྒྱུད་འཛིན་རྣམས་ཀྱིས་ཀྱང་འབྱུང་བ་འོད་དུ་ཤིག་འོད་སྣང་དུ་བློ་དང་ཡིད་ཀྱིས་ཟོན་མི་འཇུག་པར་རིག་པ་རང་ཀློང་དུ་མ་བཅོས་པར་ཞོག་དང་མཉམ་པར་བཞག་པའི་རང་ཚུགས་ནི་འདི་ཁོ་ནའོ༔ རྗེས་ཐོབ་ཀྱི་དུས་སུ་སྣང་སྲིད་དག་པ་མཁའ་སྤྱོད་འོག་མིན་བདེ་བ་ཆེན་པོའི་ཞིང་དང་གཟུགས་སྣང་སྐུ་གསུམ་མཁའ་འགྲོ་སྒྲ་གྲགས་རྡོ་རྗེ་གསུང་གི་ལམ་ཁྱེར་དང་འཁོར་འདས་ ༈ འུབ་ཆུབ་རོལ་པའི་ངོ་བོ་ལམ་ཁྱེར་གྱི་ངང་ནས་སྤྱོད་པའི་གདངས་འདི་དང་མི་འབྲལ་བ་གནད་དོ༔ འདི་ལ་ཟླ་བ་གཅིག་གོ༔ ས་མ་ཡ༔ གཉིས་པ་ལ་རང་ཉིད་སངས་རྒྱས་རིགས་ཀྱི་མཁའ་འགྲོ་མ་དཀར་མོ་ཕྱག་གཉིས་གྲི་གུག་དང་ཐོད་ཁྲག་ཐོགས་པ་ཞབས་གཉིས་གར་སྟབས་ཀྱིས་པད་ཉིའི་གདན་ལ་རོལ་པ་གཅེར་བུ་རུས་པའི་རྒྱན་དྲུག་གི་སྤྲས་པ་ཡེ་ཤེས་འོད་ཀྱི་ཀློང་དུ་འོད་དཀར་གྱི་ཕུང་པོར་བསྒོམ༔ དབུས་ཕྱོགས་སངས་རྒྱས་རིགས་ཀྱི་དཀྱིལ་འཁོར་ལྷ་ཚོགས་ཐམས་ཅད་འོད་དང་འོད་ཟེར་དཀར་པོའི་རྣམ་པར་བྱོན་ནས་སྒྲོན་མའི་སྣང་བ་ལ་ཐིམ་པར་བསམ་ཞིང་གན་རྐྱལ་དུ་ལོག་ནས་ཤེས་པ་མིག་ལ་གཏད་མིག་བར་སྣང་ལ་གཏད་དེ་གོང་བཞིན་ཆོས་ཉིད་འོད་གསལ་གྱི་དཀྱིལ་འཁོར་དུ་ཆམ་བརྡལ་དུ་བཞག་གོ༔ རྗེས་ཐོབ་ཀྱི་དུས་སུ་སྣང་གྲགས་རིག་གསུམ་ཐམས་ཅད་དབུས་ཕྱོགས་སྟུག་པོ་བཀོད་པ་སངས་རྒྱས་མཁའ་འགྲོ་དང་གསུང་གི་འཁོར་ལོ་དང་ཆོས་ཀྱི་དབྱིངས་ཀྱི་ཡེ་ཤེས་སུ་ལམ་ཁྱེར་བྱ་བ་ཐབས་དང་ཆོས་ཉིད་དེ་བཞིན་ཉིད་ཀྱི་གནས་ལུགས་ཀྱི་ལྷུམས་དང་མི་འབྲལ་བ་ནི་ཤེས་རབ་སྟེ༔ མན་ངག་དེ་གཉིས་ཀྱི་གནད་དང་མི་འབྲལ་བ་ནི་ཐབས་ཤེས་ལྟོ་སྦྱོར་བ་ཞེས་བྱའོ༔ འདི་ལ་ ཟླ་བ་གཅིག་གོ༔ ས་མ་ཡ༔ ལེའུ་སྟེ་གསུམ་པའོ༔ གསུམ་པ་ལ་རང་ཉིད་རྡོ་རྗེ་མཁའ་འགྲོ་མ་མཐིང་ནག་གྲི་གུག་དང་ཐོད་ཁྲག་བསྣམས་ནས་པདྨ་ཉི་མ་བམ་གྱི་གདན་ལ་གར་སྟབས་རོལ་པའི་ཐུགས་ཀའི་འོད་ཟེར་གྱིས་ཤར་ཕྱོགས་མེ་ལོང་ཡེ་ཤེས་མངོན་པར་དགའ་བ་ནས་རྡོ་རྗེ་རིགས་ཀྱི་དཀྱིལ་འཁོར་ཐམས་ཅད་རྡོ་རྗེ་མཁའ་འགྲོའི་རྣམ་པར་བྱོན་ཏེ་མདུན་གྱི་ནམ་མཁའ་ནས་འོད་མཐིང་ནག་ཐིག་ལེས་བརྒྱན་པའི་རྣམ་པར་གྱུར་ཏེ་རང་གི་སྒྲོན་མའི་སྣང་བ་ལ་ཐིམ་པར་བསམ་སྟེ་ཡུན་ཅིག་མཉམ་པར་བཞག་སྟེ་སླར་ཡང་དབྱིངས་རིག་ཐིག་ལེ་དབྱེར་མེད་པའི་ངང་དུ་དགག་བསྒྲུབ་སྤང་བླངས་བཅས་བཅོས་མེད་པར་མཉམ་པར་བཞག་གོ༔ རྗེས་ཐོབ་ཀྱི་དུས་སུ་རང་ཉིད་རྡོ་རྗེ་མཁའ་འགྲོ་སྣོད་བཅུད་མེ་ལོང་ཡེ་ཤེས་མངོན་པར་དགའ་བ་རྡོ་རྗེ་རིགས་ཀྱི་རིག་དང་གསུང་གསང་བའི་འཁོར་ལོ་ལམ་ཁྱེར་བྱ་བ་ཐབས༔ ཡེ་རིག་ཀ་དག་ཆེན་པོའི་ངང་གདངས་ལས་མི་འདའ་བ་ཤེས་རབ་བོ༔ འདི་ལ་ཟླ་བ་གཅིག་གོ༔ ས་མ་ཡ༔ ལེའུ་སྟེ་བཞི་པའོ༔ བཞི་པ་ལ་རང་ཉིད་རིན་ཆེན་མཁའ་འགྲོ་སེར་མོ་གྲི་གུག་དང་ཐོད་ཁྲག་བསྣམས་པའི་ཐུགས་ཀར་རྩ་དང་འོད་སྣང་ཐིག་ལེ་གོང་ལྟར་གསལ་བ་ལས་འོད་ཟེར་འཕྲོས་ པས་ལྷོ་ཕྱོགས་དཔལ་དང་ལྡན་པའི་ཞིང་ཁམས་ནས་རིན་ཆེན་རིགས་ཀྱི་དཀྱིལ་འཁོར་ཐམས་ཅད་མཉམ་ཉིད་ཡེ་ཤེས་འོད་ཟེར་གསེར་མདོག་གི་རྣམ་པར་སྒྲོན་མའི་སྣང་བ་དེ་ལ་ཐིམ་པས་གཉིས་སུ་མེད་པར་བསམ་སྟེ་མཉམ་པར་བཞག་ལ་སླར་ཡང་སྒྲོན་མའི་སྣང་བ་དང་དབྱེར་མེད་པར་ཅིར་ཡང་བཅོས་པ་མེད་པའི་ངང་དུ་ལྷོད་དེ་བཞག་གོ༔ སླར་ཡང་རྫས་ཀྱི་དུས་སུ་སྣང་སྲིད་མཉམ་ཉིད་ཡེ་ཤེས་དག་པ་མཁའ་སྤྱོད་ཀྱི་ཞིང་དང་རིན་ཆེན་མཁའ་འགྲོའི་ལམ་ཁྱེར་བྱ་བ་ཐབས་དང་རང་རིག་རང་ཞལ་ལས་མི་འདའ་བ་ཤེས་རབ་སྟེ་གཉིས་མེད་ཉམས་སུ་ལེན་པ་ལ་སྦྱོར་བ་ཞེས་བྱའོ༔ དེ་ལ་ཟླ་བ་གཅིག་གོ༔ ས་མ་ཡ༔ ལེའུ་སྟེ་ལྔ་པའོ༔ ལྔ་པ་རང་ཉིད་པདྨ་མཁའ་འགྲོ་སྐུ་མདོག་དམར་མོ་ཞལ་གཅིག་ཕྱག་གཉིས་གཡས་པདྨའི་གྲི་གུག་དང་གཡོན་ཐོད་ཁྲག་ཐོགས་པ་ཞབས་གཉིས་པད་ཉིའི་གདན་ལ་གར་སྟབས་མཛད་པ་ཡེ་ཤེས་ལྔ་ཡི་འོད་ཕུང་གི་ཀློང་དུ་གཅེར་བུ་རུས་རྒྱན་གྱིས་སྤྲས་པར་བསྒོམ༔ ནུབ་ཕྱོགས་བདེ་བ་ཅན་ནས་སོར་རྟོག་ཡེ་ཤེས་པདྨ་རིགས་ཀྱི་དཀྱིལ་འཁོར་ལྷ་ཚོགས་ཐམས་ཅད་པདྨ་མཁའ་འགྲོའི་རྣམ་པར་བྱོན་ཏེ་འོད་དམར་གྱི་གོང་བུར་གྱུར་ནས་སྒྲོན་མའི་སྣང་བ་ལ་ཐིམ་པས་སྣང་བ་༦༡༠༠ ཐམས་ཅད་སོ་སོར་རྟོག་པའི་ཡེ་ཤེས་ཀྱི་ཀློང་ཆེན་པོར་ལྷུག་པར་བཞག་གོ༔ སླར་ཡང་དབྱིངས་དང་ཐིག་ལེ་ཤེས་རིག་མཉམ་བརྡལ་དུ་བཞག༔ རྗེས་སུ་ཡང་སྣང་སྲིད་ཐམས་ཅད་སོར་རྟོག ཡེ་ཤེས་དག་པ་མཁའ་སྤྱོད་པདྨ་མཁའ་འགྲོའི་རོལ་པར་ལམ་དུ་ཁྱེར་བ་དང་གནས་ལུགས་ཀློང་ཆེན་ཀུན་ཏུ་བཟང་མོའི་མཁའ་ཀློང་ལས་མི་འདའ་བ་གཉིས་ནི་གནད་དུ་བྱའོ༔ འདི་ལ་ཟླ་བ གཅིག་གོ༔ ས་མ་ཡ༔ ལེའུ་སྟེ་དྲུག་པའོ༔ ཟླ་བ་དྲུག་པའི་དུས་སུ་རང་ཉིད་ལས་ཀྱི་མཁའ་འགྲོ་སྐུ་མདོག་ལྗང་གུ་གཡས་གྲི་གུག་དང་གཡོན་ཐོད་ཁྲག་ཐོགས་པ་ཁ་_UNK་ཀ་བཀལ་བ་པད་ཉི་རོ་ཡི་གདན་ལ་གར་སྟབས་མཛད་པ་འོད་དང་འོད་ཟེར་གྱི་ཕུང་པོ་ཅན་སྣང་ལ་རང་བཞིན་མེད་པ་འཇའ་ཚོན་དང་ཆུ་ཟླ་མེ་ལོང་གི་གཟུགས་བརྙན་ལྟ་བུའོ༔ གསལ་ལ་དེར་འཛིན་བྲལ་བ་སྒྱུ་མ་དང་རྨི་ལམ་དྲི་ཟའི་གྲོང་ཁྱེར་ལྟ་བུའོ༔ དེ་ལྟར་གསལ་བའི་སྙིང་ག་ནས་མིག་ཏུ་འབྲེལ་བའི་རྩ་ནང་དུ་འོད་དང་ཐིག་ལེ་རང་བྱུང་དུ་རྫོགས་པར་བསྒོམ་པའི་རིག་གདངས་རྡོ་རྗེ་ལུ་གུ་རྒྱུད་སོགས་གོང་ལྟར་གསལ་བའི་འོད་ཟེར་གྱིས་བྱང་ཕྱོགས་ལས་རབ་རྫོགས་པའི་ཞིང་ཁམས་ནས་ཕྲིན་ལས་ཀརྨ་རིགས་ཀྱི་དཀྱིལ་འཁོར་ཐམས་ཅད་བྱ་གྲུབ་ཡེ་ཤེས་ལས་ཀྱི་མཁའ་འགྲོའི་རྣམ་ ༈ པར་བྱོན་ཏེ་མདུན་གྱི་ནམ་མཁའ་ནས་འོད་ལྗང་གུར་གྱུར་ཏེ་སྒྲོན་མའི་སྣང་བ་ལ་ཐིམ་པར་བསམ་ཞིང་དེའི་ངང་ལ་ཅི་གནས་སུ་མཉམ་པར་བཞག་གོ༔ སླར་ཡང་སྒྲོན་མའི་སྣང་བ་ཆེན་པོར་བློ་ཡིས་བཅོས་བསྒྱུར་དང་ཡིད་དཔྱོད་ཀྱི་སྤུ་རིས་མི་བྱེད་པར་ལྷོད་དེ་བཞག༔ རྗེས་སུ་བྱ་སྤྱོད་དུས་ལ་བབས་ཚེ་སྣང་སྲིད་སྣོད་བཅུད་ཐམས་ཅད་བྱ་གྲུབ་ཡེ་ཤེས་ལས་རབ་རྫོགས་པའི་དབྱིངས་དག་པ་མཁའ་སྤྱོད་ཀྱི་ཞིང་དང་གཟུགས་སྣང་ཐམས་ཅད་ལས་ཀྱི་མཁའ་འགྲོའི་རང་བཞིན་དང་སྒྲ་གྲགས་དག་པ་སྔགས་ཀྱི་འཁོར་ལོ་སྟེ་དཀྱིལ་འཁོར་གསུམ་དུ་ལམ་ཁྱེར་བྱ་བ་དང་རང་ལུས་ཀརྨ་མཁའ་འགྲོ་ཕུང་ཁམས་གཤེགས་པ་གཤེགས་མ་དབང་ཡུལ་སེམས་དཔའ་སེམས་མ་ཡན་ལག་སྒོ་སྐྱོང་ཕོ་མོར་ཡེ་ནས་ལྷུན་གྲུབ་ཏུ་རྫོགས་པ་རང་ཤེས་པའི་ངང་ནས་འགུལ་བསྐྱོད་བདེ་བ་ཆེན་པོའི་གར་དང་བཟའ་བཏུང་ཚོགས་འཁོར་གྱི་རོལ་པར་ལམ་དུ་ཁྱེར་བ་ཐབས་དང་དེའི་ངང་ནས་འཁོར་འདས་རང་སྣང་དུ་རྫོགས་པའི་ངོ་བོ་དེ་ཀར་འཁྱུས་པ་ནི་ཤེས་རབ་གཉིས་མེད་ལམ་དུ་བྱེད་པ་ནི་སྦྱོར་བ་འཁོར་བའི་འཛིན་རྟོག་བདག་མེད་དུ་རྟོགས་པ་ནི་སྒྲོལ་བའོ༔ འདི་ལ་ཟླ་བ་གཅིག་