Tibetan
ཐོག་མ་མེད་དུས་ནས༔ སྒྱུ་མའི་ལུས་འདི་གཅེས་པར་བཟུང་༔ དེ་རིང་གཅེས་འཛིན་བློས་བཏང་སྟེ༔ ཁྱེད་དྲིན་ཆེན་ཕ་མར་དྲིན་ལན་འཇལ༔ ཕྱི་ཤ་ནང་ཁྲོལ་ཤ་ཚིལ་རུས༔ མགོ་བོ་ཡན་ལག་དོན་སྙིང་ཁྱེར༔ ཤ་ལ་དགའ་བས་ཤ་ལ་རོལ༔ ཁྲག་ལ་ ཨོཾ༔ དགའ་བས་ཁྲག་ལ་རོལ༔ ཚིལ་ཞག་འདོད་པས་ཚིལ་ཞག་ཁྱེར༔ རྐང་རུས་འདོད་པས་རྐང་རུས་ཁྱེར༔ ལྤགས་པ་འདོད་པས་ལྤགས་པ་ཁྱེར༔ ཆུ་སེར་ཁུ་བ་དྲི་ཆུ་དང་༔ གཤང་གཅི་སྣབས་དང་མཆིལ་མར་བཅས༔ ལྷག་མ་མེད་པར་ཧབ་ཐོབ་རོལ༔ ཐག་རིང་བ་རྣམས་ཀྱིས་རྗེན་པར་རོལ༔ ཉེ་བ་རྣམས་ཀྱིས་ཚོས་ལ་ཟོ༔ ཕཊ་ཕཊ་ཕཊ༔ དེ་ནས་གཏོར་ལས་བྱ་བ་ལ༔ ཨེ༔ སྣང་ཞིང་སྲིད་པའི་ལྷ་འདྲེ་རྣམས༔ རང་རང་གནས་སུ་ཆས་པར་གྱིས༔ ཁལ་ཁོལ་ཁུར་ལོང་པང་བས་ཐོབ༔ སྟེང་ཕྱོགས་ལྷ་འདྲེ་སྟེང་དུ་གཤེགས༔ ཤར་ཕྱོགས་ལྷ་འདྲེ་ཤར་དུ་གཤེགས༔ ལྷོ་ཕྱོགས་ལྷ་འདྲེ་ལྷོཿ ནུབ་ཕྱོགས་ལྷ་འདྲེ་ནུབ༔ བྱང་ཕྱོགས་ལྷ་འདྲེ་བྱང་མཚམས་བཞིའི་ལྷ་འདྲེ་མཚམས་བཞིར འོག་ཕྱོགས་ལྷ་འདྲེ་འོག་ཏུ་གཤེགས༔ དགའ་ལྡན་འཕྲུལ་དགའི་དཔལ་ཡོན་ལྟར༔ ལོངས་སྤྱོད་བདེ་སྐྱིད་ཡོངས་རྫོགས་ཤོག༔ ཕཊ་ཕཊ་ཕཊ༔ སྣང་སྲིད་སྣོད་བཅུད་འདོད་ཡོན་ཆོས༔ རྨི་ལམ་དབྱིངས་སུ་སད་པ་ལྟར༔ གདོད་མའི་གཞི་དབྱིངས་ཆེན་པོར་ཞིག༔ འཁོར་འདས་དག་མཉམ་ཆེན་པོར་ཨ༔ ཕཊ་ཕཊ་ཕཊ༔ དེ་ལྟར་དམར་འགྱེད་བཏང་བ་ཡིས༔ གནས་སྐབས་བར་ཆད་རྐྱེན་ངན་སེལ༔ མཐར་ཐུག་ ཚོགས་གཉིས་རྫོགས་པའི་འབྲས༔ དོན་གཉིས་ལྷུན་གྲུབ་གདིང་ཐོབ་འགྱུར༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ནི་སྐལ་བཟང་སློབ་མའི་ཚོགས་ཀྱིས་ནན་དུ་བསྐུལ་ངོར་རིག་འཛིན་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར བ་ཐོག་མཐའ་བར་གསུམ་ཀུན་ཏུ་དགེ་བར་གྱུར་ཅིག །ཛ་ཡནྟུ།། ། ༔ 296 T11610 - 300 ཕ༔ ཆོས་ཉིད་ནམ་མཁའི་ཀློང་མཛོད་ལས༔ ནག་འགྱེད་སྒྲིབ་པ་ཀུན་སེལ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཏྲནླསྟཐཐ༔ སྐྱབས་སུ་འགྲོ་ཞིང་བྱང་སེམས་བསྐྱེད༔ མོས་གུས་དྲག་པོས་གསོལ་བཏབ་སྟེ༔ ཐོ་རང་སྒྲིབ་པ་སྦྱོང་བའི་ཕྱིར༔ ནག་འགྱེད་བྱ་བའི་རིམ་པ་ལ༔ ཕཊ་ཕཊ་ཕཊ༔ སྟེང་ཕྱོགས་ཁྲུ་བདུན་འཕགས་པའི་ནམ་མཁའ་ལ༔ རང་ཉིད་ཐ་མལ་གནས་པའི་གནས་དྲུག་ཏུ༔ ཨཿནྲྀཿསུཿ ཏྲིཿ པྲེཿ དུཿ གསལ་བ་ལས༔ འོད་འཕྲོས་འགྲོ་དྲུག་སེམས་ཅན་མ་ལུས་པའི༔ སྡིག་སྒྲིབ་བག་ཆགས་སྡུག་བསྔལ་ཀུན་བསྡུས་བསྟིམ༔ སྤྱི་བོར་སྐུ་གསུམ་ཡེ་ཤེས་མཁའ་འགྲོ་དང་༔ སངས་རྒྱས་བྱང་སེམས་བརྒྱུད་པའི་བླ་མ་རྣམས༔ ནམ་མཁར་སྐར་ཚོགས་བཀྲ་ཞིང་གསལ་བ་ཡི༔ སྐུ་ལས་དག་བྱེད་ཡེ་ཤེས་བདུད་རྩི་ནི༔ ཆུ་ཀླུང་དྲག་པོ་ལྟ་བུར་བབས པ་ཡིས༔ ནད་རྣམས་རྣག་ཁྲག་གདོན་རྣམས་འབུ་སྲིན་དང་༔ སྡིག་སྒྲིབ་དུད་སོལ་ཁུ་བའི་རྣམ་པ་རུ༔ ས་གཞི་ཀ་པཱ་ལར་གྱུར་སྣོད་དུ་བབས༔ མདོག་ནག་མཛེས་སྡུག་ལྷ་འདྲེའི་ཡིད་འཕྲོག་པ༔ འབྲུ་གསུམ་ནུས་པས་མྱོང་གྲོལ་བདུད་རྩིར་བསྒྱུར༔ ཨོཾ་ཨཱཿ ཧཱུྃ་ཧ་ཧོ་ཧྲཱིཿ ལན་གསུམ༔ ཕཊ་ཕཊ་ཕཊ༔ ཡ་གི་སྲིད་རྩེ་མན་ཆད་ནས༔ མ་ཀི་དམྱལ་ཁམས་ཡན་ཆད་ཀྱི༔ སྣང་ཞིང་སྲིད་པའི་ལྷ་འདྲེ་རྣམས༔ མ་ལུས་འདིར་གཤེགས་འདིར་འདུས་ལ༔ རིགས་དྲུག་ས་བོན་སྒྲིབ་གཉིས་བག་ཆགས་ཀུན༔ བཀྲུས་པའི་ཁུ་བ་འདི་རོལ་མཉེས་ཚིམས་གྱུར༔ ཕཊ་ཕཊ་ཕཊ༔ ཟ་འདྲེ་ཕུང་སྲི་ཤི་གཤེད་གྲི་བདུད་དང་༔ ཕོ་གདོན་མོ་གདོན་ཀླུ་གདོན་ཐམས་ཅད་དང་༔ གནས་གདོན་ལུས་གདོན་ལན་ཆགས་ཤ་མཁོན་བདག༔ མ་ལུས་ལུས་པ་མེད་པ་ཁྱེད་རྣམས་ཀྱིས༔ སྡིག་སྒྲིབ་བག་ཆགས་བཀྲུས་པའི་ཁུ་བ་འདི༔ ལྷག་མེད་རོལ་ལ་ངོམས་ཤིང་ཚིམས་པར་གྱུར༔ ཕཊ་ཕཊ་ཕཊ༔ ཧབ་ཐོབ་རོལ་པས་སོལ་ཕུང་ལྟ་བུར་གྱུར༔ ངོམས་ཤིང་ཚིམས་ནས་དགའ་བདེའི་ཉམས་སྐྱེས་ངང་༔ ཆབ་གཅིག་འོད་ཞུ་ཐིག་ལེ་ནག་པོར་གྱུར༔ སྐུ་གསུམ་ཡེ་ཤེས་མཁའ་འགྲོའི་ཀློང་བརྒྱད་ནས༔ ཆོས་དབྱིངས་མཉམ་པ་ཉིད་དུ་འབྱམས་ཀླས་སོ༔ སྣང་སྲིད་འཁོར་འདས་དུ་མ་རོ་གཅིག་ཏུ༔ ཀ་དག་ཀུན་ཏུ་བཟང་མོར་སངས་རྒྱས་སོ༔ ཕཊ་ཕཊ་ཕཊ༔ དེ་ནས་རིལ་པོར་འགྱེད་པ་ལ༔ རང་ལུས་ཆེ་བ་རི་རབ་ཙམ་གྱུར་པའི༔ ལུས་ནང་དབུ་མ་མཚན་ཉིད་བཞི་ལྡན་ནང་༔ སྙིང་དབུས་རིག་པ་དྭངས་མའི་ཐིག་ལེ་ནི༔ སྟེང་ཕྱོགས་ནམ་མཁའ་རྣམ་དག་དབྱིངས་དང་འདྲེས༔ དབྱིངས་ལས་ཁྲོས་མ་ནག་མོའི་ ཕ༔ སྐུ་རུ་བཞེངས༔ ཕྱག་གཡས་གྲི་གུག་བེམ་པོར་ཚད་ཙམ་གྱིས༔ ཁམས་གསུམ་སེམས་ཅན་ཀུན་གྱི་སྡིག་སྒྲིབ་དང་༔ བག་ཆགས་ནད་གདོན་མ་ལུས་བསྡུས ཏེ་བསྟིམ༔ ཆེ་བརྗིད་མདོག་ནག་ལྷ་འདྲེའི་ཡིད་འཕྲོག་གྱུར༔ ཨོཾ་ཨཱཿ ཧཱུྃ་ཧ་ཧོ་ཧྲཱིཿ ལན་གསུམ༔ ཕཊ་ཕཊ་ཕཊ༔ ཀྱེེ༔ འདུས་ཤིག་འདུས་ཤིག་འདིར་འདུས་ཤིག༔ སྣང་ཞིང་སྲིད་པའི་ལྷ་འདྲེ་འདུས༔ ལན་ཆགས་བདག་པོ་བདག་མོ་འདུས༔ ཤ་ཟ་ཁྲག་འཐུང་ཕོ་མོ་འདུས༔ དུར་ཁྲོད་བམ་གྱི་ཚོགས་ལ་འདུས༔ ཕཊ་ཕཊ་ཕཊ༔ ཀྱེེ༔ ཕོ་གདོན་ལས་ཀྱི་རྒྱལ འགོང་དང་༔ མོ་གདོན་ལས་ཀྱི་བསེན་མོ་དང་༔ ཀླུ་གདོན་ལས་ཀྱི་ས་བདག་རྣམས༔ དུར་ཁྲོད་བམ་གྱི་ཚོགས་ལ་རོལ༔ ཕཊ་ཕཊ་ཕཊ༔ མཐོ་བ་སྲིད་རྩེ་མན་ཆད་ནས༔ དམའ་བ་དམྱལ་ཁམས་ཡན་ཆད་ཀྱི༔ སྣང་ཞིང་སྲིད་པའི་ལྷ་འདྲེ་རྣམས༔ མི་རོ་བམ་ཆེན་འདི་ལ་རོལ༔ ཕཊ་ཕཊ་ཕཊ༔ གནས་གདོན་དང་ནི་ལུས་གདོན་དང་༔ ལན་ཆགས་བུ་ལོན་ཤ་མཁོན་བདག༔ མ་ལུས་ལུས་པ་མེད་པ་ཡིས༔ མི་རོ་བམ་ཆེན་འདི་ལ་རོལ༔ ཕཊ་ཕཊ་ཕཊ༔ ཁྱེད་སྣང་ཞིང་སྲིད་པའི་ལྷ་འདྲེ་ལ༔ ངས་ཤ་ཁྲག་རུས་པ་སྟོན་མོར་འགྱེད༔ དེ་ལྷག་མ་མེད་ པར་ཧབ་ཐོབ་རོལ༔ ཁྱེད་དགའ་མགུ་ཡི་རང་ཚིམ་གྱུར་ནས༔ ངའི་བུ་ལོན་ལན་ཆགས་བྱང་གྱུར་ཅིག༔ ཕཊ་ཕཊ་ཕཊ༔ ཐམས་ཅད་དགའ་གུ་ཟག་མེད་བདེ་བས་མྱོས༔ འོད་ཕུང་མཐིང་ནག་རོལ་པར་མེར་གྱིས་ཞུ༔ བདག་དང་ཡུལ་སྣང་དབྱེར་མེད་རོ་གཅིག་ཏུ༔ སྐུ་གསུམ་ཡེ་ཤེས་མཁའ་འགྲོའི་དབྱིངས་སུ་ཐིམ༔ ཆོས་ཉིད་སྤྲོས་མཐའ་བྲལ་བར་རྫོགས་སངས་རྒྱས༔ ཕཊ་ཕཊ་ཕཊ༔ དེ་ལྟར་ནག་པོར་འགྱེད་པ་ཡིས༔ ནད་གདོན་ཀུན་སེལ་སྒྲིབ་པ་འདགས༔ འཕྲལ་ཕུག་ཀུན་ཏུ་དགེ་ལེགས་འཕེལ༔ ཡོན་ཏན་ཡེ་ཤེས་མངོན་དུ་འགྱུར༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཞེས་པ་འདི་ནི་སྐལ་བཟང་སློབ་བུ་འགས་བསྐུལ་ངོར་རིག་འཛིན་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ།། T11610 - 304 ཨོཾ༔ དག་སྣང་ལས༔ ཚོགས་བསགས་དངོས་གྲུབ་ཆར་འབེབས་བཞུགས༔ ཕཊ༔ གཟུང་འཛིན་འཁྲུལ་པའི་རྣམ་རྟོག་རང་ངོར་སངས༔ རྒྱུ་ཉིད་དབང་བསྡུས་རྐྱེན་སྣང་ཟིལ་གྱིས་གནོན༔ ཕཊ༔ སྐྱབས་གནས་དམ་པ་རྣམས་ལ་སྐྱབས་སུ་མཆི༔ འགྲོ་ཀུན་རྣམ་མཁྱེན་ཕྱིར་དུ་གོ་འཕང་བསྒྲུབ༔ ཕཊ༔ རང་རིག་ཀ་དག་རྡོ་རྗེ་རྣལ་འབྱོར་མ༔ སྤྱི་བོར་ཡར་ཐོན འཁོར་འདས་ཁྱབ་བདག་མོ༔ ཕཊ༔ ཕྱག་གཡས་གྲི་གུག་རང་ལུས་ཐོད་པ་བྲེག༔ སྟོང་གསུམ་ཙམ་གྱི་མི་མགོའི་སྒྱེད་པུར་བཞག༔ དེ་ནང་བམ་ཆེན་བདུད་རྩིའི་རྒྱ་མཚོར་གྱུར༔ སྣང་སྲིད་འཁོར་བཅས་མ་ལུས་ཐམས་ཅད་དུ༔ མཆོད་སྤྲིན་རྒྱ་མཚོ་རྒྱུན་མི་འཆད་པར་སྤྲོས༔ ཨོཾ་ཨཱཿ ཧཱུྃ༔ ལན་གསུམ༔ ཕཊ་ཕཊ་ཕཊ༔ སྐྱབས་གནས་དཀོན་མཆོག་རྩ་གསུམ་རྒྱ་མཚོ་མཆོད༔ སྐུ་གསུམ་བརྒྱུད་གསུམ་རིག་འཛིན་ཚོགས་རྣམས་མཆོད༔ ཡེ་ཤེས་དབྱིངས་ཀྱི་དམ་ཅན་རྒྱ་མཚོ་མཆོད༔ ཚོགས་རྫོགས་སྒྲིབ་དག་དོན་གཉིས་ལྷུན་གྲུབ་སྩོལ༔ ཕཊ་ཕཊ་ཕཊ༔ རིགས་དྲུག་ཕ་མ་ལན་ཆགས་བགེགས་རིགས་སོགས༔ མཆོད་སྦྱིན་ཡུལ་གྱུར་ཀུན་ལ་མཉེས་མཆོད་འབུལ༔ བུ་ལོན་ལན་ཆགས་མ་ལུས་བྱང་ནས་ཀྱང་༔ ཐམས་ཅད་མངོན་རྫོགས་ སངས་རྒྱས་ཐོབ་པར་ཤོག༔ ཕཊ་ཕཊ་ཕཊ༔ དགེ་བའི་རྩ་བ་འགྲོ་དྲུག་ཡོངས་ལ་བསྔོ༔ མ་ལུས་ཚོམ་བུ་གཅིག་ཏུ་སངས་རྒྱས་ཤོག༔ རང་སེམས་མཆོད་སྤྲིན་དངོས་ཡུལ་དབྱེར་མེད་དུ༔ ཡུམ་ཆེན་ཆོས་སྐུའི་ཀློང་དུ་རོ་གཅིག་ངང་༔ ཨ་ཨ་ཨ༔ ཕཊ་ཕཊ་ཕཊ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཆ་ཐབྡཾཨས༔ འདི་ལས་བྱིན་རླབས་མྱུར་བ་མེད༔ ཕྱི་ནང་གསང་བའི་བར་ཆད་སེལ༔ ཡུམ་ཆེན་དགོངས་ཀློང་ཡངས་པ་རུ༔ མཐར་ཐུག་གྲོལ་འགྱུར་ཐེ་ཚོམ་མེད༔ འདི་ཉིད་ཉམས་སུ་ལོངས་ཤིག་བུ༔ པདྨའི་སྙིང་ཐིག་གཏད་དོ་རྒྱ༔ བརྡ་ཐིམ༔ ཞེས་པ་འདི་ཡང་ཤིང་མོ་གླང་གི་ལོ་ཧོར་ཟླ་གསུམ་པའི་ཚེས་བཅུའི་ནུབ་མོ་ཨོ་རྒྱན་མཚོ་སྐྱེས་རྡོ་རྗེས་སྤྲང་མ་ནུས་བདུད་འཇོམས་རྡོ་རྗེ་ལ་ཁྱོད་ཀྱི་སློབ་བུ་གཉིས་ཀྱི་ཆོས་སྐལ་ཡིན་ཅེས་གནང་ནས་གཏད་རྒྱའོ། །དགེའོ།། ། T1610 - 306 ༈ རྦྦཾ ཕ༔ ཆོས་ཉིད་ནམ་མཁའི་ཀློང་མཛོད་ལས༔ མཁའ་འགྲོ་ཁྲོས་མའི་ཆ་ལག་ལུས་གདོན་མཁའ་འགྲོའི་ཞལ་བསྟབ་བཞུགས་སོ༔ ར་TI1610 - 307 བདུད་འཇོམས་ཁྲོས་མ་ཕ༔ ན་མོ་གུ་རུ་པདྨ་ཀ་ར་ཡེ༔ ཤཐ༔ བདུད་གཅོད་ཟབ་མོ་ཉམས་ལེན་པའི༔ རྣལ་འབྱོར་ཅན་ལ་མི་བདེ་བའི༔ ཟུག་རྔུ་བྱུང་ཚེ་འདིར་བརྩོན་པས༔ ཕྱི་ནང་བར་ཆད་གེགས་སྒྲོལ་བྱེད༔ དེ་ལ་ཟན་གྱི་བམ་གཟུགས་བཅའ༔ གཏོར་མ་ཆངས་བུ་ཤ་དུམ་ནི༔ བཅུ་བཅུ་བཤམ་ལ་སྐྱབས་སེམས་བསྒོམ༔ དེ་ནས་བསྟབ་པའི་ཐབས་བརྩོན་པ༔ དམིགས་པ་གཞན་དུ་མ་ཡེངས་གཅེས༔ ས་མ་ཡ༔ ཕཊ༔ རང་དང་བསྲུང་བྱའི་རིག་པ་དབྱེར་མེད་པ་དེ་སྐར་ཁུང་ནས་མདའ་འཕང་བ་ལྟར་སྟེང་གི་ནམ་མཁར་འཕོས༔ ཕཊ༔ བརྗོད་པ་ཙམ་གྱིས་མཁའ་ལས་གློག་འཁྱུགས་པའམ་ཆུ་ལས་ཆུ་ལྦུར་རྡོལ་བ་ལྟར་ཡེ་ཤེས་ཀྱི་མཁའ་འགྲོ་མ་ཁྲོས་T11610 - 308 ཙ་བསྟབ་ཕ༔ མ་ནག་མོ་སྐུ་སྟོད་གཟུགས་མེད་ཁམས་སུ་འགྱིང་ཞིང་༔ སྐེད་པ་གཟུགས་ཀྱི་ཁམས་ཀུན་གང་བ༔ སྐུ་སྨད་ཀྱིས་འདོད་པའི་ཁམས་ཡོངས་སུ་གང་ཞིང་ཁྱབ་པ༔ ཕྱག་གཡས་རལ་གྲི་དང་གཡོན་སྡིགས་མཛུབ་མཛད་པའི་སྐུར་གྱུར༔ ཕཊ༔ གཟུགས་ཕུང་ལུས་གདོན་དང་བཅས་པ་བམ་གཟུགས་ལ་ཐིམ་པས་གཉིས་སུ་མེད་པ་ཆུ་དང་འོ་མ་བསྲེས་པ་ལྟར་གྱུར་པ་ལ༔ གནོད་བྱེད་ནད་ནད་བདག་དང་བཅས་པ་གདོན་སྣ་འདྲེན་དང་བཅས་པ་དཔུང་ཚོགས་རྒྱབ་བརྟེན་དང་བཅས་པ་ཐམས་ཅད་རང་དབང་མེད་པར་ཤོག་སྐྱ་རླུང་གིས་བསྐྱོད་པ་ལྟར་T11610 - 309 བཀུག་ནས་བམ་གཟུགས་ལ་ཐིམ་པས་གཉིས་སུ་མེད་པར་གྱུར༔ ཕཊ་ཕཊ་ཕཊ༔ དེ་ནས་འགུགས་གཞུག་བྱ་བ་ནི༔ ན་མོ༔ དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཀྱི་བཀའ ཆོས་ཀྱི་བཀའ དགེ་འདུན་གྱི་བཀའ སྐུ་གསུམ་ཡེ་ཤེས་ཀྱི་མཁའ་འགྲོ་མའི་ཚོགས་རྣམས་ཀྱི་བཀའཿ བདེན་པ་ཆེན་པོའི་མཐུ་སྟོབས་ནུས་བྱིན་གྱིས༔ ཆེ་གེ་མོ་འདི་ལ་དང་པོ་ནད་ཀྱི་སྣ་འདྲེན་པ༔ བར་དུ་ནད་ཀྱི་ཚང་བཅའ་བ༔ ཐ་མ་ནད་ཀྱིས་སྲོག་ལ་རྒོལ་བའི་འདྲེ་གདོན་འབྱུང་པོ་གནས་གདོན་ལུས་གདོན་ཕོ་གདོན་མོ་གདོན་ཀླུ་གདོན་ནད་ནད་བདག་དང་བཅས་པ་གདོན་སྣ་འདྲེན་དང་བཅས་པ་དཔུང་ཚོགས་རྒྱབ་བརྟེན་དང་བཅས་པ་ཐམས་ཅད་སྐད་ཅིག་རང་དབང་མེད་པར་བམ་གཟུགས་འདི་ལ་ཁུག་ཅིག༔ བསྟིམ་ཅིག༔ ཛཿ ཧཱུྃ་བཾ་ཧོཿ ཞེས་རྐང་གླིང་ཌཱ་དྲིལ་དྲག་ཏུ་བྱ༔ འགུགས་གཞུག་ལན་གྲངས་བརྒྱའམ་ལྔ་བཅུ་ཉེར་ལྔ་སོགས་སྐབས་དང་བསྟུན༔ དེ་ནས་མགོ་དང་ཡན་ལག་བཞི༔ རྩིབ་མ་གཡས་གཡོན༔ རྩིབ་ཁོག་སྟོད སྨད༔ ནང་རོལ་དང་ཆ་བཅུ་བྱས་ལ༔ དམར་གཏོར་ཤ་ཁྲག་གིས་བརྒྱན་པ་བཅུ་དང་༔ ཆངས་བུ་ཤ་དུམ་དང་བཅས་པ་བཅུ་བཤམས་ནས༔ མགྲོན་འབོད་པ་ནི༔ ཕཊ༔ མ་དབུས་ཕྱོགས་གཏུམ་དྲག་དུར་ཁྲོད་ནས༔ སངས་ ཕ༔ རྒྱས་མཁའ་འགྲོ་ཀུན་ཁྱབ་མ༔ ཆོས་ཀྱི་དབྱིངས་ལས་སྐུར་བཞེངས་ལ༔ ཐུགས་རྗེ་ཐབས་ཀྱིས་འདིར་གཤེགས་ཤིག༔ སྤྲུལ་པ་མཁའ་འགྲོའི་རོལ་གར་བསྒྱུར༔ ཡང་སྤྲུལ་ལྷ་འདྲེའི་འཕྲུལ་ངོམས་ལ༔ མཆོད་སྦྱིན་བཞེས་ལ་བར་ཆད་སོལ༔ ཕཊ་ཕཊ་ཕཊ༔ དེ་ནས་མགོ་བོ་བཤམས་ལ་བསྟབ་པ་ནི༔ བསྲུང་བྱའི་ལས་དང་རྐྱེན་དབང་གིས༔ མི་འདོད་སྡུག་བསྔལ་ཉེར་འཚེ་དང་༔ མགོ་བོ་ལུས་གདོན་དབྱེར་མེད་པ༔ སངས་རྒྱས་མཁའ་འགྲོའི་ཞལ་དུ་བསྟབ༔ ཕཊ་ཕཊ་ཕཊ༔ ཅེས་མཆོད་གཏོར་མ་བཤམས༔ གཏི་མུག་ལས་བྱུང་ནད་གདོན་བགེགས༔ ཤ་ཁྲག་གཏོར་མ་དང་བཅས་པ༔ འབུམ་ཕྲག་མཁའ་འགྲོའི་ཞལ་དུ་བསྟབ༔ ཆོས་དབྱིངས་ཡེ་ཤེས་དངོས་གྲུབ་སྩོལ༔ ཕཊ་ཕཊ་ཕཊ༔ ཅེས་མཆོད་ཆངས་བུ་ཤ་དུམ་བཤམས༔ ལས་ཉོན་སྡིག་སྒྲིབ་བག་ཆགས་དང་༔ ཆངས་བུ་ཤ་དུམ་དང་བཅས་པ༔ སྣང་སྲིད་ལྷ་འདྲེའི་ཞལ་དུ་བསྟབ༔ ལྷག་མ་མེད་པར་ཧབ་ཐོབ་རོལ༔ ཕཊ་ཕཊ་ཕཊ༔ ཅེས་བརྗོད་བསྡུ་རིམ་བྱ་བ་ནི༔ ནད་རྣམས་ལྷ་འདྲེའི་དབྱིངས་སུ་བསྡུ༔ ལྷ་འདྲེ་འབུམ་ཕྲག་མཁའ་འགྲོར་བསྡུ༔ མཁའ་འགྲོ་དབྱིངས་ཀྱི་རྗེ་མོར་བསྡུ༔ འཁོར་འདས་ཆོས་དབྱིངས་ཡེ་ཤེས་སུ༔ ཀ་དག་ལྷུན་འབྱམས་ཆེན་པོར་ཡན༔ ཕཊ་ཕཊ་ཕཊ༔ འདི་མན་ཆད་དེས་འགྲེའོ༔ དེ་ནས༔ ཕཊ༔ ཤར་ཕྱོགས་དྲག་ཁྲོས་དུར་ཁྲོད་ནས༔ རྡོ་རྗེ་མཁའ་འགྲོ་མུན་སེལ་མ༔ མེ་ལོང་དབྱིངས ལས་སྐུར་བཞེངས་ལ༔ ཐུགས་རྗེ་ཐབས་ཀྱིས་འདིར་གཤེགས་ཤིག༔ སྤྲུལ་པ་མཁའ་འགྲོའི་རོལ་གར་བསྒྱུར༔ ཡང་སྤྲུལ་ལྷ་འདྲེའི་འཕྲུལ་ངོམས་ལ༔ མཆོད་སྦྱིན་བཞེས་ལ་བར་ཆད སོལ༔ ཕཊ་ཕཊ་ཕཊ༔ བསྲུང་བྱའི་ལས་དང་རྐྱེན་དབང་གིས༔ མི་འདོད་སྡུག་བསྔལ་ཉེར་འཚེ་དང་༔ ལག་གཡས་ལུས་གདོན་དབྱེར་མེད་པ༔ རྡོ་རྗེ་མཁའ་འགྲོའི་ཞལ་དུ་བསྟབ༔ ཕཊ་ཕཊ་ཕཊ༔ ཞེ་སྡང་ལས་བྱུང་ནད་གདོན་བགེགས༔ ཤ་ཁྲག་གཏོར་མ་དང་བཅས་པ༔ འབུམ་ཕྲག་མཁའ་འགྲོའི་ཞལ་དུ་བསྟབ༔ མེ་ལོང་ཡེ་ཤེས་དངོས་གྲུབ་སྩོལ༔ ཕཊ་ཕཊ་ཕཊ༔ ལས་ཉོན་སྡིག་སྒྲིབ་བག་ཆགས་དང་༔ ཆངས་བུ་ཤ་དུམ་དང་བཅས་པ༔ སྣང་སྲིད་ལྷ་འདྲེའི་ཞལ་དུ་བསྟབ༔ ལྷག་མ་མེད་པར་ཧབ་ཐོབ་རོལ༔ ཕཊ་ཕཊ་ཕཊ༔ ནད་རྣམས་ལྷ་འདྲེའི་དབྱིངས་སུ་བསྡུ༔ ལྷ་འདྲེ་འབུམ་ཕྲག་མཁའ་འགྲོར་བསྡུ༔ མཁའ་འགྲོ་དབྱིངས་ཀྱི་རྗེ་མོར་བསྡུ༔ འཁོར་འདས་མེ་ལོང་ཡེ་ཤེས་སུ༔ གསལ་སྟོང་ཆེན་པོར་འབྱམས་ཀླས་སོ༔ སཱ༔ ཕཊ་ཕཊ་ཕཊ༔ ཕཊ༔ མ་ལྷོ་ཕྱོགས་གད་རྒྱངས་དུར་ཁྲོད་ནས༔ རིན་ཆེན་མཁའ་འགྲོ་འདོད་འབྱུང་མ༔ མཉམ་ཉིད་དབྱིངས་ལས་སྐུར་བཞེངས་ལ༔ ཐུགས་རྗེ་ཐབས་ཀྱིས་འདིར་གཤེགས་ཤིག༔ སྤྲུལ་པ་མཁའ་འགྲོའི་རོལ་གར་བསྒྱུར༔ ཡང་སྤྲུལ་ལྷ་འདྲེའི་འཕྲུལ་ངོམས་ལ༔ མཆོད་སྦྱིན་བཞེས་ལ་བར་ཆད་སོལ༔ ཕཊ་ཕཊ་ཕཊ༔ བསྲུང་བྱའི་ལས་དང་རྐྱེན་དབང་གིས༔ མི་འདོད་སྡུག་བསྔལ་ཉེར་འཚེ་དང་༔ ལག་གཡོན་ལུས་གདོན་དབྱེར་མེད་པ༔ རིན་ཆེན་མཁའ་འགྲོའི་ཞལ་དུ་བསྟབ༔ ཕཊ་ཕཊ་ཕཊ༔ ང་རྒྱལ་ལས་བྱུང་ནད་གདོན་བགེགས༔ ཤ་ཁྲག་གཏོར་མ་དང་བཅས་པ༔ འབུམ་ཕྲག་མཁའ་འགྲོའི་ཞལ་དུ་བསྟབ༔ མཉམ་ཉིད་ཡེ་ཤེས་དངོས་གྲུབ་སྩོལ༔ ཕཊ་ཕཊ་ཕཊ༔ ལས་ཉོན་སྡིག་སྒྲིབ་བག་ཆགས་དང་༔ ཆངས་བུ་ཤ་དུམ་དང་བཅས་པ༔ སྣང་སྲིད་ལྷ་འདྲེའི་ཞལ་དུ་བསྟབ༔ ལྷག་མ་མེད་པར་ཧབ་ཐོབ་རོལ༔ ཕཊ་ཕཊ་ཕཊ༔ ནད་རྣམས་ལྷ་འདྲེའི་དབྱིངས་སུ བསྡུ༔ ལྷ་འདྲེ་འབུམ་ཕྲག་མཁའ་འགྲོར་བསྡུ༔ མཁའ་འགྲོ་དབྱིངས་ཀྱི་རྗེ་མོར་བསྡུ༔ འཁོར་འདས་མཉམ་ཉིད་ཡེ་ཤེས་སུ༔ དག་མཉམ་ཆེན་པོར་འབྱམས་ཀླས་སོ༔ ཕཊ་ཕཊ་ཕཊ༔ ཕཊ༔ མ་ནུབ་ཕྱོགས་པད་འཁྱིལ་དུར་ཁྲོད་ནས༔ པདྨ་མཁའ་འགྲོ་ཆགས་བྲལ་མ༔ སོར་རྟོག་དབྱིངས་ལས་སྐུར་བཞེངས་ལ༔ ཐུགས་རྗེ་ཐབས་ཀྱིས་འདིར་གཤེགས་ཤིག༔ སྤྲུལ་པ་མཁའ་འགྲོའི་རོལ་གར་བསྒྱུར༔ ཡང་སྤྲུལ་ལྷ་འདྲེའི་འཕྲུལ་ངོམས་ལ༔ མཆོད་སྤྲིན་བཞེས་ལ་བར་ཆད་སོལ༔ ཕཊ་ཕཊ་ཕཊ༔ བསྲུང་བྱའི་ལས་དང་རྐྱེན་དབང་གིས༔ མི་འདོད་སྡུག བསྔལ་ཉེར་འཚེ་དང་༔ རྐང་གཡོན་ལུས་གདོནདབྱེར་མེད་པ༔ པདྨ་མཁའ་འགྲོའི་ཞལ་དུ་བསྟབ༔ ཕཊ་ཕཊ་ཕཊ༔ འདོད་ཆགས་ལས་བྱུང་ནད་གདོན་བགེགས༔ ཤ་ཁྲག་གཏོར་མ་དང་བཅས་པ༔ འབུམ་ཕྲག་མཁའ་འགྲོའི་ཞལ་དུ་བསྟབ༔ སོར་རྟོག་ཡེ་ཤེས་དངོས་གྲུབ་སྩོལ༔ ཕཊ་ཕཊ་ཕཊ༔ ལས་ཉོན་སྡིག་སྒྲིབ་བག་ཆགས་དང་༔ ཆངས་བུ་ཤ་དུམ་དང་བཅས་པ༔ སྣང་སྲིད་ལྷ་འདྲེའི་ཞལ་དུ་བསྟབ༔ ལྷག་མ་མེད་པར་ཧབ་ཐོབ་རོལ༔ ཕཊ་ཕཊ་ཕཊ༔ ནད་རྣམས་ལྷ་འདྲེའི་དབྱིངས་སུ་བསྡུ༔ ལྷ་འདྲེ་འབུམ་ཕྲག་མཁའ་འགྲོར་བསྡུ༔ མཁའ་འགྲོ་དབྱིངས་ཀྱི་རྗེ་མོར་བསྡུ༔ འཁོར་འདས་སོར་རྟོག་ཡེ་ཤེས་སུ༔ རང་གྲོལ་ཆེན་པོར་རྫོགས་སངས་རྒྱས༔ ཕཊ་ཕཊ་ཕཊ༔ ཕཊ༔ མ་བྱང་ཕྱོགས་ཀཱི་ལའི་དུར་ཁྲོད་ནས༔ ལས་ཀྱི་Tl1610 - 314 ཕ༔ མཁའ་འགྲོ་དོན་གྲུབ་མ༔ བྱ་གྲུབ་དབྱིངས་ལས་སྐུར་བཞེངས་ལ༔ ཐུགས་རྗེ་ཐབས་ཀྱིས་འདིར་གཤེགས་ཤིག༔ སྤྲུལ་པ་མཁའ་འགྲོའི་རོལ་གར་བསྒྱུར༔ ཡང་སྤྲུལ་ལྷ་འདྲེའི་འཕྲུལ་ངོམས་ལ༔ མཆོད་སྦྱིན་བཞེས་ལ་བར་ཆད་སོལ༔ ཕཊ་ཕཊ་ཕཊ༔ བསྲུང་བྱའི་ལས་དང་རྐྱེན་དབང་གིས༔ མི་འདོད་སྡུག་བསྔལ་ཉེར་འཚེ་དང་༔ རྐང་གཡས་ལུས་གདོན་དབྱེར་མེད་པ༔ ལས་ཀྱི་མཁའ་འགྲོའི་ཞལ་དུ་བསྟབ༔ ཕཊ་ཕཊ་ཕཊ༔ ཕྲག་དོག་ལས་བྱུང་ནད་གདོན་བགེགས༔ ཤ་ཁྲག་གཏོར་མ་དང་བཅས་པ༔ འབུམ་ཁྲག་མཁའ་འགྲོའི་ཞལ་དུ་བསྟབ༔ བྱ་གྲུབ་ཡེ་ཤེས་དངོས་གྲུབ་སྩོལ༔ ཕཊ་ཕཊ་ཕཊ༔ ལས་ཉོན་སྡིག་སྒྲིབ་བག་ཆགས་དང་༔ ཆངས་བུ་ཤ་དུམ་དང་བཅས་པ༔ སྣང་སྲིད་ལྷ་འདྲེའི་ཞལ་དུ་བསྟབ༔ ལྷག་མ་མེད་པར་ཧབ་ཐོབ་རོལ༔ ཕཊ་ཕཊ་ཕཊ༔ ནད་རྣམས་ལྷ་འདྲེའི་དབྱིངས་སུ་བསྡུ༔ ལྷ་འདྲེ་འབུམ་ཕྲག་མཁའ་འགྲོར་བསྡུ༔ མཁའ་འགྲོ་དབྱིངས་ཀྱི་རྗེ་མོར་བསྡུ༔ འཁོར་འདས་བྱ་གྲུབ་ཡེ་ཤེས་སུ༔ ཡེ་གྲོལ་ཆེན་པོར་འབྱམས་ཀླས་སོ༔ ཕཊ་ཕཊ་ཕཊ༔ ཕཊ༔ མ་ཤར་ལྷོ་རབ་འཇིགས་དུར་ཁྲོད་ནས༔ འཇིག་རྟེན་མཁའ་འགྲོ་དྲག་ཤུལ་མ༔ ནམ་མཁའི་ཀློང་ནས་སྐུར་བཞེངས་ལ༔ ཐུགས་རྗེ་ཐབས་ཀྱིས་འདིར་གཤེགས་ཤིག༔ སྤྲུལ་པ་མཁའ་འགྲོའི་རོལ་གར་བསྒྱུར༔ ཡང་སྤྲུལ་ལྷ་འདྲེའི་འཕྲུལ་ངོམས་ལ༔ མཆོད་སྦྱིན་བཞེས་ལ་བར་ཆད་སོལ༔ ཕཊ་ཕཊ་ཕཊ༔ བསྲུང་བྱའི་ལས་དང་རྐྱེན་དབང་གིས༔ མི་འདོད་སྡུག་བསྔལ་ཉེར་འཚེ་དང་༔ རྩིབ་གཡས་ལུས་གདོན་དབྱེར་མེད་པ༔ འཇིག་རྟེན་མཁའ་འགྲོའི་ཞལ་དུ་བསྟབ༔ ཕཊ་ཕཊ་ཕཊ༔ ལས་ཉོན་ལས་བྱུང་ནད་གདོན་བགེགས༔ ཤ་ཁྲག་གཏོར་མ་དང་བཅས་པ༔ འབུམ་ཕྲག་མཁའ་འགྲོའི་ཞལ་དུ་བསྟབ༔ མཆོག་དང་ཐུན་མོང་དངོས་གྲུབ་སྩོལ༔ ཕཊ་ཕཊ་ཕཊ༔ ལས་ཉོན་སྡིག་སྒྲིབ་བག་ཆགས་དང་༔ ཆངས་བུ་ཤ་དུམ་དང་བཅས་པ༔ སྣང་སྲིད་ལྷ་འདྲེའི་ཞལ་དུ་བསྟབ༔ ལྷག་མ་མེད་པར་ཧབ་ཐོབ་རོལ༔ ཕཊ་ཕཊ་ཕཊ༔ ནད་རྣམས་ལྷ་འདྲེའི་དབྱིངས་སུ་བསྡུ༔ ལྷ་འདྲེ་འབུམ་ཕྲག་མཁའ་འགྲོར་བསྡུ༔ མཁའ་འགྲོ་དབྱིངས་ཀྱི་རྗེ་མོར་བསྡུ༔ འཁོར་འདས་ཆོས་ཉིད་ཆེན་པོར་ཞིག༔ ཕཊ་ཕཊ་ཕཊ༔ ཕཊ༔ མ་ལྷོ་ནུབ་རབ་འཇིགས་དུར་ཁྲོད་ནས༔ དམ་ཚིག་མཁའ་འགྲོ་ཡོན་ཏན་མཚོ༔ མི་གཡོའི་ཀློང་ནས་སྐུར་བཞེངས་ལ༔ ཐུགས་རྗེ་ཐབས་ཀྱིས་འདིར་གཤེགས