Tibetan
ཅད་དབང་དུ་འདུ་བའི་ཕྲིན་ལས་མཛོད་ཅིག༔ ཅེས་སྤེལ་ཚིག་དང་༔ དྲག་པོ་ལ༔ དགྲ་བགེགས་སརྦ་ཤ་ཏྲུཾ་མཱ་ར་ཡ་ཀུ་རུ་ཡེ་སྭཱ་ཧཱ༔ ཞེས་ཤམ་བུ་དང་༔ ཉི་མ་ཕྱོགས་བཞི་མཚམས་བརྒྱད་སྟེང་འོག་བར་གསུམ་ནས་གནོད་བྱེད་དགྲ་བགེགས་གདུག་པ་ཅན་སྡང་སེམས་དང་ལྡན་པ་ཐམས་ཅད་རྗེས་ཤུལ་ལྷག་མེད་དུ་བརླག་པའི་ཕྲིན་ལས་མཛོད་ཅིག༔ ཅེས་སྤེལ་ཚིག་བཏགས་པས་འབུལ་ཞིང་༔ དེ་ནས་ཡུངས་དཀར་ཐབ་ཏུ་གཏོར་ཏེ༔ དྲང་སྲོང་ཆེན་པོ་འཁོར་དང་བཅས་པས་བསྲེག་རྫས་ལྷའི་ཞལ་དུ་སྟོབ་པ་དང་༔ མེ་ཉིད་ཡེ་ཤེས་ཀྱི་མེར་བྱིན་གྱིས་བརླབས་ཏེ༔ སོགས་གོང་བཞིན་ཁ་བསྒྱུར་རོ༔ ཞེས་གསོལ་ལ་བླུག་གཟར གྱིས་མར་ཁུ་ཕུལ་ཏེ༔ ཨོཾ་བཛྲ་ཛྭ་ལ་རཾ༔ མེ་ལྷ་འབར་བའི་རྣམ་པར་གྱུར་པར་བསམ་མོ༔ དེ་ནས་རྟེན་དང་བརྟེན་པ་ཡི༔ དཀྱིལ་འཁོར་ལྷ་ཚོགས་བསྒོམ་པ་ནི༔ ཕཊ༔ འདི་ལྟར་སྣང་བའི་སྣོད་བཅུད་ཀུན༔ ཧོྃ།༔ སྒྱུ་མའི་འཁྲུལ་འཁོར་བསྒྱུར་བ་ལྟར༔ དོན་གྱི་འོག་མིན་ཞིང་ཁམས་སུ༔ ལྷུན་གྲུབ་བཀོད་པ་རབ་རྫོགས་པའི༔ གཞལ་ཡས་ཁང་དབུས་མེ་དཔུང་ཀློང་༔ པདྨ་ཉི་ཟླའི་གདན་སྟེང་དུ༔ ལས་བཞི་ལྷུན་གྲུབ་ལྟར་དུ་ནི༔ ཧཱུྃ་ཡིག་མཐིང་ནག་ལས་བཞི་རང་རང་གི་ཁ་དོག་བསྒྱུར་བ་ཞལ་ཤེས་སོ། མེ་འབར་ལས༔ འོད་འཕྲོས་རྒྱལ་བ་མཆོད་པས་མཉེས༔ ཁམས་གསུམ་སེམས་ཅན་སྒྲིབ་པ་སྦྱངས༔ འཁོར་འདས་ཡོངས་ཀྱི་གཟི་བྱིན་དང་༔ ནུས་སྟོབས་སྲོག་གི་སྙིང་པོར་བཅས༔ ཚུར་འདུས་ཧཱུྃ་ལ་བཅུད་དུ་དྲིལ༔ ཧཱུྃ་ལས་སྐད་ཅིག་དྲན་རྫོགས་སུ༔ དུས་གསུམ་རྒྱལ་བ་བསྐྱེད་པའི་ཡུམ༔ ཤེས་རབ་དབྱིངས་ཆེན་ཁྲོས་མ་མཐིང་༔ སོགས་རང་གཞུང་གི་ལྷ་བསྐྱེད༔ སྤྱན་འདྲེན་བཞུགས་གསོལ༔ ཕྱག་འཚལ༔ མཆོད་པ༔ བསྟོད་པ་ཡན་ལས་བྱང་གི་དཀྱུས་བཞིན་བྱས་ནས་དགང་བླུགས་འབུལ་བ་ནི༔ དཀྱིལ་འཁོར་གྱི་ལྷ་རྣམས་ཅུང་ཟད་འཛུམ་པའི་ལྗགས་དང་གཟར་བུ་གཉིས་ཀྱི་ཁ་ལ་རཾ་ཡིག་གིས་མཚན་པར་གྱུར༔ སོགས་སྔར་དང་འདྲ་བ་ལས༔ རྩ་སྔགས་བདུན་གྱིས་བཀང་ནས༔ ཨོཾ་ཨགྣ་ཡེ་དཱེ་བྱ་དཱེ་བྱ་སོགས་ཀྱིས་ཕུལ་ནས༔ ཡེ་ཤེས་ཀྱི་མཁའ་འགྲོ་ཁྲོས་མ་ནག་མོའི་དཀྱིལ་འཁོར་གྱི་ལྷ་ཚོགས་ཁྱེད་རྣམས་ཀྱི་ཞལ་དུ་ཞལ་ཟས་བསྲེགས་བླུགས ཀྱི་མཆོད་པ་དམ་པ་འདི་བཞེས་ལ་བདག་ཅག་སྒྲུབ་པ་པོའི་ནད་གདོན་འགལ་རྐྱེན་བར་ཆད་མི་མཐུན་པའི་ཕྱོགས་ངན་པ་ཐམས་ཅད་ཞི་བའི་ཕྲིན་ལས་མཛོད་ཅིག༔ ཅེས་སྤེལ་ཚིག་དང་བཅས་ལན་གསུམ་དུ་འབུལ༔ བསྲེག་རྫས་གཞན་རྣམས༔ ཡམ་ཤིང་ལ༔ ཨོཾ་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་ཧཱུྃ་ཕཊ༔ ཨོཾ་བོ་ངྷི་བྷྲྀཀྵ་ཡེ་སྭཱ་ཧཱ༔ ཤམ་བུར་ཞི་བ་ལ༔ ནད་གདོན་སྡིག་སྒྲིབ་བག་ཆགས་ཐམས་ཅད་ཤཱནྟི་ཀུ་རུ ཡེ་སྭཱ་ཧཱ༔ བཅུ་རེ་སྤེལ་ཚིག་དང་བཅས་འབུལ༔ དེ་བཞིན་དུ་མར་ཁུ་ནས་ཤིང་ཏོག་གི་བར་རྫས་སྔགས་སྤེལ་ཚིག་དང་བཅས་པ་གོང་ལྟར་བྱ༔ མཐར་རྩ་བའི་སྔགས་དང་ཡིག་བརྒྱ་སྤེལ་བས་ཡུངས་དཀར་ཕུལ་ལ་ཕྲིན་ལས་བཅོལ་བ་སྔར་ལྟར་བྱ༔ དེ་ནས་སླར་གཤེགས་སྐྱེམས་ནི༔ དཀྱིལ་འཁོར་གྱི་ལྷ་རྣམས་ཅུང་ཟད་འཛུམ་པའི་ལྗགས་དང་གཟར་བུ་གཉིས་ཀྱི་ཁ་སོགས་ནས༔ ཕྲིན་ལས་མཛོད་ཅིག༔གི་བར་སྔར་བཞིན་ཚར་གསུམ་གྱིས་དགང་བླུགས་ཕུལ་ནས༔ གཏོར་མ་བསང་སྦྱངས་བྱིན་གྱིས་བརླབ༔ ཨོཾ་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་ཨེ་དཾ་བ་ལིངྟ་ཁཱ་ཧི༔ ཉེར་གཅིག་གམ་བདུན་གྱིས་ཕུལ་ལ༔ ཧཱུྃ༔ སྐུ་གསུམ་ཡེ་ཤེས་མཁའ་འགྲོའི་ཚོགས༔ ཡོངས་འདུས་བདག་ཉིད་ཁྲོས་མའི་སྐུ༔ ཡེ་ཤེས་རང་རྩལ་མཁའ་འགྲོ་ལྔ༔ འབུམ་ཕྲག་མཁའ་འགྲོའི་ཚོགས་དང་བཅས༔ མཆོད་སྦྱིན་གཏོར་མ་འདི་བཞེས་ལ༔ སོགས་ཀྱིས་ཕྲིན་ལས་བཅོལ༔ གཏང་རག་གི་ གྷྃ།༔ མཆོད་བསྟོད་ནི༔ ཨོཾ་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་ས་པ་རི་ཝཱ་ར་ཨརྒྷཾ་སོགས་ནས་ཕྱི་ནང་གསང་མཆོད་རྣམས་ཕུལ་ཏེ་མཆོད༔ ཧོཿ གདོད་ནས་གཞི་དབྱིངས་ཆོས་སྐུ་ཡུམ༔ ལྷུན་གྲུབ་རོལ་པ་ཡུམ་ཆེན་ལྔ༔ ཐུགས་རྗེའི་རང་རྩལ་མཁའ་འགྲོའི་དལ༔ ཡོངས་གྲུབ་ཆེན་པོར་ཕྱག་འཚལ་བསྟོད༔ ཅེས་བསྟོད༔ མ་འབྱོར་མ་རྙེད་མ་ཚང་སོགས༔ འགལ་འཁྲུལ་ནོངས་པ་ཅི་མཆིས་པ༔ ཡེ་ཤེས་མཁའ་འགྲོའི་ཚོགས་ལ་བཤགས༔ མི་སྒྲིབ་ཚངས་པའི་དངོས་གྲུབ་སྩོལ༔ ཅེས་ཡི་གེ་བརྒྱ་པ་བརྗོད༔ དེ་ནས་གཤེགས་སུ་གསོལ་བ་ནི༔ ཨོཾ༔ ཡེ་ཤེས་མཁའ འགྲོ་དབྱིངས་སུ་དེངས༔ དམ་ཚིག་མཁའ་འགྲོ་རང་ལ་བསྡུ༔ སླར་ཡང་ཕྲིན་ལས་སྒྲུབ་པའི་ཕྱིར༔ འགྲོ་བའི་དོན་ལ་སྐུར་བཞེངས་ཤིག༔ བཛྲ་མུཿ སླར་ཡང་མེ་ལྷ་སྔར་བཞིན ཡོངས་སུ་རྫོགས་པར་གསལ་ལ༔ ཡམ་ཤིང་ནས་ཤིང་ཏོག་གི་བར་གྱི་བསྲེག་རྫས་རྣམས་གསུམ་རེ་སོགས་སྔར་བཞིན་ཕུལ༔ གཏོར་མ་ཨ་ཀཱ་རོས་བྱིན་གྱིས་བརླབ༔ ཨོཾ་ཨགྣེ་དེ་ཝ་ས་པ་རི་ཝཱ་ར་ཨེ་དཾ་བ་ལིངྟ་ཁཱ་ཧི༔ ལན་གསུམ་གྱིས་ཕུལ་ནས༔ ཧཱུྃ༔ འབར་བ་མེ་རུ་བརྫུ་བྱེད་ཅིང་༔ ལོག་རྟོག་བསྲེག་ཅིང་རོལ་པའི་ལྷ༔ དྲང་སྲོང་རྒྱལ་པོ་འཁོར་བཅས་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ མེ་ལྷའི་རྒྱལ་པོ་འཁོར་དང་བཅས༔ མཆོད་སྦྱིན་གཏོར་མ་འདི་བཞེས་ལ༔ སོགས་ཀྱིས་ཕྲིན་ལས་བཅོལ༔ མ་འབྱོར་པ་དང་སོགས་ཀྱིས་བཤགས་པ་བྱ༔ དེ་ནས་གཤེགས་སུ་གསོལ་བ་ནི༔ ཧཱུྃ༔ བཟི་བརྗིད་འབར་བ་མེ་ཡི་ལྷ༔ རང་བཞིན་གནས་སུ་གཤེགས་སུ་གསོལ༔ ཕྲིན་ལས་མེ་ལྕེ་རབ་འབར་བས༔ སྦྱིན་སྲེག་ཟ་བའི་གདོན་གཞོམ་གྱུར༔ བཛྲ་མུཿ སརྦ་ལོ་ཀ་ག_UNK༔ དེ་ནས་དགེ་བ་བསྔོ་ཞིང་ཤིས་པ་བརྗོད་པ་སོགས་རང་གཞུང་ལྟར་རོ༔ དེ་ལྟར་བསྲེགས་བླུགས་བྱས་པ་ཡིས༔ བསྐྱེད་རིམ་གནད་དང་ལྡན་གྱུར་ན༔ རྣམ་བཞིའི་ལས་ཀུན་ཐོགས་མེད་འགྲུབ༔ ས་མ་ཡ༔ ༔ ཞེས་པ་འདིའང་རང་སློབ་དམ་པ་མཁྱེན་རབ་རྒྱ་མཚོས་ནན་དུ་བསྐུལ་ངོར་རིག་འཛིན་བདུད་འཇོམས་རྡོ་རྗེས་དག་སྣང་ཁ་བསྐང་དང་བཅས་པ་ཁྲིགས་སུ་བསྡེབས་ནས་སྤེལ་བ་ཡོངས་སུ་དགེ་བར་གྱུར་ཅིག །དགེའོ །སརྦ་མངྒ་ལཾ།། །། T1610 - 556 ༄༅། །ཨོཾ་སྭསྟི། སྤྲུལ་པའི་གཏེར་ཆེན་བདུད་འཇོམས་གླིང་པའི་དགོངས་གཏེར་ནམ་མཁའ་མཛོད་ཀྱི་ཆོས་སྡེ་ལས། གླེགས་བམ་༼ཐེ༽ པ་འདིར། དབུ་ཤོག་ལྡེབ་གཅིག་གིས་ཐོག་དྲངས་ཏེ། མཁའ་འགྲོ་ཁྲོས་མའི་སྐོར་གྱི་སྟོད་ཆ་ལ། ཆོས་ཉིད་ནམ་མཁའི་ཀློང་མཛོད་ཀྱི་ཁ་བྱང་གྲུལ་བུམ་ཕྲུ་གུའི་རྒྱང་གླུ་ལྡེབ་གསང་ཆེན་ཉམས་བྱུང་གི ཞལ་གདམས་གསལ་བའི་ཨ་དཪྴ་ལྡེབ ༡༨ མཁའ་འགྲོ་འདུས་པའི་དབང་ཆོག་རྒྱས་པ་ཆོས་ཉིད་སྤྲིན་ཕུང་ལྡེབ ༡༡ རྩ་དབང་ཆོས་ཉིད་སྤྲིན་ཕུང་ལྡེབ་b རྣལ་འབྱོར་རལ་པའི་ཅོད་པན་གྱི་དབང་བསྐུར་ཡེ་ཤེས་ཀློང་མཛོད་ལྡེབ ༥ གཟའ་རྒོད་སྲོག་གི་སྤུ་གྲིའི་སྲོག་དབང་ལྡེབ ༥ དབང་སྡུད་ཟིལ་གནོན་པདྨ་རྒྱས་པའི་ཆུན་འཕྱང་ལྡེབ་༥ དབང་སྡུད་ཟིལ་གནོན་སེང་གེའི་ང་རོ་ལྡེབ་༥ དབང་སྡུད་ཟིལ་གནོན་ཁྲོས་མའི་གད་རྒྱངས་ལྡེབ་༡ པདྨ་བདུད་འདུལ་གྱི་གསོལ་འདེབས་དགོངས་པའི་གནད་བསྐུལ་ལྡེབ་༡ བརྒྱུད་འདེབས་མུ་ཏིག་ཕྲེང་མཛེས་ལྡེབ་༡ སྐྱེས་ཕྲེང་གསོལ་འདེབས་ལྡེབ ༡ བླ་མའི་ཐུགས་རྒྱུད་བསྐུལ་བ་སྒོ་གསུམ་རྡོ་རྗེའི་གྲོང་འཕོ་ལྡེབ་༈ མཁའ་འགྲོའི་གསོལ་འདེབས་དབང་བཞིའི་ཆུ་རྒྱུ་ན་ ལྡེབ་༤ ཚོགས་བསགས་ཡན་ལག་བདུན་པ་ལྡེབ ༡ ཁྲོས་མ་ནག་མོའི་རྩ་སྒྲུབ་ཟླ་བའི་འོད་ཕྲེང་ལྡེབ ༢༧ སྒྲུབ་ཐབས་འབྲིང་པོ་ཡེ་ཤེས་ཉི་མ་ལྡེབ་ཡང་གསང་གི་སྒྲུབ་པ རྡོ་རྗེའི་སྙིང་པོ་ལྡེབ་༈ མཁའ་འགྲོ་འདུས་པའི་ཚོགས་བསྐང་བསྡུས་པ་ལྡེབ ༈ བསྐང་བ་རིན་ཆེན་ཕྲེང་མཛེས་ལྡེབ་༥ བསྐང་བསྡུས་ཆོས་ཉིད་སྤྲིན་ཕུང་ལྡེབ ༈ གནས་དང་ཡུལ་གྱི་བསྐང་བ་ལྡེབ་༡ རྣལ་འབྱོར་ཕོ་མོར་འགྱེད་པ་ལྡེབ ༡ ཚོགས་གླུ་དུས་ཀྱི་ཕུན་སུམ་སོགས་ལྡེབ ༡ གཏེར་སྲུང་སྲོག་བདག་རྣམ་བཞིའི་གསོལ་མཆོད་ཕྲིན་ལས་བཞིའི་ལྷུན་གྲུབ་ལྡེབ་༤ གསོལ་མཆོད་བསྡུས་པ་འདོད་དོན་ལྷུན་གྲུབ་ལྡེབ འདི་དཔེར་མི་སྣང་། བཀའ་སྲུང་སྡེ་ལྔའི་བསྐང་གསོལ་བསྡུས་པ་ལྡེབ་༡ གཟའ་མཆོག་ཆེན་པོའི་རྩ་སྒྲུབ་སྲོག་རྩ་དམར་ལེན་ལྡེབ་༤ དེའི་འབོད་བསྐུལ་ལྡེབ ༡ བསྟན་སྲུང་སྤྱིའི་བསྐང་གསོལ་དཔག་བསམ་རྒྱས་པ་ལྡེབ་༢ བཤགས་པའི་རྒྱལ་པོ་ཡེ་ཤེས་འོད་ཟེར་ལྡེབ་༥ ཉམས་ཆག་སྐོང་བའི་ལུང་བྱང་ལྡེབ་༢ རྩ་གསུམ་ཚོགས་བསྐང་བསྡུས་པ་དངོས་གྲུབ་ཆར་འབེབས་ལྡེབ ༡ ལྷ་འདྲེར་ཚིག་ལོག་འདྲིལ་བ་ལྡེབ ༣ མགྲོན་འབོད་བྱ་བ་སྡེ་ཚན་གཉིས་ལ་ལྡེབ ༢ ༄༅། །དག་སྣང་དམར་འགྱེད་ལྡེབ ༈ དམར་འགྱེད་བར་ཆད་ཀུན་སེལ་ལྡེབ་༢ ནག་འགྱེད་སྒྲིབ་པ་ཀུན་སེལ་ལྡེབ་༈ ཚོགས་བསགས་དངོས་གྲུབ་ཆར་འབེབས་ལྡེབ་༡ ལུས་གདོན་མཁའ་འགྲོའི་ཞལ་བསྟབ་ལྡེབ་༨ ཆངས་བུ་ཤ་དུམ་བསྔོ་ཐབས་ལྡེབ་༤ དུར་གཅོད་རྡོ་རྗེའི་ཁོང་གསེང་གི་ལམ་བཟང་ལྡེབ་༥ དུར་གཅོད་དངོས་གྲུབ་བང་མཛོད་ལྡེབ ྋ དེའི་ལྷག་མའི་བརྡ་དོན་བསྒྱུར་བ་ཤ་རུས་ཀླད་དང་སོགས་ལྡེབ་འདི་དཔེར་མི་སྣང་། དུར་གཅོད་ཟབ་མོའི་ཆ་ལག་ལྡེབ་༤ མཁའ་འགྲོའི་འབུམ་བསྐུལ་རྡོ་རྗེའི་ཐོག་མདའ་ལྡེབ་༧ འབུམ་བསྐུལ་བསྡུས་པ་རྡོ་རྗེའི་འཁྲུལ་འཁོར་ལྡེབ ༤ གཟའ་བདུད་རྒྱལ་པོའི་དྲག་བསྐུལ་སྤུ་གྲིའི་འཁོར་ལོ་ལྡེབ་༈ མཁའ་འགྲོ་འདུས་པའི་གཟུ་དཔང་ལྡེབ་༡ སྲི་འདུལ་རྡོ་རྗེའི་ཐོ་ལུམ་ལྡེབ ༢0 གཤིན་གདོན་འདུལ་བ་རྡོ་རྗེའི་གོ་ཆ་གཏེར་སྲས་པདྨ་འགྲོ་འདུལ་གྱིས་ཕབ་པ་ལྡེབ་༨ ཚེ་འདས་རྗེས་འཛིན་གནས་ལུང་ཁྲུས་ལུང་ལྡེབ་༡༠ གཤིན་པོ་རྗེས་འཛིན་ཐར་པའི་ཐེམ་སྐས་ལྡེབ་༨ གནས་སྦྱོང་ཕན་བདེའི་དཔལ་སྟེར་ལྡེབ ༤ དང་། འདུལ་དཀར་ཐུགས་རྗེའི་ཆུ་རྒྱུན་ལྡེབ ༨ སྣང་སྲིད་མེ་ཞགས གཅོད་པ་ལྡེབ་༈ ཡང་སྣང་སྲིད་མེ་ཞགས་གཅོད་པ་བསྡུས་པ་ལྡེབ བཅས་གཏེར་སྲས་པདྨ་འགྲོ་འདུལ་གྱིས་ཕབ་པ མཁའ་འགྲོའི་མེ་གཏད་ཟབ་མོ་ལྡེབ་༤ སྒོ་དབྱེ་ཡེ་ཤེས་གསལ་བའི་སྒོ་འབྱེད་ལྡེབ ༡ ཆར་འབེབས་དངོས་གྲུབ་ཆུ་གཏེར་ལྡེབ་༈ ཆར་འབེབས་འཁོར་ལོ་འདོད་འབྱུང་ནོར་བུ་ལྡེབ་༡ ཀླུ་གཏོར་བདུད་རྩི་རྒྱ་མཚོ་ལྡེབ ༈ སྲོག་འཁོར་དངོས་གྲུབ་ཆར་འབེབས་ལྡེབ ༈ མེ་མཆོད་ཕྲིན་ལས་ལྷུན་གྲུབ་ལྡེབ་༈ ལས་བཞིའི་སྲེག་བླུགས་ཕྲིན་ལས་ལྷུན་གྲུབ་ལྡེབ ༦ བཅས། པོད་འདིར་ཆོས་ཚན་དྲུག་ཅུ་རེ་གསུམ་ལ་ལྡེབ་༢༧༧ དང་། གླེགས་བམ་གྱི་དཀར་ཆག་རང་ཉིད་ལྡེབ་༢ བཅས་བསྡོམས་ལྡེབ་གྲངས་༢༧༩ བཞུགས། ༈ གྲུབ་པའི་འཁོར་སྒྱུར་བདུད་འཇོམས་གླིང་པ་ཡི། །ཟབ་གཏེར་གསང་བའི་ཆོས་མཛོད་ཡིད་བཞིན་ནོར། །ཀུན་བཟང་མིང་གིས་སྤར་དུ་བཏབ་སྤེལ་དགེས། །ཟབ་ཆོས་ཕྲིན་ལས་མི་ནུབ་རྟག་ཁྱབ་ཤོག ། ༈ པདྨའི་རིང་ལུགས་སྔ་འགྱུར་རྫོགས་པ་ཆེ། །ངེས་དོན་སྙིང་པོའི་ཤིང་རྟ་བདུད་འཇོམས་གླིང་། །གང་གི་ཟབ་གཏེར་བསྟན་པ་སྲིད་མཐའི་བར། །མི་ནུབ་བཤད་དང་སྒྲུབ་པས་འཛིན་གྱུར་ཅིག།དགེའོ། །།