Tibetan
THE COLLECTED TREASURE -TEXT OF BDUD - JOMS - GLING -PA VOLUME - 10 2017 T1610 - 002 ༄༅། །སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་གསང་བའི་ཆོས་སྡེའི་གླེགས་བམ་བཅུ་པ་བཞུགས་སོ།། TH1610 - 003 T1610 - 004 TI1610 - 005 བདུད་འཇོམས་ཁྲོས་མ་ཕ༔ ཨེཿ གནས་རང་སྣང་དོན་གྱི་འོག་མིན་ན༔ ལྷ་རང་རིག་ཡེ་ཤེས་བླ་མ་རྗེ༔ ཕ་མཚོ་སྐྱེས་རྡོ་རྗེར་མི་ཕྱེད་འདུད༔ བདག་བརྒྱུད་འཛིན་རྗེས་སུ་བཟུང་བར་གསོལ༔ སྤྲེལ་རྒྱ་མཚོའི་ཁ་རུ་བབས་པའི་ལོ༔ སྟེང་ནམ་མཁའ་ལྡིང་གི་བསིལ་ཁྱིམ་དུ༔ ཤར་རི་བོང་འཛིན་པ་ཆ་སྙོམས་ནུབ༔ གཉིད་འོད་གསལ་འདྲེས་པའི་ཀློང་བརྡལ་ཡན༔ གནས་བདེ་ཆེན་ཚངས་པའི་སྒོ་མཐོང་མོད༔ ཕྱི་འབྱུང་བ་ནམ་མཁའ་དྭངས་མའི་ཆ༔ གཞི་འོད་གསལ་ཀློང་བརྡོལ་གྱི་ནམ་མཁའ་མཐོང་༔ དེ་ཁྱབ་གདལ་མཐའ་གྲོལ་ཆེན་པོར་སངས༔ དུས་ཡུན་ཅིག་རྩལ T11610 - 006 སྤྲོ ཕ༔ སྣང་གཞི་རུ་འཕོས༔ སླར་ཆོས་ཉིད་སྤྲིན་ཕུང་གཡོ་བའི་གདངས༔ ཡུལ་ཡངས་པ་ཆེན་པོའི་སྐྱེད་ཚལ་དུ༔ ཉམས་དགའ་བའི་ཆུ་སྐྱེས་སྣ་ཚོགས་བཞད༔ འོད་འཇའ་ཚོན་འདྲེས་པའི་ཀློང་ཡངས་བརྡལ༔ སྤང་གུར་གུམ་སྨན་གྱི་མྱུ་གུ་ལྡུག༔ ས་འཕར་ལྡེག་ནེམ་སྤར་འཇམ་ལ་སྙོམས༔ ཆུ་ཡན་ལག་བརྒྱད་ལྡན་མཚོ་མོར་འཁྱིལ༔ ཤིང་དཔག་བསམ་ལྗོན་པའི་འདོད་ཡོན་འཇོ༔ བྱ་སྐད་སྙན་མ་ངེས་ཆོས་སྒྲ་སྒྲོགས༔ ཕྱོགས་ཐམས་ཅད་རབ་ཡངས་ཞིང་གིས་བསྐོར༔ དེར་དཔའ་བོ་མཁའ་འགྲོས་རྣམ་འགྱུར་ངོམས༔ ངོ་མ་ཤེས་ཡུན་ཅིག་T11610 - 007 བདུད་འཇོམས་ཁྲོས་མ་གཏོལ་མེད་ལུས༔ སྟེང་ནམ་མཁའ་ཡངས་པའི་ད་ལ་ན༔ གདན་ཉི་ཟླ་པདྨ་བརྩེགས་པའི་སྟེང་༔ ཁོང་གྲུབ་བརྒྱའི་གཙུག་རྒྱན་ས་ར་ཧ༔ སྐུ་ཆེ་ཆུང་བོང་ཚད་གཉིས་ཙམ་སྣང་༔ ཕྱག་གཡས་ན་རལ་གྲི་མེ་འབར་བསྣམས༔ གཡོན་ཆོས་ཀྱི་ཕྱག་རྒྱ་བདག་ལ་བསྟན༔ ཆས་རྣལ་འབྱོར་རུས་རྒྱན་རོལ་སྟབས་བཞུགས༔ ཞལ་འཛུམ་པའི་མདངས་ཀྱིས་བདག་ལ་གཟིགས༔ འོ་འོད་གསལ་ཆེན་པོའི་རྣལ་འབྱོར་པ༔ སྐྱེས་མཆོག་རྡོ་རྗེ་གྲོ་བོ་ལོད༔ ཁྱོད་སྐྱེ་ཕྲེང་བརྒྱ་ཡི་ཐོག་མ་རུ༔ ང་དང་མི་འབྲལ་གྲོགས་དེ་ཀ༔ མ་འོངས་སངས་རྒྱས་མོས་པའི་ཞལ༔ དཔལ་གྱི་སེང་གེ T11610 - 008 སྤྲོ ༈༔ ནམ་མཁའི་སྙིང་༔ རྨ་བན་རིན་ཆེན་ལྡན་མ་རྩེ༔ ཡེ་ཤེས་དབྱངས་དང་བུདྡྷ་ཤྲཱི༔ ཆོས་རྒྱལ་ཁྲི་སྲོང་མུ་རུམ་བཙན༔ དངོས་སྤྲུལ་ཆོས་འདིའི་བདག་པོར་མཆིས༔ ཞེས་ཟེར་ཕྱག་མཐིལ་བརྡ་ཡི་རིས༔ བཀོད་དེ་བདག་གི་སྙིང་གར་བསྟིམ༔ སླར་ཡང་མཁའ་ལ་སྡིགས་མཛུབ་གཏད༔ ཧཱུྃ་ཧཱུྃ༔ ལྟ་བ་ཁྱབ་གདལ་ཕྱོགས་ལྷུང་མེད༔ ངོས་བཟུང་བྲལ་བ་ནམ་མཁའི་ངང་༔ སྒོམ་པ་རྩོལ་བསྒྱུར་བློས་བཞག མེད༔ ཁ་གཏིང་བྲལ་བ་རྒྱ་མཚོའི་ངང་༔ སྤྱོད་པ་བླང་དོར་རྩོལ་སྒྲུབ་མེད༔ ཡེ་བབས་ཤུགས་བརྟན་རི་རབ་ངང་༔ བློ་ཡིས་བཅོས་བརྟན་ཕཊ T11610 - 009 ཀྱིས་བཤིག༔ གནས་མེད་འགག་མེད་འགྲོ་འོང་མེད༔ མཉམ་པ་ཉིད་དུ་སྙོམས་པར་གྲོལ༔ ཅེས་གསུངས་བདག་ལ་ཐིམ་པའི་མོད༔ མཁའ་འགྲོ་ལས་ཀྱི་དབང་མོ་ཆེས༔ ཐིག་ལེ་ཁ་དོག་ལྔ་ལྡན་པ༔ བདག་གི་སྙིང་གར་བསྟིམས་ནས་སུ༔ ཨ་ཨེ་མ་ཡེངས་ང་ལ་ཉོན༔ ཡེ་ཤེས་ལྷ་མོ་རསྨི་མའི༔ ཐུགས་སྤྲུལ་ནི་གུ་བདེ་ལྡན་དེ༔ ལུག་སྤྲེལ་འཛང་མའི་པང་དུ་འབྱུང་༔ རྟེན་འབྲེལ་ཤེས་རབ་ཐབས་འབྲེལ་མཚོན༔ ལེགས་པའི་རྟེན་འབྲེལ་ཐམས་ཅད་འཛོམས༔ ཆོས་ཀྱིས་ས་སྟེང་ཁྱབ་པ་འབྱུང་༔ འགྲོགས་པས་ཚེ་ཡི་བར་ཆད་སེལ༔ མདོ་ཁམས་ས་ཡི་ཆ་འདི་ལ༔ ཟོག་པོས་འུད་སྐད་ལྷང་ལྷང་སྒྲོགས༔ ངུར་མོ་བཀྲེས་ཀྱང་རྡོ་མི་ཟ༔ བྱ་རོག་མུག་ཀྱང་རྩྭས་མི་འཚོ༔ སྡིག་ཅན་སྡིག་པས་འཚང་མི་རྒྱ༔ རྩེ་མང་རྭ་ཡི་སྒང་རྒྱུད་ན༔ རེ་འབྱམས་ཁོག་པ་སྲིན་གྱིས་ཁེངས༔ སྲིན་བུར་ཉི་མཐོང་གཟའ་ཡིས་གནག༔ སེང་ཆུང་གངས་རྩེར་སླེབ་ཙམ་ནས༔ འོད་དང་འཕྲད་པས་ཁ་དོག་སྔོ༔ ནེ་ཙོས་སྙན་པའི་སྒྲ་ཡང་སྒྲོགས༔ འབུ་སྲིན་སྙན་འགུགས་མགུལ་དུ་བྲུབ༔ ཁྱོད་ཀྱི་སེམས་ལ་འཆོང་དང་གསལ༔ འདི་ནས་མི་ལོ་ལྔ་ཚུན་ཆད༔ ཁྱོད་ཀྱི་བསྟན་པའི་སྲོག་ཤིང་དུ༔ སྔགས་ཀྱི་རྣལ་འབྱོར་ ཕ༔ ལྕང་ལོ་ཅན༔ འབྱུང་སྟེ་བི་མའི་སྤྲུལ་པར་ངེས༔ བསྟན་པའི་རྒྱལ་མཚན་འཛུག་པར་གདའ༔ ང་ཡི་བསྟན་པའི་ཐིག་ལེ་ལྔ༔ རྩོལ་བས་མི་རྩོལ་ངང་གྲོལ་གནད༔ ཉམས་སུ་ལེན་པའི་སྐལ་ལྡན་གྲོལ༔ སངས་རྒྱས་ཉག་གཅིག་དགོངས་པ་ཡིན༔ མ་གཤིན་ཀླུ་བཙན་གཟའ་ཡིས་སྲུངས༔ གསུངས་མ་ཐག་ཏུ་གཏེར་སྲུང་ལྔས༔ སྲོག་ཕུལ་བྲན་དུ་ཁས་ཀྱང་བླངས༔ མནའ་བོར་དམ་བཅས་ཕམ་ཕབ་ཞུས༔ དེ་ནས་དེ་ཡང་བདག་ལ་ཐིམ༔ སྒྱུ་མའི་འཁྲུལ་འཁོར་ཞིག་པ་བཞིན༔ འཁོར་གསུམ་དམིགས་མེད་དབྱིངས་སུ་སད༔ ས་མ་ཡ༔ ཞེས་པ་འདི་ཡང་དྲེད་པོ་བདུད་འཇོམས་རྡོ་རྗེའི་འཁྲུལ་པའི་སྣང་ཉམས་ཡི་གེའི་རིས་སུ་བྲིས་ཏེ་དག་པར་ཕབ་པའི་ཡི་གེའི་རིས་བྱེད་ཨོ་རྒྱན་ཆེན་པོས་དབང་བསྐུར་བྱིན་གྱིས་བརླབས་པའི་ཀླུ་རྒྱལ་བྱང་ཆུབ་ས་དབང་གི་སྤྲུལ་པ་པདྨ་བཀྲ་ཤིས་སོ། །དགེའོ།། །།བཀྲཤིས་དཔལ་གྱིས་འཛམ་གླིང་ཡོངས་ཁྱབ་ཤོག ། Tl1610 - 012 ཆོས་ཉིད་ནམ་མཁའི་ཀློང་མཛོད་ལས༔ གསང་ཆེན་ཉམས་བྱུང་གི་ཞལ་གདམས་གསལ་བའི་ཨ་དཪྴ་བཞུགས་སོ༈ TI1610 - 013 བདུད་འཇོམས་ཁྲོས་མ་ཨྃ ཨེ སྟེང་ནམ་མཁའ་ལྡིང་གི་བསིལ་ཁྱིམ་དུཿ ཁྱི་དོམ་བུས་ལྕེ་མགོ་རྐྱོང་བའི་ནུབ༈ གཉིད་འོད་གསལ་འདྲེས་པའི་སྣང་ཆ་ལ། ཡུལ་ངོས་བཟུང་བྲལ་བའི་སྐྱེད་ཐང་དུ༔ ཁྱིམ་ཆེན་པོ་རེ་བའི་གནས་ཁང་དུ དཔལ་འབྱོར་པ་ཕུན་སུམ་ཚོགས་པ་ཡི། ན་རྒན་གཞོན་མ་དང་བུ་མོའི་ཚུལ། ཡུལ་དེ་རུ་ས་འཛིན་ཨེ་ཀ་མ། ཕྱུགས་སྒོ་ནོར་དཔག་མེད་སྒྲོག་ཏུ་བཅིངས། དྲོད་འཇམ་བསིལ་མཉམ་པའི་ཉི་གཞོན་ཤར༈ ཉམས་བདེ་སྐྱིད་དྲི་བསུང་ཆུ་སྐྱེས་བཞད༈ ཡིད་རབ་འཕྲོག་བུང་བས་གླུ་སྙན་ལེན༈ མི་བདག་གི་སྣང་བ་གཏད་མེད་T11610 - 014 ༦ཨྃ༔ ངང་༈ དེར་ཡུན་ཅིག་ཉམས་ཀྱིས་མྱོས་པའི་མཐར། ཡིད་དགའ་གདུང་ཆེན་པོས་གླུ་འདི་བླངས། ཡཿ ཡུལ་མཐའ་དབུས་བྲལ་བ་ཆོས་དབྱིངས་ཐང་། ཐང་འདི་རུ་ཉམས་བྱུང་གེ་སར་བཞད༈ ཀློང་ཕྱོགས་མཐའ་ཡས་པ་ཀ་དག་མཁན། དབྱིངས་འདི་རུ་འོད་གསལ་ཉི་གཞོན་ཤར། རྩལ་རང་གྲོལ་བུང་བས་གླུ་དབྱངས་ལེན། ཉམས་རྟོགས་པའི་རང་གཟུགས་མ་བུའི་ཚུལ། གདངས་འགགས་མེད་རྒྱན་དང་ལོངས་སྤྱོད་ཆེ༈ ང་རྣལ་འབྱོར་སྣང་སྟོང་ཡུལ་མེད་ཡུལ། ངའི་དགོངས་སྤྱོད་རང་ལས་སུ་ཡིས་མཐོང་༈ ང་ཆོས་ཉིད་རང་TI1610 - 015 མལ་འཁོད་པས་བདེ༈ གཞན་ལས་ཅན་འགའ་ལས་སུ་ལ་སྟོན། ཁྱོད་ཡུལ་འཛིན་ཤེས་རབ་གཞོན་ནུ་མ༈ མ་མཁའ་འགྲོ་ཡིན་ན་མངོན་ཤེས་ཀྱིས༈ གླུ་སྙན་པའི་ངག་གིས་ལོངས་དང་སྨྲས། རྒྱན་མཛེས་པའི་ལང་ཚོས་རབ་འཁྱུད་པའི། གྲོགས་གཞོན་ནུ་མ་དེའི་ཞལ་ན་རེ། ཀྱེེ་སྐྱེས་མཆོག་བདུད་འཇོམས་རྡོ་རྗེ་ཁྱོད༈ ངེད་མ་བུའི་ཡིན་ལུགས་མ་ཤེས་ན༈ ངའི་མ་ནི་ཀུན་ཏུ་བཟང་མོ་ཡིན། ང་ནི་བདེ་ཆེན་རྒྱལ་མོ་ཡིན། ངེད་མ་བུའི་གནས་ཁང་ལོངས་སྤྱོད་ནི། གཏན་དུ་མི་ཟད་གཏེར་ཆེན་ཡིན། ཕྱུགས་འདི་དག་ལམ་དུ་བཅིངས་པ་ཡིན༈ མི་ཁྱོད་ལ་མཁོ་ན་གཏད་ཀྱིས་ལོངས ཞེས་ཟེར་ལན་དུ་ངས་སྨྲས་པ། ཀྱེེ་ཉོན་དང་ཨ་ལྕམ་བཞིན་ལེགས་མ༔ ང་གནས་འདིར་སྡོད་པའི་ལོངས་མེད་ཀྱི༈ ལས་གསུམ་སྒྲུབ་མཐའ་མ་ཟད་ཡོད༈ དེ་ཟད་མཐར་གནས་འདིར་འོངས་ཏེ་སྡོད། མ་མཁའ་འགྲོས་ལུང་ཡང་སྟོན་ལ་རེ། ཞེས་སྨྲས་པའི་ལན་དུ་འདི་སྐད་ཟེར༈ ངའི་སྤྲུལ་པ་མཚན་ཉིད་དང་ལྡན་པའི༈ ཚེ་འཛིན་པ་ཆུ་སྐྱེས་མདངས་ལྡན་སྦྱིན ཁྱོད་རྟེན་འབྲེལ་ལོག་པའི་ལས་དབང་གིས། ཁྱིའི་མཇུག་མར་ང་དང་བསྡེབ་དགོས་ཡོད༈ དེའི་རྟེན་འབྲེལ་ད་ལྟ་ཡོལ་ནས་ཐལ༈ ངའི་སྤྲུལ ཨོཾ པ་ང་དང་མི་གཞན་པའི། ཡུལ་བདེ་འདེབས་གྲོགས་སུ་མི་བསྟེན་ན།༈ རྟ་ཅང་ཤེས་ཆུ་ལ་རོལ་པའི་ཆེ༈ གནས་འདི་རུ་ཐོགས་མེད་གཏན་སྲིད་འཛིན། ཁྱོད་ཕ་ཡི་གཅེས་ནོར་མ་སྟོར་བར༈ མ་འགྲོ་ལ་དགེ་ལེགས་འཇིགས་སྐྱོབས་སྤེལ། བྱང་ཤར་མཚམས་ནས་འབྲུག་སྒྲ་གྲགས། ལྕགས་ཕུར་ཐོགས་མེད་རི་བོ་འབྱུང་༈ ལྕགས་ཕུར་འབར་བའི་ཆར་པ་འབེབས༈ ཤར་ཕྱོགས་ཐམས་ཅད་འོད་ཀྱིས་འགེངས།༈ བྱང་ནས་བྱ་རྒྱལ་ཚངས་པ་འབྱུང་༈ གངས་རི་ཆེན་པོའི་མདངས་ཡང་ཕྱུང་༈ ནུབ་བྱང་མཚམས་ནས་ཉི་མ་འཆར། རྫ་རི་སྨུག་པོའི་ཁ་དོག་སྤར། ལྷོ་ནས་གླག་མོས་གཤོག་རྩལ་འདྲེན༈ གླག་སྐད་ཀྱིས་ས་གསུམ་འགེང་ཡང་སྲིད།༈ ནུབ་ནས་ངང་ཁྱུ་མཚོ་རུ་འོང་༈ སྤང་མེ་ཏོག་གི་ཁྲོད་དུ་གཤོག་རྩེད་བྱེད༈ རྗེ་པཎ་གྲུབ་ཤ་སྟག་མ་ལགས་སམ༔ སྔོན་པཎ་གྲུབ་རྗེ་འབངས་ཞལ་འཛོམ་དུས༈ སྨོན་ལམ་གྱི་འབྲས་བུ་དེ་མཐུས་བྱུང་༈ གཏེར་ཆོས་ཀྱི་བསྟན་པས་ཕྱོགས་ཀུན་ཁྱབ༈ གདུལ་བྱ་ཤར་གྱི་ཕྱོགས་ན་ཡོད༈ བསྟན་པ་ལྷོ་ཡི་ཕྱོགས་སུ་གནས། འདྲེན་སྟོབས་ནུབ་ཀྱི་ཕྱོགས་སུ་ཆེ༈ བུ་སློབ་བྱང་དུ་དགེ་ལེགས་འབྱུང་༈ སྔོན་དཔལ་གྱི་སེང་གེའི་ སྨོན་ལམ་མཐུས། རྒྱ་མཚོའི་མིང་ཅན་ཞབས་ཏོག་སྒྲུབ༈ རྩེ་མང་སྨོན་ལམ་མཐུ་བཙན་པས། མངྒའི་མིང་འཛིན་ཆོས་ཀྱི་མིག༈ ཅོག་རོའི་སྨོན་ལམ་མཐུ་བཙན་པས༔ མེ་ཏོག་མིང་གིས་བསྟན་མདངས་ཕྱུང་༈ ཛྙཱ་ན་ཀུ་མཱའི་སྨོན་ལམ་མཐུས༈ བཛྲ་བྷ་དྲས་དོན་གཉིས་འགྲུབ༈ སོག་པོ་ལྷ་དཔལ་སྨོན་ལམ་མཐུས། རྒྱན་གྱི་མིང་མཐས་གདུལ་བྱ་སྐྱོང་༈ བི་མ་མི་དྲའི་སྨོན་ལམ་མཐུས༈ འདི་ནས་མི་ལོ་བཞི་ཚུན་ལ། རྣལ་འབྱོར་ཆས་ལྡན་འབྱུང་འགྱུར་ངེས༔ དཔལ་དབྱངས་སྤྲུལ་པ་ཤར་ནས་འབྱུང་༈ ནམ་མཁའི་སྙིང་དང་བདུད་འཇོམས དང་༈ ལང་གྲོ་བཻ་རོ་དཔལ་རྡོ་རྗེ༈ དེ་དག་ཁྱོད་ལ་འཁོར་དུ་གདའ༈ སེམས་དཔའ་སྒྲིབ་པ་རྣམ་སེལ་གྱི༈ དངོས་སྤྲུལ་ངྷརྨ་བཛྲ་སྟེ༔ སེམས་དཔའ་ས་ཡི་སྙིང་པོ་ཡི༈ སྤྲུལ་པ་རྒྱལ་མཚན་མིང་མཐའ་ཅན། སེམས་དཔའ་ནམ་མཁའི་སྙིང་པོ་ཡི༈ སྤྲུལ་པ་རང་གྲོལ་མིང་གི་མཐའ། རིག་འཛིན་གུ་རུ་མདྒ་ཡི༈ སྤྲུལ་པ་པུཎྱེའི་མིང་ཅན་ཉིད༈ གཞན་ཡང་ཁྱོད་ཀྱི་འཁོར་སློབ་ལ༔ པདྨའི་སྤྱན་སྔར་མ་འཁོད་པའི༈ ཕལ་གྱི་སེམས་ཅན་ཡོད་མ་ཡིན༈ གླང་བུ་ས་བོའི་མི་རིགས་འབྱུང་༈ གདོང་ལ་རྨེ་ནག་ཤར་བ་དེ། ཨ་བྷ་དམ་སྲིས་ཁྲག་ཏུ་T11610 - 018 ཨོཾ༔ རོལ༈ སྲུང་མ་དམར་ནག་དྲག་ཏུ་ཁྲོ༈ ལྟས་ངན་ན་ཚ་ལྟད་མོར་འགྱེད། རིང་ན་སྲོག་ལ་ཧུར་ཐུམ་འབྱུང་། གདུང་བརྒྱུད་རྒྱལ་པོ་མུ་རུམ་བཙནཿ ཆོས་རྒྱལ་ཁྲི་སྲོང་ལྡེའུ་བཙན་དང་༈ མ་འོངས་རྒྱལ་བ་མཆོག་དབྱངས་དང་༈ རྒྱལ་བའི་བློ་གྲོས་རྣམ་གཉིས་འབྱུང་༈ ཁ་བ་ཅན་ལ་མངའ་དབང་བསྒྱུར༈ བསྟན་པ་མི་ནུབ་སྲོག་ཤིང་འཛུགས ལོ་ནི་བཅུ་ལས་མ་འགྱང་བར༈ ཆོས་འདི་གཏན་ལ་མྱུར་དུ་ཕོབ༈ མཐུན་རྐྱེན་ཚོགས་པའི་དུས་ཚིགས་ཀྱིས༈ པདྨ་འབྱུང་གནས་ཐུགས་ཀྱི་སྲས༈ ཆོས་ཀྱི་བདག་པོའི་རང་སྐལ་དུ། རྒྱ་མཚོའི་མིང་གིས་གྲོ་ལོད་དང་། གནོད་སྦྱིན་དམར་ནག་གཟའ་བདུད་བསྟེན། མངྒའི་མིང་ཅན་ཕུར་པ་དང་༈ ཁྲོས་མ་གནོད་སྦྱིན་དམར་ནག་བསྒྲུབ༈ པདྨའི་མིང་གིས་ཡང་ཁྲོས་དང་། གྲོ་ལོད་གཟའ་བདུད་ཆེན་པོ་བསྟེན༈ སྒྲུབ་གནས་བྲག་དཀར་སྤྲེའུ་རྫོང་༈ བཛྲ་བྷ་དྲས་ཁྲོས་མ་དང་༈ བླ་མ་རིག་འཛིན་ཕྱག་རྡོར་བསྒྲུབ༈ གནོད་སྦྱིན་གཟའ བདུད་མ་མོ་བསྟེན༈ སྒྲུབ་གནས་ངེས་མེད་ཀུན་ཏུ་བདེ༈ རྒྱན་གྱི་མིང་ཅན་ཁྲོས་མ་དང་༔ ཆེ་མཆོག་བདུད་འཇོམས་རྡོ་རྗེ་བསྒྲུབ༈ གཟའ་དང་རྡོ་རྗེ་ལེགས་པ་བཀོལ༈ སྒྲུབ་གནས་ རྨ་རྒྱལ་སྤོམ་རར་ལེགས༈ མི་ལོ་བཅུ་ཡིས་གྲུབ་པ་ཐོབ༈ ཆོས་ཀྱི་རྡོ་རྗེས་ཁྲོས་མ་དང་༈ དྲག་པོ་བདུད་འཇོམས་རྡོ་རྗེ་བསྒྲུབ༈ གནོད་སྦྱིན་གཟའ་བཙན་བྲན་དུ་བཀོལ༈ སྒྲུབ་གནས་རྫ་རི་སྨུག་པོ་སྟེ༈ མི་ལོ་བདུན་ནས་གྲུབ་རྟགས་འབྱུང་༈ པུཎྱེའི་མིང་ཅན་ཁྲོས་མ་དང་༔ འཇམ་དཔལ་གསང་བ་འདུས་པ་བསྒྲུབ༈ ཞིང་སྐྱོང་ཀུན་དགའ་གཟའ་བདུད་བསྟེན། ཨེ་ཡི་མིང་གིས་ཁྲོས་མ་དང་༈ ཕུར་པ་གཟའ་བཙན་ཤན་དམར་བསྒྲུབ༈ སྒྲུབ་གནས་ཤར་གྱི་ཕྱོགས་སུ་གདའ།༈ འདུལ་གྱི་མིང་འཛིན་ཁྲོས་མ་དང་༈ རྡོ་རྗེ་ཕུར་བསྒྲུབ་གནོད་སྦྱིན བསྟེན༈ གཟའ་བདུད་ནག་པོ་བྲན་དུ་བཀོལ། རྞྞཧྱ།ཐ༔ དེ་ལྟར་ཆོས་བདག་སྐྱེས་མཆོག་རྣམས༔ པདྨ་འབྱུང་གནས་ཕོ་ཉ་ཡིན།༈ སྨོན་ལམ་དག་པའི་སྟོབས་བསྐྱེད་ནས༔ སྙིང་པོ་ལྷུར་ལེན་གནད་དུ་བསྣུན༈ ཆོས་ཀྱི་བསྟན་པ་མི་ནུབ་ཕྱིར༈ བསྟན་དང་འགྲོ་བའི་དོན་ལ་བརྩོན། ཟབ་ཆོས་བསྒྲུབ་པས་འགྲོ་དོན་འབྱུང་༈ མ་དང་མཁའ་འགྲོའི་ཞལ་ཆེམས་ཡིན༈ དེ་ལྟར་ཆོས་བདག་སྐྱེས་བུ་ཡིས༈ སྒྲུབ་པ་ལྷུར་ལེན་མི་བྱེད་ན། ཚེ་ལ་བར་ཆད་འབྱུང་རྐྱེན་འགྱུར། ཧེ་ཧེ༔ ཤར་མ་བདུད་རྒྱལ་མོ་དམ་སྲིས་ཞོན། གནས་འདོད་ཁམས་ ཨོཾ མི་བདེའི་ལ་ཡོག་འབྱུང་༈ ལྷ་བདུད་འཇོམས་དྲག་པོས་མ་ཐུལ་ན༈ མཚོ་སྔོན་པོའི་རླངས་པ་གནམ་ལ་ཕྱུར། སོག་སེར་གྱི་སེར་བ་དྲག་ཏུ་བབས། ཡུལ་ནག་པོའི་འབྲུ་ལ་རྒོལ་ངན་བྱེད༈ ཡུལ་སྡེ་བཞིའི་སྲོག་ཤིང་ཡང་ཁྲོས་ཡིན།༈ དབུས་མཁའ་ལྡིང་གི་གཤོག་པ་རང་ལ་བསྡུ། ཤར་རོང་ཆེན་གྱི་སྲོག་ཤིང་ཁྲོས་མ་ཡིན། བདུད་མུ་སྟེགས་ནག་པོའི་མགོ་བོ་འགེམ། རྦ་ནག་པོའི་སྲོག་ཤིང་གཤིན་རྗེ་ཡིན། བདུད་མི་སྲུན་ནག་པོའི་སྲོག་ལ་ཧུར༈ སོག་ཆེན་པོའི་སྲོག་ཤིང་གྲོ་ལོད་ཡིན༈ དགྲ་འབྱུང་པོ་སྤུན་དགུའི་སྲོག་རྩ་གཅོད༔ རྡོ་ཆེན་པོའི་སྲོག་ཤིང་ཕྱག་རྡོར་ཡིན། དགྲ་དམ་སྲི་འགོང་པོའི་སྲོག་སྙིང་འདྲེན༈ གསེར་ཡུལ་གྱི་སྲོག་ཤིང་ཕུར་པ་ཡིན༈ བདུད་འགོང་པོ་སྡེ་དགུའི་སྲོག་རྩ་གཅོད༔ སྒ་ཡུལ་གྱི་སྲོག་ཤིང་དབང་ཕྱུག་ཡིན། དགྲ་ཟ་བྱེད་ནག་པོའི་མགོ་ཡང་ཆོམ༈ ཡུལ་རྒྱ་རོང་གི་སྲོག་ཤིང་བཀའ་བརྒྱད་ཡིན༈ དགྲ་དུག་མཚོའི་རླངས་པ་ཐབས་ཀྱིས་གཅོད༈ ཧོར་ཆེན་པོའི་སྲོག་ཤིང་འཇིགས་བྱེད་ཡིན༈ དགྲ་བདུད་སྡེ་མ་ལུས་གྲུམ་ཆིངས་བྱེད༈ བོད་དབུས་གཙང་གི་སྲོག་ཤིང་རྣམ་རྒྱལ་ཡིན༈ བདུད་འཐབ་བྱེད་ནག་པོའི་མགོ་བོ་འགེམ༔ ཡུལ་སྤུ་རུང་གི་སྲོག་ཤིང་སེང་གདོང་ཡིན༈ རྒྱ་ནག་པོའི་སྲོག་ཤིང་གསང་འདུས་ཡིན༈ རང་སྲོག་ཤིང་རང་ཡུལ་དར་བ་ན༈ ཡུལ་དེ་རུ་བདེ་སྐྱིད་ཉི་མ་འཆར༈ སྲོག་ཤིང་གཞན་དུ་དར་བ་ན། སྲོག་གཞན་གྱིས་འཕྲོག་པས་གཞན་ཡུལ་བདེ༈ ཡུལ་ཀུན་གྱི་སྲོག་བཅུད་ཐུགས་སྒྲུབ་གསུམ༈ འདི་སྐྱེ་འགྲོའི་བདེ་སྐྱིད་ཉི་ཞལ་ཡིན༈ དགོངས་གཏེར་གསུམ་དང་ས་ཡི་གཏེར༈ འདི་ཚང་བར་སུ་ཡིས་འཛིན་པ་ཡི༈ གནས་དེ་རུ་བཀྲ་ཤིས་དགེ་ལེགས་འཕེལ༈ དེར་དགྲ་དང་བགེགས་ཀྱི་གནོད་མི་འབྱུང་༈ ཁྱོད་དེ་ལྟར་གང་ལ་གང་འདུལ་གྱི༈ ཆོས་ཟབ་མོས་སྐྱེ་འགྲོ་བདེ་ལ་སྦྱོར༈ སྐྱེས་མཆོག་ཁྱོད་ཀྱི་བུ་སློབ་ཀུན༈ ཚེ་འདི་ནས་ཡང་དག་ལམ་སྣ་ཟིན༈ སྤྱིར་འགྲོ་བ་ཡོངས་ཀྱི་མགོན་དུ་འགྱུར༈ སྒོས་བསྟན་པ་འདི་ཡི་སྲོག་ཤིང་འཛུགས། རྐྱེན་བར་ཆད་ཀུན་ལས་ངེས་གྲོལ་ལོ༈ ཆོས་ཟབ་མོ་མཁའ་འགྲོའི་སྙིང་ཐིག་འདི༈ དུས་ལྔ་བརྒྱའི་སྙིགས་མ་འདིར་དགོངས་ནས༔ ཕ་མཚོ་སྐྱེས་རྡོ་རྗེའི་གཅེས་ནོར་ཡིན༈ དེ་ཆུད་མི་ཟ་བར་གཏན་ལ་ཕོབ༈ འདིའི་གདུལ་བྱ་དུས་ལ་བབས་པའི་ཚུལ༈ སྔོན་མཐའ་འདུལ་ཡང་འདུལ་རྟེན་འོག་ཏུ༈ བདུད་མི་སྲུན་དམ་སྲི་ཐམས་ཅད་མནན།༈ ཕྱིས་ ཨྃ༔ བདུད་བློན་མི་སྲུན་སྨོན་ལོག་པས། བདུད་དམ་སྲིའི་གཟུགས་མནན་ཕྱུང་བ་ཡིན།༈ དེ་ས་སྟེང་ཐོན་པས་གནོད་འཚེ་སྤེལ། ལམ་སྟོབས་དང་ལྡན་པའི་རྫུ་ལ ཞུགས། མཚོན་ཆེན་པོའི་འཁྲུལ་འཁོར་ལས་ཀ་འགྱེད༈ མ་ནག་མོའི་ཐུགས་རྒྱུད་འཁྲུགས་པ་ཡིས། ནད་མི་བཟོད་སྣ་ཚོགས་སྟོན་མོར་འགྱེད། སྤྱིར་སྐྱེ་འགྲོའི་ཤེས་རྒྱུད་བརླབས་པ ཡིས རྫུན་གཡོ་སྒྱུས་ཉེ་རིང་མེད་པར་བསླུ༈ དུས་རིམ་བཞིན་འགྱུར་དང་ལྡོག་པ་ནི༈ དབུས་དགའ་ལྡན་གསེར་གྱི་ཉི་མའི་མདངས། ལྕགས་རྣོ་མཉན་ཁྲག་རོལ་རླངས་པས བསྒྲིབས། དེ་གནམ་ལྕགས་ཐོགས་མེད་ཕུར་པས་འགེངས༈ མ་སྤྱན་གཅིག་ཐུགས་སུ་ཆུབ་པ་འབྱུང་༈ ཁམས་པདྨ་རཱ་གའི་ཁ་དོག་དེ༔ གསེར་མདངས་ལྡན་ཉི་མའི་མདངས་སུ་བསྒྱུར། མཐའི་ཧ་ལ་རེག་ཕུང་ནག་པོ་ཡིས། དབུས་བདུད་རྩི་སྨན་མཆོག་སྟོབས་ཀྱིས་བསྒྱུར༈ ཁམས་ཚོ་རུ་ཆུད་པའི་རྒྱལ་ཁམས་ཀུན༈ བདུད་དམོད་ངན་ལྟ་ལོག་སྡེ་ལྔའི་དམངས། དབུས་གཙང་རི་ཐང་ལྷ་ཡར་བཞུད་ཀྱིས༈ ལྷ་པད་འབྱུང་བསྟན་ལ་མེལ་རྩེའི་དུས། བོད་དབུས་གཙང་ཀུན་ལ་ཉི་གཞོན་འཆར༈ སྔོན་བྱིན་རླབས་སྒྲུབ་གནས་བཅུད་ཀྱིས བརྒྱན༈ སྔགས་རྡོ་རྗེ་ཐེག་པའི་ནམ་ཡང་ལངས༔ རྗེ་འགྲོ་འདུལ་རྒྱལ་པོའི་མྱུ་གུ་འཁྲུངས༔ ཁམས་བདེ་ཆེན་མར་ལ་འོ་མཚོའི་འདམ། གཡུ་ཆེན་པོའི་རྫོང་ལ་དགོན་གནས འདེབས༔ གསེར་རྟ་ཐང་དབྱར་གྱི་གནས་གཞི་འཛུག༈ ཤར་ཨ་ཡི་རྒྱལ་ས་གདོང་སྨེ་ཅན༈ སྦྲ་ནག་པོའི་རལ་པ་གཅོད་ལ་ཆས༈ ཡུལ་གཉིས་ལ་ཁྲག་གི་ཆར་པ་འབེབས༈ སྦྲ་སོག་ཏུ་བསྟན་ནས་ཀླུ་ལ་སྐྱབས༈ སྦྲ་འོག་དང་ཀླུ་སྡེས་ཨ་ཡུལ་འཇོམས། དེ་རེ་བ་ནག་པོའི་ཐུམས་སུ་བསྡུ༈ མདོ་བང་ཆེན་འབངས་སུ་བསྒྱུར་བའི་ཚེ༈ ལྷ་ཕྱག་ན་རྡོ་རྗེ་རྔམས་ཁྲོས་ནས༔ གནས་ཆབ་མདོར་བདུད་འདུལ་དཔའ་བོ་འཁྲུངས༈ ཀླུ་བདུད་བསྟན་མུན་པ་ཅུང་ཟད་བཅོམ། སྨད་དུག་མཚོ་སྔོན་མོ་ཕྱུར་བའི་ཚེ༈ ཡུལ་མགོ་ལོག་ལན་ཚྭ་དེ་རུ་ཞུ༈ ཡུལ་མདོ་ཁམས་སྒང་དྲུག་ཏོག་གིས་མཛེས། ནད་རྒྱ་རིམས་ན་བུན་འཐིབ་པའི་ཚེ། བདུད་ཤ་ཏོའི་བསྟན་པས་བོད་ཁམས་འགེངས། དུས་དེང་སང་བསྐལ་པའི་སྙིགས་མ་འདིར༈ ཆོས་ལམ་དུ་འཇུག་པའི་བསྟན་འཛིན་སྡེ༈ བསྟན་གཞི་རུ་གདའ་བའི་དགོན་གནས་ཀུན།༈ དཔལ་ཨོ་རྒྱན་ཆེན་པོ་ལ་སྐྱབས་ནས། དུས་ཚེས་བཅུ་ཉེར་ལྔ་ཐམས་ཅད་དུ།༈ ཚོགས་བསྐང་ པ ཨྃ བ་གསོལ་འདེབས་དག་ལ་འབད༈ ལྷ་རྡོ་རྗེ་གཞོན་ནུ་ལ་བསྟེན་ནས། བདུད་དམ་སྲི་མནན་པར་མ་འབད་ན། མཐའི་བདུད་ནག་པཉྩའི་སྤྲུལ་པ་ནི༈ མགོ་བྱ་སྤུས་བརྒྱན་པའི་དམ་སྲི་དེས༈ ཡུལ་བུད་མེད་དག་གི་རྒྱུད་བསླད་ནས། བན་བཙུན་པ་ལྷ་སྡེའི་ཆོས་ཁྲིམས་འཇིག༈ མཐའ་ཨོ་རོས་རྫས་དང་དབང་སྡུད་ཀྱི༈ སྔགས་སྤེལ་བས་ཡུལ་མི་ཕལ་ཆེར་བསླུ༈ བདུད་མེ་རི་ནག་པོས་མདའ་འཕངས་ནས། དབུས་སྡེ་གསུམ་ཁྲག་གི་མཚོ་ལ་རོལ། ཤར་རྒྱལ་མོ་རོང་ནས་སྡོ་བུ་ཡར༈ དབུས་ལྷ་མིའི་གཙུག་གི་རྒྱན དུ་འཁུར༈ སྔར་མེད་པའི་བུམ་པ་རྟེན་དུ་བཏེགས༈ ཁྲིམས་གསར་པའི་ཞགས་པ་སྣ་བཞིར་བརྐྱངས༈ མཐར་མགུལ་རྒྱན་ལྕགས་ཀྱིས་བྱེད་དུས་མཆིས། མགོ་བྱ་སྤུས་བརྒྱན་པའི དམག་དཔུང་གིས༈ སྔར་བྱས་པའི་ལས་འབྲས་ཡར་ལ་སློང་། མི་མགོ་ཡི་མེ་ཏོག་གྲངས་སུ་གཏོང་། མཐར་གསེར་གྱི་ཉི་མའི་མདངས་ཡར་ཕྱུང་༈ མི་ཉམས་ཆུང་འགའ་ཡང་ཏོག་གིས་མཛེས། ལོ་འགའ་ལ་བདེ་སྐྱིད་ཅུང་ཟད་ཙམ༈ ལྷོ་སྤུ་བོ་རོང་གི་རྒྱལ་ཁམས་སུ༈ ལྷ་རྡོ་རྗེ་ཕུར་པའི་བསྟན་འཛུགས་ན། ཡུལ་དེ་རུ་དགེ་ལེགས་ཡ་མཚན་འབྱུང་༈ ནད་ཀླུ་ རིགས་ནག་པོ་འཇོམས་པའི་ཕྱིར༈ དཔལ་རྟ་མགྲིན་ནག་པོའི་སྒྲུབ་པ་