Tibetan
བརྩམ༔ རྗེ་རྒྱལ་པོའི་དཔལ་སྟོབས་བསྐྱེད་པའི་ཕྱིར༈ ལྷ་ཚོགས་བདག་ཡབ་ཡུམ་བསྟེན་པར་བྱ། ཡུལ་དེ་རུ་བདེ་སྐྱིད་ལྡན་པའི་ཕྱིར༈ དཔལ་རྣམ་པར་རྒྱལ་བའི་མཆོད་རྟེན་བཞེངས༔ སྟོད་རྣལ་འབྱོར་ཅན་གྱི་ཆོས་སྡེ་རུ༈ སྔགས་རྡོ་རྗེ་ཐེག་པའི་བསྟན་དར་ཕྱིར༈ ལོ་རེ་བཞིན་བསྐང་ཚོགས་ཁྲི་རེ་དང་། དཔལ་རྡོ་རྗེ་གཞོན་ནུའི་སྒྲུབ་རྒྱུན་འཛུགས༈ མ་ཁྲོས་མའི་རྣལ་འབྱོར་བརྒྱ་བྱུང་ན༈ གནས་དེ་རུ་ཆོས་འཁོར་གླིང་ཡང་གྲགས། དཔལ་ཕྱག་ན་རྡོ་རྗེ་ཨེ་མ་ཧོ།༈ ཡུལ་དེ་ལས་གཞན་གྱུར་ཉེ་བའི་སར། ལྷ་པད་དཀར་འཆང་བ་རྡོ་རྗེར་བརྫུ༈ འཁོར་ཚོམ་བུ་རབ་གྲས་ཁྱུ་ཡང་གདའ། དེ་ཡང་ཁྲོས་ནག་པོ་དང་འཕྲད་ན། འཁོར་འབྲེལ་ཐོབ་དང་བཅས་བདེ་ལ་འགོད༈ མི་དེ་ཡི་བྲང་ལ་སྨེ་བ་ཡོད༈ ཡུལ་ཀོང་པོ་རོང་གི་ས་ཆ་ན། དཔལ་གཞོན་ནུ་རྣམ་རོལ་མི་ལ་བརྫུ༈ མིང་གྲོལ་གྱིས་བརྒྱན་ཅིང་ལྟེ་སྨེ་ཅན། སྐུའི་སྨད་ཆར་སྟག་གི་རི་མོ་བཀྲ༈ དེ་ཕྱག་རྡོར་སྒྲུབ་པ་དང་འཕྲད་ན༈ ཡུལ་འགའ་ཡི་མུན་པ་སེལ་ཡང་སྲིད༈ རྗེ་བཙུན་པ་སངས་རྒྱས་རིན་ཆེན་དེ། དཔལ་སངས་རྒྱས་ཡེ་ཤེས་དངོས་ཡིན་ཕྱིར༈ ལག་མཐིལ་ ཨོཾ༔ དུ་ཕུར་བུའི་རི་མོ་ཡོད༈ དེ་ཁྲོས་མའི་སྒྲུབ་པ་དང་འཕྲད་ན ཡུལ་འགའ་ཡི་སྐྱེ་འགྲོ་བདེ་ལ་འགོད༈ ཡུལ་བདུད་སྡེ་གསུམ་གྱི་ཉེ་ས་རུ༈ ཆུ་རྦ་རླབས་གནམ་དུ་འཕྱོ་བའི་འགྲམ༈ གཡས་སེང་གེ་གནམ་ལ་བལྟས་འདྲ་དང་། གཡོན་མདུང་རྩེ་ལྟ་བུའི་རི་བོ་ཡོད༈ མདུན་རིན་ཆེན་སྤུངས་འདྲའི་རི་བོ་ལ༈ ཤིང་གཡབ་མོ་ཅན་གྱིས་བརྒྱན པ་ཡོད༈ གདན་གད་པ་བརྩེགས་པའི་ལའུ་སྟེང་༈ ལྷ་སྒྲིབ་པ་རྣམ་སེལ་རྣམ་རོལ་དཔྱིད༈ ཁོང་རིན་ཆེན་མིང་འཛིན་འགྲོ་བའི་མགོན༈ བརླ་གཡས་སུ་སྨེ་བ་ནག་པོ་དང་༈ ཕྲག་གཡོན་དུ་ཤ་མཚན་རྒྱས་པ་ཡོད༈ རྗེ་དེ་དང་བླ་མའི་སྒྲུབ་པ་འདི༔ འཕྲད་གྱུར་ན་འགྲོ་དོན་རྒྱ་ཆེར་འགྲུབ༈ གྲོང་བྲག་གསུམ་ཅན་གྱི་ཚོ་ཁམས་སུ། མིང་བསམ་གཏན་འཛིན་པའི་སྐྱེས བུ་དེ༈ ལྷ་རྣམ་ཐོས་བུ་ཡི་སྤྲུལ་པ་ཡིན༈ མཆན་གཡོན་དང་ཕྲག་གཡས་ལྦ་བ་ཡོད། དེ་གསང་བདག་སྒྲུབ་སྐོར་དང་འཕྲད་ན༈ བདུད་སྡེ་གསུམ་དབང་དུ་སྡུད་པར་བྱེད།༈ གནས་ཆུ་མདའ་རུ་འོད་ཟེར་མིང་ཅན་ཡོད༈ སྨིན་འབྲེལ་མཚམས་སུ་སྨེ་བ་དཀར་པོ་ཡོད༈ གནས་གཡང་ལུང་དུ་བློ་བཟང་མིང་ཅན་ཡོད། ཕྲག་གཡས་སུ་ཤ་མཚན་གྲུ་བཞི་ཡོད༈ ཡུལ་དཔའ་ རོང་དུ་ཤེས་རབ་མིང་ཅན་ཡོད༈ དེའི་ལྟེ་འོག་ཤ་མཚན་དམར་པོ་ཡོད༈ ཡུལ་ཀ་ནམ་དུ་བསོད་ནམས་མིང་ཅན་ཡོད༈ དེའི་དཔུང་གཡས་སྨེ་བ་ནག་པོ་ཡོད། གནས་ཆོས་སྒམ་དུ་གུ་རུའི་མིང་ཅན་ཡོད༔ དེའི་ཕྲག་གོང་སྨེ་བ་ནག་པོ་ཡོད༈ གནས་པད་ལྡེམ་དུ་པདྨའི་མིང་ཅན་ཡོད༈ དེའི་རྣ་ལྟག་གཡས་སུ་ཤ་མཚན་ཡོད། དེ་ཐམས་ཅད་པད་འབྱུང་སྤྲུལ་པ་ཡིན། ཟབ་གསང་གི་སྙིང་པོ་སྒྲུབ་ལ་དབང་། དེ་ཀུན་དང་རྟེན་འབྲེལ་མི་ལོག་པར། རང་སྐལ་པར་བསྔགས་པའི་ཆོས་ཐོབ་ན། ཡུལ་དེ་ཀུན་བདེ་སྐྱིད་དཔལ་གྱིས་མཛེས། གནས་ཡར་འབྲོག་ཏུ་དཔལ་ལྡན་མིང་ཅན་ཡོད༈ དེའི་མགོ་སྐྲ་དམར་སེར་ཁ་ཏོག་བཀྲ༈ དཔལ་དེ་ལ་རྟ་མགྲིན་ཡང་ཁྲོས་དབང་༈ གནས་འོ་ཡུག་ཏུ་རང་བྱུང་མིང་ཅན་ཡོད༈ གནས་གསུམ་དུ་སྨེ་བ་ནག་པོ་ཡོད༈ དཔལ་དེ་ལ་ཡང་ཁྲོས་ནག་པོ་དབང་༈ གནས་ཨུ་པ་ལུང་དུ་བདེ་ཆེན་མིང་༈ ལ་ཐོད་དུ་ཧ་རི་ནི་ས་ཡོད༈ དཔལ་དེ་ལ་ཁྲོས་མའི་སྒྲུབ་སྐོར་སྤྲོད༈ གནས་ཟབ་བུ་ལུང་དུ་ཀརྨའི་མིང་༈ སྙིང་དཀར་ནག་མཚམས་སུ་ཧཱུྃ་ཡིག་ཡོད༈ དཔལ་དེ་ལ་གསང་བདག་སྒྲུབ་སྐོར་སྤྲོད༈ གནས་གྲོ་བོ་ལུང་དུ་རྡོ་རྗེའི་མིང་༈ རྣ་གདོང་དུ་ཤ་མཚན་དཀར་པོ་ ལུང་ཨྃ ཡོད། དཔལ་དེ་ལ་གསང་བདག་སྒྲུབ་སྐོར་སྤྲོད༈ གནས་གཙང་རོང་དུ་མཁའ་ལྡིང་མིང་ཅན་ཡོད། རྣ་ལྟག་ཏུ་ཝ་བ་ཆུང་ངུ་ཡོད། དཔལ་དེ་ལ་ཁྲོས མའི་སྒྲུབ་སྐོར་སྤྲོད༈ འོལ་ཆོས་བཟང་དུ་ལྷུན་གྲུབ་མིང་ཅན་ཡོད། དེའི་ལྟེ་བར་སྨེ་བ་དཀར་པོ་ཡོད༈ དཔལ་དེ་ལ་ཚོགས་བདག་སྒྲུབ་སྐོར་སྤྲོད༈ གནས་ཆོས་བཟང་དུ་བསམ་འཕེལ་མིང་ཅན་ཡོད༈ དེའི་ལྟེ་སྨེ་སྙིང་གར་ཤ་མཚན་ཤར། དཔལ་དེ་ལ་བླ་མ་དྲག་པོ་སྤྲོད༈ གནས་ཆོས་འཁོར་དུ་རྩལ་གྱི་མིང་མཐའ་ཅན། དེའི་མགུལ་དུ་སྨེ་བའི་ཕྲེང་བ་ཡོད༔ དཔལ་དེ་ལ་ཁྲོས་མའི་སྒྲུབ་སྐོར་དང་༈ གསང་བདག་དང་རྟ་མགྲིན་ཕུར་པ་སྤྲོད༈ ཡུལ་ཀོང་པོ་རུ་བདེ་བའི་མིང་ཅན་ཡོད༈ དེའི་གཙུག་འཁྱིལ་དུ་སྨེ་བ་དམར་པོ་ཡོད༈ དཔལ་དེ་ལ་བླ་མ་དྲག་པོ་སྤྲོད༈ ལར་རྡོ་རྗེ་ཕག་མོའི་མཁའ་འདྲ་བའི༈ གནས་ཆེན་པོའི་ཉེ་འདབས་བདུད་སྡེ་གསུམ༈ ཆོས་ཟབ་གསང་སྙིང་པོས་འདུལ་ཞིང་སྟེ༔ དེར་བཀའ་བབས་ཀྱི་ཆོས བདག་བརྒྱ་ཕྲག་ཡོད༈ དེའི་མཚན་ཉིད་ཟབ་ཆོས་ལ་མོས་ཤིང་༈ འཕྲད་ཚེ་ཡང་རྨི་ལྟས་བཟང་པོ་འབྱུང་༈ ཡང་དབུས་ཀྱི་ར་སར་བསྟན་འཕེལ་མཚན། སྨིན་མཚམས་སུ་ལྦ་བ་ཆུང་ ངུ་ཡོད༈ གནས་རྡོ་རྗེ་བྲག་ཏུ་ཉི་མའི་མིང་༈ ལག་གཡས་སུ་རྡོ་རྗེའི་རི་མོ་ཡོད༈ གནས་དེ་རུ་ཡང་དག་མིང་ཅན་ཡོད༈ དེའི་མཇིང་པར་མེ་ལྕེའི་རི་མོ་ཡོད། གནས་སྨིན་གྲོལ་གླིང་དུ་རྡོ་རྗེའི་མཚན༈ དེའི་མཆན་འོག་སྨེ་བ་གསུམ་ཚོམ་ཤར། གནས་རྒོད་ཚང་དུ་རིན་ཆེན་རང་ཤར་ཡོད། དེའི་མགུལ་དུ་སྨེ་བ་བདུན་ཚོམ་ཡོད།༈ དེ་རྣམས་ལ་ཟབ་གསང་ཡོངས རྫོགས་སྤྲོད༈ འབྲི་གོང་དུ་རྣམ་རྒྱལ་མིང་ཅན་ཡོད༈ དེའི་ལྟེ་བར་པདྨའི་རི་མོ་བཀྲ༈ ཡར་ལུང་དུ་སྟོང་པའི་མིང་ཅན་ཡོད༈ དེའི་མགོ་བོར་ལ་ཐོད་རི་མོ་ཡོད༈ དེ་གཉིས་ལ་ཡ་མཱནྟ་ཀ་དང་༈ ལྷ་བདུད་འཇོམས་དྲག་པོའི་སྒྲུབ་སྐོར་སྤྲོད༈ ཁམས་སྡེ་དགེའི་ལུང་མདའ་འདུས་པ་རུ༈ མིང་མི་འགྱུར་གྲགས་པའི་སྐྱེས་བུ་ཡོད༈ དེའི་ལྕེ་ལ་རྡོ་རྗེའི་རི་མོ་ཡོདཿ ཡུལ་དེའི་རྗེ་ཟིལ་གནོན་རྒྱལ་པོ་ནི༈ ལུས་བོང་ཐུང་གཟུགས་མཛེས་གཟི་བརྗིད་ཆེ༈ དེའི་མཁལ་ཁུང་གཡོན་དུ་ཤ་མཚན་ཡོད། དེ་གཉིས་པོ་ལྷ་སྲས་རྣམ་གཉིས་ལགས༈ དཔལ་བདུད་འཇོམས་རྡོ་རྗེའི་སྒྲུབ་པ་དང་༈ ལྷ་ཚོགས་ཀྱི་བདག་པོའི་སྒྲུབ་སྐོར་སྤྲོད༈ གནས་ཟླ་རྒྱལ་དཔའ་བོའི་ཉེ་འདབས་སུ། མགོན་པད་འབྱུང་སྤྲུལ་པ་ཀུན་བཟང་མཚན༈ དེ་མདོག་ ཨྃ དཀར་རྒྱུད་འཇམ་དབང་པོ་རྣོ༈ ཡུལ་མུ་དྲ་ལ་སྤྱོད་རིག་པ་ཧུར༈ ཚུལ་མ་ངེས་སྤྱོད་པ་སྣ་ཚོགས་སྟོན། དཔལ་དེ་ལ་བདུད་འཇོམས་སྒྲུབ་སྐོར་སྤྲོད༈ གནས་བྲག་གཡབ་སུ་རུའི་ལུང་ཐང་དུ། མགོན་པདྨའི་སྤྲུལ་པ་སིདྡྷིའི་མཚན༈ དེའི་གསང་བར་ཐིག་ལེ་དཀར་པོ་ཤར༈ དཔལ་དེ་ལ་གནོད་སྦྱིན་དམར་ནག་སྤྲོད༈ གནས་ཙ་རིའི་ཉེ འདབས་རམ་ཐང་དུ། དཔལ་ཕྱག་རྡོར་སྤྲུལ་པ་དོན་གྱི་མིང་༈ མཐེབ་གཡས་སུ་ནོར་བུའི་རི་མོ་ཡོད༈ དཔལ་དེ་ལ་བདེ་ཆེན་ཞིང་སྒྲུབ་སྤྲོད༈ ཡུལ་གོ་འཇོ་སྦོམ་རིའི་ཉེ་འདབས་སུཿ ལྷ་འཇམ་པའི་དབྱངས་ཀྱི་རྣམ་རོལ་གར༈ དཔལ་བདེ་ལྡན་སྙིང་པོ་ཞེས་བྱ་བ༈ སྐུ་རབ་བརྗིད་མགྲིན་པར་ཆོས་དུང་འཁྱིལ།༈ དཔལ་དེ་ལ་འཇམ་དཔལ་སྒྲུབ་སྐོར་སྤྲོད། གནས་གསེར་སྨད་དབང་ཤར་བྱ་བ་རུ། མགོན་པད་འབྱུང་སྤྲུལ་པ་རྒྱལ་གྱི་མིང་༈ སྙིང་སྟོད་དུ་སྨེ་བའི་ཐིག་པ་ཤར། དཔལ་དེ་ལ་ཡང་ཁྲོས་ནག་པོ་དང་༈ ལྷ་གསང་བདག་སྒྲུབ་སྐོར་ཡོངས་རྫོགས་སྤྲོད༔ གནས་དེ་རུ་ཀིརྟིའི་མིང་ཅན་དེ༔ ཁོང་སྤྲོ་ཐུང་དབང་པོ་རྣོ་བ་དང་༈ ལས་སྒྲུབ་ལ་མོས་ཤིང་ཟིལ་གནོན་ལྡན༈ དེ་རྟ་མགྲིན་ནག་པོའི་སྤྲུལ་པ་ཡིན། ལྷ་བདུད་འཇོམས་ ཁྲོས་མའི་སྒྲུབ་སྐོར་སྤྲོད༈ རོང་དགུ་འདུས་རང་གྲོལ་མིང་མཐའ་ཅན། བོང་ཆེ་ཞིང་ཁམས་རྒྱས་དབང་སྡུད་ལྡན༈ ལྟེ་བ་རུ་སྨེ་བའི་ཐིག་པ་ཤར། དཔལ་དེ་ལ་བླ་མའི་སྒྲུབ་སྐོར་དང་༈ དོན་ཟབ་ལམ་སྙིང་པོའི་གདམས་པ་སྤྲོད༈ རོང་ལ་བར་ཡེ་ཤེས་མིང་ཅན་དེ། དཔལ་བི་མ་མི་དྲའི་སྤྲུལ་པ་ཡིན། སྙིང་དཀར་ནག་མཚམས་སུ་གྲུ་གསུམ་ཤར། དཔལ་དེ་ལ་ཕུར་པའི་སྒྲུབ་སྐོར་སྤྲོད༈ གནས་དེ་ནས་མི་རིང་ཉེ་བའི་སར༈ བྲག་དམར་པོ་ཆུ་དང་འཐབ་པའི་ཁར༈ ལྷ་གཟའ་བདུད་ནག་པོའི་སྤྲུལ་པ་ནི༈ སྔགས་སྐྱེས་བུ་དྲག་གི་མིང་ཅན་ཡོད༈ དེའི་ལྕེ་ལ་ཧོམ་ཁུང་ནག་པོ་ཤར༈ དཔལ་དེ་ལ་གནོད་སྦྱིན་སྒྲུབ་སྐོར་དང་༈ བཀའ་རྫོགས་པ་ཆེན་པོའི་གདམས་པ་སྤྲོད༈ གནས་དེ་ནས་མི་རིང་ཉེ་བའི་སར། ཐང་མི་ལྤགས་བཀྲམ་འདྲའི་ལྟེ་བ་རུ༈ མགོན་བྱ་རོག་གདོང་གི་སྤྲུལ་པ་ལས༈ སྔགས་སྐྱེས་བུ་གསང་བདག་མིང་ཅན་ཡོད༈ དེར་མི་མགོས་མཚན་པའི་སྨེ་ཕྲེང་སྤྲས༈ དཔལ་དེ་ལ་བླ་མ་དྲག་པོ་དང་༈ བཀའ་རྫོགས་པ་ཆེན་པོའི་གདམས་པ་སྤྲོད༈ གནས་དེ་ནས་མི་རིང་ཉེ་བའི་སར༈ ཆུ་ཆེན་པོ་རྦ་ཀློང་འཁྲུགས་པ་རུ༈ དཔལ་ཡང་དག་རྒྱལ་པོའི་རྣམ་རོལ་གར༈ སྔགས་སྐྱེས་བུ་པདྨ 4ཨོཾ རང་གྲོལ་མཚན༈ སྙིང་སྨེ་བའི་ཐིག་པས་བརྒྱན་པ་ཡོད༈ དཔལ་དེ་ལ་ཡ་མཱནྟ་ཀ་སྤྲོད༔ གནས་དེ་ནས་མི་རིང་ཉེ་བའི་སར། ས་དགའ་འཁྱིལ་དབྱིབས་ལྡན་ཁུག་པ་རུ། དཔལ་གཤིན་རྗེ་ནག་པོའི་རྣམ་རོལ་ལས། སྔགས་སྐྱེས་བུ་དྲག་པོའི་མིང་ཅན་དེ། གདོང་ནག་པོ་ཟུར་གསུམ་ཐུར་བསྟན་ཡོད། དཔལ་དེ་ལ་ཚེ་ཡི་སྒྲུབ་སྐོར་སྤྲོད༈ གནས་དེ་ནས་མི་རིང་ཉེ་བའི་སར། རི་སྡིག་པ་ནག་པོའི་དབྱིབས་མགོ་རུ༈ དཔལ་ཧཱུྃ་ཆེན་ཀཱ་རའི་རྣམ་རོལ་ལས༔ ཁོང་སྔགས་སྐྱེས་ཚེ་ཡི་མིང་ཅན་དེའི། རྩིབ་གཡོན་ངོས་ཤ་མཚན་མཁལ་སྨེས་བརྒྱན། དཔལ་དེ་ལ་ཁྲོས་མའི་སྒྲུབ་སྐོར་སྤྲོད༈ གནས་དེ་ནས་མི་རིང་ཉེ་བའི་སར༈ ཤིང་ནགས་ཚལ་རྒྱས་པའི་འདབ་ཞོལ་དུ༈ དཔལ་པྲ་བྷ་ཧསྟིའི་སྤྲུལ་པའི་གརཿ ཁོང་རྣལ་འབྱོར་རྡོ་རྗེའི་མིང་ཅན་དེའི། དཔུང་གཡས་པར་སྨེ་བའི་ཐིག་པ་ཤར།༈ དཔལ་དེ་ལ་གྲོ་ལོད་སྒྲུབ་སྐོར་སྤྲོད༈ གནས་དེ་རུ་གཡུ་སྒྲའི་རྣམ་འཕྲུལ་གརཿ ཁོང་སྐྱེས་མཆོག་ངག་གི་མིང་ཅན་གྱི༈ ཕྲག་གཡས་སུ་སྨེ་ཤ་ལག་མཐིལ་ཧོམ་། དཔལ་དེ་ལ་ཡང་ཁྲོས་སྒྲུབ་སྐོར་སྤྲོད༈ གནས་དེ་ནས་མི་རིང་ཉེ་བའི་སར༈ ཁོང་དགེ་བཙུན་དཀོན་མཆོག་མཚན་ཅན་གྱི༈ མཁལ་གཡས་སྟེང་སྨེ་བའི་ཐིག་པ་ཡོད༔ དཔལ་དེ་ལ་བདེ་ཆེན་ཞིང་སྒྲུབ་སྤྲོད། དེ་བེེ་རོ་ཙ་ན་ཨེ་མ་ཧོ༔ རོང་དགུ་སྟེང་ལང་གྲོའི་སྤྲུལ་པའི་གར༈ སྤྱན་དཀར་ནག་མཚམས་སུ་པདྨ་ཤར༈ དཔལ་དེ་ལ་རྡོ་རྗེ་ཕུར་པ་སྤྲོད༈ གནས་དེ་ནས་མི་རིང་ཉེ་བའི་སར། དཔལ་མཚོ་སྐྱེས་རྡོ་རྗེའི་རྣལ་འབྱོར་དཔྱིད༈ ཁོང་སྔགས་བཙུན་ཀློང་གི་མིང་འཛིན་པ༈ མགུལ་སྨེ་བ ཆེན་པོའི་ཐིག་པ་ཡོད༈ དཔལ་དེ་ལ་གསང་བ་ཡེ་ཤེས་སྤྲོད༈ གནས་དེ་ནས་མི་རིང་ཉེ་བའི་སར༈ དཔལ་རྡོ་རྗེ་ཕུར་པའི་རྣམ་རོལ་གར༈ ཁོང་རྣལ་འབྱོར་མཆོག་གི་མིང་མཐའ་ཅན། དེའི་ལྟེ་བར་སྨེ་བའི་ཐིག་པ་ཡོད༈ དཔལ་དེ་ལ་ཚེ་ཡི་སྒྲུབ་པ་སྤྲོད༈ གནས་དེ་ནས་མི་རིང་ཉེ་བའི་སར༔ དཔལ་ཕྱག་ན་རྡོ་རྗེའི་རྣམ་རོལ་གར༔ ཁོང་རྣལ་འབྱོར་ལྷ་ཡི་མིང་ཅན་དེ༔ རྣ་ལྟག་ཏུ་སྨེ་ཤ་ནག་པོ་ཡོད༈ དཔལ་དེ་ལ་རྣམ་སྲས་སྒྲུབ་སྐོར་སྤྲོད༈ རོང་མ་ཏིང་ནགས་ཀྱི་འདུས་མདོ་རུ༈ དཔལ་ཡེ་ཤེས་དབང་པོའི་རྣམ་རོལ་གར༔ ཁོང་སྔགས་བཙུན་ལྷུན་གྲུབ མིང་ཅན་ཡོད༈ དཔལ་དེ་ལ་གཟའ་ཡི་སྒྲུབ་སྐོར་དང་༈ ཆོས་ཐེག་མཆོག་སྙིང་པོའི་གདམས་པ་སྤྲོད༈ གནས་དེ་ནས་མི་རིང་ཉེ་བའི་སར༈ དཔལ་ཨ་ཙརྨ་དཔལ་དབྱངས་རྣམ་རོལ་ ཨོཾ ག ཁོང་མཁས་བཙུན་ཞི་བའི་མིང་ཅན་ཡོད། དཔལ་དེ་ལ་ཟབ་གསང་ཡོངས་རྫོགས་སྤྲོད༈ རྟགས་བྲང་ལ་སྨེ་བའི་ཐིག་པ་ཡོད༈ རོང་དཔལ་གྱི་ཐང་ཆེན་བྱ་བ་རུ༈ བཙན་སྲོག་བདུད་དམར་པོའི་སྤྲུལ་པ་ནི༈ ཁོང་སྔགས་བཙུན་རྣམ་གྱི་མིང་ཅན་དེ༈ རྟགས་སྨ་ར་དམར་དང་སྨེ་ཤ་ཡོད༈ དཔལ་དེ་ལ་ཁྲོས་མའི་སྒྲུབ་སྐོར་སྤྲོད༈ རོང་གཡུ་ཐང་ཀརྨའི་མིང་ཅན་ཡོད། རྟགས་ལྟེ་བར་སྨེ་བའི་ཐིག་ཚོམ་ཤར། དཔལ་དེ་ལ་ཟབ་ཆོས་ཡོངས་རྫོགས་སྤྲོད༈ དེ་རྨ་ཐོག་རིན་ཆེན་བཞད་པའི་ཞལ༔ རོང་མཆོད་རྟེན་སྣ་རུ་ངྷརྨ་ཏ། ཁོང་སྔགས་བཙུན་ཡེ་ཤེས་མིང་ཅན་ཡོད། སོག་ཕྲག་པར་སྨེ་བའི་ཐིག་པ་ཡོད། དཔལ་དེ་ལ་ཕུར་པའི་སྒྲུབ་སྐོར་སྤྲོད༈ རྦ་ནག་པོའི་ཡུལ་གྱི་ས་ཆ་རུ། དཔལ་ཡེ་ཤེས་དབྱངས་ཀྱི་རྣམ་རོལ་གར༔ ཁོང་སྔགས་བཙུན་བདེ་བའི་མིང་ཅན་ཡོད༈ དེའི་ལྐོག་མར་སྨེ་བའི་ཐིག་པ་ཡོད། དཔལ་དེ་ལ་ཁྲོས་མའི་སྒྲུབ་སྐོར་སྤྲོད༈ ཡུལ་དེ་རུ་དགེ་བཙུན་གསང་བདག་བཞད༈ ཁོང་ཐེག་པ་ཆེན་པོའི་ཆོས་ལ་དད༈ དཔལ་དེ་ལ་གསང་བདག་སྒྲུབ་སྐོར་དང་༈ ཆོས་ཟབ་གསང་སྙིང་པོའི་ཡང་ཐིག་སྤྲོད། དེ་བདུད་འཇོམས་རྡོ་རྗེ་ཨ་ལ་ལ༔ ཡང་ཡུལ་དེར་ལྷ་རྗེ་དབང་གི་མཚན། དེའི་ལྟག་པར་སྨེ་བའི་ཐིག་པ་ཡོད༈ ལས་མངོན་སྤྱོད་ཕྲིན་ལས་དབང་ཡང་མཛད། དཔལ་དེ་ལ་གསང་བདག་སྒྲུབ་སྐོར་སྤྲོད༈ དེ་རྨ་ཐོག་རིན་ཆེན་རོལ་པའི་དཔྱིད༈ ཡང་ཡུལ་དེར་རྡོ་རྗེ་ལེགས་པའི་གར༈ ཁོང་རྣལ་འབྱོར་རབ་ཀྱི་མིང་མཐའ་ཅན། དེའི་སྨིན་མཚམས་ཁྱུང་གི་རི་མོ་ཡོད༈ དཔལ་དེ་ལ་ཡང་ཁྲོས་ནག་པོ་སྤྲོད༔ གནས་དེ་ནས་མི་རིང་ཉེ་བའི་སར༈ ཁོང་རྣལ་འབྱོར་ངྷརྨའི་མཚན་ཅན་དེ༔ བརླ་གཡས་སུ་སྨེ་བའི་ཐིག་པ་ཡོད༈ དཔལ་དེ་ལ་གསང་བ་སྐོར་གསུམ་སྤྲོད༈ དེ་ཌོམྦུ་ཧེ་རུའི་གསང་ཆེན་སྤྱན༈ ཡུལ་དེ་ནས་མི་རིང་ཉེ་བའི་སར༈ ཁོང་སྔགས་བཙུན་བྱམས་པའི་མིང་ཅན་ཡོདཿ རྣ་གཡས་པར་པདྨའི་མཚན་པ་ཅན༈ དཔལ་དེ་ལ་ཁྲོས་མའི་སྒྲུབ་སྐོར་སྤྲོད༈ དེ་དཔལ་གྱི་རྡོ་རྗེའི་རྣམ་རོལ་གར༈ ཡུལ་ཨ་རིག་བྱ་བའི་རྒྱལ་ཁམས་སུ༔ དཔལ་ལྡན་མ་རྩེ་མང་བཞད་པའི་ཞལ། ཁོང་སྐྱེས་མཆོག་ཆོས་སྡེ་ཆེན་པོའི་དཔལ། དཔུང་བྲང་མཚམས་སྨེ་བའི་ཐིག པ་ཡོད༈ དཔལ་དེ་ལ་ཟབ་ཆོས་ཡོངས་རྫོགས་སྤྲོད༈ ཡུལ་དེ་རུ་མངའ་རིས་ཉི་མ་ཤར། དེ་དབང་པོ་སྡེ་ཡི་སྤྲུལ་པ་སྟེ༈ དཔལ་དེ་ལ་ཟབ་ཆོས་འདི་འཕྲོད་ན༈ དེས་གདུལ་བྱ་ཐེར་ ཨོཾ འབུམ་དབྱིངས་སུ་སྒྲོལ༈ ཡུལ་གསེར་སྟོད་དཔལ་སེང་སྤྲུལ་པ་ལས༈ ཁོང་བཙུན་པ་དོན་གྱི་མིང་མཐའ་ཅན། རྟགས་བྲང་ངོས་སྨེ་བའི་ཐིག་པ་ཡོད། དཔལ་དེ་ལ་ཟབ་ཆོས་ཡོངས་རྫོགས་སྤྲོད། ཡང་ཡུལ་དེར་འོ་བྲན་སྤྲུལ་པ་ལས༈ ཁོང་དགེ་བཙུན་མཆོག་གི་མིང་མཐའ་ཅན། མཆུའི་སྟེང་ངོས་སྨེ་བའི་ཐིག་པ་ཡོད༔ དཔལ་དེ་ལ་ཁྲོས་མའི་སྒྲུབ་སྐོར་སྤྲོད༈ ཡང་ཡུལ་དེར་མཚོ་རྒྱལ་སྤྲུལ་པའི་གར། ཁོང་རྣལ་འབྱོར་བཟང་པོའི་མིང་མཐའ་ཅན༈ རྟགས་སྨེ་བའི་ཐིག་པ་ལྟོ་བར་ཤར། དཔལ་དེ་ལ་ཟབ་ཆོས་ཡོངས་རྫོགས་སྤྲོད༈ ཡང་ཡུལ་དེར་དྲན་ནམ་སྤྲུལ་པ་ལས༈ ཁོང་དགེ་བཙུན་དྷརྨའི་མིང་ཅན་དེ། མིག་གཡས་གཡོན་སྨེ་བའི་ཐིག་པ་ཡོད། དཔལ་དེ་ལ་ཁྱུང་གི་སྒྲུབ་སྐོར་སྤྲོད༈ ཡང་ཡུལ་དེར་དགའ་ལོ་བཞད་པའི་ཞལ༈ ཁོང་རྣལ་འབྱོར་ཐུགས་ཀྱི་མིང་ཅན་དེའི༈ རྟགས་ལྟེ་སྨེ་སྙིང་གར་ཤ་མཚན་ཡོད༈ ཡང་གནས་དེར་མི་རིང་ཉེ་བའི་སར༈ དཔལ་ཨཱཪྻ་དེ་ཝའི་རྣམ་རོལ་གར༈ ཁོང་སྔགས་བཙུན་ཐོག་གི་མིང་ཅན་ཡོད༈ དེའི་ལུས་ལ་སྨེ་བའི་ཐིག་པ་བཀྲ༈ ཡུལ་དེ་རུ་ཁྱེའུ་ཆུང་རྣམ་རོལ་ལས༈ ཁོང་རྣལ་འབྱོར་ནོར་བུའི་མིང་མཐའ་ཅན། སྐྲ་ཐོད་དུ་གཡས་འཁྱིལ་མཚན་རྟགས་གདའ ཡང་ཡུལ་དེར་རྩལ་གྱི་མིང་མཐའ་ཅན༈ ལྷ་པད་དཀར་ཅན་གྱི་སྤྲུལ་པ་ཡིན༈ ཡང་ཡུལ་དེར་སྔགས་ཀྱི་མིང་མཐའ་ཅན།༈ མིག་འོག་ཏུ་སྨེ་བའི་ཐིག་པ་ཡོད༈ དེ་རྡོ་རྗེ་གཡུ་སྒྲོན་སྤྲུལ་པ་སྟེ། དེ་རྣམས་ལ་ཟབ་ཆོས་ཡོངས་རྫོགས་སྤྲོད། སྙིའི་ཤུགས་སྒང་དུ་སྟོབས་ཀྱི་མིང་མཐའ་ཅན།༈ རྟགས་བྲང་རྒྱབ་སྨེ་བ་སྨེ་ཤ་ཤར། དཔལ་དེ་ལ་ཟབ་ཆོས་ཡོངས་རྫོགས་སྤྲོད༈ དེ་སྲོང་བཙན་སྒམ་པོ་ཨ་ལ་ལ༈ གནས་དེ་ནས་མི་རིང་ཉེ་བའི་སར༈ མི་བོང་ཐུང་སྟོབས་ལྡན་རིག་པ་ཧུར།༈ མིག་གཉིས་ཀྱི་ནམ་མཁའི་མཐོང་ལ་གཟིགས། སྙིང་དཀར་ནག་མཚམས་སུ་སྨེ་དཀར་ཤར༔ མིང་མགོན་གྱི་མཐའ་ཅན་ཟིལ་གནོན་ལྡན། དེ་དཔལ་གྱི་རྡོ་རྗེ་བཞད་པའི་ཞལ། དཔལ་དེ་ལ་ཟབ་ཆོས་ཡོངས རྫོགས་སྤྲོད།༈ དེང་ཁྱོད་ཀྱི་འཁོར་སློབ་སྐྱེས་མཆོག་རྣམས། སྔོན་སྨོན་ལམ་ལས་ཀྱིས་འབྲེལ་བའི་མཐུས། ཡུལ་ཕྱོགས་མེད་རྒྱལ་ཁམས་འགྲིམ་ནས་སུ༔ ཟོལ་མེད་པའི་སྒྲུབ་པ་ལྷུར་ལེན་ན༈ ཟབ་ཆོས་ཀྱི་བདག་པོ་ཀུན་དང་འཕྲད༈ སྙིང་ཐིག་གི་བསྟན་པས་ས་སྟེང་ཁྱབ༈ ཡུལ་རྨ་ཡི་ར་རྒྱལ་ཆོས་སྡེ་རུ༈ ཁོང་དགེ་བཙུན་བློ་བཟང་མཚན་ཅན་དེ། སྔགས་ ཨོཾ རྡོ་རྗེ་ཐེག་པར་ཤིན་ཏུ་གདུང་༈ མཁུར་ཚོས་ལ་སྨེ་བ་སྤུ་འཛིན་བཀྲ༈ དཔལ་དེ་ལ་ཟབ་ཆོས་ཡོངས་རྫོགས་སྤྲོད༈ དེ་ཡར་ལུང་རྦ་མིའི་སྤྲུལ་པ་ལགས༈ གནས་དེ་རུ་ཆུ་ནག་ནིརྨ་ཀ༈ དཔལ་གསང་བའི་བདག་པོའི་རྣམ་རོལ་མཆོག༈ སྐུའི་སྟོད་དུ་སྨེ་བའི་ཐིག་པ་ཡོད༈ ཡང་པད་དཀར་འཆང་བའི་གར་དབང་པོ། རྗེ་རྒྱལ་བར་གྲགས་པའི་ནིརྨ་ཀ༈ དཔལ་དེ་ལ་ཟབ་ཆོས་ཡོངས་རྫོགས་སྤྲོད༈ ཡང་འཇམ་དཔལ་གཞོན་ནུའི་གར་དབང་པོ། དཔལ་རྡོ་རྗེ་འཆང་དུ་གྲགས་པ་ཡི༈ སྐྱེས་མཆོག་དེར་ནོར་བུའི་མཚན་རྟགས་ཡོད༈ དཔལ་དེ་ལ་ཟབ་ཆོས་ཡོངས་རྫོགས་སྤྲོད༈ ལྷ་རིགས་གསུམ་མགོན་པོའི་རྣམ་རོལ་གར༈ སྐུ་རྣམ་གསུམ་གྲགས་པའི་ཞིང་ཁམས་འདིར༈ སྔགས་ཐེག་པ་ཆེན་པོའི་བཀའ ཡང་བབས། དུས་འདི་རུ་རྟེན་འབྲེལ་མ་འཛོལ་ན༈ གནས་དེ་ཡི་བསྟན་པའི་མདངས་ཡང་ཕྱུང་༈ དཔལ་ཞི་བ་བཟང་པོ་བཞད་པའི་ཞལ༈ གཟུངས་མཁན་ཆེན་བསྟན་པའི་རྒྱན་དུ་ཆེ། དཔལ་དེ་ལ་ཟབ་ཆོས་ཡོངས་རྫོགས་སྤྲོད། གནས་ཆོས་སྡེ་བཟང་པོའི་ཞིང་ས་རུ༈ སྔགས་ཐེག་པ་ཆེན་པོའི་ཉི་ཞལ་དེ༈ བདུད་སྨོན་ལོག་སཔྟས་མ་བསྒྲིབ་ན༈ གནས་དེ་རུ་དགེ ལེགས་གོང་འཕེལ་འགྱུར། དེར་པད་འབྱུང་ཉིད་ལས་མི་གཞན་པའི། ཆོས་བདག་པོ་ཉེར་ལྔའི་སྐར་ཚོགས་བཀྲ༈ དུས་རྟེན་འབྲེལ་གནད་དང་མི་ལྡན་ན། གོས་ནམ་མཁའི་མདངས ཀྱི་མཚོ་ཕྱུར་ཚེ༈ སྡེ་ལན་ཚྭ་དེ་རུ་ཞུ་ཡང་སྲིད། ཡང་སྐྱེས་མཆོག་ཁྱོད་ཀྱི་བསྟན་འཛིན་དཔལ། ལྷ་མཚོ་སྐྱེས་ཉིད་དང་ཞལ་མི་གཉིས། ཟླ་སྟོད་དུ་ཚེ་ཡི་མིང་ཅན་དང་༈ ཡང་ཨ་ཡི་མིང་དང་བསོད་ནམས་མིང་༈ དཔལ་མངྒའི་མིང་དང་སྟོབས་ཀྱི་མིང་༈ ཡང་པདྨའི་མིང་དང་ལྷ་ཡི་མིང་༈ ཡང་འཇིགས་མེད་མིང་དང་དགེ་བའི་མིང་༈ དཔལ་རིག་འཛིན་མིང་དང་རང་གྲོལ་མིང་༈ དེ་རྣམས་ལ་ཟབ་ཆོས་ཡོངས་རྫོགས་སྤྲོད༈ གནས་ཀཿཐོག་ཏུ་འགྱུར་མེད་མཚན་ཅན་དང་༔ ཡང་གནས་དེར་འཇིགས་མེད་མཚན་ཅན་དང་། ཡང་ཉི་མའི་མཚན་དང་རྣམ་གསུམ་མཆིས། རུ་དམ་དུ་བདེ་བའི་མཚན་ཅན་དང་། ཨོ་རྒྱན་གྱི་མཚན་དང་དཔལ་གྱི་མཚན། རིག་འཛིན་གྱི་མཚན་དང་རྣམ་གསུམ་ཡོད། དཔལ་སྤུངས་སུ་པདྨའི་མིང་ཅན་དང་༈ རྡོ་རྗེ་ཡི་མིང་དང་ཀརྨའི་མིང་༈ དཔལ་ཡུལ་དུ་ཀུན་བཟང་མིང་ཅན་མཆིས༈ ལྷ་ཐོག་ཏུ་ཡང་དག་མིང་ཅན་དང་༈ རྒྱལ་རོང་དུ་ཡེ་ཤེས་མིང་ཅན་ཡོད༈ ཚ་རོང་དུ་ ཨྃ བསམ་འཕེལ་བྱ་བ་དང་༈ ལྷུན་གྲུབ་དང་བསོད་ནམས་དགེ་ལེགས་མིང་༈ དབང་རྒྱལ་དང་དཔལ་དབྱངས་རྣམ་རྒྱལ་ཡོད༈ འདི་དག་ལ་མི་འགྱུར་རྟགས་མཚན་མཆིས། དཔལ་ཨོ་རྒྱན་ཆེན་པོའི་རྣམ་འཕྲུལ་ལ༈ གསང་གསུམ་མི་འགྱུར་རྟགས་ཆེན་ནི། ལྟེ་སྨེ་དང་སྙིང་གར་ཤ་མཚན་ཅན། ལུས་མི་འགྱུར་རྟགས་ཀྱིས་སྤྲས་པ་གཅེས། དབྱངས་སྙན་དང་མགུར་གླུ་ལེན་མཁས་པ༈ དེ་ངག་གི་མཚན་རྟགས་མཆོག་ཏུ་གཅེས། ཏིང་འཛིན་གྱི་འཆར་