Tibetan
ཚར་བཅད་ནས་ཡུལ་མེད་སྟོང་ཉིད་ཀྱི་གཤིས་སུ་ཞིག་པར་བསམ་མོ༔ ས་མ་ཡ༔ རྒྱ་རྒྱ་རྒྱ༔ འོད་གསལ་རིག་པའི་བྲག་ནང་ནས༔ ཀློང་གསལ་རིག་པའི་བརྡ་རིས་བཏོན༔ རང་གསལ་སྒྲིབ་མེད་ངང་ནས་ཕབ༔ སྟོང་གསལ་ཟུང་འཇུག་རྣལ་འབྱོར་པ༔ རིག་འཛིན་བདུད་འཇོམས་རྡོ་རྗེ་ངས༔ རིག་པ་འཛིན་པའི་གང་ཟག་གི༔ རིག་རྩལ་བརྟུལ་ཞུགས་མཐར་ཕྱིན་ཕྱིར༔ རིག་པའི་རྡོ་རྗེའི་རྣམ་འཕྲུལ་གྱིས༔ མཐུན་རྐྱེན་ཕྱག་ནས་བྲིས་པའོ༔ བཀྲ་ཤིས།། T11610 - 514 ཨོཾ དེ་ནས་སྣང་སྲིད་མེ་ཞགས་གཅོད་པ་ནི༔ ཧཱུྃ༔ ང་ནི་ཁྲོས་མ་ནག་མོ་སྟེ༔ མཁའ་འགྲོ་སྡེ་ལྔའི་སྤྲུལ་པ་འགྱེད༔ ཡང་སྤྲུལ་འབུམ་ཕྲག་མཁའ་འགྲོ་སྟེ༔ སྐུ་ལས་མེ་རླུང་ཐུན མཚོན་འཕྲོས༔ གཟུང་འཛིན་གཉིས་ཀྱིས་བསྡུས་པ་ཡི༔ ནད་དང་གནོད་པ་རྐྱེན་བར་ཆད༔ དམིགས་མེད་སྤྲོས་བྲལ་དབྱིངས་སུ་གཅོད༔ ཀུན་འབྱུང་མ་རིག་འཁྲུལ་པའི་གདོན༔ ཡུལ་མེད་ཟང་ཐལ་ཆེན་པོར་གཅོད༔ དུག་གསུམ་ལས་བྱུང་སྲི་བགེགས་རྣམས༔ ཆོས་དབྱིངས་མཐའ་བྲལ་ངང་དུ་བསྐྲད༔ ཕཊ་ཕཊ་ཕཊ༔ ཅེས་མེ་ཞགས་གཅོད་པའི་མཁའ་འགྲོ་མ་རྣམས་ཀྱི་སྐུ་ལས་ཡེ་ཤེས་ཀྱི་མེ་ཞགས་འཕྲོས་པས་སྣང་སྲིད་འཇིག་རྟེན་གཟུང་འཛིན་གཉིས་སྣང་གི་རྟོག་པ་དང་དེར་བྱུང་ཕྱི་ནང་གསང་བའི་བར་ཆད་ཐམས་ཅད་ཟང་ཐལ་རྗེན་པ་རིག་སྟོང་སོ་མའི་གཤིས་ལུགས་མ་བཅོས་རྒྱ་ཡན་ཅོག་བཞག་ཆེན་པོའི་ངང་དུ་མཚམས་གཅོད་པར་བསམ་ཞིང་༔ ཧཱུྃ༔ ཡེ་ནས་འདུ་འབྲལ་མེད་པ་སྟེ༔ ཡེ་ཤེས་ལྔ་ཡི་དྲྭ་བ་འཁྲིགས༔ རྣམ་རྟོག་མཚན་མར་འཛིན་པའི་འདྲེ༔ དམིགས་མེད་དབྱིངས་སུ་མཚམས་བཅད་དོ༔ ཞེས་བརྗོད་པས་ཕྱི་ཡེ་ཤེས་ལྔ་ཡི་གུར་ཁང་༔ ནང་ལུས་ལྷ་ཡི་ཕྱག་རྒྱ༔ གསང་བ་རིག་སྟོང་ཡེ་ཤེས་ཀྱི་གནས་ལུགས་ཆེན་པོ་རང་ངོ་འཕྲོད་པར་བྱ་ཞིང་དམིགས་མེད་ཀྱི་ངང་དུ་འཇོག་པར་བྱའོ༔ དེས་ནི་བར་ཆད་རྐྱེན་སྣང་བཟློག༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཞེས་པ་འདི་ཉིད་སྐྱེས་མཆོག་བློ་ཆོས་ཀྱི་བཞེད་སྐོང་དུ་ཀློང་ཆེན་དགྱེས་པའི་རྡོ་རྗེས་བྲིས་པ་དགེའོ།། །། TI1610 - 516 2 20 མ ཕ༔ ཆོས་ཉིད་ནམ་མཁའི་ཀློང་མཛོད་ལས༔ མཁའ་འགྲོའི་མེ་གཏད་ཟབ་མོ་བཞུགས་སོ༔ Tl1610 - 517 བདུད་འཇོམས་ཁྲོས་མ་ཕ༔ བྱཱཟས༔ མཁའ་འགྲོའི་མེ་ཡི་གཏད་གཟེར་ལ༔ གྲུ་གསུམ་སྟེང་དུ་ཆོས་འབྱུང་ནག༔ མཐའ་མར་མེ་རི་དབུས་སུ་ཧཱུྃཿ སྟེང་དུ་དྲག་ཤིང་ཆག གང་བས༔ མེ་ཡི་ཧོམ་གཟར་གྲུ་གསུམ་བརྩིགས༔ འབྲུ་སྣ་ལིང་རོ་ཤ་ཁྲག་བསྲེས༔ སྦྱངས་སྔགས་ལན་གསུམ་ཧ་ཧོ་ཧྲཱིས༔ བསྲེག་རྫས་རྣམས་དགྲ་བགེགས་ཀྱི་ཤ་ཁྲག ལས་གྲུབ་པའི་འདོད་ཡོན་མི་ཟད་པ་རྒྱན་གྱི་འཁོར་ལོའི་རོལ་པར་གྱུར་པ་རྣམས་ཡེ་ཤེས་ཀྱི་མཁའ་འགྲོ་མ་རྣམས་ཀྱི་ཞལ་དུ་བསྟབ་པ་ཙམ་གྱིས་ཁམས་གསུམ་གྱི་སྡིག་སྒྲིབ་སྡུག་བསྔལ་ཐམས་ཅད་ཡེ་ཤེས་ལྔའི་མེ་ཧོམ་དུ་ལྷག་མ་རྗེས་ཤུལ་ཙམ་ཡང་མ་ལུས་པར་སྦྱོང་བྱེད་ཀྱི་རང་བཞིན་ཅན་དུ་T11610 - 518 2ཕ༔ གྱུར༔ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་སོགས༔ སྟོང་པའི་ངང་ལས་མདུན་དུ་དུར་ཁྲོད་རབ་འཇིགས་མེ་རླུང་འཚུབས་མའི་ཀློང་དུ་ཧཱུྃ་ཡིག་མཐིང་ནག་གནས་སུ་གྱུར་པ་ལས་པདྨ་ཉི་མ་སྡེ་བརྒྱད་གཅལ་དུ་བཀྲམ་པའི་སྟེང་དུ་མ་ཅིག་ཁྲོས་མ་ནག་མོ་ཞལ་གཅིག་ཕྱག་གཉིས་སྤྱན་གསུམ་ནམ་མཁའི་དབྱིངས་ལ་གཟིགས་པ་ཞལ་གདངས་ཤིང་མཆེ་བ་བཞི་གཙིགས་པ༔ ལྗགས་གློག་དམར་ལྟར་འདྲིལ་ཞིང་དགྲ་བགེགས་ཀྱི་ཤ་ཁྲག་རུས་པ་ཕུང་ཁམས་སྐྱེ་མཆེད་དབང་ཡུལ་སྲོག་དབུགས་ཐམས་ཅད་ཆེམ་ཆེམ་གསོལ་བ༔ དབུ་སྐྲ་དམར་སེར་སྲིད་པའི་རྩེ་མོར་མེ་ལྟར་འབར་T1610 - 519 བའི་ཁྲོད་དུ་ཕག་ཞལ་ནག་པོ་གྱེན་དུ་ངུར་བ༔ ཕྱག་གཡས་འཁོར་བ་རྩད་ནས་གཅོད་པའི་གྲི་གུག་དང་གཡོན་པས་ཁམས་གསུམ་ཁྲག་ཏུ་རོལ་པའི་ཐོད་ཁྲག་ཐུགས་ཀར་བསྣམས་པ༔ ཞབས་གཉིས་པད་ཉི་རོའི་གདན་ལ་གར་སྟབས་སུ་བཞུགས་ཤིང་ཁ་ཊྭཱྃ་ཀ་བརྟེན་པ༔ དུར་ཁྲོད་ཆས་བརྒྱད་ཀྱིས་བརྒྱན་ཅིང་ཡེ་ཤེས་ཀྱི་མེ་དཔུང་འབར་བའི་ཀློང་ན་བཞུགས་པའི་གནས་གསུམ་ཡི་གེ་གསུམ་ལས་འོད་འཕྲོས་པས་ཡེ་ཤེས་པ་སྤྱན་དྲངས་ལ་བསྟིམ་མོ༔ ༔ དག་པ་མཁའ་སྤྱོད་གཞལ་ཡས་ནས༔ ཁྲོས་མ་ནག་མོ་གཤེགས་སུ་གསོལ༔ ཡེ་ཤེས་དབྱིངས་ཀྱི་མཁའ་འགྲོའི་ཚོགས༔ ཁྲོས་མའི་རྣམ་པར་གཤེགས་སུ་གསོལ༔ དམ་ཚིག་ཡེ་ཤེས་གཉིསམེད་ངང་༔ ཁམས་གསུམ་རོལ་ཕྱིར་བཞུགས་སུ་གསོལ༔ འགྲོ་ཀུན་མྱང་འདས་ཀློང་སྒྲོལ་ཕྱིར༔ སྒོ་གསུམ་གུས་པས་ཕྱག་འཚལ་ལོ༔ ཕཊ་ཕཊ་ཕཊ༔ སྲི་གདོན་ཁམས་གསུམ་འཁོར་བའི་གཤེད༔ བསྒྲལ་བའི་ཁྲག་གི་ཡོན་ཆབ་དང་༔ ཆུ་སེར་ཞབས་བསིལ་དབང་པོ་ལྔའི༔ མེ་ཏོག་དང་ནི་ཤ་ཆེན་སྤོས༔ ཞུན་ཆེན་མར་མེ་མཁྲིས་པའི་དྲི༔ ཤ་རུས་ཞལ་ཟས་རྐང་གླིང་དང་༔ ཐོད་རྔ་ལ་སོགས་མཉེས་མཆོད་འབུལ༔ ཕཊ་ཕཊ་ཕཊ༔ ཧཱུྃ༔ སྐུ་གསུམ་ཡེ་ཤེས་ ཕ༔ མཁའ་འགྲོའི་ཚོགས༔ ཡོངས་འདུས་ཁྱབ་བདག་ཁྲོས་མའི་སྐུ༔ འཁོར་བ་མྱང་འདས་ངང་སྒྲོལ་བའི༔ དབྱིངས་ཀྱི་ཡུམ་ཆེན་ཁྱོད་ལ་བསྟོད༔ ཕཊ་ཕཊ་ཕཊ༔ གདོན་དུག་གསུམ་བསྒྲལ་བའི་ཤ་ཁྲག་རུས༔ སྐུ་གསུམ་མཁའ་འགྲོའི་ཞལ་དུ་བསྟབ༔ རྗེས་ཤུལ་མེད་པར་བཞེས་ཤིག་རོལ༔ སྐྱེ་མེད་ཀློང་དུ་ཛྭ་ལ་རཾ༔ ཕཊ༔ བགེགས་དུག་ལྔ་བསྒྲལ་བའི་ཕུང་པོ་འདི༔ རིགས་ལྔའི་མཁའ་འགྲོའི་ཞལ་དུ་བསྟབ༔ ལྷག་མ་མེད་པར་ཆེམ་ཆེམ་རོལ༔ རྗེས་ཤུལ་མེད་པར་ཛྭ་ལ་རཾ༔ ཕཊ༔ སྲི་བདུད་བཞི་བསྒྲལ་བའི་ཕུང་པོ་འདི༔ ལས་བཞིའི་མཁའ་འགྲོའི་ཞལ་དུ་བསྟབ༔ ལྷག་མ་མེད་པར་ཆེམ་ཆེམ་རོལ༔ རྗེས་ཤུལ་མེད་པར་ཛྭ་ལ་རཾ༔ ཕཊ༔ འདྲེ་ལས་ཉོན་བསྒྲལ་བའི་ཕུང་པོ་འདི༔ མ་ཁྲོས་མ་ནག་མོའི་ཞལ་དུ་བསྟབ༔ ལྷག་མ་མེད་པར་ཆེམ་ཆེམ་རོལ༔ རྗེས་ཤུལ་མེད་པར་ཛྭ་ལ་རཾ༔ ཕཊ་ཕཊ་ཕཊ༔ ༔ བདག་སོགས་ཁམས་གསུམ་འཁོར་བའི་སེམས་ཅན་ཀུན༔ རྣམ་མཁྱེན་ཐར་ལམ་བགྲོད་ལ་གེགས་བྱེད་ཅིང༔ ངན་སོང་འཁོར་བའི་བཙོན་དུ་འཆིང་བྱེད་དགྲ༔ མ་ལུས་བསྡུས་ཏེ་གཅིག་ཏུ་བཟླུམ་བྱས་ནས༔ དབྱིངས་ཀྱི་ཡུམ་ཆེན་ཁྲོས་མ་ཁྱོད་ལ་ གཏད༔ མཉམ་ཉིད་ཧོམ་ཁུང་ཡངས་པའི་ཞལ་དུ་བསྟབ༔ འགགས་མེད་རོལ་པ་ཆེན་པོའི་མགྲིན་པར་བྲུབ༔ ཆོས་ཉིད་རོལ་པ་ཆེན་པོའི་ཐུགས་སུ་བསྲེ༔ བདེ་གཤེགས་སྙིང་པོའི དབྱིངས་སུ་སངས་རྒྱས་ཤོག༔ ཨོཾ་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་ས་མ་ཡ་སྲི་གདོན་གནོད་བྱེད་སརྦ་ཤ་ཏྲུཾ་མཱ་ར་ཡ་ཛྭ་ལ་རཾ་ཁཱ་ཧི༔ ལན་བརྒྱ་བརྗོད་དེ་སྟོབ༔ སྣང་སྲིད་ཐམས་ཅད་ཡེ་ཤེས་མཁའ་འགྲོའི་ཀློང་དུ རིག་སྟེ༔ སྲི་གདོན་གནོད་བྱེད་བསྲེག་རྫས་དང་མཉམ་དུ་འུབ་ཀྱིས་བསྡུས་ཏེ་ཁྲོས་མའི་ཞལ་དུ་མགོ་མཇུག་ལོག་ནས་རྐང་མཐིལ་སྐྱ་ལྷག་གེ་སོང་བར་བསམ༔ ཞེས་ཕུལ་ནས༔ ཨོཾ༔ ཡེ་ཤེས་ཁྲོས་མ་དབྱིངས་སུ་གཤེགས༔ དམ་ཚིག་ཁྲོས་མ་མེ་རུ་དེངས༔ སྤྲོས་པ་བྲལ་བའི་དབྱིངས་སུ་བཞག༔ ཆོས་སྐུའི་ཀློང་དུ་བདེ་བར་གཤེགས༔ ཕཊ་ཕཊ་ཕཊ༔ ཅེས་བརྗོད་མི་དམིགས་ངང་དུ་མཉམ་པར་བཞག༔ དེ་ནས་ཐལ་སོལ་མཆོད་རྟེན་ནམ་ལམ་རྒྱ་གྲམ་མམ་བྲག་ཞབས་སུ་མནན་ཏེ༔ ཕཊ་ཕཊ་ཕཊ༔ རང་ཉིད་ཁྲོས་མ་ནག་མོ་ཡི༔ ཕྱག་གཡས་གྲི་གུག་སར་གདབ་པས༔ ས་གཞི་གས་པའི་འོག་རིམ་ནས༔ འཆི་བདག་ལས་ཀྱི གཤིན་རྗེ་ཐོན༔ གནམ་ས་ཙམ་གྱི་ཞལ་གདངས་ཤིང་༔ གངས་རི་ཙམ་གྱི་མཆེ་བ་གཙིགས༔ གློག་དམར་ཙམ་གྱི་ལྗགས་འདྲིལ་བར༔ ཟ་འདྲེ་ཤི་གཤེད་དཔུང་ཚོགས་བཅས༔ ཕ༔ ལྷག་མ་མེད་པར་བསྟབ་པར་བསམ༔ ཧོཿ ཀླུ་བདུད་ནག་པོ་སྟོབས་པོ་ཆེ༔ ཡ་མ་རཱ་ཛ་དྲག་ཤུལ་བདག༔ ཁྱེད་ཅག་སྔོན་གྱི་ཐ་ཚིག་ཅན༔ དམ་ཚིག གཉན་པོ་རྗེས་བསྐུལ་གྱི༔ གནོད་བྱེད་སྲི་གདོན་མ་ལུས་པ༔ ཁྱོད་ལ་གཏད་དོ་གཉེར་རོ་བཅོལ༔ མ་བཏང་ཟུངས་སྡོམས་འཆིང་མཛོད་ཅིག༔ མཐུ་རྩལ་ཅི་འདུག་ཁྱོད་ལ་བལྟ༔ རེམ་ཞིག་བཀའ་དང་དམ་ཚིག་རྒྱ༔ གནས་འདིའི་ལྷ་འདྲེ་དྲག་རྩལ་ཅན༔ ཁྱོད་ལ་མཐུ་རྩལ་ཅི་འདུག་བལྟ༔ ངས་ནི་གཏད་འདི་བཅོལ་གཏམ་བགྱིས༔ གང་དུ་སུ་ལ་མ་ཤོར་རེམ༔ སླན་ཆད་ལྡང་མེད་བཀའ་རྒྱ་ཡིན༔ མ་འདའ་བཛྲ་ས་མ་ཡ༔ ཞེས་གཏད་ནས་སླར་སྦྱིན་བདག་གི་ཁྱིམ་དུ་འགྲོ་ན་གོམ་པ་དགུའི་མཚམས་སུ་ཐོ་བརྩིག་ལ་ཁྱུང་དུ་བསྒོམ་ནས་མཚམས་བཅད༔ རང་ཁྱིམ་དུ་འགྲོ་རྒྱུ་བྱུང་ན་ཕཊ་ཀྱིས་བེམ་རིག་བྲལ་ནས་ཤ་ཁྲག་ཐར་གྱིས་ཞིག་སྟེ་སྣང་སྲིད་ཁྱབ་པའི་འདོད་ཡོན་དུ་དམིགས་ནས་ལྷ་འདྲེ་རྣམས་ལ་གཟན་དུ་བོར་ཏེ་རྣམ་པར་ཤེས་པ་ཁྲོས་མ་བརྒྱད་དུ་གྱུར་ནས་ཕྱོགས་བཞི་མཚམས་བཞིར་འགྲོ་བར་བསམ་ལ་མིག་མཐོང་ཙམ་ལ་ཕྱིན་ནས་སླར་ཆོས་དབྱིངས་ཀུན་ཏུ་བཟང་མོའི་ཀློང་ནས་གཅིག་ཏུ་འདྲེས་པ་ཡེ་ཤེས་མཁའ་འགྲོ་སྡེ་ལྔའི་ཐུགས་ཀའི་འོད་ཟེར་གྱི་སྦུ་གུ་དར་སྐུད་ལྟ་བུའི་ནང་ནས་རང་གི་རིག་པ་ཐིག་ལེ་ཉུང་འབྲུ་ཙམ་དཀར་གསལ་འོད་དང་ལྡན་པར་གྱུར་ཏེ་ཧྲི་ལི་ལི་སོང་ནས་རང་གི་གནས་ཁང་གི་ སྟེང་ནས་བབ་པར་བསམ་ཞིང་འགྲོའོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ རྗེས་གཅོད་ཟབ་མོའི་མཐར་ཐུག་འདིས༔ ནད་གདོན་མི་མཐུན་ཕྱོགས་ཀུན་སེལ༔ བཀྲ་ཤིས་དགེ་ལེགས་ཐམས་ཅད་འཕེལ༔ གནས་ཁང་རིན་ཆེན་དམིགས གནད་ཟུངས༔ གཟའ་བདུད་དུག་གི་སྤུ་གྲིས་སྲུངས༔ ཐུབ་པར་སྲུངས་ཤིག་ས་མ་ཡ༔ ཨ་ཝཾ༔ སྤྲང་རྒན་མི་གསོབ་ཁ་འགུལ་གྱིས། །ཆོས་ཉིད་ནམ་མཁའི་མཛོད་ལས་བཏོན། །འགྲོ་ཕན་སེམས་ཀྱིས་གཏན་ལ་ཕབ། །ཡིག་སྨྱོན་བུ་སྨྱོན དྷརྨས་བྲིས། །དགེའོ། །དགེའོ། །དགེའོ།། །།ཧཱུྃ་ཧྲཱིཿ ཡེ་ཤེས་མཁའ་འགྲོའི་ཐུགས་རྗེའི་གདངས༔ ཡེ་ཤེས་ལྔ་ཡི་མེ་བྱུང་བས༔ ཚེ་འདས་དུག་ལྔའི་ཕུང་པོ་བསྲེག༔ ཡེ་ཤེས་རྩལ་ཆེན་འབར་གྱུར་ཅིག༔ ཨ་ནྲྀ་སུ་ཏྲི་པྲེ་དུ་ཛྭ་ལ་རཾ་ཁཱ་ཧི༔ ཁྲོཾ༔ ཆོས་ཉིད་ནམ་མཁའི་ཀློང་མཛོད་ལས༔ སྒྲུབ་པའི་ཆ་ལག་སྒོ་དབྱེ་ཡེ་ཤེས་གསལ་བའི་སྒོ་འབྱེད་བཞུགས་སོ༔ ན་མོ་པདྨ་ཀ་ར་ཡེ༔ སྒྲུབ་པའི་དཀྱིལ་འཁོར་སྒོ་དབྱེ་ལ༔ ཕུད་རྒོད་བཤམས་ཏེ་ཡེ་ཤེས་ཀྱི༔ བདུད་རྩིའི་རྒྱ་མཚོར་བྱིན་གྱིས་བརླབས༔ ཛཿ རྡོ་རྗེའི་རིགས་ཀྱི་ཕྱག་རྒྱ་མོ༔ སྙིང་རྗེའི་སྒོ་མ་ལྕགས་ཀྱུ་མས༔ མེ་ལོང་ཡེ་ཤེས་ཤར་སྒོ་ཕྱེས༔ སྡུག་བསྔལ་བག་ཆགས་ཞི་བ་དང་༔ རྡོ་རྗེ་རིགས་ཀྱི་དངོས་གྲུབ་སྩོལ༔ བཛྲ་པྲ་བེ་ཤ་ཡ་ཕཊ༔ ཧཱུྃ༔ རིན་ཆེན་རིགས་ཀྱི་ཕྱག་རྒྱ་མོ༔ བྱམས་པའི་སྒོ་མ་ཞགས་པ་མས༔ མཉམ་ཉིད་ཡེ་ཤེས་ལྷོ་སྒོ་ཕྱེས༔ ཚེ་བསོད་ཡེ་ཤེས་དཔལ་ཡོན་རྒྱས༔ རིན་ཆེན་རིགས་ཀྱི་དངོས་གྲུབ་སྩོལ༔ རཏྣ་པྲ་བེ་ཤ་ཡ་ཕཊ༔ བ༔ པདྨ་རིགས་ཀྱི་ཕྱག་རྒྱ་མོ༔ དགའ་བའི་སྒོ་མ་ལྕགས་སྒྲོག་མས༔ སོར་རྟོག་ཡེ་ཤེས་ནུབ་སྒོ་ཕྱེས༔ ཁམས་གསུམ་དབང་དུ་སྡུད་པ་དང་༔ པདྨ་རིགས་ཀྱི་དངོས་གྲུབ་སྩོལ༔ པདྨ་པྲ་བེ་ཤ་ཡ་ཕཊ༔ ཧོཿ ལས་ཀྱི་རིགས་ཀྱི་ཕྱག་རྒྱ་མོ༔ བཏང་སྙོམས་སྒོ་མ་དྲིལ་བུ་མས༔ བྱ་གྲུབ་ཡེ་ཤེས་བྱང་སྒོ་ཕྱེས༔ ཕྲག་དོག་དགྲ་བགེགས་ཚར་གཅོད་ཅིང་༔ ལས་ཀྱི་རིགས་ཀྱི་དངོས་གྲུབ་སྩོལ༔ ཀརྨ་པྲ་བེ་ཤ་ཡ་ཕཊ༔ ཧོཿ ཡེ་ཤེས་སྒོ་མ་ཁྱེད་རྣམས་ཀྱིས༔ ལྷ་རྣམས་བདག་གི་མོས་ངོ་རུ༔ གནས་སྤོར་དངོས་གྲུབ་ཞུ་བསྐུལ་མཛོད༔ གཏོར་མ་ལས་ཀྱི་མཚོན་ཆ་རུ༔ བསྒྱུར་ཏེ་དགྲ་བགེགས་སྲོག་ལ་ཕོབ༔ ཟག་མེད་ཡེ་ཤེས་བདུད་རྩི་རོལ༔ རབ་འབྱམས་ཕྲིན་ལས་ཡོངས་གྲུབ་མཛོད༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་ཡང་ཆེ་མཆོག་གིས་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ།། །། 522 T11610 - 526 ཕ༔ ཆོས་ཉིད་ནམ་མཁའི་ཀློང་མཛོད་ལས༔ ཆར་འབེབས་དངོས་གྲུབ་ཆུ་གཏེར་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ར།ཧ།ག༔ རབ་ན་རྡོ་དཀར་གྱིས་གང་བའི་ཆུ་མིག་བཟང་པོ་དང་༔ འབྲིང་ན་ཆུ་མིག་རྡོ་སེར་གྱིས་གང་བའི་ནང་ངམ༔ མཚོ་ཆེན་པོའི་འགྲམ་དུ་ཕྱིན་ནས་འདི་སྐད་དོ༔ ཕཊ་ཕཊ་ཕཊ༔ རང་ཉིད་སྐད་ཅིག་གིས་དུར་ཁྲོད་ཀྱི་བདག་མོ་མ་ཅིག་ཁྲོས་མ་ནག་མོ་སྐུ་དཔའ་བརྗིད་འཇིགས་སུ་རུང་བ༔ ཞལ་གདངས་ལྗགས་འདྲིལ་རྣོ་དབལ་གྱི་མཆེ་བ་ཟངས་ཡག་ཏུ་གཙིགས་པ༔ ཕྱག་གཡས་ཀྱི་གྲི་གུག་གིས་ཁམས་གསུམ་འགུགས་ཤིང་གཡོན་པས་ཐོད་ཁྲག་བསྣམས་པས་ཁམས་གསུམ་ཁྲག་ཏུ་རོལ་པ་ཁ་ཊྭཱྃ་ཀ་བརྟེན་པ༔ ཞབས་གཉིས་གར་སྟབས་ཀྱིས་པད་ཉི་རོའི་གདན་ལ་འགྱིང་བ་ལ་རིགས་ལྔ་དབྱིངས་ཀྱི་ཌཱ་ཀི་འབུམ་ཕྲག་ཡངས་པའི་མཁའ་འགྲོའི་ཚོགས་ཀྱིས་བསྐོར་བར་གྱུར༔ ཕཊ་ཕཊ་ཕཊ༔ སྐད་ཅིག་གིས་ས་གཞི་འདི་རྒྱ་ཆེ་ལ་ཁྱོན་ཡངས་པ༔ དབྱིབས་མཛེས་ཤིང་ཁོད་སྙོམས་པ༔ ངོས་འཇམ་ཞིང་ཡིད་གདུང་བ༔ གུར་གུམ་གྱི་སྤང་རི་ལ་སྨན་གྱི་མེ་ཏོག་སྣ་ཚོགས་བཞད་པའི་དབུས་སུ་ཡན་ལག་བརྒྱད་དང་ལྡན་པའི་བདུད་རྩིའི་རྒྱ་མཚོ་ཆེ་ལ་གཏིང་ཟབ་པའི་མཚོའི་མཐར་རིན་པོ་ཆེ་སྣ་ཚོགས་པའི་གྲམ་པ་ དང་གཡུ་ཡི་ནེའུ་སིང་དང་གསེར་གྱི་བྱེ་མས་བསྐོར་བ༔ དཔག་བསམ་ཤིང་གི་ར་བས་བསྐོར་ཞིང་དགོས་འདོད་ཀྱི་ཆར་འབེབས་པ༔ ནང་དུའང་ཆུ་གནས་རྣམ་པ་སྣ་ཚོགས་ཀྱིས་གང་བའི ཀློང་དུ་པདྨའི་གདན་གྱི་སྟེང་དུ་ཀླུ་རྒྱལ་མི་མགོན་དཀར་པོ་གཡས་ནོར་བུ་ལས་དགོས་འདོད་འབྱུང་ཞིང་༔ གཡོན་གཏེར་བུམ་ལས་ན་བུན་འཕྱོ་བ༔ སྦྲུལ་མགོ་བརྒྱད་ཀྱི་གདེངས་ཀ་ཅན༔ རྒྱལ་རིགས་དཀར་པོས་མགུལ་རྒྱན་དང་རྗེ་རིགས་སེར་པོས་དོ་ཤལ་བྱས་ཤིང་བྲམ་ཟེ་དམར་པོས་སེ་རལ་ཁ་དང་གདོལ་པ་ནག་པོའི་གདུ་བུས་འཁྱུད་པ༔ སྐུ་སྨད་སྤྲུལ་ལྗང་གུར་འཁྱིལ་ཞིང་དམངས་རིགས་མང་པོས་བཀུར་སྟི་བྱེད་པ༔ སྐུ་ལུས་ལ་ན་བུན་དང་ཆར་སྤྲིན་མུན་ལྟར་གཏིབས་ཤིང་འཕྱོ་བ༔ དེའི་གནས་གསུམ་ལས་འོད་འཕྲོས་པས་སྟོང་གསུམ་གྱི་ཀླུ་རྣམས་ཐམས་ཅད་སྤྱན་དྲངས་ལ་བསྟིམ་མོ༔ དེ་ནས་སྤྱན་འདྲེན་པ་ནི༔ ནཿ ཕུཿ དད་པ་དང་ནི་དམ་ཚིག་གིས༔ ཀླུ་རྒྱལ་འཁོར་བཅས་སྤྱན་འདྲེན་ནོ༔ དམ་ཚིག་ཆེན་པོའི་གདན་ལ་བཞུགས༔ དགོས་འདོད་སྩོལ་ཕྱིར་ཕྱག་འཚལ་ལོ༔ ཕྱི་ནང་གསང་བའི་མཆོད་པ་འབུལ༔ གདུང་དབྱངས་རོལ་མོའི་སྒྲ་ཡིས་བསྟོད༔ ཆར་རྒྱུན་ཆེན་པོའི་དངོས་གྲུབ་སྩོལ༔ སྔོན་ཚེ་ཤཱཀྱ་ཐུབ་པའི་བཀའ༔ ཕ༔ བར་དུ་ཕྱག་ན་རྡོ་རྗེའི་དམ༔ ཐ་མ་ཨོ་རྒྱན་ཆེན་པོའི་བཀའ༔ ད་ལྟ་རྣལ་འབྱོར་བདག་གི་ཚིག༔ བཀའ་དང་དམ་ཚིག་གཉན་པོ་དེ༔ གཏའ་རུ་བཙུག་ཅིང་དཔང་དུ་བཞག༔ ཁྱེད་ལ་ཕྲིན་ལས་བཅོལ་བ་ནི༔ ཡུལ་འདིར་ཆར་གྱི་རྒྱུན་ཆེན་པོ༔ མ་འགྱང་དོ་ནུབ་ཉིད་དུ་ཕོབ༔ རྩི་ཤིང་ལོ་ཏོག་རྒྱས་པར་མཛོད༔ དཀར་གསུམ་མངར་གསུམ་སྨན་གྱིས་མཆོད༔ ཕྲིན་ལས་གཉན་པོ་མྱུར་འགྲུབ་མཛོད༔ དམ་ལས་མ་འདའ་ས་མ་ཡ༔ བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀླུ་དབང་གི་རྒྱལ་པོ་ལ་ཕྱག་འཚལ་ལོ༔ ཕུཿ ནཱ་ག་རཱ་ཙ་སརྦ་ས་མ་ཡ་ཁཾ་བཾ་སིདྡྷི་སིདྡྷི་ཧཱུྃ༔ ཅི་མང་བཟླ༔ རབ་ཀླུ་སྨན་དང་དཀར་གསུམ་མངར་གསུམ་གཏོར༔ ཐ་ནའང་དཀར་གསུམ་མངར་གསུམ་གཏོར༔ མཐར་དཀར་འགྱེད་བཏང་བས་ཆར་ཆེན་པོ་འབེབས་པར་ཐེ་ཚོམ་མེད་དོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ བཀའ་སྲུང་དབང་ཕྱུག་ཆེན་པོས་སྲུངས་ཤིག༔ ས་མ་ཡ༔ ཞེས་པ་འདི་ཉིད་རང་སློབ་དམ་པ་ཚེས་བཅུས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་ཀློང་མཛོད་ལས་བསྒྱུར་བའོ། །དགེའོ། །དགེའོ། །དགེའོ།། ། T11610 - 530 ཧོྃ།༔ ཆོས་ཉིད་ནམ་མཁའི་ཀློང་མཛོད་ལས༔ ཆར་འབེབས་འཁོར་ལོ་འདོད་འབྱུང་ནོར་བུ་བཞུགས༔ དེ་ཡི་ལག་ལེན་རིམ་པ་ལ༔ འཁོར་ལོ་མུ་ཁྱུད་རིམ་པ་བཞི་རུ་བསྐོར༔ མུ་ཁྱུད་དང་པོ་ལ༔ ཨོཾ་བཛྲ་ཀྲོ་ཏི་ཀ་ལི་བྃ་ཧ་རི་ནི་ས་ཧཱུྃ་ཛཿ སྤྲིན་སྡུས་ཤིག༔ ཆར་ཆེན་པོ་ཕོབ་ཅིག༔ ཁཾ་ཁཾ་བཾ་བཾ་པུཥྚིཾ་ཀུ་རུ་ཡེ་སྭ་ཧཱ༔ མུ་ཁྱུད་གཉིས་པ་ལ༔ ཧྲཱི་མ་ཧ་རི་ནི་ས་ར་ཙ་ཧྲཱིཿ ཡ་ཙིཏྟ་ཧྲཱིང་ཧྲཱིང་ཛ་ཛཿ ནམ་མཁའ་ལ་བྱིན་གྱིས་རློབས་ཤིག༔ བར་སྣང་ལ་སྤྲིན་སྡུས་ཤིག༔ ས་གཞི་ལ་ཆར་ཆེན་པོ་ཕོབ་ཅིག༔ ཁཁཾ་ཁཾ་བཾ་བཾ་པུཥྚིཾ་ཀུ་རུ་ཡེ་སྭཱ་ཧཱ༔ མུ་ཁྱུད་གསུམ་པ་ལ༔ ཨོཾ་ཀྵི་ཧི་རཱ་ཙ་པྲི་ཐི་དཱེ་ཝི་ལོ་ཀ་པཱ་ལ་ས པ་རི་ཝཱ་ར་ས་མ་ཡ༔ ནམ་མཁའ་ལ་བྱིན་གྱིས་རློབས་ཤིག༔ བར་སྣང་ལ་སྤྲིན་སྡུས་ཤིག༔ ས་གཞི་ལ་ཆར་ཆེན་པོ་ཕོབ་ཅིག༔ ཁཾ་ཁཾ་བཾ་བཾ་པུཥྚིཾ་ཀུ་རུ་ཡེ་སྭཱ་ཧཱ༔ དེ་ཡི་ཕྱི་རིམ་མུ་ཁྱུད་བཞི་པ་ལ༔ ཨོཾ་སརྦ་ཏ་ཐཱ་ག་ཏ་བྷྱེ༔ སརྦ་མུ་ཁེ་བྷྱ༔ སརྦ་རྦ་གུ་ལུ་གུ་ལུ་གུ་གརྫ༔ མ་ཧཱ་སེ་ཏ་བྷྱེ༔ བྷ་ར་བི་ཏི་ད་མ་ལ་ད་ར་ད་ར་དཔེ་གཅིག་ལ་ང་མ་ལ་ངར་ངར་ཅེས་འདུག་པས་དཔྱད།མཆན། སིདྡྷི་སིདྡྷི་ཀ་པ་ཀ་པ་སྭཱ་ཧཱ༔ ཁཾ་ཁཾ་བཾ་བཾ་པུཥྚིཾ་ཀུ་རུ་ཡེ་སྭཱ་ཧཱ༔ བཾ་བཾ་པུཥྚིཾ་ཀུ་རུ་ཡེ་སྭཱ་ཧཱ༔ ནམ་མཁའ་ལ་བྱིན་གྱིས་རློབས་ཤིག༔ བར་སྣང་ལ་སྤྲིན་སྡུས་ཤིག༔ ས་གཞི་ལ་ཆར་ཆེན་པོ་ ཕོབ་ཅིག༔ དེ་ཡི་ཕྱི་རིམ་ཕྱོགས་བཞིར་ཁཾ་བཞི༔ མཚམས་བཞིར་བ་བཞི་བྲིས༔ ཕོ་འཁོར་རིག་པས་དཔག་གོ༔ དེ་ཡིས་ཆར་གྱི་རྒྱུན་ཆེན་འབེབས༔ ཡེ་ཤེས་མཁའ་འགྲོའི་བྱིན་རླབས་འདུ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་རེ་ཀོང་ཕྱོགས་ཀྱི་རྣལ་འབྱོར་པ་པདྨ་རྡོ་རྗེས་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བ་ཡོངས་སུ་དགེ་བར་གྱུར་ཅིག །དགེའོ། །དགེའོ །དགེའོ། །ལེགས་སོ། །སརྦ་མངྒ་ལཾ།། །། 528 T1610 - 532 ཕ༔ དག་སྣང་ལས༔ ཀླུ་གཏོར་བདུད་རྩིའི་རྒྱ་མཚོ་བཞུགས་སོ༔ ཤཤཤན།༔ ན་མོ་གུ་རུ་ཝེ༔ ཆུ་ལ་དཀར་གསུམ་མངར་གསུམ་དང་༔ ཀླུ་སྨན་སྣ་ཚོགས་བཏབ་ནས་འབུལ༔ ཡང་ན་ཆུ་དང་འོ་མ་ལ༔ ཨོཾ་སྭ་བྷཱ་ཝས་སྦྱང་༔ སྟོང་པ་ཉིད་དུ་གྱུར༔ སྟོང་པའི་ངང་ལས་རིན་པོ་ཆེའི་སྣོད་དུ་ཆུ་སྦྱིན་ཟག་པ་མེད་པ་ཡེ་ཤེས་ཀྱི་བདུད་རྩི་ནད་པ་གསོ་བའི་སྨན༔ འཆི་བ་བསླུ་བའི་བདུད་རྩི༔ དབུལ་ཕོངས་དང་སྡུག་བསྔལ་སེལ་བའི་འདོད་ཡོན་ཕུན་སུམ་ཚོགས་པ༔ མི་ཟད་ནམ་མཁའ་མཛོད་དུ་གྱུར༔ ཨོཾ་ཨཱཿ ཧཱུྃ་ཨ་མྲྀ་ཏེ་སྭ་ཧཱ༔ ལན་བདུན༔ ནམ་མཁའ་མཛོད་སྔགས་གསུམ་བརྗོད༔ ཨ་ཀཱ་རོས་བརླབ༔ ཛཿ སྟོན་པ་རྫོགས་པའི་སངས་རྒྱས་དང་༔ གསང་བདག་ཕྱག་ན་རྡོ་རྗེ་ཡིས༔ སྤྱན་སྔར་ཁས་བླངས་དམ་བཅས་པའི༔ ཀླུ་ཆེན་བརྒྱད་དང་དེ་ཡི་འཁོར༔ འབྱུང་བ་ལྔ་ལ་དབང་མཛད་པའི༔ ཀླུ་གཉན་མ་ལུས་ཐམས་ཅད་ཀུན༔ མཆོད་སྦྱིན་གནས་འདིར་གཤེགས་སུ་གསོལ༔ ཁྱད་པར་ས་མིག་འདི་དང་ནི༔ ཕྱོགས་མཚམས་སྟེང་འོག་ལ་གནས་པའི༔ ཀླུ་གཉན་ས་བདག་ཐམས་ཅད་ཀུན༔ ཁྲོ་གཏུམ་གདུག་པའི་སེམས་སྤོངས་ལ༔ བྱམས་བརྩེ་གུས་པའི་ཚུལ་ལྡན་པས༔ སྐད་ཅིག་ཉིད་དུ་གཤེགས་སུ་གསོལ༔ ཕུ་ཏྲི་ནཱ་ ག་རཱ་ཛ་བྷཱུ་མི་པ་ཏི་ས་པ་རི་ཝཱ་ར་བཛྲ་ས་མ་ཡ་ཛ་ཛཿ ཀྱེེ༔ འབྱུང་བ་ལྔ་དང་སྤར་ཁ་བརྒྱད༔ སྨེ་བ་དགུ་དང་ལོ་ཟླ་བ༔ ཞག་དང་ཟ་མ་དུས་ཚོད་ལ༔ དབང་བསྒྱུར་ས་བདག་ཀླུ་གཉན་ཚོགས༔ མ་ལུས་ལུས་པ་མེད་པ་ལ༔ འདོད་ཡོན་ལོངས་སྤྱོད་ཕུན་ཚོགས་གཏེར༔ མི་ཟད་ནམ་མཁའ་མཛོད་དུ་འབུལ༔ གནོད་གདུག་དྲག་ཤུལ་སེམས་བྲལ་ནས༔ བྱམས་བརྩེའི་ངང་ལ་གནས་གྱུར་ཅིག༔ ན་མཿསརྦ་ཏ་ཐཱ་ག་ཏ་སོགས་མཚན་