Tibetan
ཐམས་ཅད་བྱང་༔ ཚེ་རབས་ཀུན་ཏུ་གསང་སྔགས་ཀྱི༔ སྒོ་དང་འཕྲད་ཅིང་ཉམས་སུ་ལེན༔ མཐར་ཐུག་རྫོགས་སངས་རྒྱས་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཉེར་མཁོའི་ཆེད་དུ་བདུད་འཇོམས་རྡོ་རྗེས་མཁའ་འགྲོའི་གསང་མཛོད་ལས་བསྒྱུར་བའོ།། །། T1610 - 282 ཕ༔ ཆོས་ཉིད་ནམ་མཁའི་ཀློང་མཛོད་ལས༔ གཅོད་ཡུལ་ལྷ་མོའི་གར་མཁན༔ ལྷ་འདྲེར་ཚིག་ལོག་འདྲིལ་བ་བཞུགས༔ ན་མོ་གུ་རུ་པདྨ་ཀ་ར་ཡེ༔ #ཤབྡཿ གཅོད་བྱེད་རལ་གྲི་ངར་མ་ནི༔ རིག་པའི་རལ་གྲི། དབང་ཕྱུག་ཆེན་པོས་མགར་བ་ལགས༔ གདུལ་བྱ་རང་སྣང་གི་སྟོན་པས། གནས་གཞིའི་ཆབ་ཀྱིས་ངར་ཡང་བླུད༔ བློ་ལྡོག་རྣམ་བཞི། གོར་མོ་བདུན་གྱིས་རྣོ་ཡང་ཕྱུངས༔ སྔོན་འགྲོ་ཆོས་བདུན། མི་ཤིགས་རྡོ་རྗེའི་རྒྱ་ཡིས་བཏབ༔ ཆོས་སྐུ་གཞིར་གནས་ཀྱི་རིག་པ་ངོ་སྤྲོད་པ། སྲིད་པའི་ཨ་ཕྱི་ཆེན་མོ་ཡུམ༔ སོ་སོར་རྟོག་པའི་ཤེས་རབ་ཀྱིས། ཡུལ་གཞི་མཐོང་བའི་མ་མ་ཡུམ༔ མིང་གི་ཁུང་བཙལ་བ་དངོས་པོའི་རྟག་འཛིན་བཤིགས་པ་ཕན་གནོད་ཀྱི་མཚང་ལ་རྒོལ་བ་རེ་དོགས་ཀྱི་རྫུན་ཕུག་རྡིབ་པ། གབ་པ་མངོན་ཕྱུང་མ་མ་ཡུམ༔ ཆོས་ཉིད་ཀྱི་བདེན་པ་མཐོང་བ། ཐམས་ཅད་རོལ་པའི་མ་མ་འཁོར་འདས་འུབ་ཆུབ་ཏུ་རོལ་པས་ན། ཡུམ༔ རྣམ་ཀུན་ལྟོར་བྲུབ་མ་མ་ཡུམ༔ སྤྲོས་པའི་མཐའ་བརྒྱད་དང་བྲལ་བ་རྣམ་པར་ཐར་པའི་སྒོ་གསུམ་དང་ལྡན་པ། ཀུན་གསལ་ཉི་གཞོན་སྐུ་ལྔ་སོགས་ལྔ་ཚན་གྱི་ཡོན་ཏན་ཐམས་ཅད་ཉི་མ་དང་ཟེར་གྱི་ཚུལ་དུ་ཡོད་པས་ན། མ་མ་ཡུམ༔ མ་མའི་བུ་མཆོག་རལ་གྲི་ཁྱོད༔ དེ་ལྟར་མངོན་དུ་གྱུར་པ་ནི་སངས་རྒྱས་ཐམས་ཅད་ཀྱི་སྲས་མཆོག་རིག་པའི་རལ་གྲི་མ་རིག་པའི་རྩ་བ་གཅོད་པས་ན། དང་པོ་ ཐོགས་མེད་མདའ་མོ་འཕོངས༔ སྔ་ནོན། བར་དུ་གཡོ་འཁོར་རེས་མོས་གྱིས༔ བར་ནོན། གནས་པོའི་བ་སྤུ་བྲེག་པ་མིན༔ གཉན་སར་རྩྭ་མི་འཐུ། གནས་མོའི་རལ་པ་གཅོད་མི་བྱ༔ ཤིང་མི་གཅོད། ལྷ་མོའི་མཁའ་ལ་མཚོན་མི་འདེབས༔ ས་མི་བརྐོ། བདུད་མོའི་བཞིན་ལ་ཤ་མི་བཅར༔ རྐང་རྗེན་དུ་མི་འགྲོ། ལྷ་འདྲེའི་ཁྱིམ་དུ་གློག་མི་རྡེབ༔ མཚན་མོ་མེ་མི་གཏོང། སྒེག་མོའི་ས་ལ་འདམ་མི་གཡོ༔ གཤང་ལྕི་ཕྱོགས་གཅིག་ལས་མི་འདོར། ཀླུ་བདུད་ཡུལ་དུ་དུང་མི་འབུད༔ ཀིའི་མི་བཏབ། མ་མོའི་མངལ་དུ་དུག་མི་གཡོ༔ ཐོགས་བཅས་ཐོགས་མེད་སོགས། བྱ་ཚང་ནང་དུ་སྦྲུལ་མི་བསྡུ༔ གཞན་ཕལ་པ། སྦལ་ཚང་ནང་དུ་ཁྱུང་མི་རྒྱུག༔ གཉན་ས་དེ་ལས་ཕར་མི་འགྲོ། ར་བའི་ནང་དུ་བྲོ་མི་འཁྲབ༔ རྟ་མི་ཞོན། དཀྱིལ་འཁོར་ནང་དུ་ཁྱི་མི་འཁྲིད༔ གྲོགས་གང་ཡང་མི་བརྟེན། སྒྱུ་མ་མཁན་ལ་རིན་མ་ཤོར༔ བདེ་སྡུག་ཅི་བྱུང་སློང་ཚད་དུ་ཤེས་པར་བྱ། རྨི་ལམ་ཡུལ་ལ་གནས་མ་བྱེད༔ ཐོགས་བཅས་ཐོགས་མེད་སོགས་བསླུ་རྐྱེན་གྱི་རྗེས་སུ་མི་འབྲང་། ཐ་མ་གྲོགས་ལ་ཕ་ཕོག་གཏོད༔༷ ཤ་ཁྲག་གི་ཕུང་པོ་བཤིག་ནས་གནས་དེའི་ལྷ་འདྲེ་ལ་གཏད། དགྲ་སྲུང་རྒྱལ་པོར་བཅོལ་གཏད་མཛོད༔ གནས་བཅོལ་གཏད། མཁའ་ལྡིང་ལུས་ལ་ཆུ་མ་བགོས༔ གཞི་དཀྲུགས་ལན་གསུམ་བྱ་བ 2 ཕ༔ གནད༔ གནས་དེའི་ལྷ་འདྲེ་རྗེས་སུ་མི་ཁྲིད་པར་ཕྱི་ནོན་གསུམ། ས་གཞིའི་ཁམས་སུ་རྒྱུ་བའི་ཚེ༔ གཉན་ས་གཞན་ལ་འགྲོ་ན་དེ་ནས་སྔ་ནོན་འཕེན། མགྱོགས་པའི་ཅང་ཤེས་ཞོན་པ་ལགས༔ བར་སྣང་ཁམས་སུ་རྒྱུ་བའི་ཚེ༔ ངེས་མེད་དུ་འགྲོ་ན། མཁའ་ལྡིང་རྒྱལ་པོ་ཞོན་པ་ལགས༔ རང་བཞིན་ལྟ་བའི་ངང་ནས་འགྲོ། ནམ་ཕ་ཡུལ་ལ་འགྲོ་ན་དབྱིངས་ཀུན་ཏུ་བཟང་མོའི་མཁའ་ཀློང་ནས་དར་སྐུད་བརྐྱང་བ་དེའི་ངང་ནས་འགྲོ། མཁའི་ཁམས་སུ་རྒྱུ་བའི་ཚེ༔ རྟ་བདུན་བཞོན་པའི་མཆོག་ཏུ་བསྔགས༔ ས་མ་ཡ༔ ཨོཾ༔ ཡང་ཅིག་སྲིད་པའི་ལྷ་བྲག་ལ༔ བདུད་ཀྱི་སྟ་རེས་ཐེབ་ཉེའི་དུས༔ ཕཊ་ཕཊ་ཕཊ༔ རང་ཉིད་སྐད་ཅིག་གིས་མ་ཅིག་ཁྲོས་མ་ནག་མོའི་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ༔ ཕྱག་གཡོན་མི་རྐང་གི་གླིང་བུ་ལྷང་ལྷང་འབུད་པས་ཁམས་གསུམ་དབང་དུ་སྡུད་ཅིང་༔ གཡས་མི་ལྤགས་ཀྱི་གཡང་གཞི་དམར་ལྷབ་ལྷབ་ཏུ་བརྡབ་པས་འཁོར་བའི་འཁྲུལ་འཁོར་བཤིགས་ཤིང་སྲིད་གསུམ་དམ་ལ་འདོགས་པ༔ སྐུ་སྟོད་སྲིད་པའི་རྩེ་ནས་འགྱིང་ཞིང་ཞབས་ཀྱིས་ངན་སོང་རྣམ་གསུམ་གནོན་པ༔ འཇིག་རྟེན་གྱི་ཁམས་ཐམས་ཅད་ཤིག་ཤིག་དཀྲུག་ཅིང་ཡོམ་ཡོམ་བསྒུལ་བར་གྱུར༔ ཕཊ་ཕཊ་ཕཊ༔ ན་མོ༔ གྲུབ་ཐོབ་གཅོད་ཡུལ་བརྒྱུད་པའིདཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཆོས་དང་དགེ་འདུན་བླ་མ་ཡི་དམ་མཁའ་འགྲོ་ཆོས་སྐྱོང་སྲུང་མའི་ཚོགས དང་བཅས་པ་རྣམས་ཀྱི་བཀའ་བདེན་པས༔ བསྲུང་བྱ་འདིའི་ལུས་ངག་ཡིད་གསུལ་ལ་དང་པོ་ནད་ཀྱི་སྣ་འདྲེན་པ༔ བར་དུ་ནད་ཀྱི་ཚང་བཅའ་བ༔ ཐ་མ་ནད་ཀྱིས་སྲོག་གཅོད་པར་བྱེད་པའི་འབྱུང་པོ་ཕོ་གདོན་རྒྱལ་པོ་དང་ཕྲོལ་ཅིག༔ མོ་གདོན་འདྲེ་མོ་དང་ཕྲོལ་ཅིག༔ ཀླུ་གདོན་ས་བདག་དང་ཕྲོལ་ཅིག༔ གཟའ་གདོན་སྡེ་བརྒྱད་དང་ཕྲོལ་ཅིག༔ སྣང་སྲིད་ལྷ་འདྲེ་ཐམས་ཅད དང་ཕྲོལ་ཅིག༔ ཕྱེས་ཤིག༔ ཕཊ་ཕཊ་ཕཊ༔ ལན་གསུམ་བརྗོད་ཅིང་གཡང་གཞི་དྲག་ཏུ་བརྡབ་བོ༔ ཀྱེེ༔ མ་རིག་འཁྲུལ་པའི་སེམས་ཅན༔ ལས་ཉོན་བག་ཆགས་ཀྱི་འདྲེ་གདོན༔ སྲིད་པ་སྡུག་བསྔལ་གྱི་འཁོར་ལོར༔ དབང་མེད་ཁོར་ཡུག་ཏུ་འཁོར་བའི་འདྲེ་གདོན་གདུག་པ་ཅན་ཁྱེད་རྣམས་ཉོན་ཅིག༔ ཁམས་གསུམ་གྱི་སེམས་ཅན་ཐམས་ཅད་ཕ་དང་མ་རུ་མ་གྱུར་པ་གཅིག་ཀྱང་མེད་པས་དྲིན་ལན་གནོད་པས་མ་འཇལ༔ བཟང་ལན་ངན་གྱིས་མ་འཇལ༔ སྨན་ལན་དུག་གིས་མ་མཇལ་བར༔ ཁྱོད་ལས་དང་ཉོན་མོངས་པས་བསླུས་པ་ཡིན་པས་ངོ་ཤེས་པར་གྱིས་ལ་ ༄ ཕ༔ བཟུང་བ་ཡོད་ན་ཐོངས༔ བཅིང་པ་ཡོད་ན་ཁྲོལ༔ བསྡམ་པ་ཡོད་ན་ཀློད༔ མནན་པ་ཡོད་ན་ཐེག༔ གལ་སྲིད་གཞན་གནོད་གདུག་རྩུབ་ཀྱི་བསམ་སྦྱོར་ལ་3མ སྤྱོད་པར་གྱུར་ན་ཁྱེད་འཁོར་བ་སྡུག་བསྔལ་གྱི་བཙོན་ཁང་དུ་ཚུད་ནས་ཚོར་བ་མྱ་ངན་དང་༔ མྱོང་རྒྱུ་སྡུག་བསྔལ་ལས་མེད་པའི་དོན་ཤེས་པར་གྱིས་ལ་དད་གུས་དྲག་པོའི་སྒོ་ནས་བདག་གི་བཀའ་ལ་ཉན་ཏེ་དམ་ཚིག་ལ་གནས་པར་གྱིས་ཤིག༔ ཕཊ་ཕཊ་ཕཊ༔ ཅེས་དབང་སྡུད་ཟིལ་གནོན་བྱའོ༔ དེ་ཡིས་འདོད་དོན་ཕྲིན་ལས་འགྲུབ༔ བཀའ་སྲུང་བཙན་རྒྱལ་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་བོ་ཆུང་གཞན་ཕན་གྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཡིག་མེད་ནམ་མཁའི་ཀློང་མཛོད་ལས་དག་པར་ཕབ་པའི་ཡི་གེ་པ་ནི་རང་སློབ་མཁྱེན་རབ་རྒྱ་མཚོའོ། །དགེའོ །དགེའོ །ལེགས་སོ། །སརྦ་མངྒ་ལཾ།། །། ༈་མ T1610 - 287 T1610 - 288 ཕ༔ མགྲོན་འབོད་བྱ་བ་ལ༔ ཀཱི་ཀི༔ མ་རིག་གཉིས་འཛིན་འཁོར་བའི་འདྲེ་བོ་ཆེ༔ ཞེ་སྡང་ཕོ་གདོན་རྒྱལ་འགོང་༔ འདོད་ཆགས་མོ་གདོན་འདྲེ་མོ༔ གཏི་མུག་ཀླུ་གདོན་ས་བདག༔ དཀར་པོ་ལྷ་ཡི་སྡེ་ཚོགས༔ དམར་པོ་བཙན་གྱི་སྡེ་ཚོགས༔ འཆི་བདག་གཤིན་རྗེའི་སྡེ་ཚོགས༔ སྲོག་བདག་རྒྱལ་པོའི་སྡེ་ཚོགས སྲིད་པ་མ་མོའི་སྡེ་ཚོགས༔ མི་སྲུན་གནོད་སྦྱིན་གྱི་སྡེ་ཚོགས༔ ནག་པོ་བདུད་ཀྱི་སྡེ་ཚོགས༔ གཏུམ་པོ་ཀླུ་ཡི་སྡེ་ཚོགས༔ འདྲེ་གདོན་མ་ནིང་གི་སྡེ་ཚོགས་ཐམས་ཅད་འདིར་གཤེགས་ཤིག༔ འདིར་འདུས་ཤིག༔ ཕཊ་ཕཊ་ཕཊ༔ འོ་ནད་རིམས་ཡམས་ཀྱི་བདག་པོ༔ ཡ་བདུད་རྒྱལ་པོ༔ མ་བདུད་རྒྱལ་མོ༔ བཙན་ཁ་བཞི༔ མགྱོགས་པ་བདུད་བཞི༔ འཕྲོག་མ་མ་བུ་ལྔ་བརྒྱ༔ བྱིས་པའི་གདོན ཆེན་བཅོ་ལྔ༔ སྲིད་པ་ཆགས་པའི་འདྲེ་དགུ༔ གཙུག་ལག་ཁང་གི་གདོན་བཅུ༔ ཕུང་སྲི་གྲི་བོ་བཅོ་བརྒྱད༔ སྣང་སྲིད་ཡུལ་གཞིའི་བདག་པོ་ཐམས་ཅད་འདིར་གཤེགས་ཤིག༔ འདིར་འདུས་ཤིག༔ ཕཊ་ཕཊ་ཕཊ༔ ཁྱད་པར་དུ་བདག་དང་ནད་པ་འདི་ལ་གནོད་ཅིང་འཚེ་བར་བྱེད་པའི་འདྲེ་གདོན་འབྱུང་པོ༔ དང་པོ་ནད་ཀྱི་སྣ་འདྲེན་པ༔ བར་དུ་གདོན་གྱི་ཚང་བཅའ་ བ༔ ཐ་མ་ཚེ་དང་སྲོག་ལ་རྒོལ་བའི་གནའ་འདྲེ་རྙིང་པ༔ ད་འདྲེ་གསར་པ༔ གནས་ན་གནས་པའི་གནས་གདོན༔ ལུས་དང་འགྲོགས་པའི་ལུས་གདོན༔ ཡུལ་ནས་བྱུང་བའི་ཡུལ་གདོན༔ ཟ་བའི་འདྲེ༔ ཕུང་བའི་སྲི༔ ནད་ཀྱི་བདག་པོ་བདག་མོ༔ རིམས་ཀྱི་བདག་པོ་བདག་མོ༔ ཡམས་ཀྱི་བདག་པོ་བདག་མོ༔ མི་སྡུག་པའི་གཟུགས་སྟོན་པ༔ མི་བདེ་བའི་ཟུག་རྔུ་སློང་བ༔ མི་འདོད་པ་ཐོག་ཏུ་འབེབས་པ༔ མི་དགའ་བའི་རྣམ་འགྱུར་ངོམས་པ༔ མི་སྲུན་པའི་ལ་ཡོག་འདོར་བ༔ ནད་ནད་བདག་དང་བཅས་པ༔ གདོན་སྣ་འདྲེན་དང་བཅས པ༔ དཔུང་ཚོགས་རྒྱབ་བརྟེན་དང་བཅས་པ་ཐམས་ཅད་སྐད་ཅིག་ཉིད་དུ་འདིར་གཤེགས་ཤིག༔ འདིར་འདུས་ཤིག༔ ཕཊ་ཕཊ་ཕཊ༔ ཀྱེ་སྣང་སྲིད་ཀྱི་ལྷ་འདྲེ་ཁྱེད་རྣམས་ལ་ངས དམ་པའི་ཆོས་ཀྱི་ཕན་པ༔ བྱང་ཆུབ་སེམས་ཀྱི་བྱིན་རླབས༔ ལོངས་སྤྱོད་འདོད་ཡོན་གྱི་སྦྱིན་པ་སྟེར་ཞིང་ཐར་པ་བདེ་བའི་ས་ལ་འགོད་པ་ཡིན་པས་བཀའ་ལ་ཉོན་ཅིག༔ དམ་སྡོམ་ལོངས་ཤིག༔ གདུག་སེམས་དང་སྡང་སེམས་སྤོངས་ལ་ཞི་ཞིང་དེས་པའི་སེམས་ཀྱིས་ཉོན་ཅིག༔ ཕཊ་ཕཊ་ཕཊ༔ འདིའང་རང་སློབ་དམ་པ་ཚེས་བཅུས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ ཕ༔ སྨྲས་པའོ།། ཕ༔ དེ་ནས་མགྲོན་འབོད་པ་ནི༔ ཀི་ཀཱི༔ མཐོ་སྲིད་པའི་རྩེ་མོ་མན་ཆད༔ དམའ་ན་རཀ་དམྱལ་ཁམས་ཡན་ཆད་ཀྱི་ཁམས་གསུམ་དུ་གནས་ཤིང་རྒྱུ་བའི༔ དཀར་པོ་ལྷ་ཡི་སྡེ་ཚོགས༔ འཆི་བདག་གཤིན་རྗེའི་སྡེ་ཚོགས༔ སྲིད་པ་མ་མོའིཿ ནག་པོ་བདུད་ཀྱིཿ མགྱོགས་པ་བཙན་གྱི། སྲོག་བདག་རྒྱལ་པོའིཿ མི་སྲུན་གནོད་སྦྱིན་གྱི༴ གཏུམ་པོ་ཀླུའི་རཀྴ་སྲིན་པོའི སྟེང་གདོན་གཟའ་ཡི་བར་གདོན་འབྱུང་པོའི༴ འོག་གདོན་གཉན་གྱི་སྡེ་ཚོགས་ཐམས་ཅད་མ་ལུས་མ་འགྱང་མ་ཐོགས་པར་གཉན་མིག་འདི་རུ་ཤོག་ཅིག༔ འདི་རུ་འདུས་ཤིག༔ ཕཊ་ཕཊ་ཕཊ༔ འི་གཙོ་བོ་གདོན་ཆེན་བཅོ་ལྔ༔ འཕྲོག་མ་མ་བུ་ལྔ་བརྒྱ༔ བགེགས་རིགས་སྟོང་ཕྲག་བརྒྱད་ཅུ༔ སྲིད་པའི་ཡུལ་གྱི་འདྲེ་དགུ༔ གཙུག་ལག་ཁང་གི་གདོན་བཅུ༔ ཕོ་གདོན་ལས་ཀྱི་རྒྱལ་འགོང་༔ མོ་གདོན་ལས་ཀྱི་འདྲེ་མོ༔ ཀླུ་གདོན་ལས་ཀྱི་ས་བདག་ཐམས་ཅད་འདིར་གཤེགས་ཤིག༔ འདིར་འདུས་ཤིག༔ ཕཊ་ཕཊ་ཕཊ༔ འི་མི་ངའི་སྔོན་གྱི་ལས་ལས་གྱུར་པ༔ འཕྲལ་གྱི་རྐྱེན་ལས་གྱུར་པ༔ ལས་ཉོན་བག་ཆགས་གཟུང་འཛིན་རྒྱུ་རྐྱེན་ལས་གྲུབ་པའི་འདྲེ་གདོན་འབྱུང་པོ༔ ཁ་ཡི་དབུགས་འཕྲོག་ཅིང་ཁོང་པའི་སྲོག་གཅོད་པ༔ ལུས་ཀྱི་མདངས་འཕྲོག་ཅིང་ལོངས་སྤྱོད་ཀྱི་དཔལ་འཕྲོག་པ༔ ཚེ་ལ་རྐུ་བ༔ བླ་ལ་འཇབ་པ༔ ཡིད་ལ་བརྣག་པའི་སེམས་ཅན༔ གནོད་པའི་སེམས་དང་ལྡན་པ༔ གདུག་པའི་སེམས་དང་ལྡན་པ༔ དྲག་ཤུལ་གྱི་སེམས་དང་ལྡན་པ་ཐམས་ཅད་འདིར་ཤོག་ཅིག༔ ཕཊ་ཕཊ་ཕཊ༔ འི་མཐོ་སྲིད་པའི་རྩེ་མོ་མན་ཆད༔ དམའ་ན་རཀ་དམྱལ་ཁམས་ཡན་ཆད་ཀྱི་ཁམས་གསུམ་སེམས་ཅན་ཐམས་ཅད་སྣང་སྲིད་ལྷ་འདྲེ་ཁྱེད་རྣམས་ལ་ངའི་མགོའི་རལ་པའི་ཅོད་པན་མན་ཆད༔ རྐང་སེན་རྩེ་རྣོན་པོ་ཡན་ཆད་ཀྱི༔ ཤ་ཁྲག་རུས་པ་རྐང་དང་རྩ་རྒྱུས་ལྤགས་པ་དང་བ་སྤུ་ཚུན་ཆད་ལ་བདག་ཏུ་མི་འཛིན་པར༔ དུས་དེ་རིང་སྤྱིར་སེམས་ཅན་ཐམས་ཅད་སྒོས་དྲིན་ཆེན་ཕ་མ་དང་འབྲེལ་ཐོགས༔ ཡང་སྒོས་རྩ་བའི་བླ་མའི་སྐུ་གླུད་དུ་འབུལ་ཞིང་སྟེར་བ་ཡིན་པས༔ ལྷག་མ་རྡུལ་ཕྲན་ཙམ་ཡང་མ་ལུས་པར་ལོངས་ཤིག༔ ཟོ་ཞིག༔ ཁྱེར་ཅིག༔ ཕཊ་ཕཊ་ཕཊ༔ ཅེས་བདུད་འཇོམས་པས་ཆོས་ཉིད་ནམ་མཁའི་ཀློང་མཛོད་ལས་སོ། །དགེའོ། །དགེའོ།། ད༔ དག་སྣང་ལས༔ དམར་འགྱེད་བྱ་བ་ལ༔ རང་དང་བསྲུང་བྱའི་རིག་པ་ཚངས་བུག་ནས་དཔག་ཆེན་གྱི་མདའ་ལྟར་སྟེང་གི་ནམ་མཁར་འཕངས་ཏེ་མ་ཅིག་ཁྲོས་མ་ནག་མོའི་སྐུ་འཇིག་རྟེན་སྲིད་པའི་གཏོས་དང་མཉམ་པར་གྱུར༔ ཕཊ་ཕཊ་ཕཊ༔ ཕྱག་གཡས་པས་གྲི་གུག་ཚད་པ་ཙམ་གྱིས་པགས་པ་བཤུས་ཏེ་ས་གཞི་ཐམས་ཅད་ཁེབས་པར་བསམ༔ དེའི་སྟེང་དུ་ལུས་ཤ ཁྲག་གི་ཕུང་པོ་ཐར་གྱིས་ཞིག་ནས་བཟའ་བ་ཤ་ཡི་རི་བོ༔ བཏུང་བ་ཁྲག་གི་རྒྱ་མཚོ༔ བཅའ་བ་རུས་པའི་གྲམ་ཁྲོད༔ ལྡག་པ་ཚིལ་དང་ཞུན་གྱི་ཕུང་པོ༔ གཞིབ་པ་རྐང་དང་ལྷ་བ་འདོད་ཡོན་ནམ་མཁའ་མཛོད་དུ་སྤྲོ་བའི་བདག་ཉིད་ཅན་དུ་གྱུར༔ ཕཊ་ཕཊ་ཕཊ༔ བདག་ཉིད་ཡེ་ཤེས་ཀྱི་མཁའ་འགྲོ་མའི་ཐུགས་ཀ་ནས་འོད་ཟེར་འཕྲོས་པས་ཕྱོགས་བཅུའི་མཁའ་འགྲོ་རྣམས་ལ་འཁོར་སྤྲུལ་པ་སྒྱུ་འཕྲུལ་མཁའ་འགྲོ་དང་སྣང་སྲིད་ལྷ་འདྲེས་བསྐོར་བ་དང་བཅས་པ་སྤྱན་དྲངས༔ ཕཊ་ཕཊ་ཕཊ༔ རྐང་གླིང་དང་ཐོད་རྔའི་འུར་ཆེམ་བྱ༔ ཕཊ༔ ཀྱེེ༔ མ་མི་མིན་ཡེ་ཤེས་མཁའ་འགྲོ་མ༔ དབུས་སངས་རྒྱས་རིགས་ཀྱི་མཁའ་འགྲོ་མ༔ མ་མཁའ་འགྲོ་བྱེ་བ་འབུམ་དང་བཅས༔ བཀའ་སྣང་སྲིད་ལྷ་འདྲེའི་འཁོར་གྱིས་བསྐོར༔ མ་འདིར་གཤེགས་བཤམས་པའི་མཆོད་པ་བཞེས༔ ལུས་ ཁྲག་དམར་གྱི་ཚོགས་ལ་རོལ༔ རྐྱེན་ནད་གདོན་དབྱིངས་སུ་གཅོད་པ་དང་༔ མཆོག་ཐུན་མོང་གཉིས་ཀྱི་དངོས་གྲུབ་སྩོལ༔ ཕཊ་ཕཊ་ཕཊ༔ ཉོན་མོངས་པ་གཏི་མུག་དང་དེར་བྱུང་གི་ནད་གདོན་སྡིག་སྒྲིབ་བག ཆགས་གདོས་བཅས་ཤ་ཁྲག་གི་ཕུང་པོ་དང་བཅས་པ་དབུས་ཕྱོགས་སངས་རྒྱས་མཁའ་འགྲོ་འཁོར་སྣང་སྲིད་ལྷ་འདྲེའི་ཚོགས་དང་བཅས་པའི་ཞལ་དུ་བསྟབ་ནས་རྗེས་ཤུལ་ཙམ་ཡང་མེད་པར་བསམ༔ ཀྱེེ༔ མ་མི་མིན་ཡེ་ཤེས་མཁའ་འགྲོ་མ༔ ཤར་རྡོ་རྗེ་རིགས་ཀྱི་མཁའ་འགྲོ་མ༔ མ་མཁའ་འགྲོ༔ བཀའ་སྣང་སྲིད་མ་འདིར་གཤེགསཿ ལུས་ཤ་ཁྲག རྐྱེན་ནད་གདོན༴ མཆོག་ཐུན་མོང་གཉིས་ཀྱི་དངོས་གྲུབ་སྩོལ༔ ཕཊ་ཕཊ་ཕཊ༔ ཉོན་མོངས་པ་ཞེ་སྡང་དང་དེར་བྱུང་གི་སོགས༔ ཀྱེེ༔ མ་མི་མིན་ཡེ་ཤེས་མཁའ་འགྲོ་མ༔ ལྷོ་རིན་ཆེན་རིགས་ཀྱི་མཁའ་འགྲོ་མ༔ མ་མཁའ་འགྲོ༔ བཀའ་སྣང་སྲིདཿ མ་འདིར་གཤེགས ཤག་ཤ་ཁྲག རྐྱེན་ནད་གདོན༴ མཆོག་ཐུན་མོང་གཉིས་ཀྱི་དངོས་གྲུབ་སྩོལ༔ ཕཊ་ཕཊ་ཕཊ༔ ཉོན་མོངས་པ་ང་རྒྱལ་དང་དེར་བྱུང་གི་སོགས༔ ཀྱེེ༔ མ་མི་མིན་ཡེ་ཤེས་མཁའ་འགྲོ་མ༔ ནུབ་པདྨ་རིགས་ཀྱི་མཁའ་འགྲོ་མ༔ མ་མཁའ་འགྲོ༔ བཀའ་སྣང་སྲིད མ་འདིར་གཤེགས༴ ལུས་ཤ་ཁྲག རྐྱེན་ནད་གདོན༴ མཆོག་ཐུན་མོང་གཉིས་ཀྱི་དངོས་གྲུབ་སྩོལ༔ ཕཊ་ཕཊ་ཕཊ༔ T11610 - 294 ཨོཾ ཉོན་མོངས་པ་འདོད་ཆགས་དང་དེར་བྱུང་སོགས༔ ཀྱེེ༔ མ་མི་མིན་ཡེ་ཤེས་མཁའ་འགྲོ་མ༔ བྱང་ལས་ཀྱི་རིགས་ཀྱི་མཁའ་འགྲོ་མ༔ མ་མཁའ་འགྲོ བཀའ་སྣང་སྲིདཿ མ་འདིར་གཤེགས་ལུས་ཤ་ཁྲག རྐྱེན་ནད་གདོན༴ མཆོག་ཐུན་མོང་གཉིས་ཀྱི་དངོས་གྲུབ་སྩོལ༔ ཕཊ་ཕཊ་ཕཊ༔ ཉོན་མོངས་པ་ཕྲག་དོག་དང་དེར་བྱུང་སོགས༔ ཀྱེེ༔ མ་མི་མིན་ཡེ་ཤེས་མཁའ་འགྲོ་མ༔ སྟེང་མཁའ་སྤྲོད་རིགས་ཀྱི་མཁའ་འགྲོ་མ༔ མ་མཁའ་འགྲོ བཀའ་སྣང་སྲིད མ་འདིར་གཤེགས་ལུས་ཤ་ཁྲགརྐྱེན་ནད་གདོན༔ མཆོག་ཐུན་མོང་གཉིས ཀྱི་དངོས་གྲུབ་སྩོལ༔ ཕཊ་ཕཊ་ཕཊ༔ ཉོན་མོངས་པ་དུག་གསུམ་དང་དེར་བྱུང་སོགས༔ ཀྱེེ༔ མ་མི་མིན་ཡེ་ཤེས་མཁའ་འགྲོ་མ༔ མཚམས་ཕྱོགས་འཛིན་རིགས་ཀྱི་མཁའ་འགྲོ་མ༔ མ་མཁའ་འགྲོ བཀའ་སྣང་སྲིདཿ མ་འདིར་གཤེགས ལུས་ཤ་ཁྲག རྐྱེན་ནད་གདོན༴ མཆོག་ཐུན་མོང་གཉིས་ཀྱི་དངོས་གྲུབ་སྩོལ༔ ཕཊ་ཕཊ་ཕཊ༔ ཉོན་མོངས་པ་བརྒྱད་ཁྲི་བཞི་སྟོང་དང་དེར་བྱུང་གི་སོགས༔ ཀྱེེ༔ མ་མི་མིན་ཡེ་ཤེས་མཁའ་འགྲོ་མ༔ འོག་ས་སྤྱོད་རིགས་ཀྱི་མཁའ་འགྲོ་མ༔ མ་མཁའ་འགྲོ༔ བཀའ་སྣང་སྲིད་མ་འདིར་གཤེགས་ལུས་ཤ་ཁྲག རྐྱེན་ནད་གདོན མཆོག་ ཐུན་མོང་གཉིས་ཀྱི་དངོས་གྲུབ་སྩོལ༔ ཕཊ་ཕཊ་ཕཊ༔ ཉོན་མོངས་པ་གཟུང་འཛིན་གྱིས་ཀུན་ནས་བསླང་བའི་ནད་གདོན་སྡིག་སྒྲིབ་བག་ཆགས་གདོས་བཅས་ཤ་ཁྲག་གི་ཕུང་པོ་དང་བཅས་པ་འོག་ས་སྤྱོད་རིགས་ཀྱི་མཁའ་འགྲོ་མ་འཁོར་དང་བཅས་པའི་ཞལ་དུ་བསྟབ་ནས་རྗེས་ཤུལ་ཙམ་ཡང་མེད་པར་བསམ༔ ཕཊ་དང་པོས་མཆོད༔ གཉིས་པས་ཐོབ༔ གསུམ་པས་བདེ་སྟོང་གི་རོས་ཚིམ་པར་བསམ༔ གང་ལ་ཁ་བསྒྱུར་བྱས་ཀྱང་རུང་༔ འདི་གཅིག་པུར་སྦྱར་ན་མཐར་བསྡུ་རིམ་ནི༔ མཐར་མཆོད་བྱ་མཆོད་བྱེད་མཆོད་ཡུལ་ཀུན༔ དོན་གཉིས་མེད་ངང་དུ་རོ་གཅིག་པར༔ གཞི་ཀ་དག་ཆེན་པོའི་ལྷུམས་སུ་ཞུགས༔ གདངས་མི་འགྱུར་རྡོ་རྗེའི་ངང་དུ་ཞི༔ ཕཊ་ཕཊ་ཕཊ༔ ས་མ་ཡ༔ མ་ཅིག་ལབ་ཀྱི་སྒྲོན་མས་གདམས། །སློབ་མ་མཆོག་རབ་རྩལ་གྱི་ངོར། །ཁྲག་འཐུང་བདུད་འཇོམས་རྡོ་རྗེས་ཕབ། །ཡི་གེ་རིག་པའི་རྡོ་རྗེས་བྲིས། །དགེའོ། །དགེའོ། །དགེའོ། །སརྦ་མངྒ་ལཾ། ། ཕ༔ ཀྱེེ༔ ཕོ་གདོན་ལས་ཀྱི་རྒྱལ་འགོང་དང་༔ མོ་གདོན་ལས་ཀྱི་འདྲེ་མོ་དང་༔ ཀླུ་གདོན་ལས་ཀྱི་ས་བདག་དང་༔ མི་ང་ལ་གནོད་བྱེད་ཀྱི་ལྷ་འདྲེ་ལ༔ ལུས་ཤ་ཁྲག་གི་མཆོད་སྦྱིན་འདི་འབུལ་བས༔ འདྲེ་ཁྱེད་རྣམས་ངོམས་ཤིང་ཚིམས་གྱུར་ནས༔ ངའི་བུ་ལོན་ལན་ཆགས་བྱང་བར་ཤོག༔ ཕཊ་ཕཊ་ཕཊ༔ ཨོཾཿ ཆོས་ཉིད་ནམ་མཁའི་ཀློང་མཛོད་ལས༔ དམར་འགྱེད་བར་ཆད་ཀུན་སེལ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཀནྱརྦ།༔ སྐྱབས་འགྲོ་སེམས་བསྐྱེད་སྔོན་སོང་ནས༔ ཕཊ༔ རང་ལུས་ཆེ་བརྗིད་ཚོ་སྣུམ་ཡིད་འཕྲོག་པའི༔ དབུས་སུ་དྭངས་མའི་རྩ་མཆོག་དབུ་མའི་སྦུབས༔ རིག་པ་དྭངས་མའི་ཐིག་ལེ་ནམ་མཁར་འཕང་༔ དབྱིངས་ནས་ཁྲོས་མ་མཐིང་ནག་གྲི ཐོད་ཅན༔ གར་སྟབས་རུས་རྒྱན་ཡེ་ཤེས་མེ་དཔུང་འབར༔ ཁམས་གསུམ་དབང་སྡུད་འཁོར་འདས་དབང་མོར་བསྐྱེད༔ ཕཊ་ཕཊ་ཕཊ༔ དེ་ནས་མགྲོན་འབོད་བྱ་བ་ལ༔ ཀྱེེ༔ ཕོ་གདོན་ལས་ཀྱི་རྒྱལ་འགོང་འདུས༔ མོ་གདོན་བསེན་མོ་འདྲེ་མོ་འདུས༔ ཀླུ་གདོན་གཉན་དང་ས་བདག་འདུས༔ སྲིད་པའི་ཡུལ་གྱི་འདྲེ་དགུཿ གཙུག་ལག་ཁང་གི་གདོན་བཅུ་བགེགས་རིགས སྟོང་ཕྲག་བརྒྱད་ཅུཿ ཡེ་འདྲོག་སུམ་བརྒྱ་དྲུག་ཅུཿ རྐྱེན་ངན་ཉི་ཁྲི་ཆིག་སྟོང་འཕྲོག་མ་མ་བུ་ལྔ་བརྒྱ་བྱིས་པའི་གདོན་ཆེན་བཅོ་ལྔ ཟ་འདྲེ་ཤི་གཤེད་ཐམས་ཅད༴ སྲོག་གཅོད་དབུགས་ལེན་བླ་རྐུན༴ ཕུང་སྲི་གྲི་བོ་བཅོ་བརྒྱད༴ དཀར་པོ་ལྷ་ཡི་སྡེ་ཚོགས་དམར་པོ་བཙན་གྱི་སྡེ་ཚོགས༴ འཆི་བདག་གཤིན་རྗེའི་སྡེ་ཚོགས༴ སྲོག་བདག་རྒྱལ་པོའི་སྡེ་ཚོགསཿ སྲིད་པ་མ་མོའི་སྡེ་ཚོགས་མི་སྲུན་གནོད་སྦྱིན་སྡེ་ཚོགས་ཕྱུག་པོ་ཀླུ་ཡི་སྡེ་ཚོགས་ནག་པོ་བདུད་ཀྱི་སྡེ་ཚོགས༴ འཕན་པོ་གཉན་གྱི་སྡེ་ཚོགསཿ ཁྲ་བོ་གཟའ་ཡི་སྡེ་ཚོགསཿ གནས་ན་གནས་པའི་གནས་གདོན་འདུས༔ ལུས་ན་གནས་པའི་ལུས་གདོན༴ གྲོང་རྒྱུག་འདྲེ་གདོན་ཕོ་མོཿ གཉུག་མར་གནས་པའི་འདྲེ་རྒནཿ གློ་བུར་ལྷག་པའི་འདྲེ་ཕྲན་འདུས༔ བཤས་བཤའ་རོག་ལ་སླེབ་པར་གྱིས༔ ཤ་བགོས་རོག་ལ་སླེབ་པར་གྱིས༔ ཁྱེད་ལྷ་འདྲེ་བདག་གི་ཕ་མ་ཡིན༔ བུ་ཡི་ཤ་ཁྲག་རོལ་དུ་ཤོག༔ ངའི་ཚེ་རབས་འཁོར་བ་ཐོག་མེད་ནས༔ ལན་ཆགས་བུ་ལོན་ཤ་མཁོན་བདག༔ མ་ལུས་འདིར་ཤོག་འདིར་འདུས་ཤིག༔ ནམ་མཁར་སྐར་ལྟར་འཁྲིགས་ལ་ཤོག༔ བར་སྣང་སྤྲིན་ལྟར་འཐིབ་ལ་ཤོག༔ ས་གཞིར་རླུང་ལྟར་འཚུབས་ལ་ཤོག༔ ཕཊ་ཕཊ་ཕཊ༔ དེ་ནས་འགྱེད་ལས་བྱ་བ་ལ༔ ཀྱེེ༔ ཉོན་ཅིག་སྣང་སྲིད་ལྷ་འདྲེའི་ཚོགས༔ ངས་ཚེ་རབས་