Tibetan
པ་ཁྱོད་བདེན་ན། །མན་ངག་གསང་བའི་ཁྲིད་གཞུང་གནད་བསྡུས་པའི །ཚིག་ཉུང་དོན་ཟབ་ཉམས་ལེན་ཁྱོད་ལ་གདམས། །ཀྱེ་ཧོ། སྣང་སྲིད་དང་འཁོར་འདས ཆོས་སོ་ཅོག །མིང་བཙལ་བའི་གདགས་གཞི་སྟོང་པ་ཉིད །དངོས་པོ་དང་ཐོག་རེག་གྲུབ་པ་ཡི། །འདོད་ཡོན་གྱི་སྣང་བ་ཐམས་ཅད་ཀུན །སྒྱུ་མ་དང་རྨི་ལམ་ཇི་བཞིན་དུ། །མེད་བཞིན་དུ་སྣང་བ་ཆུ་ཟླ་ལྟར། །ཚུལ་ཤེས་པའི་ངང་ནས་བདེན་ཞེན་སྤོངས །ལྷར་སྣང་དང་འདྲེར་སྣང་དགེ་སྡིག་ཆོས། །གཞི་རྩ་དང་བྲལ་བའི་ཚུལ་ལ་ལྟོས། །འཁོར་བ་དང་འདས་པའི་ཡུལ སྣང་ཀུན། །མེད་བཞིན་དུ་སྣང་བ་རབ་རིབ་ལྟར །ཇི་བཞིན་དུ་རྟོགས་པའི་གདངས་སྟོང་ཉིད། །གཞི་ཀུན་ཏུ་བཟང་པོར་ཡེ་སངས་རྒྱས །ཀུན་རྫོབ་དང་དོན་དམ་དྲང་ངེས་དོན །ཐབས་ཤེས་དང་འབྲེལ་བའི་ཆོས་རྣམས་ཀུན། །གཞིར་གནས་ཀྱི་རིག་པ་རང་ལ་རྫོགས། །ཚུལ་རྟོགས་པ་ལྟ་བའི་རྒྱལ་པོ་ལགས། །བསྒོམ་པ་ནི་དམིགས་གཏད་བྲལ་བ་ཡི །ཁྱབ་བརྡལ་གྱི་ནམ་ མཁའ་ཁོང་ཆུབ་ངང་། །སྒོམ་དམིགས་དང་འཛིན་རྩོལ་བྲལ་བ་ལགས། །སྤྱོད་པ་ནི་བྱ་སྤྱོད་དགེ་སྡིག་ཆོས། །ཆམ་བཞག་ཏུ་ཡེ་བབ་ཆེན་པོ་རུ། །མ་བཅོས་པར་ལྷོད་གྲོལ་བསྒོམ་མེད་ཡན། །སྤྱོད་པའི་གནད་འདི་ལས་མེད་པ་ལགས །རང་ཐོག་ཏུ་རང་སངས་རྒྱས་པ་ལས །ཡུལ་གཞན་དུ་འཕོས་འཕགས་བགྲོད་སླེབས་མེད། །འབྲས་བུ་ནི་རང་སངས་རྒྱས་པ་ལགས། སྒོ་གསུམ་གྱི་དྭངས་མ་རྣམ་པ་གསུམ། །རྩ་བ་དང་སྡོང་པོ་འབྲས་བུ་ལྟར། །དཔེར་ན་ནི་སྣོད་དང་བཅུད་བཞིན་དུ །ཕྱི་འབྱུང་དང་ནང་འབྱུང་དྭངས་མ་དབྱིངས། །ཐིག་ལེ་དང་འཆར་གཞི་ཤེས་རབ་བཅས། །རང་བྱུང་དང་རང་ཆས་རང་ལ་རྫོགས།།བཞུགས་སྟངས་དང་གཟིགས་སྟངས་རྣམ་དྲུག་གིས། །ཚུལ་ཇི་ལྟ་བ་བཞིན་ཤེས་ནས་མཐར། །ངང་མངོན་གྱུར་ཆེན་པོའི་གནད་བསྣུན་ཏེ། །བར་མ་ཆད་ཉམས་ལེན་སྐལ་ལྡན་ན། །ལོ་བཅུ་གཉིས་གྲངས་ལས་མི་འདའ་བར། །འཇའ་ལུས་དང་འཕོ་བ་ཆེན་པོ་རུ། །འཚང་རྒྱ་བ་གདམས་ངག་ཟབ་ཁྱད་ཡིན། ཁྱོད་འདི་ལྟར་དོ་གལ་ཆེན་པོ་ཡིས །དོན་ཡང་ཡང་བསྐུལ་ངོ་མ་ལྡོག་པས། །མི་རྒན་གྱི་འཆོལ་ཚིགས་ལབ་མོ་འདི། །མ་བརྗེད་པར་སྙིང་གི་དཀྱིལ་དུ་ཞོག །ས་ཕུག་དང་རི་ཕུག་སྤྱིལ་པོ ༄༅། །རུ། །ཁ་ལག་གིས་སྤྱོད་པའི་དབང་མ་ཤོར། །རྩེ་གཅིག་ཏུ་སྙིང་པོའི་སྒྲུབ་ལ་གཞོལ །འཁོར་འདས་ཀྱི་ས་མཚམས་ད་རེས་ཡིན །དེ་ཤེས་པར་གྱིས་ཤིག དགེ་བཙུན་མ། །ཞེས་པ་འདི་དགེ་མ་སངས་རྒྱས་སྒྲོན་མས་བསྐུལ་ངོར་མི་རྒན་བདུད་འཇོམས་རྡོ་རྗེས་སྨྲས་བཞིན་ངག་དབང་ཕྲིན་ལས་ཀྱིས་བྲིས་པ་འདིས་ཀྱང་བསྟན་འགྲོ་ཡོངས་ལ་ཕན་བདེ་འབྱུང་བའི་རྒྱུར་གྱུར་ཅིག །སརྦ་མངྒ་ལཾ། ། 333334 333 TI1618 - 337 T11618-338 ༄༅། །རྗེ་དགུ་ལྡན་བླ་མས་རྟག་ཏུ་སྐྱོངས། །ཚེ་ཆོས་ལ་དྲིལ་བའི་དགེ་བཙུན་མ། །ཡུལ་སྣང་ཞིང་སྲིད་པའི་ཆོས་སོ་ཅོག །གཞི་སྟོང་ཉིད་ནམ་མཁའི་ཆོ་འཕྲུལ་ཏེ། ཚུལ་ཇི་བཞིན་རྟོགས་པ་ལྟ་བ་ལགས། །ངང་མངོན་བྱེད་སྒོམ་པ་ཟབ་མོ་ལགས །གཞི་ཁྲེགས་ཆོད་ལྟ་སྒོམ་གནད་གཅིག་ཡིན །དཔལ་དུས་གསུམ་རྒྱལ་བའི་དགོངས་བཅུད་མཆོག མ་མཁའ་འགྲོ་རྣམས་ཀྱི་སྙིང་ཁྲག་སྟེ། །བཀའ་ཆོས་སྐྱོང་སྲུང་མའི་སྲོག་རྩ་ནི །ཟབ་རྒྱ་ཡི་ཡང་ཟབ་ཐོད་རྒལ་ལམ། །སྙིང་ཙིཏྟ་ཤ་ཡི་སྒྲོན་མ་དང་། །རྩ་ཀ་ཏི་ཤེལ་གྱི་སྦུ་གུ་ཅན། མིག་རྒྱང་ཞགས་ཆུ་ཡི་སྒྲོན་མ་སྟེ །ཕྱི་སྣོད་ཀྱི་སྒྲོན་མ་རྣམ་གསུམ་ལགས །དབྱིངས་རྣམ་པར་དག་པའི་སྒྲོན་མ་དང་། །བཅུད་ཐིག་ལེ་སྟོང་པའི་སྒྲོན་མ་དང་། །གཞི་ཤེས་རབ་རང་བྱུང་སྒྲོན་མ་རྣམས། །ནང་བཅུད་ཀྱི་སྒྲོན་མ་རྣམ་གསུམ་ལགས། །དོན་གཅིག་དྲིལ་ཀློང་གྱུར་ཆེན་པོ་རུ། །དུས་རྒྱུན་ཆད་མེད་པར་འཇོག་མཁས་ན། །ཚེ་འདི་ལས་གཞན་དུ་མི་བརྒྱུད་པར།། གནས་རང་སྣང་དོན་གྱི་འོག་མིན་དུ། །ཁྱོད་མངོན་འཚང་རྒྱ་འོ་དགེ་བཙུན་མ། །དེ་པདྨ་འདམ་གྱིས་མ་གོས་ལྟར། །ཁྱོད་སྲིད་པའི་རྐྱེན་གྱིས་མ་གོས་པར། །གནས་རི་ཁྲོད་དབེན་པ་འཛིན་TI1618 - 339 པ་ལ། །ངོ་མཚར་ཞིང་དགའ་འོ་སྤྲོ་ཞིང་སྤྲོ། །དུས་ད་རུང་ཤི་མཐར་མ་ཐུག་བར །གནས་དབེན་པ་བརྟེན་ཅིང་སྒྲུབ་ལ་འབུངས། །རྗེ་དུས་གསུམ་རྒྱལ་བ་རྒྱ་མཚོ་དང་། །ཕ་བརྒྱུད་གསུམ་བླ་མ་རྒྱ་མཚོ་ཡི། །བྱིན་རླབས་དང་དངོས་གྲུབ་འབད་མེད་འབྱུང་། །བདག་མི་རྒན་ཞལ་གདམས་དེ་ལས་མེད། །དེ་ཙིཏྟ་སྙིང་གི་ཐིག་ལེ་གྱིས། །ཞེས་པ་འདི་རྣལ་འབྱོར་མ་པད མཚོ་ཞེས་བྱ་བས་ནན་དུ་བསྐུལ་ངོར་མི་རྒན་བདུད་འཇོམས་རྡོ་རྗེས་འཆོལ་མར་སྨྲས་པ་དགེ་།མངྒ་ལཾ།། །། ་ལ་ལ་T1618 - 340 ༄༅། །དཔལ་ཨོ་རྒྱན་པདྨ་ཀ་རས་སྐྱོངས། །ཁྱོད་ངེས་པར་ཆོས་ཤིག་བསྒྲུབ་འདོད་ན། །ལུས་དལ་འབྱོར་ལྡན་པ་ཐོབ་དཀའ་སྟེ། །འདི་ད་རེས་དོན་ལྡན་ཞིག་ལ་རེམ།། ཚེ་མི་རྟག་དབྱར་ཁའི་མེ་ཏོག་འདྲ། །ད་མྱུར་དུ་ཐར་པ་དོན་གཉེར་མཛོད། །ལས་རྒྱུ་འབྲས་བདེ་སྡུག་འཁོར་བའི་གཞི། །དོན་འཕྱུགས་མེད་གདམས་ངག་ཉམས་སུ་ལོངས། །ཡུལ་འཁོར་བ་སྡུག་བསྔལ་རྒྱ་མཚོའི་ངང་། །ཚུལ་དྲན་ནས་ཐར་པའི་ལམ་དུ་སྙོགས། །གཞི་སྟོང་ཉིད་ནམ་མཁའི་རང་བཞིན་ལ། །ཆོས་ཐམས་ཅད་མ་བཅོས་ངང་གི་ཆོས །སྐྱབས་གཞན་ན་མེད་དོ་བྱང་ཆུབ་སེམས། །ཡུལ་གཞན་ན་མེད་དོ་དམ་ཆོས་རང་།སྒོམ་གཞན་ན་མེད་དོ་ངང་མངོན་གྱུར། །སངས་རང་ས་ཉིད་ནས་རྒྱས་པ་ལས། །གནས་གཞན་ལ་འཕོས་ཤིང་བགྲོད་སླེབས མེད། །ས་ལམ་གྱི་རིམ་པར་མི་ལྟོས་ཤིང་། །ཐོད་གཅིག་ཆར་དུ་བརྒལ་བ་ཐོད་རྒལ་ལམ། །ཕྱི་འབྱུང་དང་ནང་འབྱུང་དྭངས་མའི་དབྱིངས། །བཟང་ངན་གྱི་སྣང་བ་གང་ཤར་ལ།། རེ་དོགས་དང་ཡིན་མིན་ཡིད་དཔྱོད་སོགས། །ཆམ་བཞག་གི་ངང་དུ་ཡིད་ཆེས་མཛོད། །རྣམ་མཁྱེན་གྱི་ལམ་བཟང་མདོར་བསྡུས་འདི། །ཁྱོད་སྙིང་ལ་འཆོངས་ཤིག་དར་ལོ་པ། །ཞེས་པ་TI1618 - 341 འདི་སློབ་བུ་དར་ལོ་ཞེས་བྱ་བས་ནན་དུ་བསྐུལ་ངོར་བདུད་འཇོམས་པས་སྨྲས་པ་ཡོངས་སུ་དགེ་བར་གྱུར་ཅིག །དགེའོ། །ལེགས་སོ། །། པ བདུད་འཇོམས་གསུང་མགུར་སྐོར་T11618 - 342 བདུད་འཇོམས་གསུང་མགུར་སྐོར་T11618 - 342 ༄༅། །ཨ་ཧོ། བདེ་མོ་ལྷ་ཡུལ་སྐྱིད་པོ་མཁའ་སྤྱོད། །སྡོམ་པ་དམ་ཚིག་བསྲུང་ནུས་ན་མི་རིང་།མྱུར་དུ་རྣམ་གྲོལ་གཏན་བདེའི་སར་སླེབས་འགྲོ། །སྲིད་པའི ༄ སྡུག་བསྔལ་ཡུལ་ངན་ལས་དབེན་པའི། །དགའ་བདེ་སྡུག་པས་མ་གོས་པའི་དག་ཞིང་། །དེ་ལས་ཁྱད་འཕགས་དོན་གྱི་གནས་འོག་མིན། །ལྟ་བ་རྟོགས་ན་རང་རྩལ་ན་རང་ཆས། །བགྲོད་སླེབས་མི་དགོས་རང་ངོ་རུ་སད་འོང་། །ཀུན་བཟང་མིན་ཀྱང་ཀུན་བཟང་གི་ཐ་སྙད། །བཏགས་པ་ཀུན་ཏུ་བཟང་པོའི་རྒྱལ་ས་རུ་ཕེབས་སོང་། །ཧ་ཧ། ཧེ་ཧེ། ཞེས་པ་གླུ་མཁན་བདུད འཇོམས་རྡོ་རྗེས་ཐད་ཤར་དུ་བྲིས་པ་དགེའོ།། 339 339 T11618 - 343 T11618 - 344 ༄༅། །སློབ་བུ་ངག་དབང་ཕྲིན་ལས་ལ་གདམས་པའི་གླུ་དབྱངས་རྨོངས་པའི་མིག་འབྱེད་གསེར་གྱི་ཐུར་མ་ཞེས་བྱ་བ་བཞུགས་སོ། །ན་མོ། སྐུ་དང་ཡེ་ཤེས་རྒྱ མཚོའི་བདག་ཉིད་དཔལ། །འགྲོ་བློའི་མུན་སེལ་ཡེ་ཤེས་ཉི་མ་མཆོག །དུས་གསུམ་རྒྱལ་བ་ཡོངས་ཀྱི་ཁྱབ་བདག་རྗེ །སྐུ་བཞིའི་དབང་ཕྱུག་པདྨ་ཀ་རས་སྐྱོངས། །མ་རིག་སྒོང་རྒྱར་དུབ ཅིང་ཉམས་ཕྲ་བའི། །སྐྱེ་འགྲོ་སྲིད་ལས་སྒྲོལ་བའི་མཐུ་ནུས་སྩོལ །སྨོན་ལམ་ལས་ཀྱིས་འབྲེལ་བའི་སྐྱེས་བུ་ཁྱོད། །ཚེ་གཅིག་སངས་རྒྱས་འདོད་ན་འདི་བཞིན་མཛོད། །སྔོན་གྱི་ལས་དང་བསོད་ནམས་བསགས་པའི་འབྲས །ད་ལྟ་དལ་འབྱོར་མི་ལུས་རིན་ཆེན་ཐོབ། །ཡང་ཡང་རྙེད་དཀའ་ཡིད་བཞིན་ནོར་བུ་འདྲ། །མདོ་མེད་སྟོང་ལོག་མ་བྱེད་སྐལ་ལྡན་བུ། །ཚེ་འདིའི་སྣང་བ་རྨི་ལམ་གནས་སྐབས་ཙམ །མི་ཚེ་ཕྱེད་ཆ་ཟད་པའི་ལྷག་མ་འདིར །དགྲ་འདུལ་གཉེན་སྐྱོང་གསོག་འཇོག་ལས་ཀ་སྤོངས། །འཆི་དུས་བློ་ལྷག་མེད་དོ་སྐལ་ལྡན་བུ། །གཏན་བདེ་བསྒྲུབ་པའི་རྟེན་འབྲེལ་ད་རེས་འཛོམས། །ཡང་ཡང་འདི་འདྲའི་སྟབས་ཀ་འགྲིགས་དུས་མེད །ལུས་ཀྱི་བྱ་བ་སྤོངས་ལ་བྱར་མེད་ཀྱིས །གཅིག་པུར་རི་ཁྲོད་བརྟེན་མཛོད་སྐལ་ལྡན་TI1618 - 345 བུ། །མི་དགེ་དུག་བཞིན་སྤོངས་དང་སྡོམ་པ་ཡིན །དགེ་བཅུ་དང་དུ་ལོངས་ཤིག་བླང་བྱ་ཡིན། །འཁོར་བའི་བྱ་བ་ཆམ་བཞག་བྱ་བཏང་ཡིན། །ཟོལ་མེད་རང་རྒྱུད་ཐུལ་མཛོད་སྐལ་ལྡན་བུ། འཁོར་བ་མཐོ་དམན་གང་དུ་སྐྱེ་ན་ཡང་། །བདེ་བའི་གནས་སྐབས་ཏིལ་འབྲུ་ཙམ་ཡང་མེད། །ཁྱད་པར་ངན་སོང་གསུམ་གྱི་སྡུག་བསྔལ་ལ །བསམ་ནས་ཐར་པ་དོན་གཉེར་སྐལ་ལྡན་བུ། རང་གཞན་མི་བདེའི་གཞི་མ་ཁོང་ཁྲོ་ཡིན། །དོན་མེད་གཞན་དང་འགལ་རྐྱེན་ཚིག་རྩུབ་ཡིན། །ཀུན་གྱིས་དགྲ་ལྟར་མཐོང་རྐྱེན་སྤྱོད་ངན་ཡིན། །དེ་འདྲའི་ལས་ངན་སྤོངས་ཤིག་སྐལ་ལྡན་བུ།། གང་དུ་བསྡད་ཀྱང་སྣང་བ་ཡང་ཁྲོལ་ལེ། །སུ་དང་འགྲོགས་ཀྱང་ཤེས་པ་དགའ་ཡལ་ལེ། །བདེ་སྡུག་གང་བྱུང་རོ་སྙོམས་ཆམ་བརྡལ་ལེ། །དེ་འདྲའི་རྣལ་འབྱོར་ཞིག་མཛོད་སྐལ་ལྡན་བུ།། དུས་གསུམ་རྒྱལ་བ་ཀུན་གྱི་སྤྱི་གཟུགས་དང་། །དཀྱིལ་འཁོར་ཀུན་གྱི་ཁྱབ་བདག་བླ་མ་ཡིན །དབང་དང་དངོས་གྲུབ་ཀུན་གྱི་འབྱུང་གནས་ཡིན། །སྐྱབས་ཀྱི་དམ་པར་བསྟེན་མཛོད་སྐལ་ལྡན་བུ། །ཁམས་གསུམ་སེམས་ཅན་ཕ་མའི་རང་བཞིན་ལ། །སྙིང་བརྩེ་དྲིན་གྱིས་བསྐྱངས་པ་ཤ་སྟག་ཡིན །དེ་དག་ཀུན་ལ་ཚད་མེད་རྣམ་པ་བཞིས། །བྱང་ཆུབ་སེམས་མཆོག་སྒོམས་TI1618 - 346 ༄༅། །ཤིག་སྐལ་ལྡན་བུ། །ལུས་དང་ལོངས་སྤྱོད་བསོད་ནམས་དགེ་རྩ་བཅས། །བློ་ཡིས་བླངས་ཏེ་བླ་མ་དཀོན་མཆོག་མཆོད། །སྟོབས་བཞིའི་གནད་ཀྱིས་སྡིག་ལྟུང་བཤགས་སྦྱང་འབུངས། །གནད་དེ་ཡལ་བར་མ་དོར་སྐལ་ལྡན་བུ །དུས་གསུམ་ཀུན་ཏུ་འབྲལ་མེད་བླ་མ་བསྟེན །བསྙེན་སྒྲུབ་ཕྱག་འཚལ་མཆོད་འབུལ་དབང་བཞི་ལོངས། །ཐུགས་ཡིད་རོ་གཅིག་བསྲེ་བ་ཉམས་ལེན་གནད། །ཐུགས་རྒྱུད་དགོངས་པ་འཕོས་འོང་སྐལ་ལྡན་བུ། །བརྟན་པ་སྣོད་ཀྱི་འཇིག་རྟེན་དག་པའི་ཞིང་། །གཡོ་བ་བཅུད་ཀྱི་སེམས་ཅན་ལྷ་ལྷ་མོ། རྒྱལ་བའི་སྐུ་དང་གཞལ་ཡས་ཁང་བཅས་པ། །ཚུལ་བཞིན་ཡིད་ལ་གྱིས་ཤིག་སྐལ་ལྡན་བུ། །མ་དག་སྒྱུ་ལུས་ཡེ་ཤེས་སྒྱུ་མའི་སྐུར། །འོང་ཕྱིར་གདམས་པའི་མཆོག་ཏུ་འདི་ཟུངས་ཤིག རྩ་རླུང་ཐིག་ལེ་དག་སྦྱོར་བསྐྱེད་རྫོགས་ཀྱིས། །ཐབས་མཆོག་ཨ་ནུ་ཡོ་ག་ཆོད་ཆེ་ཡང་།དེང་སང་དུས་ཀྱི་སྙིགས་མར་ཐུག་དུས་འདིར། །ཉམས་སུ་ལེན་པའི་དབང་སྐལ་ལྡན་པ་དཀོན།། དེ་ཕྱིར་ཉམས་སུ་ལེན་པའི་སྐྱེས་བུ་དཀོན །ཉམས་སུ་མི་ལེན་གདམས་པ་དེས་ཅི་བྱ། །ཕུང་པོ་ཚོགས་སུ་སྦྱིན་པའི་གདམས་པ་ནི། །འཇིག་རྟེན་འདི་ན་སྦྱིན་པའི་མཆོག་ཏུ་ཤེས། །དངོས་TI1618 - 347 སུ་སྦྱིན་པའི་སྤོབས་པ་མི་ལྡན་ཡང་། །བློ་ཡིས་བཏང་ན་དེ་ལས་ལྷག་པར་འགྱུར། །སྔོན་བྱོན་རྒྱལ་བ་རྣམས་ཀྱིས་མཛད་སྤྱོད་ཡིན། །ཁ་ལྟ་སྟོང་སྐད་གྱེར་བའི་སློབ་དཔོན་དང་། །ཐོས་ཆུང་རང་རྩིས་ཆེ་བའི་ཁ་བཤད་མཁན། །དོན་མ་རྟོགས་ཤིང་སློབ་མ་བརྟེན་པ་འགས །བདུད་གཅོད་ལམ་འདིར་གཤེ་སྐར་འདེབས་པ་ཚོས །རང་ཉིད་ནད་ཀྱིས་ཟུག་རྔུས་གདུང་པ་ལ། མི་སེམས་གཅོད་ནི་འདྲེ་འབོད་ཡིན་སྐད་དང་། །རྒྱལ་བའི་དགོངས་པར་གཤེ་བའི་བདུད་ཕོ་ཡི། །རྗེས་སུ་མ་འབྲང་བདུད་པོ་མིར་བརྫུ་ཡིན། །རྟག་ཏུ་བདུད་གཅོད་ཟབ་མོ་ཉམས་ལེན་མཛོད།། བདུད་སྤྲུལ་ས་ཀུ་ཙི་ཡི་མགོ་འགས་ཀྱང་། །རང་གི་ཉམས་ལེན་མ་དོར་ཉམས་སུ་ལོངས །ཕ་རོལ་སྐྱེ་བོའི་བློ་རྒྱུད་བརྟན་པ་དང་། །སྔོན་ལས་དབང་གིས་རང་སྐལ་བབ་པ་ཡི། །ཆོས་ཚུལ་འཛིན་པའི་ཚུལ་ལ་ཕར་ལྟོས་ལ། །རང་གི་ལས་སྣང་སྐྱེ་གནས་ཡུལ་དེ་རུ །སྔོན་སྨོན་ལས་ཀྱིས་འཕང་བའི་ཆོས་སྐལ་ནི། །རྫོགས་པ་ཆེན་པོ་ཡིན་པར་ཤེས་མཛོད་ལ། །ཡས་དགའ་མས་འབྱར་ཁྱི་འཁྱམས་ལྟར་མ་བྱེད། །དེང་སང་བསམ་བཟང་ཁོ་ན་མ་གཏོགས་པའི། །རྒྱལ་བའི་ལམ་བཟང་མེད་ཅེས་སྨྲ་བ་དང་། །རྫོགས་ཆེན་ལྟ་བ་རྟོགས་རྒྱུ་མེད་སྒྲོགས་པའི །བདུད་ཕོ་T11618 - 348 ༄༅། །མིར་བརྫུ་ཕུང་བའི་རྗེས་མ་འབྲང་། །ཚེ་གཅིག་སངས་རྒྱས་ལམ་སྣ་འགགས་པ་ཡིས །ལོག་པའི་ལམ་སྟོན་ཨེ་གོ་སྐལ་ལྡན་བུ། །དོན་མ་རྟོགས་པར་ཁ བཤད་མཁས་པ་ནི། །ཤན་པ་ཡིག་རྩིས་མཁས་པ་དང་མཚུངས་པའི། །གཤེ་སྐུར་སྒྲོ་འདོགས་མཁན་གྱི་རྗེས་མ་འབྲང་། །རང་གི་ལྟ་བ་མ་རྟོགས་པ་ཡིས་ལན། །རྫོགས་ཆེན་ལྟ་བར་གཤེ སྐུར་བྱེད་པ་ནི། །འདི་དག་སྨོན་ལོག་པད་འབྱུང་བསྟན་ལ་སྡང་། །རྣམ་པར་གྲོལ་ལམ་མཐོང་བའི་དུས་མི་འོང་། །དེ་ལྟར་བྱེད་པའི་བདུད་ཀྱི་རྗེས་མ་འབྲང་། །འདི་དག་ཐར་ལམ་གེགས བྱེད་བདུད་སྤྲུལ་ཡིན། །རང་གི་ཡིད་ལ་ཟུངས་ཤིག་སྐལ་ལྡན་བུ། །བསྐལ་པ་མང་པོར་བསམ་སྤྱོད་ངན་པ་ཡིས། །མཚམས་སྦྱོར་ཐར་པའི་དུས་མེད་འཁོར་བར་འཁྱམས། །རྒྱལ་བས་དྲང་དོན་མངོན་པར་ཐོབ་འབྲས་ལ། །དགོངས་པ་དོན་དམ་འཛིན་པ་སྙིང་རེ་རྗེ། །ཨ་ཧོ་དེ་ལྟར་མ་བྱེད་སྐལ་ལྡན་བུ །དེང་དུས་ལས་ངན་དབང་དམན་ཤ་སྟག་ལས། །མེད་པར་འདོད་དེ་འོག་མར་ཁ་དྲང་བའི། །མཁས་རློམས་ས་ཀུ་ཙི་ཚོའི་རྗེས་མ་འབྲང་། །དབང་པོའི་བྱེ་བྲག་བསམ་གྱིས་མི་ཁྱབ་པ། །ཡོད་པར་རྒྱལ་བས་གསུངས་པ་ཚད་མར་ཟུངས། །རང་སྐལ་བབ་པ་སྔོན་T11618 - 349 གྱི་ལས་འབྲས་ཡིན། །འདི་དག་ཆགས་སྡང་བསམ་པས་སྨྲས་པ་མིན །རང་གི་སློབ་མའི་ཚོགས་ལ་སྙིང་གཏམ་ཡིན །བདུད་དང་དམ་སྲིའི་ངག་ལ་ཉན་གྱུར་ན། །རྒྱལ་བའི་བཀའ་ལ་ཐེ ཚོམ་ཡོང་ཡང་སྲིད། །ཤེས་པར་མཛོད་ཅིག་ང་ཡི་བུ་མཆོག་རྣམས །རྙིས་གཏེར་ཅེས་བྱའི་མཁོས་ཆུང་རྒན་པོ་ལ། །འཇིག་རྟེན་མི་ཡི་སློབ་དཔོན་མ་མཆིས་ཀྱང་། །ཨོ་རྒྱན་མཚོ་སྐྱེས་རྡོ་རྗེའི་ཐུགས་རྗེའི་མཐུས། །གདུལ་བྱ་རང་སྣང་སྟོན་པ་གྲངས་མང་གིས །ཡང་ཡང་རྫོགས་ཆེན་བསྟན་པའི་ངང་ཚུལ་བསྟན །ད་ནི་རྫོགས་པ་ཆེན་པོའི་མྱུར་ལམ་ཆོས །ཇི་བཞིན་ཤེས་པ་ང་ལས་སུ་གང་ཞིག །ཐེ་ཚོམ་མེད་དོ་ད་ནི་བཙན་ས་ཟིན། །འཁོར་སློབ་སྐལ་ལྡན་འཇའ་ལུས་འོད་སྐུར་གྲོལ། །བསྐལ་མང་མཐའ་རུ་ཡིད་སྨོན་བྱེད་དུ་མེད། །དེ་ཕྱིར་སྔོན་སྨོན་ལས་ཀྱིས འབྲེལ་བ་ཡི །སྐྱེས་མཆོག་དམ་པའི་ཚོགས་རྣམས་ཐམས་ཅད་ལ། །ཡང་དག་ལམ་མཆོག་སྟོན་པའི་ས་མཁན་འོས །དེ་ལྟར་སེམས་ལ་ཞོག་ཅིག་སྐལ་ལྡན་བུ། །ཨ་ཧོ། གདོད་ནས་ཀ་དག་ནམ་མཁའ་རྣམ་དག་ལ། །མ་རིག་གློ་བུར་སྤྲིན་གྱི་དྲི་མས་སྒྲིབ། །བདག་མེད་བདག་ཏུ་བཟུང་བའི་གཟུགས་བརྙན་ལྡང་།དེ་ལ་ང་རུ་བཟུང་བའི་འཛིན་ཤེས་ཀྱི། །བྱད་ལས་ ༄༅། །མེ་ལོང་གཟུགས་བརྙན་ཇི་བཞིན་དུ། །ཡུལ་ལྔའི་ཡུལ་དུ་འདོད་ཡོན་སྣང་བ་མཆེད །དེ་ལ་མིང་མེད་མིང་གི་གདགས་གཞི་མེད །མིང་དང་གདགས་གཞི བཙལ་བའི་ཚུལ་བརྟགས་ན། །མོ་གཤམ་བུ་དང་རི་བོང་རྭ་བརྗོད་ལྟར། །མེད་ལ་ཡོད་པར་བཏགས་པ་ཙམ་གྱིས་ཟད། །ཟད་པའི་ཚུལ་འདི་རྟོགས་པའི་རྣལ་འབྱོར་ལ། །སྒྱུ་མའི་དཔེ་བཅུ བསྟན་པ་ཇི་བཞིན་དང་། །རྒྱུ་རྐྱེན་འཕྲད་པའི་རྟེན་འབྲེལ་ཁོ་ན་ལས། །གདོད་ནས་གྲུབ་པ་རྡུལ་ཙམ་ཡོད་མ་ཡིན། །མེད་བཞིན་ཡོད་པར་སྣང་བའི་རྟེན་འབྲེལ་དང་། །རྨི་ལམ་སྣོད་བཅུད་འདོད་ཡོན་འབྱུང་བའི་ཆོས །མེད་བཞིན་ཡོད་པར་སྣང་བ་ཇི་བཞིན་དུ། །ཉིན་སྣང་མཚན་སྣང་འདི་དང་ཕྱི་མ་ཡི། །སྣང་བ་ཐམས་ཅད་གདོད་ནས་གྲུབ་མ་མྱོང་། །དགེ་སྡིག་དང་ནི་ལྷ འདྲེའི་ཕན་གནོད་ཀུན། །མེད་བཞིན་སྣང་བ་གཞི་དང་རྩ་བ་བྲལ། །སངས་རྒྱས་དང་ནི་སངས་རྒྱས་ཀྱི་ཞིང་ཁམས། །སེམས་ཅན་དང་ནི་ཁམས་གསུམ་གནས་རིགས་བཅས། །མ་གྲུབ་མེད་བཞིན་སྣང་བའི་ཚུལ་ལ་ལྟོས། །འཁོར་འདས་གཉིས་ཀྱིས་བསྡུས་པའི་ཆོས་སོ་ཅོག །ཆོས་ཉིད་ནམ་མཁའ་ཉིད་དུ་རོ་གཅིག་པའི །ངང་ཚུལ་ཇི་བཞིན་རྟོགས་པའི་ཤེས་རབ་ཉིད། TI1618 - 351 བདག་མེད་རྟོགས་པའི་ཤེས་རབ་ཆེན་པོ་སྟེ། །རྣམ་གྲོལ་ལམ་རྣམས་ཀུན་གྱི་གཞི་མ་ཡིན། །བདག་མེད་རྟོགས་པའི་ཤེས་རབ་གཞིར་བཞག་སྟེ། །ཡུལ་མེད་ཟང་ཐལ་ནམ་མཁའ་རྣམ་དག་ཉིད། །མངོན་གྱུར་ངང་གནས་བྱ་བ་དགུ་ཕྲུགས་བཏང་། །གཏད་མེད་རྒྱ་ཡན་བསྒོམ་མེད་བློ་འདས་པའི། །ངང་གནས་ཡེ་ཤེས་རྫོགས་པ་ཆེན་པོ་ཡིས །འཁོར་འདས་ཆོས་ཀུན་མ་ལུས ཐམས་ཅད་ཀུན། །གཟུགས་བརྙན་གཟའ་སྐར་རྒྱ་མཚོར་རོ་གཅིག་བཞིན། །སྣོད་བཅུད་སྣང་བ་ནམ་མཁར་རོ་གཅིག་གོ། །ནམ་མཁའ་རང་བཞིན་དབྱེར་མེད་ཆོས་ཀྱི་དབྱིངས། །ངང་གྱུར་འདི་ནི་རྫོགས་པ་ཆེན་པོའི་ཀློང་། །འདི་དོན་གོ་བ་ཙམ་གྱིས་མི་ཆོག་སྟེ །རྩེ་གཅིག་སྙིང་པོའི་བསྒྲུབ་ལ་བརྩོན་བྱས་ཏེ། །གྲོལ་བ་མ་ཐོབ་བར་དུ་ཉམས་ལེན་གནད། །ལམ་ཀུན་གྲོལ་བའི་ལམ་ལ་བང་བུལ་བའི། །ཁྲེགས་ཆོད་གཞི་ཡི་གནས་ལུགས་གཞིར་བཞག་སྟེ །མྱུར་ལམ་ཐོད་རྒལ་འཕོ་བ་ཆེན་པོ་ཡི། །ངང་ཚུལ་གནས་ལུགས་ཡིན་ལུགས་ལ་བསླབ་ནས །ཇི་བཞིན མ་ནོར་ཤེས་པའི་ཤེས་རབ་ཀྱིས། །བཞུགས་སྟངས་གཟིགས་སྟངས་གནད་ལ་ནན་ཆེར་བརྩོན། །བདེ་རྩུབ་ཉམས་སྣང་ཆུ་ཡི་གཉེར་མ་འདྲ །ངེས་པ་མེད་དོ་བདེན་ཞེན་མེད་པའི་ངང་། TI1618 - 352 ༄༅། །གོལ་ཤོར་ནོར་སའི་གནས་ལ་མ་ཐོགས་པར། །རྣམ་པར་གྲོལ་བའི་ས་ལ་གཏུགས་མཛོད་དང་། །མི་ལུས་དོན་ལྡན་འབྱུང་ངོ་སྐལ་ལྡན་བུ། །མཁས་ཆོས་མཛེས་ཆོས་སྡེབ་སྦྱོར་ངས་མི་ཤེས། །སྙན་ངག་ལ་སོགས་མཁས་རློམས་རྟོག་གེའི་རིགས། །དོན་ལ་མི་རྟོན་ཚིག་ལ་རྟོན་པ་ཡིས། །མིག་ལ་སེམས་པའི་ལྟད་མོ་མི་ཤེས་པས། །སྙིང་གཏམ་ཡི་གེར་བྲི་སྤོབས་མ་མཆིས་ཀྱང་། །དད་དམ་ལྡན་པའི་སློབ་མས་ཡང་དང་ཡང་། །ནན་དུ་བསྐུལ་ངོ་ལྡོག་པར་མ་ནུས་གཏམ། །སུ་མ་མགུ་ཡང་ཁྱོད་རང་ཇི་དགྱེས་མཛོད། ཨ་ཧོ། མ་ནུས་ཉམ་ཆུང་སྤྲང་འཁྱམས་པ་ང་ཚོས། །འཇིག་རྟེན་མི་ཡི་སློབ་དཔོན་ནི་མེད་ཀྱང་། །རང་སྣང་སྟོན་པའི་ཞལ་གདམས་མཆོག་ཕེབས་ཡོད། །གཞན་གྱི་ཡུལ་ལ་ཁ་བཤད་ཀྱིས་མ་ཚོལ །ཆོས་ཉིད་ནམ་མཁའི་ཀློང་མཛོད་དེ་རྡོལ་བྱུང་།བཅོས་མའི་རྣམ་རྟོག་སྙིང་རྗེ་དང་དམིགས་པ། །བྱང་ཆུབ་སེམས་ཡིན་རེ་བ་ཡང་མེད་དོ། །འཁོར་འདས་བྱང་ཆུབ་སེམས་ཉིད་དེ་རྟོགས་ཏེ། །མངོན་དུ་གྱུར་ནས་གདིང་ཐོབ་ཞིག་ཕེབས་བྱུང་། །དོན་གྱི་བྱང་ཆུབ་སེམས་ཉིད་དེ་ལོས་ཡིན། །ད་ནི་ཐེ་ཚོམ་སོམ་ཉིད་དེ་ཆོད་ཐལ། །གཞན་གྱིས་སྒྲོ་སྐུར་མིན་ཕྱིར་དུ ཐོས་ཀྱང་། །མི་ཤེས་མ་རྟོགས་སྐལ་མེད་ཀྱི་རང་མཚང་། །རྡོལ་བ་སྙིང་རྗེའི་གནས་སུ་ཡང་མངོན་བྱུང་། །བསྐལ་མང་གོང་ནས་ལས་སྨོན་