Tibetan
འདས་གཉིས་བསྒྲུབ་རིག་མ་ཡིན། །སྣང་བ་ཚོགས བརྒྱད་ཡུལ་སེམས་བཅས། །གདོད་མའི་ལྷུམས་སུ་རང་སད་མཉམ། །འཁོར་འདས་སོ་སོར་འགྲོ་སྡོད་མིན། །རྨི་ལམ་སད་པ་དཔེ་རུ་གདའ། །ཀུན་རྫོབ་འཁྲུལ་ངོར་རང་བདེན་ཏེ། དོན་དམ་རང་ངོར་ཀ་དག་བདེན། །གཉིས་མེད་ངོ་བོ་ཉིད་དུ་མཉམ། །གཅིག་ལས་གཉིས་སུ་འཛིན་པ་འཁྲུལ །གཟུང་འཛིན་མདུད་རྒྱ་ཁྲོལ་བའི་ཚེ། །ལྷུན་གྲུབ་སྣང་ཆ་དག་པ་དེ། སྐུ་དང་ཞིང་ཁམས་དག་ཏུ་འདོད། །སྐུ་དང་ཞིང་ཁམས་བྱ་བ་ཡང་། །ཡུལ་དང་གཟུགས་སུ་བལྟ་བ་ནི །དོན་དམ་པ་ཡིས་འཁྲུལ་པ་ཆེ། །ངན་སོང་འཁོར་བའི་གནས་ཡུལ་དུ། །འགྲོ་བའི་གཅེར་བུ་མགོན་མེད་དེ། །རྒྱུ་རྐྱེན་གང་གིས་གཟུགས་སུ་བྱས། །གཟུགས་མེད་པས་ན་ཅིས་སྡུག་བསྔལ །འདི་ནི་འཁྲུལ་སྣང་རང་ལ་བཟླ། །སྔར་མྱོང་བདེ་སྡུག་གང་དུ་ཐལ། ཁྱོད་བདེན་པས་ན་ཉམས་ཟུང་ཟད། །དེ་ཕྱིར་འཁྲུལ་པ་ཞིག་པའི་ཤུལ། །རྒྱུ་འབྲས་དཀར་ནག་སུ་ཡིས་ལེན། །རྒྱུ་བསྒྲུབ་འབྲས་བུ་ཐོབ་ཏུ་མེད། །རང་སར་གདིང་ཐོབ་ཆེད་དུ་འོང་། TI1618 - 317 འཁྲུལ་རྒྱུའི་ས་བོན་ཞིག་པ་ན། །སངས་རྒྱས་སེམས་ཅན་མེད་པར་ཧར། །དགེ་དང་སྡིག་པ་མེད་པར་མཉམ །བཟང་དང་ངན་པ་མེད་པར་སངས །ང་དང་ཕ་ཀི་གཉིས་ཀ་ཟད།། ཕན་གནོད་བྱ་བའི་ཉེར་ལེན་ཞིག །ལུས་ནི་མི་རོ་རྟོག་མེད་བཞིན །གཅེས་པར་འཛིན་པའི་རྟོག་པ་མེད། །ངག་ནི་བྲག་ཆ་དཔྱོད་མེད་ལྟར། །རང་བྱུང་ཉིད་དུ་རང་སྒྲ་སྒྲོགས། །སེམས་ནི་གདོད་མའི་ལྷུམས་ཞུགས་པས། །འདུས་བྱས་ཆོས་ཀུན་དབྱིངས་སུ་ཡལ །དག་ན་ལུས་སེམས་དབྱེར་མེད་དུ། །གཞོན་ནུ་བུམ་སྐུར་ཡང་དག་རྫོགས །ཞིག་ན་རྡུལ་ཕྲན་ངང་དུ་དེངས།། འཕོ་ན་ལྟོས་པ་ཆུང་དུ་ཞ། །དེ་ལྟར་གྲོལ་བའི་སངས་རྒྱས་ཀྱིས། །ཉིད་ཀྱིས་ངང་ལས་སྟོན་པ་མིན། །གདངས་རྩལ་ཉིད་ཀྱིས་གདུལ་བྱ་འདུལ། །སྐུ་གསུམ་ལྷུན་གྲུབ་ངང་རང་བྱུང་།། གསུམ་དུ་མ་ཡིན་ཐ་མི་དད། །དཔེར་ན་ཟླ་བ་ཆུ་ཟླ་མིན། །ཆུ་ཟླ་ཟླ་བ་ཆུ་ཡང་མིན། །ཟླ་བ་མེད་ན་ཡང་མེད་བཞིན། །དེ་བཞིན་ཆོས་སྐུ་སྟོན་པ་མིན། །སྟོན་པ་ཆོས་ཀྱི་སྐུ་ཡང་མིན། ཆོས་སྐུ་མེད་ལས་བྱུང་ཡང་མིན། །གཅིག་དང་སོ་སོ་གཉིས་ལས་འདས། །དེ་ནི་གྲོལ་བའི་ཚུལ་མདོར་བསྡུས །རྣལ་འབྱོར་རྣམས་ཀྱི་ཐུགས་སུ་ཆུབ། །ཐམས་ཅད་ཕྱམ་གཅིག་སངས་T11618 - 318 ཤ་༄༅། །རྒྱས་ཤོག ། ། ཞེས་པ་འདི་སྤྲང་སྨྱོན་འཆོལ་པོ་སེམས་ཉིད་ཧད་པོས་རང་བྱུང་གི་ངོར་བྲིས་པ་ཡོངས་སུ་དགེ་བར་གྱུར་ཅིག །བཀྲིས་ཤོག། །། ད 8༥ 315བརྒྱ་ང་བརྒྱད་གདམས་༧ TI1618 - 319 TI1618 - 319 T11618 - 320 ༄༅། །དྲིས་ལན་གསལ་བའི་མེ་ལོང་བཞུགས་སོ། །ན་མོ་གུ་རུ། གཞི་དབྱིངས་ཀ་དག་སྐྱེ་མེད་ཆོས་ཀྱི་སྐུ། །གཞི་སྣང་ལྷུན་གྲུབ་ལོངས་སྤྱོད་རྫོགས་པའི་དཔལ། གཞི་རྩལ་རང་བྱུང་སྤྲུལ་པ་ཆུ་ཟླའི་གར། །གཞི་ལས་འཕགས་པ་རིག་པའི་གར་གྱིས་མཆོད། །བདག་ནི་མདོ་མེད་རྒན་པོ་ལྷོད་པོར་ཉལ། །མི་ཚེ་སོས་དལ་རྒ་བས་བླུན་རྨོངས་ཡིན། བཤེས་གཉེན་མ་བསྟེན་ཆོས་ཀྱི་སྒོར་མ་ཞུགས །ཐོས་བསམ་སྒོམ་གྱིས་དབུལ་ཞིང་ཉམ་ཐག་ཀྱང་།ས་སྐྱོང་མི་ཡི་དབང་མོའི་བཀའ་བཙན་པ། །དོན་ཡོད་ཕྱིར་ན་རང་བཟོས་འོལ་ཚོད་འདོམས། །གཞི་ཡི་ཆོས་སྐུ་བདེ་གཤེགས་སྙིང་པོ་ནི། །སངས་རྒྱས་བཟང་པོས་བཟང་པོར་བཅོས་སུ་མེད། །སེམས་ཅན་ངན་པས་ངན་པར་བསླད་པ་མེད། །དུས་གསུམ་སྐྱེ་འགགས་རྟག ཆད་མེད་པ་ལ། །འགྲོ་འོང་གཅིག་དང་དུ་མ་ཁས་ལེན་བྲལ། །གཟུང་བ་ཡུལ་གྱི་སྣང་བ་བདག་མེད་སྟོང་།འཛིན་པ་སེམས་ཀྱི་ངར་འཛིན་ཡུལ་མེད་སྟོང་། །ཕྱོགས་མཐའ་གང་དུ་མ་ངེས་སྟོང་པ་ཉིད། །བློ་དང་ཡིད་ཀྱིས་གཞལ་དུ་མེད་པ་ལ། །ཚིག་དང་དཔེ་ཡིས་མི་མཚོན་མཚན་མ་མེད། །རང་ཐོག་རང་གདིང་ཐོབ་ནས་གྲོལ་བ་ལས། །རྒྱུ་འབྲས་གཞན་ལ་ཡིད་སྨོན ཙམ་ཡང་མེད། །སྐུ་དང་ཡེ་ཤེས་ཞིང་དང་བཀོད་པ་སོགས། །གཞི་ཡི་ཆོས་སྐུ་བདེ་གཤེགས་སྙིང་པོ་ཡི། །ངང་མདངས་ཐབས་ཀྱི་ལམ་དུ་བཅོས་ཙམ་ལས། །གཞན་དུ་བལྟས་ན་རང་རྒྱུད་པ་རུ་གོལ། །འཁོར་བའི་སྣང་བ་སྣོད་བཅུད་ཐམས་ཅད་ཀྱང་། །རྣམ་པར་ཤེས་པའི་མཆེད་པ་འབྱུང་ལྡོག་ལས། །གཞན་དུ་བཟུང་ན་འཁྲུལ་པ་རང་རྒྱུད་པ། །སྔོན་ཡང་འདིས་འཁྲུལ་ཕྱིས་ཀྱང་འདིས་འཆིང་འགྱུར། །དེ་ཕྱིར་འཁོར་འདས་རང་གཞི་ལས་མ་འདས །སྒྱུ་མ་གདོད་ནས་གྲུབ་པ་མ་ལགས་ཀྱང་། །ལྟད་མོ་མཁན་ལ་སྒྱུ་སྣང་དེ་སྣང་བཞིན། །འཁོར་འདས་གདོད་ནས་གྲུབ་པ་མ་མཆིས་ཀྱང་། །རང་རྒྱུད་ཅན་ལ་འཁྲུལ་སྣང་དེ་སྣང་ངོ་། །དེ་ལྟར་གཞི་ཡི་གནས་ལུགས་གཏན་ཕབ་ནས། །སྣང་བའི་ཆོས་ཀུན་བདེན་མེད་སྒྱུ་མ་ལྟར། །བདེན་ཞེན་ཤུགས་ཀྱིས་ལྷོད་ཅིང་བན་མ་བུན། །རེ་དོགས་ཡུལ་འཛིན་རྫུན་ཕུག་ངང་གིས་རྡིབ། །འདི་དུས་ལྟ་བའི་གདིང་ཞིག་ཐོབ་པ་ཡིན། །གཞི་ལས་འདས་པ་གང་མེད་ཚུལ་མཐོང་ནས། །ཟོབ་རྫུན་ངོ་ཤེས་བདེན་པར་མི་འཛིན་བཞིན། །བབ་ཀྱིས་འཇོག་པ་ལྟ་བའི་གནད་ཡིན་པས། །རྟག་ཏུ་བརྟག་དཔྱད་བྱས་ན་འཁྲུལ་པ་ཡིན། །ཡེ་སྟོང་སྤྲོས་ཀུན་བྲལ་བའི་ཆོས་ཉིད་ལ། །ཡང་སྟོང་རྒྱས ༄༅། །འདེབས་ལྷན་པ་འདེབས་ཀྱང་འཁྲུལ། །དུས་གསུམ་རྒྱལ་བའི་བགྲོད་པ་གཅིག་པུའི་ལམ། །ཤེས་རབ་མངོན་གྱུར་རིག་པ་ཆོས་ཀྱི་སྐུ། །ཇི་ལྟར་གདོད་མའི་ཡིན་ལུགས་རང་སར་བཞག །བསྒོམ་པ་བཟང་པོའི་ཆིངས་ཀྱིས་བཅིང་པ་མིན། །བློ་ཡིད་རྟོག་པས་སོ་ནམ་བྱེད་པ་མིན། །འཛིན་སྟངས་དམ་པོས་དགག་སྒྲུབ་བྱེད་པ་མིན། །སེམས་ཀྱིས་སེམས་ལ་ལྟད་མོ་ལྟ་བ་མིན། །རང་སར་བཞག་པས་རང་གྲོལ་ཆེན་པོ་ཉིད །རང་དབང་བསྒྱུར་བ་རིག་པའི་ཆོས་ཉིད་ནི། །འདི་ཡིན་ཁས་ལེན་ཐ་སྙད་ཀུན་ལས་འདས །ཅི་ཡང་མ་ཡིན་ཟང་ཐལ་རྒྱ་ཡན་པ། །མ་བལྟས་མ་དཔྱད་བཞག་པ་ཧར་སང་ངེ་། །བལྟས་ཤིང་དཔྱད་པས་ཡུལ་མེད་ཧད་དེ་བ། །ཀ་དག་གདོད་མ་གཞི་ཡི་ནམ་མཁའ་ལ །ཁྱབ་བྱེད་ཤེས་རབ་མངོན་དུ་གྱུར་མ་གྱུར། །རིག་དང་མ་རིག་གཉིས་ཀྱི་ཐ་སྙད་གྲགས། །མཉམ་བཞག་ཅེས་བྱ་མ་བཅོས་ཅོག་བཞག་ཡིན། །ལུས་ནི་མ་བཅོས་མི་རོ་རྟོག་མེད་བཞིན། །ངག་ནི་མ་བཅོས་ལྐུག་པ་ལྟ་བུ་དང་། །སེམས་ཀྱང་མ་བཅོས་ཡེ་ཡིན་ཆེན་པོ་རུ། །ཅོག་བཞག་རྣམ་པ་གསུམ་དུ་གྲགས་པ་ཡིན །འགུལ་བསྐྱོད་བཟླས་བརྗོད་ཟ་ཉལ་དུས་རྣམས་སུ། །རང་བབ་ངང་ལས་མ་འདས་རྗེས་ ཐོབ་གནད། །ཆོས་ཟད་བློ་འདས་དབྱིངས་སུ་མ་ཞུགས་བར། །མཉམ་བཞག་རྗེས་ཐོབ་གཉིས་ཀ་སྒོམ་པའི་གནད། །རིག་པའི་རྒྱལ་པོ་རང་ལ་གདིང་ཐོབ་ཚེ །སྒོམ་གྱི་དབྱིངས་ལ་མཉམ རྗེས་མི་འདོད་ཀྱང་། །ལུས་ངག་གཉིས་ཀྱི་གནད་ལ་འདི་གལ་མཆོག །སྤྱོད་པའི་གནད་ཀྱང་ཞི་དུལ་བག་ཡོད་བརྟེན། །སེམས་ཅན་ངོ་བོ་ཀུན་གཞི་གཟུགས་མེད་ཁམས། །ཉོན་ཡིད་ཉིད་དང་མཆེད་པ་གཟུགས་ཀྱི་ཁམས །ཡིད་དང་དེ་ལས་མཆེད་པ་འདོད་པའི་ཁམས། །ཁམས་གསུམ་རང་སྣང་ཉིད་ལས་མ་འདས་ཀྱང་། །མཁྱེན་བརྩེའི་རླབས་ཤུགས་བསྐྱེད་པས་བྱང་སེམས་བསྐྱེད། །དེ་ལྟར་ཉམས་སུ་ལེན་ལ་རྟག་བརྩོན་ན། །དང་པོ་ངོ་འཕྲོད་བར་དུ་རྒྱུད་ལ་མྱོང་། །ཐ་མ་གདིང་ཐོབ་གདིང་ཐོག་གྲོལ་བ་ཐོབ། །འབྲས་བུ་རང་གྲོལ་རྒྱལ་པོ་ནམ་མཁའ་ཆེ།། འཁོར་འདས་དག་མཉམ་རོལ་པར་འབྱམས་ཀླས་ཚེ །ངོ་བོའི་ཆ་ནས་ཆོས་དབྱིངས་སྤྲོས་པ་བྲལ། །གཉིས་མེད་ཡེ་ཤེས་རང་གསལ་སྒྲིབ་གཡོགས་བྲལ །ཆོས་རྣམས་དག་མཉམ་རོལ་པའི་མཉམ་པ་ཉིད། །ཡེ་ཤེས་གསལ་སྒོ་མ་འགགས་སོ་སོར་རྟོག །ཡོན་ཏན་རང་ཆས་རྫོགས་པས་བྱ་བ་གྲུབ །ཆོས་དབྱིངས་ཀ་དག་བརྡལ་ཁྱབ་རྫོགས་སངས་རྒྱས། །དུས་གསུམ་འཕོ་ ༄༅། །འགྱུར་བྲལ་བ་རྡོ་རྗེའི་རིགས། །ཡེ་ཤེས་ཡོན་ཏན་རྫོགས་པའི་རིན་པོ་ཆེ། །སྲིད་ཞིའི་མཐའ་འདས་སྐྱོན་བྲལ་པདྨའི་རིགས། །བྱ་རྩོལ་མེད་པར་ངང་རྫོགས་ལས ཀྱི་རིགས། །ངོ་བོ་སྐྱེ་མེད་མཐའ་བྲལ་ཆོས་ཀྱི་སྐུ། །རང་བཞིན་ཡོན་ཏན་ཀུན་རྫོགས་ལོངས་སྐུའི་དཔལ །ཐུགས་རྗེའི་ཁམས་གསུམ་ཡོངས་གྲོལ་སྤྲུལ་པའི་སྐུ །མ་བྱུང་མ་སྐྱེས་འཕྲལ་དུ་ཐོབ་པ་མེད། །གདོད་མའི་དབྱིངས་སུ་དབྱིངས་ཉིད་ཞུགས་པ་དང་། །ཡེ་ཡིན་གཤིས་ལ་གཤིས་སད་དག་གྲོལ་རྫོགས། །འབྲས་བུ་ཐོབ་ལེན་མེད་པར་གྲོལ་བའི་སར། །བསྐྱལ་བའི་སྐལ་བཟང་ཕོ་མོ་ཨ་ལ་ལ། །ད་ནི་ནོར་དང་གོལ་འཁྲུལ་ཟུར་ཙམ་བསྟན། །སྟོང་པར་འཛིན་པས་གཅུད་པ་ལུང་མ་བསྟན། །ཕྱི་ཡི་སྣང་ཆ་མ་འགགས་རང་ཁར་གནས། །ནང་གི་སེམས་རྟོག་འགགས་ནས་སྟོང་ཧད་དེ། །འདུ་ཤེས་མེད་པའི་ལྷ་རུ་འདུ་བྱེད་དོ། །སྟོང་པར་འཛིན་སྟངས་ཕྲ་བས་གཅུད་པ་ལས། །གསལ་ལ་མི་གཡོ་ས་ལེ་གནས་པ་ཡིས། །རྩལ་གྱི་སྒོ་འགགས འཛིན་སྟངས་གཅིག་ལ་གནས། །འཕྲལ་གསལ་ལུང་མ་བསྟན་ཏེ་སྲིད་རྩེར་འཆིང་། །འདི་གཉིས་རིག་པའི་མི་མཐུན་ཕྱོགས་ཡིན་ཕྱིར། །འདྲ་ལ་ནོར་བའི་གོལ་ས་རྔམ་པོ་ཆེ། །གཞན་ཡང་- 325 སོ་སོར་རྟོག་པའི་ཤེས་རབ་ཀྱིས། །གཟུང་འཛིན་ཆོས་ཀུན་གཏན་ལ་དབབ་ནས་སུ། །ཆོས་ཉིད་ཆེར་དབྱིངས་ཉིད་དུ་མཉམ་པ་གོ། །བདག་མེད་གོ་ཚེ་སྡུག་བསྔལ་ཀུན་འབྱུང་དང་། འགོག་དང་ལམ་སོགས་བདེན་མེད་ངང་ཚུལ་ཤེས། །གོ་ཙམ་རྟོགས་པ་ཉིད་དུ་ནོར་ནས་སུ། །རྒྱུ་འབྲས་ཁྱད་བསད་བག་མེད་སྤྱོད་པར་འཆོལ། །ལ་ལས་འཁོར་འདས་མེད་པའི་ཚུལ་གོ ནས། །བདུད་དང་སྲིན་པོ་ལྟ་བུར་ལོག་པར་འཁྲུལ །ལ་ལས་ད་ལྟའི་ཆོས་ཀུན་ཡེ་སྟོང་དག །ཕྱིས་ཡང་འཁྲུལ་པ་མེད་སྙམ་གོ་བ་ལོག །རྒྱུ་འབྲས་ཁྱད་བསད་ཉམས་ལེན་གནད་ཀྱང་དོར། །འདི་དག་བདུད་ཀྱི་ལྟ་ལོག་འདྲེར་གོལ་རྒྱུ །བདག་མེད་རྟོགས་པའི་ཤེས་རབ་རླབས་པོ་ཆེ། །རྒྱུད་ལ་ཞུགས་པས་འཁྲུལ་པ་ངང་གིས་གྲོལ། །འཁོར་འདས་དག་མཉམ་གཤིས་ལ་ཕེབས་པའི་ཚེ། །དགེ་དང་སྡིག་པའི་བྱ་བ་བྱེད་མཁན་མེད། །དེ་བར་ད་ལྟའི་སྣང་སེམས་འདི་ཀ་བཞིན། །ཕྱིས་ཀྱང་འདི་ལྟར་གྲོལ་འཁྲུལ་དེ་ཁོ་ན། །གདོན་མི་ཟ་བའི་ཡུལ་ལ་ཐེ་མ་ཚོམ། གོ་བ་ཙམ་གྱིས་གྲོལ་བར་ག་ལ་འགྱུར། །ཇི་ལྟར་རྒྱལ་པོའི་དཀོར་མཛོད་མཐོང་བའི་མིས། །དབུལ་ཕོངས་འབྱོར་རྒུད་སེལ་ལ་མི་ཕན་བཞིན། །གོ་བས་མི་གྲོལ་ཉམས་སུ་མྱོང་བ་གལ། ༣༄༅། །མྱོང་ནས་གདིང་ཐོབ་བྱེད་པ་གནད་དུ་ཤེས། །ཉམས་ནི་བདེ་བ་རྒྱ་མཚོ་ལྟ་བུ་དང་། །གསལ་སྣང་མཁའ་ལ་ནམ་ལངས་ལྟ་བུ་དང་། །མི་རྟོག་ནམ་མཁའ་ལྟ་བུ་ཧད་དེ་བ། །སྒྲོམ་ཆེན་གོལ་བའི་ས་གསུམ་འདི་ཀའོ །རྩུབ་ཉམས་སེམས་སློང་དགའ་སྡུག་སྣ་ཚོགས་དང་། །ལུས་སློང་ན་ཚ་ཟུག་རྔུ་དྲག་པོ་དང་། །སྒོ་གསུམ་ཉམས་སློང་བདེ་སྡུག་ན་ཚ སོགས། །མ་ངེས་འབྱུང་སྟེ་འདྲེ་གདོན་རྐྱེན་ལ་བཟུང་། །ཅིས་ཀྱང་ཕན་མེད་སྲོག་ལ་འབབ་ཉེན་ཡོད། །ཀུན་ཀྱང་མ་ངེས་ཉམས་སྣང་རྫུན་པོ་ཆེར། །ཤེས་ནས་དགག་སྒྲུབ་མེད་པར་བཞག པས་ཡལ། །ལར་ནི་བདེ་སྡུག་བཟང་ངན་ཆོས་སོ་ཅོག །ལྷ་བཟང་འདྲེ་ངན་གང་གིས་སྟེར་བ་མིན། །འཁོར་བའི་འཁྲུལ་ཉམས་ལས་ནི་མ་འདས་སོ། །གཞན་ཡང་སེམས་རིག་དབྱེ་བའི་མན་ངག་ནི། །ཤན་འབྱེད་འཕྱོང་བདུན་ཡོད་ཀྱང་ཚིག་མང་ཕྱིར། །འདིར་མ་སྨྲོས་ཀྱང་གནད་ཀུན་མདོར་ཡང་འདུས །ཨ་ཧོ། གདོད་མའི་ཡེ་གཞི་ཀ་དག་མཐའ་བྲལ་གྱི་ཆོས་སྐུ། ལྷུན་གྲུབ་རང་གདངས་སྐུ་དང་ཡེ་ཤེས་ཀྱི་རོལ་པ། །ཤེས་རབ་མིག་ཡངས་བག་རྡུལ་དང་བྲལ་བས་གཟིགས་པ། །ཆོས་ཉིད་ཡིད་དཔྱོད་ལས་འདས་མངོན་སུམ་གྱི་སྣང་བ། །མ་དག་ སྙིགས་མའི་སྣང་སེམས་འོད་གསལ་དུ་དེངས་པས །ཉམས་སྣང་གོང་འཕེལ་སྣང་བ་སྒྲིབ་བྲལ་ཞིག་མཐོང་ནས། །རིག་པ་བཅུད་དུ་སྨིན་པ་ཚད་ཕེབས་ཀྱི་རོལ་པར། །སྤྱན་དང་མངོན་ཤེས་རྫུ་འཕྲུལ་རླབས་པོ་ཆེར་དབང་བསྒྱུར །ཆོས་ཟད་བློ་འདས་ཀ་དག་རོལ་པ་རུ་འབྱམས་ཀླས། །ཤེས་སྒྲིབ་ཡང་ཕྲ་མཁྱེན་གཉིས་ཡེ་ཤེས་ཀྱིས་བཅོམ་སྟེ། །ལྷུན་གྲུབ་གཞོན་ནུ་བུམ་སྐུའི་ཀློང་ཆེན་དུ་སངས་ནས། །འཇའ་ལུས་འཕོ་ཆེན་དབྱིངས་ལ་བཞེངས་ཞུགས་དེ་ངོ་མཚར །ཡེ་ཤེས་སྒྱུ་མའི་སྐུ་མཆོག་ཆུ་ཟླ་ཡི་རོལ་གར །ཁམས་གསུམ་འཁོར་བ་སྐུ་གསུམ་རོལ་པ་རུ་བསྡུས་ནས། །སླར་ཡང་ནང་གསལ་དབྱིངས་ཡེ་མཉམ་བརྡལ་དུ་ལྷུན་འབྱམས། །མྱུར་ལམ་ཟབ་མོའི་ཁྱད་ཆོས་ཡོན་ཏན་གྱི་ཆེ་བ། །ཉམས་དགའ་གླུ་རུ་བླངས་པའི་རྟེན་འབྲེལ་གྱི་མཐུ་ལས། །མཐོང་ཐོས་དྲན་རེག་སྐྱེ་འགྲོ་དད་ལྡན་གྱི་ཚོམ་བུ །མཉམ་གྲོལ་འཕོ་ཆེན་བུམ་སྐུར་འཇའ་ལུས་སུ་གྲོལ་ཤོག །ཅེས་པ་འདི་ནི་ས་སྐྱོང་མིའི་རྗེ་མོ་མཁའ་སྤྱོད་དབང་མོས་བསྲིངས ཡིག་གི་ལམ་ནས་བསྐུལ་ངོར། ཁྲག་འཐུང་རྡོ་རྗེ་ཁྲོ་ལོད་རྩལ་གྱིས་སྨྲས་པ་ཡོངས་སུ་དགེ་བར་གྱུར་ཅིག། ༄༅། །དཔལ་ཨོ་རྒྱན་ཆོས་ཀྱི་རྒྱལ་པོ་མཁྱེན། །ཚེ་འདི་ཕྱི་ཀུན་ཏུ་རྗེས་སུ་ཟུངས། །མི་ཁྱོད་ཀྱིས་ཐར་ལམ་བགྲོད་འདོད་ན། །དོན་འདི་ལྟར་སེམས་ལ་ངེས་པར་ཞོག། རྙེད་དཀའ་བ་དལ་འབྱོར་མི་ལུས་འདི། །ལོ་ཟླ་དང་ཞག་དུས་ཀྱིས་གཞོམ་ནས། །ཚེ་མི་རྟག་འཆི་བའི་ལམ་ལ་གཟུད། །མཐའ་མི་སྲིད་འཁོར་བའི་སྡུག་བསྔལ་ལ། །ལས་ངན་པ་རླུང་གིས་བསྐྱོད་དེ་འཁོར། །དེ་ཡིད་ལ་དྲན་པའི་སྙིང་རུས་ཀྱིས། །སྐྱབས་དཀོན་མཆོག་གསུམ་ལ་བློ་སྙིང་གཏོད །ཆོས་ཅི་བྱེད་འགྲོ་བའི་དོན་ལ་དམིགས །ཕ་བརྒྱུད་པའི་བླ་མར་མོས་གུས་བསྐྱེད། །ལུས་དཀའ་བ་དང་དུ་བླང་ནས་སུ། །བློ་དམ་པའི་ཆོས་ལ་རྩེ་གཅིག་གཏོད། །ཚེ་འདི་སྣང་བྱིས་པའི་རྩེད་མོ་འདྲ །དེར་རྟག་འཛིན་ཞེན་པ་ཆོད་པར་གྱིས །ཚེ་ཕྱི་མ་དོན་དུ་གཉེར་སྲིད་ན། །ཡུལ་སྣང་སྲིད་འཁོར་འདས་ཐམས་ཅད་ཀུན །གཞི་སྟོང་ཉིད་ཆེན་པོར་འུབ་ཆུབ་པའི། །ཚུལ་ཇི་བཞིན་ཤེས་པའི་ཤེས་རབ་ཀྱིས །ངང་མངོན་གྱུར་ཐུགས་ཀྱི་ཐིག་ལེ་རུ། ལས་བྱ་བ་དགུ་ཕྲུགས་བཏང་ནས་སུ། །གནས་དབེན་པའི་ཚལ་དུ་ཉམས་ལེན་འབུངས། །དེ་མ་བརྗེད་སྙིང་གི་དཀྱིལ་དུ་ཞོག །ཚིག་འདྲ་མིན་ཡི་གེ་གྲངས་མང་ཡང་། །ངའི་གདམས་ངག T11618 - 329 རྩ་བ་དེ་ལས་མེད། །དེ་ལག་ལེན་ཐོབ་དང་ཞལ་གདམས་ཡིན། །ཅེས་པ་འདི་སློབ་བུ་བསྟན་རྒྱས་ཀྱིས་བསྐུལ་ངོར་རིག་འཛིན་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག། སརྦ་མངྒ་ལཾ།། ངོམས་གསུང་མགུར་སྐོར 326 ངོམས་གསུང་མགུར་སྐོར TI1618 - 330 ༄༅། །རྗེ་དུས་གསུམ་རྒྱལ་བའི་སྤྱི་གཟུགས་མཆོག །དཔལ་ཨོ་རྒྱན་མཚོ་སྐྱེས་རྡོ་རྗེས་སྐྱོངས། །ཁྱོད་ངེས་པར་ཐར་ལམ་བགྲོད་འདོད་ན། །དུས་ད་རེས་དལ་འབྱོར་མིའི་ལུས་རྟེན། །སྔོན་བསོད་ནམས་བསགས་པའི་འབྲས་བུ་ལགས། །འདི་དོན་དང་ལྡན་པ་ཞིག་ལ་རེམ། །ཚེ་འདི་སྣང་རྨི་ལམ་གནས་སྐབས་ཙམ། །དེར་རྟག་འཛིན་ཞེན་པ་ཆོད་པར་གྱིས། །ནོར་ལོངས་སྤྱོད་རྩྭ་ཁའི་ཟིལ་པ་འདྲ། །དེར་གསོག་འཇོག་བྱ་བ་ཆོད་པར་གྱིས །བདག་སྣང་ཞེན་འཛིན་པ་དུག་གི་སྡོང་།འཕྲུལ་ཡལ་ག་ལོ་འདབ་སྣང་བ་ཀུན། །དེར་མངོན་ཞེན་སེམས་ཅན་འཁྲུལ་པའི་གཞི། །དཔེ་སྒྱུ་མ་དང་ནི་སྒྱུ་མའི་འཕྲུལ །ངང་ཚུལ་བཞིན་མཐོང་བའི་ཤེས་རབ་ཀྱིས །དོན་ཞེན་མེད་རྟོགས་པ་གནད་དུ་ཟུངས། །ཆོས་བདག་མེད་རྟོགས པའི་ཤེས་རབ་ཀྱིས། །གདིང་ཐོབ་ན་བྱང་སེམས་དེ་ལས་མེད། །དོན་ཡུལ་མེད་ཟང་ཐལ་ངང་རྟོགས་ན། །ལས་རྒྱུ་འབྲས་མེད་པ་དེ་ཡིས་གོ། །གཞི་ཀུན་ཏུ་བཟང་པོའི་ཞལ་མཇལ་ན། དཔལ་རྡོ་རྗེ་འཆང་ཆེན་དེ་ལས་མེད། །ཡར་སངས་རྒྱས་ཟེར་བའི་སྒྲ་བོ་ཆེ། །ངོ་རང་ཐོག་འཕྲོད་ལས་གཞན་ན་མེད །མར་འཁོར་བ་ཟེར་བའི་སྡུག་བསྔལ་ཡུལ། །མིག་འཁྲུལ་བ་ཙམ TI1618 - 331 ལས་གཞན་མ་མཆིས། །ཆོས་དགེ་དང་སྡིག་པའི་རྒྱུ་རྣམས་ཀུན །ཡིད་བསམ་པ་ཙམ་ལས་གྲུབ་པ་མེད། །བློས་བཞག་པ་ཙམ་ལས་ཡུལ་གྲུབ་མེད། །དེ་ཡུལ་དུ་བལྟ་བ་ཐམས་ཅད་འཁྲུལ། །དེར་འཁྲུལ་པ་གཞན་གྱིས་བྱུང་མིན་ཏེ། །གཞི་མ་རིག་པ་ཡིས་བསྐྱེད་ནས་སུ། །དཔེ་ཆུ་ལས་གཟའ་སྐར་གཟུགས་བརྙན་བཞིན། །ཚུལ་མེད་དང་མ་གྲུབ་ཨེ་མཐོང་མོད། དེ་མཐོང་ན་མཁའ་འགྲོ་མ་དངོས་ཡིན། །དེ་མ་མཐོང་འཁྲུལ་པའི་སེམས་ཅན་གྱིས། །ཆགས་སྡང་དང་ཕྲག་དོག་རྒྱུད་ཁེངས་ན །གདོན་མ་རིག་པས་ཟིན་བུད་མེད་ལགས །ཚེ་ཕྱི་མ་དོན་དུ་གཉེར་བ་ཡིས། །ཚེ་འདི་སྣང་མཆིལ་མའི་ཐལ་བ་བཞིན །རྒྱུད་ངེས་འབྱུང་དྲག་པོས་ཁེངས་གྱུར་ན། །འདྲེ་ཟེར་ཡང་ཡེ་ཤེས་མཁའ་འགྲོ་ལགས །མདངས་ལྷུན་གྲུབ་སྣང་བ་མངོན བྱེད་ཅིང་། །བདེ་སྡུག་བསྔལ་མཛེས་དང་མི་མཛེས་པའི། །རྣམ་རྟོག་གི་ཆོ་འཕྲུལ་སྣ་ཚོགས་དང་། །གདངས་ལུས་ཀྱི་ན་ཚ་མི་བདེ་བའི། །ཟུག་རྔུ་དང་མི་འདོད་ཉེར་འཚེ་བ། །གསང་བ་ནི་སེམས་ཀྱི་དགའ་སྡུག་དང་།ན་ཚ་ཀུན་སོས་ཁའི་སྤྲིན་བཞིན་དུ །མ་ངེས་པར་འབྱུང་བ་ཨེ་གོ་ཏོ །ང་མི་རྒན་འཆོལ་ཚིགས་བླུན་ཚིགས་འདིའི། །དོན་ཤེས་ན་མཁའ་འགྲོའི་ཐུག་ཐིག ༄༅། །ཡིན། །དོན་མ་ཤེས་སྐྱེ་བོ་གད་མོའི་གནས། །དེར་སེམས་ལ་གདམས་པའི་ཡི་གེ་འདི། །ཤོག་ལོགས་སུ་མ་འཇོག་བློ་ལ་ཟུངས། །བློ་ཡུལ་ཙམ་མ་བསྐྱུར་ཉམས་ལེན་མཛོད། །ད་བུ་མོ་ཆགས་སྡང་འདུ་འཛི་སྤོངས །ཚེ་ཕྱི་མར་ལྕང་ལོ་ཅན་གྱི་གནས། །ཁྱོད་པུ་ཏྲི་མ་ཡི་དབང་མོར་འགྱུར། །དཔལ་ཀུན་གཟུགས་རྒྱལ་པོའི་ཏཱ་ར་མོ །ལེགས ན་ནི་ཤ་ར་ཏཱ་ཏི་རེ། །ཉེས་ན་ནི་ཏུ་ཏ་པཱ་ཤ་ཀོ། །དེ་ཤེས་པར་གྱིས་ལ་ཙཀྵུའི་རྣོ། །ཡུལ་ངྷརྨ་དྷཱ་ཏུའི་དབྱིངས་སུ་ཨ། །ང་མི་རྒན་འཆད་རྩོད་རྩོམ་གསུམ་ལ །བློ་ཤིན་ཏུ་རྨོངས་པས་བཤད མ་ཤེས། །མ་མཁའ་འགྲོ་ཁྲོས་མ་ནག་མོ་ལ། །ཚིག་མ་བཤད་བརྡ་ཡི་གླུ་འདི་གོ །ཁྱོད་སངས་རྒྱས་སྒྲོན་མའི་ཐུགས་ལ་ཞོག །དོན་ཤེས་ན་རྒྱུད་སྡེ་རྒྱ་མཚོའི་བཅུད། །ཚིག་འདི་ལ་མ ཚང་གང་ཡང་མེད། །ད་ཞལ་གདམས་བྱ་བ་ངས་མི་ཤེས། །བརྡའ་ཤེས་ན་ཚེ་གཅིག་སྒྲུབ་ལ་དྲིལ། །བརྡའ་མ་ཤེས་ལུང་མ་བསྟན་དུ་སོང་། །ཡུལ་གར་འགྲོ་ངེས་མེད་ཨེ་གོ་ཡ། ཞེས་མི་རྒན་བདུད་འཇོམས་རྡོ་རྗེ་ཆང་གིས་སྨྱོས་ནས་རྣམ་རྟོག་ཆལ་མ་ཆོལ་མར་ཤར་ཚད་ཇོ་མོ་སངས་རྒྱས་སྒྲོན་མ་ལ་གདམས་པ་མ་མཁའ་འགྲོའི་ལུང་བསྟན་དང་འབྲེལ་བའི་ཚིག་འདི་དག་TⅠ1618 - 333 རང་སློབ་ངག་དབང་ཕྲིན་ལས་ཀྱིས་ཡི་གེར་དག་པར་ཕབ་པའི་དགེ་བས་ཕྱོགས་དུས་གནས་སྐབས་ཀུན་ཏུ་དགེ་ཞིང་བཀྲ་ཤིས་པར་གྱུར་ཅིག །དགེའོ། །ལེགས་སོ། །ཤུ་བྷཾ།། །། བདུད་འཇོམས་གསུང་མགུར་སྐོར་TI1618 - 334 TI1618 - 334 ༄༅། །ཁྱབ་བདག་འཁོར་ལོའི་མགོན་པོ་པདྨ་འབྱུང་། །མི་འབྲལ་སྤྱི་གཙུག་བདེ་ཆེན་རྒྱན་དུ་བཞུགས། །རྩེ་གཅིག་གསང་ཆེན་མྱུར་ལམ་ལ་ཞུགས་ནས །ཚེ་འདིར་སངས་རྒྱས་འདོད་