Tibetan
གྲོལ་སྒོམ་པའི་ཀློང་༔ བྱ་རྩོལ་བྲལ་བ་སྤྱོད་པའི་ཀློང་༔ ལྷུན་གྲུབ་འབྲས་བུའི་བཀྲ་ཤིས་ཤོག༔ འདི་ནི་ཡང་གསང་སྒྲུབ་པ་སྟེ༔ དུས་གསུམ་སངས་རྒྱས་ཡོན་ཏན་རྫོགས༔ རིག་འཛིན་འབུམ་གྱི་སྙིང་ཁྲག་ཡིན༔ མ་དང་མཁའ་འགྲོའི་སྲོག་བཅུད་ཡིན༔ བཀའ་སྲུང་ཡོངས་ཀྱི་མིག་འབྲས་ཡིན༔ དོན་རྟོགས་ཉམས་སུ་ལེན་པའི་བུ༔ ཚེ་འདིར་གྲོལ་བ་མ་ཐོབ་ན༔ པདྨས་བསླུས་སོ་ཕྱི་རབས་རྣམས༔ ཆོས་བདག་བར་ཆད་སེལ་བ་དང་༔ བསྟན་པའི་སྲོག་ཤིང་འཛུག་པའི་ཕྱིར༔ བླ་མེད་འདི་ནི་བཅུད་དུ་བཞག༔ བཀའ་སྲུང་གནོད་སྦྱིན་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ ཛོཾ།༔ ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ནས་བཏོན་ཏེ་མི་ལོ་བཅོ་བརྒྱད་བར་དུ་བཀའ་རྒྱས་བཏབ་སྟེ་མཐར་རང་སློབ་དམ་པ་ཡེ་ཤེས་འོད་ཟེར་གྱིས་བསྐུལ་ངོར་སྨར་མདོ་22 བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་ཧོར་བླ་ཡོངས་གྲུབ་རིག་པའི་རྡོ་རྗེའོ། །དགེའོ།། 269གསུམ་མོ།མཆོད་གསུམ་མོ།མཆོད་TI1605 - 273 T11605 - 274 ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ དཔལ་ཆེན་རྡོ་རྗེ་གཞོན་ནུའི་དོན་བསྐང་ཡེ་ཤེས་འོད་ཟེར་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གཤཟློ།༔ དངོས་སུ་འབྱོར་པའི་མཆོད་རྫས་ལ༔ ཡིད་ཀྱིས་ནམ་མཁའ་མཛོད་དུ་སྤྲུལ༔ འཁོར་འདས་གཞིར་རྫོགས་ལྟ་བའི་གདིང་༔ ཡེ་ཡིན་རྟོགས་པའི་ཆོ་འཕྲུལ་གྱིས༔ ཀྱེེ༔ དུས་གསུམ་སངས་རྒྱས་ཐམས་ཅད་ཀུན༔ གཉིས་སུ་མེད་པའི་ཀློང་ཆེན་པོ༔ ཀུན་ཏུ་བཟང་པོའི་ཐུགས་དམ་བསྐང་༔ མ་བཅོས་བདེ་བ་ཆེན་པོའི་གདངས༔ རིགས་ལྔའི་སངས་རྒྱས་ཐུགས་དམ་བསྐང་༔ རང་སྣང་དོན་གྱི་སྟོན་པ་མཆོག༔ དྲིན་ཆེན་བླ་མའི་ཐུགས དམ་བསྐང་༔༷ སྣང་སྲིད་ཕུར་པས་གདབ་པའི་ཕྱིར༔ རྡོ་རྗེ་གཞོན་ནུའི་ཐུགས་དམ་བསྐང་༔ འཁོར་འདས་དག་མཉམ་རྒྱས་འདེབས་ཕྱིར༔ འཁོར་ལོ་རྒྱས་འདེབས་ཐུགས་དམ་བསྐང་༔ དུག་ལྔ་དབྱིངས་སུ་གཞོམ་པའི་ཕྱིར༔ ཀཱི་ལ་རིགས་ལྔའི་ཐུགས་དམ་བསྐང་༔ མི་དགེ་བཅུ་པོ་གནས་དག་ཕྱིར༔ ཁྲོ་བོ་ཕ་བཅུའི་ཐུགས་དམ་བསྐང་༔ དགེ་བཅུའི་ཆོས་ཉིད་ཆེར་གཞིག་ཕྱིར༔ ཁྲོ་མོ་མ་བཅུའི་ཐུགས་དམ་བསྐང་༔ ཡུལ་རྟོག་རོ་ལ་ཟ་བའི་ཕྱིར༔ ཟ་བྱེད་ཕ་བཅུའི་ཐུགས་དམ་བསྐང་༔ བདག་རྟོག་དབུ་མར་གསོད་པའི་ཕྱིར༔ གསོད་བྱེད་མ་བཅུའི་ཐུགས དམ་བསྐང་༔༷ རྣམ་པར་རྟོག་གསུམ་གཞིག་པའི་ཕྱིར༔ ཁྲ་ཐབས་ཉེར་གཅིག་ཐུགས་དམ་བསྐང་༔ མཐའ་བཞིའི་རྟོག་པ་གཞིག་པའི་ཕྱིར༔ སྒོ་སྐྱོང་མ་བཞིའི་ཐུགས་དམ་བསྐང་༔ སྒྱུ་འཕྲུལ་རོལ་པའི་གར་མཁན་མཆོག༔ ཕུར་སྲུང་རྒྱ་མཚོའི་ཐུགས་དམ་བསྐང་༔ མ་རིག་འཁྲུལ་པའི་དབང་གྱུར་ཏེ༔ གཟུང་འཛིན་ལམ་གྱི་འཆིང་བ་ཀུན༔ བདག་མེད་ཆེན་པོར་བཤགས་བགྱིའོ༔ མཉམ་པ་ཉིད་དུ་དག་མཉམ་རོལ༔ ཡིག་བརྒྱ་ཅི་ནུས་བཟླ༔ འདི་བརྩོན་རྣལ་འབྱོར་དམ་པ་རྣམས༔ ཉམས་ཆག་རྟོག་སྒྲིབ་ཀུན་བྲལ་ཞིང་༔ མཉམ་པ་ཉིད་ཀྱི་དགོངས་དོན་རྟོགས༔ ཚེ་འདིར་མངོན་སངས་རྒྱས་འགྱུར་རོ༔ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ནི་ཀ་དག་རྫོགས་པ་ཆེན་པོའི་རྣལ་འབྱོར་པ་པདྨ་རྒྱལ་མཚན་གྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཡེ་ཤེས་མཁའ་འགྲོའི་ཀློང་མཛོད་ལས་བསྒྱུར་བའོ། །དགེའོ། །དགེའོ །དགེའོ།། = ཟོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ དཔལ་ཆེན་བདེ་གཤེགས་སྙིང་པོའི་བསྐུལ་བ་ཡེ་ཤེས་འོད་ཟེར་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ༅ཉཨཿ བསྐུལ་བ་ཡེ་ཤེས་འོད་ཟེར་ནི༔ ཨོཾ༔ མི་འགྱུར་རྡོ་རྗེ་སྐུ་ཡི་དབྱིངས༔ ཨཱཿམ་འགགས་གསང་ཆེན་གསུང་གི་དབྱིངས༔ ཧཱུྃ༔ སྤྲོས་པ་བྲལ་བ་ཐུགས་ཀྱི་དབྱིངས༔ ཛཿབསྐུལ་ལོ་ཀུན་ཟླུམ་ནམ་མཁའ་ཆེ༔ ཕེཾ༔ ཆོས་ཉིད་སྒྱུ་མའི་འཕྲུལ་བཞེངས་ཤིག༔ ཕཊ༔ བདག་རྟོག་མ་ཏྲཾ་རཱུ་དྲ་སྒྲོལ༔ བྷྱོ༔ འཁོར་བ་མྱང་འདས་ཆེན་པོར་བཟློག༔ ཨཱཿ ཨེ་ཝཾ་ཟུང་འཇུག་ཆེན་པོར་ཆོམས༔ གསང་ཆེན་མི་འགྱུར་སྙིང་པོའི་བཅུད༔ ཟབ་རྒྱ་འདི་ནི་བླ་ན་མེད༔ གང་གིས་བརྗོད་པས་དགེ་ལེགས་བྱེད༔ ཡུལ་རྐྱེན་ངན་པའི་གཡུལ་བཟློག་འགྱུར༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་རང་སློབ་དམ་པ་ཕུན་ཚོགས་དང་ཚོགས་མཆོག་གཉིས་ཀྱིས་བསྐུལ་ངོར་གཏན་ལ་ཕབ་པའོ། །དགེའོ། །དགེའོ། །དགེའོ།། །། T11605 - 278 ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ དཔལ་ཆེན་རྡོ་རྗེ་གཞོན་ནུའི་བསྐུལ་བ་རྡོ་རྗེའི་གད་མོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤཤཐ།ཧྱ༔ བསྐུལ་བ་རྡོ་རྗེའི་གད་མོ་ལ༔ དམར་གཏོར་ཁྲག་སྐྱེམས་བཤམས་ནས་སུ༔ འགུགས་གཞུག་བྱ་ཞིང་དགྲ་བགེགས་ཀྱི༔ གཟུགས་ཕུང་ཤ་རིཁྲག་མཚོར་བསྐྱིལ༔ མི་ཟད་ནམ་མཁའ་མཛོད་དུ་སྤེལ༔ རང་ཡི་དམ་ལྷར་གསལ་བའི་ཐུགས་ཀ་ནས་འོད་དང་འོད་ཟེར་དཔག་ཏུ་མེད་པ་འཕྲོས་པས་སྐུ་གསུམ་དག་པའི་ཞིང་ཁམས་ནས་རྒྱལ་བ་སྲས་དང་བཅས་པ་རྣམས་ཀྱི་ཐུགས་དམ་གྱི་རྒྱུད་བསྐུལ་ཏེ་ཆོས་ཀྱི་དབྱིངས་ལས་གཟུགས་སྐུ་རྡོ་རྗེ་གཞོན་ནུའི་རྣམ་རོལ་དུ་བཞེངས་ཏེ་ས་གསུམ་གྱི་གནས་ཐམས་ཅད་གང་བར་གྱུར༔ ཧཱུྃ་ཛཿ མཐིང་ནག་གྲུ་གསུམ་འབར་བའི་དཀྱིལ་འཁོར་ནས༔ ལྷག་པའི་ལྷ་མཆོག་རྡོ་རྗེ་གཞོན་ནུ་ཆེ༔ ཆོས་ཀྱི་དབྱིངས་ནས་གཟུགས་ཀྱི་སྐུར་བཞེངས་ལ༔ གློག་ལྟར་མྱུར་བའི་ཤུགས་ཀྱིས་འདིར་གཤེགས་ཤིག༔ སྤྲུལ་དང་ཡང་སྤྲུལ་ཕོ་ཉ་དཔག་མེད་པས༔ སྣང་སྲིད་ཁམས་ཀུན་ཡོངས་སུ་འགེངས་པར་མཛོད༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ མཛོད་ཅིག་མངོན་སྤྱོད་དྲག་པོའི་ཕྲིན་ལས་མཛོད༔ གཟུགས་ཅན་དགྲ་དང་གཟུགས་མེད་བགེགས་ཀྱི་ཚོགས༔ མདོར་ན་གནོད་ཅིང་འཚེ་བར་བྱེད་པ་ཡི༔ ཕྱི་ནང་གསང་བའི་བར་ཆད་མི་ མཐུན་ཕྱོགས༔ མ་ལུས་མ་འགྱངས་ཐལ་བའི་རྡུལ་དུ་བརླག༔ རྣམ་ཤེས་འཁྲུལ་མི་ཤེས་པའི་དབྱིངས་སུ་སོད༔ ཐུགས་དམ་དུས་ལ་བབ་བོ་ས་མ་ཡ༔ དེ་ཡིས་མངོན་སྤྱོད་དྲག་པོའི་ལས་འགྲུབ་འགྱུར༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་རིག་འཛིན་བདུད་འཇོམས་རྡོ་རྗེས་ཟབ་གསང་མཁའ་འགྲོའི་བརྡ་རིས་ལས་བསྒྱུར་བའི་ཡི་གེ་པ་ནི་མངོན་པར་དགའ་བའོ། །དགེའོ། །དགེའོ། །དགེའོ། །སརྦ་མངྒ་ལཾ།། ། དུད་འཇོམས་ཕུར་པ་བདེ་གཤེགས་སྙིང་པོ་76 T11605 - 280 སྭཱ ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ ཡང་ཟབ་བདེ་གཤེགས་སྙིང་པོའི་བསྐུལ་བ་རྡོ་རྗེའི་ཐོག་མདའ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐསརྒངྷ།།ཧཱུྃ༔ བསྐུལ་བ་རྡོ་རྗེ་ཐོག་མདའ་ལ༔ གསེར་སྐྱེམས་གཏོར་མ་ཅི་མང་བཤམས༔ དགྲ་བགེགས་བཀུག་བསྟིམ་ཤ་ཁྲག་གི༔ རི་དང་རྒྱ་མཚོ་ཆེན་པོར་དམིགས༔ ཛཿ ཞེས་བརྗོད་པས་ཆོས་ཉིད་སྤྲོས་པ་དང་བྲལ་བ་ནམ་མཁའ་རྣམ་པར་དག་པའི་དབྱིངས་ནས་བླ་མ་སངས་རྒྱས་བྱང་སེམས་ཐམས་ཅད་རྒྱ་མཚོ་ལ་གཟའ་སྐར་འཕྲལ་དུ་ཤར་བ་ལྟར་ཆོས་ཀྱི་དབྱིངས་ནས་གཟུགས་ཀྱི་སྐུ་རྡོ་རྗེ་ཕུར་པའི་རྣམ་པར་བཞེངས་ཏེ་སྣང་སྲིད་ཀྱི་ཁམས་ཐམས་ཅད་གང་ནས་མངོན་སྤྱོད་ཀྱི་ལས་ལ་ཆས་པར་བསམ༔ ཛཿ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ བཀའ་སྡོད་སྤྲུལ་པའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ བསྐུལ་ལོ་ཐུགས་དམ་གནད་ནས་བསྐུལ༔ བཞེངས་ཤིག་ཆོས་ཀྱི་དབྱིངས་ནས་བཞེངས༔ མཛོད་ཅིག་དྲག་པོའི་ཕྲིན་ལས་མཛོད༔ རྦད་དོ་དགྲ་དང་བགེགས་ལ་རྦད༔ ཆོས་ཤིག་མངོན་སྤྱོད་ལས་ལ་ཆོས༔ རྡོ་རྗེ་གཞོན་ནུ་སྐུར་བཞེངས་ཤིག༔ ཞིང་བཅུའི་དགྲ་བགེགས་བཀུག་ཅིང་སྒྲོལ༔ འཁོར་ལོ་རྒྱས་འདེབས་སྐུར་བཞེངས་ཤིག༔ འཁོར་བ་མྱང་འདས་ཆེན་པོར་ཆོམས༔ ཨེ་ཀ་ཙ་ཏི་སྐུར་བཞེངས་ཤིག༔ བདག་ལྟའི་རཱུ་དྲ་ཆམ་ལ་ཕོབ༔ བུདྡྷ་ཀཱི་ལ་སྐུར་བཞེངས་ཤིག༔ གཏི་མུག་ལས་བྱུང་དགྲ་འདྲེ་ཐུལ༔ རྡོ་རྗེ་ཀཱི་ལ་སྐུར་བཞེངས་ཤིག༔ ཞེ་སྡང་དགྲ་བགེགས་ཆམ་ལ་ཕོབ༔ རཏྣ་ཀཱི་ལ་སྐུར་བཞེངས་ཤིག༔ ང་རྒྱལ་རང་གཟུགས་དགྲ་བགེགས་སྒྲོལ༔ པདྨ་ཀཱི་ལ་སྐུར་བཞེངས་ཤིག༔ འདོད་ཆགས་རང་གཟུགས་དགྲ་བགེགས་སོད༔ ཀརྨ་ཀཱི་ལ་སྐུར་བཞེངས་ཤིག༔ ཕྲག་དོག་རང་གཟུགས་དགྲ་བགེགས་སྒྲོལ༔ སྟེང་གི་ཁྲོ་བོ་ཧཱུྃ་ཀཱ་ར༔ ལྷ་གདོན་འདུལ་ཕྱིར་སྐུར་བཞེངས་ཤིག༔ ཤར་ཕྱོགས་ཁྲོ་ཆེན་རྣམ་པར་རྒྱལ༔ དྲི་ཟ་འདུལ་ཕྱིར་སྐུར་བཞེངས་ཤིག༔ ལྷོ་ཕྱོགས་ཁྲོ་བོ་གཤིན་རྗེའི་གཤེད༔ གཤིན་རྗེ་འདུལ་ཕྱིར ནུབ་ཕྱོགས་ཁྲོ་ཆེན་རྟ་མགྲིན་རྒྱལ༔ ཀླུ་གདོན་འདུལ་ཕྱིར༴ བྱང་ཕྱོགས་ཁྲོ་ཆེན་བདུད་རྩི་འཁྱིལ༔ གནོད་སྦྱིན་འདུལ་ཕྱིར ཤར་ལྷོ་ཁྲོ་ཆེན་དབྱུག་སྔོན་ཅན༔ མེ་ལྷ་འདུལ་ཕྱིར༴ ལྷོ་ནུབ་ཁྲོ་ཆེན་མི་གཡོ་མགོན༔ སྲིན་པོ་འདུལ་ཕྱིར༴ ནུབ་བྱང་ཁྲོ་ཆེན་འདོད་པའི་རྒྱལ༔ རླུང་ལྷ་འདུལ་ཕྱིར: བྱང་ཤར་ཁྲོ་ཆེན་ཁམས་གསུམ་རྒྱལ༔ དབང་ལྡན་འདུལ་ཕྱིརཿ འོག་ཕྱོགས་ཁྲོ་ཆེན་སྟོབས་པོ་ཆེ༔ ཐོ།༔ ས་བདག་འདུལ་ཕྱིར༴ སྤྲུལ་པ་ཟ་གསོད་ཕོ་མོའི་ཚོགས༔ དགྲ་བགེགས་གཤེད་དུ་སྐུར་བཞེངས་ཤིག༔ དབང་ཕྱུག་ཕུར་སྲུང་བཀའ་སྡོད་ཚོགས༔ ཞིང་བཅུའི་སྲོག་གི་གཤེད་དུ་བཞེངས༔ དུས་ལ་བབ་བོ་ས་མ་ཡ༔ དམ་ཉམས་དགྲ་བགེགས་སྡིག་ཅན་འདིས༔ སངས་རྒྱས་བསྟན་པ་གཉན་པོ་བཤིགས༔ དཀོན་མཆོག་གསུམ་གྱི་དབུ་འཕང་སྨད༔ མཚན་ལྡན་བླ་མའི་སྐུ་ལ་བདོས༔ དམ་ཚིག་སྡོམ་པའི་ཆོས་ཁྲིམ་བཤིགས༔ ཉེས་མེད་སེམས་ཅན་ཡོངས་ལ་འཚེ༔ ཐར་པ་བསྒྲུབ་པའི་ལམ་བགགས་ཤིང་༔ རྣམ་མཁྱེན་ཡེ་ཤེས་ཉི་ཞལ་བསྒྲིབས༔ སྒྲུབ་པ་གཉན་པོའི་འབྲས་བུ་བཅོམ༔ རྣལ་འབྱོར་སྲོག་གི་གཤེད་དུ་བབ༔ དགེ་བཙུན་སྔགས་པའི་ཟས་ནོར་འཕྲོག༔ དེ་འདྲའི་ལས་སྐལ་ངན་པ་འདི༔ ལོ་ཟླར་བཞག་པའི་ལོང་མེད་ཀྱི༔ དོ་ནུབ་ཉིད་དུ་ཁུག་ལ་སྒྲོལ༔ བླ་ཁུག་ལས་ཀྱི་ལིང་གར་ཕོབ༔ ཚེ་ཡི་རྒྱུན་ཐག་རྦད་ཀྱིས་ཆོད༔ སྲོག་གི་མར་མེ་བསྣབ་པར་མཛོད༔ སྙིང་ཁྲག་ཁ་ནས་སྐྱུགས་སུ་ཆུགས༔ ཐུན་མཚོན་ནད་མུག་ཆར་དུ་ཕོབ༔ ཚེ་ཡི་དུས་ཀྱི་མཐའ་བསྟུང་ལ༔ སྟེང་ནས་གནམ་གྱི་འཇུ་ཐག་ཆོད༔ འོག་ནས་ས་ཡི་རྟེན་ཕུར་ཕུད༔ བར་ ནས་ལུས་སེམས་འབྲེལ་ཐག་ཆོད༔ མགོན་སྐྱབས་ལྷ་སྲུང་བདུད་དུ་ཕོབ༔ དཔུང་གཉེན་རྩ་ལག་གཤེད་དུ་བསྒྱུར༔ རྣམ་ཤེས་ཆོས་ཀྱི་དབྱིངས་སུ་སྒྲོལ༔ བླ་གཤེད་བླ་བདུད་བླ་གསོད་པའི༔ ཕོ་ཉ་མཚོན་ཐུན་སྤྲུལ་པ་འགྱེད༔ རྒྱལ་འགོང་གཤེད་དུ་ལྕགས་སྡིག་དང་༔ ཀླུ་གཉན་གཤེད་དུ་ཕག་ཁྱུང་སོགས༔ དགྲ་བགེགས་རང་རང་འདུལ་བྱེད་ཀྱི༔ སྤྲུལ་པ་ཁྲ་ཐབས་འགྱེད་དུ་གསོལ༔ མ་གཡེལ་མ་འགྱངས་མ་ཕྱི་བར༔ ད་ལྟ་ཉིད་དུ་ལས་མཛོད་ཅིག༔ ཀུན་རྫོབ་རྟེན་འབྲེལ་བསླུ་མེད་དང་༔ དོན་དམ་ཆོས་ཉིད་རྣམ་དག་གི༔ བདེན་པ་དཔང་བཙུགས་གཏའ་རུ་བཞག༔ བསླུ་འམ་མི་བསླུ་ཁྱེད་ཀྱིས་མཁྱེན༔ དམར་གཏོར་ཁྲག་སྐྱེམས་འདི་བཞེས་ལ༔ འགུགས་བསྒྲལ་དྲག་པོའི་ཕྲིན་ལས་མཛོད༔ དུས་ལ་བབ་བོ་ས་མ་ཡ༔ རྩ་སྔགས་མཐར༔ སརྦ་དྷརྨ་པཱ་ལ༔ ཀྵེ་ཊ་པཱ་ལ༔ ལོ་ཀ་པཱ་ལ༔ སརྦ་ས་མ་ཡ༔ དགྲ་བགེགས་གདུག་པ་ཅན་གྱི་བླ་ཚེ་སྲོག་གསུམ་ལ་རྦད་རྦད་བྷྱོ་བྷྱོ༔ དེ་ལྟར་དྲག་བསྐུལ་ཟབ་མོ་ཡིས༔ ཞིང་བཅུའི་དགྲ་བགེགས་ཐམས་ཅད་བརླག༔ རྣོ་ནུས་བྱིན་རླབས་དཔག་ཏུ་མེད༔ གང་ལ་བྱས་ཀྱང་ཐོག་ལས་ལྷག༔ རིག་འཛིན་མཁའ་འགྲོའི་བྱིན་གྱིས་བརླབས༔ དྲང་སྲོང་སྨོན་ལམ་སྟོབས་ཀྱིས་བརླག༔ སྐལ་པ་ཅན་གྱི་དཔལ་དུ་ཤོག༔ དྲང་སྲོང་ཁྱབ་འཇུག་ཆེན་T11605 - 284 ཐོ།༔ པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉེར་བརྒྱད་བར་དུ་བཀའ་རྒྱ་བྱས་ཏེ་མཐར་གསེར་ཤོད་བླ་མ་རོང་དུ་དག་པར་ཕབ་པའི་ཡི་གེ་པ་ནི་རིགས་སྲས་མཁྱེན་བརྩེའི་མྱུ་གུའོ། །དགེའོ། །ལེགས་སོ། །སརྦ་མངྒ་ལཾ།། 282 281གསུམ་མོ། བསྐུལ་གསུམ་མོ། བསྐུལ་T11605 - 285 T11605 - 286 སྨད་ཟབ་གསང་མཁའ་འགྲོའི་སྙིང་ཐིག་ལས༔ གསང་ཆེན་བདེ་གཤེགས་སྙིང་པོའི་སྨད་ལས་འཁོར་བ་ཡོངས་སྒྲོལ་བཞུགས་སོ༔ TI1605 - 287 བདུད་འཇོམས་ཕུར་པ་བདེ་གཤེགས་སྙིང་པོ་ཐོ།༔ ན་མོ་གུ་རུ་པདྨ་ཀ་ར་ཡེ༔ ཧ།རྦ་ཧྭ།།ཤ།རྨརྒཧཱུཾ༔ ཟབ་གསང་ཉམས་སུ་ལེན་པ་ཡི༔ ལས་སྐལ་ལྡན་པའི་སྐྱེས་བུ་ཡིས༔ མངོན་སྤྱོད་ཕྲིན་ལས་བསྒྲུབ་པའི་ཐབས༔ སྨད་ལས་འཁོར་བ་ཡོངས་སྒྲོལ་ལ༔ དམིགས་བྱ་གང་ཡིན་གཟུགས་བྲིས་ཏེ༔ སྙིང་གར་མིང་རུས་བསད་སྔགས་བཀོད༔ མཐའ་མར་བླ་འགུགས་ཚེ་འགུགས་པའི༔ སྔགས་བཀོད་བསད་སྔགས་དག་གིས་བསྐོར༔ དྲག་པོ་ལྕགས་ཀྱི་བྲུབ་ཁུང་དུ༔ འཕང་ནས་འགུགས་བསྒྲལ་ལས་བརྩོན་བྱ༔ དང་པོ་གསེར་སྐྱེམས་རྒྱུག་ཆང་ལ༔ ཨོཾ་སྭ་བྷཱ་ཝ་སོགས་སྟོང་པའི་ངང་ལས་གསེར་སྐྱེམས་ཟག་པ་མེད་པ་ཡེ་ཤེས་ཀྱི་བདུད་རྩི་འདོད་ཡོན་ནམ་མཁའ་མཛོད་དུ་སྤྲོ་བའི་བདག་ཉིད་ཅན་དུ་གྱུར༔ TI1605 - 288 2༧ཐོ།།༔ ནམ་མཁའ་མཛོད་སྔགས་ལན་གསུམ་མཐར༔ ཀྱེེ༔ སངས་རྒྱས་ཆོས་དང་དགེ་འདུན་དང་༔ བླ་མ་ཡི་དམ་མཁའ་འགྲོའི་ཚོགས༔ བདུད་རྩི་གསེར་སྐྱེམས་འདི་བཞེས་ལ༔ དྲག་པོའི་ཕྲིན་ལས་འགྲུབ་པར་མཛོད༔ ཕུར་པའི་སྲུང་མ་དམ་ཅན་རྣམས༔ དམ་ཚིག ཐུགས་དམ་གནད་ནས་བསྐུལ༔ གསེར་སྐྱེམས་རྒྱུག་ཆང་འདི་བཞེས་ལ༔ དྲག་པོའི་ཕྲིན་ལས་འགྲུབ་པར་མཛོད༔ ཡེ་ཤེས་དང་ནི་འཇིག་རྟེན གྱི༔ བཀའ་སྲུང་ཆོས་སྐྱོང་རྒྱ་མཚོའི་ཚོགས༔ གསེར་སྐྱེམས་རྒྱུག་ཆང་འདི་བཞེས་ལ༔ དྲག་པོའི་ཕྲིན་ལས་འགྲུབ་པར་མཛོད༔ དཀར་TI1605 - 289 ཕྱོགས་སྐྱོང་བའི་ལྷ་མ་སྲིན༔ གཞི་བདག་ལྷ་འདྲེ་དྲེགས་པ་ཅན༔ མ་ལུས་གསེར་སྐྱེམས་འདི་བཞེས་ལ༔ མངོན་སྤྱོད་ཕྲིན་ལས་འགྲུབ་པར་མཛོད༔ དམ་ལས་མ་འདའ་ས་མ་ཡ༔ དེ་ནས་གཟུ་དཔང་བྱ་བ་ལ༔ གསེར་སྐྱེམས་གཏོར་མ་བཤམས་ལ༔ གསེར་སྐྱེམས་གཏོར་མ་འདོད་རྒུ་ཕུན་སུམ་ཚོགས་པ་མི་ཟད་པའི་གཏེར་དུ་གྱུར༔ ཀྱེེ༔ སྐྱབས་ཀྱི་དམ་པ་དཀོན་མཆོག་གསུམ༔ རྩ་གསུམ་སྲུང་མ་དམ་ཅན་ཚོགས༔ མ་ལུས་གཟུ་དང་དཔང་ལ་དགོངས༔ སྣང་ཞིང་སྲིད་པའི་ལྷ་མ་སྲིན༔ སྡེ་བརྒྱད་གཞི་བདག་ལྷ་འདྲེ་རྣམས༔ མ་ལུས་གཟུ་དང་དཔང་ལ་དགོངས༔ དམ་ཉམས་དགྲ་བགེགས་སྡིག་ཅན་འདིས༔ སངས་རྒྱས་བསྟན་པ་གཉན་པོ་བཤིག༔ དཀོན་མཆོག་གསུམ་གྱི་དབུ་འཕང་སྨད༔ སེམས་ཅན་ཉེས་མེད་དག་ལ་འཚེ༔ ངན་སོང་གསུམ་གྱི་གཞི་རྩ་བཙུགས༔ བསྒྲལ་བའི་ཞིང་བཅུ་ཚང་བ་འདི༔ དོ་ནུབ་ཉིད་དུ་བསྒྲལ་བར་མཛོད༔ གསེར་སྐྱེམས་གཉན་པོ་འདི་བཞེས་ལ༔ བསྒྲལ་ཞིང་འདྲེན་པའི་ཕྲིན་ལས་མཛོད༔ མ་གཡེལ་མ་འགྱངས་ཐུགས་དམ་བསྐུལ༔ དུས་ལ་བབ་བོ་ས་མ་ཡ༔ དེ་ནས་མཁྱེན་དཔང་ནི༔ ཀྱེེ༔ དཀོན་མཆོག་གསུམ་གྱིས་མཁྱེན་པར་གསོལ༔ རྩ་གསུམ་སྲུང་མས་མཁྱེན་པར་ ཐོ།༔ གསོལ༔ གཞི་བདག་ལྷ་འདྲེས་མཁྱེན་པར་གསོལ༔ ཐོག་མཐའ་བར་གསུམ་ཐམས་ཅད་དུ༔ བདག་ཉིད་མ་ཉེས་མ་ལན་ཏེ༔ བློ་སྣ་དམ་པའི་ཆོས་ལ་དྲིལ༔ བློ་ཕུག་དཀོན་མཆོག་གསུམ་ལ་གཏད༔ གཞན་དོན་དང་བླངས་རང་དོན་བོར༔ དཀའ་བ་དང་བླངས་སྒྲུབ་ལ་བརྩོན༔ མ་ཉེས་རང་ཁར་འདུག་པ་ལ༔ དགྲ་བགེགས་གདུག་པས་ངན་སྦྱོར་བྱས༔ མི་བཟོད་སྡུག་བསྔལ་ཐོག་ཏུ་ཕབ༔ ངན་སོང་གསུམ་གྱི་གནས་སུ་ཁྲིད༔ ཉོན་མོངས་དུག་ལྔ་མེ་བཞིན་སྦར༔ འདི་འདྲའི་ལས་ངན་སྡིག་ཅན་ལ༔ མངོན་སྤྱོད་དྲག་པོའི་ཕྲིན་ལས་མཛོད༔ ལོ་ཟླར་བཞག་ན་བསྟན་པ་འཇིག༔ དོ་ནུབ་ཉིད་དུ་ཧུར་ཐུམ་སོད༔ དུས་ལ་བབ་བོ་ས་མ་ཡ༔ དེ་ནས་བྲུབ་ཁུང་བསྐྱེད་པ་ལ༔ སྐད་ཅིག་གིས་ཨེ་ཡིག་ནག་པོ་ཡོངས་སུ་གྱུར་པ་ལས་གནམ་ལྕགས་ཀྱི་ཁང་སྒྲོམ་ནག་པོ་གཏིང་ཟབ་ཅིང་ཁ་རུབ་པ་ཞབས་ནས་འདོད་ཆགས་ཀྱི་ཁྲག་མཚོ་ཁོལ་བ༔ གཏི་མུག་གི་མུན་ནག་འཐིབ་པ༔ ང་རྒྱལ་གྱི་བྲག་རི་རྙིལ་བ༔ ཕྲག་དོག་གི་རླུང་དམར་འཚུབས་པ༔ ཞེ་སྡང་གི་མེ་དཔུང་འབར་བ༔ ནད་དང་དུག་མཚོན་གྱི་ཆར་པ་འབེབས་ཤིང་ན་བུན་འཐིབ་པ༔ ཤིན་ཏུ་སྐྱི་གཡའ་ཞིང་ཡ་ང་བའི་ནང་དུ་ནྲྀ་དང་ཏྲི ཡོངས་སུ་གྱུར་པ་ལས་དགྲ་བགེགས་གདུག་པ་ཅན་གྱི་བླ་ཚེ་སྲོག་གསུམ་འདུས་པའི་ངོ་བོ་རཱུ་པ་ཁ་ངུ་བ་མིག་ཤི་མིག་ལག་པ་མྱ་ངན་གྱི་ཕྱག་རྒྱ་ཅན་རྐང་ལག་ལྕགས་སྒྲོག་གིས་བསྡམས་པ་བུ་ག་དགུ་ནས་ཁྲག་འཛག་པ་མདོག་སྔོ་ལ་མདངས་ཉམས་པ་ཉམ་ཐག་དབུགས་དང་བྲལ་ལ་ཁད་འདར་ཕྲི་ལི་ལི་བྱེད་པར་གྱུར༔ དེའི་སྙིང་གར་ནྲྀ་དང་ཏྲི་ལས་འོད་འཕྲོས་པས་དགྲ་བགེགས་གདུག་པ་ཅན་ཐམས་ཅད་ཀྱི་བླ་ཚེ་སྲོག་གསུམ་ཐམས་ཅད་འུབ་ཀྱིས་འདུས་ཏེ་ལིང་ག་ལ་ཐིམ་པར་གྱུར༔ བདག་མདུན་གཉིས་ཀྱི་ཐུགས་ལས་སྤྲུལ་པའི་ཕོ་ཉ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་མཚོན་ཆ་ཐོགས་པ་དཔག་ཏུ་མེད་པ་འཕྲོས་པས་དགྲ་བགེགས་གནོད་བྱེད་ཐམས་ཅད་རང་དབང་མེད་པར་བཀུག་ནས་ལིངྒ་ལ་ཐིམ་པར་གྱུར༔ ན་མོ༔ དཀོན་མཆོག་གསུམ་དང་རྩ གསུམ་རྡོ་རྗེ་འབར་བའི་ལྷ་ཚོགས་སྲུང་མ་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བདེན་པས་དགྲ་བགེགས་གནོད་བྱེད་ཐམས་ཅད་གཟུགས་ལིངྒ་འདི་ལ་ཁུག་ཅིག༔ ནྲྀ་ཨ་ཀརཱ་ཡ་ཛ་ཛཿ བགེགས་ལ༔ ཏྲི་ཨ་ཀརཱ་ཡ་ཛ་ཛཿ དེ་ནས་བཀུག་པ་ལ༔ ཧཱུྃ་བྷྱོ༔ རྡོ་རྗེ་ཕུར་པའི་ལྷ་ཚོགས་འཁོར་དང་བཅས༔ དམ་ཚིག་ཐུགས་དམ་ཆེན་པོའི་དུས་ལ་བབ༔ བདག་ལ་སྡང་བའི་ ཐོ།༔ དགྲ་བོ་སྡིག་ཅན་འདིའི༔ བླ་ཚེ་སྲོག་གསུམ་ལིངྒ་འདི་ལ་ཁུག༔ རྩ་སྔགས་ནྲྀ་ཡཾ་བཛྲ་ཨཾ་ཀུ་ཤ་ཡ་ཛ་ཛཿ དེ་ནས་ལྷ་དབྱེ་བ་ནི༔ རྡོ་རྗེ་ཕུར་པའི་ལྷ་ཚོགས་འཁོར་དང་བཅས༔ དམ་ཚིག་ཐུགས་དམ་ཆེན་པོའི་དུས་ལ་བབ༔ བདག་ལ་སྡང་བའི་དགྲ་བོ་སྡིག་ཅན་འདི༔ མགོན་སྐྱབས་བྱེད་པའི་ལྷ་སྲུང་ཀུན་དང་ཕྲོལ༔ རྩ་སྔགས༔ ཨ་ནྲྀ་ཏྲག་རཀྴ་མཱ་ར་ཡ་ཕྱེས་ཕྱེས༔ མ་མ་ཏྲག་རཱུ་དྲ་མཱ་ར་ཡ་ཕྱེས་ཕྱེས༔ དེ་ནས་སྨྱོ་རུ་གཞུག་པ་ནི༔ ཧཱུྃ་བྷྱོ༔ རྡོ་རྗེ་ཕུར་པའི་ལྷ་ཚོགས་འཁོར་དང་བཅས༔ དམ་ཚིག་ཐུགས་དམ་ཆེན་པོའི དུས་ལ་བབ༔ བདག་ལ་སྡང་བའི་དགྲ་བོ་སྡིག་ཅན་འདི༔ སྨྱོ་འབོགས་བརྒྱལ་ནས་ཞ་གྲུམ་རེང་དུ་ཆུག༔ རྩ་སྔགས་མཐར༔ སརྦ་ཤ་ཏྲུཾ་ཨ་མུ་ཀ་མཱ་ར་ཡ་ཛྭ་ལ་པ་ཡ་ཛྭ་ལ་པ་ཡ་རྦད་སོད༔ ཆིངས་ཆིངས་ནན་རྦད་སོད༔ ཐུཾ་ཐུཾ་ཐིབ་ཐིབ་ཧུར་ཐུམ་རྦད་སོད༔ དེ་ནས་བྱད་དུ་གཞུག་པ་ལ༔ ཧཱུྃ་བྷྱོ༔ རྡོ་རྗེ་ཕུར་པའི་ལྷ་ཚོགས་འཁོར་དང་བཅས༔ དམ་ཚིག་ཐུགས་དམ་ཆེན་པོའི་དུས་ལ བབ༔ བདག་ལ་སྡང་བའི་དགྲ་བོ་སྡིག་ཅན་འདི༔ ཁྲོལ་མེད་ལས་ཀྱི་བྱད་དུ་བཅུག་པར་མཛོད༔ རྩ་སྔགས་མཐར༔ དགྲ་བགེགས་མཱ་ར་ཡ་ཆིངས་ཆིངས་ཐུམ་རི་ལི་ལི་རྦད་སོད༔ དེ་ནས་༅ བདག་གསོ་བ་ལ༔ བདག་ཉིད་དཔལ་ཆེན་