Tibetan
ཁ་ཊྭཱྃ་འཛིན༔ མཐོ།༔ སྤྲུལ་པ་དྲེད་དང་སྲེ་མོའི་གདོང་༔ འོག་ཕྱོགས་སྟོབས་ཆེན་བསྐུལ་བྱེད་མ༔ དུད་ཁ་གཡས་ལྗང་གཡོན་སེར་ཞལ༔ བར་ཕྱག་ཐོ་བ་གཏུན་ཤིང་གདེངས༔ སྤྲུལ་པ་དོམ་དང་བྱི་བའི་གདོང་༔ ཀུན་ཀྱང་རྡོ་རྗེ་དུང་དམར་དཀྲུགས༔ མཐའ་གཉིས་གདབ་པའི་ཕུར་པ་འདྲིལ༔ རྡོ་རྗེའི་གཤོག་བརྐྱང་མེ་དཔུང་འབར༔ དུར་ཁྲོད་ཆས་རྫོགས་ཁྲོ་གཏུམ་རྔམས༔ ཞབས་བཞིས་ཕྱོགས་སྐྱོང་ཕོ་མོ་གནོན༔ ཡུམ་རྣམས་དྲིལ་བུ་བྷན་དམར་བསྣམས༔ གཡང་གཞི་གཟིག་ཤམ་ཐོད་སྦྲལ་བརྒྱན༔ སྤྲུལ་པ་ཟ་གསོད་ཕོ་མོ་རྣམས༔ ཁ་དོག་ཡབ་ཡུམ་ཆ་འཛིན་ཅིང་༔ གཤོག་པས་བར་སྣང་རླབས་ཀྱིས་གཅོད༔ འགུགས་དང་གསོད་པའི་མཚོན་ཆ་བསྣམས༔ རང་འདྲའི་སྤྲུལ་པ་ཁྲ་ཐབས་འགྱེད༔ ཤར་སྒོིར་སྒོ་མ་པུ་ཤུད་གདོང་༔ དཀར་མོ་ལྕགས་ཀྱུ་ཕུར་པ་འདྲིལ༔ ལྷོ་སྒོར་སྒོ་མ་ཀང་ཀའི་གདོང་༔ སེར་མོ་ཞགས་པ་ཕུར་པ་འདྲིལ༔ ནུབ་སྒོར་སྒོ་མ་སྲིན་བྱའི་གདོང་༔ དམར་མོ་ལྕགས་སྒྲོག་ཕུར་བུ་འདྲིལ༔ བྱང་སྒོར་སྒོ་མ་ཁྲ་ཡི་གདོང་༔ ལྗང་ནག་དྲིལ་བུ་ཕུར་པ་འདྲིལ༔ དཀྱིལ་འཁོར་ཕྱི་ཁྱམས་ཁོར་ཡུག་ཏུ༔ ཤྭ་ན་མ་བཞི་རེ་ཏཱི་བཞི༔ བསྲེ་མོ་མཆེད་བཞི་སྐྱེས་བུ་བཞི༔ འབར་མ་མིང་སྲིང་གིང་ལང་ཀ༔ དབང་ཕྱུག་ཉི་ཤུ་རྩ་བརྒྱད་དང་༔ ཕུར་སྲུང་དམ་ཅན་རྒྱ་མཚོའི་ཚོགས༔ ཉི་མ་དང་ནི་འོད་ཟེར་བཞིན༔ མ་འདྲེས་ཡོངས་རྫོགས་ཆེན་པོར་བསྐྱེད༔ དེ་ནས་འཛབ་དམིགས་ནི༔ ཧཱུྃ༔ གཙོ་བོའི་ཐུགས་ཀར་པད་ཟླའི་སྟེང་༔ ཡེ་ཤེས་སེམས་དཔའ་ཞི་འཛུམ་མཛེས༔ རྒྱན་མེད་གཅེར་བུ་འོད་ཕུང་འབར༔ ཐུགས་ཀར་ཉི་སྟེང་གནམ་ལྕགས་ཀྱི༔ རྡོ་རྗེ་རྩེ་དགུའི་ལྟེ་བ་རུ༔ ཉི་ཟླའི་གྭའུ་ཁ་སྦྱོར་ནང་༔ ཧཱུྃ་མཐིང་ཉིད་ལ་སྔགས་ཀྱིས་བསྐོར༔ དུས་གསུམ་སངས་རྒྱས་ཐམས་ཅད་ཀྱི༔ གསང་སྔགས་རིག་སྔགས་གཟུངས་སྔགས་དང་༔ སྙིང་པོ་སྔགས་རྣམས་གཅིག་དྲིལ་བའི༔ ངོ་བོ་ཉིད་དུ་སྔགས་སྒྲ་སྒྲོགས༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ དེ་ལྟར་བསྐྱེད་རིམ་གནད་ལྡན་ཞིང་༔ ཤེས་པ་གཞན་དུ་མ་ཡེངས་པར༔ རྩེ་གཅིག་བསྒྲུབ་ལ་བརྩོན་པའི་མི༔ ཟླ་བ་བཅུ་ནས་དངོས་གྲུབ་འཐོབ༔ མི་བསླུ་རྡོ་རྗེའི་གཏན་ཚིག་ཡིན༔ རྒྱུད་སྡེའི་ཁོངས་སྙིང་ཕྱུང་བ་སྟེ༔ བཀའ་སྲུང་གནོད་སྦྱིན་ཤན་དམར་དང་༔ བཙན་རྒྱལ་སྲོག་ལེན་དམར་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་གསེར་སྨད་ཤྭ་བྲག་རྡོ་རྗེ་ཅན་ནས་ཁྲག་འཐུང་བདུད་འཇོམས་རྡོ་རྗེས་བཏོན་པའོ། །ཡི་གེ་པ་ནི་འཇིགས་མེད་གཞན་ཕན་ཆོས་ཀྱི་ཉི་མས་སོ། །དགེའོ། །དགེའོ །དགེའོ །ལེགས་སོ། །སརྦ་མངྒ་ལཾ།། །། ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ ཡང་གསང་བདེ་གཤེགས་སྙིང་པོའི་གབ་དོན་སྲོག་གི་ཡང་ཏིག་བཀའ་རྒྱ་མ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཟླ་། ༔ བརྡ་དོན་རྟགས་ཀྱི་མཚོན་པ་ཡི༔ བཀོད་པ་རབ་རྫོགས་གཞལ་ཡས་སུ༔ གནས་ལུགས་རྡོ་རྗེ་གཞོན་ནུ་ཆེ༔ ཞལ་གསུམ་ཕྱག་དྲུག་ཞབས་བཞི་བསྒྲད༔ གཡས་དཀར་གཡོན་དམར་དབུས་མཐིང་ནག༔ ཞལ་གདངས་ལྗགས་འདྲིལ་མཆེ་བ་གཙིགས༔ སྨ་ར་སྨིན་མ་མེ་ཞགས་འཕྱོ༔ དམར་ཟླུམ་སྤྱན་དགུ་སྡང་མིག་གཡོ༔ རྡོ་རྗེ་རྩེ་དགུ་རྩེ་ལྔ་གཡས༔ འབར་བའི་མེ་དང་ཁ་ཊྭཱྃ་གཡོན༔ ཐ་གཉིས་རི་རབ་ཕུར་པ་འདྲིལ༔ པད་ཉིའི་གདན་ལ་བདུད་བཞི་གནོན༔ དབུ་སྐྲ་དམར་སེར་གྱེན་དུ་འབར༔ ཐོད་སྐམ་དབུ་རྒྱན་ཅོད་པན་བཅིང་༔ དུར་ཁྲོད་དཔལ་ཆས་གར་ཉམས རྫོགས༔ འཁོར་ལོ་རྒྱས་འདེབས་ཡུམ་གྱིས་འཁྱུད༔ སྔོ་སྐྱ་ཨུཏྤལ་དུང་ཁྲག་སྟོབ༔ གཟིག་ཤམ་རུས་རྒྱན་གཡང་གཞི་གསོལ༔ ཕྲག་གཡས་ཁྱུང་དཀར་གཡོན་ཁྱུང་དམར༔ སྤྱི་བོར་དུག་ཁྱུང་ནག་པོས་བརྒྱན༔ པུས་མོ་གཡས་པར་ལྕགས་སྡིག་དང་༔ གཡོན་སྟེང་ཕག་ནག་མགོ་དགུ་ལས༔ རང་འདྲའི་སྤྲུལ་པ་དཔག་མེད་ཀྱིས༔ ས་བདག་ཀླུ་གཉན་རྒྱལ་བསེན་འཇོམས༔ རིགས་བདག་ཀུན་ཏུ་བཟང་པོ་ཤར༔ གནས་ལྔར་ཀཱི་ལ་རིགས་ལྔ་དང་༔ ཁྲོ་བཅུ་ཟ་གསོད་ཁྲ་ཐབས་དང་༔ སྒོ་སྐྱོང་བདག་ཉིད་ས་བདག་མ༔ རེ་ཏཱི་སྐྱེས་གིང་དབང་ཕྱུག་ཚོགས༔ ཏིལ་གྱི་གོང་བུ་ཕྱུར་བཞིན་གསལ༔ ཐུགས་ཀར་ཡེ་ཤེས་སེམས་དཔའ་མཐིང་༔ སྐྱིལ་ཀྲུང་རྡོར་དྲིལ་བསྣོལ་སྟབས་འཛིན༔ ཐུགས་གསང་རྡོ་རྗེ་རྩེ་དགུའི་ལྟེར༔ ཧཱུྃ་མཐིང་ཉིད་ལ་སྔགས་ཀྱིས་བསྐོར༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ འདི་ནི་ཡང་གསང་བླ་ན་མེད༔ གབ་དོན་བདེ་གཤེགས་སྙིང་པོ་དངོས༔ གང་གིས་བསྐྱེད་རིམ་གནད་ལྡན་གྱིས༔ ཉམས་སུ་ལེན་ཀུན་རྣམ་པར་གྲོལ༔ དུས་ངན་སྙིགས་མ་ལྔ་བདོའི་ཚེ༔ གཏི་མུག་གཉན་རིམས་ཁ་དར་ཞིང་༔ ཞེ་སྡང་ལྟ་ལོག་མགོ་འཕང་དྲོག༔ འདོད་ཆགས་དམ་སྲིའི་ཡོ་ལང་འགྱེད༔ དེ་ཚེ་བདེ་གཤེགས་སྙིང་པོ་འདི༔ ཉམས་སུ་ལེན་པའི་རྣལ་འབྱོར་ཀུན༔ བདུད་དང་ལོག་ལྟའི་གཡུལ་ལས་རྒྱལ༔ བཀྲ་ཤིས་དགེ་ལེགས་ཡོན་ཏན་འཐོབ༔ བསྐལ་ངན་གཡོ་འཁྲུགས་ཐམས་ཅད་གཞོམ༔ ལྟ་བ་ལོག་པའི་བསྟན་དགྲ་བཅོམ༔ ཐེ་ཚོམ་མེད་དོ་ས་མ་ཡ༔ བཀའ་སྲུང་ཚོགས་ཀྱི་བདག་པོས་སྲུངས༔ དམ་ཉམས་ལག་ཏུ་མ་བཏང་ཞིག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉེར་གཉིས་བར་དུ་བཀའ་རྒྱ་བྱས་མཐར་རང་སློབ་དམ་པ་ཡེ་ཤེས་འོད་ཟེར་གྱིས་བསྐུལ་ངོར་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་རིག་པའི་རྡོ་རྗེས་སོ།།མངྒ་ལ།། །། ཐ།༔ ཟབ་གསང་མཁའ་འགྲོའི་སྙིང་ཐིག་ལས༔ ཟབ་གསང་བདེ་གཤེགས་སྙིང་པོའི་གབ་དོན་ཡེ་ཤེས་དྲྭ་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ །སྡེདྷ།དྲ་ཧཱུཾ༔ ཧཱུྃ༔ སྣང་ཞིང་སྲིད་པའི་ཆོས་རྣམས་ཀུན༔ སྒྱུ་མའི་འཁྲུལ་འཁོར་ཞིག་པ་བཞིན༔ ཆོས་ཉིད་སྤྲོས་བྲལ་དབྱིངས་སུ་ཞིག༔ འཁོར་འདས་སྟོང་ཉིད་ཆེན་པོར་ཞི༔ མཁྱེན་གཉིས་ཡེ་ཤེས་མངོན་དུ་བྱས༔ མཁའ་ལ་འཇའ་ཚོན་ཤར་བ་ལྟར༔ རིག་པ་ཧཱུྃ་གི་ཡི་གེར་ཤར༔ འོད་འཕྲོས་འོག་མིན་སྤྲུལ་པའི་ཞིང་༔ དུར་ཁྲོད་མེ་རི་འབར་བའི་ཀློང་༔ རབ་འཇིགས་དྲག་པོའི་གཞལ་ཡས་ཁང་༔ རྒྱན་དང་བཀོད་པ་རབ་རྫོགས་དབུས༔ གནམ་ལྕགས་འཁོར་ལོ་རྩིབས་བརྒྱད་ལྟེར༔ ཤང་ཤང་བརྒྱད་ཀྱིས་བཏེགས་པའི་ཁྲིར༔ པད་ཟླ་ཉི་མ་བདུད་བཞིའི་སྟེང་༔ ཧཱུྃ་བབ་རྒྱུ་ཡི་ཧེ་རུ་ཀ མཐིང་ནག་རྡོ་རྗེ་ལྕགས་ཕུར་གདེངས༔ འོད་འཕྲོས་རྒྱལ་བ་མཆོད་པས་མཉེས༔ རྒྱུ་དྲུག་འཁོར་བ་ཆོས་སྐུར་བསྒྲལ༔ འཁོར་འདས་གཟི་བྱིན་ཚེ་བསོད་བཅས༔ ཚུར་འདུས་ཡོངས་སུ་གྱུར་པ་ལས༔ དཔལ་ཆེན་རྡོ་རྗེ་གཞོན་ནུ་ཆེ༔ མཐིང་ནག་ཞལ་གསུམ་ཕྱག་དྲུག་པ༔ གཡས་དཀར་གཡོན་དམར་ཁྲོ་གཏུམ་རྔམས༔ ཞལ་གདངས་ལྗགས་འདྲིལ་མཆེ་བ་ གཙིགས༔ ཁྲོ་གཉེར་རབ་འཁྲུགས་སྤྱན་དགུ་གཡོ༔ སྨ་ར་སྨིན་མར་མེ་སྟག་འཕྲོ༔ དབུ་སྐྲ་དམར་སེར་སྲིད་རྩེར་འབར༔ ཐོད་སྐམ་ལྔ་ཡིས་དབུ་ལ་བརྒྱན༔ རྡོ་རྗེ་རྩེ་དགུ་རྩེ་ལྔ་གཡས༔ འབར་བའི་མེ་དང་ཁ་ཊྭཱཾ་གཡོན༔ མཐའ་གཉིས་རི་རབ་ཕུར་པ་འདྲིལ༔ ཞབས་བཞིས་བདུད་ཆེན་ཕོ་མོ་གནོན༔ འཁོར་ལོ་རྒྱས་འདེབས་ཡུམ་གྱིས་འཁྱུད༔ སྔོ་སྐྱ་ཨུཏྤལ་དུང་ཁྲག་སྟོབ༔ ཞལ་སྦྱོར་རལ་པ་སྐུ་རྒྱབ་འཕྱང་༔ གཡང་གཞི་གཟིག་ཤམ་ཐོད་སྦྲུལ་རྒྱན༔ རྡོ་རྗེ་རིན་ཆེན་གཤོག་པ་གདེངས༔ དུར་ཁྲོད་ཆས་རྫོགས་མེ་དཔུང་འབར༔ སྤྱི་བོར་རྡོ་རྗེ་ཁྱུང་ཆེན་གྱི༔ རྭ་བར་ཀུན་བཟང་ཡབ་ཡུམ་ཤར༔ ཕྱོགས་བཞིར་ཀཱི་ལ་རིགས་བཞི་ནི༔ ལས་མདོག་ཁྲོ་གཏུམ་ཕུར་པ་འདྲིལ༔ སྐུ་སྨད་ཕུར་དབལ་ཟུར་གསུམ་གྱིས༔ ཉོན་མོངས་རང་གཟུགས་བམ་ཆེན་གནོན༔ གཡས་སུ་སྐུ་ཡི་སྲས་བདུན་དཀར༔ མདུན་དུ་ཐུགས་ཀྱི་སྲས་བདུན་མཐིང་༔ གཡོན་དུ་གསུང་གི་སྲས་བདུན་དམར༔ ཀུན་ཀྱང་ཕྱག་མཚན་གཙོ་བོ་ལྟར༔ སྐུ་སྨད་དབལ་ཕུར་དགྲ་གདོན་འབིག༔ ཕྱོགས་བཅུ་སྤྲུལ་པའི་ཁྲོ་བོ་བཅུ༔ ཤེས་རབ་སྟོང་ཉིད་ཡུམ་དང་སྦྱོར༔ ཕྱོགས་སྐྱོང་ཕོ་མོའི་སྤྱི་ནས་བརྫིས༔ ཟ་གསོད་ཕོ་ཉ་ལས་ལ་འགྱེད༔ ཀྲཾ ཐོ།༔ ཕྲིན་ལས་སྒོ་སྐྱོང་མ་བཞི་ཤར༔ གཞལ་ཡས་ཕྱི་ཁྱམས་འཁོར་ཡུག་ཏུ༔ རེ་ཏཱི་ཤྭ་ན་ས་བདག་གིང་༔ དབང་ཕྱུག་ཉི་ཤུ་རྩ་བརྒྱད་སོགས༔ བཀའ་སྡོད་དམ་ཅན་སྲུང་མར་བཅས༔ རྒྱ་མཚོ་དང་ནི་གཟའ་སྐར་བཞིན༔ ངོ་བོ་རང་རྩལ་སྒྱུ་འཕྲུལ་གྱི༔ རོལ་པ་ཆེན་པོར་ལྷུན་གྱིས་གྲུབ༔ བསྐལ་པ་དུས་མཐའི་མེ་བཞིན་འབར༔ ཐུན་མཚོན་བུ་ཡུག་བཞིན་དུ་འགྱེད༔ གནས་གསུམ་རྡོ་རྗེ་སྙིང་པོ་ལས༔ འོད་འཕྲོས་དབྱིངས་ནས་སྤྱན་དྲངས་ཐིམ༔ དམ་ཚིག་ཡེ་ཤེས་གཉིས་སུ་མེད༔ གཙོ་བོའི་ཐུགས་ཀར་པད་ཟླའི་སྟེང་༔ ཡེ་ཤེས་སེམས་དཔའ་ཚོན་གང་བ༔ མཐིང་ནག་ཞི་འཛུམ་སྐྱིལ་ཀྲུང་བཞུགས༔ ཕྱག་གཉིས་རྡོར་དྲིལ་བསྣོལ་ཐབས་བསྣམས༔ ཐུགས་ཀར་ཉི་གདན་གནམ་ལྕགས་ཀྱི༔ རྡོ་རྗེ་རྩེ་དགུའི་ལྟེ་བ་རུ༔ ཉི་ཟླའི་གྭའུ་ཁ་སྦྱོར་དབུས༔ ཧཱུྃ་མཐིང་ཉིད་ལ་སྔགས་ཀྱིས་བསྐོར༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ དེ་ལྟར་བསྐྱེད་རིམ་གནད་ལྡན་པས༔ སྒྲུབ་པ་བྱེད་པའི་སྐྱེས་བུ་རྣམས༔ ལོ་གསུམ་ཟླ་གསུམ་ཞག་གསུམ་གྱིས༔ ཕྱག་རྒྱ་ཆེན་པོའི་རིག་འཛིན་ཐོབ༔ མི་བསླུ་ངེས་པ་པདྨའི་བཀའ༔ རྒྱུད་ཀྱི་ཁོངས་སྙིང་ཕྱུང་བ་སྟེ༔ སྐལ་པ་ཅན་གྱི་དཔལ་དུ་བཞག༔ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་ མ་ཤོར་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་བསོད་ནམས་ལྡེ་བཙན་གྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཡེ་ཤེས་མཁའ་འགྲོའི་གསང་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། ། བདུད་འཇོམས་ཕུར་པ་བདེ་གཤེགས་སྙིང་པོ་བདུད་འཇོམས་ཕུར་པ་བདེ་གཤེགས་སྙིང་པོ་T11605 - 264 ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ དཔལ་ཆེན་རྡོ་རྗེ་གཞོན་ནུའི་སྒྲུབ་པ་མི་ཤིགས་རྡོ་རྗེ་བཞུགས་སོ༔ ཟོཾ།༔ ན་མོ་པདྨ་ཀ་ར་ཡེ༔ ཐངྒཾ།༔ ཡང་དག་ཐེག་ཆེན་དོན་རྟོགས་ཀྱི༔ རྣལ་འབྱོར་དབང་ཕྱུག་ཆེན་པོ་ཡིས༔ སྤྱོད་ཡུལ་འདི་ནི་བླ་ན་མེད༔ གང་གིས་ཉམས་སུ་ལེན་ཀུན་གྲོལ༔ ས་མ་ཡ༔ ཧཱུྃ༔ འཁོར་འདས་དག་མཉམ་ཆེན་པོའི་མཁར༔ གནས་ལུགས་རྡོ་རྗེ་གཞོན་ནུ་ཆེ༔ ཤེས་རབ་སྟོང་ཉིད་ཡུམ་གྱིས་འཁྱུད༔ ཡེ་ཤེས་རྩལ་ཆེན་འཁོར་དུ་ངོམས༔ མ་བསྐྱེད་མ་བསྒོམ་གདོད་མའི་ངང་༔ ཤེས་རིག་རྡོ་རྗེའི་རྩེ་མོའི་འཕྲུལ༔ ཐུགས་གསང་སེམས་དཔའ་རྡོ་རྗེའི་སྦུབས༔ ཧཱུྃ་དང་སྔགས་ཀྱི་རང་སྒྲ་ཡིས༔ བདག་རྟོག་འཁོར་བའི་བགེགས་བཅོམ་ནས༔ སྣང་སྲིད་དག་པ་རབ་འབྱམས་ཀྱི༔ རོལ་པ་ཆེན་པོར་རྫོགས་སངས་རྒྱས༔ ཨོཾ་བཛྲ་ཀཱི ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ དེ་ནས་བསྟོད་པ་བྱ་བ་ནི༔ ཧཱུྃ༔ མི་འགྱུར་རྡོ་རྗེས་སྒྲིབ་གཉིས་བཅོམ༔ དག་གྲོལ་རོལ་པའི་ཧེ་རུ་ཀ༔ རྟོག་གཉིས་རཱུ་དྲའི་སྙིང་ཁྲག་འབྱིན༔ མི་སྲུན་རྡོ རྗེ་སྲིན་པོར་བསྟོད༔ དེ་ནས་ཕྱག་རྒྱ་སྒོ་བཅད་ནི༔ ཨཱཿ གདོད་ནས་མ་བཅོས་ཡེ་རྫོགས་ཀྱི༔ བདེ་གཤེགས་སྐུ་དང་ཡོན་ཏན་རྫོགས༔ སྐྱེ་འགགས་སྤྲོས་པའི་མཐའ་ལས་འདས༔ མ་ བཅོས་ཡེ་ཡིན་ངང་དུ་ཨ༔ འདི་ནི་རྡོ་རྗེ་ཐེག་པའི་བཅུད༔ ཉམས་སུ་ལེན་པའི་གནད་ལྡན་ན༔ ཡེ་རྫོགས་ལྟ་བ་གྱད་ཀྱི་ལྷ༔ བླུན་པོ་ཡུལ་གོལ་ལྷ་དང་སྔགས༔ བསྐལ་བརྒྱར་བསྒྲུབ་པའི་ཆར་མི་ཉེ༔ ཚེ་འདིར་རྣམ་པར་གྲོལ་ཐོབ་འགྱུར༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ གུ་ཧྱ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉེར་ལྔའི་བར་དུ་བཀའ་རྒྱ་བྱས་མཐར་བླ་མ་ནམ་མཁའ་རིག་འཛིན་གྱིས་ནན་དུ་བསྐུལ་ངོར་གཏན་ལ་ཕབ་པའོ།། །། སྱ༔ དྲན་རྫོགས་ཆེན་པོའི་གསལ་འདེབས་ནི༔ ཨ༔ ཆོས་དབྱིངས་གདལ་བ་ཆེན་པོའི་མཁའ༔ སྣང་སྟོང་ཐབས་ཤེས་དབྱེར་མེད་སྐུ༔ རྩལ་སྣང་འཁོར་གྱི་རོལ་པ་ཆེ༔ སྣང་གྲགས་རིག་གསུམ་རྡོ་རྗེའི་ངང་༔ ས་མ་ཡ༔ ཡེ་རྫོགས་རིག་ཙམ་རང་ངོར་སངས༔ ཡུལ་འཛིན་འགྲོ་འོང་རྫུན་ཕུག་རྡིབ༔ ཨ་ཨ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ _UNKཊྚཏྱ་ཧུ།༔ ཀློང་ཆེན་རིག་པའི་གཏེར་མཛོད་དུ༔ མ་བྱས་རིག་པའི་སྒྲོམ་དུ་རྒྱ༔ རྒྱ་རྒྱ་རྒྱ༔ ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ རྩ་གསུམ་སྐྱེམས་མཆོད་བདུད་རྩི་ཀུན་ཁྱབ་བཞུགས་སོ༔ ན་མོ་གུ་རུ་ཝེ༔ མར་སབྱམ༔ རྩ་བརྒྱད་སྟོང་སྦྱར་བདུད་རྩི་ལ༔ ཡེ་ཤེས་འཕྲུལ་གྱིས་བྱིན་བརླབས་ཏེ༔ འཁོར་འདས་ཡོངས་ལ་ཁྱབ་པར་སྤྲུལ༔ ཨོཾ་ཨཱཿ ཧཱུྃ༔ རྒྱལ་བ་དགོངས་བརྒྱུད་རིག་འཛིན་བརྡ་བརྒྱུད་དང་༔ གང་ཟག་སྙན་བརྒྱུད་ཤོག་སེར་ཚིག་བརྒྱུད་ཀྱི༔ རྩ་བརྒྱུད་བླ་མ་མ་ལུས་ཐམས་ཅད་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ མ་ཧཱ་སརྦ་པཉྩ་ཨ་མྲྀ་ཏ་ལ་ཁཱ་ཧི༔ དཔལ་ཆེན་རྡོ་རྗེ་གཞོན་ནུ་ཡབ་ཡུམ་དང་༔ ཀཱི་ལ་རིགས་ལྔ་ཁྲོ་བཅུ་ཡབ་ཡུམ་དང་༔ ཟ་གསོད་སྒོ་སྐྱོང་མ་བཞི་འཁོར་བཅས་ལ༔ རྣམ་དག་བདུད་རྩི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ མ་ཧཱ་སརྦ༔ ཤྭ་ན་མཆེད་བཞི་རེ་ཏཱི་མ་བཞི་དང་༔ བསྭེ་མོ་མཆེད་བཞི་སྐྱེས་བུ་གིང་བཞི་སོགས༔ ཕུར་སྲུང་དམ་ཅན་རྒྱ་མཚོ་འཁོར་བཅས་ལ༔ རྣམ་དག་བདུད་རྩིའི་དམ་རྫས༴ ཐུགས་རྗེས་བརྩེར་མ་ཧཱ་སརྦ་གཞན་ཡང་ཕུར་པའི་སྲུང་མར་དམ་བཅས་པའི༔ ཡེ་ཤེས་དང་ནི་ལས་ལས་གྲུབ་པ་ཡི༔ ཕོ་རྒྱུད་མོ་ རྒྱུད་བཀའ་སྲུང་རྒྱ་མཚོ་ལ༔ རྣམ་དག་བདུད་རྩི་དམ་རྫསཿ ཐུགས་རྗེས་བརྩེརཿ མ་ཧཱ་སརྦ་པཉྩ་ཨ་མྲྀ་ཏ་ལ་ཁཱ་ཧི༔ འཁོར་བ་དབྱིངས་སྒྲོལ་རཀྟའི་རྒྱ་མཚོ་དང་༔ དམར་ཆེན་གཏོར་མ་ཤ་རི་ཁྲག་གི་མཚོ༔ འདོད་ཡོན་མི་ཟད་ནམ་མཁའི་གཏེར་ཆེན་པོ༔ རྩ་གསུམ་དམ་ཅན་སྲུང་མར་བཅས་ལ་འབུལ༔ དྲག་པོ་མཐུ་ཡི་དངོས་གྲུབ་མྱུར་དུ་སྩོལ༔ མ་ཧཱ་རཀྟ་བ་ལི་ཏ་མཱཾ ས་རཀྟ་ཙིཏྟ་ཏ་ན་ག་ན་སརྦ་པཱུ་ཛ་ཧོཿ རྩ་གསུམ་རྡོ་རྗེ་ཕུར་པའི་ལྷ་ཚོགས་ཀྱིས༔ བདག་ཅག་སྒྲུབ་མཆོག་འཁོར་དང་བཅས་པ་ལ༔ མཆོག་ཐུན་དངོས་གྲུབ་འབད་མེད་མྱུར་སྩོལ་ཅིག༔ ཁྱད་པར་དྲེགས་པ་ལྷ་སྲིན་བྲན་འཁོལ་ནས༔ དྲག་པོ་མཐུ་ཡི་དངོས་གྲུབ་སྩལ་དུ་གསོལ༔ རྩ་སྔགས་ཀཱ་ཡ་ཝཱཀ་ཙིཏྟ་སརྦ་ཀརྨ་སིདྡྷི་ཕ་ལ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་རིགས་སྲས་མཁྱེན་བརྩེའི་མྱུ་གུས་བསྐུལ་ངོར་ཁྲག་འཐུང་བདུད་འཇོམས་པས་བྲིས་པའོ། །དགེའོ། །ལེགས་སོ། །སརྦ་མངྒ་ལཾ།། ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ དཔལ་ཆེན་རྡོ་རྗེ་གཞོན་ནུའི་སྒྲུབ་པ་བདེ་གཤེགས་སྙིང་པོ་ལས༔ ཚོགས་མཆོད་འཁོར་བ་དབྱིངས་སྒྲོལ་བཞུགས་སོ༔ བྷརྟརྨཧཱུྃཿ ན་མོ་གུ་རུ་པདྨ་ཀ་ར་ཡེ༔ མ་འོངས་དུས་ཀྱི་ཐ་མ་ལ༔ པདྨ་ང་ཡི་བརྒྱུད་འཛིན་རྣམས༔ ཡང་གསང་སྒྲུབ་པའི་སྒོར་འཇུག་ཚེ༔ ཚོགས་རྫོགས་སྒྲིབ་པ་སྦྱོང་བ་དང་༔ དངོས་གྲུབ་མྱུར་དུ་འཐོབ་པའི་ཕྱིར༔ ཚོགས་ཀྱི་འཁོར་ལོ་བསྐོར་བར་བྱ༔ འབྱོར་ཚོགས་ཅི་རིགས་བཤམས་ནས་སུ༔ ཡེ་ཤེས་བདུད་རྩིར་བྱིན་གྱིས་བརླབ༔ ཨ༔ ཀུན་གཞི་ཡངས་པའི་མཁའ་ཀློང་དུ༔ ཀུན་རྟོག་ལྷ་མོའི་རྣམ་རོལ་རྩེ༔ ཀུན་སྣང་འདོད་ཡོན་རྒྱན་དུ་ཆེ༔ ཀུན་བཟང་མཆོད་སྤྲིན་བླ་ན་མེད༔ ཨོཾ་ཨཱཿ ཧཱུྃ༔ ལན་གསུམ༔ དེ་ནས་སྤྱན་འདྲེན་པ་ནི༔ ཧཱུྃ༔ ཀུན་ཁྱབ་ཐིག་ལེའི་མཁའ་ཀློང་ནས༔ ལྷུན་གྲུབ་རྡོ་རྗེ་གཞོན་ནུ་ཆེ༔ སྒྱུ་འཕྲུལ་སྤྲུལ་པ་འཁོར་བཀའ་སྡོད༔ ཚོགས་ལ་སྤྱན་འདྲེན་གཤེགས་སུ་གསོལ༔ དེ་ནས་ཚོགས་ཕུད་འབུལ་བ་ནི༔ ཧཱུྃ༔ ཁམས་གསུམ་འཁོར་བའི་ཆོས་རྣམས་ཀུན༔ འབྲུ་གསུམ་ནུས་པས་སྦྱང་སྤེལ་བསྒྱུར༔ བདེ་སྟོང་ཡེ་ཤེས་བདུད་རྩི་ཆེ༔ སྐུ་གསུམ་དབྱིངས་སུ་དག་མཉམ་རོལ༔ མ་ཧཱ་གྷ་ཎ་ཙཀྲ་ལ་ཁཱ་ཧི༔ དེ་ནས་བར་བཤགས་བྱ་བ་ལ༔ ཧཱུྃ༔ གདོད་ནས་སྐུ་གསུམ་ལྷུན་གྲུབ་ཀྱི༔ གནས་ལུགས་རྡོ་རྗེ་ཐེག་པའི་ ཞལ༔ མ་རིག་གཉིས་འཛིན་སྒྲིབ་པའི་བག༔ རིག་པ་ཡེ་ཤེས་ཆེན་པོར་བཤགས༔ ཨོཾ་གྷ་ཎ་ཙཀྲ་སོགས་ཚང་བར་བརྗོད༔ དེ་ནས་བསྒྲལ་བ་ནི༔ ཧཱུྃ༔ ཁྱབ་བདག་རྡོ་རྗེ་གཞོན་ནུ་ཡིས༔ མཁྱེན་གཉིས་ཡེ་ཤེས་རྩལ་གྱི་མཚོན༔ བདག་ལྟའི་རཱུ་དྲའི་སྲོག་ལ་གདབ༔ ཁམས་གསུམ་འཁོར་བའི་འཆིང་རྒྱ་བཅད༔ རཱུ་དྲ་པྲ་ཝེ་ཤ་ཡ་ཕཊ༔ དེ་ནས་བསྟབ་པ་ནི༔ ཧཱུྃ༔ གཟུང་འཛིན་རཱུ་དྲ་བསྒྲལ་བ་ལས༔ ཕུང་ཁམས་སྐྱེ་མཆེད་དབང་ཡུལ་བཅས༔ རྡོ་རྗེ་སྲིན་པོའི་ཞལ་དུ་བསྟབ༔ གཉིས་མེད་རོལ་པར་རྫོགས་སངས་རྒྱས༔ རཱུ་དྲ་ཨ་མུ་ཀ་མཱ་ར་ཡ་ཁཱ་ཧི༔ དེ་ནས་ལྷག་མ་འབུལ་བ་ནི༔ ཧཱུྃ༔ ཀུན་བྱེད་རྒྱལ་པོ་ཧེ་རུ་ཀའི༔ བཀའ་ཉན་རང་རྩལ་ལྷག་སྡུད་མ༔ གཤེགས་བྱོན་མེད་དེ་ཡེ་ནས་རྫོགས༔ འཁོར་བ་མྱང་འདས་ཆེན་པོར་རོལ༔ ཨུཙྪིཥྞ་བ་ལི་ཏ་ཁཱ་ཧི༔ དེ་ནས་ཆད་མདོ་བཏང་བ་ནི༔ ཧཱུྃ༔ དང་པོ་མཉམ་པ་ཉིད་ཀྱི་དུས༔ གནས་ལུགས་རྡོ་རྗེ་གཞོན་ནུ་ཡིས༔ ཁམས་གསུམ་ཁྲག་ཏུ་རོལ་པའི་ཚེ༔ ཆོས་ཀུན་ཆོས་ཉིད་དམ་རྒྱར་བཅིང་༔ བར་དུ་གདུལ་བྱའི་དཔལ་མཚོ་རུ༔ གང་འདུལ་སྒྱུ་འཕྲུལ་ཆུ་ཟླའི་གར༔ སྟོན་དང་བསྟན་པར་ཤར་བའི་ཚེ༔ རྟེན་འབྲེལ་སྲིད་པ་སྟོང་རྒྱས་བཏབ༔ ཐ་མ་དོན་གྱི་འོག་མིན་མཁར༔ ཛོཾ༔ ཡེ་ཤེས་སྒྱུ་མའི་རྣལ་འབྱོར་གྱིས༔ འཁོར་འདས་དག་མཉམ་རོལ་པའི་ཚེ༔ སེམས་སྣང་བདག་མེད་ཀློང་རྒྱས་བཏབ༔ ད་ལྟ་གསང་ཆེན་དཀྱིལ་འཁོར་འདིར༔ ཐབས་ཤེས་སྒྱུ་འཕྲུལ་ལྷར་སྣང་བཀོད༔ འདོད་ཡོན་རྣམ་དག་གཏོར་མ་ལ༔ རྟོག་ཚོགས་གནས་དག་སྲུང་མས་རོལ༔ དེ་ནས་བརྟན་མ་ནི༔ ཧཱུྃ༔ སྲིད་པའི་རྟེན་འབྲེལ་ལུགས་འབྱུང་ལ༔ སྟོང་པའི་རྒྱས་འདེབས་བརྟན་མ་སྐྱོང་༔ བདེ་སྟོང་ཡེ་ཤེས་གཏོར་མའི་རོ༔ རོལ་ལ་འཁོར་བའི་བག་ཆགས་གཏོར༔ དེ་ནས་རྟ་བྲོ་བརྡུང་བ་ནི༔ ཧཱུྃ༔ རང་བཞིན་རྣམ་དག་ཨེ་ཡི་མཁར༔ ལོག་རྟོག་མི་སྲུན་རཱུ་དྲ་བྲུབ༔ ཐབས་ཤེས་རྔམས་པའི་རྟ་བྲོ་བརྡུང་༔ ཡེ་ཤེས་རོལ་པའི་སྟོབས་ཀྱིས་མནན༔ དེ་ནས་དངོས་གྲུབ་ལེན་པ་ནི༔ ཧཱུྃ༔ གདོད་མ་གཞི་ཡི་ཧེ་རུ་ཀའི༔ མི་གནས་ཡེ་ཤེས་གསང་བ་མཆོག༔ རྡོ་རྗེ་གསུམ་གྱི་དབང་དངོས་གྲུབ༔ སྒོ་གསུམ་བུམ་པའི་སྣོད་དུ་བསྐྱིལ༔ ཀཱ་ཡ་སིདྡྷི་ཨོཾ༔ ཝཱཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ དེ་ནས་བཤགས་པ་བྱ་བ་ནི༔ ཧོཿ རང་བྱུང་ཡེ་ཤེས་ཡེ་སངས་རྒྱས༔ བསྲུང་དུ་མེད་དེ་ཉམས་དང་བྲལ༔ བཤགས་བྱ་བཤགས་བྱའི་ཡུལ་ལས་འདས༔ མཚན་འཛིན་མཚན་མ་བྲལ་བར་བཤགས༔ བཛྲ་ས་མ་ཡ་ ཨ༔ དེ་ནས་བསྔོ་བ་སྨོན་ལམ་ནི༔ ཧོཿ དུས་གསུམ་བསགས་པའི་རྣམ་དཀར་དགེ༔ འཁོར་གསུམ་དམིགས་མེད་དབྱིངས་སུ་བསྔོ༔ ཁམས་གསུམ་འཁོར་བའི་སེམས་ཅན་ཀུན༔ རྣམ་གྲོལ་སྐུ་གསུམ་ས་ཐོབ་ཤོག༔ དེ་ནས་རྟག་མཐའ་བསལ་བ་ནི༔ ཧཱུྃ༔ སྣང་སྟོང་རྡོ་རྗེ་ནམ་མཁའི་ངང་༔ སྤྲོས་མཐའ་བྲལ་བའི་དབྱིངས་སུ་ཨ༔ དེ་ནས་ཆད་མཐའ་བསལ་བ་ནི༔ ཧཱུྃ༔ ཐབས་དང་ཤེས་རབ་གཉིས་སུ་མེད༔ མ་བསྐྱེད་མ་བསྒོམ་ཡེ་ཡིན་ལྷ༔ ཕཊ༔ ཕཊ༔ ཕཊ༔ དེ་ནས་བཀྲ་ཤིས་ནི༔ ཧཱུྃ༔ འཁོར་འདས་དག་མཉམ་ལྟ་བའི་ཀློང་༔ མ་བཅོས་རང་