Tibetan
རྒྱ་རྒྱ༔ དེ་ཡིས་ལོག་པར་ལྟ་བ་ཐམས་ཅད་འཇོམས༔ ལེགས་པའི་ཡོན་ཏན་གོང་ནས་གོང་དུ་འཕེལ༔ ཐབས་བཟང་ལམ་གྱིས་རྣམ་སྨིན་བག་ཆགས་འཇོམས༔ བསྟན་སྲུང་རྣམས་ཀྱི་འགྲོ་དོན་དགོངས་པ་བསྒྲུབ༔ པད་མ་བདག་གི་སྙིང་ཐིག་ཟབ་མོ་འདི༔ ཡེ་ཤེས་མཚོ་རྒྱལ་ཁྱོད་ཀྱིས་ཡི་གེར་ཐོབས༔ བཀའ་འདི་དཔལ་ལྡན་རང་བྱུང་རྒྱལ་མོར་བཅོལ༔ ཐུབ་པར་སྲུངས་ཤིག་བཀའ་དང་དམ་ཚིག་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་འོད་གསལ་རྫོགས་པ་ཆེན་པོ་ཀ་དག་ཀློང་ཆེན་ནམ་མཁའི་རྣལ་འབྱོར་པ་རིག་འཛིན་བདུད་འཇོམས་གླིང་པས་ཟབ་གསང་མཁའ་འགྲོའི་བརྡ་རིས་ལས་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་ཀྱིས་བགྱིས་སོ། །མངྒ་ལཾ།། །། ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་གསང་བའི་རྒྱ་ཅན༔ དཔལ་ཆེན་ཕྲིན་ལས་རྡོ་རྗེ་ཕུར་པའི༔ གདབ་ལས་རེག་ཕུང་སྤུ་གྲི་འབར་བ་བཞུགས་སོ༔ ན་མོ་གུ་རུ་བྷྱ༔ སརྦརྐཏུ་ཝྭ༅ཐུཾ༔ བདག་འདྲ་རིག་འཛིན་རྡོ་རྗེ་གྲོ་ལོད་ངས༔ མ་འོངས་ལས་ཅན་བུ་ཡི་དོན་ཆེད་དུ༔ གདབ་ལས་རེག་ཕུང་སྤུ་གྲི་འབར་བ་བསྟན༔ བསྐལ་པ་མར་གཤམ་དུས་ཀྱི་སྙིགས་མ་ལ༔ ལག་ཏུ་ལོངས་ཤིག་ང་ཡི་རྗེས་འཇུག་རྣམས༔ དང་པོ་བཅའ་གཞིའི་རིམ་པ་འདི་ལྟ་སྟེ༔ ཁྲག་རྐོང་སྣོད་དུ་ཟངས་ཕྱེ་ལྕགས་ཕྱེ་དང་༔ རྡོ་ཕྱེ་ཉུང་ནག་ཀེ་མཚེ་ཤངས་མཚེ་དང་༔ འབྲུ་ནག་ཟུར་གསུམ་སོ་སོར་བླུག་བྱས་ནས༔ ལྷ་དང་སྲུང་མར་སྐྱེམས་ཕུད་ཕུལ་ནས་བསྐུལ༔ རང་ཉིད་ཡི་དམ་ཁྲོ་བོའི་ང་རྒྱལ་གྱིས༔ ཧཱུྃ་ཧཱུྃ་ཧཱུྃ༔ ཧཱུྃ༔ དུར་ཁྲོད་མེ་རི་འབར་བའི་གཞལ་ཡས་ན༔ རབ་འཇིགས་མཚོན་ཐུན་སྣ་ཚོགས་རླུང་ལྟར་འཚུབས༔ ཁྲོ་ཆུ་མེ་ཁྱུང་སྡིག་པ་སྐར་ལྟར་འཁྲིགས༔ ཧཱུྃ་དང་ཕཊ་སྒྲ་འབྲུག་སྟོང་སྒྲ་ལྟར་སྒྲོགས༔ མ་རུངས་རཱུ་དྲའི་ཀླད་པ་འགེམ་ཞིང་གཞོམ༔ ཞིང་དེར་བགེགས་དང་ལོག་འདྲེན་མིང་ཡང་མེད༔ དེ་ན་འོག་མིན་ལྷུན་གྲུབ་ཕོ་བྲང་ཞེས༔ ཡེ་ཤེས་ལྔ་ལྡན་མཚན་རྫོགས་དཀྱིལ་འཁོར་ནས༔ འཁོར་འདས་ཁྱབ་བདག་རྡོ་རྗེ་ཕུར་པའི་ལྷ༔ བསྐུལ་ལོ་དམ་ཚིག་ཐུགས་དམ་གནད་ནས་བསྐུལ༔ བཞེངས་ཤིག་ཆོས་ཀྱི་ དབྱིངས་ལས་སྐུར་བཞེངས་ཤིག༔ མི་སྲུན་དགྲ་བགེགས་འདུལ་བའི་ཕྲིན་ལས་མཛོད༔ རྫས་ལ་ངར་བླུད་པ་ནི༔ ཧཱུྃ༔ རྡོ་རྗེ་ཁྲོས་པས་ཉོན་མོངས་རྟོག་ཚོགས་འཇོམས༔ སྤྲུལ་པའི་ཁྲོ་ཚོགས་མཚོན་གྱི་རྣམ་པར་བཞེངས༔ དགྲ་བགེགས་སྙིང་ལ་ཐུན་གྱི་ཆར་ཆེན་ཕོབ༔ འབྱུང་ལྔའི་ནུས་བཅུད་མ་ལུས་ཐུན་དུ་བསྡུས༔ དགྲ་ལ་རང་གཤེད་དབབ་པའི་མཚོན་ཆར་བསྔགས༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་དྷེ་ཝ་ཌཱ་ཀི་ནཱི་ས་མ་ཡ་ཀ་ལ་རཱུ་པ་མཱ་ར་ཡ་རྦད་ནན་སྭཱ་ཧཱ༔ དེ་ནས་ཟངས་ཕྱེ་ཐོགས་ལ༔ ཧཱུྃ༔ ང་ནི་དཔལ་ཆེན་རྡོ་རྗེ་གཞོན་ནུ་ཆེ༔ ཛཿ ཕུར་སྲུང་དམ་ཅན་རྒྱ་མཚོ་ལས་ལ་བསྐུལ༔ དགྲ་བགེགས་སྡིག་ཅན་ལོག་འདྲེན་རཱུ་པ་ལ༔ ཟངས་ཕྱེའི་དབལ་དུག་མཚོན་ཆའི་ཆར་ཆེན་ཕོབ༔ མིང་ཙམ་མེད་པར་ཐལ་བའི་རྡུལ་དུ་རློག༔ སྤུ་གྲིའི་ཤམ་བུར༔ དགྲ་གདོན་བགེགས་ཚོགས་རྣམས་ཀྱི་ལུས་ངག་ཡིད་གསུམ་ལ་ཕོབ་ཛཿརྦད་ནན༔ ལྕགས་ཕྱེ་ཐོགས་ལ༔ ཧཱུྃ༔ ང་ནི་དཔལ་ཆེན་རྡོ་རྗེ་གཞོན་ནུ་ཆེ༔ ཛཿ ཕུར་སྲུང་དམ་ཅན་རྒྱ་མཚོ་ལས་ལ་བསྐུལ༔ དགྲ་བགེགས་སྡིག་ཅན་ལོག་འདྲེན་རཱུ་པ་ལ༔ ལྕགས་ཕྱེའི་དབལ་དུག་མཚོན་ཆའི་ཆར་ཆེན་ཕོབ༔ མིང་ཙམ་མེད་པར་ཐལ་བའི་རྡུལ་དུ་རློག༔ སྤུ་གྲིའི་ཤམ་བུར༔ དགྲ་གདོན་ ཐོ།༔ བགེགས་ཚོགས་རྣམས་ཀྱི་ལུས་ངག་ཡིད་གསུམ་ལ་ཕོབ་ཛཿ རྦད་ནན༔ རྡོ་ཕྱེ་ཐོགས་ལ༔ ཧཱུྃ༔ ང་ནི་དཔལ་ཆེན་རྡོ་རྗེ་གཞོན་ནུ་ཆེ༔ ཛཿ ཕུར་སྲུང་དམ་ཅན་རྒྱ་མཚོ་ལས་ལ་བསྐུལ༔ དགྲ་བགེགས་སྡིག་ཅན་ལོག་འདྲེན་རཱུ་པ་ལ༔ རྡོ་ཕྱེའི་དབལ་དུ་མཚོན་ཆའི་ཆར་ཆེན་ཕོབ༔ མིང་ཙམ་མེད་པར་ཐལ་བའི་རྡུལ་དུ་རློག༔ སྤུ་གྲིའི་ཤམ་བུར༔ དགྲ་གདོན་བགེགས་ཚོགས་རྣམས་ཀྱི་ལུས་ངག་ཡིད་གསུམ་ལ་ཕོབ་ཛཿ རྦད་ནནཿ ཉུང་ཐུན་ཐོགས་ལ༔ ཧཱུྃ༔ ང་ནི་དཔལ་ཆེན་རྡོ་རྗེ་གཞོན་ནུ་ཆེ༔ ཛཿ ཕུར་སྲུང་དམ་ཅན་རྒྱ་མཚོ་ལས་ལ་བསྐུལ༔ དགྲ་བགེགས་སྡིག་ཅན་ལོག་འདྲེན་རཱུ་པ་ལ༔ ཉུང་ཐུན་དབལ་དུག་མཚོན་ཆའི་ཆར་ཆེན་ཕོབ༔ མིང་ཙམ་མེད་པར་ཐལ་བའི་རྡུལ་དུ་རློག༔ སྤུ་གྲིའི་ཤམ་བུར༔ དགྲ་གདོན་བགེགས་ཚོགས་རྣམས་ཀྱི་ལུས་ངག་ཡིད་གསུམ་ལ་ཕོབ་ཛཿརྦད་ནན༔ ཀེ་མཚེ་ཐོགས་ལ༔ ཧཱུྃ༔ ང་ནི་དཔལ་ཆེན་རྡོ་རྗེ་གཞོན༴ ཛཿ ཕུར་སྲུང་དམ་ཅན་དགྲ་བགེགས་སྡིག་ཅན་ཀེ་མཚེའི་དབལ་དུག་མཚོན་ཆའི༔ མིང་ཙམ་མེད༔ སྤུ་གྲིའི་ཤམ་བུར༔ དགྲ་གདོན་བགེགསཿ ཤངས་མཚེ་ཐོགས་ལ༔ ཧཱུྃ༔ ང་ནི་དཔལ་ཆེན་རྡོ་རྗེ་ཛཿ ཕུར་སྲུང་དམ་ཅན་རྒྱ་མཚོཿ དགྲ་བགེགས་སྡིག་ཅན་ལོག་འདྲེན ཤངས་མཚེའི་དབལ་དུག། མིང་ཙམ་མེད་པར སྤུ་གྲིའི་ཤམ་བུར༔ དགྲ་གདོན་བགེགས་འབྲུ་ནག་ཐོགས་ལ༔ ཧཱུྃ༔ ང་ནི་དཔལ་ཆེན་རྡོ་རྗེཿ ཛཿ ཕུར་སྲུང་དམ་ཅན་དགྲ་བགེགས་སྡིག་ཅན་འབྲུ་ནག་དུག་དབལཿ མིང་ཙམ་མེད་པརཿ སྤུ་གྲིའི་ཤམ་བུར༔ དགྲ་གདོན་བགེགས་ཚོགས་དེ་ནས་རྡོ་རྗེ་ཐོགས་ལ༔ ཧཱུྃ༔ ང་ནི་དཔལ་ཆེན་རྡོ་རྗེ༴ ཛཿ ཕུར་སྲུང་དམ་ཅན་རྒྱ་མཚོ༴ དགྲ་བགེགས་སྡིག་ཅན་ལོག་འདྲེན༴ རྡོ་རྗེ་ཕུར་དབལ་དུག་མཚོན་ཆར་ཕོབ་ལ༔ མིང་ཙམ་མེད་པར་ཐལ་བའི༴ ཨོཾ་བཛྲ་ཀཱི་ལི་ཀཱི་ལ་ཡ་སརྦ་ས་པ་རི་ཝཱ་ར་བཛྲ་ས་མ་ཡ་དགྲ་བགེགས་ཀྱི་ལུས་ངག་ཡིད་གསུམ་ཉོན་མོངས་བག་ཆགས་འཁྲུལ་འཁོར་ཤིག་ཤིག་རཾ་རཾ་ཐུཾ་རི་ལི་ལི་རྦད་ནན༔ ཧ་ལ་ཧ་ལ་ཕོབ་ཛ་ཕོབ་ཛཿ ས་མ་ཡ༔ མ་འོངས་ང་ཡི་བརྒྱུད་འཛིན་སྐལ་ལྡན་རྣམས༔ དབུ་འཕང་དམའ་ཞིང་དགྲ་བོ་ཡན་ཤོར་ནས༔ མཐུ་གཏད་བུ་ལོན་བཞིན་དུ་བསྙག་པ་ཡི༔ མ་ཉེས་ཕོད་བཙུག་དགྲ་བོ་བྱུང་བའི་ཚེ༔ མ་རྨོངས་ལས་ཀ་འདི་ལ་བརྩོན་པར་མཛོད༔ སྲུང་མའི་དམག་བསྐུལ་མཚོན་མཆོག་ཐུན་ལ་གྱིས༔ དམག་དང་ཆོམ་རྐུན་ལས་ཀས་དམ་ཚིག་འདའ༔ སྔགས་པའི་ལས་ཀ་མཐུ་དང་རྫས་སྔགས་མཆོག༔ དགྲ་འདུལ་དཔུང་ཚོགས་སྔོན་ལ་ཚགས་སུ་ཚུད༔ དུས་ལ་བབས་ཚེ་མཐུ་ཚོལ་དཀའ་ ཐོ།༔ ལས་ཡོད༔ འདི་བཞིན་ཉམས་སུ་ལེན་པའི་སྐལ་ལྡན་ལ༔ དོན་གཉིས་ལྷུན་གྲུབ་མཐུ་ཡི་དངོས་གྲུབ་ཐོབ༔ བཀའ་འདི་གཟའ་བདུད་དུག་སྡོང་ཁྱོད་ལ་གཏད༔ ཐུབ་པར་སྲུངས་ཤིག་དམ་ཚིག་གཉན་གྱི་རྒྱ༔ ཤྩ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་འོད་གསལ་རྫོགས་པ་ཆེན་པོའི་རྣལ་འབྱོར་པ་གར་དབང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་བརྒྱད་ལ་བཀའ་རྒྱས་བཏབ་སྟེ་མཐར་འབྲོས་ཕུག་བཀྲ་ཤིས་དགའ་འཁྱིལ་མཁའ་འགྲོའི་འདུ་གླིང་དུ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །སརྦ་མངྒ་ལཾ།། ༈ 2 T1605 - 205 T11605 - 206 ཇོཾ༔ ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་གསང་བའི་རྒྱ་ཅན་གྱི༔ དྲག་ཟློག་གནམ་ལྕགས་འཁོར་ལོ་བཞུགས་སོ༔ TI1605 - 207 བདུད་འཇོམས་ཕུར་པ་གནམ་ལྕགས་སྤུ་གྲི ཐོ།༔ གརྴགནཔྟཤ༔ ན་མོ་གུ་རུ་པདྨ་ཀ་ར་ཡེ༔ དྲག་ཟློག་གནམ་ལྕགས་འཁོར་ལོ་འདིར༔ དང་པོ་བཅའ་གཞིའི་རིམ་པ་ལ༔ གནམ་ལྕགས་འཁོར་ལོ་རིམ་གསུམ་གྱི༔ ལྟེ་བར་དམར་གྱི་གཏོར་ཆེན་བཞག༔ གཡས་གཡོན་དམར་གཏོར་གཉིས་བཞག་སྟེ༔ ཕྱོགས་བཞིར་གཏོར་ཕྲན་རེ་རེ་བཞག༔ དེ་མཐར་དམར་གྱི་གཏོར་ཕྲན་བཅུ ཕྱོགས་བཞིར་གཏོར་ཕྲན་བཞི་བཞག་གོ༔ དེ་ཡི་ཕྱི་རིམ་གཏོར་ཆུང་བཅུ་གཉིས་བཞག༔ དེ་མཐར་ཕྱོགས་བཞིར་གཏོར་ཆུང་བཞི༔ ཕྱི་རིམ་བ་ལིང་ཉེར་བརྒྱད་བཞག༔ ཟན་དུམ་སྐྱུ་གུ་རྣམ་ལྔ་དང་༔ ཤ་ཁྲག་མཚེ་དང་རྩང་གིས་བསྐོར༔ ཁྲག་ལིང་ཤ་དུམ་གཏོར་མ་བཤམ༔ ལྷ་ཡི་ཏིང་འཛིན་གདིང་ལྡན་ངང་༔ ཧཱུྃ༔ ཡེ་ཤེས་བླ་མེད་གསང་ཆེན་དཀྱིལ་འཁོར་TI1605 - 208 སྲཟོཾ།༔ ནས༔ ཕྲིན་ལས་མངོན་སྤྱོད་རོལ་པའི་སྒྱུ་འཕྲུལ་གྱི༔ རབ་འཇིགས་དྲག་པོའི་དཀྱིལ་འཁོར་ལྷུན་གྱིས་གྲུབ༔ སྣང་བས་གར་ཁྱབ་མེ་རི་འབར་བའི་ཞིང་༔ སྲིད་པ་ཐམས་ཅད་རྡོ་རྗེ་ཕུར་པའི་དལ༔ སྒྲ་རུ་གྲགས་པ་དྲག་སྔགས་རང་སྒྲ་ལྡིར༔ ལས་མཁན་ཕོ་ཉ་བཀའ་སྡོད་སྤྲིན་ལྟར་གཏིབས༔ མཚོན་ཐུན་དྲག་པོ་ཐོག་སེར་ལྟ་བུར་འབེབས༔ བསྐལ་པའི་མེ་རླུང་འཚུབས་མ་རབ་ཏུ་གཡོ༔ དགྲ་དཔུང་མ་ལུས་ཐལ་བའི་རྡུལ་བཞིན་རློག༔ བགེགས་དཔུང་རྗེས་ཤུལ་མེད་པར་གཞོམ་པར་བྱེད༔ ཧཱུྃ༔ དྲག་པོ་ལས་ཀྱི་བཤའ་ཁང་ཡངས་པའི་ནང་༔ T11605 - 209 ཞིང་བཅུའི་དགྲ་བགེགས་བསྒྲལ་བའི་ཕུང་པོ་བརྡལ༔ གཏི་མུག་ཤ་ཡི་རི་བོ་སྤུངས་སེ་སྤུང་༔ འདོད་ཆགས་ཁྲག་གི་རྒྱ་མཚོ་མེ་རེ་རེ༔ ཞེ་སྡང་རུས་པའི་གྲམ་ཁྲོད་ཉི་ལི་ལི༔ དྲག་པོ་མངོན་སྤྱོད་ལས་ཀྱི་དཔའ་སྐྱེམས་ལགས༔ ཧཱུྃ༔ གཞོམ་བྲལ་དོན་གྱི་འོག་མིན་ཆེན་པོའི་ཞིང་༔ གྲུ་གསུམ་མཐིང་ནག་འབར་བའི་དཀྱིལ་འཁོར་དུ༔ རང་བྱུང་ལྷུན་གྱིས་གྲུབ་པའི་ལྷ་ཆེན པོ༔ དཔལ་ཆེན་རྡོ་རྗེ་གཞོན་ནུ་སྐུ་བཞེངས་ཤིག༔ སྐྱེ་མེད་ཆོས་ཀྱི་དབྱིངས་ལས་མ་གཡོས་ཀྱང་༔ འགགས་མེད་ལྷུན་གྲུབ་བཀོད་པ་རང་བྱུང་བའི༔ ཐུགས་རྗེའི་རོལ་པ་འགྲོ་བའི་དཔལ་དུ་ཤར༔ གདུལ་དཀའ་འདུལ་ཕྱིར་ཐབས་ཀྱིས་སྐུར་བཞེངས་ལ༔ ཁམས་གསུམ་འཁོར་བ་སྐུ་གསུམ་དབྱིངས་སུ་སྒྲོལ༔ སྐྱེ་འགགས་འགྱུར་མེད་གདོད་མའི་ཡེ་གདངས་ལས༔ རང་བྱུང་ལྷུན་གྲུབ་རྡོ་རྗེ་གཞོན་ནུར་ཤར༔ མཐིང་ནག་ཞལ་གསུམ་ཕྱག་དྲུག་ཞབས་བཞི་བགྲད༔ གཡས་ཞལ་རབ་དཀར་གྱེན་ལ་གཟིགས་པ་ཡིས༔ ལྷ་ཡི་གདོན་ཚོགས་སྡང་བའི་དགྲ་ལ་ཟློག༔ གཡོན་ཞལ་དམར་ནག་ཐུར་དུ་གཟིགས་པ་ཡིས༔ ས་བདག་ཀླུ་གཉན་གདོན་ཚོགས་དགྲ་ལ་ཟློག༔ དབུས་ཞལ་མཐིང་ནག་ཕྱོགས་བཅུར་གཟིགས་པ་ཡིས༔ ཕྱོགས་སྐྱོང་སྡེ་ ཐོ།༔ བརྒྱད་གདོན་ཚོགས་དགྲ་ལ་ཟློག༔ དབུ་སྐྲ་དམར་སེར་སྲིད་རྩེར་འབར་བ་ཡིས༔ སྣང་སྲིད་གཡོ་འཁྲུགས་སྡང་བའི་དགྲ་ལ་ཟློག༔ ཕྱག་གཡས་རྡོ་རྗེ་རྩེ་དགུ བསྣམས་པ་ཡིས༔ ཆོས་ཀྱི་བདེན་པ་སྡང་བའི༴ བར་མས་རྡོ་རྗེ་རྩེ་ལྔ་བསྣམས་པ་ཡིས༔ ཉོན་མོངས་དུག་ལྔ་སྡང་བའི༔ གཡོན་གྱི་དང་པོས་མེ་དཔུང་བསྣམས་པ་ཡིས༔ སྒྲིབ་གཉིས་བག་ཆགས་སྡང་བའིཿ བར་མས་ཁ་ཊཱཾ་རྩེ་གསུམ་བསྣམས་པ་ཡིས༔ དུག་གསུམ་གཡོ་འཁྲུགས་སྡང་བའིཿ ཐ་གཉིས་རི་རབ་ཕུར་པ་འདྲིལ་བ་ཡིས༔ ཁམས་གསུམ་འཁྲུལ་འཁོར་སྡང་བའི༴ ཞབས་བཞི་བརྒྱད་ཀྱི་འདོར་སྟབས་བགྲད་པ་ཡིས༔ བདུད་དང་རཱུ་དྲ་སྡང་བའི༴ རྡོ་རྗེ་གཤོག་པས་བར་སྣང་ཁེངས་པ་ཡིས༔ གཟའ་དང་རྒྱ་སྐར་དམག་དཔུང་དགྲ་ལ་ཟློག༔ དུར་ཁྲོད་ཆས་བརྒྱད་སྐུ་ལ་རྫོགས་པ་ཡིས༔ དཔའ་བོ་མཁའ་འགྲོའི་བཀའ་ཆད༴ སྦྱོར་བའི་ཡུམ་ཆེན་འཁོར་ལོ་རྒྱས་འདེབས་མས༔ འཁོར་འདས་ཡོངས་ཀྱི་རྒོལ་ངན་སྒྲོལ་བའི་ཡུམ་ཆེན་ཨེ་ཀ་ཛ་ཊཱི་མས༔ སྲིད་པ་མ་མོའི་འཁྲུགས་རྒོལ་དགྲ་ལ་ཟློག༔ ཧཱུྃ༔ དབུས་ཕྱོགས་དཔལ་ཆེན་བུདྡྷ་ཀཱི་ལ་ཡ༔ བཞེངས་ཤིག་ཐུགས་དམ་གཉན་པོའི་དུས་ལ་བབ༔ དམ་ཉམས་དགྲ་བགེགས་གཟུགས་ཀྱི་ཕུང་པོ་རོལ༔ དབུས་ཀྱི་དགྲ་བགེགས་བཟློག་ཅིག་དགྲ་ལ་བསྒྱུར༔ ཤར་ཕྱོགས་དཔལ་ཆེན་བཛྲ་ཀཱི་ལ་ཡ༔ བཞེངས་ཤིག་ཐུགས་དམ་གཉན་པོའིཿ དམ་ཉམས་དགྲ་བགེགས་རྣམ་ཤེས༔ ཤར་གྱི་དགྲ་བགེགས་བཟློག་ཅིག༔ ལྷོ་ཕྱོགས་དཔལ་ཆེན་རཏྣ་ཀཱི་ལ་ཡ༔ བཞེངས་ཤིག་ཐུགས་དམ་གཉན་པོའིཿ དམ་ཉམས་དགྲ་བགེགས་ཚོར་བའི༴ ལྷོ་ཡི་དགྲ་བགེགས་བཟློག་ཅིག༔ ནུབ་ཕྱོགས་དཔལ་ཆེན་པདྨ་ཀཱི་ལ་ཡ༔ བཞེངས་ཤིག་ཐུགས་དམ་གཉན་པོའི༴ དམ་ཉམས་དགྲ་བགེགས་འདུ་ཤེསཿ ནུབ་ཀྱི་དགྲ་བགེགས་བཟློག་ཅིག༔ བྱང་ཕྱོགས་དཔལ་ཆེན་ཀརྨ་ཀཱི་ལ་ཡ༔ བཞེངས་ཤིག་ཐུགས་དམ་གཉན་པོའི༴ དམ་ཉམས་དགྲ་བགེགས་འདུ་བྱེདཿ བྱང་གི་དགྲ་བགེགས་བཟློག་ཅིགཿ ཧཱུྃ༔ སྟེང་ཕྱོགས་ཁྲོ་བོའི་རྒྱལ་པོ་ཧཱུྃ་ཀཱ་ར༔ བཞེངས་ཤིག་ཐུགས་དམ་གཉན་པོའི་དུས་ལ་བབ༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ ལྷ་ཡི་གདོན་ཚོགས་སྡང་བའི་དགྲ་ལ་ཟློག༔ ཤར་ཕྱོགས་ཁྲོ་བོ་ཆེན་པོ་རྣམ་པར་རྒྱལ༔ བཞེངས་ཤིག་ཐུགས་དམ་གཉན་པོའི༴ དམ་ཉམས་དགྲ་བགེགས་ཤ་ཁྲག དྲི་ཟའི་གདོན་ཚོགས་སྡང་བའིཿ ཤར་ལྷོ་ཁྲོ་བོ་ཆེན་པོ་དབྱུག་སྔོན ཐོ།༔ ཅན༔ བཞེངས་ཤིག་ཐུགས་དམ་གཉན་པོའི དམ་ཉམས་དགྲ་བགེགས་ཤ་ཁྲག མེ་ལྷའི་གདོན་ཚོགས་སྡང་བའི ལྷོ་ཕྱོགས་ཁྲོ་བོ་ཆེན་པོ་གཤིན་རྗེའི གཤེད༔ བཞེངས་ཤིག་ཐུགས་དམ་གཉན་པོའིཿ དམ་ཉམས་དགྲ་བགེགས་ཤ་ཁྲག གཤིན་རྗེའི་གདོན་ཚོགས་སྡང་བའིཿ ལྷོ་ནུབ་ཁྲོ་བོ་ཆེན་པོ་མི་གཡོ་མགོན༔ བཞེངས་ཤིག་ཐུགས དམ་གཉན་པོའིཿ དམ་ཉམས་དགྲ་བགེགས་ཤ་ཁྲགཿ སྲིན་པོའི་གདོན་ཚོགས་སྡང་བའི ནུབ་ཕྱོགས་ཁྲོ་བོ་ཆེན་པོ་རྟ་མགྲིན་རྒྱལ༔ བཞེངས་ཤིག་ཐུགས་དམ་གཉན་པོའིཿ དམ་ཉམས་དགྲ་བགེགས་ཤ་ཁྲག ཆུ་ལྷའི་གདོན་ཚོགས་སྡང་བའིཿ ནུབ་བྱང་ཁྲོ་བོ་ཆེན་པོ་འདོད་པའི་རྒྱལ༔ བཞེངས་ཤིག་ཐུགས་དམ་གཉན་པོའིཿ དམ་ཉམས་དགྲ་བགེགས་ཤ་ཁྲག རླུང་ལྷའི་གདོན་ཚོགས་སྡང་བའི༴ བྱང་ཕྱོགས་ཁྲོ་བོ་ཆེན་པོ་བདུད་རྩི་འཁྱིལ༔ བཞེངས་ཤིག་ཐུགས་དམ་གཉན་པོའི དམ་ཉམས་དགྲ་བགེགས་ཤ་ཁྲག གནོད་སྦྱིན་གདོན་ཚོགས་སྡང་བའི བྱང་ཤར་ཁྲོ་བོ་ཁམས་གསུམ་རྣམ་པར་རྒྱལ༔ བཞེངས་ཤིག་ཐུགས་དམ་གཉན་པོའི༴ དམ་ཉམས་དགྲ་བགེགས་ཤ་ཁྲག དབང་ལྡན་གདོན་ཚོགས་སྡང་བའིཿ འོག་ ཕྱོགས་ཁྲོ་བོ་ཆེན་པོ་སྟོབས་པོ་ཆེ༔ བཞེངས་ཤིག་ཐུགས་དམ་གཉན་པོའིཿ དམ་ཉམས་དགྲ་བགེགས་ཤ་ཁྲག༔ ས་བདག་ཀླུ་གཉན་གདོན་ཚོགས༴ ཧཱུྃ༔ རྡོ་རྗེ་སྒྲ་འབྱིན་དགྲ་བགེགས ཀླད་ཁྲག་རོལ༔ སྟེང་གི་ཕྱོགས་ཀྱི་དགྲ་བགེགས་བསྒྲལ་ཞིང་ཟློག༔ རྡོ་རྗེ་སྙེམས་མས་དགྲ་བགེགས་ཀླདཿ ཤར་གྱི་ཕྱོགས་ཀྱི་དགྲ་བགེགས་བསྒྲལ་རྡོ་རྗེ་སྡེར་མོས་དགྲ་བགེགས ཀླད་ཤར་ལྷོ་མཚམས་ཀྱི་དགྲ་བགེགས་བསྒྲལ་དུར་ཁྲོད་བདག་མོས་དགྲ་བགེགས་ཀླད ལྷོ་ཡི་ཕྱོགས་ཀྱི་དགྲ་བགེགས་བསྒྲལཿ རྡོ་རྗེ་གཏུན་ཁུང་དགྲ་བགེགས་ཀླདཿ ལྷོ་ནུབ་མཚམས་ཀྱི་དགྲ་བགེགས་བསྒྲལཿ རྡོ་རྗེ་གཏུམ་མོས་དགྲ་བགེགས་ཀླད༔ ནུབ་ཀྱི་ཕྱོགས་ཀྱི་དགྲ་བགེགས་བསྒྲལ༔ རྡོ་རྗེ་མདའ་སྙེམས་དགྲ་བགེགས་ཀླད༔ ནུབ་བྱང་མཚམས་ཀྱི་དགྲ བགེགས་བསྒྲལ རྡོ་རྗེ་རླུང་འབྱིན་དགྲ་བགེགས་ཀླད༔ བྱང་གི་ཕྱོགས་ཀྱི་དགྲ་བགེགས་བསྒྲལཿ རྡོ་རྗེ་གསོད་བྱེད་དགྲ་བགེགས་ཀླདཿ བྱང་ཤར་མཚམས་ཀྱི་དགྲ་བགེགས་བསྒྲལཿ རྡོ་རྗེ་བསྐུལ་བྱེད་དགྲ་བགེགས་ཀླདཿ འོག་གི་ཕྱོགས་ཀྱི་དགྲ་བགེགས་བསྒྲལ་ཞིང་ཟློག༔ ཛཿ སྟེང་གི་ཟ་བྱེད་ཆེན་པོའི་དུས་ལ་བབ༔ རྡོ་རྗེ་ཕག་གདོང་ཀླད་ཁྲག་ཐོགས་ནས་རྒྱུག ཐོ།ཿ མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔ སྟེང་ཕྱོགས་དགྲ་བགེགས་བསྒྲལ་ཏེ་ཟ་ཞིང་ཟློག༔ ཤར་གྱི་ཟ་བྱེད་ཆེན་པོའི་དུས་ལབབ༔ སྟག་གདོང་དཀར་པོས་མི་རོ་ཐོགས་ནས་རྒྱུག༔ མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔ ཤར་ཕྱོགས་དགྲ་བགེགས་བསྒྲལ་ཏེཿ ཤར་ལྷོའི་ཟ་བྱེད་ཆེན་པོའི་དུས་ལ་བབ༔ གཡག་གདོང་སྔོན་པོས་རྒྱུ་མ་ཐོགས་ནས་རྒྱུག༔ མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔ ཤར་ལྷོའི་དགྲ་བགེགས་བསྒྲལ་ཏེ༔ ལྷོ་ཡི་ཟ་བྱེད་ཆེན་པོའི་དུས་ལ་བབ༔ ཤ་གདོང་སེར་ནག་ཞིང་ཆེན་ཐོགས་ནས་རྒྱུག༔ མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔ ལྷོ་ཡི་དགྲ་བགེགས་བསྒྲལ་ཏེཿ ལྷོ་ནུབ་ཟ་བྱེད་ཆེན་པོའི་དུས་ལ་བབ༔ གཟིག་གདོང་དམར་སྐྱས་ཙིཏྟ་ཐོགས ནས་རྒྱུག༔ མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔ ལྷོ་ནུབ་དགྲ་བགེགས་བསྒྲལ་ཏེཿ ནུབ་ཕྱོགས་ཟ་བྱེད་ཆེན་པོའི་དུས་ལ་བབ༔ དམར་ནག་བྱི་ལའི་གདོང་ཅན་ཀླད་ཁྲག ཐོགས༔ མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔ ནུབ་ཕྱོགས་དགྲ་བགེགས་བསྒྲལ་ཏེཿ ནུབ་བྱང་ཟ་བྱེད་ཆེན་པོའི་དུས་ལ་བབ༔ སྤྱང་གདོང་དམར་སེར་ཤ་ཆེན་ཐོགས་ནས རྒྱུག༔ མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔ ནུབ་བྱང་དགྲ་བགེགས་བསྒྲལ་ཏེ བྱང་ཕྱོགས་ཟ་བྱེད་ཆེན་པོའི་དུས་ལ་བབ༔ སེང་གདོང་ལྗང་ནག་མི་རོ་ཐོགས་ནས་རྒྱུག༔ མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔ བྱང་ཕྱོགས་དགྲ་བགེགས་བསྒྲལ་ཏེཿ བྱང་ཤར་ཟ་བྱེད་ཆེན་པོའི་དུས་ལ་བབ༔ སྲེ་གདོང་སེར་ནག་གློ་སྙིང་ཐོགས་ནས་རྒྱུག༔ མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔ བྱང་ཤར་དགྲ་བགེགས་བསྒྲལ་ཏེ༔ འོག་ཕྱོགས་ཟ་བྱེད་ཆེན་པོའི་དུས་ལ་བབ༔ དྲེད་གདོང་ནག་པོས་ཡན་ལག་ཐོགས་ནས་རྒྱུག༔ མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔ འོག་གི་དགྲ་བགེགས་བསྒྲལ་ཏེ༔ བྷྱོ༔ གསོད་བྱེད་སྨིག་བུའི་མགོ་ཅན་མཁའ་ལ་སྤྱོད༔ སྟེང་གི་དགྲ་བགེགས་གནོད་བྱེད་གསོད་ཅིང་ཟློག༔ གསོད་བྱེད་བྱ་རྒོད་མགོ་ཅན་བརྟུལ་ཞུགས་ལྡན༔ ཤར་གྱི་དགྲ་བགེགས་གནོད་བྱེད གསོད་བྱེད་བྱ་རོག་མགོ་ཅན་རིག་པའི་རྒྱལ༔ ཤར་ལྷོའི་དགྲ་བགེགས་གནོད་བྱེད༴ གསོད་བྱེད་འུག་པའི་མགོ་ཅན་ཤེས་རབ་ཅན༔ ལྷོ་ཡི་དགྲ་བགེགས་གནོད་བྱེདཿ གསོད་བྱེད་ཁྭ་ཏའི་མགོ་ཅན་སྒྲིབ་ཤིང་ཅན༔ ལྷོ་ནུབ་དགྲ་བགེགས་གནོད་བྱེད༴ གསོད་བྱེད་པུ་ཤུད་མགོ་ཅན་མིག་ ཟོཾ།༔ རྩི་ཅན༔ ནུབ་ཀྱི་དགྲ་བགེགས་གནོད་བྱེད གསོད་བྱེད་ཁྲ་ཡི་མགོ་ཅན་མྱུར་མགྱོགས་ལྡན༔ ནུབ་བྱང་དགྲ་བགེགས་གནོད་བྱེད༔ གསོད་བྱེད་ཕ་ཝཾ་མགོ་ཅན་ཐབས་ལ་མཁས༔ བྱང་གི་དགྲ་བགེགས་གནོད་བྱེད༴ གསོད་བྱེད་སྲེ་མོང་མགོ་ཅན་རྩལ་ཤུགས་ལྡན༔ བྱང་ཤར་དགྲ་བགེགས་གནོད་བྱེདཿ གསོད་བྱེད་བྱི་བའི་མགོ་ཅན་ལས་ལ དབང་༔ འོག་གི་དགྲ་བགེགས་གནོད་བྱེད༴ བྷྱོ༔ ཡེ་ཤེས་ཁྲོ་བོ་ཡབ་ཡུམ་ཕྲིན་ལས་གར༔ ཟ་གསོད་ལས་ཀྱི་ཕྲ་མེན་ཁྱེད་རྣམས་ཀྱིས༔ དགྲ་བགེགས་གདུག་པའི་ཤ་ཁྲག་སྲོག དབུགས་རོལ༔ ཕྲིན་ལས་དྲག་པོས་ཟློག་བསྒྱུར་ལས་མཛོད་ཅིག༔ ཧཱུྃ༔ དཔལ་ཆེན་ཆེ་མཆོག་རྡོ་རྗེ་གཞོན་ནུ་ཡི༔ གསང་གསུམ་སྒྱུ་འཕྲུལ་གར་གྱི་རྣམ་རོལ་ལས༔ གཡས་སུ་སྐུ་ཡི ཁྲ་ཐབས་ཆེན་པོ་བདུན༔ ཕྲིན་ལས་དུས་ལ་བབ་བོ་དབྱིངས་ནས་བཞེངས༔ དགྲ་བགེགས་ཤ་ཁྲག་གཏོར་མ་འདི་བཞེས་ལ༔ ཕོ་གདོན་རྒྱལ་འགོང་མ་ལུས་དགྲ་ལ་ཟློག༔ གཡོན་དུ་གསུང་གི་ཁྲ་ཐབས་ཆེན་པོ་བདུན༔ ཕྲིན་ལས་དུས་ལ་བབ་བོ་དབྱིངས་ནས་བཞེངས༔ དགྲ་བགེགས་ཤ་ཁྲག་གཏོར་མ་འདི་བཞེས་ལ༔ མོ་གདོན་བསེན་མོ་མ་ལུས་དགྲ་ལ་ཟློག༔ མདུན་དུ་ཐུགས་ཀྱི་ཁྲ་ཐབས་ཆེན་པོ་བདུན༔ ཕྲིན་ལས་དུས་ལ་བབ་བོ་དབྱིངས་ནས་བཞེངས༔ དགྲ་བགེགས་ཤ་ཁྲག་གཏོར་མ་འདི་བཞེས་ལ༔ ཀླུ་གདོན་ས་བདག་མ་ལུས་དགྲ་ལ་ཟློག༔ ཛཿ ཞི་མཛད་ཤར་གྱི་སྒོ་མ་ལྕགས་ཀྱུ་མ༔ འགུགས་འདྲེན་ལས་ཀྱི་ཕོ་ཉ་ཆེན་མོ་བཞེངས༔ ཞེ་སྡང་དགྲ་བགེགས་ཤ་ཁྲག་སྲོག་དབུགས་རོལ༔ ཕྲིན་ལས་ཤར་སྒོའི་མཐའ་དམག་དམ སྲི་ཟློག༔ ཧཱུྃ༔ རྒྱས་མཛད་ལྷོ་ཡི་སྒོ་མ་ཞགས་པ་མ༔ འཛིན་འཆིང་ལས་ཀྱི་ཕོ་ཉ་ཆེན་མོ་བཞེངས༔ ང་རྒྱལ་དགྲ་བགེགས་ཤ་ཁྲག་སྲོག་དབུགས་རོལ༔ ཕྲིན་ལས་ལྷོ་སྒོའི་མཐའ དམག་དམ་སྲི་ཟློག༔ བྃ༔ དབང་སྡུད་ནུབ་ཀྱི་སྒོ་མ་ལྕགས་སྒྲོག་མ༔ སྡོམ་བྱེད་ལས་ཀྱི་ཕོ་ཉ་ཆེན་མོ་བཞེངས༔ འདོད་ཆགས་དགྲ་བགེགས་ཤ་ཁྲག་སྲོག་