Tibetan
པོའི དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ ཧཱུྃ༔ སྟེང་ཕྱོགས་ཁྲོ་རྒྱལ་ཧཱུྃ་ཀཱ་ར༔ ཐབས་ཤེས་སྦྱོར་བའི་བརྟུལ་ཞུགས་རོལ༔ སྤྲུལ་པ་ཟ་གསོད་ལས་ལ་ཁྱེས༔ སྟེང་གི་དགྲ་ ཐོ།༔ བགེགས་ཁུག་ལ་སྒྲོལ༔ ཨོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུྃ༔ སྟེང་ཕྱོགས་ཀྱི་དགྲ་གདོན་བགེགས་ཚོགས་ཐམས་ཅད་གརྫ་གརྫ་ཧཱུྃ་ཕཊ༔ ཛཿ དམ་ཚིག་ཆེན་པོའི་དུས་ལ་བབ༔ སྲས་མཆོག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ ཧཱུྃ༔ ཤར་ཕྱོགས་ཁྲོ་བོ་རྣམ་པར་རྒྱལ༔ ཐབས་ཤེས་སྦྱོར་བའི བརྟུལ་ཞུགས་རོལ༔ སྤྲུལ་པ་ཟ་གསོད་ལས་ལ་ཁྱེས༔ ཤར་གྱི་དགྲ་བགེགས་ཁུག་ལ་སྒྲོལ༔ ཨོཾ་བཛྲ་ཀྲོ་ངྷ་བི་ཛ་ཡ་ཧཱུྃ༔ ཤར་ཕྱོགས་ཀྱི་དགྲ་གདོན་བགེགས་ཚོགས་ཐམས་ཅད་ཧ་ན་ཧ་ན་ཧཱུཾ་ཕཊ༔ ཛཿ དམ་ཚིག་ཆེན་པོའི་དུས་ལ་བབ༔ སྲས་མཆོག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ ཧཱུྃ༔ ལྷོ་ཕྱོགས་ཁྲོ་བོ་གཤིན་རྗེའི་གཤེད༔ ཐབས་ཤེས་སྦྱོར་བའི་བརྟུལ་ཞུགས་རོལ༔ སྤྲུལ་པ་ཟ་གསོད་ལས་ལ་ཁྱེས༔ ལྷོ་ཡི་དགྲ་བགེགས་ཁུག་ལ་སྒྲོལ༔ ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ༔ ལྷོ་ཕྱོགས་ཀྱི་དགྲ་གདོན་བགེགས་ཚོགས་ཐམས་ཅད་པ་ཙ་པ་ཙ་ཧཱུྃ་ཕཊ༔ ཛཿ དམ་ཚིག་ཆེན་པོའི་དུས་ལ་བབ༔ སྲས་མཆོག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཁྱེད་ཀྱི་དམ་ཚིག དུས་ལ་བབ༔ ཧཱུྃ༔ ནུབ་ཕྱོགས་ཁྲོ་བོ་རྟ་མགྲིན་རྒྱལ༔ ཐབས་ཤེས་སྦྱོར་བའི་བརྟུལ་ཞུགས་རོལ༔ སྤྲུལ་པ་ཟ་གསོད་ལས་ལ་ཁྱེས༔ ནུབ་ཀྱི་དགྲ་བགེགས་ཁུག་ལ་སྒྲོལ༔ ཨོཾ་བཛྲ་ཀྲོ་དྷ་ཧྱ་གྲློ་ཝ་ཧཱུྃ༔ ནུབ་ཕྱོགས་ཀྱི་དགྲ་གདོན་བགེགས་ཚོགས་ཐམས་ཅད་ཧུ་ལུ་ཧུ་ལུ་ཧཱུྃ་ཕཊ༔ ཛཿ དམ་ཚིག་ཆེན་པོའི་དུས་ལ་བབ༔ སྲས་མཆོག་ཆེན་པོའིཿ སྤྲུལ་པ་ཆེན་པོའི༴ ཁྱེད་ཀྱི་དམ་ཚིག་དུས་ལ་བབ༔ ཧཱུྃ༔ བྱང་ཕྱོགས་ཁྲོ་བོ་བདུད་རྩི་འཁྱིལ༔ ཐབས་ཤེས་སྦྱོར་བའི་བརྟུལ་ཞུགས་རོལ༔ སྤྲུལ་པ་ཟ་གསོད་ལས་ལ་ཁྱེས༔ བྱང་གི་དགྲ་བགེགས་ཁུག་ལ་སྒྲོལ༔ ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ༔ བྱང་ཕྱོགས་ཀྱི་དགྲ་གདོན་བགེགས་ཚོགས་ཐམས་ཅད་ཚིནྡྷ་ཚིནྡྷ་ཧཱུྃ་ཕཊ༔ ཛཿ དམ་ཚིག་ཆེན་པོའི་དུས་ལ་བབ༔ སྲས་མཆོག་ཆེན་པོའི: སྤྲུལ་པ་ཆེན་པོའིཿ ཁྱེད་ཀྱི་དམ་ཚིག་དུས་ལ་བབ༔ ཧཱུྃ༔ འོག་ཕྱོགས་ཁྲོ་བོ་སྟོབས་པོ་ཆེ༔ ཐབས་ཤེས་སྦྱོར་བའི་བརྟུལ་ཞུགས་རོལ༔ སྤྲུལ་པ་ཟ་གསོད་ལས་ལ་ཁྱེས༔ འོག་གི་དགྲ་བགེགས་ཁུག་ལ་སྒྲོལ༔ ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ༔ འོག་ཕྱོགས་ཀྱི་དགྲ་གདོན་བགེགས་ཚོགས་ཐམས་ཅད་སྥོ་ཊ་སྥོ་ཊ་ཧཱུྃ་ཕཊ༔ ཛཿ དམ་ཚིག་ཆེན་པོའི་དུས་ལ་བབ༔ ཐོ།༔ སྲས་མཆོག་ཆེན་པོའི། སྤྲུལ་པ་ཆེན་པོའིཿ ཁྱེད་ཀྱི་དམ་ཚིག་དུས་ལ་བབ༔ ཧཱུྃ༔ ཤར་ལྷོ་ཁྲོ་བོ་དབྱུག་སྔོན་ཅན༔ ཐབས་ཤེས་སྦྱོར་བའི་བརྟུལ་ཞུགས རོལ༔ སྤྲུལ་པ་ཟ་གསོད་ལས་ལ་ཁྱེས༔ ཤར་ལྷོའི་དགྲ་བགེགས་ཁུག་ལ་སྒྲོལ༔ ཨོཾ་བཛྲ་ཀྲོ་ངྷ་ནཱི་ལ་དཎྜ་ཧཱུྃ༔ ཤར་ལྷོའི་དགྲ་གདོན་བགེགས་ཚོགས་ཐམས་ཅད་ད་ཧ་ད་ཧ་ཧཱུྃ་ཕཊ༔ ཛཿ དམ་ཚིག་ཆེན་པོའི་དུས་ལ་བབ༔ སྲས་མཆོག་ཆེན་པོའིཿ སྤྲུལ་པ་ཆེན་པོའིཿ ཁྱེད་ཀྱི་དམ་ཚིག་དུས་ལ་བབ༔ ཧཱུྃ༔ ལྷོ་ནུབ་ཁྲོ་བོ་མི་གཡོ་མགོན༔ ཐབས་ཤེས་སྦྱོར་བའི་བརྟུལ་ཞུགས་རོལ༔ སྤྲུལ་པ་ཟ་གསོད་ལས་ལ་ཁྱེས༔ ལྷོ་ནུབ་དགྲ་བགེགས་ཁུག་ལ་སྒྲོལ༔ ཨོཾ་བཛྲ་ཀྲོ་ངྷ་ཨཱཪྻ་ཨ་ཙ་ལ་ཧཱུྃ༔ ལྷོ་ནུབ་ཀྱི་དགྲ་གདོན་བགེགས་ཚོགས་ཐམས་ཅད་བྷནྡྷ་བྷནྡྷ་ཧཱུྃ་ཕཊ༔ ཛཿ དམ་ཚིག་ཆེན་པོའི་དུས་ལ་བབ༔ སྲས་མཆོག་ཆེན་པོའི སྤྲུལ་པ་ཆེན་པོའིཿ ཁྱེད་ཀྱི་དམ་ཚིག་དུས་ལ་བབ༔ ཧཱུྃ༔ ནུབ་བྱང་ཁྲོ་བོ་འདོད་པའི་རྒྱལ༔ ཐབས་ཤེས་སྦྱོར་བའི་བརྟུལ་ཞུགས་རོལ༔ སྤྲུལ་པ་ཟ་གསོད་ལས་ལ་ཁྱེས༔ ནུབ་བྱང་དགྲ་བགེགས་ཁུག་ལ་སྒྲོལ༔ ཨོཾ་བཛྲ་ཀྲོ་དྷ་ཨ་པ་རཱ་ཛི་ཏ་ཧཱུྃ༔ ནུབ་བྱང་གི་དགྲ་གདོན་བགེགས ཚོགས་ཐམས་ཅད་ཏིཥྛ་ཏིཥྛ་ཧཱུྃ་ཕཊ༔ ཛཿ དམ་ཚིག་ཆེན་པོའི་དུས་ལ་བབ༔ སྲས་མཆོག་ཆེན་པོའིཿ སྤྲུལ་པ་ཆེན་པོའི༴ ཁྱེད་ཀྱི་དམ་ཚིག་དུས་ལ་བབ༔ ཧཱུྃ༔ བྱང་ཤར་ཁྲོ་བོ་ཁམས་གསུམ་རྒྱལ༔ ཐབས་ཤེས་སྦྱོར་བའི་བརྟུལ་ཞུགས་རོལ༔ སྤྲུལ་པ་ཟ་གསོད་ལས་ལ་ཁྱེས༔ བྱང་ཤར་དགྲ་བགེགས་ཁུག་ལ་སྒྲོལ༔ ཨོཾ་བཛྲ་ཀྲོ་ངྷ་ཏྲེེ་ལོཀྱ་བི་ཛ་ཡ་ཧཱུྃ༔ བྱང་ཤར་གྱི་དགྲ་གདོན་བགེགས་ཚོགས་ཐམས་ཅད་བྷིནྡྷ་བྷིནྡྷ་ཧཱུྃ་ཕཊ༔ ཛཿ དམ་ཚིག་ཆེན་པོའི་དུས་ལ་བབ༔ སྲས་མཆོག་ཆེན་པོའི སྤྲུལ་པ་ཆེན་པོའིཿ ཕྱག་བརྙན་ཆེན་པོའི༴ ཁྱེད་ཀྱི་དམ་ཚིག་དུས་ལ་བབ༔ ཧཱུྃ༔ སྲས་མཆོག་ཁྲོ་བོ་ཁྲ་ཐབས་ཚོགས༔ སྒྱུ་འཕྲུལ་སྤྲུལ་པ་སྣ་ཚོགས་ཀྱིས༔ མངོན་སྤྱོད་དྲག་པོའི་ཕྲིན་ལས་མཛོད༔ དགྲ་བགེགས་མ་ཤོར་ཁུག་ལ་སྒྲོལ༔ ཛཿ དམ་ཚིག་ཆེན་པོའི་དུས་ལ་བབ༔ སྲས་མཆོག་ཆེན་པོའི སྤྲུལ་པ་ཆེན་པོའི་ཕྱག་བརྙན་ཆེན་པོའིཿ ཕྲིན་ལས་ཆེན་པོའི༴ ཁྱེད་ཀྱི་དམ་ཚིག་དུས་ལ་བབ༔ ཧཱུྃ༔ ཕྱོགས་ཀྱི་སྒོ་མ་ཆེན་མོ་བཞི༔ ཚད་མེད་བཞི་ཡི་ཤུགས་བསྐྱེད་ལ༔ འགུགས་འཆིང་སྡོམ་མྱོས་ཕྲིན་ལས་ཀྱིས༔ དགྲ་བགེགས་མ་ཤོར་ཁུག་ལ་སྒྲོལ༔ ཛཿ དམ་ཚིག་ཆེན་པོའི་དུས ཁྲོཾ།༔ ལ་བབ༔ སྲས་མཆོག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ སྒོ་མ་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་མོའི་དུས་ལ་བབ༔ ས་བདག་ཆེན་མོའི་དུས་ལ་བབ༔ སྐྱེས་གིང་ཆེན་པོའི་དུས་ལ་བབ༔ བཀའ་སྡོད་སྲུང་མའི་དུས་ལ་བབ༔ དམ་ཚིག་ཅན་གྱི་དུས ལ་བབ༔ མཐུ་རྩལ་ཅན་གྱི་དུས་ལ་བབ༔ མཐུ་རྩལ་ཕྱུང་བའི་དུས་ལ་བབ༔ བརྣག་པའི་དགྲ་བགེགས་ཤོར་ར་རེ༔ མྱུར་ཁུག་བསྒྲལ་བའི་ཕྲིན་ལས་མཛོད༔ ཀ་ཏཾ་ཀ་ཡེ༔ ཛ་ཡེ་བི་ཛ་ཡེ༔ ཨ་ཛི་ཏེ་ཨ་པ་རཱ་ཛི་ཏེ༔ མཱ་ར་སེ་ན་པྲ་མརྡྡྷ་ན་ཡེ༔ མ་རཀློ་ཡཀྨ༔ ཀ་ལ་རཱུ་པ༔ སྙིང་རྩ་ལ་ཡཾ་ཡཾ༔ སྲོག་རྩ་ལ་ཡཾ་ཡཾ༔ སྙིང་རྩ་ལ་ཕྲིལ་ཕྲིལ༔ སྲོག་རྩ་ལ་ཆུམ་ཆུམ༔ ཙིཏྟ་སྲོག་ལ་དུང་དུང་༔ སྙིང་ཁྲག་སྲོག་ལ་ཤད་ཛཿ ཐུམ་རི་ལི་ལི༔ སྙིང་རྩེག་རྩེག༔ འུར་འུར༔ ཤིག་ཤིག༔ གུལ་གུལ༔ མྱག་མྱག༔ སོད་སོད༔ ངྷ་ཏི་མ་མ་ཀརྨ་ཤཱི་གྷྲྃ་ཀ ར་ཡེ༔ མཱ་ར་སེ་ན་པྲ་མརྡྡྷ་ན་ཡེ་ཧཱུྃ་ཕཊ༔ ཨོཾ་བཛྲ་ས་མ་ཡ༔ ཨཱཿབཛྲ་ས་མ་ཡ༔ ཧཱུྃ་བཛྲ་ས་མ་ཡ༔ ས་མ་ཏི་ས་མ་ཡ༔ ཞེས་བརྗོད་པའི་ཚེ༔ ནམ་མཁའ་བར་སྣང་ས་གཞིའི་ཁམས་ཐམས་ཅད་དུ་བླ མ་ཡི་དམ་མཁའ་འགྲོ་རྣམས་ན་བུན་འཐིབ་པ་ལྟ་བུར་གསལ༔ དེ་དག་གི་གནས་ཐམས་ཅད་ནས་མེ་དཔུང་དང་སྤུ་གྲི་རླུང་ནག་མཚོན་ཆ་ཐུན་རྫས་རྣམ་པ་སྣ་ཚོགས་རླུང་ལྟར་འཚུབས་ཤིང་འཐིབ་པས་དགྲ་བགེགས་ཐམས་ཅད་བྱིའུ་ཆུང་ཁྲ་ཡིས་དེད་པ་བཞིན་དུ་བཀུག་ནས་ལིང་ག་ལ་ཐིམ་པར་བསམ༔ མདུན་གྱི་ནམ་མཁར་རྩ་གསུམ་དམ་ཅན་རྒྱ་མཚོ་དཔང་དུ་བཙུགས་ཏེ༔ ཀྱེེ༔ རྩ་གསུམ་དམ་ཅན་རྒྱ་མཚོ་སྤྱན་མ་རྟུལ༔ དགྲ་བགེགས་འགུགས་བསྒྲལ་དྲག་པོའི་དུས་ལ བབ༔ སངས་རྒྱས་བསྟན་བཤིག་སྐྱེ་འགྲོའི་བདེ་བཅོམ་པའི༔ དམ་ཉམས་ལག་དམར་རཱུ་དྲ་སྒྲོལ་རེ་རན༔ རིག་འཛིན་རྩ་བརྒྱུད་བླ་མས་མཁྱེན་པར་གསོལ༔ ཡི་དམ་དཀྱིལ་འཁོར་ལྷ་ཚོགས་མཁྱེན་པར་གསོལ༔ མ་སྲིང་མཁའ་འགྲོ་རྒྱ་མཚོས་མཁྱེན་པར་གསོལ༔ བསྟན་སྲུང་དམ་ཅན་རྒྱ་མཚོས་མཁྱེན་པར་གསོལ༔ ཟོལ་མེད་རྩེ་གཅིག་བསྒྲུབ་པའི་རྣལ་འབྱོར་ངས༔ སྐྱབས་དང་སྐྱེལ་མ་རྟེན་དང་དཔུང་གཉེན་སོགས༔ མཆོག་གྱུར་རྩ་གསུམ་དམ་ཅན་རྒྱ་མཚོར་བགྱིས༔ བདེན་གཉིས་དམ་པའི་ཆོས་ལ་ཐེ་མ་ཚོམ༔ ཡེ་ཤེས་ལྷ་རྣམས་ཡང་དང་བློ་མ་བྲལ༔ དམ་ཚིག་གཉན་པོ་དབང་པོའི་མིག་བཞིན་བསྲུངས༔ བློ་སྙིང་བྲང་གསུམ་ལྷ་དང་བླ་མར་གཏད༔ བདག་ལ་རེ་ས་སྐྱབས་གནས་གཞན་མ་མཆིས༔ ཉེས་མེད་བདག་ལ་དགྲ་དང་ ཐོ།༔ བགེགས་བྱུང་ན༔ རྩ་གསུམ་དམ་ཅན་རྒྱ་མཚོ་མེད་དམ་ཅི༔ ཡང་ན་བསྟན་འགྲོ་ཐུགས་རྗེས་འདོར་རམ་ཅི༔ བདེན་གཉིས་དམ་ཆོས་བདེན་པས་བསླུས་སམ ཅི༔ མཐུ་དང་སྟོབས་རྩལ་ནུས་པ་མེད་དམ་ཅི༔ རང་ཉིད་མ་ཉེས་བདེ་བར་འདུག་པ་བདག༔ མི་ཆོས་བློས་བཏང་ལྷ་ཆོས་དང་དུ་བླང་༔ ཚེ་འདི་བློས་གཏང་ཕྱི་མ་དོན་དུ་གཉེར༔ མི་དགེ་བློས་བཏང་དགེ་བ་དང་དུ་བླང་༔ སྡིག་ལྟུང་སྤངས་ཤིང་དམ་ཆོས་ལྷུར་ལེན་ལ༔ བརྒྱུད་བསླང་རྒྱུ་འབྲས་གསོད་པའི་ལག་དམར་བྱུང་༔ གང་ལྟར་བྲོས་ཀྱང་དེ་ལྟར་སླེབས་ནས་བྱུང་༔ ཇི་ལྟར་བཟློག་ཀྱང་ཚོལ་དུ་སླེབས་ནས་བྱུང་༔ རྩ་གསུམ་དམ་ཅན་རྒྱ་མཚོས་མ་གཟིགས་སམ༔ གཟིགས་ཤིག་དགོངས་ཤིག་གསོན་ཅིག་དམ་ཅན་རྣམས༔ མ་གཡེལ་མ་འགྱངས་དམ་ཚིག་གཉན་ལ་འདུས༔ རིག་འཛིན་རྩ་བརྒྱུད་བླ་མ་དཔང་ལ་དགོངས༔ ཡི་དམ་ལྷ་ཚོགས་མ་ལུས་དཔང་དུ་དགོངས༔ མ་ཚོགས་ཡེ་ཤེས་མཁའ་འགྲོ་དཔང་ལ་དགོངས༔ བསྟན་སྲུང་དམ་ཅན་རྒྱ་མཚོ་དམག་ལ་ཆོས༔ ཐ་ཚིག་གཉན་གྱིས་དམོད་པ་དགྲ་ལ་ཡ༔ བཀའ་དང་ཐ་ཚིག་ཅན་རྣམས་ར་མདར་རྒྱུག༔ ཡིད་ལ་བརྣག་པའི་དགྲ་བགེགས་སྡིག་ཅན་འདི༔ ཁམས་གསུམ་གང་དུ་གནས་སམ་བྲོས་གབ་ཀྱང་༔ ཡེ་ཤེས་སྤྱན་ལ་གསལ་འགྲིབ་མི་མངའ་བས༔ མ་ཤོར་མྱུར་དུ་ཁུག་ལ་བསྒྲལ་མཛོད་ཅིག༔ དོ་ནུབ་བསྐུལ་ལོ་ལྷ་ཚོགས་ཐུགས་མ་གཡེལ༔ དོ་ནུབ་འབོད་དོ་ལྷ་ཚོགས་སྙན་མ་སྲ༔ དོ་ནུབ་གཡབ་བོ་ལྷ་ཚོགས་སྤྱན་མ་རྟུལ༔ དོ་ནུབ་རྦད་དོ་ལྷ་ཚོགས་མཐུ་མ་ཆུང་༔ ཛཿ འཛིན་བྱེད་དཔའ་བོ་ལག་མ་སྡུམ༔ གསོད་བྱེད་ཤན་པ་རྩལ་མ་ཞན༔ མངགས་པའི་ཕོ་ཉ་བང་མ་བུལ༔ རྒྱུག་བྱེད་མྱུར་མགྱོགས་རྩལ་མ་ཞན༔ ཟ་བྱེད་རྔམས་པ་ཁ་མ་ཆུང་༔ ལས་བྱེད་དྲེགས་པ་མཐུ་མ་ཆུང་༔ མཁྱེན་ལྡན་ལྷ་རྣམས་དཔང་དུ་རོལ༔ དམ་ཚིག་གཉན་པོའི་དུས་ལ་བབ༔ མ་གཡེལ་མ་འགྱངས་ལས་ལ་ཡ༔ བཅོལ་བའི་ཕྲིན་ལས་འགྲུབ་པར་མཛོད༔ རྩ་གསུམ་ལྷ་ཚོགས་རྣམས་ཀྱིས་ས་ལེར་གཟིགས་ཤིང་བཀའ་བསྒོས་པ་བཞིན་དུ་བསྟན་སྲུང་དམ་ཅན་རྣམས་ཀྱིས་རུ་ལུའི་སྒྲ་དང་བཅས་པས་སྟོང་གསུམ་འཇིག་རྟེན་གྱི་ཁམས་ཐམས་ཅད་གང་ནས་དགྲ་བགེགས་ཐམས་ཅད་གཅེར་བུ་ལྷག་པས་དེད་པ་བཞིན་དུ་བཀུག་ནས་ལིངྒ་ལ་བསྟིམ་སྟེ་འོད་ནག་པོས་བསྟུམ་ནས་ཐིབ་ཀྱིས་བརྒྱལ༔ སྤྲུལ་པའི་ལས་མཁན་རྣམས་ཀྱིས་མཐའ་བསྐོར་ནས་བྲོས་ཤིང་ཐར་པའི་སྐབས་མེད་པར་བསམ༔ བསྒྲལ་བའི་དཔང་དུ་གསོལ་བ་ནི༔ ཧཱུྃ་ཛཿ བཀའ་བརྒྱུད་བླ་མ་གཟུ་དང་དཔང་དུ་དགོངས༔ ཐོ།༔ ཡི་དམ་ལྷ་ཚོགས་གཟུ་དང་དཔང་དུ་དགོངས༔ མ་བརྒྱུད་མཁའ་འགྲོ་གཟུ་དང་དཔང་དུ་དགོངས༔ བསྟན་སྲུང་རྒྱ་མཚོ་གཟུ་དང་དཔང་དུ་དགོངས༔ དམ་ཉམས་ལས་ངན་བསྟན་བཤིགས་ལག་དམར་འདིས༔ དང་པོ་སངས་རྒྱས་བསྟན་པ་གཉན་པོ་བཤིག༔ བར་དུ་དཀོན་མཆོག་གསུམ་གྱི་དབུ་འཕང་སྨད༔ ཐ་མ་སྐྱེ་འགྲོའི་བདེ་བ་ཡུན བསྟུང་ནས༔ ད་ལྟ་རྣལ་འབྱོར་བདག་ལ་གནོད་པ་བརྩམ༔ བསྒྲལ་བའི་ཞིང་བཅུ་ཚང་བའི་དགྲ་བགེགས་འདི༔ གསོད་ཅིང་སྒྲོལ་བའི་མངོན་སྤྱོད་ཕྲིན་ལས་མཛོད༔ ཟོལ་མེད་རྩེ་གཅིག བསྒྲུབ་པའི་རྣལ་འབྱོར་ངས༔ མ་བཟོད་སྙིང་ནས་གདུང་བའི་ང་རོ་ཡིས༔ ལྷ་དང་སྲུང་མ་རྒྱ་མཚོ་དཔང་དུ་བསྐུལ༔ བསྟན་སྲུང་རྒྱ་མཚོ་མེད་དམ་ར་མདའ་ལོག༔ ཉེས་མེད་སྒྲུབ་ལ གཞོལ་བའི་རྣལ་འབྱོར་ངས༔ དད་དམ་དབང་གིས་དཔུང་གཉེན་ལྷ་ལ་འབོད༔ ཕུར་སྲུང་རྒྱ་མཚོ་མེད་དམ་ར་མདའ་ལོག༔ རྩེ་གཅིག་སྒོམ་སྒྲུབ་ལྷུར་ལེན་རྣལ་འབྱོར་ངས༔ སྐྱབས་མཆོག་རྩ་གསུམ་རྒྱ་མཚོ་འབོད་བསྐུལ་གྱིས༔ མཐུ་རྩལ་དྲག་པོ་མེད་དམ་དགྲ་ལ་རྦད༔ བྷྱོ༔ དྲག་པོའི་བཀའ་ཉན་དཔལ་གྱི་བཀའ་སྡོད་ཚོགས༔ ཀུན་བཟང་རྡོར་འཆང་པདྨ་ཐོད་ཕྲེང་ སོགས༔ བརྒྱུད་ལྡན་རིག་འཛིན་རྒྱ་མཚོའི་སྤྱན་སྔ་རུ༔ ལྷག་གཏོར་རོལ་ཞིང་བསྟན་པ་བསྲུང་བ་དང་༔ གདུག་པའི་དགྲ་བགེགས་སྒྲོལ་བར་ཁས་བླངས་བཞིན༔ ཤ་ཁྲག་དམར་གྱི་གཏོར་མ་འདི་རོལ་ལ༔ བསྟན་པའི་ལག་དམར་བདག་གི་སྒོས་དགྲ་འདི༔ ཁམས་གསུམ་གང་ན་གནས་ཀྱང་ཁུག་ལ་ཤོག༔ མཐུ་རྩལ་དྲག་པོས་བསྒྲལ་བའི་ལས་མཛོད་ཅིག༔ མ་གཡེལ་མ་གཡེལ་བསྒྲུབ་པའི་དཀྱིལ་འཁོར་ལྷ༔ མ་འགྱང་དགྲ་བགེགས་ད་ལྟ་ཉིད་དུ་སོད༔ བཅོལ་བའི་ཕྲིན་ལས་མཛོད་ཅིག་ས་མ་ཡ༔ ལས་ཕུར་གཟི་བྱིན་བསྐྱེད་པ་ནི༔ ཕཊ༔ བདག་ཉིད་དཔལ་ཆེན་པོ་རྡོ་རྗེ་གཞོན་ནུར་གསལ་བའི་ཕྱག་གཡས་ཀྱི་སོར་མོ་ལྔ་ལ་ཧཱུྃ་ཨོཾ་སྭཱ་ཨཱཾ་ཧཱ་ལས་ཁྲག་འཐུང་ཡབ་ལྔར་བསྐྱེད༔ གཡོན་པའི་སོར་མ་ལྔ་ལ་མཱུྃ་ལཱྃ་མཱྃ་པཱྃ་ཏཱྃ་ལས་ཁྲོ་མོ་ཡུམ་ལྔར་བསྐྱེད༔ ཨོཾ་བཛྲ་ཀྲོ་ངྷ་ཀྲོ་དྷི་ས་མ་ཡ་སྟྭཾ་ཛཿ ཧཱུྃ་བཾ་ཧོཿ ཞེས་ཐལ་སྦྱར་གྱི་བར་དུ་ཕུར་པ་ཐོགས་ལ་བྱིན་གྱིས་བརླབ་ཅིང་ངར་བླུད་པ་ནི༔ རིགས་ལྔ་ཡབ་ཡུམ་སྙོམས་པར་ཞུགས་པས་བདེ་ཆེན་བྱང་ཆུབ་སེམས་ཀྱི་ངོ་བོ་ཧཱུྃ་མཐིང་ནག་གཅིག་ཏུ་གྱུར༔ ཧཱུྃ་ལས་འོད་ཟེར་དཔག་ཏུ་མེད་པ་འཕྲོས་པས་ཡེ་ཤེས་དང་འཇིག་རྟེན་གྱི་དྲེགས་བྱེད་མཐུ་རྩལ་ནུས་སྟོབས་ཅན་ཐམས་ཅད་ཀྱི་མཐུ་སྟོབས་ནུས་པ་ཐམས་ཅད་ ཐོ།༔ བསྡུས་ནས་ཧཱུྃ་ལ་བསྟིམ༔ སླར་ཡང་འོད་ཟེར་དྲག་ཅིང་ཚ་ལ་རྩུབ་པ་དཔག་ཏུ་མེད་པ་འཕྲོས་པས༔ དགྲ་བགེགས་གདུག་པ་ཅན་ཐམས་ཅད་ཚར་བཅད་ནུས་མཐུ་ཐམས་ཅད་བསྡུས་ནས་ཧཱུྃ་ལ་ཐིམ༔ ཧཱུྃ་ཡོངས་སུ་གྱུར་པ་ལས་སྲས་མཆོག་ཀརྨ་ཀཱི་ལ་ཡ་སྐུ་སྟོད་ཞལ་གསུམ་ཕྱག་དྲུག་རྡོ་རྗེའི་གཤོག་པ་ཅན་ཞལ་གཡས་དཀར་བ༔ གཡོན་དམར་བ༔ དབུས་ལྗང་ནག་འབར་བ༔ སྤྱན་དགུ་སྡང་མིག་གདུགས་སྟོང་གསལ་བའི་འོད་ལས་ལྷག་པ༔ ཞལ་གདངས་ཤིང་ལྗགས་འདྲིལ་བ༔ མཆེ་བ་བཞི་བཞི་གཙིགས་པ༔ སྨ་ར་དང་སྨིན་མ་དམར་སེར་བསྐལ་པའི་མེ་ཞགས་འཕྲོ་བ༔ དབུ་སྐྲ་དམར་སེར་སྲིད་པའི་རྩེ་མོར་འབར་བ༔ ཕྱག་གཡས་དང་པོ་ན་རྡོ་རྗེ་རྩེ་དགུ༔ གཡོན་གྱི་དང་པོ་ན་མེ་དཔུང་༔ གཡས་ཀྱི་བར་མ་ན་རྒྱ་གྲམ༔ གཡོན་གྱི་བར་མ་ན་ཁ་ཊྭཱྃ༔ ཐ་མ་གཉིས་གནམ་ལྕགས་ཀྱི་ཕུར་པ་འདྲིལ་ཞིང་འདེབས་པ༔ སྐུ་སྨད་གནམ་ལྕགས་ཀྱི་ཕུར་པ་མགར་གྱི་སོལ་མལ་ནས་དྲངས་པ་ལྟ་བུ་སྐེད་པ་ཆུ་སྲིན་གྱི་ཁ་ནས་སྦྲུལ་གྱི་ཆུན་པོ་སྐྱུག་པ་ཞིག་ཏུ་བསྐྱེད་དོ༔ དེའི་རྒྱ་མདུད་གོང་མ་ལ་བླ་མ་རིག་འཛིན་ཞི་བ་དབྱིངས་ཀྱི་དཀྱིལ་འཁོར་ཡོངས་སུ་རྫོགས་པ༔ ཆངས་བཟུང་ལ་དཔལ་ཆེན་ རྡོ་རྗེ་གཞོན་ནུའི་དཀྱིལ་འཁོར་ལྷ་ཚོགས་ཡོངས་སུ་རྫོགས་པ༔ རྒྱ་མདུད་འོག་མ་ལ་དཔལ་གྱི་བཀའ་སྡོད་ཕུར་སྲུང་རྒྱ་མཚོའི་ཚོགས་ཏིལ་གྱི་གོང་བུ་ཁ་ཕྱེས་པ་ལྟ་བུར་བསྐྱེད་དོ༔ གནས་གསུམ་དུ་ཨོ་ཨཱཿ ཧཱུྃ་གིས་མཚན་པར་གྱུར༔ འོད་ཟེར་དཔག་ཏུ་མེད་པ་འཁོར་འདས་ཐམས་ཅད་ལ་ཁྱབ་པར་འཕྲོས་པས་རིགས་ཀུན་རྒྱལ་བ་སྲས་དང་བཅས་པ་ཐམས་ཅད་ལུས་པ་མེད་པར་སྤྱན་དྲངས་ནས་གཉིས་སུ་མེད་པར་བསྟིམ་མོ༔ ཀཱ་ཡ་ཨ་བྷི་ཥིཉྩ་ཨོཾ༔ གྲགས་སྟོང་སྔགས་ཀྱི་རང་སྒྲ་འབྲུག་སྟོང་ལྟར་ལྡིར་བར་བསམ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ ཝཱཀ་ཨ་བྷི་ཥིཉྩ་ཨཱཿ རིགས་ཀུན་རྒྱལ་བ་ཐམས་ཅད་ཐུགས་ཀ་དག་ཡེ་ཤེས་ཀྱི་ཀློང་དུ་འདུས༔ ཙིཏྟ་ཨ་བྷི་ཥིཉྩ་ཧཱུྃ༔ གང་གདུལ་ཐབས་ཀྱིས་ཕྲིན་ལས་དྲག་པོའི་སྐུར་བཞེངས་པར་བསམ༔ ཨོཾ་ཨཱཿ ཧཱུྃ་ཞེས་བརྗོད་པས་དུག་གསུམ་སྒྲོལ་བའི་དབང་ཐོབ་པར་བསམ༔ ཨོཾ་ཧཱུྃ་སྭཱ་ཨཱཾ་ཧཱ་ཞེས་བརྗོད་པས་དུག་ལྔ་སྒྲོལ་བའི་དབང་ཐོབ་པར་བསམ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ ཅེས་བརྗོད་པས་ཉོན་མོངས་འཁྲུལ་རྟོག་ཐམས་ཅད་ཀ་དག་ཆོས་ཀྱི་དབྱིངས་སུ་སྒྲོལ་བའི་དབང་ཐོབ་པར་བསམ༔ ཨོཾ་ཤྲཱི་བཛྲ་ཀུ་མཱ་ར་ས་མ་ཏི་དུས་ལ་བབ་བོ༔ ཞེས་བརྗོད་པ་ཙམ་ ཐོ།༔ གྱིས་རྡོ་རྗེ་ཕུར་པ་ཐུན་མཚོན་གྱི་ཚྭ་ཚྭ་དྲག་པོ་རླུང་ལྟར་འཚུབས་ཤིང་འཕྲོས་པས་དགྲ་བགེགས་ཐམས་ཅད་ཀྱི་སྙིང་ལ་ཐོག་ལྟར་བབ་པས་ཐིབ་ཀྱིས་བརྒྱལ་ཏེ་གཡོ་འགུལ་མེད་པར་གྱུར༔ ཛཿ དམ་ཚིག་ཆེན་པོའི་དུས་ལ་བབ༔ རྡོ་རྗེ་སྲིན་པོའི༔ ཕྲིན་ལས་དྲག་པོའིཿ ཁྱོད་ཀྱི་མངོན་སྤྱོད་དུས་ལ་བབ༔ ཧཱུྃ༔ འཁོར་འདས་ཁྱབ་བདག་ཆེན་པོ་སྟེ༔ སྒྲོལ་བྱེད་ཕུར་པ་ཆེན་པོ་ཁྱེད༔ སངས་རྒྱས་ཀུན་གྱི་གཞི་གཅིག་སྟེ༔ འཁོར་འདས་སྲོག་འདུས་སྲོག་དབང་ཅན༔ ཐར་པ་ཉིད་དེ་ཉིད་དུ་འདྲོང་༔ ངན་འགྲོའི་གཞི་སྟེ་རང་བཞིན འཇོམས༔ ལམ་ཀུན་ལམ་སྟེ་ལོག་ལམ་གཅོད༔ ཧཱུྃ༔ གཏུམ་ཆེན་འབར་བས་གཏི་མུག་འཇོམས༔ ཞེ་སྡང་སྲིན་པོས་ཞེ་སྡང་འདུལ༔ ང་རྒྱལ་ཆེན་པོས་ངར་འཛིན་གཅོད༔ འདོད་པ་ཆེན་པོས་འདོད་ཆགས་གསོད༔ ཕྲག་དོག་ལས་ཀྱིས་ཕྲག་དོག་འཇོམས༔ གཞི་རུ་གནས་ཤིང་ལམ་ཞེན་འདུལ༔ དུག་ལྔས་དུག་ལྔ་རང་འཇོམས་ཤིང་༔ ཀ་དག་གཞི་རུ་ཀུན་གཞི་སྡུད༔ ཁྱབ་བདག་རྡོ་རྗེ་རྡོ་རྗེའི་བདག༔ མི་སྲུན་རྡོ་རྗེ་སྲིན་པོར་བསྟོད༔ ཧཱུྃ༔ ཆོས་དབྱིངས་སྐྱེ་བ་མེད་པའི་ངང་ཉིད་ལས༔ སྐྱེ་བའི་ཆོ་འཕྲུལ་འབར་བའི་སྐུར་སྟོན་པ༔ གཞོམ་བྲལ་ཐོགས མེད་རྡོ་རྗེ་ཕུར་པ་ཆེ༔ དབྱིངས་ལས་སྐུར་བཞེངས་ལོག་རྟོག་དབྱིངས་སུ་སྒྲོལ༔ ཧཱུྃ༔ ང་ནི་རྡོ་རྗེ་གཞོན་ནུ་ཆེ༔ ང་ནི་བཛྲ་ཀཱི་ལ་ཡ༔ སྤྲུལ་པའི་མཚོན་ཐུན་ལས་ལ་འགྱེད༔ དགྲ་བགེགས་སྲོག་ལ་ཀཱི་ལ་ཡ༔ འཁྲུལ་འཁོར་གཡོ་འཁྲུགས་རྒྱུ་རྐྱེན་སོད༔ རྡོ་རྗེ་གཞོན་ནུའི་ངོ་བོ་སྐུ་གསུམ་ལྷུན་གྲུབ་ཀྱི་ཕུར་པ་སྙིང་གར་གདབ་ལ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ དགྲ་བགེགས་སརྦ་ཤ་ཏྲུཾ་མཱ་ར་ཡ་རྦད་རྦད་ནན༔ ཧཱུྃ་ཛཿ དམ་ཚིག་ཆེན་པོའི་དུས་ལ་བབ༔ ཁྲོ་བོ་ཆེན་པོའི་དུས་ལ་བབ༔ སྲས་མཆོག་ཆེན་པོའི་དུས་ལ་བབ༔ ཁྱེད་ཀྱི་ཕྲིན་ལས་དུས་ལ བབ༔ ཧཱུྃ༔ ང་ནི་རྡོ་རྗེ་རིགས་ཀྱི་བདག༔ ང་ནི་བཛྲ་ཀཱི་ལ་ཡ༔ རྡོ་རྗེ་ཕུར་པ་ལས་ལ་འགྱེད༔ དགྲ་བགེགས་སྙིང་ལ་ཀཱི་ལ་ཡ༔ འཁྲུལ་འཁོར་གཡོ་འཁྲུགས་རྒྱུ་རྐྱེན་སོད༔ རྡོ་རྗེ་ཕུར་པའི་ངོ་བོ་མེ་ལོང་ཡེ་ཤེས་ཀྱི་ཕུར་པ་སྙིང་ལ་གདབ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ དགྲ་བགེགས་སརྦ་ཤ་ཏྲུཾ་མཱ་ར་ཡ་རྦད་རྦད་ནན༔ ཧཱུྃ་ཛཿ དམ་ཚིག་ཆེན་པོའི་དུས་ལ་བབ༔ ཁྲོ་བོ་ཆེན་པོའི༔ སྲས་མཆོག་ཆེན་པོའི། ཁྱེད་ཀྱི་ཕྲིན་ལས་དུས་ལ་བབ༔ ཧཱུྃ༔ ང་ནི་རིན་ཆེན་རིགས་ཀྱི་བདག༔ ང་ནི་རཏྣ་ཀཱི་ལ་ཡ༔ རྡོ་རྗེ་ཕུར་པ་ལས་ལ་འགྱེད༔ དགྲ་བགེགས་སྙིང་ལ་ཀཱི་ལ་ཡ༔ T11605 - 184 ཐོ།༔ འཁྲུལ་འཁོར་གཡོ་འཁྲུགས་རྒྱུ་རྐྱེན་སོད༔ རཏྣ་ཀཱི་ལ་ཡ་ཡི་ངོ་བོ་མཉམ་ཉིད་ཡེ་ཤེས་ཀྱི་ཕུར་པ་ལྟེ་བར་གདབ་ལ༔ ཨོཾ་རཏྣ་ཀཱི་ལི་ཀཱི་ལ་ཡ་ཧཱུྃ༔ དགྲ་བགེགས་སརྦ་ཤ་ཏྲུཾ་མཱ་ར ཡ་རྦད་རྦད་ནན༔ ཧཱུྃ་ཛཿ དམ་ཚིག་ཆེན་པོའི་དུས་ལ་བབ༔ ཁྲོ་བོ་ཆེན་པོའི༴ སྲས་མཆོག་ཆེན་པོའི ཁྱེད་ཀྱི་ཕྲིན་ལས་དུས་ལ་བབ༔ ཧཱུྃ༔༷ ང་ནི་པདྨ་རིགས་ཀྱི་བདག༔ ང་ནི་པདྨ་ཀཱི་ལ་ཡ༔ རྡོ་རྗེ་ཕུར་པ་ལས་ལ་འགྱེད༔ དགྲ་བགེགས་སྙིང་ལ་ཀཱི་ལ་ཡ༔ འཁྲུལ་འཁོར་གཡོ་འཁྲུགས་རྒྱུ་རྐྱེན་སོད༔ པདྨ་ཀཱི་ལ་ཡའི་ངོ་བོ་སོར་རྟོག་ཡེ་ཤེས་ཀྱི་ཕུར་པ་མགྲིན་པར་གདབ ལ༔ ཨོཾ་པདྨ་ཀཱི་ལི་ཀཱི་ལ་ཡ་ཧཱུྃ༔ དགྲ་བགེགས་སརྦ་ཤ་ཏྲུཾ་མཱ་ར་ཡ་རྦད་རྦད་ནན༔ ཧཱུྃ་ཛཿ དམ་ཚིག་ཆེན་པོའི་དུས་ལ་བབ༔ ཁྲོ་བོ་ཆེན་པོའི༴ སྲས་མཆོག་ཆེན་པོའིཿ ཁྱེད་ཀྱི་ཕྲིན་ལས་དུས་ལ་བབ༔ ༔ ང་ནི་ལས་ཀྱི་རིགས་ཀྱི་བདག༔ ང་ནི་ཀརྨ་ཀཱི་ལ་ཡ༔ རྡོ་རྗེ་ཕུར་པ་ལས་ལ་འགྱེད༔ དགྲ་བགེགས་སྙིང་ལ་ཀཱི་ལ་ཡ༔ འཁྲུལ་འཁོར་གཡོ་འཁྲུགས་རྒྱུ་རྐྱེན སོད༔ ཀརྨ་ཀཱི་ལ་ཡའི་ངོ་བོ་བྱ་གྲུབ་ཡེ་