Tibetan
གཏད༔ དམ་ཉམས་བཀའ་ལོག ལག་ཏུ་ཤོར་ར་རེ༔ བཀའ་དང་ཐ་ཚིག་གཉན་པོའི་དམ་རྒྱའོ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཨྠི༔ ཛྱཾབྷྱསྱ།ཨྠིསྐསྦ རྒྱ་རྒྱ་རྒྱ༔ དྡྷྱ་གླཐ་ཊྐཾ བདག་འདྲ་རིག་འཛིན་རྡོ་རྗེ་གཤོག་རྒོད་ངས༔ མ་འོངས་ལས་ཅན་རྣམས་ཀྱི་དོན་ཆེད་དུ༔ དཔལ་ཆེན་རྡོ་རྗེ་གཞོན་ནུའི་བླ་རྡོ བསྟན༔ འདི་ཉིད་ལག་ཏུ་ལེན་པའི་རིམ་པ་ལ༔ མྱུ་ཁྱུད་རིམ་པ་ལྔ་རུ་བསྐོར་བྱས་ཏེ༔ ལྟེ་བར་ཕུར་པ་སྔོན་པོའི་ཆངས་བཟུང་ཧཱུྃ༔ དེ་མཐར་ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཀཱ་ཡ་ཝཱཀ་ཙིཏྟ་ཧྲཱི ད་ཡ་ས་མ་ཏི་ཧཱུྃ་ཨཱ༔ དེ་ནས་མུ་ཁྱུད་དང་པོ་ལ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ ཨོཾ་རཏྣ་ཀཱི་ལི་ཀཱི་ལ་ཡ་ཧཱུྃ༔ ཨོཾ་པདྨ་ཀཱི་ལི་ཀཱི་ལ་ཡ་ཧཱུྃ༔ ཨོཾ་ཀརྨ་ཀཱི་ལི་ཀཱི་ལ་ཡ་ཧཱུྃ༔ དེ་ཡི་ཕྱི་རིམ་འཁོར་ལོ་རྩིབས་བཞི་ལ༔ ཕུར་པ་བཞི་བྲི་དབལ་རྩེ་ཕྱི་རུ་བསྟན༔ ཆངས་བཟུང་ཧཱུྃ་ཏྲཱཾ་ཧྲཱིཿ ཨཱཿབྲི༔ དེ་ཡི་ཕྱི་རིམ་མུ་ཁྱུད་གསུམ་པ་ལ༔ ཁྲོ་བཅུ་ཟ་གསོད་བཅས་པའི་སྔགས་བཀོད་བྱ༔ དེ་ཡི་ཕྱི་རིམ་འཁོར་ལོ་རྩིབས་བཅུ་ལ༔ ཕུར་པ་བཅུ་བྲི་དབལ་རྩེ་ཕྱི་རུ་བསྟན༔ དེ་ཡི་ཕྱི་རིམ་ཕྱོགས་བཞིར་སྒོ་མའི་སྔགས༔ འདོད་གསོལ་དང་བཅས་བྲིས་པའི་བར་མཚམས་སུ༔ ཕུར་པ་ཁ་དོག་ལས་མཐུན་བྲི་བར་བྱ༔ དེ་ཡི་ཕྱི་རིམ་མུ་ཁྱུད་དྲུག་པ་ལ༔ ཨ་ལི་ཀ་ལི་རྟེན་སྙིང་མཐའ་བསྐོར་དུ༔ འཆང་བ་པོའི་ནད་གདོན་འགལ་རྐྱེན་བར་ཆད་མི་མཐུན་པའི་ཕྱོགས་ངན་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ ཚེ་བསོད་དཔལ་འབྱོར་ཡེ་ཤེས་ཡོན་ཏན་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ ཁམས་གསུམ་མོས་པ་རྣམ་བཞི་པཱ་ཤཾ་ཀུ་རུ་ཡེ་སྭཱ་ཧཱ༔ དགྲ་བགེགས་གནོད ཝྃ༔ བྱེད་སརྦ་ཤ་ཏྲུཾ་མཱ་ར་ཡ་ཕཊ༔ ཅེས་བྲི༔ རྫས་ལ་བདུད་རྩི་ཆོས་སྨན་དང་༔ བཟང་དྲུག་སྨན་གྱིས་བྱུག་པར་བྱ༔ སྒྲུབ་པའི་རྟེན་དུ་བཙུགས་ཏེ་འཆང་༔ འདི་ཕྱིའི་དགེ་ལེགས་ཐམས་ཅད་འབྱུང་༔ ས་མ་ཡ༔ རྒྱ་རྒྱ་རྒྱ༔ ཝ༔ བདག་འདྲ་རིག་འཛིན་པདྨ་ཐོད་ཕྲེང་ངས༔ མ་འོངས་ལས་ཅན་རྣམས་ཀྱི་དོན་ཆེད་དུ༔ བསྟན་དགྲའི་སྲོག་རྩ་དམར་འབྱིན་འཁོར་ལོ་ནི༔ རྣོ་མྱུར་ཐོག་གི་སྤུ་གྲི་བསྟན་པར་བྱ༔ ལག་ལེན་རིམ་པ་མུ་ཁྱུད་བཞི་རུ་བསྐོར༔ ལྟེ་བའི་མར་ཆ་ནྲྀཿཡིག་ཕྱིར་ལོག་བྲི༔ ཡར་ཆ་ཕཊ་ཛཿ བྲིས་ལ་དང་པོའི་མུ་ཁྱུད་ལ༔ སྔགས་མགོ་ཕྱིར་བསྟན་ལྷག་ཆད་མེད་པར་བྲིས༔ ཨོཾ་ཀརྨ་ཀྲོ་དྷ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ ཆེ་གེ་མོའི་སྲོག་ལ་ཧུར་ཐུཾ་ནན༔ མུ་ཁྱུད་གཉིས་པ་ལ༔ ཨོཾ་མ་མོ་རོ་རུ་ཕུ་རུ་རཀྴ་རུ་ལུ་རུ་ལུ་རེ་མ་ཏཱི་ས་མ་ཡ་ཧཱུྃ་བྷྱོ་ཧཱུྃ༔ དགྲ་བོ་ཆེ་གེ་མོའི་བླ་ཚེ་སྲོག་གསུམ་ལ་ཧུརྀ་ཐུ་ཛཿ མཱ་ར་ཡ་ཧཱུྃ་ནན༔ དེ་ཡི་ཕྱི་རིམ་མུ་ཁྱུད་གསུམ་པ་ལ༔ ཨོཾ་སརྦ་ངྷརྨ་པཱ་ལ་སརྦ་ཀྵེ་ཊ་པཱ་ལ་ཧཱུྃ༔ དགྲ་བོ་ཆེ་གེ་མོའི་བླ་ཚེ་སྲོག་གསུམ་ཁུག་ཛཿཐུཾ་རི་ལི་ལི་སརྦ་ཤ་ཏྲུཾ་མཱ་ར་ཡ་རྦད་སོད༔ ཛྭ་ལ་པ་ཡ་ཏ་ཐ་ཡ་རྦད་ཛཿ ནན་ཕཊ༔ དེ་ཡི་ཕྱི་TI1604 - 317 རིམ་མུ་ཁྱུད་བཞི་པ་ལ༔ ཨོཾ་བཛྲ་སརྦ་དུཥྚན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ༔ དགྲ་བོ་ཆེ་གེ་མོ་ཁུག་རྦད་ནན་བཛྲ་ཨཾ་ཀུ་ཤ་ཛཿ རཏྣ་པ་ཤ་ཧཱུྃ༔ པདྨ་སྥོ་ཊ་བཾ༔ ཀརྨ་གྷཎྜེ་ཧོཿ དགྲ་བོ་ནྲྀ སོད་རཾ་ཛྭ་ལ་པ་ཡ་ཛྭ་ལ་པ་ཡ་ཧཱུྃ་ནན༔ དེའི་ཕྱི་རིམ་ཕོ་ལིང་བྲིས་ལ་ཚིག་བཞིར་ཛཿ ཧཱུྃ་བཾ་ཧོཿ བྲི༔ སྤྱི་བོར་རུས་དང་མཚན་མར་ཕཊ་བྲིའོ༔ སྤྱི་ལྟར་འཁོར་ལོ་གན་རྐྱལ་བྱས་ཏེ་བརྩེགས༔ ཁ་གཅོད་རྡོ་རྗེ་རྒྱ་གྲམ་བྱ༔ འདི་ཡིས་དགྲ་བོ་གང་ཡང་ཐོགས་མེད་བརླག་པར་འགྱུར༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ གསང་རྒྱ༔ ཟབ་རྒྱ༔ བརྡ་ཐིམ༔ ཉ་རྦགཀགཆུཐགཿ བདག་འདྲ་རིག་འཛིན་པདྨ་དྲག་རྩལ་ངས༔ མ་འོངས་ལས་ཅན་རྣམས་ཀྱི་དོན་ཆེད་དུ༔ སྡང་བྱེད་བུད་མེད་སྲོག་འདྲེན་ཟབ་མོ་ནི༔ གནམ་ལྕགས་སྤུ་གྲི་མེ་འབར་བསྟན་པར་བྱ༔ འདི་ཉིད་ལག་ཏུ་ལེན་པའི་རིམ་པ་ནི༔ དུག་ཤོག་སོར་ལྔ་འཁོར་བ་ལ༔ མུ་ཁྱུད་རིམ་པ་བཞི་རུ་བསྐོར༔ མུ་ཁྱུད་དང་པོར་ཡིག་མགོ་ཕྱིར་བསྟན་ཏེ༔ ཨོཾ་ཀརྨ་ཀྲོ་དྷ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ རུས་མིང་ཆེ་གེ་མོའི་བླ་ཚེ་སྲོག་གསུམ་ཁུག་ཛཿ རྦད་ནན༔ མུ་ཁྱུད་གཉིས་པ་ལ༔ ཨོཾ་བཛྲ་ཀྲོ་ངྷ་ཧཱུྃ་ཛཿ གུ་རུ་དྷེ་ཝ ཐོ།༔ དྷཱ་ཀི་ནཱི་ས་མ་ཡ་ཛཿ དགྲ་བོ་མིང་རུས་ཆེ་གེ་མོའི་བླ་ཚེ་སྲོག་གསུམ་ཁུག་ཛཿ རྦད་ནན་ཧ་ལ་ཧ་ལ་རུབ་རུབ་ཐུཾ་ནན༔ དེ་མཐར་མུ་ཁྱུད་གསུམ་པར་འཁོར་ལོ རྩིབས་གསུམ་ལ༔ ཨོཾ་ཀརྨ་ཀྲོ་ངྷ་ཀཱ་ཡ་ཧཱུྃ་ཛཿ ཨོཾ་ཀརྨ་ཀྲོ་དྷ་ཝཱཀ་ཧཱུྃ་ཛཿ ་ཨོཾ་ཀརྨ་ཀྲོ་ངྷ་ཙིཏྟ་ཧཱུྃ་ཛཿ རྩིབས་མཆན་གསུམ་ལ༔ བརྣག་པའི་དགྲ་བོ་ཆེ་གེ་མོ་ཁུག་རྦད༔ བྲི༔ དེ་ཡི་ཕྱི་རིམ་མུ་ཁྱུད་བཞི་པ་ལ༔ ཨོཾ་སརྦ་ངྷརྨ་པཱ་ལ་སརྦ་ཀྵེ་ཊ་པཱ་ལ་སརྦ་ས་མ་ཡ་དམ་ཉམས་ཆེ་གེ་མོའི་ཚེ་བླ་སྲོག་གསུམ་ཁུག་ཛཿ རྦད་ནན་ཆིངས༔ བྲི༔ དེའི་ཕྱི་རིམ་མོ་གཟུགས་བྲིས་ལ་གོང་ལྟར་རོ༔ འདི་ཡིས་མི་ཐུབ་པ་ནི་གཅིག་ཀྱང་མེད༔ ས་མ་ཡ༔ རྒྱ་རྒྱ་རྒྱ༔ ཧ་ལགྷག།ཐ༔ བདག་འདྲ་རིག་འཛིན་རྡོ་རྗེ་གཤོག་རྒོད་ངས༔ མ་འོངས་ལས་ཅན་རྣམས་ཀྱི་དོན་ཆེད་དུ༔ དགྲ་བོ་ཕུང་བྱེད་ཐན་འགྱེད་ཟབ་མོ་ནི༔ ཐན་འཁོར་མིག་འཕྲུལ་སྤེལ་བྱེད་ཞེས་བྱ་བསྟན༔ འདི་ཉིད་ལག་ཏུ་ལེན་པའི་རིམ་པ་ནི༔ དུག་ཤོག་ངོས་ལ་རྔ་མོང་ཁྲག་བྱུག་སྟེ༔ དེ་ལ་མུ་ཁྱུད་རིམ་པ་དྲུག་བསྐོར་ལ༔ མུ་ཁྱུད་དང་པོར་ཡིག་མགོ་ནང་བསྟན་དུ༔ ཨོཾ་ཀརྨ་ཀྲོ་དྷ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ བཛྲ་ཀརྨ་ས་མ་ཡ་ཛཿ དགྲ་བོའི་ ཙཀྵུ་ཐུཾ་སོད༔ མུ་ཁྱུད་གཉིས་པ་ལ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ ཨོཾ་བཛྲ་ཀཱི་ལ་རཏྣ་ཀཱི་ལ་པདྨ་ཀཱི་ལ་ཀརྨ་ཀཱི་ལི་ཀཱི་ལ་ཡ་ཧཱུྃ་ཕཊ༔ དགྲ་བོ་ཆེ་གེ་མོའི་ཙཀྵུ་ཐུཾ་རྦད སོད༔ དེ་ཡི་ཕྱི་རིམ་མུ་ཁྱུད་གསུམ་པ་ལ༔ ཨོཾ་ཀརྨ་ཀྲོ་དྷ་ཀཱི་ལི་ཀཱི་ལ་ཡཾ་སརྦ་བིགྷྣན་བཾ་ཧཱུྃ་ཕཊ༔ མ་མོ་རེ་མ་ཏཱི་ས་མ་ཡ་ཛཿ ཆེ་གེའི་ཙཀྵུ་སོད་ཐུཾ་ཐུཾ་འཁྲུལ་འཁྲུལ་ཐན་ཕོབ༔ དེ་ཡི་ཕྱི་རིམ་མུ་ཁྱུད་བཞི་པ་ལ༔ འཁོར་ལོ་རྩིབས་བཅུ་བཀོད༔ རྩིབས་ལ་ཧཱུྃ་བཅུ༔ རྩིབས་མཆན་ལ༔ ཨ་དགྲ་ལ་བྷྱོ༔ ཡ་དགྲ་ལ་བྷྱོ༔ མ་དགྲ་ལ་བྷྱོ༔ དུ་དགྲ་ལ་བྷྱོ༔ རུ་དགྲ་ལ་བྷྱོ༔ ཙ་དགྲ་ལ་བྷྱོ༔ ཤ་དགྲ་ལ་བྷྱོ༔ ན་དགྲ་ལ་བྷྱོ༔ རཱ་ཙ་དགྲ་ལ་བྷྱོ༔ ཏྲི་འདྲེ་མོ་དགྲ་ལ་བྷྱོ༔ ཞེས་བྲི༔ དེ་ཡི་ཕྱི་རིམ་མུ་ཁྱུད་ལྔ་པ་ལ༔ ཤར་དུ་སྤྱང་མོ་མགོ་དགུ༔ ལྷོ་རུ་སྦྲུལ་ནག མགོ་གསུམ༔ ནུབ་ཏུ་བྱ་ནག་མགོ་དྲུག༔ བྱང་དུ་ཁྱི་དམར་མགོ་གཉིས༔ ཤར་ལྷོར་བེའུ་རྐང་བརྒྱད༔ ལྷོ་ནུབ་ཏུ་ལུ་གུ་མི་མགོ༔ ནུབ་བྱང་དུ་རྟེའུ་ར་མགོ༔ བྱང་ཤར་དུ་ཡུ་མོ་རྐང་གསུམ་བྲི༔ དེ་ཡི་ཕྱི་རིམ་མུ་ཁྱུད་དྲུག་པ་ལ་ཤར་ནས༔ བཙན་གྱི་སྤྱང་ཐན་ཆེ་གེར་རྒྱུག་ཛཿ ས་བདག་སྦྲུལ་ཐན་ཆེ་གེར་རྒྱུག་ཛཿ གཟའ་ཡི་བྱ་ཐན་ཆེ་གེར་རྒྱུག་ཛ༔ རྒྱལ་འགོང་ཁྱི་ ཐོ༔ ཐན་ཆེ་གེར་རྒྱུག་ཛཿ ཡུལ་ལྷའི་བེའུ་ཐན་ཆེ་གེར་རྒྱུག་ཛཿ འགོང་པོའི་ལུག་ཐན་ཆེ་གེར་རྒྱུག་ཛཿ སྡེ་བརྒྱད་རྟ་ཐན་ཆེ་གེར་རྒྱུག་ཛཿ གདོན་བཅུའི་ཤ་ཐན ཆེ་གེར་རྒྱུག་ཛཿ སརྦ་ས་མ་ཡ་དགྲ་བོ་ཆེ་གེ་མོ་ལ་བརྒྱད་ཅུ་ཐན་གྱི་ཆར་ཕོབ་ཅིག༔ ཅེས་རྔ་མོང་ཁྲག་གིས་བྱུག་ལ་གཡོན་བསྐོར་བྱ༔ འདི་ཡིས་དགྲ་ལ་ཐན་གྱི་ཆར་འབེབས་ཤིང་༔ འདོད་དོན་བསམ་བཞིན་འགྲུབ་པར་ཐེ་ཚོམ་མེད༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཏྶརྨྨ་ཀློརྨསྒསྒ།།བླ་མ་ཤག་མ་ཚྭ་ས ཐཛྭཀྵྨ་ཀྐཱ༔དྡྷནྡྷབྷངྡྷིབྷཱཥྛརྦྦ བདག་འདྲ་པདྨ་འོད་གསལ་སྙིང་པོ་ངས༔ མ་འོངས་ལས་ཅན་རྣམས་ཀྱི་དོན་ཆེད་དུ༔ རྩ་རླུང་སེམས་ཀྱི་རྩལ་སྦྱང་ཟབ་མོ་བསྟན༔ འདི་ཉིད་ལག་ཏུ་ལེན་པའི་རིམ་པ་ནི༔ དབེན་གནས་ཉམས་དགའ་རྫ་གངས་རི་ཁྲོད་དུ༔ བདེ་བའི་སྟན་ལ་རབ་བཞུགས་རྣམ་སྣང་གི༔ ཆོས་བདུན་བཅའ་སྟེ་མིག་གཉིས་མཁའ་ལ་བལྟ༔ ཐུན་གྱི་འགོ་རུ་ཆོས་བདུན་བསྒོམ་པར་བྱ༔ བླ་མ་རང་སེམས་དབྱེར་མེད་རོ་གཅིག་ཏུ༔ བསྲེས་ཏེ་ཅི་གནས་བར་དུ་མཉམ་པར་བཞག༔ དེ་ལས་ལངས་ཏེ་ གསལ་སྟོང་དབྱེར་མེད་ཀྱི༔ ལུས་གནད་ཆོས་བདུན་མི་བཏང་དེའི་ངང་ནས༔ རིགས་ཀུན་རྒྱལ་དང་རྒྱལ་སྲས་ཐམས་ཅད་ཀྱི༔ ཐུགས་རྗེའི་བྱིན་རླབས་དབང་དང་དངོས་གྲུབ་ཀུན༔ སྤྲིན་དང་ན་བུན་འཐིབ་བཞིན་རང་ཐིམ་པའི༔ རྐྱེན་གྱིས་རྣམ་སྨིན་སྡིག་སྒྲིབ་བག་ཆགས་དང་༔ འབྱུང་བ་སྙིགས་མའི་ཟག་བཅས་ཕུང་པོ་གདོས༔ ཡེ་ཤེས་སྒྱུ་མའི་ལུས་སུ་ངང་ཧར་ཞིག༔ བདེ་གཤེགས་རྒྱལ་བ་རིགས་ཀུན་རིགས་འདུས་དཔལ༔ འོད་གསལ་ཆོས་སྐུའི་ཞིང་ནས་ཆོས་ཉིད་ཀྱི༔ རིག་སྐུ་རྡོ་རྗེ་ཐིག་ལེ་ཉག་གཅིག་ཏུ༔ འགྱུར་འཕོ་མི་འགྱུར་ཆོས་ཀྱི་སྐུ་རུ་རིག༔ རང་གསལ་ཡེ་གྲུབ་རིག་པ་ཙམ་གྱིས་རྫོགས༔ ཨ༔ གཟུང་འཛིན་ལམ་འཁྲུལ་འཁྲུལ་སྣང་མངོན་གྲུབ་པའི༔ བག་ཆགས་ངར་འཛིན་ཕུང་པོ་ཉེར་ལེན་ལུས༔ བདག་མེད་ཆོས་ཉིད་འོད་གསལ་ངང་དུ་ཞིག༔ གཞི་དབྱིངས་འོད་གསལ་ངང་དུ་དྲན་རིག་གི༔ རྒྱལ་པོ་སྒྱུ་མ་ལྟ་བུའི་རིག་སྐུར་ལངས༔ རྒྱལ་ཀུན་ཡོངས་འདུས་རྡོ་རྗེ་གཞོན་ནུ་ཆེ༔ མཐིང་ནག་ཞལ་གཅིག་ཕྱག་གཉིས་སྤྱན་གསུམ་པ༔ ཁྲོ་གཏུམ་རྔམས་བརྗིད་ཕྱག་གཡས་རྡོ་རྗེ་གསོར༔ གཡོན་པས་གནམ་ལྕགས་ཕུར་པ་འདེབས་སྟབས་བསྣམས༔ ཞབས་གཉིས་འདོར་སྟབས་པད་ཉིའི་གདན་ལ ཐེོཾ༔ བརྫིས༔ ཡུམ་མཆོག་འཁོར་ལོ་རྒྱས་འདེབས་གཡོན་ནས་འཁྲིལ༔ ཕྱག་གཡས་ཨུཏྤལ་གཡོན་པས་དུང་དམར་སྟོབ༔ ཡབ་ཡུམ་གཉིས་མེད་སྐུ་དབུས་དྲང་པོོ་རུ༔ རྩ་མཆོག་དབུ་མ་མཚན་ཉིད་བཞི་ལྡན་ནི༔ དྲང་སྲབ་གསལ་སྣམ་ཕྱི་དཀར་ནང་དམར་ཞིང་༔ བར་སྔོ་ཡར་སྣེ་སྤྱི་བོར་ཐ་ལེར་ཟུག༔ མར་སྣ་ལྟེ་འོག་ཕུག་རྡུགས་འགགས་པ་ལས༔ གཡས་གཡོན་རོ་རྐྱང་དཀར་དམར་དྲང་གསལ་གྱི༔ ཡར་སྣེ་ལྟག་པ་ནས་གུག་སྣ་བུག་ཟུག༔ མར་སྣེ་ལྟེ་འོག་དབུ་མར་ཆུད་པ་ལས༔ ཉོན་མོངས་དུག་གསུམ་རྒྱུ་བྱས་སྒོ་གསུམ་གྱི༔ ཚེ་རབས་ལས་ཉོན་བག་ཆགས་གདོན་གསུམ་བཅས༔ རོ་རྐྱང་ལམ་ནས་མདའ་ལྟར་ཕྱིར་ཐོན་ཏེ༔ ཆོས་ཉིད་སྟོང་པའི་ངང་ལ་འཇའ་ལྟར་ཡལ༔ རྩ་རྣམས་སྐྱོན་བྲལ་ཤེལ་སྦུབས་ལྟ་བུར་བསྒོམ༔ གཡས་ནས་སྔོ་སྐྱ་ལན་གསུམ་འབུད་པ་ནི༔ ཞེ་སྡང་ཕོ་གདོན་རླུང་གྱུར་ནད་རྣམས་ཐོན༔ གཡོན་ནས་དམར་ནག་ལན་གསུམ་འབུད་པ་ནི༔ འདོད་ཆགས་མོ་གདོན་མཁྲིས་གྱུར་ནད་རྣམས་ཐོན༔ མཉམ་དུ་དུད་ཁ་ལན་གསུམ་འབུད་པ་ནི༔ གཏི་མུག་ཀླུ་གདོན་བད་ཀན་ནད་རྣམས་ཐོན༔ དེ་ནས་ཧར་གྱིས་བཤིག་པས་ཚེ་རབས་ཀུན༔ བསགས་ པའི་ལས་ཉོན་བག་ཆགས་ནད་དང་གདོན༔ གདོས་བཅས་ལ་སོགས་སྡུག་བསྔལ་ཉེར་ལེན་རྟེན༔ ཆོས་དབྱིངས་སྟོང་པའི་མཁའ་ཀློང་ཡངས་པར་བཤིག༔ སླར་ཡང་མདུན་གྱི་ནམ་མཁར་མཆོག་གསུམ་དང་༔ སྐུ་གསུམ་རྩ་གསུམ་རྒྱལ་བ་སྲས་བཅས་ཀུན༔ འཇའ་དང་འོད་ཀྱི་རྣམ་པར་ལམ་མེར་བསྒོམ༔ དབང་བྱིན་དངོས་གྲུབ་འོད་ཟེར་རྣམ་ལྔའི་ཚུལ༔ ཚོན་སྐུད་གཤིབ པ་བཞིན་དུ་རང་ཉིད་ཀྱི༔ སྣ་བུག་གཉིས་ནས་དྲངས་ཏེ་རོ་རྐྱང་ལམ༔ བརྒྱུད་དེ་དབུ་མའི་མར་སྣར་གཅིག་འདྲེས་བསམ༔ དལ་གྱིས་རྔུབ་སྟེ་ཕོ་བསྐོར་གསུམ་བྱས་ནས༔ བརྟན་པར་བསམ་ཞིང་མར་མནན་ཡུན་ཅི་གནས༔ དལ་གྱིས་ཕྱིར་དབྱུང་དུག་གསུམ་ཐོན་པར་བསམ༔ རླུང་ཁུག་ཅི་ཐུབ་གྲངས་ལྡན་ཐུན་རེར་འབད༔ ཚུལ་བཞིན་གནད་ལ་མཁས་པར་མ་བྱས་ན༔ ཐུར་ལོག་འཛོལ་བ་མང་བས་ཤེས་པར་བྱ༔ ཐུན་མཇུག་རྩ་ཡི་རླུང་རོ་ལྷག་མེད་དབྱུང་༔ དེ་ནས་རྒྱལ་ཀུན་དབང་བྱིན་དངོས་གྲུབ་དང་༔ ཤེས་རབ་ཡེ་ཤེས་མ་ལུས་འོད་ལྔའི་ཚུལ༔ རོ་རྐྱང་ལམ་ནས་དྲང་ལེན་དབུ་མར་འདྲེས༔ མནན་འཇག་བརྟན་པའི་བར་རླུང་བུམ་ཅན་ལས༔ མི་འདའ་མི་གཏོང་རླུང་སེམས་དབྱེར་མེད་དུ༔ བསྟེན་པ་འདི་ཡི་གནད་ཡིན་གནད་དུ་ བྲེཾ༔ ཟུངས༔ དུས་དང་བསྟུན་པའི་ཁྱད་པར་ཟབ་ཆོས་ཏེ༔ དུས་འདིར་འདི་ལྷག་ཉམས་ལེན་ཟབ་མོ་ནི༔ སྟོང་གསུམ་ས་སྟེང་བསྐོར་ཀྱང་རྙེད་རེ་ཀན༔ སླར་ཡང་གཏུམ་མོའི་མེ་དྲོད་འཛིན་པ་ནི༔ བླ་མ་རིམ་ཞུ་གཅིག་འདྲེས་དཀར་དམར་ཐིག༔ དཀར་ཆ་ཚངས་པའི་བུ་གར་ཧཾ་ཡིག་དཀར༔ དམར་ཆ་སྤྲུལ་པའི་འཁོར་ལོའི་མར་འོག་ཏུ༔ ཨ་ཤད་དམར་པོ་གསལ་འཚེར་སྣུམ་ལ་འདྲིལ༔ བྱིན་རླབས་རླུང་གིས་ཨ་ཤད་བསྐུལ་ཙམ་གྱིས༔ ཤེས་རབ་ཡེ་ཤེས་མེ་ཡི་རང་བཞིན་འབར༔ མཚན་བཞི་ལྡན་པའི་བདེ་དྲོད་རབ་གཡོ་བ༔ རླུང་གིས་བསྐྱེད་པའི་ཡར་ཡར་སླེབ་འབར་བས༔ སྤྲུལ་པའི་འཁོར་ལོའི་རྩ་འཁོར་ཐམས་ཅད་ཁྱབ༔ བདེ་དྲོད་རབ་འབར་བསམ་ཞིང་རླུང་རིག་གཉིས༔ དབྱེར་མེད་ངང་ནས་སྦྱོར་བཞི་ལག་ལེན་འདེབས༔ རླུང་ཁུག་བདུན་རེས་འཁོར་ལོ་རེ་བཞིན་བཏེགས༔ དེ་བཞིན་བཞི་འཁོར་རླུང་ཁུག་བདུན་ཕྲག་བཞིས༔ གཡོས་བསྐྱེད་བདེ་དྲོད་རབ་གཡོས་རྩ་འཁོར་ཡོངས༔ ཁྱབ་ཁེངས་སྤྱི་བོའི་ཧཾ་ཡིག་ལ་ཕོག་པས༔ བདེ་སྟོང་ཡེ་ཤེས་རབ་འབར་འོད་ཟེར་གྱིས༔ རྒྱལ་དང་རྒྱལ་སྲས་མ་ལུས་ཀུན་མཆོད་ཅིང་༔ ཐམས་ཅད་བདེ་སྟོང་རོས་ཚིམས་ཐུགས་བརྩེས་ དགོངས༔ ཐུགས་རྗེའི་དབང་བྱིན་ནུས་མཐུ་སྟོབས་རྩལ་དང་༔ བཀྲག་མདངས་གཟི་བརྗིད་ཤེས་རབ་ཡེ་ཤེས་ཀུན༔ འོད་ལྔའི་ཚུལ་དུ་ན་བུན་སྤྲིན་བཞིན་བསྡུས༔ ཧཾ་ཡིག་ལ་ཐིམ་གཟི འོད་རབ་འབར་ཞིང་༔ འོད་ཟེར་ཕྱིར་འཕྲོས་སྣོད་བཅུད་འབྱུང་བཞི་ཡི༔ བཀྲག་མདངས་གཟི་བརྗིད་བཅུད་སྙིང་མ་ལུས་པ༔ ཡེ་ཤེས་འོད་ཟེར་ཁ་དོག་རྣམ་ལྔའི་ཚུལ༔ ན་བུན་སྤྲིན གཏིབས་བཞིན་དུ་ཧཾ་ལ་བསྟིམ༔ ཧཾ་ཡིག་ཧྲིལ་ལྡོག་མེ་ལྕེས་ཐིག་བཞུས་འབྱིན༔ བདེ་ཆེན་འཁོར་ལོའི་རྩ་སྦུབས་ཡོངས་ཁེངས་བསམ༔ མེ་ལྕེ་ལོངས་སྤྱོད་འཁོར་ལོར་བྲོས་ཚུལ་བབས༔ སངས་རྒྱས་རིགས་མཆོད་ཚོགས་རྫོགས་ལུས་སྒྲིབ་སྦྱངས༔ སྐུ་ཡི་དབང་ཐོབ་དགའ་བའི་ཡེ་ཤེས་སྐྱེས༔ བདུད་རྩི་མར་ལུད་ལོངས་སྤྱོད་འཁོར་ལོར་བབས༔ མེ་ལྕེ་ཆོས་ཀྱི་འཁོར་ལོར་བྲོས་ཚུལ་བབས༔ བདུད་རྩིས་པདྨའི་རིགས་མཆོད་མཉེས་ཚིམས་ནས༔ ཚོགས་རྫོགས་ངག་གི་སྒྲིབ་དག་གསང་དབང་ཐོབ༔ མཆོག་ཏུ་དགའ་བའི་ཡེ་ཤེས་སྐྱེས་པར་བསམ༔ བདུད་རྩི་མར་ལུད་ཆོས་ཀྱི་འཁོར་ལོར་བབས༔ མེ་ལྕེ་སྤྲུལ་པའི་འཁོར་ལོར་བྲོས་ཚུལ་སླེབ༔ བདུད་རྩིས་རྡོ་རྗེའི་རིགས་མཆོད་མཉེས་ཚིམས་ནས༔ ཚོགས་རྫོགས་ཡིད་སྒྲིབ་ཀུན་དག ཐོ།༔ ཤེར་དབང་ཐོབ༔ ཁྱད་པར་དགའ་བའི་ཡེ་ཤེས་སྐྱེས་པར་བསམ༔ བདུད་རྩི་ཕྱུར་ལུད་སྤྲུལ་པའི་འཁོར་ལོར་བབས༔ མེ་ལྕེ་བདེ་སྐྱོང་འཁོར་ལོར་བྲོས་ཚུལ སླེབ༔ བདུད་རྩིས་རིན་ཆེན་རིགས་མཆོད་མཉེས་ཚིམས་ནས༔ ཚོགས་རྫོགས་སྒྲིབ་དག་ཚིག་དབང་རིན་ཆེན་ཐོབ༔ ལྷན་སྐྱེས་ཡེ་ཤེས་རྒྱུད་ལ་སྐྱེས་པར་བསམ༔ བདུད་རྩི་ཕྱུར་ལུད་བདེ་སྐྱོང་འཁོར་ལོར་བབས༔ མེ་ལྕེ་རྡོ་རྗེའི་ལྟེ་བར་བྲོས་ཚུལ་སླེབ༔ བདུད་རྩིས་ལས་ཀྱི་རིགས་མཆོད་མཉེས་ཚིམས་ནས༔ ཚོགས་རྫོགས་སྒྲིབ་དག་རིག་པའི་རྩལ་དབང་ཐོབ༔ ཡེ་ཤེས་རྣམ་བཞི་ལྷན་སྦྱོར་ཡེ་ཤེས་སྐྱེས༔ བདེ་སྟོང་བདུད་རྩི་ཡུམ་གྱི་མཁའ་ཀློང་དུ༔ ཧར་གྱིས་དབབ་ཅིང་དགའ་བཞི་མཉམ་སྦྱོར་སྐྱེས༔ བདེ་བས་རྩ་གནས་དཔའ་བོ་མཁའ་འགྲོ་མཉེས༔ སླར་ཡང་འོག་རླུང་ལྕགས་ཀྱུའི་ངར་གྱིས་བསྡུས༔ མ་ལུས་བདེ་སྐྱོང་འཁོར་ལོར་ཡར་འདུས་པ༔ ཧཱུྃ་ཞེས་སྨད་ནས་འདྲེན་པ་མན་ངག་གོ༔ བདེ་སྐྱོང་འཁོར་ལོའི་རྩ་འདབ་ཀུན་ཏུ་བརྡལ༔ དོན་གྲུབ་ཡབ་ཡུམ་དེ་ཡི་སྒྱུ་འཕྲུལ་མཆོད༔ བདེ་སྟོང་རོས་ཚིམས་ཕྲིན་ལས་རིགས་རྣམས་ལ༔ འགལ་འཁྲུལ་ཉམས་ཆག་ཀུན་སྐོང་སྔར་བཞིན་དུ༔ ཡར་ལ་རིམ བཞིན་དབང་དང་དགའ་བཞི་བཟུང་༔ བདེ་སྐྱོང་འཁོར་ལོའི་མེ་དང་བདུད་རྩི་གཉིས༔ སྔར་བཞིན་སོ་སོར་དབྱེས་ཏེ་བྲོས་འདེད་ཚུལ༔ བདེ་ཆེན་འཁོར་ལོའི་ཧཾ་ཡིག་ལ་རེག་པས༔ ཧེ་རུ་ཡབ་ཡུམ་བདེ་བའི་རྩལ་ཆེན་གྱིས༔ ལུས་ཀྱི་རྩ་ཆེན་རྩ་ཕྲན་མ་ལུས་པ༔ བདེ་སྟོང་ཡེ་ཤེས་བཅུད་ཀྱི་བདུད་རྩི་དང་༔ ཤེས་རབ་ཡེ་ཤེས་ངོ་བོ་གཏུམ་མོའི་མེ༔ བྱིན་རླབས་ཡེ་ཤེས་རླུང་གིས་རབ་བཀང་ཞིང་༔ གཡོ་འཁྱིལ་འགུལ་བས་རྩ་མདུད་ཐམས་ཅད་ཀུན༔ ཚོགས་སྦྱོར་མཐོང་སྒོམ་ལམ་དུ་གྲོལ་བསམ་བཞིན༔ རླུང་ཁུག་བརྒྱ་འམ་བདུན་ཅུ་སུམ་ཅུ་སོགས༔ ཐུན་རེར་འབད་ཅིང་མཐར་བསྡུ་བྱེད་པའི་ཚེ༔ རང་ལུས་མེ་དང་དབུ་མ་ཇེ་ཆེར་སོང་༔ ལུས་དང་དབུ་མས་སྣོད་ཀྱི་རང་བཞིན་ཁྱབ༔ མེ་ལྕེས་བཅུད་ཀྱི་སེམས་ཅན་ཐམས་ཅད་ཁྱབ༔ ལས་ཉོན་སྡིག་སྒྲིབ་འཁོར་རྒྱུ་ས་བོན་དང་༔ བར་ཆད་བདུད་བགེགས་རྣམ་རྟོག་བག་ཆགས་དང་༔ ལུས་གདོན་གནས་གདོན་མ་ལུས་ལྷག་མེད་དུ༔ བསྲེག་ཅིང་འཁྲུལ་རྒྱུ་འཁྲུལ་རྐྱེན་འཁྲུལ་འཐིབ་ཀུན༔ འཁྲུལ་མེད་ཀུན་ཏུ་བཟང་པོའི་ཀློང་དུ་བསྒྲལ༔ རླུང་དང་རིག་པ་དབྱེར་མེད་དེའི་ངང་དུ༔ ཁུ་ཚུར་གཡས་གཡོན་སྟ་ཟུར་ནོན་ཤད་ཅིང་༔ མཆན་རྡེབ་གདོང་ཐད་ ཐོ།༔ འཕེན་པ་གསུམ་གྱི་རྗེས༔ སྡིགས་མཛུབ་བསྣོལ་ཞིང་སྤྱི་བོར་འཇོག་པ་དང་༔ སེ་གོལ་ཕྱི་ལ་གཏོགས་པ་གསུམ་བྱའོ༔ ཁུ་ཚུར་སྟ་ཟུར་གདོང་འཕེན་ཐལ་བརྡབ་ཅིང་༔ ཐལ་གཞོང་མཉེ་ཞིང་གདོང་དང་དབང་པོ་མཉེ༔ ཕོ་བྲང་སྟོད་སྨད་ཡན་ལག་ནན་དུ་མཉེ༔ འབེབ་བརྡབ་བརྐྱངས་པ་མ་ནོར་ཆུན་བཙལ་གཅེས༔ ཁུ་ཚུར་སྟ་ཟུར་ཤད་དེ་གདོང་ཐད་འཕེན༔ སོར་བསྣོལ་བྲང་ལ་བརྡབ་ཅིང་ཕྱིར་འཕེན་བསྐོར༔ ནང་བསྐོར་བརྡབ་པ་གསུམ་མཐར་སྔར་བཞིན་དུ༔ ཁུ་ཚུར་ནང་བསྐོར་རྡོ་བཞིན་གདོང་ཐད་འཕེན༔ གཡས་གཡོན་དཔུང་མགོ་པུས་མོར་སྦྱར་བ་གསུམ༔ ནང་བསྐོར་ཁུ་ཚུར་གདོང་ཐད་འཕེན་པ་གསུམ༔ ཨོལ་ཀོ་བྲང་ལ་བརྡབ་ཅིང་ཤེད་བསྐྱེད་འཐེན༔ སླར་ཡང་ཁུ་ཚུར་ནང་བསྐོར་གདོང་ཐད་འཕེན༔ བྲང་ལ་གཏོད་ཅིང་ཕྱིར་འཕེན་ལངས་སྟབས་གསུམ༔ འབེབ་ཆུང་གསུམ་བརྡབ་རྡོ་རྗེ་སྐྱིལ་ཀྲུང་ལས༔ ཧར་ལངས་འཕར་གྱིས་གྱད་སྟབས་སྡིགས་མཛུབ་བཅས༔ ལྟ་སྟངས་ནམ་མཁར་གཟིར་ཞིང་སྡིགས་མཛུབ་འཕེན༔ ཡར་ལ་གསུམ་འཕེན་ཐད་དུ་ལན་གསུམ་འཕེན༔ ཐུར་འཕེན་སྙིང་གར་ཐལ་མོ་ལན་གསུམ་སྦྱར༔ སླར་ཡང་ཁུ་ཚུར་སྟ་ཟུར་ལན་གསུམ་དུ༔ ཤད་དེ་མདུན་གྱི་མཁའ་ལ་ལན་གསུམ་འཕེན༔ རྒུར་འབེབ་གསུམ་གྱིས་རྡོ་རྗེ་སྐྱིལ་ཀྲུང་ལས༔ རང་ཉིད་བཛྲ་ཀཱི་ལའི་སྐུར་བཞེངས་ཏེ༔ མིག་གཉིས་སྣ་རྩེའི་ཧཱུྃ་ལ་ཧྲིག་གེར་གཏད༔ རླུང་རིག་དབྱེར་མེད་ངང་ནས་ཧར་ལངས་ཏེ༔ ཁུ་ཚུར་བསྐོར་འཕེན་འཕར་སྟངས་རྐང་མཐིལ་སྤྲད༔ པུས་མོ་བསྒྲད་ཅིང་ལག་མཛུབ་རྩེ་སྤྲད་བརྐྱང་༔ སྤྱི་བོར་འཇོག་ཅིང་རྡོ་རྗེ་རྩེ་གསུམ་ལས༔ ལྟེ་བར་ཧཱུྃ་བསྒོམ་ཧ་ཧཱུྃ་ཕཊ་གསུམ་བྱ༔ ཧཾ་ཞེས་འདྲེན་འཐེན་གསུམ་མཐར་གཅུས་འབེབ་གསུམ༔ རྡོ་རྗེ་སྐྱིལ་ཀྲུང་རིག་སྟོང་རླུང་ལ་གཏད༔ རང་ཉིད་རཏྣ་ཀཱི་ལའི་སྐུར་བཞེངས ཏེ༔ ཧར་ལངས་ཁུ་ཚུར་བསྐོར་འཕེན་ལུས་མཉམ་པར༔ གྱེན་དུ་གསུམ་འཐེན་གཡས་གཡོན་ལྟ་སྟངས་གསུམ༔ ལག་གཉིས་ནོར་བུའི་ཕྱག་རྒྱ་གསང་བ་ནས༔ གནས་ལྔར་འཇོག་མཐར་ཨ་སྒྲ་ལྔ་ཚར་བརྗོད༔ འབེབ་ཆེན་གསུམ་བརྡབ་ཧ་སྤྲུགས་གསུམ་བྱའོ༔ རྡོ་རྗེ་སྐྱིལ་ཀྲུང་རླུང་རིག་དབྱེར་མེད་དུ༔ རང་ཉིད་པདྨ་ཀཱི་ལའི་སྐུར་བཞེངས་ཏེ༔ རྐང་མཐིལ་སྤྲད་དེ་རྟིང་པ་གསང་བར་གཏོད༔ ལག་གཉིས་པུས་མོ་དགབ་ཅིང་རྣ་ལྟག་གནོན༔ ཧར་ལངས་པདྨའི་ཕྱག་རྒྱ་གནས་ལྔར་བཞག༔ ཁུ་ཚུར་ནམ་མཁར་