Tibetan
༔ བཟའ་བཅའ་བཏུང་བ་ལྡག་གཞིབ་དང་༔ འདོད་ཡོན་མི་ཟད་རྒྱན་དུ་འབུལ༔ དར་ཟབ་སྟག་གཟིག་གོ་མཚོན་དཀོར༔ རིན་ཆེན་སྣ་ཚོགས་གཟུགས་འགྲོས་རིགས༔ མཐུན་རྫས་ལོངས་སྤྱོད་ཚོགས་ཀྱིས་མཆོད༔ རྟག་གཏོར་རྒྱུན་གཏོར་རྟེན་གཏོར་དང་༔ བླ་རྟེན་སྲོག་གི་འཁོར་ལོ་བཅས༔ དངོས་འབྱོར་ཡིད་ཀྱིས་རྣམ་སྤྲུལ་ཏེ༔ གཤིན་རྗེ་ཡ་མ་རཱ་ཛ་མཆོད༔ ཡུམ་མཆོག་སྲོག་བདུད་ནག་མོ་མཆོད༔ སྲིད་པ་ལྷ་ཡི་སྡེ་ ཚོགས་མཆོད༔ དྲང་སྲོང་གཟའ་བདུད་འཁོར་བཅས་མཆོད༔ སྲིད་རྒྱལ་མ་མོ་འཁོར་བཅས་མཆོད༔ བདུད་པོ་བསྐོས་རྗེ་འཁོར་བཅས་མཆོད༔ རཀྴ་སྲིན་པོ་འཁོར་བཅས་མཆོད༔ བཙན་རྒོད་འབར་བ་འཁོར་བཅས་མཆོད༔ གནོད་བྱེད་ནག་པོ་འཁོར་བཅས་མཆོད༔ ཀླུ་བདུད་མགོ་དགུ་འཁོར་བཅས་མཆོད༔ བཀའ་སྡོད་སྲིད་པའི་ལྷ་འདྲེ་མཆོད༔ གསོལ་ལོ་མཆོད་དོ་དགྱེས་གྱུར་ཅིག༔ བདག་ཅག་དཔོན་སློབ་འཁོར་བཅས་ལ༔ གཡེལ་བ་མེད་པའི་གྲོགས་མཛོད་ཅིག༔ བསམ་པའི་དོན་ཀུན་འགྲུབ་པ་དང་༔ མངོན་སྤྱོད་ཕྲིན་ལས་ཡོངས་གྲུབ་མཛོད༔ ས་མ་ཡ༔ ཡང་གཅིག་གསོལ་མཆོད་བྱེད་པ་ནི༔ ཧཱུྃ་ཛཿ གཤིན་རྗེ་ཡ་མ་རཱ་ཛ་ཆེ༔ སྤྲུལ་འཁོར་བཀའ་སྡོད་བཅས་པ་རྣམས༔ དམ་ཚིག་དབང་གིས་འདིར་གཤེགས་ཤིག༔ ཤ་ཁྲག་དམར་གྱི་གཏོར་མ་དང་༔ རིན་ཆེན་དར་ཟབ་སྟག་གཟིག་དང་༔ འདོད་ཡོན་རྒྱན་གྱི་འཁོར་ལོ་ཡི༔ ཡ་མ་རཱ་ཛ་འཁོར་བཅས་ལ༔ གསོལ་ལོ་མཆོད་དོ་ཐུགས་དམ་བསྐང་༔ བདག་ཅག་དཔོན་སློབ་འཁོར་བཅས་ལ༔ སྐད་ཅིག་མི་འབྲལ་གྲོགས་མཛོད་ཅིག༔ ཞི་རྒྱས་དབང་དང་མངོན་སྤྱོད་ལས༔ དྲན་པ་ཙམ་གྱིས་འགྲུབ་པར་མཛོད༔ དམ་ལ་མ་འདའ་ས་མ་ཡ༔ རྟག་ཏུ་འདི་ཉིད་ ཝྃ།༔ ཉམས་ལེན་ན༔ ཕ་མ་བུ་ལྟར་བརྩེ་གདུང་ཞིང་༔ བྲན་དུ་འཁོར་འགྱུར་ཐེ་ཚོམ་མེད༔ མ་འོངས་པདྨའི་བརྒྱུད་འཛིན་རྣམས༔ བསྒྲུབ་པ་ལྷུར་ལེན་དོན་གཉེར་མཛོད༔ བཀའ་སྲུང་དྲང་སྲོང་ཆེན་པོས་སྲུངས༔ པ དམ་ཉམས་ལག་ཏུ་ཤོར་ར་རེ༔ བཀའ་དང་ཐ་ཚིག་གཉན་པོའི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་མི་སྨྱོན་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཀུན་དགའོ། །དགེའོ། །དགེའོ། །དགེའོ།། །། ཨ བྷ ཨ TI1602 - 353 T11602 - 354 ཝྃ། ཟབ་གསང་མཁའ་འགྲོའི་སྙིང་ཐིག་ལས༔ གཤིན་རྗེ་ཡ་མ་རཱ་ཛའི་བསྐུལ་བ་རྡོ་རྗེའི་དུག་མདའ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ མྦྷ་༔ རྣལ་འབྱོར་མི་བདེའི་དགྲ་བྱུང་ཚེ༔ གདོང་ལ་ཁྲག་བྱུག་སྐྲ་ཕབ་ནས༔ དམར་གཏོར་ཁྲག་གིས་རབ་བྲན་ནས༔ ང་རོ་དྲག་པོས་འདི་བརྗོད་བྱ༔ ཧཱུྃ་ཛཿ ང་ནི་འཇིགས་བྱེད་ཆེན་པོ་སྟེ༔ ང་ནི་རྒྱལ་བའི་གདུང་འཚོབ་མཆོག༔ ང་ནི་ཟོལ་མེད་རྣལ འབྱོར་པ༔ ཚེ་འདིར་སྙིང་པོ་ལྷུར་ལེན་བྱས༔ རྩེ་གཅིག་ལྷ་དང་སྲུང་མ་བསྟེན༔ བསྒྲུབ་པའི་འབྲས་བུ་ཡོད་དམ་མེད༔ ལྷ་དང་སྲུང་མས་མཁྱེན་པར་གསོལ༔ དཔུང་གཉེན་མི་འབོད་དབང་མེད་པར༔ དམ་ཉམས་དགྲ་བོ་བདུད་དུ་བབ༔ ཛཿ གཤིན་རྗེ་ཡ་མ་རཱ་ཛ་བསྐུལ༔ འཆི་བདག་སྲོག་བདུད་ཆེན་པོ་བསྐུལ༔ དམ་ཅན་ཆོས་ཀྱི་རྒྱལ་པོ་བསྐུལ༔ ཡུམ་མཆོག སྲོག་བདུད་ནག་མོ་བསྐུལ༔ སྤྲུལ་པའི་ལས་མཁན་ཤན་པ་བསྐུལ༔ བཀའ་ཉན་ལྷ་སྲིན་སྡེ་བརྒྱད་བསྐུལ༔ སྟོང་གསུམ་གཞི་བདག་ཐམས་ཅད་བསྐུལ༔ སྣང་ཞིང་སྲིད་པའི་ལྷ་འདྲེ བསྐུལ༔ ཆོས་ཆོས་སྡང་བའི་དགྲ་ལ་ཆོས༔ རྒྱུག་རྒྱུག་མ་འགྱང་དགྲ་ལ་རྒྱུག༔ བཀའ་དང་དམ་ཚིག་གཉན་གྱིས་བསྐུལ༔ ཆོས་ཉིད་རྣམ་དག་བདེན་པས་བསྐུལ༔ རྒྱུ་འབྲས་བསླུ་-355 མེད་བདེན་པས་བསྐུལ༔ སྤྲུལ་པ་འགྱེད་པའི་དུས་ལ་བབ༔ ཆོ་འཕྲུལ་ཆེན་པོའི་དུས་ལ་བབ༔ མཐུ་རྩལ་དབྱུང་བའི་དུས་ལ་བབ༔ མངོན་སྤྱོད་དྲག་པོའི་དུས་ལ་བབ༔ ནམ་མཁར་ཁྲག་སྤྲིན་འཁྲིགས་ལ་སོང་༔ བར་སྣང་ཐོག་སེར་འབེབ་ཅིང་སོང་༔ ས་གཞིར་རླུང་དམར་གཡོས་ཤིང་སོང་༔ རི་བསྙིལ་ས་གཡོས་འོད་འཁྱུག་ཅིང་༔ ཆོ་ང་དྲག་པོ་འདེབས་ཤིང་སོང་༔ དགྲ་བོའི་ཡུལ་ཁམས་ཐན་གྱིས་ཁེང་༔ དགྲ་བོའི་གནས་ཁང་མེ་ལ་སྦོར༔ དགྲ་བོའི་ཕོ་རྣམས་ཁ་སྦུབ་སོད༔ དགྲ་བོའི་མོ་རྣམས་གན་རྐྱལ་སོད༔ དགྲ་བོའི་བྱིས་པ་ཚང་ནས་སོད༔ གཤིན་རྗེ་ཡ་མ་རཱ་ཛ་ཆེ༔ ཁྱོད་ལ་མཐུ་སྟོབས་ཡོད་སྲིད་ན༔ ད་ལྟ་ཉིད་དུ་དགྲ་ལ་རྒྱུག༔ དགྲ་བོ་མི་ནོར་འཁོར་དང་བཅས༔ རྗེས་ཤུལ་མེད་པར་རྡུལ་དུ་བརློག༔ ཤ་ཁྲག་སྲོག དབུགས་དཀོར་དང་བཅས༔ རྗེས་ཤུལ་མེད་པར་ཧབ་ཐོབ་གྱིས༔ མ་ཟད་བར་དུ་ཡིད་མ་ཚིམ༔ མ་སྟོང་བར་དུ་སླར་མ་ལྡོག༔ ནམ་མཁའ་སྟོང་པར་ཚད་མ་བཙུག༔ རྒྱུ་འབྲས་གཉིས ལ་ཁུང་མ་བཙལ༔ སྐྱེ་འཆི་གཉིས་ཀྱི་དུས་མ་སྒུག༔ སྲུང་བཟློག་གཉིས་ཀྱི་མཚམས་མ་བཅད༔ སྡང་བའི་དགྲ་བོ་དམ་ཉམས་འདི༔ ལོ་ཁྱིམ་འདི་ལས་འདའ་མ་བཅུག༔ ཟླ་བ་འདི་ ཝྃ།༔ ལས་མ་ཕྱི་བར༔ གློ་བུར་ཧུར་ཐུམ་ནད་ཀྱིས་སོད༔ ལོ་ཐོག་སེར་བས་བཅོམ་བཞིན་ཐོང་༔ ཐལ་ཕུང་རླུང་གིས་གཏོར་བཞིན་ཐོང་༔ མེ་སྟག་ཆུ་ཡིས་བསད ཨཱ བཞིན་ཐོང་༔ དམ་ཚིག་གཉན་པོའི་དུས་ལ་བབ༔ མ་གཡེལ་མ་འགྱངས་ས་མ་ཡ༔ ཨོཾ་ཡ་མ་རཱ་ཛ་ཨ་ར་མ་དུ་རུ་ཙ་ཤ་ན་ས་མ་ཡ་དགྲ་ལ་རྦད་བྷྱོ༔ ཅེས་ཐལ་མོ་བརྡབ༔ གཏོར་མ་དགྲ་ཕྱོགས་སུ འཕངས༔ བྲང་བརྡུང་འོ་དོད་འབོད༔ ཐུན་རྫས་འུར་རྡོས་འཕང་༔ འདི་ནི་གནམ་ལྕགས་ཐོག་དང་མཚུངས༔ གང་ལ་བྱས་ཀྱང་རྗེས་མེད་བརླག༔ ཞེ་སྡང་དྲག་པོས་བསྐུལ་བར་བྱ༔ བརྒྱུད་འཛིན་བུ་ཡི་མཚོན་ཆར་བཞག༔ བཀའ་སྲུང་གཟའ་བདུད་ནག་པོས་སྲུངས༔ གསང་བ་སྐུ་གསུང་ཐུགས་ཀྱི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་སྤྲང་སྨྱོན་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་རྒ་ཡི་བནྡེ་ཀུན་དགའོ། །དགེའོ །དགེའོ །དགེའོ།། །། 353 T11602 - 358 ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ གཤིན་རྗེ་ཡ་མ་རཱ་ཛའི་འབོད་པ་ལྕགས་ཀྱུ་སྙིང་འདྲེན་བཞུགས་སོ༔ སྲ འབོད་གཅིག་TI1602 - 359 བདུད་འཇོམས་ལས་གཤིན་ཝྃ།༔ ན་མོ་གུ་རུ་པདྨ་ཀ་ར་ཡེ༔ ཐ།ཐ།བྷཱ།ཛཿཧཱུྃ༔ འདི་ཡི་ལག་ལེན་རིམ་པ་ལ༔ ལས་ཀྱི་བཙོན་ཁང་གྲུ་གསུམ་དུ༔ ལིང་ག་མིང་རུས་དབང་ཚང་བཞག༔ དགྲ་བོའི་ཟག་རྫས་གོས་དུམ་གཞུག༔ མཐའ་མར་རྩང་གི་ར་བས་བསྐོར༔ རོ་གཡམ་མམ་ནི་གྲི་རྡོ་ཡིས༔ ཁ་བཅད་སྟེང་དུ་རྐང་ཁྲིའི་ཁར༔ རྟེན་གཏོར་བླ་རྡོ་བཅས་པ་བཞག༔ ཤ་ཁྲག་སྐྱེམས་མཆོད་འབྱོར་ཚོགས་བཤམས༔ བདག་མདུན་ལྷར་བསྐྱེད་གདིང་ལྡན་ངང་༔ ཧཱུྃ་ཛཿ སེར་ནག་གྲུ་གསུམ་འབར་བའི་དཀྱིལ་འཁོར་ནས༔ འཇམ་དཔལ་ཡ་མཱནྟ་ཀ་སྐུར་བཞེངས་ཤིག༔ རྔ་ཡབ་པདྨ་འོད་ཀྱི་གཞལ་ཡས་ནས༔ རྗེ་བཙུན་རྡོ་རྗེ་ཐོད་ཕྲེང་སྐུར་བཞེངས་ཤིག༔ ལྷ་སྲུང་གཉན་པོ་T11602 - 360 ༡ འབོད་ར ཝྃ༔ བསྒྲུབ་ལ་དགོངས་སུ་གསོལ༔ བཀའ་དང་དམ་ཚིག་གཉན་པོའི་དཔང་དུ་དགོངས༔ དབྱིངས་ལས་སྐུར་བཞེངས་ཐུགས་རྗེའི་སྤྱན་གྱིས་གཟིགས༔ བསམ་པའི་དོན་ཀུན་འབད་མེད་འགྲུབ་པ་དང་༔ ཡ་མ་རཱ་ཙ་བྲན་དུ་འགུགས་པར་མཛོད༔ ཛ་ཛཿ ལྷོ་ཕྱོགས་དཔག་ཚད་འདས་པ་རུ༔ རི་རབ་ཆེན་པོའི་ས་ཡི་འོག༔ གྲུ་གསུམ་འདུས་པ་གཤིན་རྗེའི་ཡུལ༔ ལྕགས་མཁར་རིམ་དགུའི་ནང་ཤེད་ནས༔ གཤིན་རྗེ་ཡ་མ་རཱ་ཛ་ནི༔ མཐིང་ནག་མི་སྲུན་རྔམས་པའི་སྐུ༔ གཡས་པས་གཅོད་བྱེད་སྟྭ་ཆེན་ཐོགས༔ སྐྱེ་འགྲོའི་སྲོག་ལ་མངའ་T11602 - 361 དབང་མཛད༔ གཡོན་པས་བརྡུང་བྱེད་ཐོད་དབྱུག་བསྣམས༔ སྲིད་གསུམ་མ་ལུས་རྡུལ་དུ་བརླག༔ སྔོན་ཚེ་བསྐལ་པའི་དང་པོ་ལ༔ འཇམ་དཔལ་ཡ་མཱནྟ་ཀ་ཡིས༔ དམ་བཏགས་དབང་བསྐུར་བཀའ་བསྒོས་པའི༔ དམ་ཚིག་གཉན་པོ་དེ་ཡིས་འབོད༔ དགྲ་ཁུག་ལས་ཀྱི་ལིང་གར་ཕོབ༔ བསྟན་སྲུང་གཉན་པོ་རྟེན་ལ་བཞུགས༔ ཛཿ དེ་འོག་བར་གྱི་བསྐལ་པ་རུ༔ སློབ་དཔོན་ཆེན་པོ་པདྨ་ཡིས༔ སྣང་སྲིད་ལྷ་འདྲེ་བྲན་བཀོལ་ཚེ༔ དམ་བཏགས་དབང་བསྐུར་བཀའ་བསྒོས་པའི༔ དམ་ཚིག་གཉན་པོ་དེ་ཡིས་འབོད༔ དགྲ་ཁུག་ལས་ཀྱི་ལིང་གར་ཕོབ༔ བསྟན་སྲུང་ཆེན་པོ་གཤེགས་སུ་གསོལ༔ བསྒྲུབ་རྟེན་དཀྱིལ་འཁོར་འདི་རུ་བཞུགས༔ ཛ་ཛཿ དེ་འོག་དུས་ཚིགས་ཕྱི་མ་ལ༔ རིག་འཛིན་པདྨ་ཐོད་ཕྲེང་གི༔ ཕྲིན་ལས་མངའ་བདག་ཆེན་པོ་ནི༔ སྨོན་ལམ་ལས་སད་སྐྱེས་མཆོག་གི༔ འཁོར་ལོར་དབང་བསྒྱུར་གདིང་ཐོབ་ཚེ༔ གཉིས་མེད་རོལ་པའི་དམ་བཅས་པ༔ དམ་ཚིག་གཉན་པོ་དེ་ཡིས་འབོད༔ དགྲ་ཁུག་ལས་ཀྱི་ལིང་གར་ཐོབ༔ བསྟན་སྲུང་བསྒྲུབ་པའི་རྟེན་ལ་བཞུགས༔ ཧཱུྃ་ཛཿ དད་པ་དང་ནི་དམ་ཚིག་གི༔ གཤིན་རྗེ་ཡ་མ་རཱ་ཙ་འབོད༔ བསྒྲུབ་པའི་གནས་འདིར་ད་ཚུར་བྱོན༔ རྣལ་འབྱོར་ ཝྃ།༔ བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ ཛ་བྷྱོ༔ དད་པ་དང་ནི་དམ་ཚིག་གི༔ འཆི་བདག་ལས་ཀྱི་གཤིན་རྗེ་དང་༔ ཡུམ་མཆོག་སྲོག་བདུད་ནག་མོ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ་ཛཿ དད་པ་དང་ནི་དམ་ཚིག་གི༔ དྲི་ཟའི་སྲོག་བདག་ཆེན་པོ་དང་༔༷ སྲིད་པ་ལྷ་ཡི་གཙོ་བོ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ་ཛཿ དད་པ་དང་ནི་དམ་ཚིག་གི༔ གཤིན་རྗེའི་སྲོག་བདག་ཆེན་པོ་དང་༔ གཟའ་བདུད་དུག་གི་སྤུ་གྲི་འབོད༔ རྣལ་འབྱོར་བདག་གི གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ་ཛཿ དད་པ་ དང་ནི་དམ་ཚིག་གི༔ ཀླུ་ཡི་སྲོག་བདག་ཆེན་པོ་དང་༔ མ་མོ་སྲིད་པའི་རྒྱལ་མོ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ་ཛཿ དད་པ་དང་ནི་དམ་ཚིག་གི༔ གནོད་སྦྱིན་སྲོག་བདག་ཆེན་པོ་དང་༔ བདུད་པོ་བསྐོས་རྗེ་བྲང་དཀར་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ་ཛཿ དད་པ་དང་ནི་དམ་ཚིག་གི༔ མེ་ལྷའི་སྲོག་བདག་ཆེན་པོ་དང་༔ སྲིན་པོ་ལང་ཀ་མགྲིན་བཅུ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ་ཛཿ དད་པ་དང་ནི་དམ་ཚིག་གི༔ སྲིན་པོའི་སྲོག་བདག་ཆེན་པོ་དང་༔ བཙན་རྒོད་ཡམ་ཤུད་དམར་པོ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད ཝྃ།༔ དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ་ཛཿ དད་པ་དང་ནི་དམ་ཚིག་གི༔ རླུང་ལྷའི་སྲོག་བདག་ཆེན་པོ་དང་༔ གནོད་སྦྱིན་ཀཱ་ལ་ཡཀྴ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ་ཛཿ དད་པ་དང་ནི་དམ་ཚིག་གི༔ དབང་ལྡན་སྲོག་བདག་ཆེན་པོ་དང་༔ ཀླུ་བདུད་འཆི་བདག་མགོ་དགུ་འབོད༔ རྣལ་འབྱོར་བདག་གི་གྲོགས་སུ བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ་ཛཿ ལྷ་ཡི་སྲོག་བདག ཆེན་པོ་དང་༔ ལྷ་ཆེན་ཁྱབ་འཇུག་ཆེན་པོ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ༔ ས་བདག་སྲོག་བདུད་ཆེན་པོ་དང་༔ སྟོང་གསུམ་ཡུལ་ལྷ་གཞི་བདག་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཀུན་ཀྱང་ལས་ཀྱི་གཤིན་རྗེའི་འཁོར༔ ཐམས་ཅད་ཡ་མ་རཱ་ཛའི་བྲན༔ མ་ལུས་ཁྱོད་ཀྱི་ཕྱག་རྒྱས་གདབ༔ སྤྲུལ་པའི་ཆོ་འཕྲུལ་མ་ངེས་ཤར༔ ཁམས་གསུམ་སྲིད་པའི་སྐྱེ་འགྲོ་ཀུན༔ ཐར་པའི་སྲོག་བཅད་འཁོར་བར་བཅིང་༔ དེ་ཡང་མི་སྲུན་ཁྱོད་ཀྱིས་བྱས༔ འཁོར་བར་འཕྱན་པའི་སེམས་ཅན་གྱི༔ རྒྱུ་དྲུག་རྒྱུན་གྱི་སྲོག་བཅད་ནས༔ ཐར་པ་ཆེན་པོའི་ས་རུ་སྦྱོར༔ སྤྱི་བོར་རལ་པའི་ཐོད་དུ་བཅིང་༔ དེ་ཡང་མི་སྲུན་ཁྱོད་ཀྱིས་བྱས༔ ཁམས་གསུམ་ཁྱོད་ཀྱི་སྣང་བ་སྟེ༔ བཀའ་ཡི་ལྷ་སྲིན་སྡེ་བརྒྱད་ཀྱང་༔ ཁྱོད་ཀྱི་རྣམ་ཤེས་ཚོགས་བརྒྱད་དེ༔ སྣང་ཞིང་སྲིད་པའི་ལྷ་འདྲེ་ཡང་༔ མི་སྲུན་ཁྱོད་ཀྱི་སེམས་ལས་བྱུང་༔ ཐམས་ཅད་ཁྱོད་ལས་མི་གཞན་ཏེ༔ ཧཱུྃ༔ ང་ནི་རིག་པའི་རྒྱལ་པོ་ཆེ༔ ཁྱོད་ནི་རྩལ་དུ་སྒྲུབ་པ་སྟེ༔ སྲོག་ནི་གཅིག་ཏུ་བསྲེས་ཏེ་བསྟེན༔ སྣང་སྲིད་ཁྱོད་ལས་མེད་ངེས་པའི༔ ཆོ་འཕྲུལ་བདག་པོ་ཁྱོད་བསྒྲུབ་བོ༔ དམ་ཚིག་དཔང་དུ་བཞག་ནས་འབོད༔ ལྷང་ལྷང་རྡོ་རྗེའི་ཚིག་གིས་འབོད༔ འུར་འུར་རོལ་མོའི་སྒྲ་ཡིས་འབོད༔ དིར་དིར་སྙིང་པོ ཝྃ།༔ སྔགས་ཀྱིས་འབོད༔ སྐད་ཅིག་ཉིད་ཀྱིས་འདིར་བྱོན་ལ༔ དགྲ་བོའི་བླ་ཁུག་ལིང་གར་ཕོབ༔ བསྒྲུབ་པའི་རྟེན་ལ་བཞུགས་ནས་ཀྱང་༔ བདག་གི་བསམ་པའི་དོན་ཀུན་བསྒྲུབ༔ ཧཱུྃ་ཛ་ཡ་མ་རཱ་ཙ་ཨ་ར་མ་དུ་རུ་ཙ་ཤ་ན་ཛ་ཛ་ཕེཾ་ཕེཾ༔ དགྲ་བོ་ཆེ་གེ་མོའི་བླ་ཁུག་ཛཿ ཛཿ ཞེས་མི་ཚིག་གིས་བར་མི་བཅད་གདན་གྱི་དྲོད་མི་ཡལ་བར་བྱེ་བ་བཟླས་པས་ངེས་པར་འགྲུབ༔ རྟགས་ནི་ཐོག་འཚེག་འུར་ཆེམ་དང་༔ འོད་འཁྱུགས་ས་གཡོས་སྒྲ་སྐད་སྒྲོག༔ རྨི་ལམ་ལ་ཡང་གཟུགས་མཐོང་འགྱུར༔ དགྲ་བོའི་བླ་རྟགས་སེམས་ཅན་ནི༔ མ་ངེས་མངོན་སུམ་མདུན་ལྷགས་དང་༔ རྨི་ལམ་ལ་ཡང་སེམས་ཅན་གང་༔ དེད་ནས་སྒྲོག་བཅིང་བཙོན་རར་བཞུགས༔ གསོད་སོགས་རྨིས་ན་ཁུག་པའོ༔ འདི་ནི་སྲོག་ལས་འཕངས་པ་ཡིན༔ མན་ངག་ཡང་གཅེས་དམ་པའོ༔ བཀའ་སྲུང་གཟའ་བདུད་ནག་པོས་སྲུངས༔ དམ་ཉམས་ལག་ཏུ་མ་ཤོར་རེམ༔ སྐུ་ཡི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེ་གྲོ་ལོད་རྩལ་གྱིས་གཏེར་ནས་བཏོན་ཏེ་མཐར་ཀུན་དགས་ནན་དུ་བསྐུལ་ངོར་དག་པར་ཕབ་པའི་ཡི་གེ་པ་ནི་དེ་ཉིད་དོ། །དགེའོ །དགེའོ །དགེའོ།། ། 123 T11602 - 368 ཛོཾ༔ ཟབ་གསང་མཁའ་འགྲོའི་སྙིང་ཐིག་ལས༔ གཤིན་རྗེ་ཡ་མ་རཱ་ཙའི་སྒྲུབ་སྐོར་ལས༔ རྦད་པ་གནམ་ལྕགས་ཐོག་མདའ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ བྷསབྷ་ཐརྴ།༔ ལག་ཏུ་ལེན་པའི་རིམ་པ་ནི༔ དྲག་པོ་ལྕགས་ཀྱི་གཏོར་གཞོང་དུ༔ དམར་གྱི་གཏོར་མ་བརྗིད་ལྡན་བཤམས༔ འབོད་རྟགས་རྫོགས་མཐར་རྦད་པའི་ལས༔ འདི་ལ་བརྩོན་པ་གནད་དུ་མཆོག༔ བདག་མདུན་ལྷར་གསལ་གཙོ་རུ་ཆེ༔ ཧཱུྃ༔ དུས་གསུམ་གཤེགས་དང་བཞུགས་པ་ཡི༔ རྒྱལ་དང་རྒྱལ་བའི་སྲས་པོ་རྣམས༔ ཆོས་ཀྱི་དབྱིངས་ནས་སྐུར་བཞེངས་ལ༔ རྣལ་འབྱོར་བདག་ལ་སྤྱན་གྱིས་གཟིགས༔ སྲུང་མ་གཉན་པོ་བསྒྲུབ་པ་ཡི༔ དམ་ཚིག་ཆེན་པོའི་དཔང་མཛོད་ཅིག༔ བཛྲ་ས་མ་ཡ་ཛ་ཛཿ ཧཱུྃ་ཛཿ ང་ནི་འཇམ་དཔལ་གཤིན་རྗེའི་གཤེད༔ ང་ནི་རིག་འཛིན་ཐོད་ཕྲེང་རྩལ༔ ཛཿ གསོན་ཅིག་སྲོག་བདག་ནག་པོ་ཆེ༔ དགོངས་ཤིག་ཡ་མ་རཱ་ཙ་ཁྱོད༔ རྦད་པའི་ལས་ལ་དགོངས་སུ་གསོལ༔ དམ་ཚིག་གཉན་པོ་དཔང་དུ་བཙུག༔ བསྐུལ་ལོ་བསྟན་སྲུང་ཐུགས་མ་གཡེལ༔ འབོད་དོ་གཤིན་རྗེ་བང་མ་བུལ༔ རྦད་དོ་ལས་མཁན་མཐུ་མ་ཆུང་༔ རྒྱུག་ཅིག་ཤན་པ་རྩལ་མ་ཞན༔ གཤིན་རྗེ་ནག་པོ་དགྲ་ལ་རྦད༔ ཡ་མ་རཱ་ཛ་དགྲ་ལ་རྦད༔ སྲིད་གསུམ་སྲོག་བདག་དགྲ་ལ་རྦད༔ སྐྱེ་འགྲོའི་སྲོག་བདག་དགྲ་ ལ་རྦད༔ མ་བདུད་ནག་མོ་དགྲ་ལ་རྦད༔ ཕྱོགས་བཅུའི་དྲེགས་ཆེན་དགྲ་ལ་རྦད༔ ལྷ་ཆེན་འཁོར་བཅས་དགྲ་ལ་རྦད༔ གཟའ་བདུད་འཁོར་བཅས་དགྲ་ལ་རྦད༔ མ་མོ་འཁོར་བཅས་དགྲ་ལ་རྦད༔ བདུད་པོ་འཁོར་བཅས་དགྲ་ལ་རྦད༔ སྲིན་པོ་འཁོར་བཅས་དགྲ་ལ་རྦད༔ བཙན་རྒོད་འཁོར་བཅས་དགྲ་ལ་རྦད༔ གནོད་སྦྱིན་འཁོར་བཅས་དགྲ་ལ་རྦད༔ ཀླུ་བདུད་འཁོར་བཅས་དགྲ་ལ་རྦད༔༷ སྟོང་གསུམ་གཞི་བདག་དགྲ་ལ་རྦད༔ སྣང་སྲིད་ལྷ་འདྲེ་དགྲ་ལ་རྦད༔ བྷྱོ༔ སྲིད་གསུམ་གཤེད་དུ་འབབ་པའི་ཚེ༔ ནག་པོ་གླང་གི་མགོ་བོ་ཅན༔ མི་སྲུན་ཤན་པ་བྱེ་བས་བསྐོར༔ བུད་མེད་ཁྲག་གི་རལ་ཅན་འབུམ༔ ལས་མཁན་སྤུ་གྲི་ཐོགས་པ་འབུམ༔ རྒྱལ་པོ་བཙུན་ཆས་འཛིན་པ་འབུམ༔ བདུད་མོ་ནད་རྐྱལ་ཐོགས་པ་འབུམ༔ ཀླུ་གཉན་རིམས་ནད་འགྱེད་པ་འབུམ༔ ཀི་ཀང་ཁྲ་ཚ་ཟིན་ཕུང་འགྱེད༔ སྣང་སྲིད་ལྷ་འདྲེ་དམག་དཔུང་སྡུད༔ བྷྱོ༔ རྦད་དོ་དམ་ཅན་ནག་པོ་ཁྱོད༔ ད་ལྟ་སྡང་བའི་དགྲ་ལ་རྦད༔ དགྲ་བོ་ནང་འཁྲུག་བྱེད་དུ་ཆུག༔ མགོ་སྙིང་ནང་རོལ་ཁྱེར་ལ་ཤོག༔ དགྲ་ཡུལ་ཐན་གྱིས་གང་བར་གྱིས༔ ནད་དང་རིམས་ཀྱི་དལ་ཁ་ཐོབ༔ དགྲ་བོའི་སྲོག་ལ་རྔམ་མ་ཆུང་༔ དགྲ་བོའི་ནོར་ལ་ལག་མ་ཆུང་༔ དགྲ་བོའི་ཟས་ལ་ཁ་མ་ཆུང་༔ ཝྃ།༔ དགྲ་བོའི་ཕོ་རྒྱུད་རྩད་ནས་ཆོད༔ དགྲ་བོའི་མོ་རྒྱུད་མངལ་ནས་སྐོམ༔ དགྲ་བོ་རྗེས་ཤུལ་མེད་པར་གྱིས༔ ཚིམ་པ་མེད་པར་རྔམས་ཟོས་གྱིས༔ ནུས་མཐུ་ཕྱིར་ལ་མ་ལྡོག་ཅིག༔ སྡུག་ཡུས་ཕྱི་མིག་མ་ལྟ་ཞིག༔ བྷྱོ༔ རྦད་དོ་ཡ་མ་རཱ་ཙ་ཁྱོད༔ སངས་རྒྱས་བསྟན་པ་བསྲུང་བའི་ཚེ༔ ཁྲོ་གཏུམ་རྔམ་པའི་ཆ་ལུགས་ཅན༔ ལག་ན་དགྲ་སྟ་ཐོད་དབྱུག བསྣམས༔ འཁོར་དུ་སྣང་སྲིད་དྲེགས་པས་བསྐོར༔ རྦད་དོ་ད་ལྟ་དགྲ་ལ་རྦད༔ དགྲ་བོའི་མི་ནོར་བྲན་དང་བཅས༔ ཐལ་བའི་རྡུལ་བཞིན་བརླག་ནས་ཀྱང་༔ རྗེས་ཤུལ་ལྷག་མ་མེད་པར་མཛོད༔ བྷྱོ༔ རྦད་དོ་དམ་ཅན་ཆོས་ཀྱི་རྒྱལ༔ ལེགས་ཉེས་གཉིས་ཀྱི་ཤན་འབྱེད་ཚེ༔ ཁྲོ་བོ་ཆེན་པོ་བེར་ནག་ཅན༔ ལག་ན་ཁྲམ་ཤིང་མེ་ལོང་བསྣམས༔ འཁོར་དུ་ལས་མཁན་བྱེ་བས་བསྐོར༔ རྒྱུག་ཅིག་རྦད་དོ་དགྲ་ལ་བྷྱོ༔ དགྲ་བོ་འཁོར་བཅས་ཁྲམ་ལ་ཐོབ༔ བྷྱོ༔ དྲེགས་པའི་གཙོ་བོ་མཛད་པའི་ཚེ༔ མྱུར་མགྱོགས་རླུང་གི་རྟ་ལ་ཆིབས༔ མུན་པ་ནག་པོའི་གོ་ཁྲབ་གསོལ༔ ནད་རིམས་མུན་པའི་མཚོན་ཆ་ཐོགས༔ དཔལ་མགོན་དྲེགས་པ་སྡེ་བརྒྱད་འཁོར༔ སྣང་སྲིད་ཁྱབ་པའི་སྐུར་སྟོན་མཛད༔ རྦད་དོ་