Tibetan
སྡང་བའི་དགྲ་ལ་རྦད༔ མ་གཡེལ་མ་འགྱངས་མཐུ་མ་ཆུང་༔ མཆོག་གསུམ་དཔང་དུ་བཙུགས་ནས་རྦད༔ དད་དང་དམ་ཚིག་གཉན་པོས་རྦད༔ མ་གཡེལ་བཛྲ་ས་མ་ཡ༔ དུང་དུང་རེ་བའི་སེམས་ཀྱིས་རྦད༔ འུར་འུར་རོལ་མོ་སྒྲ་ཡིས་རྦད༔ དིར་དིར་སྙིང་པོ་སྔགས་ཀྱིས་རྦད༔ ལྷང་ལྷང་མངོན་སུམ་རྟགས་མཚན་ཕྱུང་༔ མ་འདའ་བཛྲ་ས་མ་ཡ༔ དེ་ནས་བཟླ་བའི་རྦད་སྔགས་ནི༔ ཨོཾ་ཡ་མ་རཱ་ཛ་ཨ་ར་མ་དུ་རུ་ཙ་ཤ་ན་ས་མ་ཡ༔ ཆོ་ཆོ་དགྲ་ལ་རྦད༔ རྒྱུག་རྒྱུག་བྷྱོ་ཕཊ༔ ཅེས་དང་པོ་བྱེ་བ་གཅིག་བརྗོད་ཚེ༔ མི་ནག་ཉེ་བ་རྩ་ལག་གིས༔ ཕ་རོལ་གསོད་གཅོད་ཤ་ཁྲག་རོལ༔ མགོ་དང་དོན་སྙིང་རང་ལ་སྟེར༔ གཞན་ཡང་ཤིང་བཅོམ་བྲག་རི་བཤིགས༔ དམག་སྡུད་དགྲ་ཡུལ་འགེངས་པ་དང་༔ ཐོག་འཚུབ་སྒྲ་འུར་སྐྱེ་ཞུ་འབྱུང་༔ དེ་དག་དགྲ་བོ་ཐུབ་རྟགས་ལགས༔ རང་ལ་རྒོལ་དང་སྡང་བ་ན༔ དམ་བསྒྲགས་བསྐང་གསོལ་འབད་པ་གཅེས༔ འདི་ཡིས་མི་ཐུབ་གང་ཡང་མེད༔ གནམ་ལྕགས་རྡོ་རྗེ་ཡིན་ཡང་འཇིགས༔ དམ་ཚིག་བསྲུང་བ་གནད་དུ་ཆེ༔ བཀའ་སྲུང་གཟའ་བདུད་ནག་པོས་སྲུངས༔ དམ་ཉམས་ལག་ཏུ་མ་བཏང་ཞིག༔ བཀའ་དང་དམ་ཚིག་གཉན་པོའི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ གསང་རྒྱ༔ ཟབ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་རྒ་ཡི་བནྡེ་ཀུན་དགའི་མིང་ཅན་ནོ། །དགེའོ། །དགེའོ །དགེའོ།། །། ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ གཤིན་རྗེ་ཡ་མ་རཱ་ཛའི་བསྒྲུབ་སྐོར་ལས༔ བསད་པ་ཁྲག་གི་རྒྱ་མཚོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གཐཿ དེ་ནས་ལས་ཀྱི་ལིང་ག་ལ༔ སྣ་ཚོགས་མཚོན་གྱི་ཆར་ཕབ་སྟེ༔ བདག་མདུན་བསྐྱེད་པའི་གདིང་ལྡན་ངང་༔ ཧཱུྃ་ཛཿ དཀོན་མཆོག་རྩ་གསུམ་སྐུ་གསུམ་ལྷ༔ ཡ་མཱནྟ་ཀ་གཤིན་རྗེའི་གཤེད༔ མ་ལུས་དབྱིངས་ནས་སྐུར་བཞེངས་ལ༔ དྲག་པོའི་ཕྲིན་ལས་དུས་ལ་བབ༔ རྣལ་འབྱོར་བདག་གི་དཔང་མཛོད་ཅིག༔ ཧཱུྃ་ཛཿ འཆི་བདག་ལས་ཀྱི་གཤིན་རྗེ་ཁྱོད༔ དམ་ཚིག་གཉན་གྱི་དུས་ལ་བབ༔ མ་གཡེལ་མ་འགྱངས་མཐུ་རྩལ་ཕྱུང་༔ དམ་ཉམས་དགྲ་བོའི་སྲོག་རྩ་ཆོད༔ སྲོག་གཅོད་ལས་ཀྱི་ཤན་པ་ཁྱོད༔ སྨོན་ལམ་སྟོབས་ཀྱིས་བསྟན་པ་སྲུངས༔ སྣང་སྲིད་དྲེགས་པ་བྲན་དུ་ཁོལ༔ ལྷ་སྲིན་སྡེ་བརྒྱད་ལས་ལ་འགྱེད༔ སྣང་སྲིད་ལྷ་འདྲེ་དབང་དུ་བསྒྱུར༔ སྟོང་གསུམ་འཇིག་རྟེན་ཐམས་ཅད་ནས༔ ཁྱོད་ལས་མཐུ་རྩལ་ཆེ་བ་མེད༔ ཁྱོད་ལས་དྲེགས་པ་གང་ཡང་མེད༔ དེ་ཕྱིར་སྲུང་མ་ཁྱོད་བསྒྲུབ་བོ༔ ད་ནི་དྲག་པོ་མངོན་སྤྱོད་ཀྱི༔ ཕྲིན་ལས་ལས་ཀྱི་དུས་ལ་བབ༔ དགྲ་བོ་མི་ནོར་འཁོར་དང་བཅས༔ རྗེས་ཤུལ་མེད་པར་ཧུར་ཐུམ་སོད༔ སྐད་ཅིག་ཉིད་ དུ་ཕྲིན་ལས་མཛོད༔ ཧཱུྃ་བྷྱོ༔ མ་མོ་སྲོག་བདུད་ནག་མོ་ཁྱོད༔ དམ་ཚིག་ཐུགས་དམ་དུས་ལ་བབ༔ དགྲ་བོའི་མི་ནོར་འཁོར་དང་བཅས༔ སྐད་ཅིག་ཉིད་དུ་ཧུར་ཐུམ་སོད༔ ཧཱུྃ་བྷྱོ༔ སྲིད་པ་ལྷ་ཡི་གཙོ་བོ་ཁྱོད༔ དམ་ཚིག་ཐུགས་དམ་དུས་ལ་བབ༔ དགྲ་བོའི་མི་ནོར་འཁོར་དང་བཅས༔ སྐད་ཅིག་ཉིད་དུ་ཧུར་ཐུམ་སོད༔ ཧཱུྃ་བྷྱོ༔ གཟའ་བདུད་རྒྱལ་པོ་རཱ་ཧུ་ལ༔ དམ་ཚིག་ཐུགས་དམ་དུས་ལ་བབ༔ དགྲ་བོའི་མི་ནོར་འཁོར་དང་བཅས༔ སྐད་ཅིག་ཉིད་དུ་ཧུར་ཐུམ་སོད༔ ཧཱུྃ་བྷྱོ༔ མ་མོ་སྲིད་པའི་རྒྱལ་མོ་ཆེ༔ དམ་ཚིག་ཐུགས་དམ་དུས་ལ་བབ༔ དགྲ་བོའི་མི་ནོར་འཁོར་དང་བཅས༔ སྐད་ཅིག་ཉིད་དུ་ཧུར་ཐུམ་སོད༔ ཧཱུྃ་བྷྱོ༔ བདུད་པོ་བསྐོས་རྗེ་བྲང་དཀར་ཁྱོད༔ དམ་ཚིག་ཐུགས་དམ་དུས་ལ་བབ༔ དགྲ་བོའི་མི་ནོར་འཁོར་དང་བཅས༔ སྐད་ཅིག་ཉིད་དུ་ཧུར་ཐུམ་སོད༔ ཧཱུྃ་བྷྱོ༔ སྲིན་པོ་ལང་ཀ་མགྲིན་བཅུ་པོ༔ ཁྱོད་ཀྱི་དམ་ཚིག་དུས་ལ་བབ༔ དགྲ་བོའི་མི་ནོར་འཁོར་དང་བཅས༔ སྐད་ཅིག་ཉིད་དུ་ཧུར་ཐུམ་སོད༔ ཧཱུྃ་བྷྱོ༔ བཙན་རྒྱལ་ཡམ་ཤུད་སྲོག་ལེན་ཁྱོད༔ དམ་ཚིག་ཐུགས་དམ་དུས་ལ་བབ༔ དགྲ་བོའི་མི་ནོར་འཁོར་དང་བཅས༔ སྐད་ཅིག་ཉིད་དུ་ཧུར་ཐུམ་སོད༔ ཧཱུྃ་བྷྱོ༔ གནོད་ ཝྃ།༔ སྦྱིན་ཀཱ་ལ་ཡཀྴ་ཁྱོད༔ དམ་ཚིག་ཐུགས་དམ་དུས་ལ་བབ༔ དགྲ་བོའི་མི་ནོར་འཁོར་དང་བཅས༔ སྐད་ཅིག་ཉིད་དུ་ཧུར་ཐུམ་སོད༔ ཧཱུྃ་བྷྱོ༔ ཀླུ་བདུད་འཆི་བདག་མགོ་དགུ་ཁྱོད༔ དམ་ཚིག་ཐུགས་དམ་དུས་ལ་བབ༔ དགྲ་བོའི་མི་ནོར་འཁོར་དང་བཅས༔ སྐད་ཅིག་ཉིད་དུ་ཧུར་ཐུམ་སོད༔ ཧཱུྃ་བྷྱོ༔ སྟོང་གསུམ་གཞི་བདག་མ་ལུས་པ༔ དམ་ཚིག་ཐུགས་དམ་དུས་ལ་བབ༔ དགྲ་བོའི་མི་ནོར་འཁོར་དང་བཅས༔ སྐད་ཅིག་ཉིད་དུ་ཧུར་ཐུམ་སོད༔ ཧཱུྃ་བྷྱོ༔ སྣང་སྲིད་ལྷ་འདྲེ་མ་ལུས་པ༔ དམ་ཚིག་ཐུགས་དམ་དུས་ལ་བབ༔ དགྲ་བོའི་མི་ནོར་འཁོར་དང་བཅས༔ སྐད་ཅིག་ཉིད་དུ་ཧུར་ཐུམ་སོད༔ ཛཿ སྤྲུལ་པ་ཆེན་པོའི་དུས་ལ་བབ༔ མཐུ་རྩལ་ཆེན་པོའི་དུས་ལ་བབ༔ ལང་ཀ་ཆེན་པོའི་དུས་ལ་བབ༔ དགྲ་བོ་མི་ནོར་ལོངས་སྤྱོད་འཁོར༔ མ་ལུས་ལས་ཀྱི་ལིང་གར་ཕོབ༔ ནད་མཚོན་མུ་གེའི་ཆར་ཕོབ་ལ༔ རྗེས་ཤུལ་མེད་པར་བརླག་པར་མཛོད༔ དགྲ་བོ་ནང་འཁྲུགས་བྱེད་དུ་ཆུག༔ དགྲ་བོའི་ཕོ་རྣམས་གྲི་རུ་སོད༔ དགྲ་བོའི་མོ་རྣམས་འགགས་གྲིར་སོད༔ དགྲ་བོའི་རྒན་པ་བརྒྱལ་དུ་ཆུག༔ དགྲ་བོའི་བྱིས་པ་ཚང་ནས་སོད༔ དགྲ་བོའི་མི་ནོར་འཁོར་དང་བཅས༔ གློ་བུར་ཁྲག་སྐྱུག་ཧུར་ཐུམ་སོད༔ དགྲ་བོའི་མིག་འབྲས་ཐང་ལ་འཕང་༔ དགྲ་བོའི་ནང་རོལ་ཕྱི་རུ་ཕྱུང་༔ དགྲ་བོ་འགྲོ་བའི་རྐང་པ་ཆོད༔ དགྲ་བོའི་སྲོག་གི་མར་མེ་སོད༔ ཤ་ཁྲག་དྲོན་མོ་ཧབ་ཐོབ་རོལ༔ དོན་སྙིང་ཕྱུང་ལ་རྟགས་སུ་སྟོན༔ ལྷང་ལྷང་སྡུག་ཡུས་དྲག་པོས་འབོད༔ དུང་དུང་དམ་ཚིག་གཉན་པོས་བཅོམ༔ འུར་འུར་རོལ་མོ་སྒྲ་ཡིས་བཅོམ༔ དིར་དིར་དྲག པོ་སྔགས་ཀྱིས་རྦད༔ དམ་ལ་མ་འདའ་དམ་ཅན་རྣམས༔ མ་གཡེལ་མ་འགྱངས་ད་ལྟ་རུ༔ སྐད་ཅིག་ཉིད་དུ་དགྲ་བོ་སོད༔ ཟ་ཁ་སྡང་བའི་དགྲ་ལ་སྟོན༔ དགྲ་བོའི་མི་ནོར་འཁོར་དང་བཅས༔ བསྟན་སྲུང་ཁྱོད་ལ་གཉེར་དུ་གཏད༔ ལོ་དང་ཟླ་བར་མ་བཞག་པར༔ ཞག་དང་ཟ་མར་རྡུལ་དུ་རློག༔ ཨོཾ་ཡ་མ་རཱ་ཛ་ཨ་ར་མ་དུ་རུ་ཙ་ཤ་ན་ས་མ་ཡ་དགྲ་བོ་ཆེ་གེ་མོ་མཱ་ར་ཡ་ཁུག་ཛཿརྦད་སོད༔ བྱེ་བ་གཅིག་ནི་བཟླས་པའི་ཚེ༔ ལིང་ག་ལ་ཡང་སྐད་ངན་དང་༔ ཨེ་ཁང་ཁྲག་གིས་གང་བ་དང་༔ སྐྱེ་འགྲོའི་རྩལ་ལྡེབ་ཤི་བ་དང་༔ གློ་སྙིང་ནང་རོལ་ཕྱུང་བ་དང་༔ ཕ་རོལ་བསད་ནས་ཤ་ཁྲག་སྤྱོད༔ དངོས་ཉམས་རྨི་ལམ་གང་བྱུང་ཡང་༔ འགྲུབ་པའི་རྟགས་སུ་ཤེས་པར་བྱ༔ འདི་ཡིས་མི་ཐུབ་གཅིག་ཀྱང་མེད༔ གནམ་ལྕགས་རྡོ་རྗེ་ཡིན་ཀྱང་འཇིགས༔ མ་འོངས་དུས་ཀྱི་སྙིགས་མ་ལ༔ རྣལ་འབྱོར་དབུ་འཕང་དམའ་བ་དང་༔ ཆོས་བྱེད་ཟ་སྐལ་བྱེད་པ་དང་༔ ཝྃ། སྡིག་བྱེད་གཙུག་ཏུ་བཀུར་བའི་ཚེ༔ ངན་སྔགས་དུག་གི་རྒྱ་མཚོ་འདི༔ བརྒྱུད་འཛིན་དག་གི་སྐལ་བར་བསྔགས༔ ཉམས་སུ་ལོངས་དང་ངེས་པར་འགྲུབ༔ བཀའ་སྲུང་གཟའ་བདུད་རྒྱལ་པོས་སྲུངས༔ དམ་ས ཉམས་བྱུང་ན་དབང་པོ་བསྣུབ༔ དམ་ལྡན་བུ་དང་འཕྲད་པར་ཤོག༔ འཕྲད་ནས་བསྟན་དགྲ་འཇོམས་གྱུར་ཅིག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་རྡོ་རྗེ་གྲོ་ལོད་ཀྱིས་གཏེར་ནས་བཏོན་ཏེ་གཏན་ལ་ཕབ་པའི་ཡི་གེ་པ་ནི་རྒ་ཡི་བནྡེ་ཀུན་དགའི་མིང་འཛིན་ནོ། །དགེའོ། །དགེའོ། །དགེའོ།། །། བསད་373གསུམ་མོ། T11602 - 377 T11602 - 378 ཝྃ།༔ བླ་རྡོ་སྲོག་གི་འཁོར་ལོ་ནི༔ བཅང་ཐབས་ལག་ལེན་རིམ་པ་ལ༔ ཆུ་དར་རམ་ནི་མཐིང་ཤོག་ངོར༔ མུ་ཁྱུད་རིམ་པ་ལྔ་རུ་བསྐོར༔ ལྟེ་བར་པདྨ་མཐའ་བསྐོར་དུ༔ རྩ་བའི་སྔགས་འདི་འགོད་པར་བྱ༔ ཨོཾ་ཀཱ་ལ་ཀྲོ་ཏ་ཡ་མ་རཱ་ཙ་ཙིཏྟ་ཧཱུྃ་ཛཿ སྲོག་ཆགས་པར་གྱུར་ཅིག༔ མ་བྷྱོ༔ དེ་ཡི་ཕྱི་རིམ་མུ་ཁྱུད་ལ༔ འབོད་སྔགས་མཐར༔ སརྦ་རཏྣ་སིདྡྷི་ཕ་ལ་ཧཱུྃ་བླ་ཆགས་པར་གྱུར་ཅིག༔ དེ་ཡི་ཕྱི་རིམ་མུ་ཁྱུད་ལ༔ ཨོཾ་ཡ་མ་རཱ་ཙ་ཙིཏྟ་སྟྭཾ་ཛཿ ཨ་ར་མ་དུ་རུ་ཙ་ཤ་ན་ཙིཏྟ་བཛྲ་ས་མ་ཡ་སྟྭཾ༔ སྣང་སྲིད་པཱ་ཤཾ་ཀུ་རུ་ཡེ་སྭཱ་ཧཱ༔ སརྦ་རཏྣ་སིདྡྷི་ཕ་ལ་ཧཱུྃ༔ ཡ་མ་རཱ་ཙ་ས་པ་རི་ཝཱ་ར་བླ་གནས་པར་གྱུར་ཅིག༔ སྲོག་འདུ་བར་གྱུར་ཅིག༔ རྟེན་ལ་འཁོར་བར་གྱུར་ཅིག༔ དེ་ཡི་ཕྱི་རིམ་འཁོར་ལོ་རྩིབས་བརྒྱད་ལ༔ ཨཿ རཿ མཿ དུཿ རུཿ ཙཿ ཤཿ ན༔ ཞེས་བྲིས༔ རྩིབས་མཆན་བརྒྱད་དུ༔ ཨེཿ རཾཿ ཡཾཿསུཾཿ བཾཿ ཏྲིཿ ནྲྀཿ ཧཱུྃ༔ དེ་ཡི་ཕྱི་རིམ་མུ་ཁྱུད་ལ་ཡིག་མགོ་ནང་དུ་བསྟན་ཏེ་རྦད་སྔགས་ཀྱི་སྔགས་འགོད༔ དེ་ཡི་ཕྱི་རིམ་དུ་མེ་རླུང་ཆུ་ཡི་ར་བས་བསྐོར༔ མཐིང་དང་སེང་ལྡེང་ཁུ་བས་བྱུག༔ མེ་ཏོག་སྔོན་པོ་ལྟེ་བར་གཞུག༔ སྐུ་གཟུགས་དབུས་སུ་བཞག་ནས་བལྟེབས༔ རིན་ཆེན་རྣམ་བཞིའི་ཕྱེ་མས་བྱུག༔ དཀྱིལ་འཁོར་དབུས་སུ་བཞག་ནས་སུ༔ ལྷ་ཡི་དཀྱིལ་འཁོར་བསྐྱེད་བསྟིམ་བྱ༔ བདེན་པའི་སྟོབས་མཐར༔ གཤིན་རྗེ་ཡ་མ་རཱ་ཙ་ཡབ་ཡུམ་འཁོར་དང་བཅས་པའི་སྐུ གསུང་ཐུགས་ཡོན་ཏན་ཕྲིན་ལས་མ་ལུས་ཤིང་ལུས་པ་མེད་པར་བསྒྲུབ་རྟེན་ཙཀྲ་འདི་ལ་གཉིས་སུ་མེད་པར་ཐིམ་པར་གྱུར་ཅིག༔ འགྱུར་མེད་རབ་ཏུ་གནས་ཤིང་ཡོངས་སུ་རྫོགས་པར་གྱུར་ཅིག༔ ལན་གསུམ་རེ་བརྗོད༔ མཐར་ནི་བརྟན་བཞུགས་བྱས་པའི་རྗེས༔ འབྲལ་མེད་ལུས་ལ་བཅང་བར་བྱ༔ ལུས་དང་གྲིབ་མ་བཞིན་འགྲོགས་ཤིང་༔ ཕྲིན་ལས་ཐོགས་པ་མེད་པར་འགྲུབ༔ ཁྱད་པར་མངོན་སྤྱོད་ལས་འགྲུབ་འགྱུར༔ བཀའ་སྲུང་དྲང་སྲོང་ཆེན་པོས་སྲུངས༔ བཀའ་དང་ཐ་ཚིག་གཉན་པོའི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མཐར་དག་པར་ཕབ་པའི་ཡི་གེ་པ་ནི་རྒ་ཡི་བནྡེ་ཀུན་བཟང་དགའ་རབ་བོ། །དགེའོ །དགེའོ །དགེའོ།། ། T11602 - 380 ཡ་མ ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ བདེ་ཆེན་ཞིང་གི་སྒྲུབ་པ་ཟང་ཐལ་སྒོ་འབྱེད་ཅེས་བྱ་བ་བཞུགས་སོ༔ དབང་ཡ་TI1602 - 381 བདུད་འཇོམས་བདེ་ཆེན་ཞིང་སྒྲུབ་ཤོ༔ ན་མོ་གུ་རུ་པདྨ་ཀ་ར་ཡེ༔ ན།རྨརུ།རྨ་ཛ་༔ རང་སྣང་བདེ་ཆེན་ཞིང་ཁམས་སུ༔ གནས་འགྱུར་གྲོལ་བའི་ཐབས་ཟབ་མོ༔ འདི་ལ་རྟག་ཏུ་བརྩོན་པར་གྱིས༔ རང་སར་གྲོལ་བ་ཟབ་མོའི་ལམ༔ བརྒྱུད་འཛིན་རྣམ་ཀྱི་སྐལ་བར་བསྔགས༔ འདི་ཡི་ལག་ལེན་རིམ་པ་ནི༔ བདག་བསྐྱེད་རང་བྱུང་དཀྱིལ་འཁོར་ལ༔ ཕྱི་ཡི་དཀྱིལ་འཁོར་གཏོར་མ་མེད༔ འཕོ་དང་བྱ་བ་ཁ་སྦྱོར་ལམ༔ རབ་མཛེས་སྨན་གྱི་དྲི་བརྡལ་བའི༔ དཀྱིལ་འཁོར་ཡངས་པར་པད་འདབ་བརྒྱད༔ ལྟེ་བར་ཚོམ་བུ་གསུམ་བཀོད་མཐར༔ འདབ་མ་བརྒྱད་ལ་ཚོམ་བུ་བརྒྱད༔ བཀོད་ནས་མཆོད་པའི་ཡོ་བྱད་བཤམ༔ ཡང་ན་གཏོར་མའི་དཀྱིལ་འཁོར་བྱ༔ ཡང་ན་རྟེན་གསུམ་ལ་བརྟེན་རུང་༔ སྔོན་འགྲོའི་རིམ་པ་སྤྱི་ལྟར་བྱ༔ དངོས་TI1602 - 382 མ་ཝྃ།༔ གཞི་ལྷར་གསལ་རིམ་པ་ནི༔ ཧཱུྃ༔ སྐད་ཅིག་རང་སྣང་གནས་གྱུར་ནས༔ ལྷུན་གྲུབ་བདེ་ཆེན་དག་པའི་ཞིང་༔ འོད་དང་འཇའ་ཚོན་དྲྭ་བ་འཁྲིགས༔ རིན་ཆེན་ས་གཞི་ཁོད་སྙོམས་ལ༔ ཡན་ལག་བརྒྱད་ལྡན་ཆུ་མཚོ་དང་༔ སྨན་གྱི་སྤང་རིར་མེ་ཏོག་བཞད༔ ཅང་ཤེས་བྱ་རིགས་ཆོས་སྒྲ་འུར༔ དྲི་ཞིམ་སྣ་ཚོགས་ངད་པ་འཐུལ༔ འདོད་ཡོན་ལོངས་སྤྱོད་སྤྲིན་ལྟར་གཏིབས༔ དེ་དབུས་པདྨ་རཱ་ག་ལས༔ གྲུབ་པའི་གཞལ་ཡས་ཁང་ཆེན་པོ༔ དབྱིབས་ལེགས་ཚད་ལྡན་མཚན་ཉིད་རྫོགས༔ རྒྱན་དང་བཀོད་པ་ལྷུན་གྱིས་གྲུབ༔ དེ་དབུས་རྨ་བྱའི་ཁྲི་ཡི་T11602 - 383 ཁར༔ པདྨ་ཟླ་བའི་གདན་སྟེང་དུ༔ རང་ཉིད་སངས་རྒྱས་འོད་དཔག་མེད༔ དམར་གསལ་ཞི་འཛུམ་མཚན་དཔེས་སྤྲས༔ ཕྱག་གཉིས་མཉམ་བཞག་ལྷུང་བཟེད་བསྣམས༔ ཞབས་གཉིས་རྡོ་རྗེའི་སྐྱིལ་ཀྲུང་བཞུགས༔ ཆོས་གོས་རྣམ་པ་གསུམ་གྱིས་ཀླུབ༔ གཙུག་ཏོར་འོད་ཀྱིས་འཁོར་འདས་འགེངས༔ གཟི་བརྗིད་ཉི་མ་འབུམ་ལས་ལྷག༔ ཡེ་ཤེས་ཐིག་ལེ་འོད་དུ་འཁྲིགས༔ གཡས་སུ་འཕགས་མཆོག་སྤྱན་རས་གཟིགས༔ བཞེངས་སྟབས་ཕྱག་བཞིས་རིམ་པ་བཞིན༔ ཐལ་སྦྱར་ཤེལ་ཕྲེང་གཡོན་པདྨ༔ དཀར་གསལ་འོད་འབར་ཟླ་རྒྱས་མདོག༔ གཡོན་དུ་སེམས་དཔའ་མཐུ་ཆེན་ཐོབ༔ སྔོན་པོ་རྡོ་རྗེ་དྲིལ་བུ་བསྣམས༔ ཞི་འཛུམ་བཞེངས་སྟབས་འོད་ཟེར་འབར༔ དེ་མཐར་ཉེ་བའི་སྲས་ཆེན་བརྒྱད༔ ཀུན་ཀྱང་བཞེངས་པའི་སྟབས་ཀྱིས་བཞུགས༔ རང་རྟགས་ཕྱག་མཚན་སྣ་ཚོགས་བསྣམས༔ ས་བཅུའི་སེམས་དཔའ་ཆེན་པོ་རྣམས༔ དབུ་རྒྱན་སྟོད་གཡོགས་སྨད་དཀྲིས་དང་༔ སྐུ་རེག་ཕྱག་གདུབ་དཔུང་རྒྱན་དང་༔ དོ་ཤལ་རིན་ཆེན་ཕྲེང་བས་བརྒྱན༔ དེ་མཐར་སེམས་དཔའ་སེམས་མ་དང་༔ མཆོད་པའི་ལྷ་མོ་བཅུ་དྲུག་སོགས༔ ཡེ་ཤེས་རང་མདངས་སྒྱུ་འཕྲུལ་འཁོར༔ མ་འདྲེས་ཡོངས་རྫོགས་ཆེན་ ༄ ཝྃ༔ པོར་བསྒོམ༔ དེ་ལྟར་གསལ་བའི་སྟོན་འཁོར་ལྷའི༔ སྤྱི་བོར་ཨོཾ་དཀར་མགྲིན་པར་ཨཱཿ ཐུགས་ཀར་ཧཱུྃ་ལས་འོད་འཕྲོས་པས༔ ནུབ་ཕྱོགས་བདེ་ཆེན་པདྨ བཀོད༔ དག་པའི་ཞིང་ནས་ཡེ་ཤེས་པ༔ མ་ལུས་སྤྱན་དྲངས་གཉིས་མེད་བསྟིམ༔ དེ་ནས་སྤྱན་འདྲེན་པ་ནི༔ ཧྲཱིཿ ནུབ་ཕྱོགས་བདེ་ཆེན་པདྨ་བཀོད༔ ལྷུན་གྲུབ་དག་པའི་ཞིང་ཁམས ནས༔ བཅོམ་ལྡན་སངས་རྒྱས་འོད་དཔག་མེད༔ བྱང་སེམས་འཕགས་པའི་འཁོར་དང་བཅས༔ མ་ལུས་སྤྱན་འདྲེན་གཤེགས་སུ་གསོལ༔ གནས་མཆོག་འདི་རུ་བྱིན་ཕོབ་ལ༔ སྒྲུབ་མཆོག་བདག་དང་དབྱེར་མེད་པར༔ སྒོ་གསུམ་རྡོ་རྗེ་གསུམ་དུ་རོལ༔ ཨོཾ་ན་མོ་ཨ་མི་ཏ་བྷ་ཡ་སརྦ་ས་པ་རི་ཝཱ་ར་བཛྲ་ས་མ་ཛ་ཛཿ དེ་ནས་བཞུགས་སུ་གསོལ་བ་ནི༔ ཧྲཱིཿ གཞི་དབྱིངས་སྐྱེ་མེད་ཆོས་སྐུའི་མཁར༔ གཞི་སྣང་རང་བྱུང་བདེ་ཆེན་ཞིང་༔ རང་གྲོལ་རོལ་པ་འོད་དཔག་མེད༔ ཡེ་རྫོགས་ཆེན་པོར་བརྟན་བཞུགས་གསོལ༔ པདྨ་ཀ་མ་ལ་ཡེ་སྟྭཾ༔ དེ་ནས་ཕྱག་འཚལ་བ་ནི༔ ན་མོ༔ མ་བཅོས་ཁྱབ་བརྡལ་ཆོས་ཀྱི་སྐུ༔ མ་འགགས་རང་གདངས་ལོངས་སྤྱོད་རྫོགས༔ མ་བཙལ་རྫོགས་ལྡན་སྤྲུལ་པའི་སྐུ༔ གཉིས་མེད་མཉམ་པས་ཕྱག་འཚལ་ལོ༔ དུས་གསུམ་སངས་རྒྱས་འདུས་པའི་སྐུ༔ མཚན་ཐོས་ཙམ་གྱིས་སྲིད་ལས་སྒྲོལ༔ དྲན་པས་དགོངས་དོན་རྒྱུད་ལ་འཇུག༔ འོད་དཔག་མེད་ལ་ཕྱག་འཚལ་ལོ༔ གདོད་ནས་བདག་དང་ཡེ་ཤེས་ལྷ༔ གཉིས་མེད་རིག་པའི་དགའ་ཆེན་གྱིས༔ སྤྲུལ་པའི་རོལ་གར་རྣམ་འགྱུར་བའི༔ སྒྱུ་འཕྲུལ་རོལ་པས་ཕྱག་འཚལ་ལོ༔ ན་མོ་སརྦ་བུདྡྷ་ཡ༔ དེ་ནས་མཆོད་པ་འབུལ་བ་ནི༔ ཧྲཱིཿ མི་མཇེད་བྱེ་བ་ཕྲག་བརྒྱ་ན༔ ཡོན་ཆབ་ཞབས་བསིལ་མེ་ཏོག་སྤོས༔ སྣང་གསལ་དྲི་ཆབ་ཞལ་ཟས་དང་༔ རོལ་མོ་དབྱངས་སྙན་མཆོད་པའི་རྫས༔ བསྡུས་ཏེ་འོད་དཔག་མེད་ལ་འབུལ༔ བཞེས་ནས་སངས་རྒྱས་ས་རུ་དྲོངས༔ ཨོཾ་ན་མོ་ཨ་མི་ཏ་བྷ་ཡ་སརྦ་ས་པ་རི་ཝཱ་ར་བཛྲ་ཨརྒྷཾ་པཱདྱཾ་པུཥྤེ་སོགས་ནས་ཤབྡ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿ ཧཿ ཧྲཱིཿ མཇེད་འཇིག་རྟེན་བྱེ་བ་ཕྲག་བརྒྱ་ན༔ གཟུགས་མཛེས་སྒྲ་སྙན་དྲི་ཞིམ་རོ་མངར་དང་༔ རེག་བྱ་འཇམ་སོགས་འདོད་ཡོན་བྱེ་བྲག་ཀུན༔ བློ་ཡིས་བླངས་ཏེ་འོད་དཔག་མེད་ལ་འབུལ༔ བཞེས་ནས་བདག་གི་ཚོགས་རྫོགས་སྒྲིབ་སྦྱངས་ནས༔ རྣམ་མཁྱེན་རྫོགས་པའི་སངས་རྒྱས་ས་རུ་སྐྱོལ༔ ཨོཾ་ན་མོ་ཨ་མི་ཏ་བྷ་ཡ་སརྦ་ས་པ་རི་ཝཱ་ར་བཛྲ་རཱུ་པ་ཤཔྡ་གནྡྷེ་ར་ས་སྥཪྙེ་པྲ་ཏཱིཙྩ་པཱུ 29 T11602 - 386 ཝྃ།༔ ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿ ཧྲཱིཿ མི་མཇེད་འཇིག་རྟེན་བྱེ་བ་ཕྲག་བརྒྱ་རུ༔ བཀྲ་ཤིས་རྫས་རྟགས་རྒྱལ་སྲིད་རིན་ཆེན་བདུན༔ རྩི་བཅུད་འབྲས་བུ་སྨན་དང་རང་བྱུང་རྫས༔ ལྷ་མིའི་ལོངས་སྤྱོད་དཔལ་ཡོན་ཇི་སྙེད་ཚོགས༔ མ་ལུས་བསྡུས་ཏེ་བདེ་ཆེན་ཞིང་ཁམས་སུ༔ བཞུགས་པའི་སངས་རྒྱས་སྲས་དང་བཅས་ལ་འབུལ༔ བཞེས་ནས་བདག་ཅག་ཚོགས་རྫོགས་སྒྲིབ་སྦྱངས་ཏེ༔ རྣམ་མཁྱེན་རྫོགས་པའི་སངས་རྒྱས་ས་རུ་སྐྱོལ༔ ཨོཾ་ན་མོ་ཨ་མི་ཏ་བྷ་ཧྲཱིཿ སརྦ་ས་པ་རི་ཝཱ་ར་སརྦ་རཏྣ་མདྒ་ལ་པཱུཔཱུ་ཛ་མེ་གྷ་ས་མུ་དྲ་སྥ ར་ཎ་ས་མ་ཡེ་ཨཱཿ ཧཱུྃ༔ དེ་ནས་བསྟོད་པ་བྱ་བ་ནི༔ ཧྲཱིཿ རང་སྣང་མ་བཅོས་ལྷུན་གྲུབ་བདེ་ཆེན་ཞིང་༔ བཀོད་པ་རབ་རྫོགས་གཞལ་ཡས་དམ་པ་འདིར༔ དུས་གསུམ་སངས་རྒྱས་མ་ལུས་ཐམས་ཅད་ཀྱི༔ སྐུ་གསུང་ཐུགས་ཡོན་ཕྲིན་ལས་ཡོངས་རྫོགས་པའི༔ ཁྱབ་བདག་བཅོམ་ལྡན་རྒྱལ་བ་འོད་དཔག་མེད༔ གཉིས་མེད་སྤྲུལ་པའི་འཁོར་དུ་སྟོན་མཛད་ཅིང་༔ འགྲོ་ཀུན་རྗེས་སུ་འཛིན་ཕྱིར་གཟུགས་སྐུར་བཞེངས༔ སངས་རྒྱས་སྲས་དང་བཅས་ལ་ཕྱག་འཚལ་བསྟོད༔ གདོད་ནས་ཆོས་དབྱིངས་སྤྲོས་པ་བྲལ་བའི་ངང་༔ ཞལ་ཕྱག་མཚན་མ་བྲལ་བ་ཆོས་ཀྱི་ཕྲིན་2 སྐུ༔ ཐབས་མཁས་ཐུགས་རྗེས་སྲིད་པ་དབུགས་འབྱིན་ཕྱིར༔ ཞིང་དང་སྟོན་འཁོར་ཅིར་ཡང་སྣང་བ་འཆར༔ ཞིང་ཁམས་རྒྱ་མཚོའི་བཀོད་པ་ཀློང་ནས་བཞེངས༔ མགོན་པོ་འོད་དཔག མེད་ལ་ཕྱག་འཚལ་བསྟོད༔ ངོ་བོ་ཆོས་སྐུ་སྐྱེ་བ་མེད་པའི་ངང་༔ རང་བཞིན་ལྷུན་གྲུབ་མ་འགགས་ལོངས་སྤྱོད་རྫོགས༔ ཐུགས་རྗེས་གདུལ་བྱ་འདུལ་མཛད་སྤྲུལ་པའི་སྐུ༔ སྐུ་གསུམ་ལྷུན་གྲུབ་དཔལ་ལ་ཕྱག་འཚལ་བསྟོད༔ ས་མ་ཡ༔ དེ་ནས་ཛཔྲ་བཟླས་ནི༔ རང་ཉིད་སངས་རྒྱས་སྤྲུལ་པའི་སྐུའི༔ ཐུགས་ཀར་པདྨ་ཟླ་རྒྱས་སྟེང་༔ ཡེ་ཤེས་འོད་དང་འཇའ་ཐིག་ཀློང་༔ ཧྲཱིཿ ཡིག་དམར་པོ་འོད་འབར་ལ༔ སྔགས་ཀྱི་ཕྲེང་བས་བསྐོར་བ་ལས༔ འོད་ཟེར་དཔག་མེད་རབ་འཕྲོས་པས༔ སེམས་ཅན་ཀུན་གྱི་སྒྲིབ་པ་སྦྱངས༔ སྣོད་བཅུད་དཀྱིལ་འཁོར་གསུམ་ལྡན་གྱི༔ རོལ་པ་ཆེན་པོར་དག་མཉམ་རོལ༔ ཨོཾ་ཨ་མི་དྷེ་ཝ་ཧྲཱིཿ གསལ་བའི་ངང་ལས་མི་འདའ་བར༔ སྔགས་ནི་བཟླ་བ་གནད་དུ་བསྣུན༔ དམིགས་གསལ་གནད་མེད་བླུན་པ་ཡིས༔ བསྐལ་བར་བཟླས་ཀྱང་གྲོལ་མི་འགྱུར༔ དམིགས་གསལ་གནད་དང་ལྡན་པས་ན༔ བཟླས་བརྗོད་མེད་ཀྱང་ངེས་པར་གྲོལ༔ གཞན་ལ་དབང་བསྐུར་བྱེད་པ་དང་༔ གཤིན་པོ་འདྲེན་ཆོག་བྱེད་པ་ལ༔ མདུན་བསྐྱེད་གོང་ལྟར་རིམ་གྱིས་བསྒོམ༔ ཡང་ན་ཛཔ་ཁང་ཕྱིས་ཀྱང་ ཝྃ།༔ ལེགས༔ དབང་གི་བྱ་བ་བྱེད་འདོད་ན༔ དབང་རྫས་བུམ་པ་སྐུ་གཟུགས་དང་༔ སྔགས་དང་ཕྲེང་བ་གསུང་གི་རྟེན༔ ཐིག་ལེ་ཧྲཱིཿ ས་མཚན་དཀྱིལ་འཁོར་དང་༔ ཤེལ་རྡོ་རྣམས་ནི་ལེགས་པར་བཤམ༔ དང་པོ་སློབ་མ་གྲལ་འཁོད་དེ༔ ཁྲུས་བྱ་བགེགས་བསྐྲད་སྲུང་འཁོར་བསྒོམ༔ དང་པོ་སྐྱབས་སུ་འགྲོ་བ་ནི༔ ན་མོ༔ དུས་གསུམ་སངས་རྒྱས་འདུས་པའི་སྐུ༔ བླ་མ་རྒྱལ་བ་འོད་དཔག་མེད༔ བྱང་སེམས་འཕགས པའི་དགེ་འདུན་ལ༔ བྱང་ཆུབ་བར་དུ་སྐྱབས་སུ་མཆི༔ སེམས་བསྐྱེད་པ་ནི༔ ཁམས་གསུམ་འཁོར་བ་མ་སྟོང་བར༔ གང་ལ་གང་འདུལ་ཕྲིན་ལས་ཀྱིས༔ འགྲོ་བ་སེམས་ཅན་དོན་བསྒྲུབ་ཅིང་༔ སྲིད་ལས་བསྒྲལ་བར་དམ་བཅའོ༔ ལན་གསུམ་རེའི་མཐར༔ མཎྜལ་ཕུལ་ནས་གསོལ་བ་གདབ་པ་ནི༔ ཀྱེེ༔ བླ་མ་མགོན་པོ་འོད་དཔག་མེད༔ ཁྱོད་ལ་སྐྱབས་མཆི་སྡིག་པ་བཤགས༔ བདག་ནི་རྗེས་སུ་བཟུང་བའི་ཕྱིར༔ རྒྱལ་བ་འོད་དཔག་མེད་མགོན་གྱི༔ གསང་གསུམ་རྡོ་རྗེའི་དཀྱིལ་འཁོར་དུ༔ དབང་གིས་བདག་ནི་སྨིན་པར་མཛོད༔ ཅེས་ཞུས་བླ་མས༔ ཀྱེེ་ཧོ་སྐལ་ལྡན་རིགས་ཀྱི་བུ༔ ཐར་