Tibetan
ཀྱི༔ ཤ་ཡི་རིན་དང་ཁྲག་གི་ཚབས༔ བླ་སྲོག་དབུགས་དང་སྐྱེ་མཆེད་ཀྱི༔ གླུད་དུ་འདོད་རྒུའི་ལོངས་སྤྱོད་འབུལ༔ ནད་པ་ནད་ལས་ཐར་བ་དང་༔ འཆི་བདག་ལག་ནས་ཐར་བར་མཛོད༔ མཚན་བཞི་དང་༔ སཾ་བྷ་རས་ངར་མི་དང་འབྲས་ཆན ལན་བཅུ་རེ་ཕུལ་མཐར༔ ན་མོ༔ དཀོན་མཆོག་གསུམ་གྱི་བདེན་པ་དང་༔ ཆོས་སྐུ་ལོངས་སྐུ་སྤྲུལ་སྐུ་དང་༔ བླ་མ་ཡི་དམ་དཔའ་བོ་མཁའ་འགྲོ་ཆོས་སྐྱོང་སྲུང་མ་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་༔ དོན་དམ་ཆོས་ཉིད་ངོ་བོ་ཀ་ནས་དག་པའི་བདེན་པ་དང་༔ ཀུན་རྫོབ་རྟེན་འབྲེལ་རྒྱུ་འབྲས་བསླུ་བ་མེད་པའི་བདེན་པའི་མཐུས༔ སྦྱིན་པའི་བདག་པོ་ཆེ་གེ་མོའི་ལུས་ཀྱི་ན་ཚ་སེམས་ཀྱི་སྡུག་བསྔལ་དུས་མ་ཡིན་པའི་འཆི་བ་རླུང་དང་མཁྲིས་པ་བད་ཀན་འདུས་པའི་ནད་རིགས་ཐམས་ཅད་བྱང་ཞིང་དག་པར་གྱུར་ཅིག༔ ལོ་ཀེག་ཟླ ཀེག་ཞག་ཟ་མའི་ཀེག་དུས་ཚོད་ཚེས་གྲངས་ཀྱི་ཀེག་མོ་རྩིས་རྨི་ལམ་མཚན་མ་ངན་པ་ཐམས་ཅད་ཞི་བར་གྱུར་ཅིག༔ བྱང་ཞིང་དག་པར་གྱུར་ཅིག༔ ནད་རིམ་ཡམས་ནད་འགོ་བའི་ནད རིགས་ཐམས་ཅད་དང་སྲི་ངན་གཤིན་རྗེའི་ཁྲམ་དང་ཕོ་ཉ་མ་མོའི་བཀའ་ཆད་བྱད་དང་བྱུར་དང་གཏད་ཁྲམ་ངན་པ་ཐམས་ཅད་ཕྱིར་བཟློག་པར་གྱུར་ཅིག༔ མེད་པར་གྱུར་ཅིག༔ ཞི་བར་གྱུར་ཅིག༔ སླན་ཆད་ཀྱང་མི་འབྱུང་བར་གྱུར་ཅིག༔ ཅེས་དེ་ལྟར་ཡང་ཡང་བསྐྱར་ནས་བརྒྱ་རྩ་ཕུལ༔ དེ་ནས་ཡས་ལམ་བསྟན་ཅིང་རྫོང་འདེབས་པ་ལ༔ ཀྱེེ༔ འཆི་བདག་ལས་ཀྱི་གཤིན་རྗེ་སོགས༔ སྣང་སྲིད་ལྷ འདྲེ་ཆེ་རྒུ་རྣམས༔ ཆོས་ཤིག་ཆོས་ཤིག་ད་ཆོས་ཤིག༔ རྣལ་འབྱོར་བདག་ཅག་འཁོར་བཅས་ཀྱི༔ བཀའ་ལ་མི་ཉན་དམ་འོག་ཏུ༔ མི་འདུ་བ་ཡི་གདོན་བགེགས་རྣམས༔ དྲག་ཤུལ་སྟོབས་ཀྱིས་དབང་དུ་བསྡུས༔ རྒྱ་མཚོ་ཆེན་པོའི་ཕ་མཐའ་རུ༔ རང་དབང་མེད་པར་དེད་ལ་སོངས༔ འཆི་བདག་གཤིན་རྗེའི་ཡུལ་དུ་ཁྱེར༔ ཕྱིར་མི་ལྡོག་པའི་ཟིལ་གནོན་ཐོབ༔ སྦྱིན་བདག་ནད་ལས་ཐར་བར་མཛོད༔ ནད་དེ་ནད་བདག་རང་ལ་བསྡུས༔ ཟུག་རྔུ་དྲུང་ནས་འབྱིན་པར་མཛོད༔ གདོན་བགེགས་གནོད་བྱེད་མ་ལུས་པ༔ འཆི་བདག་གཤིན་རྗེ་ཁྱོད་ཀྱིས ཝྃ།༔ ཁྱེར༔ ད་ནི་ལྷ་འདྲེའི་ལམ་བསྟན་ན༔ དགུ་ཚིག་སྐྱ་མོ་ཡས་ཀྱི་ལམ༔ སྣང་སྲིད་ལྷ་འདྲེ་དེ་རུ་བཞུད༔ ཤར་ཕྱོགས་ལྷ་འདྲེ་ཤར་དུ་གཤེགས༔ དྲི་ཟའི་ཡུལ དུ་གནས་རྟེན་ཆོས༔ ཤར་གྱི་གནོད་བྱེད་དེ་རུ་ཁྱེར༔ ཆགས་ཞེན་ཕྱི་མིག་མ་ལྟ་ཞིག༔ ལྷོ་ཡི་ལྷ་འདྲེ་ལྷོ་རུ་གཤེགས༔ གཤིན་རྗེའི་ཡུལ་དུ་གནས་རྟེན་ཆོས༔ ལྷོ་ཡི་གནོད་བྱེད་དེ་རུ་ཁྱེར༔ ཆགས་ཞེན་ཕྱི་མིག་མ་ལྟ་ཞིག༔ ནུབ་ཕྱོགས་ལྷ་འདྲེ་ནུབ་ཏུ་གཤེགས༔ ཆུ་ལྷའི་ཡུལ་དུ་གནས་རྟེན་ཆོས༔ ནུབ་ཀྱི་གནོད་བྱེད་དེ་རུ་ཁྱེར༔ ཆགས་ཞེན་ཕྱི་མིག་མ་ལྟ་ཞིག༔ བྱང་ཕྱོགས་ལྷ་འདྲེ་བྱང་དུ་གཤེགས༔ གནོད་སྦྱིན་ཡུལ་དུ་གནས་རྟེན་ཆོས༔ བྱང་གི་གནོད་བྱེད་དེ་རུ་ཁྱེར༔ ཆགས་ཞེན་ཕྱི་མིག་མ་ལྟ་ཞིག༔ ཤར་ལྷོའི་ལྷ་འདྲེ་ཤར་ལྷོར་གཤེགས༔ མེ་ལྷའི་ཡུལ་དུ་གནས་རྟེན་ཆོས༔ ཤར་ལྷོའི་གནོད་བྱེད་དེ་རུ་ཁྱེར༔ ཆགས་ཞེན་ཕྱི་མིག་མ་ལྟ་ཞིག༔ ལྷོ་ནུབ་ལྷ་འདྲེ་མཚམས་སུ་གཤེགས༔ སྲིན་པོའི་ཡུལ་དུ་གནས་རྟེན་ཆོས༔ ལྷོ་ནུབ་གནོད་བྱེད་དེ་རུ་ཁྱེར༔ ཆགས་ཞེན་ཕྱི་མིག་མ་ལྟ་ཞིག༔ ནུབ་བྱང་ལྷ་འདྲེ་མཚམས་སུ་གཤེགས༔ རླུང་ལྷའི་ཡུལ་དུ་གནས་རྟེན་ཆོས༔ ནུབ་བྱང་གནོད་བྱེད་དེ་རུ་ཁྱེར༔ ཆགས་ཞེན་ཕྱི་མིག་མ་ལྟ་ཞིག༔ བྱང་ཤར་ལྷ་འདྲེ་མཚམས་དེར་གཤེགས༔ དབང་ལྡན་ཡུལ་དུ་གནས་རྟེན་ཆོས༔ བྱང་ཤར་གནོད་བྱེད་དེ་རུ་ཁྱེར༔ ཆགས་ཞེན་ཕྱི་མིག་མ་ལྟ་ཞིག༔ སྟེང་ཕྱོགས་ལྷ་འདྲེ་སྟེང་དུ་གཤེགས༔ ཚངས་པའི་ཡུལ་དུ་གནས་རྟེན་ཆོས༔ སྟེང་གི་གནོད་བྱེད་དེ་རུ་ཁྱེར༔ ཆགས་ཞེན་ཕྱི་མིག་མ་ལྟ་ཞིག༔ འོག་ཕྱོགས་ལྷ་འདྲེ་འོག་ཏུ་གཤེགས༔ དཔག་ཚད་བརྒྱད་ཁྲིའི་འོག་རོལ་དུ༔ རྟེན་ཆོས་འོག་ནས་བྱུང་བ་ཡི༔ གནོད་བྱེད་ཐམས་ཅད་དེ་རུ་ཁྱེར༔ ཆགས་ཞེན་ཕྱི་མིག་མ་ལྟ་ཞིག༔ ཀྱེེ༔ འཆི་བདག་གཤིན་རྗེའི་རྒྱལ་པོ་སོགས༔ སྣང་སྲིད་ལྷ་འདྲེ་ཁྱོད་རྣམས་ལ༔ ཡང་ཅིག་རྫོངས་སུ་འདེབས་པ་ནི༔ འགྲན་བྲལ་ངར་གྱི་མི་བོ་ཆེ༔ ཁོག་སྟོད་དེ་ནི་གསེར་ལས་བྱས༔ ཁོག་སྨད་དངུལ་ལས་བྱས་པ་སྟེ༔ ལོང་ཐང་ནག་པོའི་མིག་འབྲས་ལ༔ མགྲོན་བུ་དཀར་པོའི་སོ་ཕྲེང་བྱས༔ རྐང་ལག་རིན་ཆེན་ཟངས་ལས་གྲུབ༔ ཟེར་མོང་དག་ལས་གྲུབ་པའི་སྐྲ༔ ལག་གཡས་དཔག་བསམ་ལྗོན་ཤིང་དང་༔༷ གཡོན་པ་འདོད་འབྱུང་ནོར་བུ་ཐོགས༔ འགྲོ་མཁས་དེ་ནི་ལྡེམས་སེ་ལྡེམ༔ གཅིག་ལས་གྲངས་དཔག་མེད་པར་འཕྲོས༔ དེ་འདྲའི་ཡོན་ཏན་ཀུན་ལྡན་པའི༔ འགྲན་བྲལ་ངར་གྱི་ འཆི་ཝྃ༔ མི་ཆེན་འདི༔ སྦྱིན་བདག་ཕོ་མོའི་གླུད་དུ་བསྐྱལ༔ ཁྱེད་ལྷ་འདྲེའི་ཚོགས་ལ་རྫོངས་སུ་འདེབས༔ འདབ་ཆགས་སྡེར་ཆགས་རྨིག་ཆགས་དང་༔ གཟུགས་འགྲོས་རྣམ་པ་སྣ་ཚོགས་པ༔ དངོས་འབྱོར་ཡིད་ཀྱིས་རྣམ་སྤྲུལ་ནས༔ ཁྱེད་ལྷ་འདྲེའི་ཚོགས་ལ་རྫོངས་སུ་འདེབས༔ གསེར་དངུལ་ཟངས་ལྕགས་གཡུ་བྱུ་རུ༔ རིན་ཆེན་ནོར་གྱི་རིགས གྱུར་པ༔ དངོས་འབྱོར་ཡིད་ཀྱིས་རྣམ་སྤྲུལ་ནས༔ ཁྱེད་ལྷ་འདྲེའི་ཚོགས་ལ་རྫོངས་སུ་འདེབས༔ སྦྲ་ཁང་དར་གུར་ལ་སོགས་པའི༔ ཡིད་དང་མཐུན་པའི་ཁང་ཁྱིམ་རིགས༔ དངོས་འབྱོར་ཡིད་ཀྱིས་རྣམ་སྤྲུལ་ནས༔ ཁྱེད་ལྷ་འདྲེའི་ཚོགས་ལ་རྫོངས་སུ་འདེབས༔ ཀ་ཆ་དཀོར་ཆ་གོ་མཚོན་རིགས༔ འདོད་རྒུའི་ཡོ་བྱད་སྣ་ཚོགས་པ༔ དངོས་འབྱོར་ཡིད་ཀྱིས་རྣམ་སྤྲུལ ནས༔ ཁྱེད་ལྷ་འདྲེའི་ཚོགས་ལ་རྫོངས་སུ་འདེབས༔ ཤ་ཁྲག་དམར་གྱི་རྒྱ་མཚོ་དང་༔ དཀར་གསུམ་མངར་གསུམ་ཟས་ཀྱི་རིགས༔ དངོས་འབྱོར་ཡིད་ཀྱིས་རྣམ་སྤྲུལ་ནས༔ ཁྱེད་ལྷ་འདྲེའི་ཚོགས་ལ་རྫོངས་སུ་འདེབས༔ ཇ་ཆང་འོ་ཞོ་ལ་སོགས་པའི༔ སྐོམ་དུ་བཏུང་བའི་རིགས་བྱེད་ཀུན༔ དངོས་འབྱོར་ཡིད་ཀྱིས་རྣམ་སྤྲུལ་ནས༔ ཁྱེད་ལྷ་འདྲེའི་ཚོགས་ལ་རྫོངས་སུ་ འདེབས༔ མདོར་ན་བཟའ་བཅའ་བཏུང་བ་དང་༔ ལྡག་པ་གཞིབ་པ་ལ་སོགས་པའི༔ རང་རང་ཡིད་མཐུན་ཟས་ཀྱི་རིགས༔ དངོས་སུ་འབྱོར་པ་བཤམས་པ་ལ༔ ཡིད་ཀྱིས་ནམ་མཁའ མཛོད་དུ་སྤྲུལ༔ ཁྱེད་ལྷ་འདྲེའི་ཚོགས་ལ་རྫོངས་སུ་འདེབས༔ ཕམ་རྒྱལ་འཐབ་རྩོད་མེད་པར་ལོངས༔ ང་ཡིས་འབུལ་བ་མ་ནོར་ལ༔ ཁྱེད་ཀྱིས་བཞེས་པ་མ་ནོར་ཅིག༔ དགའ་མགུ་ཡི་རངས་ཚིམ་གྱུར་ནས༔ ད་ནི་ཆོས་ཆོས་འགྲོ་རེ་རན༔ དུས་གསུམ་རྒྱལ་བ་སྲས་བཅས་ཀྱི༔ བཀའ་དམ་གཉན་པོ་དཔང་བཙུགས་ཏེ༔ ཁྱེད་ལ་ཕྲིན་ལས་བཅོལ་བནི༔ བཞི་བརྒྱ་རྩ་བཞིའི་ནད་རྣམས་བཟློག་ཅིང་སོང་༔ སྟོང་ཕྲག་བརྒྱད་ཅུའི་བགེགས་རྣམས་བཟློག་ཅིང་སོང་༔ མོ་ལྟས་རྨི་ངན་མཚན་ངན་བཟློག་ཅིང་སོང་༔ མི་ཡི་ན་ཚ་མ་ལུས་བཟློག་ཅིང་སོང་༔ ཕྱུགས་ཀྱི་གོད་ཁ་མ་ལུས་བཟློག་ཅིང་སོང་༔ ཆེ་སྲི་ཆུང་སྲི་མ་ལུས་བཟློག་ཅིང་སོང་༔ གཞོན་སྲི་དར་སྲི་ཐམས་ཅད་བཟློག་ཅིང་སོང་༔ བྱུར་སྲི་དམ་སྲི་ཐམས་ཅད་བཟློག་ཅིང་སོང་༔ ལྟོག་འགོང་དབུལ་སྲི་ཐམས་ཅད་བཟློག་ཅིང་སོང་༔ ཟ་འདྲེ་ཕུང་སྲི་ཐམས་ཅད་བཟློག་ཅིང་སོང་༔ གྲི་ཁ་མཚོན་ཁ་ཐམས་ཅད་བཟློག་ཅིང་སོང་༔ ཐན་དང་ལྟས་ངན་མ་ལུས་བཟློག ཛོཾ།༔ ཅིང་སོང་༔ མི་ཁ་ཁ་མཆུ་གྱོད་སྲི་བཟློག་ཅིང་སོང་༔ དུས་མིན་འཆི་བ་བཅོ་བརྒྱད་བཟློག་ཅིང་སོང་༔ འཇིགས་ཆེན་བརྒྱད་དང་བཅུ་དྲུག་བཟློག་ཅིང་སོང་༔ བན་བོན་ཀླ་ཀློའི་བྱད་ཁ་བཟློག་ཅིང་སོང་༔ གཏད་མནན་ཧོམ་ཟོར་གནོད་པ་བཟློག་ཅིང་སོང་༔ སྔོན་ལས་འཕྲལ་རྐྱེན་ངན་པ་བཟློག་ཅིང་སོང་༔ གཤིན་རྗེའི་ཁྲམ་ཁ་མ་ལུས་བསྒྱུར་ཞིང་སོང་༔ བདུད་ཀྱི་རྩིས་དང་བཙན་གྱི་ཤྭ་རྡེལ་ཟློག༔ མ་མོའི་ནད་ཡམས་ལྷ་འདྲེའི་རྟགས་བབ་ཟློག༔ སྔོན་གྱི་ལས་དང་འཕྲལ་གྱི་རྐྱེན་ངན་དང་༔ གཟུགས་ཅན་གཟུགས་མེད་དགྲ་བགེགས་མ་ལུས་པ༔ བཟློག་ཅིང་བསྒྱུར་ལ་ཁྱེད་ཅག་རྣམས་ཀྱིས་གཞོམ༔ མདོར་ན་མི་འདོད་མི་མཐུན་ཕྱོགས་ངན་ཀུན༔ མ་ལུས་ལུས་པ་མེད་པར་བཟློག་ཅིང་སོང་༔ ནད་མུག་མཚོན་འཁྲུགས་ཨར་ཇག་རྐུན་མའི་རིགས༔ འཆི་བདག་ལས་ཀྱི་གཤིན་རྗེ་ལ་སོགས་པའི༔ སྣང་སྲིད་ལྷ་འདྲེ་ཁྱེད་ལ་གཏད་དོ་ཁྱེར༔ རྗེས་ཤུལ་ལྷག་མ་མེད་པར་ཧབ་ཐོབ་གྱིས༔ གནས་འདིར་མ་གནོད་མ་རྒོལ་མ་སྡང་ཞིག༔ མ་ཆགས་མ་ཞེན་མ་འཁོར་འགྲོ་བར་གྱིས༔ གལ་ཏེ་མི་འགྲོ་བཀའ་ལ་མི་ཉན་ན༔ དུས་གསུམ་རྒྱལ་བ་རྣམས་ཀྱི་བཀའ་བཅག་པའི༔ བཀའ་ཆད་དྲག་པོས་མགོ་བོ་ཚལ་པར་འགེམས༔ རྡོ་རྗེའི་མེ་དབལ་ཆེན་པོས་སྙིང་བསྲེགས་ནས༔ ལུས་ངག་ཡིད་གསུམ་རྡུལ་དུ་བརླག་ནས་ཀྱང་༔ རྣམ་ཤེས་མནར་མེད་དམྱལ་བའི་གནས་སུ་ལྟུང་༔ དེ་བས་ད་ལྟ་ཉིད་དུ་ལ་འུར་སོང་༔ སརྦ་བིགྷྣན་གརྫ་ཧཱུྃ་ཕཊ༔ མཐར་ཟློག་པ་ཅི་རིགས་བརྗོད་བཞིན་ཐལ་མོ་གདབ༔ མདོས་གླུད་བསྐྱལ་བའི་རྗེས་སུ་ཐུན་གྱིས་བྲབ་ལ༔ ཨོཾ་བཛྲ་ཀྲོ་དྷ་ཧཱུྃ༔ ཨོཾ་པདྨནྟ་ཀྲྀཏ་བཛྲ་ཀྲོ་ངྷ་ཡ་མཱནྟ་ཀ་ཧཱུྃ་ཕཊ༔ ན་མོ་རཏྣ་ཏྲ་ཡ་ཡཱཿ ན་མཿ ཙཎྜ་སོགས་ཨ་མྲྀ་ཏེ་ཧཱུྃ་ཕཊ༔ཀྱི་བར་བརྗོད་ཅིང་བྲབ་༔ ཆུ་ལ་བཏབ་སྟེ་སྦྲ་ཁང་གནས་མལ་རྣམས་ལ་གཏོར༔ གཞུང་གི་བགེགས་བསྐྲད་སྲུང་གུར་དང་བཅས་པའི་རྗེས་སུ་ཚེ་འགུགས་དང་རྒྱས་གདབ་ནན་དུ་བྱས་ལ་བཀྲ་ཤིས་ཅི་རིགས་བརྗོད་པར་བྱའོ༔ བསྐྱེད་རྫོགས་གདིང་དང་ལྡན་པའི་རྣལ་འབྱོར་གྱིས༔ འདི་ལྟར་མདོས་གླུད་བཏང་བའི་ཡོན་ཏན་ནི༔ ནད་པའི་ཚེ་བསྲིང་འཆི་བ་བསླུ་བ་དང་༔ འདྲེ་གདོན་བགེགས་ཀྱི་རྒོལ་བ་ཐམས་ཅད་དང་༔ མདོར་ན་མི་འདོད་མི་མཐུན་ཕྱོགས་ངན་པ༔ ཐམས་ཅད་འདི་ཡིས་མི་བཟློག་གང་ཡང་མེད༔ འབྱོར་པ་ཆེ་ཆུང་དབང་དུ་བྱས་ནས་སུ༔ མདོས་རྫས་གླུད་རྫས་གྲངས་མང་རྒྱ་ཆེ་ཞིང་༔ མཛེས་ཤིང་གཙང་སྦྲ་བྱེད་པ་གནད་དུ་ཤེས༔ ལྔ་བརྒྱ་དུས་ཀྱི་ཐ་མ་ལ་བབས་ཚེ༔ འདྲེ་རྒོད་གདུག་པས་སྐྱེ་འགྲོའི་སྲོག་ལ་རྒོལ༔ ཤི་ཚད་འདྲེར་ལྡང་གསོན་ལ་ཟ་ཁ་སྟོན༔ མི་ཕྱུགས་ཀུན་ལ་མི་བདེའི་ལ་ཡོག་འདོར༔ དེ་དག་བཟློག་པའི་T11602 - 538 ཝྃ།༔ ཐབས་ལ་འདི་ཟབ་པས༔ གཞན་གྱིས་བཟློག་པར་མི་ནུས་པ་ཡི་རིགསཿ ཐམས་ཅད་འདི་ཡིས་མི་བཟློག་གང་ཡང་མེད༔ པད་འབྱུང་བདག་གིས་འགྲོ་ལ་སྙིང་བརྩེ་བས༔ སྨོན་ལམ་མཐུ་དང་ཏིང་འཛིན་རྒྱ་ཡིས་བཏབ༔ མཁའ་འགྲོ་མཚོ་རྒྱལ་ཁྱོད་ཀྱིས་ཡི་གེར་ཐོབས༔ ཁམས་སུ་རྡོ་རྗེ་བྲག་ལ་གཏེར་དུ་སྦོས༔ སྨོན་ལམ་ལས་འཕྲོ་ཅན་དང་འཕྲད་པར་ཤོག༔ བཀའ་འདི་གནོད་སྦྱིན་ཤན་དམར་ཁྱོད་ལ་གཏད༔ ཐུབ་པར་སྲུངས་ཤིག་བཛྲ་ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ ཨ་ཐཾ་རྒྱ༔ གུ་ཧྱ༔ ཞེས་པ་འདིའང་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་ཤྭ་བྲག་རྡོ་རྗེ་ཞེས་བྱ་བ་ནས་བཏོན་ཏེ་མི་ལོ་སུམ་ཅུ་རྩ་བདུན་བར་དུ་བཀའ་རྒྱ་བྱས་མཐར་རང་སློབ་ངོ་མཚར་རྒྱ་མཚོ་དང་༔ ཨ་སྤོ་སྡོང་གི་བནྡེ་རྟོགས་ལྡན་གཉིས་ཀྱིས་ནན་དུ་བསྐུལ་ངོར་རྫ་རྒྱལ་རྡོ་རྗེ་འཕན་ཕྱུག་གི་ཉེ་འདབས་སུ་གཏན་ལ་ཕབ་པ་ཐོག་མཐའ་བར་གསུམ་ཀུན་ཏུ་དགེ་ཞིང་བཀྲ་ཤིས་པར་གྱུར་ཅིག། དགེའོ །དགེའོ །དགེའོ །སརྦ་མངྒ་ལཾ།། T11602 - 540 ཛོཾ།༔ སྣང་སྲིད་མདོས་ཀྱི་བསྐང་བ་ཆོས་ཉིད་སྤྲིན་དཔུང་བཞུགས༔ ན་མོ་གུ་རུ་པདྨ་ཀ་ར་ཡེ༔ དོན་ལ་མི་ཤིགས་གཞི་གྲོལ་རྫོགས་པ་ཆེ༔ མཐའ་བརྒྱད་བྲལ་བའི་ཡེ་ཤེས་ཆེན་པོ་ལས༔ རང་བཞིན་མ་འགགས་ལྷུན་གྲུབ་སྒོ་བརྒྱད་དུ༔ ཡོངས་ཤར་ཕྱི་ནང་འབྲེལ་བའི་རྟེན་འབྱུང་ཁམས༔ སྣང་སྲིད་མདོས་ཀྱི་ཕྱག་རྒྱར་བཞེངས་པ་ལས༔ སྐྱེ་འགྲོ་ཕོ་མོའི་གཟུང་འཛིན་འཕྲལ་སྣང་རྐྱེན༔ བཟློག་བསྒྱུར་ཕྲིན་ལས་ཐོགས་མེད་འགྲུབ་པའི་ཕྱིར༔ མེ་ལོང་ཡེ་ཤེས་མདོས་རུས་དཀར་པོར་གྲུབ༔ སོར་རྟོག་ཡེ་ཤེས་མདོས་ཁྲག་དམར་བའི་མདངས༔ མཉམ་ཉིད་ཡེ་ཤེས་མདོས་ལྤགས་སེར་གསལ་འབར༔ བྱ་གྲུབ་ཡེ་ཤེས་མདོས་ཀྱི་བཀྲག་མདངས་ལྗང་༔ ཆོས་དབྱིངས་ཡེ་ཤེས་མཐིང་གསལ་ནམ་མཁའི་དབྱིངས༔ མདའ་འཕང་རྒྱང་བུ་ཕོ་ཏིང་མོ་ཏིང་དང་༔༷ ཤིང་རིས་བལ་རྒྱང་སྟག་གཟིག་ལྤགས་པས་བརྒྱན༔ དབང་ལྔའི་སྲིད་དུ་འཕྲོ་བའི་འདོད་ཡོན་དཔལ༔ མི་ཟད་རྒྱན་གྱི་འཁོར་ལོ་ཆེན་པོ་འདིས༔ རྩ་གསུམ་སྐུ་གསུམ་མཆོག གསུམ་སྲུང་མར་མཆོད༔ ཐུགས་དམ་བསྐང་ངོ་ཉམས་ཆག་བར་ཆད་བྱང་༔ མཆོག་དང་ཐུན་མོང་དངོས་གྲུབ་ཆར་བཞིན་ཕོབ༔ ཚེ་ལྷ་རིགས་ལྔ་ཚེ་བདག་མགྱོགས་མ་ལྔ༔ ཚད་མེད་ སྒོ་སྐྱོང་ལས་སྒྲུབ་ཆོས་སྐྱོང་ཚོགས༔ སྣང་སྲིད་མདོས་ཀྱི་མཆོད་པས་ཐུགས་དམ་བསྐང་༔ ཚེ་གེགས་རྐྱེན་སོལ་མཆོག་ཐུན་དངོས་གྲུབ་སྩོལ༔ གནོད་སྦྱིན་ཤན་དམར་དམ་ཅན་རྡོར་ལེགས་དང་༔ བཙན་རྒོད་འབར་བ་ཀུན་དགའ་གཞོན་ནུ་སོགས༔ བསྙེན་སྒྲུབ་བརྟེན་བསྐང་སྲུང་མ་འཁོར་དང་བཅས༔ ཐུགས་དམ་གཉན་པོ་སྣང་སྲིད་མདོས་ཀྱིས་བསྐང་༔ ཕྲིན་ལས་རབ་འབྱམས་ཐོགས་པ་མེད་པར་སྒྲུབ༔ ཡུལ་ལྷ་གཞི་བདག་བགེགས་རིགས་ལན་ཆགས་མགྲོན༔ རིགས་དྲུག་ཕ་མ་བར་དོའི་སེམས་ཅན་གྱི༔ དབང་ལྔར་མཐུན་པའི་སྣང་སྲིད་མདོས་ཀྱིས་བསྐང༔ བུ་ལོན་ལན་ཆགས་བྱང་ཞིང་ཚོགས་རྫོགས་ཤིང་༔ གདོད་མའི་གཞི་ལ་འོད་སྐུར་གྲོལ་བར་ཤོག༔ མཆོད་སྦྱིན་ཡུལ་གྱི་དགྱེས་པ་བསྐང་བའི་མཐུས༔ ཕྲིན་ལས་རྣམ་བཞི་ཐོགས་མེད་འགྲུབ་པ་དང་༔ རྒྱུ་སྦྱོར་ཡོན་བདག་མི་ནོར་འཁོར་བཅས་ཀྱི༔ མི་ཡི་ན་ཚ་ཕྱུགས་ཀྱི་གོད་ཁ་དང་༔ ཚེ་སྲོག་བསོད་ནམས་དབང་ཐང་ལ་གནོད་པའི༔ གཟུགས་ཅན་གཟུགས་མེད་དགྲ་གདོན་བགེགས་ཚོགས་རྣམས༔ རིག་པ་ཡེ་ཤེས་ཆེན་པོར་ཞི་བར་མཛོད༔ ལོ་ཀེག་ཟླ་ཀེག་ཞག་ཀེག་ཟ་མའི་ཀེག༔ མདོར་ན་མི་མཐུན་མི་འདོད་ཕྱོགས་རྣམས་ཀུན༔ གཞོམ་ ཝྃ།༔ གཞིག་བརླག་དང་མེད་པར་མཛད་དུ་གསོལ༔ མཐོ་རིས་བདུན་དང་སྡེ་བཞིའི་དཔལ་གྱིས་ཕྱུག༔ སྙན་གྲགས་བསྟན་པ་ཕྱོགས་བཅུར་རྒྱས་པར་མཛོད༔ ༄ ཐུགས་དམ་མ་འདོར་བཛྲ་ས་མ་ཡ༔ ཚོགས་དང་མདོས་བཞིའི་མཇུག་ཏུ་བྱ༔ འདིས་ནི་རྐྱེན་བྱང་དངོས་གྲུབ་འཐོབ༔ ས་མ་ཡ༔ བདུད་འཇོམས་པས་སོ། །དགེའོ། །དགེའོ། །དགེའོ།། །། & 539 & TI1602 - 543 ༄༅། །ཨོཾ་སྭསྟི། སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་ཟབ་གསང་མཁའ་འགྲོའི་སྙིང་ཐིག་གི་ཆོས་སྡེ་ལས། གླེགས་བམ། ༼ཁ༽པ་འདིར། དབུ་ཤོག་ལྡེབ་གཅིག་གིས་ཐོག་དྲངས་ཏེ སྐོར་ཚོ་བཞི་ལས། དང་པོ་འཇམ་དཔལ་ཞི་བའི་སྐོར་ལ འཇམ་དཔལ་གསང་བ་འདུས་པའི་ཁ་བྱང་གསལ་བའི་ཨ་དཪྴ་ལྡེབ་༡༡ འཇམ་དཔལ་གསང་བ་འདུས་པའི་དབང་ཆོག་དངོས་གྲུབ་གཏེར་མཛོད་ལྡེབ་༡༢ གསོལ་འདེབས་དངོས་གྲུབ་ཆར་འབེབས་ལྡེབ ༣ གསོལ་འདེབས་ཤིན་ཏུ་བསྡུས་པ་ལྡེབ ༡ སྒྲུབ་པ་ཡིད་བཞིན་དབང་རྒྱལ་ལྡེབ་༢༩ ཛཔ་དགོངས་ཡེ་ཤེས་དྲྭ་བ་ལྡེབ ༢0 སྒྲུབ་པ་རྣམ་མཁྱེན་ཡེ་ཤེས་ལྡེབ་༦ ཛས་སྔགས་བྱང་བུ་ལྡེབ་ལས་བྱང་ཡེ་ཤེས་སྒྲོན་མེ་ལྡེབ་༢0 བསྐང་བ་ན་རཀ་དོང་སྤྲུགས་ལྡེབ ༥ རྩ་གསུམ་ཚོགས་བསྐང་བསྡུས་པ་དངོས་གྲུབ་ཆར་འབེབས་ལྡེབ་༡ བསྐུལ་བ་རཱུ་དྲ་ཡོངས་སྒྲོལ་ལྡེབ ༡ བསྐུལ་ཟློག་རྡོ་རྗེའི་ཕ་ལམ་ལྡེབ་༈ རྩ་གསུམ་སྤྱིའི་སྲེག་བླུགས་ལས་བཞི་ལྷུན་གྲུབ་ལྡེབ ྋ སྲེག་བླུགས་དངོས་གྲུབ་ཆར་འབེབས་ལྡེབ་༢ བཅས། ༈ གཉིས་པ་འཇམ་དཔལ་དྲག་པོ་གཤིན་༅ རྗེ་གཤེད་ལས་གཤིན་དང་བཅས་པའི་སྐོར་ལ། འཇམ་དཔལ་གཤིན་རྗེའི་གཤེད་ཀྱི་རྩ་དབང་རྡོ་རྗེའི་བུམ་བཅུད་ལྡེབ་༥ གསོལ་འདེབས་བྱིན་རླབས་ཆར་འབེབས་ལྡེབ་༢ རྩ་སྒྲུབ་སྐར་མའི་ཕྲེང་བ་ལྡེབ་༧ ཚོགས་མཆོད་དངོས་གྲུབ་གཏེར་བུམ་ལྡེབ ༥ བསྐང་བ་སྒྲིབ་གཉིས་རབ་སྦྱོང་ལྡེབ་༢ བསྐུལ་བ་རྡོ་རྗེའི་འགྱིང་གླུ་ལྡེབ་༡ དྲག་བསྐུལ་རྡོ་རྗེའི་གད་མོ་ལྡེབ་༣ བསྒྲལ་ལས་གནམ་ལྕགས་ཐོག་མདའ་ལྡེབ ༥ འགུགས་འདྲེན་རྡོ་རྗེའི་ལྕགས་ཀྱུ་ལྡེབ ༡ དྲག་ཟློག་འཆི་བདག་ཚར་གཅོད་ལྡེབ་༣ སྲེག་བླུགས་ཡེ་ཤེས་དྲྭ་བ་ལྡེབ་༣ འཆི་བདག་ལས་ཀྱི་གཤིན་རྗེའི་སྲོག་གཏད་ཟིལ་གནོན་རྒྱན་འཁོར་ལྡེབ་༣ སྒྲུབ་པ་དགྲ་དཔུང་འཇོམས་པའི་རྡོ་རྗེ་ལྡེབ་༥ བསྐང་བ་ལྡེབ་༣ བསྐང་གསོལ་ཡིད་བཞིན་དབང་རྒྱལ་ལྡེབ་༈ གསོལ་མཆོད་འདོད་དོན་སྤྲིན་ཕུང་ལྡེབ ༢ བསྐུལ་བ་རྡོ་རྗེའི་དུག་མདའ་ལྡེབ་༈ འབོད་པ་ལྕགས་ཀྱུ་སྙིང་འདྲེན་ལྡེབ་༥ རྦད་པ་གནམ་ལྕགས་ཐོག་མདའ་ལྡེབ་༈ བསད་པ་ཁྲག་གི་རྒྱ་མཚོ་ལྡེབ་༣ བླ་རྡོ་སྲོག་གི་འཁོར་ལོ་ལྡེབ ༡ བཅས། ༈ གསུམ་པ་བདེ་ཆེན་ཞིང་སྒྲུབ་ཀྱི་སྐོར་ལ། བདེ་ཆེན་ཞིང་གི་སྒྲུབ་པ་ཟང་ཐལ་སྒོ ༄༅། །འབྱེད་དབང་ཆོག་དང་བཅས་པ་ལྡེབ ༧ ཚེ་འདས་རྗེས་འཛིན་ཁྲུས་ཀྱི་ཆོ་ག་ལྡེབ་༦ ཕྱི་སྒྲུབ་ཐར་པའི་གྲོང་འཇུག་རྣམ་མཁྱེན་ལམ་བཟང་ལྡེབ་༩ བཅས། ༈ བཞི་པ་ཚེ་སྒྲུབ་དངོས་གྲུབ་འདོད་འབྱུང་གི་སྐོར་ལ། དབང་ཆོག་གསང་ཆེན་བཅུད་དྲིལ་ལྡེབ་༈ གསོལ་འདེབས་ཐུགས་རྗེའི་རྒྱུད་བསྐུལ་ལྡེབ ༣ ཨོ་རྒྱན་རིན་པོ་ཆེའི་གསོལ་འདེབས་དངོས་གྲུབ་འདོད་འབྱུང་ལྡེབ་༡ བྱིན་འབེབས་དངོས་གྲུབ་སྦྲང་ཆར་ལྡེབ ༦ ཡང་གསང་ཚེའི་སྒྲུབ་པ་འདོད་འཇོའི་བུམ་བཟང་ལྡེབ་༧ ཛཔ་དགོངས་ལྡེབ་༈ ཚེ་སྒྲུབ་དངོས་གྲུབ་འདོད་འབྱུང་ལྡེབ་ྋ བསྐང་བ་ཡོན་ཏན་གསལ་བྱེད་ལྡེབ་༣ བསྐུལ་བ་རྡོ་རྗེའི་ཕྲེང་བ་ལྡེབ ༢ དུས་བཞིའི་ཉམས་ལེན་ལས་བཞི་ལྷུན་གྲུབ་ལྡེབ་འཆི་ཟློག་གླུད་ཀྱི་ཆོ་ག་ལྡེབ ༡༤ མདོས་བསྐང་ཆོས་ཉིད་སྤྲིན་དཔུང་ལྡེབ་༢ བཅས། པོད་འདིར་ཆོས་ཚན་ལྔ་བཅུ་ང་གཅིག་ལ་ལྡེབ་༢༧༡ དང་། གླེགས་བམ་གྱི་དཀར་ཆག་རང་ཉིད་ལྡེབ་༈ བཅས་བསྡོམས་ལྡེབ་གྲངས ༢༧༣ བཞུགས། ༈ གྲུབ་པའི་འཁོར་སྒྱུར་བདུད་འཇོམས་གླིང་པ་ཡི །ཟབ་གཏེར་གསང་བའི་ཆོས་མཛོད་ཡིད་༤ བཞིན་ནོར། །ཀུན་བཟང་མིང་གིས་སྤར་དུ་བཏབ་སྤེལ་དགེས །ཟབ་ཆོས་ཕྲིན་ལས་མི་ནུབ་རྟག་ཁྱབ་ཤོག ༈ པདྨའི་རིང་ལུགས་སྔ་འགྱུར་རྫོགས་པ་ཆེ། །ངེས་དོན་སྙིང་པོའི ཤིང་རྟ་བདུད་འཇོམས་གླིང་། །གང་གི་ཟབ་གཏེར་བསྟན་པ་སྲིད་མཐའི་བར །མི་ནུབ་བཤད་དང་སྒྲུབ་པས་འཛིན་གྱུར་ཅིག །དགེའོ། ། ། T11602 - 548