Tibetan
རབ་འཕྲོས་པས༔ ཕྱོགས་བཅུའི་རྒྱལ་བ་རྒྱ་མཚོར་མཉེས་མཆོད་ཕུལ༔ མཁྱེན་བརྩེ་ནུས་པའི་དཔལ་ཡོན་ཚེ་བསོད་ཀུན༔ ཡེ་ཤེས་འོད་ཟེར་སྣ་ལྔའི་རྣམ་པ་རུ༔ ཚུར་འདུས་སྙིང་པོ་ཏྲཱཾཿཡིག་ལ་ཐིམ་བསམ༔ སླར་ཡང་འོད་འཕྲོས་ཁམས་གསུམ་སྣོད་བཅུད་ཀྱི༔ དྭངས་བཅུད་ཚེ་བསོད་དཔལ་ཡོན་ཐམས་ཅད་ཀུན༔ མ་ལུས་བསྡུས་ཏེ་སྲོག་གི་སྙིང་པོར་བསྟིམ༔ འཁོར་འདས་ཡོངས་ཀྱི་སྲོག་ལ་དབང་ཐོབ་ཅིང་༔ འཆི་མེད་མགོན་པོའི་དཔལ་ཡོན་ཐོབ་པར་བསམ༔ སྤྱི་བོར་རིགས་བདག་རྩ་བའི་བླ་མ་ནི༔ ཨོ་རྒྱན་གཏེར་བདག་རྒྱལ་པོའི་རྣམ་རོལ་ཅན༔ གསེར་མདོག་ཞི་མ་ཁྲོ་འཛུམ་གཟི་འོད་འབར༔ པད་ཞྭ་ཕོད་ཁ་ཟ་བེར་ཐང་ཤམ་དང་༔ ཆོས་གོས་སག་ལྷམ་གསོལ་ཞིང་སྐྱིལ་ཀྲུང་བཞུགས༔ ཕྱག་གཡས་གཏེར་བུམ་གཡོན་པས་ནེའུ་ལེ་བསྣམས༔ དགོས་འདོད་ཡིད་བཞིན་ཆར་དུ་འབེབས་པ་ལས༔ སྐུ་ཡི་འོད་ཟེར་སེར་པོ་རབ་འབར་བས༔ བདག་ཅག་འཁོར་དང་བཅས་པའི་བར་ཆད་བསལ༔ ཚེ་བསོད་དཔལ་ཡོན་ཡེ་ཤེས་རབ་རྒྱས་ནས༔ འཁོར་འདས་ཡོངས་ཀྱི་དབང་ཕྱུག་མཆོག ཐོབ་བསམ༔ ཨོཾ་གུ་རུ་རཏྣ་དྷྭ་ར་ཨཱ་ཡུཛྙ་ན་པུཎྱེ་སརྦ་སིདྡྷི་ཕ་ལ་ཧཱུྃ༔ ཅི་མང་བཟླས་མཐར་ཐུན་སྡུད་ཚེ༔ ཚེ་འགུགས་བྱ་བ་འདི་ལྟ་སྟེ༔ ཧཱུྃ་ཏྲཱཾཿ བཅོམ་ལྡན་རཏྣ་ཚེ་དཔག་མེད༔ གསེར་མདོག་འོད་ཕུང་རབ་འབར་བ༔ ཕྱག་ན་རིན་ཆེན་ཚེ་བུམ་བསྣམས༔ ལོངས་སྤྱོད་རྫོགས་སྐུ་མཚན་དཔེས་སྤྲས༔ གསང་བའི་ཡུམ་མཆོག་སངས་རྒྱས་སྤྱན༔ ཕྱག་ན་མདའ་དར་ཚེ་བུམ་བསྣམས༔ གཉིས་མེད་ཐུགས་ལས་སྤྲུལ་པའི་འཁོར༔ རིགས་བཞིའི་རྒྱལ་བ་གངས་ཆེན་མཚོ༔ ཚད་མེད་སྒོ་མ་ཆེན་མོ་བཞི༔ སྤྲུལ་པ་ལས་བྱེད་གློག་ལྟར་འཁྱུག༔ འོད་ཟེར་དཔག་མེད་སྤྲིན་ལྟར་གཏིབས༔ འཁོར་འདས་ཡོངས་ལ་ཁྱབ་པར་བརྡལ༔ དུས་གསུམ་རྒྱལ་བ་ཐམས་ཅད་ཀྱི༔ མཁྱེན་བརྩེ་ནུས་བཅུད་དངོས་གྲུབ་དང་༔ འབྱུང་ལྔའི་དྭངས་བཅུད་བཀྲག་མདངས་ཚེ༔ སྐྱེ་འགྲོའི་ཚེ་བསོད་དཔལ་ཡོན་བཅས༔ མ་ལུས་གསེར་མདོག་འོད་ཀྱི་ཚུལ༔ བསྡུས་ཏེ་བདག་ཅག་རྣམས་ལ་བསྟིམ༔ རྡོ་རྗེའི་ཚེ་མཆོག་བརྙེས་པར་བསམ༔ ཚེ་འགུགས་ཐུགས་རྗེའི་ལྕགས་ཀྱུ་ ཝྃ།༔ ཅི་མང་བརྗོད༔ དེ་ནས་རྩ་སྔགས་མཐར༔ ཚེ་བསོད་དཔལ་འབྱོར་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ མཆོད་བསྟོད་བསྡུ་བའི་རིམ་པའི་མཐར༔ རྗེས་ཐོབ་ལྷར་ལྡང་བྱ་བ་བྱེད༔ དེ་ནས་དགོང་མོ་དབང་གི་དུས༔ པདྨ་རིགས་ཀྱི་རྣལ་འབྱོར་ནི༔ ཧཱུྃ་ཧྲཱིཿ རང་སྣང་དོན་གྱི་འོག་མིན་ཞིང་༔ ཡེ་ཤེས་ལྔ་རྫོགས་གཞལ་ཡས་སུ༔ པདྨ་ཉི་ཟླའི་གདན་སྟེང་དུ༔ རང་ཉིད་པདྨ་ཚེ་དཔག་མེད༔ དམར་གསལ་ཞལ་གཅིག་ཕྱག་གཉིས་པ༔ ལོངས་སྤྱོད་རྒྱན་རྫོགས་སྐྱིལ་ཀྲུང་བཞུགས༔ མཉམ་བཞག་པདྨ་ཚེ་བུམ་བསྣམས༔ ཞི་འཛུམ་རབ་མཛེས་གཟི་འོད་འབར༔ ཡུམ་མཆོག་གོས་དཀར་དམར་མོས་འཁྱུད༔ ཕྱག་གཉིས་མདའ་དར་ཚེ་བུམ་བསྣམས༔ འཇའ་འོད་ཐིག་ལེའི་ཀློང་དུ་བསྐྱེད༔ ཐུགས་ཀར་པདྨ་འདབ་བརྒྱད་སྟེང་༔ དྭངས་མའི་ཐིག་ལེ་གསལ འཚེར་ཀློང་༔ ཧྲཱིཿ ཡིག་དམར་གསལ་འོད་འབར་ལ༔ སྔགས་ཕྲེང་འཁོར་བའི་འོད་ཟེར་གྱིས༔ རྒྱལ་བ་རྒྱ་མཚོར་མཉེས་མཆོད་ཕུལ༔ མཁྱེན་བརྩེའི་ནུས་མཐུ་དཔལ་ཡོན་ཀུན༔ མ་ལུས་བསྡུས་ཏེ་སྲོག་ཏུ་བསྲེ༔ སླར་ཡང་འོད་ཟེར་རབ་འཕྲོས་པས༔ སེམས་ཅན་ཀུན་གྱི་སྒྲིབ་པ་སྦྱངས༔ སྣོད་བཅུད་འབྱུང་བའི་བཀྲག་མདངས་བཅུད༔ ཚེ་བསོད་དཔལ་འབྱོར་ནུས བཅུད་ཀུན༔ འོད་ལྔའི་རྣམ་པར་ཚུར་བསྡུས་ཏེ༔ སྲོག་གི་སྙིང་པོར་བཅུད་དུ་དྲིལ༔ ཚེ་བསོད་དཔལ་ཡོན་རབ་རྒྱས་བསམ༔ སྤྱི་བོར་རིགས་བདག་བླ་མ་ནི༔ སྣང་སྲིད་ཟིལ་གནོན་པད འབྱུང་གི༔ རྣམ་པར་བཞེངས་པའི་ཐུགས་ཀ་ནས༔ འོད་ཟེར་དཔག་མེད་རབ་འཕྲོས་པས༔ ཁམས་གསུམ་སྐྱེ་འགྲོའི་བློ་ཡིད་སེམས༔ ཁབ་ལེན་རྡོ་དང་ལྕགས་འཕྲད་བཞིན༔ རང་དབང་མེད་པར་དབང་དུ་བསྡུས༔ བདག་གི་དབང་དང་བྲན་དུ་བཀོལ༔ འགྱུར་བ་མེད་པའི་རྒྱས་གདབ་ནས༔ ཟིལ་གྱིས་གནོན་ཅིང་ཅི་འདོད་པའི༔ དོན་ཀུན་མ་ལུས་ཡོངས་བསྒྲུབ བསམ༔ ཨོཾ་གུ་རུ་པདྨ་ངྷཱ་ར་ཨཱ་ཡུརྡྡྷ་ན་མ་ཧཱ་པུཎྱེ་སརྦ་སིདྡྷི་ཕ་ལ་ཧཱུྃ༔ ཅི་འགྲུབ་བཟླས་མཐར་ཚེ་འགུགས་ནི༔ ཧཱུྃ་ཧྲཱིཿ བཅོམ་ལྡན་པདྨ་ཚེ་དཔག་མེད༔ སྐུ་མདོག་པདྨ་རཱ་གའི་མདོག༔ ལོངས་སྤྱོད་རྒྱན་རྫོགས་སྐྱིལ་ཀྲུང་བཞུགས༔ མཉམ་བཞག་ཚེ་ཡི་བུམ་པ་བསྣམས༔ གོས་དཀར་དམར་མོ་ཡུམ་དང་སྦྱོར༔ གཉིས་མེད་གར་གྱི་རྣམ་རོལ་ལས༔ རིགས་བཞི་ཡབ་ཡུམ་སྒོ་མ་བཞི༔ སྤྲུལ་པ་ཡང་སྤྲུལ་མ་ལུས་པ༔ དབྱིངས་ནས་སྐུར་བཞེངས་དུས་ལ་བབ༔ དམ་ཚིག་ཐུགས་དམ་གནད་ནས་བསྐུལ༔ སྐུ་གསུམ་རྒྱལ་བ་སྲས་ཅས་ཀྱི༔ མཁྱེན་བརྩེ་ནུས ཛོཾ།༔ དཔལ་ཡོན་ཏན་ཀུན༔ མ་ལུས་བསྡུས་ཏེ་བདག་རྒྱུད་ལ༔ གཉིས་མེད་རོལ་པར་བྱིན་ཆེན་ཕོབ༔ འབྱུང་བ་བཅུད་ཀྱི་དྭངས་མ་དང་༔ ཁམས་གསུམ་སེམས་ཅན་ཚེ་བསོད་དཔལ༔ མ་ལུས་བསྡུས་ཏེ་བདག་ཅག་གི༔ ཚེ་བསོད་དཔལ་དང་ཡོན་ཏན་ཀུན༔ འཕེལ་རྒྱས་བརྟན་པའི་རྒྱ་ཡིས་ཐེབས༔ ཚེ་ཡི་རིག་འཛིན་འགྲུབ་པར་མཛོད༔ ཚེ་འགུགས་ཐུགས་རྗེའི་ལྕགས་ཀྱུ་ཅི་མང་བརྗོད༔ མཐར་ནི་མི་ཤིགས་རྒྱས་བཏབ་སྟེ༔ རྩ་སྔགས་མཐར༔ ཁམས་གསུམ་སྲིད་གསུམ་འདོད་རྒུའི་དཔལ་ཡོན་ཐམས་ཅད་ཝཱ་ཤཾ་ཀུ་རུ་ཡེ་སྭཱ་ཧཱ༔ ལན་བདུན་བརྗོད་མཐར་ཨ་ལི་ཀ་ལི་དང་༔ རྟེན་སྙིང་བདུན་མཐར་མཆོད་བསྟོད་བསྡུ་རིམ་བྱ༔ སླར་ཡང་རྗེས་ཐོབ་སྒྱུ་མའི་ལྷར་ལྡང་ཞིང་༔ བསྔོ་སྨོན་རྒྱས་གདབ་བྱ་བྱེད་དག་ལ་སྤྱོད༔ དེ་ནས་མུན་གུང་དྲག་པོའི་དུས་བབ་ཚེ༔ ཀརྨ་རིགས་ཀྱི་རྣལ་འབྱོར་ཉམས་ལེན་ནི༔ ཧཱུྃ་ཨཱཿ སྣང་བ་ཐམས་ཅད་ལས་རབ་ཞིང་༔ སྲིད་པ་ཡི་དམ་ལྷ་ཡི་དབྱིངས༔ བཀོད་པ་རབ་རྫོགས་གཞལ་ཡས་སུ༔ རང་ཉིད་ཀརྨ་ཚེ་དཔག་མེད༔ ལྗང་གསལ་ལོངས་སྐུ་ཡུམ་དང་སྦྱོར༔ མཉམ་བཞག་ཚེ་ཡི་བུམ་པ་འཛིན༔ རྡོ་རྗེ་སྐྱིལ་ཀྲུང་པད་ཟླར་བཞུགས༔ སྒྲོལ་ལྗང་སྐྱབས་སྦྱིན་མདའ་དར་དང་༔ གཡོན་པས་ཚེ་ཡི་བུམ་པ་བསྣམས༔ བདེ་སྟོང་ཡེ་ཤེས་རོས་ མྱོས་ཤིང་༔ བཀྲག་མདངས་གཟི་བརྗིད་རབ་ཏུ་འབར༔ འཇའ་དང་འོད་ཀྱིས་སྣང་སྲིད་ཁྱབ༔ འོད་ཟེར་རྩེ་ལ་སྤྲུལ་པ་ཡི༔ སངས་རྒྱས་ཞིང་ཁམས་དཔག་མེད་རྫོགས༔ ཐུགས་ཀར་ཉི་ཟླའི་གའུའི་ནང་༔ དྭངས་མའི་ཐིག་ལེ་གསལ་འཚེར་སྦུབས༔ རིག་པ་ཨཱཿ ཡིག་ལྗང་ནག་མཐར༔ སྔགས་ཕྲེང་སྤུ་ཤད་ལྟ་བུས་བསྐོར༔ འོད་འཕྲོས་ཕྱོགས་བཅུ་དུས་གསུམ་གྱི༔ རྒྱལ་དང་རྒྱལ་སྲས་མཆོད་པས་མཉེས༔ མཁྱེན་བརྩེ་ནུས་སྟོབས་ཚེ་བསོད་དབང་༔ མ་ལུས་ཚུར་འདུས་སྔགས་སུ་བསྟིམ༔ སླར་ཡང་འོད་ཟེར་རབ་འཕྲོས་པས༔ བདུད་བགེགས་ལོག་འདྲེན་གནོད་བྱེད་ཀུན༔ བསྲེག་གཏུབ་མཐུ་སྟོབས་ནུས་པ་བཅོམ༔ རྣམ་པར་ཤེས་པ་ཆོས་སྐུར་བསྒྲལ༔ སྣོད་བཅུད་འབྱུང་བའི་དྭངས་བཅུད་དང་༔ ཚེ་བསོད་དཔལ་ཡོན་མཐུ་ནུས་པ༔ མ་ལུས་བསྡུས་ཏེ་སྔགས་སུ་བསྟིམ༔ སྤྱི་བོར་རིགས་བདག་བླ་མ་ནི༔ པདྨ་འཁོར་བ་ཡོངས་སྒྲོལ་སྐུ༔ ལྗང་ནག་གཅེར་བུ་སྟག་ཤམ་ཅན༔ ཁྲོ་གཏུམ་རྔམས་བརྗིད་མེ་དཔུང་འབར༔ ཕྱག་གཉིས་རྡོ་རྗེ་ལྕགས་ཕུར་གདེངས༔ ཞབས་གཉིས་གར་སྟབས་རཱུ་ཏྲ་གནོན༔ གནས་གསུམ་རྡོ་རྗེའི་སྙིང་པོ་ལས༔ འོད་ཟེར་དཔག་མེད་རབ་འཕྲོས་པས༔ རང་གི་གནས ཝྃ།༔ གསུམ་ནས་ཞུགས་ཏེ༔ དབང་བཞི་ཐོབ་ཅིང་བྱིན་གྱིས་བརླབས༔ འཁོར་བ་ཡོངས་སྒྲོལ་མཐུ་ལྡན་བསམ༔ རིགས་བདག་བླ་མའི་གཟི་བྱིན་གྱིས༔ འབྱུང་ལྔའི་བཅུད་དང་སྐྱེ་འགྲོའི་ཚེ༔ ཁབ་ལེན་རྡོ་ཡིས་ལྕགས་བླངས་ལྟར༔ བསྡུས་ཏེ་བདག་ཉིད་ལ་ཐིམ་པས༔ ཚེ་ཡི་རིག་འཛིན་འགྲུབ་པར་བསམ༔ དེ་ནས་བཟླས་པའི་སྔགས་ནི༔ ཨོཾ་གུ་རུ་ཀརྨ་དྷཱ་ར་ཨཱ་ཡུརྡྡྷན་མ་ཧཱ་པུཎྱེ་སརྦ་སིདྡྷི་ཕ་ལ་ཧཱུྃ་ཨཱཿ དུས་འདིར་ཚེ་འགུགས་བྱ་བ་ནི༔ ཧཱུྃ་ཨཱཿ བཅོམ་ལྡན་ཀརྨ་ཚེ་དཔག་མེད༔ ལྗང་གསལ་གཞོན་ནུ་བུམ་པའི་སྐུ༔ ཕྲིན་ལས་མི་ཟད ནམ་མཁའ་མཉམ༔ ཆོས་ཀྱི་དབྱིངས་ནས་ཐུགས་རྒྱུད་བསྐུལ༔ མཁྱེན་བརྩེ་ནུས་པའི་སྟོབས་ཤུགས་ཕྱུང་༔ ཚེ་བསོད་དཔལ་ཡོན་དངོས་གྲུབ་སྩོལ༔ སངས་རྒྱས་བྱང་སེམས་གཟི་བྱིན་དང་༔༷ དྲང་སྲོང་ཚེ་དབང་ཚེ་ཡི་བཅུད༔ སྣོད་བཅུད་བཀྲག་མདངས་ཚེ་བསོད་ནམས༔ མ་ལུས་བསྡུས་ཏེ་བདག་ལ་སྩོལ༔ ཚེ་ཡི་རིག་འཛིན་འགྲུབ་པར་མཛོད༔ ཚེ་འགུགས་ཐུགས་རྗེའི་ལྕགས་ཀྱུ་ནི༔ ན་མོ༔ དཀོན་མཆོག་རྩ་གསུམ་ཆོས་སྐྱོང་བདེན་པ་དང་༔ ཆོས་ཉིད་རྣམ་དག་རྒྱུ་འབྲས་ཟབ་མོའི་མཐུས༔ རྒྱལ་བ་སྲས་བཅས་མཁྱེན་བརྩེ་ནུས་དཔལ་དང་༔ ཁམས་ གསུམ་སྣོད་བཅུད་བཀྲག་མདངས་ཚེ་དཔལ་ཀུན༔ མ་ལུས་ལུས་པ་མེད་པར་འདིར་ཁུག་ཅིག༔ བདག་གི་ཚེ་བསོད་དཔལ་ཡོན་བཅུད་དུ་དྲིལ༔ འཆི་མེད་མགོན་པོའི་གོ་འཕང་མྱུར་ཐོབ ཤོག༔ ཨོཾ་ཚེ་བྷྲཾ་གཡུ་བྷྲཾ་གཡུ་ཚེ_UNK་ཨཱ་ཡུརྡྡྷ་ན་གཡུ་ཚེ་བྷྲུྃ༔ ཅི་མང་བརྗོད་མཐར་རྒྱས་གདབ་ནས༔ རྩ་སྔགས་མཐའ་མར་ཤམ་བུ་ནི༔ ནད་གདོན་འཇིགས་དང་སྡུག་བསྔལ་ཐམས་ཅད་ཤཱནྟི་ཀུ་རུ་ཡེ་སྭ་ཧཱ༔ ཚེ་བསོད་དཔལ་འབྱོར་ཡོན་ཏན་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ ཁམས་གསུམ་སྲིད་གསུམ་འདོད་རྒུའི་དཔལ་ཡོན་ཐམས་ཅད་པཱ་ཤཾ་ཀུ་རུ་ཡེ་སྭཱ་ཧཱ༔ གནོད་བྱེད་དགྲ་བགེགས་ལོག་འདྲེན་བར་ཆད་ཐམས་ཅད་མཱ་ར་ཡ་ཕཊ་སྭཱ་ཧཱཿ ལན་བདུན་ཨ་ལི་ཀ་ལི་རྟེན་འབྲེལ་སྙིང་པོ་བརྗོད༔ དེ་ནས་མཆོད་བསྟོད་བྱ་ཞིང་བསྡུ་རིམ་བསྔོ་སྨོན་མཐར༔ རྗེས་ཐོབ་ལྷར་ལྡང་བྱ་སྤྱོད་ལ་འཇུག་གོ༔ སྔ་དྲོ་ཚེ་འགུགས་རྡོ་རྗེའི་ལྕགས་ཀྱུ་ནི༔ ཧཱུྃ་ཧཱུྃ༔ བཅོམ་ལྡན་རྡོ་རྗེ་ཚེ་དཔག་མེད༔ སྐུ་མདོག་དཀར་གསལ་ལོངས་སྤྱོད་རྫོགས༔ མཱ་ཀི་ཡུམ་དང་འཁྲིལ་སྦྱོར་རོལ༔ མཉམ་བཞག་ཚེ་ཡི་བུམ་པ་འཛིན༔ སྤྲུལ་པ་འོད་ཟེར་དཔག་མེད་འགྱེད༔ ཁྱེད་ཀྱི་ཐུགས་དམ་གནད་ནས་བསྐུལ༔ དབྱིངས་ལས་མ་གཡོས་སྤྲུལ་པ་ཡི༔ འཁོར་འདས་ཡོངས་ཀྱི་ཚེ་བསོད་དཔལ༔ བསྡུས་ཤིང་བཀུག་ནས་བདག ཛོཾ།༔ ལ་སྩོལ༔ ཚེ་དང་ཡེ་ཤེས་ལྷུན་གྲུབ་མཛོད༔ ལན་གསུམ་ཚེ་འགུགས་ཐུགས་རྗེའི་ལྕགས་ཀྱུ་ཅི་མང་བརྗོད༔ དེ་དག་རྣམས་ནི་དཀྱིལ་འཁོར་དངོས་གྲུབ་འགྲུབ་པ་དང་ནང་གི་ཚེ་དཔལ་བསྐྱེད་ཕྱིར་དུས་བཞིའི་ཉམས་ལེན་ནོ༔ དེ་ནས་ཚེ་འགུགས་ཡེ་ཤེས་དྲྭ་བ་ནི༔ ཧཱུྃ་ཧྲཱིཿ སྣང་སྲིད་བདེ་ཆེན་པདྨ་འོད༔ མི་འགྱུར་གསང་ཆེན་གཞལ་ཡས་སུ༔ བཅོམ་ལྡན་མགོན་པོ་ཚེ་དཔག་མེད༔ དམར་གསལ་ལོངས་སྐུ་ཡུམ་དང་སྦྱོར༔ པདྨ་རཱ་གའི་བུམ་པ་འཛིན༔ སྣང་སྟོང་བདེ་ཆེན་རོལ་པའི་རྩལ༔ འོད་དང་འོད་ཟེར་དཔག་མེད་འཕྲོས༔ ནམ་མཁའི་ཁམས་ནས་བཅུད་བསྡུས་ལ༔ སེམས་ཀྱི་ཁམས་ནས་ཡལ་བའི་ཚེ༔ མི་འགྱུར་རིག་པའི་ཀློང་དུ་བསྐྱིལ༔ མི་ནུབ་འཕེལ་རྒྱས་རྒྱ་ཡིས་ཐོབ༔ ཚེ་བསོད་དཔལ་ཡོན་འདིར་སྩོལ་ཅིག༔ ཨོཾ་ཨ་མི་དྷེ་ཝ་ཨཱ་ཡུརྡྡྷ་ན་མ་ཧཱ་པུཎྱེ་སརྦ་སིདྡྷི་ཕ་ལ་ཧཱུྃ༔ ཧཱུྃ༔ ཤར་ཕྱོགས་མངོན་དགའི་ཞིང་ཁམས་ནས༔ བཅོམ་ལྡན་རྡོ་རྗེ་ཚེ་དཔག་མེད༔ སྟོང་ཉིད་མཱ་ཀི་ཡུམ་དང་སྦྱོར༔ སྣང་སྟོང་བདེ་ཆེན་རོལ་པའི་རྩལ༔ འོད་དང་འོད་ཟེར་དཔག་མེད་འཕྲོས༔ འབྱུང་བ་ཆུ་ཡི་བཅུད་བསྡུས་ལ༔ ཁྲག་གི་ཁམས་ནས་ཡལ་བའི་ཚེ༔ མི་ནུབ་འཕེལ་རྒྱས་རྒྱ་ཡིས་ཐོབས༔ ཚེ་བསོད་དཔལ་ཡོན་འདིར་སྩོལ་ ཅིག༔ ཨོཾ་ཨ་མི་དྷེ་ཝ་ཨཱ་ཡུརྡྡྷ་ན་མ་ཧཱ་པུཎྱེ་སརྦ་སིདྡྷི་ཕ་ལ་ཧཱུྃ༔ ཧཱུྃ༔ ལྷོ་ཕྱོགས་དཔལ་ལྡན་ཞིང་ཁམས་ནས༔ བཅོམ་ལྡན་རཏྣ་ཚེ་དཔག་མེད༔ སྟོང་ཉིད་སྤྱན་མ་ཡུམ་དང་སྦྱོར༔ སྣང་སྟོང་བདེ་ཆེན་རོལ་པའི་རྩལ༔ འོད་དང་འོད་ཟེར་དཔག་མེད་འཕྲོས༔ འབྱུང་བ་ས་ཡི་བཅུད་བསྡུས་ལ༔ ཤ་ཡི་ཁམས་ནས་ཡལ་བའི་ཚེ༔ མི་ནུབ་འཕེལ་རྒྱས་རྒྱ་ཡིས་ཐོབས༔ ཚེ་བསོད་དཔལ་ཡོན་འདིར་སྩོལ་ཅིག༔ ཨོཾ་ཨ་མི་དྷེ་ཝ་ཨཱ་ཡུརྡྡྷ་ན་མ་ཧཱ་པུཎྱེ་སརྦ་སིདྡྷི་ཕ་ལ་ཧཱུྃ༔ ཧཱུྃ༔ ནུབ་ཕྱོགས་བདེ་ཆེན་པདྨ་བཀོད༔ བཅོམ་ལྡན་པདྨ་ཚེ་དཔག་མེད༔ སྟོང་ཉིད་གོས་དཀར་ཡུམ་དང་སྦྱོར༔ སྣང་སྟོང་བདེ་ཆེན་རོལ་པའི་རྩལ༔ འོད་དང་འོད་ཟེར་དཔག་མེད་འཕྲོས༔ མེ་ཡི་ཁམས་ནས་བཅུད་བསྡུས་ལ༔ དྲོད་ཀྱི་ཁམས་ནས་ཡལ་བའི་ཚེ༔ མི་ནུབ་འཕེལ་རྒྱས་རྒྱ་ཡིས་ཐོབ༔ ཚེ་བསོད་དཔལ་ཡོན་འདིར་སྩོལ་ཅིག༔ ཨོཾ་ཨ་མི་དྷེ་ཝ་ཨཱ་ཡུརྡྡྷ་ན་མ་ཧཱ་པུཎྱེ་སརྦ་སིདྡྷི་ཕ་ལ་ཧཱུྃ༔ ཧཱུྃ༔ བྱང་ཕྱོགས་ལས་རབ་ཞིང་ཁམས་ནས༔ བཅོམ་ལྡན་ཀརྨ་ཚེ་དཔག་མེད༔ སྟོང་ཉིད་སྒྲོལ་མ་ཡུམ་དང་སྦྱོར༔ སྣང་སྟོང་བདེ་ཆེན་རོལ་པའི་རྩལ༔ འོད་དང་འོད་ཟེར་དཔག་མེད་འཕྲོས༔ འབྱུང་བ་རླུང་གི་བཅུད་བསྡུས་ལ༔ ཝྃ།༔ དབུགས་ཀྱི་ཁམས་ནས་ཡལ་བའི་ཚེ༔ མི་ནུབ་འཕེལ་རྒྱས་རྒྱ་ཡིས་ཐོབ༔ ཚེ་བསོད་དཔལ་ཡོན་འདིར་སྩོལ་ཅིག༔ ཨོཾ་ཨ་མི་དྷེ་ཝ་ཨཱ་ཡུརྡྡྷ་ན་མ་ཧཱ་པུཎྱེ་སརྦ སིདྡྷི་ཕ་ལ་ཧཱུྃ༔ ཧཱུྃ་ཛཿ འགུགས་བྱེད་ལས་ཀྱི་ཕོ་ཉ་མོ༔ སྙིང་རྗེའི་མགྱོགས་མ་ལྕགས་ཀྱུ་མ༔ ཡེ་ཤེས་རྩལ་ཆེན་ཤུགས་ཕྱུངས་ལ༔ ཤར་ཕྱོགས་དྲི་ཟ་མེ་ལྷའི་ཚེ༔ བསྡུས་ཏེ་བདག་གི་ཚེ་དཔལ་བསྐྱེད༔ མི་ནུབ་འཕེལ་རྒྱས་དངོས་གྲུབ་སྩོལ༔ ཧཱུྃ་ཧཱུྃ༔ འཆིང་བྱེད་ལས་ཀྱི་ཕོ་ཉ་མོ༔ བྱམས་པའི་མགྱོགས་མ་ཞགས་པ་མ༔ ཡེ་ཤེས་རྩལ་ཆེན་ཤུགས་ཕྱུངས་ལ ལྷོ་ཕྱོགས་གཤིན་རྗེ་སྲིན་པོའི་ཚེ༔ བསྡུས་ཏེ་བདག་གི་ཚེ་དཔལ་བསྐྱེད༔ མི་ནུབ་འཕེལ་རྒྱས་དངོས་གྲུབ་སྩོལ༔ ཧཱུྃ་བཾ༔ སྡོམ་བྱེད་ལས་ཀྱི་ཕོ་ཉ་མོ༔ དགའ་བའི་མགྱོགས་མ ལྕགས་སྒྲོག་མ༔ ཡེ་ཤེས་རྩལ་ཆེན་ཤུགས་ཕྱུངས་ལ༔ ནུབ་ཕྱོགས་ཆུ་བདག་རླུང་ལྷའི་ཚེ༔ བསྡུས་ཏེ་བདག་གི་ཚེ་དཔལ་བསྐྱེད༔ མི་ནུབ་འཕེལ་རྒྱས་དངོས་གྲུབ་སྩོལ༔ ཧཱུྃ་ཧོཿ འབེབས་བྱེད་ལས་ཀྱི་ཕོ་ཉ་མོ༔ བཏང་སྙོམས་མགྱོགས་མ་དྲིལ་བུ་མ༔ ཡེ་ཤེས་རྩལ་ཆེན་ཤུགས་ཕྱུངས་ལ༔ བྱང་ཕྱོགས་གནོད་སྦྱིན་དབང་ལྡན་ཚེ༔ བསྡུས་ཏེ་བདག་གི་ཚེ་དཔལ བསྐྱེད༔ མི་ནུབ་འཕེལ་རྒྱས་དངོས་གྲུབ་སྩོལ༔ ཨོཾ་ཨ་མི་དྷེ་ཝ་ཨཱ་ཡུརྡྡྷ་ན་མ་ཧཱ་པུཎྱེ་སརྦ་སིདྡྷི་ཕ་ལ་ཧཱུྃ༔ ཧཱུྃ་ཨཱཿ ལྷུན་གྲུབ་ལས་ཀྱི་ཕོ་ཉ་མོ༔ ནམ་མཁའི་དབྱིངས་ཕྱུག་དཔལ་མོ་བཙུན༔ ཡེ་ཤེས་རྩལ་ཆེན་ཤུགས་ཕྱུངས་ལ༔ སྟེང་འོག་ཚངས་པ་ས་བདག་ཚེ༔ བསྡུས་ཏེ་བདག་གི་ཚེ་དཔལ་བསྐྱེད༔ མི་ནུབ་འཕེལ་རྒྱས་དངོས་གྲུབ་སྩོལ༔ ཧཱུྃ་སུཾ༔ ལེགས་ཉེས་སྟངས་འཛིན་ཕོ་ཉ་མོ༔ སྣོད་བཅུད་བདག་མོ་དཔལ་བར་མ༔ ཡེ་ཤེས་རྩལ་ཆེན་ཤུགས་ཕྱུངས་ལ༔ སྣོད་བཅུད་འབྱུང་བའི་བཅུད་ཚེ་དཔལ༔ བསྡུས་ཏེ་བདག་གི་ཚེ་དཔལ་བསྐྱེད༔ མི་ནུབ་འཕེལ་རྒྱས་དངོས་གྲུབ་སྩོལ༔ ཨོཾ་ཨ་མི་དྷེ་ཝ་ཨཱ་ཡུརྡྡྷ་ན་མ་ཧཱ་པུཎྱེ་སརྦ་སིདྡྷི་ཕ་ལ་ཧཱུྃ༔ ཚེ་འགུགས་ཐུགས་རྗེའི་ལྕགས་ཀྱུ་ཅི་འགྲུབ་བརྗོད༔ སླར་ཡང་རྒྱ་ཡིས་གདབ་པ་ནི༔ ཧཱུྃ་ཧྲཱིཿ དུས་གསུམ་རྒྱལ་བ་ཐམས་ཅད་ཀྱི༔ སྐུ་ཡི་ས་བོན་ཨོཾ་དཀར་པོ༔ སྤྱི་བོ་ནས་ཞུགས་ལུས་ལ་ཐིམ༔ རྡོ་རྗེ་སྐུ་ཡིས་རྒྱས་གདབ་པོ༔ མི་ཤིགས་རྡོ་རྗེའི་སྲོག་ཐོབ་ཤོག༔ ཨོཾ་བཛྲ་རཀྵ་རཀྵ་ཧཱུྃ་བྷྲུྃ༔ ཨཱཿ གསུང་གི་ས་བོན་ཨཱཿ དམར་བོ༔ མགྲིན་པ་ནས་ཞུགས་ངག་ལ་ཐིམ༔ རྡོ་རྗེ་གསུང་གིས་རྒྱས་གདབ་བོ༔ མི་ཤིགས་རྡོ་རྗེའི་སྲོག་ཐོབ་ཤོག༔ ཨོཾ་བཛྲ་རཀྵ་རཀྵ་ཧཱུྃ་བྷྲུྃ༔ ཝྃ༔ ཧཱུྃ༔ ཐུགས་ཀྱི་ས་བོན་ཧཱུྃ་མཐིང་ནག༔ སྙིང་ག་ནས་ཞུགས་ཡིད་ལ་ཐིམ༔ རྡོ་རྗེ་ཐུགས་ཀྱིས་རྒྱས་གདབ་བོ༔ མི་ཤིགས་རྡོ་རྗེའི་སྲོག་ཐོབ་ཤོག༔ ཨོཾ་བཛྲ་རཀྵ་རཀྵ་ཧཱུྃ་_UNK༔ ཕྱོགས་བཅུའི་རྒྱལ་བ་སྲས་བཅས་ཀྱི༔ ཡེ་ཤེས་ཡོན་ཏན་ཚེ་དཔལ་ཀུན༔ གསེར་མདོག་འོད་ཀྱི་རྣམ་པར་བསྡུས༔ བདག་གི་གནས་ལྔ་ནས་ཞུགས་ཏེ༔ ཡེ་ཤེས་ཡོན ཏན་ཚེ་དཔལ་བསྐྱེད༔ མི་ཤིགས་རྡོ་རྗེའི་སྲོག་ཐོབ་ཤོག༔ ཨོཾ་བཛྲ་རཀྵ་རཀྵ་ཧཱུྃ་_UNK༔ ཧཱུྃ༔ སྣོད་བཅུད་འབྱུང་བའི་ཚེ་དཔལ་བསྐྱེད༔ ལྷ་འདྲེས་བརྐུས་དང་འཁྱམས་པའི་ཚེ༔ འོད་ཀྱི་རྣམ་པར་འུབ་ཏུ་འདུས༔ བདག་གི་སྒོ་གསུམ་ལ་ཐིམ་པས༔ མི་ཤིགས་རྡོ་རྗེས་རྒྱས་གདབ་བོ༔ ཨོཾ་བཛྲ་ཨཱ་ཡུ་ཥེ་སྭཱ་ཧཱ༔ ཧཱུྃ་ཧྲཱིཿ ཆོས་དབྱིངས་ཡེ་ཤེས་ངོ་བོ་ཉིད༔ མི་ཤིགས་རྡོ་རྗེའི་གོ་ཁྲབ་མཁྲེགས༔ ཡེ་ཤེས་མེ་ལྕེའི་དྲྭ་བ་འཁྲིགས༔ འགྱུར་མེད་རང་བྱུང་ལྷུན་གྲུབ་བོ༔ ཨོཾ་དྷརྨ་དྷཱ་ཏུ་བཛྲ་རཀྵ་རཀྵ་ཧཱུྃ་བྷྲུྃ་སྭཱ་ཧཱ༔ ས་མ་ཡ༔ དེ་ལྟར་སྒྲུབ་པ་ཚུལ་བཞིན་དུ༔ ཉམས་སུ་ལེན་པའི་སྐལ་ལྡན་རྣམས༔ དུས་མིན་འཆི་བ་ལས་གྲོལ་ནས༔ ཚེ་ལ་དབང་བའི་རིག་འཛིན་ཐོབ༔ ཉམས་དང་རྟོགས་པའི་ཡོན་ཏན་རྒྱས༔ ཕྱི་ནང་གསང་བའི་བར་ཆད་སེལ༔ མཐར་ཐུག་ཀུན་བཟང་དགོངས་པའི་ཀློང་༔ གྲོལ་བར་འགྱུར་བ་གདོན་མི་ཟ༔ བཀའ་སྲུང་ཚོགས་ཀྱི་བདག་པོས་གཉེར༔ ཐུབ་པར་སྲུངས་ཤིག་ས་མ་ཡ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་བཅོ་བརྒྱད་བར་དུ་བཀའ་རྒྱས་བཏབ་མཐར་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་དབང་ཆེན་གསུང་གི་རྡོ་རྗེའོ། །དགེའོ། །དགེའོ། །དགེའོ།། 508 TI1602 - 512 མ མ ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ ཚེ་སྒྲུབ་དངོས་གྲུབ་འདོད་འབྱུང་གི་ཆ་ལག་འཆི་བ་ལས་ཟློག་གླུད་ཀྱི་ཆོ་ག་བཞུགས་སོ༔ T11602 - 513 བདུད་འཇོམས་ཚེ་སྒྲུབ་ཤོ༔ ན་མོ་གུ་རུ་པདྨ་ཀ་ར་ཡེ༔ ཆུབྷ།ཀརྒྒཀྵྨ།མྦྷཧཱུཾ༔ ལྔ་བརྒྱ་དུས་ཀྱི་ཐ་མ་ལ༔ སྐྱེ་འགྲོ་དམུ་རྒོད་ལས་ངན་སྤྱོད༔ སྔགས་བཙུན་དམ་སྡོམ་མངོན་ལྐོག་ཅན༔ བུད་མེད་འདྲེ་མོས་ཆོས་ཁྲིམས་བཤིག༔ དེ་དུས་སྣང་སྲིད་ལྷ་འདྲེ་འཁྲུགས༔ ནད་མུག་མཚོན་གྱི་བསྐལ་པ་དར༔ དེ་ཚེ་སྨོན་ལམ་ལས་འཕྲོ་ཅན༔ སྐལ་བར་ལྡན་པའི་སྐྱེས་བུ་འགས༔ འདིར་བརྩོན་དུས་མིན་འཆི་བ་བཟློག༔ ལག་ལེན་རིམ་པ་འདི་ལྟ་སྟེ༔ མདུན་དུ་གྲུ་གསུམ་གདན་སྟེང་དུ༔ མ་ཏྲཾ་གན་རྐྱལ་གནས་པ་ཡི༔ ལྟེ་བར་མ་ཧེ་རུ་རིང་ལ༔ ཞོན་པའི་མི་ནག་བེར་ནག་ཅན༔ གཡས་པས་དགྲ་སྟྭ་གཡོན་ཁྲམ་ཤིང་༔ མི་ནག་བརྒྱད་ཀྱིས་མཐའ་ནས་བསྐོར༔ རི་རབ་རྩེ་རུ་ཟུར་བརྒྱད་ཀྱི༔ ནམ་མཁའ་བྲན་ལ་རྒྱབ་བརྟེན་བཞག༔ T11602 - 514 མཝྃ།༔ མདུན་དུ་གཏི་མུག་ཕག་མགོ་ཅན༔ སྦལ་སྦྲུལ་ཉ་ལྕོང་ཚོགས་ཀྱིས་བསྐོར༔ གཡས་སུ་ཞེ་སྡང་སྦྲུལ་མགོ་ཅན༔ བསྭེ་ཐེབ་ཅན་བཞིས་བསྐོར་ནས་བཞག༔ གཡོན་དུ་འདོད་ཆགས་བྱ་མགོ་ཅན༔ བུད་མེད་རལ་ཅན་བཞི་ཡིས་བསྐོར༔ ནམ་མཁའ་མདུན་ནག་གཡས་དཀར་པོ༔ གཡོན་དུ་དེ་བཞིན་དམར་པོ་བཙུག༔ གུས་ཤིང་འདུད་པའི་ཚུལ་དུ་བྱ༔ དེའི་མདུན་བཤམས་པའི་ཡས་གླུད་ནི༔ རི་རབ་རྩེ་རུ་ནམ་མཁའ་ནི༔ ཁ་དོག་སྣ་ལྔ་བཙུག་བྱས་ནས༔ མཚམས་སུ་བྱ་རིགས་སྣ་ཚོགས་བཞག༔ རི་རབ་བང་རིམ་དང་པོ་ལ༔ ངར་མི་དབང་ཚང་གྲངས་མང་བཞག༔ ཕོ་མོའི་མཚམས་སུ་མདའ་འཕང་བཙུག༔ རི་རབ་བང་རིམ་གཉིས་པ་ལ༔ གཟུགས་འགྲོས་རྣམ་པ་སྣ་ཚོགས་བཀོད༔ རི་རབ་བང་རིམ་ཐ་མ་ལ༔ ཁྲམ་ཤིང་འཇའ་TI1602 - 515 རྒྱང་ཕོ་མོ་ཏོང་༔ གོ་མཚོན་དར་ཟབ་གཅན་གཟན་ལྤགས༔ རིན་ཆེན་སྣ་ཚོགས་འབྲུ་སྣ་ཚོགས༔ མཁར་ཐབ་སྐྱསྐྱུ་གུ་ཟན་དུམ་དང་༔ རིལ་བུ་ཟས་སྣ་ཤ་ཁྲག་བཤམས༔ སྦྱིན་བདག་དྲི་ཆུས་སྦྲུས་པ་ཡི༔ ངར་གླུད་མཛེས་པར་གོས་རྒྱན་དང་༔ གཟུགས་འགྲོས་དག་གིས་བསྐོར་བར་བྱ༔ དེ་ལྟར་འདོད་འཇོའི་རི་རབ་ལ༔ ལེ་བརྒན་དར་གྱིས་ལྡིང་གུར་ཕུབ༔ དར་སྣ་ལྔ་ཡིས་མཐའ་ནས་བསྐོར༔ འབུལ་རྫས་ལེགས་པར་གཏོར་མ་དང་༔ རིལ་བུ་ཟན་དུམ་བརྒྱ་ཚན་