Tibetan
སྙིང་ཐིག་གཉན་པོ་ཡི༔ བསྟན་དང་བསྟན་འཛིན་སྡེ་སྐྱོངས་དགེ་ལེགས་སྤེལ༔ བསྟན་ལ་སྡང་བའི་དགྲ་བགེགས་ཐལ་བར་རློག༔ ཧཱུྃ༔ དེ་འོག་དུས་ཚིགས་བཞི་པའི་ཐ་མ་ལ༔ རིག་འཛིན་ཆེན་པོ་པདྨ་འབྱུང་གནས་ཀྱིས༔ གཉིས་མེད་སྒྱུ་འཕྲུལ་རོལ་པའི་རིག་འཛིན་ལ༔ ཟབ་གསང་གཉན་པོའི་གཏད་རྒྱ་བཀྲོལ་བའི་ཚེ༔ དྲེགས་པའི་གཙོ་མཆོག་གཟའ་བདུད་རྒྱལ་པོ་དང་༔ ཁམས་གསུམ་དབང་ཕྱུག་ཚོགས་ཀྱི་བདག་པོ་སོགས༔ ཕོ་རྒྱུད་མོ་རྒྱུད་བཀའ་སྲུང་རྒྱ་མཚོ ཡིས༔ གསང་སྔགས་བསྟན་དང་བསྟན་འཛིན་སྐྱོང་བ་དང་༔ ཕྲིན་ལས་རབ་འབྱམས་བསྒྲུབ་པར་ཁས་བླངས་བཞིན༔ དམ་ཚིག་དྲན་མཛོད་དམར་གྱི་གཏོར་མ་ལོངས༔ ཟབ་གསང་མཁའ་འགྲོའི་སྙིང་ཐིག་གཉན་པོ་ཡི༔ བསྟན་དང་བསྟན་འཛིན་སྡེ་སྐྱོངས་དགེ་ལེགས་སྤེལ༔ བསྟན་ལ་སྡང་བའི་དགྲ་བགེགས་ཐལ་བར་རློག༔ ཧཱུྃ༔ ད་ལྟ་བརྒྱུད་འཛིན་རྣལ་འབྱོར་ བདག་ཅག་གིས༔ ཟབ་གསང་གཉན་པོའི་དཀྱིལ་འཁོར་ཞལ་ཕྱེས་ཏེ༔ རིམ་གཉིས་ཟབ་མོའི་ལམ་མཆོག་ལྷུར་བླངས་ནས༔ བཀའ་དམ་ལ་གནས་བསྟན་སྲུང་རྒྱ་མཚོ་ལ༔ ཆད་དོན་དམར་གྱི་གཏོར་མ་འདི་འབུལ་གྱིས༔ བཞེས་ནས་སྔོན་གྱི་ཐ་ཚིག་དྲན་མཛོད་ལ༔ ཟབ་གསང་མཁའ་འགྲོའི་སྙིང་ཐིག་གཉན་པོ་ཡི༔ བསྟན་དང་བསྟན་འཛིན་སྡེ་སྐྱོངས་དགེ་ལེགས་སྤེལ༔ བསྟན་ལ་སྡང་བའི་དགྲ་བགེགས་ཐལ་བར་རློག༔ ཧཱུྃ༔ ཡེ་ཤེས་དང་ནི་འཇིག་རྟེན་སྲུང་མའི་ཚོགས༔ མ་གཡེལ་མ་འགྱངས་དམ་ཚིག་གཉན་གྱིས་འབོད༔ མྱུར་མགྱོགས་མཐུ་དང་རྫུ་འཕྲུལ་སྟོབས་དབང་གིས༔ འདིར་གཤེགས་ཤ་ཁྲག་དམར་གྱི་གཏོར་མ་ལོངས༔ སྒྲུབ་པའི་རྣལ་འབྱོར་བདག་གི་སྲུང་མ་མཛོད༔ སངས་རྒྱས་བསྟན་དང་བསྟན་འཛིན་སྡེ་སྐྱོངས་ཤིག༔ ཆོས་སྲིད་བསྟན་པའི་མངའ་ཐང་འཕེལ་རྒྱས་མཛོད༔ ཕྱི་དགྲ་ཀླ་ཀློ་བདུད་ཀྱི་རྒོལ་ངན་བཟློག༔ ནང་དགྲ་བན་བོན་འཁྲུགས་རྩོད་རྒོལ་ངན་བཟློག༔ གསང་དགྲ་བར་ཆད་ཡུལ་རྐྱེན་ངན་པ་བཟློག༔ མི་མཐུན་དགྲ་འདྲེས་རྒོལ་ངན་རྡུལ་དུ་རློག༔ བཀའ་དང་དམ་ལས་མ་འདའ་ས་མ་ཡ༔ དེ་ནས་བརྟན་མར་ཆད་དོན་ལ༔ ཧཱུྃ་བྷྱོ༔ དབྱིངས་ཕྱུག་ཆེན་མོ་བཀྲ་ཤིས་ཚེ་རིང་མའི༔ ཝྃ།༔ བྲན་དང་བཀའ་ཉན་མ་མོ་བརྟན་མའི་ཚོགས༔ སྔོན་ཚེ་དཔལ་ཆེན་པདྨ་ཐོད་ཕྲེང་གིས༔ བཀའ་བསྒོས་དམ་བཞག་དབང་བསྐུར་མཚན་གསོལ་ནས༔ བསྟན་དང་བསྟན་འཛིན་སྐྱོང་བར་ཁས་བླངས་བཞིན༔ འདིར་གཤེགས་བཤལ་ཆུའི་གཏོར་མ་འདི་ལོངས་ལ༔ ཕྲིན་ལས་རབ་འབྱམས་མ་ལུས་ཡོངས་གྲུབ་མཛོད༔ དམ་ཚིག་གཉན་ལས་མ་འདའ་ས་མ་ཡ༔ དེ་ནས་རྟ་བྲོ་བརྡུང་བ་ནི༔ ཧཱུྃ༔ བླ་མེད་གསང་ཆེན་རོལ་པའི་དཀྱིལ་འཁོར་དུ༔ ཡེ་ཤེས་རྔམས་པ་གར་གྱི་རྣམ་རོལ་པས༔ མ་རིག་ལོག་རྟོག་འདུལ་བའི་བྲོ་ར་འཁྲབ༔ དུག་གསུམ་སྐུ་གསུམ་དབྱིངས་སུ་སྒྲོལ་བའི་བྲོ༔ དུག་ལྔ་ཡེ་ཤེས་ལྔ་རུ་བཏུལ་བའི་བྲོ༔ འཁོར་བ་མྱང་འདས་ཆེན་པོར་སྒྲོལ་བའི་བྲོ༔ གཟུང་འཛིན་རཱུ་དྲའི་མགོ་ལ་ཆེམས་སེ་ཆེམ༔ བདག་མེད་མཉམ་པ་ཉིད་ཀྱི་དབྱིངས་སུ་བྲུབ༔ མ་ཤོར་མ་ལྡང་རྡོ་རྗེ་ཐེག་པའི་རྒྱ༔ ཨོཾ་ལཾཿ ཨཱཿལཾ༔ ཧཱུྃ་ལཾ༔ སུཾ་ལཾ༔ སྟྭཾ་བྷ་ཡ་ནན༔ དེ་ནས་དངོས་གྲུབ་ལེན་པ་ནི༔ ཧཱུྃ༔ དཀྱིལ་འཁོར་ལྷ་ཚོགས་མ་ལུས་དགོངས་སུ་གསོལ༔ སྒྲུབ་པའི་རིག་འཛིན་རྣལ་འབྱོར་བདག་ཉིད་ཀྱིས༔ བསྙེན་སྒྲུབ་ལས་སྦྱོར་དུས་འདིར་མཐར་སོན་ཏེ༔ དམ་བཅའ་ཚད་དུ་ཕྱིན་པའི་གནས སྐབས་འདིར༔ མ་གཡེལ་ཐུགས་རྗེ་བརྩེ་བ་ཆེན་པོ་ཡིས༔ དབང་བྱིན་དངོས་གྲུབ་མ་ལུས་འདིར་སྩོལ་ཅིག༔ རྩ་སྔགས་མཐར༔ ཀཱ་ཡ་ཝཱཀ་ཙིཏྟ་སརྦ་སི_UNK་ཕ་ལ་ཧཱུྃ་ཨཱཿ དེ་ནས་བསྔོ་བ་སྨོན་ལམ་ནི༔ ཧཱུྃ༔ བདག་གིས་དུས་གསུམ་བསགས་པའི་དགེ་རྩ་ཀུན༔ མ་གྱུར་འགྲོ་བ་སེམས་ཅན་ཡོངས་ལ་བསྔོ༔ ཀུན་ཀྱང་གདོད་མའི་གཞི་དབྱིངས་ཆེན་པོ་རུ༔ ཕྱམ་གཅིག་རྫོགས པའི་སངས་རྒྱས་ཐོབ་གྱུར་ཅིག༔ དེ་ནས་རྟག་མཐའ་བསལ་བ་ནི༔ ཧཱུྃ༔ སྣང་སྲིད་མ་ལུས་བདག་བསྐྱེད་ལྷ་ལ་བསྡུ༔ བདག་བསྐྱེད་ཐུགས་སྲོག་སྔགས་ཀྱི་འཁོར་ལོར་བསྡུ༔ དེ་ཡང་ཧྲཱིཿ དང་ཧྲཱིཿཡིག་དབྱིངས་སུ་བསྡུ༔ ཁྱབ་བརྡལ་རྫོགས་པ་ཆེན་པོར་འབྱམས་ཀླས་སོ༔ ཨ་ཨ་ཨ༔ དེ་ནས་ཆད་མཐའ་བསལ་བ་ནི༔ ཧཱུྃ༔ ཆོས་ཉིད་མཁའ་ལས་ལྷུན་གྲུབ་རོལ་པའི་རྩལ༔ ཡེ་ཤེས་རྔམས་པའི་སྒྱུ་འཕྲུལ་ལྷ་རུ་ལྡང་༔ དོན་དམ་མི་ཤིགས་ངོ་བོ་རྡོ་རྗེ་ཡིས༔ སྲ་མཁྲེགས་རྡོ་རྗེའི་གོ་ཁྲབ་ཞུ་ལུགས་བགོས༔ རྩ་སྔགས་མཐར༔ བཛྲ་རཀྵ་རཀྵ་ཧཱུྃ་བྷྲུྃ༔ དེ་ནས་བཀྲ་ཤིས་བྱ་བ་ནི༔ ཨོཾ༔ རྡོ་རྗེའི་སྐུ་ནི་སྐྱེ་འཆི་བསྒྲེས་རྒུད་བྲལ༔ ཨཱཿ ཚངས་པའི་གསུང་དབྱངས་ཡན་ལག་དྲུག་ཅུའི་གདངས༔ ཧཱུྃ༔ རྡོ་རྗེའི་ཐུགས་མཆོག་སྤྲོས་པའི་མཐའ་དང་བྲལ༔ ཝྃ།༅ ཡོན་ཏན་ཕྲིན་ལས་རྨད་བྱུང་འདོད་རྒུའི་གཏེར༔ རྒྱལ་བ་རྒྱ་མཚོའི་བཀྲ་ཤིས་གང་ལགས་པ༔ དམ་པ་དེས་ཀྱང་དེང་འདིར་བདེ་ལེགས་ཤོག༔ ས་མ་ཡ༔ ཐ འདི་ནི་དུས་གསུམ་རྒྱལ་ཀུན་གྱི༔ ཡང་གསང་སྒྲུབ་པ་སྙིང་པོའི་བཅུད༔ གནད་མཆོག་དོན་དང་ལྡན་པའི་བུ༔ ཚེ་འདིར་མཆོག་གི་དངོས་གྲུབ་བརྙེས༔ དོན་གཉིས་ལྷུན་གྲུབ་དཔལ་ཐོབ་འགྱུར༔ མ་འོངས་ང་ཡི་བརྒྱུད་འཛིན་རྣམས༔ བསྐྱེད་རིམ་དམིགས་གནད་དང་ལྡན་ཅིང་༔ གཞན་དུ་ཡེངས་པར་མི་བྱེད་པ༔ སྒྲུབ་པ་ཀུན་གྱི་གནད་གཅིག་ཡིན༔ ནེ་ཙོའི་འདོན་པ་ལྟ་བུ་ཡིས༔ བསྐལ་པར་བསྒྲུབ་ཀྱང་འབྲས་མི་འབྱིན༔ ལྷ་ལ་ཡི་ཆད་བཏང་ན་ཡང་༔ རང་ཉིད་ངན་འགྲོར་མནར་བའི་རྒྱུ༔ དེ་འདྲའི་ལས་ངན་མ་བསགས་པར༔ བསྐྱེད་པ་གནད་ཀྱི་དམ་པར་ཟུངས༔ གསལ་བ་ཆེན་པོའི་གཟེར་བསྡམས་པས༔ གཞན་དུ་མ་ཡེངས་ཉམས་ལེན་ན༔ རྡོ་རྗེ་འཆང་གི་ས་ཐོབ་འགྱུར༔ བཀའ་སྲུང་གནོད་སྦྱིན་ཆེན་པོར་གཏད༔ ཐུབ་པར་སྲུངས་ཤིག་ས་མ་ཡ༔ སྐུ་ཡི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་རང་སློབ་དམ་པ་པདྨ་ངོ་མཚར་རོ། །དགེའོ །དགེའོ། །དགེའོ།། 479 T11602 - 484 ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ འཆི་མེད་ཚེའི་སྒྲུབ་པའི་བསྐང་བ་ཡོན་ཏན་གསལ་བྱེད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ _UNKབླརྣ་ད༔ མ་འོངས་པདྨའི་བརྒྱུད་འཛིན་གྱིས༔ ཉམས་ཆག་རྟོག་སྒྲིབ་སྦྱང་བའི་ཕྱིར༔ བསྐང་བ་ཡོན་ཏན་གསལ་བྱེད་བསྟན༔ ལག་ཏུ་ལེན་པའི་རིམ་པ་ནི༔ དངོས་སུ་འབྱོར་པའི་མཆོད་པ་ལ༔ ཡིད་ཀྱིས་དཔག་མེད་རབ་སྤེལ་ནས༔ ལྷག་པའི་ལྷ་ལ་འབུལ་བར་བྱ༔ ཉམས་ཆག་བསྐང་བའི་ཐབས་འདིར་བརྩོན༔ ན་མོ༔ བླ་ན་མེད་པའི་དཀོན་མཆོག་གསུམ༔ བླ་མ་ཡི་དམ་མཁའ་འགྲོ་དང་༔ ཆོས་སྐུ་ལོངས་སྐུ་སྤྲུལ་པའི་སྐུ༔ ཡོངས་འདུས་བདག་ཉིད་བླ་མ་དང་༔ བཅོམ་ལྡན་མགོན་པོ་ཚེ་དཔག་མེད༔ རིགས་ལྔའི་རྒྱལ་བ་གངས་ཆེན་མཚོ༔ སྟོན་འཁོར་སྤྲུལ་པ་ཡང་སྤྲུལ་བཅས༔ ཐུགས་རྗེའི་ཤུགས་ཀྱིས་འདིར་གཤེགས་ལ༔ རྣལ་འབྱོར་ཉམས་ཆག་བསྐང་བའི་ཕྱིར༔ འདུན་པའི་རྩེ་ལ་རབ་བཞུགས་གསོལ༔ ཐུགས་རྗེ་བརྩེ་བ་ཆེན་པོས་དགོངས༔ སྒོ་གསུམ་གུས་པས་ཕྱག་འཚལ་ལོ༔ ལུས་དང་ལོངས་སྤྱོད་དགེ་རྩར་བཅས༔ དམ་ཚིག་ཉམས་ཆག་བསྐང་ཕྱིར་འབུལ༔ འདི་ནས་ཚེ་རབས་ཐམས་ཅད་དུ༔ སྒོ་གསུམ་མ་རིག་དབང་གྱུར་པས༔ རྩ་བ་ཡན་ལག་དམ་ཉམས་པ༔ མི་འཆབ་མི་སྦེད་མཐོལ་ལོ་བཤགས༔ དག་ཚངས་མཆོག་ཐུན་དངོས་གྲུབ་སྩོལ༔ ཨོཾ་བཛྲ་སཏྭ་ས་མ་ཡ་སོགས༔ ཧཱུྃ་ཧྲཱིཿ འོག་མིན་ཆོས་དབྱིངས་ཕོ་བྲང་ནས༔ ཀུན་ཏུ་བཟང་པོའི་ཐུགས་དམ་བསྐང་༔ མི་འགྱུར་གཞོམ་བྲལ་ཐིག་ལེའི་སྐུ༔ རྡོ་རྗེ་སེམས་དཔའི་ཐུགས་དམ་བསྐང་༔ གཞོན་ནུ་བུམ་སྐུར་རྫོགས་སངས་རྒྱས༔ དགའ་རབ་རྡོ་རྗེའི་ཐུགས་དམ་བསྐང་༔ ཀ་དག་དབྱིངས་སུ་ལྷུན་འབྱམས་རོལ༔ ཤྲཱི་སེང་ཧའི་ཐུགས་དམ་བསྐང་༔ ཡེ་ཤེས་སྒྱུ་མ་ཟང་ཐལ་སྐུ༔ པདྨ་འབྱུང་གནས་ཐུགས་དམ་བསྐང་༔ འཕོ་བ་ཆེན་པོའི་དབྱིངས་སུ་གཤེགས༔ ཡེ་ཤེས་མཚོ་རྒྱལ་ཐུགས་དམ་བསྐང་༔ སྐུ་གསུམ་ལྷུན་གྲུབ་གདིང་ཆེན་ཐོབ༔ ཁྱེའུ་ཆུང་ལོ་ཙཱའི་ཐུགས་དམ་བསྐང་༔ དཀྱིལ་འཁོར་ཡོངས་ཀྱི་ཁྱབ་བདག་དཔལ༔ རྩ་བའི་བླ་མའི་ཐུགས་དམ་བསྐང་༔ ཐུགས་དམ་བསྐང་བའི་དམ་རྫས་ནི༔ ཉེར་སྤྱོད་བདུན་དང་འདོད་ཡོན་ལྔ༔ སྨན་གཏོར་རཀྟ་གསང་བའི་རྫས༔ སྦྱོར་སྒྲོལ་ཏན་གན་རྨད་བྱུང་རྫས༔ ལུས་དང་ལོངས་སྤྱོད་ཚོགས་ཀྱིས་བསྐང་༔ སྡོམ་དང་བསླབ་པ་དམ་ཉམས་བཤགས༔ ཧཱུྃ་ཧྲཱིཿ ལྷུན་གྲུབ་གསང་ཆེན་གཞལ་ཡས་ནས༔ འཆི་མེད་མགོན་པོའི་ཐུགས་དམ་བསྐང་༔ ཤར་ཕྱོགས་མངོན་དགའི་ཞིང་ཁམས་ནས༔ མི་བསྐྱོད་ ཝྃ།༔ རྡོ་རྗེའི་ཐུགས་དམ་བསྐང་༔ ལྷོ་ཕྱོགས་དཔལ་ལྡན་ཞིང་ཁམས་ནས༔ རིན་ཆེན་འབྱུང་ལྡན་ཐུགས་དམ་བསྐང་༔ ནུབ་ཕྱོགས་བདེ་ཆེན་ཞིང་ཁམས་ནས༔ སྣང་བ་མཐའ་ཡས་ཐུགས་དམ་བསྐང་༔ བྱང་ཕྱོགས་ལས་རབ་ཞིང་ཁམས་ནས༔ དོན་ཡོད་གྲུབ་པའི་ཐུགས་དམ་བསྐང་༔ ཁྱབ་བརྡལ་ནམ་མཁའི་དབྱིངས་ཆེན་མོ༔ གསང་བ་ཡེ་ཤེས ཐུགས་དམ་བསྐང་༔ མཉེན་པ་ཆུ་ཡི་དབྱིངས་ཆེན་མོ༔ མ་མཱ་ཀི་ཡི་ཐུགས་དམ་བསྐང་༔ སྲ་བ་ས་ཡི་དབྱིངས་ཆེན་མོ༔ སངས་རྒྱས་སྤྱན་མའི་ཐུགས་དམ་བསྐང་༔ དྲོ་བ་མེ་ཡི་དབྱིངས་ཆེན་མོ༔ ན་བཟའ་དཀར་མོའི་ཐུགས་དམ་བསྐང་༔ བསྐྱོད་པ་རླུང་གི་དབྱིངས་ཆེན་མོ༔ དམ་ཚིག་སྒྲོལ་མའི་ཐུགས་དམ་བསྐང་༔ སྙིང་རྗེས་ཁམས་གསུམ་འགུགས་བྱེད་མ༔ ལྕགས་ཀྱུ་མ་ཡི་ཐུགས་དམ་བསྐང་༔ བྱམས་པས་འགྲོ་ཀུན་སྐྱོབ་བྱེད་མ༔ ཞགས་པ་མ་ཡི་ཐུགས་དམ་བསྐང་༔ དགའ་བས་འགྲོ་ཀུན་རྗེས་འཛིན་མ༔ ལྕགས་སྒྲོག་མ་ཡི་ཐུགས་དམ་བསྐང་༔ བཏང་སྙོམས་འཁོར་བ་དོང་སྤྲུགས་མ༔ དྲིལ་བུ་མ་ཡི་ཐུགས་དམ་བསྐང་༔ དཀྱིལ་འཁོར་བར་ཁྱམས་འཁོར་ཡུག་ཏུ༔ སྒྱུ་འཕྲུལ་རོལ་པའི་ཐུགས་དམ་བསྐང་༔ ཕྲིན་ལས ལས་ཀྱི་སྒོ་བཞི་རུ༔ སྒོ་སྐྱོང་ཚོགས་ཀྱི་ཐུགས་དམ་བསྐང་༔ ཐུགས་དམ་བསྐང་བའི་དམ་རྫས་ནི༔ ཉེར་སྤྱོད་བདུན་དང་འདོད་ཡོན་ལྔ༔ སྨན་གཏོར་རཀྟ་གསང་བའི་རྫས༔ སྦྱོར་སྒྲོལ་ཏན་གན་རྨད་བྱུང་རྫས༔ ལུས་དང་ལོངས་སྤྱོད་ཚོགས་ཀྱིས་བསྐང་༔ སྡོམ་དང་བསླབ་པ་དམ་ཉམས་བཤགས༔ ཧཱུྃ་ཧྲཱིཿ དུར་ཁྲོད་ཧེ་ཆེན་བརྡལ་བ་ནས༔ གནོད་སྦྱིན་ཆེན་པོའི་ཐུགས་དམ་བསྐང་༔ ནམ་མཁའ་ཡངས་པའི་ཀློང་དཀྱིལ་ནས༔ གཟའ་བདུད་ནག་པོའི་ཐུགས་དམ་བསྐང་༔ སུམ་ཅུ་རྩ་གསུམ་ལྷ་གནས་སུ༔ ལྷ་ཆེན་ཚོགས་བདག་ཐུགས་དམ་བསྐང་༔ རྒྱལ་བའི་བཀའ་ཡི་གཉེར་འཛིན་པ༔ བཀའ་སྲུང་གཉན་པོའི་ཐུགས་དམ་བསྐང་༔ ལེགས་ཉེས་གཉིས་ཀྱི་སྟངས་འཛིན་པ༔ སྲིད་པའི་རྒྱལ་མོའི་ཐུགས་དམ་བསྐང་༔ བོད་ཁམས་སྐྱོང་ཞིང་བསྟན་ལ་གདུང་༔ བརྟན་མ་བཅུ་གཉིས་ཐུགས་དམ་བསྐང་༔ ཐུགས་དམ་བསྐང་བའི་དམ་རྫས་ནི༔ ཉེར་སྤྱོད་བདུན་དང་འདོད་ཡོན་ལྔ༔ སྨན་གཏོར་རཀྟ་གསང་བའི་རྫས༔ སྦྱོར་སྒྲོལ་ཏན་གན་རྨད་བྱུང་རྫས། ལུས་དང་ལོངས་སྤྱོད་ཚོགས་ཀྱིས་བསྐང་༔ སྡོམ་དང་བསླབ་པ་དམ་ཉམས་བཤགས༔ ཧོཿ ཕྱོགས་བཅུ་སྤྲུལ་པའི་ཞིང་ཁམས་སུ༔ ཝྃ༔ གང་འདུལ་མཛད་ལ་རྗེས་ཡི་རང་༔ འགྲོ་བའི་རིགས་རྒྱུད་དང་བསྟུན་པའི༔ ཐེག་པའི་ཆོས་འཁོར་བསྐོར་བར་བསྐུལ༔ ཁམས་གསུམ་འཁོར་བ་མ་སྟོང་བར༔ མྱ་ངན་མི་འདའ་བཞུགས་གསོལ་འདེབས༔ དུས་གསུམ་བསགས་པའི་དགེ་རྩ་ཀུན༔ བླ་མེད་མཆོག་གི་རྒྱུ་རུ་བསྔོ༔ ནམ་མཁའི་མཐའ་མཉམ་སེམས་ཅན་ཀུན༔ སྐུ་གསུམ་དབྱིངས་སུ་སངས་རྒྱས་ཤོག༔ ཚོགས་ཀྱི་འཁོར་ལོ་ལ་བརྟེན་ནས༔ བསྐང་བཤགས་འདི་ཉིད་ལག་ལེན་པའི༔ སྐལ་བཟང་སྐྱེས་བུ་ཕོ་མོ་ཡི༔ རྩ་བ་ཆད་པ་མ་གཏོགས་པའི༔ དམ་ཚིག་ཉམས་ཆག་སོར་ཆུད་དེ༔ ཡང་དག་ལམ་དུ་ཚུད་འགྱུར་རོ༔ བཀའ་སྲུང་གནོད་སྦྱིན་དམར་ནག་དང་༔ ལྷ་ཆེན་དབང་ཕྱུག་ཆེན་པོས་སྲུངས༔ བཀའ་དང་དམ་ཚིག་གཉན་པོའི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་གཏེར་ནས་བཏོན་ཏེ་མཐར་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་རང་སློབ་པདྨ་ངོ་མཚར་གྱིས་བགྱིས་པའོ། །དགེའོ། །དགེའོ །དགེའོ།། །། T11602 - 490 ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ འཆི་མེད་ཚེ་ཡི་བསྐུལ་བ་རྡོ་རྗེའི་ཕྲེང་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ བྷ་རྦ༔ མ་འོངས་པདྨའི་བརྒྱུད་འཛིན་གྱིས༔ སྙིང་པོའི་ས་ལ་གཞོལ་བའི་ཚེ༔ ཕྱི་ནང་བར་ཆད་གེགས་གྲོལ་ཕྱིར༔ ཐུགས་དམ་གནད་ནས་བསྐུལ་བ་ནི༔ ཧཱུྃ་ཧྲཱིཿ གཞི་དབྱིངས་རྣམ་དག་དོན་གྱི་འོག་མིན་ཞིང་༔ གཞི་སྣང་ལོངས་སྐུའི་བཀོད་པ་ལྷུན་གྲུབ དཔལ༔ ཡོངས་རྫོགས་བདག་ཉིད་མགོན་པོ་ཚེ་མཐའ་ཡས༔ སྒྱུ་འཕྲུལ་རོལ་པ་རིགས་ལྔ་རིགས་བརྒྱ་སོགས༔ གདུལ་དཀའ་ཐབས་ཀྱིས་འདུལ་ཕྱིར་སྣ་ཚོགས་གར༔ ཞིང་དང་སྟོན་འཁོར་མཛད་པ་དཔག་ཡས་སྟོན༔ ཡེ་ཤེས་དབྱིངས་སུ་གཉིས་མེད་རོལ་པ་ཆེ༔ ཡེ་ཡིན་སྙིང་པོའི་དོན་ལས་རིང་དགོངས་ཏེ༔ གཉིས་སྣང་མུན་པའི་ཁྲོད་དུ་ཉམ་ཐག་གི༔ སྡུག་བསྔལ་གདུང་བས་རྟག་མྱོས་ཁུར་མ་བཟོད༔ དེ་ལས་འབྲོས་ཕྱིར་འབད་པས་དེ་རྒྱུ་བསྒྲུབ༔ རང་བྱས་ལས་ཀྱི་མཐའ་ལ་ཐུག་དུས་མེད༔ ད་ནི་སྐྱབས་དང་སྐྱེལ་མ་མ་མཆིས་པས༔ བདེ་གཤེགས་རྒྱལ་བ་རྒྱ་མཚོར་སྐྱབས་འཚོལ་ཞིང་༔ སྐད་ཅིག་མི་འབྲལ་རྟེན་གྱི་མཆོག་ཏུ་ཁུར༔ ཐུགས་རྗེས་ཡལ་བར་དོར་ན་སུ་ལ་རེ༔ བསྐུལ་ལོ་བསྐུལ་ལོ་དུས་གསུམ་བདེ་གཤེགས TI1602 - 491 རྣམས༔ བཞེངས་ཤིག་ཆོས་ཀྱི་དབྱིངས་ལས་སྐུར་བཞེངས་ཤིག༔ ཕྱི་དགྲ་སྲིད་པའི་དགྲ་གདོན་བགེགས་ཚོགས་སྒྲོལ༔ ནང་དགྲ་ལོག་འདྲེན་བདུད་དང་དམ་སྲི་ཐུལ༔ གསང་དགྲ་ཉོན་མོངས་བརྒྱད་ཁྲིའི་འཁྲུལ་འཁོར་ཟློག༔ ཡེ་ཤེས་དབྱིངས་སུ་བཞེངས་བཞུགས་མི་མངའ་ཡང་༔ སོ་སྐྱེས་གཉིས་འཛིན་རེ་བའི་བློ་སེམས་ཀྱིས༔ དད་མོས་དྲག་པོས་ཐུགས་དམ་རྒྱུད བསྐུལ་ལོ༔ ཐུགས་བསྐྱེད་རྣམ་དག་ནམ་མཁའི་ཀློང་ཆེན་ནས༔ མཁྱེན་བརྩེ་ནུས་པའི་རྩལ་ཤུགས་མྱུར་དུ་ཕྱུངས༔ བདག་རྒྱུད་འཁོར་བར་བཅིང་བའི་རྒྱུ་དང་རྐྱེན༔ ཆོས་ཟད་བློ་འདས ཆེན་པོའི་དབྱིངས་སུ་ཤིག༔ གབ་གསང་གཉན་པོའི་རང་ཞལ་མངོན་གྱུར་ནས༔ འཕོ་མེད་ཕྱག་རྒྱ་ཆེན་པོའི་ས་ལ་སྐྱོལ༔ འཁོར་འདས་བ་ཆུབ་རོལ་པའི་དབྱིངས་ཆེན་མོ༔ ཉག་གཅིག་སྟོང་ཆེན་དབང་མོ་ཨེ་ཀ་ཛཿ ལྷུན་གྲུབ་རྫོགས་ལྡན་གཉིས་མེད་རོལ་པ་ཆེ༔ ཐབས་ཀྱིས་སྐུར་བཞེངས་ལེགས་ལྡན་ཧེ་རུ་ཀ༔ བདེ་སྟོང་སྙོམས་འཇུག་རོལ་པའི་གདངས་ཆེན་པོ༔ ལོག་རྟོག་འཇོམས་ཕྱིར་སྲས་མཆོག་རཱ་ཧུ་ལ༔ ཡེ་ཤེས་རྩལ་ལས་ཕྲིན་ལས་ཡོངས་གྲུབ་ཆེ༔ དབང་ཆེན་སྟོབས་ལྡན་གནོད་སྦྱིན་ཤན་པ་ཆེ༔ ཁམས་གསུམ་སྐུ་གསུང་ཐུགས་སུ་མངའ ཝྃ༔ དབང་བསྒྱུར༔ སྲིད་པའི་མེས་པོ་ལྷ་ཆེན་ཚོགས་ཀྱི་བདག༔ གསང་ཆེན་བསྟན་པའི་སྲུང་མ་དམ་ཚིག་ཅན༔ བསྐུལ་ལོ་ཐུགས་དམ་གཉན་པོའི་དུས་ལ་བབ༔ སངས་རྒྱས་བསྟན་དང་བསྟན་འཛིན་བུ་སློབ་སྐྱོངས༔ སྣང་སྲིད་དྲེགས་པ་དབང་བསྡུས་བཀའ་ནན་ཐོབ༔ རབ་འབྱམས་ཕྲིན་ལས་མ་ལུས་ལྷུན་གྲུབ་ཅིང་༔ མི་སྲུན་ཞིང་བཅུའི་དགྲ་སྡེ་ཐལ་བར་རློག༔ རྣལ་འབྱོར་ཡིད་ལ་འདོད་དོན་ཡོངས་འགྲུབ་མཛོད༔ ས་མ་ཡ༔ དེ་ལྟར་གནད་བསྐུལ་ཟབ་མོ་རུ༔ བརྩོན་པས་ལས་ཀུན་ཐོགས་མེད་འགྲུབ༔ བཀའ་སྲུང་དབང་ཕྱུག་ཆེན་པོས་སྲུངས༔ མ་གཡེལ་མ་འགྱངས་ས་མ་ཡ༔ སྐུ་ཡི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་གཏེར་ནས་བཏོན་ཏེ་དག་པར་ཕབ་པའོ། །དགེའོ། །དགེའོ། །དགེའོ།། །། T1602 - 493 T11602 - 494 ཟབ་གསང་མཁའ་འགྲོའི་སྙིང་ཐིག་ལས༔ ཡང་གསང་ཚེ་སྒྲུབ་དངོས་གྲུབ་འདོད་འབྱུང་གི༔ དུས་བཞིའི་ཉམས་ལེན་ལས་བཞི་ལྷུན་གྲུབ་བཞུགས་སོ༔ TI1602 - 495 བདུད་འཇོམས་ཚེ་སྒྲུབ་ཝྃ།༔ ན་མོ་གུ་རུ་པདྨ་ཀ་ར་ཡེ༔ བྷབྷརྨཱཁཾ༔ ཡང་གསང་ཚེ་ཡི་སྒྲུབ་པ་ལྷུར་ལེན་ཚེ༔ བསྙེན་དང་སྒྲུབ་པའི་རྟགས་ཚད་རྫོགས་པའི་མཐར༔ དུས་བཞིའི་རྣལ་འབྱོར་ཟབ་མོ་འདིར་བརྩོན་བྱ༔ དང་པོ་སྔ་དྲོ་ཞི་བའི་ཉམས་ལེན་ནི༔ རང་ཉིད་བཅོམ་ལྡན་རྡོ་རྗེ་ཚེ་དཔག་མེད༔ དཀར་གསལ་མཉམ་བཞག་རྡོ་རྗེ་ཚེ་བུམ་བསྣམས༔ ཞི་འཛུམ་འོད་འབར་རྡོ་རྗེའི་སྐྱིལ་ཀྲུང་བཞུགས༔ ལོངས་སྤྱོད་རྫོགས་སྐུ་དར་དང་རིན་ཆེན་བརྒྱན༔ གསང་བའི་ཡུམ་མཆོག་མཱ་ཀི་སྐུ་ལ་འཁྲིལ༔ ཕྱག་གཡས་མདའ་དར་གཡོན་པས་ཚེ་བུམ་བསྣམས༔ སྐུ་ལ་བཀོད་པ་རྒྱལ་བའི་ཞིང་ཀུན་རྫོགས༔ ཐུགས་ཀློང་༩༨༠ T11602 - 496 རྟཤོ༔ རྡོ་རྗེའི་ལྟེ་བ་ཁོང་གསེང་དབུས༔ ཉི་མ་ཟླ་བའི་གྭའུ་ཁ་སྦྱོར་ནང་༔ ཧཱུྃ་ཡིག་དཀར་ལ་སྔོ་མདངས་ཆགས་པའི མཐར༔ རྩ་བའི་སྔགས་ཀྱི་ཕྲེང་བ་གཡས་སུ་འཁོར༔ འོད་འཕྲོས་ཁམས་གསུམ་སེམས་ཅན་ཐམས་ཅད་ཀྱི༔ སྡིག་སྒྲིབ་ལས་ཉོན་བག་ཆགས སྡུག་བསྔལ་བཅས༔ བ་མོར་ཉི་ཟེར་ཕོག་ལྟར་སངས་ཀྱིས་དག༔ ཀུན་ཀྱང་ཚེ་དཔག་མེད་མགོན་སྐུ་རུ་གྱུར༔ སྣོད་བཅུད་འབྱུང་བ་དྭངས་མའི ཚེ་བསོད་བཀྲག༔ ཚུར་འདུས་སྲོག་གི་སྙིང་པོར་བཅུད་དུ་དྲིལ༔ སླར་ཡང་འོད་འཕྲོས་རྒྱལ་བ་སྲས་བཅས་མཆོད༔ ཤེས་རབ་ཡེ་ཤེས་ཐུགས་T11602 - 497 རྗེ་ནུས་མཐུ་དང་༔ ཚེ་བསོད་ཡོན་ཏན་འོད་ཟེར་རྣམ་ལྔའི་ཚུལ༔ བསྡུས་ཏེ་སྲོག་གི་སྙིང་པོར་གཉིས་མེད་བསྟིམ༔ ཚེ་བསོད་དཔལ་འབྱོར་ཡེ་ཤེས་ཡོན་ཏན་ཀུན༔ ཉ་གང་ཟླ་རྒྱས་བཞིན དུ་འཕེལ་རྒྱས་བསམ༔ སྤྱི་བོར་རིགས་ཀྱི་བདག་པོ་བླ་མ་རྗེ༔ མཚོ་སྐྱེས་རྡོ་རྗེའི་རྣམ་རོལ་རྡོ་དྲིལ་བསྣམས༔ ལོངས་སྤྱོད་རྫོགས་སྐུ་གསང་བའི་ཡུམ་དང་འཁྲིལ༔ སྦྱོར་མཚམས་བྱང་སེམས་དཀར་དམར་རྒྱུན་བབས་ནས༔ ཚངས་བུག་ནས་ཞུགས་ལུས་གང་བདེ་བས་མྱོས༔ དབང་དང་དགའ་བཞིའི་ཡེ་ཤེས་ཉམས་སུ་མྱོང་༔ ཨོཾ་བཛྲ་གུ་རུ་ཨཱ་ཡུ་པུཎྱེ་སརྦ་སིདྡྷི་ཧཱུྃ༔ ཅི་མང་བཟླས་མཐར༔ ནད་གདོན་བར་ཆད་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ༔ ལན་བདུན་བཟླས་མཐར༔ ཨ་ལི་ཀ་ལི་རྟེན་སྙིང་བརྗོད་ནས་སུ༔ མཆོད་བསྟོད་བྱ་ཞིང་བསྡུ་དང་རྗེས་ཐོབ་ལྷར༔ ལྡང་ནས་བྱ་སྤྱོད་ལ་ཞུགས་སླར་ཡང་ནི༔ ཉིན་གུང་རྒྱས་པའི་དུས་ལ་བབ་པའི་ཚེ༔ རཏྣ་རིགས་ཀྱི་རྣལ་འབྱོར་ཉམས་ལེན་ནི༔ ཧཱུྃ་ཏྲཱཾཿ རང་སྣང་ལྷུན་གྲུབ་དག་པའི་ཞིང་ཁམས་སུ༔ ཡེ་ཤེས་ལྔ་ལྡན་གཞལ་ཡས་ཡངས་པའི་དབུས༔ པདྨ་ཉི་ཟླ་བརྩེགས་པའི་གདན་སྟེང་དུ༔ རང་ཉིད་བཅོམ་ལྡན་རཏྣ་ཚེ་དཔག་མེད༔ གསེར་མདོག་མཚན་དཔེ་རབ་རྫོགས་ལོངས་སྐུའི་ཆས༔ ཕྱག་གཉིས་མཉམ་བཞག་རིན་ཆེན་ཚེ་བུམ་བསྣམས༔ ཛོཾ༔ ཞི་འཛུམ་འོད་ཕུང་རབ་འབར་སྐྱིལ་ཀྲུང་བཞུགས༔ གསང་བའི་ཡུམ་མཆོག་སངས་རྒྱས་སྤྱན་མར་འཁྲིལ༔ སེར་གསལ་མདའ་དར་ཚེ་བུམ་ཡབ་ལ་འཁྱུད༔ ཐུགས་ཀར་ཟླ་སྟེང་ནོར་བུའི་ཁོང་གསེང་དུ༔ ཉི་ཟླའི་གྭའུ་ཏྲཱཾཿ ཡིག་སེར་གསལ་ལ༔ སྔགས་ཕྲེང་འཁོར་བའི་འོད་ཟེར་