Tibetan
གསུམ་འཆིང་བྱེད་མ༔ སྒོ་མ་ཆེན་མོ་ཞགས་པ་མས༔ ལྷོ་ཕྱོགས་དགྲ་བགེགས་གནོད་བྱེད་རྣམས༔ རྒྱས་པའི་ལས་ཀྱིས་ཟློག་ཏུ་གསོལ༔ དགའ་བས་དུག་གསུམ་སྡོམ་བྱེད་མ༔ སྒོ་མ་ཆེན་མོ་ལྕགས་སྒྲོག་མས༔ ནུབ་ཀྱི་དགྲ་འདྲེ་གདོན་གསུམ་ནད༔ དབང་སྡུད་ལས་ཀྱིས་ཟློག་ཏུ་གསོལ༔ བཏང་སྙོམས་འགྲོ་ཀུན་སྒྲོལ་མཛད་མ༔ སྒོ་མ་ཆེན་མོ་དྲིལ་བུ་མས༔ བྱང་གི་དགྲ་འདྲེ་ནད་མུག་མཚོན༔ དྲག་པོའི་ལས་ཀྱིས་ཟློག་ཏུ་གསོལ༔ ༔ འཇམ་དཔལ་སྐུ་ཡི་དཀྱིལ་འཁོར་དུ༔ སྒྱུ་འཕྲུལ་རོལ་པའི་ཡེ་ཤེས་ལྷ༔ མ་ལུས་ལུས་པ་མེད་པ་ཡི༔ ཐུགས་དམ་གཉན་པོ་གནད་ནས་བསྐུལ༔ མངོན་སྤྱོད་ཕྲིན་ལས་དུས་ལ་བབ༔ བདག་དང་ཁམས་གསུམ་སེམས་ཅན་གྱི༔ འཁྲུལ་པའི་བག་ཆགས་འཁོར་བའི་རྒྱུ༔ གདོད་མ་གཞི་ཡི་དབྱིངས་སུ་ཟློག༔ དུག་གསུམ་སྐུ་གསུམ་ངང་དུ་ཟློག༔ དུག་ལྔ་ཡེ་ཤེས་ལྔ་རུ་ཟློག༔ ཉོན་མོངས་བརྒྱད་ཁྲི་བཞི་སྟོང་ཀུན༔ ཆོས་ཕུང་བརྒྱད་ཁྲིའི་ངང་དུ་ཟློག༔ གཟུང་དང་འཛིན་པའི་ཆོས་སོ་ཅོག༔ བློ་འདས་འུབ་ཆུབ་རོལ་པར་ཟློག༔ དེ་ནས་བདེན་བརྗོད་སྟོབས་ཀྱིས་བཟློག་པ་ནི༔ ཧཱུྃ༔ དཀོན་མཆོག་གསུམ་གྱི་བདེན པ་དང་༔ རྩ་བ་གསུམ་གྱི་མཐུ་སྟོབས་དང་༔ སྐུ་གསུམ་རྒྱལ་བའི་ཐུགས་རྗེ་དང་༔ ཆོས་སྐྱོང་སྲུང་མའི་ནུས་མཐུ་དང་༔ གསང་སྔགས་ཟབ་མོའི་རྟེན་འབྲེལ་གྱིས༔ བྱད་ཁ་རྦོད་གཏོང་ཐམས་ཅད་ཟློག༔ སྔོན་ལས་འཕྲལ་རྐྱེན་ངན་པ་ཟློག༔ ལྷ་སྲིན་སྡེ་བརྒྱད་རྒོལ་ངན་ཟློག༔ སྣང་སྲིད་ལྷ་འདྲེའི་རྒོལ་ངན་ཟློག༔ བསྲེགས་མནན་སྔགས་དབལ་ཟེར་ཁ་ཟློག༔ རྫས་དང་འཁོར་ལོའི་ནུས་པ་ཟློག༔ མི་ཡི་ན་ཚ་ཐམས་ཅད་ཟློག༔ ཕྱུགས་ཀྱི་གོད་ཁ་དགྲ་ཇག་ཟློག༔ མི་ཁ་སྨྲ་མཆུ་འཁོན་འཐབ་ཟློག༔ ལྟས་ངན་ཐན་ངན་རྨི་ངན་ཟློག༔ མོ་ངན་རྩིས་ངན་ཐམས་ཅད་ཟློག༔ ནད་སྲི་ཤི་སྲི་གོད་སྲི་ཟློག༔ གྲི་ཁ་མཚོན་ཁ་སྨས་ངོ་བསྒྱུར༔ འཇིགས་པ་བརྒྱད་དང་བཅུ་དྲུག་ཟློག༔ ཆེ་སྲི་ཆུང་སྲི་དར་སྲི་ཟློག༔ མི་མཐུན་མི་འདོད་མི་རུང་ཚོགས༔ མ་ལུས་བསྡུས་ཤིང་བཟླུམ་བྱས་ནས༔ སྡང་བར་བྱེད་པའི་དགྲ་ལ་ཟློག༔ གནོད་པར་བྱེད་པའི་བགེགས་ལ་ཟློག༔ ཟ་བར་བྱེད་པའི་འདྲེ་ལ་ཟློག༔ ཕུང་བར་བྱེད་པའི་སྲི་ལ་ སྲ ཝྃ༔ ཟློག༔ རྗེས་ཤུལ་ལྷག་མ་མ་ལུས་པར༔ ཐལ་བའི་རྡུལ་བཞིན་བརླག་གྱུར་ཅིག༔ ཨོཾ་བཛྲ་ཀྲོ་ཏ་ཡ་མཱནྟ་ཀ་ཧཱུྃ་དགྲ་བགེགས་སརྦ་མཱ་ར་ཡ་པ་ཙ་པ་ཙ་ཧཱུྃ་བྷྱོ་ྋ ཕཊ༔ ས་མ་ཡ༔ འདི་ཡིས་མི་བཟློག་གང་ཡང་མེད༔ གནམ་ལྕགས་རྡོ་རྗེའི་ཐོག་དང་མཚུངས༔ བསྐྱེད་པའི་མཚོན་འགེངས་ཏིང་འཛིན་གཟེར༔ བཟློག་པའི་གནད་དུ་ཆེ་བ་ལགས༔ བཀའ་སྲུང་ལས་ཀྱི་གཤིན་རྗེས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་གཏན་ལ་ཕབ་པའོ། །དགེའོ། །དགེའོ། །དགེའོ།། །། ༄ 313གསུམ་མོ། T11602 - 317 T1602 - 318 ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ ཁྲོ་རྒྱལ་གཤིན་རྗེའི་གཤེད་པོའི་སྲེག་བླུགས་ཡེ་ཤེས་དྲྭ་བ་བཞུགས་སོ༔ བྡ།བྷྱ།ཧོ།༔ ན་མོ་གུ་རུ་པདྨ་ཀ་ར་ཡེ༔ གཤིན་རྗེ་སྒྲུབ་པའི་རྣལ་འབྱོར་གྱི༔ ལས་བཞིའི་ཕྲིན་ལས་སྒྲུབ་པའི་ཕྱིར༔ རྒྱུན་དུ་ཉམས་ལེན་སྲེག་བླུགས་བརྩོན༔ ལག་ཏུ་ལེན་པའི་ཚུལ་འདི་ལྟར༔ མདུན་དུ་ལས་བཞི་རང་མཐུན་པའི༔ ཤིང་ལ་ཧོམ་ཡངས་དབྱིབས་མཐུན་བྱ༔ ཡང་ན་མེ་འབར་ཙམ་གྱིས་ཆོག༔ འབྱོར་ཚོགས་མཆོད་རྫས་སྣ་ཚོགས་ལ༔ ཡེ་ཤེས་བདུད་རྩི་བཀུག་བསྟིམས་ཏེ༔ དྲག་པོའི་ཞལ་གྱི་ཧོམ་དུ་བསྟབས༔ དམིགས་བཟླས་ཁ་བསྒྱུར་མཁས་པར་བྱ༔ རང་ཉིད་ལྷ་ཡི་ཏིང་འཛིན་གྱི༔ གནད་དང་ལྡན་པས་འདིར་འཇུག་གོ༔ ཨོཾ་མ་ཧཱ ཤུ་ནྱ་ཏཱ་ཛྙཱ་ནཿ ཞི་བ་ལ་མདུན་དུ་ཧཱུྃ་ཡིག་དཀར་པོ་ཞུ་བ་ལས༔ ཞི་བའི་མེ་ཐབ་དཀར་ལ་ཟླུམ་པ་རྒྱ་ཆེ་ཞིང་ཡངས་པའི་དབུས་སུ་ཡེ་ཤེས་འོད་ཀྱི་ཐིག་ལེ་མེ་འབར་བའི་ཀློང་དུ་མཱུཾཿཡིག་ཡོངས སུ་གྱུར་པ་ལས་འཇམ་དཔལ་རྡོ་རྗེ་རྣོན་པོ་སྐུ་མདོག་དཀར་པོ་ཞལ་གཅིག་ཕྱག་གཉིས༔ རྒྱས་པའི་ཕྲིན་ལས་སྒྲུབ་པ་ལ༔ མདུན་དུ་སྭ་ཡིག་ཞུ་བ་ལས་རྒྱས་པའི་མེ་ཐབ་གྲུ་བཞི་སེར་པོ་ཁ་ཁྱེར་ཡངས་ཤིང་རྒྱ་ཆེ་བའི་དབུས་སུ་ཡེ་ཤེས་འོད་ཀྱི་ཐིག་ལེ་སེར་པོ་མེ་འབར་བའི་ཀློང་དུ་ཧཱུྃ་ཞུ་བ་ལས༔ འཇམ་དཔལ་ཡ་མཱནྟ་ཀ་སྐུ་མདོག་སེར་ནག་ཞལ་གཅིག་ཕྱག་གཉིས༔ དབང་གི་ཕྲིན་ལས་སྒྲུབ་པར་ འདོད་ན༔ མདུན་དུ་མཾ་ཞུ་བ་ལས་དབང་གི་མེ་ཐབ་ཟླ་གམ་དམར་པོ་ཁ་ཁྱེར་རབ་ཏུ་ཡངས་ཤིང་རྒྱ་ཆེ་བའི་དབུས་སུ་དམར་ནག་འོད་ཀྱི་ཐིག་ལེ་མེ་འབར་བའི་ཀློང་དུ་འཇམ་དཔལ་དབང་ཆེན་རོལ་པ་སྐུ་མདོག་དམར་ནག་ཞལ་གཅིག་ཕྱག་གཉིས༔ དྲག་པོའི་ཕྲིན་ལས་སྒྲུབ་པར་འདོད་ན༔ མདུན་དུ་ཧཱ་ཞུ་བ་ལས་དྲག་པོའི་མེ་ཐབ་ཁ་ཁྱེར་ཤིན་ཏུ་ཡངས་ཤིང་རྒྱ་ཆེ་བའི་དབུས་སུ་ཡེ་ཤེས་འོད་ཀྱི་ཐིག་ལེ་ནག་པོ་གྲུ་གསུམ་གྱི་ཀློང་དུ་ཧོ་ཞུ་བ་ལས་འཇམ་དཔལ་དྲག་ཁྲོས་མཐིང་ནག་ཞལ་གཅིག་ཕྱག་གཉིས༔ གཡས་པས་རལ་གྲི་མེ་འབར་བ་ཀླད་ལ་བསྐོར་ཞིང་གཡོན་པས་རྡོ་རྗེའི་ཞགས་པ་བསྣམས་པ་ཞལ་གདངས་ཤིང་ལྗགས་འདྲིལ་བ་སྨ་ར་སྨིན་མ་མེ་ཞགས་འཕྱོ་བ་དབུ་སྐྲ་དམར་སེར་གྱེན་དུ་འཁྱིལ་བའི་ཁྲོད་དུ་གླང་ཞལ་དཀར་པོ༔ སེར་པོ༔ དམར་པོ༔ ནག་པོ༔ གྱེན་དུ་ངུར་བ་ཞབས་གཉིས་འཆི་བདག་ཕོ་མོའི་སྟེང་དུ་གྱད་ཀྱི་འདོར་སྟབས་སུ་བསྒྲད་ཅིང་དུར་ཁྲོད་ཀྱི་ཆས་བརྒྱད་དང་དཔལ་གྱི་ཆས་བཅུས་བརྒྱན་ཅིང་༔ གར་དགུའི་ཉམས་དང་ལྡན་པ་ཡེ་ཤེས་ཀྱི་མེ་དཔུང་འབར་བའི་ཀློང་དུ་བཞུགས་པའི་སྤྱི་བོར་ཨོཾ་དཀར་པོ༔ མགྲིན་པར་ཨཱཿདམར་པོ༔ ཐུགས་ཀར་ཧཱུྃ་མཐིང་ནག་གསལ་བ་ལས་འོད་ཟེར་དཀར་དམར་མཐིང་ ཝྃ།༔ ནག་འཕྲོས་པས་རང་སྣང་དོན་གྱི་འོག་མིན་ཆེན་པོ་ནས་འཇམ་དཔལ་སྐུ་ཡི་དཀྱིལ་འཁོར་རྟེན་དང་བརྟེན་པར་བཅས་པ་ཐམས་ཅད་སྤྱན་དྲངས་ལ་བསྟིམ་མོ༔ ཧཱུྃ་ཛཿ འཇམ་དཔལ་རིགས་ལྔ་གཤེགས་སུ་གསོལ༔ ཡ་མཱནྟ་ཀ་གཤེགས་སུ་གསོལ༔ རྡོ་རྗེ་འཇིགས་བྱེད་གཤེགས་སུ་གསོལ༔ འཁོར་དང་བཅས་པ་གཤེགས་སུ་གསོལ༔ བཛྲ་ས་མ་ཡ་ཛཿ ཛཿ ཛཿ ཧཱུྃ་བཾ་ཧོཿ ཧོཿ དམ་ཚིག་པ་དང་ཡེ་ཤེས་པ༔ གཉིས་སུ་མེད་པར་བཞུགས་སུ་གསོལ༔ མཉམ་སྦྱོར་ཆེན་པོ་བཞུགས་སུ་གསོལ༔ ཕྲིན་ལས་བསྒྲུབ་ཕྱིར་བཞུགས་སུ་གསོལ༔ བཛྲ་ས་མ་ཡ་ཏིཥྛ་ལྷན༔ ན་མོ༔ སྐྱེ་འགགས་འགྱུར་མེད་ཡོན་ཏན་རྫོགས༔ རང་བྱུང་ཐུགས་རྗེས་འགྲོ་རྣམས་སྒྲོལ༔ ཡིད་བཞིན་དངོས་གྲུབ་ཆར་འབེབས་པའི༔ ཡེ་ཤེས་ལྷ་ལ་ཕྱག་འཚལ་ལོ༔ ན་མོ་པུ་རུ་ཤ་ཡ་ཧོཿ དེ་ནས་མཆོད་ཚོགས་འབུལ་བ་ནི༔ ཧཱུྃ༔ སྣང་སྲིད་དང་མཉམ་སྣོད་ཡངས་པར༔ འཁོར་བ་དབྱིངས་གཞིག་མཆོད་པའི་སྤྲིན༔ ཡི་དམ་དཀྱིལ་འཁོར་དགྱེས་ཕྱིར་འབུལ༔ ཆེ་གེའི་ཕྲིན་ལས་སྒྲུབ་པ་དང་༔ མཆོག་གི་དངོས་གྲུབ་སྩལ་དུ་གསོལ༔ ཨོཾ་བཛྲ་ཀྲོ་ཏ་ཡ་མཱནྟ་ཀ་ཧཱུྃ་སརྦ་ས་པ་རི་ཝཱ་ར་མ་ཧཱ་སརྦ་པཉྩ་པཱུ་ཛ་གྷ་ཎ་ཙཀྲ་ ཁཱ་ཧི༔ སྣང་སྲིད་ཞལ་གྱི་ཧོམ་ཁུང་ཡངས་པ་རུ༔ གྷ་ཎའི་ལོངས་སྤྱོད་མི་ཟད་རྒྱན་འཁོར་འབུལ༔ དགྱེས་ཚིམ་བདེ་སྟོང་རོ་ཡིས་མྱོས་གྱུར་ནས༔ སྐུ་ཡི་འོད་ཟེར་དཀར་པོ་རབ་འཕྲོས པས༔ བདག་དང་ཁམས་གསུམ་སེམས་ཅན་ཐམས་ཅད་ཀྱི༔ ནད་གདོན་སྡིག་སྒྲིབ་བག་ཆགས་ལས་ཉོན་བཅས༔ བ་མོར་ཉི་ཟེར་ཕོག་ལྟར་དག་པར་བསམ༔ ནད་གདོན་སྡིག་སྒྲིབ་བག ཆགས་ལས་ཉོན་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ༔ རྩ་སྔགས་འབུལ་ཚིག་དང་སྦྲེལ་ཅི་ནུས་བཟླ༔ སྐུ་ལས་འོད་ཟེར་གསེར་མདོག་རབ་འཕྲོས་པས༔ འཁོར་འདས་གཉིས་ཀྱི་ཚེ་བསོད་ནུས་པ་བསྡུས༔ བདག་ཐིམ་ཚེ་བསོད་དཔལ་འབྱོར་ཡོན་ཏན་ཀུན༔ རབ་ཏུ་རྒྱས་ཤིང་མི་ནུབ་རྒྱས་གདབ་གྱུར༔ ཚེ་བསོད་དཔལ་འབྱོར་མངའ་ཐང་ཡེ་ཤེས་ཡོན་ཏན་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ ཞེས་ཅི་ནུས་བཟླས་ཤིང་ཕུལ༔ སྐུ་ལས་འོད་ཟེར་དམར་པོ་ལྕགས་ཀྱུའི་དབྱིབས༔ དཔག་མེད་འཕྲོས་པས་སྣང་སྲིད་ཁམས་རྣམས་ཁྱབ༔ ལྷ་འདྲེ་མི་གསུམ་འགྲོ་བ་ཕོ་མོ་རྣམས༔ རང་དབང་མེད་པར་དབང་བསྡུས་སྲོག་སྙིང་འཕྲོག༔ བྲན་ཁོལ་ཕྲིན་ལས་ཐམས་ཅད་ཡོངས་འགྲུབ་བསམ༔ ཁམས་གསུམ་སྲིད་གསུམ་འདོད་ཡོན་ལོངས་སྤྱོད་ཐམས་ཅད་པཱ་ཤཾ་ཀུ་རུ་ཡེ་སྭཱ་ཧཱ ཝྃ།༔ ཞེས་བཟླས༔ སྐུ་ལས་འོད་ཟེར་དཔག་མེད་རབ་འཕྲོས་པས༔ དགྲ་བགེགས་ལོག་འདྲེན་གནོད་བྱེད་མ་ལུས་པ༔ དྲག་པོའི་ཞལ་ཧོམ་ཡངས་པར་སིབ་སིབ་ཐིམ༔ རྗེས་ཤུལ་ལྷག་མ་ཙམ་ཡང་མེད་པར་གྱུར༔ དགྲ་བགེགས་གནོད་བྱེད་ཐམས་ཅད་མཱ་ར་ཡ་རྦད་ཁཱ་ཧི༔ མིང་ཡིག་ལིང་ག་ལ་འགུག་གཞུག་བྱས་ནས་ཕུལ༔ གང་ལ་ཡང་གཤམ་དུ་བྲིས་ནས་ཕུལ་ཀྱང་ཆོག༔ ཀུན་གྱི་རྗེས་སུ་རྫས་ལྷག་ཕུལ་ཏེ༔ ཨརྒྷཾ་ནས རཱུ་པ་སོགས་ནས་པཉྩ་ཨ་མྲྀ་ཏ་རཀྟ་བ་ལིཾ་ཏ་གྷ་ཎ་པཱུ་ཛ་ཁཱ་ཧི༔ དེ་ནས་བསྟོད་པ་ནི༔ ཧཱུྃ༔ སངས་རྒྱས་ཐམས་ཅད་འདུས་པའི་སྐུ༔ དཔལ་དང་ཡོན་ཏན་རྫོགས་པའི་དཔལ༔ ཕྲིན་ལས་རབ་འབྱམས་ཐོགས་མེད་འགྲུབ༔ ཆེ་བའི་ཆེ་མཆོག་ཆེན་པོར་བསྟོད༔ ཧཱུྃ༔ མཆོག་སྦྱིན་རྡོ་རྗེ་མཆོག་ཁྱོད་འདུད༔ ཡང་དག་མཐར་གྱུར་ཁྱོད་ལ་འདུད༔ སོགས་ནས་ཡེ་ཤེས་སྐུ་ཉིད་ཁྱོད་ལ་འདུད༔ དྲག་པོ་ཆེན་པོ་དྲག་ཤུལ་ཅན༔ འཇིགས་བྱེད་ཆེན་པོར་བདག་བསྟོད་དོ༔ བཟོད་གསོལ་ཁ་བསྐང་བྱས་ནས་མཐར༔ ཧཱུྃ༔ གདོད་ནས་ལྷ་དང་རང་སྣང་གཅིག༔ དབྱེར་མེད་དུ་མ་རོ་གཅིག་ཏུ༔ མི་འབྲལ་ཆོས་ཀྱི་དབྱིངས་སུ་གཤེགས༔ ཀ་དག་ཟང་ཐལ་ཆེན་པོར་ལྷུག༔ ཕཊ་ཕཊ་ཕཊ༔ འདི་ཉིད་རྒྱུན་དུ་ཉམས་ལེན་T11602 - 323 ན༔ ཚོགས་རྫོགས་སྒྲིབ་པ་ཀུན་ཀྱང་འབྱངས༔ ཕྲིན་ལས་ཐོགས་མེད་འགྲུབ་འགྱུར་དུ༔ གདོན་མི་ཟའོ་པདྨའི་བཀའ༔ ལྷ་ནི་རང་རྒྱུད་མི་གོལ་བར༔ རང་རིག་ཡང་ན་བླ་མ་ཉིད༔ འདི་ནི་ཤེས་བྱ་གནད་དུ་ཆེ༔ ཚེ་འདིར་རེ་ཆགས་གཅིག་མིན་པར༔ གཏན་དུ་བདེ་བའི་ཆེད་དུ་ཟུངས༔ བཀའ་སྲུང་ཡ་མ་རཱ་ཛ་དང་༔ དྲང་སྲོང་གཟའ་བདུད་རྒྱལ་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་སྤྲང་པོ་བདུད་འཇོམས་རྡོ་རྗེས་གཏེར་ནས་བཏོན་ཏེ་སྨར་མདོ་མཁའ་འགྲོའི་འདུ་གླིང་ནས་དག་པར་ཕབ་པའི་ཡི་གེ་པ་ནི་ཀུན་བཟང་དགའ་རབ་བོ། །དགེའོ། །དགེའོ། །དགེའོ།། །། T11602 - 324 ཝྃ༔ ཟབ་གསང་མཁའ་འགྲོའི་སྙིང་ཐིག་ལས༔ འཆི་བདག་ལས་ཀྱི་གཤིན་རྗེའི་སྲོག་གཏད་ཟིལ་གནོན་རྒྱན་འཁོར་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ སྟབྷྱནྡ༔ འཆི་བདག་སྲོག་ལ་དབང་བསྒྱུར་ཕྱིར༔ སྲོག་གཏད་ཟིལ་གནོན་རྒྱན་འཁོར་འདི༔ དམ་ལྡན་བུ་ལ་བསྐུར་བར་བྱ༔ ལག་ཏུ་ལེན་པའི་རིམ་པ་ནི༔ གཏོར་མ་ལ་སོགས་དབང་རྫས་རྣམས༔ བཤམས་ནས་བསྙེན་བསྒྲུབ་གཞུང་བསྲང་སྟེ༔ དབང་གི་བྱ་བ་ལ་བརྩོན་བྱ༔ དང་པོ་ཁྲུས་བྱ་བགེགས་བསྐྲད་ནས༔ ཡ་མཱནྟ་ཀའི་དབང་རྫོགས་མཐར༔ སྐད་ཅིག་གིས་སློབ་མ་འཇམ་དཔལ་ཡ་མཱནྟ་ཀ་སྐུ་མདོག་སེར་ནག་གཡས་རལ་གྲི་དང་གཡོན་ཞགས་པ་བསྣམས་པ་དུར་ཁྲོད་ཆས་བརྒྱད་ཀྱིས་བརྒྱན་ཅིང་ཡེ་ཤེས་ཀྱི་མེ་དཔུང་འབར་བའི་ཀློང་དུ་བཞུགས་ཤིང་༔ འཁོར་འདས་ཡོངས་ཀྱི་སྲོག་ལ་དབང་བསྒྱུར་བར་བསྐྱེད་དོ༔ མདུན་དུ་འཆི་བདག་ལས་ཀྱི་གཤིན་རྗེ་ཡབ ཡུམ་བཀའ་སྡོད་དང་བཅས་པའི་སྲོག་སྙིང་ནུས་མཐུ་གཟི་བྱིན་ཐམས་ཅད་དབང་རྫས་རྣམས་ལ་ཐིམ་པས་གཉིས་སུ་མེད་པར་གྱུར༔ ཡོངས་སུ་རྫོགས་པར་གྱུར༔ ཨོཾ་ཡ་མ་རཱ་ཛ་སརྦ་ས་པ་རི་ཝཱ་ར་བཛྲ་ས་མ་ཡ་སྟྭཾ༔ དེ་ནས་དམ་ཆུ་ལྕེ་ལ་བཞག་ནས༔ ཧཱུྃ༔ རྡོ་རྗེ་ཅན་སོགས་རྒྱལ་ཀུན་གྱི༔ གསང་བ་དམ་ཚིག་རྡོ་རྗེའི་ཆུ༔ སློབ་མ་དང་ནི་བསྟན་སྲུང་གི༔ ལྕེ་ལ་བཞག་གོ་མནའ་ཡི་ ཆུ༔ མི་འབྲལ་དབྱེར་མེད་གྲོགས་བྱེད་ཀྱི༔ མནའ་ཐོ་ཡིན་ནོ་མ་འདའ་ཞིག༔ དམ་ཚིག་གཉན་པོའི་སྲོག་ཐོབ་ཤོག༔ ས་མ་ཡ་ན་ར་ཀན༔ ཅེས་བསྐྱལ་ལོ༔ དེ་ནས་སློབ་མ་དང་གཉིས་སུ་མེད་པར་གྱུར་ནས་ཕྲིན་ལས་རབ་འབྱམས་ལ་དབང་འབྱོར་བར་བསམ༔ སློབ་མ་དེ་ཉིད་འཆི་བདག་ལས་ཀྱི་གཤིན་རྗེར་གྱུར་ནས་སྣང་སྲིད་ཀྱི་སྲོག་ལ་དབང་བསྒྱུར་ནུས་ཤིང་བཀའ་ཡི་ལྷ་མ་སྲིན་སྡེ་བརྒྱད་སྣང་ཞིང་སྲིད་པའི་ལྷ་འདྲེ་ཐམས་ཅད་ཀྱི་སྲོག་འདུས་པར་བསམ་ལ༔ ཧཱུྃ༔ མི་སྲུན་ནག་པོ་ཁྲོ་གཏུམ་འབར༔ གཅེར་བུ་རྔམས་པའི་སྟངས་སྟབས་ཅན༔ བདག་གི་བཀའ་ལ་ཉན་པ་དང་༔ ཕྲིན་ལས་རབ་འབྱམས་སྒྲུབ་གྱིས་ཤིག༔ ས་མ་ཡ༔ ཡང་དམ་ཆུ་བྲན་ནས༔ དམ་ཚིག་གི་སྲོག་ཐོབ་པར་བསམ༔ དེ་ནས་གཟིག་གི་ལྤགས་པ་གཏད་ལ༔ ཧཱུྃ༔ སྲོག་བདག་མི་སྲུན་ནག་པོ་ལ༔ གཟིག་གི་ལྤགས་པ་འདི་བསྐོན་པས༔ མི་ཤིགས་རྡོ་རྗེའི་སྲོག་ཐོབ་ནས༔ འཆི་བདག་ལས་ཀྱི་གཤིན་རྗེ་སོགས༔ སྡེ་བརྒྱད་སྲོག་ལ་དབང་ཐོབ་ནས༔ ཕ་རོལ་དགྲ་དཔུང་གཞོམ་པར་ཤོག༔ ཨོཾ་ཡ་མཱནྟ་ཀ་ལི་ཨ་ར་མ་དུ་རུ་ཙ་ཤ་ན་ཀཱ་ཡ་ཨ་བྷི་ཥིཉྩ་སྭཱ་ཧཱ༔ དེ་ནས་དགྲ་སྟྭ་ལག་པ་གཡས་སུ་གཏད་ལ༔ ཧཱུྃ༔ ནག་པོ་མི་སྲུན་ཆེན་པོ་ལ༔ གཅོད་བྱེད་དགྲ་སྟྭ་འདི་གཏད་ ་ཝྃ།༔ པས༔ འཆི་བདག་ལས་ཀྱི་གཤིན་རྗེ་སོགས༔ སྡེ་བརྒྱད་སྲོག་ལ་དབང་ཐོབ་ནས༔ ཕ་རོལ་དགྲ་དཔུང་གཞོམ་པར་ཤོག༔ སྔགས་བཟླས་ལ་གཏད༔ དེ་ནས་ཐོད་དབྱུག་ལག་པ་གཡོན་དུ་གཏད་ལ༔ ཧཱུྃ༔ ནག་པོ་མི་སྲུན་དྲག་པོ་ལ༔ གཞོམ་བྱེད་ཐོད་དབྱུག་འདི་གཏད་པས༔ འཆི་བདག་ལས་ཀྱི་གཤིན་རྗེ་སོགས༔ སྡེ་བརྒྱད་སྲོག་ལ་དབང་ཐོབ་ནས༔ ཕ་རོལ་དགྲ་དཔུང་གཞོམ་པར་ཤོག༔ སྔགས་བརྗོད༔ དེ་ནས་ཁྲམ་ཤིང་གཏད་ལ༔ ཧཱུྃ༔ ནག་པོ་མི་སྲུན་དྲག་པོ་ལ༔ ལས་ཀྱི་ཁྲམ་ཤིང་འདི་གཏད་པས༔ འཆི་བདག་ལས་ཀྱི་གཤིན་རྗེ་སོགས༔ སྡེ་བརྒྱད་སྲོག་ལ་དབང་ཐོབ་ནས༔ ཕ་རོལ་ཁྲམ་ལ་བཏབ་ཙམ་གྱིས༔ རྗེས་ཤུལ་མེད་པར་བརླག་ནུས་ཤོག༔ སྔགས་བརྗོད༔ དེ་ནས་ཨེ་ཁང་ལིང་ག་གཏད་ལ༔ ཧཱུྃ༔ སྲོག་བདག་མི་སྲུན་དྲག པོ་ལ༔ ལྕགས་ཁང་ལིང་ག་འདི་གཏད་པས༔ འཆི་བདག་ལས་ཀྱི་གཤིན་རྗེ་སོགས༔ སྡེ་བརྒྱད་སྲོག་ལ་དབང་ཐོབ་ནས༔ དགྲ་བགེགས་བཀུག་བསྒྲལ་བསད་པའི་ལས༔ དྲན་པ་ཙམ་གྱིས་འགྲུབ་པར་ཤོག༔ སྔགས་བརྗོད༔ དེ་ནས་མེ་ཧོམ་གཏད་ལ༔ ཧཱུྃ༔ ནག་པོ་མི་སྲུན་དྲག་པོ་ལ༔ དྲག་པོའི་མེ་ཧོམ་འདི་གཏད་པས༔ ཞིང་བཅུའི་དགྲ་དཔུང་མ་ལུས་པ༔ བསྟབ་ནས་ བསྲེག་པའི་དབང་ཐོབ་ཤོག༔ སྔགས་བརྗོད༔ དེ་ནས་རླུང་གི་འཁོར་ལོ་གཏད་ལ༔ ཧཱུྃ༔ ནག་པོ་མི་སྲུན་དྲག་པོ་ལ༔ རླུང་གི་འཁོར་ལོ་འདི་གཏད་པས༔ མྱུར་མགྱོགས་མངོན་སྤྱོད་དྲག་པོའི་ལས༔ སྐད་ཅིག་ཡོངས་གྲུབ་དབང་ཐོབ་ཤོག༔ སྔགས་བརྗོད༔ དེ་ནས་རྫས་སྣ་གཏད་ལ༔ ཧཱུྃ༔ ནག་པོ་མི་སྲུན་དྲག་པོ་ལ༔ ལས་ཀྱི་རྫས་ཚོགས་འདི་གཏད་པས༔ ཕ་རོལ་དགྲ་བགེགས ལོག་འདྲེན་ཀུན༔ སྐད་ཅིག་སྒྲོལ་ནུས་མཐུ་ཐོབ་ཤོག༔ སྔགས་བརྗོད༔ དེ་ནས་བསད་འཁོར་གཏད་ལ༔ ཧཱུྃ༔ སྲོག་བདག་མི་སྲུན་དྲག་པོ་ལ༔ བསད་པའི་དྲག་འཁོར་འདི་གཏད་པས༔ ཕ་རོལ་དགྲ་བགེགས་གནོད་བྱེད་ཀྱི༔ མིང་བྲིས་ཙམ་གྱིས་སྒྲོལ་ནུས་ཤོག༔ སྔགས་བརྗོད༔ དེ་ནས་རི་རབ་གཏད་ལ༔ ཧཱུྃ༔ ནག་པོ་མི་སྲུན་དྲག་པོ་ལ༔ རི་རབ་ཆེན་པོ་འདི་གཏད་པས༔ དགྲ་བགེགས་ལོག་འདྲེན་མ་ལུས་པ༔ བསྐལ་པའི་བར་དུ་གནོན་ནུས་ཤོག༔ སྔགས་བརྗོད༔ དེ་ནས་སྲོག་གི་སྙིང་པོ་སྔགས་ཀྱི་ཡི་གེ་གཏད་ལ༔ ཧཱུྃ༔ ནག་པོ་མི་སྲུན་དྲག་པོ་ལ༔ སྔགས་ཀྱི་འཁོར་ལོ་འདི་གཏད་པས༔ འཆི་བདག་ལས་ཀྱི་གཤིན་རྗེ་སོགས༔ སྡེ་བརྒྱད་སྲོག་ལ་དབང་ཐོབ་ནས༔ བཟླས་པ་ཙམ་གྱིས་འགྲུབ་པར་ཤོག༔ སྔགས་མཐར་ཝཱཀ་དེ་ནས་ཡ་ཡིག་ཐོགས་ལ༔ ཝྃ༔ ༔ སྲོག་བདག་མི་སྲུན་ནག་པོ་ལ༔ སྲོག་གི་སྙིང་པོ་འདི་གཏད་པས༔ འཆི་བདག་ལས་ཀྱི་གཤིན་རྗེ་ཡི༔ སྲོག་ལ་དབང་བསྒྱུར་དབང་ཐོབ་ཤོག༔ སྔགས་མཐར་ཙིཏྟཿ དེ་ནས་སྡེ་བརྒྱད་སྲོག་ཡིག་གཏད་ལ༔ ཧཱུྃ༔ སྲོག་བདག་མི་སྲུན་ནག་པོ་ལ༔ སྡེ་བརྒྱད་སྲོག་སྙིང་འདི་གཏད་པས༔ བཀའ་ཡི་ལྷ་སྲིན་སྡེ་བརྒྱད་དང་༔ ལྷ་འདྲེའི་སྲོག་ལ་དབང་ཐོབ་ཤོག༔ ཨོཾ་ཡ་མ་རཱ་ཙ་མ་བྷྱོ་ཨ་ར་མ་དུ་རུ་ཙ་ཤ་ན་ཙིཏྟ་ཨ་བྷི་ཥིཉྩ་སྭཱ་ཧཱ༔ དེ་ནས་སྲོག་འཁོར་གཏད་ལ༔ ཧཱུྃ༔ སྲོག་བདག་མི་སྲུན་ནག་པོ་ལ༔ སྲོག་འཁོར་བླ་རྡོ་འདི་གཏད་པས༔ འཆི་བདག་ལས་ཀྱི་གཤིན་རྗེ་ཡི༔ སྡེ་བརྒྱད་སྲོག་ལ་དབང་ཐོབ་ཤོག༔ དེ་ནས་གཏོར་མ་གཏད་ལ༔ ༔ སྲོག་བདག་མི་སྲུན་ནག་པོ་ལ༔ དམར་གྱི་གཏོར་མ་འདི་གཏད་པས༔ འཆི་བདག ལས་ཀྱི་གཤིན་རྗེ་ཡི༔ བཀའ་འཁོར་བྲན་གཡོག་བཅས་པ་ཀུན༔ བསྒྲུབ་པ་ཙམ་གྱིས་འགྲུབ་པའི་དབང་༔ ཡོངས་སུ་རྫོགས་པ་ཐོབ་པར་ཤོག༔ སརྦ་ཨ་བྷི་ཥིཉྩ་སྭཱ་ཧཱ༔ དེ་ནས་སྲོག་གཏད་པ་ལ་བདེན་པའི་སྟོབས་མཐར༔ སྐལ་ལྡན་གྱི་སློབ་མ་འདི་ལ་འཆི་བདག་ལས་ཀྱི་གཤིན་རྗེ་ཡ་མ་རཱ་ཙ་འཁོར་དང་བཅས་པའི་སྲོག་དབང་ཡོངས་སུ་རྫོགས་པ་ཐོབ་ནས༔ དྲག་པོ་མངོན་སྤྱོད་ཀྱི་ལས བརྩོན་པ་ཙམ་གྱིས་ཐོགས་མེད་དུ་འགྲུབ་པར་གྱུར་ཅིག༔ ལན་གསུམ་འགྲུབ་པའི་བདེན་ཚིག་མང་པོ་བརྗོད༔ དབང་འདི་ཐོབ་པའི་དམ་ལྡན་ཀུན༔ དྲེགས་པའི་སྲོག་ལ་དབང་ཐོབ་ནས༔ མངོན་སྤྱོད་ལས་ལ་ཐོགས་པ་མེད༔ མཐུ་ཡིས་གྲགས་པས་ས་སྟེང་ཁྱབ༔ སྐྱེ་འགྲོ་ཡོངས་ཀྱི་རྗེ་བོར་འགྱུར༔ བཀའ་སྲུང་དྲང་སྲོང་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་རྒ་ཡི་བནྡེ་ཀུན་བཟང་དགའ་རབ་བོ། །དགེའོ། །དགེའོ། །དགེའོ།། ༅ TI1602 - 330 ཏཾ 2 མ ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ འཆི་བདག་ལས་ཀྱི་གཤིན་རྗེའི་སྒྲུབ་པ་དགྲ་དཔུང་འཇོམས་པའི་རྡོ་རྗེ་བཞུགས་སོ༔ བྱང་T11602 - 331 བདུད་འཇོམས་ལས་གཤིན་ཝྃ།༔ ན་མོ་གུ་རུ་པདྨ་ཀ་ར་ཡེ༔ ཧ༔ འཆི་བདག་ལས་ཀྱི་གཤིན་རྗེ་ཡི༔ སྒྲུབ་པ་རྡོ་རྗེ་འབར་བ་ནི༔ གྲུ་གསུམ་སྟེང་དུ་དམར་གཏོར་ནི༔ བརྗིད་ལྡན་མཁྱུད་གང་དམར་ནག་ལ༔ དམར་གཏོར་ཆེན་པོ་བརྒྱད་ཀྱིས་བསྐོར༔ ཤ་ཁྲག་འདོད་ཡོན་སྣ་ཚོགས་བཤམ༔ རང་ཉིད་དྲག་པོའི་ང་རྒྱལ་གྱིས༔ ཕཊ༔ མདུན་དུ་གྲུ་གསུམ་དམར་ནག་འབར་བའི་ཕོ་བྲང་རབ་ཏུ་ཡངས་ཤིང་རྒྱ་ཆེ་བའི་དབུས་སུ་ཡ་ལས་གཤིན་རྗེ་ཡ་མ་རཱ་ཙ་སྐུ་མདོག་མཐིང་ནག་དགྲ་ལ་ཨམ་གཙིགས་བསྡམས་ནས་མཆེ་བ་གཙིགས་པ་སྤྱན་གསུམ་ཉི་མའི་འོད་ལྟར་འབར་ཞིང་ཁྲོ་གཉེར་བསྡུས་པ༔ སྨ་ར་དང་སྨིན་མ་གློག་འཁྱུག་ཅིང་མེ་ཡི་TI1602 - 332 ཝྃ༔ ཚྭ་ཚྭ་འཕྲོ་བ༔ དབུ་སྐྲ་དམར་ནག་སྲིད་པའི་རྩེ་མོར་འཁྱིལ་ཞིང་ཐོད་སྐམ་གྱིས་དབུ་རྒྱན་བྱས་པ༔ གསེར་གྱི་རྡོ་རྗེ་ཕྱེད་པས་གཙུག་རྒྱན་བྱས་ཤིང་ཕྱག་གཡས་སྟ་ཆེན་ཀླད་ལ་བསྐོར་བས་དགྲ་བོའི་སྲོག་རྩ་གཅོད་ཅིང་གཡོན་པས་ཐོད་དབྱུག་བསྣམས་ནས་དགྲ་བོའི་བདུན་བརྒྱུད་རྩད་ནས་གཅོད་པ་གཟིག་གི་ལྤགས་པ་ཀླུབ་ཅིང་སྦྲུལ་རིགས་ལྔ་དང་མི་མགོའི་ཕྲེང་བས་བརྒྱན་པ༔ མ་ཧེ་སྔོ་