Tibetan
ཁྱབ་པར་སྤྲོས་པས་རྒྱལ་བ་སྲས་དང་བཅས་པ་མ་ལུས་ཤིང་ལུས་པ་མེད་པར་སྤྱན་དྲངས་ནས་ཐུགས་ཀའི་སྔགས་ཕྲེང་ལ་ཐིམ་པས་རིགས་དང་དཀྱིལ་འཁོར་ཐམས་ཅད་ཀྱི་བདག་ཉིད་ཁྱབ་བདག་ཆེན་པོར་བསྒོམ་ཞིང་རིག་པ་ཡེངས་མེད་ཀྱི་ངང་ནས་སྔགས་འདི་ཉིད་བཟླའོ༔ ཨོཾ་ཧྲཱིཥྚི་ཝིཥྚི་དྷ་ན་ན་ཧཱུྃ་ཕཊ༔ འདི་བཟླ་བའི་དུས་སུ་གསལ་བ་མི་འགྱུར་བའི་གཟེར་དང་༔ གནས་ལུགས་རང་ཤེས་ཀྱི་གཟེར་དང་༔ ཏིང་ངེ་འཛིན་རྩེ་གཅིག་པའི་གཟེར་དང་༔ འཕྲོ་འདུ་སྔགས་ཀྱི་གཟེར་དང་བཞི་པོ་ནི་གནད་ཀྱི་ཡང་ཞུན་དུ་བཟུང་བར་བྱའོ༔ དེ་ནས་སྒྲུབ་སྔགས་བཟླ་བ་ནི༔ བདག་ཉིད་འཇམ་དཔལ་གཤིན་རྗེའི་གཤེད་པོར་གསལ་བའི་ཐུགས་ཀའི་ཧཱུྃ་གི་ཐིག་ལེ་ལས་སྔགས་ཕྲེང་འོད་ཟེར་གྱིས་འབྲེལ་བ་ཅན་ད་ལ་ལ་བྱུང་ནས་རང་གི་ཞལ་ནས་ཐོན་ཡུམ་གྱི་ཞལ་དུ་ཞུགས་སྐུའི་དབྱིབས་བརྒྱུད་དེ་གསང་བའི་པདྨོ་ནས་རང་གི་རྡོ་རྗེའི་སྦུབས་སུ་ཞུགས་ཏེ་ཧཱུྃ་གི་ཞབས་ཀྱུ་ལ་ཐིམ་ཞིང་བར་མ་ཆད་པར་ཀྱི་ལི་ ཛོཾ ལི་མགལ་མེའི་འཁོར་ལོ་ལྟར་འཁོར་བར་བསམ༔ དེ་ལས་འོད་ཟེར་ཁ་དོག་ལྔ་ལྡན་དཔག་ཏུ་མེད་པ་ཕྱོགས་བཅུར་འཕྲོས་པས་རྒྱལ་དང་རྒྱལ་སྲས་སྲུང་མ་དང་བཅས་པ་ཐམས་ཅད་ཀྱི་སྐུ་གསུང་ཐུགས་ལ་མཉེས་མཆོད་དཔག་ཏུ་མེད་པ་ཕུལ་ཐུགས་བདེ་སྟོང་གི་རོས་ཚིམ་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་འོད་ཟེར་གྱི་རྣམ་པར་སླར་འདུས་སྔགས་ཕྲེང་ལ་ཐིམ་པས་མཆོག་ཐུན་མོང་གི་དངོས་གྲུབ་ཐམས་ཅད་ཐོབ་ནས་སྒོ་གསུམ་རྡོ་རྗེ་གསུམ་གྱིས་རོལ་པར་དམིགས་ལ༔ ཨོཾ་ཧྲཱིཥྚི་ཝིཥྚི་སོགས་ཅི་ནུས་བཟླས་མཐར་ལས་སྔགས་བཟླ་བ་ནི༔ བདག་ཉིད་འཇིགས་བྱེད་གཤིན་རྗེའི་གཤེད་པོའི་ཐུགས་ཀའི་སྔགས་ཕྲེང་མགལ་མེའི་འཁོར་ལོ་ལྟར་འཁོར་བ་ལས་མེ་དཔུང་མཚོན་ཆ་ཐུན་རྫས་དྲག་སྔགས་ཁྲོ་ཆུང་ཁྱུང་སྡིག་དཔག་ཏུ་མེད་པ་འཕྲོས་པས་དགྲ་བགེགས་གདུག་པ་ཅན་ཐམས་ཅད་བསྲེགས་གཏུབ་རྔམས་ཟས་བྱས་ནས་རྗེས་ཤུལ་ཙམ་ཡང་མེད་པར་བསྒོམ༔ ཨོཾ་ཧྲཱིཥྚི་ཝིཥྚི་ངྷ་ན་ན་ཧཱུྃ་ཕཊ༔ ནྲྀ་ཏྲི་ཤ་ཏྲུཾ་མཱ་ར་ཡ་ཕཊ༔ ཅེས་ཞི་རྒྱས་དབང་དྲག་གི་དམིགས་གནད་བཟུང་༔ བསྙེན་པ་འབུམ་བཅུ་སྒྲུབ་པ་བདུན༔ ལས་སྔགས་ལྔ་ཡི་དངོས་གྲུབ་ཐོབ༔ ས་མ་ཡ༔ བསྙེན་སྒྲུབ་ཚད་དུ་མ་ཁྱོལ་བར༔ སྒྲུབ་པའི་དམ་རྒྱ་མི་རལ་གནད༔ སྒྲུབ་དུས་མི ཚིག་འཆལ་སྒོ་བསྡམ༔ ལུས་གནད་སྟན་དྲོད་མི་ཡལ་ཞིང་༔ ངག་གནད་སྔགས་ཀྱི་རྒྱུན་མི་བཅད༔ ཡིད་གནད་གཟེར་གྱིས་ཆིངས་སུ་གཅུན༔ ཟླ་བདུན་གནད་ལྡན་སྒྲུབ་པའི་བུ༔ རྣམ་པར་སྨིན་པའི་རིག་འཛིན་ཐོབ༔ བསླུ་མེད་རྡོ་རྗེའི་གཏན་ཚིག་གོ༔ ས་མ་ཡ༔ རྒྱ་རྒྱ་རྒྱ༔ ཡེ་ཤེས་མཁའ་འགྲོའི་སྙིང་གི་ཁྲག༔ མཚོ་རྒྱལ་བདག་གིས་ཡི་གེར་བཏབ༔ རྡོ་རྗེའི་བྲག་གི་ལོགས་སུ་སྦས༔ དུས་བབས་ས་མོ་ལུག་གི་ལོར༔ གཅེས་པའི་བུ་དང་འཕྲད་པར་ཤོག༔ བཀའ་སྲུང་དྲང་སྲོང་ཆེན་པོས་སྲུངས༔ བཀའ་དང་ཐ་ཚིག་གཉན་པོའི་རྒྱ༔ ས་མ་ཡ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གཉན་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་རྡོ་རྗེ་གྲོ་ལོད་ཀྱིས་གསེར་སྨད་རྔ་རོལ་སྟག་རྩེའི་གཡས་ལོགས་རྡོ་རྗེ་བྲག་ནས་བཏོན་ཏེ་མི་ལོ་བཅོ་ལྔའི་བར་དུ་བཀའ་རྒྱ་བཏབ་སྟེ་མཐར་སློབ་བུ་ཀུན་དགའི་མིང་གིས་ནན་དུ་བསྐུལ་ངོར་གཏན་ལ་ཕབ་པའོ། །དགེའོ། །དགེའོ། །དགེའོ། །སརྦ་མངྒ་ལཾ།། །། ཟབ་གསང་མཁའ་འགྲོའི་སྙིང་ཐིག་ལས༔ འཇམ་དཔལ་གཤིན་རྗེའི་གཤེད་པོའི་རྩ་སྒྲུབ་སྐར་མའི་ཕྲེང་བ་ལས༔ ཚོགས་མཆོད་དངོས་གྲུབ་གཏེར་བུམ་བཞུགས་སོ༔ TI1602 - 279 ཝྃ༔ ན་མོ་གུ་རུ་ཧ་རི་ནི་ས་ཧཱུྃ༔ ཤུབྷོ།ཀ བདག་འདྲ་པདྨ་ཐོད་ཕྲེང་ངས༔ མ་འོངས་ལས་ཅན་སྐལ་ལྡན་བུའི༔ ཚོགས་རྫོགས་སྒྲིབ་པ་སྦྱོང་བ་དང་༔ ཁྱད་པར་ཉམས་ཆག་བསྐང་བའི་ཕྱིར༔ ཚོགས་མཆོད་དངོས་གྲུབ་གཏེར་བུམ་བསྟན༔ འབྱོར་ཚོགས་བཟའ་བཏུང་གོས་རྒྱན་སོགས༔ འདོད་ཡོན་ལོངས་སྤྱོད་ཚོགས་སུ་བཤམ༔ དང་པོ་བྱིན་གྱིས་བརླབས་པ་ནི༔ རྃ་ཡྃ་ཁྃ༔ མ་དག་འཁོར་བའི་བག་ཆགས་གྲིབ༔ ཡེ་ཤེས་ཆེན་པོའི་རྩལ་ཤུགས་ཀྱིས༔ མེ་རླུང་ཆུ་ཡིས་བསྲེགས་གཏོར་བཀྲུས༔ ཨོཾ་ཨཱཿ ཧཱུྃ་གིས་བདུད་རྩིར་བསྒྱུར༔ འདོད་ཡོན་ལོངས་སྤྱོད་ནམ་མཁའ་མཛོད༔ མི་ཟད་རྒྱན་གྱི་འཁོར་ལོར་གྱུར༔ TI1602 - 280 ༣. ཚོགས་ཝྃ༔ ཨོཾ་ཨཱཿ ཧཱུྃ༔ ལན་གསུམ་བརྗོད་ཅིང་ཡིད་ཀྱིས་བསྐྱེད་རིམ་གནད་དང་ལྡན་པའི་ངང་ནས་སྤྱན་འདྲེན་པ་ནི༔ ཧཱུྃ་ཧཱུྃ༔ བདེ་ཆེན་འོག་མིན་བརྡལ་ཁྱབ་ཆེན་པོའི་མཁའ༔ ཚོགས་བརྒྱད་གནས་དག་དུར་ཁྲོད་མེ་འབར་ཀློང་༔ རང་བཞིན་རྣམ་པར་དག་པའི་ཕོ་བྲང་ནས༔ འཇམ་དཔལ་སྐུ་ཡི་དཀྱིལ་འཁོར་ལྷ་ཚོགས་རྣམས༔ ཆོས་ཀྱི་དབྱིངས་ལས་གཟུགས་ཀྱི་སྐུར་བཞེངས་ལ༔ བརྒྱུད་འཛིན་རྗེས་སུ་བཟུང་ཕྱིར་གཤེགས་སུ་གསོལ༔ ཞལ་ཟས་རོ་བརྒྱའི་དཔལ་ལ་ད་ཚུར་བྱོན༔ རྣལ་འབྱོར་སྒྲུབ་པ་པོ་ལ་ད་དགོངས་འཚལ༔ དུས་གསུམ་རྒྱལ་བའི་དགོངས་པས་བརླན TI1602 - 281 པ་ཡི༔ རི་རྒྱལ་རྩེ་མོ་ལྔ་པའི་སྟེང་ཕྱོགས་སུ༔ བཀོད་པ་ལྷུན་གྲུབ་དགའ་ཆེན་ཞིང་ཁམས་ནས༔ འཇམ་དཔལ་རིགས་ལྔའི་དཀྱིལ་འཁོར་རྟེན་བརྟེན་པ༔ ཆོས་ཀྱི་དབྱིངས་ནས་གཟུགས ཀྱི་སྐུར་བཞེངས་ལ༔ བརྒྱུད་འཛིན་རྗེས་སུ་བཟུང་ཕྱིར་གཤེགས་སུ་གསོལ༔ ཞལ་ཟས་རོ་བརྒྱའི་དཔལ་ལ་ད་ཚུར་བྱོན༔ རྣལ་འབྱོར་སྒྲབ་པ་པོ་ལ་ད་དགོངས་འཚལ༔ མི་གཞན་ལས ལས་གྲུབ་པའི་སྣང་ཡུལ་དུ༔ གནམ་ལྕགས་ཁང་སྒྲོམ་དགུ་རིམ་འབར་བའི་ཀློང་༔ རྡོ་རྗེ་འཇིགས་བྱེད་དྲག་པོའི་ལྷ་ཚོགས་རྣམས༔ ཆོས་ཀྱི་དབྱིངས་ལས་གཟུགས་ཀྱི་སྐུར་བཞེངས་ལ༔ བརྒྱུད་འཛིན་རྗེས་སུ་བཟུང་ཕྱིར་གཤེགས་སུ་གསོལ༔ ཞལ་ཟས་རོ་བརྒྱའི་དཔལ་ལ་ད་ཚུར་བྱོན༔ རྣལ་འབྱོར་སྒྲུབ་པ་པོ་ལ་ད་དགོངས་འཚལ༔ གུ་རུ་དྷེ་ཝ་ཌཱ་ཀི་ནཱི་སརྦ་ངྷརྨ་པཱ་ལ་ཀྵེ་ཊ་པཱ་ལ་བཛྲ་ས་མ་ཡ་ཛ་ཛཿ དེ་ནས་ཚོགས་མཆོད་འབུལ་བ་ནི༔ ཨོཾ་ཨཱཿཧཱུྃ༔ བླ་མ་ཡི་དམ་མཁའ་འགྲོ་དང་༔ སྲུང་མ་དམ་ཅན་རྒྱ་མཚོ་ལ༔ འདོད་ཡོན་བདུད་རྩིའི་ཚོགས་མཆོད་འབུལ༔ མཆོག་དང་ཐུན་མོང་དངོས་གྲུབ་སྩོལ༔ གུ་རུ་དྷེ་ཝ་ཌཱ་ཀི་ནཱི་སརྦ་ངྷརྨ་པཱ་ལ་ཀྵེ་ཊ་པཱ་ལ་སརྦ་པཉྩ་ཨ་མྲྀ་ཏ་ལ་ཁཱ་ཧི་གྷ་ཎ་ཙཀྲ་ལ་ཁཱ་ཧི༔ དེ་ནས་བཤགས་པ་བྱ་བ་ནི༔ དཔང་གྱུར་དཀོན་མཆོག ཛོཾ།༔ དགོངས་སུ་གསོལ༔ རྒྱལ་བའི་བཀའ་དང་བླ་མའི་ལུང་༔ ཅི་བཞིན་མ་སྤྱད་དམ་ཉམས་པ༔ ལོངས་སྤྱོད་ཚོགས་ཀྱིས་བསྐང་ཞིང་བཤགས༔ ཨོཾ་གྷ་ཎ་ཙཀྲ སཏྭ་ས་མ་ཡ༔ སོགས༔ དེ་ནས་ཉམས་པ་བསྒྲལ་བ་ནི༔ ང་ནི་བཅོམ་ལྡན་གཤིན་རྗེའི་གཤེད༔ ཕོ་ཉ་ལས་མཁན་ལས་ལ་འགྱེད༔ བདག་ཏུ་འཛིན་པའི་རཱུ་དྲ་གཤེད༔ བདག་མེད་མཉམ་པ་ཉིད་དུ་གསོད༔ ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ་སརྦ་ཤ་ཏྲུཾ་པ་ཙ་པ་ཙ་ཧཱུྃ་ཕཊ༔ དེ་ནས་བསྟབ་པ་ནི༔ ཧཱུྃ༔ ངང་གནས་ཡེ་ཤེས་ལྷ་ཞལ་ཕྱེས༔ མ་རིག་ལས་བྱུང་རཱུ་དྲ་ཡི༔ གཟུགས་ཕུང་སྐྱེ་མཆེད་ཞལ་དུ་བསྟབས༔ མཉམ་པ་ཉིད་དུ་སྙོམས་པར་རོལ༔ རཱུ་དྲ་ཧ་ལ་པཉྩ་ཁཱ་ཧི༔ དེ་ནས་ལྷག་མ་འབུལ་བ་ནི༔ བྷྱོ༔ ལྷག་ལ་དབང་བ་མ་མོའི་ཚོགས༔ དབང་ཕྱུག་ཉི་ཤུ་རྩ་བརྒྱད་དང་༔༷ རྗེ་མོ་སྤུན་དྲུག་འབར་མ་བཞི༔ སྲིང་མོ་བདུན་དང་གིང་ཆེན་པོ༔ འབར་མ་དགུ་དང་ལང་ཀ་འབུམ༔ སྲིན་མོ་ཆེན་མོ་བཅུ་བཞི་དང་༔ གཡོག་མོ་ལྔ་བཅུ་རྩ་དྲུག་དང་༔ ཡང་གཡོག་འབུམ་ཁྲི་འབུམ་སྟོང་སོགས༔ སྲིད་པ་མ་མོའི་དཀྱིལ་འཁོར་ལ༔ འདོད་ཡོན་ལྷག་མའི་ལོངས་སྤྱོད་འབུལ༔ དམ་ཚིག་ཉམས་ཆག་མཐོལ་ལོ་བཤགས༔ གནོད་སྦྱིན་ཤན ༩༨༠༠ པ་ཆེན་པོ་དང་༔ གཤིན་རྗེ་ཡ་མ་རཱ་ཙ་དང་༔ གཟའ་བདུད་དུག་གི་སྤུ་གྲི་སོགས༔ བཀའ་སྲུང་དམ་ཅན་རྒྱ་མཚོ་ལ༔ འདོད་ཡོན་ལོངས་སྤྱོད་ཚོགས་སུ་འབུལ༔ ཐུགས་དང་འགལ་བའི་ནོངས་པ་བཤགས༔ དམ་སྡོམ་ཉམས་ཆག་ཞིག་རལ་སོགས༔ ཕོག་ཐུག་ཉེས་འགལ་མཐོལ་ལོ་བཤགས༔ བཟོད་པར་བཞེས་ནས་ཚངས་པར་སྩོལ༔ མ་མ་ཧཱུྃ་ཧཱུྃ་བཛྲ་ས་མ་ཡ༔ ཨུཙྪིཥྚ་གྷ་ཎ་ཙཀྲ་ལ་ཁཱ་ཧི༔ དེ་ནས་ཆད་མདོ་བཏང་བ་ནི༔ ཨོཾ་ཨཱཿ ཧཱུྃ་ཧ་ཧོ་ཧྲཱིཿ ལན་གསུམ༔ ཧཱུྃ་ཛཿ གསང་སྔགས་རྡོ་རྗེ་ཐེག་པ་ཡི༔ བསྟན་སྲུང་གཉན་པོ་འཁོར་དང་བཅས༔ སྔོན་ཚེ་ཀུན་བཟང་དཔལ་ཆེན་ནས༔ བརྒྱུད་གསུམ་བླ་མའི་བཀའ་དམ་བཞིན༔ ཆད་དོན་དམར་གྱི་གཏོར་མ་ལོངས༔ སངས་རྒྱས་བསྟན་པ་གཉན་པོ་སྲུངས༔ དཀོན་མཆོག་གསུམ་གྱི་དབུ་འཕང་བསྟོད༔ ཟབ་གསང་མཁའ་འགྲོའི་སྙིང་ཐིག་གི༔ བསྟན་དང་བསྟན་འཛིན་བུ་བཞིན་སྐྱོང་༔ ཆོས་སྲིད་མངའ་ཐང་འཕེལ་རྒྱས་ཤིང་༔ བསམ་དོན་ཡིད་བཞིན་མྱུར་འགྲུབ་མཛོད༔ ཧཱུྃ་ཛཿ བཛྲ་ས་མ་ཡ༔ དེ་ནས་བརྟན་མ་སྐྱོང་བ་ལ༔ ཆད་དོན་དམར་གཏོར་འབུལ་བ་ནི༔ ཧཱུྃ་བྷྱོ༔ སྔོན་ཚེ་ཀུན་བཟང་པད་འབྱུང་གི༔ སྤྱན་སྔར་ཁས་བླང་དམ་བཅས་པའི༔ བོད་ཁམས་སྐྱོང་བའི་མ་ ཝྃ།༔ སྲིང་སྡེ༔ བརྟན་མ་ཆེན་མོ་བཅུ་གཉིས་ནི༔ སྤྲུལ་འཁོར་བཀའ་སྡོད་བྲན་གཡོག་བཅས༔ དམ་རྫས་དམར་གྱི་གཏོར་མ་ལོངས༔ བསྟན་དང་བསྟན་འཛིན་བུ་ལྟར་སྐྱོངས༔ ལོག་འདྲེན་དགྲ་བགེགས་ཐལ་བར་རློག༔ མ་མ་བཛྲ་ས་མ་ཡ༔ མཆོད་བསྟོད་རྫོགས་ནས་དངོས་གྲུབ་ལེན༔ ཧཱུྃ༔ རྡོ་རྗེ་གསང་བའི་བང་མཛོད་ནས༔ དབང་དང་དངོས་གྲུབ དགའ་བཞིའི་བཅུད༔ ཆོས་ཉིད་རིག་པའི་སྒྲོམ་དུ་བབ༔ དབྱིངས་དང་ཡེ་ཤེས་མཉམ་པར་བརྡལ༔ ཨོ་པྲཛྙཱ་ཛྙཱ་ན་བཛྲ་སིདྡྷི་ཕ་ལ་ཨ་ལ་ལ་ཧོཿ དེ་ནས་བཤགས་པ་ནི༔ ཧཱུྃ༔ རྩ་གསུམ་ཆོས་སྐྱོང་དགོངས་སུ་གསོལ༔ བདག་གི་ཚེ་རབས་ཐམས་ཅད་དུ༔ མ་རིག་ལས་ཉོན་དབང་གྱུར་པས༔ སྒོ་གསུམ་མི་དགེའི་ལས་བསགས་ཀུན༔ མི་འཆབ་མི་སྦེད་མཐོལ་ལོ་བཤགས༔ གནོང་ངོ་འགྱོད་དོ་སླན་ཆད་སྡོམ༔ དག་ཚང་མཆོག་གི་དངོས་གྲུབ་སྩོལ༔ ཨོཾ་བཛྲ་སཏྭ་ས་མ་ཡ༔ སོགས་ཡིག་བརྒྱ་ཅི་ནུས་བཟླ༔ དེ་ནས་བསྔོ་བ་སྨོན་ལམ་ནི༔ ཧཱུྃ༔ འདི་དང་དུས་གསུམ་དགེ་ཚོགས་ཀུན༔ བསྡུས་བཟླུམ་འགྲོ་བ་ཡོངས་ལ་བསྔོ༔ ཁམས་གསུམ་འཁོར་བའི་སེམས་ཅན་རྣམས༔ རྡོ་རྗེ་འཛིན་པའི་ས་ཐོབ་ཤོག༔ དེ་ནས་རྟག་ཆད་མཐའ་བསལ་ནི༔ ཧཱུྃ༔ ཡེ་རིག་དོན་གྱི་སངས་རྒྱས་དེ༔ གཤེགས་བྱོན་བཞུགས་པའི་ཡུལ་ལས་འདས༔ འཁོར་གསུམ་དམིགས་པ་མེད་པའི་ངང་༔ མ་བསྒོམ་རང་བྱུང་ལྷ་རུ་སད༔ ཨ་ཨ་ཨ༔ དེ་ནས་བཀྲ་ཤིས་བྱ་བ་ནི༔ མེ་ཏོག་འཐོར་ཏེ༔ དཀོན་མཆོག་གསུམ་གྱི་བདེན་མཐུ་དང་༔ རྩ་བ་གསུམ་གྱི་ནུས་མཐུ་དང་༔ སྐུ་གསུམ་རྒྱལ་བའི་ཐུགས་རྗེ་དང་༔ ཆོས་ཉིད་རྣམ་དག་བདེན་པའི་མཐུས༔ སྒྲུབ་པའི་རྣལ་འབྱོར་ཕོ་མོ་ཡི༔ བསོད་ནམས་ཡེ་ཤེས་རྒྱས་བརྟན་འཕེལ༔ བརྒྱུད་འཛིན་རྒྱུན་ཆད་མེད་པ་དང་༔ སྙན་གྲགས་ནམ་མཁའ་དང་མཉམ་ནས༔ སྐུ་བཞིའི་དཔལ་ཐོབ་བཀྲ་ཤིས་ཤོག༔ འཇིགས་དང་སྡུག་བསྔལ་ཀུན་ཞི་ནས༔ བདེ་ལེགས་དཔལ་ཐོབ་བཀྲ་ཤིས་ཤོག༔ ཚེ་བསོད་ཡེ་ཤེས་ཡོན་ཏན་རྒྱས༔ དགའ་བདེའི་འབྱོར་ལྡན་བཀྲ་ཤིས་ཤོག༔ བདག་གཞན་སྣང་བ་དབང་འདུས་ནས༔ གཞི་ཐོག་རང་གྲོལ་བཀྲ་ཤིས་ཤོག༔ བདག་ལྟའི་དགྲ་བགེགས་ཡོངས་སྒྲོལ་གྱི༔ དོན་གཉིས་ལྷུན་གྲུབ་བཀྲ་ཤིས་ཤོག༔ ས་མ་ཡ༔ སྒྲུབ་པ་ལྷུར་ལེན་སྐལ་ལྡན་རྣམས༔ རྣམ་རྟོག་ཐམས་ཅད་ལས་ཟིན་མེད༔ བློ་ཐག་གཅིག་ཆོད་བསམ་པ་འགྲུབ༔ བློ་ཕུག་ཆོས་ལ་དྲིལ་ཏེ་ཞོག༔ བློ་སྣ་བསྟུང་བ་གདམས་ངག་གནད༔ ལེ་ལོ་བདུད་ཀྱི་ཇག་པ་ཡིན༔ རྣམ་གཡེངས་བདུད་ཡུལ་མུན་གླིང་ཡིན༔ འདུ་འཛིན་ ཝྃ།༔ བདུད་ཀྱི་རྐུན་མ་ཡིན༔ རྙེད་བཀུར་བདུད་ཀྱི་སུན་མ་ཡིན༔ གྲོགས་མཛེས་བདུད་ཀྱི་བསླུ་མི་ཡིན༔ བུད་མེད་བདུད་ཀྱི་ཞགས་པ་ཡིན༔ ངག་སྙན་མཛེས་རྒྱན་གསེར་གྱི་སྒྲོག༔ ཆིངས་ནས་མི་བཀྲོལ་བརྡ་རུ་སྟོན༔ པདྨ་བདག་གི་སྙིང་གཏམ་ཡིན༔ ལྔ་བརྒྱའི་མར་གཤམ་དུས་སྙིགས་ཚེ༔ སྔགས་མིན་སྔགས་བརྫུས་སྡོམ་ཉམས་ཀྱིས༔ བུད་མེད་ལ་སྤྱོད་གཡོ་སྒྱུས་བསླུ༔ དང་པོ་གཞན་གྱི་མགོ་བསྐོར་ནས༔ ཐ་མ་དམྱལ་བར་རང་ཉིད་ཕུང་༔ འདི་དག་བདུད་ཕོ་རལ་གཡོབ་སྟེ༔ རང་ཕུང་གཞན་ཡང་དེ་འདྲས་ཕུང་༔ རྦ་རིང་ཆེན་པོའི་འོག་རོལ་ནས༔ རི་དྲང་སྲི་ནག་སྟེང་དུ་སོང་༔ བྱང་ཆུབ་ཤིང་གི་སྡོང་པོ་གཅོད༔ ཉི་ཟླ་དང་སྡེབ་མུན་དུ་རུབ༔ ཤྭ་ལ་མེ་སྟག་དགུ་མཆེད་ནས༔ སྲིན་གྱིས་རྔ་བརྡུང་དུག་མཚོ་ཁོལ༔ རེ་བ་ནག་པོའི་རྒྱལ་མཚན་གཡབ༔ དེ་དུས་ཤིང་ལ་མེ་སྟག་བརྒྱབ༔ མཆེད་ན་གསེར་འོད་ཉམས་པ་འབྱུང་༔ ཁྲག་མདོག་གནམ་གྱིས་སྟོན་པའི་ཚེ༔ བདུད་ཀྱིས་ཤིང་ལོ་སྤྲུག་པའི་ལྟས༔ འདི་དུས་གཏེར་འདིས་གདུལ་བྱ་དུས༔ པདྨ་འབྱུང་གནས་ཐུགས་ཀྱི་སྲས༔ ཁྱོད་ལ་གདམས་པ་མ་ནོར་རེམ༔ ང་རྗེས་འཛིན་པའི་སྐལ་ལྡན་རྣམས༔ དེ་ལྟར་བདུད་ཀྱི་གེགས་ལ་གཟོབ༔ འདི་ལྟར་ཉམས་སུ་ལེན་པའི་བུ༔ མི་མཐུན་ཕྱོགས་ལས་རྣམ་རྒྱལ་ནས༔ བདུད་ཡུལ་མུན་པའི་འཕྲང་ལས་གྲོལ༔ རིམ་གཉིས་སྒྲུབ་གནད་མི་འཛོལ་བར༔ འདི་བསྒྲུབ་སྐལ་ལྡན་ཕོ་མོ་རྣམས༔ ཚེ་འདིར་རིག་འཛིན་ས་ཐོབ་འགྱུར༔ པདྨ་བདག་གི་རྡོ་རྗེའི་ཚིག༔ བཀའ་སྲུང་དྲང་སྲོང་ཆེན་པོས་སྲུངས༔ དམ་ཉམས་ལྟ་ལོག་དབང་པོ་བསྣུབས༔ དམ་ཚིག་ཅན་ ལ་བུ་ལྟར་སྐྱོངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཨ་ཐཾ་རྒྱ༔ བརྡ་ཐིམ༔ ༔ ཞེས་པ་འདི་སྤྲང་མ་ནུས་སེམས་ཉིད་ཧད་པོ་བདུད་འཇོམས་རྡོ་རྗེས་གཏེར་ནས་བཏོན་ཏེ་ཀུན་དགའི་ངོར་གཏན་ལ་ཕབ་པའོ།། དགེའོ། །དགེའོ། །དགེའོ། །བཀྲ་ཤིས་དཔལ་གྱིས་ས་གསུམ་ཡོངས་ཁྱབ་ཤོག། འཇོམས་འཇམ་དཔལ་དྲག་པོ 284 འཇོམས་འཇམ་དཔལ་དྲག་པོ TI1602 - 288 ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ ཁྲོ་རྒྱལ་གཤིན་རྗེའི་གཤེད་པོའི་བསྐང་བ་སྒྲིབ་གཉིས་རབ་སྦྱོང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ་༔ བསྐང་བ་སྒྲིབ་གཉིས་རབ་སྦྱོང་ལ༔ མཆོད་རྫས་གྷ་ཎའི་ལོངས་སྤྱོད་བཤམས༔ ཡིད་ཀྱིས་མི་ཟད་རྒྱན་འཁོར་སྤེལ༔ ཉམས་ཆག་བཤགས་སྦྱང་ཆེད་དུ་དམིགས༔ དཔང་གྱུར་དཔང་བཙུགས་གནད་ལྡན་གྱི༔ ཧཱུྃ༔ རང་སྣང་དོན་གྱི་འོག་མིན་ནས༔ རང་རིག་ཡེ་ཤེས་སྒྱུ་འཕྲུལ་ལྷ༔ ཡེ་རྫོགས་དཀྱིལ་འཁོར་ཆེན་པོ་གང་༔ དབྱིངས་ནས་སྐུར་བཞེངས་འདིར་གཤེགས་ཤིག༔ བཛྲ་ས་མ་ཡ་ཛཿ ཨོཾ་ཨཱཿ ཧཱུྃ༔ སྣང་བ་སྣོད་དང་སྲིད་པ་བཅུད༔ འདོད་ཡོན་ལྔ་ཡི་ཡུལ་སོ་ཅོག༔ གདོད་ནས་རང་ལས་རང་སྣང་བ༔ མ་བཙལ་མཆོད་པའི་རྫས་སུ་ཤར༔ ཡེ་ཤེས་ཆེན་པོས་རྒྱས་བཏབ་ནས༔ ཉམས་ཆག་བསྐང་ཕྱིར་མཆོད་པར་བཤམ༔ ཧཱུྃ༔ མི་གནས་གསང་ཆེན་དཀྱིལ་འཁོར་ནས༔ རང་བྱུང་ཡེ་ཤེས་ཐུགས་དམ་བསྐང་༔ ཀུན་ཏུ་བཟང་པོའི་ཐུགས་དམ་བསྐང་༔ རྡོ་རྗེ་སེམས་དཔའི་ཐུགས་དམ་བསྐང་༔ དགའ་རབ་རྡོ་རྗེའི་ཐུགས་དམ་བསྐང་༔ ཤྲཱི་སིངྷའི་ཐུགས་དམ་བསྐང་༔ པདྨ་འབྱུང་གནས་ཐུགས་དམ་བསྐང་༔ ཁྱེའུ་ཆུང་ལོ་ཙཱའི་ཐུགས་དམ་བསྐང་༔ བདུད་འཇོམས་རྡོ་རྗེ་གླིང་པའི་ ཐུགས་དམ་བསྐང་༔ རྩ་བའི་བླ་མའི་ཐུགས་དམ་བསྐང་༔ འཇམ་དཔལ་གཞོན་ནུའི་ཐུགས་དམ་བསྐང་༔ རྡོ་རྗེ་འཇིགས་བྱེད་ཐུགས་དམ་བསྐང་༔ གཤིན་རྗེའི་གཤེད་པོའི་ཐུགས་དམ་བསྐང་༔ དུར་ཁྲོད་བདག་མོའི་ཐུགས་དམ་བསྐང་༔ རྒྱལ་བ་ཞི་ཁྲོའི་ཐུགས་དམ་བསྐང་༔ རྡོ་རྗེ་བདུད་འདུལ་ཐུགས་དམ་བསྐང་༔ ཡཀྵ་མེ་དབལ་ཐུགས་དམ་བསྐང་༔ ཀླུ་བདུད་རྡོ་རྗེའི་ཐུགས་དམ་བསྐང་༔ ཚེ་བདག་ནག་པོའི་ཐུགས་དམ་བསྐང་༔ ལྕགས་ཀྱུ་མ་ཡི་ཐུགས་དམ་བསྐང་༔ ཞགས་པ་མ་ཡི་ཐུགས་དམ་བསྐང་༔ ལྕགས་སྒྲོག་མ་ཡི་ཐུགས་དམ་བསྐང་༔ དྲིལ་བུ་མ་ཡི་ཐུགས་དམ་བསྐང་༔ མ་དང་མཁའ་འགྲོའི་ཐུགས་དམ་བསྐང་༔ གནོད་སྦྱིན་དམར་ནག་ཐུགས་དམ་བསྐང་༔ ཡ་མ་རཱ་ཙའི་ཐུགས་དམ་བསྐང་༔ གཟའ་མཆོག་ཆེན་པོའི་ཐུགས་དམ་བསྐང་༔ ཕྱི་མཆོད་ཉེར་སྤྱོད་བདུན་གྱིས་བསྐང་༔ ནང་མཆོད་འདོད་ཡོན་སྣ་ལྔས་བསྐང་༔ གསང་མཆོད་སྨན་གཏོར་རཀྟས་བསྐང་༔ སྦྱོར་སྒྲོལ་ཏ་ན་ག་ནས་བསྐང་༔ དཔང་གྱུར་རྩ་གསུམ་དགོངས་སུ་གསོལ༔ བདག་ནི་མ་རིག་དབང་གྱུར་པས༔ ཚེ་རབས་འཁོར་བ་ཐོག་མེད་ནས༔ ལས་དང་ཉོན་མོངས་བག་ཆགས་སྒྲིབ༔ མི་གསང་མི་སྦེད་མཐོལ་ ཝྃ།༔ ལོ་བཤགས༔ སྐུ་ཡི་དམ་ཚིག་ཉམས་ཆག་ཀུན༔ དཔང་གྱུར་སྐུ་ལ་མཐོལ་ལོ་བཤགས༔ གསུང་གི་དམ་ཚིག་ཉམས་ཆག་ཀུན༔ དཔང་གྱུར་གསུང་ལ་མཐོལ་ལོ་བཤགས༔ ཐུགས་ཀྱི་དམ་ཚིག་ཉམས་ཆག་ཀུན༔ དཔང་གྱུར་ཐུགས་ལ་མཐོལ་ལོ་བཤགས༔ ཡན་ལག་དམ་ཚིག་ཉམས་ཆག་ཀུན༔ ཡོན་ཏན་ཕྲིན་ལས་ཚོགས་ལ་བཤགས༔ ལུས་དང་ངག་དང་ཡིད་ཀྱི་ལས༔ མི་དགེའི་ཉེས་བྱས་ཉམས་ཆག་སྡིག༔ གནོང་འགྱོད་དྲག་པོས་མཐོལ་ལོ་བཤགསཿ དག་ཅིང་ཚངས་པའི་དངོས་གྲུབ་སྩོལ༔ སྐུ་གསུང་ཐུགས་ཀྱིས་བྱིན་གྱིས་རློབས༔ ཨོཾ་བཛྲ་སཏྭ་ས་མ་ཡ༔ སོགས༔ སྒྲིབ་གཉིས་བག་ཆགས་མ་ལུས་པ༔ བྱང་འགྱུར་འདི་ལ་ཐེ་ཚོམ་མེད༔ མཆོག་དང་ཐུན་མོང་དངོས་གྲུབ་ཐོབ༔ ཡེ་ཤེས་ལྷ་ཡི་དཔལ་ཐོབ་འགྱུར་༔ བཀའ་འདི་དྲང་སྲོང་ཆེན་པོས་སྲུངས༔ གཤེ་སྐུར་མཁན་གྱི་དབང་པོ་བསྣུབས༔ སྒྲུབ་པ་པོ་ལ་བུ་ལྟར་སྐྱོངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱཿ གཏད་རྒྱ༔ ཟབ་རྒྱ༔ བརྡ་ཐིམ༔ ༔ ཞེས་པ་འདི་ཡང་སྤྲང་བདུད་འཇོམས་རྡོ་རྗེས་གཏེར་ནས་བཏོན་ཏེ མི་ལོ་བཅོ་ལྔའི་བར་དུ་བཀའ་རྒྱ་བྱས་ནས་མཐར་ཀུན་དགའི་ངོར་དག་པར་ཕབ་པའོ། །དགེའོ །དགེའོ །དགེའོ།། །། T11602 - 292 ༥& ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ འཇམ་དཔལ་གཤིན་རྗེའི་གཤེད་ཀྱི་བསྐུལ་བ་རྡོ་རྗེའི་འགྱིང་གླུ་བཞུགས་སོ༔ _UNKཧ།།ཧཱ༔ ན་མོ་གུ་རུ་པདྨ་ཀ་ར་ཡེ༔ བསྐུལ་བ་རྡོ་རྗེའི་འགྱིང་གླུ་ནི༔ ཤ་ཁྲག་དམར་གཏོར་བཤམས་ནས༔ དེ་དགྲ་བོའི་ཤ་ཁྲག་དངོས་སུ་དམིགས་ལ༔ བླ་མ་ཡི་དམ་མཁའ་འགྲོ་དམ་ཅན་སྤྲིན་དཔུང་འཁྲིགས་པ་ལྟར་བྱོན་ནས་ཤ་ཁྲག་ལ་རྔམས་ཟས་བྱེད་ཅིང་བསད་བཅད་ཀྱི་ལས་ལ་བརྩོན་པར་བསམ༔ ཧཱུྃ་ཧཱུྃ་ཧཱུྃ༔ དུག་གསུམ་དབྱིངས་སྒྲོལ་མི་རོའི་བམ་སྟེང་ནས༔ འཇམ་དཔལ་ཡ་མཱནྟ་ཀ་སྐུར་བཞེངས་ཤིག༔ རྡོ་རྗེ་འཇིགས་བྱེད་ཆེན་པོ་སྐུར་བཞེངས་ཤིག༔ རྡོ་རྗེ་བདུད་འདུལ་དྲག་པོ་སྐུར་བཞེངས་ཤིག༔ རིན་ཆེན་ཡཀྴ་མེ་དབལ་སྐུར་བཞེངས་ཤིག༔ པདྨ་ཀླུ་བདུད་རྡོ་རྗེ་སྐུར་བཞེངས་ཤིག༔ ཀརྨ་ཚེ་བདག་ནག་པོ་སྐུར་བཞེངས་ཤིག༔ ཡུམ་མཆོག་དུར་ཁྲོད་བདག་མོ་སྐུར་བཞེངས་ཤིག༔ སྤྲུལ་འཁོར་ལས་མཁན་བཀའ་སྡོད་སྐུར་བཞེངས་ཤིག༔ ཤ་ཁྲག་དམར་གྱི་གཏོར་མ་འདི་བཞེས་ལ༔ ཉོན་མོངས་དུག་ལྔ་དུག་གསུམ་དགྲ་གདོན་བགེགས༔ མ་ལུས་ཐལ་བའི་རྡུལ་ཕྲན་བཞིན་དུ་རློག༔ དམ་ཚིག་དབང་གིས་ཐུགས་དམ་གནད་ནས་བསྐུལ༔ བསྟན་པའི་རཱུ་དྲ་བསྒྲལ་བའི་ལས་མཛོད་ཅིགཿ ས་མ་ཡ་ཛ་ཛཿ དེ་ནས་རྟ་བྲོ་བརྡུང་བ་ནི༔ ཧཱུྃ༔ འཇམ་དཔལ་སྐུ་ཡི་དཀྱིལ་འཁོར་ནས༔ དྲག་པོའི་རྟ་བྲོ་ཆེམས་སེ་ཆེམ༔ དམ་སྲི་སྒབ་འདྲེ་རྡུལ་དུ་རློག༔ ལྡང་མེད་གྲུ་གསུམ་ཧོམ་དུ་བྲུབ༔ སྐུ་གསུང་ཐུགས་ཀྱི་མནན་རྒྱས ཐོབ༔ ཨོཾ་ལཾ༔ ཨཱཿལཾ༔ ཧཱུྃ་ལཾ༔ སུཾ་ལཾ༔ ་བྷ་ཡ་ནན༔ ས་མ་ཡ༔ རྒྱ་རྒྱ་རྒྱ༔ བརྡ་