Tibetan
ཕུལ༔ དེ་ནས་གཞུང་གི་ཉེར་སྤྱོད་འདོད་ཡོན་སྨན་རཀ་གཏོར་གསུམ་གསང་མཆོད་བཅས་འབུལ་ཚིག་ཡོད་པ་རྣམས་དེ་ཉིད་ཀྱིས་ཕུལ༔ འབུལ་ཚིག་མེད་པ་རྣམས་ལ་སྔགས་ཀྱིས་ཕུལ༔ དེ་ནས་རྫས་རྣམས་འབུལ བ་ནི༔ ཡམ་ཤིང་ལ༔ རྩ་སྔགས་མཐར༔ ཨོཾ་བྷོ་བྲྀཀྵ་ཡེ་སྭཱ་ཧཱ༔ ནད་གདོན་འཇིགས་བརྒྱད་སྡིག་སྒྲིབ་བག་ཆགས་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ དེ་བཞིན་དུ་མར་ཁུ་ལ༔ རྩ་སྔགས་མཐར༔ ཨོཾ་ཨ་མྲྀ་ཏ་ཁཱ་ཧི༔ ཤམ་བུ་དང་༔ ཏིལ་ལ་རྩ་སྔགས་མཐར༔ ཨོཾ་སརྦ་པ་པཾ་ད་ཧ་ན་བཛྲ་ཡེ་སྭཱ་ཧཱ༔ ཡུངས་ཀར་ལ་རྩ་སྔགས་མཐར༔ ཨོཾ་སརྦ་ཨརྠ་སིདྡྷི་ཡེ་སྭ་ཧཱ༔ ཟས་མཆོག་ལ་རྩ་སྔགས་མཐར༔ ཨོཾ་སརྦ་སཾ་བྷོ་དྷི་ཡེ་སྭཱ་ཧཱ༔ འབྲས་ལ་རྩ་སྔགས་མཐར༔ ཨོཾ་བཛྲ་པུཥྚ་ཡེ་སྭཱ་ཧཱ༔ སོ་བ་ལ་རྩ་སྔགས་མཐར༔ ཨོཾ་མ་ཧཱ་བི་ཛ་ཡ་སྭཱ་ཧཱ༔ ནས་ལ་རྩ་སྔགས་མཐར༔ ཨོཾ་མ་ཧཱ་བེ་ག་ཡེ་སྭཱ་ཧཱ༔ སྲན་མ་ལ་རྩ་སྔགས་མཐར༔ ཨོཾ་མ་ཧཱ་བཱ་ལ་ཡེ་སྭཱ་ཧཱ༔ གྲོ་ལ་རྩ་སྔགས་མཐར༔ ཨོཾ་བཛྲ་གྷསྨ་རི་ཡེ་སྭཱ་ཧཱ༔ དཱུརྦ་ལ་རྩ་སྔགས་མཐར༔ ཨོཾ་བཛྲ་ཨ་ཡུ་ཥེ་སྭཱ་ཧཱ༔ ཀུ་ཤ་ལ་རྩ་སྔགས་མཐར༔ ཨོཾ་ཨ་པྲ་ཏི་ཧ་ཏ་བཛྲ་ཡེ སྭཱ་ཧཱ༔ ཤིང་ཐོག་ལ་རྩ་སྔགས་མཐར༔ ཨོཾ་གཱ་ག་ནི་གཱ་ག་ནི་བེེ་ལོ་ཀི་ཏི་ཡེ་སྭཱ་ཧཱ༔ ནད་གདོན་འཇིགས་བརྒྱད་སྡིག་སྒྲིབ་བག་ཆགས་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ རྫས་རེ་རེ་ལ་ལན་བརྒྱའམ་ཉེར་གཅིག་སོགས་སྐབས་དང་བསྟུན་ནོ༔ ཕྲིན་ལས་བཅོལ་བ་ནི་ཌཱ་དྲིལ་དང་བཅས་པས་འདི་ལྟར་བརྗོད༔ ཧོཿ དཀྱིལ་འཁོར་གྱི་ལྷ་ཚོགས་ཐམས་ཅད་བདག་ལ་དགོངས་སུ་གསོལ༔ ཁྱེད་རྣམས་ལ་སྦྱིན་སྲེག་གི མཆོད་པ་འདི་ཕུལ་བའི་མཐུས་བདག་ཅག་དཔོན་སློབ་འཁོར་དང་བཅས་པའི་ནད་གདོན་ལས་ཉོན་སྡིག་སྒྲིབ་བག་ཆགས་འཇིགས་དང་སྡུག་བསྔལ་ཐམས་ཅད་ཞི་ཞིང་བདེ་ལེགས་དམ་པ་མཛད་དུ་གསོལ༔ དེ་ནས་བསྟོད་པ་གཞུང་བཞིན་བྱ་ཞིང་༔ སྤྲོ་ན་སྐབས་འདིར་ཚོགས་འཁོར་ཡང་བྱ༔ མིན་ཀྱང་མེ་ཁ་ཅུང་ཟད་གསོས་ཏེ་གཏང་རག་གི་མཆོད་པ་ནི༔ དཀྱིལ་འཁོར་ལྷ་རྣམས་སྐད་ཅིག་གི་གསལ་བཏབ་ལ༔ ཨོཾ་བཛྲ་ཨརྒྷཾ པཱདྱཾཿསོགས་ནས་ཕྱི་ནང་གསང་མཆོད་ཀྱི་སྔགས་རྣམས་ཀྱིས་མཆོད༔ རྫས་རྣམས་ཡམ་ཤིང་ནས་རིམ་བཞིན་རྩ་སྔགས་དང་རྫས་སྔགས་ལན་གསུམ་གསུམ་གྱིས་ཕུལ་ཏེ་ཕྲིན་བཅོལ་སོགས་རིམ་པ་བཞིན་དུ་ཚང་བར་རྫོགས་མཐར༔ མཆོད་སྦྱིན གཏོར་མ་སོགས་ཀུན་འགྲུབ་ཤོག༔ རྩ་སྔགས་ཨེ་དམ་བ་ལིཾ་ཏ་ཁཱ་ཧི༔ ཉེར་གཅིག་གིས་ཕུལ༔ དེ་ནས་གོས་གསར་འབུལ་བ་ནི༔ རྩ་སྔགས་མཐར༔ ཨོཾ་བཛྲ་ཝཥྛ་ཡེ་སྭཱ་ཧཱ༔ དེ་ནས་སོ་རྩི་འབུལ་བ་ནི༔ ཝྃ།༔ རྩ་སྔགས་མཐར༔ ཨོཾ་བཛྲ་ཏམ་བུ་ལ་ཡེ་སྭཱ་ཧཱ༔ དེ་ནས་བསྟོད་པ་སྔར་ལྟར་བྱ་ཞིང་༔ དེ་རྗེས་དངོས་གྲུབ་ལེན་པ་ནི༔ ཧཱུྃ༔ དངོས་གྲུབ་གཏེར་མཛོད་ཡི་དམ་ལྷ་ཚོགས དགོངས༔ བདག་ཅག་སྒྲུབ་མཆོག་འཁོར་དང་བཅས་རྣམས་ལ༔ ཞི་རྒྱས་དབང་དང་མངོན་སྤྱོད་ལྷུན་གྲུབ་སོགས༔ མཆོག་དང་ཐུན་མོང་དངོས་གྲུབ་མ་ལུས་པ༔ ད་ལྟ་ཉིད་དུ་ཐོབ་པར་སྩལ་དུ་གསོལ༔ ཨོཾ་གུ་རུ་དྷེ་ཝ་ཌཱ་ཀི་ནཱི་ཀཱ་ཡ་ཝཱཀ་ཙིཏྟ་སརྦ་སིདྡྷི་ཕ་ལ་ཨ་ལ་ལ་ཧོཿ དེ་ནས་ཡི་གེ་བརྒྱ་པས་ནོངས་པ་བཤགས༔ མཐར་གཤེགས་སྐྱེམས་འབུལ་བ་ནི༔ རྩ་སྔགས་མཐར༔ ཨོཾ་ཨ་མྲྀ་ཏ་ཁཱ་ཧི༔ ཅེས་ལན་བདུན་ཕུལ་ཏེ༔ ཡེ་ཤེས་པ་དབྱིངས་སུ་གཤེགས༔ དམ་ཚིག་པ་བདག་ལ་ཐིམ་པར་བསམ་མོ༔ དེ་ནས་མེ་ལྷའི་གཏང་རག་ནི༔ མེ་ཁ་གསོས་ཏེ༔ མེ་ལྷ་གསལ་བཏབ་ནས༔ ཉེར་སྤྱོད་འདོད་ཡོན་སྨན་གཏོར་རཀྟའི སྔགས་ཀྱིས་གོང་བཞིན་མཆོད༔ རྫས་རྣམས་སྔར་ལྟར་རང་རང་གི་སྔགས་ཤམ་བུ་མེད་པར་ལན་གསུམ་གསུམ་གྱིས་ཕུལ༔ ཕྲིན་ལས་བཅོལ་བ་དང་༔ གོས་ཟུང་དང་སོ་རྩི་ཡང་འབུལ་ལོ༔ དེ་ནས་བསྟོད་པ་ལ༔ ཧཱུྃ༔ ཡེ་ཤེས་འབར་བ་མེ་ཡི་ལྷ༔ མེ་སྟེ་བསྲེག་བྱ་ཟ་བ་པོ༔ ཤར་ལྷོ་མེ་ལྷའི་གདོན་ཚོགས་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ དེ་ནས་བཟོད་གསོལ་བྱ་བ་ནི༔ མ་འབྱོར་པ་དང་ཉམས་པ་དང་༔ གང་ཡང་བདག་རྨོངས་བློ་ཡིས་ནི༔ བགྱིས་པ་དང་ནི་བགྱིད་སྩལ་གང་༔ དེ་དག་ཐམས་ཅད་བཟོད་པར་གསོལ༔ ཡི་གེ་བརྒྱ་པ་ལན་གསུམ་གྱིས་ལྷག་ཆད་ཁ་བསྐང་བར་བྱའོ༔ གཤེགས་གསོལ་ནི༔ ཨོཾ༔ ཁྱེད་ཀྱིས་སེམས་ཅན་དོན་ཀུན་མཛད༔ རྗེས་སུ་མཐུན་པའི་དངོས་གྲུབ་སྩོལ༔ རང་རང་ཡུལ་དུ་གཤེགས་ནས་ཀྱང་༔ སླར་ཡང་འབྱོན་པར་མཛད་དུ་གསོལ༔ བཛྲ་མུཿ ཡེ་ཤེས་ཀྱི་མེ་ལྷ་ཤར་ལྷོར་གཤེགས༔ དམ་ཚིག་པ་མེ་དཔུང་འབར་བའི་རྣམ་པར་གྱུར་ཏེ་སྦྱིན་སྲེག་ཟ་བའི་གདོན་རྣམས་འཇོམས་པར་གྱུར༔ མེ་ལ་འོ་ཆབ་ཀྱིས་བྲན་ཏེ་དབལ་གསོད་བྱའོ༔ དེ་ཡང་མེ་ལྷ་དང་བསྲེགས་ལྷ་ཐམས་ཅད་ཞི་བ་ལ་དཀར་པོ༔ རྒྱས་པ་ལ་སེར་པོ༔ དབང་ལ་དམར་པོ༔ དྲག་པོ་ལ་ལྗང་གུ༔ ལྷུན་གྲུབ་ལ་མཐིང་ག་རྣམས་སུ་བསྒོམ་པ་དང་༔ ཞི་བ་ལ་ལྷ་རྣམས་ཀྱི་ཐུགས་ཀ་ནས་འོད་དང་འོད་ཟེར་དཀར་པོའི་ཚོགས་དཔག་ཏུ་མེད་པ་བྱུང་ནས་རང་གཞན་གྱི་ནད་གདོན་སྒྲིབ་གཉིས་བག་ཆགས་དང་བཅས་པ་ཐམས་ཅད་སངས་ཀྱིས་དག་ནས་ལུས་འོད་ལུས་ཆུ་ཟླ་ལྟ་བུར་སྣང་ལ་རང་བཞིན་མེད་པ་རུ་གྱུར་པ་ཡང་ཡང་བསམ་པ་གནད་ཀྱི་ཡང་གཅེས་དམ་པ་ཡིན་ནོ༔ རྒྱས་པ་ལ་བསྲེག་རྫས་བདུད་རྩིའི་རྒྱ་མཚོར་གྱུར་པ་ལྷ་རྣམས་ཀྱི་ཞལ་དུ་ཕུལ་བས་ཐུགས་བདེ་སྟོང་གི་རོས་ཚིམས་ཏེ་གནས་ཐམས་ཅད་ནས་འོད་ཕུང་ཁ་དོག་སེར་པོ་དཔག་ཏུ་མེད་པ་འཕྲོས་པས་ཕྱོགས་བཅུའི་སངས་རྒྱས་བྱང་སེམས་རྣམས་ཀྱི་ཐུགས་རྗེ་བྱིན་ ཛོཾ།༔ རླབས་དབང་དང་དངོས་གྲུབ་ཡེ་ཤེས་ཡོན་ཏན་ཐམས་ཅད་དང་༔ གནོད་སྦྱིན་ནོར་ལྷ་རྒྱ་མཚོའི་ཚོགས་ཐམས་ཅད་ཀྱི་བསོད་ནམས་ལོངས་སྤྱོད་དང་༔ དྲང་སྲོང་ཚེ་ལ་དབང་བ་རྣམས་ཀྱི་ཚེ་བཅུད་ནུས་མཐུ༔ འབྱུང་བ་ལྔ་ཡི་བཅུད་དང་དྭངས་མ་སྣོད་བཅུད་ཀྱི་དཔལ་ཡོན་ནུས་པ་ཐམས་ཅད་འོད་ཕུང་སེར་པོའི་རྣམ་པར་བསྡུས་ཏེ་རང་ལ་ཐིམ་པས་ཚེ་དང་བསོད་ནམས་དཔལ་དང་ལོངས་སྤྱོད་ཐམས་ཅད་རྒྱས་པའི་ཕྲིན་ལས་ཡོངས་སུ་གྲུབ་པར་བསམ་པ་དང་༔ དབང་ལ་དཀྱིལ་འཁོར་གྱི་ལྷ་རྣམས་མཉེས་པས་ཐུགས་དམ་གྱི་རྒྱུད་བསྐུལ་ཏེ་འོད་ཕུང་དམར་པོ་ལྕགས་ཀྱུ་དང་ཞགས་པའི་དབྱིབས་ཅན་དཔག་ཏུ་མེད་པ་འཕྲོས་པས་བཀའ་སྲུང་ཆོས་སྐྱོང་སྡེ་བརྒྱད་དང་གཞི་བདག་དྲེགས་པ་ཅན་ཐམས་ཅད་རང་དབང་མེད་པར་དབང་དུ་བསྡུས་ནས་བདག་མདུན་དྲག་པོའི་གཟི་བརྗིད་མི་བཟོད་པར་སྲོག་གི་སྙིང་པོ་ཕུལ་ཏེ་ཅི་བསམ་པ་དང་ཅི་འདོད་པའི་དོན་ཐམས་ཅད་བསྒྲུབ་པ་དང་༔ མདོར་ན་ཇི་བསྒོ་བའི་བཀའ་ཉན་པར་ཁས་བླང་དམ་བཅས་ཏེ་འདོད་རྒུའི་ལོངས་སྤྱོད་ཀྱི་ཆར་ཆེན་པོ་བབས་ནས་སྣང་སྲིད་བྲན་དང་འབངས་སུ་ཁོལ་བར་བསམ་པ་གནད་དོ༔ དྲག་པོ་ལ་ལྷ་རྣམས་ཀྱིས་ཐུགས་མཉེས་པའི་སྟོབས་ཀྱིས་སྣང་སྲིད་ཁམས་ཀྱི་དགྲ་བགེགས་གདུག་པ་ཅན་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བླང་བ་ལྟར་རང་དབང་མེད་པར་བཀུགས་ཏེ་ལྷ་རྣམས་ཀྱི་ཞལ་དུ་མགོ་མཇུག་ལོག་སྟེ་རྐང་མཐིལ་སྐྱ་ལྷག་ལྷག་སོང་བར་བསམ་པ་དམིགས་པའི་གནད་དོ༔གཞན་ཡང་རྫས་བསྟབས་པ་དང་མཉམ་དུ་དགྲ་བགེགས་ཐམས་ཅད་འབྲས་བུ་ཕུལ་གྱིས་བཅུས་པ་ལྟར་ལྷ་རྣམས་ཀྱི་ཞལ་དུ་བསྟབས་ པར་བསམ་པའི་ངང་ནས་འབུལ་བར་བྱའོ༔ ལྷུན་གྲུབ་ལ་དེ་དག་སྤེལ་མར་བསྒོམ་པ་ཡིན་ནོ༔ ཤམ་བུ་ཡང་རྒྱས་པ་ལ༔ ཚེ་བསོད་དཔལ་འབྱོར་ཡེ་ཤེས་ཡོན་ཏན་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ དབང་ལ༔ ཁམས་གསུམ་སྲིད་གསུམ་མོས་པ་རྣམ་བཞི་ཐམས་ཅད་པཱ་ཤཾ་ཀུ་རུ་ཡེ་སྭཱ་ཧཱ༔ དྲག་པོ་ལ༔ གནོད་བྱེད་དགྲ་བགེགས་ལོག་པར་འདྲེན་པ་ཐམས་ཅད་མཱ་ར་ཡ་ཕཊ་སྭཱ་ཧཱ༔ ལྷུན་གྲུབ་ལ༔ ཤཱནྟི་པུཥྚི་ཝཱ་ཤ་མཱ་ར་ཡ་ཕཊ༔ ཅེས་བརྗོད་ཕྲིན་ལས་བཅོལ་བ་ལ་ཡང་༔ རྒྱས་པ་ལ༔ ཧོཿ དཀྱིལ་འཁོར་གྱི་ལྷ་ཚོགས་ཐམས་ཅད་བདག་ལ་དགོངས་སུ་གསོལ༔ ཁྱེད་རྣམས་ལ་སྦྱིན་སྲེག་གི་མཆོད་པ་འདི་ཕུལ་བའི་མཐུས་བདག་ཅག་དཔོན་སློབ་འཁོར་དང་བཅས་པའི་ཚེ་དང་བསོད་ནམས་དཔལ་དང་འབྱོར་པ་ཡེ་ཤེས་ཡོན་ཏན་ཐམས་ཅད་ཟླ་བ་ཡར་གྱི་ངོ་བཞིན་དུ་འཕེལ་ཞིང་རྒྱས་པའི་ཕྲིན་ལས་དམ་པ་མཛད་དུ་གསོལ༔ དབང་ལ༔ ཁམས་གསུམ་སྲིད་གསུམ་མོས་པ་རྣམ་བཞིས་དབང་དུ་འདུ་བའི་ཕྲིན་ལས་དམ་པ་མཛད་དུ་གསོལ༔ དྲག་པོ་ལ༔ གནོད་བྱེད་དགྲ་བགེགས་དུག་ལྔ་དུག་གསུམ་ལོག་པར་ལྟ་བ་ཐམས་ཅད་བསྒྲལ་ཞིང་བརླག་པའི་ཕྲིན་ལས་དམ་པ་མཛད་དུ་གསོལ༔ ལྷུན་གྲུབ་ལ༔ ཕྲིན་ལས་རབ་འབྱམས་ཐམས་ཅད་ཐོགས་པ་མེད་པར་ལྷུན་གྱིས་གྲུབ་པའི་ཕྲིན་ ཝྃ།༔ ལས་དམ་པ་མཛད་དུ་གསོལ༔ གཏང་རག་གི་ཕྲིན་བཅོལ་ལ༔ ཧོཿ དཀྱིལ་འཁོར་གྱི་ལྷ་ཚོགས་ཐམས་ཅད་བདག་ལ་དགོངས་སུ་གསོལ༔ ཁྱེད་རྣམས་ལ་གཏང་རག་གི་མཆོད་པ་འདི་ཕུལ་བའི་མཐུས་བདག་ཅག་དཔོན་སློབ་འཁོར་དང་བཅས་པའི་ནད་གདོན་སྒྲིབ་གཉིས་བག་ཆགས་ཐམས་ཅད་ཞི་བའི་ཕྲིན་ལས་དམ་པ་མཛད་དུ་གསོལ༔ གཞན་རྣམས་ལ་གོང་བཞིན་ཁ་བསྒྱུར་བྱའོ༔ མེ་ཏོག་འཐོར་ཞིང་ཤིས་པ་བརྗོད༔ བསྔོ་བ་སྨོན་ལམ་རྒྱ་ཡིས་བཏབ༔ བསྙེན་པ་གྲངས་སུ་ཐེམས་པའི་མཐར༔ སྲེག་བླུགས་འདི་དག་རིམ་བཞིན་དུ༔ ཡང་ཡང་བསྐྱར་བ་མཆོག་ཏུ་གལ༔ དེ་ལྟར་སྲེག་བླུགས་ལ་བརྩོན་པས༔ ཚོགས་རྫོགས་ཕྲིན་ལས་ཡོངས་སུ་འགྲུབ༔ ཕྱི་ནང་གསང་བའི་བར་ཆད་སེལ༔ ལྷག་ཆད་ཁ་སྐོང་ཉམས་སྒྲིབ་དག༔ བཀྲ་ཤིས་དགེ་ལེགས་དཔལ་རྒྱས་འགྱུར༔ བཀའ་སྲུང་ཨ་པར་དཀར་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ གུ་ཧྱ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་ཤྭ་བྲག་རྡོ་རྗེ་ནས་གདན་དྲངས་ཏེ་མི་ལོ་སུམ་ཅུ་རྩ་གཅིག་བར་དུ་བཀའ་རྒྱ་བྱས་ཏེ་མཐར་རྟེན་འབྲེལ་དུས་ལ་བབ་པ་ན་ཆོས་ཀྱི་བདག་པོ་ཀུན་བཟང་ཆོས་གྲགས་དང་། དགེ་ལེགས་དཔལ་བཟང་གཉིས་ཀྱིས་བསྐུལ་ངོར་གསེར་སྟོད་བླ་མ་རོང་ནས་དག་པར་ཕབ་པའི་ཡི་གེ་པ་ནི་ཀུན་བཟང་ཆོས་གྲགས་སོ། །དགེའོ། །དགེའོ། །དགེའོ །ལེགས་སོ། །སརྦ་མངྒ་ལཾ།། །། T11602 - 246 ༈ ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ སྲེག་བླུགས་དངོས་གྲུབ་ཆར་འབེབས་བཞུགས༔ ན་མོ་གུ་རུ་པདྨ་ཀ་ར་ཡེ༔ སྟཾབྷྱཿ༔ སྲེག་བླུགས་དངོས་གྲུབ་ཆར་འབེབས་འདི༔ ལག་ཏུ་ལེན་པའི་རིམ་པ་ལ༔ སྤྲོ་ན་ཞི་རྒྱས་དབང་དྲག་གི༔ བཟོ་ཐབ་རྩིག་ཐབ་གང་རུང་བྱ༔ དེ་ལྟར་སྤྲོས་པར་མི་དགའ་ན༔ མེ་འབུད་ཙམ་གྱིས་ཆོག་པ་ལ༔ ཤིང་ནི་ལས་དང་མཐུན་པ་ཡི༔ བུད་ཤིང་བྱས་ནས་ཐབ་ཁུང་དུ༔ ཡི་དམ་གང་རུང་བསྐྱེད་ཆོག་གི༔ ལྷར་གསལ་སྤྱན་འདྲེན་བཞུགས་གསོལ་རྗེས༔ བྱོན་སྐྱེམས་རྩ་སྔགས་ཨ་མྲྀ་ཏ་ཁཱ་ཧི༔ ལན་བདུན་ཕུལ༔ དེ་ནས་ཕྱག་འཚལ་མཆོད་འབུལ་རྗེས༔ འབྲུ་སྣ་ཟས་སྣ་གང་འབྱོར་བསགས༔ རྩ་སྔགས་ཤམ་དུ་འདི་བརྗོད་བྱ༔ ཞི་བ་ལ༔ ནད་གདོན་འཇིགས་བརྒྱད་སྡིག་སྒྲིབ་བག་ཆགས་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ རྒྱས་པ་ལ༔ ཚེ་བསོད་དཔལ་འབྱོར་ཡེ་ཤེས་ཡོན་ཏན་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ དབང་ལ༔ ཁམས་གསུམ་སྲིད་གསུམ་མོས་པ་རྣམ་བཞི་ཝཱ་ཤཾ་ཀུ་རུ་ཡེ་སྭ་ཧཱ༔ དྲག་པོ་ལ༔ གནོད་བྱེད་དགྲ་བགེགས་དུག་ལྔ་དུག་གསུམ་སརྦ་ཤ་ཏྲུཾ་མཱ་ར་ཡ་ཕཊ༔ དམིགས་པ་ཡང་ཞི་བ་ལ༔ ལྷ་མཉེས་པས་ཐུགས་བརྩེ་བར་དགོངས་ཏེ་ཐུགས་ཀའི་འོད་ཟེར་གྱིས་རང་གི་ནད་གདོན་སྡིག་སྒྲིབ་ཐམས་ཅད་སངས་ཀྱིས་དག་པར་བསམ༔ རྒྱས་པ་ལ་དེ་བཞིན་དུ༔ འོད་ཕུང་སེར་པོ་འཕྲོས་པས་ འཁོར་འདས་གཉིས་ཀྱི་ཚེ་བསོད་དཔལ་འབྱོར་ཐམས་ཅད་འོད་ཕུང་གི་རྣམ་པས་རང་ལ་ཐིམ་པས་རྒྱས་པའི་ཕྲིན་ལས་ཡོངས་སུ་གྲུབ་པར་བསམ༔ དབང་ལ༔ ལྷའི་ཐུགས་ཀའི་འོད་ཕུང དམར་པོ་འཕྲོས་པས་ཁམས་གསུམ་སྲིད་གསུམ་གྱི་སྐྱེ་འགྲོ་ཕོ་མོ་ཐམས་ཅད་བདག་གི་དབང་དུ་བསྡུས་ཤིང་བྲན་འབངས་སུ་འཁོལ་བར་བསམ༔ དྲག་པོ་ལ༔ དགྲ་བགེགས་གང་ལ་དམིགས་པ དེ་རྫས་དང་མཉམ་དུ་མགོ་མཇུག་ལོག་སྟེ་ལྷའི་ཞལ་དུ་རུབ་རུབ་ཏུ་སོང་བས་དྲག་པོའི་ཕྲིན་ལས་ཡོངས་སུ་གྲུབ་པར་བསམ༔ བར་སྐབས་སུ་ཡང་ལས་རང་རང་གི་ཕྲིན་བཅོལ་བྱ༔ མཐར་ཉེར་སྤྱོད་འདོད་ཡོན་སྨན་རཀ་གཏོར་མ་སྦྱོར་སྒྲོལ་གྱི་མཆོད་པ་སོགས་ཕུལ༔ དེ་ལྟར་མི་ལྡན་ཡང་རྫས་ཀྱི་ལྷག་མ་ཕུལ་ནས་སྔགས་དང་དམིགས་པས་ཀྱང་ཆོག༔ མཐར་བསྟོད་པ་བྱས་ཏེ་ནོངས་པ་བཤགས༔ གཤེགས་སྐྱེམས་ལ་རྩ་སྔགས་མཐར༔ ཨ་མྲྀ་ཏ་ཁཱ་ཧིཉྩས་ལན་བདུན་ཕུལ༔ དངོས་གྲུབ་བླངས་ཏེ༔ ཡེ་ཤེས་པ་དབྱིངས་སུ་གཤེགས༔ ཞི་རྒྱས་དབང་གསུམ་ལ༔ དམ་ཚིག་པ་རང་ལ་བསྡུ༔ དྲག་པོ་ལ༔ མེ་འབར་བའི་རྣམ་པ་ཅན་དུ་གྱུར་པར་བསམ༔ བསྔོ་སྨོན་བྱའོ༔ དེ་ལྟར་སྲེག་བླུགས་འདི་ཉིད་ནི༔ བསྙེན་པ་ཚད་དུ་ཐེམས་པ་དང་༔ སྒྲུབ་པའི་དྲོད་རྟགས་བྱུང་བའི་རྗེས༔ འབུམ་ཕྲག་རེ་རེའི་གྲངས་བསགས་ན༔ ཕྲིན་ལས་འགྲུབ་པའི་གནད་དུ་ཆེ༔ ལྷ་དང་སྲུང་མ་གང་བསྒྲུབ་ཀྱང་༔ ལས་ལ་ སྦྱོར་བ་འདི་མེད་ན༔ ཕྲིན་ལས་འགྲུབ་པར་འགྱུར་མ་ཡིན༔ དེ་ཕྱིར་འདི་ལ་དོན་གསུམ་ཏེ༔ ལྷག་ཆད་ཁ་སྐོང་དོན་ཆེད་དང་༔ ཚོགས་དང་བསོད་ནམས་བསགས་པའི་དོན༔ ཡིད་ཀྱི་འདོད་དོན་འགྲུབ་པའི་དོན༔ གནད་དུ་ཟུངས་ཤིག་སྐལ་ལྡན་རྣམས༔ འདི་བཞིན་རྟག་ཏུ་བརྩོན་གྱུར་ན༔ རྣལ་འབྱོར་ཚོགས་གཉིས་རྫོགས་པ་དང་༔ འདི་ཕྱིར་དགེ་ལེགས་ཡོན་ཏན་ཀུན༔ འགྲུབ་དང་འབྱུང་བར་གདོན་མི་ཟ༔ ཡི་དམ་ལྷ་དང་བཀའ་སྲུང་རིགས༔ གང་ལ་སྦྱར་ཀྱང་ཆོག་པ་ཡིན༔ གནོད་སྦྱིན་ཨ་པར་དཀར་པོས་སྲུང་༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ གུ་ཧྱ༔ ཞེས་པ་འདི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་སུམ་ཅུ་རྩ་གཉིས་བར་དུ་གཞན་ལ་བཀའ་རྒྱ་བྱས་ཏེ་རང་གིས་ཡང་ཡང་ཉམས་སུ་བླངས་མཐར་རྟེན་འབྲེལ་དུས་ལ་བབས་པ་ན་ཆོས་ཀྱི་བདག་པོ་ཀུན་བཟང་ཆོས་གྲགས་དང་། དགེ་ལེགས་དཔལ་བཟང་གཉིས་ཀྱིས་ནན་དུ་བསྐུལ་ངོར་གཏན་ལ་ཕབ་པའི་ཡི་གེ་པ་ནི་ཀུན་བཟང་ཆོས་གྲགས་སོ། །དགེའོ།།དགེའོ། །དགེའོ །ལེགས་སོ། །སརྦ་མངྒ་ལཾ།། ། T1602 - 250 ཟབ་གསང་མཁའ་འགྲོའི་སྙིང་ཐིག་ལས༔ འཇམ་དཔལ་གཤིན་རྗེའི་གཤེད་ཀྱི་རྩ་དབང་རྡོ་རྗེའི་བུམ་བཅུད་བཞུགས་སོ༔ TI1602 - 251 ཐོ ན་མོ་གུ་རུ་པདྨ་ཀ་ར་ཡེ༔ གརྒྱུ།།༔ མ་འོངས་ལས་ཅན་སྐལ་བ་རུ༔ ཐབས་མཆོག་མྱུར་ལམ་ཟབ་མོའི་ཆོས༔ འཇམ་དཔལ་གཤིན་རྗེའི་སྒྲུབ་ཐབས་བསྟན༔ དེ་ཡི་སྙིང་པོ་རྩ་བའི་དབང་༔ ཚུལ་བཞིན་བསྐུར་བའི་རིམ་པ་ནི༔ དབང་དང་ལྡན་པའི་བླ་མ་ཡིས༔ དཀྱིལ་འཁོར་བསྙེན་སྒྲུབ་རྟགས་རྫོགས་ནས༔ སྣོད་ལྡན་བུ་ལ་བསྐུར་བར་བྱ༔ ཁྲུས་བྱ་བགེགས་བསྐྲད་སྲུང་འཁོར་བསྒོམ༔ སྐྱབས་སུ་འགྲོ་ཞིང་སེམས་བསྐྱེད་ནས༔ དང་པོ་ལོ་རྒྱུས་བཤད་པ་ནི༔ འོ༔ ནམ་མཁའ་དང་མཉམ་པའི་སེམས་ཅན་ཐམས་ཅད་རྫོགས་པའི་སངས་རྒྱས་ཀྱི་གོ་འཕང་ལ་དཀྲི་བར་བྱ༔ དེ་ཡི་ཆེད་དུ་འཇམ་དཔལ་གཤིན་རྗེའི་གཤེད་ཀྱི་དབང་ཟབ་མོ་བསྐུར TI1602 - 252 ཝྃ༔ བ་ལ་འདིའི་ལོ་རྒྱུས་ནི༔ སྔོན་ཚེ་འདས་པའི་དུས་སུ་རི་རབ་ཆེན་པོའི་ཁོང་གསེང་དུ་རྒྱ་མཚོ་ཆེན་པོའི་རླབས་དང་མེ་འབར་རྡོ་ཡི་ཚ་དབལ་འཐབ་པ་ལས་སྐྱེས་པའི་ལས་ཀྱི་གཤིན་རྗེ་ནག་པོ་ཟས་སུ་ཤ་དང་སྐོམ་དུ་ཁྲག་ལ་མི་ཚིམ་པ༔ ལས་སུ་སྐྱེ་འགྲོའི་སྲོག དབུགས་ལེན་པ་སྣང་སྲིད་ལྷ་འདྲེ་དང་ལྷ་སྲིན་དྲེགས་པ་ཅན་ཐམས་ཅད་བྲན་དང་ལས་ལ་བཀོལ་བ་གང་གིས་ཀྱང་མི་ཐུལ་བ་བྱུང་ཚེ༔ ཕྱོགས་བཅུ་དུས་གསུམ་གྱི་རྒྱལ་བ་ཐམས་ཅད་ཀྱི་ཞལ་བསྡུར་དགོངས་པ་བསྡུར་ཏེ་འཇམ་དཔལ་ཡ་མཱནྟ་ཀར་སྤྲུལ་ནས་ལས་ཀྱི་གཤིན་རྗེ་འཆི་བདུད་ནག་པོ་སྒྲོལ་T11602 - 253 བའི་དབང་བསྐུར་མངའ་གསོལ་ཏེ་མངགས་པས་འཆི་བདག་ལས་ཀྱི་གཤིན་རྗེ་དེ་དབང་དུ་བསྡུས༔ སྲོག་སྙིང་འཕྲོག༔ ནུས་མཐུ་བཅོམ༔ བྲན་དུ་བཀོལ༔ འཁོར་སྣང་སྲིད་ལྷ་སྲིན་དྲེགས་པ་ཅན་ཐམས་ཅད་བཅོམ་ནས་སངས་རྒྱས་ཀྱི་བསྟན་པ་སྲུང་བར་བཀའ་བསྒོས༔ གཉེར་གཏད༔ དམ་ཚིག་གཉན་པོའི་སྲོག་གཏད་པ་ཡིན་པས༔ འཇམ་དཔལ་གཤིན་རྗེ་གཤེད་པོའི བཀའ་དང་དམ་འོག་ཏུ་མ་འདུས་པ་གཅིག་ཀྱང་མེད་པས་འདི་ཡི་དབང་ཐོབ་ནས་འཆི་བདག་གཤིན་རྗེ་ནག་པོ་ལ་སོགས་སྣང་སྲིད་ཀྱི་ལྷ་འདྲེ་ཐམས་ཅད་ཀྱི་ཕྱོགས་ལས་རྣམ་པར་རྒྱལ་བར་གདོན་མི་ཟའོ༔ ཕྱོགས་བཅུའི་རྒྱལ་བ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ལ་ལོངས་སྤྱོད་པའི་སྐལ་བ་ཐོབ་པ་ཡིན་ཏེ༔ དཔལ་ཨོ་རྒྱན་གྱི་མཁན་པོ་པདྨ་འབྱུང་གནས་བདག་གིས་བཀའ་ལུང་དགོངས་བཅུད་ཐམས་ཅད་བསྡུས་ནས་ལྔ་བརྒྱ་སྙིགས་མའི་འགྲོ་བ་རྣམས་ལ་བརྩེ་བ་ཆེན་པོའི་སྒོ་ནས་གཏེར་དུ་སྦོས༔ བཀའ་སྲུང་གཟའ་བདུད་ནག་པོ་དང་གནོད་སྦྱིན་ཤན་པ་དབང་དྲག་གི་རྒྱལ་པོ་གཉིས་ལ་བཀའ་འདི་གཏད་དོ་གཉེར་རོ་བཀའ་དང་ཐ་ཚིག་གཉན་པོའི་དམ་རྒྱའོ༔ མ་འོངས་སྙིགས་མའི་དུས་སུ་པད་འབྱུང་དངོས ཛོཾ།༔ སུ་བྱོན་པ་སྦས་པའི་རྣལ་འབྱོར་ཁྲག་འཐུང་བདུད་འཇོམས་རྡོ་རྗེ་གྲོ་ལོད་རྩལ་ལ་སྤྲོད་ཅིག༔ ས་མ་ཡ༔ གསང་སྔགས་ཟབ་མོའི་དབང་ཞུ་བ་ལ་གསོལ་བ་འདེབས པ་འདིའི་རྗེས་ཟློས་མཛོད༔ ཀྱེ༔ དུས་གསུམ་སངས་རྒྱས་འདུས་པའི་སྐུ༔ བླ་མ་མགོན་པོ་དགོངས་སུ་གསོལ༔ བདག་ཅག་སྐལ་ལྡན་སློབ་བུ་ལ༔ འཇམ་དཔལ་ཡ་མཱནྟ་ཀ་ཡི༔ རྩ་དབང་ཡོངས་རྫོགས་བསྐུར་དུ་གསོལ༔ ལན་གསུམ་ཞུ༔ ཧོཿ དད་དམ་ནོར་ལྡན་སློབ་བུ་ལ༔ གསང་སྔགས་ཟབ་མོའི་དཀྱིལ་འཁོར་དུ༔ དབང་གིས་སྨིན་ཅིང་གྲོལ་བར་བགྱི༔ དཀྱིལ་འཁོར་ལྷ་ཚོགས་དགོངས་སུ་གསོལ༔ འགྲོ་འདི་རྗེས་སུ་བཟུང་དུ་གསོལ༔ དེ་ནས་དམ་ཆུ་སྦྱིན་པ་ནི༔ ཧོཿ དམ་ཚིག་ཆེན་པོ་མནའ་ཡི་ཆུ༔ སྐལ་ལྡན་ཁྱོད་ཀྱི་ལྕེ་ལ་བཞག༔ གསང་སྔགས་རིག་སྔགས་གཟུངས་སྔགས་དང་༔ སྙིང་པོ་སྔགས་ཀྱི་བདེན་སྟོབས་ཀྱིས༔ དམ་ཚིག་གཉན་གྱི་སྲོག་ཐོབ་ཤོག༔ སྲུངས་ཤིག་སོམས་ཤིག་དམ་ལ་འདུས༔ བཛྲ་ས་མ་ཡ༔ དེ་ནས་སློབ་མ་ལྷར་བསྐྱེད་དེ༔ ཡེ་ཤེས་དབབ་བསྟིམ་བརྟན་བཞུགས་ནས༔ བུམ་དབང་ཟབ་མོ་བསྐུར་བ་ནི༔ ཧཱུྃ༔ བུམ་པ་ལྷ་ཡི་གཞལ་ཡས་ཁང་༔ བསྐྱེད་རིམ་ལྷ་རྣམས་ཡོངས་སུ་རྫོགས༔ སྐལ་ལྡན་ ཁྱོད་ལ་དབང་བསྐུར་རོ༔ འཇམ་དཔལ་ཡ་མཱནྟ་ཀ་ཡི༔ བསྐྱེད་པ་སྐུ་ཡི་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ ཨོཾ༔ སྐུ་ཡི་དཀྱིལ་འཁོར་གཤིན་རྗེའི་གཤེད༔ ཨཱཿ གསུང་གསང་ཀླུ་བདུད་རྡོ་རྗེའི་སྐུ༔ ཧཱུྃ༔ ཐུགས་གསང་རྡོ་རྗེ་བདུད་འདུལ་བ༔ སྭཱ༔ ཡོན་ཏན་ཡཀྴ་མེ་དབལ་སྐུ༔ ཧཱ༔ ཕྲིན་ལས་ཚེ་བདག་ནག་པོར་ཤར༔ ཛཿ སྙིང་རྗེའི་རང་གཟུགས་ལྩགས་ཀྱུ་མ༔ ཧཱུཾ༔ བྱམས་པའི་རང་གཟུགས་ཞགས་པ་མ༔ བྃ༔ དགའ་བའི་རང་གཟུགས་ལྕགས་སྒྲོག་མ༔ ཧོཿ བཏང་