Tibetan
ཡ༔ དེ་ནས་ཆད་མདོ་གཏོང་བ་ནི༔ ཧཱུྃ་བྷྱོ༔ ཐོག་མེད་དུས་ནས་ད་ལྟ་ཡན་ཆད་དུ༔ འོག་མིན་མི་མཇེད་བསྟན་གནས་སྒྲུབ་གནས་སུ༔ ཀུན་བཟང་རྡོར་འཆང་དགའ་རབ་ཤྲཱི་སིང་དང་༔ རྡོ་རྗེ་ཐོད་ཕྲེང་མཚན་བརྒྱད་རྗེ་འབངས་སོགས༔ སྟོན་པ་བརྒྱུད་པ་སྒྲུབ་པའི་རིག་འཛིན་གྱིས༔ སྤྱན་སྔར་ཁས་བླངས་དམ་ཅན་སྲུང་མའི་ཚོགས༔ འདིར་གཤེགས་དམ་རྫས་དམར་གྱི་གཏོར་མ་ལོངས༔ སྒྲུབ་མཆོག་བུ་བཞིན་སྐྱོང་ལ་ཕྲིན་ལས་སྒྲུབ༔ སྦྱིན་བདག་བར་ཆད་རྐྱེན་བཟློག་བདེ་ལེགས་སྩོལ༔ བཤད་སྒྲུབ་བསྟན་པ་ཕྱོགས མཐར་རྒྱས་པ་དང་༔ དུས་གསུམ་ཀུན་ཏུ་བསྟན་པའི་བྱ་ར་མཛོད༔ སྒྲུབ་པའི་རྣལ་འབྱོར་མཆེད་ལྕམ་ཕོ་མོ་ཡི༔ ཚེ་དང་སྒྲུབ་པ་མ་ལུས་མཐར་ཕྱིན་ནས༔ ཆོས་ཀྱི་འགལ་རྐྱེན་བར་ཆད་ ཛོཾ ཐམས་ཅད་ཟློག༔ དགེ་ལེགས་མཐུན་རྐྱེན་སྒྲུབས་ཤིག་ས་མ་ཡ༔ དེ་ནས་བརྟན་མ་སྐྱོང་མཛད་ལ་གཏོར་མ་གཏོང་བ་ནི༔ ཧཱུྃ་བྷྱོ༔ སྔོན་ཚེ་རིག་འཛིན་རྡོ་རྗེ་ཐོད་ཕྲེང་གིས༔ བཀའ་བསྒོས་དམ་བཞག་དབང་བསྐུར་གཉེར་གཏད་པས༔ བོད་ཁམས་སྐྱོང་བའི་བརྟན་མ་བཅུ་གཉིས་དང་༔ སྐྱོང་མ་བཅུ་གཉིས་ཡ་མ་བཅུ་གཉིས་དང་༔ གཡའ་མ་སྐྱོང་མཛད་ལ་སོགས་དམ་ཅན་རྣམས༔ བཀའ་དང་དམ་ཚིག་གཉན་ལ་མ་འདའ་བར༔ འདིར་གཤེགས་དམ་རྫས་དམར་གྱི་གཏོར་མ་ལོང་༔ བཤད་སྒྲུབ་སྡེ་སྐྱོང་ཉམས་པའི་དགྲ་བགེགས་སྒྲོལ༔ བོད་ཁམས་དཀར་པོའི་ཆོས་ལ་འགོད་པར་མཛོད༔ ཕྱི་ནང་གསང་བའི་བར་ཆད་དབྱིངས་སུ་ཟློག༔ ཕྲིན་ལས་མ་ལུས་ཐོགས་མེད་འགྲུབ་པར་མཛོད༔ བཀའ་དང་དམ་ལས་མ་འདའ་ས་མ་ཡ༔ དེ་ནས་རྟ་བྲོ་བརྡུང་བ་ནི༔ ཧཱུྃ་ཧཱུྃ་ཧཱུྃ༔ དབུས་ཀྱི་ཕྱོགས་ནས་ཆོས་དབྱིངས་བྲོ་ར་བཙུག༔ གཏི་མུག་འཁྲུལ་པའི་མགོ་ལ་ཆེམས་སེ་ཆེམ༔ འོད་གསལ་བདེ་བ་ཆེན་པོའི་དབྱིངས་སུ ནན༔ ཤར་ཕྱོགས་ཞི་བའི་བྲོ་ར་ཟླུམ་ལ་འཁྱིལ༔ ཞེ་སྡང་མེ་འབར་མགོ་ལ་ཆེམས་སེ་ཆེམ༔ མེ་ལོང་ཡེ་ཤེས་ཆེན་པོའི་དབྱིངས་སུ་ནན༔ ལྷོ་ཕྱོགས་རྒྱས་པའི་བྲོ་ར་གྲུ་བཞི་བཙུག༔ ང་རྒྱལ་འཁྲུལ་པའི་མགོ་ལ་ཆེམས་སེ་ཆེམ༔ མཉམ་ཉིད་ཡེ་ཤེས་ཆེན་པོའི་དབྱིངས་སུ་ནན༔ ནུབ་ཕྱོགས་དབང་གི་བྲོ་ར་ཟླ་གམ་བཙུག༔ འདོད་ཆགས་འཁྲུལ་པའི་མགོ་ལ་ཆེམས་སེ ཆེམ༔ སོར་རྟོག་ཡེ་ཤེས་ཆེན་པོའི་དབྱིངས་སུ་ནན༔ བྱང་ཕྱོགས་དྲག་པོའི་བྲོ་ར་གྲུ་གསུམ་དབལ༔ ཕྲག་དོག་གདུག་པའི་མགོ་ལ་ཆེམས་སེ་ཆེམ༔ བྱ་གྲུབ་ཡེ་ཤེས་ཆེན་པོའི་དབྱིངས སུ་ནན༔ འཁྲུལ་པ་འཁྲུལ་མེད་ཀ་དག་ངང་དུ་ནན༔ གཉིས་འཛིན་གཉིས་མེད་སྟོང་པའི་དབྱིངས་སུ་ནན༔ ནམ་ཡང་འཁྲུལ་མེད་ཆོས་སྐུའི་དགོངས་ཀློང་ལས༔ འཁྲུལ་རྟོག་མ་ལྡང་རྫོགས་པ་ཆེན་པོའི་རྒྱ༔ ཨོཾ་ལཾ༔ ཨཱཿལ༔ ཧཱུྃ་ལཾ༔ སྭ་ལཾ༔ ཧཱ་ལཾ༔ སྟྭཾ་བྷ་ཡ་ནན༔ ས་མ་ཡ༔ རྒྱ་རྒྱ་རྒྱ༔ འཇམ་དཔལ་གསང་བ་འདུས་པ་ལས༔ རྗེས་གཏོར་བྲོ་མནན་གྱི་ལེའུ་སྟེ་བཅུ་གསུམ་པའོ༔ །ནུ།༒བྷ།ལཾ།རྟ།སྭ།རྣ།རྣ།ཐ།ཤ༔ དེ་ནས་བཤགས་པ་ནི༔ ཧཱུྃ་ཧྲཱིཿ འཇམ་དཔལ་སྒྱུ་འཕྲུལ་དྲྭ་བའི་དཀྱིལ་འཁོར་ལྷ༔ ཐུགས་རྗེ་བརྩེ་བས་བདག་ལ་དགོངས་སུ་གསོལ༔ བདག་ཅག་མ་རིག འཁྲུལ་པའི་དབང་གྱུར་ཏེ༔ ཉེས་བྱས་ཉམས་ཆག་འཁྲུལ་རྟོག་མ་ལུས་པ༔ མི་གསང་མི་སྦེད་གནོང་འགྱོད་མཐོལ་ལོ་བཤགས༔ ཚངས་པ་མཆོག་གི་དངོས་གྲུབ་སྩལ་དུ་གསོལ༔ ཝྃ༔ ཡི་གེ་བརྒྱ་པ་བརྗོད༔ དེ་ནས་བཀྲ་ཤིས་ནི༔ ཧཱུྃ་ཧྲཱིཿ དུས་གསུམ་རྒྱལ་བ་མ་ལུས་འདུས་པ་ཡི༔ སྐུ་དང་ཡེ་ཤེས་ངོ་བོ་གཅིག་འདུས་པ༔ མཐོང་ཐོས་དྲན་པས་བློ་ཡི་མུན་སེལ་བ༔ མགོན་པོ་འཇམ་པའི་དབྱངས་ཀྱི་བཀྲ་ཤིས་ཤོག༔ ཆོས་སྐུ་ནམ་མཁའ་ལྟ་བུར་ཀུན་ལ་ཁྱབ༔ ལོངས་སྐུ་ཉི་འོད་ལྟ་བུར་སོ་སོར་གསལ༔ སྤྲུལ་སྐུ་འཇའ་ཚོན་ལྟ་བུས་འགྲོ་དོན་མཛད༔ སྐུ་གསུམ་སྒྱུ་འཕྲུལ་འཁོར་ལོའི་བཀྲ་ཤིས་ཤོག༔ དང་པོ་ཆོས་སྐུ་ཀུན་བཟང་འོད་མི་འགྱུར༔ བར་དུ་འཇིག་རྟེན་ཁམས་སུ་ཆོས་སྟོན་མཛད༔ ཐ་མ་འཁོར་བ་མྱང་འདས་དེ བཞིན་གཤེགས༔ སྤྲུལ་སྐུ་སངས་རྒྱས་སྟོང་གི་བཀྲ་ཤིས་ཤོག༔ སྒྲུབ་ཁང་འོག་མིན་ཆོས་དབྱིངས་གཞལ་ཡས་ཁང་༔ སྒྲུབ་མཆོག་གཞོན་ནུ་བུམ་སྐུར་འགྲུབ་པ་དང་༔ སྣང་སྲིད་བྲན་འཁོར་ཆོས་ལ་འགོད་པ་ཡིས༔ བཀྲ་ཤིས་དེས་ཀྱང་དེང་འདིར་བདེ་ལེགས་ཤོག༔ དེ་ནས་བསྔོ་བ་སྨོན་ལམ་ནི༔ ཧཱུྃ་ཧྲཱིཿ འདི་དང་དུས་གསུམ་བསགས་པའི་དགེ་ཚོགས་རྣམས༔ ནམ་མཁའི་མཐའ་མཉམ་སེམས་ཅན་ཡོངས་ལ་བསྔོ༔ མཁའ་མཉམ་འགྲོ་བ་སེམས་ཅན་མ་ལུས་པ༔ ཕྱམ་གཅིག་རྫོགས་པའི་སངས་རྒྱས་ཐོབ་པར་ཤོག༔ དེ་ནས་རྟག་པའི་མཐའ་བསལ་བ་ནི༔ ཧཱུྃ་ཧྲཱིཿ སྣང་སྲིད་གཞལ་ཡས་ལྷར་གསལ་རང་ཉིད་ལྷ༔ རང་ལུས་གཞལ་ཡས་དཀྱིལ་འཁོར་ཐུགས་སྲོག་ལ༔ ཐུགས་སྲོག་སྐྱེ་མེད་ཆོས་སྐུའི་དབྱིངས་སུ་ཨཱཿ དེ་ནས་ཆད་པའི་མཐའ་བསལ་བ་ནི༔ ཧཱུྃ་ཧྲཱིཿ ཆོས་དབྱིངས་ཀློང་ལས་ཆོས་ཉིད་སྒྱུ་མའི་ལྷ༔ གཞོམ་བྲལ་རྒྱལ་ཀུན་སྲས་ཀྱི་ཐུ་བོར་བཞེངས༔ ནམ་མཁའི་ངོ་བོ་མི་འགྱུར་རྡོ་རྗེའི་སྐུ༔ ཁྱབ་གདལ་འོག་མིན་ཆོས དབྱིངས་རིག་སྟོང་ཞིང་༔ ཨ་ཨ་ཨཱཿ ས་མ་ཡ༔ རྒྱ་རྒྱ་རྒྱ༔ འཇམ་དཔལ་གསང་བ་འདུས་པ་ལས༔ རྗེས་རིམ་མཐའ་རྟེན་གྱི་ལེའུ་སྟེ་བཅུ་བཞི་པའོ༔ ཤསཧཐ༔ མ་འོངས་དུས་ཀྱི་གང་ཟག་རྣམས༔ འཁྲུལ་པའི་འཁོར་ལོར་ཞེན་པ་ཆོད༔ ཚེ་གཅིག་སྒྲུབ་པ་ཉམས་སུ་ལོངས༔ གྲོགས་ལ་བརྩེ་སེམས་ཆགས་པ་ཆོད༔ གྲོགས་སུ་ཆགས་པའི་ཡུལ་ངན་གྱི༔ རྒྱུད་དེ་མཛེས་མའི་རྐྱེན་གྱིས་བསླུ༔ བདུད་པོ་སྒོ་ཉལ་གློ་བུར་ལང་༔ རྒྱུན་དུ་སྒྲུབ་པ་ཉམས་སུ་ལོངས༔ ལུས་ངག་ཡིད་གསུམ་བརྟན་པར་གྱིས༔ བསྒྱུར་བ་མེད་པར་ཆོས་ལ་འབུངས༔ སྡིག་པ་མི་དགེ་རྒྱབ་ཏུ་སྤོངས༔ ལེ་ལོ་རྣམ་གཡེང་བག་མེད་ཀུན༔ ཤེས་པས་དུག་བཞིན་སྤོང་ལ་ཐོང་༔ དགའ་སྡུག་གཉིས་ཀ་རེ་མོས་སྤྱི༔ བཏང་སྙོམས་ངང་དུ་ཅོག་མི་བཞག༔ བཟང་ངན་རྐྱེན་གྱིས་མི་བསྒྱུར་ན༔ རྣལ་འབྱོར་དམ་པ་ལོགས་ན་མེད༔ སྣང་སྲིད་སྒྱུ་མར་རྟོགས་པ་ཡི༔ སྒྱུ་མཁན་སེམས་སུ་ཐག་ཆོད་ན༔ ལྷ་སྒོམ་མཆོག་གྱུར་དེ་ལས་མེད༔ ལུས་ངག་ཡིད་གསུམ་མི་འགྱུར་ཞིང་༔ ཝྃ། མི་ཚེ་ཆོས་ལ་འདའ་བ་ན༔ ཆོས་པའི་མཆོག་གྱུར་དེ་ལས་མེད༔ རང་སེམས་ཡེ་ཤེས་ཀློང་འཕོས་ཏེ༔ ཉོན་མོངས་རྣམ་རྟོག་འཇིག་ནུས་ན༔ བརྟུལ་ཞུགས་མཆོག་གྱུར་དེ་ལས་མེད༔ མི་མངོན་ཆོས་སྐུའི་ཀློང་ཡངས་ནས༔ རང་རིག་ཆོས་སྐུ་དྲན་རྩལ་འཁོར༔ གྲུབ་རྟགས་མཆོག་གྱུར་དེ་ལས་མེད༔ ཟང་ཟིང་ནོར་ལ་ངེས་དོན་མེད༔ ངེས་པའི་དོན་ལ་འདུས་བྱས་མེད༔ ལྷ་ཁམས་ཕྱུག་ལ་འགྲན་མེད་ཀྱང་༔ གཏན་བདེའི་ལོངས་སྤྱོད་ཡོད་མ་ཡིན༔ འཇིག་རྟེན་ཚེ་འདིར་གཡེང་བ་མཁན༔ བདེ་སྐྱིད་ཚེ་གཅིག་རེ་རློམས་ཅན༔ འཇིག་རྟེན་སྲིད་པ་འཁོར་ལོ་ཅོག༔ འདི་དག་ཆུ་རྒྱུན་འཁོར་བའོ༔ ངེས་པའི་དོན་ལ་བློ་ཁེལ་ན༔ ཚེ་གཅིག་སངས་རྒྱས་རང་ལ་ཡོད༔ གཏན་བདེ་སྒྲུབ་བརྩོན་རང་དབང་ཡོད༔ རྒྱུད་བཟང་རྡོ་རྗེ་ཐེག་པའི་མཚོ༔ བླ་མ་དམ་པའང་བསམ་མི་ཁྱབ༔ མཚོ་ནས་ཆུ་བླངས་བཏུང་བ་དང་༔ མཚོ་ལ་བསྙེན་བཀུར་མི་སྨོད་པ༔ འདི་ལས་ལྷག་པའི་མན་ངག་མེད་༔ སྙིང་གཏམ་ཡིན་ནོ་སྐལ་ལྡན་རྣམས༔ བསྙེན་བཀུར་བདུད་ཀྱིས་བསླུ་བ་ཡིན༔ བསྙེན་བཀུར་གནས་ལ་རེ་མ་རློམས༔ ཞེན་ཚད་བདུད་ཀྱི་དབང་དུ་སོང་༔ ཁམས་གསུམ་དབང་བསྒྱུར་པད་འབྱུང་ང་༔ སྣང་སྲིད་ཁམས་ན་འགྲན་ཟླ་སུ༔ དང་པོ་ཨོ་རྒྱན་ཡུལ་དུ་འཁྲུངས༔ ཨོ་རྒྱན་རྒྱལ་པོའི་རྒྱལ་སྲིད་ཐོབ༔ དེ་ཡང་བསྙེན་བཀུར་བདུད་དུ་ཤེས༔ འགྲོ་བའི་དོན་ལ་བརྩོན་དགོངས་ནས༔ རྒྱལ་སྲིད་ཐབས་ཀྱིས་སྤངས་པ་ཡིན༔ གནས་ཡུལ་དུར་ཁྲོད་ཐམས་ཅད་དུ༔ བསྒྲུབ་མཛད་དཀྱིལ་འཁོར་ཞལ་ཕྱེས་ཚེ༔ གནས་ཡུལ་དུར་ཁྲོད་བདག་པོ་ཡིས༔ སྣང་སྲིད་ཟས་ནོར་མངོན་ཕུལ་བྱུང་༔ བསྙེན་བཀུར་བདུད་ཀྱིས་བསླུ་བར་དགོངས༔ ཆོས་བསྲུང་བཀའ་བསྒོས་གཏེར་གཉེར་བཅོལ༔ གཞན་ཡང་འཕགས་ཡུལ་ཕྱོགས་བཅུ་རུ༔ རྒྱལ་ཁམས་ཀུན་ཏུ་ཆོས་བསྟན་མཛད༔ ལོངས་སྤྱོད་ཟས་ནོར་རྒྱལ་པོའི་སྲིད༔ བསམ་མི་ཁྱབ་ཅིང་དཔེ་མེད་ཕུལ༔ དེ་ཡང་དུག་བཞིན་རྒྱབ་ཏུ་བོར༔ འགྲོ་དོན་ཕྱོགས་རིས་བྲལ་བ་ཡིས༔ ཡུལ་ཀུན་དཀར་པོའི་དགེ་ལ་བསྒྱུར༔ ཐ་མ་བོད་ཡུལ་མུན་གླིང་དུ༔ དཀར་པོ་དགེ་བའི་གསལ་སྒྲོན་སྦར༔ ཡུལ་ལ་དགེ་བའི་ཟབ་དོན་གྱིས༔ བསྟན་པ་ཕྱོགས་བཅུར་རྒྱས་པར་མཛད༔ བོད་ཡུལ་མངའ་བདག་རྒྱལ་པོའི་སྲིད༔ འཇིག་རྟེན་ཟས་ནོར་བསམ་ཡས་ཕུལ༔ དེ་ཡང་བདུད་ཀྱི་བར་ཆད་ཤེས༔ ཐམས་ཅད་དུག་བཞིན་རྒྱབ་ཏུ་བོར༔ བདག་ལ་འགྲོ་བའི་དོན་ལས་མེད༔ གསོག་འཇོག་དཀོར་མཛོད་འབངས་བཀོལ་མེད༔ གདུལ་བྱས་དྲན་པའི་མོས་ངོ་རུ༔ ཆུ་ཟླ་བཞིན་དུ་སྐད་ཅིག་བྱོན༔ མོས་པའི་བུ་ལ་ཆོས་བསྟན་མཛད༔ མཐར་ཡང་རིག་འཛིན་མཁའ་འགྲོ་བཅས༔ འཁོར་བ་མ་ཆགས་རྔ་ཡབ་གླིང་༔ ཅུང་ཟད་འཕགས་ཡུལ་དཔལ་གྱི་རིར༔ མཁའ་ལྡིང་གནམ་འཕང་གཅོད་བཞིན་གཤེགས༔ མ་འོངས་ང་ཡི་འདུལ་ཞིང་དུ༔ ང་ཡི་རྒྱལ་ཚབ་སྤྱོད་པ་ཡི༔ འགྲོ་དོན་མཛད་པའི་གང་ཟག་རྣམས༔ ངེས་པར་འགྲོ་བའི་དོན་བརྩོན་ན༔ བསྙེན་བཀུར་བདུད་ལ་ཞེན་པ་ཆོད༔ ཟང་ཟིང་ཟས་ནོར་དུག་བཞིན་སྤོངས༔ ཕ་ཡི་རྒྱལ་ཁྲིམས་བུ་ཡིས་ཟུངས༔ མཐར་ཡང་ང་དང་གཉིས་སུ་མེད༔ དེ་ལས་ང་ཡི་ཚུལ་མིན་ན༔ ངེས་ཚབ་ངེས་པའི་འགྲོ་དོན་མེད༔ རང་དོན་ཁེ་དྲག་རེ་རློམ་ཞིང་༔ T11602 - 208 བ་ལྷ་བུའི་བདུད་ལ་ཞེན་འབྱམས་ཏེ༔ བདུད་ཀྱི་དབང་བསྒྱུར་རང་བསླུས་པ༔ དེས་ཀྱང་འགྲོ་དོན་ག་ལ་འགྲུབ༔ དེ་མིན་ང་ཡི་རྗེས་འཛིན་པས༔ ཚེ་གཅིག་སྒྲུབ་པ་ཉམས་ལེན་ཅིང་༔ ཟོལ་མེད་སྦས་ཡུལ་སྦས་པ་ཡི༔ རྣལ་འབྱོར་དམ་པ་ང་ཉིད་དོ༔ ང་དང་གཉིས་མེད་ང་བུའོ༔ འཇམ་དཔལ་གསང་བ་འདུས་པ་ཉིད༔ ཡང་གསང་ཐུགས་སྒྲུབ་དང་པོ་འདི༔ ཉམས་སུ་ལེན་ཚད་སངས་རྒྱས་སོ༔ ཐེ་ཚོམ་བྱུང་ན་པདྨས་བསླུས༔ ས་མ་ཡ༔ པདྨའི་གསང་ཡུམ་ཡེ་ཤེས་མཚོ་རྒྱལ་ངས༔ ཡབ་ཀྱི་བཀའ་བཞིན་བརྡ་ཡི་རིས་སུ་བཀོད༔ བཀའ་འདི་སྔགས་སྲུང་ཨེ་ཀ་ཛ་ཊཱི་དང་༔ མ་མོ་སྲིད་རྒྱལ་སྔགས་སྲུང་ངེས་ནུས་མ༔ གནོད་སྦྱིན་ཀུན་དགའ་གཞོན་ནུ་ལ་སོགས་པ༔ བསྟན་སྲུང་དམ་ཅན་རྒྱ་མཚོ་ཚོགས་ལ་བཅོལ༔ ཐུབ་པར་སྲུངས་ཤིག་བཀའ་དང་ཐ་ཚིག་རྒྱ༔ ལྟ་ལོག་ངན་སྨྲ་མཁན་གྱི་སྲོག་རྩ་ཆོད༔ དམ་ལྡན་རྣམས་ལ་མ་ཡིས་བུ་བཞིན་སྐྱོངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ གཉན་རྒྱ༔ བརྡ་ཐིམ༔ ཞེས་པ་འདི་ཡང་རིག་འཛིན་བདུད་འདུལ་རྡོ་རྗེའི་དངོས་སྤྲུལ་སྔགས་ཀྱི་ཕྱག་རྒྱ་འཆང་བ་གླིང་པ་བདུད་འཇོམས་རྡོ་རྗེས་གཏེར་ནས་སྤྱན་དྲངས་ཏེ་དག་པར་ཕབ་པའི་ཡི་གེ་པ་ནི་ཧོར་གྱི་བནྡེ་ཕུན་ཚོགས་བཀྲིས་སོ། །དགེའོ །དགེའོ། །དགེའོ །སརྦ་མངྒ་ལཾ།། ། T11602 - 210 ཟབ་གསང་མཁའ་འགྲོའི་སྙིང་ཐིག་ལས༔ འཇམ་དཔལ་གསང་བ་འདུས་པའི་བསྐང་བ་ན་རག་དོང་སྤྲུགས་བཞུགས་སོ༔ T11602 - 211 བདུད་འཇོམས་འཇམ་དཔལ་ཞི་བ་ཝྃ།༔ ན་མོ་གུ་རུ་པདྨ་ཀ་ར་ཡེ༔ ཐ_UNK་ཁྱན་ཧྭ།བྷ།ཧྱ།།༔ ཟབ་གསང་སྒྲུབ་པའི་རྣལ་འབྱོར་གྱིས༔ དངོས་གྲུབ་བར་ཆད་བྱེད་པའི་བགེགས༔ དམ་ཚིག་ཉམས་ཆག་ཉེས་ལྟུང་བསྒྲིབ༔ བསྐང་ཞིང་བཤགས་པའི་ཐབས་ཟབ་མོ༔ ཉམས་སུ་ལེན་པའི་ཐབས་འདི་སྟེ༔ ཤ་ཆང་ལ་སོགས་བཟའ་བཏུང་རིགས༔ གཞན་ཡང་འདོད་ཡོན་བྱེ་བྲག་ཀུན༔ འབྱོར་ཚོགས་ཐམས་ཅད་ལེགས་པར་བཀོད༔ དེ་ནས་བསྐང་བཤགས་བྱ་བ་ལ༔ རང་ཅག་གི་མདུན་གྱི་ནམ་མཁར་རྩ་བ་དང་བརྒྱད་པར་བཅས་པའི་བརྒྱུད་པ་དགུ་ལྡན་གྱི་བླ་མ་དམ་པ་ཐམས་ཅད་འདུས་པའི་ངོ་བོ་ཡི་དམ་འཇམ་དཔལ་རིགས་ལྔ་ལ་ཕྱོགས་བཅུ་དུས་བཞིའི་རྒྱལ་བ་སྲས་T11602 - 212 ཤོ༔ དང་བཅས་པ་མ་ལུས་ཤིང་ལུས་པ་མེད་པས་བསྐོར་ནས་རང་ཅག་ལ་ཞལ་གྱིས་ཕྱོགས༔ སྤྱན་གྱིས་གཟིགས༔ ཐུགས་བརྩེ་བ་ཆེན་པའི་སྒོ་ནས་བཞུགས་པའི་མདུན་དུ་རང་གི་ལུས་དང་ལོངས་སྤྱོད་བསོད་ནམས་དགེ་བའི་དངོས་པོ་དང་བཅས་པ་ཐམས་ཅད་ཉམས་ཆག་བསྐང་བའི་ཡོན་དུ་འབུལ་བ་དང་༔ ལུས་ངག་ཡིད་གསུམ་བློ་སྙིང་བྲང་གསུམ་ཐམས་ཅད་ལིང་གིས་བཀལ་ཏེ༔ སྔར་བྱས་ཀྱི་རང་བཞིན་དང་བཅས་པའི་སྡིག་པ་ལ་གནོང་འགྱོད་དྲག་པོ་བགྱིས་པ་དང་༔ སྡིག་སྒྲིབ་ཉམས་ཆག་ཐམས་ཅད་མི་འཆབ་མི་སྦེད་པའི་སྒོ་ནས་མཐོལ་T11602 - 213 བཤགས་བྱ་བ་དང་༔ ཕྱིན་ཆད་སྲོག་ལ་བབ་ཀྱང་སྡོམ་པར་བགྱིད་དོ་བསམ་པ་དང་༔ ཁམས་གསུམ་སྣོད་བཅུད་བརྟན་གཡོ་ཐམས་ཅད་སྟོང་པ་ཉིད་ཀྱི་རོལ་པ་རུ་ཞིག་པར་བསམ༔ སྟོང་པའི་ངང་ལས་ནམ་མཁར་འཇའ་ཚོན་སྣང་བ་བཞིན་དུ་མཆོད་རྫས་རྣམ་པ་སྣ་ཚོགས༔ བརྟེན་རྫས་རྣམ་པ་སྣ་ཚོགས༔ བསྒྲུབ་རྫས་རྣམ་པ་སྣ་ཚོགས༔ མཐུན་རྫས་རྣམ་པ་སྣ་ཚོགས༔ བསྐང་རྫས་རྣམ་པ་སྣ་ཚོགས༔ བཟའ་བ་དང་༔ བཅའ་བ་དང་༔ བཏུང་བ་དང་༔༷ ལྡག་པ་དང་༔ གཞིབ་པ་དང་༔ སྤྱན་ལ་གཟུགས་མཛེས་པ་སྣ་ཚོགས༔ སྙན་ལ་སྒྲ༔ ཤངས་ལ་དྲི༔ ལྗགས་ལ་རོ༔ སྐུ་ལ་རེག་བྱ་ལ་སོགས་པའི་འདོད་ཡོན་མི་ཟད་པ་ལོངས་སྤྱོད་རྒྱན་གྱི་འཁོར་ལོ་མདོར་ན་འཁོར་འདས་གཉིས་ཀྱི་རིགས་སུ་གཏོགས་པ༔ སངས་རྒྱས་བྱང་སེམས ལྷ་དང་སྲུང་མ་རྒྱ་མཚོ་ཐམས་ཅད་ཀྱི་སྤྱོད་ཡུལ་དུ་ཡིད་ལ་གང་ཤར་བ་ཐམས་ཅད་སྐད་ཅིག་གིས་སྣང་བར་བྱེད་པའི་བདག་ཉིད་ཅན་ནམ་མཁའ་བར་སྣང་ས་གཞིའི་ཁམས་ཐམས་ཅད་ཡོངས་སུ་གང་ཞིང་ཁྱབ་པར་བསྒོམ་ལ༔ ཨོཾ་བཛྲ་ཨ་མྲྀ་ཏ་ཀུནྜ་ལཱི་ཧ་ན་ཧ་ན་ཧཱུྃ་ཕཊ༔ ན་མ་སརྦ་ཏ་ཐཱ་ག་ཏ་བྷྱོ་སོགས༔ ཧཱུྃ་ཧྲཱིཿ རང་སྣང་རྣམ་དག་དོན་གྱི་འོག་མིན་ནས༔ རྩ་བ་བརྒྱུད་པའི་བླ་མ ཝྃ།༔ དམ་པ་རྣམས༔ བསྐང་བའི་གནས་འདིར་སྤྱན་འདྲེན་གཤེགས་སུ་གསོལ༔ སྐུ་གསུམ་ལྷུན་གྱིས་གྲུབ་པའི་ཞིང་ཁམས་ནས༔ ཡི་དམ་ཞི་ཁྲོའི་ལྷ་ཚོགས འཁོར་དང་བཅས༔ བསྐང་བའི་གནས་འདིར་སྤྱན་འདྲེན་གཤེགས་སུ་གསོལ༔ འོག་མིན་མཁའ་སྤྱོད་ས་སྤྱོད་གནས་གསུམ་ནས༔ འབུམ་ཕྲག་ཡངས་པའི་མཁའ་འགྲོ་འཁོར་དང་བཅས༔ བསྐང་བའི་གནས་འདིར་སྤྱན་འདྲེན་གཤེགས་སུ་གསོལ༔ ཡེ་ཤེས་དབྱིངས་དང་འཇིག་རྟེན་གནས་རྣམས་སུ༔ བཀའ་སྲུང་དྲེགས་པ་ཕོ་མོ་འཁོར་དང་བཅས༔ བསྐང་བའི་གནས་འདིར་སྤྱན་འདྲེན་གཤེགས་སུ་གསོལ༔ བསྐང་བའི་གནས་འདིར་སྤྱན་འདྲེན་གཤེགས་ནས་ཀྱང་༔ རང་རང་དགྱེས་པའི་གདན་ལ་བཞུགས་སུ་གསོལ༔ བཛྲ་ས་མ་ཡ་ཛ་ཛཿ ས་མ་ཡ་ཏིཥྛ་ལྷན༔ དེ་ནས་ཐུགས་དམ་བསྐང་བ་ནི༔ ཧཱུྃ་ཧྲཱིཿ འོག་མིན་ཆོས་ཀྱི་དབྱིངས་ཀྱི་ཞིང་ཁམས་ནས༔ ཆོས་སྐུ་ཀུན་བཟང་ཡབ་ཡུམ་ཐུགས་དམ་བསྐང་༔ ལྷུན་གྲུབ་བདེ་བ་ཆེན་པོའི་ཞིང་ཁམས་ནས༔ ལོངས་སྐུ་རིགས་ལྔ་གངས་ཆེན་ཐུགས་དམ་བསྐང་༔ གཞོན་ནུ་བུམ་པ་སྐུ་ཡི་དཀྱིལ་འཁོར་ནས༔ སྤྲུལ་སྐུ་དགའ་རབ་རྡོ་རྗེའི་ཐུགས་དམ་བསྐང་༔ ཀ་དག་སྤྲོས་མཐའ་བྲལ་བའི་ ཞིང་ཁམས་ནས༔ རིག་འཛིན་ཤྲཱི་སིངྷའི་ཐུགས་དམ་བསྐང་༔ དཔལ་རི་པདྨ་འོད་ཀྱི་གཞལ་ཡས་ནས༔ ཨོ་རྒྱན་རྡོ་རྗེ་ཐོད་ཕྲེང་ཐུགས་དམ་བསྐང་༔ སྤྱི་གཙུག་ཉི་ཟླ་པདྨའི་གདན་སྟེང་ནས༔ རིགས་བདག་བླ་མ་དམ་པའི་ཐུགས་དམ་བསྐང་༔ འོག་མིན་རྣམ་པར་མཛེས་པའི་ཞིང་ཁམས་ནས༔ མགོན་པོ་འཇམ་དཔལ་དབྱངས་ཀྱི་ཐུགས་དམ་བསྐང་༔ མེ་ལོང་ཡེ་ཤེས ཆེན་པོའི་ཀློང་མཛོད་ནས༔ འཇམ་དཔལ་རྡོ་རྗེ་རྣོན་པོའི་ཐུགས་དམ་བསྐང་༔ མཉམ་ཉིད་ཡེ་ཤེས་ཆེན་པོའི་ཀློང་མཛོད་ནས༔ འཇམ་དཔལ་ཡོན་ཏན་རྒྱལ་པོའི་ཐུགས་དམ་བསྐང་༔ སོར་རྟོག་ཡེ་ཤེས་ཆེན་པོའི་ཀློང་མཛོད་ནས༔ འཇམ་དཔལ་བདེ་ཆེན་རྒྱལ་པོའི་ཐུགས་དམ་བསྐང་༔ བྱ་གྲུབ་ཡེ་ཤེས་ཆེན་པོའི་ཀློང་མཛོད་ནས༔ འཇམ་དབྱངས་བདུད་འདུལ་དཔའ་བོའི་ཐུགས་དམ་བསྐང་༔ རང་བྱུང་ཡེ་ཤེས་ཆེན་པོའི་ཀློང་མཛོད་ནས༔ ཡུམ་ཆེན་དབྱངས་ཅན་རིགས་ལྔའི་ཐུགས་དམ་བསྐང་༔ ཚད་མེད་རྣམ་བཞིས་འཁོར་བ་གནས་ནས་འདྲེན༔ འཇིགས་བྱེད་གཤིན་རྗེ་གཤེད་བཞིའི་ཐུགས་དམ་བསྐང་༔ མཁའ་སྤྱོད་བདེ་བ་ཆེན་པོའི་ཕོ་བྲང་ནས༔ འབུམ་ཕྲག་ཡངས་པའི་མཁའ་འགྲོའི་ཐུགས་དམ་བསྐང་༔ ཁམས་གསུམ་དབང་དུ་ ཝྃ།༔ བསྡུས་པའི་དཀྱིལ་འཁོར་ནས༔ ལྷ་ཆེན་དབང་ཕྱུག་ཆེན་པོའི་ཐུགས་དམ་བསྐང་༔ བདེ་ཆེན་དབང་དྲག་རོལ་པའི་དཀྱིལ་འཁོར་ནས༔ གནོད་སྦྱིན་ཤན་པ དམར་ནག་ཐུགས་དམ་བསྐང་༔ ཞིང་བཅུའི་བསྟན་དགྲ་ཆོམ་ལ་འབེབས་མཛད་པའི༔ དྲང་སྲོང་གཟའ་བདུད་རྒྱལ་པོའི་ཐུགས་དམ་བསྐང་༔ སངས་རྒྱས་བསྟན་སྲུང་དགེ་འདུན་སྡེ་སྐྱོང་བའི༔ བསྟན་སྲུང་དམ་ཅན་རྒྱ་མཚོའི་ཐུགས་དམ་བསྐང་༔ ཧཱུྃ༔ དཀོན་མཆོག་རིན་ཆེན་གསུམ་དང་རྩ་བ་གསུམ༔ དམ་ཅན་བཀའ་ཡི་སྲུང་མ་འཁོར་དང་བཅས༔ མ་ལུས་བདག་ལ་གསན་ཅིང་དགོངས་སུ་གསོལ༔ བདག་གི་སྒོ་གསུམ་བག་མེད་དབང་གྱུར་པས༔ ཉན་ཐོས་འདུལ་ཁྲིམས་བྱང་སེམས་བསླབ་བྱ་དང་༔ གསང་སྔགས་དམ་ཚིག་རྩ་བ་ཡན་ལག་གི༔ ཉམས་ཆག་འགལ་འཁྲུལ་ཉེས་ལྟུང་ཅི་མཆིས་པ༔ མི་གསང་མི་སྦེད་གནོང་འགྱོད་སེམས་ཀྱིས་བཤགས༔ མ་རིག་འཁྲུལ་པའི་དབང་དུ་གྱུར་པ་ཡི༔ གཟུང་དང་འཛིན་པའི་ཡུལ་ལ་མངོན་ཞེན་ཅིང་༔ ལས་དང་ཉོན་མོངས་འཁྲུལ་པའི་ཉེས་བྱས་ཀུན༔ མི་འཆབ་མི་སྦེད་གནོང་འགྱོད་སེམས་ཀྱིས་བཤགས༔ མདོར་ན་ཚེ་རབས་ཐོག་མ་མེད་དུས་ནས༔ ད་ལྟའི་བར་ དུ་ལུས་ངག་ཡིད་གསུམ་གྱིས༔ མི་དགེ་སྡིག་པའི་ལས་རྣམས་ཅི་བསགས་པ༔ མགོན་པོ་ཁྱེད་ཀྱི་དྲུང་དུ་བཤགས་པར་བགྱི༔ བྱམས་མགོན་ཐུགས་རྗེ་ཆེན་པོ་ཁྱེད་རྣམས་ཀྱིས༔ ལས་དང་ཉོན་མོངས་དྲག་པོས་གཟིར་བ་ཡི༔ སྐལ་བ་ངན་པ་བདག་ལ་བརྩེར་དགོངས་ལ༔ བཟོད་པར་བཞེས་ལ་དག་ཅིང་ཚངས་པར་སྩོལ༔ ད་རེས་རྨི་ལམ་གནས་སྐབས་ཙམ་ཞིག་ཏུ༔ དཀར་པོའི་དགེ་འབྲས་ཕྲ་མོའི་རྣམ་སྨིན་གྱིས༔ མགོན་ཁྱོད་དྲན་ནས་བསྒྲུབ་ལ་བརྩོན་དུས་འདིར༔ ཐུགས་དགོངས་མཁྱེན་པའི་ཡེ་ཤེས་རྒྱུད་ལ་སྤོར༔ ལས་ངན་འཁྲུལ་པའི་ལམ་ལས་ད་བཟློག་འཚལ༔ ཇི་ལྟ་ཇི་སྙེད་མཁྱེན་པའི་ཡེ་ཤེས་ཀྱི༔ རང་ངོ་རང་ཞལ་སྤྲོད་ལ་རང་ཐོག་ཏུ༔ མངོན་སངས་རྒྱས་པར་བྱིན་གྱིས་བརླབས་མཛོད་ཅིག༔ བདག་ནི་རིང་པོར་མི་ཐོག་ཚེ་འདི་རུ གདོད་མའི་མགོན་པོའི་གཞི་དབྱིངས་སངས་རྒྱས་ཏེ༔ སྐུ་དང་ཡེ་ཤེས་མཛད་པ་ཕྲིན་ལས་ཀྱིས༔ གང་འདུལ་ཐབས་དང་ཤེས་རབ་དུ་མ་ཡིས༔ ཁམས་གསུམ་འཁོར་བ་དོང་ནས་སྤྲུགས་གྱུར་ཅིག༔ དེ་ལྟར་བསྐང་བཤགས་སྨོན་ལམ་སྟོབས་ཆེན་དང་༔ གསང་སྔགས་ཟབ་མོའི་ཐབས་དང་རྟེན་འབྲེལ་དང་༔ ན་རག་དོང་སྤྲུགས་ཡང་སྙིང་འདི་བརྗོད་མཐུས༔ ཝྃ༔ འགྲོ་ཀུན་སྒྲིབ་གཉིས་དྲི་མ་དག་གྱུར་ཅིག༔ ཨོཾ་བཛྲ་སཏྭ་ས་མ་ཡ༴སོགས་ཡི་གེ་བརྒྱ་པ་ཅི་མང་བརྗོད༔ གཉེན་པོ་སྟོབས་བཞིའི་ཡན་ལག་ཚང་བྱས་ཏེ༔ བསྐང་བཤགས་སྨོན་ལམ་འདིར་བརྩོན་རྣལ་འབྱོར་པའི༔ ཉམས་ཆག་ཉེས་ལྟུང་ཀུན་དག་གཙང་མར་གྱུར༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ གུ་ཧྱ༔ ཞེས་པའི་