Tibetan
དེ་ཉིད་མཚོན་པ་ཆེན་པོ་ཡིན། །དེ་ཡིན་དེ་དོན་རིག་ཤེས་ན། །འཁོར་དང་སྡུག་བསྔལ་འཁྲུལ་འཁོར་ཀུན། །བྱང་ཆུབ་སེམས་ཉིད་ཡིན་ཞེས་བཤད། །བྱང་ཆུབ་སེམས་རྗེ་བཙན་དམ་པ་རྡོ་རྗེ་འོད་འཕྲོ་བའི་རྒྱུད་ལས། བྱང་ཆུབ་སེམས་ཀྱི་རང་བཞིན་གང་ཡིན་བསྟན་པའི་ལེའུ་སྟེ་བདུན་པའོ།། །དེ་ནས་བཅོམ་ལྡན་དགེས་པ་ཆེས། །འཁོར་ལ་ཚིག་ཏུ་བཀའ་སྩལ་པ། །ཀྱེ་སེམས་དཔའ་ཆེན་པོ། གང་ཞིག་མཉམ་ཉིད་རྟོགས་པ་ལ། །སྐྱོན་དང་ཡོན་ཏན་གཉིས་ཀས་བསྒྲིབ། །བདེ་ཆགས་སྡུག་བསྔལ་སྤང་འདོད་པ། །དམུས་ལོང་མཁའ་ལ་མདུད་འདོར་འདྲ། །དོན་ཉིད་མ་བཅོས་མཉམ་པའི་དོན། །མ་འདྲེས་གསལ་བར་མ་རྟོགས་ན། །སྟོང་གསུམ་རྒྱལ་བའི་སྐུས་བཀང་ཡང་། །ཕན་མེད་མ་བཀང་གནོད་མི་འགྱུར། །བྱང་ཆུབ་ཉོན་མོངས་གཉིས་མེད་དེ། །ཀུན་གཞི་ཡངས་པའི་ངང་དུ་གཅིག །དེ་ཕྱིར་བླང་དང་དོར་མེད་དེ། །དེ་ཉིད་མ་གྲུབ་རང་སྣང་ཕྱིར། །བྱིང་དང་རྒོད་དང་རེ་དོགས་དང་། ། གསལ་དང་མི་གསལ་འབྱུང་འཇུག་ཀློང་། །མྱོང་དང་རྟོགས་དང་འགོགས་འཆོས་དང་། །མཚན་མ་བྱུང་ཚོར་མཐའ་ཡས་པ། །ཡེ་ནས་བསལ་མེད་ངང་གིས་ཞི། །བརྟག་མེད་ཡེ་ནས་ཆོས་སྐུ་ཉིད། །མ་སྤངས་རོལ་པས་བདག་ཉིད་རྒྱན། །བདག་ཉིད་མ་མཐོང་དམུས་ལོང་ཉིད། །མི་རྙེད་དོན་ལ་བླང་དོར་མེད། །སྐྱོན་ཉིད་མཉམ་པར་དོན་རྟོགས་ན། །ཀུན་ཏུ་བཟང་ཞེས་དེ་ལ་བྱ། །ཇི་ལྟར་མཁའ་གསལ་སྟོང་ཉིད་ལ། །སྤྲིན་དང་ཁུ་རླངས་འཇའ་དང་གློག །སྐར་དང་ཉི་ཟླ་མ་འདྲེས་གསལ། །མཁའ་གསལ་ངོ་བོར་ཡེ་ནས་གཅིག །རྣལ་འབྱོར་སེམས་ཀྱི་མཁའ་ཀློང་ལ། །རྐྱེན་མེད་སྣང་ཡང་བླང་དོར་མེད། །ཐེག་པའི་བྱེ་བྲག་མ་ལུས་པ། །མ་འདྲེས་ཡོངས་རྫོགས་སྤང་བླང་བྲལ། །བསལ་མེད་མི་རྟོག་ཀུན་མཁྱེན་པ། །ངོ་བོ་ཉིད་ནི་དམིགས་སུ་མེད། །བྱང་ཆུབ་སེམས་རྗེ་བཙན་དམ་པ་རྡོ་རྗེ་འོད་འཕྲོ་བའི་རྒྱུད་ལས། གེགས་བསལ་བ་ཞེས་བྱ་བའི་ལེའུ་སྟེ་བརྒྱད་པའོ།། །དེ་ནས་དེ་བཞིན་གཤེགས་པ་ཉིད། །མི་གསུང་མཉམ་གཞག་ཆེན་པོ་ཡི། །ཏིང་ངེ་འཛིན་ལ་སྙོམས་པར་ཞུགས། །རྡོ་རྗེ་སེམས་དཔས་བཅོམ་ལྡན་འདས། །མི་གསུང་བཞག་པ་དོན་གང་ཞིག །བདག་ལ་ཇི་ལྟར་བཀའ་སྩལ་མཛོད། །ཀྱེ་སེམས་དཔའ་ཆེན་པོ། ཀུན་སྣང་དུས་གཅིག་དགོངས་པས་མཁྱེན། །གང་ལ་ཅི་ཡང་མ་སྤྲོས་ཏེ། །སྙིང་པོའི་དོན་ལས་གཡོ་བ་མེད། །གསུང་མེད་དོན་འདི་མི་ཤེས་པར། །གང་ཞིག་ཐམས་ཅད་མཉམ་རྟོག་པ། །དེ་ནི་ལོང་བའི་ཚོགས་ཡིན་ཞེས། །བཅོམ་ལྡན་དེ་བཞིན་གཤེགས་པས་གསུངས། །གང་ཡང་མ་འདྲེས་
Chinese
那即是伟大的象征。 若能了知那即是那之义， 轮回和痛苦的迷乱之轮， 被说成是菩提心性。 菩提心自在尊胜妙吉祥金刚光芒续中， 开示何为菩提心自性之品第七。 其后，世尊极喜悦， 以言辞向眷属们颁布教言： 嘿！大菩萨， 任何对等性之证悟， 皆被过患和功德二者所障蔽。 想要舍弃安乐贪执和痛苦者， 犹如盲人向空中抛掷结扣。 若未了悟未经改造的真如等性之义， 未混杂而清晰， 即使充满三千世界的胜者之身， 亦无益，未充满亦无害。 菩提和烦恼无二， 在阿赖耶广阔的自性中为一。 因此，无有取舍， 因为那未成立，是自显现之故。 沉没和掉举以及希望和疑虑，
English
That itself is a great symbol. If one knows that, the meaning of that being that, The wheel of confusion of samsara and suffering, Is said to be the nature of Bodhicitta. From the Tantra of the Lord of Bodhicitta, the Noble and Supreme Vajra Radiance, The seventh chapter, which explains what the nature of Bodhicitta is. Then, the Bhagavan was very pleased, And spoke these words to the retinue: "Hey, great Bodhisattva! Whatever realization of equality is, Is obscured by both faults and qualities. Wanting to abandon pleasure, attachment, and suffering, Is like a blind person throwing knots into the sky. If the meaning of the uncorrected, equal Suchness is not understood, Unmixed and clear, Even if the bodies of the Victors filled three thousand worlds, It is useless, not filling it does no harm. Bodhi and affliction are non-dual, One in the vast nature of the alaya. Therefore, there is no taking or leaving, Because that is not established, it is self-appearance. Sinking and excitement, hope and doubt,