Tibetan
།མ་བགོས་མ་ཕྱེ་གཏེར་གྱི་མཆོག །དེ་ཡི་ངང་ལ་ཀུན་གནས་པས། །ཐམས་ཅད་བྱ་བྱེད་མེད་པར་གྲོལ། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། རྫོགས་ཆེན་གོ་བཟློག་པའི་ལེའུ་ཞེས་བྱ་སྟེ་བཞི་བཅུ་རྩ་དྲུག་པའོ།། །དེ་ནས་ཡང་བཅོམ་ལྡན་འདས་ཀྱིས་འཁོར་རྣམས་ལ་རྒྱུད་འདི་གདམས་སོ། །བདག་གིས་ཆོས་རྣམས་ཐམས་ཅད་ནི། །ཐམས་ཅད་ཆོས་ཉིད་ཀློང་དུ་རིག །ཆོས་ཀྱི་དབྱིངས་ཀྱི་ཕོ་བྲང་དམ་པ་དེར། ། ཀུན་ཏུ་བཟང་པོ་ཡངས་དོག་མེད་པའི་ཀློང་། །ཀུན་ཏུ་བཟང་མོ་སྐྱེ་བ་མེད་པའི་དབྱིངས། །སྐྱེ་མེད་འགག་མེད་ཆོ་འཕྲུལ་འབྱུང་བའི་གཏེར། །སྐུ་གསུམ་སངས་རྒྱས་འགྲོ་དོན་མཛད་པའི་གནས། །ཁམས་གསུམ་སེམས་ཅན་སྒྲོལ་བར་བྱེད་པའི་ལམ། །རྣམ་དག་ལམ་ཆེན་ཀུན་གྲོལ་དགོངས་པའི་ཕུགས། །ཉི་ཟླའི་འོད་བཞིན་ཀུན་ཏུ་ཁྱབ་པར་གསལ། །བརྟགས་ན་མི་རྙེད་བཞག་ན་སྣ་ཚོགས་འབྱུང་། །སངས་རྒྱས་སེམས་ཅན་འཁོར་འདས་སྣོད་བཅུད་ཀུན། །ཆོས་སུ་གྲགས་པའི་དོན་རྣམས་འདི་ལ་འདུས། །འདི་མེད་སངས་རྒྱས་འབྱུང་བར་མི་སྲིད་དེ། །དུས་གསུམ་རྒྱལ་བ་རྣམས་ཀྱིས་རྟོགས་དཀའ་བའི། །ཆོས་ཀྱི་སྙིང་པོ་བྱར་མེད་འདི་ཡིན་ཏེ། །མཚན་མའི་ཆོས་ལ་མ་ཡེངས་འདི་དོན་རྟོགས། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། འཁོར་ལ་གདམས་པ་བསྟན་པའི་ལེའུ་སྟེ་བཞི་བཅུ་རྩ་བདུན་པའོ།། །དེ་ནས་སེམས་དཔའ་རྡོ་རྗེ་ལ་སོགས་པའི་འཁོར་རྣམས་རྗེས་སུ་ཡི་རང་བར་གྱུར་ནས། འདི་སྐད་ཅེས་གསོལ་ཏོ། །གཙོ་བོ་ཆེན་པོ་བཅོམ་ལྡན་འདས། །ལོག་པར་བལྟ་བ་ལ་སོགས་པའི། །གདུལ་བྱ་རྣམས་ལ་ཕན་འདོགས་པ། །མགོན་སྐྱབས་མཆོག་ལ་རྗེས་ཡི་རང་། །ནམ་མཁའ་ལྟ་བུའི་ཆོས་ཉིད་ཀྱིས། །ཀུན་ལ་ཁྱབ་པར་དོན་མཛད་ཅིང་། །དགོངས་པ་དབྱིངས་ལས་མི་བསྐྱོད་པ། །གཡོ་འགུལ་མེད་ལ་ཕྱག་འཚལ་བསྟོད། །རང་བྱུང་ཡེ་ཤེས་ཉི་མ་ཡིས། །མ་རིག་མུན་པ་སེལ་མཛད་ཅིང་། །ཡེ་ཤེས་སྐར་ཁུང་འབྱེད་མཛད་པ། །གསལ་བའི་སྒྲོན་ལ་རྗེས་ཡི་རང་། །ཆོས་དང་ཆོས་མིན་དབྱེར་མེད་པར། །མཉམ་པ་ཉིད་དུ་སྟོན་མཛད་ཅིང་། །ཀུན་ལ་ཉེ་རིང་མེད་པ་ཡི། །འགྲོ་དོན་མཛད་ལ་ཕྱག་འཚལ་བསྟོད། །ལམ་དང་འཇུག་སྒོ་བསམ་ཡས་ཀྱང་། །ངེས་པར་གཅིག་ཏུ་སྟོན་མཛད་པའི། །སྟོན་པ་མཆོག་ལ་རྗེས་ཡི་རང་། ། མཉམ་ཉིད་གཏེར་ལ་ཕྱག་འཚལ་བསྟོད། །ཅེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། འཁོར་རྣམས་སྟོན་པ་ལ་རྗེས་སུ་ཡི་རང་བའི་ལེའུ་སྟེ་བཞི་བཅུ་རྩ་བརྒྱད་པའོ།། །དུས་གསུམ་སངས་རྒྱས་ཐམས་ཅད་ཀྱི་ཡབ་རྣལ་འབྱོར་པ་རྣམས་ཀྱི་ཡུམ། འཁོར་འདས་དབྱེར་མི་ཕྱེད་པའི་སྲོག །མི་ནུབ་པའི་རྒྱལ་མཚན། གསལ་བའི་སྒྲོན་མ། ཀློང་གསལ་ཡེ་ཤེས་ཀྱི་མར་མེ་ལྟ་བུ། རབ་འབྱམས་རྒྱལ་པོའི་རྒྱུད་ཆེན་པོ་རྫོགས་སོ།། །།
Chinese
未分未割之宝藏殊胜，于彼性中一切安住故，一切无作无为而解脱。如是说。于《广大无垠王续》中，名为了义回遮品，第四十六品。其后，薄伽梵又为此眷属宣说此续。我知一切诸法，一切皆为法性界，于法界之清净宫殿中。
English
Supreme treasure, undivided and unseparated, Because all abide in its nature, All are liberated without action or effort. Thus it was said. From the Tantra of the King of Vast Expanse, The chapter called "Reversing the Meaning of Dzogchen," the forty-sixth. Then again, the Bhagavan instructed the retinue in this tantra. I know all phenomena, All are known in the expanse of the nature of reality. In that sacred palace of the realm of reality,
Chinese
是具有的。 三世一切佛的父亲，瑜伽士们的母亲。轮回涅槃无分别的命，不灭的胜幢，明亮的灯，如虚空清明智慧的灯。浩瀚君王的伟大传承圆满了。
English
It is possessed. The father of all Buddhas of the three times, the mother of yogis. The life inseparable from samsara and nirvana, the imperishable victory banner, the clear lamp, like the lamp of clear, luminous wisdom. The great lineage of the vast king is complete.