Tibetan
རྫོགས་པ་ཆེན་པོ་མན་ངག་སྙིང་ཐིག་གི་བླ་མ་བརྒྱུད་པའི་རིམ་པ་མཆོད་པའི་ཆོ་ག་ཀུན་བཟང་རྣམ་པར་རོལ་པའི་རྒྱན། རྫོགས་པ་ཆེན་པོ་མན་ངག་སྙིང་ཐིག་གི་བླ་མ་བརྒྱུད་པའི་རིམ་པ་མཆོད་པའི་ཆོ་ག་ཀུན་བཟང་རྣམ་པར་རོལ་པའི་རྒྱན། རྫོགས་པ་ཆེན་པོ་མན་ངག་སྙིང་ཐིག་གི་བླ་མ་བརྒྱུད་པའི་རིམ་པ་མཆོད་པའི་ཆོ་ག་ཀུན་བཟང་རྣམ་པར་རོལ་པའི་རྒྱན་ཅེས་བྱ་བ་བཞུགས་སོ། ། བླ་མ་དང་རང་རིག་གདོད་མའི་ཀློང་ལ་ཕྱག་འཚལ་ལོ། །སྐུ་ཚེ་གཅིག་གིས་གདོད་མའི་མགོན་པོ་དང་། །དབྱེར་མེད་གྲོལ་གཞིར་ཟག་པ་ཟད་རྣམས་དང་། །དྭངས་མའི་འོད་སྐུར་གཤེགས་ནས་འཕོ་བ་ཆེས། །ནམ་མཁའ་ཇི་སྲིད་གཞན་གྱི་དོན་མཛད་པ། །དྲི་མེད་བཤེས་གཉེན་མཁས་པའི་གཙུག་རྒྱན་དང་། །སྐྱེ་འཆི་གཉིས་སྤངས་མཚོ་སྐྱེས་རྡོ་རྗེ་འཆང་། །ཀུན་བཟང་དྲི་མེད་འོད་ཟེར་ལ་སོགས་པ། །རྩ་བརྒྱུད་བླ་མའི་ཞབས་ལ་གུས་བཏུད་ནས། །དེ་དག་མཆོད་ཅིང་གསོལ་བ་འདེབས་པའི་ཐབས། །ཁུངས་མེད་བསྡུ་དང་རང་བཟོ་མ་ཡིན་པ། །རྡོ་རྗེའི་གསུང་གསང་བྱིན་རླབས་གཟི་བརྗིད་ཅན། །རང་དང་སྐལ་མཉམ་ཚོགས་ཆེན་སྤེལ་ཕྱིར་འགོད། །དེའང་ཨ་ཏི་བཀོད་པ་ཆེན་པོའི་རྒྱུད་ལས། །གང་གི་ལྷ་སྐུ་འབུམ་ཕྲག་བསྒོམ་པ་ལས། །བླ་མའི་སྐུ་ལ་དམིགས་པ་མ་ཡེངས་ན། །བརྒྱ་ཕྲག་སྟོང་གི་ཆར་ཡང་མི་འགྲོ་ཞིང་། །བསྙེན་སྒྲུབ་བཟླས་པ་ས་ཡ་དུང་ཕྱུར་ལས། །བླ་མར་གསོལ་འདེབས་ལན་གསུམ་ བརྩོན་གྱུར་ན། །ནུས་པ་འབུམ་ཕྲག་ཆར་ཡང་མི་ཉེ་ཞིང་། །གང་གིས་རྫོགས་རིམ་བསྐལ་པར་བསྒོམས་པ་བས། །བླ་མ་རང་སེམས་དཀྱིལ་དུ་ཤར་ཙམ་གྱིས། །སྟོང་ཕྲག་ཉི་ཤུའི་ཆ་ཡང་མི་ཕོད་དོ། །ཞེས་དང་། །གཞན་ཡང་ལུང་ལས། །མཆོད་པ་ཐམས་ཅད་ཡང་སྤངས་ནས། །བླ་མ་མཆོད་ལ་བརྩོན་པར་བྱ། །དེ་མཉེས་པས་ནི་ཀུན་མཁྱེན་གྱི། །གོ་འཕང་ཚེ་འདིར་འཐོབ་པར་འགྱུར། །ཞེས་གསུངས་པ་ལྟར་བླ་མ་བསྙེན་པ་དང་མཆོད་པ་ནི། རྡོ་རྗེ་ཐེག་པའི་ལམ་ལ་ཞུགས་པ་དག་གིས་བསྒྲུབ་བྱའི་སྙིང་པོ་ཡིན་ལ། དེ་དག་ལས་ཐེག་པ་དང་གྲུབ་མཐའ་ཐམས་ཅད་ཀྱི་རྩེ་མོ་འོད་གསལ་རྡོ་རྗེའི་སྙིང་པོའི་ལམ་ལས་ཐོག་མའི་མགོན་པོ་ཀུན་ཏུ་བཟང་པོའི་གོ་འཕང་མངོན་ཏུ་མཛད་པ་བར་མ་ཆད་དུ་བྱོན་པ་འདི་དག་གི་མཚན་ཙམ་ཐོས་པའང་བསྐལ་པ་བརྒྱར་ཡང་རྙེད་པར་དཀའ་ན་དད་ཅིང་རྗེས་སུ་སློབ་པ་ལྟ་ཅི་སྨོས་པས། ལམ་འདི་ལ་ཞུགས་ཤིང་བརྒྱུད་པ་འདི་ ཉིད་ཀྱི་རྗེས་སུ་སློབ་པའི་སྐལ་པ་བཟང་པོ་ཅན་རྣམས་ཀྱིས་གཡར་དམ་དུ་བྱ་བ་ནི་འདི་ཡིན་ཏེ། དེའང་ཀུན་མཁྱེན
Chinese
大圆满口诀心髓传承上师次第供养仪轨，普贤任运庄严。
English
The Great Perfection Oral Instruction Heart Essence Lineage of Lamas Offering Ceremony, Ornament of Samantabhadra's Spontaneous Play.