Tibetan
གཅོད་ཡུལ་སྙིང་པོར་དྲིལ་བ་ཡེ་ཤེས་མཁའ་འགྲོའི་སྙིང་ཁྲག་བདུད་རྩིའི་ཡང་ཞུན། གཅོད་ཡུལ་སྙིང་པོར་དྲིལ་བ་ཡེ་ཤེས་མཁའ་འགྲོའི་སྙིང་ཁྲག་བདུད་རྩིའི་ཡང་ཞུན། ༄༅། །ཟབ་ལམ་ཐུགས་གཏེར་ཨུ་པ་དེ་ཤ་ལས། གཅོད་ཡུལ་སྙིང་པོར་དྲིལ་བ་ཡེ་ཤེས་མཁའ་འགྲོའི་སྙིང་ཁྲག་བདུད་རྩིའི་ཡང་ཞུན་བཞུགས་སོ། ། ༈ ཨེ་མ་རང་རིག་སྐྱེ་འགག་བྲལ༔ ཡོད་མ་མྱོང་ལ་གྲུབ་མ་མྱོང་༔ མེད་མ་མྱོང་ལ་ཆད་མ་མྱོང་༔ ཨེ་མ་རང་རིག་སངས་རྒྱས་སོ༔ བརྗོད་དུ་མེད་ལ་བསམ་དུ་མེད༔ ཚོར་དུ་མེད་ལ་མྱོང་དུ་མེད༔ ཤིན་ཏུ་གསལ་ལ་རབ་ཏུ་བཀྲ༔ སྟོང་ལ་ཐུགས་རྗེའི་རྩལ་ཆེ་བ༔ མཐའ་བྲལ་སེམས་འདི་ཡ་མཚན་ཆེ༔ ཨེ་མ་རང་རིག་བློ་ལས་འདས༔ ས་ལེར་གསལ་བས་སྒྲིབ་པ་མེད༔ རྗེན་ནེར་ཤར་བས་འཁྲུལ་པ་བྲལ༔ ཝ་ལེར་སྣང་བས་བཟུང་འཛིན་འདས༔ ཧྲིག་གེར་འཆར་བས་རྟོག་མེད་སངས༔ ཨེ་མ་རང་རིག་རྒྱལ་བའི་ཡུལ༔ འདི་ལ་སུ་ཡིས་གཞོམ་དུ་མེད༔ གཞིག་བྲལ་སྟོང་ཉིད་རྡོ་རྗེ་འཆང་༔ ཨེ་མ་སྐྱེ་མེད་ངོ་རེ་མཚར༔ ཨེ་མ་འགག་མེད་ཤར་བ་མཚར༔ ཨེ་མ་རང་བྱུང་ཡེ་ཤེས་སོ༔ ཨེ་མ་སྤྱོད་ཡུལ་རྨད་དུ་བྱུང་༔ ཨེ་མ་ཨེ་མ་ཨ་ལ་ལ༔ ཞེས་པའི་དོན་ཉམས་སུ་ལེན་པ་ལ་མདོར་བསྡུས་ན་རྣམ་པ་གསུམ་སྟེ༔ ཕྱི་སྣང་བ་ལྷ་འདྲེའི་སྙེམས་ཐག་གཅོད་པ་དང་༔ ནང་གདོས་བཅས་གཅེས་འཛིན་གྱི་རྟོག་པ་གཅོད་པ་དང་༔ གསང་བ་གཉིས་འཛིན་སེམས་ཀྱི་འཁྲུལ་རྟོག་གཅོད་པ་དང་གསུམ་སྟེ༔ དང་པོ་ཕྱི་ལྷ་འདྲེར་སྣང་བའི་སྙེམ་ཐག་གཅོད་པ་ལ་གསུམ་སྟེ༔ འདི་ལྟ་སྟེ༔ སྣང་སྲིད་སྡེ་བརྒྱད་ལྷ་འདྲེའི་ཚོགས༔ བླ་མར་ཤེས་པས་གསོལ་བ་འདེབས༔ ཕ་མར་ཤེས་པས་སྙིང་རྗེ་བསྐྱེད༔ རང་སེམས་ཤེས་པས་མཉམ་པར་བཞག༔ ཞེས་པའི་དོན་ཏེ༔ དེ་ལ་ཉམས་སུ་ཇི་ལྟར་བླངས་ཞེ་ན༔ དེ་ལ་ཐོག་མར་གནས་དབེན་པ་གཉན་ཁྲོད་གང་དུ་རུང་བར༔ ལྷ་འདྲེའི་ཆོ་འཕྲུལ་དངོས་ཉམས་རྨི་ལམ་དུ་ཤར་བའམ༔ རང་གི་འཁུ་འཕྲིག་རྟོགས་པས་ཡ་ང་བ་སྐྱི་ཟ་བ་འཇིགས་སྐྲག་གང་བྱུང་བའི་ཚེ༔ དེ་ལ་མི་དགའ་བའམ༔ མི་གུས་མི་མོས་པ་གཏན་ནས་མེད་པར༔ ལྷ་འདྲེ་དེ་དག་ནི་བླ་མའི་ངོ་བོ༔ ཆོ་འཕྲུལ་དེ་དག་ནི་བླ་མའི་སྤྲུལ་བསྒྱུར་ཤེས་པར་བྱས་ནས༔ ཨེ་མ་བདག་གི་ཉམས་དང་རྟོགས་པའི་བོགས་སྐྱེད་འདོན་ཞིང་འཁྲུལ་སྣང་རང་སར་གྲོལ་བའི་ཆེད་དུ་བླ་མས་རྫུ་འཕྲུལ་འདི་ལྟ་བུའི་བདག་རྗེས་སུ་བཟུང་བ་བཀའ་དྲིན་རེ་ཆེ་སྙམ་ནས༔ དད་པས་སྤུ་གཡོ་བར་བྱས་ནས་བླ་མ་ལ་གསོལ་འདེབས་རྒྱང་འབོད་བྱས་ལ༔ མཐར་ལྷ་འདྲེ་དེ་དག་བླ་མ་རྡོ་རྗེ་འཆང་པད
Chinese
将断法精髓提炼，智慧空行母心血甘露之精华。
English
Essence of the Chod practice, a refined essence of the wisdom dakini's heart blood nectar.