Tibetan
དབང་གི་ལྷ་མོ་ཏི་ནུ་མའི་བསྙེན་སྒྲུབ་ལས་གསུམ་གྱི་མན་ངག་གི་ཡི་གེ་ཡིད་འཕྲོག་ལི་ཁྲིའི་ཆུ་གཏེར། དབང་གི་ལྷ་མོ་ཏི་ནུ་མའི་བསྙེན་སྒྲུབ་ལས་གསུམ་གྱི་མན་ངག་གི་ཡི་གེ་ཡིད་འཕྲོག་ལི་ཁྲིའི་ཆུ་གཏེར། ༈ དབང་གི་ལྷ་མོ་ཏི་ནུ་མའི་བསྙེན་སྒྲུབ་ལས་གསུམ་གྱི་མན་ངག་གི་ཡི་གེ་ཡིད་འཕྲོག་ལི་ཁྲིའི་ཆུ་གཏེར་ཞེས་བྱ་བ་བཞུགས་སོ། །ཨོཾ་སྭ་སྟི་སིདྡྷཾ། ཁྱབ་བདག་འཁོར་ལོའི་མགོན་པོ་དང་། །དབང་མཛད་ལྷ་མོར་གུས་ བཏུད་ནས། །བརྟན་གཡོའི་ཕུན་ཚོགས་འགུགས་བྱེད་པའི། །མན་ངག་ལི་ཁྲིའི་ཆུ་གཏེར་སྤེལ། །འདི་ལ་བཞི། བསྙེན་པ། སྒྲུབ་པ། ཁྱད་པར་གྱི་ལས་སྦྱོར། དམ་ཚིག་གི་ངེས་པའོ། །དང་པོ་ནི། སྲིད་ལས་ངེས་པར་འབྱུང་བའི་ཟིལ་དངར་གྱིས་སྐྱེད་བསྲིངས་པའི་གཞན་ཕན་བྱང་ཆུབ་སེམས་ཀྱི་པདྨ་དཀར་པོའི་དགའ་ཚལ་མཆོག་ཏུ་དར་ལ་བབས་ཤིང་གཞན་དོན་ཁོ་ནར་ཟུང་འཇུག་རྡོ་རྗེ་འཛིན་པའི་གོ་འཕང་དོན་དུ་གཉེར་བའི་སྐལ་བཟང་རྣམ་དཔྱོད་ཅན་གྱིས། གསང་ཆེན་བླ་ན་མེད་པ་དཔལ་འཁོར་ལོ་སྡོམ་པའི་དཀྱིལ་འཁོར་ཆེན་པོར་དབང་བཞི་ཡོངས་སུ་རྫོགས་པས་རྒྱུད་སྨིན་པ་དང་། གཞིའི་བསྙེན་པ་ལས་སུ་རུང་པ་དང་། དམ་ཚིག་དང་སྡོམ་པ་རྣམ་པར་དག་པ་གཞིར་བཞག་ནས། འདིའི་རྗེས་སུ་གནང་བ་མན་ངག་དང་བཅས་པ་བརྒྱུད་ལྡན་གྱི་བླ་མ་ལས་མནོས་ཏེ། བསྟན་པ་དང་སེམས་ཅན་གྱི་དོན་ཁོ་ནར་རབ་འབྱམས་དབང་གི་ཕྲིན་ལས་ལ་འཇུག་པར་བྱའོ། །དེའང་གནས་དབེན་པར་མཚམས་དམ་དུ་གཅད། རང་གི་མདུན་འདིའི་བྲིས་སྐུ་ཡོད་ན་བཀྲམ་པའི་སྤྱན་སྔར་རང་ཉིད་ཁ་ནུབ་ཏུ་ཕྱོགས་ཤིང་ལྷ་མོའི་ང་རྒྱལ་ལ་གནས་པས་ཟངས་ཀྱི་མེ་ལོང་ལ་མ་ད་ནའི་རླན་ཅུང་ཟད་དང་བཅས་གནས་ཆེན་ལས་བྱུང་བའི་སིནྡྷ་ར་ཁོད་སྙོམས་པར་བཀྲམ་ལ་པདྨ་འདབ་མ་བཞི་ བྲིས་པའི་ལྟེ་བར་ཧྲཱིཿ ཤར་གྱི་འདབ་མ་ནས་གཡས་སྐོར་གྱིས། ས། ཧི། ཀ །ལ་ཞེས་པའི་ཡི་གེ་འབྲུ་རེ་དབུ་ཕྱིར་བསྟན་དུ་བྲི། བྲིས་སྐུའི་སྤྱན་སྔར་སྟེགས་བུ་དམར་ཟླུམ་གྱི་དབུས་སུ་མཉྫིའི་ཁར་གཞག །དར་དམར་པོའི་ལྡིང་གུར་དབུབ། མདུན་དུ་འབུལ་གཏོར་ཟླུམ་པོ་སྨུག་རྩིས་བྱུགས་པ་རྒྱན་ལྡན་ཤ་ཆང་དང་མངར་གསུམ་ལ་སོགས་པའི་ཁ་ཟས་བཟང་རྒུས་གཏམས་པ་དང་། མེ་ཏོག་དམར་པོ་ལ་སོགས་པའི་ཉེར་སྤྱོད་ལྔ་བཀོད་མཛེས་སུ་བསྟར། རང་གི་ཉེ་ལོགས་སུ་རྡོ་རྗེ་དྲིལ་བུ། ཌཱ་མ་རུ། མེ་ཏོག་དམར་པོའི་སྣོད། བདུད་རྩི་རིལ་བུ་བཏབ་པའི་ཆང་ཕུད་དང་བཅས་པ་བཤམ། གོས་རྒྱན་དམར་པོ་དང་བཅས་སྟན་བདེ་བ་ལ་ལུས་བསྲ
Chinese
自在天女提努玛修持事业三法诀窍文，迷人心意的红铜水藏。
English
The manual of the three practices of propitiation, accomplishment, and activities of the goddess of power, Tinu Ma: A captivating copper water treasury.