Tibetan
བྱིན་གྱིས༴ ལྷུན་གྲུབ་བདེ་ཆེན་གཞལ་ཡས་སུ༔ སྒྲུབ་ཁང་བྱིན་གྱིས༴ ཡེ་ཤེས་རོལ་པའི་སྟོན་འཁོར་དུ༔ སྒྲུབ་མཆོག་བྱིན་གྱིས༴ མྱོང་གྲོལ་ཡེ་ཤེས་བདུད་རྩི་རུ༔ དམ་རྫས་བྱིན་གྱིས༴ ཧཱུྃ༔ དབང་བྱིན་དངོས་གྲུབ་འབྱུང་བའི་གནས༔ འཇའ་ལུས་སྒྱུ་ མའི་ཕོ་བྲང་ནས༔ ཤྲཱི་སིངྷ་སྟོན་འཁོར་བཅས༔ ཐུགས་རྒྱུད་བསྐུལ་ལོ་དབྱིངས་ནས་བཞེངས༔ གནས་འདིར་བྱིན་ཆེན་དབབ་ཏུ་གསོལ༔ ཕ་རོལ་དཔུང་འཇོམས་རི་བོ་རུ༔ རི་འདི་བྱིན་གྱིས༴ བདེ་ཆེན་འགྱུར་མེད་ཞིང་ཁམས་སུ༔ གནས་འདི་བྱིན་གྱིས༴ ལྷུན་གྲུབ་བདེ་ཆེན་གཞལ་ཡས་སུ༔ སྒྲུབ་ཁང་བྱིན་གྱིས་ཡེ་ཤེས་སྒྱུ་འཕྲུལ་རོལ་པ་རུ༔ སྒྲུབ་མཆོག་བྱིན་གྱིས་མྱོང་གྲོལ་ཡེ་ཤེས་བདུད་རྩི་རུ༔ དམ་རྫས་བྱིན་གྱིས༴ ཧཱུྃ༔ དབང་བྱིན་དངོས་གྲུབ་འབྱུང་བའི་གནས༔ པདྨ་འོད་ཀྱི་གཞལ་ཡས་ནས༔ ཨོ་རྒྱན་པད་འབྱུང་སྟོན་འཁོར་བཅས༔ ཐུགས་རྒྱུད་བསྐུལ་ལོ་དབྱིངས་ནས་བཞེངས༔ གནས་འདིར་བྱིན་ཆེན་དབབ་ཏུ་གསོལ༔ ཟངས་མདོག་དཔལ་གྱི་རི་བོ་རུ༔ རི་འདི་བྱིན་གྱིས༴ པདྨ་འོད་ཀྱི་ཞིང་ཁམས་སུ༔ གནས་འདི་བྱིན་གྱིས༴ སྐུ་གསུམ་ལྷུན་གྲུབ་གཞལ་ཡས་སུ༔ སྒྲུབ་ཁང་བྱིན་གྱིས རིག་འཛིན་རྣམ་བཞིའི་རོལ་པ་རུ༔ སྒྲུབ་མཆོག་བྱིན་གྱིས་མྱོང་གྲོལ་ཡེ་ཤེས་བདུད་རྩི་རུ༔ དམ་རྫས་བྱིན་གྱིས༴ ཧཱུྃ༔ དབང་བྱིན་དངོས་གྲུབ་འབྱུང་བའི་གནས༔ མི་མཇེད་སྤྲུལ་པའི་ཞིང་ཁམས་ནས༔ རིག་འཛིན་ཆེན་པོ་བརྒྱད་དང་ནི༔ གྲུབ་པའི་རྗེ་འབངས་ཉི་ཤུ་ལྔ༔ བྷ༔ ཐུགས་རྒྱུད་བསྐུལ་ལོ་དབྱིངས་ནས་བཞེངས༔ གནས་འདིར་བྱིན་ཆེན་དབབ་ཏུ་གསོལ༔ དངོས་གྲུབ་ཀུན་གྱི་འབྱུང་གནས་སུ༔ རི་འདི་བྱིན་གྱིས༴ མཁའ་སྤྱོད་དག་པའི་ཞིང་ཁམས་སུ༔ གནས་འདི་བྱིན་གྱིས༴ བཀོད་པ་རབ་རྫོགས་གཞལ་ཡས་སུ༔ སྒྲུབ་ཁང་བྱིན་གྱིས། དཔའ་བོ་དཔའ་མོའི་རོལ་པ་རུ༔ སྒྲུབ་མཆོག་བྱིན་གྱིས་མྱོང་གྲོལ་ཡེ་ཤེས་བདུད་རྩི་རུ༔ དམ་རྫས་བྱིན་གྱིས༴ ༔ དབང་བྱིན་དངོས་གྲུབ་འབྱུང་བའི་གནས༔ སྐུ་གསུམ་དག་པའི་ཞིང་ཁམས་ནས༔ ཞི་ཁྲོ་རྒྱལ་བའི་དཀྱིལ་འཁོར་ལྷ༔ ཐུགས་རྒྱུད་བསྐུལ་ལོ་དབྱིངས་ནས་བཞེངས༔ གནས་འདིར་བྱིན་ཆེན་དབབ་ཏུ་གསོལ༔ མ་ལ་ཡ་ཡི་རི་བོ་རུཿ རི་འདི་བྱིན་གྱིས༴ རང་སྣང་དོན་གྱི་འོག་མིན་དུ༔ གནས་འདི་བྱིན་གྱིས་བཀོད་པ་ལྷུན་གྲུབ་ཕོ་བྲང་དུ༔ སྒྲུབ་ཁང་བྱིན་གྱིས༴ དག་པ་རབ་འབྱམས་རོལ་པ་རུ༔ སྒྲུབ་མཆོག་བྱིན་གྱིས༴ མྱོང་གྲོལ་ཡེ་ཤེས་བདུད་རྩི་རུ༔ དམ་རྫས་བྱིན་གྱིས༴ ཧཱུྃ༔ དབང་བྱིན་དངོས་གྲུབ་འབྱུང་བའི་གནས༔ བཀའ་དང་དམ་ཚིག་གཞལ་ཡས་ནས༔ ཡེ་ཤེས་འཇིག་རྟེན་ཆོས་སྐྱོང་ཚོགས༔ ཐུགས་རྒྱུད་བསྐུལ་ལོ་དབྱིངས་ནས་བཞེངས༔ གནས་འདིར་བྱིན་ཆེན་དབབ་ཏུ་གསོལ༔ རྩ་གསུམ་དམ་ཅན་སྲུང་མའི་ཚོགས༔ ཆོས་ཀྱི་དབྱིངས་ནས་སྐུར་བཞེངས་ལ༔ གཟུགས་སྐུས་འགྲོ་བའི་དོན་མཛད་ཕྱིར༔ གནས་འདིར་སྤྱན འདྲེན་བྱིན་ཆེན་ཕོབ༔ སྒྲུབ་པའི་གནས་མཆོག་དམ་པ་འདི༔ འོག་མིན་ཞིང་དུ་བྱིན་གྱིས་རློབས༔ སྒྲུབ་ཁང་ཡེ་ཤེས་གཞལ་ཡས་སུ༔ བྱིན་གྱིས་བརླབ་པར་མཛད་དུ་གསོལ༔ སྒྲུབ་པའི་དཀྱིལ་འཁོར་བཀྲམ་པ་འདི༔ རྒྱལ་བའི་ཞིང་དུ་བྱིན་གྱིས་རློབས༔ སྒྲུབ་རྫས་སྣ་ཚོགས་བཀོད་པ་འདི༔ ཡེ་ཤེས་བདུད་རྩིར་བྱིན་གྱིས་རློབས༔ སྒྲུབ་པའི་རྣལ་འབྱོར་ཕོ་མོ་རྣམས༔ དཔའ་བོ་དཔའ་མོར་བྱིན་གྱིས་རློབས༔ མཆོག་དང་ཐུན་མོང་དངོས་གྲུབ་ཀུན༔ མ་ལུས་གནས་འདིར་དབང་བྱིན་ཕོབ༔ གུ་རུ་དྷེ་ཝ་ཌཱ་ཀི་ནཱི་སརྦ་ས་མ་ཡ་ཛ་ཛཿ ཨ་བེ་ཤ་ཡ་ཨ་ཨཱཿ ཞེས་བྱིན་ཆེན་དབབ་པས་དངོས་གྲུབ་ཆར་འབེབ་ཅིང་༔ སྒོ་གསུམ་རྡོ་རྗེ་གསུམ་གྱི་གྲོང་དུ་འཕོ༔ ས་མ་ཡ༔ རྒྱ་རྒྱ་རྒྱ༔ ཛྷསྭལྨརྒྷཧཱུཾཿ པདྨ་འོད་དུ་ཨ་ཐཾ་རྒྱ༔ ཞེས་པ་འདི་ཡང་རྣལ་འབྱོར་པ་ཆེ་མཆོག་ཅེས་བྱ་བས་བསྐུལ་ངོར་ཁྲག་འཐུང བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བ་དུས་གསུམ་དུ་དགེ་བར་གྱུར་ཅིག །མངྒ་ལཾ། །ཛ་ཡནྟུ།། །། _UNKཿ ཆོས་ཉིད་ནམ་མཁའི་ཀློང་མཛོད་ལས༔ སྒྲུབ་པའི་ལྷན་ཐབས་འདོད་རྒུའི་དཔལ་ཕྲེང་ཞེས་བྱ་བ་བཞུགས་སོ༔ T11614 - 147 བ་ཿ ན་མོ་གུ་རུ་པདྨ་ཀ་ར་ཡེ༔ གླརྩརྵཱཏྒ་ཤྨ་ཁྲཱྀངརྕ་རྚརྒྱ༵རྵཱདྡྷྱ{ཥྤྲ གསང་སྔགས་བསྒྲུབ་པ་ཉམས་ལེན་པའི༔ རྣལ་འབྱོར་ཅན་གྱི་གཅེས་ནོར་དུ༔ ལྷན་ཐབས་འདོད་རྒུའི་དཔལ་ཕྲེང་བསྟན༔ དང་པོ་རྡོ་རྗེ་བྱིན་བརླབས་ནི༔ ཨོཾ་སརྦ་དྷརྨ་ག་གཱ་ན་ཨ་ཨཱཿ མཚན་མ་རྫས་ཀྱི་རྡོ་རྗེ་སྟོང་པ་ཉིད་དུ་གྱུར༔ སྟོང་པའི་ངང་ལས་ཐབས་བདེ་བ་ཆེན་པོ་ཡེ་ཤེས་རྡོ་རྗེའི་རྣམ་པར་ཤར་བའི་འོད་ཀྱིས་སེམས་ཅན་ཐམས་ཅད་ཀྱི་རྒྱུད་སྦྱངས་ཏེ་ཐུགས་རྡོ་རྗེའི་རོལ་པ་རུ་སྨིན་པར་བྱེད་པའི་ནུས་པ་དང་ལྡན་པར་གྱུར༔ ཨོྃ་བཛྲ་ཛྙཱ་ན་ཧཱུྃ༔ དེ་ནས་དྲིལ་བུ་བྱིན་གྱིས་བརླབས་པ་ལ༔ སརྦ་དྷརྨ་ཨ་ཨཱཿ སྟོང་པའི་ངང་ལས TI1614 - 148 ལྷན་ཐབས་བ།༔ ཆོས་ཉིད་སྤྲོས་མཐའ་དང་བྲལ་བའི་ངོ་བོ་ལས་ཤེས་རབ་དང་ཡེ་ཤེས་ཀྱི་རང་གདངས་དྲིལ་བུའི་རྣམ་པར་ཤར་བའི་སྒྲས་སེམས་ཅན་ཐམས་ཅད་མ་རིག་པའི་གཉིད་ལས་དཀྲོག་ཅིང་འཁྲུལ་མི་ཤེས་པའི་དབྱིངས་སུ་སད་པར་བྱེད་པའི་སྒྲ་རྒྱུན་མི་ཆད་པར་འབྱུང་བའི་ནུས་པ་དང་ལྡན་པར་གྱུར༔ ཨོཾ་པྲཛྙཱ་ཛྙཱ་ན་ཤབྡ་ཧཱུྃ༔ དེ་ནས་རྡོ་རྗེ་གསོར་ཞིང་དྲིལ་བུ་དཀྲོལ་ལ༔ ཧཱུྃ༔ གཡས་པ་ཐབས་ཀྱི་རྡོ་རྗེ་ཡིས༔ འཁོར་བའི་འཁྲུལ་འཁོར་གཞོམ་བྱེད་ཅིང་༔ ཡེ་ཤེས་རྡོ་རྗེར་སྨིན་པར་མཛད༔ གཡོན་པ་ཤེས་རབ་དྲིལ་བུ་ཡིས༔ མ་རིག་མལ་དུ་དུབ་པ་ཡི༔ སེམས་ཅན་ཉོན T1614 - 149 མོངས་གཉིད་དཀྲོག་ཅིང་༔ ཐབས་ཤེས་དབྱེར་མེད་ལམ་སྒྲས་སྟོན༔ བཛྲ་གཎྜེ་དྷརྨ་ཧྲཱིཿ དེ་ནས་ཌཱ་མ་རུ་བྱིན་གྱིས་བརླབས་པ་ལ༔ ཨ་ཨ་ཨཱཿ སྐད་ཅིག་གིས་ཐོད་རྔ་མི་དམིགས་པ་སྟོང་པ ཉིད་དུ་གྱུར༔ སྟོང་པའི་ངང་ལས་ཌཱ་རུ་ཀུན་བཟང་ཡབ་ཡུམ་སྙོམས་པར་ཞུགས་པའི་ངོ་བོར་གསལ་བའི་དགྱེས་ཆགས་དགའ་བདེ་ཉམས་ཀྱིས་ཨ་རལླི་དང་ཕེཾཿ གྱི་སྒྲས་སེམས་ཅན་ཐམས ཅད་ཀྱི་འཁྲུལ་པ་བཤིག་ཅིང་གཞི་དབྱིངས་གདོད་མའི་མགོན་པོའི་གནས་ལུགས་རང་ངོ་འཕྲོད་པར་གྱུར༔ བཛྲ་ངྷརྨ་ངྷརྨ་དྷརྟྟ་བིཀྵ་ས་མ་ཡ་ཧོཿ དེ་ནས་རྔ་ཆེན་བྱིན་བརླབས་ལ༔ རྔ་ཆེན་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་ཆེ་མཆོག་ཡབ་ཡུམ་སྙོམས་པར་ཞུགས་པས་བདེ་སྟོང་ཆོས་ཉིད་ཀྱི་རང་སྒྲ་ཧཱུྃ་ཞེས་འབྲུག་སྟོང་ལྟར་ལྡིར་བས་ཁམས་གསུམ་སེམས་ཅན་ཐམས་ཅད་ཀྱི་འཁྲུལ་པ་གཞི་རུ་བཤིགས་ཏེ་འཁྲུལ་མི་ཤེས་པའི་དབྱིངས་སུ་བརྡལ་བའི་ནུས་པ་དང་ལྡན་པར་གྱུར༔ ཨོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུྃ་ཧཱུྃ་ཧཱུྃ་ཕཊ༔ ས་མ་ཡ་ཨ་བེ་ཤ་ཡ་ཕེ་ཏིཥྛ་བཛྲ༔ ཞེས་བརྗོད་པས་ཡེ་ཤེས་ཁྲོ་བོ་དངོས་སུ་བྱོན་ཏེ་ཐིམ་པར་བསམ༔ དེ་ནས་རོལ་མོ་བྱིན་གྱིས་བརླབས་པ་ལ༔ ཨ་ཨཱཿ སྟོང་པའི་ངང་ལས་དཔལ་དོན་ཡོད་གྲུབ་པ་ཡབ་ཡུམ་རོལ་མོའི་རྣམ་པར་བཞེངས་ རྃཿ ཏེ་སྒྲོལ་བའི་སྟོབས་ཤུགས་ཀྱིས་འཁོར་བ་མྱ་ངན་ལས་འདས་པའི་དབྱིངས་སུ་བསྒྲལ་ཏེ་སྦྱོར་བའི་ཤུགས་ཀྱིས་བདེ་སྟོང་ཟག་པ་མེད་པའི་ཡེ་ཤེས་རྒྱུད་ལ་སྤོར་ནུས་པའི་བདག་ཉིད་ཅན་དུ་གྱུར༔ ཧཱ་པྲཛྙཱ་དྷྲིཀ་ཏཱཾ་བཛྲ་ར་ཏི་སྟྭཾ་ས་མ་ཡ་ཨ་བེ་ཤ་ཡ་ཛ་ཛ་སྟྭཾ༔ དེ་ནས་སྤོས་དང་བཟང་ཤིང་བསྲེགས་པའི་དུད་པ་བྱིན་གྱིས་བརླབས་པ་ལ༔ ཨཱཿ ངོ་བོ་དང་རང་བཞིན་ཐུགས་རྗེ་གསུམ་གྱི་རྣམ་པར་འཕྲུལ་པ་ལས་བྱུང་བའི་འོད་ཕུང་དཀར་དམར་མཐིང་གསུམ་གྱི་རྣམ་པར་སྤོས་དང་བཟང་ཤིང་ལ་ཐིམ་པས་མ་དག་སྒྲིབ་གཉིས་ཀྱི་གྲིབ་དང་འབག་བཙོག་ཐམས་ཅད་སྦྱོང་བྱེད་ཀྱི་ནུས་པ་དང་ལྡན་པར་གྱུར༔ རཾ་ཛྙཱ་ན་ཛྭ་ལ་ཡེ་སྭཱ་ཧཱ༔ ཨོཾ༔ ཡེ་ཤེས་མེ་དང་དུད་སྤྲིན་གྱིས༔ གཟུང་འཛིན་དྲི་མ་སངས་གྱུར་ཅིག༔ འདོད་རྒུར་སྤེལ་བའི་དུད་སྤྲིན་གྱིས༔ རྒྱལ་བ་སྲས་བཅས་མཉེས་གྱུར་ཅིག༔ སང་ས་ལེ་སང་ངེ་སྭཱ་ཧཱ༔ བཛྲ་དྷཱུ་པེ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡ་ཨཱཿ ཧཱུྃ༔ དེ་ནས་བསང་ཆུ་བྱིན་བརླབས་ལ༔ སྟོང་པའི་ངང་ལས་རྡོ་རྗེ་བགེགས་མཐར་བྱེད་ཡུམ་རླུང་འབྱིན་མ་ཡབ་ཡུམ་བདུད་རྩིར་ཞུ་བའི་བསང་ཆུ་དེ་ཉིད་འབག་བཙོག་ཐམས་ཅད་དག་བྱེད་ཀྱི་ནུས་པ་དང་ལྡན་ཞིང་མཆོད་རྫས་ཡེ་ཤེས་ཀྱི་བདུད་རྩིར་བསྒྱུར་ཞིང་ དམ་སྲི་ཉུལ་ལེ་འབྱུང་པོ་མཆོད་རྫས་ལ་རྐུ་ཞིང་འཚེ་བའི་རིགས་རྣམས་ཀྱིས་མཐོང་ངམ་ཐོས་སམ་དྲན་ནམ་རེག་པ་ཙམ་གྱིས་ལུས་ངག་ཡིད་གསུམ་བསྲེག་ཅིང་བརླག་པར་བྱེད་པའི་ནུས་པ་དང་ལྡན་པར་གྱུར༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཁཾ་སྥ་ར་ཎ་ཕཊ༔ སཾ་ཧ་ར་ན་ཧཱུྃ༔ ཞེས་ཆུ་དེ་ནན་དུ་བྲན་ཏེ༔ དེ་ནས་བདུད་རྩི་བྱིན་གྱིས་བརླབས་པ་ལ༔ ཨཱ༔ སྟོང་པའི་ངང་ལས ཨཱཿ ལས་ཡེ་ཤེས་ཀྱི་ཀ་པཱ་ལ་ཕྱི་དཀར་ལ་ནང་དམར་བ་རྒྱ་ཆེ་ལ་ཁྱོན་ཡངས་པ་རླུང་མེ་ཐོད་པའི་སྒྱེད་པུ་གསུམ་གྱི་ཁ་རུ་བབ་པའི་ནང་དུ༔ དབུས་སུ་མིའི་ཤ༔ ཤར་དུ་གླང་པོ་ཆེའི་ཤ༔ ལྷོ་རུ་རྟའི་ཤ༔ ནུབ་ཏུ་རྨ་བྱའི་ཤ༔ བྱང་དུ་སེངྒེའི་ཤ༔ དེ་བཞིན་དུ་དབུས་སུ་དྲི་ཆེན༔ ཤར་ལྷོར་དྲི་ཆུ༔ ལྷོ་ནུབ་ཏུ་བྱང་སེམས༔ ནུབ་བྱང་དུ་ཀླད་པ༔ བྱང་ཤར་དུ་རཀྟ་རྣམས་རི་ལྟར་སྤུང་ཞིང་མཚོ་ལྟར་འཁྱིལ་བར་བསྒོམ༔ དབྱིངས་ནས་སྐུ་ལྔ་དང་ཡེ་ཤེས་ལྔ་ཡི་ངོ་བོ་འོད་ཕུང་ཁ་ཏོག་ལྔ་ལྡན་གྱི་རྣམ་པར་ཐིམ་སྟེ༔ འོག་ནས་མེ་རླུང་འཐབས་པའི་འོད་ཀྱིས་ཐོད་པ དྲོས་ཏེ་བདུད་རྩི་ཁོལ་བས་སེར་ལྟེམ་གྱིས་ཞུ་བ་ལ་ཁམས་གསུམ་གྱི་རྩི་བཅུད་འབྲུ་སྨན་ཐམས་ཅད་ཐིམ་པས་མྱོང་གྲོལ་ཟག་པ་མེད་པ་ཡེ་ཤེས་ཀྱི་བདུད་རྩིས་སངས་རྒྱས་ཀྱི་ཞིང་ཐམས་ཅད་ རྗེི༔ ཁྱབ་པར་གྱུར༔ ཨོཾཿ ཧཱུྃཿཏྲཱཾཿ ཧྲཱིཿ ཨཱཿ སརྦ་པཉྩ་ཨ་མྲྀ་ཏ་ཧཱུྃ་སྭཱ་ཧཱ༔ དེ་ནས་གཏོར་མ་བྱིན་གྱིས་བརླབས་པ་ལ༔ ཨཱཿ སྟོང་པའི་ངང་ལས་གཏོར་མའི་སྣོད ཨཱཿལས་ཡེ་ཤེས་ཀྱི་ཀ་པཱ་ལ་རྒྱ་ཆེ་ལ་ཁྱོན་ཡངས་པའི་ནང་དུ་མཆོད་རྫས་བཤམས་པའི་ངོ་བོ་དང་སྣོད་བཅུད་སྣང་སྲིད་ཐམས་ཅད་ཀྱི་ངོ་བོ་འོད་ཕུང་གི་རྣམ་པར་ཚུར་འདུས་ཏེ་ཡོངས་སུ་གྱུར་པ་ལས༔ གཏོར་མ་འདོད་རྒུའི་དཔལ་ཡོན་ཕུན་སུམ་ཚོགས་པ་ཡིད་ལ་གང་འདོད་པ་ཐམས་ཅད་འབྱུང་བའི་རང་བཞིན་ཅན་དུ་གྱུར༔ དེ་ལ་ཡེ་ཤེས་ཀྱི་བདུད་རྩི་འབྲུ་གསུམ་གྱི་རྣམ་པར་ཐིམ་པས་བདེ་སྟོང་ཟག་པ་མེད་པའི་ཡེ་ཤེས་བསྐྱེད་པའི་ནུས་པ་དང་ལྡན་པར་གྱུར༔ ཨོཾ་ཨཱཿ ཧཱུྃ་མ་ཧཱ་བ་ལིཾ་ཏ་ཏེ་ཛྭ་བ་ལིཾ་ཏ་བྷ་ལ་བྷ་ཏི་མ་ཧཱ་ས་མ་ཡ་སྭཱ་ཧཱ༔ དེ་ནས་རཀྟ་བྱིན་གྱིས་བརླབས་པ་ནི༔ ཨ་ཨཱཿ སྟོང་པའི་ངང་ལས་མདུན་གྱི་ནམ་མཁར་གཱིརྟི་མ་དམར་མོ་གྲི་ཐོད་བསྣམས་པ་གཅེར་བུ་གོས་རྒྱན་སྤངས་ཤིང་ཆགས་པའི་ཉམས་དང་ལྡན་པར་བསྐྱེད་དོ༔ དེ་ཡི་ཐུགས་ཀ་ནས འོད་དང་འོད་ཟེར་དཔག་ཏུ་མེད་པ་འཕྲོས་པས་ཁམས་གསུམ་སྣོད་བཅུད་ཐམས་ཅད་འོད་དམར་གྱི་རྣམ་པར་འདུས་ཏེ་གཱིརྟི་མ་ལ་ཐིམ་པས་རཀྟའི་རང་བཞིན་དུ་གྱུར་ཏེ་མཁའ་གསང་ནས་ཆུ་ ཀླུང་དྲག་པོ་ལྟར་བབ་པས་བྷནྡྷར་རཀྟའི་རྒྱ་མཚོ་འཁྱིལ་ཞིང་ཁོལ་བར་གྱུར༔ མ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཧྲཱིཿ ཋ༔ དེ་ནས་ཕྱི་མཆོད་བྱིན་གྱིས་བརླབས་པ་ནི༔ ཨོཾ་ལས་རིན་པོ་ཆེའི་སྣོད་ཡངས་ཤིང རྒྱ་ཆེ་བའི་ནང་དུ་ཧཱུྃ་ཡིག་ཞུ་བ་ལས་མཆོད་ཡོན་ཞབས་བསིལ་མེ་ཏོག་བདུག་སྤོས་སྣང་གསལ་དྲི་ཆབ་ཞལ་ཟས་རོལ་མོ་ལ་སོགས་པའི་ཕྱི་མཆོད་རྣམ་པ་སྣ་ཚོགས་ནམ་མཁའི་མཐའ་དང་མཉམ་པར་གྱུར༔ ཨོཾ་བཛྲ་ཨརྒྷཾ་སོགས་ནས ཤབྡ་ཨཱཿ ཧཱུྃ་སྭཱ་ཧཱ༔ དེ་ནས་དྲག་པོ་རྣམ་ལྔ་བྱིན་གྱིས་བརླབས་པ་ལ༔ རཾ་ཡཾ་ཁཾ་ལས་དངོས་འཛིན་བག་ཆགས་ཐམས་ཅད་སྟོང་པར་གྱུར༔ སྟོང་པའི་ངང་ལས་རླུང་མེ་ཐོད་སྒྱེད་ཀྱི་ཁར་ཨཱཿལས་ཀ་པཱ་ལ་ཕྱི་དཀར་ལ་ནང་དམར་བའི་ནང་དུ་འགྲོ་དྲུག་སེམས་ཅན་ཐམས་ཅད་ཀྱི་ཉོན་མོངས་བག་ཆགས་ཐམས་ཅད་འདུས་པའི་ངོ་བོ་སྙིང་མིག་རྣ་བ་སྣ་དང་ལྕེ་དང་བ་སུ་ཏ་དང་བཅས་པའི་རྣམ་པར་ཤར་བ་ལས་འདོད་ཡོན་ནམ་མཁའ་མཛོད་དུ་སྤེལ་བའི་རང་བཞིན་ཅན་དུ་གྱུར་ཅིག༔ ཨོཾ་རཱུ་པ་ཤཔྡ་གནྡྷེ་རཱ་ས་སྤཪྴ་དྷརྨ་ག་ཎ་ཙཀྲ་སརྦ་པཱུ་ཛ་ཡེ་སྭཱ་ཧཱ༔ ཡང་མཆོད་རྫས་ཐམས་ཅད་བྱིན་གྱིས་བརླབས་པ་ལ༔ ཨོྃ་བཛྲ་ཨ་མྲྀ་ཏ་ཀུཎྜ་ལཱིཿ ཨོཾ་སྭ་བྷཱ་ཝ་སོགས༔ མཆོད་རྫས་ཀྱི་དངོས་པོ་ཐམས་ཅད་སྟོང་པ་ཉིད་དུ་གྱུར༔ སྟོང་པའི་ངང་ལས་T1614 - 154 ཿ ཨོཾཿ བྷྲུྃཿཏྲཱཾཿ ཧྲཱིཿ ཨཱཿལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་མཆོད་ཡོན་ཞབས་བསིལ་མེ་ཏོག་བདུག་སྤོས་སྣང་གསལ་དྲི་ཆབ་ཞལ་ཟས་རོལ་མོ་ན་བཟའ་ལ་སོགས་པའི་ཕྱི་མཆོད་རྣམ་པ་སྣ་ཚོགས༔ གཟུགས་སྒྲ་དྲི་རོ་རེག་བྱ་ལ་སོགས་པའི་ནང་མཆོད་རྣམ་པ་སྣ་ཚོགས༔ བདུད་རྩི་སྨན་གྱི་རྒྱ་མཚོ༔ རཀྟ་དམར་གྱི་རྒྱ་མཚོ༔ བ་ལིཾ་རྒྱན་གྱི་གཏོར་མ༔ དྲག་པོ་དམར་གྱི་དབང་ལྔ༔ ཤ་རི་ཁྲག་གི་རྒྱ་མཚོ༔ སྦྱོར་བ་བདེ་སྟོང་གི་བྱང་སེམས༔ མཆོད་སྤྲིན་ནམ་མཁའ་མཛོད་ཀྱི་རོལ་པ་མི་ཟད་པ་རྒྱན་གྱི་འཁོར་ལོའི་རང་བཞིན་ནམ་མཁའི་མཐའ་དང་མཉམ་པར་གྱུར༔ ཨོཾ་སུ་ར་སུ་ར་ཨ་བརྟ་ཡ་ཨ་བརྟ་ཡ་ཧོཿ སྥ་ར་ཎ་ཁཾ་སྭཱ་ཧཱ༔ ཨོཾ་བཛྲ་ཨརྒྷཾ་སོགས ཤཔྡ་པྲ་ཏཱིཙྪ་ཡེ་སྭཱ་ཧཱ༔ མ་ཧཱ་རཱུ་པ་སོགས་སྤཪྴ་པྲ་ཏཱིཙྪ་ཡེ་སྭཱ་ཧཱ༔ མ་ཧཱ་སརྦ་པཉྩ་ཨ་མྲྀ་ཏ་ཡེ་སྭཱ་ཧཱ༔ མ་ཧཱ་བ་ལིཾ་ཏ་ཡེ་སྭཱ་ཧཱ༔ མ་ཧཱ་རཀྟ་ཡེ་སྭཱ་ཧཱ༔ ཨོཾ་མ་ཧཱ་སརྦ་པཉྩ་པཱུ་ཛ་ག་ཎ་ཙཀྲ་ཧོཿ དེ་ནས་སྐྱབས་ཡུལ་ཚོགས་ཞིང་བསྐྱེད་པ་ལ༔ ཨོཾ་མ་ཧཱ་ཤུ་ནྱ་ཏཱ་སོགས ཀོཉ་ཧཾ༔ མདུན་གྱི་ནམ་མཁར་པདྨ་དང་ཉི་ཟླའི་གདན་ལ་བླ་མ་དང་གཉིས་སུ་མེད་པའི་དཔལ་ཆེན་རྡོ་རྗེ་གཞོན་ནུ་སྐུ་མདོག་མཐིང་ནག་ཞལ་གསུམ་ཕྱག་དྲུག་ཞབས་ བཞི་བསྒྲད་པ༔ ཡུམ་ཁྲོ་མོ་འཁོར་ལོ་རྒྱས་འདེབས་མ་དང་གཉིས་མེད་དུ་སྦྱོར་བ༔ ཡེ་ཤེས་ཀྱི་མེ་དཔུང་འབར་བའི་དབུས་ན་བཞུགས་པ་དེ་ལ་རྩ་གསུམ་དཔའ་བོ་མཁའ་འགྲོའི་ཚོགས་མ ལུས་ཤིང་ལུས་པ་མེད་པས་བསྐོར་ནས་རང་ཅག་ལ་ཞལ་གྱིས་ཕྱོགས༔ སྤྱན་གྱིས་གཟིགས༔ ཐུགས་བརྩེ་ཐུགས་རྗེ་དང་ལྡན་པའི་ངང་ནས་བཞུགས་པར་གསལ་བའི་གནས་གསུམ་ལས འོད་འཕྲོས་པས་ཞི་ཁྲོ་རྡོ་རྗེ་དབྱིངས་ཀྱི་དཀྱིལ་འཁོར་ཐམས་ཅད་སྤྱན་དྲངས་ཏེ་བསྟིམ་མོ༔ དེ་ནས་སྐྱབས་སུ་འགྲོ་ཞིང་སེམས་བསྐྱེད༔ མཐར་ཚོགས་ཞིང་རྣམས་འོད་དུ་ཞུ་ནས་རང་ལ་ཐིམ་པས་རྒྱུད་སྨིན་ཅིང་གྲོལ་བར་བསམ༔ དེ་ནས་བཀའ་བསྒོ་བ་ལ༔ དང་པོ་བདག་ལྷར་བསྐྱེད་པ་ནི༔ སྐད་ཅིག་གིས་པདྨ་དང་ཉི་ཟླའི་གདན་གྱི་སྟེང་དུ་རང་ཉིད་དབང་ཆེན་རྟ་མགྲིན་ཞལ་གཅིག་ཕྱག་གཉིས་ཁྲོ་གཏུམ་གྱི་ཉམས་དང་ལྡན་པ་གཡས་ལྩགས་ཀྱུ་དང་གཡོན་ཞགས་པ་འཛིན་ཅིང་ཞབས་གཉིས་གྱད་ཀྱི་འདོར་སྟབས་སུ་བསྒྲད་པ༔ དུར་ཁྲོད་ཀྱི་ཆས་རྫོགས་ཤིང་བསྐལ་པའི་མེ་དཔུང་འབར་བའི་ཀློང་དུ་འགྱིང་བའི་སྤྱི་བོར་རྟ་མགོ་ལྗང་ཞུར་རྟ་སྐད་མཚེར་བས་ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པར་བསྐྱེད་དོ༔ ན་མོ༔ དཀོན་མཆོག་གསུམ་དང་སྐུ་གསུམ་རྩ _UNKཿ གསུམ་རྒྱལ་བ་རྒྱ་མཚོའི་ཚོགས་དང་བཅས་པའི་བདེན་པས་བགེགས་དང་ལོག་འདྲེན་ལན་ཆགས་འབྱུང་པོ་ཐམས་ཅད་སྦྱིན་ཡུལ་མགྲོན་དུ་ཁུག་ཅིག༔ ཏྲིཿཨ་ཀ_UNK་ཡ་ཛ་ཛཿ ཛཿ ཧཱུྃ་བཾ་ཧོཿ ལན་གསུམ་བརྗོད༔ དེ་ནས་ལན་ཆགས་གཏོར་མ་བཏང་སྟེ༔ བགེགས་བསྐྲད་པའི་ལྷ་བསྐྱེད་པ་ལ༔ སྐད་ཅིག་གིས་བདག་ཉིད་དབང་ཆེན་རྟ་མགྲིན་གནས་སུ་གྱུར་པ་ལས་དཔལ་རྡོ་རྗེ་གཞོན་ནུ་སྐུ་མདོག་མཐིང་ནག་ཞལ་གསུམ་ཕྱག་དྲུག་ཞབས་བཞི་གྱད་ཀྱི་འདོར་སྟབས་སུ་བསྒྲད་པ༔ གཡས་ཞལ་ཟླ་བ་ལྟར་དཀར་བ༔ གཡོན་ཞལ་པདྨ་རཱ་ག་ལྟར་དམར་བ༔ ཞལ་གདངས་ཤིང་ལྗགས་འདྲིལ་བ༔ སྤྱན་དགུ་སྡང་མིག་ཁྱུག་ཁྱུག་ཕྱོགས་བཅུར་གཟིགས་པ༔ ཕྱག་དྲུག་གཡས་གཉིས་གསེར་གྱི་རྡོ་རྗེ་རྩེ་དགུ་དང་རྩེ་ལྔ་གདེངས་ཤིང་༔ གཡོན་གཉིས་ཁ་ཊྭཱྃ་དང་མེ་དཔུང་བསྣམས་པ༔ ཐ་མ་གཉིས་ན་རི་རབ་ཀྱི་ཕུར་པ་འདྲིལ་བ༔ དུར་ཁྲོད་ཀྱི་ཆས་ཐམས་ཅད་རྫོགས་ཤིང་ཡེ་ཤེས་ཀྱི་མེ་འབར་བའི་དབུས་ན་བཞུགས་པའི་སྐུར་གྱུར༔ རྩ་སྔགས་བརྗོད་ཅིང་གཞུང་གི་བགེགས་བསྐྲད་ལ་འཇུག་གོ༔ ན་མོ༔ རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཀྱི ཆོས་ཀྱིཿ དགེ་འདུན་གྱི༴ ལྷ་ལས་ཁྱད་པར་དུ་དཔལ་ཆེན་རྡོ་རྗེ་གཞོན་ནུ་ཡབ་ཡུམ་སྤྲུལ་འཁོར་བཀའ་སྡོད་དང་བཅས་པ་རྣམས་ཀྱི དཔལ་མགོན་དམ་པ་ཆོས་སྐྱོང་བའི་སྲུང་མ་ཡེ་ཤེས་ཀྱི་སྤྱན་དང་ལྡན་ཞིང་༔ རྫུ་འཕྲུལ་གྱི་ཤུགས་དང་ལྡན་པ་མྱུར་མགྱོགས་ཀྱི་སྟོབས་རྩལ་ཕུན་སུམ་ཚོགས་པ་རྣམས་ཀྱི༴ བདེན་པ་ཆེན་པོའི་མཐུས༔ དེང་འདིར་གསང་སྔགས་ཟབ་མོ་བསྒྲུབ་པའམ་ས ལམ་ལ་བར་དུ་གཅོད་པར་བྱེད་པའི་གདོན་བགེགས་ལོག་པར་འདྲེན་པའི་ཚོགས་གང་དག་ཅི་ཡོད་པ་དེ་དག་ཐམས་ཅད་མཆོད་སྦྱིན་གྱི་གཏོར་མ་རྒྱ་ཆེན་པོ་འདིས་དགའ་མགུ་ཡི་རངས་ཤིང་ཚིམས་པར་གྱུར་ཅིག༔ ཚིམས་ནས་ཀྱང་སོ་སོ་རང་རང་གི་གནས་སུ་བྱེར་ཅིག༔ དེངས་ཤིག༔ གང་དག་མི་འགྲོ་ཞིང་འདུག་པར་གྱུར་པ་ཐམས་ཅད་ཡེ་ཤེས་ཀྱི་ཁྲོ་བོས་བསྡིག༔ ཐུན་མཚོན་སྣ་ཚོགས་ཀྱིས་གཏུབས༔ མེ་དཔུང་འབར་བས་བསྲེགས༔ སྤུ་གྲིའི་རླུང་གིས་དེད་ནས་གླིང་བར་མུན་པའི་གླིང་དང་༔ རི་རབ་ཀྱི་ཟོམས་སུ་བསྐྲད་ཅིང་བརླག་པར་འགྱུར་ཏ་རེ༔ ཧཱུྃ་བཞིའི་སྔགས་བརྗོད་ཐུན་གྱིས་བྲབ༔ དེ་ནས་སྲུང་གུར་བསྒོམ་པ་ལ༔ མེ་དཔུང་ཐུན་རྫས་མཚོན་ཆ་དང་ཁྲོ་ཚོགས་ཐམས་ཅད་ཀྱིས་བགེགས་ཐམས་ཅད་རི་རབ་ཀྱི་ཟོམས་དང་༔ གླིང་བར་མུན་པའི་ ཿ སྨག་རུམ་དུ་བསྐྲད༔ ཚུར་འདུས་སྟེང་འོག་བར་གསུམ་ཐམས་ཅད་ཆོས་དབྱིངས་ཡེ་ཤེས་འཁོར་ལོ་འབར་བའི་གུར་ཁང་༔ དེའི་ཕྱི་རོལ་ཏུ་མེ་ལོང་ཡེ་ཤེས་རྡོ་རྗེ་འབར་བའི་གུར་ཁང་༔ དེའི་ཕྱི་རོལ་ཏུ་མཉམ་ཉིད་ཡེ་ཤེས་རིན་ཆེན་འབར་བའི་གུར་ཁང་༔ དེའི་ཕྱི་རོལ་ཏུ་སོར་རྟོག་ཡེ་ཤེས་པདྨ་འབར་བའི་གུར་ཁང་༔ དེའི་ཕྱི་རོལ་ཏུ་བྱ་གྲུབ་ཡེ་ཤེས་རྒྱ་གྲམ་འབར་བའི་གུར་ཁང་༔ དེའི་ཕྱི་རོལ་ཏུ་རྡོ་རྗེ་མེ་དཔུང་འབར་བའི་གུར་ཁང་༔ དེའི་ཕྱི་རོལ་ཏུ་རྡོ་རྗེའི་རླུང་ནག་སྤུ་གྲི་རེག་གཅོད་ཀྱི་གུར་ཁང་༔ དེའི་ཕྱི་རོལ་ཏུ་རྡོ་རྗེའི་ཆུ་བོ་རྦ་རླབས་རབ་ཏུ་འཕྱོ་བའི་ར་བ་ལྷུན་གྱིས་གྲུབ་ཅིང་ཡོངས་སུ་རྫོགས་པར་གྱུར༔ སྲུང་བའི་འཁོར་ལོ་མེ་དཔུང་འབར་བའི་དབུས་སུ་བཟློག་བྱེད་ཀྱི་ཁྲོ་བོ་མཚོན་ཆ་ཐོགས་པ་དཔག་ཏུ་མེད་པས་ཞལ་ཕྱིར་གྱུ་ཞིང་ཧཱུྃ་ཕཊ་བྷྱོ་བཟློག་གི་སྒྲ་འབྲུག་སྟོང་ལྡིར་བ་ལྟ་བུར་སྒྲོགས་པ་དང་༔ ནང་དུ་སྲུང་བྱེད་ཀྱི་ཁྲོ་མོ་རྣམས་ཀྱི་ཞལ་ནང་དུ་གྱུར་ཏེ་ཧཱུྃ་ཧཱུྃ་དང་རུ་ལུའི་སྒྲ་དེ་བཞིན་དུ་སྒྲོགས་པའི་དབུས་སུ༔ ཡེ་ཤེས་རང་སྣང་ལས་གྲུབ་པའི་གཞལ་ཡས་ཁང་ཡངས་ཤིང་རྒྱ་ཆེ་བའི་ནང་དུ་བདག་དང་བསྲུང་བྱ་ཐམས་ཅད་ཡི་དམ་ལྷའི་ང་རྒྱལ་གྱི་ངང་དུ་གནས་པར་བསྒོམ༔ བསྲུང་ བའི་གུར་ཁང་ལ་དུས་གསུམ་གྱི་རྒྱལ་བ་སྲས་དང་བཅས་པ་རྣམས་ཀྱི་མི་ཤིགས་མི་འགྱུར་བའི་རྒྱས་གདབ་པར་གྱུར༔ ཅེས་བརྗོད་ཅིང་རྟེན་འབྲེལ་སྙིང་པོས་རབ་ཏུ་གནས་པར་བྱ༔ དེ་ནས་བྱིན་ཆེན་དབབ་པ་ལ༔ རང་གི་སྙིང་ག་ནས་འོད་དང་འོད་ཕུང་དཔག་ཏུ་མེད་པ་འཕྲོས་པས་ལྷོ་ནུབ་རྔ་ཡབ་ཀྱི་གླིང་