Tibetan
དབུས༔ ཟངས་མདོག་དཔལ་གྱི་རི་བོ་ནས་ཨོ་རྒྱན་པདྨ་འབྱུང་གནས་ལ་འཁོར་རྒྱ་གར་གྱི་རིག འཛིན་ཆེན་པོ་བརྒྱད་དང་གྲུབ་ཆེན་བརྒྱད་ཅུ༔ བོད་ཀྱི་རྗེ་འབངས་ཉེར་ལྔ་གཏེར་སྟོན་བརྒྱ་དང་རྩ་བརྒྱད་ལ་སོགས་བཀའ་གཏེར་གསར་རྙིང་གི་བླ་མ་རིག་འཛིན་རྒྱ་མཚོ་ཐམས་ཅད་དང་༔ ཡི་དམ་དཔའ་བོ་མཁའ་འགྲོ་བཀའ་སྲུང་དམ་ཅན་རྒྱ་མཚོའི་ཚོགས་དང་བཅས་པ་ཐམས་ཅད་རྟེན་དང་བརྟེན་པའི་དཀྱིལ་འཁོར་གྱི་རྣམ་པར་བཞེངས་ཏེ་རྒྱ་མཚོ་ཆེན་པོ་ལ་ཁ་ཆར་བབས་པ་ལྟར་བདག་དང་སྒྲུབ་རྫས་དཀྱིལ་འཁོར་གཞལ་ཡས་ཁང་དང་བཅས་པ་ལ་ཐིམ་པས་སྣང་སྲིད་དག་པ་རབ་འབྱམས་ཀྱི་རོལ་པར་བྱིན་གྱིས་བརླབ་པར་བསམ༔ གཞན་ཡང་སྐུ་ཕྱག་རྒྱ་ཕྲ་མོ༔ གསུང་ཡིག་འབྲུ་སྣ་ཚོགས༔ ཐུགས་ཕྱག་མཚན་སྣ་ཚོགས༔ ཡོན་ཏན་དང་ཕྲིན་ལས་ཀྱི་དབང་བྱིན་ནུས་པ་དངོས་གྲུབ་ཐམས་ཅད་འཇའ་སྤྲིན་ཐིག་ལེ་ཕྲ་མོའི་རྣམ་པར་བྱུང་ནས་བདག་དང་ _UNKཿ སྒྲུབ་རྫས་རྣམས་ལ་གཉིས་མེད་དུ་ཐིམ་པས་དབང་བྱིན་དངོས་གྲུབ་ཐམས་ཅད་འདུས་ཤིང་རྫོགས་པར་བསྒོམ༔ བསྡུ་ན༔ རང་རང་རྣམས་ཀྱིས་དད་པ་མོས་གུས གདུང་ཤུགས་དྲག་པོ་བསྐྱེད་པ་དང་ཆབ་གཅིག༔ སྙིང་ག་ནས་འོད་དང་འོད་ཕུང་དཔག་ཏུ་མེད་པ་འཕྲོས་པས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རིག་འཛིན་དཔའ་བོ་མཁའ་འགྲོའི་ཚོགས་དང་བཅས་པ་རྟེན་དང་བརྟེན་པའི་དཀྱིལ་འཁོར་གྱི་རོལ་པ་ཐམས་ཅད༔ སྐུ་ཕྱག་རྒྱ་ཕྲ་མོ༔ གསུང་ཡིག་འབྲུ་སྣ་ཚོགས༔ ཐུགས་ཕྱག་མཚན་སྣ་ཚོགས༔ ཡོན་ཏན་ཕྲིན་ལས་ཐམས་ཅད་འཇའ་དང་འོད་ཕུང་གི་རྣམ་པར་གནས་དང་སྒྲུབ་ཁང་བསྒྲུབ་རྫས་སྒྲུབ་པ་པོ་རྣམས་ལ་མཚོ་ལ་ཁ་བ་བབས་པ་ལྟར་ཐིམ་པས༔ གནས་ཞིང་ཁམས༔ སྒྲུབ་ཁང་གཞལ་ཡས༔ སྒྲུབ་པ་པོ་དཔའ་བོ་དང་མཁའ་འགྲོ༔ བསྒྲུབ་རྫས་རྣམས་དབང་བྱིན་དངོས་གྲུབ་ཐམས་ཅད་རྫོགས་པའི་ཡེ་ཤེས་ཀྱི་བདུད་རྩིའི་རོལ་པ་ཆེན་པོར་བྱིན་གྱིས་བརླབས་པར་བསྒོམ༔ དེ་ནས་རིལ་བུ་བསྐྱེད་ཆོག་ལ༔ ཨོཾ་མ་ཧཱ་ཤུ་ནྱ་ཏཱ་སོགས༔ རིལ་བུ་སྣོད་དང་བཅས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་བྷྲུྃཿ ཡིག་ཡོངས་སུ་གྱུར་པ་ལས༔ རིན་པོ་ཆེ་སྣ་ཚོགས་ལས་གྲུབ པའི་གཞལ་ཡས་ཁང་ཡངས་ཤིང་རྒྱ་ཆེ་བའི་ནང་དུ་ཡི་གེ་ཧཱུྃ་མཐིང་ནག་ཡོངས་སུ་གྱུར་པ་ལས༔ དཔལ་ཆེན་པོ་རྡོ་རྗེ་གཞོན་ནུ་སྐུ་མདོག་མཐིང་ནག་ཞལ་གཅིག་ཕྱག་གཉིས་ཁྲོ་བོའི་ཆ་བྱད ཅན་གཡས་རྡོ་རྗེ་དང་༔ གཡོན་ལྕགས་ཕུར་གདེངས་པ༔ བས་གཉིས་གྱད་ཀྱི་འདོར་སྟབས་སུ་བསྒྲད་པ༔ མེ་དཔུང་དམར་ནག་འབར་བའི་ཀློང་དུ་འགྱིང་བ༔ ཁྲོ་ཆུང་མེ་སྟག་ལྟ་བུར བར་མཚམས་མེད་པར་འཕྲོ་བར་བསྒོམ༔ དེ་དག་རྣམས་ཀྱི་སྤྱི་བོར་སྐུ་མི་འགྱུར་བའི་རྡོ་རྗེ་ཨོཾ་དཀར་པོ༔ མགྲིན་པར་གསུང་མི་འགགས་པའི་རྡོ་རྗེ་ཨཱཿཡིག་དམར་པོ༔ སྙིང་གར་ཐུགས མི་འཁྲུལ་པའི་རྡོ་རྗེ་ཧཱུྃ་མཐིང་ནག་གི་རྣམ་པར་གནས་པ་ལས་འོད་དང་འོད་ཕུང་དཔག་ཏུ་མེད་པ་འཕྲོས་པས༔ བརྒྱུད་པ་དགུ་ལྡན་གྱི་བླ་མ་རིག་འཛིན་རྒྱ་མཚོ་ཐམས་ཅད་དང་༔ ཡི་དམ རྒྱུད་སྡེ་བཞི་དྲུག་གི་དཀྱིལ་འཁོར་རྟེན་དང་བརྟེན་པར་བཅས་པ་ཐམས་ཅད་དཔལ་ཆེན་རྡོ་རྗེའི་གཞོན་ནུའི་དཀྱིལ་འཁོར་གྱི་རྣམ་པར་བཞེངས་ཏེ༔ སྟེང་འོག་ཕྱོགས་མཚམས་ཐམས་ཅད་ནས་ཁ་བ་བུ་ཡུག་འཚུབས་པ་བཞིན་དུ་བདག་དང་རིལ་བུ་ལྷར་གསལ་བ་རྣམས་ལ་ཐིམ་པས་གཟི་བྱིན་འོད་ཕུང་དཔག་ཏུ་མེད་པ་འབར་བར་བསྒོམ༔ ཨོ་ཨཱཿ ཧཱུྃ་སརྦ་མ་ཧཱ་གུ་རུ་དྷེ་ཝ་ཌཱ་ཀི་ནཱི་ཧ _UNKཿ རི་ནི་ས་ས་མ་ཡ་ཕེཾ་ཕེཾ་ཛ་ཛཿ ཨ་བེ་ཤ་ཡ་སྟྭཾ༔ ཞེས་ལན་གསུམ་བརྗོད༔ དེ་ནས་དབང་བསྐུར་བ་ལ༔ རང་གི་སྙིང་གའི་འོད་ཟེར་གྱིས་ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་བདེ་གཤེགས་རིགས་ལྔའི་རྣམ་པར་སྤྱན་དྲངས་ཏེ་སྟེང་གི་ནམ་མཁར་བྱོན་ནས་རིན་པོ་ཆེ་སྣ་ལྔ་ལས་གྲུབ་པའི་བུམ་པ་ཐོགས་ཤིང་བུམ་ཆུས་སྤྱི་བོ་ནས་དབང་བསྐུར་བས་སྒྲིབ་གཉིས་བག་ཆགས་ཐམས་ཅད་ཤེལ་སྒོང་གི་རྡུལ་ཕྱིས་པ་ལྟར་བྱང་ཞིང་དག་པར་བྱས་དབང་བཞི་ཡེ་ཤེས་ཀྱི་ཆུ་བོའི་རྒྱུན་བབས་པས་ལུས་གང་ལྷག་མ་ཡར་ལུད་པ་ལས་རིགས་ཀྱི་བདག་པོས་དབུ་བརྒྱན་པར་གྱུར༔ རྒྱལ་བ་རྣམས་ཀྱི་རྒྱལ་ཚབ་ཏུ་དབང་བསྐུར༔ འཁོར་འདས་ཀྱི་སྤྱི་དཔལ་ཆེན་པོར་དབུགས་དབྱུང་༔ ཁམས་གསུམ་གྱི་འཁོར་བ་མྱ་ངན་ལས་འདས་པའི་དབྱིངས་སུ་བསྒྲལ་བའི་མཐུ་བྱིན་ནུས་པ་དང་ལྡན་པར་བྱས༔ ཨོཾ་བཛྲ་ཀཱ་ཡ་ཨ་བྷི་ཥིཉྩ་ཨོཾ༔ ཨཱཾ་པདྨ་ཝཱཀ་ཨ་བྷི་ཥིཉྩ་ཧྲཱིཿ ཧཱུྃ་ཛྙཱ་ན་ཙིཏྟ་ཨ་བྷི་ཥིཉྩ་ཧཱུྃ༔ སྭཱ་རཏྣ་གུ་ཎ་ཨ་བྷི་ཥིཉྩ་ཏྲཱཾཿ ཧཱ་ཀརྨ་སརྦ་ཨ་བྷི་ཥིཉྩ་ཨཱཿ རྒྱས་གདབ་པ་ལ༔ སླར་ཡང་ཡི་གེ་ཨོཾཿ ཧཱུཾཿཆ༷ཿ༷ ཧྲཱིཿ ཨཱཿརྣམས་གསལ་བ་ལ་རིགས་ལྔ་རིམ་གྱིས་ཐིམ་སྟེ་མི་འཇིགས་མི་འགྱུར་བའི་རྒྱས་ཐེབས་པར་བསམ་ལ༔ ཨོཾ་བུདྡྷ་ངྷ་ར་ས་མ་ཡ་སྟྭཾ་ཏིཥྛ་བཛྲ༔ ཨཱཾ་པདྨ་ངྷ་ར་ས་མ་ཡ་སྟྭཾ་ཏིཥྛ་བཛྲ༔ ཧཱུྃ་བཛྲ་དྷ་ར་ས་མ་ཡ་སྟྭཾ་ཏིཥྛ་བཛྲ༔ ཏྲཱཾ་རཏྣ་དྷ་ར་ས་མ་ཡ་སྟྭཾ་ཏིཥྛ་བཛྲ༔ ཧཱ་ཀརྨ་དྷ་ར་ས་མ་ཡ་སྟྭཾ་ཏིཥྛ་བཛྲ༔ ཞེས་རྒྱས་གདབ་པས་རྒྱལ་བ་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་ཡོངས་སུ་རྫོགས་པར་བསམ༔ དེ་ནས་སྤྱན་འདྲེན་པ་ལ༔ མདུན་མཁར་བུམ་པའི་གཞལ་ཡས་ཁང་ཡངས་ཤིང་རྒྱ་ཆེ་བའི་ནང་དུ་རིལ་བུ་རྣམས་ཡི་དམ་གྱི་ལྷ་སྐུ་མཚན་ཉིད་རྫོགས་པ་ཏིལ་གྱི་གོང་བུ་རྒྱས་པ་ལྟ་བུར་གསལ་བ་དང་༔ བདག་ཉིད་ལྷར་གསལ་བའི་གནས གསུམ་རྡོ་རྗེ་གསུམ་གྱི་སྙིང་པོ་ལས་འོད་འཕྲོས་པས་ཕྱོགས་བཅུའི་རྒྱལ་བ་སྲས་དང་བཅས་པ་རྟེན་དང་བརྟེན་པའི་འཁོར་ལོ་ཐམས་ཅད་ཡི་དམ་གྱི་ལྷ་མཆོག་ཆེ་གེ་མོའི་རྣམ་པར་ཆོས་ཀྱི་དབྱིངས་ལས་གཟུགས་ཀྱི་སྐུར་བཞེངས་ཏེ་ཁ་བ་དང་བུ་ཡུག་འཚུབས་པ་བཞིན་དུ་སྤྱན་དྲངས་ཏེ་བདག་དང་སྒྲུབ་རྫས་རྣམས་སུ་མཚོ་ལ་ཁ་ཆར་བབས་པ་ལྟར་སིབ་སིབ་ཐིམ་པས་གཟི་བརྗིད་འོད་ཕུང་རབ་ཏུ་འབར་ཞིང་མཆོག་ཐུན་མོང་གཉིས་ཀྱི་དངོས་གྲུབ་ཐོབ་པར་བསམ་ལ༔ རྩ་སྔགས་མཐར༔ བཛྲ་ས་མ་ཡ་ཛ་ཛཿས་སྤྱན་དྲངས༔ དེ་ནས་ཕྲེང་བ་བྱིན་གྱིས་བརླབས་པ་ལ༔ ཐལ་མོ་ཁ་སྦྱར་བའི་བར་དུ་ ཿ བསྒྲང་ཕྲེང་བཟུང་སྟེ༔ ཨོཾ་མ་ཧཱ་ཤུ་ནྱ་ཏཱ་སོགས༔ ཕྲེང་བ་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་རང་གི་ལག་པ་གཡས་པ་ཟླ་བའི་དཀྱིལ་འཁོར་དུ་སོར་མོ་རྣམས་རིགས་ཀྱི་ཡབ་ལྔར་བསྐྱེད༔ གཡོན་པ་ཉི་མའི་དལ་ལ་སོར་མོ་རྣམས་རིགས་ཀྱི་ཡུམ་ལྔར་བསྒོམ༔ རིགས་ལྔ་ཡབ་ཡུམ་སྙོམས་པར་ཞུགས་པས་བདེ་སྟོང་གི་ངོ་བོ་བྱང་ཆུབ སེམས་ལས་བསྐྱེད་པའི་སྲས་ཀྱི་རྣམ་པར་མདོ་འཛིན་ཀུན་བཟང་ཡབ་ཡུམ་ལ་ཕྲེང་བ་རྣམས་བདེ་གཤེགས་ཞི་ཁྲོ་དམ་པ་རིགས་བརྒྱའི་སྐུར་གསལ་བའི་ཡེ་ཤེས་འོད་ཟེར་གྱི་ཐག་པ་ལུ་གུ་རྒྱུད་དུ་འབྲེལ་བ་ལས་འོད་དང་འོད་ཕུང་དཔག་ཏུ་མེད་པ་འཕྲོས་པས་ཕྱོགས་བཅུའི་ཞིང་ཁམས་རབ་འབྱམས་མུ་མཐའ་མེད་པ་ན་བཞུགས་པའི་སྐུ་གསུམ་ཞི་ཁྲོ་རབ་འབྱམས་རྒྱལ་བ་སྲས་དང་བཅས་པ་ཐམས་ཅད་སྤྱན་དྲངས་ཏེ་རྒྱ་མཚོ་ཆེན་པོ་ལ་ཁ་ཆར་བབ་པ་ལྟར་ཕྲེང་བ་ལྷར་གསལ་བ་ལ་ཐིམ་པས་གཉིས་སུ་མེད་པར་གྱུར༔ སརྦ་བུདྡྷ་བོ་དྷི་སཏྭ་པྲཛྙཱ་གུ་ཎ་ཀརྨ་ས་མ་ཡ་ཛ་ཛཿ ཨ་བྷི་ཥིཉྩ་སྟ་ཏིཥྛ་བཛྲ༔ ལན་གསུམ་དང་དབྱངས་གསལ་རྟེན་སྙིང་ལན་གསུམ་གྱིས་བསྐྱེད་བསྟིམས་བྱ༔ ཨོཾ་རུ་ཙི་ར་མ་ནི་པྲ་ཝརྡྷ་ན་ཡེ་སྭཱ་ཧཱ༔ ཉེར་གཅིག་བརྗོད་ཅིང་མེ་ཏོག་འཐོར་བཞིན༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ༔ དེ་ལྟར་གསལ་བ་རྣམས་ཀྱི་སྐུའི་གར་མཛད་ཅིང་ཞལ་ནས་སྔགས་སྒྲ་དི་རི་རི་སྒྲོགས་པར་བསྒོམ༔ ཤིས་པ་བརྗོད༔ ཡང་ན་འདི་ལྟར༔ ཨོཾ་སརྦ་ངྷརྨ་ག་གཱ་ན་ཨཱཿ སྟོང་པའི་ངང་ལས་བསྒྲང་ཕྲེང་རྣམས་ཡེ་ཤེས་ཀྱི་ལྷ་སྐུ་སྣང་ལ་རང་བཞིན་མ་གྲུབ་པ་འོད་ཟེར་གྱིས་ལུ་གུ་རྒྱུད་དུ་འབྲེལ་བའི་གནས་གསུམ་ལས་འོད་ཟེར་འཕྲོས་པས་ཞི་ཁྲོ་རྡོ་རྗེ་དབྱིངས་ཀྱི་དཀྱིལ་འཁོར་ཐམས་ཅད་སྤྱན་དྲངས་ལ་གཉིས་སུ་མེད་པར་ཐིམ་སྟེ་ཐམས་ཅད་ཀྱི་སྔགས་སྒྲ་དི་རི་རི་སྒྲོགས་པར་བསམ་ལ༔ གོང་གི་ཨཽ་རུ་ཙི་སོགས་རྟེན་འབྲེལ་སྙིང་པོ་ཉེར་གཅིག་བཏབ་ལ་བྱིན་གྱིས་བརླབ་བོ༔ དེ་ནས་རིལ་བུའི་འཛབ་དམིགས་ལ༔ ཨོཾ༔ ཡེ་ཤེས་ལྔ་ལས་གྲུབ་པའི་གཞལ་ཡས་ཁང་ཡངས་ཤིང་རྒྱ་ཆེ་བའི་ནང་དུ་རིལ་བུ་རྣམས་དཔལ་ཆེན་རྡོ་རྗེ་གཞོན་ནུའི་སྐུ་ཤ་སྟག་ཏུ་གྱུར་པ་རྣམས་ཀྱིས་གྲགས་སྟོང་ཀཱི་ལ་ཡའི་སྒྲ་འབྲུག་སྟོང་ལྡིར་བ་ལྟར་སྒྲོགས་པས་དུས་གསུམ་གྱི་རྒྱལ་བ་སྲས་དང་བཅས་པའི་མཁྱེན་བརྩེ་ནུས་གསུམ་གྱི་དབང་བྱིན་དངོས་གྲུབ་ཐམས་ཅད་འཇའ་སྤྲིན་འཁྲིགས་པ་ལྟ་བུར་རྒྱུན་མི་ཆད་པར་སིབ་སིབ་ཐིམ་པར་བསྒོམ༔ རྩ་སྔགས་བཟླས་ལ་བསྙེན་པའོ༔ ཨཱཿ སྣང་སྲིད་ཐམས་ཅད་ཡོངས་སུ་ཁྱབ་པའི་གཞལ་ཡས་ཁང་དུ་རིལ་བུ་རྣམས་རྡོ་རྗེ་གཞོན་ནུའི་སྐུར་གསལ༔ དེ་དག་གི་སྐུ་ལས ཿ མེ་ལས་མེ་སྟག་འཕྲོ་བ་བཞིན་དུ་རང་འདྲ་བ་དཔག་ཏུ་མེད་པ་འཕྲོས་ནམ་མཁས་གར་ཁྱབ་ཐམས་ཅད་རྡོ་རྗེ་གཞོན་ནུའི་སྐུས་གང་སྟེ་འཛབ་དབྱངས་དི་རི་རི་སྒྲོགས་པར་བསྒོམ༔ རྩ་སྔགས་མཐར༔ ཨ་ར་པ་ཙ་མི་ཏ་ཧྲཱིཿ དཱ་ཡེ་སྭཱ་ཧཱ༔ དྲིལ་ལ་བཟླ་བ་བསྒྲུབ་པའོ༔ ཡང་འདི་ལྟར༔ ཧཱུྃ༔ རིལ་བུ་ཡེ་ཤེས་ལྷའི་རང་བཞིན་དུ་གསལ་བའི་སྐུ་ལས་འོད་དང་མེ་དཔུང་འཕྲོས་པས་གཟུང་འཛིན་གཉིས་ཀྱིས་བསྡུས་པའི་ལས་ཉོན་བག་ཆགས་གནོད་བྱེད་ཐམས་ཅད་ཐུལ་གྱིས་བསྲེགས་པར་བསམ་ལ༔ བཟླ་བ་ལས་སྦྱོར་རོ༔ རིལ་བུའི་འཛབ་དམིགས་ལ༔ བུམ་པ་གཞལ་ཡས་ཁང་ཡངས་ཤིང་རྒྱ་ཆེ་བའི་ནང་དུ་རིལ་བུ་རྣམས་ཡི་དམ་ཆེ་གེ་མོའི་སྐུ་ཤ་སྟག་ཏུ་གྱུར་པ་རྣམས་ཀྱིས་འཛབ་སྔགས་དི་རི་རི་སྒྲོགས་པས་རྒྱལ་བ་སྲས་དང་བཅས་པ་ཐམས་ཅད་མ་ལུས་ཤིང་ལུས་པ་མེད་པར་ཡི་དམ་གྱི་ལྷ་མཆོག་ཆེ་གེ་མོའི་རྣམ་པར་བཞེངས་ཏེ་རྒྱ་མཚོ་ཆེན་པོ་ལ་ཁ་ཆར་བབས་པ་བཞིན་དུ་རིལ་བུ་ལྷར་གསལ་བ་རྣམས་ལ་རྒྱུན་མི་ཆད་པར་ཐིམ་པར་བསྒོམ་ལ༔ སྔགས་བཟླ༔ རིལ་བུ་སྤེལ་བའི་འཛབ་དམིགས་ལ༔ བདག་ཉིད་ལྷར་གསལ་བའི་ཐུགས་ཀའི་སྔགས་ཕྲེང་ལས་འོད་ཟེར་འཕྲོས་པས་བུམ་པ་གཞལ་ཡས་ཁང་གི་ལྷ་རྣམས་ཀྱི་ཐུགས་ཀར་ཕོག་སྟེ་ཐུགས་ དམ་གྱི་རྒྱུད་བསྐུལ་ནས་མེ་ལས་མེ་སྟག་འཕྲོ་བ་བཞིན་དུ་རེ་རེ་ལས་ཀྱང་བརྒྱ་སྟོང་ཁྲི་འབུམ་བྱེ་བ་ས་ཡ་དུང་ཕྱུར་གྲངས་མེད་དུ་འཕྲོས་པས་སྟོང་ཁམས་ཐམས་ཅད་གང་ཞིང་ཁྱབ་སྟེ་ཀུན་གྱིས་འཛབ་དབྱངས་དི་རི་རི་སྒྲོགས་པས་སྣང་སྲིད་ཐམས་ཅད་གཡོ་ཞིང་གང་བར་བསྒོམ༔ སྒྲུབ་སྔགས་མཐར༔ ཨོཾ་ཨ་ར་པ་ཙ་མི་ཏ་ཧྲཱིཿ དཱ་ཡེ་སྭཱ་ཧཱཿ ཧཱུྃ༔ རིལ་བུ་ཡེ་ཤེས་ལྷ་ཡི་རང་བཞིན་དུ་གསལ་བའི་སྐུ་ལས་འོད་དང་མེ་དཔུང་འཕྲོས་པས་གཟུང་འཛིན་གཉིས་ཀྱིས་བསྡུས་པའི་ལས་ཉོན་བག་ཆགས་གནོད་བྱེད་ཐམས་ཅད་ཐུལ་གྱིས་བསྲེགས་པར་བསམ་ལ་བཟླ་བ་ལས་སྦྱོར་རོ༔ དེ་ནས་ལས་བཞིའི་ཤམ་བུ་ནི༔ ནད་གདོན་འཇིགས་བརྒྱད་སྒྲིབ་གཉིས་བག་ཆགས་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ༔ ཚེ་བསོད་དཔལ་འབྱོར་ཡེ་ཤེས་ཡོན་ཏན་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ ཁམས་གསུམ་སྲིད་གསུམ་འདོད་རྒུའི་དཔལ་ཡོན་ཐམས་ཅད་ཝཱ་ཤཾ་ཀུ་རུ་ཡེ་སྭཱ་ཧཱ༔ གནོད་བྱེད་དུག་ལྔ་དུག་གསུམ་ལས་བྱུང་བའི་ལོག་པར་ལྟ་བ་ཐམས་ཅད་མཱ་ར་ཡ་ཕཊ༔ ཕྲིན་ལས་རབ་འབྱམས་ཐམས་ཅད་ཐོགས་པ་མེད་པར་ལྷུན་གྱིས་གྲུབ་པར་གྱུར་ཅིག༔ དབྱངས་གསལ་ཡིག་བརྒྱ་རྟེན་སྙིང་གསུམ་རེའི་མཐར༔ ཧོཿ དཔལ་ཆེན་པོ་རྡོ་རྗེ་གཞོན་ནུའི་དཀྱིལ་འཁོར་ལྷ་ཚོགས་ཁྱེད T11614 - 168 ཿ རྣམས་ལ༔ མཁྱེན་པའི་ཡེ་ཤེས༔ བརྩེ་བའི་ཐུགས་རྗེ༔ མཛད་པའི་ཕྲིན་ལས༔ སྐྱོབ་པའི་ནུས་མཐུ་བསམ་གྱིས་མི་ཁྱབ་པ་མངའ་བས་བདག་ཅག་སྒྲུབ་པ་པོ་རྣམས་ལ་མཆོག་ཐུན་མོང་གཉིས་ཀྱི་དངོས་གྲུབ་ཐམས་ཅད་ད་ལྟ་ཉིད་དུ་ཐོབ་པར་སྩལ་དུ་གསོལ༔ རྩ་སྔགས་མཐར༔ སརྦ་ས་པ་རི་ཝཱ་ར་ཀཱ་ཡ་ཝཱཀ་ཙིཏྟ་སརྦ་སིདྡྷི་ཕ་ལ་ཧོཿ དེ་ནས་མཆོད་བསྟོད་བྱའོ༔ དེ་ནས་ཆོས་སྐྱོང་གི་གཏོར་མ་བྱིན་བརླབས་ལ༔ གཏོར་སྣོད་ཨེཿ ལས་གཤིན་རྗེའི་བཤའ་ཁང་ནག་པོའི་ནང་དུ་གཏོར་མ་དེ་ཉིད་དགྲ་བགེགས་གནོད་བྱེད་ཐམས་ཅད་འདུས་པའི་ངོ་བོར་གྱུར༔ ན་མོ༔ དཀོན་མཆོག་གསུམ་དང་སྐུ་གསུམ་རྩ་གསུམ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི་བདེན་པས་དགྲ་བགེགས་གནོད་བྱེད་ཐམས་ཅད་ཀྱི་ཚེ་བླ་སྲོག་གསུམ་མཐུ་ནུས་ལོངས་སྤྱོད་དང་བཅས་པ་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག༔ ལན་གསུམ་གྱི་མཐར༔ དབྱིངས་ནས་ཐུན་མཚོན་སྣ་ཚོགས་ཀྱི་ཆར་ཕབ་པས་ཤ་རི་ཁྲག་གི་རྒྱ་མཚོ་ནམ་མཁའི་གཏོས་དང་མཉམ་པར་གྱུར༔ ཨོཾ་སྭ་བྷཱ་ཝ་སོགས༔ མཆོད་རྫས་ཀྱི་དངོས་པོ་ཐམས་ཅད་སྟོང་པ་ཉིད་དུ་གྱུར༔ སྟོང་པའི་ངང་ལས་ཀེཿ ལས་མི་མགོའི་སྒྱེད་པུ་གསུམ་གྱི་ཁ་རུ་ ཨཱཿ ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ༔ མཆོད་རྫས་བཤམས་པ་དང་༔ སྣོད་བཅུད་འབྱུང་བའི་ངོ་བོ་རྣམས་ཚུར་འདུས་ཡོངས་སུ་གྱུར་པ་ལས༔ ཤ་ཡི་རི་བོ༔ ཁྲག་གི་རྒྱ་མཚོ༔ དཀར་གསུམ་མངར་གསུམ་གྱི་རི་དང་རྒྱ་མཚོ་ཤིང་ཏོག་འབྲས་བུ་རྣམ་པ་སྣ་ཚོགས༔ མཆོད་རྫས་དང་མཐུན་རྫས་རྟེན་རྫས་དང་བསྐང་རྫས་སྒྲུབ་རྫས་རྣམ་པ་སྣ་ཚོགས༔ མདོར་ན་ལྷ་ཀླུ་མིའི་ལོངས་སྤྱོད་ཡིད་ལ་གང་བསམ་པ་ཐམས་ཅད་རྒྱུན་མི་ཆད་པར་ཟད་མི་ཤེས་པ་ནམ་མཁའི་མཛོད་དུ་གྱུར་ཅིག༔ ནམ་མཁའ་མཛོད་སྔགས་ལན་བདུན་བརྗོད༔ དེ་ནས་ཚོགས་འཁོར་བྱིན་རླབས་སྐབས༔ ཐོག་མར༔ ཧོཿ དགོངས་སུ་གསོལ་ལོ༔ འདིར་འདུས་རྡོ་རྗེ་སློབ་དཔོན་གྱིས་གཙོས་རྡོ་རྗེའི་མཆེད་དང་ལྕམ་དྲལ་གྱི་ཚོགས་དང་བཅས་པ་རྣམས་ཀྱིས་རྒྱུ་བསོད་ནམས་ཀྱི་ཚོགས་ལ་བརྟེན་ནས་འབྲས་བུ་ཡེ་ཤེས་ཀྱི་ཚོགས་གཉིས་རྫོགས་པ་དང་༔ དམ་ཚིག་ཉམས་ཆག་ཐམས་ཅད་བསྐང་བའི་ཆེད་དུ་ལོངས་སྤྱོད་ཚོགས་ཀྱི་འཁོར་ལོ་ལ་ཐུགས་གཏད་པར་ཞུ༔ ཞེས་གསོལ་ལོ༔ དེ་ནས་བསྐང་རྫས་བྱིན་བརླབས་ནི༔ སརྦ་དྷརྨ་ག་གཱ་ན་ཨཱཿ ཨོཾ་སྭ་བྷཱ་ཝ་སོགས༔ མཆོད་རྫས་དང་བསྐང་རྫས་ཀྱི་དངོས་པོ་ཐམས་ཅད་སྟོང་པ་ཉིད་དུ་གྱུར༔ སྟོང་པའི་ངང་ལས་མཁའ་ _UNKཿ དབྱིངས་རྣམ་པར་དག་པའི་ཀློང་དུ་དབུས་སུ་ཨོཾ་ལས་བེེ་ཌཱཪྻ༔ ཤར་དུ་བྷྲུྃཿལས་ཤེལ༔ ལྷོ་རུ་ཏྲཱཾཿལས་གསེར༔ ནུབ་ཏུ་ཧྲཱིཿ ལས་ཟངས༔ བྱང་དུ་ཧཱཿལས་ལྕགས༔ དེ་རྣམས་ལས་གྲུབ་པའི་ས་གཞི་རྒྱ་ཆེ་ལ་ཁྱོན་ཡངས་པ༔ ངོས་འཇམ་ཞིང་ཁོད་སྙོམས་པ་མཛེས་ཤིང་ཡིད་དུ་འོང་བའི་དབུས་སུ་མཆོད་རྫས་བཤམས་པའི་དངོས་པོ་དང་༔༷ སྣོད་བཅུད་འབྱུང་བའི་དྭངས་མ་ཐམས་ཅད་འོད་ཕུང་ཁ་དོག་ལྔ་ལྡན་གྱི་རྣམ་པར་ཚུར་འདུས་ཏེ་ཡོངས་སུ་གྱུར་པ་ལས༔ མཐུན་རྫས་རྣམ་པ་སྣ་ཚོགས༔ མཆོད་རྫས་རྣམ་པ་སྣ་ཚོགས༔ བསྐང་རྫས་རྣམ་པ་སྣ་ཚོགས༔ རྟེན་རྫས་རྣམ་པ་སྣ་ཚོགས༔ སྒྲུབ་རྫས་རྣམ་པ་སྣ་ཚོགས༔ གཞན་ཡང་རི་དྭགས་གཡུང་དྭགས་ཆུ་གནས་དང་བྱ་རིགས་ལ་སོགས་མདོར་ན་ལྷ་ཀླུ་མིའི་ལོངས་སྤྱོད་འདོད་རྒུའི་དཔལ་ཡོན་ཕུན་སུམ་ཚོགས་པ་མ་ཚང་བ་མེད་པ་ནམ་མཁའི་མཐའ་དང་མཉམ་པར་གྱུར༔ ན་མཿསརྦ་ཏ་ཐཱ་ག་ཏ་བྷྱོ་སོགས་དང་རྟེན་སྙིང་བཅས་ལན་གསུམ་རེ་བརྗོད༔ དེ་ནས་ཚོགས་བསྒྲལ་གྱི་སྐབས་སུ༔ ཚོགས་སྣོད་དེ་ཉིད་ཨེཿལས་གནམ་ལྕགས་ཀྱི་ཁང་སྒྲོམ་ནག་ལ་གཏིང་ཟབ་པའི་ནང་དུ་ཚོགས་རྫས་དེ་ཉིད་དགྲ་བགེགས་དངོས་སུ་གསལ་བར་གྱུར༔ རང་ཉིད་ ཡི་དམ་གྱི་ཐུགས་ཀ་ནས་ལས་བྱེད་སྤྲུལ་པའི་ཕོ་ཉ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་ཐོགས་པ་དཔག་ཏུ་མེད་པ་འཕྲོས་པས་དགྲ་བགེགས་ཐམས་ཅད་རང་དབང་མེད་པར་བཀུག་ནས་ཚོགས་རྫས་རཱུ་པ་ལ་ཐིམ་པར་གྱུར༔ ན་མོ༔ དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་བདེན་པ་དང་༔ དོན་དམ་ཆོས་ཉིད་ངོ་བོ་གདོད་ནས་རྣམ་པར་དག་ཅིང་༔ ཀུན་རྫོབ་རྟེན་འབྲེལ་བསླུ་བ་མེད་པ་རྒྱུ་འབྲས་ཟབ་མོའི་བདེན་པས༔ སྤྱིར་སངས་རྒྱས་ཀྱི་བསྟན་པ་བཤིག་པའི་ལག་དམར༔ དམ་པའི་ཆོས་ཁྲིམས་བཤིག་པའི་དམ་ཉམས༔ དགེ་འདུན་འདུ་སྒོ་འཕྲོག་པའི་བདུད་སྡེ༔ ཆོས་བྱང་ཆུབ་བསྒྲུབ་པ་ལ་བར་དུ་གཅོད་པར་བྱེད་པ༔ ཉམས་ཏིང་ངེ་འཛིན་ལ་བར་དུ་གཅོད་པར་བྱེད་པ༔ ས་ལམ་གྱི་ཡོན་ཏན་ལ་བར་དུ་གཅོད་པར་བྱེད་པ༔ ཚེ་བསོད་དཔལ་འབྱོར་ཆོས་སྲིད་བདེ་སྐྱིད་ལ་བར་དུ་གཅོད་པར་བྱེད་པའི་གཟུགས་ཅན་གཟུགས་མེད་དགྲ་བགེགས་གནོད་བྱེད་ཐམས་ཅད་ཚོགས་ཕུད་གསུམ་པ་དམིགས་པའི་རྟེན་འདི་ལ་ཁུག་ཅིག༔ ཛཿ ཧཱུྃ་བཾ་ཧོཿ བསྡུ་ན་གོང་གི་བདེན་བརྗོད་མཐར༔ ཉི་མ་ཕྱོགས་བཞི་མཚམས་བརྒྱད་སྟེང་འོག་བར་གསུམ་ནས་གནོད་ཅིང་འཚེ་བར་བྱེད་པའི་དགྲ་བགེགས་གདུག་པ་ཅན་སྡང་སེམས་ ཿ དང་ལྡན་པ་ཐམས་ཅད་ཚོགས་ཕུད་གསུམ་པ་བསྒྲལ་བའི་རྫས་འདི་ལ་ཁུག་ཅིག༔ བསྟིམས་ཤིག༔ ཛཿ ཧཱུྃ་བཾ་ཧོཿ གྲངས་ནི་སྐབས་དང་བསྟུན་ནོ༔ དེ་ནས་ལྷག་མ་བྱིན རླབས་ལ་དང་པོ༔ ཧོཿ ཞལ་ཟས་ཚོགས་ཀྱི་ཕུད་ཕུལ་བ་དང་༔ དངོས་གྲུབ་ལ་རོལ་པ་སོགས་གྲུབ་ཟིན་ཏེ༔ སླར་ཡང་ལྷག་གཏོར་འདོད་རྒུའི་དཔལ་ཡོན་དུ་སྤེལ་ཞིང་འབུལ་བ་ལ་ཐུགས་གཏད་པར་ཞུ༔ ཞེས་ཞུས་མཐར༔ ཨོཾ་བཛྲ་ཨ་མྲྀ་ཏ་སོགས༔ ཨོཾ་སྭ་བྷཱ་ཝ་སོགས༔ སྟོང་པའི་ངང་ལས་ཨཱཿལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ་ལྷག་མའི་གཏོར་མ་ཤ་རི་ཁྲག་གི་རྒྱ་མཚོ་དཀར་གསུམ་དང་མངར་གསུམ་བཟའ་བཅའ་བཏུང་བ་ལྡག་གཞིབ་འདོད་རྒུའི་དཔལ་ཡོན་ཕུན་སུམ་ཚོགས་པ་ཟད་མི་ཤེས་པའི་གཏེར་ཆེན་པོར་གྱུར༔ ཨོཾ་ཨཱཿ ཧཱུྃ་ཧ་ཧོ་ཧྲཱིཿ ཨོཾ་ཨ་ཀཱ་རོ་སོགས་བརྗོད་ལ་བྱིན་བརླབས༔ དེ་ནས་གཏོར་མ་སྤེལ་བ་ལ༔ ཨེ་ཡིག་ནག་པོ་ཡོངས་སུ་གྱུར་པ་ལས་ལས་ཀྱི་གཤིན་རྗེའི་བཙོན་ཁང་རྒྱ་ཆེ་ལ་གཏིང་ཟབ་པའི་ནང་དུ་གཏོར་མ་དེ་ཉིད་དགྲ་བགེགས་དངོས་སུ་གསལ་བར་གྱུར༔ ན་མོ༔ དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་ཚོགས་ཀྱི་བདེན་པས༔ དགྲ་བགེགས་གནོད་བྱེད་ཐམས་ཅད་ཤ་ཁྲག་དམར་གྱི་ གཏོར་མ་འདི་ལ་ཁུག་ཅིག༔ ལན་གསུམ་བརྗོད་མཐར༔ བདག་མདུན་གྱི་སྐུ་ལས་ཐུན་མཚོན་སྣ་ཚོགས་ཀྱི་ཆར་ཕབ་པས་དགྲ་བགེགས་ཀྱི་གཟུགས་ཕུང་ཁྲོལ་གྱིས་ཞིག་སྟེ་རྣམ་པར་ཤེས་པ་ཨཿཡིག་དཀར་པོར་གྱུར་པ་མདུན་བསྐྱེད་ལྷའི་ཐུགས་ཀར་བསྟིམ༔ ཚེ་བསོད་ནྲྀཿ ཡིག་ལྗང་གུའི་རྣམ་པར་རང་ལ་ཐིམ་སྟེ་གཟུགས་ཕུང་དེ་ཉིད་ཤ་ཡི་རི་བོ༔ ཁྲག་གི་རྒྱ་མཚོ༔ སྣང་སྲིད་ཀྱི་ཁམས་ཐམས་ཅད་ཡོངས་སུ་གང་བ་ངོ་བོ་བདེ་སྟོང་ཟག་པ་མེད་པ་ཡེ་ཤེས་ཀྱི་བདུད་རྩིའི་རང་བཞིན་དུ་གྱུར༔ ཨོཾ་ཨཱཿ ཧཱུྃ་ཧ་ཧོ་ཧྲཱིཿ ལན་གསུམ་དེ་ནས་བརྟན་མ་བྱིན་རླབས་ལ༔ རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་འདོད་རྒུའི་དཔལ་ཡོན་ཕུན་སུམ་ཚོགས་པ་ཟད་མི་ཤེས་པའི་གཏེར་ཆེན་པོ་ནམ་མཁའི་མཐའ་ཀླས་པར་གྱུར༔ ཨོཾ་ཨཱཿཧཱུྃ༔ ལན་གསུམ༔ བྲོ་མནན་སྐབས༔ གཏོར་གཞོང་ཁ་སྦུབས་པ་དང་དུས་མཚུངས་པར་མི་མཐུན་པའི་ཕྱོགས་ཐམས་ཅད་ནུབ་