Tibetan
རློབས༔ བར། ཕཊ༔ བདག་གི་ཚེ་རབས་སོགས་ཡིག་བརྒྱར་དྲིལ་གསིལ། ཕཊ༔ བདག་གི་དུས་གསུམ་སོགས་ལན་གསུམ། ཕཊ༔ སྣོད་བཅུད་སྣང་སྲིད་སོགས། ཆེན་པོར་སྤྱོད༔ ཕཊ་ཕཊ་ཕཊ༔ ཨོཾ་ཡེ་ངྷརྨ་སོགས། དཀོན་མཆོག་གསུམ་གྱི་སོགས། ཕུན་ཚོགས་བཀྲ་ཤིས་ཤོག༔ ཅེས་ཌཱ་འུར་ཆེམས་སུམ་ཕྲུགས་མཐར་བཞག་ཐབས་བྱ། དེ་ནས་རྒྱུན་སྲོལ་སྨོན་ལམ་གང་འོས་ཀྱིས་ལེགས་པར་གྲུབ་བོ།། ཞེས་པའང་བློ་གསར་བུ་རྣམས་ལ་ཕན་པའི་ཕྱིར་དུ་འཇིགས་བྲལ་ཡེ་ཤེས་རྡོ་རྗེས་ཟིན་བྲིས་སུ་བཏབ་པ་དགེ། TI1611 - 447 T11611 - 448 ༄༅། །མཁའ་འགྲོ་ཁྲོས་མའི་འདུལ་གྱི་འདོན་འགྲིགས་ཟིན་བྲིས་བཞུགས། ན་མོ་གུ་རུ་བཛྲ་ཀྲོ་ངྷི་ཀ་ལི་ཡེ། འདིར་ཟབ་མོ་གཅོད་ཀྱི་གདམས་པ་མཁའ་འགྲོ་འདུས་པའི་དཀྱིལ་འཁོར་ལ་བརྟེན་ནས་འདུལ་གྱི་ལག་ལེན་འདོན་འགྲིགས་ཟིན་བྲིས་སུ་འགོད་པ་ལ། བཅས་ཤོམ་གྱི་རིམ་པ་རྣམས་མཐོང་བརྒྱུད་བཞིན་ཚོགས་པར་བྱས་ཏེ ཆོ་ག་དངོས་ལ། ཐོག་མར་དབང་སྡུད་ཟིལ་གནོན་པདྨ་རྒྱས་པའི་ཆུན་འཕྱང་བཞིན། ཕཊ་ཕཊ་ཕཊ༔ རང་ཉིད་སྐད་ཅིག་གིས་སོགས་ནས། མཐོང་གྲོལ་ཤོག༔ ཅེས་དང་། ཉིན་ཞག་སྦྲེལ་མའི་ཚེ་སེང་གེའི་ང་རོ་གཉིས་རེས་མོས། འདིར་སྨྱོན་པ་སོགས་གདོན་ཚབ་ཆེ་བ་ལ་གཡང་གཞིས་བྲབ་དགོས་པ་བྱུང་ཚེ་གཅོད་ཡུལ་ལྷ་མོའི་གར་མཁན་ལས། ཕཊ་ཕཊ་ཕཊ༔ རང་ཉིད་སྐད་ཅིག་གིས་སོགས་ནས། གྱིས་ཤིག༔ ཕཊ་ཕཊ་ཕཊ༔ ཅེས་སྦྱར་མཐར་ཟིལ་གནོན་བྱ། གང་ལྟར་ཡང་མཐར་དཀར་འགྱེད་གཏོང་། དེ་ནས་སྔོན་འགྲོ། ཀྱེེ༔ རྒྱལ་དང་རྒྱལ་སྲས་སོགས་ནས། ད་འཁོར་འདས་དག་མཉམ་ཨ་ལ་ལ༔ ཕཊ་ཕཊ་ཕཊ༔ བར། ཧཱུྃ༔ ཨོ་རྒྱན་ཡུལ་གྱི་སོགས་ཚིག་བདུན་གསོལ་འདེབས་ལན་གསུམ། སྤྲོས་བྲལ་ཆོས་དབྱིངས་མ་ལྷུ་གསུམ། ཨེ་མ་ཧོཿ རྒྱལ་ཀུན་དགོངས་པ་སོགས་དགོངས་པའི་གནད་བསྐུལ། བརྒྱུད་པའི་གསོལ་འདེབས། སྐུ་ཕྲེང་གསོལ་འདེབས། མཁའ་འགྲོའི་གསོལ་འདེབས་དབང་བཞིའི་ཆུ་རྒྱུན སྒོ་གསུམ་རྡོ་རྗེའི་གྲོང་འཕོ་བཅས་བྱ། དེ་ནས་ལས་བྱང་རྒྱས་འབྲིང་གཉིས་གང་འོས་ཀྱི་T11611 - 449 སྐྱབས་སེམས་ནས་བཟུང་བསྟོད་པའི་བར་དུ་བཏང་། ཛཔྲ་དགོངས་གསལ་བཏབ་ནས་བསྙེན་སྒྲུབ་ལས་གསུམ་གྱི་བཟླས་པ་ཅི་འགྲུབ་མཐར་བསྙེན་བསྟོད་བྱས་ལ། སྲོག་བདག་རྣམ་བཞི་དང་གཟའི་གསོལ་མཆོད་སོགས་ཀྱི་རྗེས་ཁྲ་འགྱེད་གཏོང་། དེ་ནས་བཤགས་པ་རྒྱས་བསྡུས་གང་འོས་མཐར་ཚོགས་བསྐང་ནས་དངོས་གྲུབ་རོལ་པའི་བར་དུ་བཏང་རྗེས། འདུལ་དངོས་ལ་སྲི་འདུལ་གཞུང་བཞིན། ཕཊཊཊ༔ ང་ནི་ཁྲོས་མ་ནག་མོ་སོགས་ནས ལས་མཛོད་ཅིག༔ བར་འདིར་མཁའ་འགྲོ་འབུམ་བསྐུལ། ཕཊཊཊ༔ ཆོས་དབྱིངས་དབུས་མཐའ་སོགས་ནས། ཙམ་ཡང་མེད་པར་མཛོད༔ ཅེས་དང་། སྲོག་བདག་རྣམ་བཞིའི་བསྐུལ་བ་གཉན་ཆ་ཆེ་བས་དཀྱུས་སུ་མི་བྱ། དེ་ནས་གཟུ་དཔང་། ན་མོ༔ དཀོན་མཆོག་གསུམ་པོ་སོགས་ནས། ས་མ་ཡ༔ སྲི་འདུལ་བཞིན་ཨེ་ཁང་བསྐྱེད་པ། ཕཊཊཊ༔ ཨེ་བཾ་ལཾ་རཾ་སོགས་ནས། གཉིས་མེད་དུ་ཐིམ་པར་གྱུར༔ ཕཊ༔ ན་མོ༔ དཀོན་མཆོག་གསུམ་དང་སོགས་འགུག་གཞུག་བརྒྱ་རྩ་སོགས་ཅི་མང་མཐར། ཕཊཊཊ༔ ཧཱུྃ༔ སྟེང་ཕྱོགས་ནམ་མཁའི་སོགས་ཕོ་ཉ་འགྱེད་པ་ནས་གབ་བསྐུང་དབྱུང་བའི་བར་བཏང་ལ་མཚམས་རྣམས་སུ་བྱང་བུ་བྱོ་བླུགས་བྱས་ལ་ཁུག་མ་ཁུག་ལེགས་པར་བརྟག །དེ་ནས་འོག་གི་སྲི་གཤིན་དབྱེ་བ། ཕཊཊཊ༔ རང་ཉིད་ཁྲོས་མའི་ཐུགས་ཀ་ནས་སོགས་ནས། མི་མཐོང་བར་གྱུར༔ ཕཊཊཊ༔ ཡང་འོག་གི་ཕུར་པ་བསྐྱེད་ཆོག །བདག་ཉིད་ཁྲོས་མའི་T11611 - 450 ༄༅། །ཕྱག་གཡས་སོགས་ནས། ས་མ་ཏི་སྟྭཾ༔ ཕཊཊཊ༔ གོང་གི་དབང་བསྐུར། ཨོཾ༔ ཡེ་ཤེས་སྐུ་ཡི་སོགས་ནས། ཀརྨ་ཨ་བྷི་ཥིཉྩ་ཧཱ༔ འོག་གི། ཅེས་བརྗོད་པས་ཕུར་པའི་ཚྭ་ཚྭ་སོགས། བིགྷྣན་བཾ་ཧཱུྃ་ཕཊ༔ གོང་གི་ཚེ་ལུང་། སྐུ་གསུམ་ལྷུན་གྲུབ་ཀྱི་སོགས་ནས་ཁྲུས་ལུང་གི། ཨ་པ་ན་ཡེ་སྭཱ་ཧཱ༔ འོག་གི་ཕུར་གདབ། ཨོཾ༔ སྐུ་གསུམ་ལྷུན་གྲུབ་སོགས་ནས། ཀུན་ཏུ་བཟང་པོའི་ས་ཐོབ་ཤོག༔ ཕཊཊཊ༔ གོང་གི་གནས་ལུང་། གྲི་སྲི་གནོད་བྱེད་སོགས་ནས། སངས་རྒྱས་པར་བསམ༔ ཕཊཊཊ༔ གོང་གི་ཐུན་བཞི་གདབ་པ། ཕཊཊཊ༔ ཧཱུྃ༔ ང་ནི་ཁྲོས་མ་ནག་མོ་སོགས་ཀྱི་མཐར་འོག་གི་མཚོན་ཆ་སྣ་ཚོགས་ཀྱིས་གདབ་པ། ཧཱུྃ་ཕཊ༔ མ་ཁྲོས་མ་ནག་མོའི་སོགས་དང་། ཐུན་རྫས་སྣ་ཚོགས་གདབ་པ། ཧཱུྃ༔ ཕུར་ཐུན་དྲག་པོས་སོགས་ནས། མཱ་ར་ཡ་རྦད་སོད༔ འོག་གི་འདུལ ཆས་རྣམས་ཀྱིས་གདབ་པ། ཕཊཊཊ༔ མ་སྐུ་གསུམ་སོགས་ནས། སརྦ་ཏྲི་ཛཿ རྦད་ནན༔ གོང་གི་ཐོ་བརྡུང་། ཕཊཊཊ༔ དབུས་ཕྱོགས་གཏུམ་དྲག་སོགས་ནས། ཏ་ཐ་ཡ་རྦད་ཕཊ༔ འོག་གི། བྱུ ཕཊ༔ ཨེ་ལས་གནམ་ལྕགས་ཀྱི་ཁང་སྒྲོམ་སོགས། བཞུགས་པར་བསྒོམ༔ ཕཊཊཊ༔ ཡང་འོག་གི། ཕཊཊཊ༔ བདག་གི་རིག་པ་སོགས་མཐར་ཆགས་སུ་བཏང་ལ་སྔགས་ཅི་འགྲུབ་བཟླས་མཐར་དམར་འགྱེད་Tl1611 - 451 གཏོང་། འདུལ་དཀར་བྱང་ཆོག་ཚེ་འདས་རྗེས་འཛིན་གནས་ལུང་ཁྲུས་ལུང་ལྟར་རམ། གཤིན་པོ་རྗེས་འཛིན་ཐར་པའི་ཐེམ་སྐས་གང་འོས་བྱ། དེ་ནས་ལྷག་མ་དང་བསྐུལ་བ་ཆད་བརྟན་ནས་ཉེར་བསྡུ་བསྔོ་སྨོན་ཤིས་བརྗོད་ཀྱི་བར་མཐར་དབྱུང་ངོ་།། ༈ ཉིན་རྗེས་མའི་སྐབས་སུ་གོང་གི་འདུལ་ནག་གྲུབ་པ་དང་མེ་ཧོམ་བསྲེག་རྫས་ཤིང་བྱང་རྩང་སོགས་མར་ནག་དང་སྦྱར་ཏེ་མཁའ་འགྲོའི་མེ་གཏད་ཟབ་མོ་བཞིན་ཧོམ་མཆོད་བྱས་མཐར་འདུལ་དཀར་སྔར་བཞིན་གྱིས་མཚན་བྱང་བཞུ། ལྷག་མའི་མཇུག་ཏུ་ཟུར་བྱང་བཞིན། ཛཿ རྡོ་རྗེའི་རིགས་ཀྱི་སོགས་ཀྱིས་སྒོ་དབྱེ་བྱའོ། ། ༈ དེ་ནས་ཟོར་ལས་རྒྱས་པར་སྤྲོ་ན། ཕྱི་རོལ་གོམ་པ་བདུན་ཅུའི་སར་རམ་ནད་པ་གདོན་ཅན་སོགས་ལ་གཏོར་རྒྱག་བྱེད་སྐབས་ནད་པའི་མདུན་དུ་རེ་ནག་བཀྲམ་པར་ལིངྒ་བཀོད་ལ་འདི་ཉིད་ནད་འདྲེ་གདོན་བགེགས་དངོས་སུ་དམིགས་ལ་གདབ་པ་སྟེ། གང་ལྟར་ལས་བྱང་རྒྱས་པ་བཞིན་བསྐུལ་གཏོར་ལ་དམིགས་བྱ་འགུགས་བསྟིམས་དང་བཅས་བསྐུལ་བ་དང་ཆད་མདོ་བསྒྲགས་མཐར་འོག་གི་ཟོར་ལས། ཧཱུྃ༔ ང་ནི་ཁྲོས་མ་སོགས་རིམ་པར་མཁའ་འགྲོ་རེ་རེ་བཞིན་དུ་མཇུག་གི་དྲག་སྔགས། ཨོཾ་ཤྲཱི་བཛྲ་ཀྲོ་དྷི་སོགས་སྦྱར་ལ་གཏོར་མ་དགུ་པོ་སོ་སོར་འཕེན། དེ་ནས། ཕཊ༔ དཀར་མོ་ཤ་ཟ་སོགས་ལ་དྲག་སྔགས་གོང་བཞིན་སྦྱར་ཏེ་གཏོར་ཟོར་རྣམས་སོ་སོར་འཕང་མཐར གོང་གི། ཕཊ༔ ང་ནི་ཁྲོས་མ་སོགས་ནས། འབྲུག་ལྟར་ལྡིར༔ འོག་གི། ཕུར་པའི་དབལ་ཟོར་ཤ་ར་ར༔ སྡང་བའི་དགྲ་ལ་དྲག་ཏུ་འཕེན༔ དགྲ་དཔུང་སོགས་ ༄༅། །མཇུག་གི་སྔགས་བཅས་ཀྱིས་འཕེན། དེ་བཞིན་དུ་འགྲེས་སྦྱར་ལ་ཟོར་ཆ་དགུ་པོ་ལྷུ་སོ་སོར་ཕྲལ་ཏེ་འཕང་ལ་རྗེས་བཅད། ཡང་ཟོར་ལས་བསྡུས་པའི་ཚེ། གོང་གི། ཕཊ༔ ང་ནི་ཁྲོས་མ་སོགས་ནས། གཏོར་ཟོར་ཐོག་ལྟར་འབེབས༔ འོག་གི། སྡང་བའི་དགྲ་ལ་སོགས་དྲག་སྔགས་བཅས་ཕྱོགས་དང་བསྟུན་ལ་འཕང་། དེ་ནས་བརྟན་མ་བསྐྱང་བ་གཞུང་བཞིན་མཐར་མནན་པ་ལ། སྒོ་དྲུང་སོགས་གང་དུ་མནན་པའི་ས་དམིགས་སུ་དོང་གྲུ་གསུམ་བྲུས་པར་སྔར་གྱི་སྲེག་ཐལ་རྣམས་བླུགས་ལ། མེ་གཏད་མཇུག་གི། ཕཊཊཊ༔ རང་ཉིད་ཁྲོས་མ་ནག་མོ་སོགས་ནས། བཛྲ་ས་མ་ཡ༔ ལས་བྱང་གི་བྲོ་བརྡུང་། ཕཊཊཊ༔ དབུས་ཕྱོགས་ལྷུན་གྲུབ་སོགས་ཀྱི་མཐར་ཕྱི་ལམ་བཅད་པའི་ཁྱུང་ཐོ་བཞག་ལ་ནང་དུ་ལོག་ནས་དམར་འགྱེད་གཏོང་། དེ་ནས་བླ་ཚེ་འགུགས་པ་ཐུགས་རྗེའི་ལྕགས་ཀྱུ། ཧཱུྃ༔ ཆོས་སྐུ་ཡུམ་ཆེན་སོགས་ནས། སརྦ་སིདྡྷི་ཧྲཱིཿ གཞུང་གི་དངོས་གྲུབ་ལེན་པ། ཕཊ༔ ཆོས་སྐུ་ཡུམ་ཆེན་སོགས་ཀྱི་མཐར་སྒྲུབ་གཏོར་དང་ཚེ་རིལ་ཆང་སོགས་དངོས་གྲུབ་ལ་ལོངས་སྤྱད། དེ་ནས་གཏང་རག་གི་མཆོད་བསྟོད་སོགས་ནས་བཀྲ་ཤིས་ཀྱི་བར་མཐར་དབྱུང་བས་ལེགས་པར་གྲུབ་བོ། །ཞེས་པའང་བླ་མ་དམ་པའི་ཕྱག་བཞེས་བཞིན་འཇིགས་བྲལ་ཡེ་ཤེས་རྡོ་རྗེས་བརྗེད་བྱང་ཟིན་བྲིས་སུ་བཏབ་པ་དགེ། TI1611 - 454 ༄༅། །གཏེར་གསར་མཁའ་འགྲོ་ཁྲོས་མའི་མེ་མཆོད་ཟིན་བྲིས་བཞུགས། ཨོཾ་སྭསྟི ཁྲོས་མའི་མེ་མཆོད་སྐབས་རྒྱས་པར་ལས་བཞི་སོ་སོར་ཕྱེས་ཏེ་བྱ་བར་འདོད་ན་ཐབ་དང་རྫས་དང་ཆོ་གའི་ལས་རིམ་ཐམས་ཅད་སོ་སོའི་ངེས་པ་བཞིན་ལག་ཏུ་བླངས་པས་ཆོག་ལ འདིར་ལས་བཞི་ལྷུན་གྲུབ་ལྟར་ན་ཐབ་སྟེགས་གཞི་སེར་པོ་ལ་མཚལ་གྱི་ཆོས་འབྱུང་བསྣོལ་མའི་ལྟེ་བར་རཾ་ཡིག་གིས་མཚན་པའི་མཐའ་སྐོར་མུ་རན་སོར་བཞི་པ་ལ་རྡོ་རྗེ་ནོར་བུ་པདྨ་རྒྱ་གྲམ་རྣམས་སྤེལ་མའི་ཕྲེང་བ་དང་། ཁ་ཁྱེར་སོར་བཞི་པ་ལ་མེ་རི་གཡས་བསྐོར་དུ་འབར་བ་བྲི། བྲིས་ཐབ་མི་འགྲུབ་ན་འབྲུ་དཀར་དྲིས་སྦག་པས་ཚོམ་བུ་གྲུ་བཞི་གཅིག་བཀོད་པས་ཀྱང་རུང་སྟེ། གང་ལྟར་ཡང་དེར་འབྲས་བུ་ཅན་གྱི་བུད་ཤིང་གིས་ཐབ་ཁུང་གྲུ་བཞིར་བརྩིགས་ལ་མེ་ཚང་བཅའ། བསྲེག་རྫས་སྟར་ཁམ་སོགས་འབྲས་བུ་ཅན་གྱི་ཡམ་ཤིང་མཐོ་གང་བ་སྣེ་གཉིས་མར་དང་སྦྲང་རྩིས་ཉུག་པ། རྩི་མར་རམ་ཏིལ་སོགས་འབྲུ་མར་གྱི་ཁུ་བ། བདུད་རྩི་ཨ་མྲྀ་ཏ་སྦྱར་བའི་ཟས་མཆོག །འབྲུ་སྣ་སྨན་སྣ།ཤིང་ཏོག། དཀར་མངར། མྱོས་བྱེད། ཡུངས་ཀར། དར་གོས། རིན་ཆེན་སོགས་ཅི་འབྱོར་པ་དང་།གཏོར་མ་སྨན་རཀ་ཉེར་སྤྱོད་བཅས་བཤམ། ཁྲོས་ཆུང་ལྟ་བུའི་བདག་བསྐྱེད་སྔོན་དུ་འགྲོ་བས་མཆོད་རྫས་བསྲེག་རྫས་རྣམས། ར་ཡ་ཁ་གིས་བསང་སྦྱང་། ཨོཾ་ཨཱཿ ཧཱུྃ་མང་དུ་བཟླ་ཞིང་ལས་བྱང་ལྟར་བྱིན་བརླབ། ཨོཾ་བཛྲ་ཛྭ་ལ་རཾ། ཞེས་མེ་དུ་བ་མེད་པ་ཐབ་ཏུ་བཅུག། ཧཱུྃ་ལན་གསུམ་དང་བཅས་རླུང་གཡབ་ཀྱིས་མེ་སྦར་ལ་མར་ཁུའི་ཐིག་པས་ཀྱང་གསོ། ཐབ་ལས་སྔགས་ཀྱིས་བསང་། སྭ་བྷཱ་ཝས་སྦྱང་། ཕཊ༔ འདི་ལྟར་སྣང་བའི་སོགས་ལྷ་བསྐྱེད་ནས་བསྟོད་པའི་བར་བཏང་ལ། དགང་བླུགས་ཀྱིས་མར་ཁུ་འབུལ་བཞིན་རྩ་སྔགས་ལ། ཨ་མྲྀ་ཏ་ཁཱ་ཧི། ཞེས་བཏགས་པ་ལན་བདུན་ནམ་ཉེར་གཅིག་སོགས་ཕུལ་མཐར རྣལ་འབྱོར་པ་བདག་ཅག་འཁོར་དང་བཅས་པའི་དམ་ཚིག་ཉམས་ཆག་ཉེས་ལྟུང་མ་དང་མཁའ་འགྲོ་གཡེལ་ཞིང་འཁྲུགས་པའི་གནས་སུ་གྱུར་པ་ཐམས་ཅད་ཞི་ནས། ཐུན་མོང་ལས་བཞི་གྲུབ་པ་བརྒྱད་དང་ཐུན་མིན་བདེ་སྟོང་ཕྱག་རྒྱ་ཆེན་པོ་མཆོག་གི་དངོས་གྲུ་ཚེ་འདི་ཉིད་ལ་ཐོབ་པར་མཛད་དུ་གསོལ། ཅེས་འདོད་དོན་གསོལ། དེ་ནས་རྫས་རྣམས་རྩ་སྔགས་ཁོ་ནས་འབུལ་ཞིང་བར་མཚམས་སུ་ལས་བཞིའི་ཤམ་བུ་གཞུང་ལྟར་རམ། སྤྱི་ཁྱབ་ཏུ་གོང་བཞིན་འདོད་དོན་གསོལ་མཐར། སརྦ་ཀརྨ་ཀུ་རུ་སིདྡྷི་ཧོཿ ཞེས་སྦྱར། གྲངས་རྫོགས་པ་ན་སྔར་བཞིན་དགང་བླུགས་ཕུལ་མཐར། མཆོད་བསྟོད་དང་ལས་བྱང་ལྟར་དངོས་གྲུབ་བླང་ཞིང་ནོངས་པ་བཤགས། ཧོཿརང་ལས་ཤར་བའི་མེ་ལྷ་ཉིད། །རང་རིག་ཆོས་སྐུའི་ཀློང་དུ་སད། །ཨ་ཞེས་དམ་ཡེ་དབྱེར་མེད་རང་ལ་བསྡུས་ཏེ་མཉམ་པར་བཞག །དགེ་བ་བསྔོ་ཞིང་ཤིས་པ་བརྗོད་པས་མཐའ་བརྒྱན། མེ་རང་ཞིར་བཏང་བའམ་དྲི་ཆུས་གཞིལ་ཏེ་ཐལ་སོལ་སྒྲུབ་ཁང་གི་རྨང་འགྲམ་དུ་སྦ་བ་སོགས་གང་བདེར་བྱའོ། །ཞེས་པའང་ཀརྨ་རོང་གི་སྔགས་བཙུན་པདྨ་ཚེ་མཆོག་རྡོ་རྗེའི་ངོར་འཇིགས་བྲལ་ཡེ་ཤེས་རྡོ་རྗེས་སོ།། །། ༈ བསྙེན་པའི་ཁ་སྐོང་ ༄༅། །སྐབས། བདག་ཅག་རྣམས་ཀྱི་སྔགས་ཀྱི་ལྷག་ཆད་དམ་ཚིག་ཉམས་ཆག་ཉེས་ལྟུང་ནད་གདོན་སྡིག་སྒྲིབ་བག་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ།། །། ག མེ་མཆོད་གཉིས་སོ། ཟིན་བྲིས་T11611 - 457 T11611 - 457 T11611 - 458 ༄༅། །ན་མོ་གུ་རུ་ཛྙ་ན་ཌཱ་ཀི་ནཱི་ཡེ འདིར་ལུས་གདོན་མཁའ་འགྲོའི་ཞལ་བསྟབ་བམ་བསྟབ་པ་ཆ་བཅུར་གྲགས་པ་ཉིད་བྱ་བ་ལ། ནད་པའི་མདུན་དུ་འཕྱར་བ་ལྟ་བུའི་གཞི་གདན་བཏིང་བའི་དབུས་སུ་བམ་གཟུགས་ནད་པ་ཕོ་མོ་གང་ཡིན་གྱི་རྟགས་ཅན་ཆེ་བརྗིད་སྐྱེ་མཆེད་ཚང་བ་གན་རྐྱལ་དུ་བཞག དེའི་མཐའ་བསྐོར་གྱི་ཕྱོགས་བཞི་མཚམས་བཞི་དང་། སྟེང་དང་འོག་གཉིས་ཤར་ནུབ་ཀྱི་ཕྱི་ངོས་སུ་རྩིས་པར་དམར་གཏོར་གྲི་རིས་ཅན་མཛུབ་གང་བ་བཅུ་ཁ་ནང་བསྟན་དུ་འཇོག་ཅིང་། དེ་རེ་རེའི་རྒྱབ་ཏུ་ཆངས་བུ་རེ་དང་ཤ་དུམ་རེ་བཅས་བཀོད་ལ། ལྷ་འདྲེའི་ཚིག་ལོག་འདྲིལ་བ་ལྟར། ཕཊཊཊ༔ རང་ཉིད་སྐད་ཅིག་གིས་སོགས་གཡང་གཞི་བྲབ་པ་ལན་གསུམ་ནས། གྱིས་ཤིག༔ ཕཊཊཊ༔ དབང་སྡུད་ཟིལ་གནོན། ཕཊཊཊ༔ སྟོང་གསུམ་གྱི་སོགས། རྐང་གསུམ་ཌཱ་དྲིལ་འུར་ཆེམས་ཀྱིས། ཕཊ༔ མ་དབུས་ཕྱོགས་སོགས་མཐར་ཌཱ་བཅད་དེ། ཕཊ༔ ཡེ་གཞི་ཀ་དག་སོགས་ནས། དགོངས་པར་རོལ༔ ཅེས་ཌཱ་འུར་བཞག་ཐབས། བསྟབ་པ་གཞུང་གི་ཕཊ༔ རང་དང་བསྲུང་བྱའི་སོགས་ནས་འགུགས་གཞུག་ལ་རྐང་གསུམ་ཌཱ་འུར་ཉིས་བཅད། འགུགས་གཞུག་མང་ཉུང་དོ་གལ་དང་བསྟུན་ཅིང་ཉེར་གཅིག་གི་ཚེ་བདུན་རེའི་མཚམས་སུ་ཌཱ་རེ། འགུགས་པ་གྲུབ་ནས་བམ་རོ་བསིལ་ཏེ། མགོ་བོ་ཤར་གྱི་ཤར། ལག་གཡས་ཤར། ལག་གཡོན་ལྷོ། རྐང་གཡོན་ནུབ། རྐང་གཡས་བྱང་། ཁོག་སྟོད་ཕྱེད་བཤག་བཏང་བའི་རྩིབ་གཡས་ཤར་ལྷོ། ནུ་མའི་འོག་ནས་ལྟེ་བའི་བར་ བཅད་པ་ནམ་མཚུངས་ལྷོ་ནུབ། རྩིབ་གཡོན་ནུབ་བྱང་། ལྟེ་བ་མན་གྱི་སྨད་སྡེབ་རྒྱབ་ཕྱོགས་ཚང་ར་བྱང་ཤར། དེའི་མདུན་ཕྱོགས་ཟུར་དུ་དབྱེ་བ་ནང་རོལ་ནུབ་ཏུ་བཀོད་ལ། རྐང་བཞི་ཌཱ་འུར་སྤྱན་འདྲེན་རྟས། ཕཊ༔ མ་དབུས་ཕྱོགས་སོགས། བར་ཆད་སོལ༔ ཕཊཊཊ༔ ཅེས་ཌཱ་འུར་བཞག་ཕྱེད། མཆོད་གཡོག་གིས་ཐེབ་རྩེར་མགོ་བོ་བཤམས་པ་བཏེགས་ལ། ཁྲོས་ཆུང་རྟས། བསྲུང་བྱའི་ལས་དང་སོགས། ཞལ་དུ་བསྟབ༔ ཕཊཊཊ༔ ཅེས་ཕྱི་རོལ་གྱི་སྟེང་ཕྱོགས་སུ་འབུལ། གཏོར་མ་བཏེགས་ལ། གཏི་མུག་ལས་བྱུང་སོགས་ཀྱིས་གོང་གི་ཕྱོགས་སུ་ཕུལ། ཆངས་བུ་ཤ་དུམ་ཐོགས་ལ། གཏི་མུག་ལས་བྱུང་སོགས་ཀྱིས་གོང་ཕྱོགས་སུ་འཐོར། ཚོགས་བསྲེའི་རྟས། ནད་རྣམས་ལྷ་འདྲེའི་སོགས། ཆེན་པོར་ཡན༔ ཕཊཊཊ༔ ཡང་རྐང་གསུམ་ཌཱ་འུར་བཅས། ཕཊ༔ ཤར་ཕྱོགས་དྲག་ཁྲོས་སོགས་ནས་འོག་ཕྱོགས་ཀྱི་བར་འདོན་ལུགས་གོང་དང་འདྲ་བས་ཕྱོགས་མཚམས་རྣམས་སོ་སོའི་ཐད་དང་འོག་གི་བསྟབ་པ་ནུབ་ཕྱོགས་སུ་འབུལ་ཚུལ་མ་ནོར་བར་བྱ། མཐར་ཌཱ་འུར་ཟིལ་གནོན་རྟས། ནད་པའི་བླ་ཚེ་སོགས་ནས། ཉིད་དུ་བཞག༔ ཕཊཊཊ༔ ཅེས་ཌཱ་བཅད། འདིར་སྤྲོ་ན། ཆོས་ཉིད་སྒྱུ་མ་ལྟ་བུ་སོགས་སྦྱོར་བའམ། གང་ལྟར་ཡང་། ན་མོ། ཆོས་རྣམས་ཐམས་ཅད་སོགས་ལུས་སྦྱིན་མཐའ་སྡུད་བསྔོ་སྨོན་གྱིས་བསྡུས་ལ་བཀྲ་ཤིས་ཇི་ལྟར་རིགས་པ་བརྗོད་པས་གྲུབ་བོ། །ཞེས་པའང་བློ་དམན་མགོ་མི་འཁོར་བའི་ཆ་རྐྱེན་དུ་ཛྙཱ་ནས་སོ།།དགེའོ།། །། T11611 - 460 ༄༅། །ན་མོ་གུ་རུ་ཛྙཱ་ན་ཌཱ་ཀི་ནཱི་ཡེ། ཆངས་བུ་བརྒྱ་རྩ་གཏོང་ལུགས་ལ། སྣོད་ཆེ་བར་གཙང་མའི་ཟན་ལས་བསྔོ་ཡུལ་བུད་མེད་ནག་མོ་ཕག་གདོང་ཅན་གཡས་གྲི་གུག་འཕྱར་ཞིང་གཡོན་ཐོད་ཁྲག་དཀུར་བརྟེན་པ། ཞབས་འདོར་སྟབས་ཀྱིས་བཞེངས་ཚུལ། བེར་ནག་གཡང་ལུགས་སུ་བགོས་པ་མཐོ་གང་ལས་མི་ཆུང་བ་ལ་ཁྲག་ཀོང་བརྒྱད་ཀྱིས་བསྐོར་ནས་བཞག །གཞན་ཡང་ཆངས་བུ་ཤ་དུམ་ཏིང་ལོ་དང་ཡས་རྫས་རིགས་ཅི་འབྱོར་པ་བླུགས་ཀྱང་མི་འགལ། གྲངས་གསོག་སྐབས་བསྔོ་རྒྱུ་ནད་པའི་དྲིལ་ཟན་གྱི་ཆངས་བུ་བརྒྱ་སྟོང་གང་རིགས་དང་། ཤ་དུམ་གྲངས་དེ་མཚུངས་བཤལ་ཆུའི་འོ་ཆབ་བཅས་ཉེར་བསྡོག་བྱས་ལ། དངོས་གཞི་ནད་པ་མདུན་དུ་ཡོད་ཅིང་དོ་གལ་ཆེ་ན་གཡང་གཞི་བྲབ་པ་འདོན། མེད་ན་མི་དགོས། དབང་སྡུད་ཟིལ་གནོན་དང་སྐྱབས་སེམས་སོགས་ནས། དགོངས་པར་རོལ༔ བར་སོང་རྗེས། ཟིལ་གནོན་རྟས། ཕཊ༔ སྣང་སྲིད་སྟོང་ཉིད་སོགས ཆེན་པོར་རིག༔ ཕཊཊཊ༔ རྐང་བཞི་ཌཱ་འུར་བཅས་སྤྱན་འདྲེན་རྟས། ཕེཾ༔ ནམ་མཁའ་རྣམ་པར་སོགས། ལམ་སྣ་དྲོངས༔ ཕཊ༔ ཅེས་རྐང་གསུམ་ཌཱ་འུར་ནས་ཁྲོས་ཆུང་རྟས། བདག་དང་བསྲུང་བྱའི་སོགས། མཉེས་ཚིམས་གྱུར༔ ཕཊ༔ ཅེས་ཌཱ་འུར་བཞག་ཕྱེད། མཆོད་གཡོག་གིས་ཐེབ་རྩེར་ཆངས་བུ་ཤ་དུམ་བཤམས་པ་ཐོགས་ལ། ལྷུག་འདོན་གྱིས། ཕཊ༔ དཀོན་མཆོག་རྩ་གསུམ་སོགས། བྱང་གྱུར་ཅིག༔ ཕཊཊཊ༔ ཅེས་བསྔོ་ཡུལ་གྱི་སྣོད་དུ་བླུགས T11611 - 461 མཐར་བཤལ་ཆུ་ཐོགས་ལ། ཨོཾ་ཨཱཿ ཧཱུྃ་སོགས་ལན་གསུམ། ཀྱེེ༔ མ་རིག་འཁྲུལ་པའི་སོགས། དབྱིངས་ཐོབ་ཤོག༔ ཕཊཊཊ༔ ཅེས་བཤལ་ཆུ་ཡང་སྣོད་དུ་བླུགས། སླར་ཡང་ཆངས་བུ་ཤ་དུམ་ཐོགས་ལ་གོང་བཞིན་གྲངས་བསགས། མཐར་གྲངས་རྫོགས་ནས་ཌཱ་འུར་བཅས་ཟིལ་གནོན་རྟས། ཕཊ༔ མ་ཡུམ་ཆེན་སོགས་ནས། ཆེན་པོར་གྲོལ༔ ཕཊཊཊ༔ ཅེས་ཌཱ་བཅད། འདིར་ཆངས་གླུད་རྣམས་ཕྱི་རོལ་གྱི་ཕྱོགས་མཚམས་ཀུན་ཏུ་འཐོར། ན་མོ། ཆོས་རྣམས་ཐམས་ཅད་སོགས་ལུས་སྦྱིན་མཐའ་སྡུད་བཞིན་བསྔོ་སྨོན་མཐར་དབྱུང་ཞིང་བཀྲ་ཤིས་ཇི་ལྟར་རིགས་པ་བརྗོད་པས་གྲུབ་བོ། །ཞེས་པའང་ཛྙཱ་ནས་སོ། །དགེའོ།། TI1611 - 462 ༄༅། །མཁའ་འགྲོ་ཁྲོས་མའི་སྒོ་ནས་དུར་གཅོད་གཏོང་ལུགས་ནི། ཐོག་མར་འགག་གྲིར་ཤི་བ་ཡིན་ན་འགག་ཐག་གཅོད་པ་ལ། རོ་རྩར་སླེབ་མ་ཐག་ཏུ་དབང་སྡུད་ཟིལ་གནོན་བཏང་མཐར་དུར་གཅོད་དངོས་གྲུབ་བང་མཛོད་ལས། ཌཱ་འུར་རྐང་གསུམ་དབང་སྡུད་རྟས། ཕཊ༔ ང་ནི་ཁྲོས་མ་ནག་མོའི་སྐུ༔ སངས་རྒྱས་སོགས། མཱ་ར་ཡ་རྦད་སོད༔ ཕཊཊཊ༔ རྐང་གསུམ་ཌཱ་འུར་ཉིས་ཆོད་བྱས་ནས་བཞག །རང་རྟའམ་བེམ་ཚོགས་རྟས། ན་མོ་དཀོན་མཆོག་གསུམ་དང་སོགས། རྦད་རྦད་ཐུམ་སོད༔ བདེན་བརྗོད་ལན་གསུམ་བརྗོད་མཐར། མགུལ་ལུང་ནང་གི་སྐེ་རྒྱབ་ཀྱི་ཕྱོགས་ནས་གྲི་གུག་གམ་གྲི་སོ་ཐུར་བསྟན་གྱིས་བཅད་པའི་ཚེ། ཁམས་གསུམ་འཁོར་བའི་སོགས། ཕཊ༔ ཉེར་གཅིག་བརྗོད་མཐར། བསྡུ་ན་རོ་སྟེང་དུ་འདུག་སྟེ་ལུས་སྦྱིན་བྱ། རྒྱས་པར་སྤྲོ་ན་སྲི་ངན་འདུལ་བ་ནི། རང་ཉིད་ཡེ་ཤེས་ཀྱི་མཁའ་འགྲོ་མའི་སོགས། མེད་པར་བསམ༔ ཕཊཊཊ༔ ཌཱ་འུར་རྐང་གསུམ་དབང་སྡུད་རྟས། ཧཱུཾ༔ ང་ནི་ཁྲོས་མ་སོགས། གཅོད༔ ཕཊཊཊ༔ ཌཱ་འུར་ཉིས་ཆོད་བྱ། འཕོ་བའི་རྟས། ཧཱུྃ༔ ང་ནི་ཁྲོས་མ་སོགས། རོ་གཅིག་བསྲེས༔ ཕཊ༔ བར་དང་། ཁོང་གསེང་ལས། འཕོ་བ་དང་ལུས་སྦྱིན་བྱ། རོ་འདུལ་བྱ་བ་ནི། ཌཱ་འུར་རྐང་གསུམ་འདུལ་ནག་རྟས། ཧཱུྃ༔ ང་ནི་ཁྲོས་མ་ནག་མོའི་སོགས། ཐུན་ཆས་སོགས་འཛོམ་ན་རབ། མ་འཛོམ་ན་དམིགས་པ་བྱས་པས་ཀྱང་ཆོག །རྦད་རྦད་ནན་ནན༔ TI1611 - 463 ཌཱ་འུར་རྐང་གསུམ་རང་རྟས། ཕཊ༔ ཡངས་ས་ཡ་སོགས། མཱ་ར་ཡ་ནན༔ བར་གྱི་སྐབས་གཉིས་པ་ཡན་བྱས་ནས། ཌཱ་འུར་བཞག་ཐབས་དང་། མགུལ་ཐག་སྦྱིན་སྲེག་བྱའོ། ། ༈ བྱ་འབོད་འདོན་འགྲིགས་ལ། དང་པོ་བྱ་ཚང་དཀྲུགས་པ་ནི། དབང་སྡུད་ཟིལ་གནོན་མཐར། ཕཊ༔ ཡེ་གཞི་ཀ་དག་སོགས། དགོངས་པར་རོལ༔ ཕཊཊཊ༔ དུར་གཅོད་རྡོ་རྗེའི་ཁོང་གསེང་ལས། འཕོ་བའི་རྟས། ཕཊ༔ ཁྱོད་ལུས་སོགས། ས་ཐོབ་