Tibetan
ལ་འབད མཚམས་ཡུན་རིང་ཐུང་དང་ཐུན་བཞིའམ་གཉིས་སོགས་ཀྱི་བཅད་ཁྲིགས་དམ་བཅའ་དང་པོར་གང་བྱས་པ་དེ་ཉིད་མཐར་ཐོན་ངེས་པར་བྱ། འཚོ་ཆས་སོགས་ཚགས་སུ་མ་ཚུད་པས་ཅིས་ཀྱང་གཏོང་ལེན་མི་བྱ་ཀ་མེད་ཡོད་པ་དང་། སྒྲུབ་གཡོག་ཁྲོལ་ཅན་ལྷ་རྗེ་སོགས་སྒྲུབ་པའི་གྲོགས་སུ་འགྲོ་ངེས་པ་རྣམས་ཐོག་མ་ནས་དམིགས་འོག་ཏུ་འཇུག་ཅིང་ལར་ནས་དམ་བཅའ་སྐབས་འདིར་དངོས་སུ་མི་དྲན་པའི་གལ་ཆེ་བ་གློ་བུར་དུ་བྱུང་ན་དམིགས་འོག་ཏུ་ཆུག་པར་བྱེད་པ་སོགས་ཧ་ཅང་སྡོམ་དྲག་པ་མ་ཡིན་པ་དང་། རྗེས་ནས་དམིགས་ཁོངས་སུ་ཆུད་ཡོད་སྙམ་པའི་བག་ཡངས་མི་བྱ་བར་སྒྲུབ་གཡོག་ཁྲོལ་ཅན་དང་ཕྱི་ནང་འགྲུལ་པས་མཚོན་བསྲུང་ཅི་ཐུབ་བྱས་པས་མཚམས་མི་རལ་ཞིང་གཡེང་ ༄༅། །བས་མི་ཁྱེར་བ་ཡིན མངོན་མཚན་ཅན་གྱི་སྒྲུབ་པ་ལ་དངོས་གྲུབ་གཡེལ་ཞིང་བར་ཆད་འཇུག་པས་བསྙེན་པ་མ་ཐོན་གྱི་བར་ཡི་དམ་གང་ཡིན་གཞན་གྱིས་མ་ཤེས་པ་བྱེད། ཐོག་མར་ཕྱི་ནང་གི་མཚམས་བཅད་པ་ནས་བཟུང་སྒྲུབ་པ་མ་གྲོལ་གྱི་བར་དུ་ཆོས་འཆད་ཉན་དང་གཞན་ལ་བསྲུང་བ་བྱིན་རླབས་རིམ་གྲོ་རྟེན་འབྲེལ་སོགས་མི་བྱ། ཚོགས་གཏོར་མཆོད་ལྷག་སོགས་བྱིན་གྱིས་བརླབས་པའི་རྫས་ཕྱིར་མི་གཏོང་། གཞན་དང་ཕར་ཚུར་གདོང་མི་འཕྲད་ཅིང་ངག་མི་སྨྲ ཕྱི་ནང་མི་འགྲུལ ཡོ་བྱད་གཏོང་ལེན་མི་བྱེད། ཁྱད་པར་རང་གི་ཟས་གོས་སྣོད་དཔྱད་སྤྱོད་འཕྲོ་གཞན་སྤྱོད་དུ་མི་འཇུག །རྟགས་མཚན་དང་ཉམས་རྟོགས་ཅི་བྱུང་ཡང་གཞན་ལ་མི་བཤད། བྱིན་གྱིས་མ་བརླབ་པའི་ཆུས་ལུས་གོས་སྐྲ་དང་གདོང་མི་བཀྲུ། སྐྲ་སེན་མི་འདྲེག །མལ་ས་མི་སྤྲོ སྟན་མི་སྤྲུགས སྒྲུབ་ཁང་གི་གད་རོ་ཕྱིར་མི་དོར། ལྟར་སྣང་ཉི་ཚེ་གཞན་དོན་གྱི་རྣམ་པའི་གཡེང་བ་དང་རང་ཉིད་ཞི་བདེ་དོན་གཉེར་གྱི་བློ་འཁྲིས མ་ཞུགས་པས་སྟན་གྱི་དྲོད་མ་ཡལ་བར་བྱས་ཏེ་བསྒྲུབ རྒྱུན་གྱི་ཁ་ཏོན་དགེ་སྦྱོར་རིགས་ཀྱང་སྒྲུབ་པ་ཆགས་པའི་རྒྱུ་ཡིན་པས་མང་དུ་བྱ་བ་རྣམས་སྤངས་ཏེ། འབྲས་བུ་སངས་རྒྱས་སྒྲུབ་པ ལ་ཟབ་ལམ་འདི་ལས་གཞན་དུ་མེད་པའི་ཡིད་ཆེས་ཀྱིས་ཆོག་ཤེས་པར་བྱེད། རྒྱུན་དུ་ཆབ་ལྡན་གྱི་ཁྲུས་བུམ་དུ་སྨེ་བརྩེགས་སོགས་བསྐྱེད་བཟླས་སྤྱི་དང་། ཁྱད་པར་ཡེ་ཤེས་མཁའ་འགྲོ་མ་ལ་འཁོར་འབྱུང་བཞིའི་ལྷ་མོས་བསྐོར་བ་ལས་བདུད་རྩིའི་རྒྱུན་བབས་པར་མོས་ལ། སྔགས་ཤམ་དུ་ཤུདྡྷེ་ཤུདྡྷེ་བི་ཤུདྡྷེ་སྭ་ཧཱ ཞེས་བཏགས་པ་ཅི་འགྲུབ་བཟླས་པས་ཁྲུས་བྱ་ཞིང་། མི་བྱེད་ཀ་མེད་ཀྱི་ཡོ་བྱད་ལེན་པ་དང་སྒྲུབ་གཡོག་འགྲུལ་དགོས་ན་ཁྲུས་ཆུས་བསང་གཏོར་དང་གུ་གུལ་གྱིས་བདུག་པ་སོགས་བྱ། མི་དང་ཡོ་བྱད་གསར་པའི་གདོང་དུ་ཤེས་པ་བྱིང་འཐིབ་ཚིག་པ་གཉིད་ཡེར་བ་སོགས་བྱུང་ན་འགྲུལ་སྣ་ཡིན་པས་སྲུང་འཁོར་བསྒོམ། རྫས་དེ་བྱུང་ཚར་བའི་རྗེས་སུ་བྱུང་ན་གྲིབ་ལྷོངས་ཡིན་པས་ཡིག་བརྒྱ་བཟླ། འགྲུབ་ཏུ་རུང་ན་རྫས་དེ་དག་འཕྲལ་དུ་ལོངས་མི་སྤྱད། མཚམས་རལ་བ་ལྟ་བུའི་རྐྱེན་གྱིས་བགེགས་འཚུབས་ཀྱི་རྟགས་བྱུང་ན་རེ་དོགས་ཀྱི་ཞེན་འཁྲིས་རྩད་ནས་བཅད་དེ་ལྟ་བའི་གདིང་བསྐྱེད། ཀ་ཅ་ཆེ་ཕྲ་ཕྲིན་ཡིག་ཙམ་གྱི་བཏང་ལེན་ཀྱང་མི་བྱ་བར་གཅིག་པུར་རྣམ་གཡེང་སྤངས་ནས་བསྒྲུབ་ནུས་ན་རྟགས་མཚན་མྱུར་ཞིང་སྒྲུབ་པའི་འབྲས་བུ་འབྱིན་པ་ཡིན་ལ། བསྙེན་སྒྲུབ་ཀྱི་དམ་ཚིག་རལ་ཞིང་ཁ་ཡེངས་མིག་ཡེངས་ ༄༅། །ཀྱི་བཟླས་པ་ལོ་ཟླར་འབད་ཀྱང་གྲུབ་པའི་རྟགས་དང་འབྲས་བུ་མི་འབྱུང་བས་འབད་པ་དོན་མེད་དུ་འགྲོ་བ་ཡིན། སྐབས་རེར་ཚིག་པ་ཟ་བ་དང་སྙིང་མི་དགའ་བ སོགས་བྱུང་ན་བླ་མར་མོས་གུས་དང་ངོ་བོ་ལ་བལྟས་ནས་རང་ཐོག་ཏུ་བཞག །ཤེས་པ་འཕྱོ་ཞིང་ཡེད་པ་སོགས་རླུང་རྟགས་བྱུང་ན་རུས་ཐང་སོགས་དང་། བྱིང་འཐིབ་ཉོབ་ན་ཇ་དཀར་བཏུང་བ་སོགས་ཁམས་དང་བསྟུན་པའི་ཟས་སྤྱོད་དང་སྨན་བསྟེན་པ་སོགས་སྤྱོད་ལམ་གཟབ་པར་བྱ། བཟླས་ཕྲེང་སྤྱི་ལ་བོ་དྷི་ཙེ་ཉིད་འགྱུར་སྟོབས་དང་བསྔགས་པ་ཆེ་བར་བཤད་ཅིང་། འདིར་ཐོད་པའི་ཕྲེང་བ་ཉིད་མཆོག་ཏུ་ཤིས། གང་ཡང་བཟླས་པའི་ཐོག་མར་ཕྲེང་བ་ལག་མཐིལ་གཡོན་དུ་བསྐྱིལ་བ་སྭ་བྷཱ་ཝས་སྦྱངས སྟོང་པའི་ངང་ལས་ཕྲེང་བའི་མདོ་འཛིན་གཙོ་མོ་ཁྲོས་མ་ནག་མོ་ལ། ཕྲེང་རྡོག་རྣམས་འཁོར་གྱི་མཁའ་འགྲོ་བྱེ་བ་འབུམ་ཕྲག་གི་ཚུལ་གྱིས་ཡོངས་སུ་བསྐོར་བ་ལས་འོད་འཕྲོས། རང་བཞིན་གྱི་གནས་ནས་ཡེ་ཤེས་པ་སྤྱན་དྲངས་ཏེ་དབྱེར་མེད་དུ་ཐིམ་པར་མོས་ལ། སྙིང་པོ་དང་། ཨོཾ་རུ་ཙི་ར་མ་ཎི་པྲ་བརྡྷ་ཡེ་སྭཱ་ཧཱ ཞེས་ཉེར་གཅིག་ཙམ་བཟླས་མཐར། ལྷ་རྣམས་འོད་དུ་ཞུ་བ་ཕྲེང་བའི་རྣམ་པར་གྱུར་པར་བསམ་ཞིང་རྟེན་སྙིང་བཟླས་པའི་ མེ་ཏོག་འཐོར། དེ་ལྟར་བྱིན་གྱིས་བརླབས་པའི་ཕྲེང་བ་ཉིད་འགོམ་ཡུག་དང་ཕལ་གྱིས་མཐོང་རེག་མེད་པར་བཅང་། སྔགས་ཀྱི་སྒྲ་ཆེ་ཆུང་མྱུར་བུལ་ལྷག་ཆད་ཡིག་འབྲུ་སྒྲ་ཟུར་ཉམས་པ གློ་ལུ་བ་དང་གླལ་བ་སྦྲིད་པ་སོགས་ཀྱིས་བར་ཆོད་པ་མ་ཡིན་པའི་ངག་བཟླས་སྐྱོན་བྲལ་བྱེད་ཅིང་། སྔགས་ཕྲེང་སྐོར་རེའི་མཚམས་སུ་བཟླས་དམིགས་གསལ་སྐྱོར་དང་སྟོང་རྗེས་ལ་བརྒྱ་སོགས་བཅུ་ཆའི་ཁ་སྐོང་ཡང་ཞོར་ལ་འགྲོ་བ་ཐོན་ན་རྗེས་སུ་སྦྱིན་སྲེག་མ་གྲུབ་ཀྱང་སྐྱོན་མེད་པ་དང་། སྒྲུབ་པ་ཞག་གྲངས་སུ་བཅད་པ་སོགས་ལ་སྟབས་བདེ་བ་ཡིན། ཐུན་གྱི་སྒང་ལ་འགྲོ་འདུག་འགུལ་བསྐྱོད་གཞན་ལ་ངག་དང་ཕྲིན་ཡིག་གཏོང་བ ལྷ་སྔགས་མི་གཅིག་པ་འདོན་བསྒོམ་སོགས་བཟླས་དམིགས་ཀྱི་བར་ཆད་དུ་འགྲོ་བའི་རྣམ་གཡེང་ཐམས་ཅད་སྤངས། ཐུན་མཚམས་རྣམས་སུ་ཡང་ལྷའི་གསལ་སྣང་མ་བྲལ་བས་བཟླས་པ་གང་འགྲུབ་བྱེད་ཅིང་གྲངས་སུ་མི་བརྩི། བཟའ་བཏུང་གང་ཡང་འབྲུ་གསུམ་གྱིས་བྱིན་བརླབ་ལ་ཚོགས་འཁོར་གྱི་ཚུལ་དུ་ལོངས་སྤྱད། བྱ་བ་གང་ལ་འཇུག་ཀྱང་དྲན་པའི་རྩིས་ཟིན་པས་ཐ་མལ་གྱི་བློ་ལང་དུ་མ་ཤོར་བ་ཞིག་ཅིས་ཀྱང་དགོས། དུས་གསུམ་གྱི་རྣམ་རྟོག་ཆུ་གཉེར་ལྟ་བུ་ཐོལ་སྐྱེས་དེ་ཀ་དྲན་པས་ཆེར་ ༄༅། །བཟུང་དུ་བྱས་ནས་ལུས་མི་གཡོ། ངག་མི་སྨྲ། སེམས་མི་ཡེངས་པར་རྩེ་གཅིག་པས་ལྷ་སྐུ་རེག་མཐོང་ཡོད་པ་ལྟ་བུར་གསལ་ཐུབ་ཀྱང་སྣང་སྟོང་རིག་རྩལ་ཙམ་དུ་བལྟ་ཞིང་། གང་ལྟར་བསྒོམས་ཀྱང་མི་གསལ་བ་བྱུང་ཡང་སེམས་ལས་ལྷ་སྐུ་ལོགས་སུ་མེད་པར་ཐག་བཅད་དེ་ཡིད་མི་གཡེང་བར་བསྒོམ། ལར་བསྐྱེད་རིམ་ཙམ་དུ་མ་ཟད་འཁོར་འདས་ཀྱི་སྣང་ཆ་ཐམས་ཅད་རྟོག་པས་བཏགས་པ་ཁོ་ན་ཡིན། དེའང་ཉི་མ་དང་འོད་ཆུ་དང་རླན་བཞིན་རིག་པའི་རང་རྩལ་ལས་གཞན་དུ་གྲུབ་པ་རྡུལ་ཙམ་ཡང་མེད། རང་རིག་ཐིག་ལེ་ཉག་གཅིག་གི་ཀློང་དུ་ཆོས ཐམས་ཅད་ཡེ་རྫོགས་ཆེན་པོར་གྲུབ་པ་ལ་སླར་བཅོས་མས་རྒྱས་འདེབས་མི་དགོས། རིག་པའི་ངོ་བོ་སྐྱེ་འགག་གནས་གསུམ་གྱི་མཐའ་དང་བྲལ་བས་ཅི་ཡང་མ་ཡིན་ལ་ཅིར་ཡང་འཆར་བ། ཤར་བ་ཙམ་ནས་དངོས་པོ་མཚན་མར་མ་གྲུབ་ཀྱང་ཀུན་རྫོབ་ཏུ་སྣང་ལ་དོན་བྱེད་ནུས་པས་མ་བསྐྱེད་ལྷུན་རྫོགས་ཀྱི་དཀྱིལ་འཁོར། ཟང་ཐལ་གྱི་ཡེ་ཤེས་རང་གནས་ལ་ནམ་ཡང་འཕོ་འགྱུར་མེད་པས་འཛིན་མེད་ཅོག་བཞག་གི་ཆོས་སྐུ འདི་ལྟར་སྣང་བའི་ཆོས་ཐམས་ཅད་བསྐྱེད་རྫོགས་ཟུང་འཇུག་འབའ་ཞིག་ལས་མི་འདའ་བ་གཤིས་ལུགས་ཀྱི་སྣང་སྟོང་ཟུང་འཇུག་ལ་རིག་ཐོག་ཏུ་མྱོང་བ་ཐོན་ནས་Tl611 - 437 གནད་གཅིག་ཤེས་པས་འཁོར་འདས་ཀུན་གྱི་སྟོང་སྲོག་ཐོབ་པ་ཉིད་བསྐྱེད་རྫོགས་གང་གི་ཡང་སྙིང་པོ་སྟེ། ཇི་སྐད་དུ། བརྒྱ་བཤད་སྟོང་དུ་ལབ་ཀྱང་གོ་བ་གཅིག །གཅིག་ཤེས་ཀུན་གྲོལ་རང་རིག རང་མདངས་སྐྱོང་།ཞེས་གསུངས་པ་ལྟར ལྟ་བའི་སྤྱི་རྒྱ་རླབས་ཀྱིས་གཅོད་པའི་སྒོ་ནས་བསྐྱེད་རྫོགས་ཟུང་དུ་འཇུག་པའི་ཉམས་ལེན་གྱི་རིམ་པ་ལ་གནད་དུ་བསྣུན་པས། ཐུན་མོང་གི་དངོས གྲུབ་ལས་ཕྲན་ཚེགས་ཞི་རྒྱས་དབང་དྲག་དང་། ལས་ཆེན་པོ་གྲུབ་པ་བརྒྱད་ལ་སོགས་པ་ལ་དབང་འབྱོར་ནས་ཚེ་འདིར་ཡང་གཞན་གྱི་དོན་བསམ་གྱིས་མི་ཁྱབ་པ་འབྱུང་ཞིང་ནམ་འཆི་བའི་ཚེ་ན་དཔའ་བོ་མཁའ་འགྲོའི་ཚོགས་གྲལ་དུ་འཁྲིད་པ་དང་། ཐུན་མོང་མ་ཡིན་པ་མཆོག་གི་དངོས་གྲུབ་རྒྱལ་བ་ཀུན་གྱི་ཡུམ་གཅིག་ཡེ་ཤེས་མཁའ་འགྲོ་ཁྲོས་མ་རྣལ་འབྱོར་མའི་གོ་འཕང་རིན་པོ་ཆེ་མངོན་དུ་བྱེད་པར་འགྱུར་རོ། །རྒྱལ་ཀུན་བསྐྱེད་ཡུམ་ཁྲོས་མ་རྣལ་འབྱོར་མའི །སྲོག་ཐིག་ཟབ་མོ་ཇི་ལྟར་བསྙེན་པའི་ཚུལ། །སྐལ་ལྡན་གྲུབ་གཉིས་གནས་ལ་དབུགས་དབྱུང་ཕྱིར། །དག་གསལ་ཉུང་ངུའི་ངག གིས་མཚོན་པར་བྱས། །བསོད་ནམས་དེས་ཀྱང་མཐའ་ཡས་སྐྱེ་འགྲོ་ཀུན། །ཟབ་ལམ་འདི་ཡི་གདུལ་བྱ་ཉིད་གྱུར་ནས །དཀའ་བ་མེད་པར་མཁའ་སྤྱོད་གནས་བགྲོད་དེ །ལྷན་སྐྱེས་རྡོ་རྗེ་བཙུན་T11611 - 438 ༄༅། །མོར་བྱང་ཆུབ་ཤོག །དེ་ལྟར་རྡོ་རྗེ་རྣལ་འབྱོར་མ་གཅིག་ཁྲོས་མ་ནག་མོའི་བསྙེན་པའི་ཉམས་ལེན་གསལ་བྱེད་དངོས་གྲུབ་ཀྱི་ཟ་མ་ཏོག་ཅེས་བྱ་བ་འདི་ནི། རིང་མོ་ཉིད་ནས་ལམ་འདིར་ལས་འཕྲོ་སད་པའི་སྐལ་པ་བཟང་པོར་སྨིན་པ་མི་རྗེ་ཚེ་དབང་རིག་འཛིན་རྣམ་པར་རྒྱལ་བའི་སྡེའི་ཞལ་སྔ་ནས་གདུལ་བྱའི་སྐྱེ་བོ་རྣམས་ལ་ཕན་པ་ཆེན་པོའི་སྒོར་འགྱུར་བར་ངེས་པས་ཅིས་ཀྱང་གྲུབ་པར་གྱིས་ཤིག་ཅེས་དང་བའི་གསུང་གིས་རྗེས་སུ་བསྐུལ་བར་མཛད་པ་ལས། ལུང་ཟིན་གྱི་ཆོས་བདག་སྤྲུལ་པའི་སྐུ་པདྨ་ལུང་རྟོགས་རྒྱ་མཚོས་མཛད་པའི་བསྙེན་ཡིག་ཉིད་གཞིར་བཞག་ཅིང་སྐབས་སུ་བབས་པའི་གསལ་བྱེད་ཇི་ལྟར་འོས་པས་ཀྱང་བརྒྱན་ཏེ་འཇུག་བདེ་སྙིང་པོར་དྲིལ་བའི་ཚུལ་དུ། རིག་འཛིན་གྱི་མྱུ་གུ་འཇིགས་བྲལ་ཡེ་ཤེས་རྡོ་རྗེས་རང་ལོ་བཅུ་ཕྲག་བཞིའི་མཐར་ཐུག་པ་ཆུ་མོ་ལུག་གི་ལོ་དབྱུག་ཟླའི་ཡར་ངོའི་ཚེས་བརྒྱད་ལ་བསམ་འགྲུབ་ཕོ་བྲང་བདེ་བ་ཆེན་པོའི་དགའ་ཚལ་དུ་སྦྱར་བ་སྟེ། འདིས་ཀྱང་ཟབ་མོའི་ལམ་གྱི་ཕྲིན་ལས་ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པ་དང་། འགྲོ་བ་ཐམས་ཅད་རྗེ་བཙུན་རྡོ་རྗེ་ཁྲོས་མ་ནག་མོའི་གོ་འཕང་མཆོག་ལ་མྱུར་དུ་རེག་པའི་རྒྱུར་གྱུར་ཅིག །སརྦ་དཱ་མངྒ་ལཾ། TI1611 - 440 མ ༄༅། །ཁྲོས་མའི་ལས་བྱང་འབྲིང་པོའི་ཚོགས་སྐོང་འདོན་འགྲིགས་ནི། ཐོག་མར་དབང་སྡུད་ཟིལ་གནོན། ཕཊ་ཕཊ་ཕཊ༔ སྟོང་གསུམ་གྱི་སོགས། རྐང་གླིང་གསུམ་འབུད་བཅས་ཌཱ་དྲིལ་འུར་ཆེམས་ཀྱིས། ཕཊ༔ མ་དབུས་ཕྱོགས་སོགས་མཐར་ཌཱ་འུར་བཞག་ཐབས། དེ་ནས་ཧཱུྃ། ཨོ་རྒྱན་ཡུལ་གྱི་སོགས་ཚིགས་བདུན་མ་ལན་གསུམ། དགོངས་པའི་གནད་བསྐུལ། ཨེ་མ་ཧོཿ རྒྱལ་ཀུན་དགོངས་པ་སོགས། མུ་ཏིག་ཕྲེང་མཛེས། ཨེ་མ་ཧོཿ ཁྱབ་བདག་གདོད་མའི་སོགས སྐུ་ཕྲེང་གསོལ་འདེབས། ཨེ་མ་ཧོཿ བདེ་གཤེགས་སྙིང་པོའི་སོགས་མཐར། རྐང་ཌཱ་འུར་བཅས་རྡོ་རྗེའི་གྲོང་འཕོ། ཕཊཊཊ༔ རང་སྣང་དོན་གྱི་སོགས་མཐར་ཌཱ་འུར་བཞག་ཕྱེད། དཔལ་ལྡན་རྩ་བའི་བླ་མ་རིན་པོ་ཆེ །བདག་གི་སྤྱི་བོར་སོགས་ཤློ་ཀའི་མཐར། རང་གི་སྙིང་ག་ནས་འོད་ཟེར་འཕྲོས་པས་བླ་མ་དང་གཉིས་སུ་མེད་པའི་རྒྱལ་ཡུམ་ཁྲོས་མ་ནག་མོ་ལ་ཕྱོགས་བཅུ་དུས་བཞིའི་སྐྱབས་ཡུལ་མ་ཚང་བ་མེད་པས་བསྐོར་བ་མདུན་གྱི་ནམ་མཁར་བཛྲ་ས་མཱ་ཛཿ ཞེས་རྡོ་རྗེའི་བསྡུ་རྒྱ་ནས། ཕཊ༔ གཞི་སྣང་ལྷུན་གྲུབ་སོགས་སྐྱབས་སེམས་ལན་གསུམ་དང་། ཕཊ༔ མ་ཁྱབ་བདག་ཡེ་ཤེས་སོགས་ཡན་ལག་བདུན་པ་བཅས་ལ་རྡོར་གསོར་དྲིལ་གསིལ། ས་ཐོབ་ཤོག༔ ཛཿ ཧཱུྃ་བཾ་ཧོཿ ཚོགས་ཞིང་རྣམས་རང་ལ་ཐིམ་པས་རྒྱུད་བྱིན་གྱིས་བརླབས པར་གྱུར། རྐང་བཅས་ཌཱ་དྲིལ་འུར་ཆེམས་ཀྱིས། ཕཊ༔ ཀ་དག་སྤྲོས་བྲལ་སོགས་བྱིན་འབེབས་མཐར་རྐཤཱུ་ཌཱ་འུར་ནས། ཕཊ༔ སྣང་བ་མཐའ་བྲལ་སོགས་མཆོད་རྫས་བྱིན་བརླབས་མཐར་རྐང་ཌཱ་འུར་གྱིས། ཕཊཊཊ༔ ཡེ་གཞི་ཀ་དག་སོགས་ལྷ་བསྐྱེད་མཐར། རྫོགས་པ་ཆེན་པོའི་ངང་དུ་ཞིག༔ ཅེས་ཌཱ་རུ་བཅད༔ དེ་ལྟར་གསལ་བའི་སོགས་ལྷུག་འདོན། སྔགས་ལན་གསུམ་རིང་རྡོར་གསོར་དང་དྲིལ་གསིལ་མཐར་རྡོ་རྗེ་ནང་འདྲེན། རྐང་བཅས་ཌཱ་འུར་གྱིས། ཕཊ༔ སྐྱེ་འགགས་འགྱུར་མེད་སོགས་སྤྱན་འདྲེན་མཐར་རྐདཱ་ཌཱ་འུར་ནས། ཕཊ༔ མ་བཅོས་ལྷུན་གྲུབ་སོགས་བཞུགས་གསོལ་ཕྱག་འཚལ་སྦྲེལ་མཐར་ཌཱ་འུར་ནས། ཕཊ༔ སྣང་སྲིད་གཟུང་འཛིན་སོགས་མཆོད་མཐར་རྐང་བཅས་ཌཱ་འུར་ནས། ཕཊ༔ མ་ཐིག་ལེ་སོགས དགོངས་པར་རློབས༔ ཞེས་ཌཱ་རུ་བཅད། མ་མཁའ་འགྲོའི་སོགས་ཡིག་བརྒྱ་ལ་ཌཱ་དྲིལ་འུར་ཆེམས་ནས་བཞག་ཐབས་ཀྱིས་ཌཱ་དྲིལ་རང་གནས་སུ་འཇོག། ༔ རང་ཉིད་ཁྲོས་མའི་སོགས་ཀྱིས་ཛཔྲ་དམིགས་གསལ་བཏབ་ལ་བསྙེན་པ། རྒྱལ་བའི་དཀྱིལ་འཁོར་སོགས་ཀྱིས་སྒྲུབ་སྔགས། མེ་དཔུང་མཚོན་ཐུན་སོགས་ཀྱིས་ལས་སྔགས་ཙམ་བཟླས་རྗེས། མ་ཅིག་ཁྲོས་མ་ནག་མོའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་སྐད་ཅིག་ད་ལྟ་ཉིད་དུ་འགྲུབ་པར་གྱུར་ཅིག ཨ་ཨཱ། ཨི་ཨཱི། སོགས་དབྱངས་གསལ་ཡིག་བརྒྱ་རྟེན་སྙིང་བཅས་སྦྲེལ་ཏེ་TI1611 - 442 ༄༅། །ལན་གསུམ་མཐར། ཕཊ༔ སྣང་སྲིད་གཟུང་འཛིན་སོགས་མཆོད་པའི་སྔགས་ལ་ཌཱ་འུར་ཉིས་བཅད། ཕཊ༔ མ་ཐིག་ལེ་སོགས་ནས། དགོངས་པར་རློབས༔ ཞེས་བསྟོད། ༈ དེ་ནས་གསོལ་ཁ་ལ་སྲོག་བདག་རྣམ་བཞི། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཨོཾ་སྭ་བྷཱ་ཝ༔ ཨོཾ་ཨཱཿཧཱུྃ༔ ལན་གསུམ་མཐར་རྐང་བཅས་ཌཱ་འུར་གྱིས། ན༔ འོག་ཕྱོགས་འཇིག་རྟེན་སོགས ནས། བ་ལི་ཏ་ཁཱ་ཧི༔ ཞེས་ཌཱ་བཅད། ན་མོ། དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་ཚོགས་ཀྱི་བདེན་པས་གནོད་བྱེད་དགྲ་བགེགས་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག ཨོཾ་ཨཱཿ ཧཱུྃ༔ ལན་གསུམ་མཐར་རྐང་བཅས་ཌཱ་འུར་ནས། ཡ༔ ལྷོ་ཕྱོགས་འཇིགས་རུང་སོགས། བ་ལི་ཏ་ཁཱ་ཧི༔ ཞེས་ཌཱ་བཅད། ན་མཿསརྦ་སོགས་མཛོད་སྔགས་ལན་གསུམ་མཐར། རྐདཱ་བཅས་ཌཱ་འུར་ནས། ཙ༔ ནུབ་ཕྱོགས་བཙན་ཡུལ་སོགས། ཁཱ་ཧི༔ ཞེས་ཌཱ་བཅད། ཡང་མཛོད་སྔགས་མཐར། རྐ་བཅས་ཌཱ་འུར་ནས། མ༔ བྱང་ཤར་མུ་ལེ་སོགས། བ་ལིཾ་ཏ་ཁཱ་ཧི༔ ཞེས་ཌཱ་བཅད། ཨོཾ་བཛྲ་ཀྲོ་དྷི་སོགས་རྩ་སྔགས་ལན་གཅིག་བརྗོད་པས་ཡི་དམ་གྱི་ང་རྒྱལ་བསྐྱེད་ནས། ཌཱ་བཅས་གཟའི་མངོན་རྟོགས། ཧཱུྃ༔ མདུན་དུ་དུར་ཁྲོད་སོགས། གཉིས་མེད་གྱུར༔ ཞེས་ཌཱ་བཅད། རྡོར་གསོར་དྲིལ་གསིལ་བཅས། Tl1611 - 443 ཧོ་དགོངས་སུ་གསོལ་སོགས་ལན་གསུམ་མཐར། རྐང་བཅས་ཌཱ་འུར་ནས། མཿ དད་པ་དང་ནི་སོགས་ནས་མཆོད་བསྟོད་མཐར། མ་འདའ་ས་མ་ཡ༔ ཞེས་ཌཱ་བཅད། བདག་ཡི་དམ་སོགས་ཀྱིས་འབོད་སྔགས། ༡༠༥ རྦད་སྔགས། བསད་སྔགས་ཙམ་བཟླས་མཐར རཾ་ཡཾ་ཁཾ༔ ཨོཾ་བཛྲ་ཨ་མྲྀ་ཏཿ ན་མཿསརྦ་སོགས་མཛོད་སྔགས་ལན་གསུམ་མཐར། རྐདཱ་བཅས་ཌཱ་འུར་ནས། ཛཿ ནམ་མཁའི་ཀློང་དང་སོགས། སྒྲོལ་ཅིག་ས མ་ཡ༔ ཞེས་ཌཱ་བཅད༔ ཨོཾ་བཛྲ་ཨ་མྲྀ་ཏཿ སྭ་བྷཱ་ཝ་སྟོང་པའི་ངང་ལས་སོགས་མཛོད་སྔགས་ལན་གསུམ་མཐར་ཌཱ་འུར་ནས། ཨོཾ་ཨཱཿ ཧཱུྃ༔ ཆོས་ཉིད་སྒྱུ་མར་སོགས་སྤྱིའི་གསོལ་བསྡུས་མཐར། ས་མ་ཡ༔ ཞེས་ཌཱ་འུར་བཞག་ཐབས། ༈ དེ་ནས་བཤགས་པ་ལ། རང་སྣང་ཡེ་ཤེས་ཀྱི་འཁོར་ལོ་མཁའ་ཁྱབ་ཏུ་སད་པར་གྱུར། ཨེ་མ་ཧོཿ རང་གི་མདུན་གྱི་སོགས་ནས་ཞི་བར་ཡིག་བརྒྱ་གྲངས་གང་འོས་དང་། ཁྲོ་བོ་ལའང་དེ་མཚུངས། ཧཱུྃ༔ སྣང་བ་སྣོད་ཀྱི་སོགས་སྨན་རཀ་གཏོར་མ་མར་མེ་རྣམས་ཀྱི་མཚམས་སུ་ཌཱ་རུ་འུར་ཆེམས་ཉིས་བཅད་རེ། ཧོཿ ཉན་ཐོས་རང་རྒྱལ་སོགས་ནས། སངས་རྒྱས་ཤོག༔ བར། ༈ དེ་ནས་ཚོགས་གྲངས་བསགས་སྐབས་ཁྲོས་ཆུང་གི་ཚོགས་བསྡུས ཌཱ་འུར་ནས། ཕཊ༔ བེམ་པོ་ཚོགས་དང་སོགས། དག་མཉམ་རོལ༔ ཞེས་ཌཱ་བཅད། ཕཊ༔ ཕྱི་ནང་གསང་བའི་སོགས། ས་ཐོབ་T11611 - 444 ༄༅། །ཤོག༔ ཌཱ་བཅས། ཕཊ༔ དངོས་འབྱོར་ཡིད་ཀྱིས་སོགས། ཡོངས་གྲུབ་མཛོད༔ ཡང་། བེམ་པོ་ཚོགས་དང་སོགས་སྦྲེལ་ཏེ་གྲངས་གང་འོས་བསགས༔ དེ་ནས་གཞུང་གི་ཚོགས། ཕཊ༔ རང་རིག་ཡེ་ཤེས་སོགས། རྫོགས་པར་གྱུར༔ ཕཊ་ཕཊ་ཕཊ༔ རྐང་བཅས་ཌཱ་འུར་ནས། ཕཊ༔ རང་སྣང་དོན་གྱི་སོགས་ནས། སྐུར་བཞེངས་དུས་ལ་བབ༔ ཕཊ་ཕཊ་ཕཊ༔ ཅེས་རྐང་བཅས་ཌཱ་འུར་ནས། ཕཊ་ཕཊ་ཕཊ༔ བཀའ་བརྒྱུད་བླ་མ་སོགས ཡི་རང་ཚིམ་གྱུར་ཅིག༔ ཕཊ་ཕཊ་ཕཊ༔ ཅེས་ཌཱ་བཅད། ན་མཿ སརྦ་སོགས་མཛོད་སྔགས་ལན་བདུན་མཐར་བསྐང་བ། ཨཱཿ ཧཱུྃ༔ སྣོད་བཅུད་འདོད་ཡོན་སོགས བྱིན་གྱིས་རློབས༔ རྐང་བཅས་ཌཱ་འུར་ནས། ཕཊ་ཕཊ་ཕཊ༔ གཞི་དབྱིངས་གྲྭ་ཟུར་སོགས། རྒྱ་མཚོ་སྟོང་གྱུར་ཅིག༔ ཅེས་ཌཱ་འུར་ནས་བཞག་ཕྱེད། དཔང་གྱུར་དཀོན་མཆོག་སོགས དངོས་གྲུབ་སྩོལ༔ ཡིག་བརྒྱར་དྲིལ་གསིལ། ན་མོ༔ དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་ཚོགས་ཀྱི་བདེན་པས་གནོད་བྱེད་དགྲ་བགེགས་ཐམས་ཅད་ཚོགས་ཐ་མ་དམིགས་པའི་རྟེན་འདི་ལ་ཁུག་ཅིག༔ ཛཿ ཧཱུྃ་བཾ་ཧོཿ རྐང་ཌཱ་འུར་ནས། ཕཊ་ཕཊ་ཕཊ༔ ཡེ་ཤེས་ལྔ་ཡི་སོགས། ས་ལ་སྦྱོར༔ ཕཊ་ཕཊ་ཕཊ༔ ཅེས་རྐང་བཅས་ཌཱ་འུར་༣༽ ནས། དུག་གསུམ་ཉོན་འཁྲུལ་སོགས། ཁཱ་ཧི་སྟོབ༔ ཕཊ་ཕཊ་ཕཊ༔ ཅེས་ཌཱ་འུར་ནས་གནས་ཡུལ་བསྐང་བ། ཧཱུྃ༔ སྣང་སྲིད་དག་པ་སོགས། གདིང་ཐོབ་ཤོག༔ ཅེས་ཌཱ་འུར་བཞག་ཐབས། ཨཱཿ ཧཱུྃ༔ གསང་སྔགས་བླ་ན་སོགས། སི_UNK་ཕ་ལ་ཧྭཱྃ་ཨཱཿབར་འདིར་བསམ་ལྷུན་སོགས་གསོལ་འདེབས་གང་འོས་བྱ། ལྷག་མ་ལ། ཨོཾ་ཨཱཿ ཧཱུྃ༔ ལན་གསུམ། ལྷག་མའི་གཏོར་མ་དགྲ་བགེགས་ཀྱི་ཤ ཁྲག་འདོད་ཡོན་བདུད་རྩིའི་ཕུང་པོར་གྱུར༔ རྐང་བཅས་ཌཱ་འུར་ནས། ཕཊ༔ རྡོ་རྗེ་རིགས་ཀྱི་སོགས ཁཱ་ཧི༔ ཞེས་ཌཱ་འུར་བཞག་ཐབས། ཡེ་ཤེས་མཁའ་འགྲོའི་གྲོང་ཁྱེར་དུ། །ཚོགས་ཀྱི་འཁོར་ལོ་བསྐོར་བ་ཡིས། །བདག་གཞན་འགྲོ་བ་མ་ལུས་པ། །དཀྱིལ་འཁོར་གཅིག་ཏུ་འགྲུབ་པར་ཤོག །ཅེས་སྨོན་ལམ་བཏབ། ན་མོ། དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི ཚོགས་ཀྱི་བདེན་པས་གནོད་བྱེད་དགྲ་བགེགས་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག །ཛཿ ཧཱུྃ་བཾ་ཧོཿ རྐང་བཅས་ཌཱ་འུར་ནས་ཁྲོས་ཆུང་གི་བསྐུལ་བ། ཧཱུྃ༔ སྤྲོས་བྲལ་བདེ་བ་སོགས། ཆེན་པོར་སྒྲོལ༔ ཅེས་རྐང་བཅས་ཌཱ་འུར་ནས། ཕཊ༔ དཔལ་མགོན་བདུན་ཅུ་སོགས། དམ་ཚིག་གོ༔ ཞེས་ཌཱ་འུར་ནས་བཞག་ཕྱེད། ན་མོ། དཀོན་མཆོག་གསུམ་དང་རྩ་གསུམ་ཆོས་སྐྱོང་༣ ༄༅། །སྲུང་མའི་ཚོགས་ཀྱི་བདེན་པས་གནོད་བྱེད་དམ་སྲི་སྒབ་འདྲེ་ལོག་པར་འདྲེན་པ་ཐམས་ཅད་གཏོར་གཞོང་རི་རབ་འབར་བའི་འོག་ཏུ་ཁུག་ཅིག །ཛཿ ཧཱུྃ་བཾ་ཧོཿ འ་འུར་ནས། ཕཊ༔ ཡེ་ཤེས་ལྔ་ཡི་སོགས། སྟྭཾ་བྷ་ཡ་ནན༔ ཞེས་ཌཱ་འུར་བཞག་ཐབས། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྚིཾ་ཀུ་རུ་ཧོཿ ཞེས་གཏོར་གཞོང་དུ་འབྲུ་འཐོར། ཕཊ༔ སྐུ་གསུམ་སྒྱུ་འཕྲུལ་སོགས། སིདྡྷི་ཕ་ལ་ཧཱུྃ༔ ཕཊ༔ སྣང་སྲིད་གཟུང་འཛིན་སོགས་མཆོད་པའི་སྔགས་ལ་ཌཱ་འུར་ཉིས་བཅད། ཕཊ༔ མ་ཐིག་ལེ་སོགས་ནས། དགོངས་པར་