Tibetan
ཁྲོད་ནས༔ དཀར་མོ་རྣམ་རྒྱལ་གཤེགས༴ ལྷོ་ཕྱོགས་གད་རྒྱངས་དུར་ཁྲོད་ནས༔ སེར་མོ་དཔལ་བསྐྱེད་གཤེགས་ནུབ་ཕྱོགས་པད་འཁྱིལ་དུར་ཁྲོད་ནས༔ དམར་མོ་དབང་སྡུད་གཤེགས་བྱང་ཕྱོགས་ཕུར་པའི་དུར་ཁྲོད་ནས༔ ལྗང་མོ་དོན་གྲུབ་གཤེགས༴ དག་པ་མཁའ་སྤྱོད་ཞིང་ཁམས་ནས༔ ཡེ་ཤེས་མཁའ་འགྲོ་གཤེགས་དམ་ཚིག་མཁའ་འགྲོ་གཤེགསཿ ཤ་ཟ་མཁའ་འགྲོ་གཤེགས་འཇིག་རྟེན་མཁའ་འགྲོ་གཤེགསཿ དབང་ཕྱུག་ཉེར་བརྒྱད་གཤེགསཿ དཔལ་མགོན་བདུན་ཅུ་གཤེགས་དྲེགས་ཆེན་བཅོ་བརྒྱད་གཤེགསཿ ཕྱོགས་སྐྱོང་འཁོར་བཅས་གཤེགས༴ ལྷ་སྲིན་སྡེ་བརྒྱད་གཤེགས་བརྟན་མ་བཅུ་གཉིས་གཤེགས་ཀླུ་རྒྱལ་ཆེན་པོ་ ཕ༔ གཤེགས་ཡ་མ་རཱ་ཛ་གཤེགས་བཙན་རྒོད་ཆེན་པོ་གཤེགསཿ དཔལ་ལྡན་ལྷ་མོ་གཤེགསཿ འཁོར་དང་བཅས་པ་གཤེགས་སུ་གསོལ༔ དད་དང་དམ་ཚིག་གཉན་གྱིས་འབོད༔ མ་གཡེལ་དམ་ཚིག་དབང་གིས་བྱོན༔ འཁོར་འདས་ཡུམ་ཆེན་དགོངས་པའི་ཀློང་༔ བཟང་ངན་མེད་པར་དག་མཉམ་ཡང་༔ འཁྲུལ་པ་གཞི་རུ་བཤིག་པའི་ཕྱིར༔ དབྱིངས་ལས་སྐུར་བཞེངས་ཐུགས་རྗེ་ཡིས༔ དམ་ཚིག་ཡེ་ཤེས་གཉིས་མེད་སྦྱོར༔ ཨོཾ་ས་མ་ཡ༔ ཨཱཿ ས་མ་ཡ༔ ཧཱུྃ་ས་མ་ཡ༔ སྭཱ་ས་མ་ཡ༔ ཧཱ་ས་མ་ཡ༔ བཛྲ་ས་མ་ཡ་ཛ་ཛ་སྟྭཾ༔ སླར་ཡང་བཞུགས་སུ་གསོལ་བ་ནི༔ ཕཊ་ཀྱིས་རྡོ་རྗེ་གསུམ་དུ་བསྲེ༔ ཕཊ་ཕཊ་ཕཊ༔ ཧཱུྃ༔ ལྷ་ཉིད་རང་ལ་རང་ཉིད་ལྷ༔ གདོད་ནས་ཡོངས་གྲུབ་ཆེན་པོར་རྫོགས༔ ངོ་བོ་ཀ་དག་ཡངས་པའི་མཁར༔ ལྷན་སྐྱེས་ཡེ་ཤེས་ཆེན་པོར་བརྡལ༔ ཨོཾ་ཛྙཱ་ན་བཛྲ་ས་མ་ཡ་སྟྭཾ༔ སླར་ཡང་ལྷ་ཕྱག་འཚལ་བ་ནི༔ ཕཊ་ཀྱིས་རང་ངོ་རང་ཞལ་མཇལ༔ ཕཊ༔ སྐྱེ་མེད་ཡེ་ཤེས་ཆོས་སྐུའི་མཁའ༔ འགགས་མེད་རོལ་པ་ལོངས་སྤྱོད་རྫོགས༔ ཕྱོགས་མེད་ཐུགས་རྗེ་སྤྲུལ་པའི་སྐུ༔ རང་ངོར་རིག་པས་ཕྱག་འཚལ་ལོ༔ ཛྙཱ་ན་མཎྜ་ལ་ན་མོ་ན་མ་ཧོཿ སླར་ཡང་མཆོད་ཚོགས་འབུལ་བ་ནི༔ ཕཊ་ཀྱིས་སྣང་སྲིད་མཆོད་སྤྲིན་བསྒྱུར༔ ཕཊ༔ ཁམས་གསུམ་མ་ལུས་མཆོད་པའི་སྤྲིན༔ འདོད་ཡོན་ལྔ་ཡི་རྒྱན་དུ་ཤར༔ ཡེ་ཤེས་མཁའ་འགྲོའི་ཚོགས་ལ་འབུལ༔ འཁོར་བ་མྱང་འདས་ཀློང་དུ་རོལ༔ སྣང་བ་ཁྱབ་བརྡལ་སྣོད་ཡངས་པར༔ སྲིད་པ་བཅུད་ཀྱི་ལོངས་སྤྱོད་ཆོས༔ ཕྱི་ནང་གསང་མཆོད་མི་ཟད་གཏེར༔ ཡེ་ཤེས་མཁའ་འགྲོའི་ཚོགས་ལ་འབུལ༔ དངོས་སུ་འབྱོར་པའི་མཆོད་རྫས་ལ༔ ཡེ་ཤེས་རོལ་པའི་སྟོབས་ཀྱིས་བསྐྱེད༔ མི་ཟད་ནམ་མཁའ་མཛོད་དུ་སྤྲུལ༔ ཡེ་ཤེས་མཁའ་འགྲོའི་ཚོགས་ལ་འབུལ༔ མ་བཙལ་རང་བྱུང་མཆོད་པའི་རྫས༔ སེམས་དང་ནམ་མཁའ་ཤ་དང་ས༔ ཁྲག་དང་རྒྱ་མཚོ་དྲོད་དང་མེ༔ དབུགས་རླུང་ལ་སོགས་འབྱུང་བ་ལྔ༔ ཡེ་ཤེས་མཁའ་འགྲོའི་ཚོགས་ལ་འབུལ༔ དུག་ལྔ་དབྱིངས་སུ་བསྒྲལ་བའི་རྫས༔ མི་གླང་རྟ་དང་རྨ་བྱ་ཁྱི༔ ཤ་ཆེན་ལྔ་ཡི་མཆོད་པ་ཡང་༔ ཡེ་ཤེས་མཁའ་འགྲོའི་ཚོགས་ལ་འབུལ༔ བདེ་སྟོང་བླ་ན་མེད་པའི་རྫས༔ དྲི་ཆེན་དྲི་ཆུ་བྱང་ཆུབ་སེམས༔ གོ་རོ་ཙ་ན་ཁྲག་སྣར་བཅས༔ ཡེ་ཤེས་མཁའ་འགྲོའི་ཚོགས་ལ་འབུལ༔ ཡེ་ཤེས་ཀ་པཱ་ལ་ཡི་ནང་༔ དཀར་གསུམ་མངར་གསུམ་སྨན་སྣའི་ཚོགས༔ ཡེ་ཤེས་བདུད་རྩིར་བྱིན་བརླབས་ནས༔ ཕ༔ དཀར་ཕྱོགས་སྲུང་མ་དགྱེས་ཕྱིར་འབུལ༔ སྣང་སྲིད་ཁྱབ་པའི་ཞིང་ལྤགས་གཞིར༔ ཤ་རི་ཁྲག་མཚོ་རུས་པའི་གྲམ༔ རྐང་ཚིལ་བདུད་རྩིར་བྱིན་བརླབས་ནས༔ བཀའ་སྲུང་དམ་ཅན་མཉེས་ཕྱིར་འབུལ༔ གཞན་ཡང་སྒྲུབ་རྫས་རྟེན་རྫས་དང་༔ མཆོད་རྫས་བསྐང་རྫས་མི་ཟད་གཏེར༔ ཉེར་སྤྱོད་འདོད་ཡོན་སྨན་གཏོར་ཁྲག༔ འཁོར་འདས ཡོངས་ལ་ཁྱབ་པར་འབུལ༔ བཞེས་ནས་དབང་དང་དངོས་གྲུབ་སྩོལ༔ ཚེ་འདིར་སངས་རྒྱས་ས་རུ་སྐྱོལ༔ ལོག་པར་འདྲེན་པ་རྡུལ་དུ་རློག༔ ཨོཾ་ཨཱཿ ཧཱུྃ་ཤྲཱི་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་ཛཿ ཧཱུྃ་བཾ་ཧོཿ སརྦ་ཛྙཱ་ན་ལོ་ཀ་ཌཱ་ཀི་ནཱི་དྷརྨ་པཱ་ལ་ཀྵེ་ཊ་པཱ་ལ་ནཿ ཡཿ ཙཿ མཿ སརྦ་ས་པ་རི་ཝཱ་ར་ཨརྒྷཾ་པཱདྱཾ་སོགས་རཱུ་པ་ཤཔྡ་སོགས་སྤཪྴ་དྷརྨ་མ་ཧཱ་པཉྩ་ཨ་མྲྀ་ཏ་རཀྟ་བ་ལིང་ཏ་བོ་ངྡྷི་ཙོོཏྟ་ག་ཎ་ཙཀྲ་མཱ་ས་རཀྟ་ཀི་ནི་རི་ཏི་སརྦ་པཱུ་ཛ་ཧོཿ ལན་གསུམ༔ ཕཊ་ཕཊ་ཕཊ༔ དེ་ནས་བསྟོད་པ་བྱ་བ་ནི༔ ཕཊ་ཀྱིས་དོན་དམ་ལྷ་ཞལ་ཕྱེས༔ ཕཊ་ཕཊ་ཕཊ༔ ཧཱུྃ༔ ཡེ་གཞི་བརྡལ་ཁྱབ་ཆེན་པོའི་ཀློང་༔ ཆོས་ཅན་ཆོས་ཉིད་དབྱིངས་སུ་ཞིག༔ གཏིང་གསལ་གཞོན་ནུ་བུམ་སྐུའི་ཀློང་༔ ཆོས་སྐུ་སྐྱེ་མེད་ཡུམ་ལ་བསྟོད༔ སྐྱེ་མེད་ལྷུམས་མདངས་གཏིང་གསལ་ལས༔ གདངས་ཤར་སྐུ་དང་ ཡེ་ཤེས་རོལ༔ མ་བཙལ་རྫོགས་ལྡན་མཁའ་འགྲོ་ལྔ༔ ལོངས་སྤྱོད་རྫོགས་སྐུའི་ཀློང་ལ་བསྟོད༔ གདངས་ལས་ཐུགས་རྗེའི་རྩལ་ཤུགས་འབྱུང་༔ བདེ་ཆེན་ཡེ་ཤེས་མཁའ་འགྲོར་ཤར༔ འཁོར་བའི་འཁྲུལ་འཁོར་དབྱིངས་སུ་འཇིགས༔ ཕྱོགས་མེད་ཐུགས་རྗེའི་ཀློང་ལ་བསྟོད༔ ཧཱུྃ༔ ཆོས་སྐུ་སྐྱེ་མེད་ཀུན་བཟང་མོ༔ འགགས་མེད་ལོངས་སྐུ་རྣལ་འབྱོར་མ༔ ཐུགསརྗེ་སྤྲུལ་སྐུ་ཁྲོས་མའི་སྐུ༔ སྐུ་གསུམ་ལྷུན་གྲུབ་ཆེན་པོར་བསྟོད༔ དུག་ལྔ་ཕུང་ལྔ་གནས་དག་ནས༔ སྐུ་ལྔ་ཡེ་ཤེས་ལྔ་རུ་ཤར༔ ལོག་རྟོག་དབྱིངས་སུ་སྒྲོལ་བའི་ཕྱིར༔ དབྱིངས་ཀྱི་ཡུམ ཆེན་ལྔ་ལ་བསྟོད༔ ཁམས་དང་མུ་བཞི་གནས་དག་པའི༔ ཚད་མེད་བཞི་ཡི་རང་གཟུགས་ངོམས༔ ཕྲིན་ལས་བཞི་ལ་མངའ་དབང་བསྒྱུར༔ ཐུགས་རྗེའི་མཁའ་འགྲོ་བཞི་ལ་བསྟོད༔ དུས་བཞི་ཡུལ་བཞི་གནས་དག་པའི༔ དབྱིངས་ལས་གཟུགས་ཀྱི་སྐུར་སྟོན་ཅིང་༔ བདུད་བཞི་དབྱིངས་སུ་གསོད་བྱེད་མ༔ ཁྲག་འཐུང་ཆེན་མོ་བཞི་ལ་བསྟོད༔ ཉོན་མོངས་བརྒྱད་ཁྲི་བཞི་སྟོང་ཀུན༔ གནས་དག་ཆོས་ཕུང་བརྒྱད་ཁྲིར་སངས༔ ཐབས་ཀྱིས་འགྲོ་ཁམས་ཡོངས་སྒྲོལ་ཕྱིར༔ འབུམ་ཕྲག་ཡངས་པའི་མཁའ་འགྲོར་བསྟོད༔ ཀློང་ཆེན་ཡེ་ཤེས་མཁའ་འགྲོ་ ཕ༔ མའི༔ མཁའ་ཀློང་ཡངས་པ་ཆེན་པོའི་སྦུབས༔ འཁོར་འདས་མ་ལུས་འུབ་ཆུབ་རོལ༔ བདེ་བ་ཆེན་པོའི་རྒྱས་འདེབས་ཕྱིར༔ གནས་ཡུལ་མཁའ་འགྲོའི་རོལ་གར་བསྒྱུར༔ ངོ་བོ་དབྱིངས་ཀྱི་རྗེ་མོར་བསྟོད༔ རྡོ་རྗེ་ཕུང་པོའི་གྲོང་ཁྱེར་དུ༔ རྟེན་དང་བརྟེན་པའི་གནས་ཡུལ་དང་༔ དུར་ཁྲོད་བརྒྱད་དང་ཧེ་རུའི་གནས༔ དཔའ་བོ་མཁའ་འགྲོ་ཚོགས་བདག་གྲལ༔ ཕྱོགས་སྐྱོང་དཔལ་མགོན་དྲེགས་ཆེན་དང་༔ སྡེ་དཔོན་སུམ་ཅུ་བརྟན་མ་སྐྱོང་༔ སྡེ་བརྒྱད་སྲུང་མའི་ཚོགས་ལ་བསྟོད༔ སྐུ་གསུམ་མཁའ་འགྲོའི་ཞིང་སྐྱོང་བ༔ འཁོར་བ་འདས་ཀྱང་འཇིག་རྟེན་ཚུལ༔ མངོན་སྤྱོད་ལས་ཀྱིས་ཞིང་བཅུ་འདུལ༔ སྒོ་བཞིའི་བསྟན་སྲུང་ཆེན་པོར་བསྟོད༔ སངས་རྒྱས་མེད་ལ་སེམས་ཅན་མེད༔ རྟག་པ་མེད་ལ་ཆད་པ་མེད༔ བདེན་པ་མེད་ལ་རྫུན་པ་མེད༔ བཟང་པོ་མེད་ལ་ངན་པ་མེད༔ རེ་བ་མེད་ལ་དོགས་པ་མེད༔ ཡུལ་རྣམས་མེད་ལ་ཡུལ་ཅན་མེད༔ གདོད་མའི་ཀློང་དུ་དག་མཉམ་རོལ༔ སྣང་སྲིད་ཀུན་རྫོབ་ལྷ་འདྲེར་བསྟོད༔ དངོས་ཞེན་བདེན་གྲུབ་འབྱུང་བ་དང་༔ ཨ་འཐས་ཐེར་ཟུག་སྣང་བརྙན་རིས༔ དོན་ལ་ཤེས་རབ་དབྱིངས་ཀྱི་མཁའ༔ ཁམས་གསུམ་སེམས་ཅན་ ཡོངས་ལ་བསྟོད༔ དེ་ནས་བཤགས་པ་བྱ་བ་ནི༔ ཧོཿ སངས་རྒྱས་རྡོ་རྗེ་མཁའ་འགྲོ་དང་༔ རིན་ཆེན་པདྨ་མཁའ་འགྲོ་དང་༔ ལས་དང་དམ་ཚིག་མཁའ་འགྲོ་དང་༔ འཇིག་རྟེན་མཁའ་འགྲོ་མ་མོའི་ཚོགས༔ དཔལ་མགོན་དྲེགས་ཆེན་སྡེ་བརྒྱད་དང་༔ ཕྱོགས་སྐྱོང་བརྟན་མ་སྲུང་མ་བཞི༔ འཁོར་དང་བཅས་པ་དགོངས་སུ་གསོལ༔ འཁོར་འདས་བདེ་བ་ཆེན་པོ་ལ༔ བཟང་ངན་བལྟས་པ་མཐོལ་ལོ་བཤགས༔ སྣང་སྲིད་སེམས་ཀྱི་ཆོ་འཕྲུལ་ལ༔ རྟག་འཛིན་མངོན་ཞེན་མཐོལ་ལོ་བཤགས༔ འབྱུང་ལྔ་ཡུམ་ཆེན་ལྔའི་ཀློང་དུ༔ རང་རྒྱུད་བལྟས་པ་མཐོལ་ལོ་བཤགས༔ སྣོད་བཅུད་སྣང་བའི་རྫུན་རིས་ལ༔ གཞན་བཟུང་ཆགས་སྡང་མཐོལ་ལོ་བཤགས༔ རང་སྣང་ཡེ་ཤེས་དཀྱིལ་འཁོར་ལ༔ གཞན་དབང་ཞེན་གོལ་མཐོལ་ལོ་བཤགས༔ རང་རིག་ཡེ་སངས་རྒྱས་པ་ལ༔ སངས་རྒྱས་གཞན་གོལ་ནོངས་པ་བཤགས༔ འཁོར་འདས་རྫོགས་པ་ཆེན་པོ་ལ༔ རེ་དོགས་བཟང་ངན་བལྟས་པ་བཤགས༔ བཤགས་དང་བཤགས་བྱ་བཤགས་ཡུལ་ཀུན༔ ངོ་བོ་རང་བཞིན་ཐུགས་རྗེའི་འཕྲུལ༔ དོན་ལ་གཉིས་མེད་ཀུན་བཟང་ཀློང་༔ དེ་མཐོང་ཉམས་ཆག་དག་ཚངས་སངས༔ རྟོགས་པས་མཉམ་གྲོལ་རྫོགས་སངས ཕ༔ རྒྱས༔ ཨོཾ་ས་མ་ཡ༔ ཨཱཿས་མ་ཡ༔ ཧཱུྃ་ས་མ་ཡ༔ ངྷརྨ་དྷཱ་ཏུ་ཛྙཱ་ན་ཧཱུྃ༔ ཨོཾ་བཛྲ་སཏྭ་ས་མ་ཡ་སོགས༔ སླར་ཡང་འཛབ་དགོངས་ཟབ་མོ་ནི༔ ཕཊ་ཕཊ་ཕཊ༔ རྟེན་དང་བརྟེན་པའི་དཀྱིལ་འཁོར་ལྷ༔ ཉི་མ་དང་ནི་ཉི་ཟེར་འོད༔ ཇི་བཞིན་གཉིས་མེད་ཁྲོས་མའི་རྩལ༔ ཡེ་ཤེས་དབྱིངས་སུ་རོ་གཅིག་འདྲེས༔ ཐུགས་རྗེ་ཁྲོས་མའི་ཐུགས་ཀ་རུ༔ ཕག་མོ་དམར་གསལ་གྲི་ཐོད་ཅན༔ གཅེར་བུ་གར་སྟབས་ཁ་ཊཱཾ་ཀ༔ ཐུགས་གསང་ཡེ་ཤེས་འོད་ཐིག་ཀློང་༔ ཀུན་ཏུ་བཟང་མོ་མཉམ་བཞག་ཅན༔ དེ་ཡི་ཐུགས་ཀར་ཉི་གདན་ལ༔ ཧཱུྃ་ཡིག་མཐིང་ནག་འོད་འབར་བའི༔ མཐའ་མར་སྔགས་ཕྲེང་གཡོན་དུ་འཁོར༔ འོད་ཀྱིས་འགྲོ་ཀུན་རྒྱུད་སྦྱངས་ནས༔ སྐུ་གསུམ་ཀློང་དུ་ཆམ་གཅིག་རོལ༔ འཁོར་འདས་དག་མཉམ་བདེ་བ་ཆེ༔ ཨོཾ་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་ཧཱུྃ་ཕཊ༔ སླར་ཡང་སྒྲུབ་སྔགས་བཟླ་བ་ནི༔ ཧཱུྃ༔ ཡེ་ཤེས་མཁའ་འགྲོའི་ཐུགས་རྗེའི་གདངས༔ སྤྲུལ་འཁོར་སྲོག་ལ་ཧཱུྃ་རྒྱས་གདབ༔ ཀུན་གྱི་སྲོག་སྙིང་ཧཱུྃ་དུ་འཕོས༔ རིག་སྔགས་རྩ་བའི་སྔགས་སུ་བཟླུམ༔ གང་ལ་གཅུན་པས་ནུས་པ་བསྡུས༔ འཁོར་འདས་སྲོག་སྙིང་རིག་སྔགས་བཅས༔ མ་ལུས་རྩ་སྔགས་གཅིག་ཏུ་དྲིལ༔ འོད་ཀྱིས་འཁོར་འདས་གཟི་བྱིན་བཅུད༔ གསང་སྔགས་རིག་སྔགས་གཟུངས་སྔགས་དང་༔ སྙིང་པོ་སྔགས་ཀྱི་ནུས་སྟོབས་བཅུད༔ མ་ལུས་རྩ་བའི་སྔགས་ལ་བཟླུམ༔ འཁོར་འདས ཡོངས་ཀྱི་སྲོག་ཐོབ་བསམ༔ ཨོཾ་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་སརྦ་སི_UNK་ཕ་ལ་ཧཱུྃ་ཨཱཿ སླར་ཡང་ལས་ལ་སྦྱོར་བ་ནི༔ ཧཱུྃ༔ ཡེ་ཤེས་མཁའ་འགྲོའི་དཀྱིལ་འཁོར་གྱི༔ ལྷ་ཚོགས་སྐུ་དང་སྔགས་ཕྲེང་ལས༔ འོད་འཕྲོས་ལས་བཞིའི་ཕྲིན་ལས་བསྒྲུབ༔ སྣང་སྲིད་དག་པ་རབ་འབྱམས་ངང་༔ ཨོཾ་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་ཛྙ་ན་ལོ་ཀ་ནཿ ཡཿ ཙཿ མཿཤཱནྟི་པུཥྚིཾ་པཱ་ཤཾ་མཱ་ར་ཡ ཕཊ༔ རང་སྣང་ཡེ་ཤེས་དཀྱིལ་འཁོར་གྱི༔ གདངས་རྩལ་གཞལ་ཡས་ལྷ་བཀོད་པ༔ ཟླ་བ་ལས་ནི་ཆུ་ཟླ་བཞིན༔ དཀྱིལ་འཁོར་ཡོངས་རྫོགས་ཆེན་པོར་བསྒོམ༔ སྣང་སྲིད་མཁའ་འགྲོའི་དལ་དུ་རྫོགས༔ བདག་མདུན་དབྱེར་མེད་སྔགས་ཀྱིས་བསྒྲུབ༔ ཨོཾ་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་ཧཱུྃ་ཕཊ༔ ཛཿ ཧཱུྃ་ཨཱཿ བསྙེན་པ་འབུམ་ཕྲག་ཉེར་གཅིག་དང་༔ སྒྲུབ་པ་འབུམ་བཅུ་ལས་སྔགས་ལྔས༔ ཡེ་ཤེས་མཁའ་འགྲོའི་ཞལ་མཐོང་ཞིང་༔ རྟགས་མཚན་ཞིང་རྨོ་ལོ་ཐོག་སྤྱོད༔ མཁའ་ལ་འཕུར་དང་རི་རྩེར་འཛེག༔ ཉི་ཟླ་ཤར་དང་བྲག་ཤིང་བཅོམ༔ དཔོན་བསྐོས་འཁོར་འདུ་ཁྲོམ་དབང་བསྐུར༔ མེ་ཏོག་འཐུ་སོགས་ཕྱི་ཡི་རྟགས༔ ཕ༔ དངོས་ཉམས་རྨི་ལམ་གང་ལའང་འབྱུང་༔ ཆོས་ཀུན་ཀློང་བརྡོལ་འབྱུང་བ་དང་༔ ཉམས་རྟོགས་རྒྱུད་ལ་སྤར་བ་སོགས༔ ནང་རྟགས་ཡོན་ཏན་དུ་མ་འབྱུང་༔ མ་འོངས་དུས་ཀྱི་ཐ་མ་ལ༔ སྒོ་འདིས་གྲུབ་བརྙེས་ལྔ་བརྒྱ་འབྱུང་༔ སྐྱེས་མཆོག་ཁྱོད་ཀྱི་བསྟན་འཛིན་པའི༔ གྲུབ་བརྙེས་བཅུ་ཕྲག་བཅུ་ཙམ་འབྱུང་༔ བྱ་བྲལ་བྲག་སྐྱིབ་ས་འཛིན་བཞིན༔ སྙིང་སྟོབས་ལྡན་པའི་ཅོད་པན་ཅན༔ དཔའ་བོ་ཆེན་པོ་བཅུ་ཕྲག་ལྔ༔ རིག་འཛིན་ང་དང་གཉིས་སུ་མེད༔ ཁྱོད་སློབ་སྐྱེས་མཆོག་བཅུ་གསུམ་ནི༔ རིམ་གཉིས་མཐར་ཕྱིན་ཚེ་འདི་ལ༔ རྡོ་རྗེ་འཆང་གི་ས་འཐོབ་འགྱུར༔ ས་མ་ཡ༔ དེ་ནས་ཚོགས་ཀྱི་འཁོར་ལོ་ནི༔ དཀར་གསུམ་མངར་གསུམ་ཤ་ཆང་དང་༔ ཟན་དུམ་འབྲས་ཆན་ཟས་ཀྱི་རིགས༔ ལྒ་དང་སྒྲོག་པ་སྨན་གྱི་སྤོད༔ རི་རབ་རོལ་མཚོའི་ཚུལ་དུ་སྤུངས༔ རང་གཞན་མཁའ་མཉམ་སེམས་ཅན་གྱི༔ གཟུང་འཛིན་ཡུལ་འཁྲུལ་དངོས་སྣང་དང་༔ འབྱུང་ལུས་རྡུལ་ཞིག་ཚོགས་དང་བསྲེས༔ བརྟན་པ་སྣོད་ཀྱི་བྷནྡྷ་རུ༔ གཡོ་བ་བཅུད་དང་ཚོགས་འདྲེས་ཞུ༔ ཡེ་ཤེས་བདུད་རྩིར་བྱིན་བརླབས་ནས༔ འཁོར་འདས་ཡོངས་ཁྱབ་མཆོད་པའི་སྤྲིན༔ ཀུན་ཏུ་བཟང་པོའི་རྣམ་འཕྲུལ་དུ༔ སྤེལ་ནས་མཆོད་པ་རྣལ་འབྱོར་ལམ༔ ཕཊ་ཕཊ་ཕཊ༔ འབྱུང་ལྔས་བསྡུས་པའི་སྣོད བཅུད་དང་༔༷ གཟུང་འཛིན་གྱིས་བསྡུས་འཐས་པའི་ལུས༔ བཤམས་པའི་རྫས་དང་གཉིས་མེད་བསྲེས༔ རྡོ་རྗེ་གསུམ་གྱི་སྙིང་པོས་བརླབས༔ འདོད་ཡོན་ནམ་མཁའ་མཛོད་དུ་སྤེལ༔ རཾཿ ཡཾཿ ཁྃཿ གིས་མི་གཙང་སྦྱངས༔ ཨོཾ་གྱིས་ཡེ་ཤེས་བདུད་རྩི་དཀར༔ ཨཱཿ ཡིས་དམར་གསལ་གསུང་གི་བཅུད༔ ཧཱུྃ་གིས་མཐིང་ནག་བདུད་རྩིར་འཁྱིལ༔ སྭ་ཡིས་ཤ་ལྔ་འོད་དུ་ཞུ༔ ཧཱ་ཡིས་བདུད་རྩི་རྣམ་ལྔ་ཞུ༔ མྱོང་གྲོལ་ཡེ་ཤེས་བདུད་རྩིར་གྱུར༔ ཁ་དོག་ངད་རླངས་དྲི་ལྦུ་བ༔ དེ་ལས་འདོད་ཡོན་མཆོད་སྤྲིན་འཁྲིགས༔ མི་ཟད་རྒྱན་གྱི་འཁོར་ལོར་ཤར༔ ཨཱཿ ཧཱུྃ་ཧ་ཧོ་ཧྲཱི༔ དེ་ནས་ཚོགས་ལ་སྤྱན་འདྲེན་ནི༔ ཕཊ་ཕཊ་ཕཊ༔ འོད་གསལ་ཆོས་སྐུའི་ཕོ་བྲང་ནས༔ ཀ་དག་གདོད་མའི་མགོན་པོ་ཡང་༔ འཆི་མེད་བདུད་རྩིའི་ཚོགས་ལ་བྱོན༔ གནས་དང་དཀྱིལ་འཁོར་སྒྲུབ་མཆོག་བཅས༔ ཞིང་དང་གཞལ་ཡས་ཡེ་ཤེས་ལྷའི༔ རོལ་པ་ཆེན་པོར་བྱིན་གྱིས་རློབས༔ མ་འགགས་བདེ་ཆེན་གཞལ་ཡས་ནས༔ ལོངས་སྐུ་རྡོར་སེམས་རྡོ་རྗེ་ཆོས༔ འཆི་མེད་བདུད་རྩིའི༴ གནས་དང་དཀྱིལ་འཁོར: ཞིང་དང་གཞལ་ཡས་རོལ་པ་ཆེན་པོརཿ ཕྱོགས་མེད་འགྲོ་འདུལ་ཕོ་བྲང་ནས༔ སྤྲུལ་སྐུ་ཕྱག་རྡོར་དགའ་རབ་རྗེ༔ འཆི་མེད་བདུད་རྩིའི༴ གནས་དང་དཀྱིལ་འཁོར༴ ཞིང་དང་གཞལ་ཡས༴ རོལ་པ་ཆེན་པོརཿ འཇའ་ལུས་སྒྱུ་མའི་ཕོ་བྲང་ནས༔ ཤྲཱི་སེང་པདྨ་ཀ་ར་ཡང་༔ འཆི་མེད་བདུད་རྩིའི༴ ༣ སཱ༔ གནས་དང་དཀྱིལ་འཁོརཿ ཞིང་དང་གཞལ་ཡས། རོལ་པ་ཆེན་པོརཿ སྒྲུབ་སྡེ་བརྒྱད་ཀྱི་དཀྱིལ་འཁོར་ནས༔ རིག་འཛིན་རྣམ་བརྒྱད་འཁོར་དང་བཅས༔ འཆི་མེད་བདུད་རྩིའི༴ གནས་དང་དཀྱིལ་འཁོར༴ ཞིང་དང་གཞལ་ཡས་རོལ་པ་ཆེན་པོར སྐྱེ་མེད་ཆོས་སྐུའི་དགོངས་ཀློང་ནས༔ ས་ར་ཧ་པ་ལ་སོགས་པའི༔ གྲུབ་ཆེན་བརྒྱད་ཅུ་འཁོར་བཅས་ཡང་༔ འཆི་མེད་བདུད་རྩིའི༴ གནས་དང་དཀྱིལ་འཁོར= ཞིང་དང་གཞལ་ཡས༴ རོལ་པ་ཆེན་པོར རྫོགས་པ་ཆེན་པོའི་དགོངས་ཀློང་ནས༔ རྗེ་འབངས་ཉེར་ལྔ་ལ་སོགས་པའི༔ རྩ་བ་བརྒྱུད་པའི་བླ་མ་རྣམས༔ འཆི་མེད་བདུད་རྩིའི༴ གནས་དང་དཀྱིལ་འཁོར༴ ཞིང་དང་གཞལ་ཡས། རོལ་པ་ཆེན་པོརཿ སྤྱི་གཙུག་ཉི་ཟླའི་གདན་སྟེང་ནས༔ མཚོ་སྐྱེས་རྡོ་རྗེ་ལ་སོགས་པའི༔ དྲིན་ཆེན་རྩ་བའི་བླ་མ་རྣམས༔ འཆི་མེད་བདུད་རྩིའི༴ གནས་དང་དཀྱིལ་འཁོར ཞིང་དང་གཞལ་ཡས། རོལ་པ་ཆེན་པོརཿ ཁྱེད་ཀྱི་རྗེས་སུ་བདག་སྒྲུབ་ཀྱི༔ བྱིན་གྱིས་བརླབ་ཕྱིར་གཤེགས་སུ་གསོལ༔ གནས་མཆོག་འདི་རུ་བྱིན་ཕོབ་ལ༔ སྒྲུབ་མཆོག་བདག་ལ་དབང་བཞི་སྐུར༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་དངོས་གྲུབ་སྩོལ༔ ཕཊ་ཕཊ་ཕཊ༔ འོག་མིན་ཆོས་དབྱིངས་ཕོ་བྲང་ནས༔ བདེ་ཆེན་ཀུན་ཏུ་བཟང་མོ་ཡང་༔ འཆི་མེད་བདུད་རྩིའི་ཚོགས་ལ་བྱོན༔ གནས་དང་དཀྱིལ་འཁོར་སྒྲུབ་མཆོག་བཅས༔ ཞིང་དང་གཞལ་ཡས་ཡེ་ཤེས་ལྷའི༔ རོལ་པ་ཆེན་པོར་བྱིན་གྱིས་རློབས༔ ལྷུན་གྲུབ་ལོངས་སྐུའི་གཞལ་ཡས་ནས༔ རྗེ་བཙུན་རྡོ་རྗེ་ཕག་མོ་ཡང་༔ འཆི་མེད་བདུད་རྩིའི༴ གནས་དང་དཀྱིལ་འཁོར༴ ཞིང་དང་གཞལ་ཡས་རོལ་པ་ཆེན་པོརཿ བདུད་བཞི་དབྱིངས་སྒྲོལ་དུར་ཁྲོད་ནས༔ མ་ཅིག་ཁྲོས་མ་ནག་མོ་ཡང་༔ འཆི་མེད་བདུད་རྩིའི༴ གནས་དང་དཀྱིལ་འཁོར་ཞིང་དང་གཞལ་ཡས༔ རོལ་པ་ཆེན་པོརཿ སྟུག་པོ་བཀོད་པའི་ཞིང་ཁམས་ནས༔ སངས་རྒྱས་མཁའ་འགྲོ་འཁོར་དང་བཅས༔ འཆི་མེད་བདུད་རྩིའི༴ གནས་དང་དཀྱིལ་འཁོར༴ ཞིང་དང་གཞལ་ཡས། རོལ་པ་ཆེན་པོརཿ མངོན་པར་དགའ་བའི་ཞིང་ཁམས་ནས༔ རྡོ་རྗེ་མཁའ་འགྲོ་འཁོར་དང་བཅས༔ འཆི་མེད་བདུད རྩིའི གནས་དང་དཀྱིལ་འཁོར༴ ཞིང་དང་གཞལ་ཡས༔ རོལ་པ་ཆེན་པོར༔ དཔལ་དང་ལྡན་པའི་ཞིང་ཁམས་ནས༔ རིན་ཆེན་མཁའ་འགྲོ་འཁོར་དང་བཅས༔ འཆི་མེད་བདུད་ ཕ༔ རྩིའི གནས་དང་དཀྱིལ་འཁོརཿ ཞིང་དང་གཞལ་ཡས། རོལ་པ་ཆེན་པོརཿ བདེ་བ་ཅན་གྱི་ཞིང་ཁམས་ནས༔ པདྨ་མཁའ་འགྲོ་འཁོར་དང་བཅས༔ འཆི་མེད་བདུད་རྩིའི༴ གནས་དང་དཀྱིལ་འཁོརཿ ཞིང་དང་གཞལ་ཡས་རོལ་པ་ཆེན་པོརཿ ལས་རབ་རྫོགས་པའི་ཞིང་ཁམས་ནས༔ ཀརྨ་མཁའ་འགྲོ་འཁོར་དང་བཅས༔ འཆི་མེད་བདུད་རྩིའི༔ གནས་དང་དཀྱིལ་འཁོར༴ ཞིང་དང་གཞལ་ཡས། རོལ་པ་ཆེན་པོརཿ ཞི་རྒྱས་དབང་དྲག་དཀྱིལ་འཁོར་ནས༔ ལས་བཞིའི་མཁའ་འགྲོ་འཁོར་དང་བཅས༔ འཆི་མེད་བདུད་རྩིའི༴ གནས་དང་དཀྱིལ་འཁོར༴ ཞིང་དང་གཞལ་ཡས། རོལ་པ་ཆེན་པོརཿ དུག་ལྔ་དབྱིངས་སྒྲོལ་དུར་ཁྲོད་ནས༔ ཁྲག་འཐུང་མ་བཞི་འཁོར་དང་བཅས༔ འཆི་མེད་བདུད་རྩིའི༴ གནས་དང་དཀྱིལ་འཁོར༴ ཞིང་དང་གཞལ་ཡས་རོལ་པ་ཆེན་པོརཿ ལོག་རྟོག་དབྱིངས་སྒྲོལ་དུར་ཁྲོད་ནས༔ དབང་མོ་ཉེར་བརྒྱད་འཁོར་དང་བཅས༔ འཆི་མེད་བདུད་རྩིའི༴ གནས་དང་དཀྱིལ་འཁོར་ཞིང་དང་གཞལ་ཡས༴ རོལ་པ་ཆེན་པོརཿ གནས་མཆོག་ཉེར་བཞི་ཡུལ་སོ་གཉིས༔ ཧེ་རུའི་གནས་བཅུ་དུར་ཁྲོད་བརྒྱད༔ དེ་དང་དེར་བཞུགས་དཔའ་བོ་དང་༔ མཁའ་འགྲོ་ཞིང་སྐྱོང་ཚོགས་བདག་རྣམས༔ འཆི་མེད་བདུད་རྩིའི༴ གནས་དང་དཀྱིལ་འཁོར: ཞིང་དང་གཞལ་ཡས རོལ་པ་ཆེན་པོར སྐུ་གསུམ་ཡེ་ཤེས་མཁའ་འགྲོའི་ཚོགས༔ ནམ་མཁའི་སྐར་ལྟར་ཁྲིགས་སེ་ཁྲིག༔ བར་སྣང་སྤྲིན་བཞིན་ཐིབས་སེ་ཐིབ༔ ས་གཞིར་རླུང་ལྟར་ཚུབས་སེ་ཚུབ༔ དབུ་རྒྱན་དར་དཔྱང་པུ་རུ་རུ༔ རུས་རྒྱན་གཡེར་ཁ་ཁྲོ་ལོ་ལོ༔ སྙན་ཆ་གདུ་བུ་གྱི་ལི་ལི༔ གར་སྟབས་བྲོ་བརྡུང་ཁྲིགས་སེ་ཁྲིག༔ འཇའ་དང་འོད་ཕུང་ཐིབས་སེ་ཐིབ༔ གླུ་ལེན་བཤུག་པ་ཀྱུ་རུ་རུ༔ ཅང་ཏེའུ་དྲིལ་བུ་དི་རི་རི༔ པི་ཝཾ་གླིང་བུ་ལྷངས་སེ་ལྷང་༔ དབང་བཞིའི་ཡེ་ཤེས་ད་ལ་ལ༔ བྱིན་རླབས་འོད་ཕུང་ཐིབས་སེ་ཐིབ༔ དངོས་གྲུབ་སྦྲང་ཆར་ཉི་ལི་ལི༔ སྐད་ཅིག་ཉིད་ལ་ཐུགས་རྒྱུད་བསྐུལ༔ ཁྱེད་ཀྱི་རྗེས་སུ་བདག་སྒྲུབ་ཀྱི༔ བྱིན་གྱིས་བརླབ་ཕྱིར་གཤེགས་སུ་གསོལ༔ གནས་མཆོག་འདི་རུ་བྱིན་ཕོབ་ལ༔ སྒྲུབ་མཆོག་བདག་ལ་དབང་བཞི་སྐུར༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་དངོས་གྲུབ་སྩོལ༔ འབྱུང་བཞིའི་ཕུང་པོ་ཡུལ་དང་བཅས༔ མཁའ་འགྲོ་དགྱེས་ཕྱིར་འབུལ་ལགས་ཀྱི༔ འོད་གསལ་ཆེན་པོར་བྱིན་གྱིས་ ཕ༔ རློབས༔ ལུས་ལ་བདེ་བ་བསྐྱེད་དུ་གསོལ༔ ངག་ལ་ནུས་པ་སྤེལ་དུ་གསོལ༔ སེམས་ལ་རྟོགས་པ་སྦར་དུ་གསོལ༔ དུག་གསུམ་སྐུ་གསུམ་ངང་དུ་ཤིག༔ དུག་ལྔ་ཡེ་ཤེས་ལྔ་རུ་སྒྲོལ༔ ཉོན་མོངས་འཁྲུལ་པའི་རྟོགས་ཚོགས་ཀུན༔ ཆོས་ཕུང་བརྒྱད་ཁྲིའི་ཀློང་དུ་སྒྲོལ༔ འཁོར་བ་ཆོས་སྐུའི་ཀློང་དུ་ཕཊ༔ ཕཊ༔ དཔལ་མགོན་ཕྱོགས་སྐྱོང་དྲེགས་པའི་དཔོན༔ སྡེ་བརྒྱད་བརྟན་མ་དཀར་ཕྱོགས་སྐྱོང་༔ མ་ལུས་འདོད་ཡོན་ཚོགས་ལ་བྱོན༔ མ་ཐོགས་མྱུར་དུ་གཤེགས་སུ་གསོལ༔ ཀླུ་རྒྱལ་མི་མགོན་དཀར་པོ་དང་༔ གཤིན་རྗེ་ཡ་མ་རཱ་ཛ་དང་༔ བཙན་དམར་སྲོག་གི་ཤན་པ་དང་༔ མ་ཅིག་དཔལ་ལྡན་ལྷ་མོར་བཅས༔ འདོད་ཡོན་བདུད་རྩིའི་ཚོགས་ལ་བྱོན༔ འཁོར་དང་བཅས་པ་གཤེགས་སུ་གསོལ༔ དམ་ཚིག་གཉན་གྱིས་