Tibetan
རྣམ་པར་ཤེས་པའི་ངོ་བོ་ཐིག་ལེ་དཀར་པོ་ཨ་ཡིག་གིས་མཚན་པ་ཅན་ཞིག་ཏུ་གྱུར་ཏེ་ཕུར་པའི་རྩེ་མོར་འུབ་ཀྱིས་འདུས་ཏེ་ཁོང་གསེང་ནས་ཡར་དྲངས་ཏེ་དུག་གསུམ་གྱི་སྒྲིབ་པ་སྦྱངས༔ སྐུ་གསུམ་གྱི་དགོངས་དོན་རྒྱུད་ལ་སྐྱེས་ཏེ་མདུན་བསྐྱེད་གཙོ་བོའི་ཐུགས་ཀར་ཐིམ་པས་ཆོས་ཉིད་འཁྲུལ་མི་ཤེས་པའི་དབྱིངས་སུ་སད་དེ་སངས་རྒྱས་པར་བསམ༔ ཕཊ་ཕཊ་ཕཊ༔ དེ་ནས་ལིང་རོ་རྣམས་བྲུབ་ཁུང་དུ་བླུགས་ཏེ༔ ཕཊ༔ ཨེ་ལས་གནམ་ལྕགས་ཀྱི་ཁང་སྒྲོམ་ནག་པོ་ཁ་དོག་ཅིང གཏིང་ཡངས་པ་སྲ་བ་བརྟན་པ་ལྕི་བ་འཐས་པ་བྲོས་ཐར་གབ་ཡུལ་བྲལ་བ༔ ནང་དུ་ཚུད་པ་ཙམ་གྱིས་ཡིད་ཀྱི་ལུས་ཅན་གང་ལའང་ཐོགས་པ་མེད་པ་རྣམས་ཀྱང་ཐོགས་ནས་འཐིབ་པར་བྱེད་པའི་བདག་ཉིད་ཅན་དུ་གྱུར༔ ཕཊ་ཕཊ་ཕཊ༔ དེའི་ནང་དུ་གནོད་བྱེད་སྲི་གདོན་ཐམས་ཅད་བསྒྲལ་བའི་ཤ་ཁྲག་རུས་པའི་ཕུང་པོ་བག་ཆགས་དང་བཅས་པ་བྲུབ་པ་ལ་ཁམས་གསུམ་སེམས་ཅན་ཐམས་ཅད་ཀྱི་སྡུག་བསྔལ་བག་ཆགས་ལས་ཉོན་ཐམས་ཅད་ཐིམ་པར་གྱུར༔ ཕཊ་ཕཊ་ཕཊ༔ དེའི་སྟེང་དུ་རི་རབ་བང་རིམ་སུམ་བརྩེགས་ཀྱི་སྟེང་དུ་མ་ཅིག་ཁྲོས་མ་ནག་མོ་ཞལ་གཅིག་ ༔ ཕྱག་གཉིས་གྲི་ཐོད་ཅན་དུར་ཁྲོད་ཆས་བརྒྱད་ཀྱིས་བརྒྱན་པ་སྐུ་སྨད་གནམ་ལྕགས་ཀྱི་ཕུར་དབལ་རྣོ་ངར་དང་ལྡན་པ་ཉོན་མོངས་ཕུང་སྲིའི་སྙིང་ལ་གཟིར་ཞིང་མེ་དཔུང་དམར་ནག་རབ་ཏུ་འབར་བའི་ཀློང་ན་འབུམ་ཕྲག་ཡངས་པའི་མཁའ་འགྲོའི་ཚོགས་ཀྱིས་བསྐོར་ནས་བཞུགས་པར་བསྒོམ༔ ཕཊ་ཕཊ་ཕཊ༔ བདག་ཉིད་ཁྲོས་མའི་ཕྱག་གཡས་ཟླ་བ་དང་གཡོན་ཉི་མའི་དཀྱིལ་འཁོར་ཁ་སྦྱོར་གྱི་མཚམས་སུ་ཧཱུྃ་མཐིང་ནག་ལས་སེང་ལྡེང་གི་ཕུར་པ་དམར་ཟང་ངེ་བ་སྟོད་ཆ་ཁྲོས་མ་དམར་ནག་སྨད་ཆ་ཁམས་གསུམ་ཡོངས་སུ་སྒྲོལ་བའི་དབལ་སོ་དང་ལྡན་པའི་གནས་ལྔ་ན་མཁའ་འགྲོ་སྡེ་ལྔ༔ གཙུག་ཏོར་གྱི་འཁོར་ལོར་མ་ཅིག་ཁྲོས་མ་ནག་མོའི་དཀྱིལ་འཁོར་ཡོངས་སུ་རྫོགས་པར་བསམ༔ འོད་འཕྲོས་པས་མ་ལུས་རྒྱལ་བའི་དཀྱིལ་འཁོར་ཐམས་ཅད་སྤྱན་དྲངས་ལ་བསྟིམ་མོ༔ བཛྲ་ས་མ་ཡ་ཛཿ ས་མ་ཏི་སྟྭཾ༔ ཕཊ་ཕཊ་ཕཊ༔ ཅེས་བརྗོད་པས་ཕུར་པའི་ཚྭ་ཚྭ་སྐར་ལྟར་འཁྲིགས་ཤིང་གནོད་བྱེད་ཐམས་ཅད་ཀྱི་སྙིང་ལ་ཐོག་ལྟར་འབེབས་པར་བསམ༔ ཨོཾ་བཛྲ་ཀྲོ་དྷི་ཀ་ལི་ཧཱུྃ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ ཨོཾ༔ སྐུ་གསུམ་ལྷུན་གྲུབ་ཕུར་པ་ནི༔ འགྲོ་དྲུག་དུག་གསུམ་ཕུང་པོར་གདབ༔ ཡུམ་ཆེན ཆོས་སྐུའི་ཀློང་དུ་བསྒྲལ༔ སྐྱེ་མེད་སྤྲོས་བྲལ་ངང་དུ་བསད༔ ཨོཾ་བཛྲ་ཀྲོ་དྷི་ཀ་ལི་ཧཱུྃ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ སྐུ་ལྔ་ལྷུན་གྲུབ་ཕུར་པ་ནི༔ འགྲོ་དྲུག་དུག་ལྔའི་ཕུང་པོར་གདབ༔ ཡེ་ཤེས་ལྔ་ཡི་ཀློང་དུ་བསྒྲལ༔ བདེ་ཆེན་འགྱུར་མེད་ངང་དུ་བསད༔ ཨོཾ་བཛྲ་ཀྲོ་དྷི་ཀ་ལི་ཧཱུྃ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ ཆོས་ཕུང་ཡོངས་རྫོགས་ཕུར་པ འདི༔ ཉོན་མོངས་བརྒྱད་ཁྲིའི་ཕུང་པོར་གདབ༔ འཁོར་བ་མྱང་འདས་དབྱིངས་སུ་བསྒྲལ༔ ཀུན་ཏུ་འོད་ཀྱི་ཀློང་དུ་བསད༔ ཨོཾ་བཛྲ་ཀྲོ་དྷི་ཀ་ལི་ཧཱུྃ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ ཕཊ་ཕཊ་ཕཊ༔ མ་ཆོས་སྐུ་ཡེ་ཤེས་མཁའ་འགྲོ་མ༔ བརྡལ་ཁྱབ་དབྱིངས་ལས་དགོངས་པ་བསྐྱོད༔ མ་རིག་འཁྲུལ་པའི་སེམས་ཅན་འདི༔ གཞོན་ནུ་བུམ་སྐུའི་ཀློང་དུ་སྟོབ༔ མ་ལོངས་སྐུ་ཡེ་ཤེས་མཁའ་འགྲོ་མ༔ འགགས་མེད་དབྱིངས་ལས་དགོངས་པ་བསྐྱོད༔ མ་རིག་ཉོན་འཁྲུལ་སེམས་ཅན་འདི༔ འོད་གསལ་ཆེན་པོའི་ཀློང་དུ་སྟོབ༔ མ་སྤྲུལ་སྐུ་ཡེ་ཤེས་མཁའ འགྲོ་མ༔ ཀུན་ཁྱབ་དབྱིངས་ལས་དགོངས་པ་བསྐྱོད༔ མ་རིག་འཁྲུལ་པའི་ལས་ངན་འདི༔ བདེ་ཆེན་ཡེ་ཤེས་ཀློང་དུ་སྟོབ༔ མ་མཁྱེན་ནོ་ཡེ་ཤེས་མཁའ་འགྲོ་མ༔ གཟིགས་ཤིག་ཀུན ཕ༔ གཟིགས་སྤྱན་ལྡན་མ༔ དགོངས་ཤིག་བརྩེ་བའི་ཐུགས་རྗེ་ཅན༔ ཕྲིན་ལས་འགྲོ་འདུལ་མཐུ་ལྡན་མ༔ བདག་སོགས་སྐྱབས་བྲལ་སྐྱོབ་བྱེད་མ༔ མ་མཁྱེན་ནོ་མཁྱེན་ནོ་ཐུགས་རྗེ་ཅན༔ གསོལ་བ་འདེབས་སོ་བྱིན་རླབས་ཅན༔ སྐྱབས་སུ་མཆིའོ་མཐུ་ལྡན་མ༔ འབོད་དོ་མ་ཅིག་དྲིན་ལྡན་མ༔ བདག་གསོལ་འདེབས་ཐུགས་རྒྱུད་བསྐུལ་བའི་དོན༔ མ་ཐུགས་རྗེ་ནུས་པའི་སྟོབས་ཤུགས་བསྐྱེད༔ མ་རིག་འཐིབ་པའི་མུན་ཁང་འདི༔ ཡེ་ཤེས་ཆེན་པོའི་དགོངས་པས་ཤིག༔ དུག་གསུམ་འཐས་པའི་སྒོ་གསུམ་འདི༔ སྐུ་གསུམ་ཡེ་ཤེས་ཀློང་དུ་ཤིག༔ དུག་ལྔའི་བག་ཆགས་འབྱུང་བ་ལྔ༔ ཡེ་ཤེས་ལྔ་ཡི་དབྱིངས་སུ་ཤིག༔ ངར་འཛིན་བརྟན་པའི་རྣམ་རྟོག་འདི༔ བདག་མེད་ཆོས་སྐུའི་ཀློང་དུ་ཤིག༔ གཟུང་འཛིན་འཕྲུལ་གྱི་སྣང་བ་ཡུལ༔ གཉིས་མེད་ཀ་དག་རོལ་པར་ཤིག༔ འཁྲུལ་པའི་འཁོར་ལོར་ཁ་འབྱམས་པའི༔ སྡུག་བསྔལ་སེམས་ཅན་ལྷ་འདྲེ་རྣམས༔ ཡེ་ཤེས་མཁའ་འགྲོའི་དགོངས་པས་རློབས༔ བདེ་ཆེན་འགྱུར་མེད་ས་རུ་སྒྲོལ༔ སྐྱེ་མེད་ཆོས་སྐུའི་ཀློང་དུ་རོལ༔ རྣམ་མཁྱེན་ཡེ་ཤེས་རྒྱ་ཡིས་ཐོབ༔ ཀུན་ཏུ་བཟང་པོའི་ས་ཐོབ་ཤོག༔ ཕཊ་ཕཊ་ཕཊ༔ དེ་ནས་འདུལ་ཆས་རྣམས་ཀྱིས་ གདབ་པ་ནི༔ ཕཊ་ཕཊ་ཕཊ༔ མ་སྐུ་གསུམ་ཡེ་ཤེས་མཁའ་འགྲོ་རྣམས༔ དབྱིངས་ལས་སྐུར་བཞེངས་མངོན་སྤྱོད་མཛོད༔ སྲི་གདོན་འདུལ་བའི་མཚོན་ཆ་རྣམས༔ ད་ལྟ་ཉིད་དུ་གདབ་པར་མཛོད༔ གནམ་ལྕགས་ངར་མའི་རལ་གྲི་འདིས༔ གནོད་བྱེད་མགོ་ལུས་ཚལ་པར་གཏུབ༔ གནམ་ལྕགས་སྟྭ་རེ་ངར་མ་འདིས༔ དགྲ་བགེགས་ང་རྒྱལ་རུས་པ་འཐོག༔ གནམ་ལྕགས་ངར་མའི་ཟོར་བ་འདིས༔ དགྲ་བགེགས་བཟུང་ནས་སྟོད་ཆ་ཕྲོལ༔ གཟའ་བདུད་ནག་པོའི་མདའ་གཞུ་འདིས༔ དགྲ་བགེགས་སྲོག་གི་རྩ་ལ་ཐོབ༔ བཙན་མདུང་ངར་ལྡན་རྩེ་དམར་འདིས༔ དགྲ་བགེགས་སྙིང་གི་དཀྱིལ་དུ་རྒྱོབ༔ འཐིབ་བྱེད་རྔ་ཡབ་དཀར་ནག་འདིས༔ དགྲ་བགེགས་དྲན་མེད་ངང་དུ་སོད༔ གཡབ་བྱེད་གཡང་གཞི་དཀར་ནག་འདིས༔ དགྲ་བགེགས་ནུས་མཐུ་དྲག་རྩལ་སོད༔ ལྕགས་སླང་དམྱལ་གནས་ཁོལ་མ་འདིས༔ དགྲ་བགེགས་ལུས་ངག་ཡིད་ལ་སྦུབས༔ བློ་ཡི་དྲན་པ་མེད་པར་མྱོས༔ བསྒྲལ་གཞི་ནག་པོ་རླུང་ཐུབ འདིས༔ མུན་པ་ནག་པོ་སྟེང་གྲིབ་ཁེབས༔ སྲི་གདོན་སྟེང་དུ་ད་ཁོབ་ཅིག༔ མུན་པ་སྒོ་མེད་ནག་པོས་གཡོགས༔ བྱང་ཆུབ་སེམས་དང་མ་ལྡན་བར༔ ནམ་ཡང་དྲན་ཞེན་མེད་པར་ ཕ༔ གྱུར༔ མེ་ཆུ་རླུང་དང་རི་རབ་དང་༔ དམྱལ་ཁམས་བཅོ་བརྒྱད་ར་བ་ནི༔ ཕྱི་ནང་རིམ་བསྐོར་ནང་དུ་བཙུད༔ སྡུག་བསྔལ་མྱོང་ཚོར་མེད་པ་ཡི༔ བདེ་བ་ཆེན་པོའི་ངང་དུ་བརྒྱལ༔ འཁོར་བར་ལྡོག་མེད་དགོངས་རྒྱས་ཐོབ༔ ཨོཾ་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་སརྦ་ས་མ་ཡ་གནོད་བྱེད་སྲི་གདོན་སརྦ་ཏྲི་ཛཿ རྦད་ནན༔ བརྒྱ་བརྗོད་ཕྱེ་གསུམ་བསྔགས་ལ་བྲབ༔ ཕཊ་ཕཊ་ཕཊ༔ བདག་གི་རིག་པ་ཁྲོས་མ་ནག་མོ་སྤྱི་གཙུག་ནས་ཐོན་ཏེ་སྣང་སྲིད་གང་བ་ཞིག་ཏུ་གྱུར་ནས༔ གཡས་གྲི་གུག་བེམ་པོ་ལ་ཚད་པ་ཙམ་གྱིས་སྟོང་གསུམ་གྱི་སྟོང་ཆེན་པོ་ཞིག་གི་པགས་པས་ཁེབས་པར་གྱུར༔ ཕཊ༔ དེའི་སྟེང་དུ་ཤ་ཁྲག་རུས་པའི་ཕུང་པོ་ཐར་གྱིས་ཞིག་ནས་གང་བར་གྱུར༔ ཕཊ༔ གནོད་བྱེད་གནས་གདོན་ལུས་གདོན་དགྲ་བགེགས ཐམས་ཅད་ཀྱིས་ཤ་རུལ་ལ་སྦྲང་མ་འདུ་བ་ལྟར་ཧབ་ཐོབ་ཏུ་ཟོས་པར་གྱུར༔ ཕཊ་ཕཊ་ཕཊ༔ སླར་དགྲ་བོའི་མི་ནོར་ལོངས་སྤྱོད་སྲི་གདོན་ཟ་འདྲེ་ཤི་གཤེད་ཐམས་ཅད་གཡང་གཞིའི་དབུས་སུ་གནས་ཏེ་འདུས་པར་གྱུར༔ ཕཊ་ཕཊ་ཕཊ༔ བདག་ཉིད་ཁྲོས་མའི་ཕྱག་གཡས་ཀྱིས་གཡང་གཞི་མཐའ་ནས་བསྡུས་ཏེ་སྦྲུལ་དང་རྒྱུ་མའི་ཞགས་པས་ཁ་བསྡམས་ནས་ཀླད་ལ་ལན་གསུམ་ བསྐོར་ཏེ་ཁམས་གསུམ་གྱི་སྡུག་བསྔལ་བསྟིམ༔ ས་ལ་ལན་གསུམ་བརྡབ་པས་འཁྲུལ་པའི་འཁོར་ལོ་བཅོམ་སླར་ཤར་གྱིས་འཕངས་པས་འོག་གཞི་རླུང་གི་དཀྱིལ་འཁོར་གྱི་འོག་ཏུ་སོང་བར་བསམ༔ ཕཊ་ཕཊ་ཕཊ༔ དགྲ་བོའི་མི་ནོར་ལ་སྲི་གདོན་རྣམས་ཀྱིས་ལོངས་སྤྱོད་ནས་ཡོད་པའི་སྟེང་དུ་ཡཾ་ལས་རླུང་ཁཾ་ལས་ཆུ་རཾ་ལས་མེ་སུཾ་ལས་སའི་དཀྱིལ་འཁོར་གྱི་སྟེང་དུ་ཁྲོ་ཆེན་སྟོབས་པོ་ཆེ༔ དེའི་སྟེང་དུ་དུར་ཁྲོད་རབ་འཇིགས་མེ་དཔུང་འབར་བའི་དབུས་སུ་བདག་གི་གནས་ཁང་ཡིད་བཞིན་གྱི་ནོར་བུ་དབང་གི་རྒྱལ་པོ་གྱེན་དུ་ལངས་པ་སྲིད་པའི་རྩེ་མོར་ཟུག་པ༔ རྩ་བ་ཀླུ་རྒྱལ་འཇོག་པོས་ཐོད་དུ་བཅིངས་པ་ཕྱི་ནང་མེད་པར་འདོད་རྒུའི་ཆར་ཆེན་པོ་འབེབས་པ་ལ་བླ་མ་ཡི་དམ་མཁའ་འགྲོ་ཆོས་སྐྱོང་ནོར་ལྷའི་ཚོགས་ཀྱི་སྐུ་གསུང་ཐུགས་བཅུད་དངོས་གྲུབ་ཐམས་ཅད་ཡོངས་སུ་འདུས་ཤིང་རྫོགས་པར་གྱུར༔ ཕཊ་ཕཊ་ཕཊ༔ དེའི་དབུས་སུ་མ་ཆགས་པདྨ་ཉི་ཟླའི་གདན་སུམ་བརྩེགས་ཀྱི་སྟེང་དུ་རང་ཉིད་ཁྲོས་མ་ནག་མོ་སྒྱུ་འཕྲུལ་མཁའ་འགྲོ་འབུམ་སྡེའི་ཚོགས་མ་ལུས་ཤིང་ལུས་པ་མེད་པ་ཉི་མ་དང་འོད་ཟེར་གྱི་ཚུལ་དུ་གནས་པ་ལས་འོད་ཟེར་དཔག་ཏུ་མེད་པ་འཕྲོས་པས་འགྲོ་བ་རིགས་དྲུག་གི་རྒྱུ་ས་བོན་གནས་མལ་དང་བཅས་པ་ཐམས་ ཕ༔ ཅད་ཐུལ་གྱིས་བསྲེགས་ནས་སྣང་སྲིད་དག་པ་རབ་འབྱམས་ཀྱི་དཀྱིལ་འཁོར་དུ་བསྒོམ་ལ༔ ཨོཾ་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་ཧྲཱི་ཛཿ ཨ་ནྲྀ་སུ་ཏྲི་པྲེ་དུ༔ སརྦ་པཱ་པཾ་དུཿཁ་ཤཱནྟི་ཀུ་རུ་ཡེ་སྭཱ་ཧཱ༔ བརྒྱ་སྟོང་ཅི་ནུས་བཟླའོ༔ སྲི་གདོན་བྱང་བུ་ལིངྒ་བཅས༔ མཁའ་འགྲོའི་མེ་ཧོམ་ཞལ་བསྟབ་བྱ༔ ཐལ་སོལ་མཆོད་རྟེན་འོག་ཏུ་མནན༔ ལས་ཀྱི་སྲུང་མར་གཏད་བཅོལ་བྱ༔ འདི་ཡིས་མི་འདུལ་གང་ཡང་མེད༔ ཕ་ལམ་རྡོ་རྗེའི་མཚོན་དང་མཚུངས༔ ལྔ་བརྒྱ་དུས་ཀྱི་ཐ་མ་ལ༔ ལས་ཀ་འདི་ལས་ལྷག་པ་མེད༔ ཉིན་ཕྱེད་མཚན་གྱི་ཕྱེད་དུ་བྱ༔ ལྷ་འདྲེ་གཞན་དུ་མི་དམིགས་ཏེ༔ གཉིས་སྣང་རྒྱུ་རྐྱེན་དག་ལ་བྱ༔ དངོས་ཅན་དངོས་མེད་རྟགས་མཚན་ལ༔ གཟུགས་དང་སྒྲ་དང་དྲི་རོ་རེག༔ བཟང་དང་ངན་དང་རེ་དོགས་སྤངས༔ དངོས་མེད་དག་ལ་བྲེད་དང་འཇིགས༔ དངོས་ཅན་གཅན་གཟན་མི་རྒོད་དང་༔ རོ་དང་གོས་དང་གཟུགས་ཅན་གྱིས༔ རྣམ་རྟོག་སློང་བྱེད་ཅི་བྱུང་ཡང་༔ ཡ་ང་བག་ཚ་འཁུ་འཁྲིགས་སྤངས༔ སྣང་སྲིད་རང་སེམས་འཁྲུལ་པར་ཤེས༔ གཙང་དམེ་འཇིགས་སྐྲག་ཐམས་ཅད་གཅོད༔ དེ་ནི་རང་སྲུང་གདམས་པའི་མཆོག༔ མདོར་ན་ཤ་ཁྲག་གཟན་དུ་བསྐྱུར༔ སེམས་ཉིད་སྟོང་པ་བདག་ཏུ་མེད༔ སྟོང་པས་སྟོང་པར་ཡ་མི་ང་༔ ལར་ནི་ལུས་དང་ལྡན་ན་ཡང་༔ གཟུགས་མེད་དག་གིས་ཅི་ལ་གནོད༔ བར་སྣང་སྟོང་པས་གཟུགས་མི་བཅོམ༔ ཐམས་ཅད་སེམས་ཀྱི་རྣམ་རྟོག་ཏུ༔ ཤེས་པ་ཙམ་གྱིས་ངེས་གྲོལ་འགྱུར༔ ས་མ་ཡ༔ རྒྱ་རྒྱ་རྒྱ༔ མ་གཤིན་ཀླུ་བཙན་གཟའ་ཡིས སྲུངས༔ དམ་ལྡན་བུ་ལ་བརྩེ་གྲོགས་མཛོད༔ དམ་ཉམས་ལྟ་ལོག་སྲོག་རྩ་ཆོད༔ ས་མ་ཡ༔ རྒྱ་རྒྱ་རྒྱ༔གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ བརྡ་ཐིམ༔ ཞེས་པ་འདི་ཡང་སྤྲང་དྲེད་པོ་བདུད་འཇོམས་རྡོ་རྗེས་ཡིག་མེད་ནམ་མཁའི་ཀློང་མཛོད་ལས་དག་པར་ཕབ་པའི་ཡི་གེ་པ་ནི་ཆོས་ཀྱི་རྡོ་རྗེའོ། །དགེའོ །ལེགས་སོ།། །། འ T11610 - 434 ཕ༔ ཆོས་ཉིད་ནམ་མཁའི་ཀློང་མཛོད་ལས༔ མཁའ་འགྲོ་ཁྲོས་མའི་སྒོ་ནས་གཤིན་གདོན་འདུལ་བ་རྡོ་རྗེའི་གོ་ཆ་བཞུགས་སོ༔ གཤིན་གཅིག་འདུལ TI610 - 435 བདུད་འཇོམས་ཁྲོས་མ་ཕ༔ ན་མོ་གུ་རུ་པདྨ་ཀ་ར་ཡེ༔ ཏྲགཏལྷ། དེང་དུས་མི་རྣམས་ཤེས་རྒྱུད་འཁྲུགས༔ སེམས་ཅན་བསོད་ནམས་དམན་སྟོབས་ཀྱིས༔ མི་མཐུན་ནད་ཀྱི་ལ་ཡོག་འབྱུང་༔ ཀུན་འདུལ་མཁའ་འགྲོའི་འདུས་གནད་བསྟན༔ ས་མ་ཡ༔ དང་པོ་བཅའ་གཞིའི་རིམ་པ་ནི༔ ལྕགས་སྣོད་དམར་གཏོར་བཅུ་གཅིག་ལ༔ བ་ལིང་སྐྱུ་གུས བརྒྱན་པར་བྱ༔ ཁྲག་སོགས་སྐྱེར་པའི་རྩང་གིས་བསྐོར༔ ཁྲོས་མའི་ང་རྒྱལ་ལྡན་པའི་ངང་༔ ཧཱུྃ་ཧཱུྃ༔ ཧཱུྃ༔ ང་ནི་ཁྲོས་མ་ནག་མོ་སྟེ༔ འཁོར་འདས་ཐམས་ཅད་ང་ཡི་ངང་༔༷ རྒྱུ་རྐྱེན་ལས་འདས་གཞལ་ཡས་ཁང་༔ སྣང་སྲིད་ཐམས་ཅད་ཁྲག་ཏུ་རོལ༔ ང་ལས་ཆེ་བཙན་སུ་ཡང་མེད༔ དེ་ཕྱིར་སྣང་སྲིད་ལྷ་འདྲེ་T11610 - 436 གཤིན་གཉིས་༈ ཕ༔ རྣམས༔ རང་གི་ཆོ་འཕྲུལ་ལས་མི་གཞན༔ བསྒོ་བའི་བཀའ་དམ་ལ་གནས་མཛོད༔ རྡོ་རྗེའི་ཚིག་དཔང་གཉན་པོར་འབོད༔ མ་འདའ་བཛྲ་ས་མ་ཡ༔ ཕཊ་ཕཊ་ཕཊ༔ ཨོཾ་སྭ་བྷཱ་ཝ་སོགས ཤུདྡྷོ྅་ཧཾ༔ གཏོར་མ་མི་དམིགས་སྟོང་པ་ཉིད༔ སྟོང་པའི་ངང་ལས ལྷུན་གྲུབ་ཀྱི༔ གཞལ་ཡས་ཁང་པ་རྔམས་བརྗིད་འབར༔ དེ་དབུས་པད་ཉི་ཟླ་གདན་ལ༔ མདུན་བསྐྱེད་ཁྲོས་མ་ནག་མོའི་སྐུ༔ ཞལ་གཅིག ཕྱག་གཉིས་གྲི་ཐོད་ཅན༔ ཞལ་གདངས་ལྗགས་འདྲིལ་སྤྱན་གསུམ་པ༔ རལ་པ་དམར་སེར་སོགས ས་མ་ཡ་ཛ་ཛཿ ལན་གསུམ་མཐར༔ ཕཊ༔ TI1610 - 437 སྐྱེ་འགགས་འགྱུར་མེད་སོགས སྤྱན་འདྲེན་བཞུགས་གསོལ་ཕྱག་འཚལ་མཆོད་པའི་མཇུག་ཏུ༔ ན་མོ༔ དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མ་མ་ཚོགས་མཁའ་འགྲོ་རྒྱ་མཚོའི་བདེན་པའི་མཐུས་གདོན་བགེགས་ལོག་པར་འདྲེན་པ་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག༔ ལན་གསུམ་མཐར༔ ཤ་རི་ཁྲག་གི་རྒྱ་མཚོར་གྱུར༔ ཕཊ་ཕཊ་ཕཊ༔ དབུས་ཕྱོགས་སངས་རྒྱས་མཁའ་འགྲོ་མ༔ འབུམ་ཕྲག་ཡངས་པའི་ཚོགས་རྣམས་ཀྱིས༔ ཤ་ཁྲག་དམར་གཏོར་འདི་འབུལ་བཞེས༔ གཏི་མུག་ལས་བྱུང་ནད་གདོན་བགེགས༔ ཡུལ་མེད་ཟང་ཐལ་ངང་དུ་རོལ༔ ཆོས་དབྱིངས་ཡེ་ཤེས་དངོས་གྲུབ་སྩོལ༔ ཕཊ་ཕཊ་ཕཊ༔ ཤར་ཕྱོགས་རྡོ་རྗེ་མཁའ་འགྲོ་མ༔ འབུམ་ཕྲག་ཡངས་པའི་ཚོགས་རྣམས་ཀྱིས༔ ཤ་ཁྲག་དམར་གཏོར་འདི་འབུལ་བཞེས༔ ཞེ་སྡང་ལས་བྱུང་ནད་གདོན་བགེགས༔ ཡུལ་མེད་ཟང་ཐལ་ངང་དུ་རོལ༔ མེ་ལོང་ཡེ་ཤེས་དངོས་གྲུབ་སྩོལ༔ ཕཊ་ཕཊ་ཕཊ༔ ལྷོ་ཕྱོགས་རིན་ཆེན་མཁའ་འགྲོ་མ༔ འབུམ་ཕྲག་ཡངས་པའི་ཚོགས་རྣམས་ཀྱིས༔ ཤ་ཁྲག་དམར་གཏོར་འདི་འབུལ་བཞེས༔ འདོད་ཆགས་ལས་བྱུང་ནད་གདོན་བགེགས༔ ཡུལ་མེད་ཟང་ཐལ་ངང་དུ་རོལ༔ མཉམ་ཉིད་ཡེ་ཤེས་དངོས་གྲུབ སཱ༔ སྩོལ༔ ཕཊ་ཕཊ་ཕཊ༔ ནུབ་ཕྱོགས་པདྨ་མཁའ་འགྲོ་མ༔ འབུམ་ཕྲག་ཡངས་པའི་ཚོགས་རྣམས་ཀྱིས༔ ཤ་ཁྲག་དམར་གཏོར་འདི་འབུལ་བཞེས༔ འདོད་ཆགས་ལས་བྱུང་ནད་གདོན་བགེགས༔ ཡུལ་མེད་ཟང་ཐལ་ངང་དུ་རོལ༔ སོར་རྟོག་ཡེ་ཤེས་དངོས་གྲུབ་སྩོལ༔ ཕཊ་ཕཊ་ཕཊ༔ བྱང་ཕྱོགས་ལས་ཀྱི་མཁའ་འགྲོ་མ༔ འབུམ་ཕྲག་ཡངས་པའི་ཚོགས་རྣམས་ཀྱིས༔ ཤ་ཁྲག་དམར་གཏོར་འདི་འབུལ་བཞེས༔ ཕྲག་དོག་ལས་བྱུང་ནད་གདོན་བགེགས༔ ཡུལ་མེད་ཟང་ཐལ་ངང་དུ་རོལ༔ བྱ་གྲུབ་ཡེ་ཤེས་དངོས་གྲུབ་སྩོལ༔ ཕཊ་ཕཊ་ཕཊ༔ སྟེང་ཕྱོགས་མཁའ་སྤྱོད་མཁའ་འགྲོ་མ༔ འབུམ་ཕྲག་ཡངས་པའི་ཚོགས་རྣམས་ཀྱིས༔ ཤ་ཁྲག་དམར་གཏོར་འདི་འབུལ་བཞེས༔ དུག་གསུམ་ལས་བྱུང་ནད་གདོན་བགེགས༔ ཡུལ་མེད་ཟང་ཐལ་ངང་དུ་རོལ༔ གསལ་སྟོང་ཡེ་ཤེས་དངོས་གྲུབ་སྩོལ༔ ཕཊ་ཕཊ་ཕཊ༔ ཤར་ལྷོ་ཤ་ཟ་མཁའ་འགྲོ་མ༔ འབུམ་ཕྲག་ཡངས་པའི་ཚོགས་རྣམས་ཀྱིས༔ ཤ་ཁྲག་དམར་གཏོར་འདི་འབུལ་བཞེས༔ ཉོན་ཡིད་ལས་བྱུང་ནད་གདོན་བགེགས༔ ཡུལ་མེད་ཟང་ཐལ་ངང་དུ་རོལ༔ མཆོག་དང་ཐུན་མོང་དངོས་གྲུབ་སྩོལ༔ ཕཊ་ཕཊ་ཕཊ༔ ལྷོ་ནུབ་འཇིག་རྟེན་མཁའ་འགྲོ་མ༔ འབུམ་ཕྲག་ཡངས་པའི་ཚོགས་རྣམས་ཀྱིས༔ ཤ་ཁྲག་དམར་གཏོར་འདི་འབུལ་བཞེས༔ ཀུན་གཞི་ལས་བྱུང་ནད་གདོན་བགེགས༔ ཡུལ་མེད་ཟང་ཐལ་ངང་དུ་རོལ༔ མཆོག་དང་ཐུན་མོང་དངོས་གྲུབ་སྩོལ༔ ཕཊ་ཕཊ་ཕཊ༔ ནུབ་བྱང་དམ་ཚིག་མཁའ་འགྲོ་མ༔ འབུམ་ཕྲག་ཡངས་པའི་ཚོགས་རྣམས་ཀྱིས༔ ཤ་ཁྲག་དམར་གཏོར་འདི་འབུལ་བཞེས༔ རྣམ་ཤེས་ལས་བྱུང་ནད་གདོན་བགེགས༔ ཡུལ་མེད་ཟང་ཐལ་ངང་དུ་རོལ༔ མཆོག་དང་ཐུན་མོང་དངོས་གྲུབ་སྩོལ༔ ཕཊ་ཕཊ་ཕཊ༔ བྱང་ཤར་ཐམས་ཅད་མཁའ་འགྲོ་མ༔ འབུམ་ཕྲག་ཡངས་པའི་ཚོགས་རྣམས་ཀྱིས༔ ཤ་ཁྲག་དམར་གཏོར་འདི་འབུལ་བཞེས༔ སྒོ་ལྔ་ལས་བྱུང་ནད་གདོན་བགེགས༔ ཡུལ་མེད་ཟང་ཐལ་ངང་དུ་རོལ༔ མཆོག་དང་ཐུན་མོང་དངོས་གྲུབ་སྩོལ༔ ཕཊ་ཕཊ་ཕཊ༔ འོག་ཕྱོགས་ས་སྤྱོད་མཁའ་འགྲོ་མ༔ འབུམ་ཕྲག་ཡངས་པའི་ཚོགས་རྣམས་ཀྱིས༔ ཤ་ཁྲག་དམར་གཏོར་འདི་འབུལ་བཞེས༔ གཟུང་འཛིན་ལས་བྱུང་ནད་གདོན་བགེགས༔ ཡུལ་མེད་ཟང་ཐལ་ངང་དུ་རོལ༔ མཆོག་དང་ཐུན་མོང་དངོས་གྲུབ་སྩོལ༔ ཕཊ་ཕཊ་ཕཊ༔ ཨོཾ་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་སྲི་གདོན་སརྦ་ ཕ༔ ཁུག་ཛ་རྦད་ནན༔ དེ་ནས་བསྡུ་སྣོད་བསྐྱེད་པ་ནི༔ ཨེ་ཡཾ་ཕཊ༔ བདུད་ཀྱི་ཕོ་བ་ལས་གྲུབ་པའི་བསྡུ་སྣོད་ནག་པོ་སྡིག་པ་རཱ་ཙའི་དབྱིབས་སུ་འདུག་པ་འཇིགས་ཤིང་གཏུམ་པའི་ཉམས་བརྒྱར་འབར་བའི་ནང་དུ་གནོད་བྱེད་སྲི་གདོན་ཐམས་ཅད་འདུས་པའི་ངོ་བོ་རཱུ་པ་སྔོ་ཞིང་རིད་པ་རྐང་ལག་ལྕགས་སྒྲོག་གིས་བསྡམ་པ་ཉམ་ཐག་དབུགས་དང་བྲལ་ལ་ཁད་འདར་ཕྲི་ལི་ལི་བྱེད་པར་གྱུར༔ སྙིང་གར་ནྲྀ་ཏྲི་ལས་འོད་འཕྲོས་པས་གནོད་བྱེད་སྲི་ངན་རྣམས་ཆུ་ལ་ཆར་ཐིམ་པ་བཞིན་དུ་ལིངྒ་ལ་འདུས་ཤིང་ཐིམ་པར་གྱུར༔ དེ་ནས་འགུགས་པ་ནི༔ ན་མོ༔ དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་བདེན་པ་དང་༔ དོན་དམ་ཆོས་ཉིད་ངོ་བོ་གདོད་ནས་རྣམ་པར་དག་ཅིང་ཀུན་རྫོབ་རྟེན་འབྲེལ་བསླུ་བ་མེད་པ་རྒྱུ་འབྲས་ཟབ་མོའི་བདེན་པ་དང་༔༷ ཁྱད་པར་དུ་མ་ཅིག་ཁྲོས་མ་ནག་མོ་ལྷ་ལྔ་འབུམ་ཕྲག་མཁའ་འགྲོའི་མ་ཚོགས་རྣམས་ཀྱི་བདེན་པའི་མཐུས་གནོད་བྱེད་སྲི་གདོན་ཐམས་ཅད་ལིངྒ་འདི་ལ་ཁུག་ཅིག༔ ཛཿ ཧཱུྃ་བཾ་ཧོཿ ལན་དགུའི་མཐར་བདེན་ཆུང་བརྒྱ་རྩ་བརྗོད་མཐར༔ སླར་འགུགས་པ་ནི༔ ཕཊ་ཕཊ་ཕཊ༔ མ་དབུས་ཕྱོགས་སངས་རྒྱས་མཁའ་འགྲོ་མའི༔ ཐུགས་རྒྱུད་བསྐུལ་ལོ་དབྱིངས་ནས་བཞེངས༔ འབུམ་ཕྲག་ མཁའ་འགྲོའི་སྤྲུལ་པ་འགྱེད༔ ལས་བྱེད་ལྷ་འདྲེའི་ཚོགས་བཅས་ཀྱིས༔ གྲི་སྲི་ཤི་སྲི་ཆུང་སྲི་ཁུག༔ གཞོན་སྲི་དར་སྲི་ནད་སྲི་ཁུག༔ གོད་སྲི་དུར་སྲི་གནོད་བྱེད་ཁུག༔ ཚེ་འདས་བླ་ཡིད་སེམས་གསུམ་ཁུག༔ མཐོ་སྲིད་པའི་རྩེ་མོ་མན་ཆད་ནས༔ མནར་མེད་དམྱལ་བ་ཡན་ཆད་ཀྱི༔ གནོད་བྱེད་སྲི་གདོན་ཐམས་ཅད་ཁུག༔ དམིགས་བྱ་བྱང་བུ་འདི་ལ་ཁུག༔ ཨོཾ་བུདྡྷ་ཌཱ་ཀི་ནཱི་བྃ་ཧ་རི་ནི་ས་སྲི་གདོན་སརྦ་ཁུག་ཛཿ ཕཊ་ཕཊ་ཕཊ༔ མ་ཤར་ཕྱོགས་རྡོ་རྗེ་མཁའ་འགྲོ་མའི༔ ཐུགས་རྒྱུད་བསྐུལ་ལོ་དབྱིངས་ནས་བཞེངས༔ འབུམ་ཕྲག་མཁའ་འགྲོའི སྤྲུལ་པ་འགྱེད༔ ལས་བྱེད་ལྷ་འདྲེའི་ཚོགས་བཅས་ཀྱིས༔ གྲི་སྲིཿ གཞོན་སྲི་གོད་སྲིཿ ཚེ་འདས་བླཿ མཐོ་སྲིད་པའི༴ མནར་མེད༔ གནོད་བྱེད༴ དམིགས་བྱཿ ཨོཾ་བཛྲ་ཌཱ་ཀི་ནཱི་བྃ་ཧ་རི་ནི་ས་སྲི་གདོན་སརྦ་ཁུག་ཛཿ ཕཊ་ཕཊ་ཕཊ༔ མ་ལྷོ་ཕྱོགས་རིན་ཆེན་མཁའ་འགྲོ་མའི༔ ཐུགས་རྒྱུད་སོགས་འདི་ལ་ཁུག༔ ཨོཾ་རཏྣ་ཌཱ་ཀི་ནཱི་བྃ་ཧ་རི་ནི་ས་སྲི་གདོན་སརྦ ཁུག་ཛཿ ཕཊ་ཕཊ་ཕཊ༔ མ་ནུབ་ཕྱོགས་པདྨ་མཁའ་འགྲོ་མའི༔ ཐུགས་རྒྱུད་སོགས༔ ཨོཾ་པདྨ་ཌཱ་ཀི་ནཱི་བྃ་ཧ་རི་ནི་ས་སྲི་གདོན་སརྦ་ཁུག་ཛཿ ཕཊ་ཕཊ་ཕཊ༔ མ་བྱང་ཕྱོགས་ལས་ཀྱི་ ཕ༔ མཁའ་འགྲོ་མའི༔ ཐུགས་རྒྱུད་སོགས༔ ཨོཾ་ཀརྨ་ཌཱ་ཀི་ནཱི་བྃ་ཧ་རི་ནི་ས་སྲི་གདོན་སརྦ་ཁུག་ཛཿ ཕཊ་ཕཊ་ཕཊ༔ མ་སྟེང་ཕྱོགས་མཁའ་སྤྱོད་མཁའ་འགྲོ་མའི༔ ཐུགས་རྒྱུད་སོགས༔ ཨོཾ་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་སྲི་གདོན་སརྦ་ཁུག་ཛཿ ཕཊ་ཕཊ་ཕཊ༔ མ་མཚམས་བཞི་ལས་བྱེད་མཁའ་འགྲོ་མའི༔ ཐུགས་རྒྱུད་སོགས༔ ཨོཾ་བཛྲ་ཀྲོ་ངྷི་