Tibetan
སྐར་ལྟར་འཁྲིགས་ལ་ཤོག༔ བར་སྣང་སྤྲིན་ལྟར་གཏིབ་ལ་ཤོག༔ ས་གཞིར་ཆར་ལྟར་ཕོབ་ལ་ཤོག༔ དམ་ཚིག་གཉན་པོས་འབོད་ཀྱི་གཤེགས༔ ཨོཾ་བཛྲ་ཌཱ་ཀི་ནཱི་སརྦ་ས་མ་ཡ་ཛ་ཛཿ ཕེ་ཕེཾ༔ ཀྱེེ༔ མ་ཡེ་ཤེས་མཁའ་འགྲོའི་སྤྲུལ་པ་ལས༔ ལྷོ་ཕྱོགས་རིན་ཆེན་མཁའ་འགྲོ་མ༔ སྤྲུལ་འཁོར་བྱ་ཡི་རྣམ་པར་སོགས་ཨོྃ་རཏྣ་ཌཱ་ཀི་ནཱིཿ ཀྱེེ༔ མ་ཡེ་ཤེས་མཁའ་འགྲོའི་སྤྲུལ་པ་ལས༔ ནུབ་ཕྱོགས་པདྨ་མཁའ་འགྲོ་མ༔ སྤྲུལ་འཁོར་བྱ་ཡི་རྣམ་པར་སོགས་ཨོཾ་པདྨ་ཌཱ་ཀི་ནཱིཿ ཀྱེེ༔ མ་ཡེ་ཤེས་མཁའ་འགྲོའི་སྤྲུལ་པ་ལས༔ བྱང་ཕྱོགས་ལས་ཀྱི་མཁའ་འགྲོ་མ༔ སྤྲུལ་འཁོར་བྱ་ཡི་རྣམ་པར་སོགས་ཨོཾ་ཀརྨ་ཌཱ་ཀི་ནཱིཿ ཀྱེེ༔ མ་ཡེ་ཤེས་མཁའ་འགྲོའི་སྤྲུལ་པ་ལས༔ དབུས་ཕྱོགས་སངས་རྒྱས་མཁའ་འགྲོ་མ༔ སྤྲུལ་འཁོར་བྱ་ཡི་རྣམ་པར་སོགས་ཨོཾ་བུདྡྷ་ཌཱ་ཀི་ནཱི་སརྦ་བཛྲ་ས་མ་ཡ་ཛ་ཛཿ ཕེ་ཕེཾ༔ ཞེས་བརྗོད་དེ་ནང་དུ་འོང་ངོ་༔ དེ་ལྟར་བྱ་འབོད་ཀྱི་དུས་སུ་རེ་རློམ་ཆགས་དང་དོགས་པ་ཐམས་ཅད་རོ་སྙོམས་སུ་གཅོད་པ་གནད་དོ༔ རྡེའུ་བཅུ་ལ༔ ཨོཾ་ཤྲཱི་བཛྲ་ཀྲོ་དྷི་ཀ་ལི་བྃ་ཧ་རི་ནི་ས་མ་བྷྱོ་ཛཿ ཧྲཱིང་བཛྲ་ས་མ་ཡ་ཛ་ཛཿ བམ་ག་ཎ་ཙཀྲ་ལ་ཁཱ་ཧི་སྭཱ་ཧཱ༔ ཞེས་བརྒྱ་བཏབ་ལ་རོ་ཐོག་དུ་གཏོར༔ གཞན་ཡང་སྔགས་ཅི་རིགས་ཟླའོ༔ ཤ་ཟོས་པའི་རུས་ ཕ༔ པ་ཐམས་ཅད་ཐོ་བས་འཐག་ཅིང་སྦྱིན༔ སླར་ཡང་ཤ་དུམ་ཀླད་རུས་བསྲེས་ཏེ་ལྷག་མའི་མགྲོན་ལ་ཚོགས་ལྷག་དང་བཅས༔ ཕཊ་ཕཊ་ཕཊ༔ ནམ་མཁའ་མཛོད་ཀྱི་སྔགས་རྒྱས་བརླབས་ཏེ༔ ཕཊ༔ ལྷག་ལ་དབང་བའི་ལྷག་སྐྱོང་རྣམས༔ ས་མ་ཡ་ཕེཾ་ཛ་ཛ༔ ལྡེབ༔ ར་རུ་པ་ཀོར་ལྷང་བ་རྡུབ༔ ཧ་གཡེང་བ་ཡི་རུས་པའི་ཛཿ ཐ་དང་བསྲུང་ཚིག་དེ་དྲང་པའི༔ ཧེ་ལ་བུདྡྷ་ཡེ་ཡང་ཡིན༔ ན་ནི་ཤག་གི་ཀོང་བའི་རྡ༔ ཐ་གང་ཤིང་རུང་ན་ཡང་ཟེར༔ མ་མ་རེ་རི་བཾ་པ་ཀ༔ ཐང་ཀང་ཐ་མིན་དེ་ཀཾ་ཛཿ ཧ་ས་ནི་ལ་ཁ་ཁཱ་ཧི༔ ཞེས་གཞུང་ལྷག་ཀྱང་བྱ༔ གལ་ཏེ་བྱ་རྣམས་ཀྱིས་མི་རོལ་ན༔ བགེགས་བསྐྲད་ཐུན་བྲབ༔ དེས་ཀྱང་མི་ཕན་ན་སྭ་བྷ་ཝ་སོགས་སྦྱོང་སྔགས་ཀྱིས་བཀྲུ་སྦྱང་ཡང་ནན་དུ་བྱའོ༔ ཨ་མྲྀ་ཏས་བདུད་རྩིར་བསྒྱུར་ལ་སྦྱིན༔ དེས་ཀྱང་མི་ཕན་ན་རང་ཉིད་ཁྲོས་མ་ནག་མོར་བསྒོམས་ཏེ་ཡེ་ཤེས་དང་འཇིག་རྟེན་གྱི་མ་དང་མཁའ་འགྲོ་རྒྱ་མཚོ་ཐམས་ཅད་རང་ལ་རྫོགས་པར་བསམ་ལ༔ སྙིང་ཁྲག་རུས་གོང་གང་རོལ་བས་ངེས་པར་ཕན་ནོ༔ དེས་ཀྱང་མ་ཕན་ན་མགོ་ཟོར་ལན་ལྔ་བོར༔ དེ་དག་གང་གིས་མི་ཕན་ན་དམ་ཉམས་སུ་ངེས་པས་བཤགས་པ་དང་ཁས་བླང་བ་སོགས་བྱའོ༔ དེ་ལྟར་ལས་རྣམས་རྫོགས་པའི་རྗེས༔ གནས་གཏད་ཕྱི་རུ་ཟིལ་གནོན་སོགས༔ སྤྱི་དང་མཐུན་པ་ཉིད་དུ་སྤྱོད༔ འདི་ལྟར་བམ་གྱི་ཚོགས་མཆོད་ནི༔ གང་གིས་ཉམས་སུ་ལེན་པའི་མི༔ ཚོགས་རྫོགས་སྒྲིབ་པ་ཀུན་བྱང་ནས༔ དམིགས་དང་བསྒོམ་བཟླས་བརྟུལ་ཞུགས་སོགས༔ གཙང་དམེས་བྲལ་བའི་གནད་ཀྱིས་སོ༔ རྐྱེན་ངན་བར་ཆད་ཀུན་ཀྱང་སེལ༔ རོ་སྙོམས་རྟོགས་པ་མངོན་དུ་འགྱུར༔ ས་མ་ཡ༔ གཟའ་བདུད་དུག་གི་སྤུ་གྲིས་སྲུངས༔ སྐལ་ལྡན་བུ་ལ་བུ་བཞིན་སྐྱོངས༔ གསང་བ་སྐུ་གསུང་ཐུགས་ཀྱི་རྒྱ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་འོད་གསལ་རྫོགས་པ་ཆེན་པོ་ཀློང་ཡངས་སྒྱུ་མའི་རྣལ་འབྱོར་པ་བདུད་འཇོམས་རྡོ་རྗེས་ཆོས་ཉིད་ནམ་མཁའི་ཀློང་མཛོད་ལས་དག་པར་ཕབ་པའི་ཡི་གེའི་རིས་བྱེད་པདྨ་བཀྲ་ཤིས་སོ། །དགེའོ། །དགེའོ། །དགེའོ །ཨོཾ༔ དག་སྣང་ཡེ་ཤེས་དྲྭ་བ་ལས༔ མཁའ་འགྲོ་དབང་དུ་འདུ་བའི་སྔགས༔ ཨོཾ་མ་མ་ཌཱ་ཀི་ནཱི་ཧཱུྃ༔ ཧ་རི་ཐ་གིང་ཕེཾ་ཛཿ རང་སྣང་ཡེ་ཤེས་དཀྱིལ་འཁོར་གྱི༔ མ་དང་མཁའ་འགྲོ་རིག་པའི་ངང་༔ འདི་བརྗོད་སྐྱེས་བུ་གང་སུ་དག༔ དོན་དེ་འགྲུབ་པར་གདོན་མི་ཟ༔ མཁའ་འགྲོ་ཆོས་ཉིད་དབང་མོས་སྨྲས༔ ས་མ་ཡ༔ རྣལ་འབྱོར་སྐྱ་རིས་ཀྱིས་བསྐུལ་བས། །དོན་ཡོད་ཕྱིར་ན་བདུད་འཇོམས་པས། །སྨྲས་པ་ཡོངས་སུ་དགེ་གྱུར་ཅིག །དགེའོ །སརྦ་མངྒ་ལཾ།། ། T1610 - 358 8། 2། 2 ཕ༔ ཆོས་ཉིད་ནམ་མཁའི་ཀློང་མཛོད་ལས༔ དུར་གཅོད་ཟབ་མོའི་ཆ་ལག་བཞུགས་སོ༔ TI1610 - 359 བདུད་འཇོམས་ཁྲོས་མ་ཕ༔ ན་མོ་གུ་རུ་པདྨ་ཀ་ར་ཡེ༔ བསྐྱེད་རྫོགས་གཉིས་ཀྱི་གདིང་ལྡན་པའི༔ བདུད་གཅོད་ཟབ་མོའི་རྣལ་འབྱོར་གྱིས༔ དུར་ཁྲོད་བམ་ཚོགས་འགྱེད་ལས་ལཿ དང་པོ་མཁའ་འགྲོ་མ་ཡི་ཚོགས༔ མཁའ་ལྡིང་རྒོད་དུ་བཞེངས་བསྐུལ་ནི༔ རང་ཉིད་ཁྲོས་མ་ནག་མོར་བསྒོམ༔ ཕཊ༔ མ་དབུས་ཕྱོགས་ལྷུན་གྲུབ་དུར་ཁྲོད་ནས༔ སངས་རྒྱས་མཁའ་འགྲོ་གཏུམ་བྱེད་མ༔ བྱ་རྒྱལ་རྒོད་ཀྱི་སྐུར་བཞེངས་ལ༔ ཤེས་རབ་ཡེ་ཤེས་སྤྱན་གྱིས་གཟིགས༔ སང་གི་ཉི་མ་རྩེ་ཤར་ལ༔ བདུད་རྩི་བམ་གྱི་ཚོགས་ལ་བྱོན༔ བསྐུལ་ལོ་བཞེངས་ཤིག་ས་མ་ཡ༔ ཕཊ་ཕཊ་ཕཊ༔ མ་ཤར་ཕྱོགས་གཏུམ་དྲག་དུར་ཁྲོད་ནས༔ རྡོ་རྗེ་མཁའ T11610 - 360 ཕ༔ འགྲོ་གར་མཁན་མ༔ བྱ་རྒྱལ་རྒོད་ཀྱི་ཤེས་རབ་ཡེ་ཤེས སང་གི་ཉི་མ། བདུད་རྩི་བམ་གྱིཿ བསྐུལ་ལོ་བཞེངས་ཕཊ་ཕཊ་ཕཊ༔ མ་ལྷོ་ཕྱོགས་གད་རྒྱངས་དུར་ཁྲོད་ནས༔ རིན་ཆེན་མཁའ་འགྲོ་འདོད་སྦྱིན་མ༔ བྱ་རྒྱལ་རྒོད་ཀྱིཿ ཤེས་རབ་ཡེ་ཤེསཿ སང་གི་ཉི་མ། བདུད་རྩི་བམ་གྱི༴ བསྐུལ་ལོ་བཞེངས༴ ཕཊ་ཕཊ་ཕཊ༔ མ་ནུབ་ཕྱོགས་པད་འཁྱིལ་དུར་ཁྲོད་ནས༔ པདྨ་མཁའ་འགྲོ་ཆགས་བྲལ་མ༔ བྱ་རྒྱལ་རྒོད་ཀྱིཿ ཤེས་རབ་ཡེ་ཤེས༔ སང་གི་ཉི་མ༴ བདུད་རྩི་བམ་གྱིཿ བསྐུལ་ལོ་བཞེངས་ཕཊ་ཕཊ་ཕཊ༔ TI1610 - 361 མ་བྱང་ཕྱོགས་ཀཱི་ལའི་དུར་ཁྲོད་ནས༔ ལས་ཀྱི་མཁའ་འགྲོ་དོན་གྲུབ་མ༔ བྱ་རྒྱལ་རྒོད་ཀྱིཿ ཤེས་རབ་ཡེ་ཤེས༔ སང་གི་ཉི་མཿ བདུད་རྩི་བམ་གྱི༴ བསྐུལ་ལོ་བཞེངས༴ ཕཊ་ཕཊ་ཕཊ༔ ཚད་མེད་རྣམ་བཞིའི་ཀློང་ཡངས་ནས༔ ཕྲིན་ལས་བཞི་ཡི་ཕྱག་རྒྱ་མོ༔ གནས་ཡུལ་དུར་ཁྲོད་བདག་མོ་རྣམས༔ སང་གི་ཉི་མ་ཤར་བའི་ཚེ༔ བྱ་རྒྱལ་རྒོད་ཀྱི་རྣམ་པ་རུ༔ ལྕགས་ཀྱུ་འབར་བས་འདྲེན་ཅིང་ཤོག༔ ཞགས་པས་སྐེ་ནས་ཁྲིད་ལ་ཤོག༔ ལྕགས་སྒྲོག་ཕྱག་རྒྱས་སྲིད་པ་སློང་༔ དྲིལ་བུས་སྣང་བ་བསྒྱུར་ལ་ཤོག༔ རང་དམ་གཉན་པོ་དཔང་དུ་བཙུག༔ མ་འདའ་བཅོལ་བའི་ལས་མཛོད་ཅིག༔ མ་བྷྱོ་ཛཿ ཧྲཱི་ས་མ་ཡ༔ མཁའ་ལྡིང་བྱ་ཡི་སྣ་དྲོངས་ཤིག༔ མིག་འཕྲུལ་ཅིག༔ རྨི་ལམ་དབྱིངས་སུ་སད་པ་ལྟར་བགྲོད་སླེབ་མེད་པར་འདིར་ལྷག་ཅིང་འདུ་བའི་ལས་མཛོད་ཅིག༔ ཨོཾ་བཛྲ་ས་མ་ཡ༔ ཨཱཿབཛྲ་ས་མ་ཡ༔ ཧཱུྃ་བཛྲ་ས་མ་ཡ༔ དེ་ཡིས་བྱ་རྒྱལ་རྒོད་ཀྱི་ཚོགས༔ རང་དབང་མེད་པར་འདུ་བར་འགྱུར༔ ས་མ་ཡ༔ མཁའ་འགྲོའི་བྱ་ཆིངས་བྱ་བ་ལ༔ ཕཊ༔ རང་ཉིད་ཡེ་ཤེས་ཀྱི་མཁའ་འགྲོ་མ་ཁྲོས་མ་ནག་མོའི་སྐུ་ལས་འོད་ཕུང་དཔག་ཏུ་མེད་པ་ནམ་མཁའི་མཐའ་དང་མཉམ་པ་འཕྲོས་པས༔ གནས་ཉི་ཤུ་རྩ་བཞི༔ ཕ༔ ཡུལ་སུམ་ཅུ་སོ་གཉིས༔ དུར་ཁྲོད་ཆེན་པོའི་གནས་བརྒྱད༔ ཧེ་རུ་ཀའི་གནས་བཅུ་ན་བཞུགས་པའི་མཁའ་འགྲོ་དང་མཁའ་འགྲོ་མའི་ཚོགས་ཐམས་ཅད་ཐང་དཀར་རྒོད་ཀྱི་སྐུར་བཞེངས་ཏེ་འོད་ཀྱིས་བསྡུས་ནས་དུར་ཁྲོད་འདིར་འོད་ཀྱི་གུར་ཁང་རིམ་པ་ལྔའི་ནང་དུ་ཚུད་དེ་ལས་མ་རྫོགས་ཀྱི་བར་གང་དུའང་འགྲོ་ས་དང་འཆུག་ས་མེད་པར་བཀག་སྟེ་འཆིང་བར་བསྒོམ་ལ༔ ཕཊ་ཕཊ་ཕཊ༔ གསང་ཆེན་རོལ་པའི་དུར་ཁྲོད་ནི༔ དུར་ཁྲོད་ཀུན་གྱི་འབྱུང་ཁུང་སྟེ༔ དེ་ན་སུ་བཞུགས་སུ་མ་བཞུགས༔ མ་ཁྲོས་མ་ནག་མོ་དེ་ན་བཞུགས༔ གནས་ཡུལ་དཔའ་བོ་མཁའ་འགྲོའི་གཙོ༔ མཁའ་འགྲོ་ཡོངས་ཀྱི་དབང་ཕྱུག་མོ༔ མ་ཁྱེད་ལ་འགྲོ་བའི་དོན་ལས་མེད༔ བདག་མོས་པའི་བུ་ལ་ཐུགས་རྗེས་ཟུངས༔ དབྱིངས་ཟག་མེད་ནམ་མཁའི་དབྱིངས་རུམ་ནས༔ མ་དགོངས་པ་བསྐྱོད་ཅིག་ཐུགས་རྗེ་ཅན༔ མའི་སྒྲིབ་མེད་ཡེ་ཤེས་སྤྱན་གྱིས་གཟིགས༔ ངའི་འདོད་དོན་འབད་མེད་ལྷུན་གྲུབ་མཛོད༔ ཚེ་ཕྱི་མར་ཐལ་བའི་ཚེ་འདས་དེ༔ གནས་ངན་འགྲོར་སྙོགས་ལས་བཟློག་མཛོད་ལ༔ དབྱིངས་ཟག་མེད་བདེ་ཆེན་ས་ལ་དྲོངས༔ གཟུགས་འབྱུང་ལྔ་འདུས་པའི་ཕུང་པོ་རོ༔ ཚོགས་འདོད་རྒུའི་དཔལ་དུ་ བྱིན་བརླབས་ཏེ༔ དོན་བདེ་སྟོང་ཟག་མེད་བདུད་རྩིའི་མཆོག༔ མ་མཁའ་འགྲོ་ཡབ་དང་མཁའ་འགྲོ་ཡུམ༔ ཚུལ་བྱ་རྒྱལ་རྒོད་ཀྱི་སྐུར་བཞེངས་ལ༔ འདིར་བསྡུས་ལ་ལས་མཐའ་མ་རྫོགས་བར༔ མ་ཁྱེད་ཀྱིས་དམ་དུ་འཆིངས་རྒྱས་ཐོབ༔ གནས་འདི་ལས་གཞན་དུ་མ་བཏང་ཞིག༔ མ་ཐུགས་དམ་བསྐུལ་ལོ་ཕྲིན་ལས་མཛོད༔ རྩ་སྔགས་མཐར༔ ཀཱ་རུ་མཱ་ལ་སོ་ག་བཾ ཆིངས་ཆིངས་སྭཱ་ཧཱ༔ ཞེས་བརྗོད་ཅིང་སྡིགས་མཛུབ་ཀྱིས་དུར་ཁྲོད་ཀྱི་མཐའ་ནས་ནམ་མཁའ་ལ་བསྐོར་བའི་ཚུལ་བྱའོ༔ ཡང་བྱ་རྣམས་ཀྱི་འདབ་གཤོག་དང་སྟོབས་རྩལ་བཅིང་བའི་ཚུལ་གྱིས་སོ་སོར་བསྐོར་རོ༔ ས་མ་ཡ༔ ཕུང་པོ་བྱ་ཡིས་མི་རོལ་ན༔ མགོ་ཟོར་འཕེན་པ་འདི་ལྟར་བྱ༔ མགོ་བོ་བཅད་དེ་ལག་ཏུ་ཐོགས༔ ཤར་གྱི་ཕྱོགས་སུ་ཁ་གྱུ་སྟེ༔ ཕཊ་ཕཊ་ཕཊ༔ ཧཱུྃ༔ ང་ནི་ཁྲོས་མ་ནག་མོ་སྟེ༔ རེག་ཕུང་ཡུལ་ངན་འཁོར་བའི་སྒོ༔ དྲག་ཅིང་རྩུབ པ་མགོ་ཡི་ཟོར༔ རྡོ་རྗེ་མཁའ་འགྲོའི་མཐུ་སྟོབས་ཀྱིས༔ བདག་ཏུ་ལྟ་བའི་རཱུ་དྲ་ཡི༔ ལུས་ངག་ཡིད་ཀྱི་སྟེང་དུ་ཕོབ༔ ཉོན་མོངས་བརྒྱད་ཁྲིའི་འཁྲུལ་འཁོར་ཤིག༔ འཁྲུལ་མི་ཤེས་པའི་ས་རུ་སྒྲོལ༔ ཧ་བཛྲ་ཌཱ་ཀི་ནཱི་ཛཿ ཐུན་ཡ་ཐུན་ཡ༔ ཟོར་ཡ་ཟོར་ཡ༔ ཕོབ་ཡ་ཕོབ་ཡ༔ ཏྲག་རུ་མ་མ་རྦད་བྷྱོ༔ ཞེས་ཤར་དུ་འཕང་ངོ་༔ ཤར་ནས་དབུས་སུ་གྱུ་སྟེ༔ ཧཱུྃ༔ ང་ནི་ཁྲོས་མ་ནག་མོ་ ཕ༔ སྟེ༔ རེག་ཕུང་ཿ དྲག་ཅིང་སངས་རྒྱས་མཁའ་འགྲོའི་མཐུཿ བདག་ཏུ་ལུས་ངག ཉོན་མོངས་འཁྲུལ་མི༴ བྃ་བུདྡྷ་ཌཱ་ཀི་ནཱི་ཧཱུྃ༔ ཐུན་ཡ་ཐུན་ཡ༔ ཟོར་ཡ་ཟོར་ཡ༔ ཕོབ་ཡ་ཕོབ་ཡ༔ སརྦ་ཀ་ཏྲི་ནི་རྦད་བྷྱོ༔ ཤ་ཏྲི་ནི་རྦད་བྷྱོ༔ དུ་ཏྲི་ནི་རྦད་བྷྱོ༔ ཤ་ལ་ནོ་ནོ་རྦད་ཡ་བྷྱོ༔ ཞེས་དབུས་སུ་འཕང་ངོ་༔ དེ་ནས་ལྷོ་རུ་ཁ་གྱུ་སྟེ༔ ཕཊ༔ ༔ ང་ནི་ཁྲོས་མ་ནག་མོ་སྟེ༔ རེག་ཕུང་། དྲག་ཅིང་༔ རིན་ཆེན་མཁའ་འགྲོའི་མཐུཿ བདག་ཏུ་ལུས་ངགཿ ཉོན་མོངས་འཁྲུལ་མི༴ རི་རཏྣ་ཌཱ་ཀི་ནཱི་ཧཱུྃ༔ ཐུན་ཡ་ཐུན་ཡ༔ ཟོར་ཡ་ཟོར་ཡ༔ ཕོབ་ཡ་ཕོབ་ཡ༔ ཀ་ལ་རཱུ་དྲ་ཙིཏྟ་རྦད་ནན་རྦད་སོད་བྷྱོ༔ ཞེས་ལྷོ་རུ་འཕང་ངོ་༔ དེ་ནས་ནུབ་ཏུ་ཁ་གྱུ་སྟེ༔ ཕཊ༔ ཧཱུྃ༔ ང་ནི་ཁྲོས་མ་ནག་མོ་སྟེ༔ རེག་ཕུང་དྲག་ཅིང་༔ པདྨ་མཁའ་འགྲོའི་མཐུཿ བདག་ཏུ་ལུས་ངགཿ ཉོན་མོངས་འཁྲུལ་མི༔ ནི་པདྨ་ཌཱ་ཀི་ནཱི་བཾ༔ ཐུན་ཡ་ཐུན་ཡ༔ ཟོར་ཡ་ཟོར་ཡ༔ ཕོབ་ཡ་ཕོབ་ཡ༔ དུ་ཏྲི་དུ་ཏྲི་ཏིག་ཏིག་སུར་སུར་ཐུམ་རྦད་བྷྱོ༔ ཞེས་ནུབ་ཏུ་འཕང་ངོ་༔ དེ་ནས་བྱང་དུ་ཁ་གྱུ་སྟེ༔ ཕཊ༔ ཧཱུྃ༔ ང་ནི་ཁྲོས་མ་ནག་མོ་སྟེ༔ རེག་ཕུང་༔ དྲག་ཅིང་༔ ཀརྨ་མཁའ་འགྲོའི་མཐུཿ བདག་ཏུ་ལུས་ངག་ ཉོན་མོངས༴ འཁྲུལ་མི༴ ས་ཀརྨ་ཌཱ་ཀི་ནཱི་ཧོཿ ཐུན་ཡ་ཐུན་ཡ༔ ཟོར་ཡ་ཟོར་ཡ༔ ཕོབ་ཡ་ཕོབ་ཡ༔ རཱ་ས་ཏྲག་རུ་ཡ་ཕུ་ལ་མུ་ཁུ་ལེ༔ ཐང་ཁ་ར་སར་ཐུར་ཏ་མ༔ མཱ་ར་ཡ་རྦད་རྦད་སོད་སོད་བྷྱོ་ཟློག༔ ཅེས་བྱང་དུ་འཕང་ངོ་༔ དཔྲལ་བ་བསྟན་ན་རང་ལ་ངན༔ ལྟག་པ་བསྟན་ན་ལམ་དུ་སོང་༔ ཁ་གནམ་བསྟན་ན་བདག་པོར་ངན༔ ཐུར་དུ་སྦུབས་ན་ཤིན་ཏུ་བཟང་༔ རྣ་བ་གཡས་པ་གནམ་བསྟན་ནམ༔ ཡང་ན་རང་ལ་བསྟན་པ་བཟང་༔ གཡོན་པ་དེ་ལྟར་བསྟན་ན་ངན༔ རང་ལ་རྩུབ་པའི་ངོ་ཤར་ན༔ མཁའ་འགྲོ་བཅུ་འགྱེད་ལ་བརྟེན་ནས༔ སྣང་བ་དབྱིངས་སུ་སྡུད་པ་གནད༔ ཕྱི་མ་ཕྱི་རུ་ནོན་པའི་ཆིངས༔ ཇི་བཞིན་བྱ་ལ་ངན་ཟློག་འབད༔ ས་མ་ཡ༔ སླར་ཡང་བྱ་ཆིངས་བཀྲོལ་བའི་ཚེ་ན་འོད་ཀྱི་གུར་ཁང་རང་ལ་བསྡུ༔ བཅིང་བ་བཀྲོལ་བའི་ཚུལ་དུ་སྡིགས་མཛུབ་ཕྱི་ལ་སྐོར་རོ༔ བྱ་རྣམས་དང་ཚེ་འདས་ཀྱི་བླ་གཉིས་སུ་མེད་པར་གསང་ཆེན་རོལ་པའི་དུར་ཁྲོད་དུ་གཤེགས་པར་བསམ༔ ཕཊ་སྒྲ་གསུམ་བརྗོད་དོ༔ དེ་ལྟར་དམིགས་པའི་གནད་ལྡན་ན༔ བསམ་དོན་འབད་མེད་ལྷུན་གྲུབ་འགྱུར༔ ས་མ་ཡ༔ ༔ གུ་ཧྱ༔ ཞེས་པ་འདི་ཡང་རང་སློབ་ངག་དབང་ཕྲིན་ལས་ཀྱིས་ནན་དུ་བསྐུལ་ངོར་རིག་འཛིན་བདུད་འཇོམས་རྡོ་རྗེས་ཆོས་ཉིད་ནམ་མཁའི་ཀློང་མཛོད་ལས་བསྒྱུར་བའོ། །དགེའོ།། །། ཆོས་ཉིད་ནམ་མཁའི་ཀློང་མཛོད་ལས༔ མཁའ་འགྲོ་འབུམ་གྱི་བསྐུལ་བ་རྡོ་རྗེའི་ཐོག་མདའ་བཞུགས་སོ༔ TIl610 - 367 བདུད་འཇོམས་ཁྲོས་མ་༔ རྨ།གྷ་རྐྐ།རྨ་ཧཱུྃ།ཏྱཐ དམར་གཏོར་ཤ་ཁྲག་སྣ་ཚོགས་བཤམས༔ འགུག་གཞུག་བསྟིམས་ཤིང་བྱིན་བརླབས་ཏེ༔ མ་མོ་མཁའ་འགྲོ་བསྐུལ་བར་བྱ༔ དུས་ནི་དགྲ་བགེགས་བྱུང་བའི་ཚེ༔ ལས་ཀ་རྣལ་འབྱོར་དག་གི་ལས༔ སུ་ལ་མ་སྤེལ་སྙིང་ལ་སྦོས༔ ཕཊ་ཕཊ་ཕཊ༔ ཆོས་དབྱིངས་དབུས་མཐའ་བྲལ་བའི་ཞིང་༔ འོག་མིན་བདེ་བ་ཆེན་པོ་ནས༔ ཆོས་སྐུ་ཡུམ་ཆེན་ཀུན་བཟང་མོ༔ ཆོས་ཀྱི་དབྱིངས་ནས་སྐུར་བཞེངས་ཤིག༔ ཐུགས་དམ་གཉན་པོ་གནད་ནས་བསྐུལ༔ དྲག་པོ་མངོན་སྤྱོད་ལས་མཛད་ཕྱིར༔ མ་ཁྲོས་མ་ནག་མོ་སྐུར་བཞེངས་ཤིག༔ རྣལ་འབྱོར་སྒྲུབ་པའི་གྲོགས་ལ་བྱོན༔ T11610 - 368 #&ཕ༔ ལྷུན་གྲུབ་འགགས་མེད་ཞིང་ཁམས་ནས༔ རྡོ་རྗེ་ཕག་མོ་སྐུར་བཞེངས་ཤིག༔ ཆོས་ཀྱི་དབྱིངས་ལས་མ་གཡོས་ཀྱང་༔ གཟུགས་སྐུས་འགྲོ་དོན་མཛད་ཕྱིར་རོལ༔ མ་ཁྲོས་མ་ནག་མོ་སྐུར་བཞེངས་ཤིག༔ ཐུགས་དམ་གཉན་པོ་གནད་ནས་བསྐུལ༔ ཕྱོགས་མེད་ཐུགས་རྗེའི་ཞིང་ཁམས་ནས༔ དུར་ཁྲོད་རོལ་པའི་གཞལ་ཡས་སུ༔ ཁྲོས་མ་ནག་མོ་སྐུར་བཞེངས་ཤིག༔ ཐུགས་དམ་གཉན་པོ་གནད་ནས་བསྐུལ༔ དགྲ་བགེགས་རྡུལ་དུ་བརླག་པའི་ཕྱིར༔ མ་འཁོར་དང་བཅས་པ་གཤེགས་སུ་གསོལ༔ ཤ་ཁྲག་དམར་གྱི་གཏོར་མ་རོལ༔ ཕཊ༔ T11610 - 369 མ་ཤར་ཕྱོགས་རབ་འཇིགས་དུར་ཁྲོད་ནས༔ རྡོ་རྗེ་མཁའ་འགྲོ་བྱེ་བ་འབུམ༔ དབྱིངས་ལས་སྐུར་བཞེངས་འདིར་གཤེགས་ཤིག༔ ཐུགས་དམ་གཉན་པོ་གནད་ནས་བསྐུལ༔ ཤ་ཁྲག་དམར་གྱི་ཕཊ༔ མ་ལྷོ་ཕྱོགས་ལྷུན་གྲུབ་དུར་ཁྲོད་ནས༔ རིན་ཆེན་མཁའ་འགྲོ་སྐུར་བཞེངས་ཤིག༔ མཁའ་འགྲོ་བྱེ་བ་འབུམ་དང་བཅས༔ ཐུགས་དམ་གནད་བསྐུལ་འདིར་གཤེགས ཤིག༔ ཤ་ཁྲག་དམར་གྱིཿ ཕཊ༔ མ་ནུབ་ཕྱོགས་པད་བརྩེགས་དུར་ཁྲོད་ནས༔ པདྨ་མཁའ་འགྲོ་བྱེ་བ་འབུམ༔ ཐུགས་དམ་གཉན་པོ་གནད་ནས་བསྐུལ་༔ སྐད་ཅིག་གནས་འདིར་གཤེགས་སུ་གསོལ༔ ཤ་ཁག་སྐར་གྱི་ཕཊ༔ མ་བྱང་ཕྱོགས་གསོད་བྱེད་དུར་ཁྲོད་ནས༔ ལས་ཀྱི་མཁའ་འགྲོ་བྱེ་བ་འབུམ༔ མ་གཡེལ་ཐུགས་དམ་གནད་ནས་བསྐུལ༔ ཤ་ཁྲག་དམར་གྱི་དྲག་པོ་མངོན་སྤྱོད་དུས་ལ་བབ༔ ཕཊ༔ མ་དབུས་ཕྱོགས་རང་བྱུང་དུར་ཁྲོད་ནས༔ སངས་རྒྱས་མཁའ་འགྲོ་བྱེ་བ་འབུམ༔ དམ་ཚིག་ཐུགས་དམ་དུས་ལ་བབ༔ དབྱིངས་ལས་དྲག་མོའི་སྐུར་བཞེངས་ཤིག༔ འདིར་གཤེགས་དགྲ་གེགས་འགུགས་སྒྲོལ་མཛོད༔ ཕྲིན་ལས་མཛོད་ཅིག་གནད་ནས་བསྐུལ༔ ཤ་ཁྲག་དམར་གྱིཿ ཕཊ༔ མ་རིགས་ལྔའི་མཁའ་T1610 - 370 ཕ༔ འགྲོ་དབྱིངས་ཀྱི་ཡུམ༔ བྱེ་བ་དུང་ཕྱུར་སྤྲུལ་པའི་འཁོར༔ མ་ལུས་ཐུགས་དམ་གནད་ནས་བསྐུལ༔ དྲག་པོའི་སྐུར་བཞེངས་འདིར་གཤེགས་ལ༔ ཤ་ཁྲག་དམར་གྱི་གཏོར་མ་རོལ༔ ཡིད་ལ་བརྣག་པའི་དགྲ་དང་བགེགས༔ མ་ཤོར་བརླག་པའི་ཕྲིན་ལས་མཛོད༔ ཕཊ༔ ཤར་ལྷོ་འགུགས་མཛད་ལྕགས་ཀྱུ་མ༔ དཀར་མོ་བྱེ་བ་འབུམ་དང་བཅས༔ ཐུགས་དམ་གཉན་པོ་གནད་ནས་བསྐུལ༔ འདིར་གཤེགས་ཤ་ཁྲག་དམར་གཏོར་རོལ༔ ཕཊ༔ ལྷོ་ནུབ་འཆིང་བྱེད་ཞགས་པ་མ༔ སེར་མོ་བྱེ་བ་འབུམ་དང་བཅས༔ ཁྱོད་ཀྱི་ཐུགས་དམ་དུས་ལ་བབ༔ ཤ་ཁྲག་དམར་གྱི་གཏོར་མ་རོལ༔ ཕཊ༔ ནུབ་བྱང་སྡོམ་བྱེད་ལྕགས་སྒྲོག་མ༔ དམར་མོ་བྱེ་བ་འབུམ་དང་བཅས༔ འདིར་གཤེགས་དམར་གྱི་གཏོར་མ རོལ༔ དགྲ་བགེགས་སྒྲོལ་ཕྱིར་ཐུགས་དམ་བསྐུལ༔ ཕཊ༔ བྱང་ཤར་འབེབས་བྱེད་དྲིལ་བུ་མ༔ ལྗང་མོ་བྱེ་བ་འབུམ་དང་བཅས༔ མ་གཡེལ་ཐུགས་དམ་གནད་ནས་བསྐུལ༔ ཤ་ཁྲག་དམར་གྱི་གཏོར་མ་རོལ༔ ཕཊ༔ ལས་བཞིའི་མཁའ་འགྲོ་བྱེ་བ་ཕྲག༔ ཆོས་ཀྱི་དབྱིངས་ལས་མ་གཡོས་ཀྱང་༔ རྣལ་འབྱོར་ཕྲིན་ལས་བསྒྲུབ་པའི་ཕྱིར༔ མ་ཐོགས་མྱུར་དུ་སྐུར་ བཞེངས་ཤིག༔ ཤ་ཁྲག་དམར་གྱི་གཏོར་མ་རོལ༔ ཡིད་ལ་བརྣག་པའི་དགྲ་དང་བགེགས༔ མངོན་སྤྱོད་དྲག་པོའི་ལས་ཀྱིས་སྒྲོལ༔ དམ་ཚིག་ཐུགས་དམ་དུས་ལ་བབ༔ ཕཊ༔ མ་ཁྲོས་མའི་ཐུགས་ལས་སྤྲུལ་པའི་སྲས༔ དཀར་མོ་རྣམ་རྒྱལ་ཤ་ཟ་འབུམ༔ དབྱིངས་ལས་སྐུར་བཞེངས་ཐུགས་དམ་བསྐུལ༔ ཤ་ཁྲག་དམར་གྱི་གཏོར་མ་རོལ༔ ཕཊ༔ མ་ཁྲོས་མའི་ཡོན་ཏན་སྤྲུལ་པའི་སྲས༔ སེར་མོ་དོན་གྲུབ་ཁྲག་འཐུང་འབུམ༔ དབྱིངས་ལས་སྐུར་བཞེངས་ཐུགས་དམ་བསྐུལ༔ ཤ་ཁྲག་དམར་གྱི་གཏོར་མ་རོལ༔ ཕཊ༔ མ་ཁྲོས་མའི་གསུང་ལས་སྤྲུལ་པའི་སྲས༔ དམར་མོ་རྐང་ལྡག་རུས་འཆའ་འབུམ༔ དབྱིངས་ལས་སྐུར་བཞེངས་ཐུགས་དམ་བསྐུལ༔ ཤ་ཁྲག་དམར་གྱི་གཏོར་མ་རོལ༔ ཕཊ༔ མ་ཁྲོས་མའི་ཕྲིན་ལས་སྤྲུལ་པའི་སྲས༔ ལྗང་མོ་དབུགས་ལེན་སྲོག་བཅོད་འབུམ༔ དབྱིངས་ལས་སྐུར་བཞེངས་ཐུགས་དམ་བསྐུལ༔ ཤ་ཁྲག་དམར་གྱི་གཏོར་མ་རོལ༔ ཕཊ༔ མ་ཕྲིན་ལས་མྱུར་མཛད་ལས་བྱེད་བཞི༔ ཐུགས་དམ་གཉན་པོ་གནད་ནས་བསྐུལ༔ ཤ་ཁྲག་དམར་གྱི་གཏོར་མ་རོལ༔ སྤྲུལ་པས་སྟོང་གསུམ་ཁྱབ་པར་མཛོད༔ གནོད་པའི་བགེགས་ལ་ལས་མཛོད་ཅིག༔ ཕྲིན་ ཕ༔ ལས་མཛོད་ཅིག་ས་མ་ཡ༔ ཕཊ༔ ཤར་ཕྱོགས་ཞི་བའི་དཀྱིལ་འཁོར་ནས༔ ཞེ་སྡང་གཟུགས་ཀྱིས་ཞེ་སྡང་འཇོམས༔ དཀར་མོ་མ་བདུན་ཐུགས་དམ བསྐུལ༔ ཤ་ཁྲག་དམར་གྱི་ཤར་ཕྱོགས་དགྲ་བགེགས་རྡུལ་དུ་རློག༔ ཕཊ༔ ལྷོ་ཕྱོགས་རྒྱས་པའི་དཀྱིལ་འཁོར་ནས༔ ང་རྒྱལ་གཟུགས་ཀྱིས་ང་རྒྱལ་འཇོམས༔ སེར་མོ་མ་བདུན ཐུགས་དམ་བསྐུལ༔ ཤ་ཁྲག་དམར་གྱི་ལྷོ་ཕྱོགས་དགྲ་བགེགས་ཕཊ༔ ནུབ་ཕྱོགས་དབང་གི་དཀྱིལ་འཁོར་ནས༔ འདོད་ཆགས་གཟུགས་ཀྱིས་འདོད་ཆགས་འཇོམས༔ དམར་མོ་མ་བདུན་ཐུགས་དམ་བསྐུལ༔ ཤ་ཁྲག་དམར་གྱིཿ ནུབ་ཕྱོགས་དགྲ་བགེགས་ཕཊ༔ བྱང་ཕྱོགས་དྲག་པོའི་དཀྱིལ་འཁོར་ནས༔ ཕྲག་དོག་གཟུགས་ཀྱིས་ཕྲག་དོག་འཇོམས༔ ལྗང་མོ་མ་བདུན་ཐུགས་དམ་བསྐུལ༔ ཤ་ཁྲག་དམར་གྱི་བྱང་ཕྱོགས་དགྲ་བགེགས་ཕཊ༔ དབྱིངས་ཀྱི་ཡུམ་ཆེན་སྤྲུལ་པའི་སྲས༔ དབང་ཕྱུག་ཉི་ཤུ་རྩ་བརྒྱད་ཚོགས༔ བསྟན་དང་འགྲོ་བའི་དོན་མཛད་ཕྱིར༔ ཆོས་ཀྱི་དབྱིངས་ལས་སྐུར་བཞེངས་ལ༔ ཤ་ཁྲག་དམར་གྱི་གཏོར་མ་རོལ༔ ཡིད་ལ་བརྣག་པའི་དགྲ་བགེགས་ལ༔ མངོན་སྤྱོད་དྲག་པོའི་ཕྲིན་ལས T11610 - 373 མཛོད༔ བསྟན་ལ་སྡང་བའི་དགྲ་དར་ན༔ མཐུ་རྩལ་དྲག་པོའི་རྩལ་ཤུགས་ཕྱུང་༔ སྒྲུབ་ལ་བར་ཆད་བྱེད་པའི་བདུད༔ ད་ལྟ་ཉིད་དུ་མི་བསྒྲལ་ན༔ ཆོས་ཉིད་བདེན་པས་བསླུས་སམ་ཅི༔ བསྐུལ་བའི་ལས་ལ་གཡེལ་བ་ན༔ རྒྱུ་འབྲས་བདེན་པ་གསོད་དམ་ཅི༔ སྒྲུབ་ལ་དངོས་གྲུབ་མི་སྟེར་ན༔ རིམ་གཉིས་བསྒོམ་པ་དོན་མེད་དམ༔ དབྱིངས་བཞུགས་ཡེ་ཤེས་མཁའ་འགྲོའི་ཚོགས༔ རང་རྒྱལ་བསེ་རུ་མ་མཛད་པར༔ བརྒྱུད་འཛིན་རྗེས་སུ་བཟུང་རེ་རན༔ ཞི་དང་རྒྱས་དང་དབང་དང་དྲག༔ བཀུག་བསྐྲད་མནན་གཟིར་ལས་ལ་བསྐུལ༔ ཕཊ༔ ཛཿ མཁའ་སྤྱོད་སྤྲུལ་པའི་གནས་མཆོག་ནི༔ ཉི་ཤུ་རྩ་བཞི་ཡུལ་སོ་གཉིས༔ དུར་ཁྲོད་བརྒྱད་དང་ཧེ་རུ་ཀའི༔ གནས་མཆོག་བཅུ་རུ་