Tibetan
THE COLLECTED TREASURE -TEXT OF BDUD - JOMS - GLING -PA VOLUME - 20 2017 T11620 - 002 ༄༅། །སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་གསང་བའི་ཆོས་སྡེའི་གླེགས་བམ་ཉི་ཤུ་པ་བཞུགས་སོ། T11620 - 003 T11620 - 004 ༈ མ ༄༅། །ཉེ་བརྒྱུད་གཅོད་ཀྱི་ཁྲིད་ཡིག་གསལ་བར་བཀོད་པ་ལེགས་བཤད་བདུད་རྩིའི་རོལ་མཚོ་ཞེས་བྱ་བ་བཞུགས་སོ། Tl1620 - 005 བདུད་འཇོམས་གཅོད་ཁྲིད་༄༅། །ཨོཾ་སྭསྟི། ཐུགས་རྗེ་ཆེན་པོ་མཆོག་ཏུ་ཉེར་ཞི་བས། །བདུད་གཅོད་ཟབ་མོའི་ཆོས་ཚུལ་བསམ་ཡས་པ། །གདུལ་བྱའི་ཁམས་དབང་ཇི་བཞིན་གསལ་མཛད་པའི། །ཐུབ་དབང་ལྷ་མིའི་སྟོན་པ་རྒྱལ་གྱུར་ཅིག །སྨྲ་བསམ་བརྗོད་མེད་སོ་སོར་རང་རིག་ཡུལ། །ཆོས་རྣམས་ཀུན་དང་རང་བཞིན་གཉིས་སུ་མེད། །མ་ལུས་བདེ་གཤེགས་སྲས་དང་བཅས་རྣམས་ཀྱི། །ཡུམ་ཆེན་ཤེས་རབ་ཕ་རོལ་ཕྱིན་མར་འདུད།། ཁྱབ་བདག་རྒྱལ་བའི་དབང་ཕྱུག་གཞོན་ནུའི་ལུས་ཅན་དམར་སེར་མཚམས་སྤྲིན་གསར་པའི་དཔལ་མངའ་བ། །རིན་ཆེན་མཐོན་མཐིང་མདངས T11620 - 006 ༅ ཙ༡ ༄༅། །འཛིན་ཐོར་ཚུགས་ཟུར་ཕུད་ལྔ་ལྡན་ཡིད་འཕྲོག་མེ་ཏོག་གདེངས་ཀས་མཛེས། །སྙན་དབྱངས་ཡན་ལག་རྒྱ་མཚོས་འགྲོ་ཀུན་བདེ་བར་དབུགས་དབྱུང་མཁྱེན་རབ་ཀུན་ནས་ཟབ་ཡངས་གསལ། །ལྷག་པའི་ལྷ་གཅིག་འཇམ་དཔལ་དཔའ་བོས་བྱང་ཆུབ་བར་དུ་བདག་གི སྙིང་ལ་དགྱེས་པར་རོལ །བདེ་སྟོང་ཟུང་འཇུག་བཅུ་དྲུག་དགའ་བ་རྒྱས་པའི་འཇོ་སྒེག་རབ་གསལ་མཁའ་སྤྱོད་ལྷན་སྐྱེས་མཛེས་མ་ཡི །དྲག་པོའི་ཕྲིན་ལས་ལྷུར་མཛད་ཁྲོ་ཆགས་དགྱེས་པའི་ཉམས་ལྡན་བཛྲ་ཝཱ་ར་ཧི་ཞེས་རབ་སྙེམས་མ། །གཟུང་འཛིན་རྟོག་ཚོགས་གཏུམ་པོར་ཟ་བྱེད་རྣོ་T11620 - 007 བདུད་འཇོམས་གཅོད་ཁྲིད་དཀར་མཆེ་བ་རབ་གཙིགས་མ་རུངས་འཇིགས་པའི་ཆས་ཀྱིས་བརྒྱན། །བསྐལ་མེའི་འོད་ཀྱིས་ཡོངས་འཁྱུད་ཨིནྡྲ་ནཱི་ལའི་རང་བཞིན་རབ་བརྗིད དཔལ་ལྡན་ཀྲོ་ཏི་ཀ་ལིས་སྲུངས །དུས་གསུམ་རྒྱལ་བའི་ཕྲིན་ལས་མ། །དཀར་མཛེས་ཚེ་དང་ཡེ་ཤེས་གཏེར །སྐྱབས་གཅིག་ཨཱཪྻ་ཏཱ་རེ་མ། སྙིང་ནས་དྲན་ནོ་བཤེས་མཛོད་ཅིག །བདེ་ཆེན་ཆགས་པའི་རོ་ལ་དགྱེས་པ་ཆེན་པོས་རྟག་ཏུ་རོལ། །མཐའ་ཡས་དངོས་ཀུན་ལྷན་སྐྱེས་འོད་གསལ མཆོག་གི་དབྱིངས་སུ་སྦྱོར །སྲིད་གསུམ་ཡིད་ནི་འགུགས་བྱེད་རྗེས་སུ་ཆགས་པའི་རྣམ་འགྱུར་ཅན། །རིག་བྱེད་དབང་གི་ལྷ་མོ་དེས་ཀྱང་བདེ་T11620 - 008 ༅ གསུམ་༄༅། །ལེགས་མཆོག་སྦྱིན་མཛོད། །སྐྱེ་མེད་རྟོགས་པའི་གདིང་ལྡན་ཡེ་ཤེས་མདའ། །མ་རིག་སྒོང་རྒྱར་བསྣན་པའི་དཔའ་རྩལ་ནི། །བརྟུལ་ཞུགས་འཇིགས་མེད་སྤྱོད་པའི་སྟབས་སུ་བསྒྱུར །ཟུང་འཇུག་གྲུབ་པའི་མཐར་སོན་མགོན་དེར་བསྔགས །དཔལ་ལྡན་འཆི་མེད་གནས་བརྙེས་རྡོ་རྗེའི་སྐུ། །གསུང་གི་དགའ་སྟོན་དགུ་ལྡན་གདམས་པའི་མཛོད། །ཐུགས་བརྩེ་སྙིགས་མའི་འགྲོ་ལ་ཡོལ་མེད་པའི། །མཚོ་སྐྱེས་འགྲོ་བའི་བླ་མར་སྙིང་ནས་དད། །བདེ་ཆེན་ཕྱག་རྒྱའི་རང་བཞིན་མི་མོའི་གཟུགས། །མ་གཅིག་ཡེ་ཤེས་ཌཱ་ཀི་ལབ་སྒྲོན་སོགས །ཐབས་T11620 - 009 དང་ཤེས་རབ་ཐབས་ཤེས་གཉིས་མེད་ཀྱི། །གཅོད་བརྒྱུད་མཁས་གྲུབ་ཚོགས་རྣམས་ཕྱག་བྱའི་ཡུལ། །ཆོས་ཉིད་ནམ་མཁའི་ཀློང་མཛོད་ཆེན་པོའི་ཚུལ །གཉིས་མེད་གཉིས་སུ་སྣང་བའི་སྟོན་འཁོར་ལས། །སྨིན་གྲོལ་ཆོས་གཏེར་རྒྱ་མཚོའི་དཔལ་འབྱོར་ལ། །དབང་སྒྱུར་བདུད་འཇོམས་གླིང་པ་གཏན་གྱི་སྐྱབས །གཞན་ཡང་གདུལ་བྱའི་སྐྱེ་བོ་བདག་འདྲ་བ། །སྣ་ཚོགས་མཛད་པས་འདུལ་ཕྱིར་སངས་རྒྱས་ཀུན །དགེ་བའི་བཤེས་ཀྱི་རྣམ་པར་བསྟན་པ་ཡི། །བཀའ་དྲིན་མཚུངས་མེད་དམ་པ་ཀུན་ལ་གུས །ཡུམ་དོན་སྟོང་ཉིད་སྙིང་རྗེ་ཟུང་འབྲེལ་དུ།། གསང་ཆེན་ཐེག་པར་ཡོངས་འབྲེལ་ཉམས་བླངས་པས། །དོན་གཉིས་ཡིད་བཞིན་འགྲུབ་པའི་ལམ་བཟང་གིས །ཡིད་རབ་མི་འཕྲོག་བློ་ལྡན་སུ་ཞིག་མཆིས། །དེ་ཚུལ་བྱིན་རླབས་ཉེ་བརྒྱུད་ལས་བྱུང་བའི། །རིག་འཛིན་གྲུབ་པའི་ཐུགས་བཅུད་ཆེས་ཟབ་མོ །མ་དང་མཁའ་འགྲོའི་ཞལ་རླངས་མ་ཉམས་པར། །བཀའ་གཏེར་ཟུང་དུ་འཇུག་པར་འཆད་ལ་སྤྲོ། །དེ་ལ་འདིར་སློབ་དཔོན་ཆེན་པོ་བྲམ་ཟེ་ཨཱཪྻ་དེ་ཝས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་ཅེས་པ་གཅོད་ཀྱི་རྒྱ་གཞུང་དུ་གྲགས་པ་ལས། བརྗོད་བྱའི་སྙིང་པོ་རྩ་བ་དང་བྲལ་བ། །གཉིས་མེད ༄༅། །ཤེས་རབ་ཕ་རོལ་ཕྱིན་པའི་དོན། །རྟག་ཆད་ལ་སོགས་དམིགས་པའི་མཐའ་བྲལ་བར། །ཅི་ནུས་པར་ནི་འགྲོ་ལ་བཤད་པར་བྱ། །ཞེས་གསུངས་པ་ལྟར་རྒྱལ བའི་གསུང་རབ་ཐམས་ཅད་ཀྱི་བརྗོད་བྱའི་དོན་གྱི་སྙིང་པོར་གྱུར་པ་བདེན་པའི་རྩ་བའམ་རྟེན་གཞི་དང་བྲལ་བའི་དེ་ཁོ་ན་ཉིད་ཀྱི་དོན་ཡུལ་དང་ཡུལ་ཅན་ངོ་བོ་གཉིས་སུ་མེད་པའི་སོ་སོ་རང་རིག་པའི་ཡེ་ཤེས་ཀྱིས་མངོན་དུ་བྱས་པའམ་དེ་དང་རྗེས་སུ་མཐུན་པའི་གནས་ལུགས་ཟབ་མོ་རྟོགས་པའི་ཤེས་རབ་ཐབས་སྙིང་རྗེ་ཆེན་པོ་བྱང་ཆུབ་སེམས་ཀྱི་ཉམས་ལེན་དང་སྦྱིན་སོགས་སྤྱོད་པའི་ཕྱོགས་རྒྱ་ཆེན་པོ་ཉིད་དང་མ་བྲལ་བར་གསང་སྔགས་རྡོ་རྗེ་ཐེག་པའི་ཉེ་ལམ་ལྷའི་རྣལ་འབྱོར་སོགས་དང་ཟུང་འབྲེལ་དུ་གོམས་པར་བྱེད་པའི་ཚུལ་གྱིས་ཚོགས་གཉིས་བདེ་བླག་ཏུ་རྫོགས་པའི་སྒོ་ནས་སྲིད་ཞིའི་མཐའ་གང་དུའང་མི་གནས་པའི་གོ་འཕང་ཆེན་པོའི་ཕ་རོལ་དེར་ཕྱིན་པར་བྱེད་པས་ན་ཤེས་རབ་ཀྱི་ཕ་རོལ་ཏུ་ཕྱིན་པར་གྲགས་པའི་དོན་རྟག་ཆད་དུ་འཛིན་པའི་རྟོག་པ་དང་བདག་གཅེས་འཛིན་གྱི་བློའི་དམིགས་པའི་མཐའ་དང་བྲལ་བར་ཉམས་སུ་ལེན་པའི་ཚུལ་མན་ངག་ཁྱད་པར་བ་དམ་ཆོས་བདུད་ཀྱི་གཅོད་ཡུལ་ཟབ་མོའི་དམིགས་ཁྲིད་ཡན་ལག་དང་བཅས་པ་ཅི་ནུས་སུ་ གཞན་ལ་ཕན་པའི་སེམས་ཀྱིས་འཆད་པར་བྱ་བ་ལ་བཞི། གང་འཆད་བྱའི་གདམས་པ་འདིའི་ལོ་རྒྱུས་བཤད་པ། དེའི་ཆེ་བ་བརྗོད་པ། གདམས་དོན་ཉམས་སུ་ལེན་པའི་ཚུལ དེ་ཉམས་སུ་བླངས་པའི་གྲུབ་འབྲས་བསྟན་པའོ། །དང་པོ་གདམས་པའི་ལོ་རྒྱུས་ནི རྒྱལ་བ་ཡང་དག་པར་རྫོགས་པའི་སངས་རྒྱས་ཀྱི་གསུང་རབ་མཐའ་དག་གི་ནང་ནས་རབ་དང་མཆོག་ཏུ་གྱུར་པའི་ཤེས་རབ་ཀྱི་ཕ་རོལ་ཏུ་ཕྱིན་པ་མདོ་སྡེ་རིན་པོ་ཆེ་ནི་གདམས་པ་འདིའི་གཞུང་གི་གཙོ་བོ་ཡིན་ལ། དེའི་དགོངས་དོན་ལ་དངོས་བསྟན་ཟབ་མོ་སྟོང་པ་ཉིད་དང་། སྦས་དོན་རྒྱ་ཆེ་བ་མངོན་པར་རྟོགས་པའི་རིམ་པ་གཉིས་སུ་ཡོད་པ་ལས། དང་པོའི་གདམས་པ་ནི། རྒྱལ་བ་ཐུབ་པའི་དབང་པོ། རྗེ་བཙུན་འཇམ་དཔལ་སྨྲ་སེང་། དཔལ་ལྡན་ཨཱཪྻ་དེ་ཝ། དེས་དམ་པ་སངས་རྒྱས་ལ་གནང་། གཉིས་པའི་གདམས་པ་ཡང་རྫོགས་པའི་སངས་རྒྱས རྗེ་བཙུན་བྱམས་མགོན། འཕགས་པ་ཐོགས་མེད། སློབ་དཔོན་དབྱིག་གཉེན ཨཱརྻ་དེ་ཝ། དེས་དམ་པ་སངས་རྒྱས་ལ་གནང་། དེས་ན་དམ་པ་ལ་གདམས་ངག་དེ་གཉིས་ཀ་མངའ་བ་སྐྱོ་སྟོན་བསོད་ནམས་བླ་མ་ལ། དེས་མ་གཅིག་ལབ་སྒྲོན་ལ་གནང་བ་ལ་ཕ་བརྒྱུད་ཐབས་ཀྱི་བརྒྱུད་པ་དང་། ཤེར་ཕྱིན་གྱི་ ༄༅། །དགོངས་དོན་གསང་སྔགས་དང་འབྲེལ་བར་ཉམས་སུ་ལེན་ཚུལ་གྱི་གདམས་པ། ཆོས་སྐུ་ཡུམ་ཆེན་མོ། རྗེ་བཙུན་སྒྲོལ་མ། མཁའ་འགྲོ་མ་སུ་ཁ་སིདྡྷི། དེས་མ་གཅིག་ལབ་སྒྲོན་ལ་གནང་བ་ལ་མ་བརྒྱུད་ཤེས་རབ་ཀྱི་བརྒྱུད་པ་དང་། གདམས་པ་དེ་གཉིས་གཅིག་འདྲེས་ཀྱི་ཚུལ་དུ་མ་གཅིག་གིས་རང་གི་སྲས་རྣམས་ལ་གནང་བ་ལ་ཐབས་ཤེས་གཉིས་མེད་ཀྱི་བརྒྱུད་པ་ཞེས་གྲགས་ལ། གཞན་ཡང་བཀའ་གཏེར་དང་སྲས་བརྒྱུད་སོགས་སུ་བཏགས་པའི་བརྒྱུད་ཚུལ་ངོས་འཛིན་ལུགས་མི་འདྲ་བ་མང་དུ་གསུངས་ཏེ་འདི་དག་རྣམས་ནི་རིང་བརྒྱུད་དང་། ཉེ་བརྒྱུད་ནི། མ་གཅིག་དེ་ཉིད་གང་ལ་གང་འདུལ་གྱི་རྣམ་པས་གདུལ་བྱའི་སྣང་ངོར་མིའི་བུད་མེད་ཀྱི་གཟུགས་སུ་སྣང་བ་ལས། ངེས་པའི་དོན་དུ་ཕྱི་ལྟར་ན་ཆོས་སྐུ་ཡུམ་ཆེན་མོ། ནང་ལྟར་ན་རྗེ་བཙུན་སྒྲོལ་མ། གསང་བ་ལྟར་ན་ཆོས་སྐུ་ཡེ་ཤེས་ཀྱི་མཁའ་འགྲོ་མ་དངོས་ཡིན་པས དེའི་སྔོན་དུ་བརྒྱུད་རིམ་གཞན་འཚོལ་མི་དགོས་པར་གསུངས་པ་དང་། ཡང་རྒྱལ་བ་རྡོ་རྗེ་འཆང་ཆེན་པོ། རྗེ་བཙུན་སྒྲོལ་མ། དེས་མ་གཅིག་ལ་གནང་བ་ལ་གསང་སྔགས་ཀྱི་བརྒྱུད་པར་ངོས་བཟུང་། གཞན་ཡང་ལྷག་པའི་ལྷ་དུ་མས་དངོས་སུ་ཞལ་གཟིགས་ཏེ་ དབང་བསྐུར་བ་དང་གདམས་པ་མཐའ་ཡས་པ་གནང་བ་ལ། མ་གཅིག་གིས་མཛད་པའི་གསང་སྔགས་ཨུ་དུམ་ཝ་ར་དང་། ཐུགས་བཅུད་མ་རིག་མུན་སེལ་སོགས་གསང་སྔགས་ཀྱི་བསྐྱེད རྫོགས་སྐོར་ཡང་མང་དུ་ཡོད་པར་གསུངས་པའི་གཅོད་ཀྱི་གདམས་ངག་གི་གཙོ་བོ་ནི་ད་ལྟ་མ་གཅིག་སྙན་བརྒྱུད་དུ་གྲགས་པའི་སྐོར་འདི་རྣམས་ཡིན་ནོ། །དེ་ལྟར་ཡང་མ་གཅིག་ཡེ་ཤེས་ཀྱི་མཁའ་འགྲོ་མ་འདི་ཉིད་བདག་ཅག་གི་སྟོན་པས་མདོ་སྡེ་དྭངས་སྙིགས་འབྱེད་པ་དང་། འཇམ་དཔལ་རྩ་བའི་རྒྱུད་སོགས་ལས་ཡུམ་ཆེན་མོའི་རྣམ་འཕྲུལ་དུ་བསྔགས་ཤིང་བྱང་ཕྱོགས་ཁ་བ་ཅན་འདིར་སྐྱེ་མེད་སྙིང་པོའི་དོན་དར་རྒྱས་སུ་སྟོན་པ་པོར་ལུང་བསྟན་པར་མ་གཅིག་སྙན་བརྒྱུད་ལས་བྱུང་བ་དང་རྒྱལ་དབང་ཨོ་རྒྱན་ཆེན་པོས་ཀྱང་དེ་ཁོ་ན་བཞིན་དུ་ལུང་བསྟན་ལ དམ་པ་ཁ་གཅིག་གིས་མ་གཅིག་ཡན་ཆད་ལ་གཅོད་ཀྱི་ཐ་སྙད་མེད་པར་ཡང་གསུངས་པས་ན་བསིལ་ལྡན་གྱི་ལྗོངས་འདིར་དམ་ཆོས་བདུད་གཅོད་ཟབ་མོའི་གདམས་པའི་ཤིང་རྟའི་སྲོལ་གསར་དུ་འབྱེད་པ་པོ་ནི་མ་གཅིག་ཉིད་ཡིན་པར་ཁས་ལེན་དགོས་སོ། །དེས་ན་མ་གཅིག་རང་གི་ཞལ་ནས་ཀྱང་སྙིགས་མ་ལྔ་བདོ་བའི་དུས་སུ་ཐུབ་པ་ཉིད་ཀྱིས་ལུང་བསྟན་པ་བཞིན་དུ་རྣལ་འབྱོར་ ༄༅། །མ་ངའི་ཆོས་ལུགས་ཀྱིས་གངས་ཅན་པ་ཐམས་ཅད་འདུལ་དགོས་པ་ཡིན་ནོ་ཞེས་གསུངས་པ་ཡིན་ལ། དེ་ལས་བྱུང་བའི་གཅོད་ཀྱི་གདམས་པ་ནི་སྔོན་ནས་ད་ལྟའི་བར་གྲུབ་མཐའ་རིས་མེད་ཀྱི་དམ་པ་ཀུན་གྱིས་ཉམས་བཞེས་སུ་མཛད་ནས་གཅོད་ཀྱི་སྤྱི་གཞུང་ལྟ་བུར་ཡོངས་སུ་གྲགས་པ་དང་། དེར་མ་ཟད་གཏེར་ཆེན་རིན་པོ་ཆེ་ལ་མ་གཅིག་ཡེ་ཤེས་སྒྱུ་མའི་སྐུས་དངོས་སུ་རྗེས་སུ་བཟུང་སྟེ་གཅོད་ཀྱི་གདམས་པ་ཡོངས་སུ་རྫོགས་པ་གནང་བ་དང་། ཕ་གཅིག་དམ་པས་ཀྱང་ཞལ་དངོས་སུ་བསྟན་ནས་སྟོང་ཉིད་ལྟ་བའི་གནད་དོན་ཚུལ་བཞིན་དུ་གདམས་པར་གསུངས་ལ། གཅོད་ཀྱི་ཉམས་ལེན་གྱི་སྙིང་པོ་ནི་ལྟ་བ་ཡིན་པས་ན་བརྒྱུད་ཚུལ་འདི་དག་ཀྱང་ཟབ་ཁྲིད་འདིའི་བརྒྱུད་པར་དོན་གྱིས་སོང་བ་དང་། སྐབས་འདིར་ཡང་སྔ་ཕྱིའི གདམས་པ་གཉིས་ཅི་རིགས་པར་ཕྱོགས་མཐུན་དུ་བྱས་ཏེ་བཀའ་གཏེར་ཟུང་འབྲེལ་གྱི་ཚུལ་དུ་འཆད་པར་འདོད་པས་ན་མཚོན་ཙམ་སྨྲས་པ་ཡིན་ལ། གཞན་ཡང་གསར་རྙིང་ཀུན་ལ་བཀའ གཏེར་དག་སྣང་ཅི་རིགས་ལས་བྱུང་བའི་གཅོད་ཀྱི་མན་ངག་མཐའ་ཡས་པ་ཞིག་ཡོད་པ་ནི་སྨྲོས་ཀྱིས་ག་ལ་ལང་། བྱེ་བྲག་ཏུ་གདམས་པ་འདི་ནི་དེ་དག་ཀུན་ལས་ཁྱད་པར་དུ་གྱུར་པ་བདག་ ཅག་གི་འདྲེན་མཆོག་གཏེར་ཆེན་ཆོས་ཀྱི་རྒྱལ་པོ་དོན་གྱི་སླད་དུ་ན་རིག་འཛིན་བདུད་འཇོམས་རྡོ་རྗེའི་ཞལ་སྔ་ནས་ཀྱི་དགོངས་གཏེར་ཆོས་ཉིད་ནམ་མཁའི་ཀློང་མཛོད་ཆེན་པོའི་སྐོར་ལས་བྱུང་བའི་ཉེ་བརྒྱུད་ཀྱི་གདམས་ངག་རྨད་དུ་བྱུང་བ་སྙིགས་མའི་དུས་འདིར་ཡང་གདུལ་བྱའི་སྐྱེ་བོ་མཐའ་ཡས་པ་སྨིན་ཅིང་གྲོལ་བར་བྱེད་པའི་རྟེན་འབྲེལ་དུས་བབས་ཀྱི་ཆོས་དུས་གསུམ་རྒྱལ་བའི་དགོངས་བཅུད་གྲུབ་པའི་དབང་ཕྱུག་དཔལ་ལྡན་ས་ར་ཧས་གནང་བའི་མན་ངག་ཟབ་མོ་སྟེ། དེ་ལ་མཚན་དོན་སྨོས་པ་ནི། ཆོས་ཉིད་ནམ་མཁའི་ཀློང་མཛོད་ཞེས་པ་ནི རང་རེའི་རྗེ་བླ་མ གཏེར་ཆེན་ཆོས་ཀྱི་རྒྱལ་པོའི་ཐུགས་གཟུང་འཛིན་དང་བྲལ་བའི་རྣམ་མཁྱེན་གྱི་ཡེ་ཤེས་ནི། ཆོས་ཉིད་ནམ་མཁའི་ཀློང་མཛོད་དེ། དེ་ལ་ཆོས་ཐམས་ཅད་ཀྱི་ཆོས་ས་ཆོས་ཉིད། སྣོད་བཅུད་ཐམས་ཅད་ཀྱི་ཆོས་ས་ནམ་མཁའ་ཡིན་པ་བཞིན་དུ། སྣང་སྲིད་འཁོར་འདས་ཀྱི་བསྡུས་པའི་ཆོས་ཐམས་ཅད་གཞི་དབྱིངས་སྟོང་ཉིད་ཆེན་པོའི་ངང་དུ་མ་བཅོས་རང་ཆོས་སུ་ཡོད་པའི་ཕྱིར་ན་ཆོས་ཉིད། དེ་ལྟ་བུའི་ཆོས་ཉིད་རིག་པའི་གནས་ལུགས་ཀྱི་རང་བཞིན་ཟབ་མོ་ནི་ཡེ་གདོད་མ་ཉིད་ནས་རྣམ་པར་དག་ཅིང་། ངོ་བོ་གང་དུ་ཡང་མི་གནས་པའི་སྤྲོས་བྲལ་ནམ་མཁའ་ལྟ་བུ ༄༅། །ཟབ་པ་དང་རྒྱ་ཆེ་བ་གཏིང་མཐའ་དང་བྲལ་བ། བློ་དང་ཡིད་ཀྱིས་སྤྱོད་ཡུལ་ལས་འདས་པའི་བརྗོད་བྱའི་ཁས་ལེན་ཐམས་ཅད་དང་བྲལ་བ། འཁོར་འདས་ཡོངས ལ་ཁྱབ་པའི་བདག་ཉིད་ཅན། སྲིད་ཞི་ཀུན་གྱིས་བྱེད་པོ་དང་འཆར་གཞིར་གནས་པའི་ཆ་ནས་ནམ་མཁའ། དེ་ཡང་ནམ་མཁའ་རང་མཚན་པ་ལྟ་བུའི་བེམ་སྟོང་དུ་མ་སོང་བར་འཁོར་བའི་ཆོས ཕུང་པོ་ཁམས་དང་སྐྱེ་མཆེད་ཀྱི་རབ་དབྱེ ལམ་གྱི་ཆོས་ཐེག་པ་རིམ་དགུ། འབྲས་བུའི་ཆོས་སྐུ་དང་ཡེ་ཤེས་ཡོན་ཏན་རྒྱ་མཚོ་སོགས་བརྡ་དང་གདམས་ངག་ཐམས་ཅད་ཀྱི་འབྱུང་གནས། ཆོས་ཀྱི་ཀློང་མཛོད་ཟབ་མོ། དཔེར་ན་རིན་པོ་ཆེའི་མཛོད་ཁང་ལྟ་བུར་གནས་པས་ན་ཀློང་མཛོད། དེ་ལའང་རྒྱལ་པོ་ཆེན་པོའི་མཛོད་ཀྱི་ནང་ནས་ཀྱང་ཕྱི་མཛོད་དང་ནང་མཛོད་ཞེས་པ་ཀུན་ལས་གཅེས་ནོར་དུ་གྱུར་པ་ཡང་མཛོད་ལྟ་བུའི་ནང་གི་ཆོས་སྡེ་འདི་ལའང་རྣམ་གྲངས་མང་ཞིག་མཆིས་ཀྱང་། དེ་དག་ལས་ཀྱང་མཆོག་ཏུ་གྱུར་པ་རིན་པོ་ཆེ་མི་ཟད་རྒྱན་འཁོར་ཞེས་བྱ་བའི་གབ་བྱང་ཡིན་གསུངས་པའི་དོན་རེད ཆོས་འདི་གསང་ཆེན་གཉིས་དང་ལྡན་པ་ཡིན་པས། དང་པོ་གཞི་བདེ་གཤེགས་སྙིང་པོས་འཁོར་འདས་གཉིས་ཀ་ཁྱབ་ཡོད་པའི་ཕྱིར་ན། སངས་རྒྱས་སེམས་ ཅན་གྱི་གཞི་ལ་ཁྱད་པར་སྤུ་ཙམ་ཡང་མེད་རུང་། སེམས་ཅན་གྱི་རང་ངོ་རང་གིས་མ་རིག་ཅིང་མ་ཤེས་པའི་དབང་གིས་འཁོར་བ་མཐའ་མེད་དུ་འཁྲུལ་ནས་རང་གཞི་སངས་རྒྱས་ཡིན་པས རང་ཞལ་མངོན་དུ་མ་གྱུར་བར་གཞི་རང་ལ་གནས་པ་གབ་པའི་ཚུལ་གྱིས་གསང་བ་མ་རྟོགས་པ་ནི་གབ་གསང་། གཉིས་པ་ནི། གསང་དོན་ཟབ་མོ་འདི་ཉིད་ལས་དང་སྐལ་བར་ལྡན་པའི གདུལ་བྱ་དབང་རྣོན་གྱི་རིགས་རེ་འགའ་ཙམ་ཡོད་སྲིད་ན་དེ་དག་ལ་ཚུལ་བཞིན་དུ་གཏད་ཅིང་སྦྱིན་ནས་གཅིག་བརྒྱུད་ལྟ་བུར་སྤེལ་བར་བྱེད་ཅིང་དེ་ལས་གཞན་པའི་གང་ཟག་བློ་རྨོངས་པ། བྱིས་པ་གཟུ་ལུམ་ཅན་སོགས་ལས་སྐལ་དང་མི་ལྡན་པའི་རིགས་སྒྲོ་སྐུར་མཁན་རྣམས་ལ་གསང་དོན་ཟབ་མོ་འདི་རླུང་ཕྱོགས་ཙམ་དུའང་མི་བསྒྲགས་ཤིང་ཟུར་ཙམ་ཡང་བསྟན་པར་མི་བྱ་སྟེ། ཤིན་ཏུ་སྦས་པའི་ཚུལ་གྱིས་བཀའ་བརྒྱ་དམ་པོར་བྱས་ནས་གསུང་དོན་ཉམས་སུ་བླང་བ་ནི་བྱིན་རླབས་མི་ཉམས་ཤིང་གྲུབ་འབྲས་མྱུར་བ་སོགས་ཁྱད་ཆོས་དུ་མ་དང་ལྡན་པའི་དགོས་ཆེད་ཡོད་པས་ན་སྦས་པའི་གསང་བའོ། །དེ་ལྟ་བུའི་གསང་བ་བླ་མེད་ཐུན་མོང་མ་ཡིན་པའི་ལམ་ཟབ་མོ་འདི་ཉིད་ཀྱིས་བདག་རྟོགས་མཚན་མ་ཡིད་བྱེད་ཀྱི་འཇིགས་པ་ཐམས་ཅད་ཆོས་ཉིད་རྒྱུ་འབྲས ༄༅། །ལས་འདས་པའི་དབྱིངས་སུ་གཞོམ་པར་བྱེད་པས་ན་སྔགས། དེའང་རྡོ་རྗེའི་ཆོས་བདུན་དང་ལྡན་ཞིང་། རྡོ་རྗེའི་དམ་བཅའ་བཞིན་གནས་པའི་སྟོབས་ཀྱིས་མཚན་འཛིན་གྱི་རྣམ་པར་རྟོག་པ་ཐམས་ཅད་ཕར་ལ་ཐད་ཀར་གཞིགས་ཤིང་གཞོམ་པར་བྱེད་པའི་ནུས་པ་དང་ལྡན་པ། ཚུར་དེ་དག་གང་གིས་ཀྱང་གླགས་མི་རྙེད་ཅིང་གཤིས་ལ་འཕོ་འགྱུར་མེད་པའི་དོན་དམ་མི་ཤིགས་པའི་བདག་ཉིད་ཅན་ལ་རྡོ་རྗེ དེ་ལྟ་བུའི་གསང་སྔགས་རྡོ་རྗེའི་ཐེག་པ་འདི་ནི། ལམ་ཐམས་ཅད་ཀྱི་ཡོན་ཏན་བཅུད་དུ་འདུས་ཤིང་འཁོར་འདས་ཀྱི་བཅོས་བསྒྱུར་དུ་མ་སོང་བར་བཟང་ངན་ཐམས་ཅད་རང་ཐེག་པའི་ཕྱིར་ན་ཐེག་པ། དེས་ན་བཀའ་གསང་བའི་ནང་ནས་ཡང་གསང་། ཟབ་པའི་ནང་ནས་ཡང་ཟབ། སྙིང་པོའི་ནང་ནས་ཡང་སྙིང་། བཅུད་ཀྱི་ནང་ནས་ཡང་བཅུད། ས་ཡི་སྙིང་པོ་གསེར་ལྟ་བུ ཆུའི་སྙིང་པོ་ལན་ཚྭ་ལྟ་བུ འོ་མའི་སྙིང་པོ་མར་ལྟ་བུ། ཐེག་པ་ཐམས་ཅད་ཀྱི་ཡང་སྙིང་གཅིག་དྲིལ་གྱི་ངོ་བོ་རུ་གྱུར་པའི་བཅུད་ཀྱི་ཞུན་མར་ལྟ་བུ་ཡིན་པའི་ཕྱིར་ན་ཡང་ཞུན། འདི་ལྟར་སྣང་བའི་ཆོས་ཐམས་ཅད་ལ་བདག་ཏུ་བལྟ་ཞིང་དངོས་པོར་འཛིན་ཞེན་གྱི་རྟོག་པ་དེ་ལ་དངོས་ཞེན། དེའི་དབང་གིས་བཟང་རྟོག་ལྷ་རུ་བསྒོམས་ཏེ ཕན་དུ་རེ་ཞིང་། ངན་རྟོག་འདྲེ་རུ་མངོན་ནས་གནོད་དུ་དོགས་པ་སོགས ཕན་གནོད་རེ་དོགས་ཀྱི་སྣང་བ་རྒྱུན་མི་འཆད་པར་ཆགས་ཞེན་འཁྲི་བ་དང་བཅས་པའི་ཆིངས་ཀྱིས་བཅིངས་ཏེ། གེགས་བདུད་བཞི་དང་ལོག་འདྲེན་སོགས་ཀྱི་དབང་དུ་གྱུར་ནས རྐྱེན་ལས་ཉོན་དང་སྡུག་བསྔལ་ཤིན་ཏུ་མི་བཟད་པའི་མནར་བཞིན། བར་ཆད་འཁོར་བའི་འཁྲུལ་སྣང་ཐམས་ཅད་ལ་འཁོར མོ་ཡུག་ཏུ་རང་དབང་མེད་པར་སྤྱོད་དགོས་ཤིང་། ལམ་ཐར་པ་ཐོབ་ཏུ་མི་སྟེར་བ་ནི་བདག་འཛིན་རྣམ་གཉིས་ཀྱི་རྩ་བ་མ་རིག་པ་ཉིད་ཡིན་ཏེ། དེ་ལྟ་བུའི་མ་རིག་འཁྲུལ་པའི་གཞི་མ་བདག འཛིན་སྲིད་པའི་ལྗོན་ཤིང་གི་རྩ་བ་བརྟན་པོ་དེ་ཉིད། བདག་མེད་རྟོགས་པའི་ཤེས་རབ་ཀྱི་མཚོན་ཆ་རྣོན་པོས། རེ་དོགས་གཉིས་འཛིན་གྱི་འཆིང་བ་དམ་པོ་བཙན་ཐབས་སུ་བཤིགས་ཏེ། ཆོས་ཉིད་མཉམ་པ་ཉིད་ཀྱི་དབྱིངས་སུ་གཞི་མེད་རྩ་བྲལ་དུ་གཅོད་པ་ནི་རེ་དོགས་གཅོད་པའི། འོ་ན་དེ་ལྟར་གཅོད་བྱེད་ཀྱི་གདམས་པ་ཟབ་མོ་རྨད་དུ་བྱུང་བ་ལམ་དང་ཐེག་པ་གཞན་ལས་ཁྱད་པར་དུ་འཕགས་པའི་གང་གིས་ཀྱང་འགྲན་ཟླ་དང་བྲལ་བ། མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་བའི་གཉེན་པོ་གཅིག་ཆོག སྨན་དཀར་པོ་གཅིག་ཐུབ་ལྟ་བུ་ཕྱག་རྒྱ་ཆེན་པོ་ ༄༅། །གཅོད་ཟེར་རྒྱུའི་མན་ངག་གི་གདམས་པ་འདི་ནི་འབྲས་བུ་ཕྱི་དུས་སུ་མི་འགྱང་བར་ཚེ་ལུས་གཅིག་པོ་འདི་རུ་སངས་རྒྱས་པའི་ཐབས་མཆོག་ཏུ་གྱུར་པ་ཉིད་ཡིན་པའི་ཕྱིར་ན་གདམས་པ། དེར་མ་ཟད་འཁོར་བ་ཐོགས་མེད་ཀྱི་དུས་ནས་མ་རིག་གཟུང་འཛིན་གྱི་འཁྲུལ་པ་རྔམ་པོ་ཆེའི་རྒྱུ་རྐྱེན་ལས། རང་སྟོབས་ཀྱིས་གཞི་ཆོས་སྐུ་བདེ་གཤེགས་སྙིང་པོའི་བཞུགས་ཚུལ་གྱི་སྒོ་ཕྱོགས་ཙམ་མཐོང་མ་ནུས་ཀྱང་། ལམ་ཟབ་མོ་འདི་ལ་བརྟེན་ནས་གཞིའི་རིག་པ་མཐའ་གྲོལ་ཆེན་པོ་ཀ་དག་ཀུན་ཏུ་བཟང་པོའི་གནས་ལུགས་དང་ཡིན་ལུགས་ཇི་ལྟ་བ་བཞིན་དུ་རྟོགས་ཏེ། རིག་སྟོང་ཆོས་སྐུའི་རང་ཞལ་མངོན་སུམ་རྗེན་པར་རང་ཐོག་ཏུ་ངོ་སྤྲོད་པའི་ཐབས་ཀྱི་མན་ངག་རྣོ་ལ་ཟབ་པ་ཡིན་པས་ཕྱིར་ན་གནས་ལུགས་རང་ཞལ་སྤྲོད་པའི་མན་ངག འདི་འདྲ་བའི་གདམས་ངག་ཟབ་ཁྱད་ཅན་ཞིག་ནི་སྲིད་པ་གསུམ་ན་མ་མཆིས་པའི། འདི་ནི་རིག་འཛིན་གྲུབ་ཐོབ་ཐམས་ཅད་ཀྱི་མཆོག་ཏུ་གྱུར་པ། མདའ་མཁན་གྱི་རྒྱལ་པོ་དཔལ་ས་ར་ཧ་པའི་སྙིང་གི་ཁྲག་ལས་ཕང་བའི་ཐུགས་ཀྱི་ཐིག་ལེ རིག་འཛིན་འབུམ་དང་། གྲུབ་པ་སྟོང་སོགས་མ་དང་མཁའ་འགྲོ་ཐམས་ཅད་ཀྱི་དགོངས་བཅུད་ཟབ་མོ་བཀའ་རྒྱ་ཅན། སྙིང་ཁྲག་གི་ དྭངས་མ་ལྟ་