Tibetan
མངོན་གྱུར་ཞིག་ལ་རེམ། །གོ་གོ་ཤེས་ཤེས་སྣང་བ་དེས་ཆོག་གི། །ད་ནི་རིག་པ་ཚད ཕེབས་ཞིག་ལ་རེམ། །མྱོང་མྱོང་རྟོགས་རྟོགས་སྣང་བ་དེས་ཆོག་གི།།ད་ནི་ཆོས་ཟད་བློ་འདས་ཞིག་ཏུ་རེམ། །ང་ཆེ་ང་བཟང་ང་རྒྱལ་དེས་ཆོག་གི།།ཚེ་འདིར་མངོན་སངས་རྒྱས་པ་ཞིག་ལ་རེམ། །དེ་ལྟར་མི་རྒན་འཆོལ་བའི་ལབ་མོ་འདི །ཞལ་གདམས་ཞིག་ཏུ་གོ་ན་ཕན་ཐོགས་འབྱུང་། །དེ་མིན་བཏང་སྙོམས་བཞག་ན་ཅི་བྱར་ཡོད། །སྨོན་ལམ་ལས་ཀྱིས་འབྲེལ་བའི་སྐྱེས བུ་ཁྱོད། །འདི་དོན་ཉམས་སུ་ལོངས་དང་དེ་ཡིས་ཆོག །རྣམ་པར་གྲོལ་བའི་འབྲས་བུ་མངོན་གྱུར་ཤོག །ཅེས་ཐུབ་པའི་ངོར་བདུད་འཇོམས་པས་སོ།། །། ༄༅། །རྗེ་འགྲོ་བའི་མགོན་པོ་པདྨ་འབྱུང་། །གནས་མི་འབྲལ་སྙིང་གི་དབུས་སུ་བཞུགས །སྣང་སྲིད་དང་འཁོར་འདས་ཆོས་རྣམས་ཀུན། །གཞི་ཁྱབ་བརྡལ་ངང་དུ་རོ་གཅིག་པའི། །ངང་རྨི་ལམ་སྣང་བ་སྣོད་བཅུད་ཆོས། །ཡུལ་འདོད་ཡོན་ལྔ་ཡི་ཆོས་སོ་ཅོག །གཉིས་སད་ཚེ་ནམ་མཁའ་ནམ་མཁར་ཞིག །ཉིན་སྣང་བ་དེ་བཞིན་ཆོས་རྣམས་ཀུན། མཚན་རྨི་ལམ་གཉིད་དུ་ཕྱོགས་པའི་ཚེ། །འཇའ་ནམ་མཁར་ཡལ་བཞིན་དབྱིངས་ལ་ཐིམ །དེའི་ཕྱིར་ན་འཁོར་འདས་གཉིས་བསྡུས་ཀྱི། །ཆོས་ཐམས་ཅད་ནམ་མཁའི་འཁོར་ཡུག་སྟེ།། ནམ་མཁའ་ནི་སྤྲོས་བྲལ་སྟོང་པ་ཉིད། །སྟོང་པ་ཡི་མཚན་ཉིད་དེ་བཞིན་ཉིད། །ཚུལ་ཇི་ལྟར་རིག་ན་གཞིའི་རིག་པ། །ངང་མངོན་གྱུར་ལམ་གྱི་རིག་པ་སྟེ །རིག་པ་དེ་སྨྲ་བསམ་བརྗོད་ལས་འདས། །རིག་པ་ལ་མྱོང་ཞེན་སྤུ་ཙམ་མེད །རིག་པ་ལ་བསྒོམ་དང་མི་བསྒོམ་མེད། །རིག་པ་ལ་གཟའ་དང་གཏད་སོ་མེད། །རིག་པ་ལ་རིག་དང་མ་རིག་མེད། །ཁྱབ་བརྡལ་གྱི་རིག་པ ཟང་ཀ་མ། །ཤུགས་འབྱུང་གི་ཡེ་གནས་ཡེ་བབ་ཏུ། །འཇོག་པ་ནི་རྣལ་འབྱོར་ལམ་གྱི་མཆོག །མིག་ཤེས་དང་ཡེ་ཤེས་གཉིས་མེད་པས། །མངོན་བྱེད་ཀྱི་ཤེས་རབ་མིག་ཤེས་ཡིན། སྒོ་གསུམ་གྱི་བྱ་བ་དགུ་ཕྲུགས་བཏང་། །མཉམ་བཞག་ཅེས་བྱ་བ་དེ་ལས་མེད། །ཟ་ཉལ་དང་འགྲོ་འདུག་དུས་ཀུན་ཏུ། །མངོན་གྱུར་གྱི་ངང་ལས་མི་འདའ་བ། །རྗེས་ཐོབ་ཅེས་ཟེར་བ་དེ་ལས་མེད། །ཆོས་བརྒྱད་ཀྱི་ཡུལ་ལ་མ་ཞེན་པར །རྩེ་གཅིག་ཏུ་སྙིང་པོར་གཞོལ་བ་ན། །རྣམ་གྲོལ་གྱི་ས་ལ་རིང་མི་ཐོགས །ཁ་བཤད་ཀྱི་གདམས་ངག་གསོན་པོ་ཡིས །གོ་བ་དང་གཏིང་དཔོག་མི་འོང་ན། །ཡིག་རིས་ཀྱི་ཚིག་རོ་བྲིས་བྲིས་ཀྱང་།གོ་བ་ནི་ཤིན་ཏུ་དཀའ་ལས་ཡོད། །བརྡ་འཕྲོད་ན་དེ་ག་གདམས་ངག་ཡིན། །དོན་གོ་བ་མེད་ན་ལམ་ཁ་ཡི། །རྡོ་བཞིན་དུ་ཐོབ་ལེན་མེད་ལ་ལྟོས །ཐེ་ཚོམ་དང་ཡིད་གཉིས་བློ་སྤོངས་ལ །ཐག་ཐད་དཀར་ཆོད་ལ་རང་ཐོག་ཏུ། །གདིང་ཚུགས་ལ་རང་ས་ཟིན་པར་གྱིས། །མི་རྒན་པོའི་འཆོལ་གཏམ་དེ་ག་ཡིན། དེ་མ་བརྗེད་སྙིང་གི་མེ་ལོང་གྱིས །ཅེས་སློབ་བུ་མགོན་རྡོར་གྱིས་ནན་དུ་བསྐུལ་ངོར་བདུད་འཇོམས་པས་སྨྲས་པ་དགེའོ། །ཞུས་སོ།། T11618 - 478 ༄༅། །ལྷ་མཚོ་སྐྱེས་རྡོ་རྗེའི་ཞབས་ལ་འདུད། །བདག་འདི་ཕྱི་གཉིས་ཀྱི་མདོ་མེད་ལ། །ཕ་ཁྱོད་ཀྱི་ཐུགས་རྗེས་བསྐྱབ་ཏུ་གསོལ། །བློ་རེ་དོགས་བྲལ་བར་བྱིན་གྱིས་རློབས། ཉམས་རྨི་ལམ་འདྲེས་པའི་སྣང་ཆ་ལ། །མ་མཁའ་འགྲོ་དགྱེས་པའི་གླུ་འདི་ཐོས །ཨེ ཡུལ་སྲིབ་ཀ་ནག་པོའི་རྫོང་ཆེན་དུ། །ལྡིང་སྐྱ་གའི་ལུས་རྟེན་བོར་བ་ནས། །མཚོ་རྙོགས་མ་ཅན་དུ་ཉ་མོ་ཞུགས། །དེ་ནུབ་ཕྱོགས་ཨཱརྻའི་ཡུལ་དུ་འཕོས །ཆོས་བྱེད་པའི་རྟེན་བཟང་མི་ལུས་ཐོབ། །རྟེན་བོར་ནས་ལྷ་མིན་མོ་རུ་གྱུར། །དེའི་ལུས་རྟེན་བོར་ནས་རྒྱ་ནག་ཏུ། །ཆོས་དགེ་བ་བསྒྲུབ་པའི རྟེན་བཟང་ཐོབ །དེ་ཚེ་འཕོས་ར་སའི་ལྷ་ཁང་དུ། །ཡང་དགེ་བཙུན་བློ་འཕེལ་ལྷ་གཉེར་གྲགས། །དེའི་ལུས་རྟེན་བོར་ནས་མདོ་ཁམས་སུ། །སྔོན་དགེ་འབྲས་དུས་སྨིན་མི་ལུས་རྙེད །མིང་ཀུན་དགའ་འཛིན་པ་ས་རུ་ན །མཐོ་ལྷ་ལམ་བསྒྲོད་པའི་ནམ་མཁའ་ལྡིང་།རླུང་སྤུ་གྲིའི་འཁོར་ལོར་ཕོད་བཙུག་ན། །དེའི་འདབ་གཤོག་འཐག་པས་ས་ལ་ལྷུང་།བྲག་རྩུབ་རིམ་མེད་པའི་འཇམ་ངོས ལ། །རྒྱ་ཙ་ར་རན་པར་ཚོད་ཟིན་ན། །དེའི་སྲོག་གི་རྟེན་ཡང་འགག་མི་སྲིད །མཚོ་མ་གི་ཁ་ཞེང་ཆེ་སྟེ་མཛེས། །དེ་སྐྱིད་ཐང་མཐོང་བའི་ལརྨ་ཏ །རི་མཐོ་བའི་རྩེ་ནས་མྱུར་མགྱོགས་ཕྱིན། ལྡིང་རན་ཚོད་བྱས་ན་བདེ་ཡང་སྐྱིད། །སླེབ་ཙམ་ནས་ལྡིང་རྩལ་ཆེས་ན་འཆི། །མི་ལུས་ངག་དབེན་པའི་སྐམ་ས་ན། །སླར་རླན་དང་འདམ་དུ་མི་འབོག་ན། །དེ་འདམ་དུ་ཚུད་པ་སྡུག་མི་བསྔལ། བརྡ་གོ་འམ་ལེགས་ཉེས་དྲི་བ་མཁན། །ལྷ་ཡི་དམ་བསྒོམ་བསྒྲུབ་རྣལ་དུ་དབབ། །དེའི་བསྙེན་སྔགས་འབུམ་ཕྲག་སྟོང་དུ་བརྗོད། །སྔགས་སྲུང་མ་ཤ་ཟ་དེས་གྲོགས་བྱེད། །དཔལ་འཇམ་དཔལ་གཤིན་རྗེ་ལ་བརྟེན་ན། །ཚེ་ཚད་ཀྱང་བཅུ་ཕྲག་བདུན་དང་བཞི། །ལས་བྱ་བ་རང་ཚོད་འཛིན་མཁས་ན། །བདེ་སྐྱིད་ཀྱི་ཉི་མ་ནུབ་ནས་གསལ། །དེ་ལྟར་འཁྲུལ་བའི་སྣང་ཆ་ཤར། །ཀུན་གྱི་ཡང་ཐ རྒན་པོ་ངས། །ཀུན་དང་མི་མཐུན་གྲོས་ཤིག་འདེབས། །ཀུན་ལ་འགྲན་པའི་ཆེ་དྲག་ཕྱིར། །ཀུན་གྱི་ཞོར་འདེབས་ཚིག་རྩུབ་དང་། །ཀུན་དང་འགལ་བའི་སྐྱོན་འདྲེན་གསུམ །ཀུན་གྱི་འགོ་རུ་འཕེན་པའི་སྐྱོན། །ཀུན་དག་སྤོངས་དང་སྐུ་ཚེ་རིང་།ཀུན་ཏུ་བཟང་པོའི་རྒྱལ་སྲིད་དུ། །ཀུན་མཁྱེན་རྡོ་རྗེས་གཤེགས་ཤུལ་སྙོགས། །ཀུན་གསལ་རང་གཞིའི་ཡུལ་དུ་ཤོག །ཀུན་ཏུ་དགའ་བདེའི གཏན་ནོར་གཏེར། །ཀུན་དགའ་ཁྱོད་ལ་ཐོབ་རྒྱུ་སྟེ། །ཀུན་ལས་ཡང་སྨྱོན་འཆོལ་པོས་སྨྲས། །ཞུས་སོ།། ༄༅། །ཀྱེ་ཀྱེ། རིགས་ཀྱི་བུ་ཁྱོད་ཚུར་ཉོན་དང་། །ཆོས་བརྒྱད་ཡུལ་ལ་མ་ཞེན་པར། །རྩེ་གཅིག་སྙིང་པོའི་སྒྲུབ་ལ་འབད། །སྒྲུབ་གནས་ཤིན་ཏུ དབེན་པ་བརྟེན། །ཟས་གོས་རྩ་འཚོ་ལྷག་སྐྱོབ་ཙམ། །རྒྱལ་བ་གོང་མའི་ཕྱག་བཞེས་ཡིན། །ནམ་འཆི་མི་ཤེས་ཆ་མེད་པས། །འཆི་བ་སྙིང་ནས་དྲན་པ་དགོས།། དལ་འབྱོར་མི་ལུས་འཐོབ་དཀའ་བས །དོན་དང་ལྡན་པ་གནད་ཀྱི་གནད། །དཀར་ནག་རྒྱུ་འབྲས་བསླུ་མེད་པས། །མི་དགེ་སྡིག་པ་དུག་བཞིན་སྤོངས། །འཁོར་བ་མཐོ་དམན་གར་སྐྱེས་ཀྱང་། །སྡུག་བསྔལ་གསུམ་གྱི་བཙོན་དོང་ཡིན། །རྣམ་པར་གྲོལ་བའི་ས་ལམ་སྙོགས། །འཁོར་འདས་གཉིས་ཀྱིས་བསྡུས་པ་ཡི། །ཆོས་ཀུན་སྟོང་ཉིད ཆེན་པོ་རུ། །རོ་གཅིག་རྟོགས་པའི་ཤེས་རབ་ཀྱིས །ནམ་མཁའ་རྣམ་དག་མངོན་གྱུར་ངང་། །བྱ་བ་དགུ་ཕྲུགས་ཐོང་ལ་སྒོམས། །སྤྱོད་ལམ་རྣམ་བཞིའི་དུས་ཀུན་ཏུ།། ལྟ་སྟངས་བསྒོམ་གདིང་བག་ཡོད་གསུམ། །གནད་ཀྱི་དམ་པར་ཟུངས་ལ་སྒོམས། །སྒྲོན་མ་རྣམ་བཞིའི་གསང་ལམ་ལ། །བརྟེན་ནས་སྣང་བཞི་མཐར་ཕྱིན་ཏེ། །གཞོན་ ནུ་བུམ་སྐུའི་ས་རུ་སྐྱོལ། །ཞལ་གདམས་དགོས་ན་དེ་ག་ཡིན། །སྙིང་གཏམ་དགོས་ན་འདིར་མདོར་བསྡུས། །དཔེ་རུལ་ཉར་ཚགས་མ་བྱེད་པར། །ལག་ལེན་ཐོབ་ཅིག ཉམས་སུ་ལོངས། །དེ་མིན་འདི་འདྲའི་དགོས་པ་མེད། །ཅེས་ཀུན་རྡོར་གྱི་ངོར་བདུད་འཇོམས་པས་སྨྲས་པ་ཡོངས་སུ་དགེ་བར་གྱུར་ཅིག །དགེའོ། །། ༈ རྗེ་དུས་གསུམ་རྒྱལ་བ་འདུས་པའི་དཔལ། །མགོན་ཨོ་རྒྱན་མཚོ་སྐྱེས་རྡོ་རྗེས་སྐྱོངས །སྔོན་སྨོན་ལམ་ལས་ཀྱིས་འབྲེལ་བའི་བུ། །ཁྱོད་ངེས་པར་ཐར་ལམ་བསྒྲོད་འདོད་ན། །ཚེ་འདི་སྣང་སྒྱུ་མ་རྨི་ལམ་འདྲ། །དེ་རྟག་འཛིན་ཞེན་པ་བཙན་ཐབས་ཆོད། །མི་སྐྱེ་ཚད་ཐམས་ཅད་འཆི་བ་ཡིན། །དེར་སོམས་ལ་བློ་སྣ་བསྟུང་བར་གྱིས། རྒྱུ་བསགས་པའི་ཐ་མ་འཛད་པ་ཡིན། །དེར་སོམས་ལ་གསོག་འཇོག་ཞེན་པ་ཆོད། །མཁར་བརྩིགས་པའི་ཐ་མ་འཇིག་པ་ཡིན། །དེར་སོམས་ལ་བརྩིགས་བཞེངས་ལས་ཀ སྤོངས། །གྲོགས་འདུས་པའི་ཐ་མ་བྲལ་བ་ཡིན། །དེར་སོམས་ལ་ཆགས་སྡང་འཐབ་མོ་སྤོངས །འདི་འཇིག་རྟེན་སྲིད་པའི་ཆོས་བཞི་ལགས། །ཁྱོད་ཡང་ཅིག་གསོན ༄༅། །དང་སྐལ་ལྡན་བུ། །དཔལ་ཨོ་རྒྱན་རྗེ་དང་ན་རོ་པའི། །ཞལ་གཅིག་ཏུ་མཚུངས་པར་ཚིག་འདི་སྐད། །ལོ་གཅིག་ལ་འབག་བསྙེན་བྱེད་པ་བས། ཞག་གཅིག་ལ་སྨྲ་བཅད་བྱས་པ་མཆོག །ཚེ་གཅིག་ལ་གྲོང་སྒྲུབ་བྱེད་པ་བས །ཟླ་གཅིག་ལ་རི་ཁྲོད་བརྟེན་པ་མཆོག །རྗེ་རྒྱལ་བ་གོང་མའི་བཀའ་བཙན་ཡིན །ཕྱིས་བརྒྱུད་འཛིན་ཡོངས་ཀྱི་བགྲོད་ལམ་ཡིན། །ཕྱི་སྣང་བ་སྣོད་ཀྱི་འཇིག་རྟེན་དང་། །ནང་སྲིད་པ་བཅུད་ཀྱི་སེམས་ཅན་དང་། །བར་འདོད་ཡོན་ལྔ་ཡི་ཡུལ་སྣང་ཀུན། དཔེ་སྒྱུ་མ་དང་ནི་རྨི་ལམ་བཞིན །དོན་རང་འཁྲུལ་ཙམ་ལས་གྲུབ་པ་མེད། །རང་འཁྲུལ་ལ་མངོན་ཞེན་བརྟས་པ་ལས། །མཐའ་མེད་པའི་འཁོར་བ་ལུག་རྒྱུད་དུ།། སྔོན་འཁྲུལ་བཞིན་ཕྱིས་ཀྱང་འཁྲུལ་པ་ལགས། །འདིའི་ངང་ཚུལ་ཇི་ལྟར་རྟོགས་གྱུར་ན། །གཞིའི་ངོ་བོ་སྟོང་ཉིད་ནམ་མཁའ་ཆེ། །ཆོས་ཐམས་ཅད་ནམ་མཁའི་མཚན་ཉིད་དེ། །དེ་རྟོགས་ནས་ནམ་མཁའ་ཁོང་ཆུབ་ན། །ཆོས་ཐམས་ཅད་ཆོས་ཉིད་ཆེན་པོར་གཅིག །ཆོས་ཉིད་ཀྱང་མཁའ་ལས་གཞན་མ་མཆིས། །དེ་མ་རྟོགས་ལམ་འདིའི རང་ལུགས་ལ། །གཞི་ལྟ་བའི་རྒྱལ་པོ་ལོགས་ན་མེད། །རྣམ་དག་གི་ནམ་མཁའ་ཁོང་ཆུབ་སྟེ། །གདངས་རང་ས་ཉིད་དུ་འཛིན་ནུས་ཤིང་། །ངང་མངོན་གྱུར་ཆེན་པོ འཇོག་མཁས་ན། །སྒྲོམ་ཞེས་བྱ་དེ་ལས་གཞན་ན་མེད། །ཕྱིའི་སྤྱོད་པ་ཞི་དུལ་བག་ཡོད་ཅིང་། །ངག་མི་དགེ་བཞི་ཡི་ཚིག་སྤངས་ཏེ། །སེམས་བསྒོམ་བཞག་བློ་འདས ཆེན་པོ་ལ། །དུས་རྟག་ཏུ་ཁོར་ཡུག་སྤྱོད་གྱུར་ན །སྤྱོད་པ་ཡང་གཞན་དུ་ཡོད་པ་མིན། །ལས་མཐའ་མེད་འཁོར་བའི་རྒྱུར་གྱུར་པའི། །བྱ་བྱེད་དང་ལས་ཀ་ཐམས་ཅད་ཀུན། །ཚེ་སྲོག་ལ་བབ་ཀྱང་སྤངས་ནུས་ན། །ཆོས་བསྒྲུབ་ལ་བར་ཆད་འབྱུང་མིན་ཏེ །ཚེ་འདི་རུ་ཐར་པའི་ལམ་སྣ་ཟིན། །ད་མྱུར་ལམ་ཟབ་མོ་ལམ་བྱེད་པའི།། ཐབས་སྒྲོན་མ་དྲུག་གི་གསང་ལམ་དེ། །ཚུལ་ཇི་བཞིན་ཤེས་པའི་ཤེས་རབ་ཀྱིས། །ལས་བྱ་བ་དགུ་ཕྲུགས་བཏང་ནས་སུ། །རྩེ་གཅིག་ཏུ་འབད་པ་ཐོན་གྱུར་ན། །ཡུན་མི་རིང་མྱུར་དུ་མངོན་སངས་རྒྱས། །ཡུལ་བདེ་མོ་སྟེང་མ་ལྷ་ཡི་ཡུལ །གནས་སྐྱིད་པོ་དག་པ་མཁའ་སྤྱོད་ཞིང་། །འདི་བསྐྱེད་རྫོགས་ཟབ་མོའི་འབྲས་བུ་སྟེ། །དེར་དཀའ་T11618 - 484 ༄༅། །ཚེགས་མེད་པར་སླེབ་ཏུ་སོང་། །ན་ཚ་དང་བདེ་སྡུག་ཅི་བྱུང་ཡང་། །ཉམས་རྫུན་པོ་ཆེ་ཡི་མཚང་རིག་ནས། །དེ་ཞེན་མེད་ངང་ལ་འཇོག་པ་དང་། བཟང་པོ་ཡི་ཡོན་ཏན་འདྲ་སྣང་ཡང་། །དེ་ལ་ཡང་དགའ་མགུ་མངོན་ཞེན་སྤོངས། །ཁྱོད་འཆི་བའི་མཐའ་ལ་མ་ཐུག་བར། །གནད་འདི་བཞིན་ཉམས་སུ་ལེན་ནུས་ན། འཇའ་ལུས་དང་འཕོ་ཆེན་དྭངས་མར་གྲོལ །ང་མི་རྒན་ལ་སྙིང་གཏམ་དེ་ལས་མེད། །དེ་སེམས་ལ་ཞོག་ཅིག་སྐལ་ལྡན་བུ། །ཞེས་པ་འདི་སློབ་བུ་འཇིགས་མེད་ཀུན་བཟང་ཞེས་བྱ་བས་ནན་དུ་བསྐུལ་ངོར་མི་རྒན་བདུད་འཇོམས་རྡོ་རྗེས་འཆོལ་གཏམ་ལབ་མོར་སྨྲས་པ་དགེ་བར་གྱུར་ཅིག། སརྦ་མངྒ་ལཾ།། །། ༈ སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་སྟོང་ཉིད་ནམ་མཁའི་རང་བཞིན་མ་གཏོགས། དངོས་པོ་མཚན་མ་བདེན་གྲུབ་གཞི་དང་རྩ་བ་ཐམས་ཅད་རྟེན་ཅིང་འབྲེལ་འབྱུང་མ་གཏོགས་རྡུལ་ཙམ་མ་གྲུབ་པའི་ངང་ཚུལ་ཇི་ལྟ་བ་བཞིན་དུ་རྟོགས་པ་ནི་སྒོམ་པ་ཐམས་ཅད་ཀྱི་སྙིང་རྡོ་དང་གཞི་རྩ་ངོ་བོ་བླ་ན་མ་མཆིས་པ་ཡིན་པའི་ཚུལ་ནི། རྟེན་ཅིང་ འབྲེལ་འབྱུང་མ་གཏོགས་པའི། །ཆོས་འགའ་ཡོད་པ་མ་ཡིན་ཏེ། །དེ་ཕྱིར་སྟོང་ཉིད་མ་གཏོགས་པའི། །ཆོས་འགའ་ཡོད་པ་མ་ཡིན་ནོ། །ཞེས་གསུངས་པ་བཞིན་ནོ། སྒོམ་པ་ནི་ཆོས་ཉིད་སྤྲོས་པ་དང་བྲལ་བའི་དབྱིངས་ནམ་མཁའ་རྣམ་པར་དག་པ་མངོན་དུ་བྱེད་པ་ཉིད་དུ་བཞག་པར་བྱའོ། །ཡིན་མིན་ཁས་ལེན་དང་བྲལ་བའི་ཆོས་ཉིད་ཅི་ཡང་མ་ཡིན་པའི་ཡེ་ཤེས་བསྒོམ་བཅོས་བློ་ལས་འདས་པའི་ཆོས་ཉིད་རང་ཁར་འདུག་པ། གཞིའི་རང་བཞིན་གདོད་མའི་ཡིན་ལུགས་ཆེན་པོའི་ངང་དུ་རང་ཡན་པ་ཆོས་ཉིད་ངང་བཞག་ཆེན་པོ་ཡིན་ཏེ། ས་ར་ཧས། འདི་ལྟར་སེམས་དང་ནམ་མཁའ་ཆོས་ཉིད་གསུམ། །ཁྱད་པར་རྡུལ་ཙམ་ཡོད་པ་ངས་མ་མཐོང་། །ཞེས་དང་། མདོ་ལས། ནམ་མཁའ་རྣམ་པར་དག་པ་བསྒོམ་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཞེས་གསུངས་པ་བཞིན་ནོ། །སྤྱོད་པ་ནི་ལྟ་བའི་ཕྱོགས་སུ་སྤྱོད་པ་མི་འཆོར་བ། ཞི་དུལ་བག་ཡོད་བརྟེན་པ་དང་། སྤྱོད་པའི་ཕྱོགས་སུ་ལྟ་བ་མི་འཆོར་བ་ཆོས་ཐམས་ཅད་ཀྱི་དམ་པ་ལྟ་སྒོམ་ལ་བྱ་སྟེ་འབད་པ་ཐོན་པ་ནི་སྤྱོད་པའི་གནད་དོ། །དོན་ལ་གང་ལྟར་ན་དེ་ལྟར་ལམ་མ་T1618 - 486 ༄༅། །ནོར་བར་དབེན་པའི་རི་ཁྲོད་དུ་མཚམས་སྒྲུབ་ལ་འབད་པ་གལ་ཆེ་སྟེ། པཎ་ཆེན་ན་རོས། ཚེ་གཅིག་གྲོང་དུ་བསྒྲུབ་པ་ལས །ཞག་གཅིག་རི མ ཁྲོད་བརྟེན་པ་མཆོག །ཅེས་གསུངས་པ་བཞིན་དུ་ཚེ་གཅིག་ཏུ་འབད་པར་གྱིས་ཤིག །ཚུལ་ཁྲིམས་དང་པད་གསལ་ཟུང་གི་ངོར་བདུད་འཇོམས་པས་སྨྲས་སོ། ། 8 T11618 - 487 T11618 - 488 ༄༅། །ཨོཾ་སྭསྟི། སྤྲུལ་པའི་གཏེར་ཆེན་ཁྲག་འཐུང་བདུད་འཇོམས་གླིང་པའི་གསུང་མགུར་ཞལ་གདམས་སྣ་ཚོགས་བཞུགས་པའི་གླེགས་བམ། ༼ཚ༽ པ་འདིར། དབུ་ཤོག་ལྡེབ་གཅིག་གིས་ཐོག་དྲངས་ཏེ། ཨ་སྐྱབས་བླ་མ་དྲག་རྩལ་གྱི་དྲིས་ལན་ལྡེབ ༤ རྗེ་དུས་གསུམ་རྒྱལ་བའི་སྤྱི་གཟུགས་སོགས་ཨ་འབུམ་མཆོག་གྲུབ་ལ་གནང་བ་ལྡེབ་༈ དཔལ་ཨོ་རྒྱན་པདྨ་ཐོད་ཕྲེང་སོགས་བྱ་བྲལ་ཆགས་མེད་རང་གྲོལ་ལ་གསུངས་པ་ལྡེབ ༣ དཔལ་རྒྱལ་ལ་གདམས་པའི་གླུ་དབྱངས་ནོར་བུའི་དོ་ཤལ་ལྡེབ ༢ ཨེ་ཨེ། རང་སྣང་ལས་མི་གཞན་སོགས་དོན་བཟང་ལ་གདམས་པ་ལྡེབ་༈ གྲགས་པ་ལ་གདམས་པ་ངེས་གསང་སྙིང་པོའི་སོགས་ལྡེབ་༈ ཚེས་བཅུ་ལ་གདམས་པའི་གླུ་དབྱངས་རྣམ་མཁྱེན མྱུར་ལམ་ལྡེབ་༈ ཉམས་ཀྱིས་སྨྱོས་པའི་འཆོལ་གླུ་ཕྲིན་ལས་འགྲོ་འདུལ་རྡོ་རྗེར་གདམས་པ་ལྡེབ་༣ བདེ་ཆེན་མཚོར་གདམས་པ་ཨེ་མ་ཧོཿ མཁོས་ཆུང་གི་རྒན་པོའི་སོགས་ལྡེབ་༢ སྔོན་སྨོན་ལམ་ལས་ཀྱིས་སོགས་དགེ་བཙུན་ཀློང་ཡངས་ལ་གདམས་པ་ལྡེབ་༢ དད་ལྡན་དགེ་མ་རྣམས་ལ་གདམས་པ་ཕ་བླ་མའི་ཞབས་ལ་སོགས་ལྡེབ ༢ དུས་གསུམ་ སངས་རྒྱས་ཐམས་ཅད་སོགས་ཝ་ཤུལ་བླ་མ་རིག་འཛིན་རྒྱ་མཚོར་གདམས་པ་ལྡེབ་ྋ ཚེ་འདིའི་བྱ་བ་སོགས་གུ་རུ་དབང་ལ་གདམས་པ་དང་། ཨེ། ཐར་མེད་འཁོར་བའི་སོགས་ཀརྨ དབང་ལ་གདམས་པ་བཅས་ལ་ལྡེབ ༈ གསེར་པ་རབ་འབྱོར་ལ་གདམས་པའི་གླུ་དབྱངས་ཐོད་པའི་ཕྲེང་བ་ལྡེབ་༡ ཆོས་རྒྱལ་ལ་གདམས་པ་དུས་གསུམ་སངས་རྒྱས་སོགས་ལྡེབ་༡ རྗེ་བླ་མ་ཨོ་རྒྱན་སོགས་བཙུན་མ་རྣམ་དག་སྒྲོལ་མར་གདམས་པ་ལྡེབ ༡ རྒན་པོའི་ཐད་གྲོལ་རིག་པའི་གཏམ་ལྡེབ་༡ སྔོན་བྱོན་རྣལ་འབྱོར་དམ་པ་སོགས་རིག་འཛིན་རྡོ་རྗེར་གདམས་པ་ལྡེབ ༡ གྲགས་པ་ལ་གདམས་པའི་གླུ་དབྱངས་འཛིན་པ་རང་གྲོལ་ལྡེབ་༡ མཚོ་སྐྱེས་རྡོ་རྗེའི་ཞབས་ལ་སོགས་དགེ་མ་ཆོས་མཚོར་གདམས་པ་ལྡེབ་༡ ཉམས་ཀྱི་ཟུག་རྔུ་དབྱིངས་སུ་འཇིག་པའི་གླུ་དབྱངས་བདེ་ཆེན་འཁྱིལ་བ་ལྡེབ་༣ དཔལ་རིའི་སྔགས་འཆང་ལ་བསྲིངས་པ་ཨེ་མ་བརྡལ་ཁྱབ་སོགས་ལྡེབ་༈ འཇམ་དབྱངས་ལ་གདམས་པའི་གླུ་དབྱངས་ཉི་མའི་སྙིང་པོ་ལྡེབ ༢ བྲེ་བོ་ཧོར་གྱི་བླ་མ་ཨ་བྷ་ཡ་ལ་གདམས་པའི་གླུ་དབྱངས་པུཎྜ་རི་ཀའི་དོ་ཤལ་ལྡེབ་༈ རྟོགས་ལྡན་ལ་གདམས་པ་སྐྱབས་བསླུ་མེད་སོགས་ ༄༅། །ལྡེབ་༈ རྗེ་བླ་མ་ལ་གསོལ་བ་སོགས་ལྷུན་གྲུབ་མཚོ་ལ་གདམས་པ་ལྡེབ་༡ ཕ་བླ་མ་མཚོ་སྐྱེས་རྡོ་རྗེ་སོགས་སྐོམ་མེ་ལ་གདམས་པ་ལྡེབ་༡ དཔལ་ཨོ་རྒྱན་མཚོ་སྐྱེས་སོགས་ཞུ་བ་པོའི་མིང་མི་གསལ་བ་ལྡེབ་༡ འཇམ་བསྟན་ལ་གདམས་པའི་གླུ་ཐུང་དངུལ་དཀར་གྱི་རྣ་ཆ་ལྡེབ་༈ ནམོ། རིགས་དང་དཀྱིལ་འཁོར་སོགས་རྒྱལ་སྲས་ཕུན་ཚོགས་དབང་ཕྱུག་ལ་གདམས་པ་ལྡེབ ༈ ཀྱེ་ཧོ་ལས་ཀྱིས་འབྲེལ་བའི་སྐྱེས་བུ་སོགས་ཀུན་བཟང་བསྟན་འཛིན་ལ་གདམས་པ་ལྡེབ་༢ དུས་གསུམ་རྒྱལ་བ་ཀུན་གྱི་ཡེ་ཤེས སོགས་རྣལ་འབྱོར་ཚུལ་ཁྲིམས་ལ་གདམས་པ་ལྡེབ་༡ རབ་གསལ་ལ་གདམས་པའི་གླུ་དབྱངས་རྡོ་རྗེའི་ཕྲེང་བ་ལྡེབ་༈ སྙིང་གཏམ་ཚིགས་སུ་བཅད་པ་ནོར་བུའི་དོ་ཤལ་ལྡེབ་༣ དུས་གསུམ་སངས་རྒྱས་སོགས་ཡེ་ཤེས་རྒྱ་མཚོར་གདམས་པ་ལྡེབ་༡ རྨི་ལམ་སྣང་ཚུལ་ལྕགས་མོ་ལུག་གི་ལོ་ཧོར་ཟླ་བཅུ་གཉིས་པའི་སོགས་ལྡེབ་༡ མཁའ་འགྲོའི་བརྡ་བསྟན་རྡོ་རྗེའི་ཚིག་རྐང་ལྡེབ ༡ དུས་གསུམ་སངས་རྒྱས་འདུས་པའི་སོགས་གསང་བདག་རྣམ་འཕྲུལ་སྐལ་ལྡན་ལ་གདམས་པ་ལྡེབ་༡ རྣལ་འབྱོར་པ་སྤྱི་ལ་གདམས་པ་ཕྱི་ནང་ གསང་བའི་སོགས་ལྡེབ་༡ བསོད་ནམས་བཀྲ་ཤིས་ལ་གདམས་པའི་གླུ་དབྱངས་གསལ་བའི་མེ་ལོང་ལྡེབ་༈ འཇིགས་མེད་ཡེ་ཤེས་དར་རྒྱས་ལ་གདམས་པའི་སྙིང་གཏམ་བདུད་རྩིའི་ཐིག་པ་ལྡེབ་༣ མགོན་དུས་གསུམ་རྒྱལ་བ་འདུས་པའི་སོགས་ཚུལ་བཟང་ལ་གདམས་པ་ལྡེབ་༣ ཨོ་རྒྱན་མཚོ་སྐྱེས་རྡོ་རྗེ་སོགས་ཀླུ་འབུམ་རྒྱལ་ལ་གདམས་པ་ལྡེབ ༢ དུས་གསུམ་སངས་རྒྱས་སོགས་ཇོ་མོ་བློས་སྒྲོན་ལ་གདམས་པ་ལྡེབ ༡ བླ་མ་རིག་འཛིན་རྒྱ་མཚོ་ལ་གདམས་པའི་གླུ་དབྱངས་མཁའ་འགྲོ་དགྱེས་པའི་གད་མོ་ལྡེབ་༢ འཆོལ་བའི་བླུན གཏམ་སངས་རྒྱས་འོད་ཟེར་ལ་གདམས་པ་ལྡེབ ༢ བསོད་ནམས་རྒྱ་མཚོ་ལ་གདམས་པ་ནོར་བུའི་དོ་ཤལ་ལྡེབ ༈ རྗེ་བླ་མ་རྣམས་ལ་གསོལ་བ་སོགས་ནུས་ལྡན་རྡོ་རྗེར་གདམས་པ་ལྡེབ་༡ རྒྱལ་ཀུན་སྤྱི་གཟུགས་སོགས་ཟང་ཐལ་དྲི་མེད་ལ་གདམས་པ་ལྡེབ ༡ ན་མོ་གུ་རུ་སོགས་པད་བདེར་གདམས་པ་ལྡེབ ༢ ལྷ་རང་སྣང་དོན་གྱི་སོགས་ཨོ་རྒྱན་རང་ཤར་ལ་གདམས་པ་ལྡེབ ༡ མཁའ་འགྲོ་ཆོས་ཀྱི་སྤྱན་ལྡན་མས་ཨེ་ཨེ ཉམས་སྣང་གོང་འཕེལ་སོགས་ལྡེབ ༡ རྗེ་དུས་གསུམ་སངས་རྒྱས་སོགས་ཚེ་ལྷར་གདམས་པ་ལྡེབ ༡ རིགས་T11618 - 492 ༄༅། །བརྒྱའི་ཁྱབ་བདག་པདྨ་རྒྱལ་པོ་སོགས་དགེ་ལོར་གདམས་པ་ལྡེབ་༡ སྨོན་ལམ་ལས་ཀྱིས་འབྲེལ་བའི་སོགས་རྡོ་རྗེ་རྣམ་རྒྱལ་ལ་གདམས་པ་ལྡེབ་༡ བླ་མ་མཚོ་སྐྱེས་རྡོ་རྗེ་སོགས་བསོད་རྒྱལ་ལ་གདམས་པ་ལྡེབ ༈ ཤེས་པ་དང་པོ་སོགས་མི་གཡོ་མགོན་པོའི་དྲིས་ལན་ལྡེབ་༡ ཨེ་ཨེ། མ་དང་མཁའ་འགྲོའི་བུ་བརྒྱུད་སོགས་ཀ་ལོ་པར་གདམས་པ་ལྡེབ་༡ ཇོ་མོ་མཁའ་འགྲོ་སྐྱིད་ལ་གདམས་པའི་གླུ་དབྱངས་མུ་ཏིག་མཛེས་པའི་དོ་ཤལ་ལྡེབ་༈ དུས་གསུམ་སངས་རྒྱས་འདུས་པའི་སོགས་ཆོས་ཉིད་འོད་ཟེར་ལ་གདམས་པ་ལྡེབ་༡ དབོན་པདྨ་དངོས་གྲུབ་ལ་གདམས་པའི་གླུ་དབྱངས་ཐོས་པ་དོན་ལྡན་ལྡེབ ༅ ཨེ་མ་ཧོཿ གདོད་ནས་ལྷན་ཅིག་སོགས་ཀུན་དགར་གདམས་པ་ལྡེབ་༣ དོན་རྟོགས་ལ་གདམས་པའི་གཏམ་ལེགས་ཉེས་གསལ་བའི་ཨ་དཪྴ་ལྡེབ ༣ རྣལ་འབྱོར་ཆོས་ཉིད་འོད་ཟེར་ལ་གདམས་པ་ཉམས་ཀྱི་གླུ་དབྱངས་ལྡེབ ༤ སྐྱབས་གནས་དམ་པ་སོགས་པདྨ་བསོད་ནམས་ལ་གདམས་པ་ལྡེབ ༣ ཨོ་རྒྱན་མཚོ་སྐྱེས་རྡོ་རྗེས་སོགས་དཔལ་ལོར་གདམས་པ་ལྡེབ་༢ ཕ་བླ་