Tibetan
རྗེས་སུ་འབྲང་བ་ཡང་མི འདུག །ནུ་བོ་དང་སྲིང་མོར་ཁྱི་རྒན་བཞིན་སྤྲད་ཀྱང་། །ད་རུང་ཡང་ཤི་མིག་གསོན་བལྟ་ལ་ལྟོས་དང་། །རང་དོན་ཞིག་མི་འགྲུབ་ཁོ་ཐག་དེ་ཆོད་སོང་། །དཔོན་ངན་གྱིས་ཉེས་མེད་མཚོན དབལ་གྱིས་བཏབ་ཀྱང་། །ས་རིང་ཞིག་བསྐོར་ནས་ཡུལ་ངན་ལ་ཆགས་འཁོར། །ཐག་རིང་ཞིག་མི་ཆོད་ཁོ་ཐག་ནི་ཆད་ཐལ །འཁོར་བ་ནི་སྤང་བའི་བན་སར་ཀུན་སྐྱིད་ཀྱང་། །ཐབས་སྡུག་གིས་བན་འཁྱམས་མདོ་ཤོར་གྱིས་རྫུན་པ། །མི་གཟུགས་ཀྱི་སྦུབས་སུ་མི་སེམས་འདྲ་མཆིས་ན །ཉམས་ཆུང་གི་བན་རྒན་ས་ཕག་ཏུ་ཤི་ཚེ། །གད་མོ་ཡི་གནས་ངན་རྒྱང་རིང་དུ་བློ བདེ། །སྐྱབས་མེད་ཀྱི་བན་རྒན་ཁྱི་རྒན་བཞིན་བརྡུངས་ཀྱང་། །སྡུག་ཡུས་ནི་འདྲེན་ས་མི་འདུག་གི་སྙིང་རྗེ། །གཅེས་སྤྲས་ཀྱིས་བསྐྱངས་པའི་ཕ་སྤུན་དེ་དགྲར་ལངས །རྒྱབ་བརྟེན་གྱི་དཔོན་ངན་གཤེད་མ་རུ་ལངས་ན །ལུང་བསྟན་གྱི་རྒྱལ་པོ་ངོ་མ་ཞིག་ཨེ་རེད། །ལུང་གཞན་གྱི་དགོས་པ་མི་འདུག་གི་རེད་ན །ཕ་བསད་དང་མ་བསད་ལག་དམར་ལ་མཐོང་ན། །སྡུག་ བྲང་ལ་སྤར་ཤད་དབང་མེད་དུ་ལོས་འཆོར། །མ་ཉམས་ཀྱང་ཉེས་པའི་གོང་བུ་རུ་བཞག་ན། །སྡུག་མིག་ལ་མཆིལ་མ་སྐྱ་ཙིར་དུ་ལོས་བྱུང་།བཟང་བྱས་ཀྱི་རིན་དུ་བློ་མདའ་ཞིག་བརྒྱབ་ན། སྡུག་ལུས་ཀྱི་མཆོང་རྒྱུག་ཙམ་དུ་ཡང་ལོས་བྱེད །ང་མིན་གྱི་མི་ཀུན་ལྐོག་ཤུབ་ཏུ་གླེང་ཡང་། །མངོན་སུམ་དུ་སྨྲ་མཁན་མི་འོང་ནི་ངོ་མ། །ཕན་བྱེད་ཀྱི་ཁ་ཏ་སྨན་བཞིན་དུ་འཐུང་ན། ལོ་རེ་ཡི་ཁ་ཟས་འཁྱོར་ཕུག་ཏུ་ཟུངས་ལ། །ངོ་ངན་དང་རོ་ངན་བསྐྱུར་ཐབས་ཞིག་རེམ་རེམ །ལས་དབང་གིས་ཕར་གྱུར་བདུད་འཇོམས་ཀྱི་རྡོ་རྗེས། །བུ་ངན་ལ་བརྩེ་བའི་སྡུག་མདའ་ཞིག འཕང་ཡོད། །བདུད་འཇོམས་པས་སྨྲས་སོ། ༄༅། །རིགས་བརྒྱའི་ཁྱབ་བདག་མཚོ་སྐྱེས་རྗེ་ལ་འདུད། །འཁོར་འདས་རང་སྣང་ཉིད་ལས་མ་འདས་པའི། །ངོ་བོ་དབྱིངས་ཆེན་བདེ་གཤེགས་སྙིང་པོ་ནི །གང་གིས་བཅོས་བསྒྱུར་མ་བྱས་འཕོ་འགྱུར་མེད། །འཁོར་བའི་བྱེད་པོ་ང་དང་ང་ཡི་བ །མ་གྲུབ་པ་ལ་མེད་བཞིན་སྣང་བ་ཡི། །རབ་རིབ་བརྟན་མེད་འཕོ་འགྱུར་ཅན་དུ་ཤར། །ཤེས་རབ་མིག་གིས་ཁ ཐུར་བལྟས་པ་ལས། །རང་དབང་བརྟན་པ་བྲལ་བས་ཉམ་ཐག་གྱུར། །ད་ལྟ་སྔོན་གྱི་བསོད་ནམས་ཚོགས་ཆེན་དང་། །སྨོན་ལམ་རྣམ་པར་དག་པའི་སྟོབས་དབང་གིས།།བདག་མེད རྟོགས་པའི་ཤེས་རབ་ཆེན་པོ་ཡིས། །བདག་རྟོག་རྡུལ་དུ་བརླག་པའི་བརྟུལ་ཤུགས་ཆེས །ཆོས་ཉིད་བདེན་པ་མངོན་སུམ་མཐོང་བྱས་ནས། །འཁོར་འདས་རང་སྣང་ཉིད་དུ་དག་མཉམ་རིག ཡེ་གཞི་རང་ཞལ་མཇལ་ནས་རང་གྲོལ་བ། །རྣལ་འབྱོར་ཉིད་དབྱིངས་སྤྲོས་པ་བྲལ་བའི་ཀློང་། །གཞི་གྲོལ་རིག་པ་ཆོས་སྐུ་བྱང་ཆུབ་སེམས། །ལམ་སྣང་ཤེས་རབ་ཡེ་ཤེས་མིག་ཡངས་པོས། །ཕྱིན་ཅི་མ་ལོག་ཆོས་ཉིད་ངང་མཐོང་ནས། །སྦྱང་བགྲོད་མེད་པའི་གདིང་ཆེན་རང་སར་ཐོབ། །རང་དབང་རྒྱལ་པོ་ལམ་གྱི་བྱང་ཆུབ་སེམས། །ཐེག་བརྒྱད་བློས་བྱས་ཆོས་ཀུན་ཆོས་ ཉིད་དུ། །ཞིག་ནས་དབང་བསྒྱུར་སྤྱི་ཏི་ཡོ་གར་གྲགས །ཤེས་པ་དང་པོ་ཡུལ་དུ་མཆེད་པ་ཡིས། །འཁོར་བའི་འཁྲུལ་སྣང་བཙན་ཐབས་ཉིད་གཞིག་ཕྱིར། །ཤེས་རབ་མིག་གིས་དབྱིངས་ལ བལྟས་པ་ལས། །ཤེས་པ་དང་པོ་འོད་གསལ་སྣང་བར་མཆེད། །དེ་ལ་རྩེ་གཅིག་གོམས་པའི་སྟོབས་ཤུགས་ཀྱིས །སྒོ་གསུམ་བརྟན་ཐོབ་མི་གཡོ་བདེ་བ་ཆེ། །ཉོན་མོངས་ཕྲ་རགས་གདོད་མའི་དབྱིངས་སུ་ཞི། །ངང་གནས་ཆོས་ཉིད་མི་གཡོ་རབ་ཏུ་གནས། །མཚན་མ་མེད་པ་དོན་གྱི་ཞི་གནས་ཡིན། །མངོན་སུམ་སྣང་བ་མཐོང་ནས་ལྷན་ནེར་བརྟན། །གོམས་ཤུགས་སྟོབས་ཀྱིས་སྣང་བ་གོང་འཕེལ་ནས། །ཤེས་རབ་མིག་ལ་ཡེ་ཤེས་སྤྱན་ཚུད་པས། །ཡུལ་སྣང་ཐམས་ཅད་འོད་དང་ཐིག་ལེར་འཕོས །མ་དག་འཁྲུལ་པའི་བསྐལ་པ་འཇིག་སྐབས་འདིར།། ན་ཚ་བདེ་སྡུག་མ་ངེས་སྣ་ཚོགས་དང་།དགའ་སྡུག་རྣམ་རྟོག་སྨྱོན་པ་འུར་ལངས་ལྟར། །བཟོད་མེད་ཉམས་སྣང་མ་ངེས་སྣ་ཚོགས་འཆར། །ཉམས་སྣང་བདེན་མེད་རྟོགས་པའི་གདིང་ཆེན་གྱིས། །སྣང་བའི་འཕེལ་རྫོགས་བཅུད་དུ་སྨིན་པ་ནི །གཞལ་ཡས་ཚོམ་བུ་ལྷ་ཡི་བཀོད་པ་གསལ། །རྡོ་རྗེ་གསུམ་གྱི་བྱིན་རླབས་ཡོན་ཏན་ཀུན། །སྟོང་གསུམ་ཉིད་དང་དབྱེར་མེད་འཕོས་ ༄༅། །པའི་ཚད། །མངོན་གྱུར་དེ་ནི་རྫུན་མེད་གཏའ་རུ་མཆིས། །སྨིན་པ་རིམ་གྱིས་ཟད་ནས་སྤྲོས་བྲལ་ངང་། །གདོད་མའི་གཞི་རུ་འདྲེས་པའི་དབྱིངས་སུ་འབྱམས། སླར་ཡང་ཤེས་སྒྲིབ་ཕྲ་བའི་བག་བཅོམ་སྟེ། །གདོད་མའི་མགོན་པོ་ཡོན་ཏན་མངོན་གྱུར་ནས། །གཞོན་ནུ་བུམ་སྐུའི་བྱང་ཆུབ་ཆེན་པོ་ཐོབ། །ལུས་སེམས་དབྱེར་མེད་དབྱིངས་སུ་དབྱིངས་ཞིག་པས། །གཟུང་འཛིན་ཟེར་ཐག་ཆད་པའི་འཕོ་ཆེན་པོ། །ཐོབ་པའི་སྐྱེས་བུ་དེ་ག་ཨེ་མ་ཧོ། །ཨ་ཧོ། ཡེ་གྲོལ་གྱི་ངོ་བོ་ལྷོད་གྲལ་དུ་ཞོག་དང་། །རང་གྲོལ་གྱི་རྒྱལ་པོ་ཐད་གྲོལ་དུ་བུད་འགྲོ། །བསམ་མེད་ཀྱི་ཤེས་པ་བཅོས་མེད་དུ་ཞོག་དང་། །འགྱུར་མེད་ཀྱི་ཡེ་ཤེས་ནུབ་མེད་དེ་ལོས་ཡིན། །ཐོབ་བྲལ་གྱི་འབྲས་བུ་རྩོལ་བྲལ་དུ་ཡན་པས། །སྤྲོས་བྲལ་གྱི་རྒྱལ་པོ་ཐོབ་བྲལ་དུ་རང་དགང་། །བཅས་བཅོས་ཀྱི་འཁོར་བར་བསླུས་པ་རུ་ལྟོས་ལ །མ་བཅོས་པའི་ངང་དུ་སྐྱིད་ཉལ་ཞིག་རེམ་རེམ །ལུས་ངག་གི་དགེ་བའི་ཟོབ་རྫུན་ལ་ལྟོས་ཤིག །ཀུན་བྱེད་ཀྱི་རྒྱལ་པོ་དབང་འབྱོར་ཞིག་རེམ་རེམ །ལས་སྨོན་གྱིས་འབྲེལ་བའི་ཀུན་བཟང་གི་བསྟན་འཛིན། །ཁྱོད་རྒྱུད་ལ་ཕན་ཐོགས་ཅུང་ཟད་འདྲ་མཆིས་ན། །མ་ནུས་པའི་རྒན་པོའི་སྙིང་གཏམ་དེ་སྨྲས་ ཡོད། །བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག །དགེའོ། །བཀྲ་ཤིས། བདུད་འཇོམས་གསུང་མགུར་སྐོར་T11618 - 460 བདུད་འཇོམས་གསུང་མགུར་སྐོར་T11618 - 460 ༄༅། །རིག་སྟོང་བདེ་བ་ཆེན་པོའི་དབྱིངས་ལ་འདུད། །ཡེ་གནས་ཡེ་ཤེས་ཆོས་སྐུའི་རང་ཞལ་དེ །མངོན་བྱེད་གདོད་མའི་དབྱིངས་སུ་སངས་རྒྱས་པའི །ལས་སྨོན་སྐལ་པ་བཟང་པོའི་དཔལ་འབར་བ། །གཞོན་ནུ་འོད་གསལ་རྡོ་རྗེ་ཁྱོད་ཉོན་ཅིག །འཁོར་འདས་ལམ་གསུམ་ཆོས་སྐུའི་རོལ་པ་རྩལ། །མ་བཙལ་རང་བྱུང་ལྷུན་གྲུབ་ཆེན་པོའི་དབྱིངས། ཡེ་ནས་འཁྲུལ་མ་མྱོང་བར་རང་ངོར་གནས། །སྐུ་གསུམ་ཡེ་རྫོགས་གཞོན་ནུ་བུམ་པའི་སྐུ། །གློ་བུར་དྲི་མས་བསྒྲིབ་པའི་ལྐོག་གྱུར་ཀྱང་། །རང་རིག་བྱང་ཆུབ་སེམས་ཀྱི་རང་ཞལ་དེ། མངོན་གྱུར་ཙམ་གྱིས་རང་ཐོག་རང་གྲོལ་བྱེད། །དེ་ཕྱིར་དུས་ཀུན་འཁོར་འདས་འུབ་ཆུབ་ཀྱི། །ངང་ལས་མི་འདའ་བ་དེ་གནད་དུ་ཟུངས། །ཨ་ཧོ། སྣོད་བཅུད་སྣང་སྲིད་གཟུང་འཛིན་གྱི ཆོས་རྣམས། །འོད་གསལ་འཇའ་ཐིག་དྭངས་མ་རུ་འཕོས་ཤིང་། །མངོན་སུམ་སྣང་བ་སྒྲིབ་མེད་ལ་ལྟོས་དང་།སྐུ་དང་ཡེ་ཤེས་རང་བྱུང་གི་རོལ་པ། །མངོན་གྱུར་ཞིང་ཁམས་རྣམ་དབ ཞིག་རེད་ན། །ཤེས་རབ་མིག་ལ་ཡེ་ཤེས་ཀྱི་སྤྱན་ཚུད །སྣང་བ་འོད་གསལ་ཆེན་པོ་རུ་གོ་འཕོས། །ལོངས་སྐུའི་ཞིང་ཁམས་རང་མལ་དུ་རྡོལ་བའི། །ངོ་མཚར་ཆེན་པོའི་ལྟད་མོ་ལ་ལྟོས་ དང་། །སྲིད་པའི་རྒྱ་མཚོ་ཕ་མཐར་ལ་བརྒལ་ཟིན། །ད་དུང་བརྩོན་འགྲུས་སྙིང་སྟོབས་ལ་བརྟེན་ནས། །རིག་པ་བཅུད་དུ་སྨིན་པ་ཡི་རང་གདངས། །རིགས་ལྔ་ལོངས་སྤྱོད་རྫོགས་སྐུ་དང་ཞིང་ཁམས། །མངོན་གྱུར་རང་བྱུང་ཆེན་པོ་ཞིག་འདི་ག །ད་ནི་སངས་རྒྱས་ངེས་པ་རུ་བློ་བདེ། །སླར་ཡང་དག་སྣང་ལྷ་སྐུ་དང་ཞིང་ཁམས །བློ་དང་ཡིད་ཀྱི་དྲི་མ་དང་གཟུང་འཛིན།། ཆོས་ཟད་བློ་འདས་ཆེན་པོ་རུ་ཧར་སངས །གདོད་མའི་ཡེ་གཞི་སངས་རྒྱས་སུ་འདུག་པའི། །མཁྱེན་གཉིས་ཡེ་ཤེས་དྲི་བྲལ་དུ་མངོན་གྱུར། །གཞོན་ནུ་བུམ་སྐུའི་གཏན་སྲིད་དེ་བཟུང་ནས། འཁོར་འདས་སྤྱི་དཔལ་ཆེན་པོ་རུ་མཆོང་ཤོག །ཅེས་པའང་གཞན་ཕན་མཐའ་ཡས་ཀྱིས་བསྐུལ་ངོར་བདུད་འཇོམས་རྡོ་རྗེས་སྨྲས་པའོ། །དགེའོ།། TI1618 - 462 ༄༅། །སྔགས་སྲུང་དབྱིངས་ཀྱི་རྗེ་མོ་ཡིས། །ཡེ་ཤེས་ལྷ་ཡིས་མ་བསླད་ན །སྲུང་མ་གང་བསྒྲུབ་འདྲེ་རུ་འགྲོ། །ལྟ་བ་སྟོང་ཉིད་མ་རྟོགས་ན། །ཡི་དམ་གང་བསྟེན རཱུ་ཏྲ་ཡིན། །ཏིང་འཛིན་འཕྲུལ་གྱི་སྟོབས་མེད་ན། །མཆོད་པ་ཆུང་ངུས་ལྷ་མི་མཉེས། །སྣང་བ་གནས་འགྱུར་གནད་མེད་ན། །བརྗོད་དང་བཟླས་པས་ལྷ་མི་འགྲུབ །ལྷར་སྣང་རྒྱུན ཆགས་གནད་མེད་ན། །དག་པ་རབ་འབྱམས་འགྲུབ་མི་སྲིད །འོད་ཟེར་སྤྲོ་བསྡུའི་གནད་མེད་ན །ཕྲིན་ལས་རབ་འབྱམས་འགྲུབ་མི་སྲིད །གོ་རྟོགས་ལྟ་བའི་གདིང་མེད་ན །བསྐལ པར་བསྒོམ་ཡང་སངས་མི་རྒྱ། །སྒྱུ་མའི་རྣལ་འབྱོར་གནད་མེད་ན །དམ་ཚིག་སྡོམ་པ་ཐུབ་མི་སྲིད། །བརྩོན་འགྲུས་དྲག་པོའི་སྟོབས་མེད་ན། །རྣམ་མཁྱེན་ས་ལ་སླེབ་མི་སྲིད། །མྱུར་ལམ་ཐོད་རྒལ་གནད་མེད་ན། །ཚེ་གཅིག་སངས་རྒྱས་འགྲུབ་མི་སྲིད། །ཞིང་ཁམས་ཡིད་ལ་མ་བྱས་ན། །སྨོན་དང་ཚིག་གིས་འགྲུབ་མི་སྲིད། །ནམ་མཁའ་གཞི་རུ་མ་ཤེས་ན། །གཞི་ཉིད་གཞན་ལས་འབྱུང་མི་སྲིད། །མཁའ་འགྲོའི་གསང་ཚིག་བཅུ་གཉིས་འདི། །དུས་གསུམ་རྒྱལ་བའི་སྙིང་ཁྲག་ཡིན །བདུད་འཇོམས་པས་སོ།། །། TI1618 - 463 T11618 - 464 ༄༅། །ཁྱབ་བདག་གདོད་མའི་མགོན་པོ་མཆོག་ལ་འདུད། །འཁོར་འདས་གཉིས་ཀྱིས་བསྡུས་པའི་ཆོས་སོ་ཅོག །ཉག་གཅིག་བྱང་ཆུབ་སེམས་ཀྱི་རོལ་པ་རུ །གཉིས་མེད་མཉམ་པ་ཉིད་ཀྱི་ངང་མཐོང་བ། །ལྟ་བའི་རྒྱལ་པོ་རྫོགས་པ་ཆེན་པོ་ལགས། །ཁྱབ་བརྡལ་ནམ་མཁའ་ཡངས་པ་ཁོང་ཆུབ་སྟེ། །ཡུལ་མེད་ཟང་ཐལ་ཆེན་པོར་འབྱམས་ཀླས་པ། སྒོམ་པའི་རྒྱལ་པོ་མ་བསྒོམ་སངས་རྒྱས་ལགས །ལྟ་བའི་ཕྱོགས་སུ་སྤྱོད་པ་མི་འཆོལ་ཞིང་། །སྤྱོད་པའི་ཕྱོགས་སུ་ལྟ་བ་མི་འཆོལ་བ། །སྤྱོད་པའི་རྒྱལ་པོ་ཐར་པའི་ཤིང་རྟ་ཡིན། །མདོར་ན་ཆོས་ཉིད་ཟད་སར་མ་སླེབ་བར། །མཉམ་བཞག་བྱ་བཏང་བྱར་མེད་སྤྱོད་པ་དང་།རྗེས་ཐོབ་ངང་གནས་ཡེ་ཤེས་རྒྱུན་ཆགས་སུ། །ཚེ་གཅིག་སངས་རྒྱས་འགྲུབ་པའི་གདམས་པ་ཡིན། མི་རྒན་བདུད་འཇོམས་རྡོ་རྗེའི་སྙིང་གཏམ་འདི། །དཀོན་མཆོག་གྲགས་པའི་ཐུགས་སུ་ཆུབ་པར་མཛོད། །དགེའོ། T11618 - 465 T11618 - 466 ༄༅། །དུས་གསུམ་རྒྱལ་བའི་སྤྱི་གཟུགས་མཆོག །ཨོ་རྒྱན་མཚོ་སྐྱེས་རྡོ་རྗེས་སྐྱོངས། །འཁོར་འདས་འུབ་ཆུབ་རྟོགས་པ་ན། །རྫོགས་པ་ཆེན་པོ་ལོགས་ན་མེད།། ཁྱབ་བརྡལ་གཤིས་སུ་ཕྱིན་པ་ན། །བསྒོམ་མེད་བྱ་བ་ལོགས་ན་མེད །བྱར་མེད་སྤྱོད་པ་མ་གཏོགས་པའི །སྤྱོད་པ་བྱུང་རྒྱལ་ལོགས་ན་མེད །དེ་དོན་ཚུལ་བཞིན་ཤེས་པ་ཡིས། །ལྟ་ཡུལ་མེད་པས་མི་མཐོང་དང་། །གཏད་སོ་མེད་པས་ཡེ་བབ་རེད། །བསྒོམ་རྒྱུ་མེད་པར་རང་སར་ཡིན། །འཇོག་རྒྱུ་མེད་པར་ཁྱབ་བརྡལ་ངང་། །རིག་རྒྱུ་མེད་དེ་མངོན་གྱུར་ངང་། །འཁྲུལ་དུ་མེད་པའི་གཤིས་སུ་ཕེབས། །འཛིན་སྟངས་བཅོས་སླད་མེད་པ་རུ །ཧར་སང་ཡན་པ་བློ་བདེ་ནི། །སེམས་མེད་ནམ་མཁའི་རྣལ་འབྱོར་ཡིན། །མི་རྒན་བདག་གི་སྙིང་གཏམ་འདི།། རྣལ་འབྱོར་རྡོ་རྗེ་ཡེ་ཤེས་ཀྱིས། །བསྐུལ་བ་དོན་ཡོད་ཕྱིར་དུ་བྲིས །དགེའོ།། TI1618 - 467 T11618 - 468 ༄༅། །ཕ་བཀའ་དྲིན་ཅན་གྱི་བླ་མ་དང་། །དཔལ་ཨོ་རྒྱན་མཚོ་སྐྱེས་རྡོ་རྗེས་སྐྱོངས །བློ་དམ་པའི་ཆོས་སུ་འགྱུར་བ་དང་། །ཆོས་ལམ་དུ་འགྲོ་བར་བྱིན་གྱིས་རློབས། སྔོན་སྨོན་ལམ་བཟང་པོའི་རྒྱུ་འབྲས་སུ། །དུས་ད་ལྟ་མི་ལུས་རིན་ཆེན་ཐོབ། །ཚེ་འདི་སྣང་རྨི་ལམ་གནས་སྐབས་ཙམ །ལས་རྒྱུ་འབྲས་ས་བོན་བཟང་ངན་ལས། །ཚེ་ཕྱི་མར་དེ་ལྟར་བདེ་སྡུག་བྱེད། །སྲིད་འཁོར་བའི་མཐོ་དམན་གར་སྐྱེས་ཀྱང་། །དཔེ་དུག་སྦྲུལ་ཚང་དང་མེ་འོབས་ལྟར། །བདེ་སྐྱིད་པའི་གོ་སྐབས་སྤུ་ཙམ་མེད། །དོན་དེ་ཕྱིར་ཐར་པ་དོན་གཉེར་མཛོད། ཆོས་གང་ལ་བལྟས་ཀྱང་ཟབ་ཟབ་འདྲ། །དེའི་ཁྱད་པར་རྫོགས་ཆེན་མ་གཏོགས་པའི། །ལམ་གཞན་གྱི་སངས་རྒྱས་འཐོབ་མི་སྲིད །ཆོས་བླ་མེད་རྫོགས་པ་ཆེན་པོ་ལ །དོན་ལྟ་སྒོམ་སྤྱོད་པ་གསུམ་འཛོམ་དགོས། །ཕྱི་སྣོད་དང་ནང་བཅུད་སེམས་ཅན་དང་། །བར་འདོད་ཡོན་ལྔ་ཡི་ཡུལ་སྣང་ཀུན །དཔེ་རྨི་ལམ་འཁྲུལ་པའི་སྣང་ཆ་ལ། །ཚུལ་དེ་ལྟར་སྣང་སྟེ་དངོས་པོ་ནི། ཐོགས་བཅས་དང་རེག་ཡུལ་བདེན་གྲུབ་ཅན། །དུས་ད་ནང་རྨི་ལམ་ལས་སད་ཚེ། །ཡུལ་བདེན་མེད་ངང་དུ་ཡལ་བ་དང་། །ཡང་རྨི་ལམ་སྣང་བའི་གནས་སྐབས་ན། །ཉིན་སྣང་བའི་ཆོས་ ཁམས་རྒྱ་མཚོ་ཀུན། །དབྱིངས་ཡུལ་མེད་ཆེན་པོར་ཡལ་ལ་ལྟོས། །དོན་དེ་ཕྱིར་འཁོར་འདས་སྣང་བའི་ཆོས །དཔེ་ཆུ་དང་ཆུ་ཟླ་ཇི་བཞིན་དུ། །ཚུལ་གཉིས་མེད་སྟོང་ཉིད་ནམ་མཁའ་ཆེ། མེད་བཞིན་དུ་སྣང་བ་སྨིག་རྒྱུ་ལྟར། །དངོས་མཚན་མར་གྲུབ་པ་རྡུལ་ཙམ་མེད། །ཆོས་ཐམས་ཅད་ནམ་མཁའི་རང་བཞིན་ལ །བདག་གཞན་གཉིས་སྒྱུ་མའི་འཕྲུལ་བཞིན་སྣང་། །དེའི་ཡིན་ལུགས་ཚུལ་བཞིན་རྟོགས་པ་ནི། །དོན་ལྟ་བ་ནམ་མཁའ་གོ་འབྱེད་ཡིན། །གཞི་འཁོར་འདས་ནམ་མཁའི་རང་བཞིན་དུ །རྟོགས་གྱུར་ན་ནམ་མཁའ་རྣམ་དག་སྟེ། །དེ་མངོན་གྱུར་མ་བཅོས་ངང་བཞག་ནས། །འཚོ་སྐྱོང་དང་གཟའ་གཏད་བསྒོམ་བསྒྱུར་བཅོས །བློས་ཆོས་ཏེ་ཆམ་བཞག་ངང་གནས་པ །འདི་བསྒོམ་མེད་བསྒོམ་པའི་ཟབ་གནད་ཡིན། །ལུས་ངག་དང་ཡིད་ཀྱི་སྤྱོད་པ་ཀུན །དགུ་ཕྲུགས་སུ་བཏང་བ་མཉམ་བཞག་དང་།ཟ་ཉལ་དང་འགྲོ་འདུག་དུས་ཀུན་ཏུ། །ལྟ་སྟངས་དང་བསྒོམ་གདིང་མ་ཤོར་བར། །རང་རིག་པ་མངོན་འགྱུར་ཆེན་པོ་རུ། །གདངས་འགྱུར་བ་མེད་པ་སྤྱོད་པའི་གནད །གནད་དེ་གསུམ་སྲོག་གི་གཏའ་རུ་ཟུངས། །ལམ་ནོར་འཁྲུལ་མེད་དོ་སྐལ་ལྡན་བུ། །ཆོས་ཟབ་དགུའི་ཡང་བཅུད་འདི་ལས་མེད། ༄༅། །ཨ་ཧོ། དབྱིངས་ཟག་པ་མེད་པ་ནམ་མཁའི་ཀློང་། །འབྱུང་སྙིགས་མ་དྭངས་མར་འཕོས་པ་ཡི །ནང་རྣམ་དག་དབྱིངས་ཀྱི་སྒྲོན་མ་དེ། །གསལ་སྒྲིབ་མེད་ཤེས་རབ་མིག་གིས་ལྟོས། །དུས་རིང་པོར་མི་ཐོགས་མངོན་སངས་རྒྱས། །ཉམས་བདེ་སྡུག་གི་ཡོ་ལངས་འཁྲུལ་འཁོར་ལ། །འཛིན་བདེན་ཞེན་གྱི་སྒྲོག་གིས་མ་འཆིང་དགོས །ཚེ་དུས་བབས་ཀྱི་འཆི་བ་ཐོག་རྒྱུགས་སུ །བྱུང་གྱུར་ཚེ་སྲིད་ལ་མ་ཆགས་དགོས །ཚེ་འདི་སྣང་གི་དུས་ཚིགས་ཡོལ་བའི་དུས། །དོན་རང་རིག་རང་སོ་མ་ཟིན་ན། །རང་སྣང་འདི་ཞིང་ཁམས རྣམ་དག་གི། །རྟེན་བརྟེན་པ་ཡི་རོལ་པར་ཡིད་བྱེད་ཅིང་།གདངས་དེ་ཉིད་གཞན་དུ་མི་འགྱུར་ན །སྲིད་འཁོར་བ་རུ་མི་ལྡོག་ཐར་ལམ་ཟིན། །སེམས་དེ་ལ་ཞོག་དང་སྙིང་གཏམ་ཡིན། ཅེས་བླ་མ་དགེ་ལོའི་ངོར་བདུད་འཇོམས་པས་སྨྲས་པ་ཡོངས་སུ་དགེ་བར་གྱུར་ཅིག །དགེའོ།། T11618 - 471 T11618 - 472 ༄༅། །གཏན་གྱི་སྐྱབས་གཅིག་པདྨ་ཀ་རས་སྐྱོངས། །སྔོན་གྱི་ལས་འཕྲོ་བཟང་པོའི་བྱེད་ལས་ཀྱིས། །བློ་སེམས་ཆོས་ལ་ཕྱོགས་པའི་ལས་དབང་ཅན། །མ་གཡེལ་མ་འཁྲུལ་བཀྲ་ཤིས་རྣམ་རྒྱལ་བ། །ཚེ་འདིའི་སྣང་བ་རྨི་ལམ་སྒྱུ་མ་ཡིན །བརྟན་གནས་སྤུ་ཙམ་མེད་པའི་ཚུལ་ལ་སོམས །འདི་སྣང་བྱ་བ་བསྒྲུབ་ན་ཟིན་དུས་མེད། །ཁྱོད་ཀྱིས་ཐར་པའི་ལམ་སྣ་ཟིན་འདོད་ན། །རྨི་ལམ་སྣང་བ་དངོས་པོ་ཐོགས་རེག་ཅན། །ཕན་བྱེད་དང་ནི་གནོད་བྱེད་རིགས་རྣམས་དང་། །དབང་ལྔའི་ཡུལ་གྱུར་འདོད་ཡོན་ཆོས་སོ་ཅོག །ཉིན་སྣང་བཞིན་དུ་བདེན་པར་གྲུབ་པ་ལ། །ཁྱད་པར་རྡུལ་ཙམ་མེད་པའི་ཚུལ་ལ་ལྟོས །ཉིན་གྱི་སྣང་བ་སྣོད་བཅུད་བུ་ཆུང་མ། །ཉེ་འཁོར་འབངས་སྡེ་གཟུགས་སྒྲ་དྲི་རོ་དང་།རེག་བྱ་ལ་སོགས་འདོད་ཡོན་སྣང་བ ཀུན། །རྨི་ལམ་རྨི་དུས་ཡུལ་མེད་སྣང་མེད་དུ། །སྟོང་པ་མེད་དང་མ་གྲུབ་རྒྱུ་མཚན་ཏེ །ཆུ་ཉིད་ལས་ནི་གཟའ་སྐར་གཟུགས་བརྙན་དང་། །མེ་ལོང་ལས་ནི་གཟུགས་བརྙན་སྣང་བ་དང་། ནམ་མཁའ་ལས་ནི་འཇའ་ཚོན་སྣང་བ་གསུམ། །ཆུ་དང་མེ་ལོང་ནམ་མཁའ་རྣམ་གསུམ་ལས། །གཞན་ན་གྲུབ་པ་རྡུལ་ཙམ་མ་མཆིས་བཞིན །སྣ་ཚོགས་སྣང་བ་གཞི་ལས་གཞན་པ་མིན། གཞི་ཉིད་དྭངས་གསལ་རྙོག་བྲལ་ནམ་མཁའ་སྟེ། །སྟོང་ཉིད་སྤྲོས་མཐའ་བྲལ་བར་ཡེ་སངས་རྒྱས། །མངོན་གྱུར་ཤེས་རབ་མིག་གི་བརྡལ་བ་ལས། །མ་བཅོས་དེ་བཞིན་ཉིད་དུ་རང་གར ཞོག །མ་ཡེངས་མ་བསྒོམ་ལྷོད་དེ་ཤིག་གེར་ཡན །ཁྲེགས་ཆོད་ལྟ་བསྒོམ་གཅིག་དྲིལ་ངོ་བོ་ཡིན །སྙིགས་མའི་སྣང་བ་འབྱུང་ལྔར་འཐས་པ་དེ། །དྭངས་མ་འོད་ལྔའི་དབྱིངས་སུ་གོ་འཕོས་པའི། །ཐོད་རྒལ་སྣང་བཞིའི་ཉམས་ལེན་ལྷོད་མེད་དུ །རྩེ་གཅིག་ཉམས་སུ་ལེན་པའི་སྐལ་ལྡན་ན །དག་པའི་ཞིང་ལྔ་གང་ཡང་རུང་བ་རུ། །གྲོལ་བར་འགྱུར་བ་མི་བསླུ་ངེས་པའི་ཚིག །ཡིན་ཏེ་གྲོལ་བར་འདོད་ན་གནད་དེ་ལ། །རེམ་ཞིག་འབུངས་ཤིག་བཀྲ་ཤིས་རྣམ་རྒྱལ་བ། །མི་རྒན་བདག་ལ་སྙིང་གཏམ་དེ་ལས་མེད། །འཁོར་བ་སྡུག་བསྔལ་རྒྱ་མཚོའི་ཀློང་འདི ལས། །ཐར་བར་འདོད་ན་རྩེ་གཅིག་འབད་ཐོན་མཛོད། །ཅེས་དགེ་དཔོན་བཀྲ་རྣམ་ལ་བདུད་འཇོམས་པས་གདམས་པའོ། །དགེའོ།། ༄༅། །དཔལ་གྱི་དབང་ཕྱུག་པདྨ་རྒྱལ་པོས་སྐྱོངས། །དལ་འབྱོར་རྙེད་པར་དཀའ་བའི་ཚུལ་དྲན་ནས། །རྟེན་འདི་དོན་དང་ལྡན་པ་ཞིག་ལ་རེམ། །སྔོན་དུས་སྐྱེ་བོ་ཕོ་མོ་ཐམས་ཅད་ཀྱིས། །དགྲ་འདུལ་གཉེན་སྐྱོང་ཚེ་འདིའི་དོན་གཉེར་བའི། །བྱ་བྱེད་གསོག་འཇོག་བྱས་པ་ཐམས་ཅད་ཀུན། །བྱིས་པའི་རྩེད་མོ་ལྟ་བུར་མདོ་མེད་ཅིང་། །རང་བྱས་རྣམ་སྨིན་ཕྲག ལ་བཀལ་ནས་སུ། །འཇིག་རྟེན་ཕ་རོལ་ཉིད་དུ་སོང་བའི་ཚེ། །དྲིན་དང་ཕན་བཏགས་རྒྱུ་མཚན་སུ་ཡིས་དྲན །དེ་ཚུལ་སོམས་ལ་རང་མགོ་ཐོན་ཐབས་རེམ། །ཚེ་འདིའི་བྱ་བཞག་བསྒྲུབ་བསྒྲུབ་དེས་ཆོག་གི། །ད་ནི་ཚེ་རབས་གཏན་གྱི་སོ་ནམ་རེམ། །དགྲ་ལ་སྡང་སེམས་བྱས་བྱས་དེས་ཆོག་གི། །ད་ནི་རྣམ་གཡེང་ལེ་ལོའི་དགྲ་འདུལ་རེམ། །གཉེན་ལ་བརྩེ་གདུང་བྱས་བྱས་དེས་ཆོག་གི། །ད་ནི་མི་བསླུ་ངེས་པའི་གཉེན་གཅིག་བསྟེན །ཟས་ནོར་གསོག་འཇོག་བྱས་བྱས་དེས་ཆོག་གི །ད་ནི་དམ་པའི་ལྷ་ཆོས་ཞིག་ལ་རེམ། །མཐོན་པོའི་ངོ་བསྲུང་བྱས་བྱས་དེས་ཆོག་གི། །ད་ནི་དམ་ཚིག་སྡོམ་པ་ཞིག་ལ་རེམ། །སྐྱིད་འདོད་བསམ་སྤྱོད་བསྒྲུབ་བསྒྲུབ་དེས་ཆོག་གི། །ད་ནི་སྒོམ་སྒྲུབ་ཟབ་མོ་ཞིག་ལ་རེམ། །འགྱུ་བ་མདོ་མེད་འཚོ་སྐྱོང་དེས་ཆོག་གི། ད་ནི་ཤེས་པ་མངོན་གྱུར་ཞིག་ལ་རེམ། །འཛིན་པས་གནས་ཆ་གཅུད་པ་དེས་ཆོག་གི །ད་ནི་གནས་ལུགས་མངོན་གྱུར་ཞིག་ལ་རེམ། །ལུས་ངག་འབད་རྩོལ་བྱ་བ་དེས་ཆོག་གི། །ད་ནི་བྱ་བ་དགུ་ཕྲུགས་བཏང་བཞག་རེམ །རང་ལམ་རིང་སྐོར་བྱས་པ་དེས་ཆོག་གི། །ད་ནི་རང་གཞི་མངོན་གྱུར་ཞིག་ལ་རེམ། །རྒྱལ་ཁམས་ལྟད་མོ་མཐོང་བ་དེས་ཆོག་གི། །ད་ནི་ཆོས་ཉིད་མངོན་གྱུར་ཞིག་ལ་རེམ། །མཐོང་མཐོང་རིག་རིག་སྣང་བ་དེས་ཆོག་གི །ཉམས་སྣང་གོང་འཕེལ་