Tibetan
གྱི །སྐྱེས་བུ་འགའ་རེ་ཡོད་སྲིད་ན། །དེ་ལ་སྨིན་གྲོལ་གདམས་པ་སྟོན། །དེ་མིན་ལྔ་བརྒྱའི་སྙིགས་མ་འདིར །སྐྱེ་འགྲོའི་བློ་ཡིད་བདུད་ཀྱིས་བརླབས། །དྲང་པོར་སྨྲ་ན་ཡིད་མི་ཆེས། །ཟོབ་དང་རྫུན་ལ་བློ་ཡིད་ཁེལ། །ཟོལ་མེད་དག་ལ་གཏི་ཐུག་ཟེར། །ཆོས་པ་རྣམས་ལ་བླུན་པོ་སྨྲ། །དྲང་པོར་སྨྲ་ལ་གཤིས་ངན་ཟེར། །བྱ་བ་བཏང་ལ་སྤྲང་པོ་ཟེར། །རྟོགས་ལྡན་རྣམས་ལ་མི་ངན་ཟེར། །མཁས་པ་རྣམས་ལ་རྫུན་མ་ཟེར། །ཐོ་ཅོ་མཁན་ལ་གཅོད་པ་ཟེར། །བག་མེད་སྤྱོད་ལ་གྲུབ་ཐོབ་ཟེར། །ཁ་ལྟ་ ༄༅། །མཁན་ལ་མཁས་པ་ཟེར། །བསླུ་ཚིག་རྫུན་ལ་མངོན་མཁྱེན་ཟེར། །ཚུལ་འཆོས་མཁན་ལ་ཆོས་པ་ཟེར། །འཆོལ་པོ་དག་ལ་རྟོགས་ལྡན་ཟེར། །ཟང་ཟིང་མང་ལ་བླ་ཆེན་ཟེར། །རྙེད་ཚོལ་མཁན་ལ་འགྲོ་དོན་ཟེར། །དེ་འདྲའི་སྐལ་པ་ངན་པ་རྣམས །རང་རེའི་གདུལ་བྱ་མ་ལགས་པས །གཅིག་པུར་རང་མགོ་ཐོན་ཐབས་གྱིས །སུ་མ་མགུ་ཡང་དེ་ཡིས་ཆོག །གྲོགས་དང་ཟས་ནོར་མ་བརྟེན་པར། །འཆི་ཁ་བློ་ལྷག་མེད་པ་ཞིག །ཕ་ཡི་བུ་ལ་སྙིང་གཏམ་ཡིན། །ཟས་གོས་སྲོག་སྐྱོབ་ཙམ་གྱི་ཚད །ཕ་མྱེས་རིག་འཛིན་ཕྱག་ལེན་ཡིན། །མཚན་ལྡན་བླ་མར་མོས་གུས་དང་། །མཆེད་ལྕམ་དག་ལ་བརྩེ་གདུང་དང་། །སེམས་ཅན་ཀུན་ལ་སྙིང་རྗེ་དང་། །མི་རྟག་འཆི་བ་དྲན་པ་དང་། །འཁོར་བར་ངེས་འབྱུང་སྐྱོ་ཤས རྣམས། །ཆོས་པའི་ནོར་མཆོག་རྣམ་ལྔ་ཡིན། །མ་བརྗེད་སྙིང་གི་དཀྱིལ་དུ་ཟུངས། །ཨོ་རྒྱན་མཚོ་སྐྱེས་རྡོ་རྗེ་ཡིས། །གཡུ་སྒྲའི་སྤྲུལ་པ་ཚེས་བཅུའི་མིང་། །བྱང་སེམས་ཕུག་ཏུ་སྒྲུབ་ལ་ཆོས། །བསྟན་པའི་དབྱར་རྔ་དུས་སུ་སྒྲོགས། །རྗེ་འབངས་ཚོམ་བུ་དེར་ཡང་འདུ། །རྒྱལ་ཁམས་གསེར་གྱི་རི་བོ་ལ། །འོད་སྣང་འབྱིན་པའི་ཉི་གཞོན་ཤར། །ཞེས་གསུངས་ལུང་བསྟན་ ལག་ལེན་ཐོབ། །བསླུ་བ་མེད་པ་རྡོ་རྗེའི་ཚིག །གནད་འདི་མ་བརྗེད་སྙིང་གཏམ་ཡིན། །བཀའ་སྲུང་གནོད་སྦྱིན་དམར་ནག་དང་། །ཞིང་སྐྱོང་ཀུན་དགའ་གཞོན་ནུ་དང་། །ལྷ་ཆེན་ཚོགས ཀྱི་བདག་པོ་དང་། །དྲང་སྲོང་གཟའ་བདུད་རཱ་ཧུ་ལ། །ཁྱོད་ཅག་སྔོན་གྱི་དམ་ཚིག་ཅན། །མ་འདའ་ཕྲིན་ལས་བཅོལ་བ་ན། །བདག་གི་བུ་མཆོག་དམ་པ་འདི། །བསྲུང་སྐྱོབ་འདོད་དོན་ཡོངས་འགྲུབ་ཅིང་། །ས་དང་ལམ་གྱི་བར་ཆད་བཟློག །དོན་གཉིས་ལྷུན་གྲུབ་ས་རུ་སྐྱོལ །མ་གཡེལ་མ་འགྱངས་ས་མ་ཡ། །ཨོཾ་ས་མ་ཡ ཨཱཿས་མ་ཡ། ཧཱུྃ་ས་མ་ཡ། ལོག་འདྲེན་བསྟན་དགྲའི་སྡེ་དཔུང་སྣུབས། །ཕྲིན་ལས་སྒྲུབས་ཤིག་ས་མ་ཡ། །ཞེས་པ་འདི་ནི་གར་དབང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་སྨར་མདོ་བཀྲ་ཤིས་དགའ་འཁྱིལ་ནས་བྲིས་པའོ། །དགེའོ། །དགེའོ། །དགེའོ།། ། T1618 - 396 ༄༅། །ཀྱེེ། སྨོན་ལམ་ལས་ཀྱིས་འབྲེལ་བའི་སྐྱེས་བུ་ཁྱོད། །འཁོར་འདས་ཆོས་ཀུན་སྤྲོས་པའི་མཐའ་དང་བྲལ། །ཁྱབ་བརྡལ་ནམ་མཁའ་ཁོང་དུ་ཆུབ་པ་ལས། བསྒོམ་མེད་བློ་འདས་དེ་བཞིན་ཉིད་དུ་ཞོག །དེ་ལ་གཏད་སོ་མེད་དོ་སྐལ་ལྡན་བུ །ཤེས་རིག་དྭངས་གསལ་རྙོགས་བྲལ་ཆེན་པོ་ཡིས། །མ་དག་སྙིགས་མ་དག་དབྱིངས་དྭངས་མ་རུ།། གོ་འཕོས་ས་བཅུ་ལམ་ལྔ་གཅིག་ཆར་དུ། །རྫོགས་ཤིང་བརྒལ་བའི་ཐོད་རྒལ་གསང་ལམ་ལ། །འཇུག་པ་གནད་ཀྱི་ཡང་གཅེས་དམ་པ་རུ། །བཟུང་དང་འཇའ་ལུས་སྒྱུ་མའི་སྐུ་འགྲུབ འགྱུར། །ཁྱོད་ནི་རང་དོན་འགྲུབ་པའི་སྐྱེས་བུ་ལགས །ད་ནི་མི་འཇིགས་གདིང་ཐོབ་སྐལ་པ་བཟང་། །མི་རྒན་བདག་ལ་ཞལ་གདམས་དེ་ལས་མེད། །སྙིང་གི་མེ་ལོང་མཛོད་ཅིག་རྣལ འབྱོར་མཆོག །ཅེས་བདུད་འཇོམས་པས་ཞོ་བླ་ལ་གདམས་སོ།། །། T11618 - 397 T1618 - 398 ༄༅། །དཔལ་ཨོ་རྒྱན་ཆོས་ཀྱི་རྒྱལ་པོ། །གནས་མི་འབྲལ་གཙུག་གི་འཁོར་ལོ། །དུས་རྟག་བཞུགས་རྗེས་སུ་ཟུངས་མཛོད། །ང་སྔགས་བཙུན་ཡོངས་ཀྱི་ཐ་ཤལ། མི་རྒན་པོར་བཤེས་གཉེན་མེད་པས། །ཡུལ་གཞན་ལ་ལམ་སྟོན་ལྟ་ཅི །སྔོན་ལས་དང་སྐལ་པའི་དབང་གིས །དད་ལྡན་གྱི་སྐྱེས་བུ་ཕོ་མོ། །མ་བོས་ཤིང་མགྲོན་དུ་འགུགས་བྱུང་། རྣམ་གྲོལ་གྱི་ལམ་མཆོག་སྟོན་པའི། །སྙིང་པོ་ཡི་གདམས་ངག་མེད་ཀྱང་། །འདི་སྣང་ཀུན་སྒྱུ་མ་རྨི་ལམ །ཇི་བཞིན་དུ་ངོ་སྤྲོད་ཤེས་ནས། །ཆོས་བརྒྱད་ཀྱི་བྱ་བཞག་སྤངས་ནས།། ངེས་མེད་ཀྱི་རི་ཁྲོད་འགྲིམས་ཏེ། །འཁོར་འདས་ཀྱི་ཆོས་རྣམས་ཐམས་ཅད། །རང་གཞི་དང་རང་ངོར་རྫོགས་པའི། །ངང་ཚུལ་ནི་ཇི་བཞིན་རྟོགས་པ། །གདམས་ངག་གི་གཙོ་བོར་སྟོན་པའི། །ལྟ་སྒོམ་གྱི་ངོ་བོར་ལུང་བསྟན། །རྒྱ་འབྱམས་ཀྱི་འཁྲུལ་པ་མིན་པའི །མངོན་གྱུར་གྱི་ཆོས་ཉིད་རྒྱ་ཡན། །རྫོགས་ཆེན་གྱི་ངོ་བོར་བསྟན་ཡོད། །གཞན་དག་གི་ལམ་དང་ཁྱད་ཡོད། ང་རང་གི་རང་ལུགས་དེ་ག། །ཡིན་མིན་གྱི་ཐེ་ཚོམ་མེད་དོ། །ཁྱོད་ཐུགས་ལ་ཆུབ་ན་དེ་བ། །མི་རྒན་གྱིས་འཆོལ་གཏམ་ལབ་མོ། །མཁོས་ཆུང་ཡང་བཀའ་བཙན་མ་ལྡོག །ཤར་མར་དུ་T11618 - 399 སྨྲས་པ་དགེའོ། །སྤྲུལ་པའི་སྐུ་མཆོག་ཀུན་བཟང་འོད་ཟེར་གྱི་ངོར་མི་རྒན་བདུད་འཇོམས་རྡོ་རྗེས་འཆོལ་གཏམ་དུ་སྨྲས་པའོ། །དགེའོ། བདུད་འཇོམས་གསུང་མགུར་སྐོར་T11618 - 400 བདུད་འཇོམས་གསུང་མགུར་སྐོར་T11618 - 400 ༄༅། །ཨོ་རྒྱན་ཆོས་ཀྱི་རྒྱལ་པོས་རྟག་པར་སྐྱོངས། །ཚེ་འདི་བློས་བཏང་ཕྱི་མ་དོན་གཉེར་ནས། །དལ་འབྱོར་རྙེད་པར་དཀའ་བའི་ཚུལ་དྲན་ཅིང་།མི་ལུས་དོན་དང་ལྡན་པ་ཞིག་ལ་རེམ། །འདི་སྣང་ཆོས་ཀུན་མདང་གི་རྨི་ལམ་འདྲ། །རྟག་འཛིན་ཞེན་པ་ཆོད་ལ་ལྷ་ཆོས་བསྒྲུབ །དགེ་སྡིག་རྒྱུ་ལ་འབྲས་བུ་བདེ་སྡུག་སྣང་།མཐའ་གཅིག་དཀར་བའི་སྒོ གསུམ་དགེ་ལ་སྦྱོར །འཁོར་བ་གང་དུ་སྐྱེས་ཀྱང་སྡུག་བསྔལ་འོབས། །ཐར་ལམ་དོན་དུ་གཉེར་བ་ཞིག་ལ་རེམ། །ངེས་མེད་རི་སུལ་འཛིན་པ་གནས་ཀྱི་མཆོག །ཁ་ཟས་མཆོག་གྱུར་བསོད་སྙོམས་དག་ལ་མཛོད། །ཆོག་ཤེས་བརྟེན་ལ་ཆགས་སྡང་ཞེན་པ་སྤོངས། །དེ་དག་ལག་ལེན་བྱ་བ་གཞིར་བཞག་སྟེ །འདོད་ཡོན་སྣང་བ་སྒྱུ་མའི་དགའ་སྟོན་འདྲ །ཆགས་ཞེན་སྤོངས་ཤིག་རྣལ་འབྱོར་དབང་ཕྱུག་པ །སྣ་ཚོགས་སྣང་བ་ནམ་མཁའི་འཇའ་ཚོན་འདྲ། །དངོས་འཛིན་བདེན་ཞེན་སྤོངས་ཤིག་དབང་ཕྱུག་པ །ཕན་གནོད་བདེ་སྡུག་ལྷར་སྣང་འདྲེར་སྣང་ཀུན། །རྣམ་པར་རྟོག་པའི་ཆོ་འཕྲུལ་ལས་གཞན་མེད །སངས་རྒྱས་དང་ནི་སེམས་ཅན་གནས་ཡུལ་ཀུན །གཟུང་འཛིན་སེམས་ཀྱི་ཆོ་འཕྲུལ་མ་གཏོགས་པ། །གཞན་ན་མེད་དོ་ངང་ཚུལ ཤེས་མཛོད་ཅིག །འཁོར་འདས་རྫོགས་པ་ཆེན་པོ་རང་གི་གཞི། །ལུང་མ་བསྟན་ལས་འཕགས་པའི་ཁྱད་ཆོས་ཞིག །ཇི་བཞིན་རྟོགས་པ་རྣལ་འབྱོར་དམ་པའི་ལམ། །མངོན་གྱུར་ངང་ནས ནམ་མཁའ་རྣམ་དག་དབྱིངས །མྱུར་བའི་ལམ་མཆོག་སྒྲོན་མ་རྣམ་པ་དྲུག། །གནད་གཅིག་དྲིལ་བ་འོད་གསལ་འཕོ་ཆེན་ལམ །སྣང་བཞི་མཐའ་རུ་ཕྱིན་པའི་ས་རུ་སྐྱོལ །འཇའ་ལུས་འཕོ་ཆེན་འགྲུབ་པར་གདོན་མི་ཟ། །མི་རྒན་བདག་ལ་གདམས་ངག་དེ་ལས་མེད། །སྙིང་གི་མེ་ལོང་མཛོད་ཅིག་དབང་ཕྱུག་པ། །ཞེས་སློབ་བུ་དམ་པ་དབང་ཕྱུག་གིས་བསྐུལ་ངོར་མི་རྒན བདུད་འཇོམས་རྡོ་རྗེས་སྨྲས་པའོ། །དགེའོ། །། T11618 - 402 ༄༅། །འགྲོ་བའི་མགོན་པོ་པདྨ་འབྱུང་གནས་མཁྱེན །བརྒྱུད་འཛིན་བུ་རྣམས་ཐར་པའི་ལམ་དུ་དྲོངས། །ཉོན་ཅིག་ལྟོས་ཤིག་སྐལ་བཟང་སྐྱེས་བུ་ཟུང་། །སྨོན་ལམ་ལས་འཕྲོ་བཟང་པོའི་འབྲས་བུ་ཡིས། །མི་ལུས་རིན་ཆེན་ཐོབ་པའི་དུས་འདི་རུ། །ཡང་ཡང་རྙེད་དཀའི་དོན་དྲན་ནས། །མི་ཚེ་ཆོས་ལ་དྲིལ་མཛོད་ཅིག །ཚེ་འདིའི་སྣང་བ་འདོད་ཡོན་ཀུན།། སྒྱུ་མ་རྨི་ལམ་ཇི་བཞིན་དུ། །མི་རྟག་འགྱུར་བའི་ཆོས་ཅན་ཡིན། །ཡུལ་དང་ཞིང་ཁང་ནོར་ཕྱུགས་དང་། །གྲོགས་དང་མཛའ་བཤེས་ཉེ་འབྲེལ་ཀུན། །སྒྱུ་མའི་སྤྲུལ་པ་ཇི་བཞིན་དུ། འཇིགས་དང་བྲལ་བའི་ཆོས་ཅན་ཡིན། །ཤེས་པར་གྱིས་ལ་འཁོར་བ་སྤོངས། །ཡུལ་ངན་སྤངས་པར་ནུས་སྲིད་ན། །ཉོན་མོངས་རིམ་གྱིས་འགྲིབ་པ་ཡིན། །གྲོགས་ངན་སྤངས་པར་ནུས སྲིད་ན། །ཞེན་ཆགས་རིམ་གྱིས་འགྲིབ་པ་ཡིན །ལོ་གཅིག་གྲོང་དུ་བསྒྲུབ་པ་བས། །ཞག་གཅིག་རི་ཁྲོད་བརྟེན་པ་དགའ། །ལོ་གཅིག་འབག་བསྙེན་བྱེད་པ་བས། །ཟླ་གཅིག་ངག་བཅད་བྱས་པ་མཆོག །རྒྱལ་བ་གོང་མའི་ཕྱག་ལེན་ཡིན །གྲུབ་ཐོབ་རྣམས་ཀྱི་མཛད་སྤྱོད་ཡིན། །སྙིང་ལ་འཆོངས་ཤིག་སྐལ་ལྡན་བུ །དུས་ངན་སྙིགས་མའི་མར་གཤམ་འདིར། །གྲུབ་ཐོབ སྐད་པ་མང་ལགས་ཀྱང། །གྲུབ་རྟགས་ཐོན་པ་དཀོན་ལ་ལྟོས། །གཏེར་སྟོན་སྐད་པ་མང་ལགས་ཀྱང་། །ལྟ་བ་རྟོགས་མཁན་ཉུང་ལ་ལྟོས། །བྱ་བྲལ་སྐད་པ་མང་ལགས་ཀྱང་། །ཟོལ་མེད་བྱ་བྲལ་དཀོན་ལ་ལྟོས །མངོན་ཤེས་འཆད་པ་མང་ལགས་ཀྱང་། །ཕྱི་ཕུག་ཐུབ་པ་ཉུང་ལ་ལྟོས །ང་བཟང་སྐད་པ་མང་ལགས་ཀྱང་། །བློ་གཏད་ཐུབ་པ་མེད་ལ་ལྟོས། །དེ་ལྟའི་དུས་ངན་སྙིགས་མའི་མི། །སུ་ལ་བློ་སྙིང་གཏོད་མ་བྱེད། །རང་ཚོད་ཟུངས་དང་སྙིང་གཏམ་ཡིན། །རྨི་ལམ་སྣང་བ་སྣོད་བཅུད་དང་། །འདོད་ཡོན་ལྔ་ཡི་ཆོས་སོ་ཅོག །དངོས་པོ་ཐོགས་རེག བདེན་གྲུབ་ཅན། །བདེན་ཞེན་ཉེར་ལེན་བྱེད་པའི་མོད། །སད་ཚེ་ཡུལ་མེད་སྟོང་པ་རུ། །ཞིག་པའི་ངང་དང་ཚུལ་ལ་ལྟོས། །དེ་དང་འདྲ་མཚུངས་ཚུལ་མཐུན་པའི། །ཉིན་སྣང་སྣོད་བཅུད འདོད་ཡོན་ཆོས། །གཉིད་དང་ཤི་བའི་གནས་སྐབས་སུ། །ཡུལ་མེད་ཆེན་པོར་ཞིག་ལ་ལྟོས །དེ་ཕྱིར་སྣང་སྲིད་འཁོར་འདས་ཆོས། །ཡེ་གཞི་སྟོང་གསལ་ཆེན་པོའི་ཀློང་།མེ་ལོང་ནང་གི་གཟུགས་བརྙན་དང་། །རྒྱ་མཚོའི་གཟའ་སྐར་གཟུགས་བརྙན་ལྟར། །སྣང་ལ་རང་བཞིན་མེད་པ་སྟེ། །ངར་འཛིན་གཅིག་པུའི་ཆོ་འཕྲུལ་ཡིན། །སྣང་ཙམ་ཉིད་ནས་སྟོང་ལ་ལྟོས། T11618 - 404 ༄༅། །དེ་ལྟར་ཤེས་ནས་གཞི་དབྱིངས་ཉིད། །མངོན་གྱུར་འཁོར་འདས་འུབ་ཆུབ་ཀྱིས། །རོལ་པ་ཆེན་པོར་མ་བཅོས་པར། །རང་ཡན་ངང་གནས་སྒོམ་པ་མཆོག འབད་རྩོལ་བལྟ་དང་གཏད་མེད་དང་། །བྱར་མེད་བྱ་བཏང་ཆེན་པོར་ཞོག །ལྟ་སྒོམ་སྤྱོད་པ་གཅིག་དྲིལ་བའི། །གནད་ཀྱི་མན་ངག་དམ་པ་འདི། །དུས་གསུམ་རྒྱལ་བའི་དགོངས་པ་ཡིན། མ་དང་མཁའ་འགྲོའི་སྙིང་ཐིག་ཡིན། །བཀའ་སྲུང་ཡོངས་ཀྱི་སྲོག་ཏིག་ཡིན །པཎ་ཆེན་བརྒྱ་དང་གྲུབ་ཆེན་སྟོང་། །མཇལ་ཀྱང་ཐེ་ཚོམ་གཅོད་མི་དགོས། །རང་གི་གནས་ལུགས་ཡིན ལུགས་ཀུན། །རང་ལ་ངོ་འཕྲོད་གདིང་ཐོབ་ན། །གཞན་གྱི་ཁ་ཚོན་ཉུལ་མི་དགོས། །རང་རིག་ཡེ་སངས་རྒྱས་པ་ཉིད། །རང་ལ་ངོ་སྤྲོད་རང་དབང་བསྒྱུར། །སྒོ་གསུམ་བྱ་བ་དགུ་ཕྲུགས་སུ། །བཏང་ནས་ཉམས་ལེན་གནད་ལྡན་ན། །རང་ཐོག་རང་སངས་རྒྱས་པར་འགྱུར། །འབད་རྩོལ་གཞན་ལ་བྱེད་མི་དགོས། །སྒོམ་པ་ཀློང་གྱུར་མི་རྒན་ངས། །སྙིང་ཕྱུང་ལག་མཐིལ་བཀྲམ་ནས་སུ། །མངོན་སུམ་བསྟན་པ་ལྟ་བུ་ཡི། །གདམས་ངག་ཟབ་མོ་ཁྱོད་ལ་སྟེར། །ཆུ་ལ་མ་ཕོ་སྙིང་ལ་འཆོངས། །རྣལ་འབྱོར་བསོད་ནམས་རྒྱ་མཚོ་དང་། །ཚུལ་ཁྲིམས་རྡོ་རྗེ་ཞེས་ ཇོམས་གསུང་མགུར་སྐོར བྱ་ཟུང་། །གནད་ཀྱི་མན་ངག་འདི་ཡི་དོན །རྟོགས་ནས་ངེས་མེད་རི་ཁྲོད་དུ། །འཇིགས་མེད་གཏན་བདེའི་ས་ཐོབ་ཤོག །ཅེས་བསོད་རྒྱལ་དང་ཚུལ་ཁྲིམས་རྡོ་རྗེ་གཉིས་ལ་གདམས་པའི གླུ་དབྱངས་ཐོས་པ་དོན་ལྡན་ཞེས་བྱ་བ་འདི་ནི་མི་རྒན་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག །སརྦ་མངྒ་ལཾ། TI1618 - 406 ༄༅། །གདོད་མའི་གནས་ལུགས་ཀུན་ཏུ་བཟང་པོ་ལ །མི་ཕྱེད་དད་པའི་སྒོ་ནས་ཕྱག་འཚལ་ལོ། །ཁྱོད་ནི་ངན་འགྲོའི་འཇིགས་པ་ལ་བྲེད་ནས། །ཐར་པ་དོན་དུ་གཉེར་བ་ཞིག་ཡིན་ན། །ཁྱབ་བརྡལ་དོན་གྱི་ལྟ་སྒོམ་ཉམས་སུ་ལོངས། །ཇི་ལྟར་མཚན་མོ་རྨི་ལམ་གནས་སྐབས་སུ། །རང་བཞིན་སྟོང་ཉིད་ནམ་མཁའ་ཡངས་པའི་ཀློང་། །རྒྱ་མཚོའི་ནང་དུ་སྐར་གཟུགས་ཤར་བ་ལྟར། །སྣོད་བཅུད་འདོད་ཡོན་སྣང་བ་སྣ་ཚོགས་པ། །དངོས་པོ་ཐོགས་རེག་གཟུགས་སུ་སྣང་བ་རྣམས །ཆུ་ཡི་གཟའ་སྐར་ཆུ་ལས་མི་གཞན་བཞིན། །སྣ་ཚོགས་སྣང་བ རང་གཞི་ལས་མ་གཞན། །དེ་བཞིན་ཉིན་སྣང་བདག་དང་གཞན་སྣང་བ།ཐམས་ཅད་དངོས་པོ་ཐོགས་རེག་ཅན་སྣང་ཡང་། །དངོས་མེད་ནམ་མཁའ་སྟོང་པའི་རང་བཞིན་ཡིན། །ནམ་མཁའ་ཉིད་དུ་བརྡལ་ཁྱབ་ཆོས་ཉིད་དབྱིངས །ནམ་མཁའ་མངོན་དུ་གྱུར་བའི་གདིང་ཐོབ་ན། །ལྟ་སྒོམ་ཀུན་གྱི་རྒྱལ་པོ་བླ་ན་མེད། །ཤེས་པ་མིག་སྟེ་མིག་ནི་ཤེས་པ་ཡིན །རྨི་ལམ་བར དོའི་མཐོང་མཁན་དག་ལ་ལྟོས །དེས་ན་འཁོར་འདས་ཐམས་ཅད་རང་སྣང་ཉིད། །ངོ་ཤེས་ངང་དུ་གདིང་ཐོབ་ཞིག་མཛོད་ལ། །ལུས་ངག་གི་བྱ་བ་དགུ་ཕྲུགས་སུ་ཆམ་ཞོག །རྒྱལ་ཁམས་TI1618 - 407 སུ་རྐང་པའི་འཁོར་ལོ་ནི་མ་བསྐོར། །རྩེ་གཅིག་ཏུ་སྙིང་པོའི་བསྒྲུབ་པ་ལ་འབུང་དང་། །མངོན་སངས་རྒྱས་པ་ཡི་འབྲས་བུ་ཞིག་ཐོབ་འོང་། །ཞལ་གདམས་ཀྱི་མཆོག་ནི་དེ་ལས་ཅང་མི འདུག །ཅེས་པ་འདིའང་གཅོད་པ་རྒྱ་ལིའི་ངོར་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག། 4 བདུད་འཇོམས་གསུང་མགུར་སྐོར བདུད་འཇོམས་གསུང་མགུར་སྐོར T11618 - 408 ༄༅། །ཨ་ཧོ། ལས་དང་སྨོན་ལམ་དག་པའི་མཐུས། །ཚོགས་ཤིང་དུས་ལ་བབ་པ་ཡི །དལ་བརྒྱད་འབྱོར་བཅུའི་ཡོན་ཏན་རྣམས། །རྫོགས་པའི་སྐྱེས་བུ་དམ་པ ཉོན། །རི་ཁྲོད་ཟིན་པ་ངོ་མཚར་ཆེ། །ཡོན་ཏན་བརྗོད་ཀྱིས་མི་ལང་ངོ་། །ཨོ་རྒྱན་ཆེན་པོའི་ཞལ་ན་རེ། ལོ་གཅིག་གྲོང་དགོན་ལ་བརྟེན་ནས །རྩེ་གཅིག་བསྒོམ་བསྒྲུབ་བྱེད་པ་ལས། ཞག་བདུན་རི་ཁྲོད་བརྟེན་པ་མཆོག །ཅེས་དང་། པཎ་ཆེན་ན་རོའི་ཞལ་ན་རེ། །ཚེ་གཅིག་གྲོང་དུ་བསྒྲུབ་པ་བས །ཞག་གཅིག་རི་ཁྲོད་བརྟེན་པ་མཆོག །ལོ་གཅིག་འབག་བསྙེན་བྱས་པ་བས། །ཟླ་གཅིག་ངག་བཅད་བྱས་པ་མཆོག །ཅེས་དང་།ཡུལ་ངན་སྤངས་པས་ཉོན་མོངས་རིམ་གྱིས་འགྲིབ། །ཅེས་སོགས་སྔོན་བྱོན་རྒྱལ་རྣམས་ཀྱིས། །ལན་མང་གསུངས་པའི་དོན་དྲན་ནས། །སྤྲོ་བ་བསྐྱེད་ལ་རི་ཁྲོད་བརྟེན། །དབེན་པ་བརྟེན་པའི་རྣལ་འབྱོར་ལ །དགོན་སྡེ་གྲྭ་འཁོར་སྐྱོང་རྒྱུ་མེད། །ངོ་སྲུང་མི་དགོས་ཞེ་བློ་བདེ། །གཤིན་གསོན་འདྲེན་སྐྱོབ་དོམ་བླང་མེད། །རྣམ་སྨིན་མེད་པས་ཞེ་བློ་བདེ། །ཕ་ཡུལ་སྤངས་ཏེ་རི་ལ་བྲོས། །ཆགས་སྡང་མི་དགོས་ཞེ་བློ་བདེ། །གོང་ན་དཔོན་གྱིས་ཁྲིམས་ཆད་མེད། །རྗེ་དཔོན་སྤངས་པས་ཞེ་བློ་བདེ།། བར་ན་གྲོགས་ཀྱིས་འཐབ་ཡ་མེད། །མཛའ་གྲོགས་མེད་པས་ཞེ་བློ་བདེ། །ཉེ་འབྲེལ་ཕུ་ནུ་བརྩེ་གྲོགས་སྤངས། །ཆགས་ཡུལ་མེད་པས་ཞེ་བློ་བདེ། །འགབ་ན་བྲན་དང་འཁོར་གཡོག་མེད། བླ་བཙག་མེད་དེ་ཞེ་བློ་བདེ། །ཡུལ་དང་ཡུལ་མི་ཐམས་ཅད་སྤངས། །བསྟོད་སྨད་མི་འབྱུང་ཞེ་བློ་བདེ། །རྟ་ཕྱུགས་གནག་ལུག་ཐམས་ཅད་སྤངས། །འཚོ་སྐྱོང་མི་དགོས་ཞེ་བློ་བདེ། ཟས་ནོར་ལོངས་སྤྱོད་གསོག་འཇོག་སྤངས །དགྲ་རྐུན་མེད་པས་ཞེ་བློ་བདེ། །ཁེ་དྲག་ཕམ་རྒྱལ་རྩོད་པ་སྤངས། །ཁ་མཆུ་མེད་པས་ཞེ་བློ་བདེ། །དགྲ་འདུལ་གཉེན་སྐྱོང་སྤྱོད་པ་སྤངས། བྱ་བྱེད་མེད་དེ་ཞེ་བློ་བདེ། །གནས་ལ་ངེས་པ་མེད་པར་རྒྱུ། །འདུ་འཛི་མེད་དེ་ཞེ་བློ་བདེ། །མ་བརྩིགས་རང་བྱུང་ཁང་བཟང་མཆོག།སྲིད་པའི་བྲག་ལ་གནས་བརྟེན་བྱ། །སོ་ནམ་ལས་ཀ་གསོག་འཇོག་མེད། །འཚོ་བ་བསོད་སྙོམས་དག་ལ་བྱ། །མི་ཚེ་རྨི་ལམ་གནས་སྐབས་ཙམ། །གཏན་གྱི་སྡོད་གྲབ་བྱེད་དུ་མེད། །རང་རིག་རང་ས་འཛིན་པ་ལས། །གཞན་ན་རྒྱུ་འབྲས་རྩོལ་བསྒྲུབ་མེད། །ཆོས་སྐུའི་རང་ཞལ་མངོན་དུ་བྱེད། །ལྷ་ལ་ཡིད་ཆད་བྱེད་དོན་མེད། །འཁོར་འདས་དག་མཉམ་རོལ་པར་རྟོགས། །འདྲེ་ལ་དོགས་པ་བྱེད་དོན་མེད། །སེམས་ཅན་ཕ་TI1618 - 410 ༄༅། །མའི་རང་བཞིན་ཡིན། །ཉེ་རིང་ཕྱོགས་རིས་བྱེད་དོན་མེད །ཚེ་དང་སྒྲུབ་པ་མཉམ་བྱས་ན། །འཆི་དུས་བློ་ལྷག་ཡོད་དོན་མེད། །བྱ་བཏང་བྱར་མེད་གནས་པ་ལ། །བསམ་མནོ་མང་པོ་བྱེད་དོན་མེད། །བྱ་བ་བཏང་བའི་རྣལ་འབྱོར་གྱི། །གཤིན་འདྲེན་གསོན་སྐྱབས་དོམ་བླང་ནས། །གཞན་ལ་མཆོད་སྦྱིན་ཚོགས་བསགས་པ། །རང་དོན་བོར་བའི་ཀླད་མེད་ཡིན །དེ་འདྲའི་ལད་མོ་མ་བྱེད་བུ། །ཕ་ཡུལ་སྤངས་ནས་གཞན་དུ་ཕྱིན །གྲོང་ཆོག་རོ་དོམ་ལེན་པ་རྣམས །རྫུན་མ་རང་ཕུང་བདུད་ཀྱིས་བསླུས། །དེ་འདྲའི་ལད་མོ་མ་བྱེད་བུ། །བྱ་བཏང་བླ་སྒར་ཆེན་པོ་ཡི །གོ་ས་འཛིན་ཏེ་དཀོར་བསྡུ་ན། །ལྷ་བདུད་དཀར་པོས་བསླུས་པ་ཡིན །དེ་འདྲའི་ལད་མོ་མ་བྱེད་བུ། །ཕ་ཡུལ་སྤངས་ནས་ཕ་རོལ་དུ། །མོ་གྲོགས སྤྱོད་ཅིང་འཁོར་ཆེན་འཛིན། །འདྲེ་བདུད་སྙིང་ལ་ཞུགས་པ་ཡིན། །དེ་འདྲའི་ལད་མོ་མ་བྱེད་བུ། །དེ་ལྟར་བདུད་དབང་མ་སོང་བར། །རང་དབང་རྒྱལ་པོའི་བཙན་ས་ཟུངས། །སྐྱོན་སྤང་ཡོན་ཏན་ཀུན་ལྡན་པའི། །དབེན་གནས་རི་ཁྲོད་དམ་པ་རུ། །བྱར་མེད་བྱ་བཏང་སྤྱོད་པ་སྐྱོངས །བདེ་སྐྱིད་རི་ཁྲོད་པ་ལ་ཡོད། །ན་དགའ་ཤི་སྐྱིད་དོན་ལྡན་འབྱུང་། །དྲིན་ཆེན་ཕ་མའི་དྲིན་T11618 - 411 ལན་དང་། །བླ་མ་དམ་པའི་ཞབས་ཏོག་དང་། །སེམས་ཅན་ཡོངས་ཀྱི་འགྲོ་དོན་རྣམས། །དུས་གཅིག་འགྲུབ་པའི་ཐབས་ཟབ་མོ། །རྣལ་འབྱོར་རི་ཁྲོད་པ་ལ་ཡོད། །མཛེས་ཚིག་སྡེབ་སྦྱོར་ངས་མི་ཤེས། །བརྩེ་ཞིང་བྱམས་པའི་སྙིང་གཏམ་ཡིན །དབྱར་ཁའི་མེ་ཏོག་ཡལ་ལ་ལྟོས། །སྤང་རྒྱན་སྔོན་མོ་ང་ལུས་ཀྱང། །ནམ་ཕུག་ཐུབ་པར་སྡོད་མ་ཡིན །དེ་ཕྱིར་གཅེས་པའི་བུ ཆུང་ལ། །གཡོ་སྒྱུ་མེད་པའི་ཁ་ཆེམས་ཡིན །སྙིང་ལ་འཆོངས་ཤིག་སྐལ་ལྡན་བུ། །ཨ་ཧོ། འཁོར་འདས་ཀྱི་འཛིན་རྟོག་ཐམས་ཅད། །ཆོས་ཉིད་ཀྱི་རོལ་པར་རྟོགས་པས། །གནས་ལུགས་དང་ཡིན་ལུགས་ཐམས་ཅད། །ཇི་བཞིན་དུ་རྟོགས་པའི་ལྟ་བ། །མངོན་གྱུར་གྱི་རིག་པ་ཁྱབ་བརྡལ་།མ་བཅོས་པའི་ངང་དུ་རྒྱ་ཡན །བྱར་མེད་ཀྱི་རྣལ་འབྱོར་བྱ་བཏང་། །ངེས་མེད་ཀྱི་རི་ཁྲོད་དབེན་པར། །གཡོ་མེད་ཀྱི་ངང་གནས་ཆེན་པོར། །ཀུ་ཡར་དུ་མན་པར་བློ་བདེ། །འཇིགས་མེད་ཀྱི་གདིང་ཆེན་ཐོབ་འོང་། །རང་བྱུང་གི་རིག་པ་བཅོས་མེད། །ཡེ་རྫོགས་ཀྱི་ཆོས་སྐུ་དམ་པ། །འབད་རྩོལ་ལ་མི་ལྟོས་རང་གྲོལ། །འབྲས་བུ་ལ་ཐོབ་ལེན་མེད་དོ། །རང་ངོ་རུ་རང་སངས་རྒྱས་པ། །མཁྱེན་གཟིགས་ཀྱི་ཡེ་ཤེས་ཆེན་པོ། །མངོན་གྱུར་གྱི་གཞོན་ནུ TI1618 - 412 ༄༅། །བུམ་སྐུར། །དག་མཉམ་གྱིས་རོལ་པར་ཆམ་ཞོག །མི་རྒན་གྱིས་འཆོལ་གླུ་འདི་ལ །མཛེས་ཚིག་དང་སྡེབ་སྦྱོར་མེད་ཀྱང་། །གྲོལ་བྱེད་ཀྱི་མན་ངག་ངོ་མ། མ་བརྗེད་པར་སེམས་ལ་ཞོག་དང་། །མི་སློབ་པའི་འབྲས་བུ་ཐོབ་འོང་། །ཞེས་པ་འདི་ཡང་འོད་གསལ་རྫོགས་པ་ཆེན་པོའི་རྣལ་འབྱོར་པ་རྡོ་རྗེའི་ལུང་གིས་བསྔགས་པའི་སྐྱེས་བུ་དམ་པ་སེམས་ཉིད་རྡོ་རྗེས་ནན་