Tibetan
མོ༔ དེ་ནས་རིམ་གྱིས་ཟད་པ་ནི༔ འོད་གསལ་གྱི་སྣང་བ་སྐུ་དང་ཐིག་ལེ་ཐམས་ཅད ཨོཾ༔ སྤྲིན་ཕུང་དབྱིངས་སུ་ཡལ་བ་ལྟར་རིམ་གྱིས་ཡལ་ཏེ༔ དག་དང་མ་དག་པའི་སྣང་བ་ཐམས་ཅད་ཟད་པའོ༔ ཀུན་གཞིའི་སྒྲིབ་པ་དབྱིངས་སུ་དེངས་ནས་མ་རིག པ་གཞི་ལ་སངས༔ ཉོན་ཡིད་ཀྱི་ངར་འཛིན་རང་སར་ཞི་ནས་གཟུང་འཛིན་གྱི་འཕྱང་བ་གྲོལ༔ ཡུལ་འཛིན་གྱི་ཤེས་པ་ངོ་བོར་གྲོལ་ནས་བློའི་ཟུང་ཟད༔ ཚོགས་བརྒྱད་ཀྱི་རྟོག་པ་ཡེ་ཤེས་སུ་འཕོས་ཏེ་སེམས་དང་སེམས་བྱུང་གི་རྟོག་པ་ཟད༔ མཆེད་གཞིའི་སེམས་རྟོག་ཟད་པས་མཆེད་པ་རང་སར་ཡལ༔ ཡུལ་འཛིན་གྱི་ཤེས་པ་ཟད་པས་གཟུང་བའི་ཡུལ་ཟད༔ བདག་འཛིན་གྱི་རྒྱ་གྲོལ་ཏེ་ཟག་བཅས་ཀྱི་ཕུང་པོ་ཐམས་ཅད་ཟད་པའོ༔ འདིའི་དུས་སུ་ལུས་དུར་ཁྲོད་ཀྱི་མི་རོ་རྟོག་མེད་ལྟ་བུར་སྲོག་གཅོད་སྟོང་གིས་བསྐོར་ཀྱང་བག་ཚ་བ་ཅུང་ཟད་ཙམ་ཡང་མེད་པ་དང་༔ ངག་རང་སྒྲ་བྲག་ཆ་ལྟ་བུར་སོང་ནས་སྒྲ་ཐམས་ཅད་ཀྱི་རྗེས་སུ་ཟློ་བ་དང་༔ སེམས་ན་བུན་ནམ་མཁའ་ལ་ཡལ་བ་ལྟར་རིག་པ་གདོད་མའི་མགོན་པོའི་དབྱིངས་སུ་མྱང་ངན་ལས་འདས་པས་འཁྲུལ་མི་ཤེས་པའོ༔ འདིའི་དུས་སུ་རང་རིག་གདོད་མའི་མགོན་པོའི་གོ་འཕང་མངོན་དུ་གྱུར་པ་དེ་ལས་ཡུལ་རྐྱེན་ལ་མི་ལྟོས་པའི་ཕྱིར་སངས་རྒྱས་སུམ་སྟོང་གི་ཞལ་མཐོང་ཡང་དད་པ་ཅུང་ ཟད་ཙམ་ཡང་མེད་པའི་གདིང་ཐོབ༔ རང་རིག་ཆོས་སྐུ་མཚན་མ་དང་བྲལ་བའི་དབྱིངས་སུ་ཆམ་བརྡལ་བས་བདུད་དང་གཤེད་མ་འབུམ་གྱིས་བསྐོར་ཀྱང་བག་ཚ་བ་ཅུང་ཙམ་ཡང་མེད་པའི་གདིང་ཐོབ༔ རང་ངོར་རང་གདིང་ཐོབ་པ་ལས་མྱང་འདས་རང་མཚན་པ་མེད་པའི་དོན་གཤིས་ཐོག་ཏུ་ཕེབས་པས་རྒྱུ་འབྲས་རྣམ་སྨིན་ལ་མི་རེ་བའི་གདིང་ཐོབ༔ རང་ངོ་གདིང་ནས་འཁྲུལ མི་ཤེས་པའི་ངང་དུ་རང་གྲོལ་བས་འཁོར་བ་དང་ངན་སོང་ལ་དོགས་པ་མེད་པའི་གདིང་ཐོབ༔ མཐར་ཡང་ཤེས་སྒྲིབ་ཕྲ་བའི་ཟེར་ཐག་སྙིང་ག་ནས་ཆད་དེ་དྭངས་མའི་ལུས་དེ་ཡང་ནམ་མཁའ་ནམ་མཁའ་ལ་ཐིམ་པ་ལྟར་ཆོས་དབྱིངས་སྤྲོས་པ་དང་བྲལ་བ་ཀ་དག་གཞོན་ནུ་བུམ་སྐུའི་ངང་དུ་འབྱམས་ཀླས་པའོ༔ དེ་ནི་ཀ་དག་ཆོས་ཀྱི་སྐུ་མངོན་གྱུར་པས་ཡང་དག་པར་རྫོགས་པའི་སངས་རྒྱས་སོ༔ འགའ་ཞིག་གི་ལུས་ལ་འོད་འཁྲིགས་ཤིང་འོད་ཀྱི་ངང་དུ་ཡལ་བ་དང་༔ འགའ་ཞིག་གི་མཁའ་ལ་འཇའ་སྤྲིན་འཁྲིགས་པའི་འོད་ཀྱི་སྣམ་བུས་དཀྲིས་ཤིང་འཇའ་ཚོན་གྱི་ངང་དུ་ཡལ་བ་དེ་གཉིས་ནི་འོད་ཕུང་དང་འཇའ་ལུས་ཆེན་པོར་ལུས་སེམས་མ་བྲལ་བར་སངས་རྒྱས་སོ༔ འགའ་ཞིག་ལུས་སེམས་བྲལ་བའི་རྗེས་སུ་འཇའ་དང་འོད་ཀྱི་ངང་དུ་ཕུང་པོ་ལྷག་མ་ ཨོཾཿ མེད་པར་ཡལ་བ་དང་༔ འགའ་ཞིག་ཞག་གྲངས་བདུན་ཕྲག་ཚུན་ཆད་དུ་ལུས་ཀྱི་གདོས་པ་ཇེ་ཆུང་དུ་སོང་ནས་མཐར་སྐྲ་སེན་ཙམ་སྙིགས་མར་ལུས་པ་གཉིས་ནི་འཇའ་ལུས་ཆུང་ངུ་དང་༔༷ རྡུལ་ཕྲན་དུ་དེངས་པ་གཉིས་ནི་དབང་པོའི་བྱེད་ལས་ཀྱིས་གྲོལ་ཚུལ་ཐ་དད་དུ་ཡོད་ཀྱང་སྔ་མ་ནི་ཚེ་ཚད་ལ་མི་ལྟོས་པར་ཆོས་སྐུར་སངས་རྒྱས་པ་དང་༔ བར་མ་གཉིས་ནི་ཚེ་ཚད་ཀྱི་དུས་སུ་གྲོལ་བ་དབང་པོ་འབྲིང་ལ་གྲོལ་ལུགས་གཉིས་སུ་གདའ་བ་ཡིན༔ ཕྱི་མ་གཉིས་ནི་དབང་པོ་ཐ་མ་ལ་གྲོལ་བའི་ལུགས་གཉིས་སུ་ཡོད་པའོ༔ ལ་ལས་ནི་འཇའ་ལུས་ལ་ཁ་ཆེམས་མེད་པར་འདོད་ཀྱང་སྔ་མ་ལྟར་གྲོལ་བ་དེ་ཀ་ཡིན༔ ལ་ལས་ནི་འཇའ་ལུས་ལ་ཟུག་གཟེར་མེད་པར་འདོད་པ་བར་མ་གཉིས་ལྟར་གྲོལ་བ་དེ་ཡིན༔ ལ་ལས་ནི་འཇའ་ལུས ལ་འཕོ་བ་ཡོད་པར་འདོད་པ་ཕྱི་མ་གཉིས་ལྟར་གྲོལ་བ་ལ་བྱའོ༔ དེ་ལྟར་རང་གྲོལ་ལྷུམས་འཇུག་གི་ཆོས་སྐུ་དང་༔ ཟུང་འཇུག་གཉིས་མེད་ཀྱི་ཆོས་སྐུ་དང་༔ འཕོ་བ་ཡེ་ཤེས་ཀྱི་ཆོས་སྐུ་དང་གསུམ་གང་དུ་གྲོལ་ཡང་ཆོས་ཀྱི་སྐུ་གཡོ་བ་མེད་པ་སྐུ་དང་ཡེ་ཤེས་ཀྱི་རོལ་པར་འབྱམས་ཀླས་པ་ལས༔ ཟུགས་ཀྱི་སྐུ་གང་ལ་གང་འདུལ་གྱི་ཚུལ་དང་ཐབས་སྣ་ཚོགས་ཀྱིས༔ འགྲོ་ཁམས་རྒྱ་མཚོ་མ་སྟོངས་ཀྱི་བར་དུ་འགྲོ་དོན་མཛད་པ་ནི་ཟླ་བ་དང་ཆུ་ཟླ་ལྟ་བུའོ༔ དུས་གསུམ་གྱི་རྒྱལ་བ་ཐམས་ཅད་ཀྱི་སྲོག་གི་ཡང་ཐིག་དམ་པ་བཅུད་དུ་དྲིལ་བའི་གདམས་པ་འདི་ཉིད་དཔལ་ལྡན་སྔགས་ཀྱི་སྲུང་མ་ཨེ་ཀ་ཛ་ཊཱི་དང་༔ གནོད་སྦྱིན་ཤན་པ་དམར་ནག༔ གཟའ་བདུད་དུག་གི་སྤུ་གྲི་འཁོར་དང་བཅས་པ་ཡོངས་ལ་གཏད་དོ༔ གཉེར་རོ༔ བཅོལ་ལོ༔ སྙིང་ཐིག་ཟབ་མོའི་གདུལ་བྱར་གྱུར་པ་རྣམས་ལ་སྤྲོད་ཅིག༔ ས་ལམ་གྱི་ཡོན་ཏན་ཐམས་ཅད་གོང་ནས་གོང་དུ་སྤེལ་ལ་བར་ཆད་ཀྱི་རྐྱེན་ངན་ཐམས་ཅད་བཟློག་པའི་ལས་མཛོད་ཅིག༔ དམ་ཉམས་བཀའ་ལོག་མཁས་རློམ་སྒྲོ་སྐུར་མཁན་གྱི་ལག་ཏུ་མ་བཏང་ཞིག༔ ས་མ་ཡ༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ ཞེས་བཀའ་རྩིས་ཀྱི་ཕྱག་རྒྱས བཏབ་སྟེ༔ ཀྱེེ་ང་ནི་ཁྱབ་བདག་མི་གཡོ་བའི་རྒྱལ་པོ་ཀུན་ཏུ་བཟང་པོའོ༔ འཁྲུལ་པ་གཞི་ལ་སངས་པའི་ཚུལ་ནི་འདི་ལྟ་བུའོ༔ ཞེས་གསུངས་ནས་འོད་ཀྱི་ཐིག་ལེ་མཐིང་ནག་ཞིག་ཏུ་གྱུར་ཏེ་འཁོར་ཐམས་ཅད་འོད་ཀྱི་ཀློང་དུ་སྐད་ཅིག་གིས་སྣང་བར་གྱུར་ཏེ་སྣང་མ་ཐག་ཏུ་རིམ་གྱིས་འོད་དུ་ཐིམ་ནས་ལན་ཚྭ་ཆུར་ཞུ་བ་ལྟ་བུར་འོད་དེ་ཉིད་དུ་དེངས་ནས་དབྱིངས་ཉིད་ཀུན་ཏུ་བཟང་མོའི་ ཨོཾཿ མཁའ་གསང་བདེ་བ་ཆེན་པོར་འབྱམས་ཀླས་སོ༔ ཞེས་པ་འདི་ནི་འོད་གསལ་རྫོགས་པ་ཆེན་པོ་ཀློང་ཡངས་ནམ་མཁའི་རྣལ་འབྱོར་པ་རིག་འཛིན་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་ཡེ་ཤེས་སྒྱུ་མར་རོལ་པའི་སྣང་ཉམས་སུ་ཤར་བ་གདུལ་བྱ་དུས་ལ་བབས་ཚེ་སྐལ་བཟང་སློབ་མ་རྣམས་ཀྱི་དོན་དུ་དག་པར་ཕབ་པའི་ཡི་གེ་པ་ནི་རང་སློབ་དམ་པ་ཚེས་བཅུའི་མིང་ཅན་ནོ། །དགེའོ། 608ཆེན་TH1617 - 611 TI1617 - 612 དག་སྣང་ཡེ་ཤེས་དྲྭ་བ་ལས༔ ཀ་དག་ཀུན་ཏུ་བཟང་མོའི་དབྱིངས༔ ལྷུན་གྲུབ་རྫོགས་པ་ཆེན་པོའི་མཛོད༔ ཤེས་རིག་རྡོ་རྗེ་རྣོན་པོའི་རྒྱུད༔ གསང་ཆེན་སྔགས་ཀྱི་ཡང་བཅུད་བཞུགས༔ TI1617 - 613 བདུད་འཇོམས་རྡོ་རྗེ་རྣོན་པོའི་རྒྱུད་ཨོཾཿ རིགས་དང་དཀྱིལ་འཁོར་ཀུན་གྱི་ཁྱབ་བདག་མཆོག༔ བདེ་གཤེགས་སྙིང་པོར་མི་ཕྱེད་དད་པས་འདུད༔ འཁོར་འདས་ལམ་གསུམ་མཉམ་པ་ཉིད་ཀྱི་ངང་༔ སྟོང་ཁྱབ་ནམ་མཁའ་རྣམ་པར་དག་པ་རུ༔ སྤྲོས་བྲལ་ཆོས་སྐུའི་རྣལ་འབྱོར་ཆེན་པོ་ངས༔ ཡེ་ཤེས་སྒྱུ་འཕྲུལ་རྩལ་དུ་ཤར་བའི་ཚུལ༔ གཞི་ཡི་ཆོས་སྐུ་བདེ་གཤེགས་སྙིང་པོ་ཉིད༔ སྤྲོས་བྲལ་རྣམ་ཐར་གསུམ་ལྡན་ཡེ་སངས་རྒྱས༔ ལྷུན་གྲུབ་རོལ་པ་སྐུ་གསུམ་མཉམ་སྦྱོར་དབྱིངས༔ སྟོན་འཁོར་དགོངས་པ་དབྱེར་མེད་རོལ་པ་རུ༔ བདག་དང་སྐལ་པ་མཉམ་པའི་སྐྱེས་བུ་འགའི༔ T1617 - 614 ཨོཾཿ ལས་སྨོན་བསོད་ནམས་བཟང་པོའི་དཔལ་དུ་ཤར༔ ལམ་འདིར་ལས་འཕྲོ་མེད་པའི་སྐྱེ་བོ་ཡིས༔ རི་མོའི་ཟས་ནོར་བཞིན་དུ་ཐོབ་ལེན་མེད༔ སྐལ་བཟང་སྐྱེས་བུ་དག་གི་སྤྱོད་ཡུལ་དུ༔ ཆོས་ཉིད་ནམ་མཁའ་མཛོད་འདི་ཕ་ཕོག་ཕེབས༔ སྟོན་མཆོག་ཀུན་བཟང་ཁྱབ་བདག་རྡོ་རྗེ་ཡིས༔ སྒྱུ་འཕྲུལ་རོལ་པའི་འཁོར་དུ་ངོམས་པ་ལ༔ ཉོན་ཅིག་གཉིས་མེད་རོལ་པའི་རང་རྩལ་འཁོར༔ ཀུན་བྱེད་རྒྱལ་པོ་སྒོ་གསུམ་གཙོ་ལ་བརྟག༔ ངོས་བཟུང་ཀུན་བྱེད་རྒྱལ་པོའི་གཟུགས་ཁ་དོག༔ བྱུང་གནས་འགྲོ་གསུམ་ཡུལ་མེད་ཟང་ཐལ་ངང་༔ ཁྲེགས་ཆོད TI1617 - 615 ལམ་གྱི་ངོ་བོར་ལྷུན་གྱིས་གྲུབ༔ གཅིག་ཅར་གཞི་མེད་རྩ་བྲལ་ལམ་དུ་ཚུད༔ གཞན་དག་ནམ་མཁའ་དག་ལ་བབས་ཀྱིས་བཞག༔ བདུན་ཕྲག་གསུམ་གྱིས་ངེས་གསང་ལམ་དུ་འཛུད༔ དབང་པོ་དམན་པའི་རིགས་ཅན་དག་ལ་ཡང་༔ གནས་དང་འགྱུ་བ་གཉིས་སུ་ངོ་སྤྲད་ནས༔ སེམས་ལ་ལམ་བྱས་རིག་པའི་དབྱིངས་སུ་སྐྱེལ༔ དང་པོ་གཉིས་ནས་གཅིག་གྱུར་རྩེ་གཅིག དང་༔༷ མ་བལྟས་བཞག་པས་རང་རྩལ་མངོན་གྱུར་དང་༔ སྟོང་པ་ཧར་སང་དྲན་སྟོང་ཡན་པ་དང་༔ སྟོང་གསལ་ངང་གནས་རང་གསལ་དྲན་པ་ཞེས༔ སྔ་མ་གཉིས་ཀྱིས་གང་ཤར་མངོན་དུ་བྱེད༔ ཕྱི་མ་གཉིས་ནི་འཛིན་སྟངས་ཁོ་ན་ལས༔ རྣམ་པར་རྟོག་པ་འགགས་པས་མི་རྟོག་པ༔ ཀུན་ལ་བདེ་དང་སྟོང་པ་གསལ་སྣང་ཚོགས༔ ཞེན་དང་ཆགས་པའི་ཡུལ་དུ་གྱུར པ་དང་༔༷ ལུས་ངག་ཡིད་ལ་ན་ཚ་མི་བདེའི་ཉམས༔ སོ་ཟིན་མེད་པར་རིམ་པ་བཞིན་དུ་འབྱུང་༔ བཟང་པོར་རེ་རློམ་མངོན་ཞེན་སྐྱེས་པ་དང་༔ ངན་པར་དོགས་དང་གནོད་བྱེད་རང་རྒྱུད པར༔ བལྟས་ཚད་གོལ་ཤོར་ནོར་བའི་འཕྲང་ལ་ཐོགས༔ ཀུན་གྱི་སྤྱི་ཆིངས་ལམ་གྱི་གནད་གཅིག་པུ༔ བདེ་སྡུག་བར་གསུམ་མྱོང་ཚོར་ཐམས་ཅད་ཀུན༔ བདེན་མེད་ཉམས་ཀྱི་རྫུན་རིས ༥ཨོཾ༔ ངེས་པ་རུ༔ ཤེས་ཏེ་དགག་སྒྲུབ་མེད་པར་བཞག་པས་ན༔ གོལ་ཤོར་ཚར་གཅོད་ཤེས་རབ་མིག་གཅིག་ཡིན༔ འགའ་ཞིག་བཤེས་གཉེན་དམ་པ་རིང་གྱུར ནས༔ ས་བཅད་ལྔ་པོ་ལམ་གྱི་དམ་པར་བཟུང་༔ རྩེ་གཅིག་ཉམས་སུ་ལེན་ལ་བརྩོན་དྲག་ན༔ སེམས་ཀྱི་རྩལ་ཉམས་དྲན་པའི་ངང་བརྟན་ནས༔ མི་ཡི་ལུས་ལ་དུད་འགྲོའི་སེམས་སུ་འགྱུར༔ འགའ་ཞིག་སྨྱོ་འབོགས་དག་ཏུ་འཕྱན་པར་འགྱུར༔ དེ་ཕྱིར་དགེ་བའི་བཤེས་གཉེན་འབྲལ་མེད་བསྟེན༔ མདོར་ན་འདི་དག་སེམས་ལ་ལམ་བྱེད་སྐབས༔ ཐར་དང་རྣམ་མཁྱེན་ལམ་ལ་སྤུ་ཙམ་ཡང་༔ ཉེ་བ་མ་ཡིན་ཕྱིར་ན་ཡུན་རིང་པོར༔ བརྩོན་འགྲུས་དྲག་པོས་ཉམས་སུ་བླངས་ན་ཡང་༔ མི་ཚེ་སྟོང་ཟད་ཆུད་དུ་ཟ་བར་ངེས༔ ཤེས་པར་གྱིས་ཤིག་སྐལ་བཟང་སྐྱེས་བུ་རྣམས༔ ཤེས་རིག་རྡོ་རྗེ་རྣོན་པོའི་རྒྱུད་ལས༔ མ་དག་པ་སེམས་ལ་ལམ་བྱེད་པའི་སྐབས་ཏེ་དང་པོའོ༔ ཤེས་རབ་རྡོ་རྗེ་རྣོན་པོ་མངོན་གྱུར་ནས༔ རིག་པ་ལུང་མ་བསྟན་གྱི་གཞི་ལས་འཕགས༔ ཅི་ཡང་མ་ཡིན་སྨྲ་བསམ་བརྗོད་ལས་འདས༔ བསྒོམ་བཅོས་དགག་སྒྲུབ་མེད་པར་རང་ཡན་པ༔ ཤེས་རབ་རྡོ་རྗེ་རྣོན་པོར་ལྷུན་གྱིས་གྲུབ༔ ལྟ་སྒོམ་སྤྱོད་པ་གཞི ལམ་འབྲས་བུའི་ཆོས༔ སྐྱབས་སེམས་ཕར་ཕྱིན་དྲུག་དང་ལྷ་སྔགས་དལ༔ མ་ལུས་རྡོ་རྗེ་རྣོན་པོར་གཅིག་དྲིལ་རྫོགས༔ མ་རིག་ཉོན་མོངས་བདུད་ཀྱི་དབང་གྱུར་པའི༔ སེམས་ཅན་གང་དག་སྐད་ཅིག་བྱེ་བྲག་ཕྱེད༔ རྣམ་མཁྱེན་རྫོགས་པའི་སངས་རྒྱས་མངོན་དུ་བྱེད༔ ལྷར་བཅས་སྐྱེ་རྒུའི་བསོད་ནམས་ཞིང་སར་འགྱུར༔ ཤེས་རིག་རྡོ་རྗེ་རྣོན་པོའི་རྒྱུད་ལས༔ ལྷག་མཐོང་རྡོ་རྗེ་རྣོན་པོའི་རང་ཞལ་མངོན་དུ་བྱེད་པའི་སྐབས་ཏེ་གཉིས་པའོ༔ སོར་རྟོག་ཤེས་རབ་རྡོ་རྗེ་རྣོན་པོ་ཡིས༔ བདག་རྟོག་འཁོར་བའི་རི་བོ་བཅོམ་པར་བྱེད༔ འཁོར་བའི་རྩ་བ་ང་རུ་འཛིན་པ་ཡི༔ བྱུང་གནས་འགྲོ་གསུམ་མིང་དང་དངོས་པོར་གཞིག༔ ཡུལ་མེད་སྟོང་པ་ཉིད་དུ་ཐག་ཆོད་པ༔ གང་ཟག་བདག་མེད་གཏན་ལ་ཕེབས་པའོ༔ བདག་དང་ཡུལ་གྱི་མིང་གི གདག་གཞི་བཙལ༔ ཡུལ་མེད་སྟོང་པ་ཉིད་དུ་ཐག་ཆོད་ནས༔ དངོས་པོ་ཐམས་ཅད་རྡུལ་ཕྲན་ཆ་མེད་ནས༔ རང་བཞིན་མེད་པར་སྟོང་པའི་ངང་ཚུལ་བརྟག༔ འདི་སྣང་ཕྱི་སྣང་རྨི་ལམ་སྣང་སྲིད་ཆོས༔ ཡུལ་མེད་སྟོང་པའི་དབྱིངས་སུ་ཐག་ཆོད་བྱ༔ ལས་འབྲས་དགེ་སྡིག་ལྷ་འདྲེས་ཕན་གནོད་པ༔ ཡུལ་མེད་ཟང་ཐལ་ངང་དུ་ཐག་ཀྱང་གཅོད༔ སངས་རྒྱས་དང་ནི་སངས ཨོཾ༔ རྒྱས་ཞིང་བཀོད་པ༔ ཁམས་གསུམ་འཁོར་བའི་སྣང་སེམས་ཡུལ་དང་བཅས༔ བྱུང་གནས་འགྲོ་གསུམ་གཞི་དང་རྩ་བ་བཅད༔ ཐམས་ཅད་ཡུལ་མེད་སྟོང་པ་ཉིད་ཀྱི་ངང་༔ ཁ་ཙམ་མིན་པར་དོན་གྱིས་ཤེས་པར་གྱིས༔ སྟོང་ཆེན་ནམ་མཁའ་འཁོར་བའི་སྣང་གཞིར་གྲུབ༔ ཐམས་ཅད་ཡུལ་མེད་ནམ་མཁའི་ཁོར་ཡུག་ཏུ༔ ཐག་བཅད་ནམ་མཁའ་ཀུན་གྱི་གཞི་རུ་གྲུབ༔ ནམ་མཁའ་རྣམ་པར་དག་པ་སངས་རྒྱས་ཏེ༔ གཞི་ཡི་ཆོས་སྐུ་བདེ་གཤེགས་སྙིང་པོ་ལགས༔ དེས་ན་ཐམས་ཅད་སྟོང་པ་ཉིད་དུ་རྟོགས༔ བདག་མེད་ཤེས་རིག་རྡོ་རྗེ་རྣོན་པོ་ཉིད༔ མངོན་གྱུར་གཞིར་གནས་རིག་པ་ཚད་དུ་ཕེབས༔ དེ་མཐར་རེ་དོགས་འཛིན་ཞེན་ཕུག་རྡིབ་ཕྱིར༔ སྒོ་གསུམ་རྡོ་རྗེ་གསུམ་དུ་གསལ་བཏབ་ནས༔ ཆིངས་ཆེན་གསུམ་གྱི་མན་ངག་གནད་ལྡན་པས༔ གཉན་ཁྲོད་ངེས་མེད་དག་ཏུ་རྒྱུ་བྱས་ནས༔ གཅེས་འཛིན་ལུས་ཀྱི་མཆོད་སྦྱིན་མཆོག་ཏུ་བྱ༔ དེ་ཡིས་རེ་དང་དོགས་པའི་རྫུན་ཕུག་རྡིབ༔ ཤེས་རིག་རྡོ་རྗེ་རྣོན་པོའི་རྒྱུད་ལས༔ གཞི་ཡི་ཆོས་སྐུ་མངོན་དུ་བྱེད་པའི་སྐབས་ཏེ་གསུམ་པའོ༔ སྣང་སྲིད་ཀུན་གྱི་ངོ་བོ་སྟོང་པ་ཉིད༔ སྟོང་ཆེན་ལམ་གྱི་ངོ་བོར་ལྷུན་གྱིས་གྲུབ༔ ངོ་བོ་T1617 - 619 ཆོས་སྐུ་བདེ་གཤེགས་སྙིང་པོ་ནི༔ འཁོར་འདས་གཉིས་ཀྱིས་བཅོས་དང་བསྒྱུར་དུ་མེད༔ སྤྲོས་པའི་མཐའ་བྲལ་རྣམ་ཐར་སྒོ་གསུམ་ལྡན༔ སྐུ་ལྔ་རིགས་ལྔ་ཡེ་ཤེས་རྣམ་ལྔ་དང་༔ ཞིང་ལྔ་ཡབ་ལྔ་ཡུམ་ལྔ་དཀོན་མཆོག་གསུམ༔ རྩ་གསུམ་རིགས་དང་དཀྱིལ་འཁོར་དབང་བསྙེན་པ༔ མ་ཧཱ་ཡོ་གའི་ངོ་བོར་ལྷུན་གྱིས་གྲུབ༔ ལུས་ཀྱི་ནང་གནས་བཀོད་པ་ལྔ་ལྡན་དང་༔ རྩ་རླུང་ཐིག་ལེ་སྦྱང་བསྒྱུར་འབར་འཛག་ལམ༔ དབང་དང་དགའ་བཞིར་བཅས་པ་ཐམས་ཅད་ཀུན༔ བདེ་གཤེགས་སྙིང་པོའི་ལྷུན་གྲུབ་ཆ་ལས་འཕྲུལ༔ མདོར་ན་ཆོས་སྐུ་མཚན་མ་བྲལ བའི་དབྱིངས༔ འཁོར་བའི་སྒོ་བསྟུན་མིང་ཚུལ་མཚན་མས་བཅིངས༔ གདུལ་བྱ་རྟག་འཛིན་ཅན་རྣམས་ཁ་དྲངས་ཕྱིར༔ མངོན་པར་ཞེན་པ་དྲུག་ལས་ལྡོག་པའི་ཕྱིར༔ གསལ་དག་སྟོང་པ་གསུམ་གྱིས་རུ་བཟློག་བྱེད༔ དེ་ཕྱིར་ཀུན་རྫོབ་བཅོས་མའི་ཆོས་དེ་དག༔ དཔེར་ན་རྒྱ་མཚོར་ཆུ་ཕྲན་སྤྲོ་བསྡུ་བཞིན༔ བདེ་གཤེགས་སྙིང་པོར་ཐེག་ཀུན་སྤྲོ་བསྡུ་བྱེད༔ དེ་ཕྱིར་གཞི་ཡི་རྫོགས་པ་ཆེན་པོར་གྲགས༔ རྟག་ཆད་མཐར་ཞེན་མུ་སྟེགས་ལམ་ཚོལ་བ༔ སྣང་སེམས་མངོན་ཞེན་འཐས་པས་རྒྱུད་འཁྲུལ་འཁོར༔ གང་ཟག་བདག་མེད་ལམ་བྱེད་ཉན་ཐོས་པ༔ ༦ཨོཾ༔ རྟེན་འབྲེལ་ལུགས་ལྡོག་སྟོང་འཛིན་རང་རྒྱལ་ལམ༔ སྣང་སྲིད་སེམས་སུ་ལྟ་བའི་སེམས་ཙམ་པ༔ ཐམས་ཅད་སྟོང་པར་འཛིན་པའི་དབུ་མ་པ༔ གཙང་སྦྲ གཙོར་སྟོན་ཡུལ་ཞེན་ཀྲི་ཡ་པ༔ ལྟ་སྤྱོད་གོང་འོག་འདྲེས་པའི་ཨུ་པ་ཡ༔ དམ་ཡེ་ཐ་དད་རང་རྒྱུད་ཡོ་ག་པ༔ ཡུལ་གོལ་རང་རྒྱུད་ལྟ་བའི་མ་ཧཱ་དང་༔ དབྱིངས་ཡེ་རྒྱུ་འབྲས་མངོན རློམས་ཨ་ནུའི་ལམ༔ དེ་དག་རྣམས་ཀྱི་ས་ལམ་ཉམས་རྟོགས་ཀུན༔ རྫོགས་པ་ཆེན་པོའི་ལྷུན་གྲུབ་ཉག་ཕྲན་རེ༔ རྒྱ་མཚོའི་ཆུ་བླངས་རྒྱ་མཚོར་འཛིན་པ་བཞིན༔ འདི་དོན་རྟོགས་པས ཐེག་ཀུན་ཉམ་རེ་ཐག༔ ཤེས་རབ་ཡེ་ཤེས་མངོན་གྱུར་རིག་པའི་དབྱིངས༔ སྤངས་ཐོབ་བྲལ་བའི་སངས་རྒྱས་ཀུན་ཏུ་བཟང་༔ འཁོར་འདས་ལམ་གྱི་ངོ་བོ་རྫོགས་པ་ཆེ༔ ཡིན་ཕྱིར་ལམ གྱི་རྫོགས་པ་ཆེན་པོར་གྲགས༔ རྒྱུ་ཡི་ཐེག་ཀུན་འབྲས་བུ་རློམས་པའི་ས༔ བདེ་གཤེགས་སྙིང་པོ་མངོན་གྱུར་ཀུན་བཟང་ཉིད༔ འཁོར་བའི་སྣང་སེམས་སྐུ་དང་ཡེ་ཤེས་སུ༔ མ་སྤངས་རང་གྲོལ་རྒྱལ་ཀུན་བཀའ་ཚད་མ༔ དེ་ལས་འབྲས་བུ་རློམས་པ་ཨ་ཐང་ཆད༔ དེ་ཕྱིར་ཆོས་རྣམས་ཀུན་གྱི་འབྲས་བུར་གྱུར༔ འབྲས་བུའི་རྫོགས་པ་ཆེན་པོར་ལྷུན་གྱིས་གྲུབ༔ སྲིད་དང་ ཞི་བའི་མཐའ་རུ་མ་ལྷུང་བར༔ མཁྱེན་དང་གཟིགས་པའི་ཡེ་ཤེས་རྩལ་ཆེན་འབར༔ མིང་གི་འཇུག་སྒོ་ཐ་དད་མ་གྲུབ་ཀྱང་༔ གདུལ་བྱའི་དོན་དུ་མིང་གི་ཐ་སྙད་གདགས༔ ཤེས་རིག་རྡོ་རྗེ་རྣོན་པོའི་རྒྱུད་ལས༔ གཞི་རང་གི་མཚན་ཉིད་དང་ཡོན་ཏན་གཏན་ལ་དབབ་པའི་སྐབས་ཏེ་བཞི་པའོ༔ དེ་ཕྱིར་ཀ་དག་ཆེན་པོའི་རོལ་པ་ལས༔ མ་དག་འཁོར་བའི་སྣང་སེམས་མཆེད་པ་ནི༔ བདག་རྟོག་ཕྲ་བས་ཤེས་རབ་ཡེ་ཤེས་བསྒྲིབ༔ གཞི་ཡི་མདངས་གདངས་ལྷུམས་སུ་ནུབ་པ་ལས༔ ཕྱི་གདངས་འཁོར་བའི་ཀུན་གཞི་ལུང་མ་བསྟན༔ བེམ་སྟོང་མཁའ་ལས་གསལ་བའི་ཆ་མངོན་ཅིང་༔ ངར་འཛིན་ཤེས་པ་སྣང་སེམས་མཆེད་གཞིར་ལངས༔ ཡིད་ཉིད་གཅིག་པུ་འཆར་རུང་གཞིར་གྲུབ་ནས༔ རྣམ་པར་ཤེས་པ་དྲུག་གི་གཡོ་སྒྱུ་ལས༔ མ་ངེས་སྣང་ཡུལ་སྒྱུ་མའི་འཕྲུལ་བཞིན་སྣང་༔ སོ་ཟིན་མེད་པར་སྤུ་རྩེ་རླུང་བསྐྱོད་བཞིན༔ འཕྲུལ་གཡོ་འབྱེད་སྡུད་བསྒྱུར་བྱེད་རླུང་ལྔ་ཡིས༔ མ་དག་བསྐལ་པ་ཆགས་གནས་འཇིག་སྟོང་བྱེད༔ སྒོ་ལྔའི་རྣམ་ཤེས་གཟུང་བ་ཡུལ་དུ་མཆེད༔ ཡིད་ཤེས་ཕྲ་བའི་འགྱུ་རྟོག་འཛིན་པར་ལངས༔ ཉིན་གཅིག་ཕྲ་བའི་བསྐལ་པ་གྲངས་མེད་ནུབ༔ ཡིད་ཀྱི་ཁམས་སུ་ཡོ་ལོག་ཉིན་སྣང་ ༦༥ཨོཾཿ དང་༔༷ ཀུན་གཞིའི་ཁམས་སུ་ཡོ་ལོག་མཚན་སྣང་ཤར༔ གཉིད་དུ་ཕྱོགས་ཚེ་བསྐལ་པ་དབྱིངས་སུ་ཞིག༔ ཀུན་གཞི་གཟུགས་མེད་ཉོན་ཡིད་གཟུགས་ཀྱི ཁམས༔ ཡིད་ཉིད་འདོད་པའི་ཁམས་སུ་ལྷུན་གྱིས་གྲུབ༔ ཁམས་གསུམ་ཕྱི་རུ་རྡུལ་ཙམ་སྲིད་མ་ཡིན༔ བདག་ལྟའི་རཱུ་ཏྲ་འཁོར་བའི་མ་ཏྲཾ་ཀ༔ ཁྱོད་ལུས་འདོད་ཁམས་ངག་ཀྱང་གཟུགས་ཀྱི་ཁམས༔ ཡིད་ནི་གཟུགས་མེད་སྐྱེ་མཆེད་མུ་བཞིར་གནས༔ ཤ་ཁྲག་དྲོད་དབུགས་དཀར་དམར་ཐིག་ལེ་དབྱིངས༔ འབྱུང་བཞི་ཉི་ཟླ་སྒྲ་གཅན་དང་བཅས་གྲུབ༔ བདག་མེད་ཤེས་རིག་རྡོ་རྗེ་རྣོན་པོ་ཡི༔ ཤུགས་དང་རླབས་ཀྱིས་བསྒྲལ་ནས་དག་དབྱིངས་སུ༔ དྭངས་མ་སྐུ་དང་ཡེ་ཤེས་ཆེན་པོར་མངོན༔ འཁོར་བ་མ་སྤངས་སངས་རྒྱས་ཉིད་དུ་གྲོལ༔ བདག་ལྟ་མ་སྤངས་ལྷུན་གྲུབ་རོལ་པར་ཞི༔ ཤེས་རིག་རྡོ་རྗེ་རྣོན་པོའི་རྒྱུད་ལས༔ གསང་བའི་གཟུང་འཛིན་གཏན་ལ་དབབ་ཅིང་རང་གྲོལ་གྱི་ཚུལ་བསྟན་པའི་སྐབས་ཏེ་ལྔ་པའོ༔ གཞི་དབྱིངས་དོན་གྱི་སངས་རྒྱས་དཔང་བཙུག་སྟེ༔ སྨོན་ལམ་རྣམ་པར་དག་པའི་སྟོབས་བསྐྱེད་ནས༔ རྣམ་མཁྱེན་སངས་རྒྱས་ས་རུ་དམ་བཅའ་བཞག༔ དུས་ཀུན་འཆི་སྦྱང་དང་ནི་སྦ་བསྡུ T1617 - 6 ཡི༔ མན་ངག་གནད་ལ་བསླབ་པ་མཆོག་ཏུ་གཅེས༔ ཀུན་གཞི་དབྱིངས་གྱུར་ཆོས་སྐུ་ཀུན་ཏུ་བཟང་༔ ཡིད་ཤེས་དབྱིངས་གྱུར་ཤེས་རབ་ཆེན་པོ་ཉིད༔ སེམས་ཉིད་མངོན་གྱུར་རིག་པ ལམ་གྱི་མཆོག༔ རྣམ་ཤེས་མངོན་གྱུར་ཡེ་ཤེས་རྩལ་དུ་འབར༔ སེམས་ཅན་ངོ་བོ་མངོན་གྱུར་སངས་རྒྱས་ཉིད༔ མ་དག་སྣང་སེམས་ཟད་པ་གྲོལ་བ་དངོས༔ གོ་བ་གཤིས་ཐོག་ཕེབས པ་རྟོགས་པར་ངེས༔ དེ་ལྟར་ཤན་འབྱེད་གནད་ལ་མ་རྨོངས་པར༔ ཉམས་ལེན་གནད་དུ་བསྣན་པ་མཆོག་ཏུ་གལ༔ ཤེས་རིག་རྡོ་རྗེ་རྣོན་པོའི་རྒྱུད་ལས༔ ཉམས་ལེན་གྱི་གནད་དང་ཤན་འབྱེད་ཀྱི་འཕྱོང་བསྟན་པའི་སྐབས་ཏེ་དྲུག་པའོ༔ དེ་ལྟར་གནས་ལུགས་མངོན་གྱུར་རྫོགས་པ་ཆེའི༔ ཡིན་ལུགས་ཚུལ་བཞིན་རྟོགས་པའི་ཤེས་རབ་ཀྱིས༔ ལྟ་སྒོམ་སྤྱོད་པ་གཅིག་དྲིལ་གནད་ལྡན་བྱ༔ ལམ་གྱི་ལམ་མཆོག་མྱུར་ལམ་སྙིང་པོའི་ཆོས༔ སྤྱན་དང་མངོན་ཤེས་རྫུ་འཕྲུལ་རླབས་པོ་ཆེའི༔ བདག་ཉིད་འཕོ་བ་ཆེན་པོའི་གྲོང་འཇུག་པའི༔ ཐོད་རྒལ་ལམ་ལ་བསྟེན་པས་མྱུར་དུ་གྲོལ༔ ཤེས་པ་དང་པོ་ཡུལ་དུ་མཆེད་པ་ཡི༔ སྙིགས་མའི་སྣང་བ་བཙན་ཐབས་ཉིད་དུ་ནི༔ དྭངས་མའི་དབྱིངས་སུ་འཕོ་བའི་གདམས་པ་སྟེ༔ ཤེས་པ་དང་པོ་འོད་ ༦༥ད༔ གསལ་སྣང་བ་རུ༔ མཆེད་དེ་ཤེས་རབ་མིག་ལ་ལྟད་མོར་མངོན༔ སྣང་བ་འོད་གསལ་ཆེན་པོར་མཆེད་དེ་འཕེལ༔ རིག་པ་བཅུད་དུ་སྨིན་པའི་ཕྱག་རྒྱར་ངོམས༔ སྣང་སེམས་ཟད་པས་ཆོས་ཉིད་དབྱིངས་སུ་བརྒལ༔ འཕོ་ཆེན་གཞོན་ནུ་བུམ་སྐུར་སངས་རྒྱས་ཏེ༔ རྟགས་ཀྱང་མཁའ་ལ་མཁའ་ཐིམ་ཇི་བཞིན་དུ༔ ཚེ་དང་དུས་ལས་ཚད་ཐོག་མཐར་མི་